Labarik hetan VD ho abuju seksual hamutuk 38

Diretora Fokupers,  Marilia da Silva Alves, hatete, iha fulan Janeiru to’o  fulan Fevereiru nia laran, iha labarik hamutuk 38 mak sai vítima ba kazu Violensia Domestika (VD) no abuju seksual, iha ne’ebé balun rekopera ona husi sira nia trauma, no balun sei iha hela uma mahon Fokupers.

“Haree ba total kazu ne’ebé Fokupers atende iha tinan 2017, iha 226,  no husi númeru ne’ebé mak iha ne’e barak liu mak kazu violensia domestika ba labarik sira, hahú husi fulan Janeiru to’o Dezembru tinan 2017, ho total 89, alende ne’e mos iha kazu seluk hanesan kazu abandona iha 45, no kazu abuju seksual iha 17, ne’ebé mak Fokupers atende iha 2017,” hatete Diretora Fokupers ne’e tersa (13 /02/ 2018) iha nia kna’ar fatin Fokupers Farol Dili.

Nia salienta, tama ba iha tinan 2018 fulan Janeiru to’o ulan Fevereiru data klaran, sira foin rekolla dadus kazu violensia domestika no abuju seksual hamutuk 38, ne’ebé tama iha tinan ida ne’e. Husi kazu refere iha tinan kotuk 2017, kazu ne’ebé prosesu iha tribunal 226 kazu, foin iha kazu 9 iha  prosesu final, no kazu seluk sei la’o hela.

“Ami fo atendimentu ba labarik ne’ebé sai vítima  ba kazu sira ne’e, bazeia ba durante ne’e,  família husi vítima sira mak lori mai, no balun mai rasik, no mos  refere husi parseiru sira iha referal, no wainhira vitima sira mai uma mahon Fokupers halo uluk acesment hodi hatene tuir dadus no kronolojia husi vitima sira” hatutan Marilia.

Nia realsa liu tan, dala ruma vítima labarik minoria  ne’ebé hetan abuju seksual no violasaun domestika sempre trauma, no susar sira atu konta sai kronolojia kazu ne’ebé sira hasoru, tamba ne’e Fokupers sei halo aprosimasaun, no hein sira preparadu atu koalia mak foin bele hetan dadus no kronoljia, hafoin mak lori kazu refere ba prosesa iha Polisia no parte kompetente sira seluk.

“Ami durante ne’e halo akompañamentu legal, no ami mos oferese terapia atu nune’e bele rekopera vítima sira nia kondisaun, tamba ha’u hanoin ba liu labarik sira kazu insestu, hanesan aman no avo rasik halo abuju seksual, presiza tempu kleur  to’o tinan ida, mak vítima sira ne’e bele rekopera husi nia kondisaun ne’e,” dehan diretora Fokupers ne’e. Oly

GMN TV | Grupo Média Nacional

GMN TV | Jornal Nacional

KM Aprova Ona Tratadu Kona-Ba Fronteira Marítima

DILI, (TATOLI) - Konsellu Ministru iha Tersa (12/02) aprova ona testu akordu delimitasaun fronteira Marítima Timor-Leste ho Australia ne’ebé sei asina iha loron 06, Marsu tinan ida ne’e.

Aleinde de aprovasaun ba akordu, Primeiru Ministru mós asina karta pleno podér hodi fó lejitimidade ba Ministru de estadu Agio Pereira hodi reprezenta Timor-Leste asina akordu ho Australia iha loron 06, Marsu.

“Karta “Full Power Letter” aprova ona hosi Konsellu Ministru (KM), nune’e karta ne’e sei fó ba Ministru Agio Pereira atu lee iha momentu asinatura akordu fronteira Marítima iha 6 Marsu, Nova York,” Sekretáriu Estadu Konsellu Ministru no Komunikasaun Sosiál, Matias Boavida  informa Jornalista sira iha Palásiu Governu hafoin reuniaun KM foin lais ne’e.

Porta Vóz governu ne’e informa tan katak, Konsellu Ministru mós halo ona aliterasaun ba dekretu governu númeru 1/2018, 12 Janeiru kona-ba ezekusaun orsamentu iha rejime duodecimo nian.

Mudansa ba lei ne’e atu fó liu fleksibilidade iha parte rubrika ida ba rubrika seluk ho esepsaun hosi rubrika saláriu sira nian no vensimentu sira nian iha kapitál dezenvolvimentu ne’ebé mak antes ne’e la permite.

“Ko’alia mós kona-ba kálkulu valór no totál subvensaun ba númeru totál partidu polítiku sira tuir akordeaun judisiál ne’ebé valida eleisaun no proklama iha rezultadu eleisaun nian.” Matias informa tan.

Aprezenta mós proposta rezolusaun ida kona-ba akizisaun ekipamentu eleitorál nian. Iha rezolusaun ne’e atu asegura organizasaun no realizasaun ba prosesu eleitorál liuhosi akizisaun materiál eleitorál hodi asegura prosesu resesaun ba kandidatura partidu polítiku nian, enkuantu proposta ne’e aprovadu ona.

Halo mós aliterasaun ba dekretu governu ho númeru 19/2017 no 21/2017 kona-ba organizasaun no funsionamentu sentru votasaun, prosedimentu votasaun, kontajen votu no apuramentu rezultadu iha rai li’ur. Inklui Governu aprezenta tan rezolusaun governu nian oinsá mak atu halo resenseamentu no atualizasaun baze dadus iha rai li’ur hanesan iha Inglaterra, Irlanda Norte, Portugal, Australia no Korea Sulk.

Jornalista: Zezito Silva | Editór: Manuel Pinto

Imajen: Enkontru Konsellu Ministru, ohin. Foto GPM

TL-Austrália Seidauk Deside Dada Kadoras

DILI, (TATOLI) – Primeiru-Ministru, Marí Alkatiri, hateten Governu Timor-Leste (TL) no Austrália seidauk halo akordu atu dada kadoras Greater Sunrise ba Austrália ka ba TL.

Xefe Governu hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, kinta ne’e, hafoin enkontru ho Prezidente Repúblika, Francisco Guterres Lú Olo.

Nia hateten iha 20 Fevereiru mai ne’e maka reprezentante Governu rua (TL no Austrália) ho ekipa negosiadór sira sei hala’o enkontru iha Malázia atu ko’alia kona-ba kadoras.

Xefe Ezekutivu esplika iha loron 6 fulan-marsu, Governu rua asina de’it kona-ba delimitasaun fronteira no iha akordu delimitasaun fronteira mós fahe rekursu entre porsentu 70-80.

“Seidauk deside atu dada kadoras ba ne’ebé, maibé iha akordu ne’ebé atu asina iha loron 6 fulan-marsu ne’e ko’alia mós opsaun dada kadoras. Katak, se dada kadoras mai TL, Estadu TL sei hetan pursentu 70 no dada ba Austrália, TL hetan pursentu 80”, hatutan.

Jornalista: Xisto Freitas | Editora: Rita Almeida

Imajen: Primeiru-Ministru ko'alia ba jornalista sira hafoin hasoru malu ho Prezidente Repúblika, iha Palásiu Prezidente, ohin. Foto Tatoli/Xisto Freitas

Organizasaun sira preokupadu ho mudansa ba kuríkulu eskolar timoroan nian

Organizasaun nasional oioin no sidadaun timoroan na'in 70 hakerek ona ba Prezidente Repúblika hodi hatudu preokupasaun kona-ba konjuntu ida hosi mudansa ba kuríkulu sira pré-eskola no siklu dahuluk ne'ebé sira konsidera hanesan halo lahó avaliasaun sientífiku adekuadu.

Karta refere katak mudansa sira aprova ona "derepente" no kontra estudu oioin ne'ebé apoia ona kuríkulu ne'ebé uza daudaun, no sei mantén maski iha mudansa hosi dekretu sira, ne'ebé sei hahú implementa de'it iha tinan 2019.

Iha loron antes xefe Estadu anunsia disolusaun hosi Parlamentu - ne'ebé implika atu ezekutivu tama iha jestaun - Governu aprova ona mudansa ba dekretu polémika rua tinan 2015 nian ne'ebé hatama uzu hosi lian inan sira iha pré-eskolar no inísiu ensinu báziku nian, halo portugés hanesan lian prinsipal hahú de'it iha siklu datoluk.

Lurdes Bessa, visi-ministra Edukasaun, esplika ona ba Lusa katak dekretu-lei rua ne'ebé maka aprova iha loron-kuarta ne'e muda, respetivamente, dekretu 3/2015 kona-ba kuríkulu nasional hosi baze edukasaun pre-eskolar no 4/2015 kona-ba kuríkulu hosi siklu dahuluk no daruak hosi ensinu báziku, abranje estabelesimentu tomak edukasaun nian iha rede públiku.

"Asaun ne'ebé ami halo maka avansa ho proposta sira mudansa nian ba dekretu rua ne'ebé defini uzu hosi lian inan sira iha sala aula", Bessa esplika iha deklarasaun sira ba Lusa, hodi hatutan katak mudansa sira reflete programa hosi ezekutivu no desizaun hosi Kongresu Nasional Edukasaun nian ba datoluk, ne'ebé akontese iha tinan liubá iha Díli.

Ema sira ne'ebé asina karta ne'e husu ba xefe Estadu, Lu-Olo, hodi labele promulga mudansa sira tanba sira konsidera katak kuríkulu ne'ebé uza daudaun "la hanorin lian nasional sira (lian inan sira) maibé permiti ba profesor sira iha tinan dahuluk sira hodi uza lian sira ne'e bainhira sira presiza hodi apoia ba komprensa ho inkluzaun".

"Metodolojia ne'e hatudu ona iha estudu oioin hodi aumenta susesu eskola ida ba estudante sira. Objetivu ikus hosi métodu ne'e maka atu labarik sira hotu hosi nasaun ne'e iha komprensaun di'ak hosi lian ofisial rua, nune'e mós komprensaun iha matemátika, siénsia no disiplina sira seluk, to'o final hosi siklu daruak", konsidera hosi organizasaun sira.

Karta ne'e asina hosi organizasaun sira Fokupers, Knua ba Labarik, Alola Foundation, ACbit, AJAR, La'o Hamutuk, Belun, Haburas, Permatil, MOFFE ho Timor-Leste Women's Network no mós hosi sidadaun na'in 70.

Iha karta sira esplika katak partisipa ona, entre tinan 2013 no 2017, iha "konsulta ho kolaborasaun oioin" kona-ba asuntu ne'e, no "senti hakfodak bainhira rona kona-ba mudansa sira ne'ebé halo derepente lahó konsulta ruma.

"Ami entende katak kuríkulu sira ne'ebé hala'o funsiona hodi motiva no valoriza duni partisipasaun hosi alunu sira no aprendizajen ativu. Ne'e hanesan susar halo bainhira alunu sira la konsege entende nia profesor sira ka labele konsege hatudu espresaun ruma", refere hosi karta.

"Ami komprende mós importánsia krítiku hosi partisipasaun hosi aman-inan sira iha eskolaridade oan sira nian no susar hosi partisipasaun ne'e akontese bainhira aman-inan sira la hatene saida maka oan sira aprende hela", sira konsidera ho defende "metodolojia hosi progresaun linguístika".

Sentra iha "mudansa boot haat", dekretu ne'ebé aprovadu abranje kestaun sira hanesan "definisaun hosi lian ofisial sira hanesan lian sira hosi ensinu, fó prioridade ba portugés hanesan lian ensinu nian no tétum hanesan lian suporte nian".

Lian nasional sira defini hanesan "patrimóniu kultural ho históriku, hodi iha tratamentu ne'ebé di'ak iha área ne'e", esplika mós hosi visi-ministra.

Governu desidi mós publika karga horáriu mínimu hosi ensinu pré-eskolar, hosi oras rua ba oras haat iha loron ida, no sei muda mós karga horáriu "ba ensinu hosi kapasidade linguístika iha lian tétun ho lian portugés", nia hatutan. Kuríkulu atual la fahe lian rua no fó karga horáriu sira ne'ebé ki'ik tebes. Ami fahe fali ne'e no iha relasaun ba ensinu iha kompeténsia sira iha lian portugeza, iha nível pré-eskolar no báziku, ami aplika karga horáriu ida hanesan ho karga horáriu hosi ensinu ba matemátika", nia hatutan mós.

Testu sira hosi mudansa ne'e inklui kestaun rua seluk, liuliu ensinu inkluzivu "ne'ebé la previstu antes", hodi hatama edukasaun psikomotora iha pré-eskolar no edukasaun fízika iha báziku.

Hodi defende nia proposta iha Konsellu Ministru, Ministériu Edukasaun destaka "nesesidade hosi estabilidade no koerénsia kona-ba aplikasaun hosi polítika edukativu iha Timor-Leste" no mós "nesesidade hodi klarifika pozisaun sira referente ba lian sira ne'ebé uza iha sistema edukativu".

"Implementasaun hosi polítika edukativu iha Timor-Leste, tenki halo ho dalan koerente no konsistente, hodi proteje Lei ne'ebé previstu no mós prezerva sistema ida hosi ensinu inkluzivu, ne'ebé permiti igualdade ba asesu ba oportunidade sira formasaun nian ba sidadaun timoroan tomak", hatutan dokumentu ne'e.

SAPO TL ho Lusa

Diretor Eskola Portugeza Díli nian hatete katak ranking estraga realidade hosi sentru eskolar

Diretor hosi Eskola Portugeza Díli nian konsidera, iha loron-tersa ne'e, katak ranking sira hosi eskola sira estraga realidade hosi sentru eskolar ne'e, kompara "realidade úniku" ida ho eskola sira "ne'ebé buat hotu la hanesan" no la haree ba aspetu sira hanesan susesu sira iha asesu universitáriu.

Iha tempu hanesan, Acácio de Brito hatete ona ba Lusa, ranking sira "la haree ba efeitu eskola nian iha alunu sira, impaktu aglutinador no formador hosi elite sira iha Timor-Leste no ne'ebé, haree klaru, hanesan eskola di'ak liu iha Timor-Leste".

Maski iha análize ida ne'ebé relasionadu duni ho nota sira iha ezame sira, nia hatete, referénsia sira ne'ebé halo ba eskola la nota, hanesan ezemplu, klasifikasaun di'ak ba matemátika ka nota di'ak sira iha ezame sira hosi ensinu báziku nian.

Acácio de Brito refere ba faktu hosi eskola portugeza Díli nian destaka hosi nota negativu médiu sira ne'ebé maka hetan iha ezame nasional sira, métodu ne'ebé uza hodi estabelese ranking ida hosi eskola portugeza sira.

Análize ba rezultadu sira hosi nota sira hosi alunu sira hosi eskola ualu ne'ebé situa iha nasaun sira ne'ebé pertense ba Komunidade Nasaun sira Lian Portugeza nian hatudu katak iha kazu hosi ezame nasional sira sekundáriu nian alunu sira hosi Makau ho Angola de'it maka konsege média pozitivu.

Iha kazu Eskola Portugeza Díli nian, média iha ezame nasional sira maka ho valor 7,60.

Acácio de Brito destaka faktu hosi 75% alunu sira ne'ebé hakotu sekundáriu iha tinan 2017 konkore ona, ho susesu, ba ensinu superior iha Portugal, "tama iha instituisaun sira no kursu sira - medisina, enjeñaria, direitu ho farmásia - ne'ebé hanesan rigor ne'ebé rekoñesidu".

"Sira seluk tama ona iha universidade timoroan sira nian ka iha nasaun sira seluk", nia afirma.

Espesialidade hosi situasaun iha Timor-Leste - ne'ebé ensinu lian portugeza hetan bandu durante tinan 24 nia laran hosi okupasaun indonéziu - halo situasaun hosi eskola úniku nune'e nia komparasaun ho sentru eskolar sira "laiha sentidu ruma".

Nia hatete katak ohin loron eskola "hanesan duni eskola di'ak liu iha Timor-Leste" no iha líder polítiku prinsipal ho responsável nasaun sira nia oan sira ne'ebé maka estuda iha eskola.

"Ha'u nia opiniaun ne'e iha baze hosi tinan 30 esperiénsia nian iha edukasaun. Ita labele ko'alia de'it iha rezultadu akadémiku sira, ita tenki ko'alia iha rezultadu sosial sira, to'o mós mudansa komportamental sira", nia afirma.

"Ami haree oinsá alunu sira tama no ami haree efeitu eskola, oinsá sira sai", nia hatete, hodi destaka susesu ne'ebé hetan iha Parlamentu Joven, iha konkursu sientífiku sira ne'ebé maka promove hosi CERN, iha Suisa, no méritu individual sira hosi alunu barak.

Rekoñese susar sira ne'ebé iha, diretor hosi eskola destaka empeñu maka'as hosi diresaun no hosi grupu dosente hodi hametin formasaun ne'ebé fó ba alunu sira, ho protokolu sira ho instituisaun sira iha nasaun laran no iha estranjeiru.

Acácio de Brito konsidera katak eskola "kumpri nia misaun" no subliña aumentu hosi fatin dahitu iha ranking sira no tanba tama iha fatin 621 entre fatin 633 relasionadu ho ezame sira iha sekundáriu, maibé tama iha pozisaun 950 entre eskola sira iha báziku hamutuk 1.221.

Média hosi eskola iha ranking afetadu duni ho portugés, nune'e, responsável hosi sentru eskolar hatutan, ne'e hanesan "realidade úniku" ne'ebé 90% hosi alunu sira iha eskola hanesan ema timoroan, barak liu maka iha kontaktu úniku ho lian portugeza iha eskola.

Nota global iha sekundáriu afetadu, liuliu, tanba rezultadu ladi'ak sira ba portugés, ne'ebé nia média iha ensinu sekundáriu maka ho valor 4 de'it, matemátika nia média maka valor 10,3.

Eskola Portugeza Díli nian, harii iha tinan 2002, agora daudaun iha alunu hamutuk rihun resin ho profesor na'in 62, barak liu kontratadu iha Portugal.

SAPO TL ho Lusa

Conselho de Ministros timorense aprova tratado de fronteiras com Austrália

Díli, 14 fev (Lusa) - O Conselho de Ministros timorense aprovou o texto do acordo de delimitação das fronteiras marítimas com a Austrália, que vai ser assinado a 06 de março, em Nova Iorque, disseram à Lusa fontes do executivo.

Na mesma reunião, na terça-feira, o primeiro-ministro assinou a credencial de plenos poderes para que o ministro de Estado Agio Pereira possa assinar o documento, em representação de Timor-Leste, confirmaram as mesmas fontes.

A apresentação do texto foi feita por Agio Pereira, "número dois" da equipa de negociação timorense, liderada por Xanana Gusmão, que conseguiu alcançar um acordo histórico para Timor-Leste.

Fonte próxima da equipa negocial adiantou que Xanana Gusmão, que liderou a parte "política" das negociações, não quis assinar o documento já que isso exigia a assinatura de um membro do Governo.

Fonte do executivo confirmou que o documento foi apresentado aos ministros timorenses por Agio Pereira e pelo responsável da equipa jurídica de Timor-Leste, Michael Wood, num encontro à porta fechada.

"Participaram apenas os ministros. Dada a confidencialidade do documento, não participaram nem vice-ministros, secretários de Estado, funcionários ou assessores", explicou a mesma fonte.

Fonte conhecedora do processo disse à Lusa que o documento vai ser assinado em Nova Iorque a 06 de março, tendo como testemunhas o secretário-geral da ONU, António Guterrres, e o presidente da Comissão de Conciliação, que mediou as negociações entre Timor-Leste e a Austrália, Peter Taksøe-Jensen.

Do lado timorense vai ser assinado por Agio Pereira, e do lado australiano pela ministra dos Negócios Estrangeiros, Julie Bishop, esperando-se a presença na cerimónia de Xanana Gusmão, do primeiro-ministro timorense, Mari Alkatiri, e do ministro dos Negócios Estrangeiros timorense, Aurélio Guterres.

O facto das negociações terem decorrido no âmbito de uma Comissão de Conciliação, criada nos termos da Convenção da ONU sobre o Direito do Mar, e sob os auspícios do Tribunal Permanente de Arbitragem torna o processo - especialmente pelo êxito de um acordo - uma acontecimento positivo para o sistema multilateralista.

Como a Lusa avançou no início deste mês o acordo, cujos contornos exatos ainda não são conhecidos, coloca a linha de fronteira na posição defendida por Timor-Leste, ou seja, a meio caminho entre os dois países, como Timor-Leste sempre reivindicou.

A linha mediana resolve quase definitivamente as fronteiras na zona, tendo depois Timor-Leste que concluir, com a Indonésia, a delimitação de outas zonas fronteiriças.

Apesar do progresso, em encontros que decorreram sob os auspícios de uma Comissão de Conciliação da ONU, e das reuniões com os parceiros do consórcio que tem a licença do Greater Sunrise, "continua a não haver acordo".

Em cima da mesa estão três potenciais cenários, a de uma exploração flutuante - defendida pelas petrolíferas que tem a concessão do Greater Sunrise: Woodside, ConocoPhillips, Royal Dutch Shell e Osaka Gas - a ligação ao gasoduto que liga os poços existentes na zona a Darwin ou a ligação por gasoduto ao sul de Timor-Leste.

A decisão determinará a partilha de receitas do recurso, com Timor-Leste a receber 70% se o gasoduto vier para território timorense e 80% se for para Darwin, segundo fonte conhecedora das negociações.

As duas partes voltam a encontrar-se em Kuala Lumpur para uma semana de reuniões, entre 19 e 24 de fevereiro, sendo que formalmente, o trabalho da comissão termina a 01 de março.

Depois da assinatura, o tratado terá que voltar a ser aprovado, definitivamente, pelo Conselho de Ministros, sendo depois necessária a ratificação pelos parlamentos dos dois países.

ASP // EJ

Imagem: Reunião do Conselho de Ministros. Foto em TATOLI, autoria Grupo Média Nacional - GMN

Governo timorense aprova alteração a execução duodecimal para aumentar flexibilidade

O executivo timorense aprovou uma alteração ao decreto sobre execução orçamental em regime duodecimal, que na prática pretende injetar "maior flexibilidade" sem tocar no teto mensal, explicou à Lusa o ministro das Finanças.

"As alterações pretendem dar mais flexibilidade em termos de mudança de uma rubrica para a outra, com exceção da rubrica de salários e vencimentos para capital de desenvolvimento que não estava permitida", explicou Rui Gomes.

O diploma proposto visa alterar as regras relativas às alterações orçamentais durante a execução em regime duodecimal que resultam da Lei do Orçamento e Gestão Financeira e do Decreto do Governo de Execução Orçamental para 2017, ficando aquelas sujeitas ao limite imposto pelo duodécimo atribuído a cada entidade.

Timor-Leste começou o ano com cerca de 258 milhões nos cofres, tendo previstas receitas mensais não petrolíferas "de entre 18 e 20 milhões", sendo que gastos acima desses valores obrigam a um levantamento do Fundo Petrolífero.

Isso obriga a uma autorização do Parlamento Nacional.

No primeiro mês do ano, explicou Rui Gomes, o Estado conseguiu executar 62% dos cerca de 110 milhões orçamentados, o que mostra, defendeu, que em muitos casos a capacidade de execução é "menor" do que o orçamentado.

"A rigidez, a disciplina e o controlo deste gasto de um bem público é essencial. Para quê pedir 100 se apenas conseguem gastar 50", afirmou Rui Gomes.

Timor-Leste deverá estar grande parte do ano em regime duodecimal já que o Parlamento Nacional está dissolvido e o Governo em gestão - ainda que o executivo insista no contrário - sendo que as eleições antecipadas só ocorrem a 12 de maio.

Depois deste processo, haverá ainda que certificar os resultados, dar posse aos novos 65 deputados e formar um novo Governo que terá depois que apresentar o seu programa e o Orçamento Geral do Estado para 2018 ao Parlamento Nacional.

Pouco tempo depois disso, e dados os prazos previstos na lei, o novo executivo terá que começar a preparar o Orçamento Geral do Estado para 2019.

Lusa | em SAPO TL

Feto Nia Partisipasaun Importante Iha Prosesu Demokrátiku

DILI, (TATOLI) - Sekretária Estadu Igualdade no Inkluzaun Sosiál, Laura Pina afirma Timor-Leste tenke hasa’e taxa partisipasaun feto nian iha prosesu demokrátiku tuir metas Planu Estratéjiku Dezenvolvimentu Nasionál (PEDN) 2030 (bele konfirma iha livru PEDN).

Nia dehan polítika governu nian mak kontinua konsentra iha programa sensibilizasaun atu sosiedade bele hatene didi’ak ida-idak nia devér hodi dudu prosesu inkluzaun sosiál.

“Sensibilizasaun ne’e tenke to’o iha Munisípiu to’o Aldeia maibé daudaun ne’e ita hahú hosi Munisípiu Dili,” Laura Pina ba jornalista sira iha Salaun Delta Nova hafoin halo abertura ba programa workshop, Kinta (15/02).

Governu liuhosi Sekretária Estadu Igualdade no Inkluzaun Sosiál fó prioridade oinsá atu haburas dalan ba inkluzaun sosiál nu’udar kumprimentu ida ba buat ne’ebé haktuir ona iha Planu Estratéjiku Dezenvolvimentu Nasionál.

Laura espera katak ho sensibilizasaun bele tulun ema hotu komprende hodi tau iha pratika nune’e alkansa inkluzaun sosiál. Basa feto Timor-Leste hahú luta iha tempu rezisténsia tanba ne’e libertasaun povu feto mós iha devér no obrigasaun.

“Sekretária Estadu Igualdade no Inkluzaun Sosiál sei servisu hamutuk nafatin ho organizasaun feto sira atu bele kontinua hodi bele hasa’e partisipasaun feto iha prosesu demokrátiku ida ne’e,” Laura promete.

Jornalista: Zezito Silva | Editór: Manuel Pinto

Imajen: Sekretaria Estadu Igualdade Jéneru no Inkluzaun Sosiál, Laura Menezes Lopes. Foto Facebook

Programa Bá Austrália no Korea Tenke Loke Ba Públiku

DILI, (TATOLI) – Programa serbisu bá Austrália no Korea tenke loke ba públiku atu nune’e timoroan hotu bele hetan oportunidade hodi kompete, nune’e Sekretáriu Estadu Juventude no Traballu (SEJT) konvoka diálogu ho joven sira ne’ebé interese ba programa ne’e hodi divulga informasaun atubele hatene prosedimetu husi programa ne’e.

SEJT, Nívio Leite Magalhães, hatete ida ne’e importante nune’e joven sira hatene kritéria saida mak presiza atubele hatama iha programa ne’e, nune’e bele liu no programa ida ne’e tenke fó oportunidade hanesan ba timoraon hotu.

“Joven ida ne’ebé hela iha Dili la’ós espesiál, maibé joven ida hela iha Baguia, Aileu nia oportunidade tenke hanesan ho joven ne’ebé hela iha Dili tanba ne’e mak informasaun tenke loke ba públiku. Programa Governu nian ba timoroan hotu no só selesaun de’it mak bele determina ema ida bá ka la bá. Selesaun ne’ebé transparente, aberta no justu ba ema hotu, laharee ba família, grupu ka partidu”, Nívio dehan iha Jináziu Dili, ohin, bainhira hala’o enkontru ho joven sira.

Tanba ne’e tenke asegura programa ne’e hodi haree ba nia sistema husi avizu, to’o prepara traballadór sira bá liur, durante serbisu iha liur to’o fila mai Timor-Leste la’o ho di’ak.

“Esplika ba ita-boot sira atubele hatene presiza dokumentu saida, ita-boot sira tenke hatene atu nune’e bele halakon lia-anin ne’ebé hatete programa ida ne’e ba família. Ida ne’e sei la akontese durante ha’u-nia mandatu, ha’u hakarak programa ida ne’e ba timoroan ne’ebé kbiit-la’ek la’ós timoroan ne’ebé moris di’ak ona”.

Iha sorumutuk ne’e joven ka kandidatu traballadór sira hato’o preokupasaun sobre lala’ok atu bá serbisu iha rai-liur ne’e tanba balun ne’ebé tuir ona teste dezde 2012-2013 to’o agora seidauk bele bá.

Domingo de Araújo, kandidatu traballadór Austrália ne’ebé tuir ona teste iha 2013 preokupa ho sistema selesaun iha SEJT tanba até agora seidauk bele bá serbisu iha rai refere.

“Agora sira hakarak loke tanba ba 2016 ou 2017 nian, oinsá ho ami kandidatu tuan sira ne’e seidauk hetan oportunidade bá serbisu iha ema nia rai. Tanba sira haree liu ba sira-nia família balun, iha alin feto ida ne’ebé latuir teste (médiku) no isin-rua mak malae haruka fali mai, ne’e serbisu ne’ebé mak haree liu ba família”.

Atu fó oportunidade ba joven timoroan labele haree ba família, maibé haree ba ema ne’ebé mak iha duni kapasidade.

“Hau tuir teste hotu ona, kandidatu iha 2013, ha’u bá husu sira dehan hein de’it tanba naran haruka husi Austrália mak mai, husi ajénsia haruka ema bá, maibé sira taka tiha haruka sira-nia família mak bá iha ne’ebá”.

Jornalista: Maria Auxiliadora | Editora: Rita Almeida

Imajen: Sekretáriu Estadu Juventude no Traballu (SEJT), Nívio Leite Magalhães, konvoka diálogu ho joven sira hodi fahe informasaun sobre programa servisu iha Austrália no Korea, iha Jináziu Dili, ohin. Foto Tatoli/Egas Cristóvão