Diferiénsia Partidu Maibé Tenke Unidade

DÍLI, (TATOLI) - Dosente  Institutu superiór filozofia no teolojia, Semináriu Maiór, Fatumeta Díli, Padre Martinho Gusmão hateten perante estudante sira iha salaun Madre Canossiana, Becora-Díli, kinta ne’e katak iha situasaun ida agora, ita bele diferénsia partidu maibé importante tenke iha unidade ba malu nafatin, nu’udar timoroan.

“Ha’u husu ba imi, mezmu imi iha diferensa partidu, maibé tenke iha espiritu unidade. Buat ida ne’e, xave iha ita-nia moris,” dehan amu Martinho Gusmão bainhira aprezenta kona-ba Papel Ideologia de Nicolau Lobato antes de proclamação e depois da restauração da independência de Timor-Leste.

Amu akresenta katak Timor-Leste ne’e imajinasaun ida bainhira ita sei iha fatin determinadu ruma iha nasaun ne’e, ezetu timoroan sira hasoru malu iha estranjeiru no rekuñese malu aan.

“Kuandu ita-nia lider sira la hatene hanorin ita imajina Timor nia futuru. Ha’u benar-benardiskorda. Anti, kuandu ema dehan joven sira ne’e futuru Timor nian. Tidak ada! Joven sira é passado lider sira nian i lider sira futuru joven nian. Tanbasá? Ohin loron ne’e, labele hanorin barak maibé fó ezemplu,” hateten eis amu-paroku Manatuto ne’e.

“Se ha’u haree lider  koruptór, manipula, joven sira dehan ha’u-nia futuru nasaun mak ne’ebá. Mas kuandu inan-aman sira hateke ba ninia oan sira, agora ó di’ak, ami uluk ne’e kuitadu! Ami saida mak iha? Ne’e duni ha’u proteje ó atu labele moris, ó ha’u-nia pasadu. Ó, ha’u-nia futuru,” amu Martinho reforsa.

Nune’e amu Martinho sita tan Saudozu Nicolau Lobato nia afirmasaun dehan nune’e: De Oecusse a Tutuala, de Lospalos às fronteiras, de Ataúro à Jaco, de mar a mar, somos só um povo, uma só nação com uma só patria Timor-Leste. Nós confiamos na certeza da nossa vitória. É por isso estamos determinados a lutar até vencer mas nós notamos com a vitória ganha porque temos a certeza da nossa vitória. Por isso, dizemos a vitória é certa.

Nia lembra mós saudozu prezidente Nicolau nia liafuan katak Os nossos amigos são mais poderosos. Nós somos um país pequeno e fraco. Entretanto, sabemos, podemos e devemos vencer.

“Ne’e duni, unidade nasionál é sentimento do ‘Ita’,” subliña padre Martinho Gusmão, iha nia palestra ba estudante sekundáriu no universitáriu sira, iha semináriu nasionál Valoriza no Habelar Espirito 20 maio 2002.

Razaun, tuir amu, bazea ba afirmasaun saudozu Nicolau Lobato nian ne’ebé hateten; O dia da liberdade, o desejo de independência nasce com povo, vive com povo, pulsa todos os dias no coração do povo. “Sentru husi estadu ida é o povo,” nia reforsa tan.

Padre Martinho haktuir tan Nicolau Lobato; Um povo que surge de deshumano sistema colonial, um povo que renasce das cinzas do esquecimento, um povo que retoma consciência de si mesmo, um povo que luta sem trégua contra o espansionismo colonial indonésia e imperalismo.

Um povo que surge, um povo que renasce, um povo que retoma, um povo que luta. “Nós somos. Ita mak halo, purtantu unidade é unidade do espirito,” padre Martinho friza tuir afirmasaun saudozu prezidente Nicolau Lobato nian.

Nune’e mós tuir amu, iha 20 de maio 1978 Nicolau Lobato dehan; Primeiro apelo unidade de todo povo, Segundo apelo à unidade de todo povo e terceiro apelo unidade ao todo povo. Ne’e duni unidade.

Amu Martinho akresenta tan tuir Nicolau Lobato, no konsidera importante, dehan; A FRETILIN considera-se purtanto a continuadora de todas tentativas emancipalista e a materializaçcão das mais profundas aspirações do nosso povo. FRETILIN é a continuadora. FRETILIN la’ós fundadór; la iha ideia.

Hodi reforsa, Nicolau Lobato dehan tan; Nós estamos na liña certa, nós somos únicos ilegitimos depositário do legado dos nossos antepassados. Ita haree Nicolau Lobato sempre uza “Nós somos”, verbu ne’ebé mós. Signifika katak Nicolau Lobato nunka dehan; “Eu sou fundador. Nada mais!”

A nossa unidade é basea-se nos princípios. A nossa unidade é base dos princípios. A nossa unidade é forjada na luta, guiado por princípios justos e utilizando métodos corretos.

“Princípios justos, métodos corretos ne’e Mao Tse Tung, Nicolau (Lobato) foti. Princípio justo buat ida importante,” Dosente  Institutu superiór filozofia no teolojia realsa.

“Nicolao Lobato dehan; ita-nia lakon ne’ebé boot liu mak enkuantu povu lakon husi ita-nia moris. Kuandu ema nia sofrimentu la tama ona iha ita-nia simpatia. Sabemos, podemos e devemos vencer,” amu Martinho haktuir.

Diskursu saudozu prezidente Nicolau Lobato, bele klik; https://www.youtube.com/watch?v=lGCoHwnDz3s&feature=share

Jornalista: Rafy Belo | Editór : Manuel Pinto

Imajen: Eis Pároku Parókia Manatuto, Pe. Martinho Gusmão.

Turizmu Esensiál Maibé Problema Mak Infraestrutura Bázika

DILI, (TATOLI) – Dekanu Fakuldade Ekonomia no Jestaun (FEJ) Universidade Nasionál Timor Lorosa’e (UNTL), Fernando Baptista Anuno, hatete setór turizmu esensiál tebes, maibé poblema boot ne’ebé Timor-Leste enfrenta mak infraestrutura bázika mezmu balun responde ona.

“Mina tempu ida sei maran mas ita ko’alia kona-ba turizmu presiza identifika nia potensionalidade. Depois de ita restaura ita-nia independénsia kada ministériu iha ona programa tuir planu estratéjiku dezenvolvimentu nasionál, ho programa ne’ebé iha Governu foun mai kontinua. Ita haree ba interese nasionál mezmu asuntu balun liga ho polítika mas haree ba objetivu prinsipál mak mai responde povu nia preokupasaun”, Fernando hatete iha Kampus Rezende, UNTL, ohin.

Nune’e importante atubele haree ba setór agrikultura, turizmu, rekursu minerál, edukasaun, saúde, infraestrutura hodi responde nesesidade povu. Bainhira hatán ona mak povu ida-idak sei buka nia dalan nune’e neineik ba beibeik hanesan kompromisu ne’ebé hato’o husi forsa polítika sira katak atu hasai povu husi ki’ak.

“Ho esperansa boot liuhusi períodu ne’ebé mak ita-nia Governu tenta rezolve fronteira marítima nune’e bele dada gazodutu mai Timór no kontinua diversifika atividade ekonómika naun petrolíferu atubele substitui, nune’e ita-nia rendimentu la’ós mai husi mina de’it mas husi turizmu, agrikultura, indústria hodi responde dezenvolvimentu ekonómiku”.

Timor-Leste, nasaun ida lokalizada iha Ázia ne’ebé mak iha nia kultura, ambiente, eransa kona-ba istória rezisténsia ne’ebé úniku no tenke esplora, entantu ekonomia país ne’e depende de’it ba minarai no gás.

Dekanu ne’e husu atu líder sira tuur hamutuk hodi rezolve kestaun refere atu nune’e dezenvolvimentu iha setór hotu bele la’o bá oin.

Estudante FEJ, Amelito da Costa, bainhira observa ekonomia país nian hatete munisípiu balun iha produtu lokál ne’ebé potensiál tebes, maibé tanba kondisaun estrada nune’e difikulta atu bele asesu ba merkadu.

“Partidu A ka B mak sa’e mós importante mak dezenvolvimentu tenke la’o”.

Jornalista: Maria Auxiliadora | Editora: Rita Almeida

Imajen: Google.

Independensia Ba Dala 16, Dom Virgilio: Festeza Loron Importante Ho Eukarista

DILI – Komemorasaun loron independensia RDTL ba dala sanulu resin neen, loke ho selebrasaun eukaristia santa misa, neebe halao iha igreza Motael.

Iha homilia Amu Bispu Deoseze Dili, Dom Virgilio do Carmo da Silva hateten, dala ida tan iha tinan 2018 halibur hamutuk hodi komemora loron independensia RDTL ba dala sanulu resin (16) nee, povu festa loron importante nee loke eukaristia santa misa, hafoin aktividades sira seluk sei turi mai.

Ida nee hatudu nafatin mai ita nia identidade ida, povu ida neebe fiar iha nai maromak santisma trindade maka nain ba povu no ba rai ida nee, neebe hanaran rai lulik tera de santa kruz,” dehan Dom Virgilio iha nia homilis, bainhira prezide misa selebrasaun independensia ba dala 16, iha Igreja Motael, Dili, Sesta, (18/05/108).

Dom Virgilio hatutan, nee deit maka bensaun nai maromak nian sulin nafatin mai sarani sira, hanesan ohin rona iha primeira litura, tanba nee iha loron ida nee saida los maka sai ema hotu nia preokupasaun.

Iha fatin hanesan Ministru Estatal, Valentim Ximenes hateten, hodi komisaun organizadora nia naran, hakarak agradese ba Amu Bispu Dom Virgilio neebe maka aseita konvite, hodi mai selebra misa, hodi komemora loron independensia RDTL ba dala 16. 

Notisia kompletu lee iha jornal STL edisaun Sabado, (19/05/2018)

Ekipa STL

20 de Maiu Valor Boot Ba Luta Nain Sira

DILI – Loron 20 de Maiu hanesan loron neebe Timor Leste komemora ninia resturasaun independensia  ba dala 16, no loron nee atu fo hanoin fila fali maluk sira neebe fo sira nia isin hodi luta ba rai ida nee.

"Hau hakarak hatoo ba povu tomak katak, loron 20 de Maiu nee ita nia heroi sira hotu neebe maka fo sira nia isin, ho ran ba rai ida nee, tanba nee ita komemora loron ida nee, lori  ita atu hanoin fila fali valor boot neebe maka sira fo hodi luta ba rai ida nee too hetan ukun rasik aan. Neemak ita hahi loron importante nee,” deklarasaun nee fo sai husi Prezidente da Republika Francisco Guterres Lu Olo ba Jornalista bainhira partesipa iha selebrasaun Misa ba loron 20 de Maiu, iha Igreza Santo Antonio Motael, Dili, Sesta, (18/05/2018).

Nia afirma liu tan, 20 de Maiu hanesan loron selebasaun ba restaurasaun da Independensia no halo mos reflesaun fila fali ba kotuk, hodi hanoin hetan maluk sira neebe maka fo sira nia isin, no ran ba rai ida nee. 

Notisia kompletu lee iha jornal STL edisaun Sabado, (19/05/2018)

Madalena Horta | Suara Timor Lorosae