Fretilin Forma VII Governu ho Koligasaun: PM ho Nia Ekipa Tenke Mos Husi Korupsaun

Husi: Moisés Vicente* | opiniaun

Iha semana hirak liu bá debate hamanas los iha mídia social sira hanesan le’e iha jornál diária, facebook sira, hare’e iha Televisaun, rona iha rádio, akademiku sira koalia, igreja sira mos fó nia hanoin, sosiedade sivil sira fó nia idea no ba to’o povu babain sira. Hanoin no debate hirak ne’e koalia kona-bá se los mak sei tur hamutuk ho partidu FRETILIN manan maioria simples sei forma VII Governu constitusional?. Eleisaun Parlamentar remata ona, dekcore iha ambiente paz no tranquilidade nia laran. Resultado ida ne’e, resulta husi maturidade polítika lideransa partidos politikus em partikular no eleitoradu em geral. Resultado final hetan validasaun husi Tribunál de Recurso (TR) maka tuir mai ne’e: partidos ne’ebé hakat liu barreira 4% maka partidu FRETILIN 23 kadeiras hetan votos 168.480 ka 29,7%, partidu CNRT 22 kadeiras hetan votos 167.345 ka 29,5%, PLP 8 kadeiras hetan votos 60.098 ka 10,6%, PD 7 kadeiras hetan votos 55.608 ka 9,8%, ikus liu Partidu KHUNTO 5 kadeiras hetan votos 36.547 ka 6,4%. No partidu 16 partidus konkorentes lulun biti hotu tanba total numero votantes la sufisiente atinge 4% nune’e elegivel hodi hetan kadeiras.Maibé realidade povu hakarak partidu politiku 5 deit mak hetan asentu iha Parlamentu Nasional ba periodu 2017-2022.

Perguntas mak ne’e se partidu Fretilin mak forma VII Governo constituicional ho koligasaun Primeiro Ministru ho nia ekipa sira tenke mos husi korupsaun. Partidu politiku ida mos la hetan manan maioria absuluta iha Parlamentar ne’e signifika no hatudu katak partidu Fretilin manan maioria simples deit tenke mos halo koligasaun ho partidu politiku sira seluk ne’ebé hetan asentu iha Parlamentar. Agora dadaun ita hotu hatene hela maun Xanana Gusmão liu husi konferénsia iha CCD-Merkadu Lama, Díli partidu CNRT nian durante loron tolu nia laran dia 4-5-6 Agostu 2017 hatudu katak CNRT foti dezisaun hakarak sai opisisaun ida forte iha Parlamentar. Entertantu Prezidente Partidu Libertasaun Popular (PLP), Taur Matan Ruak afirma, PLP la iha posibilidade atu involve iha governasaun ida ne’ebé sei mai, maibé mantein opozisaun no lá konkorda eleisaun antesipada. “PLP la iha posibilidade integra iha ukun, opozisaun e opozisaun,” Taur Matan Ruak informa ba Jornalista sira hafoin enkontru ho estrutura Partidu Fretilin iha Ótel Novu Turismu, Kinta, (10/08/2017). Signifika katak partidu Fretilin tenke loby makas ba partidu politiku sira seluk seluk tan atu oinsa bele sai barometro hodi forma VII Governo Constituisional ida ne’e.

GMN TV | Jornal Nacional

GMN TV LIVE STREAMING | Direto

Tempu Ona F-FDTL Dezenvolve Forsa Naval-Aero

DILI, (TATOLI) - Prezidente Parlamentu Nasionál, Aderito Hugo da Costa, observa katak situasaun daudaun ne’e, ezije atu reforsa forsa FALINTIL-FDTL atu dezenvolve iha naval no aero atu bele halo patrullamentu ba fronteira Marítima.

“Agora peska illegal mós barak, ita fó fiar ba kompañia komérsiu sira hodi halo investimentu maibé própriu instituisaun Estadu mak tenke halo kontrolu ba nia fronteira, tanba ne’e tenke kapasita instituisaun iha forsa defeza nian atu bele professional,” Aderito Hugo realsa relasiona ho komemorasaun loron FALINTIL ba da-41 ne’ebé semonu iha loton 20 Agusto 2017.

Nia husu ba VII Governu Konstitusionál ho IV lejizlatura ne’ebé mai tau atensaun makas liliu ho fasilidade adekuadu iha forsa naval atu bele uza hodi halo patrulla.

Aleinde de ida ne’e mós fó atensaun ba kapasita instituisaun defeza nian ho materiál ne’ebé avansadu atu bele halo protesaun ba soberania Timor-Leste tantu iha rai maran no iha tasi. Atu nune’e F-FDTL bele transforma hanesan forsa ida ki’ik maibé efetivu ho kualidade no la’ós ho kuantidade.

Nu’udar Prezidente PN ba III Lejizlatura Aderito hato’o fó parabéns ba FALINTIL sira no ba povu Timor-Leste ne’ebé fó apoiu tomak ba instituisaun F-FDTL atu dezenvolve no profesionál di’ak liu tan iha futuru hodi defende nasaun hosi ameasa oioin iha parte esteriór.

Jornalista: Zezito da Silva | Editór: Manuel Pinto

Bolseiru Cabo Verde, Na’in 24 Mantein 19 Husu Transferénsia

DILI, (TATOLI) - Sekretáriu Ezekutivu Fundu Dezenvolvimentu Kapitál Umanu (FDCH), Esmenio Martins da Silva informa, bolseiru timoroan hamutuk 43 ne’ebé oras ne’e hala’o estudu iha Cabo Verde, na’in 24 mak deside mantein hela no na’in 19 maka hakarak halo transferénsia ba Universidade iha Portugal no Brazil.

“Atu hetan transferénsia ne’e tenkesér liuhusi prosesu konkursu no konkursu ne’e sei hala’o iha Timor-Leste,” Esmenio Martins da Silva ba jornalista sira iha Palásiu Prezidenti Nicolau Lobato, Bairru-Pité, Dili, Tersa ne’e.

Ba bolseiru hirak ne’e hakarak fila  tanba aleinde moris iha inseguransa nia laran, antendimentu médiku ladún másimu no prosesu aprendizajen mós kahur ho língua nasionál nasaun ne’ebá nian entaun difikulta bolseiru sira.

Deskansa ho Dame Aquilino-Daniel-Ruth Klaasje

DILI, (TATOLI) - Governu Timor-Leste hato’o sentidu kondolénsia ba matebian Aquilino Santos Caeiro, Daniel J.Groshong e Ruth Klaasje tanba asidente trájiku ida iha estrada, iha Munisípiu Manatutu, iha sábadu liubá.

Portavós governu, Ministru Estadu Agio Pereira, deklara katak sira na’in hirak ne’e ida-idak fó ona sira-nia kontributu ba Timor-Leste ho kbiit tomak no laran di’ak.

“Momentu lakon nian ida-ne’e, ami hato’o ami-nia solidariedade ba sira-nia família, belun no kolega sira, no fó ami-nia omenajen ba sira-nia servisu, ne’ebé sei tutan  nafatin ba jerasaun sira oinmai,” Ministru Estadu Agio Pereira hato’o ba família enlutada, haktuir komunikadu governu.

Promove Estudante Sai Juis Iha Futuru

DILI - Timor oan mak sai rasik juis, hodi tesi lia iha tribunal, tenke promove sira agora, iha nivel estudu universitariu.

Tuir Finalista UNTL Marcos de Jesus katak, Timor oan rasik atu sai juis, universidade neebe ejiste fakuldade direitu, tenke promove no produz estudante ho kualidade.

“Ita nia universidade barak ejiste ona, sira mos estabelese fakuldade de direitu, atu prepara estudante sira ba iha futuru. Agora kedan hau hanoin promove kedan estudante sira, atu iha futuru sira bele remata no bele servisu iha area justisa nian, liu liu bele sai hanesan juis advogadu maibe produs ho kualidade,” hateten Marcos ba STL iha Kampus Kaikoli Segunda, (14/08/2017).

Dom Virgilio Inagura Kapela Grotu

GROTU – Bispu Dioseze Dili, Dom Virgilio do Carmo da Silva, SDB hamutuk ho vigariu Jeral Baucau, Pe. Fransico Pinheiro ho amu paroku Manufahi, Sabino neebe mak akompania husi PNTL too iha suku Grotu, Munispiu Manufahi, Postu Admistrativu Same, Suku Grotu ho horas 08:00 OTL, atu fo Krisma ba ema nain 100 resin no inagura kapela no gruta Nain Feto nian neebe mak hari husi inisiativa husi komunidade Grotu rasik liliu emprejariu Afonso Henrique neebe mak hasai nia osan rasik 29,743 mill dollares.

Iha Omilia, Domingo, Suku Grotu, (14/08/2017), Dom Virgilio do Carmo da Silva, SDB katak kapela Grotu neebe mak hari husi komunidade sente haksolok no kontente, tamba marka tan istoria foun ida, istoria ida nee ita marka hodi inagura kapela furak ona ida nee ho gruta Nain Feto nian.

Morreu aos 90 anos chinesa que foi escrava sexual do exército japonês na Segunda Guerra Mundial

Pequim, 14 ago (Lusa) - A última sobrevivente do grupo de mulheres chinesas que denunciou o exército japonês por usá-las como escravas sexuais na invasão da China (1937-1945), durante a Segunda Guerra Mundial, morreu aos 90 anos, anunciou hoje uma organização chinesa.

Huang Youliang morreu no fim de semana, na sua casa em Yidui, na ilha meridional chinesa de Hainan.

A sua morte deixa "a China sem testemunhas para falar dessa parte da História", destacou Mei Li, porta-voz da organização Hong Kong History Watch, dedicada à lembrança desse obscuro episódio da ocupação japonesa.

A idosa fazia parte de um grupo de 24 cidadãs chinesas que apresentaram uma denúncia contra o Governo japonês pelos danos físicos e psicológicos que sofreram quando foram forçadas a exercer a prostituição com soldados do exército japonês, como outros milhares de mulheres dos países da Ásia Oriental invadidos pelo Japão.

Começou julgamento do dissidente e 'blogger' chinês Wu Gan

Pequim, 14 ago (Lusa) -- O julgamento do dissidente e 'blogger' chinês Wu Gan, conhecido por denunciar injustiças, começou hoje, à porta fechada, na cidade de Tianjin, no norte da China, informaram amigos do acusado.

Wu, conhecido na Internet pelo nome "Super Carniceiro Vulgar", é acusado de subversão contra o Estado.

Foi detido em maio de 2015, quando protestou em Nachang, sudeste, pela detenção e tortura de quatro pessoas que as autoridades queriam que admitissem um crime.

Em agosto de 2016 foi novamente detido e acusou as autoridades de o terem torturado.

Wu tornou-se conhecido em 2009 quando denunciou o caso de uma jovem, Deng Yujiao, que matou um político local que tentou abusar sexualmente dela.

O caso tornou-se muito mediático e gerou uma onda de simpatia para com a jovem, inspirando parte do filme "Um Toque de Violência", do realizador chinês Jia Zhangke, cujo argumento foi premiado no Festival de Cannes de 2013.

Uma dezena de amigos do 'blogger' tentaram aproximar-se do edifício do tribunal n.º 2 de Tianjin, para lhe manifestar apoio, mas foram dispersados pela polícia, segundo o diário South China Morning Post.

MDR // EL

Selingkuh – Kamamentu – Kazamentu no Cerai: Kisah Sandiwara Cinta “Polítika” FRETILIN – CNRT

João Almeida* | opiniaun

Eleisaun 22 Jullu 2017 rezultadu hatudu partidu lima maka liu bareira 4% no la iha partidu ida maka manan maioria absoluta. FRETILIN hanesan partidu mais votadu dadaun ne’e halo kontaktu no dialogu ho partidu sira ne’ebé iha asentu parlamentu nasional. Dialogu dahuluk hahu ona ho CNRT maibe la iha rezultadu absoluta ruma mantein ba opozisaun nune’e mos hein ba dialogu segunda volta no dialogu tuir mai ho PLP nafatin ho nia pozisaun ba opozisaun iha Parlamentu Nasional. Dialogu ne’ebé hanesan ho PD la rezulta buat ruma no hein mos ba dialogu segunda volta  no tuir mai ho KHUNTO.

To’o agora seidauk serteza lolos kona-bá formasaun governu portantu haree ba dialogu sira ne’e seidauk rezulta konkluzaun final forma governasaun oinsa maka sei akontese. Husik hela tiha ida ne’e, haree ba kotuk bainhira Bloku Governu Koligasaun (BGK) 2012-2017 monu iha dalan klaran 2015 ho remodelasaun no rejignasaun Xanana Gusmão husi Primeiru Ministru. FRETILIN nia bonita hakiak ida monu ba Maun Bonito nia matan. CNRT hanesan partidu manan eleisaun 2012 hatudu Primeiru Ministru mai husi partidu opozisaun FRETILIN. Maibe FRETILIN rejeita katak FRETILIN la tama iha governu maibe fo deit nia ema hodi envolve iha governu. SANDIWARA CINTA “polítika” ida ne’e ho istoria naruk tebes no hato’o ona iha artigu dahuluk kona-bá “Kawin – Cerai no Selingkuh: Istilu Kazamentu Polítika Timor-Leste nian” ne’ebé públika ona iha tinan klaran 2016. To’o iha ne’e espekulasaun ne’ebé la’o iha públiku katak Maun Bonito hahu SELINGKUH ona ho FRETILIN no hahu kedas ho KAMAMENTU. Posibilidade familia boot rua sei tuur hamutuk ho festa boot iha KAZAMENTU 2017. Espekulasaun ida ne’e mos halo bonita sira seluk SAKIT maibe iha nonok nia laran no iha tempu hanesan bonita foun ida mosu husi jardim Aitarak-Laran ho lian kro’at los hatete ba nia maun na’in rua kona-bá KAMAMENTU no SELINGKUH ne’ebé durante ne’e akontese estraga buat barak. KEMESRAAN ida ne’e lori to’o iha Eleisaun Prezidensial 2017 ho apoiu Xanana Gusmão no CNRT nian lori Prezidente FRETILIN Francisco Guterres Lú-Olo ba Prezidente Repúblika ba periodu 2017-2022 ho primeira volta deit.

Tribunal No Funsionariu La Kumpri Praju

DILI - Ohin loron prosesu barak ba krime nian sei bou hela iha Tribunal, tanba Tribunal no funsionariu lakumpri ba praju neebe iha.

Tuir Jurista Manuel Tilman katak, ohin loron prosesu ba krime barak sei iha hela tribunal. Tanba funsionariu husi tribunal nian, la kumpri ba praju neebe iha.

“Hau bele hateten ba povu tomak, tanba sa mak prosesu ohin loron bou hela iha tribunal neeba nee, tanba tribunal rasik, no funsionariu tribunal rasik la kumpri praju. Praju nee hanesan hau hatama prosesu ida, naran petisaun inisial ba tribunal iha kintas atu halo distribuisaun fahe ba juis sira, no lori minimu loron 10 hodi hare katak buat nee legal ka lae, la legal fo fila fali mai hau kurije,” hateten Manuel ba STL iha nia knar fatin Praia Dos Coqueiros Segunda, (14/08/2017).

Nia dehan, se legal halo sitasaun iha loron 30 atu atu ema ida neebe hatama prosesu kontra nee, hodi responde mai. Maibe liu tiha loron 30, funsionario mos hanehan hela prosesu nee, no la sita, no hein fulan ida no rua hare fali, sei paradu hela no seidauk sita.

Iha fatin seluk finalista FCS UNTL Vidal Noronha hateten, funsionariu iha tribunal tenke servisu ho honestu, atu lori prosesu hotu lao ba oin. 

Terezinha De Deus | Suara Timor Lorosae

Juis Internasional Halao Deit Inspesaun

DILI - Juis internasional neebe agora iha Timor, sira laos halo julgamentu, maibe halao deit inspesaun.

Tuir Jurista Manuel Tilman katak, juis internasional neebe mai iha Timor, laos halo julgamentu, maibe halo inspesaun ba juis no prokurador sira, atu bele hetan promosaun.

Ohin loron juis sira mai, atu halo inspesaun ba juis sira prokurador sira, atu bele hetan promusaun. Tanba ita iha juis barak tersera klase hela, tinan haat tinan lima tinan neen ba tiha ona, no prokurador da republika barak mos tinan neen tiha ona, la hetan promosaun tanba la hetan inspesaun, la iha ema ida neebe ke mai halo fali avaliasaun ba sira,” hateten Manuel Ba STL iha nia knar fatin Praia Dos Coqueiros Segunda, (14/08/2017).

Nia salienta tan, atu halo avaliasaun ba juis terseira klase, labele juis estajiadus no labele mos ho ema ida neebe nunka mais sai juis, tanba buat hotu iha regra. No juis segunda klase bele halo avaliasaun ba juis terseira, no juis primera bele halo avaliasaun ba juis segunda.

Iha fatin seluk finalista FCS Alberto Soares hateten, presija halo promosaun ba juis Timor oan sira, atu sira bele halao servisu ho diak liu tan. 

Terezinha De Deus | Suara Timor Lorosae

Governu Foun Sei Kontinua fo Apoiu ba Konsilasaun Negosiasaun Froteira Maritima

DILI - Relasiona ho Prezidente Konsilasaun Fronteira Maritima nia afirmasaun katak prosesu konsilasaun Fronteira maritime entre governu Timor-Leste no Australia difisil, maka ho ida nee governu foun sei kontinua apoiu ekipa negosiador fronteira maritime.

Tuir Sekretariu Jeral Partidu Fretilin Mari Alkatiri katak goernu foun sei fo apoiu total ba ekipa negosiador fronteira maritima.

“Ita hotu hatene se maka lidera ba kestaun negosiasaun fronteira marima nee rasik maka maun Xanana Gusmoa no Ministru Agio Pereira, sira tenke kontinua too fin tamba sesaun ida nee atu kontinua iha fulan Agusto, Setembru Outobru entau falta de fulan rua no tolu hau labele mudafali tim negosiador nee,” dehan Mari ba jornalista sira hafoin remta enkontru ho Prezidente Republika Francisco Guterres Lú Olo iha palsiu Prezidensial Bairo Pite, Segunda (14/8/2017).

Nia dehan oras nee dadaun ekipa negosiador sira kontinua halo negosiasaun ba fronterira marima neebe maka ho kompetensia no determinasaun. 

Natalino Costa | Suara Timor Lorosae

Demokratizasaun Parpol Determina Pozisaun, Fretilin Esforsu Tuir Konstituisaun

DILI - Tuir observasaun sosiedade sivil sira katak partidu politika iha direitu atu determina nia pozisaun. Ida nee maka dehan demokratizasaun politika neebe lao iha Timor oras nee dadaun no iha hanoin ida deit maka dezenvolvimentu nasional.

Lia fuan hirak nee hato husi Diretor Ezikutivu Fongtil Arsenio Pereira da Silva ba STL iha nia knar fatin Kaikoli Dili Segunda, (14/8/2017). Nia dehan, hanesan ema hotu hatene ona katak parpol determina pozisaun hakarak opozisaun ka koligasaun, tamba mos konstituisaun garante ba ida nee.

Ida nee maka prosesu demokratijasaun ita hatene katak parpol iha direitu atu determina opojisaun ga koligasaun. Tamba konstituisaun garante ida nee. Ema barak nia hanoin bele mosu hanesan iha 2007 liu ba. Mais konstituisional mais lakonsege forma governu prezidente republika hola bolu segundu maioria nee garante iha konstitensaun,” nia dehan.

BNCT Husu BSTL Hatún Montante Osan Kréditu Empreza

DILI, (TATOLI) - Prezidente Konsellu Administrasaun, Banku Nasionál Komérsiu Timor-Leste (BNCTL-sigla iha portugés), Brígido de Sousa husu ba Banku Sentrál Timor-Leste (BSTL) atu hatún folin osan kréditu mill US500 tuir regulamentu sistema garantia kréditu tanba BNCTL konsidera montante osan boot liu.

“Ami mós ko’alia ona ho banku sentrál karik mil U$500 ba kada kompañia ne’e aas demais. Sé ema ida mai hakarak tiha mil U$500, nia aprezenta planu negósiu ida ne’ebé di’ak, viavel entaun ita fó tiha U$500 entaun millaun U$4 ita bele dehan ema hotu mai hanesan ne’e, ema na’in-ualu de’it mak hetan, osan hotu tiha ona,” Brígido hatete iha Avenida Prezidente Nicolau Lobato, ohin.

Tuir proposta BNCTL montante osan bele tun ba mil U$250 ka 100 iha másimu para ema hotu bele iha ekilíbriu, nune’e empreza ki’ik sira bele hetan mil U$10 ka 50 tanba sira hahú negósiu husi ki’ik, sé tau kedan boot bele kria fali dezekilibradu entre sira.

Governu Agradese PN

DILI, (TATOLI) – Primeiru Ministru, Rui Maria de Araújo agradese Prezidente Parlamentu Nasionál (PN), Aderito Hugo da Costa iha audiénsia ikus entre órgaun soberania rua iha mandatu VI Governu Konstitusionál.

“Ha’u reprezenta membru governu hotu hodi apresia no agradese Prezidente Parlamentu Nasionál kona-ba kolaborasaun institusionál durante tinan rua, maske órgaun seberanu iha ida-idak nia kompeténsia maibé iha interdependénsia ba malu durante mandatu VI Governu Konstitusionál”, afirma Primeiru Ministru, Rui Maria de Araújo hafoin hasoru malu ho Prezidente PN, Aderito Hugo da Costa iha sala gabinete Prezidente PN, ohin.

Nia haktuir, Governu ho PN durante ne’e servisu iha kontestu koordenasaun no kolaborasaun di’ak, tanba ne’e mandatu Governu atu tama ona rohan. Prezensa ne’e hodi agradese ba servisu tomak hosi órgaun lejislativa liu-liu distintu deputadu hotu ne’ebé servisu durante mandatu tinan rua ho balun.