Igreja Husu F-FDTL Labele Tau Brutalizmu iha Kakutak

DILI: Igreja Katólika kontinua alerta ba membru FALINTIL-Forsa Defeza TimorLeste (F-FDTL) atu mantein servisu profisionál. Nune’e, tenke hasai ona hanoin atuasaun brutalizmu husi kakutak.

“Luta atu labele iha hanoin brutalizmu, lae bele sai kauza ba konflitu. Tanba ne’e tenke renova ita ida-idak nia-aan maski ita la'o dook husi buat ne'ebé ideál”, dehan Bispu Dioseze Dili, Don Virgílio da Silva do Carmo, iha ninia omilia bainhira prezide misa padrueira São Miguel Arcanjo, iha Kuartél Jerál F-FDTL, Fatuhada, horisehik.

Bispu dehan, prezensa ba família tenke sai fonte alegria no mós parte vida moris ho rekonsiliasaun, liu-liu fonte unidade iha família, la'ós atu sobu.

Kada enkontru ne'ebé iha tenke kontente, maibé dala barak iha realidade moris buat ne'ebé mosu kontráriu ho ideál Maromak ninian. Kontradisaun ne’e mosu tanba kontra buat ne'ebé la di’ak.

Alkatiri Buka Feto Ba Justisa no Turizmu

DILI: Posta balun iha VII Governu Konstitusionál sei mamuk hela. Ne’e duni, Primeiru Ministru, Mari Alkatiri, agora daudaun buka hela figura feto atu prienxe fatin hirak ne’e, liu-liu ba ministériu justisa no turizmu.

“Ha’u buka daudaun maluk feto sira atu tuur iha ministériu justisa no turizmu. Ne’e mak ha’u sei husik mamuk hela ne’e”, dehan Xefe Governu, iha Palásiu Prezidensiál, Tersa (3/10).

Alkatiri deklara katak, polítika ne’e hatuur atu tane aas igualdade jéneru no mós fatin sira ne’e serve duni atu feto sira mak sei asume.

Ba kargu rua ne’e, nia dehan, identifika ona feto maluk barak maibé sei halo prosesu selesaun didi’ak hodi bele eskolla na’in de'it fatin ne’e.

Ne’e duni, iha faze tuir mai ba pose ikus nian bele iha ona maluk feto na’in rua mak prontu ona simu responsabilidade nu’udar ministra justisa no turizmu.

Komunidade Insatisfaz ho Transferénsia ESJ

DILI, (TATOLI) – Rezultadu sondajen ne’ebé hala’o husi Komisaun Funsaun Públika (KFP) parseria ho organizaun lokál INSIGHT hatudu katak komunidade insatisfaz ho transferénsia Eskola Sekundária Jerál (ESJ) ba Ensinu Tékniku Vokasionál (ETV) tanba falta informasaun.

“Insatisfasaun boot liu mak komunidade sira, pursentu 59 la hatene informasaun kona-ba transferénsia Eskola Sekundária Jerál ba Ensinu Tékniku Vokasionál”, informa Komisária KFP, Maria Domingas Alves ba mídia sira iha salaun INFORDEPE Balide, sesta (6/10).

Nia hatutan, depois komunidade barak hela do’ok husi eskola públika, iha eskola privada. Entaun, komunidade sente katak sira esforsa-aan ba selu tanba besik duke sira ba eskola públika maibé dook. Laduun di’ak mós karteira no meza seidauk di’ak liu.

Ministériu Edukasaun iha área neen mak Komisaun Funsaun Públika (KFP) toma konta. Programa neen ne’e ho rezultadu sondajen husi respondente 1.200 hetan satisfasaun di’ak.

PEDN-Sustentabilidade Ekonómika Planu Prioridade MSS

DILI, (TATOLI) – Ministra Solidariedade Sosiál (MSS), Florentina Smith informa ministériu elabora ona planu prioridade ba tinan lima nian, 2017 to’o 2022 mak kontinua Planu Estratéjiku Dezenvolvimentu Nasionál (PEDN).

Nia esplika, PEDN ne’e refleta ba situasaun reál ne’ebé mak ministériu atu implementa hanesan seguransa sosiál, servisu sosiál, asuntu kombatente libertasaun nasionál.

Ida ne’e, papel ministériu tenke hala’o no tenke kontinua tanba ida ne’e kompromisu no tama ona iha planu asaun to’o dezembru.

Pontu daruak mak MSS elabora planu foun, haree polítika ba MSS, haree polítika ida ne’ebé mak ko’alia kona-ba polítika sustentabilidade ekonómika.

Katak fó atendimentu ba públiku liuhusi servisu sosiál ba grupu vulnerável sira, defisiénsia sira no parte seluk hodi hakbiit nafatin sira, la’ós de’it hanesan bolsa da mãe, la’os de’it pagamentu ba idozu sira, ba asuntu veteranu sira ka asuntu sosiál sira seluk maibé bele mós prepara sira atu aban bainrua sai grupu ne’ebé di’ak liu.

MINISTERIU SAUDE NO WORLD VISION TIMOR-LESTE - komunikadu konjuntu

KOMUNIKADU IMPRENSA KONJUNTU 

Asina NE entre MS no WVTL

Dili, 6 Outubru 2017 ─ Ohin, asina ona Nota Entendimentu (NE) entre Ministériu Saúde (MS) no World Vision Timor-Leste (WVTL) atu harii kolaborasaun iha setór saúde, espesífiku iha programa sira saúde inan no oan, bee moos, ijiene no nutrisaun sensitivu. Tanba ne’e, WVTL sei kolabora ho MS atu promove programa sira ne’e iha Munisípiu, Aileu, Baucau, Bobonaro no Covalima. 

Diretora Jerál ba Prestasaun Saúde, Sra. Odete da Silva Viegas fahe “MS asina NE ho parte rua ONG nasionál no internasionál tanba sira-nia papél signifika tebes atu asisti ministériu hodi promove kuidadu saúde primária iha komunidade”.

MS no WVTL sei kordena atividade sira iha idak-idak-nia área atu masimiza benefisiu saúde ba komunidade nomós atu redús kúalker traballu dupla no masimiza efikásia.

Konsellu Ministru Aprova ona Programa Governu

DILI, (TATOLI) – Governu konstitusionál dahituk liuhosi enkontru Konsellu Ministru extraordináriu loraik ne’e, aprova programa governu hodi submete ba Parlamentu Nasionál (PN) iha segunda, semana oin.

Sekretáriu Estadu Konsellu Ministru no Komunikasaun Sosiál, Matias Freitas Boavida informa enkontru ne’ebé hala’o ne’e ho ajenda úniku mak ko’alia no finaliza programa Governu dahituk nian.

“Programa Governu ne’e ha’u lakohi ko’alia detalladamente, Governu sei haruka ba Parlamentu Nasionál no ita hein bainhira mak Parlamentu Nasionál disponibiliza atu ita bele ko’alia kle’an liután iha Parlamentu Nasionál”, informa ba jornalista sira iha Palásiu Governu, ohin.

Hatán katak opozisaun sei fó apoi ba programa ne’e, porta vós Governu ne’e hatete iha firmeza no korazen tomak katak buat hotu sei la’o ho di’ak no opozisaun parte husi Estadu no laiha problema.

Jornalista: Maria Auxiliadora | Editora: Rita Almeida

Foto: Reuniaun Konsellu Ministru sira-nian. Foto GPM

WFP Husu PN Atensaun Ba Mal Nutrisaun

DILI, (TATOLI) – World Food Programme (WFP) observa katak, Timor-Leste nia problema sériu ida mak mal nutrisaun, tanba ne’e husu atu Parlamentu Nasionál autoriza governu aloka osan ba redusaun mal nutrisaun.

“Husu ba PN hanesan reprezentante povu, atu fó importánsia ba problema mal nutrisaun ne’ebé oras ne’e sai hanesan preokupasaun boot iha Timor-Leste,” Diretór World Food Programme (WFP) iha Timor-Leste, Stephen Kearney, afirma iha komunikadu ne’ebé Ajénsia Tatoli asesu, ohin.

Stephen Kearney foin lalais ne’e halo ona enkontru ida ho prezidente Parlamentu Nasionál, Aniceto Guterres hodi ko’alia kona ba kontinuasaun kooperasaun ho PN tanba, hahú hosi III lejizlatura WFP ho PN inisia ona kooperasaun.

WFP nia misaun iha Timor-Leste nia programa espesífiku ida mak kona-bá alimentasaun, foku iha malnutrisaun.

Iha enkontru ne’e, Prezidente Parlamentu Nasionál konsidera asuntu mal nutrisaun hanesan asuntu nasionál ne’ebé presiza fó atensaun.

PN kompromotivu sei kolabora ho governu atu fó importánsia ba polítika ida atu bele redús mal nutrisaun iha Timor-Leste.

Jornalista: Julia Chatarina | Editór: Manuel Pinto

Foto: Prezidente Parlamentu Nasionál, Aniceto Guterres. Foto Antonio Goncalves

MUTL Sujere Kansela Sosa Prado

DILI – Parlamentu Nasional (PN) simu ona karta husi Movimentu Universidade Timor-Leste (MUTL), sujere atu kansela tiha politika sosa Prado foun ba reprezentante povu husi bankada lima, maske antes nee deputadus terseira lejistura aprova ona orsamentu hodi hein implementa deit.

Tuir Portavoz PN Lidia Norberta, bazeia ba karta neebe MUTL fo iha loron 2 Outubru neebe liu loron 3 ona no MUTL hein hela sira nia manifestasaun no husi PN konsidera direitu sira nian hodi hatoo sira nia aspirasaun. MUTL sira nia aspirasaun nee tuir lei iha konstituisaun artigu 48, maibe husu atu koopera ho autoridade seguransa nian.

“Konteudu husi karta MUTL mak sujere atu kansela ba desizaun neebe foti ona iha PN sosa prado foun, maibe ida nee PN hanesan mahon ba lejislasaun hotu neebe bainhira kria desizaun tenke kumpri,” informa Lidia liu husi komferensia imprensa iha PN Kinta (05/10/2017).

Nia hatutan, desizaun neebe foti ona nee difisil atu halao, mezmu difisil tenke halao ho rigor. Tanba, Konsellu Administrasaun reuniaun ona sei lori ba iha plenaria neebe desijaun nee tenke kontinuasaun ba komprimisiu neebe mak iha III too IV lejislatura.

Apropria Osan Banku ANZ, AMB Ameasa Suspensaun

DILI - Liu husi alegasaun final, Ministeriu Publiku (MP) husu ba tribunal atu aplika pena prizaun tinan rua no suspende tinan rua ba arguida AMB, neebe komete rime furtu agravadu. Nee previstu iha Artigu 252 Kodigu Penal Timor Leste. Tanba nee, iha audensia julgamentu, MP husu ba tribunal atu aplika pena prizaun tinan rua, suspende tinan rua ba arguidu AMB.

Alende nee, husi parte defeza husu ba tribunal atu aplika pena neebe adekuada ba arguidu,  tanba iha deklarasaun arguida nian katak osan nee arguida fo fila ona. Elementu ba krimi nee la prinse ba iha krimi furtu agravadu neebe previstu iha artigu 252 kodigu penal Timor Leste.

Rona tiha husi parte rua tribunal adia ba 24/10, oras 16:00 hodi submete ba iha desizaun final.

Tuir akuzasaun husi MP katak, Iha loron 12 fulan Maio 2015, tuku 17:00 iha ANZ Sukursal, Timor Plaza Comoro Dili, iha altura neeba parte husi Complianse Manager hetan informasun katak iha balkaun arguida nia osan menus Short diference hamutuk USD $ 2000.00 rihun rua.

Kazu Taibessi Sei Iha Prosesu Investigasaun

DILI - Relasiona ho kazu konfrontus neebe maka akontese iha Taibesi, foin lalasi nee, hodi resulta vitima Adelino mate iha fatin, kazu nee rasik sei iha hela prosesu investigasaun.

Tuir Komandante Jeral Polisia Nasional Timor-Leste (PNTL) komisariu Julio da Costa Hornay katak relasiona ho kazu konfrontasaun Taibesi dadaun nee sei iha prosesu investigasaun.

“Suspeitu ba kazu nee rasik ita kaer ona hamutuk ema nain tolu proseu investigasaun lao hela aver se iha tan suspeitu seluk relasiona ho kazu nee,” dehan Komisariu PNTL Julio Hornay ba jornalista sira hafoin remata enkontru semenal ho Prezidente Republika Francisco Guterres Lú Olo, iha palasiu Prezidensial Bairo Pite (5/10/2017).

Komandante jeral PNTL nee mos hatutan liu tan alemde kazu Taibesi iha kazu krimi seluk hanesan kazu homesidiu, neebe maka akontese iha Batugade. Tamba ema deskonesidu neebe maka oho vitima hodi soe no husi polisia hetan ona vitima nia isin mate, maibe ba kazu nee rasik mos sei iha investigasaun no oras nee lao hela atu buka tuir autor neebe maka halo aktus krimi nee. 

Natalino Costa | Suara Timor Lorosae

Numeru Dezempregu Kada Tinan Sa’e

Prezidente Konselho Nasional Joventude Timor-Leste (CNJTL) Maria Dadi Magno hateten numeru dezempregu iha rai laran kada tinan sa’e maka’as, tanba kada tinan numeru estudantes akaba iha ensino sekundariu barak mos.

Nia hateten, husi numeru hirak ne’ebe akaba estudu, balun mak kontinua sira nia estudu iha nivel universidade no balun mos la’e.

“Kada tinan numeru dezempregu sa’e to’o 15,000-20,000, tanba kampu de servisu laiha,” Prezidente CNJTL Magno hateten, iha Dili.

Iha parte ida, nia kontente tanba numeru estudantes akaba estudu husi ensino sekundariu barak, maibe triste tanba sira ne’ebe la kontinua estudu sai dezempregu.

“Iha kuantidade ita kontente, maibe iha kualidade ita triste, ita bele halo estimasaun 7,000 deit mak kontinua sira nia eskola, balun hetan bolsu estudu tantu rai liur no rai laran,” nia hateten.

Informasaun Iha Facebook Ameasa ba Obra Jornalista Nian

Konselheiro Konselho Imprensa (KI) Timor-Leste, Paulo Araujo hateten informasaun sira iha media social hanesan facebook bele sai ameasa ba iha servisu jornalista nian, tanba ema barak asesu liu informasaun iha ne’eba duke notisia iha jornal sira.

Nia dehan, facebook hanesan media social ida ne’ebe mosu ho programa internet no ema hotu bele transforma informasaun iha ne’eba no lais liu maibe sem peskiza ida ne’ebe klean kona ba informasaun ne’ebe sira tau ba.

“Tanba jornalista nian sei liu husi peskiza ho tratamento editorial, sei liu husi prosesu naruk ida foin hatun notisia ida, enkuantu facebook la presiza buat barak atu hasai notisia ba publiku,” nia hateten via telefone.

“Entaun ida ne’e sai ameasa ba jornalista iha Timor, tanba agora ema uza facebook hanesan fontes ba informasuan, lais liu, liu-liu rezultadu elisaun jeral rua foin lalais ne’e, ema barak liu akompanha liu husi facebook.”

Tanba ne’e, nia sujere kada instituisaun media presiza reforsa servisu jornalismu nian, tenke hametin kredibilidade jornalista nian.

MUTL Hato’o Karta Petisaun Ba PN

DILI, (TATOLI) – Movimentu Univesitária Timor-Leste (MUTL) hato’o karta petisaun ida ba Parlamentu Nasionál (PN) konaba kansela no invalida desizaun hola kareta foun ba deputadu sira.

“Movimentu Universitária Timor-Leste hato’o karta petisaun ba Parlamentu Nasionál, hakarak kansela no invalida desizaun atu hola prado foun, Parlamentu Nasionál hanesan mahon ba lejislasaun hotu-hotu bainhira halo desizaun no kria lejislasaun tenke kumpri ba lejislasaun ida halo ona”, afirma Sekretária Meza, Lídia Norberta iha konferensia imprensa ne’ebé realiza iha uma fukun, kinta (5/10).

Nune’e nia esplika líder bankada sira fó apresiasaun ba karta husi MUTL tanba tuir artigu 48 hateten sidadaun hotu atu individuál ka koletivu iha direitu atu halo petisaun.

Hodi fó hanoin, desizaun ne’ebé foti ona ne’e difísil tebes maibé tenke hala’o ho rigor tanba bainhira Konsellu Administrasaun (KA) sira reuniaun no submete ba plenáriu, plenáriu rasik unanimidade katak desizaun ida foti husi órgaun (KA) hanesan órgaun reprezentativu PN no deputadu hotu tanba ne’e tenke mantein nafatin no kontinua desizaun III lejislatura ba IV lejislatura.

Defesa de casal condenado em Timor-Leste recorre de sentença alegando irregularidades

Díli, 04 out (Lusa) - Um casal português condenado a oito anos de prisão em Timor-Leste por peculato recorreu esta semana da sentença, considerando que esta "padece de nulidades insanáveis" mais comuns em "regimes não democráticos", baseando-se em provas manipuladas e até proibidas.

O recurso pede a absolvição do casal. Ao longo de 273 páginas, a defesa de Tiago e Fong Fong Guerra apresenta 13 pontos de contestação ao acórdão da sentença, incluindo, por exemplo o que dizem ser a violação de um direito fundamental, nomeadamente a "intromissão não autorizada em correspondência".

"Ao fim de 15 sessões de julgamento e depois de ter sido proferido o Acórdão ora colocado em crise, constata a defesa, sem qualquer margem para dúvida, que este processo padece de várias nulidades insanáveis, algumas das quais apenas acontecem em regimes não democráticos, o que não é o caso de Timor-Leste", refere o texto a que a Lusa teve acesso.

PR timorense renova mandato de chefia das forças de defesa de Timor-Leste (F-FDTL)

Díli, 05 out (Lusa) - O Presidente timorense, Francisco Guterres Lu-Olo, renovou por mais um ano os mandatos dos três responsáveis máximos das forças de defesa de Timor-Leste (F-FDTL) dando assim parecer positivo a uma proposta nesse sentido feita pelo Governo.

Os três decretos, publicados hoje no Jornal da República, confirmam a renovação, a partir de sexta-feira, do mandato do major-general Lere Anan Timur, chefe do Estado-Maior General das Forças Armadas, do brigadeiro-general Filomeno da Paixão de Jesus, vice-chefe do Estado-Maior General das Forças Armadas, e do coronel Falur Rate Laek, como chefe do Estado-Maior das Forças Armadas.

No passado dia 26 de setembro, o Governo propôs a recondução dos mandatos dos três líderes militares.

Já no ano passado, o executivo aprovou uma alteração ao estatuto dos militares para ampliar extraordinariamente por um terceiro mandato o comando das F-FDTL.

Recursos petrolíferos foram motor de "traições australianas" a Timor-Leste - livro

Díli, 05 out (Lusa) - Os recursos petrolíferos pertencentes a Timor-Leste no Mar de Timor foram "motor dominante" das "sucessivas traições" da Austrália aos timorenses desde que atribuiu unilateralmente as primeiras licenças de exploração na zona em 1963, revela um novo livro.

"A reação australiana à invasão indonésia de Timor Português foi influenciada pelo seu interesse nos campos petrolíferos de Timor Gap. A Austrália tinha um interesse multibilionário em que a Indonésia ocupasse Timor Português", refere o texto.

O livro, "Atravessar a linha - A História secreta da Austrália no Mar de Timor", da académica australiana Kim McGrath indica que "os fortes interesses nos recursos de petróleo e gás do Mar de Timor foram mantidos secretos do público australiano" e dos principais aliados.

"A maioria dos australianos não faz a mínima ideia do que ocorreu. Timor-Leste é um dos nossos vizinhos mais próximos e a conduta do Governo relativamente a Timor tem sido absolutamente vergonhosa", disse McGrath, em entrevista à Lusa.