TRAFICO HUMANO – “HAU HETAN VIOLASAUN DALA 43200”

Vitima husi trafico humano fo testemunhu atu evita akontese ba ema seluk

Salvio Online, Karla Jacinto hetan violasaun sexual dala 43200. Numeru ida nee konta hahu husi nia halo tinan 12 too 16. Joven husi Mexico nebe agora halo tinan 24 nee ema obriga tama ba vida prostituisaun no atende ‘bainaka‘ 30 lor loron.

Karla sei tinan 12 wainhira konhese nia doben momentu neba “Nia hadomi tebes hau, hola ropa fo ba hau, fo atensaun mai hau, hola sapatu, aifunan, chocolate no seluk seluk tan. Buat hotu senti kapaz momentu neba”, nia haktuir ba CNN. Nia hateten ba hau: “O mak sei sai hau nia prinseza”.

“Hau moris iha familia nebe la harmonia no hau hetan ona abuzu sexual desde hau tinan 5”, nia esplika tan.

Desizaun atu halai sai husi uma ho nia doben, maske momentu neba nia boot liu Klara tinan 10, laos desizaun nebe fasil.

Hahu husi tempu neba, ninia moris hahu iha mudansa. Joven tinan 22 nee lori Karla ba sidade Guadalajara no obriga nia tama ba vida prostituisaun. Iha semana dahuluk, Karla hahu halao nia knaar iha tuku 10 dader no remata iha kalan fahe rua, no halao relasaun ho ‘bainaka‘ hamutuk 20 lor loron.

Tuir mai, Karla tenki halao viajen husi Guadalajara ba sidade sira seluk iha Mexico, no halao knaar iha uma ‘bordil‘, motel, no mos iha luron. La kleur deit Karla nia ‘bainaka‘ aumenta ba 30 lor loron.

“Iha ema balu nebe mak hamnasa wainhira hau tanis. Hau tenki taka hau nia matan hodi nunee la bele hare saida mak sira halo ba hau atu nunee hau labele senti”, Karla konta nafatin.

Karla nia doben nebe lori nia ba mundu prostituisaun nee servisu ba redi trafico humano Tanancingo. Sidade ida nee mak sentru boot ba trafico humano iha Mexico. Iha fatin ida nee mak traficante sira lori feto hotu hotu ba neba, antes obriga sira halao knaar iha luron.

Negosiu ida nee lukrutivu tebes no hetan apoiu husi membru autoridade sira. Karla hanoin hetan katak iha loron ida, membru Policia barak ho farda tama ba uma bordil nebe mak nia servisu ba. Em Vez salva feto vitima trafico humano sira nee, maibe membru Policia sira nee hasai sira nia video no foto, no ameasa sira atu hatudu sira nia video no foto ba familia wainhira la halo tuir sira nia hakarak.

“Membru Policia sira nee arogante tebes. Sira hatene katak ami menor idade. Iha mos feto menor idade ho tinan 10 no feto sira nee tanis los”.

Karla nia Bainaka balu mak juiz sira, padre sira, no membru policia tan nee nia lahatene atu ba husu tulun ba se. Karla haktuir ba ativista husi Mexico ba direitos humanos, Rosie Orozco.

Wainhira halo tinan 15, Karla tur ahi oan feto ida, oan feto husi nia doben trafikante nee. Traficante nee utiliza nia oan feto hodi ameasa Karla, katak sei oho nia oan wainhira la obedece ba nia. Karla mos la hetan lisensa hodi hare nia oan desde halo fulan ida.

Karla nia ‘mehi-aat‘ nee remata iha tinan 2008, wainhira Policia halo operasaun kontra trafico humano iha Sidade Mexico no liberta nia husi traficante sira nia liman.

Momentu neba Karla halo tinan 16 ona. Hahu husi momentu neba nia sempre konta nia istoria atu bolu ema nia atensaun ba probema trafico humano, nebe afeta ema milhaun ba milhaun iha mundo.

Karla hatoo ona diskursu iha konferensia oin oin, no iha tinan kotuk fahe nia istoria iha Congresso America Norte nian no mos hasoru Papa Francisco iha Vaticano.

LEE MOS IHA SALVIO ONLINE – PARSERIA HO TIMOR AGORA

Estudu UNICEF hatudu katak 80% hosi joven filipinu sira hanesan vítima violénsia nian

Estudu ida hosi UNICEF, ajénsia ONU nian ba infánsia, ne'ebé fó sai iha loron-tersa ne'e hatudu katak labarik no joven filipinu na'in ualu entre na'in 10 hetan abuzu fíziku ruma ka psikolójiku.

Relatóriu, ho baze hosi inkéritu ba labarik no joven sira iha nasaun ho tinan entre 13 no 24 hamutuk na'in 3.866, fó sai katak labarik filipinu na'in ida entre na'in lima hetan abuzu seksual.

Estudu hatete mós katak 60% resin hosi labarik sira ne'ebé hetan violénsia fíziku iha uma no ne'ebé, iha jeral, iha vítima barak entre labarik-mane sira duké labarik-feto sira.

Tuir Lotta Sylwander, hosi UNICEF, Filipina iha ohin loron hanesan nasaun emerjente relasionadu ho abuzu ba labarik sira, ho pornografia infantil online reprezenta negósiu rentável ida.

SAPO TL ho Lusa –Foto@ Francis R. Malasig/EPA

Entre Estadu mak Bele Transfere Kazu Emília ba Portugal

DILI - Adjunta Prokuradora Jerál Repúblika, Zélia Trindade afirma, entidade hotu presiza akompaña kazu arguida Emília Pires, tanba arguida agora iha Portugal ke tenke iha kooperasaun entre estadu.

Zélia hatete, arguida laiha direitu husu transfere nia kazu ba julga iha Portugal, tanba ne’e hakarak ka lakohi, arguida tenke fila ba Dili hodi kumpri justisa.

“Kompeténsia atu halo transferénsia maka entre estadu ho estadu. Nu’udar arguida nia iha dever atu kontribui ho justisa, la’ós  nia sai ba Portugál, halo deklarasaun ida ita nia lei la permiti,” Zélia afirma ba Timor Post, Sesta (2/12).

Adjunta PGR hatutan, oras ne’e dadaun Estadu Timor Leste seidauk iha koperasun mutu ho estadu Portugál kona-ba kestaun ne’e. Maske nune’e, Timor Leste iha ona konvensaun no tratadu lubun ne’ebé bele ezekuta sasan sira tuir lei.

Zélia dehan, interpol bele hala’o nia servisu,  maibé agora kazu ne’e sei iha prosesu no seidauk iha desizaun arkdaun hosi Tribunál, tan ne’e , presiza entidade hotu halo akompañia.

“Lolo’os  ha’u laiha komentáriu  ba arguida Emília  nia kazu, tan kompeténsia  iha Tribunál, agora rona Tribunál sai ona mandadu detensaun ba arguida Emília  Pires,” Zélia subliña.

Tuir ajenda, Tribunál Distrital Dili foti desizaun finál ba kazu Emília ho Hanjam iha loron 20, Fulan Dezenbru, tinan 2016. (max)

Timor Post

Cristiano Ronaldo Ameasadu Kadeia Tinan 6

Timorpost.tl - Cristiano Ronaldo hasoru ameasa kadeia minimu tinan neen, hanesan deklaradu ona hosi autoridade impostus España (GESTHA).

Jose Maria Mollinedo, koalia ba RAC1bainhira nia fo sai hela kona-ba problema sira ne’ebé Cristiano Ronaldo hasoru.

Antes ne’e, Mundo Deportivo publika iha semana nee nia laran,jogador Real Madrid lainforma purvolta de juta euro 150 neebe nia simu iha tinan 2009 ba kotuk.

Ajénsia Ronaldo, Gestifute, rejeita membantah informasaun ne’e  no fo sai dokumentu balun katak Cristiano la sala.

Maibe, Molinedo nudar figura senior iha autoridde impostus España, hateten posiblidade Ronaldo bele simu kastigu kadeia.

"Informasaun kona-ba Ronaldo hatudu ninia subar liu Juta euro 150. Ita haree hela nee hanesan hahalok aat iha impostus. Buat ne’e bele halo nia tama kadeia, pelumenus tinan 6" deklara Mollinedo.

"Sé karik fulan rua antes investigasaun maka sira rekunhese sala hodi la selu tusan nebe iha,nune’e lei bele tetu hodi hakmaan ."(ato)

Timor Post

Prizioneirus Bekora sei Transfere ba Covalima

DILI - Diretór Servisu Prizionál Prizaun Becora, João Domingos afirma, sei transfere prozioneirus balun ba prozaun foun Covalima. 

Maske diresaun prizaun halo jestaun hodi kondenadu sira hetan espasu ba fatin, maibé susar oituan, tanba númeru kondenadu sa’e ba 558.

“Atu hatán ba espasu fatin laiha ba kondenadu sira, servisu prizionál hein ho inagurasun prizaun Covalima iha loron 26 Novembru  tinan 2016,  bele utiliza lalais prizaun ne’e iha tinan 2017, muda kondenadu balun ba prizaun Covalima hodi fó espasu ba kondenadu sira seluk,” João Domingos liuhosi karta komunikadu ne’ebé Timor Post asesu, Domingu (4/12.

Responsável Prizaun Becora  hatutan, dadus diresaun prizaun Becora iha, hahú iha loron 28 (/11/20116),  totál kondenadu sira hamutuk 560, kompostu hosi prizioneirus sira simu kondenasaun hamutuk sira na’in 389.

Kondenadu prizaun preventiva na’in 171, kondenadu ho idade minoridade, hahú tinan 21, mai kraik 41 no kondenadu ema estranjeirus 25, no kondenadu ba kazu droga na’in 15.

Nune’e, iha komemorasaun loron 28 Novembru liubá, kondenadu sira priense ho atividade divertimentu ne’ebé kondenadu sira maka aprezenta rasik.

Nune’e mós atividade divertimentu, iha mós atividade doasaun ran ho voluntariamente hosi prizioneirus hamutuk na’in 52, liuhosi Banku Sangue hospital Nasional Guidu Valadares (HNGV).

“Iha festa alegria ne’e, kondenadu sira priense ho hananu, tebe dai, dahur, konsertu, nune’e hodi bele festeza loron nasionál refere,” mensiona Diretór Prizionál iha karta komunidade ne’e.

Tuir monitorizasaun sosiedade sivíl sira katak, totál prizioneirus 669, ne’ebé oras ne’e konserva iha prizaun Becora, ho prizaun Gleno, munisípiu Ermera, maoria hosi povu ki’ik.

Maibé nein iha ema boot sira  konserva iha prizaun rua ne’e, númeru prizioneirus ne’e sai tan, Ministériu Justisa la hala’o nia papél ba divulgasaun lei, atu sosiadade sira kompriende.

Hosi dadus ne’ebé Maka asosiasaun HAK iha, prizionerus sira detein iha prizaun Becora ho Gleno hamutuk 669,  ne’e mesak ema povu ki’ik de’it. Krime sira ne’e akontese, tanba sira la kompriende sobre funsaun lei, tanba durante ne’e HAK nein haree Ministériu Justisa hala’o divulgasaun ba lei hodi ita nia sidadaun sira kompriende.

“Jerasaun sira eroi no eroina, sira maka kaer ukun, aplikasaun lei la-justu, krize sosiál sei mosu barak, aban bainrua sira rai kulpa ba jerasun foun sira, nasaun ho povu ne’e atu ba ne’ebé. Ida akontese tan, ukun na’in sira proteze malu, hosi povu Kbiit laek maka sai vítima,  piór liu tan Ministériu justisa fakun, la hala’o divulgasaun lei ba sosiedade hodi kompriende,” Diretór HAK, Manuel Monteiro ba Timor Post iha nia servisu Fatin Farol, Kinta (1/12).(*/max)

Timor Post

Kafe TL Seidauk Koesidu iha Merkado Internasional

DILI - Andrew Helzel, hanesan Coffe Trade and Policy Adviser hosi Estadu Unidus Amérika, deklara katak, Timor-Leste hanesan nasaun ne’ebé la’ós deit potensiál ba mina no gas, maibé iha mós produtu  agrikula seluk hanesan kafé.

Andrew dehan, maske durante ne’e iha kompaña barak maka sosa kafé povu agrikultór nian hodi esporta ba merkadu internasionál sira hanesan Estadu Unidus Amérika, Japaun, Indonézia, Austrália no mós nasaun seluk tan, maibé produtu lokál hosi TL ne’e rasik kuñesidu iha merkadu railiur nian.

“Timor-Leste nia kafé ema barak seidauk koñese diak, inklui mós nasaun bo’ot sira ne’ebé maka  kategória merkadu internasionál mós seidauk koñese diak kafé Tim’or,”dehan Andrew iha nia diskursu bainhira aprezenta kona-ba kafé iha Konferénsia Internasionál Kafé nian ne’ebé maka hala’o iha Sentru Konvensaun Dili, Sesta (02/12).

Konferénsia internasionál ne’ebé maka realiza hosi Ministériu Agrikultura no Peskas (MAP) ho tema ‘Importánsia Kafé No Dezenvolvimentu Ekonomia Sustentavel’ ne’e, Andrew Helzel afrima katak, maske TL viziñu ho nasaun rua hanesan Austrália no Indonézia, maibe populasaun hosi nasaun rua ne’e rasik seidauk koñese didiak kafé TL nian.

Tan ne’e Andrew, husu atu Governu no komunidade agrikultura sira tenke servisu hamutuk hodi bele foti konesimentu populasaun sira iha merkadu internasionál atu bele koñese diak liután kafé TL, hodi bele hasa’e mós kualidade no produsaun iha railaran rasik.

Tanba bainhira laiha servisu hamutuk maka iha futuru maske ho nia produsaun bo’ot, maibé nia kualidade mosu iha merkadu internasionál hodi fó mós impaktu ba iha exportasaun.

“Ne’ebé ita bele hasa’e produtividade no kualidade iha merkadu internasionál, bele hasa’e diak liután produtividade no mós bele kria mós kualidade diak hodi bele esportadór sira bele kontinua fa’an ita nia kafé iha merkadu nune’e bele fó rezultadu ho folin diak no mós bele fó motivasaun ba agrikultura sira bele hasa’e produtividade,”katak Andrew.

Nia mós husu ba governu atu servisu hamutuk mós ho grupu agrikultura sira nune’e bele hasae diak liu tan kuinesimentu agrikultura sira nune’e bele hadia diak liu tan produsaun nomós produsaun ne’e rasik iha Timor Leste.

Hosi kafé TL ne’ebé maka durante ne’e halo exportasaun ba merkadu internasionál nian, tuir Andrew katak, komunidade internasional sira kuaze koñese kafé hosi TL iha pursentu 0,11deit, maske durante ne’e kafé Timór halo ona esportasaun liu ba nasaun 50 resin iha mundu, tan ne’e presiza nafatin atu oinsa bele eleva kafé TL nia imajen iha mundu internasionál maske kualidade diak iha merkadu internasionál.(jxy)

Timor Post

LEE MOS TIMOR POST

Preço do petróleo ameaça graduação de Timor-Leste dos países menos desenvolvidos

Genebra, 07 dez (Lusa) - A queda do preço do petróleo poderá impedir Timor-Leste de sair do grupo dos países menos desenvolvidos, algo que parecia passível de acontecer já em 2021, admite hoje a Conferência da ONU sobre Comércio e Desenvolvimento (CNUCED).

Em comunicado, a agência das Nações Unidas recorda que a utilização do petróleo de Timor-Leste em benefício dos 1,2 milhões de timorenses permitiu reduzir as taxas de mortalidade infantil, aumentar os níveis de literacia e elevar o rendimento per capita de 810 dólares em 2002 para 3,940 dólares em 2012.

O país parecia elegível para se graduar do grupo dos países menos desenvolvidos (PMD), uma designação das Nações Unidas - até ao final de 2021.

No entanto, com os preços do petróleo a cair, o rendimento per capita do país, muito dependente do petróleo, diminuiu para metade, 1.920 dólares, em 2015, o que põe em causa a graduação.

"O colapso dos preços do petróleo tem sido doloroso para Timor-Leste e para muitos outros países dependentes das 'commodities', e agora ameaça a graduação de Timor-Leste do estatuto de PMD", disse o vice-secretário-geral da CNUCED, Joakim Reiter, citado no comunicado da organização.

O responsável alerta, no entanto, que "a graduação não deve ser um fim em si mesmo e Timor-Leste deve garantir a diversificação económica necessária enquanto aproveita, por mais algum tempo, os privilégios de ser um PMD".

Como um dos PMD, Timor-Leste tem acesso preferencial a mercados importantes, pelo que uma eventual graduação significaria o reconhecimento do bom desempenho da sua economia, mas representaria também a perda desses benefícios.

"O orgulho de subir do nível de PMD é uma coisa, mas manter o mais possível o tratamento enquanto PMD é ainda mais importante para nós, como país vulnerável com uma agenda de progresso ambiciosa", disse por seu lado o ministro dos Negócios Estrangeiros de Timor-Leste, Hernani Coelho, citado pela CNUCED.

Nos mais de 40 anos de existência da categoria PMD, apenas quatro países conseguiram graduar-se do grupo e os restantes 48 mantêm-se.

A graduação requer que o país exceda os níveis em pelo menos dois dos três critérios - rendimento per capita, capital humano e vulnerabilidade económica - em duas revisões da ONU, com três anos de diferença.

Ao abrigo da exceção "apenas rendimento", um país pode graduar-se se o seu rendimento per capita for pelo menos o dobro do limiar da graduação, atualmente em 1.242 dólares.

FPA // PJA

Universidade de Coimbra vai tratar arquivo que é "a história" de Timor em vídeo

Coimbra, 07 dez (Lusa) - A Universidade de Coimbra vai colaborar na preservação e dinamização do espólio de mais de 5.000 horas recolhidas pelo jornalista Max Stahl em Timor-Leste, "a história do país em vídeo", informou hoje a instituição.

O arquivo de mais de cinco mil horas, que está "praticamente digitalizado", vai agora contar a colaboração da Universidade de Coimbra (UC) no tratamento, indexação e catalogação de todo o espólio recolhido por Max Stahl, o jornalista inglês que filmou e divulgou o massacre de Santa Cruz, em 1991, quando o exército indonésio abriu fogo sobre a população, matando 271 pessoas no local e outras 127 que viriam a morrer nos dias seguintes.

A iniciativa surge após um protocolo entre a UC, o instituto Max Stahl e a Universidade de Timor-Leste, informou hoje o vice-reitor da instituição de Coimbra Joaquim Ramos de Carvalho, que falava durante a apresentação pública da iniciativa da UC "Timor: Imagens e palavras que mudaram o mundo".

No arquivo, estão presentes imagens recolhidas no tempo de pré-independência, como é o caso do massacre de Santa Cruz e de entrevistas a guerrilheiros timorenses, imagens do referendo e do processo que levou à independência de Timor-Leste e no período pós-independência, com vídeos que não contam apenas o processo político, mas também o "quotidiano" da vida timorense, registando festas, a biodiversidade do país ou costumes e práticas culturais, explanou Joaquim Ramos de Carvalho.

A partir do arquivo, a UC quer criar "uma quantidade de produtos diferentes que trabalhem e que se baseiem no arquivo", querendo garantir que a maioria dos materiais fique disponível publicamente.

"Há muitos materiais pedagógicos e didáticos" que podem ser criados através do espólio, realçou o vice-reitor da UC, referindo que a multiplicação de possíveis "utilizações" do espólio vai permitir que este seja "um arquivo vivo".

O espólio, na sua perspetiva, "tem um potencial enorme", querendo a universidade também dinamizar a sua divulgação não só na comunidade académica dos dois país, "mas pelo mundo", face ao interesse "mundial" que há em torno do processo de construção da nação timorense.

"Timor: Imagens e palavras que mudaram o mundo" é uma iniciativa da Universidade de Coimbra que organiza, até dia 16, um conjunto de eventos dedicados ao tema, assinalando os 25 anos do massacre de Santa Cruz e os 20 anos do Nobel da Paz atribuído a Ximenes Belo e José Ramos-Horta.

JYGA // SSS

Universidade de Coimbra assinala 25 anos do massacre de Santa Cruz, em Timor

Coimbra, 07 dez (Lusa) - A Universidade de Coimbra vai assinalar os 25 anos do massacre de Santa Cruz com a exibição de documentários, exposição, debates e sessão evocativa com a presença de Ximenes Belo, Ramos-Horta e o jornalista inglês Max Stahl.

A instituição vai assinalar, entre sexta-feira e dia 16, os 25 anos do massacre de Santa Cruz e os 20 anos do Nobel da Paz atribuído a Ximenes Belo e José Ramos-Horta, com a iniciativa "Timor: Imagens e palavras que mudaram o mundo", anunciou hoje a Universidade de Coimbra (UC).

Por Coimbra, vão passar Max Stahl, o jornalista inglês que filmou e divulgou o massacre de Santa Cruz, em 1991, além de Ximenes Belo e José Ramos-Horta, que participam numa sessão evocativa das duas efemérides, no Teatro Académico de Gil Vicente (TAGV), na terça-feira, pelas 17:00.

Após a sessão, é exibido o documentário "A Língua, a Luta, a Nação", de Max Stahl, sobre "o papel da língua portuguesa no processo de construção da nação timorense", referiu o vice-reitor da UC, Joaquim Ramos de Carvalho, sublinhando que este é um assunto caro à instituição, por se querer assumir como entidade "de referência" na divulgação e promoção da língua.

A cerimónia começa na sexta-feira, na Casa das Caldeiras, com o colóquio "Timor: mil palavras, mil imagens", em que participam investigadores que abordam a relação entre os 'media' e o processo de independência de Timor-Leste e jornalistas que acompanharam esse mesmo processo.

O evento termina com uma conferência de Max Stahl, intitulada "CAMSTL [Centro Audiovisual Max Stahl Timor-Leste]: Timor, o nascimento de uma nação".

O caso de Timor é "um caso concreto em que, de facto, a cobertura jornalística foi importante para mudar o curso dos acontecimentos" no país, sublinhou o docente Carlos Camponez, da organização do evento que foi hoje apresentado na Casa das Caldeiras.

De acordo com o professor do curso de jornalismo da UC, o colóquio pretende "refletir e trazer à memória o contexto" do processo de independência de Timor, com a participação de jornalistas que "vão relatar como viveram [o processo] e como viram esse tempo".

Na segunda-feira, é promovido um debate com antigos estudantes da Universidade de Coimbra que estiveram presentes no massacre de Santa Cruz e, entre esse dia e 16, são exibidos documentários sobre Timor.

Entre sexta-feira e dia 16, estará ainda patente uma exposição no TAGV intitulada "Timor: Uma História de Ontem, Estórias de Hoje".

JYGA // SSS

Folin mina fó ameasa ba Timor-Leste atu sai hosi nasaun hirak ne’ebé ladun dezenvolvidu

Folin mina ne’ebé tuun bele halo Timor-Leste lasa’i hosi grupu nasaun sira ne’ebé ladun dezenvolvidu, hanesan buat ne’ebé bele akontese iha 2021, tuir Konferénsia ONU kona-ba Komérsiu no Dezenvolvimentu (CNUCED) fó sai horisehik.

Iha komunikadu, ajénsia Nasoins Unidas haktuir hikas kona-ba Timor-Leste nian ne’ebé uza mina hodi fó benefísiu ba timor-oan milloens 1,2, hodi hamenus taxa mortalidade infantil, aumenta nivel literasia no aumenta rendimentu perkapita hosi dolár 810 iha tinan 2002 ba dolár 3,940 iha 2012.

Nasaun ne’e tuir duni kritéria hodi latama ba grupu hosi nasaun hirak ne’ebé ladun dezenvolve (PMD), hanesan dezignasaun hosi Nasoins Unidas – to’o tinan 2021 ninia rohan.

Maski nune’e, ho folin mina ne’ebé tuun, rendimentu perkapita hosi nasaun ne’e, depende maka’as liu ba mina, hodi hamenus tiha metade hosi dolár 1.920, iha 2015, tanba ne’e maka mosu pergunta kona-ba graduasaun.

“Folin mina ne’ebé tuun, hanesan tristeza ida ba Timor-Leste no ba mos nasaun seluk ne’ebé dependente hosi ‘commodities’, no agora fó ameasa ba Timor-Leste hodi sai hosi PMD nian”, tenik visi-sekretáriu jerá CNUCED, Joakim Reiter, no sita iha komunikadu hosi organizasaun nian.

Maski nune’e, responsável ne’e alerta katak “susesu ne’e la’os sai finalidade ba graduasaun ne’e rasik no Timor-Leste tenke garante diversifikasaun ekonómika ne’ebé presija, hodi aproveita, iha tempu balun, priviléjiu nu’udar membru PMD nian ida”.

Hanesan PMD ida, Timor-Leste hetan asesu prefernsiál ba iha merkadu importante hothotu, tanba ne’e maka graduasaun ida siknifika tebes ba dezempeñu di’ak hosi ninia ekonomia, maibé sei lakon mos benefisiu ne’e.

“Sa’e hosi nivel PMD nian, hanesan buat ida, maibe nafatin hanesan PMD importante tebes ba ami, hanesan nasaun ki’ak ne’ebé hakarak hetan lalais progresu”, dehan ministru Negósiu Estranjeiru Timor-Leste, Hernani Coelho, no sita hosi CNUCED.

Kategoria PMD ne’ebé ho ona tinan 40 resin, nasaun haat de’it maka konsege tama ba grupu ne’e no 48 seluk, nafatin de’it.

Atu halo parte, nasaun ne’e presija halo tuir kritéria pelumenus liu rua ka tolu – rendimentu perkpaita, kapitál umanu no vulnerabilidade ekonómika – hosi revizaun rua ONU nian, ba tinan tolu lahanesan.

Haree ba esesaun, ho “rendimentu de’it”, nasaun ida bele tama karik, ninia rendimentu perkapita pelumenus dobru hosi limiár hosi graduasaun, ho oras ne’e dolár 1.242.

SAPO TL ho Lusa 

Universidade Coimbra sei trata arkivu ne'ebé hanesan Timor nia "istória" iha vídeo

Universidade Coimbra sei kolabora iha prezervasaun no dinamizasaun hosi espóliu ne'ebé jornalista Max Stahl rekolla iha Timor-Leste hamutuk oras 5.000 resin, "istória nasaun nian iha vídeo", informa hosi instituisaun iha loron-kuarta ne'e.

Arkivu ho oras rihun lima resin, ne'ebé besik "dijitalizadu hotu", agora sei iha kolaborasaun hosi Universidade Coimbra (UC) iha tratamentu, indexasaun no katalogasaun hosi espóliu tomak ne'ebé rekolla hosi Max Stahl, jornalista inglés ne'ebé filma no divulga masakre Santa Cruz, iha 1991, bainhira ezérsitu indonéziu hahú tiru hasoru populasaun, oho ema na'in 271 iha fatin no na'in 127 seluk ne'ebé mate iha loron sira seluk hafoin masakre.

Inisiativu mosu hafoin protokolu ida entre UC, institutu Max Stahl ho Universidade Timor-Leste, informa iha loron-kuarta ne'e hosi visi-reitor instituisaun Coimbra nian Joaquim Ramos de Carvalho, ne'ebé ko'alia durante aprezentasaun públiku hosi UC nian inisiativu "Timor: Imajen sira no Liafuan sira ne'ebé muda ona mundu".

Iha arkivu, sei iha imajen sira ne'ebé rekolla iha tempu pré-independénsia nian, hanesan kazu hosi masakre Santa Cruz no hosi entrevista sira ba guerilleiru timoroan sira, imajen sira hosi referendu no hosi prosesu ne'ebé lori ba independénsia Timor-Leste nian no iha períudu hafoin independénsia, ho vídeu sira ne'ebé la'ós de'it ba prosesu polítiku maibé mós kona-ba timoroan nia moris loron-loron, rejista festa sira, biodiversidade nasaun nian no asaun no prátika kultural sira, esplika hosi Joaquim Ramos de Carvalho.

Hahú hosi arkivu, UC hakarak kria "kuantidade ida hosi produtu sira ne'ebé la hanesan hodi serbisu no bazeia iha arkivu", hodi garanti katak maioria hosi material sira ne'e bele sai disponivel ba públiku.

"Iha material pedagójiku no didátiku barak" ne'ebé bele halo hahú hosi espóliu, hatutan hosi visi-reitor UC nian hodi refere katak multiplikasaun hosi "utilizasaun" posivel ba espóliu sei permiti atu bele sai hanesan "arkivu ativu ida".

Espóliu, iha nia hanoin, "iha potensial maka'as ida", hakarak atu universidade mós dinamiza nia divulgasaun la'ós de'it iha komunidade akadémiku hosi nasaun rua ne'e, "maibé mós ba mundu" hasoru interese "mundial" kona-ba prosesu kontrusaun hosi nasaun timoroan nian.

"Timor: Imajen sira no Liafuan sira ne'ebé muda ona mundu" hanesan inisiativu ida hosi Universidade Coimbra ne'ebé organiza, to'o loron 16, eventu oioin dedika ba tema, hodi hanoin hikas tinan 25 masakre Santa Cruz nian no tinan 20 ba atribuisaun Nobel Dame nian ba Ximenes Belo ho José Ramos-Horta.

SAPO TL ho Lusa

Reflesaun kona-ba dia 7 Dezembru 1975 husi sidadaun EUA ida

Horibainrua iha Estadus Unidus, veteranu amerikanu rihun ba rihun mak bá North Dakota hodi apoiu luta Pasífiku ema indíjina nian (Standing Rock Sioux) atu defende sira-nia soberania no proteje sira-nia rai no bee. Ha’u haree veteranu sira hakru’uk no husu deskulpa ba komunidade no tribu indíjina barak ne’ebé hamutuk iha fatin ne’ebá. Sira husu deskulpa nu’udár veteranu husi militár ida-ne’ebé hala’o jenosídiu tinan atus 5 kontra ema indíjina amerikanu. Nune’e, veteranu sira rekoñese pasadu no afirma sira-nia kometimentu ba oin atu asegura pasadu moruk ne’e la bele repete.

Iha loron ida-ne’e, 7 dezembru, ha’u hakru’uk no husu deskulpa ba krime sira-ne’ebé ha’u-nia governu halo kontra Timor-Leste -- la’ós iha loron ne’e de’it, iha tinan 1975, maibé durante tinan 24. Ha’u husu deskulpa tanba to’o agora, ha’u-nia governu seidauk loke ba públiku dokumentu hotu ligadu ba ninia relasaun ho Indonézia no seidauk rekoñese iha maneira ofisiál no responsavel, ninia apoiu ba krime sira iha-ne’e.

Nu’udar sidadaun EUA, ha’u iha responsabilidade atu aprende kona-ba injustisa ne’ebé ha’u-nia governu halo – iha pasadu, agora daudaun, no ninia planu ba oin. Maski ha’u-nia governu gosta subar hela, maibé ha’u sei bele hetan tanba informasaun barak ema hotu bele asesu, no ema iha EU sei bele ko’alia livre. Ha’u mós iha responsabilidade atu halo asaun hodi hasoru injustisa ne’e.

Iha EU, ema barak liu rekoñese ohin nu’udar Pearl Harbor day 1941 – loron ne’ebé Japaun soi bomba sira iha Hawaii - hahú envolvimentu ativu iha funu mundiál daruak (WWII). Japaun ataka baze militár de’it no hatene ona katak EU kuaze prontu atu tama funu kontra Japaun.  Maibé iha Timor-Leste, Indonézia nia invazaun ataka povu hotu ne’ebé lakohi funu ho Indonézia. Ema Amerikanu maioria la hatene kona-ba Timor-Leste, maibé iha loron ne’e tinan 1975, invazaun Indonézia nian la bele akontese se Indonézia la hetan apoiu militár, ekonómiku no diplomátika husi EU.

Husi 6 dezembru 1975, loron antes invazaun, to’o 1999, EU suporta Indonesia nia invazaun no okupasaun, nune’e iha responsabilidade ba krime grave sira ne’ebé akontese iha-ne’e. Tuirmai ne’e mak faktu báziku balu:

6 Dezembru 1975: Prezidente EU Gerald Ford no Sekretária do Estadu Henry Kissinger hasoru Suharto iha Jakarta no autoriza (lampu hijau) ba invazaun maibé husu Indonézia atu hein to’o sira sai husi Indonesia no bá fali EU.

7 Dezembru 1975: Indonézia halo invazaun no kuaze armas hotu (90%) ne’ebé uza mak EU nian (U.S. State Department).

Dez 1975-1976: Prezidente Ford nia Embaixadór ba ONU, Daniel Patrick Moynihan, hakerek ho orgullu kona-ba ninia papél formál no ofisiál atu asegura katak ONU la bele halo buat ida kona-ba kazu Timor-Leste.

Janeiru 1976: Liafuan husi ofisiál U.S. State Department nian: "In terms of the bilateral relations between the U.S. and Indonesia, we are more or less condoning the incursion into East Timor. . . . The United States wants to keep its relations with Indonesia close and friendly. [It's] a nation we do a lot of business with." (“Refere ba relasaun bilaterál entre EU no Indonézia, ami maizumenus apoia invazaun/ataka ba Timor-Leste…EU hakarak mantein relasaun di’ak no belun ho Indonézia. Ami halo negósiu/komérsiu barak ho [Indonézia].”)

1977: Prezidente Jimmy Carter (ne’ebé povu Amerika rekoñese nu’udár ‘the human rights president’) aumenta apoiu militár ba Indonézia, inklui autoriza fa’an armas no ekipamentu funu nian ho kustu US$112 millaun.

10 Dezembru 1991: Staff husi Administrasaun Prezidente Bush hasoru lider militár indonezianu no reforza sira-nia apoiu ho liafuan ne’e: "we do not believe that friends should abandon friends in times of adversity." (Ami la fiar katak belun bele abandona belun iha tempu dezgrasa nian.)

1992-1999: Ativista sira (povu) no kongresista balu halo presaun maka’as kontra governu nia apoiu ba okupasaun ho rezultadu hatún kuantidade apoiu militár. Maski nune’e, Prezidente Bill Clinton sei konsege autoriza fa’an armas maizde dolár millaun atus ba atus, no fó apoiu ekonómiku maizde millaun US$500.

4-9 Setembru 1999: Maski militár Indonézia ho sira-nia milisia oho ema barak no harahun infrastrutura Timor nian, Prezidente Clinton lakohi hapara EU nia apoiu militár no ekonómiku ba Indonézia. Embaixadór EU nian ba Indonézia, Stapleton Roy, dehan ba jornalista sira: "Indonesia matters, East Timor does not." (Indonézia mak importante, la’ós Timor-Leste.) Só iha loron 10 setembru, ho presaun maka’as husi povu no membru Kongresu balu, Prezidente Clinton deklara atu para apoiu ekonómiku no relasaun militár ho Indonézia.

Ha’u-nia governu seidauk responde ba rekomendasaun báziku husi relatóriu Chega! ne’ebé ko’alia diretamente ba governu EU; seidauk rekoñese akontabilidade lider governu EU nian iha krime sira; seidauk fó reparasaun ba Timoroan sira, no sei kontinua ho polítika ne’ebé promove relasaun internasionál sira-ne’ebé defende no promove interese privadu (kompañia sira nian) no ema riku nian.

Agora Fidel Castro mate no Donald Trump sei sai prezidente EU. Iha Cuba, la eziste hamlaha no ema hotu iha uma no bele hetan tratamentu saúde nian. Iha EU, populasaun 17% dala ruma hamlaha no pelumenus ema na’in millaun ida la iha uma.  Maski la iha sistema saúde ba povu hotu, sistema fraku ne’ebé eziste agora hetan ameasa husi Trump ne’ebé hakarak sobu.

Maski Cuba ladún iha barak, sira haruka médiku barak no apoiu barak atu dezenvolve sektór saúde iha nasaun barak inklui Timor. EUA, ne’ebé iha osan barak, fó ajuda uitoan de'it no konsentra liuliu ba komérsiu no funu nian. No ba mundu, EU sei haruka armas no apoiu militár barak lahalimar.

Nu’udár sidadaun EUA, ha’u rekoñese hotu ne’e no haforsa ha’u-nia kometimentu no solidariedade nu’udár indivíduu, nu’udár ativista no nu’udár membru ETAN, atu luta kontra injustisa sira-ne’e hodi bele iha akontabilidade no justisa. Liuliu atu luta ba governu ida-ne’ebé fó prioridade ba povu no umanidade, la’ós ba kompañia, negósiu no ema riku. Sei kontinua husu ha’u-nia governu atu:

Loke dokumentu hotu ne’ebé governu EU rai hela ne’ebé liga ba Timor-Leste husi tinan 1974-1999, inklui dokumentu intelijénsia no komunikasaun ne’ebé foti subar entre parte militár.

Kria komisaun independente ho kbiit atu investiga, analiza no fó-sai relatóriu ofisiál kona-ba envolvimentu EU iha Indonézia nia invazaun no okupasaun iha Timor-Leste.

Fó apoiu ativamente prosesu tribunál internasionál ka mekanizmu ne’ebé bele asegura akontabilidade ba autór krime sira hotu.  

Kumpre rekomendasaun sira hotu husi relatóriu Chega! hanesan la fó visa ba ema militár ida-ne’ebé nia naran mosu iha relatóriu nu’udár autór violénsia, no hapara fa’an armas no ekipamentu militár se violasaun direitus umanus sei kontinua (hanesan iha West Papua agora).

Husu deskulpa ba povu timorense tanba EU apoia maka’as ba Indonézia nia krime sira durante invazaun no okupasaun.

Hahú diskusaun ho reprezentativu sira Timoroan iha sektór oioin kona-ba reparasaun husi governu EU ba povu Timor-Leste.

A luta kontinua…

Pamela Sexton

Kontaktu 7744 9793

Fonte informasaun: Nevins, Joseph. A not-so-distant horror: mass violence in East Timor, Cornell University Press, 2005