Primeiru-Ministru Fiar Opozisaun Vota Afavór ba Programa Governu

DILI, (TATOLI) – Primeiru-Ministru, Marí Alkatiri, fiar katak programa Governu ne’ebé tempu besik sei aprezenta ba Parlamentu Nasionál bele pasa tanba opozisaun sira labele ona halo Mosaun Rejeisaun ba dala rua atu vota kontra.

“Ba ha’u programa pasa ona maibé, ami kontinua haruka programa ba parlamentu ho anotasaun atu bele esplika ba deputadu opozisaun sira ne’ebé foti duvida, nune’e sira bele kumpreende programa”, hatete Xefe Ezekutivu ba jornalista sira iha Palásiu Prezidente Nicolau Lobato Bairru Pité, hafoin informa ba Xefe Estadu kona-ba programa governu ho orsamentu retifikativu.

Marí Alkatiri haktuir loloos partidu Kongresu Nasionál Rekonstrusaun Timor (CNRT-sigla portugés) hatama mesak mosaun rejeisaun ida no Partidu Libertasaun Populár (PLP) no Kmanek Haburas Unidade Nasionál Timor Oan (KHUNTO) bele hatama rejeisaun ida tan, nune’e bele hetan votu dala rua. Katak, rejeita dala ida mosaun A, no vota tan fali mosaun B hodi rejeita para programa labele liu.

Xefe Governu hatutan konstituisaun RDTL rejeita programa Governu ne’e só dala rua de’it. Tan ne’e, tuir nia la divia partidu tolu ne’e hamutuk halo rejeisaun dala ida de’it no loloos halo mosaun rejeisaun rua.

Jornalista: Xisto Freitas | Editora: Rita Almeida

Imajen: Primeiru-Ministru, Marí Alkatiri, ko'alia ba jornalista sira hafoin hasoru Prezidente Repúblika, Francisco Guterres Lú Olo, iha Palásiu Prezidente Nicolau Lobato Bairru Pité, ohin. Foto mídia PR

Governu Sei Atribui Sertifikadu Investidór Ba Pelikan Paradise

DILI, (TATOLI) – Diretór Ezekutivu TradeInvest Timor-Leste, Arcanjo da Silva, hatete tempu badak governu sei atribui sertifikadu investidór ba Pelikan Paradise hafoin halo akordu espesiál hodi hahú investimentu iha Tasi-Tolu.

“Enkontru ohin, Primeiru-Ministru konkorda ona atu atribui sertifikadu investidór ba Pelican Paradise atu halo ninian investimentu iha Tasi-Tolu hafoin halo akordu espesiál no bainhira laiha impedimentu sei marka ba loron 28 Dezembru atu atribui sertifikadu investidór”, tenik ba jornalista sira hafoin enkontru ho Xefe Governu, Marí Alkatiri, iha Palásiu Governu, kinta (14/12).

Pelikan Paradise hahú negosiasaun ho Governu desde 2015 hodi hasai Rezolusaun Governu nú 33/2015 5 Outubru no approva terrenu iha Tasi-Tolu hodi hahú konstrusaun.

GMN TV | Lalaok Desportu

GMN TV

Roo Xina to ona iha TL, Prontu Atu Fasilita Tratamentu Saude ba F-FDTL no PNTL

DILI - Roo saude husi Forsa Armada nasaun amigo Xina to ona iha Dili loron (13/12/2017) ho objetivu atu fo apoiu mediku ba forsa armadas F-FDTL no PNTL nunee moos ba komunidade sira neebe presiza halo tratamentu saude.

Lia fuan hirak nee hatoo husi Xefe Estadu Maior Jeneral Falintil Forsa Defeza Timor Leste (F-FDTL) ba jornalista sira depois remata inkontru seminal ho Prezidente Republika Francisco Guterres Lu-Olo iha Palasiu Prezidensial Bairo-Pite Dili Kuarta, (13/12/2017). Nia hatuir tan katak roo ida nee sei halao nia servisu iha Dili hahu husi 13-28 Dezembru 2017.

“Hau atu informa deit moos konaba ami nia programa konaba roo saude Xina nian neebe to ona iha Dili Kuarta 13/12/2017 agora roo nee para ona iha tasi laran Dili nian no tuir planu roo nee sei fila hikas ba Xina iha loron 28 Dezembru 2017, sira nee mai atu fo tratamentu mediku ba F-FDTL no PNTL inklui moos polulasaun neebe presija,”nia dehan.

Parte F-FDTL sempre kria nafatin relasaun diak ho forsa armada husi nasaun Amigu Xina neebe halao foin lais nee iha Xina, no sira husu ba F-FDTL atu saida maka presija fo apoiu kona ba forsa armada nian. Parte F-FDTL resposta katak TL nudar nasaun foun presija sira nia apoiu nafatin ba forsa armada.

Nasaun Xina los foin premeiru atu apoiu TL lae maibe Xina nia apoiu maximu tebes ba prosesu luta libertasaun nasional durante tinan 24 nia laran. tanba liu husi koperasaun diak sira nee maka Xina haruka roo saude nia nee mai iha TL. F-FDTL moos husu Xina atu apoiu konaba tekniku military.  

Justinho Manuel | Suara Timor Lorosae

Investidor Hong Kong Hasoru PM

DILI - Investidor Hong Kong Finansial Aset Manejem LTD, hasoru malu ho Primeiru Ministru Mari Alkatiri iha Palasiu Governu, Dili.

Hafoin remata inkontru ho Primeiru Ministru Mari Alkatiri Prezidente Komite 12 Novembru Gregorio Saldanha hateten, hanesan Timor nia oan investor neebe maka iha relasaun ho sira, hanesan Timor oan lori investidor sira mai hasoru malu ho PM.

“Ami lori mai para sira hasoru malu rasik ho ita nia nai ulun, para loke servisu iha ita nia rai laran hodi ajuda ita nia joven sira,” dehan Gregoria, ba jornalista sira, iha Palasiu Governu, Dili, Tersa (12/12/2017).

Nia dehan, Sira lamai kaer projetu, sira mia investe osan iha rai laran hodi loke servisu ba joventude sira. Portantu investidor sira nee mai investe iha area bankaria nian, tanba ida nee maka sai hanesan uma para investidor lori sira nia osan mai.

Iha fatin hanesan Diretor Hong Kong Finansial Asset Manejemen LTD, Erik Tse hateten, sira husi Hong Kong Finansial neebe investe iha area bankaria, mai hasoru Primeiru Ministru Mari Alkatiri hodi koalia konaba sistema bankaria neebe implementa iha rai laran. 

Carme Ximenes/Maria Lay | Suara Timor Lorosae

Aniceto Guterres Sei Demite án Rasik

DILI, (TATOLI) – Prezidente Parlamentu Nasionál (PPN), Aniceto Longuinhos Guterres Lopez, hateten nia sei demite án rasik hosi kargu PPN bainhira rezolve Orsamentu Retifikativu.

“Bainhira rezolve tiha Orsamentu Retifikativu, ha’u sei buka dalan atu halo demisaun án rasik, keta hanoin dehan ha’u tauk tún hosi kargu Prezidente Parlamentu Nasionál, povu hatene sé maka kanten ba podér”, katak nia ba jornalista sira iha Palásiu Prezidente Nicolau Lobato, Bairru Pité, kuarta ne’e, hafoin sorumutu ho Xefe Estadu, Francisco Guterres Lú Olo

.

Aniceto haktuir bainhira eleitu iha loron 5 fulan-setembru liu-ba, opozisaun iha ona ajenda atu hatún nia hosi kargu refere.

Tanba ne’e, tuir nia, momentu ne’ebá kedas nia prontu atu tún iha kualker situasaun.

Maibé, Aniceto tenik, hakarak tún ho dignidade no lakohi tún tanba de’it interese polítika opozisaun sira nian hodi ofende ninia dignidade ka reputasaun.

ME Husu Profesór Sira Kontinua Tuir Formasaun

DILI, (TATOLI) – Ministru Edukasaun no Kultura (MEK), Fernando Hanjam, apela ba profesór sira hotu iha Timor-Leste (TL) atu kontinua tuir formasaun, tanba ho polítika atu hadi’a kualidade ensinu aprendijazen.

“Aproveita tempu ne’e ho didi’ak, liu-liu relasaun ho avaliasaun dezempeñu dosente eh profesór, se mak la prienxe ona kritéria, nia sai husi profesór”, hatete ba profesór sira iha salaun INFORDEPE (Instituto Nacional de Formação de Docentes e Profissionais da Educação), Balide, kuarta (13/12), iha ámbitu semináriu intituladu FORMAR MAIS-Contributo Para a Formação Continua de Professores.

Governante ne’e fó hanoin ba profesór sira husi munisípiu 12, inklui RAAEO (Rejiaun Autonoma Administrativa Ambeno Oe-cusse) katak kualidade ensinu aprendijazen atu di’ak liu, importante tebes mak profesór sira hodi produz alunu sira ho kualidade.

Imprensa: Prezidente brazileiru planeia vizita ba Ázia, inklui Timor-Leste, iha Janeiru

Prezidente brazileiru, Michel Temer, karik sei halo vizita iha sudeste aziátiku iha fulan-Janeiru, inklui ba Timor-Leste, hodi buka investimentu externu iha Brazil, fó sai iha notísia hosi imprensa brazileiru.

Temer sei vizita rejiaun entre loron 07 no 12 fulan-Janeiru, iha deslokasaun ida ne'ebé sei inklui pasajen sira hosi Vietname, Singapura, Timor-Leste ho Indonézia, hatete hosi fonte prezidensial sira ne'ebé haktuir hosi imprensa iha Brazil.

Fonte sira ne'e refere katak iha nasaun balun, nia sei halo vizita Estadu ida nian hodi esplika katak sei marka mós enkontru bilateral oioin.

Imprensa brazileiru la hato'o detalle sira kona-ba enkontru sira ka kona-ba delegasaun ne'ebé maka sei akompaña Temer.

SAPO TL ho Lusa

Koreia-Norte: Xina ho Rúsia felisita vontade EUA nian hodi tuir dalan diplomátiku

Xina ho Rúsia felisita ona, iha loron-kuarta ne'e, vontade ne'ebé hatudu hosi Estadus Unidus hodi rezolve krizi ho Koreia-Norte liuhosi dalan diplomátiki, hafoin deklarasaun sira hosi sekretáriu Estadu norte-amerikanu kona-ba asuntu ne'e.

"Ami hein katak Estadus Unidus no Koreia-Norte serbisu iha diresaun hanesan, foti hakat sira hodi hanoin iha diálogu no bele hahú kontaktu", afirma hosi porta-vós hosi Ministériu Negósiu Estranjeiru xinés, Lu Kang, iha konferénsia imprensa ida iha Pekin.

Xefe diplomasia norte-amerikanu, Rex Tillerson, hatete iha loron-tersa katak Estadus Unidus "sei aumenta presaun to'o Koreia-Norte kompromete ho dalan signifikativu" iha diálogu ida kona-ba nia programa nuklear no afirma katak asaun militar ida "la'ós hanesan dalan ne'ebé maka sira hakarak hili".

Tillerson konsidera ona katak opsaun hosi asaun militar, bainhira hotu ona solusaun diplomátiku tomak, sei sai hanesan "falla" pesoal.