Maioria australianu hakarak rezolve diferendu kona-ba fronteira ho Timor-Leste - sondajen

Maioria australianu sira defende negosiasaun ho Timor-Leste hodi konklui ba definisaun permanente fronteira entre nasaun rua, sei fó ba  timoroan kuantia boot liuhosi rekursu Tasi Timor nian, tuir  sondajen ida ne’e.

Sondajen ReachTEL ba Australia Institute hatudu katak  56,5% hosi kuaze sondadu ema  10.300 defende atu fronteira tenki delimitada no respeita direitu internasionál.

Besik 17%  hosi  inkiridu sira  defende atu  fronteira labele define tuir direitu internasionál no 26,6%  lahatene ka laresponde.

Tuir  Bem Oquist, diretór ezekutivu Australia Institute, sondajen ne’e hatudu katak  maioria australianu hakarak solusaun ida  justu ba Timor-Leste relasiona ba asesu rekursu Tasi Timor.

" Governu tenki rona  opiniaun jerál populasaun nian ba assuntu ne’e  no inisia negosiasaun oin mai  ho espíritu amizade foun ida no respeitu ba direitu internasionál", afirma, iha komunikadu.

Australia Institute identify hanesan "think tank progressista mais influente", iha nasaun ida ne’ebé agora lidera lidera hosi liberais conservadores.

Parte fronteira permanente entre nasaun rua kontinua tenki define,  ho divizaun rekursu rejiaun nian bazeia lai ba akordu temporáriu no Timor-Leste pressiona Kamberra ba delimitasaun ida  ho konsensuál.

Delegasaun Timor-Leste no Austrália hala’o ona  reuniaun, hetan protesaun hosi Komissaun Konsiliasaun Nasoins Unidas ne’ebé halo hela mediasaun entre nasaun rua, tuir  sekuénsia asaun ida ne’ebé  foti hosi Governu timoroan.

Ronda ikus negosiál nian hala’o  fulan-outubru iha Singapura ho parte rua konsidera katak  enkontru ne’e " produtivu tebes".

Kontaktu ne’e tama iha prosesu Komissaun Konsiliasaun Públika, ne’ebé konvoka hosi Timor-Leste 11 abril, iha ámbitu Lei Tasi nian, hodi  tenta obriga  Kamberra halo negosiasaun ba delimitasaun fronteira marítima entre nasaun rua.

Enkontru sériu ida seluk entre parte rua no komisaun sei hala’o iha 2017, antesipa atu prosesu ne’e  mantein konfidensiál maski  iha posibilidade " deklarasaun públika konjunta seluk".

Iha finál fulan-setembru, komissaun deklara ho kompetente atu kontinua ho prosedimentu konsiliasaun entre Timor-Leste no Austrália, ho nune’e rejeita kontestasaun Kamberra nian ba prosesu ne’e.

 "Desizaun  kona-ba Kompeténsia Jurisdisionál" hanesan  derrota dahuluk Austrália nian iha prosesu, ne’ebé hetan kontesta ba kompeténsia komissaun iha 29 fulan- agostu, bainhira  hala’o  sessaun abertura, iha Haia.

Timor-Leste hahú  Prosedimentu Konsiliasaun Obrigatória (PCO) ne’e, tuir  termu Anexu V  hosi Konvensaun Nasoins Unidas kona-ba  Direitu Tasi nian, tanba konsidera katak maski iha  akordu temporáriu hodi fahe hamutuk  rekursu Tasi Timor nian, kontinua laiha fronteira permanente entre nasaun rua.

Díli reklama moos katak  Austrália dada-an ona hosi  prokedimentu rezolusaun internasionál, ne’ebé limita " meiu Timor-Leste nian atu kumpri sira nia direitu bazeia ba  direitu internasionál".

SAPO TL ho Lusa

Reseita ne’ebé Timor-Leste simu sei liu estimativa ba tinan 2016 nian

Reseita la’os-petrolífera ne’ebé simu hosi kofre públiku timor-oan nian, sei liu fali espetativa tinan ne’e nian, ne’ebé uluk ho dolár milloens 171,42, hanesan folin ne’ebé aumenta pratikamente iha fulan novembru ninia klaran. 

Portál Transparénsia, ne’ebé fó sai kona-ba gastu no reseita hosi Estadu nian, to’o ohin, konfirma katak, bainhira hela de’it loron 46 hodi hakotu tinan fiskál, ezekusaun reál hosi reseita hirak ne’e hamutuk 99% hosi ida ne’ebé orsamentadu.

Estadu simu ona dolár milloens 169,63, falta atu ezekuta milloens 1,79.

Iha 2015, reseita Estadu liu fali ida ne’ebé previstu iha orsamentu, tanba ezekusaun totál hamutuk dolár milloens 193, 84, ka 113,8% hosi estimativa Orsamentu Estadu nian ne’ebé, besik milloens 170, 37.

Kona-ba despeza, ezekusaun orsamentál reál (pagamentu ne’ebé hala’o beibeik) besik dolár rihun milloens 1,09, ka 55,77% hosi orsamentu totál dolár rihun milloens 1,95.

Karik valór ne’e maka soma ho kompromisu milloens 274 no obrigasaun milloens 233,8, maka taxa ezekusaun nian sei sa’e ba 67,7%.

Iha 2015, Estadu ho ona ezekusaun reál hamutuk dolár rihun milloens 1,34, ne’ebé sa’e ba 90% karol soma ho kompromisu nomós obrigasaun hothotu, tuir saida maka fó sai iha Portal Transparénsia nian.

Taxa ezekusaun nian kiik, maski konta ho orsamentu inisiál ba tinan 2016, ne’ebé uluk ho dolár rihun milloens 1,56 no aumenta ba milloens 390 ho orsamentu retifikativu.

Karik konsidera valór inisiál hosi Orsamentu Estadu, maka taxa ezekusaun reál ba oras ne’e hamutuk 69,7%.

SAPO TL ho Lusa 

JORNALISTA EUA PRONTU SAI SASIN, PROSESA WIRANTO, PRABOWO-HENDRO BA TI

Jornalista husi Estadus Unidus Amerika (EUA), Alan Nairn husu ba Estadu Timor Leste (TL) atu lori Jeneral Wiranto, Prabowo no Hendro Priwono ba Tribunal Internasionál (TI), hodi responsabiliza ba sira nia atuasaun krime ne’ebé sira komete iha TL, durante okupasaun Indonesia.

Jornalista EUA Alan dehan, nia prontu sai sasin ba kazu violasaun direitus humanus iha TL, tanba iha momentu ne’eba, nia hanesan jornalista internasionál husi Estadus Unidus Amerika nian iha TL, hodi asiste diretamente no grava hotu saida mak ema hirak ne’e komete iha TL.

“Ohin ha’u ho Prezidenti Repúblika ko’alia asuntu balu, ha’u hatete ba Prezidenti Repúblika katak, Jenderal sira Indonesia nian hanesan, Wiranto, Prabowo no Hendro Priwono, tenki hatan iha justisa ba atuasaun krime ne’ebé sira komete iha Timor Leste,” informa Alan Nairn ba jornalista sira iha Palácio Prezidénsia Repúblika Aitarak Laran Díli, Segunda (14/11).

Nia esplika, Prabowo  tenki responsabiliza ba masakre Kraras ne’ebé Timor-oan lubuk ida mate iha tinan 1983.

“Timor-oan atus ba atus mate tanba oho husi militar Indonesia ne’ebé komanda husi Prabowo, no Hendro Priwono tenki responsabiliza penculikan masal iha Timor Leste, iha tempu referendum nian iha tinan 1999, militar Indonesia culik Timor-oan atus ba atus iha tempu ne’ebá hodi ba oho,” Alan fundamenta.

Nia dehan, Hendro Priwono tenki responsabiliza atuasaun ida ne’e, tanba iha momentu ne’eba nia mak hanesan Mentri Transmigrasi, entaun nia tenki responsabiliza situasaun ida ne’e.

“Wiranto iha tempu ne’eba, nia patraun bo’ot ba operasi terror tinan 1999 iha Timor Leste, inklui operasaun milisi, tanba milisi ne’e, kria husi Tentara Nasionál Indonesia, li-liu KOPASUS, atu asalta no estraga povu Timor Leste, inklui igreja sira iha Timor Leste,” katak Alan.

Nia afirma, iha tinan 1999, milisia sira oho Timoroan hamutuk rihun ida resin, no sunu hotu Timoroan sira nia uma, inklui igreja balu iha Timor Leste.

“Operasi sira ne’e hotu, akontese hotu iha Wiranto nia lideransa ka nia ukun, no to’o agora mós sei iha dakwaan ba Wiranto nia hahalok krime husi PBB, maibé Wiranto sa’e ona Ministru iha Indonesia. Hanesan ha’u dehan tiha ona iha Komemorasaun 12 Novembru iha semitériu Santa Cruz katak, ema hanesan ne’e, la merese atu sai Ministru, nia merese liu sai tahanan,” esklarese jornalista internasionál ne’e.

Alan dehan, nia espera atu Estadu Timor Leste bele foti asaun ruma ba ema nain hirak ne’e nia hahalok, tanba hahalok sira nian ne’e, viola direitus humanus.

“Ema sira ne’e tenki kaer lori ba tribunal, mesmu sira Jeneral bo’ot, Timor Leste iha direitu tuir lei internasionál, atu prosesa ema aat sira hanesan ema sira ne’e,” tenik nia.

Alan dehan, hanesan sidadaun Amerika, nia mós la kontenti ho ulun bo’ot balu iha Amerika, ne’ebé iha tempu ne’eba apoiu Indonesia tama mai Timor Leste.

“Ha’u hatete mós Prezidenti Repúblika katak, ha’u mós espera katak, ema bo’ot balu husi Amerika mós, tenki prosesa ba justisa, tanba sira mak apoiu kilat no osan i apoiu polítika no fó lisensa ba militar Indonesia atu tama iha Timor Leste hodi oho Timoroan barak,” afirma nia.

Alan dehan, durante nia iha Timor Leste, nia sei halo pidatu iha UNDIL no UNTL kona-ba hahalok militar Indonesia nian iha Timor Leste, tanba iha momentu ne’ebá, nia hanesan sasin ba akontesementu barak iha Timor Leste.

“Kuandu Estadu Timor Leste brani lori Jeneral hirak ne’e ba tribunal internasionál justisa, ha’u sei apoiu hodi fó informasaun no dokumentus hotu ne’ebé ha’u hetan iha momentu ne’eba, bainhira sira halo asaun violasaun direitus humanus iha Timor Leste, ha’u mós bele mai hanesan sasin kona-ba enkontru sira ne’ebé ha’u halo ho Prabowo no Hendro, li-liu kona-ba saida mak ha’u haree ho matan iha Díli, hanesan masakre Santa Cruz no krime 1999,” dehan nia.

Alan dehan, la’os nia de’it, maibé iha ema barak mak hakarak sai sasin ba krime ne’ebé mak militar Indonesia sira halo ba povu Timor Leste iha tempu naruk.

Alan afirma, mundu tenki hatene lia los, li-liu saida mak militar Indonesia sira halo ba povu Timor Leste.

Antes ne’e, Ministru ESTATAL, Dionisio Babo hatete, lori Wiranto ka se-se deit ba Tribunal ne’e, Jornalista Alan Nairn nia opiniaun pesoal, no ema hotu iha opiniaun pesoal. Maibe Estadu Timor-Leste iha nia polítika rasik.

“Ne’e ema hotu iha opiniaun pesoal. Maibe Estadu Timor-Leste iha nia polítika rasik atu haree kestaun ne’e,”dehan Dionisio Babo.cos

Jornal Nacional

KBRI REALIJA FEIRA EDUKASAUN

Kedutaan Besar Republik Indonesia (KBRI) iha Timor Leste (TL) realija feira edukasaun ho objetivu prepara no hasa’e koñesimentu estudante TL konaba kualidade husi Universidade hotu ne’ebé existe iha Indonesia liu-liu ba estudante TL ne’ebé maka remata ona estudu iha nivel Sekundariu no iha hanoin atu ba kontinua eskola iha Universidade Indonesia.

“Objektivu prinsipal husi feira edukasaun ne’e atu prepara no hasa’e koñesimentu estudante TL konaba kualidade no prosesu estudu iha Universidade hotu ne’ebé existe iha Indonesia liu-liu ba estudante TL ne’ebé maka remata ona estudu iha nivel Sekundariu ho nune’e wainhira iha estudante balun ke hakarak atu ba kontinua eskola iha Universidade Indonesia bele hatene no eskolla ona Universidade ne’ebé diak no kualidade ba sira rasik,”hateten Robert Hedy Soerjiayudha nudar atase pendidikan Republik Indonesia (RI) untuk Dili-TL, ba Jornalista sira hafoin partisipa iha feira Edukasaun, iha KBRI Mascarinhas-Dili, Segunda (14/11/2016).

Nia dehan, Universidade ne’ebé tuir feira Edukasaun ne’e maioria mai husi Universidade Indonesia inklui Universidade balun ne’ebé ejiste iha TL.

“Universidade ne’ebé tuir feira Edukasaun ne’e maioria mai husi Universidade Indonesia ho total 13 ne’ebé kompostu husi Universitas Islam Malang, Universitas Kristen Satya Wacana (UKSW) salatiga, Universitas Kristen Duta Wacana (UKDW) Yogyakarta, Unika Widya Mandira Kupang, Stikom Bali no seluk-seluktan no iha Universidade 7 husi TL nian ne’ebé kompostu husi Universidade Nasional Timor Lorosa’e (UNTL), Institute of Bussines (IOB), Universidade da Paz (UNPAZ), Universidade Oriental Timor Lorosa’e (UNITAL), Universidade de Dili (UNDIL), Dili Institute of Tecnology (DIT) no Canosa,”dehan Robert Hedy.

Iha fatin hanesan, Vise Ministru Edukasaun, Abel da Costa Ximenes hateten, inisiativa diak tebes husi KBRI ne’ebé maka realija ona feira edukasaun ne’e, tanba bele hasa’e koñesimentu husi estudante TL konaba situasaun no prosesu aprendisazen iha Indonesia e feira ne’e rasik involve mos Universidade TL.

“Ha’u hanoin inisiativa diak ida husi KBRI ne’ebé maka realija ona feira Edukasaun ne’e, tanba estudante TL presija koñese situasaun no informasaun balun konaba ensinu superior iha Indonesia hodi determina opsaun hakarak eskola iha Universidade TL ou Indonesia, maibe wainhira hakarak eskola iha Universidade Indoneia karun liu duke iha Timor no difikuldade bo’ot tebes, tanba tenki estuda bahasa Indonesia,”hateten Abel da Costa.

Reitor Universidade DIT, Manuel Vong akresenta liutan katak, feira refere hanesan mos sosialijasaun ida konaba lalaok no prosesu tomak husi kada Universidade.

“Feira ne’e hanesan mos sosialijasaun ida ba estudante ne’ebé remata ona estudu iha nivel Sekundariu molok hakat ba nivel Universitariu ho nune’e bele tulun sira hodi eskolla no hili Departementu (jurusan-red) inklui mos Universidade ne’ebé sira atu eskola ba,”tenik Manuel. Ita

Jornal Nacional

Natalino: “Teme Iha Provas Ministru CNRT Involve Korupsaun Lori Ba Tribunal”

DILI – Xefi bankada CNRT Natalino dos Santos hateten, deputadu Jorge Teme iha evidensia forte dehan Ministru barak husi CNRT involve iha korupsaun lori ba Tribunal, laos julga no buka popularistas liu fali husi media.

Kestaun nee deputadu Natalino hatoo, hodi responde ba kestaun neebe deputadu husi bankada Frente Mudansa Jorge Teme neebe hateten, ohin loron ema rona Ministru husi CNRT barak maka involve kazu korupsaun, maibe nunka hasai sira nia imunidade hodi ba hatan iha Tribunal.

Hau hateten katak, bainhira se iha provas pur favour deputadu Jorge Teme eis Sekertariu Estadu iha Kuartu Governu, eis Ministru iha Kintu Governu bele lori membru Governu sira neebe nia mensiona halo korupsaun lori ba Tribunal, laos fo sai fali iha media hodi buka popularitas,” dehan deputadu Natalino ba jornalista sira iha PN, Dili, Tersa (15/11/2016).

Reprezentante povu nee haktuir tan katak, iha altura neebe kuandu iha kintu Governu partidu boot maka kaer Governu Jorge Teme mos tama iha laran, iha kuartu Governu partidu boot maka kaer nia tama iha Governu, tanba saida maka altura neebe Jorge Teme lakoi denunsiu, entaun nia mos kontribui ba korupsaun neebe maka iha.

Antes  nee deputadu husi bankada Frente Mudansa Jorge da Conceição Teme hateten, ohin loron ema rona Ministru husi CNRT barak maka involve kazu korupsaun, maibe nunka hasai sira nia imunidade hodi ba hatan iha Tribunal. Informasaun kompletu iha STL Jornal no STL Web, edisaun Kuarta (16/11/2016). Carme Ximenes

Suara Timor Lorosae

PN Simu Ona Karta Levantamentu Imunidade Vicente Guterres

DILI – Parlamentu Nasional (PN) simu ona karta levantamentu imunidade deputadu Vicente Guterres, husi Tribunal Distrital Dili, iha semana kotuk.

Prezidente PN Aderito Hugo da Costa hatete, karta levantamentu imunidade deputadu Vicente Guterres nian, tama ona iha semana liu ba, maibe sei tau iha lider bankada para hare oinsa maka atu bele rejolve.

Sim karta levantamentu imunidade deputadu Vicente Guterres nian, tama ona iha semana liu ba nee, ami sei tau iha lider bankada para hare oinsa maka atu bele hasai imunidade,” dehan PR PN Aderito, ba jornalista sira iha PN, Dili, Tersa (15/11/2016).

Responde ba kontiudu husi karta nee, PR PN Aderito hatete, kontiudu karta nee sei tau lai iha lider bankada maka bele fo sai, tanba nee korespondensia orgaun ida ho orgaun seluk. Nia dehan, Semana-semana iha lider bankada, neebe hare semana oin, ou lider bankada semana nee tau para hare halo nia andamentu ou lae.

Iha fatin hanesan deputadu bankada Fretilin Paulo Monis Maia hatete, normalmente lei nee estabelse ba ema hotu, se deputadu ida notifikasaun husi Tribunal mai ona iha PN, hakarak ka lakoi tenke hasai imunidade para nia bele ba hatan iha Tribunal. Informasaun kompletu iha STL Jornal no STL Web, edisaun Kuarta (16/11/2016). Carme Ximenes

Suara Timor Lorosae

Emilia Abandona Justisa, Publiku Kestiona Kredibilidade Tribunal

DILI - Eis Ministra Firnansas Emilia Pirres neebe deskonfia Komete Krime Partisipasaun ekonomia hamutuk ho Madalena Hanjam, Publiku komesa kestiona kredibilidade Tribunal tamba abandona Justisa iha Timor Leste.

Tuir Diretur Luta hamutuk Mericio Akara katak iha lei nia oin lasura ema boot no kiik, hotu-hotu hanesan labele iha diskriminasaun kuandu nunee, publiku bele interpreta lei berlaku ba ema kiik maibe ema boot proteze malu.

Eis Ministra Emilia Pires halo viazen ba rai liur hodi abandona justisa no la fo inportansia ba disizaun tribunal bolu lakohi fila nee publiku bele kestiona kredibilidade ita nia tribunal nian,” dehan Mericio ba STL Segunda (15/11/2016) iha Nia knar fatin Farol.

Nia hatete kazu nee publiku interpreta katak bele iha impunidade ba ema boot no iha futuru ema sei la respeita Tribunal, nunee bele fila fali ba iha hukum rimba katak ema neebe forte bele manan iha tribunal.

Iha fatin ketak Xefi bankada PD Maria Lurdes Bessa hatete kazu Emilia Pires, bankada PD preukupa kestaun justisa iha Timor Leste, tan nee husu responsabilidade Tribunal no Emilia hotu.

Mekanismu neebe Tribunal uza hodi lori fila Arguida Emilia, Tuir Maria katak Tribunal presiza hare dalan no ligasaun neebe mak iha, maibe nee responsabilidade tribunal nian. Informasaun kompletu iha STL Jornal no STL Web, edisaun Kuarta (16/11/2016). Timotio Gusmao

Suara Timor Lorosae

TDD Sei Hatun Desizaun Ba Emilia

DILI - Iha loron Kuarta (16/11/2016) oras tuku 16:00 otl, Tribunal Distrital Dili (TDD) sei foti desizaun forte hasoru arguida Emilia Pires ba nia hahalok, neebe durante nee halimar no la kumpri ba tribunal.

Tribunal hatete, liu husi julgamentu mak tribunal foin bele foti desizaun hasoru arguida Emilia Pires ho nia hahalok neebe mak durante nee la kumpri ba tribunal depois hetan autorizasaun hodi sai ba estranjeiru.

Ultimatum ikus mak tribunal fo tan tempu loron 8 ba arguida Emilia Pires hahu iha loron (4/11) too (11/11) hodi legaliza relatoriu medicu iha dokumentu nia laran, maibe arguida kontinua la kumpri no too agora. Tanba tribunal sei foti desizaun iha loron Kuarta (16/11/2016).

Tuir Advogadu Privadu Pedro Camoes neebe fo defesa ba Emilia Pires katak, desde halo operasaun iha loron (5/11) too agora nia parte seidauk simu informasaun ruma. Nia rasik manda ona mensajem no telefone, maibe nia kliente la fo resposta.

Audensia julgamentu nee prezide husi juiz kolektivu Jose Maria de Araujo, Francisca Cabral no Maria Solana Fernandes. Ministeriu Publiku reprezenta Prokuradora Angelina Saldanha, Lidia Soares no Jacinto Babo. Arguida Emilia Pires hetan asistensia legal husi Advogadu Privadu Pedro Camoes no advogadu Portugal nain ida. No arguida Madalena Hanjam hetan asistensia legal husi advogadu privadu, Jose Guterres akompana husi advogadu Portugal nain rua. Informasaun kompletu iha STL Jornal no STL Web, edisaun Kuarta (16/11/2016). Domingas Gomes

Suara Timor Lorosae

Interferensia Sistema Judisiariu Iha TL Kontinua Mosu

DILI - Sosiedade sivil sira iha Timor Leste triste tebes haree ba Sistema judisiariu iha Timor Leste, neebe kontinua hamosu interferensia husi husi politiku nain sira parte ida hafraku sistema.

Tuir Koordenador Advokasia HAK, Honorio de Almeida hatete, iha nasaun Timor Leste iha orgaun 4 mak importante ida mak, Presidente, Parlamentu, Governu no Tribunais, maibe orgaun sira nee iha interferensia ba orgaun seluk hanesan tribunal.

Orgaun haat iha Timor Leste, maibe orgaun sira nee mos dalaruma halo interferensia ba orgaun seluk ninia kompetensia, dalaruma halo intervensaun barak exemplu tribunal,” dehan Honorio ba STL iha nia knar fatin Farol-Dili, Tersa (15/11/2016).

Honorio salenta, tuir lolos tribunal nee nudar orgaun independente ida ketak, neebe nia halao nia knar tuir lei haruka no lapresiza intervensaun husi orgaun seluk. Nia afirma, orgaun estadu hanesan PN nafatin halo interensaun iha sistema judisiariu ezemplu membru Governu ka Deputadu ruma neebe komete iha aktus korupsaun tribunal halo notifikasaun, atu hasai imunidade tuir prosesu julgamentu PN lakonsidera ida nee.

Iha sorin seluk, Deputadu Bankada CNRT, Cesar Valenta dehan, nasaun foin ukun-an, iha separasaun poder laos tuir idak-idak ninia hakarak. Separasaun poder nee atu kompleta demokrasia atu hola balansu desizaun politika estadu nian. Informasaun kompletu iha STL Jornal no STL Web, edisaun Kuarta (16/11/2016). Raimundo S. Fraga

Suara Timor Lorosae

Korupsaun Ho Droga Hamonu Kredibelidade TL Iha Mundu

DILI – Korupsaun no droga kontinua buras iha Timor Leste (TL), nee hamonu kredebelidade TL iha mundu, tanba nee partidu politiku sira haksesuk malu ukun, tenke tau aas interese nasaun duke interese pessoal.

Lia hirak nee hatoo husi Observador Politika Justinho Magno, ba STL iha nia knar fatin, Kintal Boot, Dili, Tersa (15/11/2016).

Ita hotu hatene katak buat neebe hamonu ita nia nasaun iha mundu, maka korupsaun ho droga, tanba nee sira husu ba partidu politku sira haksesuk malu ukun laos atu destroe ka halo korupsaun, maibe atu hadia povu no nasaun nee ba futuru ho diak, nune mos joventude sira tenek hases aan husi droga no tua manas, tanba buat sira nee estraga estabelidade ni paz iha ita nia nasaun liu-liu iha familia laran,” hateten Justinho.

Nia hatutan durante nee sira observa ukun nain sira neebe partidu politiku sira fo fiar, barak maka halo korupsaun, hanesan ema hotu hatene no here, eis Ministra Justica Lusia Lobato halo korupsaun tama ona kadeia, eis Ministra Finansas Emilia Pires ho Eis Vise Ministra Saude Madalena Hanjam, prosesa ona atu tama kadeia.

Iha parte seluk Koordinador Partidu PSD Horacio Guterres hateten hari partidu politiku atu ba ukun, laos hanorin ema atu ba ukun. Informasaun kompletu iha STL Jornal no STL Web, edisaun Kuarta (16/11/2016). Joao Anibal

Suara Timor Lorosae

LEE LIU SUARA TIMOR LOROSAE

Feto Nain 20 Eleitu Nu’udar Xefe Suku iha Teritoriu TL

DILI, (ANTIL) – Diretór Nasionál Apoia Administrasaun Suku (DNAAS), Amandio Paulino Gastão Sousa informa, rezultadu eleisaun xefe suku iha teritoriu Timor-Leste, feto hamutuk nain 20 mak eleitu sai lideransa komunitaria.

“Dadus ne’e nu’udar rezultadu finál eleisaun xefe suku iha teritoriu Timor laran,”  Amandio Paulino Gastão Sousa informa iha konferénsia imprensa iha edifisiu Ministériu Administrasaun Estatál, Segunda, (14/11).

Nia hatutan, feto nain 20 ne’e hatudu partisipasaun iha poder lokál nu’udar mudansa hodi kompara eleisaun iha 2009 ne’ebé iha de’it feto hamutuk 11 mak eleitu hosi suku 442 iha teritoriu Timor laran. Feto ho pursentu 2.4 mak asime kargu nu’udar xefe suku iha 2009 no 2016 feto iha pursentu 4.5 mak eleitu nu’udar xefe suku.

Munisípiu Aileu feto nain haat no mane nain 27 hosi totál suku 31. Munisípiu Ainaro feto ida, mane nain 20, hosi totál suku 21. Munisípiu Baukau, feto nain lima no mane nain 54, hosi totál suku 59.

Munisípiu Bobonaro feto laiha, suku 50 ne’e mesak mane mak assume kargu nu’udar xefi suku. Kovalima feto ida, mane 29 hosi totál suku 30. Munisípiu Dili feto tolu, mane 28 hosi suku 31.

Munisípiu Ermera feto laiha, mane hamutuk 52 eleito ba xefe suku iha suku hamutuk 52. Nune’e mós Lautem feto laiha, mane hotu hosi suku hamutuk 34.

Likisa, feto ida no mane 22 hosi totál suku 23. Manatutu feto 2, mane 27 ba suku 29. Manufahi feto 2, mane 27 hosi suku 29.

Entertantu RAEOA (Oé-cusse) feto laiha, mane hamutuk nain 18 mak sai xefe suku ba suku hamutuk 18. Munisípiu Vikeke feto ida no mane 34 hosi totál suku 35.

Tuir Amandio Paulino Gastão Sousa, loron 24 fulan ida nia laran, xefe suku eleitu sira hamutuk ho konsellu suku hili tan reprejentante juventude feto no mane nomos konsellu suku ba kada suku ida-idak nian.

Nune’e iha inisiu fulan oin, xefe suku sira sei hetan tomada de posse hodi asume responsabilidade iha suku durante mandatu tinan hitu. (jornalista: Manuel Pinto; editora: Rita Almeida)

Foto: Diretór Nasionál Apoia Administrasaun Suku (DNAAS) Amandio Paulino Gastão Sousa (liman Los) ko'alia ba jornalista sira iha Konferensia Imprensa hodi anunsia rezultadu eleisaun suku segundu ronde. Foto ANTIL

Selebra 28 Novembru, MAE Kontaktu Ona Marvi

DILI, (ANTIL) – Ministériu Administrasaun Estatál (MAE) liu hosi komisaun organizadora ba selebrasaun 28 Novembru ba dala 41 halo ona kontaktu ba Maria Vitoria hodi mai anima komunidade liu hosi loron nasionál.

“MAE halo ona esforsu hodi konvida artista Marvi atu mai anima komunidade sira iha selebrasaun 28 Novembru ne’ebé sei realiza iha Lautem, maibé haree de’it tanba dadaun ne’e, nia sei iha Indonezia” Diretór Jerál ba Servisu Korporativa hosi MAE, Edgar Sequeira Martins ba ANTIL iha nia servisu fatin Kaikoli, Segunda, (14/11).

Tuir Diretór Jerál, komisaun organizadora halo ona koordenasaun atu nune’e bele realiza intesaun hotu ne’ebé mak komunidade sira hakarak ba prejensa Marvi iha selebrasaun ne’e.

Maibe, komisaun organizadór seidauk bele garante katak nia mai ou la’e, espera katak buat hotu sei tuir ita nia hakarak. (jornalista: Zezito Silva; editora : Rita Almeida)

Foto: Maria Vitoria, kontestan Dangdut Akademi Asia 2 hosi Timor-Leste. Foto espesiál

Tsunami ho laloran metru rua akontese iha Nova Zelándia hafoin rai-nakdoko ho 7.8

Autoridade neo-zelandeza rejista iha horisehik tsunami ho laloran metru rua iha illa sul Nova Zelándia nian, hafoin rai-nakdoko ho magnitude 7.8, tuir  mai iha tan nakdoko, maibé larejistu vítima ruma to’o agora.

“Akontese tsunami ida, dahuluk laloran boot to’o ba kosta nordeste illa Sul nian”, haktuir  Ministériu Defeza Sivil no Jestaun Dezastre Nova Zelándia, iha ninia konta Twitter.

Ministériu ne’e husu ba abitante hosi kosta leste nasaun nian atu muda “ba zona ne’ebé aas ka bele tama liu ba laran”, no bele sa’e ba pizu aas  edifisiu nian ka bele sa’e ba ai-sira.

 “Rona iha rádio no tuir instrusaun servisu emerjénsia”, hatutan mensajen alerta.
Aléide tsunami, rai-nakdoko, iha inísiu klasifika ho magnitude 7.4 no hafoin revé ba 7.8, provoka korta ba enerjia no servisu telefóniku iha parte barak nasaun nian.

Rai-nakdoko ne’e, hanesan superfisiál, akontese kilómetru 90 iha norte sidade Christchurch, Illa Sul, ne’ebé rai-nakdoko seluk ho magnitude 6,3 hamate ema 185 iha tinan 2011.

Rai-nakdoko ne’e akontese iha óras 00:02 no kuaze sente hotu iha terotóriu nasaun  nian.

Nakdoko dahuluk tuir kedas ho replika ida maka’as  no iha notisia ba edifísiu balun ne’ebé rahun iha sidade rural Cheviot, besik episentru.

Liuhosi mensajen badak iha Twitter, primeiru-ministru, John Key, hakerek: “ha’u hein katak ita hotu hetan salva hafoin rai-nakdoko kalan ne’e”.

Servisu ambulánsia haktuir  lasimu  informasaun kona-ba kanek  iha rai-nakdoko ne’e.

Maske Sentru Alerta Tsunami iha pasífiku hatete  katak, tuir baze dadus ne’ebé iha, “laiha espektátiba mosu tsunami ida destrutivu”, organizasaun nasional defeza sivil admite iha posibilidade tsunami ida akontese  iha kosta neo-zelandeza nian.

Iha tinan 2011, rai-nakdoko ho magnitude 6.3 hamate ema 185 iha Christchurch.

Nova Zelándia situa iha “Círculo de Fogo do Pacífico" arku ho falla sísmiku iha Oseanu Pasífiku, ne’ebé sai komun liu ba rai-nakdoko.

SAPO TL ho Lusa

EUA sei simu refujiadu ne’ebé iha sentru australianu Pasífiku nian

Estadus Unidus sei simu refujiadu sira ne’ebé iha sentru imigrante maka jere hosi Governu Austrália iha Nauru no Papua Nova Guiné, iha Pasífiku, informa horisehuk primeiru-ministru australianu, Malcolm Turnbull.

Númeru refujiadu ne’ebé  EUA sei simu seidauk hatene, maibé kalkula katak sentru rua ne’e  reúne ema liu rihun ida, entre mane, feto no labarik sira, maihosi nasaun sira hanesan  Irake, Síria ka Somália, hakerek ajénsia española Efe.

"Ha’u bele konfirma katak  Governu hetan ona akordu  reassentamentu ida ho nasaun datoluk. Akordu ne’e ho Estadus Unidus", informa Turnbull iha konferénsia imprensa iha Camberra, ho  titular Imigrasaun, Peter Dutton, no dirijente seluk ne’ebé  liga ba protesaun fronteira nian.

"Hanesan akordu úniku ida. Sei labele repete. Só afeta deit sira ne’ebé iha sentru rejionál prosesamentu", nia afirma, no hatutan tan katak  reassentamentu refujiadu, ne’ebé "sai  prioridade "ba feto, labarik no família sira", sei jere hosi Alto Comissariado das Nações Unidas para os Refugiados (ACNUR).

Molok, sekretáriu Estadu norte-amerikanu, John Kerry, anunsia moos akordu ne’e  iha sidade neozelandeza Wellington, ne’ebé hetan vizita ofisiál dezde sábadu.

Kerry afirma katak krize refujiadu ne’e " assuntu ida urjete" no husu ba nasaun hotu atu "servisu ho  ACNUR"  hanesan  EUA tenta hela atu buka  solusaun duradoura ba krize refujiadu hirak ne’e.

Tuir  estasaun australianu ABC, Governu Camberra koa’lia hela ho  Estadus Unidus, Kanadá no Nova Zelándia ba reassentamentu imigrante 390 iha Nauru no 872 illa Manus nian, iha Papua Nova Guiné, tuir  dadus ofisiál 31 fulan-outubru.

Austrália utiliza dezde 2012 sentru Manus no Nauru hodi tau pedidu asilu imigrante ho situasaun irregular  ho barku liuhosi  tasi ne’ebé  tenta atu tama ba Austrália.

Karik atu  rekoñese sira nia  estatutu refujiadu, koloka ba nasaun datoluk.

ONU no grupu defeza ba direitus umanus kritika sentru detensaun hirak ne’e konsidera "laumanu" kondisaun aat liu ne’ebé detidu sira moris bá.

SAPO TL ho Lusa

KARIK GAM SAI OBJETU POLITIKA…?!

Jornal Nacional, editorial

Ikus – ikus nee komesa mosu fila fali ona konfrontus entre eis Grupo Arte Marsiais (GAM) hodi estraga komunidade sira nia uma, sasan no halo komunidade senti moris la hakamatek.

Iha tinan hirak liu ba konfrontus entre arte marsiais konsege doko situasaun iha rai laran, tamba problema arte marsiais nee involve mos membru F-FDTL no membru PNTL hodi komplika situasaun iha rai laran.

Problema arte marsiais nian iha governu Aliansa Maioria Parlamentar nee obriga Primeiru Ministru, Xanana Gusmão tenki tun direitamente iha tereno, bolu lider organizasaun arte marsiais halo juramentu iha CCD hodi hakribik violensia maibe kontinua mosu.

Xefi governu mos halibur membru F-FDTL, membru PNTL nebe mete arte marsiais halo juramentu iha Palacio Governu nian oin, no Konsellu Ministru reforsa ho resolusaun taka arte marsiais tolu, PHT, Kera Sakti no KORKA.

Maske resolusaun nee base legal dun forte hodi kesi grupo arte marsiais sira nee maibe Polisia ezekuta resolusaun hodi tama sai bairo sira, tama sa uma hodi kontrola treinamentu sira nebe arte marsiais sira nee halo.

Base ba resolusaun governu nian kuaze tinan hirak nia laran arte marsias tolu nee la halo aktividade treinamentu, konfrontus komesa menos. Grupo Arte Marsiais balu la halo treinamentui iha rai laran maibe ba halo treinamentu iha Indonesia hodi hasai sira nia sabuk.

Agora duvida mak nee resolusaun nebe governu hasai nee sei fale ka expira ona? oinsa kriminaliza GAM nebe sei ejisti?, maske la halo treinamentu aberta maibe sira kontinua organiza malu hodi buka problema.

Hakarak ka lakohi, governu tenki halo lei taka permanente arte marsiais sira nebe gosta kria instabilidade no buka halo problema iha rai laran tamba resolusaun nee laiha base legal nebe forte kondena arte marsiais nebe viola resolusaun nee.

Ne’ebe kompetenisa atu halo lei nee fila fali ba governu no parlamento nasional tamba orgaun soberano rua nee mak iha kompetensia halo lei. Inisiativa lei nee mai husi governu ka bankada parlamentar sira depois aprova iha Parlamento Nasional no presidente Republika promulga molok tama iha vigor.

Agora kestaun mak nee governu hakarak inisia lei ne ka lae? ka bankada parlamentra sira iha inisiativa hodi inisia lei nee hodi apresenta ba meja PN hodi diskuti ka lae? depende ona ba vontade diak orgaun soberano rua nee.

Se laiha lei ida hodi kesi metin Grupo Arte Marsiais sira nee mak konflitus grupo sira nee sei makaas liu tan tamba arte marsiais sira nee iha ninia intrese rasik, ida idak defende sira nia grupo.

Pior liu tan se tinan oin mai, kampaña eleitortal ba eleisaun presidensial no eleisaun parlamentar grupo sira nee politiku nain sira bele politiza tuir intrese partido politiku sira nian.

Ne’ebe antes tama festa demokrasia 2017, grupo sira nee tenki kontrtoladu ona, grupo sira nee regulariza ona, se lae bele estraga festa demokrasi. Li-liu partido politiku sira bele politiza sira ba intrese partido nian.

Nunee mos arte marsiais sira tenki tau an didiak, labele fasil monu ba manobra politiku nain sira nian tamba vitima laos politiku sira nee maibe pratikante arte marsiais sira, imi sira mak sai vitima.* 

LERE PREOKUPA LIDERANSA FOUN LIDERA F-FDTL

Xefe Estadu Maior General Falintil-Forsa Defeza Timor Leste (F-FDTL), Major General, Lere Anan Timur, afirma katak nia parte preokupa bo’ot konaba lideransa foun ne’ebe mak sei lidera Instituisaun F-FDTL.

“Wa’inhira ha’u reforma iha instituisaun F-FDTL ne’e diak ka lae, ha’u nia preokupasaun ba instituisaun ne’e, se ha’u sai diak estavel ka lae,” dehan, afirma, Lere Anan Timur liu husi nia diskursu iha seminariu ho tema ‘REVETALIZA spritu unidade nasional hametin papel hasae partisipasaun joventude iha libertasaun povu, ne’ebe realiza iha Comite Central FRETILIN (CCF), Comoro-Dili, Sesta (11/11/2016).

Tuir nia katak, iha ona ema ne’ee preparadu atu troka sira, maibe waininhira reforma husi instituisaun ne’e, liderasa foun bele lidera instituisaun ne’e la’o ba oin ka la’e.

Tanba ne’e,nia dehan, reforma knar saida maka eis gerilero ne’e hala’o tanba instituisaun F-FDTL presija prezensa ema katuas FALINTIL sira hodi bele lidera instituisaun ne’e sai professional liu tan, maibe komando Forsa Defesa laos komando FALINTIL tanba ne’e ketak ida.

“Ha’u so komanda F-FDTL, la’os komanda FALINTIL tanba FALINTIL buat ketak ida,” Sublina Lere.

Nune’e nai parte lahaluha hato’o mos ba lideransa F-FDTL no apela ba membro sira ne’ebe maka hakma’an iha iha Instituisaun F-FDTL, ba jerasan foun sira bainhira atu sai militar tenki professional, bainhira membro ida maka lori armas ba liur konsidera membro ne’e la professional.

Maibe waihinhira atu konfirma, asuntu balun konaba simu Xefe Estadu Maior Jeneral Falintil-Forsa Defesa Timor Leste (F-FDTL) Major Jeneral Lere Anan Timur simu ona karta husi Prezidenti Republika konaba ezenorasaun ka kargu xefia ba strutura foun F-FDTL, maske parte JN-Diario tenta konfirma maibe labele hetan komentariu.Eus

Jornal Nacional

Navios de pesca chineses começam a operar em breve em águas timorenses - ministro

Díli, 14 nov (Lusa) - Treze navios pesqueiros de uma empresa chinesa vão começar a operar "em breve" nas águas territoriais de Timor-Leste, num projeto que incluirá ainda uma unidade de processamento de peixe, disse à Lusa o ministro timorense da tutela.

Estanislau da Silva, ministro de Estado, Coordenador dos Assuntos Económicos e ministro da Agricultura e Pescas, explicou à Lusa que os navios já estão em Timor-Leste e que estão a ser "inspecionados" para verificar se cumprem os requisitos do país.

"O peixe destina-se, em grande parte, à exportação, mas também há garantias de fornecimento ao mercado nacional timorense", disse, explicando que a empresa vai estabelecer uma fábrica de processamento do peixe em Timor-Leste.

"Vão também estar envolvidos noutras atividades económicas, incluindo a criação de um viveiro de camarão na zona de Vemasse [Baucau] e adaptar o porto de Carabela como porto de pesca", explicou.

Cada navio, explicou, terá cinco tripulantes timorenses "formados para o efeito" e têm de cumprir "vários requisitos" com equipamento instalado pelo Governo a bordo para controlar a movimentação ao longo da costa.

"O viveiro e a fábrica estão ainda a ser fechados e todo o processo está a ser formalizado, incluindo a atribuição do terreno para o efeito", explicou.

Os navios pertencem à empresa Pingtan Marine Entreprise, que se virou para Timor-Leste depois de o Ministério de Assuntos Marítimos e Pescas indonésio ter suspendido a concessão ou renovação de licenças de pesca em 2014.

Essa suspensão foi levantada em novembro do ano passado e a empresa antecipa voltar à pesca nas águas indonésias em breve.

Daí que, como explicou recentemente o responsável da Pingtan, Xinrong Zhuo, a empresa se tenha voltado este ano para operações "em diferentes países e regiões para expandir os territórios onde pesca".

"Podemos anunciar que 13 dos nossos navios vão operar nas zonas marítimas de Timor-Leste e que esperamos que estes navios estejam em plena operação nas próximas semanas", frisou Xinrong Zhuo.

Questionado sobre o impacto no 'stock' pesqueiro em Timor-Leste, Estanislau da Silva disse que o Governo quer reforçar as medidas para controlar a pesca ilegal, que está, sem quaisquer benefícios para o país, a retirar os recursos do mar.

A chegada dos arrastões a Timor-Leste tem suscitado alguma preocupação entre observadores, especialmente pelo impacto na pesca tradicional e no ambiente marítimo.

"O país tem de avançar no seu desenvolvimento económico. Não vamos ficar sentados à espera indefinidamente. Houve várias propostas no passado mas nenhuma se concretizou", explicou Estanislau da Silva.

"Timor-Leste não pode ficar assim, deixando que os recursos sejam saqueados pela pesca ilegal. Temos de manter uma certeza, presença nas águas, e o setor privado nacional tem pouca capacidade", disse.

O ministro garantiu que o executivo verificou os antecedentes da empresa e que junto dos países vizinhos confirmou não haver problemas com a forma como atua nas suas atividades pesqueiras, "tendo sempre de cumprir as leis".

"Não podemos continuar como até aqui. As nossas águas saqueadas sem qualquer benefício. Temos de marcar uma maior presença nas águas e estamos também a trabalhar com os nossos parceiros e vizinhos para fortalecer o controlo de toda a atividade de pesca nas nossas águas", explicou.

ASP // MP

Tsunami com ondas de dois metros chega à Nova Zelândia após sismo de 7,8

As autoridades neo-zelandezas registaram hoje um tsunami com ondas de dois metros na Ilha do Sul da Nova Zelândia, após um terramoto de magnitude 7,8, seguido de várias réplicas, não havendo até ao momento registo de vítimas. 

"Ocorreu um tsunami, a primeira onda chegou à costa nordeste da Ilha do Sul", indicou o Ministério da Defesa Civil e Gestão de Desastres da Nova Zelândia, na sua conta do Twitter.

O Ministério recomendou aos habitantes da costa leste do país que se desloquem "para zonas elevadas ou o mais possível para o interior", e que subam para os pisos superiores dos edifícios ou até às árvores.

"Ouçam a rádio e sigam as instruções dos serviços de emergência", acrescenta a mensagem de alerta.

Além do tsunami, o sismo, inicialmente classificado como de magnitude 7,4 e depois revisto para 7,8, provocou cortes de energia e do serviço telefónico em muitas partes do país.

O tremor de terra, que foi superficial, ocorreu 90 quilómetros a norte da cidade de Christchurch, na Ilha do Sul, onde um outro sismo de magnitude 6,3 matou 185 pessoas em 2011.

O sismo ocorreu às 00:02 (11:02 de hoje em Lisboa) e foi sentido em quase todo o país.

Ao primeiro tremor seguiu-se uma série de fortes réplicas e há notícia de edifícios danificados na cidade rural de Cheviot, perto do epicentro.

Numa breve mensagem no Twiter, o primeiro-ministro, John Key, escreveu: "Espero que todos estejam a salvo após o sismo desta noite".

O serviço de ambulâncias disse não ter recebido relatos de ferimentos devidos ao sismo.

Embora o Centro de Alertas de Tsunami do Pacífico ter dito que, com base nos dados disponíveis, "não é expectável um tsunami destrutivo", a organização nacional de defesa civil admitiu a possibilidade de um tsunami chegar à costa neo-zelandeza.

Em 2011, um sismo de magnitude 6,3 fez 185 mortos em Christchurch.

A Nova Zelândia fica situada no "Círculo de Fogo do Pacífico" um arco de falhas sísmicas no Oceano Pacífico, onde são comuns os tremores de terra.

Lusa, em SAPO TL