PR promulga ona orgánika VIII governu

DILI, (TATOLI) – Prezidente Repúblika (PR), Francisco Guterres Lú Olo, ohin (17/08) promulga Proposta Dekretu Lei husi governu konaba orgánika VIII Governu Konstitusionál.

Tuir informasaun ne’ebé Ajénsia Tatoli asesu, PR konsente katak Governu atuál presiza duni diploma ne’e hodi asegura di’ak liután  knar Governu nian, tanba ne’e Xefe Governu halo esforsu hodi promulga lalais diploma ne’e.

Proposta Dekretu Lei ne’e, atu regula organizasaun no funsionamentu Governu nian no mós estabelese kompeténsia ba ministériu sira iha estrutura VIII Governu nian.

Antes ne’e, iha loron 24 Jullu Governu liuhosi Konsellu Ministru aprova Dekretu Lei Estrutura Orgánika Governu Konstitusionál VIII nian.

Tuir portál ofisiál Governu, estrutura orgánika ne’ebé hetan ona aprovasaun ne’e ninia objetivu maka buka atu hadi’a prestasaun servisu ba povu no halo mákina Estadu nian sai efisiente no lais liután, maibé la haluha mós objetivu sira kona-ba efisiénsia, efikásia no responsabilizasaun.

Governu konstitui husi Primeiru-Ministru, husi Ministru Estadu, husi Ministru Koordenadór, husi Ministru sira, Vise-Ministru sira no Sekretáriu Estadu sira, ho estrutura hanesan Ministru Estadu Prezidénsia Konsellu Ministrus, Ministru Koordenadór Asuntus Ekonómikus, Ministru Reforma Lejizlativa no Asuntus Parlamentares, Ministru Finansa, Ministru Negósiu Estranjeiru no Kooperasaun, Ministru Justisa, Ministru Administrasaun Estatál, Ministru Saúde, Ministru Edukasaun, Juventude no Desportu, Ministru Ensinu Superiór, Siénsia no Kultura, Ministru Solidariedade Sosiál no Inkluzaun, Ministru ba Asuntus Kombatentes Libertasaun Nasionál, Ministru Planeamentu no Investimentu Estratéjiku, Ministru Obras Públikas, Ministru Transportes no Komunikasaun, Ministru Turizmu, Komérsiu no Indústria, Ministru Agrikultura no Peskas, Ministru Defeza, Ministru Interiór, Ministru Petróleu no Rekursus Minerais.

Ministru balun, iha ninia knaar ne’ebé nia hala’o, hetan tulun husi Vise-Ministru no Sekretáriu Estadu sira mak hanesan, Ministru Koordenadór Asuntus Ekonómikus hetan tulun husi Sekretáriu Estadu Formasaun Profisionál no Empregu, husi Sekretáriu Estadu Dezenvolvimentu Setór Kooperativu no husi Sekretáriu Estadu Ambiente nian.

Enkuantu Ministru Reforma Lejizlativa no Asuntus Parlamentares hetan tulun husi Sekretáriu Estadu Komunikasaun Sosiál, Ministru Finansas hetan tulun husi Vise-Ministru Finansas, Ministru Negósiu Estranjeiru no Kooperasaun hetan tulun husi Vise-Ministru Negósiu s Estranjeiru no Kooperasaun, Ministru Justisa hetan tulun husi Vise-Ministru Justisa no Sekretáriu Estadu Terras no Propriedades, Ministru Administrasaun Estatál hetan tulun husi Vise-Ministru Administrasaun Estatál.

Nune’e mós Ministru Saúde hetan tulun husi Vise-Ministru ba Kuidadu Saúde Primáriu no husi Vise-Ministru ba Dezenvolvimentu Estratéjiku Saúde nian, Ministru Edukasaun, Juventude no desportu hetan tulun husi Vise-Ministru Edukasaun, Juventude no Desportu no husi Sekretáriu Estadu Juventude no Desportu, Ministru Ensinu Superiór, Siénsia no Kultura hetan tulun husi Sekretáriu Estadu Arte no Kultura, Ministru Solidariedade Sosiál hetan tulun husi Vise-Ministru Solidariedade Sosiál, Ministru ba Asuntus Kombatentes Libertasaun Nasionál hetan tulun husi Sekretáriu Estadu ba Asuntus Kombatentes Libertasaun Nasionál.

Ministru Obras Públikas hetan tulun husi Vise-Ministru Obras Públikas, Ministru Turizmu, Komérsiu no Indústria hetan tulun husi Vise-Ministru Turizmu, Komérsiu no Indústria, Ministru Agrikultura no Peskas hetan tulun husi Sekretáriu Estadu Peskas, Ministru Interiór hetan tulun husi Sekretáriu Estadu Protesaun Sivíl, no Sekretáriu Estadu ba Igualdade no Inkluzaun depende diretamente ba Primeiru-Ministru.

Jornalista: Julia Chatarina | Editór: Manuel Pinto

Mandatu Mari Alkatiri Remata 2020 | vídeo

DILI - Relasiona ho preukupasaun grupus veteranus, antigus kombatentes ba libertasaun nasional  nomos kuadrus Aliansa Mudansa ba Progresu (AMP) ejiaun Administrativa Espesial Oecusse Ambeno (RAEOA), neebe maka husu atu troka emediata  aktual Prezidente RAEOA no ZEEMS TL  Mari Alakatiri husi nian kagu, nee kabe ba lei too tinan lima no sei determina iha 2020.

“Tuir lei ita hotu hatene numeru 3/2014 nomos estatutu RAEOA nian Prezidente Autoridade Rejiaun Administrativa Espesial Oecusse Ambeno, tenke too sinku anus, agora seidauk hotu,”dehan Adjunto Prezidente RAEOA ZEESM Leonia Monteiro ba jornalista sira iha Parlamentu Nasional, Kinta (16/8/2018).

Monteiro katak, ema balun nian espresaun neebe dehan atu troka Prezidente autoridade RAEOA, nee direitu ema ida idak nian maibe, tenke respeita regras neebe maka vigora iha Timor Leste.

Nia dehan, dadaun nee Prezidente Auditoridade RAEOA no ZEESM Maria Alkatiri kontinua lidera RAEOA no ZEESM nudar Prezidente autoridade. Notisia kompletu lee iha jornal STL edisaun Sesta (17/08/2018).

Natalino Costa | Suara Timor Lorosae

Vídeo iha Timor News

PN Kontinua Suspende Eleisaun Komisariu CAC

DILI – Parlamentu Nasional (PN) kontinua suspende eleisaun ba komisariu CAC, tanba laprense korum.

Liu husi sesaun plenaria Segunda foin lalais nee, PN halo ajenda be eleisaun komisariu CAC, maibe laprense korum,  tanba bankada  Fretilin   retira husi sesaun atu halo eleisaun, tanba nee PN kontinua suspende eleisaun ba komisariu CAC.

Deputada CNRT atual Prezidente Komisaun A Carmelita Moniz hatete, “Segunda nee  ajenda  atu halo eleisaun ba komisariu CAC, maibe bankada Fretilin abandona plenaria afeta tebes ba ami tanba laprense korum atu halo eleisaun ba komisariu foun CAC nian, tanba lei ejize tenke perense ho ¾ membru deputadu prezente, tanba laiha partidu ida mesak tantu kooligasaun ka opozisaun hetan kadeira too ¾ membru deputadu sira,” katak Carmelita ba Jornalista Tersa (14/08/2018) iha  komisaun A PN.

Nia hatete, atu dehan deit katak semana kotuk iha vizita CAC, ho komisariu laiha, sira abandona hotu sira nia traballa tanba sira nia mandatu hotu, mezmu lei lahatete, tanba laiha ema ida mak atu troka, tanba nee afeta tebes ba funsionamentu CAC nian.

Agora dadaun diretor jeral administrasaun finansas nian mak kaer hela jestaun hodi jere hela CAC mezmu ida nee estrannu oituan tanba lakontese iha CAC no komisaun independente sira seluk, tanba lei hatete mos katak mandatu hotu tenke hein too komisariu foun prense nia mandatu. 

Notisia kompletu lee iha jornal STL edisaun Kinta (16/08/2018)

Guilhermina Franco | Suara Timor Lorosae

Ponte Comoro III Sei Inaugura Iha Fim Setembru

DILI, (TATOLI) – Ministru Obras Públikas, Salvador Soares dos Reis Pires foin lais ne’e hala’o enkontru ho embaixadór Japaun iha Timor-Leste, Hiroshi Miami hodi partilla informasaun konaba serimónia entrega no inaugurasaun Ponte Comoro III ba Governu Timor-Leste, liuhosi Ministériu Obras Públika (MOP) tanba  konstrusaun ne’e remata ona.

Tuir informasaun ne’ebé Ajénsia Tatoli asesu liuhosi servisu obras públika, serimónia entrega no inaugurasaun ne’e sei hala’o iha fim Setembru tinan ne’e, no provizóriamente bele loke ona ba públiku hodi utiliza ba movimentasaun transporte no komunidade, maibé bainhira besik loron inaugurasaun, provizóriamente sei taka ba públiku durante loron 5 hodi halo preparasaun ba serimónia ofisiál inaugurasaun.

Entretantu Prosesu konstrusaun Ponte Comoro III iha loron 4 Juñu 2016 no simbólikamente kontrasaun ne’e lansa iha loron 17 Outubru 2016, ne’ebé tuir planu remata iha loron 31 Agostu 2018.

Konstrusaun Ponte Comoro III, responsavel hosi konstrusaun ne’e mak empreza Tobishima Corporation no konsórsiu konsultór sira mak hanesan Ingerosec Corporation, Nipon Engineering Consultant Co. Ltd no IDEAS, Inc, ho kustu ba konstrusaun hamutuk ¥ 1.690.000.000,00 (Yen Japaun) ou hanesan US$ 16.171.610,00.

Konstrusaun ne’e realiza tanba kooperasaun entre Governu Timor-Leste no Governu Japaun, ne’ebé fó tulun liuhosi Ajénsia Japaun nian ba Kooperasaun Internasionál (JICA).

Nu’udar obra Grant Aid ne’ebé finansia husi Governu Japaun, liu husi Japan International JICA. Governu Timor Leste rasik, aloka orsamentu nu’udar fundu kontra partida  hamutuk millaun US$ 3.

Ponte ne’e hanesan ponte foun ne’ebé liga ba estrada Delta ba Rai-hun, Comoro, no sei sai hanesan dalan alternativa hodi prevene problema engarrafamentu, promove atividade ekonómiku no kontribui ba dezenvolvimentu iha kapitál Dili.

Ponte ne’e rasik ho nia tipus Girder Box , ho naruk 249 metros, nia luan 11,55 metros, kompletu ho paseiu husi norte mota ain ho 2 metros, no parte súl mota ulun ho 0,75 metros.

Períodu konstrusaun hamutuk tinan 2 no obra ida ne’e fó servisu ba ema hamutuk 88, ne’ebé kompostu husi ema estranjeiru na’in 37 no timoroan hamutuk 51. 

Jornalista: Julia Chatarina | Editór: Manuel Pinto

Imajen: Nee mak aktividades trabailadores sira servisu no halo hela konstrusaun ba fonte Komoro 3 iha area Fomento Komoro Dili 17 Maiu 2017.Foto TATOLI/Antonio Goncalves

Lá simu saláriu kontratadu MTKI ezije esplikasaun

DILI, (TATOLI) - Funsionáriu kontratadu balun husi Ministériu Turizmu, Komérsiu no Indústria (MTKI) ezije klarifikasaun husi dirijente ministériu nian hodi esplika razaun sira lá simu saláriu iha Jullu.

Ezijénsia ne’e iha tanba funsionáriu sira halo ona knaar iha períodu ne’e (Jullu) no hahú fali kontratu iha 1 Agostu to’o 31 Dezembru, enkuantu kazuál balun hanesan cleaning service no motorista sira asina iha 1 Jullu to’o 31 Dezembru fulan ikus tinan ne’e.

Tékniku profisionál iha Diresaun Jerál Indústria no Kooperativa, Agostinha Freitas Marçal, hatete husi diresaun rekursu umanu MTKI iha 18 Juñu hatún karta ba kada diresaun kona-ba terminasaun kontratu  ba funsionáriu kontratadu no asesór sira no la temi atu kazuál sira mai no bainhira atu kontrata fali presiza hein membru Governu foun.

“Iha kontratu laran lá dehan motorista ho cleaner mai, maibé hakerek de’it terminasaun kontratu, ne’e signifika ba hotu. Depois seidauk hetan aprovasaun husi membru Governu foun, tan ne’e iha 1 Agostu diresaun rekursu umanu haruka tan fali karta ne’ebé dehan funsionáriu tékniku no administrasaun karik ativu halo serbisu presiza  halo justifikasaun bele selebra kontratu hahú 1 Jullu 2018 até 31 Dezembru depois sita cleaning services hahú 1 Jullu to’o 31 Dezembru no  hatete mós totál funsionáriu kontratadu (254) no salariadu labele halo mudansa bazeia nafatin dadus fiksu iha rekursu umanu, karik halo mudansa rekursu umanu sei lá responsabiliza”, Agostinha relata iha Bébora, ohin.

Entaun bazeia ba buat hotu ne’ebé hakerek diresaun hotu-hotu kumpre no selebra kontratu. “Iha ami-nia diresaun DJ (diretór jerál) halo justifikasaun karik funsionáriu ativu iha fulan Jullu ka lae, halo saida, depois DJ haruka ami halo kontratu iha 1 jullu depois halo relatóriu ba ema ida-idak mai halo saida, tan ne’e haruka ba (rekursu umanu) iha ne’ebá halo mudansa fila fali. Iha 3 Agostu diretór rekursu umanu haruka fila fali tan memo ida dehan xefe departamentu rekursu umanu informa katak kontratu hahú iha 1 Agostu, maibé ba cleaner service hahú iha 1 Jullu”, nia esplika.

Nia haktuir iha 6 Agostu halo tan memo ida ba xefe departamentu rekursu umanu katak informa ba Diretór Jerál Indústria, tuir desizaun ikus husi inspetór to’o diretór jerál administrasaun no finansas katak funsionáriu hotu kontratu iha 1 agostu no cleaning services, motorista no seguransa de’it mak hahú iha 1 jullu.

“Se hanesan ne’e sira envolve ami-nia superiór sira tanba sira ne’e haree ba sira-nia ema mai ka la mai, maibé regra loloos envolve ami-nia superiór tanba enkontru dahuluk atu halo terminasaun mak envolve ami-nia diretór jerál no nasionál sira, mas restu ne’e sira na’in hira de’it mak halo desizaun tan ne’e ba ami lá satisfás. Kuandu terminasaun hanesan ne’e tuir sira-nia ata ne’ebé dehan ne’e tenke hein membru Governu halo aprovasaun, agora laiha, diretór jerál halo nia despaxu tanba tinan sira ba kotuk ne’e ministru mak hatún nia sirkulár”.

Agostinha akresenta tanba nesesidade diresaun nian sira halo serbisu tan gabinete iha de’it funsionáriu permanente na’in-tolu no diresaun ne’ebé tutela ba gabinete ne’e iha kazuál hamutuk 50 ne’ebé lá simu hotu saláriu maski ativu serbisu iha jullu ne’e.

“Ne’ebé ami-nia direitu durante fulan-jullu ne’e lakon tiha de’it ne’e, depois ida ne’e nesesidade diresaun nian ami mai halo serbisu, ami la’ós mai tuur de’it. Hanesan ema ne’ebé tuur de’it lá sente, mas ida ne’ebé serbisu ne’e sente, ida ne’e mak ba ami lá satisfás”.

Nia hatutan lakontente liután bainhira desizaun ne’ebé tun mai ne’e ba diresaun hotu inklui Diresaun Jerál Ambiente maski ketak ona tanba iha nia sekretáriu Estadu, maibé orsamentu sei hamutuk ho MTKI, no bazeia ba karta ne’ebé hatún dahuluk maka se iha funsionáriu ne’ebé ativu entaun asina iha Jullu, maibé tenke halo justifikasaun.

“Husi ambiente bazeia ba ida ne’e ema selebra iha jullu. Mezmu sira iha sekretáriu estadu ketak, maibé orsamentu ne’e ami jere hamutuk, nafatin konsentra iha MTCI nian, ne’e ami-nia finansas, rekursu umanu nafatin ida de’it. Hotu-hotu selebra kontratu ba hatama iha diresaun rekursu umanu no bazea ba saida mak fó fali oportunidade ba sira (ambiente) selebra iha jullu, ami diresaun seluk selebra fali iha agostu. Ami sente hanesan halo diskriminasaun boot. Ami husu ba diretór jerál administrasaun no finansas tenke responsabiliza ba ida ne’e”.

Tékniku profisionál ba área metrolojia iha deresaun nasionál regulasaun komersiál, Hilário Cabral, dehan funsionáriu kontratadu hotu preokupa tanba lahatene razaun saida mak labele simu saláriu iha jullu, maibé diresaun jerál administrasaun no finansas mak bele fó esplikasaun klaru tanba asina kontratu hahú fali iha 1 agostu.

“Até a data ami seidauk hetan klarifikasaun husi diresaun jerál administrasaun no finansas. Hanesan funsionáriu kontratadu iha preokupasaun tanba iha diskriminasaun boot entre ami no kolega balun ne’ebé nia funsaun hanesan cleaning services, motorista ne’e asina komesa husi fulan-jullu. Tanba saida mak ami tenke asina husi fulan-agostu?”.

Hatutan iha jullu ne’e laiha despaxu husi superiór katak iha fulan ne’e tenke para serbisu tanba osan laiha, depois Governu daualuk la’o loos mak asina kontratu. “Fulan-jullu ami tama nafatin serbisu só asina kontratu mak iha 1 agostu”.

Diretór Jerál Administrasaun no Finansas, Luis Fernandes, afirma funsionáriu kontratadu iha MTKI nia kontratu termina iha 30 juñu 2018.

“Sétimu Governu termina nia mandatu kuandu oitavu Governu hetan pose iha 22 juñu. Normalmente kuandu kontratu ne’e remata atu halo estensaun kontratu tenke hetan aprovasaun husi membru Governu, agora mai MTCI tanba iha de’it ministru indijitadu no prezidente seidauk fó pose tanba ne’e mak ami labele arriska, entaun antes sira-nia kontratu ne’e remata ami notifika ba sira hein até membru Governu foun mai ho orsamentu ne’ebé seidauk iha, pur tantu ami lafó kontratu ba kontratadu sira ne’ebé nia serbisu bele substitui ho funsionáriu permanente”.

Nia dehan ba kontratu ne’ebé nia karater serbisu ne’ebé labele substitui hanesan cleaner kontinua fó kontratu, mas sira-nia saláriu lafoti tanba seidauk iha osan. “Mas se sira sai ho análize iha prejuizu ba Estadu boot liu. Ezemplu iha merkadu, funsionáriu sira iha merkadu ho karater kazuál hotu se ami lá kontratu sira abandona merkadu iha problema boot diferente ho diresaun hotu ne’ebé kontratadu sira ajuda serbisu ne’ebé sira (permantente) liman lato’o. Tanba ne’e mak iha diferensa iha ne’e”.

Hatutan hafoin orsamentu duodésimu hetan ona aprovasaun mak bolu fali kontratadu sira halo kontratu hahú 1 agostu. “Ne’ebé ami kontratu ne’e tuir karater serbisu funsionáriu kazuál sira. Sira ne’ebé iha merkadu labele substitui ho ema permanente ami fó kontratu nafatin. Sira ne’ebé mak provizoriamente ema permanente bele substitui hela sira-nia serbisu, entaun ami suspende to’o hetan aprovasaun husi membru Governu kuandu iha klarifikasaun katak osan ne’e iha”.

Luis akresenta bainhira mandatu Governu anteriór nia termina iha reuniaun konsellu dirijente iha ministériu nian ne’ebé iha ata ida hotu-hotu asina atu suspende.

“Kargu xefia hotu konkorda atu suspende kontratadu sira kuandu iha kalareza ona ba orsamentu. Infelizmente jullu laiha orsamentu, iha agostu ne’e mak Prezidente foin promulga. Agora, saláriu no vensimentu ne’e ba de’it funsionáriu permanente, sira ne’e kazuál ne’ebé simu osan husi bens no servisu liuliu tékniku profisionál. Tanba ne’e mak iha impase ida ministériu laiha membru Governu ida ho mós desizaun la’ós diresaun jerál mak halo, ne’e mai husi konsellu diretiva sira iha ministériu, desizaun ida koletiva atu suspende provizoriamente hodi haree situasaun ida ne’e halo oinsá?”.

Luis esplika iha orgánika sétimu no oitavu Governu iha tiha ona separasaun. Hanesan ambiente nia separa tiha ona ho MTKI, mas nia kontratadu sira ne’e finansia nafatin husi minstériu.

“Ambiente ne’e nia membru Governu hetan pose iha 22 kedan, agora ami laiha. Tanba ne’e mak ami labele, aprovasaun tenke mai husi membru Governu depois mós reuniaun husi kargu xefia sira konkorda suspende. Agora, balun bele mai, ita labele dehan maioria mai tanba sira-nia kontratu hotu ona, nein kargu xefia ida barani asume responsabilidade atu fó kontratu ba sira, tanba ne’e mak sira bele fó kontratu buat ne’e oin seluk, mas orientasaun laiha husi ema ida simplesmente hotu-hotu ne’e mai husi de’it ami reuniaun ho desizaun koletiva ida”.

Jornalista: Maria Auxiliadora | Editór: Manuel Pinto

Imajen: Foto/Google

Presidente da Indonésia apela à tolerância e união

Jacarta, 16 ago (Lusa) - O Presidente da Indonésia pediu hoje ao país para "abraçar" o seu "inato" espírito de tolerância, dias depois de ter apresentado um líder religioso como vice-presidente na sua recandidatura às eleições presidenciais de 2019.

Joko Widodo falava no parlamento, na véspera do feriado nacional que marca o 73.º aniversário da independência do país.

Para o líder indonésio, o país só foi "capaz de se livrar do domínio colonial holandês" porque as "diferenças políticas, étnicas, religiosas ou de classe" não dividiram os independentistas.

"Depende apenas das pessoas, se a nação quer unir-se ou se é fácil dividi-la", sublinhou.

Na última sexta-feira, Joko Widodo apresentou a recandidatura às eleições presidenciais de 17 de abril de 2019, juntamente com aquele que será o seu parceiro de campanha e candidato a vice-presidente, Maruf Amin.

A escolha do líder religioso foi interpretada, por muitos, como uma tentativa de expandir os seus votos entre os muçulmanos, que representam 88% dos 260 milhões de habitantes do arquipélago.

O clérigo é um assumido opositor do secularismo, liberalismo, homossexualidade e religiões minoritárias.

A reputação da Indonésia como país muçulmano moderado tem sido afetada nos últimos anos. Em 2017, um tribunal condenou o governador cessante de Jacarta, da minoria cristã, a uma pena de dois anos de prisão por blasfémia.

O alto-comissário das Nações Unidas para os Direitos Humanos, Zeid Ra'ad Al-Hussein, alertou no início deste ano que "formas de intolerância", antes consideradas estranhas à Indonésia, estão a invadir a nação muçulmana mais populosa do mundo.

Em particular, criticou os esforços para criminalizar a comunidade LGBT (Lésbicas, Gays, Bissexuais, Travestis e Transexuais),que sofreu múltiplos ataques nos últimos dois anos.

FST // JMC

Rapaz de 12 anos em greve de fome há duas semanas num centro de migrantes em Nauru

Sydney, Austrália, 16 ago (Lusa) -- Um rapaz de 12 anos está há duas semanas em greve de fome num centro para migrantes financiado pela Austrália na ilha de Nauru, no Pacífico Sul, alertou hoje a organização Médicos para os Refugiados.

O rapaz, de nacionalidade iraniana, está há cinco anos com a família naquele remoto país insular, onde a Austrália estabeleceu um centro para migrantes e refugiados que tentam chegar por via marítima ao território australiano.

"Ele [o rapaz] tem uma situação familiar difícil e há quase duas semanas recusa alimentos sólidos e líquidos", disse à televisão australiana ABC o presidente da organização médica humanitária Doctors for Refugees, Barri Phataford.

"Não quero dar muitos pormenores sobre a sua condição clínica, mas é evidente que quando uma criança não quer comer nem beber por duas semanas é porque está profundamente deprimida", acrescentou.

Para o médico, o rapaz, como tantos outros refugiados, "perdeu completamente a esperança" de ir para a Austrália.

Fontes médicas do centro disseram ao jornal britânico The Guardian que o rapaz está sedado para que lhe possam ser administrados líquidos por via intravenosa.

"A situação é crítica. Eles sabem disso, em Camberra, mas não acontece nada", disse a fonte.

Um porta-voz do Ministério do Interior da Austrália escusou-se a comentar o caso e afirmou que Nauru "tem uma ampla gama de serviços de saúde", que inclui especialistas em saúde mental.

A transferência de refugiados e migrantes para a Austrália ou para outros países é avaliada caso a caso, desconhecendo-se se o caso do rapaz está a ser avaliado.

Alguns casos médicos são transferidos, segundo o Guardian, mas normalmente só ao fim de muitos relatórios médicos.

O jornal refere o caso de duas crianças que deverão sair do centro na sexta-feira.

Trata-se de um rapaz de 8 anos, autista, cujos pais estão doentes, e outro de 14 anos, com uma perda de massa muscular tão acentuada que pode nunca voltar a andar normalmente.

Agências da ONU e organizações humanitárias têm denunciado a deterioração da saúde mental dos migrantes retidos nestes centros, especialmente dos menores.

A Austrália mantém desde 2013 uma restritiva política de imigração, que passa por manter os migrantes e refugiados em centros localizados noutros países.

Além de Nauru, Camberra tinha outro centro em Manus, na Papuásia-Nova Guiné, mas esse foi encerrado em outubro passado depois de um tribunal papuásio o declarar ilegal.

Estima-se que haja atualmente 1.100 refugiados em Nauru, entre os quais 120 menores, e cerca de 800 pessoas continuam em Manus à espera de ser transferidas para outros países.

MDR // EL

Superar o Impasse Político: Juntos Desenvolver o País Pelo Bem-Estar do Povo

Roger Rafael Soares * | opinião

O país está a passar por uma situação de decadência política que está a causar várias deficiências na vida social, económica e política do nosso Povo e da nossa Nação. É imperativo que se faça política no pleno sentido da palavra. Nesta particular circunstância, a falta de compreensão, de entendimento e de consciência cívica de autores políticos que apenas olham para a política como um instrumento de atingir o poder e nele permanecer, sem se preocuparem com povo que é sempre, em última análise, vítima inocente das jogadas e manobras, desrespeitando, assim, o princípio democrático adotado no nosso país.  

O impasse político que se está a viver no nosso país reflete, a meu ver, duas interpretações: a primeira está claramente associada à cor política do Presidente da República ao evocar o pretexto de assegurar um governo “limpo” como forma de promover a instabilidade política no VIII Governo Constitucional, não se conseguindo abster da sua formação política e militantismo. A segunda está relacionada com um Governo apoiado por uma maioria parlamentar. Ora, comparando o atual cenário político com o anterior, respeitante ao VII Governo Constitucional, apoiado por uma minoria parlamentar, o que se regista é uma clara parcialidade do Presidente da República em ambos os cenários políticos, ou melhor dizendo atuando com pouca neutralidade política. É claro e sabido, como determina a Constituição, o Governo é nomeado pelo Presidente da República mediante proposta do Primeiro-Ministro, mas é preciso que se nota que é igualmente verdade que o Governo é nomeado em função dos resultados eleitorais para o Parlamento Nacional.  Este impasse político resulta do conflito institucional entre o Presidente da República e o Governo – Chefe de Governo, sendo de realçar a postura assertiva, cooperante e dialogante do chefe do VIII Governo, pela qual incita à resolução deste impasse político promovido pelo Chefe de Estado. Outro facto que veio evidenciar a persistente conflitualidade institucional por parte do Presidente da República foi o recurso à fiscalização preventiva da constitucionalidade respeitante à aprovação do empréstimo no valor de 140 milhões de dólares para o financiamento das atividades do governo, bem assim para sustentabilidade do Estado na sua generalidade.

Neste momento, o país precisa que o VIII Governo Constitucional comece a trabalhar na sua total plenitude, de forma a resolver os problemas e desafios sociais e económicos. Como determina a Constituição, o Governo é o órgão de soberania responsável pela condução e execução da política geral do país e o órgão superior da Administração Pública. Dessa forma, o arrastar deste impasse político reverte-se no arrastar dos problemas e desafios do país.  É de notar que o papel do Presidente da República deve passar por uma intervenção política, conforme determinada constitucionalmente, e não por uma intervenção executiva ou governativa. Ao Presidente da República, cabe-lhe garantir a unidade do Estado e o regular funcionamento das instituições democráticas, entre outras funções consagradas pela Constituição. Portanto, “o princípio da separação de poderes implica que cada órgão constitucional a quem é atribuído o núcleo essencial de uma função do Estado, se deva conter nos limites das competências que lhe são constitucionalmente atribuídas, de forma a que assegurado um modelo de repartição funcional que observe exigências de essencialidade na distribuição das atividades públicas…” (Morais, C.B.). Dessa forma, dos órgãos de soberania, é aos Tribunais que compete, única e exclusivamente, julgar, com imparcialidade e neutralidade, pelo que a sua função é jurisdicional. Aos restantes três órgãos de soberania estão associados as funções executiva e legislativa. Nesta altura, o país precisa de harmonia, coordenação e solidariedade institucional entre os órgãos de soberania- Presidente da República, Governo e Parlamento – imperando o respeito pela esfera de ação, competências e responsabilidades de cada um deles. Está mais que na hora de honrar os compromissos com todos os timorenses. Impõe-se o cumprimento das diretrizes constitucionais sobre a cor política deste ou daquele Presidente da República a favor da soberania do Povo, a quem cabe eleger os seus representantes políticos.  

 A meu ver, a falta de coragem política em considerar e respeitar a vontade do povo, expressada nas eleições gerais passadas, através das quais, de forma maioritária, depositou a confiança à Aliança Maioria Parlamenta (AMP) a oportunidade de formar o VIII Governo Constitucional.  A vontade expressada pelo povo é sagrada, através do qual os políticos devem respeitá-la e honrá-la, pois, o povo é uma parte integrante na definição decisiva de reconhecimento da soberania de uma Nação, conforme definida na ciência política. Respeitar a decisão do povo em prol do desenvolvimento do país.

Rojer Rafael Tomás Soares,

Ailili, Manatuto

TL Presiza Autoridade Marítima Hodi Kontrola Tasi

DILI, (TATOLI) – Diretór Institutu Defeza Nasionál, Pedro Klamar Fuik, hatete asuntu tasi sei iha problema barak, tantu iha tasi leten, laran no okos, tanba ne’e presiza kria autoridade marítima ida kompetente hodi kontrola.

“Rikusoin sira ne’e presiza iha seguransa, se seguransa laiha oinsá mak ita atu asegura. Fronteira marítima iha ona maibé saida de’it mak ita atu halo hodi proteje tasi”, hatete nia iha konferénsia internasionál kona-ba tasi ne’ebé hala’o iha salaun ministériu finansa, Aitarak-laran, ohin.

Nia haktuir iha tasi leten, ró hirak ne’ebé movél tenke hatene katak sira nia atividade saida, se sira fakar oleu ka lixu ruma bele estraga meiu ambiente iha tasi, nune’e mós atividade peska illegál sira.

Tanba ne’e, Timor-Leste tenke kria sistema autoridade marítima ida di’ak, kompetente, kredivél atu afirma autoridade Estadu nian iha tasi, se laiha autoridade atu kontrola iha tasi, oinsá mak bele produz ikan ne’ebé sustentavél ba jerasaun foun sira.

Estadu nia rikusoin iha tasi laran, nia dehan enkuantu seidauk kria autoridade marítima hodi bele iha kbiit atu kontrola, agora ita sei iha tasi ibun de’it, ita seidauk to’o ba tasi klaran, aat liu oinsa mak ita bele ba tasi kidun.

Parte seluk, Prezidente Repúblika, Francisco Guterres Lú Olo, afirma konferénsia ne’e importante tebes hodi ko’alia kona-ba asuntu tasi, tanba rikusoin barak iha tasi laran, la’os ko’alia de’it rai maran.

Asuntu tasi importante atu governante sira haree hodi promove, atu bele halo aproveitamentu, liliu ba jerasaun foun sira.

Enkuantu, konferénsia internasionál ne’e ho objetivu promove reflesaun liuhosi debate kona-ba asuntu tasi iha kontestu nasionál no emerje sekúlu XII, nune’e bele formula hodi sai estratéjia nasionál tasi nian.

Nune’e mós identifika no promove atividade estratéjiku iha nivél setoriál ho intensaun  atu dezenvolve no estabelese kuadru hanesan estatéjia nasionál tasi nian.

Entretantu, konferénsia ne’e organiza hosi Institutu Defeza Nasionál, realiza durante loron rua, hahú ohin no termina aban.

Jornalista: Zezito Silva | Editora: Rita Almeida

Prezidente Repúblika, Francisco Guterres Lú Olo, inklui bainaka seluk partisipa konferénsia internasionál kona-ba tasi ne'ebé organiza hosi Institutu Defeza Nasionál, iha salaun Ministériu Finansa Aitarak-laran. Foto Egas Cristovão

Govenu Sentrál Aloka Milliaun $28 Ba RAEOA-ZEEMS

DILI, (TATOLI) – Adjunta Prezidente Autoridade ba Apoia Ekonomia, Dezenvolvimentu no Finansa, Leonia da Costa Monteiro, hatete alokasaun orsamentu husi governu sentrál ba Rejiaun Administrativa Espesiál Oekusi Ambenu (RAEOA) no Zona Espesiál Ekonomia Sosiál Merkadu (ZEEMS) iha rejime duodesimál hamutuk milliaun $28.

“Orsamentu ne’ebé aloka ona husi governu sentrál ne’ebé mak fó ba RAEOA iha rejime duodesimál hamutuk $28 milloen. Tuir Orsamentu Jerál Estadu (OJE) 2018 ba duodesimál RAEOA nian ne’ebé mak aloka desde janeiru to’o juñu liuhosi transferénsia públika hamutuk $18 milliaun ne’ebé mak transfere ona ba rejiaun hodi halo ezekusaun”, haktuir Leonia iha ninia aprezentasaun durante audiénsia públika ho komisaun C no E iha sala plenária, ohin.

Nia hatutan tan OJE 2018 ba duodesimál, parte autoridade ezekuta tuir regra duodesimál nian ne’ebé haree ba kategoria tolu hanesan saláriu vensimentu, bens servisu no transferénsia públika.

Nune’e nia esplika pagamentu saláriu no vensimentu ba funsionáriu públiku RAEOA hamutuk nain 1.700 no assisténsia tékniku sira ne’ebé mak apoiu, enkuantu bens servisu hanesan despeza korrente ne’ebé mak barak liu ba kombustível hanesan power plan iha Sakato, nomós sosa aimoruk hodi fó atendimentu saúde ba komunidade, edukasaun, agrikultura, turizmu ne’ebé mak aloka tuir kada sekretáriu rejionál ne’ebé mak iha.

Adjunta ne’e subliña membru autoridade Oekusi iha nain hitu, tanba ne’e alokasaun orsamentu liuhosi tranferénsia públiku husi OJE no desgrega fali kada sekretáriu rejionál hodi ezekuta tuir liña rubrika OJE ne’ebé mak iha maibé ba kategoria tolu de’it.

Nune’e mós ba transfénsia públika, nia afirma gasta ba konsensoen públika, merenda eskolár nomós ba subsídiu xefe suku no konsellu suku sira, nomós ba asossiasaun sosiedade sivil ne’ebé mak parseria ho RAEOA hanesan UNDP ho seluk tan.

“Orsamentu husi rezolusaun ne’ebé governu fó vantajen ba RAEOA hodi ezekuta ba kapitál dezenvolvimentu no kapitál menor, maibé haree ba duodesimál, ami la konsege ezekuta iha fatin rua ne’e, tanba orsamentu ne’e ba de’it liña rubrika saláriu no vensimentu, bens servisu, no transferénsia públika”, katak.

Nia dehan tan hosi milliaun $18 ne’ebé mak ezekuta, restu milliaun $10. Autoridade halo ona relatóriu trimestrál ba Primeiru-Ministru (PM), tanba RAEOA ninia relatóriu liuhosi governu sentrál ezekutivamente, hafoin sira mak bele relata mai Parlamentu Nasionál (PN).

“Ezekusaun duodesimál ne’ebé halo, ami aloka de’it ba kategoria orsamentál ne’ebé mak iha tuir dotasaun governu, OJE hanesan transferénsia públika, maibé kuandu to’o iha RAEOA ami halo desgrega tuir kategoria OJE. Tanba ne’e mak durante fulan neen nia laran, ami halo ezekusaun tuir regra ne’ebé mak iha. Tinan tolu liuba, OJE ne’ebé mak aloka ba kategoria menor no fundu dezenvolvimentu, maibé iha multi anuál mak kontinuidade projetu sira”, tenik tan.

Nia mós haktuir projetu sira ne’ebé ezekuta komesa 2015 hanesan planu tinan lima nian hamutuk 176, balun atinje pursentu 100, balun sei la’o hela, tanba planu tinan rua, implementa ho projesaun tinan tolu, bele haree ona rezultadu.

“Ida ne’e mak hanesan fundu kapitál dezenvolvientu ba área infraestrutura la’o duni hanesan planu estratéjiku ne’ebé mak rejiaun trasa, liu-liu prioridade ba infraestrutura, investimentu OJE atu investe ba RAEOA, faze dahuluk mak infraestrutura bázika”, dehan.

Nia konsidera alokasaun milliaun $28 ba RAEOA iha 2018, la sufisiente, maibé fiar katak hela fulan haat atu assegura tan projetu ne’ebé mak iha ona konkursu, tenke asume para halo pagamentu.

“Planu asaun anuál ba 2018, hanesan projetu sira ne’ebé mak iha ona, maibé orsamentu la aloka, entaun haree ba orsamentu agora dadauk iha de’it duodesimál $28 milloen, entaun ami gasta ona $18 milloen, hela de’it ona $10 milloen”, dehan tan.

Entretantu audiénsia públika ne’e, Prezidente RAEOA-ZEEMS, Marí Alkatiri, la marka prezensa, maibé delega ekipa hodi reprezenta hanesan Sekretáriu Rejionál Agrikultura no Dezenvolvimentu Rurál, Reis do Salu, Sekretária Turizmu Komunitária, Inácia no asesor no tékniku sira.

Jornalista: Julia Chatarina | Editora: Rita Almeida

Imajen: Adjunta Prezidente Autoridade ba Apoia Ekonomia, Dezenvolvimentu no Finansa, Leonia da Costa Monteiro. Foto FB ZEEMS

Ekipa Task Force Komesa Konklui Esbosu Jestaun Sítiu Turístiku Ramelau

DILI, (TATOLI) – Diretór Jerál Turizmu, Ministériu Turizmu, Komérsiu no Indústria (MTKI), José Filipe Dias Quintas, haktuir ekipa task force komesa konklui ona esbosu ba jestaun sítiu turístiku Na’i-Feto Ramelau nian ne’ebé iha tempu badak sei aprezenta ba Bispu Dioseze Dili nomós membru Governu sira para hetan apresiasaun hodi aprova no implementa iha 7 outubru 2018 bainhira fatin ne’e hahú loke ba vizitante.

“Agora daudaun task force halo hela serbisu. Ekipa horisehik tun ba Ramelau para halo hela levantamentu dadus ne’ebé hetan apoiu mós husi USAID, tanba ita hatene katak agora osan duodésimu seidauk funsiona ho normál, ne’ebé ita iha parseiru dezenvolvimentu, entaun sira ajuda ita para halo levantamentu hamutuk”, Quintas afirma iha Sentru Konvensaun Dili, ohin.

Aleinde ne’e parseiru dezenvolvimentu Telkomcel mós apoia lixu fatin, tanba isu boot iha foho santu ne’e mak fo’er.

“Entaun ita halo jestaun ba lixu, ita presiza mós lixu fatin, ita-nia vizitante sira, liuliu ita-nia maluk sira ne’ebé halo vizita ba Na’i-Feto Ramelau bele haree katak fo’er ne’ebé ita iha tenke soe iha nia fatin, labele soe arbiru”.

Quintas haktuir akordu ne’ebé asina entre Governu no Dioseze Dili katak Na’i-Feto Ramelau sei loke hikas fali iha 7 outubru, entaun daudaun ne’e serbisu nafatin hamutuk ho parseiru dezenvolvimentu sira no Governu mós tenta nafatin para iha loron ne’ebé termina ne’e buat hotu la’o di’ak no loke ba públiku para halo vizitasaun ba fatin ne’e.

Diretór Jerál ne’e mós hatutan ho impase polítika ne’ebé akontese halo impedimentu, liuliu orsamentu ba ekipa task force ne’ebé hala’o nia knaar ba jestaun sítiu turistiku Na’i-Feto Ramelau, maibé ekipa ne’e iha kompromisu nafatin hodi halo serbisu.

“Ekipa sira tuun bá halo levantamentu dadus, mina mós laiha, komu ita iha parseiru dezenvolvimentu, liuliu USAID sira apoia transporte, prepara akomodasaun, ai-han ba ita, tanba sira iha kompromisu katak iha programa ida turizmu ba ema hotu ne’ebé millaun sia sei investe ba turizmu iha Timor-Leste, parese to’o tinan tolu ou lima”.

Entaun, nia dehan ekipa mós hola parte iha projetu Ramelau nian, tanba Ramelau sai sítiu turizmu relijiozu entaun presiza halo jestaun di’ak para fututu kontrola vizitante sira ne’e para labele soe fo’er arbiru no respeita fatin ne’e hanesan sagradu.

Aleinde ne’e sei iha mós programa ida para hasa’e konxiénsia, liuliu vizitante sira bainhira vizita iha responsabilidade morál, fo’er ne’ebé prodús lori fila ou soe iha nia fatin nomós respeita fatin ne’e. Bainhira timoroan rasik mak respeita ona maka estranjeiru sira bá mós respeita, tanba uma-na’in mak tenke fó ezemplu ba bainaka sira.

Jornalista: Maria Auxiliadora | Editora: Rita Almeida

Imajen: Santuáriu Ramelau. Foto/Google