GUILHERMINO: “KAZU VICENTE LA PRESIZA IMUNIDADE”

DILI-Prezidente Tribunal Rekursu (TR) Guilhermino da Silva, deklara katak krimi nebee Prezidente Parlamentu Nasional Vicente Guterres komete konba partisipasaun ekonomia e negosiu nee ho pena prizaun liu tinan rua, la presiza hasai imunidade.

Tuir Prezidente TR Guilhermino katak Krimi nebee dun ba Prezidente Parlamentu Nasional Vicente Guterres, maka krimi Partisipasaun ekonomia e negosiu, ida nee previstu iha artigu 299 Kodigu Penal, nebee ho dura penal abstrata tama prizaun tinan 2 too tinan 8.

Maibee ida nee koalia liu konba detensaun, sira hetan detensaun pragaritu delitu ou hahalok ida nee liu tinan rua. Tamba kazu nebee dun ba Prezidente Parlamentu nee liu tinan rua, nee depende juiz nebee kaer prosesu nee ninia kompetensia, tamba nia maka sei deside.Se nia hare katak pena nebee previstu ba nee, la presiza lebantamentu imunidade, nee bele despaizu katak julgamentu bele lao deit ona sein hein lebantamentu imunidade,” hateten Prezidenti TR Guilermino, ba Jornalista sira hafoin simu deklarasaun riku soin membru Governu husi PM Rui Maria de Araujo, iha Caicoli, Dili, Kuarta (15/04/2015).

Maibee tuir Prezidente Tribunal Rekursu nia hanoin diak liu iha PN, iha mos volontariu ida, atu bele halo levantamentu imunidade, tuir situasaun konkreta nebee iha. Nee hatudu katak kolobora, agora se la kohi kolobora, hakarak atu impede justice lao neneik lai, husik hela hanesan nee. Informasaun kompletu iha STL Jornal no STL Web, edisaun Kinta (16/4/2015). Joao Anibal

Suara Timor Lorosae