DOM VIRGÍLIO: TL PRESIZA PRESIDENTE REPUBLIKA IHA KAPASIDADE

Bispu Diocese Díli, Dom Virgílio do Carmo da Silva, SBD,  hateten, Timoroan presiza Prezidenti ida ne’ebé iha kapasidade atu kria fatin di’ak hodi bele fó serbisu ba ema barak, nune’e sira bele kontribui ba dezenvolvimentu país ida ne’e.

“Wainhira hanoin konaba futuru Prezidenti ida ne’ebé di’ak, uluk nanain figura ida ne’ebé iha kapasidade atu bele kria fatin di’ak ida iha ne’ebé ema barak bele buka moris, hetan serbisu atu nune’e bele kontribui ba dezenvolvimentu ba rai ida ne’e,”dehan Dom Virgílio do Carmo da Silva ba jornalista sira, Kinta (09/02), iha Centro Convenções de Díli (CCD), depois de partisipa iha XXI Semináriu konaba Papel do Cidadão ao Desenvolvimento do Bem-Estar ho nia sub-tema, Paz, Justiça e Tolerância para Consolidar e Independência Nacional.

Amu Bispu Diocese Díli ne’e hatutan, ho eleisaun ba tinan ida ne’e nu’udar oportunidade di’ak ida ba Timoroan hotu atu koloka kritériu ruma hodi hanoin ba futuru Timor ida oinsa mak sira hakarak atu hetan hodi ukun rai ida ne’e.

PROFESSORES IDADE 60 TENKI HATO’O REKEREMENTU REFORMA

Prezidente Komisaun Funsaun Publiku (KFP), Faustino Cardoso hatete, professores ne’ebe kompleta ona idade 60 atu hato’o rekerementu reforma nian.

“Dala balu mos tamba rezime tranzitorio ne’e, ejije husi ema ida idak ne’ebe maka tama ona idade 60 ne’e atu hato’o rekerementu ba reforma, tanba seidauk obrigatoria, entaun hanesan mos iha Ministeriu Edukasaun (ME) nian ba professores sira balun mesmu kompleta idade 60 ona, sira seidauk prontu hatama nia rekerememntu reforma ninian, tanba rejime ida transitoria ne’e lao’s obrigatoria,”Faustino Cardoso, ba Jornalista sira hafoin partisipa iha seminariu sobre o papel o Cidadaun no Dezenvolvimentu do Bem Estar, ne’ebe maka hala’o iha Centru Convensaun Dili (CCD) Kinta (09/02/17).

Nia hatete, lei reforma ne’e hetan ona aprovasaun no iha ona dekretu lei hodi implementa kona-ba buat ida siguransa social inklui iha reforma ne’ebe dehan katak, tinan 60 tenki tama ona idade reforma.

Kanpres Labele Hatoo Lia Kroat Iha Kampana

DILI - Populasaun husu ba kandidatura Prezidente Republika 2017, atu labele hato lia fuan kroat iha tempu kampana, para nunee labele kria konfrontasaun entre apoiantes sira.

Oras nee Tribunal Rekursu ba dadus kandidatura Prezidente Republika nain 8, maka sei kompete iha eleisaun Prezidensial iha tinan nee.

Kandidatura sira nee maka hanesan Francisco Guterres Lu-Olo, Jose Luis Guterres, Antonio da Conceicao Kalohan, Angela Freitas, Amorin Vieirra, Antonio Fatuk Mutin, Jose Neves Samalarua no Jose Luis A. Tilman.

Sira nain walu nee iha politik no forsa atu bele haforsa sira iha tempu kampana, hodi bele hetan uluk votus para sai vensidor iha eleisaun mai. Tanba nee maka iha tempu kampana, kandidatura sira labele hasai lia fuan kroat, para apoiantes sira labele kria konfrontasaun hodi rezulta vitima b alia fuan kroat husi kandidatura sura.

JSMP Lansa Relatoriu Violensia Domestika Hasoru Feto TL

DILI – Judicial System Monitoring Programme (JSMP) halo lansamentu ba relatoriu Feto neebe hetan vioilensia domestika no defende an iha Timor Leste.

Tuir Diretor Ezekutivu JSMP, Luis Oliveira Sampaio katak iha relatoriu nee sublina difisiensia ka frakeza balun iha sistema judisariu neebe mak la konsege proteje didiak vitima sira neebe mak rejulta husi violensia domestika bazeia ba evidensia violensia domestika tuir monitorizasaun JSMP.

Iha relatoriu nee sira sempre hasoru violensia iha tinan barak no ikus mai sira la aguenta hodi hasoru violensia neebe mak sira hasoru hodi buka defende an ho situasaun neebe mak presaun kolokius neebe mak extra ordinariu ho sira nia laen,” dehan nia.

Nasaun Presiza Ema Ne’ebé Kompriende Estadu

DILI, (ANTIL) – Prezidenti Partidu Kongresu Nasionál Rekonstrusaun Timor (CNRT), Kay-Rala Xanana Gusmão hateten, kandidatu Prezidenti Repúblika periodu 2017 to’o 2022 Francisco Guterres Lu-Olo nu’udar ema ne’ebé kumpriende  estadu.

“Timor presiza ema ne’ebé túr iha leten ás ne’ebé kompriende Estadu, sintidu Estadu, hatene nia obrigasaun konstitusionál, hatene nia obrigasaun ba liur no hatene nia obrigasaun ba povu,” Xanana hato’o kestaun ne’e iha lansamentu sede Kampaña Kandidatu Lú-Olo iha Aimutin, Komoro, Dili, Sesta (10/2).

Nia dehan, Lú-Olo iha kuiñesementu oinsá lidera nasaun tanba iha eperiénsia sai Prezidenti Asembleia Konstituante iha 2001 hodi hakerek Konstituisaun Repúblika, sai Prezidenti Parlamentu Nasionál iha periodu 2002 to’o 2007 no lisensiadu iha área direitu.

Restaurante Kafé U’ut Halo Negósiu Diferente

DILI, (ANTIL) – Kontribui ba ambiente ho uza produtu lokál. Ida ne’e mak restaurante Kafé U’ut ne’ebé harii dezde tinan 2015 iha Mandarin halo negósiu ne’ebé diferente ho objetivu ida katak la’ós atu halo de’it negósiu maibé negósiu ida ne’ebé diferensa iha merkadu ho uza produtu lokál.

Liuhusi mikro negósiu ne’e, hatudu katak laós tenke presiza buat boot mak halo diferensa maibé nu’udar membru ida ne’ebé apoiu beibeik movimentu ida ne’ebé halai ba ambiente nune’e, haka’as-án hodi kontribui ba benefísiu ambiente nian.

Gally Soares Araújo, Jerente Kafé U’ut, ba ANTIL, Sábadu (11/2) iha Mandarin hatete, saida mak sira halo hodi hadi’a ambiente.

Orgaun Soberanu Tenke Asegura Estabilidade

DILI, (ANTIL) – Majór Jenerál FALINTIL-Forsa Defesa Timor-Leste (F-FDTL) husu ba orgaun soberanu estadu hanesan governu, parlamentu nasionál, tribunál no prezidenti repúblika atu asegura pás no estabilidade hodi atinji povu nia moris di’ak.

Lere Anan Timur hatutan iha seminariu ida ne’ebé organiza hosi Gabinete Primeira Dama iha Sentru Konvensaun Dili, Kinta, (9/2) katak, governu tenke ukun ho nasionalismu, patriotismu atu lori povu ba moris di’ak.

Hodi realsa, parlamentu bainhira halo lei tenke tuir realidade, kultura no tradisaun Timor. Parte Justisa, Lere husu halo justisa hanesan Timoroan julga ema Timoroan la’ós ema estranjeiru mak julga Timoroan.

Governu Sei Rejista Tais iha UNESCO

DILI, (ANTIL) – Ministériu Komérsiu Indústria no Ambiente (MKIA) koopera ho PT. Artcha Indonesia no parseiru hanesan Fundasaun Oriente, Timor Aid, Cor Timor no Ministériu Turizmu Arte no Kultura hodi kria ekipa konjunta hodi tau atensaun oinsá mak bele rejista Tais Timor iha Organizasaun Nasaun Unida ba Edukasaun, Siénsia no Kultura (UNESCO) atu sai hanesan patrimónimu mundiál.

“Maibé, ita presiza prienxe kritériu balun, tanba ne’e mak kria ekipa konjunta atu aselera lalais prosesu ne’e tanba ita haree katak produtu barak mai husi rai-liur halo duplikasaun, ezemplu xineza balun halo duplikasaun tais ba karteira no buat seluk ne’ebé labele temi”, Asesór Dezenvolvimentu Indústria, MKIA, José Violante Reis ba ANTIL, Sesta (10/2) iha Fomentu, Dili.

José Violante kontinua, kritériu neen ne’ebé mak UNESCO fó ba Timor-Leste no kritériu ne’e presiza tempu naruk uitoan. “Ita-nia governu tenke deklara tais ho motivu husi Baukau, Lospalos, Marobo no seluk tan hanesan rikusoin ne’ebé lei proteje, ne’e hanesan kritériu ida atu submete ba UNESCO”.

Ema Sivil Ataka F-FDTL Akontese Bebeik Ona

ILI – Diretor Fundasaun Mahein Nelson Belo hateten, akontesimentu husi ema sivil halo agrasaun fisika ka ataka membru F-FDTL nee kuaze akontese bebeik ona, iha tinan rua liu ba tuda mate membru F-FDTL ida.

Hau hakarak hateten akontesimentu ida nee tanba sa mak akontese bebeik, tanba primeiru ita nia joventude sira nee, seidauk hetan infornamasaun ida neebe maka klean kuandu wainhira problema ruma sira atu ba koplein iha neebe,” dehan Nelson ba jornalista sira iha PN, Dili, Sesta (10/02/2017).

Nia dehan, purexemplu sira lagosta sistema ruma ke liga konaba instituisaun, military ka instituisaun polisia lolos nee, iha ona PDHJ, PN komisaun B no mos Ministeiru Interior iha mos koplein iha neeba para atu bele ba hato keixa ruma, Maibe nee sira lahetan informasaun, entaun dala ruma ataka pesoal nee akontese.

TAUR: “Hau Hakiak Fahi Iha Uma”

ATU-ABEN - Prezidene Republika Taur Matan Ruak hatete nia parte mos hakiak animal iha uma hanesan bibi rusa, no fahi maibe ho kondisaun neebe mak saudevel tamba sempre hamos luhan.

Hau iha Uma mos hakiak fahi, mais hau nia fahi hau sempre hamos, kuandu moras fo aimoruk no fo hahan neebe mak diak, hau nia fahi luan sempre mos tamba hau iha uma hanesan sidadaun bai-bain,” dehan Taur liu husi Dialogu Komunitaria ho povu suku Atu-Aben, Postu Administrativu Bobonaro, Kinta (09/02/2017) iha Sede Suku Atu-aben.

Nia hatete sidadaun sira neebe mak hakarak hakiak fahi iha uma agora timor oan balun faan hahan fahi nian bele ba hola ho osan no mos bele selu liu husi fahi oan ou aihan sira seluk. Taur fo ezemplu katak fahi neebe mak hakiak kuandu moras sempre informa ba parte saude hodi hare atu kura moras neebe mak iha maibe selu karun tan sosa aimoruk hodi fo han ba fahi neebe mak moras.

Líder da Fretilin apresenta candidatura a PR timorense com aposta na unidade

Díli, 10 fev (Lusa) - O presidente da Fretilin, Francisco Guterres (Lu-Olo), apresentou hoje oficialmente a sua candidatura a Presidente da República de Timor-Leste, afirmando o seu compromisso com o consenso, unidade nacional e a cooperação institucional no Estado timorense.

"Com sentido de missão e com honra apresento formalmente a minha candidatura. Com uma única missão, o compromisso de servir o povo, de servir Timor-Leste", disse perante centenas de dirigentes e militantes da Frente Revolucionária do Timor-Leste Independente (Fretilin), convidados e elementos do corpo diplomático.

Recordando alguns dos nomes históricos do partido, Lu-Olo defendeu a necessidade do consenso e unidade nacional, considerando que o Presidente está "equidistante" dos órgãos de soberania mas deve trabalhar pela "interdependência e a cooperação" entre todos.

Xanana apoia candidatura presidencial do líder da Fretilin em Timor-Leste

Díli, 10 fev (Lusa) - O líder histórico timorense e presidente do maior partido do país Xanana Gusmão declarou hoje o seu apoio formal à candidatura do líder da Fretilin Francisco Guterres (Lu-Olo) à Presidência da República timorense.

A declaração de Xanana Gusmão, líder do Congresso Nacional para a Reconstrução de Timor-Leste (CNRT), foi feita num encontro de apresentação formal da candidatura de Lu-Olo hoje na zona ocidental de Díli, onde o líder timorense foi bastante aplaudido pela sua presença e pelo seu apoio.

"Estou aqui para dar apoio ao meu irmão mais novo. A quem dou o meu apoio moral e o meu apoio político. Timor precisa de uma pessoa como Lu-Olo que esteja no cargo mais alto, sabendo o que é sentido de Estado, quais são as suas obrigações constitucionais, as suas obrigações no exterior, mas também as suas obrigações ao povo", afirmou Xanana Gusmão.