Xanana Seidauk Hakarak Hasoru PR Lú-Olo

DILI: Prezidente Partidu Koligasaun Aliansa Mudansa ba Progresu (AMP), Kay Rala Xanana Gusmão, seidauk iha hakarak atu hasoru Prezidente Repúblika, Francisco Guterres ‘Lu Ólo’ hodi diskute impase polítika.

Antes ne’e, Prezidente Repúblika Lú-Olo inisiativa konvida Prezidente AMP Xanana Gusmão hodi diskute impase polítika iha rai-laran.

Xanana dehan, bainhira hasoru malu ho Prezidente Repúblika altura ne’ebá partidu CNRT hala’o konferénsia iha nasionál atu husu rezigna aan, maibé Xefe Estadu rasik la aseita Xanana Gusmão demite aan husi Prezidente CNRT.

“Agora atu hasoru malu nia Prezidente Repúblika (Lú-Olo) atu dehan sá?,” deklara Xanana, iha Sede CNRT, Bairru Grilos-Dili, Domingu (8/4). Nia dehan, Prezidente Repúblika hein iha Palásiu Bairru-Pité atu ko'alia saida, tanba to’o oras ne’e seidauk simu karta ofisial husi Xefe Estadu atu diskute saida, tanba oras ne’e la’ós ona tempu atu hasoru Prezidente Repúblika.

Nia dehan, tanba oras ne’e lider AMP na’in tolu prepara-aan halo kampaña ba eleisaun antesipada, ne’ebé laiha tempu atu hasoru Prezidente Repúblika hodi diskute impase polítika ne’ebé liu ona.

Tuir Xanana, antes ne’e Prezidente Repúblika rasik mak foti ona desizaun atu entrega hikas ba povu hodi vota tuir konxiénsia. Nune'e hili hodi ukun povu ho dignu. Tanba ne’e, lider AMP rasik simu desizaun saida mak foti ona ne’e.

Ne’e duni, Prezidente Repúblika rasik iha inisiativa atu hasoru malu ho Xanana Gusmão atu diskute impase polítika ne’ebé hakat liu ona, maibé Xanana Gusmão rasik laiha ona tempu atu sama-ain iha Palásiu Bairru-Pité. 

Artur da Luz | Independente

Hadia Kualidade Edukasaun Tenki Hadia Kurikulu

DILI - Prezidente Partidu Republikanu (PR) Joao Mariano Saldanha dehan atu hadia kualidade ensinu superior iha Timor Leste ba futuru tenki hadia kurikulu. Tanba liu husi kurikulu maka beele determina kualidade ensinu superior.

“Hau koalia tuir situasaun real neebe iha universidade hasoru oras nee tanba hau loke ona eskola Universidade Joao Haldanha. Karik ita lahadia kurikulu maka buat hotu lao rungu ranga nafatin,” dehan Joao Mariano Saldanha, ba STL depois remata lansamentu ba kampanha loron dahuluk iha Sede Partidu PR Vila Verde, Dili Tersa, (10/4/2018).

Tanba nee presiza chek didiak fali nunee moos tenki haree didiak kurikulu sira neebe iha ona. Tuir mai sei hadia moos kualidade dosentes. Maibe ho kuantidade neebe kiik no ho kualidade neebe diak moos. Tanba nee dalan diak atu hadia edukasaun mak nee kurikulu no dosentes sira neebe iha universidade sira iha TL.

Prezidente Juventude Partidu Republikanu (PR) Joel Casamiro dehan dehan moos kualidade edukasaun neebe lao oras nee dadaun iha Timor Leste sei lao ladun diak. Tanba nee maka sedauk lori juventude sira atu kompete ba iha merkadu internasional nunee moos merkadu nasional iha rai laran. Nunee moos merkadu seluk hanesan merkadi azia no CPLP. 

Justinho Manuel

Suara Timor Lorosae

Reabilitasaun Eskuadra Comoro Hein Governu Foun

DILI - Eskuadra Polisia Comoro infrenta situasaun neebe grave, tanba wainhira udan monu rai, bee sempre nalihun hodi tama ba sala laran, situasaun nee halo sira labele halao sira nia knar la ho diak.

Atu responde ba situasaun nee, maka Komandu PNTL iha ona planu, no dezenhu ba eskuadra foun nee, maibe tenke hein governu foun hodi bele rhabilita eskuadra neebe dignu ba pesoal Polisia neebe halao sira nia misaun estadu iha fatin nee.

Segundu Komandante Jeral, Polisia Nasional Timor Leste (PNTL), Komisariu Faustino da Costa hatete, kondisaun eskuadra Comoro klaru ke grave duni, tanba tempu udan bee sempre tama, maibe kuandu situasaun politika normal, no Orsementu Estadu iha maka PNTL sei rehabilita.

“Maibe situasaun politika hanesan nee orsamentu jeral mos laiha ita uja deit dua desimo depois oinsa para ita atu hadia eskuadra nee sai diak,” hatete nia depois remata enkontru iha Kuartel Jeral, PNTL, Caicoli-Dili (10/04/2018)

Maske nunee, espera katak governu foun mai, no sei metin nunee Orsamentu Jeral do Estadu iha para PNTL bele hadia eskuadra nee.

Enkuantu oras nee bele dehan diak oituan tanba tama ona ba iha tempu neebe atu bailoro, no udan ladun ona, la hanesan semana ka fulan balun liu ba neebe situasaun nee prejudika tebes sira nia servisu. 

Luciana Ximenes

Suara Timor Lorosae

Klinika Bairu Pite La Atende Baixa No Partus

DILI - Klinika Bairu Pite taka tiha ona tanba nee maka agora daudaun nee la fo ona Baixa ho m0s fo partus no m0s moras sira seluk ba pasiente sira tanba laiha finansiamentu atu selu ba Enfermeira sira.

Tuir Doutor Daniel Murphy hateten Klinika ida nee taka tiha ona agora daudaun nee Baixa ema labele Materidade fo Partus ba pasiente sira nee laiha ona no m0s moras Nehan m0s labele fokit tanba Klinika nee taka tiha ona.

“Hau hanoin kalan m0s doutor sira la tama ona servisu tanba laiha finansimentu tanba nee maka konsekuensia bo’ot ba Tim0r ema terus ema bele mate tanba ema moras barak entaum ami triste maibe ami husu ba governu maibe la fo ajuda sufisiente atu selu ema nia vensimentu entaun Emfremeira sira hamlaha sira tenke buka tanba fulan rua hau la selu sira,” dehan Doutor Daniel Murphy ba jornalista sira iha nia knaar fatin Bairu Pite Dili, Segunda (09/04/2018).

Nia dehan Klinika nee taka ho razaun katak finanseiru maka laiha no laiha osan atu selu ba doutor sira tanba nee maka nia  presiza fulan ida presiza osan 30 mill dollar atu selu ba doutor sira.

Tuir nia katak, pasiente balun neebe kondisaun kritis  haruka ba Klinika seluk maibe depende ba situasaun maibe pasiente lakohi ba Klinika seluk sira hakarak maka Klinika ida nee.

Iha fatin hanesan Maria Alves (pasiente) hatutan katak, Inan barak maka hakarak mai partus iha nee, tanba iha nee atendimentu diak la hanesan ho klinika sira sira seluk.

Madalena Horta

Suara Timor Lorosae

Coligações e partidos timorenses preparam-se para disputar eleições

A campanha eleitoral para as eleições legislativas antecipadas em Timor-Leste decorre entre 10 de Abril e 10 de Maio de 2018, com a participação de quatro coligações partidárias e quatro partidos políticos.

As coligações partidárias são a AMP – Aliança para a Mudança e o Progresso, o MSD – Movimento Social Democrata, a FDD – Frente de Desenvolvimento Democrático e o MDN – Movimento de Desenvolvimento Nacional. Os partidos políticos concorrentes são a FRETILIN – Frente Revolucionária de Timor-Leste Independente, o PD – Partido Democrático, o PEP – Partido Esperança da Pátria e o PR – Partido Republicano.

A disputa pela vitória, ao que tudo indica, irá envolver a coligação da AMP, constituída pelos três partidos políticos que formaram a oposição parlamentar no VII Governo Constitucional (CNRT, PLP e KHUNTO) e a FRETILIN, primeiro partido mais votado nas eleições de 2017.

Apesar de se prever uma disputa eleitoral muito renhida entre a AMP e a FRETILIN, a coligação AMP parte com acentuada vantagem. Nas eleições de 2017, os partidos que a compõem totalizaram 35 assentos parlamentares de um total de 65 assentos, contra os 23 da FRETILIN (o CNRT teve 22 assentos), contudo, a AMP poderá ter algumas dificuldades que decorrem do facto da FRETILIN controlar toda a máquina administrativa do Estado e os órgãos de comunicação social públicos. Um outro eventual obstáculo para a grande coligação poderá derivar do facto da FRETILIN poder vir a repetir a aliança com o PD (teve 7 assentos parlamentares nas eleições de 2017).

As novidades destas eleições legislativas

Nas eleições legislativas antecipadas agendadas para 12 de Maio de 2018, a FDD – Frente de Desenvolvimento Democrático, constituída pelo PUDD – Partido de Unidade e Desenvolvimento Democrático, a UDT – União Democrática Timorense, a FM – Frente Mudança e o PDN – Partido Desenvolvimento Nacional, bem como, o MSD – Movimento Social Democrata, formado pelo PST – Partido Socialista de Timor, CASDT – Centro Acção Social Democrata, PSD – Partido Social Democrata e PDC – Partido Democrata Cristão, afirmam muitos analistas políticos, poderão ser a grande novidade destas eleições, indo buscar alguns bons milhares de votos aos eleitores indecisos, portanto, alterando os cenários mais previsíveis.

Outra novidade destas eleições é a utilização na campanha eleitoral do prestígio de personalidades políticas e históricas para “convencer” os eleitores e ajudar a passar a mensagem inerente aos programas e ideais defendidos por cada força política.

AMP

No caso da AMP – Aliança para a Mudança e o Progresso, as figuras dos comandantes guerrilheiros Xanana Gusmão e Taur Matan Ruak são mencionadas em praticamente todos os discursos.

FRETILIN

A FRETILIN, para além da presença de Mari Alkatiri, José Ramos-Horta e Abílio Araújo, entre outros, utiliza como bandeira política outros seus fundadores, os chamados históricos da FRETILIN, cujas fotografias estão estampadas nos painéis que têm apresentado durante algumas jornadas de consolidação e nas redes sociais.

PD

O PD – Partido Democrático tem como principal patrono o seu antigo presidente, Fernando Lasama, já falecido, e que foi considerado um dos grandes líderes da frente clandestina, a par de Avelino Coelho, actual presidente do Partido Socialista de Timor.

MSD

O MSD – Movimento Social Democrata, cujo Secretário-Geral e porta-voz é Avelino Coelho, optou por destacar na passagem da sua mensagem programática os vultos de duas grandes personalidades políticas já falecidas, Mário Carrascalão e Francisco Xavier do Amaral. Carrascalão, antigo governador de Timor-Leste e ex-presidente do PSD, por ter tido um papel de bastante relevo na aproximação com a Resistência Armada, onde se destaca o seu histórico encontro com o falecido comandante guerrilheiro Nino Konis Santana, e Xavier do Amaral, por ter sido o primeiro fundador da República Democrática de Timor-Leste (RDTL).

J.T. Matebian, em Timor-Leste | Jornal Tornado

Oposição critica responsáveis do Governo por manterem funções durante campanha

Díli, 10 abr (Lusa) - A oposição timorense criticou o primeiro-ministro e outros membros do Governo por não suspenderem funções durante a campanha eleitoral, que arrancou hoje, para as legislativas antecipadas de 12 de maio em Timor-Leste.

O vice-presidente da Aliança de Mudança para o Progresso (AMP), que reúne as três forças da oposição no parlamento, Fidelis Magalhães, disse à Lusa que "nos países democráticos deveria haver uma separação entre o exercício do poder executivo enquanto situação normal e durante o período eleitoral".

O secretário de Estado da Comunicação Social, Matias Boavida, disse que no caso do primeiro-ministro Mari Alkatiri, também secretário-geral da Frente Revolucionária do Timor-Leste Independente (Fretilin), "não haverá substituição" durante a campanha.

"O primeiro-ministro manterá sempre as suas funções como primeiro-ministro", sublinhou Boavida, em declarações à Lusa.

A legislação timorense não é clara sobre a suspensão das funções dos membros do Governo durante o período da campanha, com a legislação sobre os titulares de órgãos de soberania a explicar que os elementos do executivo "apenas podem suspender funções nos casos permitidos por lei", delegando as suas competências em membros do executivo que deles dependam.

De acordo com a lei eleitoral aplicável, entre os princípios a respeitar durante a campanha está a "imparcialidade das entidades públicas perante as candidaturas", questão que é ampliada no decreto do Governo que regula a campanha eleitoral.

"No exercício das suas funções, os funcionários públicos e os funcionários com responsabilidades públicas devem atuar com total imparcialidade perante todos os partidos políticos ou coligações partidárias, abstendo-se de participar e realizar qualquer atividade de propaganda eleitoral", refere aquele decreto.

O deputado da AMP disse ainda esperar "que não haja uso e abuso dos recursos públicos para os fins eleitorais" acusando os partidos no Governo, Fretilin e Partido Democrático (PD), de terem feito isso durante a pré-campanha.

A AMP integra o Congresso Nacional da Reconstrução Timorense (CNRT), o Partido Libertação Popular (PLP) e o Kmanek Haburas Unidade Nacional Timor Oan (Khunto).

No ano passado, vários membros do Governo timorense, incluindo o primeiro-ministro, suspenderam temporariamente as suas funções para poderem acompanhar as campanhas dos respetivos partidos, ainda que a governação tenha continuado a ser garantida.

Essa suspensão abrangeu membros de várias forças políticas já que o Governo tinha elementos de três das quatro forças com representação parlamentar, nomeadamente o CNRT, a Fretilin e o PD.

Na altura, a suspensão de funções era facultativa, pelo que nem todos os membros do Governo o fizeram, tendo outros recorrido a férias ou licenças, indicaram fontes do anterior executivo timorense.

ASP // EJ

PR timorense espera que partidos aprendam com lições recentes

Os partidos políticos timorenses devem aprender com a "lição" que foi a dissolução do Parlamento Nacional procurando, depois das eleições antecipadas de 12 de maio, uma solução o mais convergente possível, disse o Presidente de Timor-Leste.

Em declarações à Lusa, Francisco Guterres Lu-Olo salientou que continuará a exercer as suas competências e a ser "medida de tudo", dentro do quadro legal e constitucional do país.

Questionado pela Lusa sobre a possibilidade de as eleições antecipadas voltarem a produzir um resultado político incerto - o país está numa crise política desde as legislativas de julho do ano passado - Lu-Olo mostrou-se esperançado numa solução acordada.

"Penso que há vontade clara dos partidos políticos de aprenderem com a lição desta vez, da dissolução do Parlamento Nacional. Por isso acho que teremos uma solução o mais convergente possível depois das eleições", afirmou.

Timor-Leste viveu nos últimos meses um período de grande tensão política com um Governo minoritário a ver chumbado pela oposição o seu programa e a proposta de Orçamento retificativo.

A oposição acabou depois por se unir numa aliança de maioria parlamentar, tendo o Presidente da República acabado por dissolver o parlamento e decidido convocar eleições antecipadas para 12 de maio.

Um total de quatro partidos e quatro coligações apresentam-se aos eleitores.

Lu-Olo deixou no fim de semana apelos diretos aos candidatos ao voto para que evitem, durante a campanha que começa na terça-feira, ataques pessoais, procurando debates centrados nos programas e nas propostas de desenvolvimento nacional.

O chefe de Estado falava na sede da Comissão Nacional de Eleições (CNE) no encerramento da cerimónia de assinatura de um pacto de unidade nacional por representantes dos oito partidos e coligações candidatos ao sufrágio.

"Temos de acabar com os insultos. Isso é uma forma de matar o caráter das pessoas. Como Presidente da República não posso continuar a admitir isso", declarou posteriormente à Lusa.

O Presidente da República de Timor-Leste disse fazer simplesmente apelos.

“Não é um crime público e não posso ir além de apelos. Mas peço que se garanta um espírito de respeito entre todos", considerou.

A campanha começa na terça-feira e decorre até 09 de maio.

Lusa | em SAPO TL

Esperansa Estudante ba Kampaña Eleitorál EA

DILI, (TATOLI) - Universitáriu sira espera katak kampaña eleitorál ba Eleisaun Antesipada [EA], ne’ebé hahú ohin, to’o eleisaun, atu kontinua la’o iha ambiente ida hakmatek no iha estabilidade, nune’e “festa demokrasia” ne’e la’o ho susesu.

Gilberto Cabral, estudante ida, hateten katak kampaña eleitorál ne’e nu’udar oportunidade atu partidu polítiku sira hato’o sira-nia programa, no povu bele ezerse sira-nia direitu iha périodu eleisaun.

Tanba ne’e, hanesan mós joven husu atu ita hamutuk nafatin kria paz no unidade iha ita-nia rain. “Ha’u hanesan joven ida hato’o ha’u-nia mensajen ba joven hothotu ne’ebé namkari iha Timor laran tomak, mai ita hamutuk kria nafatin paz no estabilidade iha ita-nia munisípiu, suku atu nune’e labele iha dezentendimentu ba kampaña eleitorál” apela estudante Universidade Orientál Timor Lorosa’e [UNITAL], iha Kampus UNITAL, Becora-Díli, ohin.

Estudante ida mós, Sidonia Fernandes mós hato’o nia esperansa katak iha kampaña eleitorál ne’e, joven tenke kria estabilidade tanba joven mak sai pilar importante ba prosesu dezenvolvimentu ba rai ida ne’e.

Nia mós husu ba partidu polítiku sira katak labele aproveita tempu kampaña hodi uza lianguajen ne’ebé la respeitu, maibé uza tempu ne’e ho di’ak atu hato’o programa partidu nian nune’e povu bele hatene programa partidu idaidak nian.

Nune’e mós, Francisca de Jesus, estudante Komunikasaun Sosiál, espera katak kampaña eleitorál iha tinan ida ne’e bele no sei la’o hakmatek.

“Buat hotu sei la’o hakmatek tanba lider no povu hatudu ona sira-nia maturidade, to’o konsege hakat liu ultrapasa impase polítika,” konklui universitáriu ne’e.

Antes ne’e, RENETIL [Resistência Nacional dos Estudantes de Timor-Leste], liuhusi konferénsia imprensa, apela ba lider polítiku, partidu polítiku ho ninia apoiante sira, organizasaun rezisténsia tomak, povu no membru RENETIL hothotu atu kria dame, estabilidade, seguransa, soberania no unidade nasionál.

Inklui, Konferénsia Episkopál Timoroan [CET-sigla iha portugés] fó sai mós karta espiskopál ida, liuhusi departamentu komunikasaun sosiál CET nian, refere mós ba EA, ne’ebé sei hala’o iha maiu ne’e, bainhira kampaña eleitorál remata.

Karta episkopál ne’e asina direta husi Bispu Dioseze Baucau, Dom. Basílio do Nascimento, Bispu Dioseze Díli, Dom. Virgílio do Carmo da Silva no Bispu Dioseze Maliana, Dom. Norberto Amaral.

Jornalista: Rafy Belo | Editór: Manuel Pinto

Funsionáriu Labele Abandona Servisu Hodi Tuir Kampaña

DILI, (TATOLI) – Prezidente Komisaun Funsaun Públika (KFP), Faustino Cardoso, apela ba funsionaríu públiku atu labele abandona  responsabilidade iha oras servisu  hodi tuir kampaña polítika.

Funsionáriu iha direitu lisensa anuál, lisensa espesiál laho vensimentu hodi partisipa iha kampaña partidu polítiku bainhira la kumpri sei hetan sansaun indisplinar  no seluktán.

ʺAlerta nafatin ba funsionáriu públiku sira atu hatudu nafatin responsabilidade funsionál, servisu nafatin no labele uza servisu fatin hodi halo kampañaʺ, alerta Faustino iha edifisiu Ministériu Defesa no Seguransa Vilaverde, ohin.

KFP mós distribui ona sirkulár ba ministériu hotu hodi evita partisipasaun funsionáriu iha kampaña durante oras servisu.

Komisaun mos servisu hamutuk ho Komisaun Anti Korupsaun (KAK), Inspesaun Jerál Estadu (IJE), Prevedoria Diretu Umanu no Justisa (PDHJ-sigla portugés) atu kontrola funsionáriu sira durante kampaña.

Nia hatutan tan bazea ba lista verifikasaun hosi Tribunál Rekursu, rejista funsionáriu públiku 184 maka naran tama lista hodi partisipa iha kampaña.

Hosi 184 ne’e 134 hanesan funsionáriu ativu no 50 resin hanesan deputadu lejislatura da-toluk no nomeasaun polítika hodi apoiu iha gabinete ministru no seluktán.

Jornalista: Agapito dos Santos | Editora: Rita Almeida

Imajen: Prezidente Funsaun Públika, Faustino Cardoso. Foto KFP

Rede Defensór Direitus Umanus (RDDU) | Komunikadu Imprensa

KOMUNIKADU IMPRENSA

Kampaña ba Eleisaun Antesipada nu’udar Oportunidade ba debate, aprezenta programa ba povu nia interese, la’ós provoka no minimiza malu

Rede Defensór Direitu Umanus (RDDU) husu ba Estadu no mós ba polítiku-na’in sira atu asegura eleisaun antesipada la’o ho livre, justu no karákter sivíku, hodi kontinua promove pás no estabilidade, iha Timor-Leste ne’ebé la’o daudaun.

RDDU hato’o komunikadu ne’e hare ba Konstituisaun RDTL, artigu 6 alínea b no c kona-ba objetivu Estadu Timor-Leste, nomos artigu 40 kona-ba liberdade ba ko’alia no informasaun nia. Ami preokupa kona-ba dezenvolvimentu polítika atuál ne’ebé nakonu ho provokasaun, no propaganda polítiku ho karákter ofensivu, entre lider partidu polítiku sira. Hahalok sira ne’ e iha risku bele hamosu violénsia hodi afeta estabilidade iha rai laran.

RDDU rekoñese importánsia ba liberdade espresaun iha demokrasia. Liberdade ne’e luan duni, ne’ebé defende durante luta tinan 24, Liberdade espresaun garantia metin iha Konstituisaun RDTL, Deklarasaun Universal Direitus Umanus nomos Paktu Internasionál ba Direitu Sivíl no Polítiku (PIDSP) ne’ebé Timor-Leste ratifika ona. RDDU mós sujere atu uza liberdade espresaun tenke ho responsabilidade, nu’udar mós ezemplu hodi respeita ema seluk nia direitu umanus.

RDDU husu ba lideransa estadu nia tomak, atu loke an ba kritika hosi sidadaun hotu, tanba Ita-boot sira iha papél importante no podér hodi ukun povu, no Ita-boot sira nia hahalok no desizaun iha impaktu ba sidadaun sira nia moris, RDDU preokupa katak foin daudaun iha ona investigasaun ba povu baibain balu ne’ebé iha akuzasaun relasaun ho opiniaun ne’ebé sira hato’o ba públiku, maske Kódigu Penal la inklui krime Defamasaun

RDDU mós husu ba líder hotu, liu-liu lider hosi partídu polítiku sira, atu sukat ka hasai lia fuan iha kualker komunikasaun polítiku, hatudu sentidu edukativu, paz, dame no estabilidade, no evita insulta no miniza malu, durante kampaña no prosesu eleisaun tomak. Ami laiha intensaun atu hanorin lider sira, la’os mos atu trava liberdade espresaun, maibe ne’e núdar obrigasaun atu fo hanoin, hodi bele  promove debate saudavel entre lider politiku sira hotu, iha eleisaun antesipada mai, duke minimiza no insulta malu ne’ebe laiha valor ba povu.

Ami apresia hó orgaun eleitoral indepedente sira, ne’ebe halibur partidu politíku no koligasan hotu, ne’ebe foin lalais asina ona Paktu Unidade Nasional atu asegura eleisaun, la’o livre no hakmatek. Ami apresia no hein katak lider partidu politiku, militante no simpatizantes sira sei halo tuir duni kompromisiu ne’e, hodi hatudu liafuan no hahalok ne’ebe respeita malu, hodi asegura paz no estabilidade.

Tanba ita nia povu terus barak ona, durante periodu naruk funu okupasaun nian, liu tiha ida ne’e ukun aan, iha 2006-2008 ne’ebe akontese krize militar, nomós 2014-2015 tensaun politíku akontese hodi halo ema barak terus, sofre ate ema barak mate. Núne’e situasaun pasadu núdar lisaun ba ita, hodi evita no la repete tan krime no violénsia iha futuru, ami fiar katak lider politiku sira tenke hametin unidade nasional.

Ami mós husu ba órgaun eleitorál atu garante inkluzaun ba ema hotu, no halo esforsu tomak hodi fó espasu no asegura katak ema ho defisiénsia bele partisipa iha prosesu eleisaun tomak, la ho diskriminasaun, hodi promove direitus umanus ba ema hotu hanesan.

Nune’e Rede Defensór Direitus Umanus ejije:

1 - Ba lideransa sira Estadu nian, atu evita provokasaun no lia-fuan sira ne’ebé la favorese ba prinsípiu no valores demokrásia, direitus umanus no justisa, tan povu hakarak moris hakmatek;

2 - Ba líder partidu polítiku sira, atu evita hasai lia-fuan insulta no minimiza malu durante iha kampaña nia laran, uza palku ba hato’o programa politiku ne’ebe saudavel ba povu, hó sentidu edukasaun, la’os provoka malu;

3 - Ba militante no simpatizante sira hotu, atu kontinua akompaña no partisipa iha prosesu eleisaun antesipada, ho paz, hakmatek hodi kontribui ba hametin estabilidade nasionál;

4 - Ba instituisaun seguransa liu-liu PNTL atu kontinua mantein seguransa tuir lei, ho imparsialidade total, no atuasaun ba problema sira karik mosu tenke respeita direitus umanus.

5 - Ba orgaun eleitoral atu garante, no proteje partisipasaun másimu ba votante ema hó defisiensia sira.

Membru Rede Defensór Direitus Umanus (RDDU) kompostu husi organizasaun Sociedade sívil hamutuk 11 (sanulu resin ida) tuir mai:

1 - Asosiasaun HAK

2 - Asisténsia Legal ba Feto no Labarik (ALFeLa)

3 - Asia Justice and Rights (AJAR)

4 - Asosiasaun Chega! ba Ita (ACbit)

5 - Asosiasaun Halibur Matan Defisiénsia Timor-Leste (AHMDTL)

6 - Belun

7 - Coalition for Diversity and Action (CODIVA)

8 - Fundasaun MAHEIN

9 - Judicial System Monitoring Programme (JSMP)

10- La’o Hamutuk

11- Community Based Rehabilitation Network-Timor-Leste (CBRN-TL)

       Dili, 9 Abril 2018

  Koordenadóra RDDU

 (Laura Afonso de Jesus)

Lider Nasionál Haat Sei Hetan Seguransa Espesiál

DILI, (TATOLI) – Lider nasionál hanesan Xanana Gusmão, Marí Alkatiri, José Ramos Horta no Taur Matan Ruak, sei hetan tan membru seguransa hosi Polísia Nasionál Timor-Leste (PNTL) no membru FALINTIL-Forsa Defesa Timor-Leste (F-FDTL) hodi fó seguransa durante prosesu kampaña eleitorál.

Maske sira iha ona seguransa pesoál, maibé komandu rua hola desizaun hodi aumetan durante períodu kampaña.

Xefe Estadu Maior FALINTIL-FDTL, Major Jenerál Lere Anan Timur, hato’o durante enkontru koordenasaun entre instituisaun rua iha kuartel jerál Fatuhada, ohin.

Desizaun ne’e tuir Lere fó konsiderasaun ba lider nasionál, nu’udar aman no fundadór nasaun atu seguru durante kampaña to’o eleisaun.

Tuir planu temporáriu hosi komandu rua katak iha posibilidade sei koloka seguransa hamutuk ema 20, kada lider ida sei hetan nain lima.

Enkuantu,  ba membru governu no deputadu hosi partidu polítiku sira, komandu rua ne’e sei la koloka ba kada individu tanba iha ona seguransa jerál ne’ebé koloka iha terenu.

Jornalista: Agapito dos Santos | Editora: Rita Almeida

Imajen: Xefe Estadu Maior F-FDTL, Majór Jenerál, Lere Anan Timur. Foto Antonio Goncalves

Kampana EA PNTL-F-FDTL Husu Parpol Hatudu Maturidade

DILI - Loron Tersa, (10/04) partidu 8 avansa fila bali ba kampania Eleisaun Atinsipada, Polisia Nasional Timor Leste (PNTL) no Falintil Forsa Defeza Timor Leste (F-FDTL), husu ba lider partidu politika sira atu hatudu maturidade politika, iha durante iha kampana eleisaun antisipada.

Deklarasaun nee hatoo husi Komandante Jeral PNTL, Komisariu Polisia, Julio da Costa Hornay  liu husi konferensia imprensa iha Kuartel Jeneral Falintil Forsa defeza Timor Leste, Fatuhada, Dili, Segunda, (09/04/2018).

“Eleisaun antisipada hanesan solusaun ida neebe Prezidente rebuplika foti hodi rezolve problema impase politika neebe mosu iha ita nia rai, tanba nee nuudar Timor oan ita hotu iha dever atu asegura desizaun ida nee,” dehan nia.

Nia informa, eleisaun antisipada nee lao ho diak no suseseu presiza povu tomak nia kontribuisaun, hamutuk ho forsa seguransa no defeza hodi hametin estabilidade no pas, nunee prosesu ba eleisaun antisipada nia hahu husi kampana eleisaun antisipada too formasuan oitavu governu bele lao diak no susesu.

 Iha fatin hanesan Xefe Estadu Major Jeneral F-FDTL, Major Jeneral, Lere Anan Timur hateten, instituisaun rua husi komandu PNTL ho F-FDTL tur hamutuk, ho komandante munisipiu Unidade nomos  komponente atu aban (red-Tersa) husu ba lider parpol sira atu dia  idak halao nia knar halao nia servisu iha kampana nia laran. 

Notisia kompletu lee iha jornal STL edisaun Tersa, (10/04/2018).

Luciana Ximenes | Suara Timor Lorosae

Fretilin Nia Luta Laos Kontra Xanana-Taur

DILI - Fretilin nia luta laos atu kontra Xanana Gusmao ho Taur Matan Ruak, maibe partidu istoriku nee nia luta atu kore povu husi kiak no mukit.

Sekertariu Jeral Joventude Fretilin Abrao Nokosiku hateten, Sekjer Partidu Fretilin Mari Alkatiri horbain rua reniaun ho membru CCF alargada fo sai mensajen katak, apartir kampania dia 10 ba too eleisaun.

“Ita nia luta laos atu kontra Xanana Gusmao no Taur Matan Ruak, ita luta agora maka atu kore povu husi kiak, kore povu husi kiak maka hanesan neebe liu husi dalan porograma neebe maka sira rezeita,” dehan Sekjer JF Abrao, liu husi diskursu, bainhira halo konsolidasaun partidu Fretilin nian, iha suku Villa Verde, Dili, Sabadu, (07/04/2018).

Nia hatete, Fretilin nia luta laos atu kontra Xanana Gusmao ho Taur Matan Ruak, maibe Fretilin nia luta atu kore povu husi kiak no mukit, liu husi progrema neebe maka AMP rezeita iha Parlamentu Nasional.

Iha fatin hanesan Komisaun Politika Nasional Munisipiu Dili, Sinarai hateten, ohin sira buka trata deit maka Sekjer Fretilin Mari Alkatiri nia fraku, mais sira haluha tiha katak iha 2002 Sekjer halo akordu boot ida ba Bayu Udan maka ohin loron osan nee ema hotu uza.

Notisia kompletu lee iha jornal STL edisaun Tersa, (10/04/2018)

Carme Ximenes/Maria Lay | Suara Timor Lorosae

Kampania Koalia Programa, Laos Hasai Lia Fuan Kroat

DILI - Iha kampania lider partidu politika sira koalia programa, laos hasai lia fuan kroat ba malu, para hamosu konfrontasaun entre militante sira iha terenu.

Sekertariu Jeral Partidu Demokratiku Antonio da Conceição hateten, maturidade politik partidu hotu hotu nian, asina tiha ona paktu unidade nasional neebe foin dadauk halo iha dia sete liu ba, espera katak partidu politiku sira nee hotu ba atu kolia sira nia programa, no  sira nia politika, sira sei lasoe lia fuan kroat ba malu, hodi nunee bele ema seluk labele halo konfrontasaun iha terenu.

“Lider partidu istotiku ami sei nafatin hola posizaun tane sira hotu, tanba husi sira maka PD mos hamrik, tanba ida nee PD sei lakoi buat neebe maka atu konfronta lider istoriku sira hanesan maun Taur, maun Xanana neebe maka lider bloku AMP nian, ami mos sei lakonfronta I mos hamrik metin deit ba Fretilin hanesan ami nia aliadu politika, ami mos sei hamrik metin ba rejultadu neebe maka mai,” dehan Sekjer PD Antonio, ba STL, iha salaun Hotel Golgota, Dili, Segunda, (09/04/2018).

Nia dehan, Militante submete ba orden publika ninian, bainhira nia halo atu krimi ruma nia submete ba orden publiku ninian neebe maka sei atua, lebel lori instituisaun ida nia naran hodi bele kondena I aumesmu tempu fo lolos ba hahalo neebe maka lalos, ida nee PD sei dehan katak hahalok nee hahalok pesoal, laos hahalok partidu ninian.

Iha biban nee mos Sekjer PD Antonio hateten, agora dadaun hanesan kampania ninian ba eleisaun antisipada Parlamentar, husi PD halo ona preparasun kalendariu hotu ona, kordenasaun ho Munisipiu sira mos halo ona. 

Notisia kompletu lee iha jornal STL edisaun Tersa, (10/04/2018)

Carme Ximenes/Maria Lay | Suara Timor Lorosae

Timor-Leste/Eleisaun: Númeru rekord ba eleitor sira vota iha eleisaun antesipadu 12 Maiu

Númeru aas hosi eleitor sira, liu rihun 790, sei bele vota iha eleisaun lejislativu antesipadu iha loron 12 Maiu iha Timor-Leste, ne'ebé rihun 30 tama iha kadernu eleitoral sira dezde votasaun fulan-Juñu 2017 nian.

Informasaun provizóriu ne'ebé maka fó sai iha loron-segunda ne'e hosi Acilino Manuel Branco, diretor-jeral hosi Sekretariadu Tékniku ba Adminitrasaun Eleitoral (STAE), ne'ebé hatete ba Lusa katak iha eleitor foun rihun 30, katak rihun tolu resin halo parte iha kadernu eleitoral sira iha estranjeiru.

"Maski iha períudu badak ida ba resenseamentu, hetan interese maka'as no ami simu eleitor foun sira hamutuk rihun 30 resin", Acilino Manuel Branco hatete.

Iha entrevista ba Lusa, diretor-jeral afirma ona kata aumentu hosi númeru eleitor sira hanesan pozitivu.

"Hanesan sinal pozitivu ida katak ami bele iha tan partisipasaun, maibé agora importante maka ema hotu kumpri sira nia parte, inklui informasaun síviku ba eleitor sira, hodi nune'e ema hotu bele ba vota", nia hatutan.

Acilino Manuel Branco adianta ona katak prepasaun sira ba votu sei hala'o nafatin.

Iha loron-segunda ne'e, ekipa sira STAE nian kontinua prepara material, inklui kartaz sira ho informasaun kona-ba votu, hodi fahe iha Timor-Leste no iha nasaun sira ne'ebé bele hala'o direitu votu iha estranjeiru.

"Buat hotu besik hotu ona. Ami besik hakotu preparasaun hosi material ne'ebé la sensível, inklui urna sira ho tinta, ne'ebé ami hahú fahe ona iha munísipiu sira. Iha tempu badak sei to'o iha urna sira liuhosi apoiu hosi Governu xinés", nia hatutan.

Ema besik rihun 12 - konta ho funsionáriu permanente sira hosi STAE - envolve iha prosesu eleitoral, ho na'in 30 iha nível nasional, iha Díli, no númeru hanesan iha kapital ida-idak hosi munisípiu no iha enklave Oecusse-Ambeno, ba kordenasaun.

Hamutuk funsionáriu na'in 130 iha postu ida-idak hosi postu administrativu hamutuk 67 iha nasaun laran ne'ebé sei halo ligasaun entre munisípiu sira no suku sira.

Destaka mós brigada sira hamutuk na'in 837 resin iha sentru ida-idak votasaun nian no liu na'in 10 iha estasaun votu ida-idak. Tau hamutuk ba valor ne'e funsionáriu sira ne'ebé sei akompaña prosesu iha estranjeiru, liuliu iha Austrália, Koreia-Súl, Reinu Unidu ho Portugal.

Kona-ba boletin sira votu nian, modelu sei debate iha enkontru ida iha loron-tersa, loron dahuluk kampaña nian, ho responsável sira hosi STAE no pontu importante sira hosi partidu sira no koligasaun sira, antes dokumentu ne'e hetan aprovasaun hamutuk ho Komisaun Nasional Eleisaun nian (CNE).

Boletin sira votu nian hahú imprimi, karik, iha loron-kuarta iha Gráfika Nasional, iha prosesu ida ne'ebé sei dura durante semana hirak nia laran.

"Lei defini katak tenki imprimi iha total hosi boletin sira ne'ebé ekivale ho númeru eleitor sira liu 10%. Ka, ho informasaun atual sira ba eleitor rihun 790 resin, ami tenki imprimi boletin votu hamutuk rihun 870 resin", Acilino Manuel Branco esklarese.

Resenseamentu taka ona no agora hala'o verifikasaun hosi lista sira - ne'ebé sei koriji iha oras 48 nia laran - antes komunika informasaun sira ba CNE ne'ebé sei publika to'o final semana ne'e hamutuk ho informasaun kona-ba sentru sira no fatin sira votasaun nian.

Preokupasaun ida hosi autoridade eleitoral sira maka asesu ba fatin balun votasaun nian, liuliu iha zona sira ne'ebé susar atu to'o ka asesu sira hetan estraga tanba tempu ne'ebé ladi'ak.

Responsável hosi STAE hatete katak tékniku sira iha fatin komprova ona situasaun sira kona-ba problema sira ne'ebé previstu, hanesan ezemplu funsionáriu sira ne'ebé bele ajuda lori material nesesáriu sira ba votasaun.

"Informasaun kona-ba problema sira hato'o ona ba ministériu sira ne'ebé relevante no halo ona intervensaun balun iha fatin sira ne'e no, tanba ne'e, ami konsege garanti katak sei rezolve eventual problema sira iha sentru sira votasaun nian", nia hatutan.

Maibé, "tanba labele fó garantia 100%", iha medida sira kontinjénsia nian, inklui selu ema sira ne'ebé ajuda lori material, hatete hosi sekretáriu-jeral.

Tinan ne'e, votu sei ladún iha observador internasional sira duké iha tinan 2017, liuliu tanba organizmu internasional sira, inklui Uniaun Europeia (UE) la fó orsamentu ba prosesu eleitoral ne'e.

"Maski nune'e, ami husu ona observador internasional sira ho nasional sira. Jornalista sira mós hahú husu akreditasaun. Lusa hanesan órgaun informasaun internasional maka husu ba dala uluk. Ami hein katak sira seluk mós sei husu", nia refere.

Iha lejislativu tinan 2017, eleitor hamutuk 764.858 iha estasaun votu disponível hamutuk 1.121 iha sentru votasaun hamutuk 859.

Kampaña ba eleisaun loron 12 Maiu, ne'ebé konkore partidu ho koligasaun sira hamutuk ualu, hahú iha loron-tersa no hala'o to'o 09 Maiu.

SAPO TL ho Lusa

PR timoroan hein atu partidu sira aprende ho lisaun foun sira

Partidu polítiku timoroan sira tenki aprende ho "lisaun" ne'ebé maka hanesan disolusaun hosi Parlamentu Nasional hodi buka, hafoin eleisaun antesipadu loron 12 Maiu, solusaun ida diverjente liu, hatete hosi Prezidente Timor-Leste nian.

Iha deklarasaun sira ba Lusa, Francisco Guterres Lu-Olo salienta katak sei kontinua hala'o nia kompeténsia sira no sei sai hanesan "medida ba buat hotu", iha kuadru legal no konstitusional nasaun nian.

Hatán ba Lusa kona-ba posibilidade hosi eleisaun antesipadu nian bele hamosu rezultadu polítiku ne'ebé la loos - nasaun hasoru krizi polítika ida dezde lejislativu fulan-Jullu tinan liubá - Lu-Olo hatudu esperansa iha solusaun ida.

"Ha'u hanoin katak iha vontade klaru hosi partidu polítiku sira hodi aprende ho lisaun ba dala ida ne'e, hosi disolusaun Parlamentu Nasional nian. Tanba ne'e, ha'u hanoin katak ami sei iha solusaun ida konverjente liu hafoin eleisaun sira", nia afirma.

Iha fulan hirak ikus ne'e, Timor-Leste hasoru períudu boot ida tensaun polítika nian ho Governu minoritáriu ida hasoru opozisaun no xumba nia programa ho proposta ba Orsamentu retifikativu.

Opozisaun hafoin ne'e halibur iha aliansa ida hosi maioria parlamentar, no Prezidente Repúblika ikusmai sobu parlamentu no desidi konvoka eleisaun antesipadu ba 12 Maiu.

Total ida hosi partidu haat no koligasaun haat maka aprezenta ona ba eleitor sira.

Lu-Olo husik ona, iha findesemana, apelu diretu sira ba kandidatu sira ba votu hodi evita, durante kampaña ne'ebé hahú iha loron-tersa, atake pesoal sira, hodi buka debate sentradu iha programa sira no iha proposta sira hosi dezenvolvimentu nasional nian.

Xefe Estadu ko'alia iha sede hosi Komisaun Nasional Eleisaun nian (CNE) hodi taka serimónia asinatura ba paktu unidade nasional ida hosi reprezentante sira hosi partidu ualu no koligasaun sira ne'ebé hanesan kandidatu ba eleisaun.

"Ita tenki hapara ho insultu sira. Ne'e hanesan dalan ida hodi oho karákter hosi ema sira nian. Nu'udar Prezidente Repúblika ha'u labele admiti nafatin asaun ne'e", nia hatete ba Lusa.

Prezidente Repúblika hatete de'it katak nia halo apelu simples sira.

"La'ós hanesa krimi públiku ida no ha'u halo de'it apelu sira. Maibé ha'u husu atu garante espíritu ida respeitu nian entre ema tomak", nia konsidera.

Kampaña hahú loron-tersa no halo to'o loron 09 Maiu.

SAPO TL ho Lusa

Governu australianu lori tratadu fronteira nian ho Timor ba parlamentu hodi ratifika

Ministra Negósiu Estranjeiru australianu aprezenta ona, iha semana ne'e, tratadu fronteira tasi nian, ne'ebé asina iha loron 06 Marsu ho Timor-Leste, iha parlamentu Austrália nian hodi hahú prosesu ratifikasaun, informa hosi nia gabinete iha loron-kinta ne'e.

Prosesu ratifikasaun hosi parlamentu hosi nasaun rua nian hanesan importante hodi hahú hala'o tratadu istóriku ne'ebé maka Bishop asina ona iha Nova Iorke ho ministru timoroan Agio Pereira, hodi Timor-Leste nia naran, no ne'ebé defini ho dalan permanente fronteira tasi entre nasaun rua ne'e.

Vontade hosi Governu australianu maka atu parlamentu bele vota tratadu ne'e "durante tinan ne'e" hodi hahú prosesu preparasaun ba "lejislasaun hosi implementasaun" no serbisu ho Timor-Leste no ho empreza sira ne'ebé halo operasaun iha Tasi Timor hodi hakotu prosesu tranzitóriu relasionadu ho mudansa ne'ebé maka hatete iha tratadu.

Iha konkretu, hanesan ezemplu, tratadu implika atu Timor-Leste simu 100% - agora simu 90% no Austrália simu 10% - hosi reseita sira ne'ebé hetan hosi posu ativu sira iha rejiaun, liuliu Bayu Undan.

Iha komunikadu ne'ebé fó sai iha loron-kinta ne'e, Governu australianu esplika katak Austrália iha empeñu atu futuru Timor-Leste nian bele "estável ho prósperu", tanba ne'e apoia nia aspirasaun sira hodi "hetan nia potensial ekonómiku".

Tanba ne'e, iha aprezentasaun hosi tratadu iha parlamentu, Bishop refere ona ba aspetu ne'ebé seidauk rezolve, liuliu kona-ba dezenvolvimentu hosi kampu petrolíferu Greater Sunrise, ne'ebe maka seidauk iha akordu ida.

"Ami rekoñese katak dezenvolvimentu [hosi Greater Sunrise] sei lori benefísiu importante sira, liuliu ba Timor-Leste. Ami senti ansiozu hodi kolabora ho Timor-Leste, bainhira serbisu ho empreza sira hosi joint venture hodi hetan dalan komersial ida di'ak hodi dezenvolve Greater Sunrise", Bishop hatete.

"Tratadu hanesan konkista istóriku ida ba Austrália ho Timor-Leste. Ami rezolve ona problema naruk ida, ami estabelese ona limiti marítimu permanente sira ho lansa ona baze sira ba kapítulu foun ida iha ami nia relasionamentu ho ami nia viziñu ida ne'ebé besik liu", Bishop esplika iha nia deklarasaun ba parlamentu.

"Hanesan ezemplu ida ho valor no importánsia hosi direitu internasional hodi rezolve problema sira no diverjénsia sira entre estadu sira liuhosi negosiasaun pasífiku sira. Hanesan ami hatete ona iha dokumentu hosi Austrália kona-ba Polítika Externa, ne'ebé divulga iha tinan liubá, katak Austrália fiar atu orden internasional ho baze iha regra sira hanesan fundamental ba ita nia seguransa no prosperidade koletivu sira", nia hatutan mós.

Bishop destaka "vontade di'ak no kompromisu hosi nasaun rua durante negosiasaun sira", felisita mós "knaar importante" hosi komisaun konsiliasaun independente ne'ebé halo negosiasaun sira hetan tratadu ida.

Prosesu ratifikasaun hosi tratadu hosi parte Parlamentu Nasional Timor-Leste nian karik sei akontese de'it hafoin tomada pose ba deputadu sira ne'ebé sei eleitu iha eleisaun loron 12 Maiu oinmai.

SAPO TL ho Lusa