Komandante Jerál PNTL Relata Asidente no Insidente Ba PR

DILI, (TATOLI) - Komandante Jerál Polísia Nasionál Timor-Leste (PNTL), Komisáriu Júlio da Costa Hornay, hato’o kazu asidente no insidente sira ba Prezidente-Repúblika (PR), Francisco Guterres Lú Olo, iha Palásiu Prezidente Nicolau Lobato, Bairru Pité, kinta (2/8).

Nia haktuir, iha fulan juñu no jullu nia laran akontese asidente hamutuk 106 no entre númeru asidente ne’e rezulta ema na’in lima mate, entretantu, insidente (violénsia doméstika no ofensa integridade fíziku simples/fén ho la’en baku malu) hamutuk 109.

“Kazu hirak ne’ebé akontese oras ne’e iha hela prosesu investigasaun kriminál, katak, submete ona ba Ministériu Públiku, balun hein hela delegasaun kompeténsia, balun hein mandadu kapturasaun, mandadu detensaun, balun prepara hela ba julgamentu primeira instánsia. Ida ne’e maka prosesu ne’ebé ita nia polísia atende durante fulan juñu no jullu nia laran,” Júlio informa.

Nia mós dehan katak situasaun en-jerál iha Timor laran la’o hakmatek no importane ba povu Timor maka kontinua mantein maturidade polítika.

“Populasaun nia devér maka halo serbisu hodi sustenta án rasik no estuda. Kestaun impase polítika ne’e ita hotu-hotu fó fiar ba líder nasionál sira atu rezolve. Otimista katak impase polítika loron ida sei to’o nia rohan,” Hornay tenik.

Jornalista: Xisto Freitas | Editór: Manuel Pinto

Imajen: Enkontru entre Komandante Jerál PNTL, Júlio da Costa Hornay, ho Prezidente-Repúblika, Francisco Guterres Lú Olo, ne’ebé hola parte mós Segundu Komandante Jerál PNTL, Faustino da Costa no Xefe Kaza Militár Prezidénsia-Repúblika, Komandante Mau-Kalo. Imajen Mídia PR

MNEK Enkontru Ho Membru ASEAN Atualiza Infrormasaun Kona-ba Adezaun TL

SINGAPURA, (TATOLI) – Ministru Negósiu Estranjeiru no Kooperasaun (MNEK), Dionísio Babo Soares no komitiva to’o iha Singapura no simu hosi Enkarregadu Negósius Timor-Leste ba Singapura, Licínio Branco no Embaixadór naun-rezidénsia Singapura ba Timor-Leste, Sudesh Manier, iha aeroportu Internasionál Changi, Singapura.

Iha loron 01 Agostu 2018, Ministru-MNEK hala’o enkontru kortezia ho ninia omólogu Ministru Negósius Estranjeirus hosi nasaun membru ASEAN nain lima, Brunei Darrusalam, Indonézia, Kamboja, Láos, Tailándia nomós omóloga Ministra Negósius Estranjeirus hosi Noruega.

Durante enkontru kortezia ne’ebé hala’o ho Ministru/a Negósius Estranjeirus nasaun ne’en ne’e, Xefe Diplomasia timoroan apresia ba apoiu nomós fo apresiasaun ba fortes relasaun amizade ne’ebé durante ne’e la’o di’ak tebes ho Timor-Leste.

Kooperasaun Timor-Leste ho Kamboja, por ezemplu, la’o ho di’ak tebes iha tinan hirak ne nia laran. Kamboja hatudu tiha ona nia vontade atu apoia Timor-Leste iha setór edukasaun liuhosi bolsu estudu ba timoroan sira. Primeiru Ministru Hun Sen mós vizita ona Timor-Leste iha tinan 2016. Kamboja mós apoia Timor-Leste nia adezaun ba ASEAN.

Nune mós, Timor-Leste iha comitment hodi hametin lasu amizade ho Noruega iha nível multilaterál nian, liliu servisu hamutuk iha área interese komúm hanesan haburas páz, eestabilidade, direitus umanus no rekonsiliasaun.

Iha fatin seluk, Brunai Darrusalam fó sira-nia apoiu tomak ba prosesu adezaun Timor-Leste sai membru ASEAN. Durante ne’e mós sira apoiu tebes no enkoraja joven foinsa’e timoroan nia partisipasaun iha área desportiva. Selesaun futeból U-19 Timor-Leste sai vensedór kampeonatu Sultan Hasanah Bolkiah cup iha 2017.

Enkontru kortezia ho Indonézia no Láos, Ministru Dionísio Babo Soares, lori Estadu Timor-Leste nia naran espresa sentidu solidaridade ba dezastre naturál ne’ebé akontese iha Lombok, NTT no iha Laos. Ministru nain rua mós ko’alia kona-ba follow up ba konkordánsia ne’ebé Prezidente Jokowi ho Presidente Francisco Guterres Lú Olo halo iha fulan hirak liubá iha Istana Bogor.

Ministra Retno Marshudi husu atu Timor-Leste responde lalais kona-ba ezekusaun konstrusaun Ponte Mota-ain, nomós pedidu Prezidente Jokowi atu Timor-Leste fó vistu entrada “Tourista” gratuita ba sidadaun Indonéziu. Indonézia rasik implementa tiha ona “free visa entry” ba timoroan sira desde tinan hirak liubá.

Tailándia prontu fó apoiu nafatin ba ita-nia dezenvolvimentu rekursus úmanus no área seluk hanesan defeza. Adezaun ba ASEAN, sira prontu fahe esperiénsia ba Timor-Leste kona-ba prosesu adezaun ne’e rasik, maibé la hatete klaru se sira apoia ou lae Timor-Leste nia espetativa ne’e. Ministru na’in rua konkorda atu servisu hamutuk nafatin, liliu iha área peskas ho operasaun téknikas marítima ho Timor-Leste.

Iha loron 02 Agostu, 2018 dader tuku 10:00 oras Singapura, hafoin Abertura Konferensia 51st ASEAN Foreign Miniters nian, MNEK timoroan Dionísio Babo Soares, hasoru malu ho MNE Singapura Vivian Balakrishnan ne’ebé aborda kona-ba kestaun kooperasaun iha áreas oioin, liliu iha área ekonómika. MNE Singapura mantein katak relasaun bilaterál entre nasaun rua la’o di’ak tebes, no Singapura prontu nafatin atu reforsa setór rekurus umanus timoroan no kapasita reforsu institusionál iha área hothotu.

Kona-ba adezaun ba ASEAN Ministru na’in rua konkorda atu ko’alia nafatin maibé Singapura la promete bainhira los maka sira bele konkorda ho pedidu Timor-Leste nian ne’ebé simu iha 04 de Marsu 2011. Singapura kontinua reserva sira-nia desizaun ho razaun katak Timor-Leste presiza prepara-an di’ak liután.

Ministru Dionísio Babo hatete katak nia sei hanoin didi’ak resposta ne’e no sei ko’alia fali ho autoridade nasionál timoroan hanesan Primeiru Ministru Taur Matan Ruak, Prezidente Repúblika, Maun boot Xanana, Maun Ramos Horta no hosi alta entidades seluk hodi konsulta didi’ak oinsa formula polítika adezaun ba ASEAN iha futuru.

KI

Imajen: Dionísio Babo Soares. Foto/António Gonçalves

Lista Pendente Seidauk Hetan Solusaun, Tempu Badak Alfredo-Samuel-Rogerio Simu Pose

DILI – Iha tempu badak Prezidente Republika Francisco Guterres Lu Olo sei fo tomada de pose ba membru Oitavu Governu nain tolu, maibe konaba lista ema nain sia neebe maka durante nee sai polemika iha publika sei pendent.

Kestaun nee Primeiru Ministru Taur Matan Ruak hato ba jornalista sira hafoin Primeiru Ministru Taur Matan Ruak remata enkontru seminal ho Prezidente da Republika Francisco Guterres Lu Olo, iha Palasiu Prezidente Nicolau Lobato, Kinta ( 02/08/2018).

Nain sia nee seidauk hetan desizaun husi Prezidente da Republika, maibe hau nia membru nain tolu iha tempu badak Xefi Estadu kompromete atu fo tomada de pose ,” dehan PM TMR.

Xefi Governu nee hateten, Prezidente Republika ho promete atu fo tomada de pose ba Ministru nain rua ho vise ministru ida, maibe ba lista membru governu neebe maka pendente ou membru sira seluk nee seidauk iha solusaun.

Portantu konaba bainhira maka membru governu nain tolu nee atu simu pose, nee Prezidente da Republika sei marka tempu ou data. 

Notisia kompletu lee iha jornal STL edisaun Sesta (03/08/2018)

Carme Ximenes | Suara Timor Lorosae

Xanana Rejigna Aan, Taur: Implika Ba Estabilidade Governativa

DILI - Bainhira Prezidente Partidu CNRT Xanana Gusmao deside rejigana aan husi lista membru Oitavu Governu Konstitusional, maka sei iha implikasaun ba estabilidade governativa.

Primeiru Ministru Taur Matan Ruak hateten, Iha implikasaun ba estabilidade governativa, tanba maun Xanana nia ema ida neebe iha esperensia, maibe labele depende tenke aseita, tanba nee forma ida mos aprendizazen fo joven sira dehan katuas sira tenke muda fo fatin ba joven agora tempu nee joven sira nian.

"Iha implikasaun tanba maun Xanana nia ema ida neebe iha esperensia,  maibe ita labele depende, ita tenke aseita nee forma ida mos aprendizazen fo joven sira dehan, katuas sira tenke muda fo fatin ba joven sira agora tempu nee joven sira nian,” dehan PM TMR ba jornalista sira, hafoin remata enkontru ho Prezidente da Republika Francisco Guterres Lu Olo, iha Palasiu Prezidente Nicolau Lobato, Kinta ( 02/08/2018).

Nia hateten, aban bainrua ka tinan lima mai dala ruma Taur Matan Ruak maka sai tan entaun nee sira seluk sae dala ruma imi sira nee mos tuir tan,  tanba ida nee hanesan oportunidade jerasaun troka malu neebe nee diak.

Iha parte ketak Direitor Ezekutivu Asosiasaun HAK, Manuel Monteiro hateten, Maun Xanana ema ida ke katuas ona  labele obriga bebeik, tanba bainhira obriga bebeik maka jerasun foun nee laserve. 

Notisia kompletu lee iha jornal STL edisaun Sesta (03/08/2018)

Carme Ximenes | Suara Timor Lorosae

MD Hasoru Komisaun B, Koalia Preokupasaun Seguransa

DILI – Ministru Defeza Filomeno Paixao halo audensia ho Komisaun B trata asuntu negosiu estranjeiru, Defeza Seguransa, koalia preokupasaun seguransa iha governu anterior.

Tuir Ministru Defeza Filomino Paixao katak, norlamente kaer pasta seguransa ho defeza kuandu komisaun B presiza tenke mai hasoru, hodi haree ba governu anterior husik hela.

Ohin mai koalia kona preokupasaun iha seguransa kona ba servisu iha governu anterior husik hela, nunee mos koalia kona ba saida mak atu halo ba oin, iha defeza no seguransa,” katak Paixao ba Jornalista Kinta (02/08/2018) hafoin remata hosru malu ho komisaun B iha PN.

Nia dehan, kona ba kestaun seguransa nian koalia kona ba infraestrutura liu-liu ba projetu sira neebe mak lao iha Ermera seidauk kompletu  no mos iha fatin seluk.

Nunee mos Prezidente Komisaun B Aderito Hugo hatete, komisaun B hasoru malu ho Ministru Defeza no Seguransa nee hodi koalia kona ba iha audensia ho entidade seluk hanesan iha semana kotuk iha audensia  ida ho entidade ida mai ho petisaun kona ba asuntu liga ba ministeriu  defeza no seguransa nian. 

Notisia kompletu lee iha jornal STL edisaun Sesta (03/08/2018)

Guilhermina Franco | Suara Timor Lorosae

Autralia sei la asina Paktu Mundial ba Migrasaun

Ministru Interior Australia afirma loron-kinta ne'e katak nia nasaun sei la asina Paktu Mundial ba Migrasaun, ne'ebé konklui iha fulan-Jullu iha ONU, tanba konsidera katak afeta sira nian soberania.

"Ami lori ho sériu konservasaun seguransa ami nian fronteira sira. Ami la permite ONU ka sira seluk atu perturba ami nian serbisu makas ne'ebé maka ami halo hela", hatete Peter Dutton ba radio australiana 2GB.

Ministru ne'e mós afirma tan katak nasaun europeu sira balun lakon sira nian identidade tanba nakonu ho imigrante sira ne'ebé la iha dokumentu sira. "Iha jerasaun sira tuirmai ne'e sei iha impaktu ida ne'ebé boot ba sosiedade sira ne'e", konsidera.

Governu australianu hetan kritika barak hosi organizasaun internasional sira, inklui mós ONU, tanba politika ne'ebé rigorozu kontra imigrante ilegal sira iha nasaun, ne'ebé maka tenta atu tama nasaun ne'e liu hosi tasi.

Australia nega atu simu refuziadu Nauru no Papua Nova Guiné nian atus ida resin, ne'ebé maka agora ne'e hein hela atu Estadus Unidus simu sira.

Dokumentu ne'ebé koñesidu ofisialmente hanesan Paktu Mundial ba Migrasaun Seguru, Regular no Ordenada ne'e, estrutura ho obrjetivu 23 no inklui ho kompromisu sira ne'ebé konkretu oioin, maski la vinkula juridikamente, ne'ebé define diferensa entre imigrante regular sira no sira ne'ebé laos, no serbisu baziku sira tenki tau iha ordem Estadu sira ba iregular sira ka kuandu atu fasilita sira nian regularizasaun.

Paktu ne'e rezultadu hosi akordu ida ne'ebé asina iha tinan 2016 hosi lider internasional sira ne'ebé maka desidi hodi loke negosiasaun ba akordu boot rua, ida konaba migrante sira no ida seluk konaba politika migratoriu nian.

Numeru migrante sira iha mundu hamutuk millaun 258, ne'ebé maka koresponde ba 3,4% hosi populasaun mundial.

SAPO TL ho Lusa

Tailándia husu ba Reinu Unidu estradisaun ex-primeira-ministra nian

Tailándia husu ba Reinu Unidu estradisaubn ex-primeira-ministra Yingluck Shinawatra, ne'ebé maka destituidu tanba golpe ida iha tinan 2014 no kondenada, ne'ebé maka la marka prezensa iha julgamentu, ba tinan lima iha prizaun, notisia hosi ajénsia France-Presse (AFP), loron-kinta ne'e.

Ami husu estradisaun Sra. Yingluck Shinawatra, sidadaun tailandeza ida ne'ebé ami mós hatene, nia hela iha Reinu Unidu", le iha karta ida ne'ebé haruka iha loron 05 Jullu hosi embaixada tailadeza iha Londres ba Ministeriu Negosiu Estrangeiru britániku ne'ebé maka revela loron-kinta ne'e hosi AFP.

Akuzada tanba "neglizénsia" iha jestaun programa ida subsídiu ba produtor fós sira, Yingluck Shinawatra halai hosi nasaun ne'e iha fulan-Agostu 2017 no kondenada hafoin tinan tolu.

Kulpadu na'in rua tan, ne'ebé ho kazu hanesan kondenadu ba pena ida ne'ebé todan, liu-liu ex-ministru Komérsiu nian, Boonsong Teriyapirom, ne'ebé maka kumpri hela prizaun tinan 42.

Funu entre militar tailandeza sira, ho elite Banguecoque nian no ho familia Shinawatra nian dura ona dekada ida resin.

Shinawatra sira menan eleisaun nasional hotu dezde tinan 2001, maibe elite tradisional sira, militar no juíz sira, hare sira hanesan ameasa iha realeza, hadok sira hosi poder liu hosi golpe estadu.

Eleisaun geral marka ona ba inisiu tinan 2019, tinan haat hafoin golpe ne'ebé maka lori Prayut Chan-O-Cha ba poder.

SAPO TL ho Lusa

Sem eleições | Publicada lei que cria novo órgão municipal sem poder político em Macau

Macau, China, 02 ago (Lusa) - A lei que prevê a criação do Instituto para os Assuntos Municipais (IAM), órgão municipal sem poder político e constituído sem recurso a eleições diretas, foi hoje publicada no Boletim Oficial de Macau.

De acordo com o Boletim Oficial, "a presente lei cria um órgão municipal sem poder político e define as suas competências e constituição".

"O Conselho de Administração para os Assuntos Municipais é composto por um presidente, dois vice-presidentes e por um máximo de cinco administradores", de acordo com a lei agora publicada.

O novo órgão municipal vai substituir, a 01 de janeiro de 2019, de acordo com o novo diploma, o atual Instituto para os Assuntos Cívicos e Municipais (IACM), "mantendo basicamente as mesmas atribuições".

A Assembleia Legislativa de Macau aprovou a proposta de lei na sessão plenária de segunda-feira.

A lei define a natureza, atribuições, competência e constituição dos órgãos, forma de escolha dos seus membros, mecanismo de fiscalização financeira e patrimonial do novo IAM.

Durante a administração portuguesa, terminada a 20 de dezembro de 1999, Macau contava com duas autarquias que foram, entretanto, extintas pela administração chinesa, dando origem, posteriormente, ao IACM.

FST (EJ) // FPA