Governu Timor-Leste Lansa Primeiru Peskiza Sízmiku iha Kosta Súl

COVALIMA, (TATOLI) - Governu Timor-Leste liuhusi ministru defeza, Filomeno da Paixão de Jesus reprezenta primeiru-ministru, ho Autoridade  Nasionál Petróleu no Minerál (ANPM) hamutuk ho TIMOR RESOURCES Pty Ltd no TIMOR GAP,E.P lansa peskiza Sízmiku Fafulu 2D, iha Aeroportu Internasionál Kay Rala Xanana Gusmão, Suai-Covalima-Kosta Súl Timor-Leste, kuarta lorokra’ik (10/10), ne’ebé sei inklui mós Hatudo, Munisípiu Ainaro no iha Same ho Alas, Munisípiu Manufahi. 

Peskiza Sízmiku Fafulu 2D ne’e bazea ba Kontratu Fahe Produsaun (PSCs) TL-OT-17-08 no TL-OT-17-09. Kontratu fahe produsaun rua hanesan kontratu petróleo rai maran dahuluk ba Timor-Leste ne’ebé asina iha loron 7 abril 2017.

Kontratu fahe produsaun (PSCs) rua ne’e fó ba kompania TIMOR GAP Onshore Block Unipesoál, Lda-Kompania subsidiáriu husi kompania estatál TIMOR GAP, E.P no TIMOR RESOURCES Pty Ltd, kompania ida husi Austrália ne’ebé hola parte iha Kompania Nepean Group.

Kada konsórsiu iha interese pursentu 50 no TIMOR RESOURCES mak hola funsaun hanesan operadór. Rekerimentu mínimu ba serbisu peskiza iha périodu dahuluk husi kontratu PSC ne’e inklui akizisaun ka peskiza Sízmiku Fafulu 2D ho liña kilometru 100 ba kada PSC. Iha peskiza Sízmiku ba Fafulu 2D ne’e, TIMOR RESOURCES, Pty Ltd no ninia parseiru sira sei atinji liña peskiza ho totál kilometru 308,4.

Kontratu rua ne’e, sei kobre área ne’ebé iha prospetividade aas no iha fatin ne’ebé bele observa gás no mina iha rai leten. Peskiza Sízmiku Fafulu 2D hanesan étapa krusiál ida hodi identifika prospetividade ba perfurasaun iha área PSC rua ne’e.

Reprezentante primeiru-ministru, Ministru Defeza, Filomeno da Paixão de Jesus, hafoin lansamentu, ba jornalista sira katak parseria entre TIMOR RESOURCES ho ita-nia kompania mina nasionál enkoraja tebes no peskiza Sízmiku Fafulu 2D marka susesu ne’ebé signifikativu hodi dudu ba oi ita-nia indústria mina no gás iha rai maran nian.

“Peskiza sízmiku ne’e mós hanesan ezemplu ida katak Timor-Leste prontu ona atu loke oportunidade ba investimentu ho valór millaun dolár,” dehan ministru defeza, Filemeno da Paixão de Jesus.

Ministru Filmeno da Paixão hatutan tan katak importante liu atu serbisu hamutuk hodi rekonsilia objetivu kompania nian, governu hodi aumenta kapasidade serbisu na’in sira. “Dezenvolve indústria fornesedór lokál ba standar (padraun) internasionál nian, nune’e mós bele aumenta serbisu ba komunidade sira iha área afetadu no sira ne’ebé hela besik no multiplika serbisu fornesimentu,” esplika governante ne’e.

Ministru defeza, Filomeno da Paixão mós informa katak polítika governu, liliu ministériu defeza nian mak atu bele garante seguransa ba área sira ne’e, maske nune’e tuir nia, la’ós preokupasaun eh responsabilidade ministériu defeza nian de’it, maibé órgaun governu tomak, parlamentu tomak, prezidente repúblika; sira hotu iha konsensu atu haree formasaun autoridade marítima atu halo nusa Falintil-FDTL (Forsa Defeza Timor-Leste) ho PNTL (Polísia Nasionál Timor-Leste) no instituisaun seluk ne’ebé halo parte iha sistema autoridade marítima.

“Ami atu hamutuk tau-matan ba iha Kosta Norte no Kosta Súl através akizisaun ró ida,” haktuir governante ne’e.

Ministru defeza ne’e mós apela ba sidadaun hotu hakmatek, kria dame nafatin hodi nune’e dezenvolvimentu bele la’o, liliu hodi kolabora iha atividade peskiza ne’e to’o perfurasaun.

“Se ita hakarak moris di’ak, ita hakarak muda vida, tuur nonok, iha dame, hadomi malu, haree malu di’ak ho kontribuisaun rona na’i ulun sira, sosiedade sívil autoridade militár, polisiál mós ita fiar; ambiente ida prospéru, ambiente ida kondusivu. Povu agora ne’e konsiente ona, haruka oan sira, beioan sira ba eskola,” dehan ministru defeza, Filomeno da Paixão de Jesus.

Enkuantu iha nia diskursu, ministru defeza ne’e mós alerta ba komunidade sira katak ema hotu tenke fó seguransa maka’as iha Kosta Sul ne’e, labele iha perturbasaun oituan ida ba iha orden públiku nian.

“Para depois kompania sira ne’e, ema mai ho konfiansa, hakarak serbisu, ema fó laran, ema serbisu ho laran, la iha buat ida ba sira-nia isin-lolon, ema nia sasan; riku ne’ebé iha ne’e nunka mais aat. Ne’e importante tebes,” apela ministru defeza, Filomeno da Paixão de Jesus.

Tanba ne’e, tuir governante ne’e, governu fó fiar ba nia la’ós atu apela de’it ba populasaun maibé ezije katak se ita hakarak moris di’ak tenke iha ejizénsia ba ita-nia aan rasik.

“Ita hotu iha ne’e moris di’ak, hakarak moris di’ak liutan ida ne’e, mak ida ne’e, dalan mak governu hatudu ne’e, dalan mak kompania Timor Resources mai ho Timor Gap, ita haree iha ne’e, embaixadór Austrália (Peter Robert) mós iha, la’ós mai saugati. Mai iha ne’e hatudu governu Austrália ba iha empreza ne’e ho nia emprendimentu ne’ebé atu halo,” haklaken ministru Filomeno da Paixão de Jesus.

Nia akresenta, tanba ne’e ita fiar no ita iha konfiansa katak ita-nia mina ne’e tenke sai. “To’o tempu ona Maromak no ita-nia avó hatudu mina mai ita para muda ita-nia vida. Ida ne’e de’it mak ha’u-nia apelu no ejizénsia ba imi hotu,” apelu tan ministru defeza ne’e.

Iha fatin hanesan, prezidente ANPM (Autoridade Nasionál Petróleo no Minerál), Gualdino da Carmo da Silva hateten katak lansamentu ida ne’e nu’udar komprimísiu kontratuál ba segundu ano ninian husi kontratu sira ne’ebé mak kompania sira halo ona ho governu liuhusi ANPM.

“Tanba ne’e, sira sei halo fulan walu ba tinan ida nia laran, rezultadu di’ak hotu sira sei hakat ba oin katak sira sei halo perfurasaun ba mina-matan iha Same nomós iha Suai. Mas agora, ba fulan walu mai agora ne’e sira sei fokus liu ba iha atividade sísmiku,” informa prezidente Gualdino da Silva.

Prezidente ANPM ne’e haktuir katak bloku ne’ebé kompania iha mak Bloku A no C, ne’ebé mak sira iha ona direitu liuhusi kontratu ho governu ne’e entaun kompania mós bazea ba dadus ne’ebé sira iha.

“Bazea mós dadus istóriku katak iha fatin rua ne’e iha duni poténsia minarai liliu petróleo. Tanba ida ne’e mak sira bazea ba dadus sira ne’e hotu, sira hakarak atu esplora, ba buka se iha duni petróleo ka lae? Ne’e mak halo liuhusi atividade sísmiku ne’e,” nia realça.

Nia mós informa, iha peskiza sísmiku bainhira uza métodu vibrasaun ne’e halo rai nakdoko ba lokál de’it no la sente tanba frekuénsia aas nune’e sei la iha impaktu ba populasaun sira.

“Distánsia husi 50m to’o 100m ita la sente ona. Iha frekuénsia ne’ebé mak aas katak husi 10 to’o 50 Htz tanba ida ne’e mak ita laduun sente ida. Maibé, ita buka, ita halo mitigasaun ona distánsia ne’e 50 to’o 100m ne’e dook husi populasaun nia uma, kuandu besik uma, ita dezvia atu nune’e labele fó impaktu ba populasaun nia uma,” esplika prezidente ANPM, Gualdino da Silva.

Vise-prezidente Nepean Resources no diretora jerál Timor Resources, Suellen Osborne, iha entrevista ho jornalista sira afirma, peskiza sísmiku ne’e sei hala’o durante loron 60 nia laran, hahú husi área Suai, Covalima nian ba to’o iha Same, Manufahi.

“Ba perfurasaun, konserteza hetan aprovasaun husi governu, liuhusi Autoridade Nasionál Petróleo no Minerál, planu husi kompania nian mak halo perfurasun iha 2019, iha fulan abril nia laran.

Kona-ba garansia, diretora jerál Timor Resources, Suellen Osborne hateten: “Kompania labele hateten katak iha duni mina ka lae, maibé hanesan kompania, ami uza ema matenek barak ne’ebé iha kapasidade ba área ida ne’e, nune’e mós uza teknolojia ne’ebé mak avansada hodi bele hetan dadus ne’ebé mak bele hateten área ne’ebé iha potensialidade hodi halo perfurasaun no”.

Ariska Milaun 35

Diretora jerál Timor Resources, Suellen Osborne konsidera katak jeolojia Timor-Leste nian susar. Atu hetan mina la’ós fásil, biar sísmiku ne’ebé atu hala’o.

“Timor Resources hanesan kompania ne’ebé atu investe, sei ariska besik dolár amerikanu milaun 35 molok atu iha serteza saida mak bele hetan iha rai okos. Target boot liu iha dalan ida ne’e mak atu remata ho gravasaun sísmiku,” hateten diretora Timor Resources ne’e.

“Ami sei halo gravasaun liuhusi komunidade Suai, Hatudo, Manufahi no Alas, data ne’e sei hetan intrepretasaun husi ami-nia espesialista, hatama iha modelu jeolójiku hodi bele tuir atu hahú fura,” nia reforsa.

Diretora australiana ne’e haklaken, iha negósiu nomós iha politika, hetan bebeik krítika, maibé nia reforsa katak ho lansamentu peskiza sísmiku ne’e hahí, fó  basa liman ba governu nia hanoin hodi hala’o peskiza  ho aviaun hanesan rider  gravidade ho magnetiku.

“Fiar katak, ita bele espera rekursu folin mina nian bainhira ami basa liman atu hala’o projetu ida ne’e halao venture ho kompania Timor gap kona-ba mina. Ekonomia momentu ne’eba laduun di’ak mina baril ida dolár haat nolu resin lima de’it ida ne’e folin tuun tebes-tebes, maibe ami hatene katak, nasaun nia rikusoin boot ne’ebé fo korazen nafatin ami atu halao servisu ba oin,” nia lembra hikas.

Diretora jerál Timor Resources, Suellen Osborne espera katak ho lideransa TIMOR GAP no ANPM nian, sira sei hetan fiar hodi lori rezultadu ba Timor-Leste, no ba oin nafatin. Nune’e mós, ho dezenvolvimentu ne’ebé mak Timor Resources  atu hala’o ne’e  sei fó estabilidade ba nasaun  atu bele hala’o nia dezenvolvimentu  makas liu tan.

“Esplorasaun ne’e hanesan dalan ida importante iha dezenvolvimentu ne’ebé ita presiza iha rai ida ne’e, hakat ne’ebé ita hatoo hetan risku maibé dalan ida ne’e ita prepara atu hala’o ba oin nafatin. Hanesan kompania ami sei kompremete aan atu sai hanesan operadór iha ambiente ne’ebé ho responsabilidade atu hala’o serbisu ho didi’ak,” kompromete diretora ne’e.

“Saúde no seguransa asuntu ida ne’ebé importante tebes iha organizasaun ida ne’e nomós mai ami importante, ami sei miniza impakatu sobre buat ne’ebé sala, iha sasan ne’ebé ami book hodi hala’o dezenvolvimentu ida nee, ami haree katak bainhira serbisu di’ak sei hametin parseiru naruk atu bele serbisu hamutuk ho rai na’in sira, na’in ba rai sira para hothotu bele la’o hamutuk harii nasaun foun, kondisaun ho ambiente foun, ho serbisu ida ne’ebé hothotu bele fiar malu, troka esperiénsia hamutuk hodi hala’o serbisu ne’e ba oin,” nia konklui.

Iha fatin hanesan, reprezentante administradór Munisípiu Ainaro no Manufahi, adminitradór Covalima, Afonso Nogueira Nahak akresenta katak sei halo koordenasaun di’ak hodi asegura investimentu sira, hodi lori benefísiu ba Timor-Leste inkluzivamente Suai, Ainaro no Manufahe.

“Ita hein katak sei serbisu hamutuk hodi nune’e lori benefísiu mai ita, liliu ba joven sira aban bainrua, iha futuru,” espera administradór Afonso Nogueira Nahak.

Entretantu, lansamentu peskiza sísmiku ne’e hetan bensaun direta husi Padre Pároku Covalima, amo Sebastião Coreia no hetan matak malirin husi lia na’in munisípiu tolu ne’ebé mak sai alvu ba peskiza ne’e.

Iha lansamentu ne’e demonstra mós oinsa operasaun tékniku nomós vibrasaun aparellu peskiza nian no asiste direta husi autoridade lokál, munisípiu, reliojoza, entidade relevante nomós komunidade sira, inklui diplomata estranjeiru sira balun ne’ebé nia rezidénsia iha Timor-Leste.

Jornalista: Rafy Belo | Editór: Manuel Pinto

Imajens: 1 - Reprezentante Primeiru-ministru, ministru defeza, Filomeno da Paixão de Jesus lansa peskiza sísmika iha Aeroportu Internasionál Kay Rala Xanana Gusmão, Suai-Covalima-Kosta Sul Timor-Leste, kuarta lorokra'ik (10/10). Foto TATOLI: Rafy Belo; 2 - Viatura ba peskiza sísmiku

Enkontru Entre Lú Olo no Xanana Ko’alia Sosa Asaun ConocoPhillips

DILI, (TATOLI) - Xefe Negosiadór Prinsipál ba asuntu Fronteira Marítima, Kay Rala Xanana Gusmão, kinta ne’e, iha Palásiu Prezidente Nicolau Lobato, Bairru Pité, hala’o enkontru ho Prezidente Repúblika (PR), Francisco Guterres Lú Olo, hodi deskuti kona-ba planu atu sosa asaun (saham) pursentu 30 hosi kompaña exploradór mina no gás iha Greater Sunrise, ConocoPhillips.

“Ami ko’alia la barak ida. Hanesan fó hela de’t informasaun,” Lú Olo ba jornalista sira iha otél Novo Turismo, Lecidere, kinta ne’e.

Xefe Estadu husu ba Xefe Negosiadór Prinsipál atu aprezenta relatóriu ne’ebé kompletu liu kona-ba prosesu hahú hosi tratadu Delimitasaun Fronteira Marítima para bele deskuti no hatene kle’an.

“Xefe Negosiadór Prinsipál rasik maka husu atu halo enkontru ho ha’u. Nia (Xanana) mós hanoin katak asuntu tratadu Delimitasaun Fronteira Marítima to’o asuntu sosa asaun ne’e interese nasionál, entaun nia husu atu ami ko’alia maibé la kle’an. Tan ne’e, ha’u husu ba Xanana atu bele aprezenta relatóriu ofisiál para ita bele estuda kle’an liu-tan,” nia informa.

Lú Olo dehan katak Timor-Leste ne’e pertense ba timoroan tomak nian, tanba ne’e, asuntu kona-ba interese nasionál ka interese nasaun nian, hotu-hotu tenke fó hanoin ba malu.

Nia haktuir, Xefe Negosiadór Prinsipál hatán ona atu iha loron tuir mai aprezenta relatóriu ofisiál ba Xefe Estadu.

Maski antes ne’e Xanana halo krítika maka’as hasoru Xefe Estadu maibé nia (Lú Olo) afirma katak, hanesan Prezidente Repúblika, nia la tau preokupasaun ba krítika hirak ne’e maibé nasaun no povu nia vida maka importante liu.

Soru-mutu entre líder istóriku na’in rua ne’e la prevé iha ajenda Prezidente Repúblika hanesan loron baibain, maibé hala’o ho espontaniamente. Tan ne’e, jornalista sira ne’ebé destakadu iha Palásiu Prezidente Nicolau Lobato labele asesu ba enkontru refere.

Enkontru ne’e akontese iha tuku 10:30-11:45 Otl, hafoin Primeiru-Ministru, Taur Matan Ruak, hala’o reuniaun regulár ho Prezidente Repúblika.

Jornalista: Xisto Freitas | Editór: Manuel Pinto

Imajen dok.

Governu Extende Aprezentasaun OJE 2019

DILI, (TATOLI) - Governu Da-ualu Konstitusionál extende ona aprezentasaun orsamentu jerál Estadu (OJE) 2019 ba Parlamentu Nasionál.

Primeiru-Ministru, Taur Matan Ruak, hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, kinta ne’e, hafoin informa preparativu OJE 2019 ba Prezidente Repúblika, Francisco Guterres Lú Olo.

Normalmente, tuir lei, aprezentasaun OJE ba Parlamentu Nasionál akontese iha 15 Outubru, maibé adia ona ba 8 Novembru.

Xefe Governu esplika katak extensaun ba aprezentasaun orsamentu ne’e la’ós tanba kestaun kandidatu membru Governu na’in sia (9) seidauk simu tomada pose, maibé tanba durante fulan tolu nia laran sira aprezenta programa Governu, orsamentu duo-désimu, orsamentu 2018 no 2019, entaun tempu maka susar loos.

Nia informa, maski Governu nia proposta inisiál OJE 2019 prevee montante biliaun $1.3, maibé bele iha mudansa tanba Governu iha planu atu sosa asaun (saham) hosi ConocoPhillips ho montante millions $350.

Jornalista: Xisto Freitas | Editór: Manuel Pinto

Imajen: Primeiru-Ministru, Taur Matan Ruak. Imajen António Gonçalves

Presidente timorense debate compra de participação no Greater Sunrise com Xanana Gusmão

Díli, 11 out (Lusa) - O Presidente timorense afirmou hoje que a compra da participação da empresa ConocoPhillips no consórcio dos campos petrolíferos de Greater Sunrise dominou a reunião inesperada com o ex-chefe de Estado Xanana Gusmão.

"Realmente tivemos um encontro que incidiu mais nos últimos acontecimentos, particularmente, sobre a compra de ações da ConocoPhillips", explicou à Lusa Francisco Guterres Lu-Olo, confirmando que a reunião foi pedida por Xanana Gusmão "através do primeiro-ministro", Taur Matan Ruak.

"Disse-lhe [a Xanana Gusmão] que esta é uma questão que deve ser abordada muito mais profundamente quando ele voltar das negociações", acrescentou o chede de Estado, numa referência a uma nova ronda de contactos no estrangeiro que Xanana Gusmão vai manter nos próximos dias sobre o projeto Greater Sunrise.

Lu-Olo falava depois de presidir à abertura do 3.º Congresso da Câmara de Comércio e Indústria de Timor-Leste (CCI-TL), que arrancou com bastante atraso devido ao encontro inesperado com Xanana Gusmão.

O pedido de reunião, que não estava prevista na agenda da Presidência, foi transmitido a Lu-Olo pelo primeiro-ministro durante o encontro semanal, esta manhã, entre os dois responsáveis. O encontro com Xanana Gusmão realizou-se em seguida.

Esta reunião decorreu na sequência de meses de tensão com Xanana Gusmão, que escreveu várias cartas a Lu-Olo, divulgadas depois publicamente, e prestou várias declarações públicas a criticar a decisão do chefe de Estado de não dar posse a vários nomes propostos para a equipa governamental.

O chefe de Estado disse que esse assunto "não foi discutido" na reunião e que o importante não são as críticas, mas os assuntos de Estado.

"O ambiente correu normalmente. Ele realmente fez tudo [as críticas] mas como chefe do Estado não entrei nisso neste encontro. Quero ver discutidas as outras questões que dizem respeito à vida do nosso país e do nosso povo", destacou.

O Presidente timorense terá que dar o seu aval à operação de compra, através da promulgação das contas públicas de 2019, onde estão inscritos 350 milhões de dólares (303 milhões de euros) para financiar o negócio.

Na quarta-feira, o Governo timorense aprovou em Conselho de Ministros uma resolução sobre a operação, que tem ainda de ser aprovada pelo Parlamento.

Timor-Leste considera a operação um passo essencial na estratégia para trazer um gasoduto de Greater Sunrise até à costa sul do país, e marcar assim o desenvolvimento nacional do setor e antecipando um impacto adicional da estratégia na economia doméstica.

A operação, que poderá estar concretizada "no primeiro trimestre de 2019", necessita igualmente de aprovação dos reguladores e de passar pelo processo de opção de direitos de preferência de parceiros, indicou a petrolífera ConocoPhillips.

O consórcio de Greater Sunrise é liderado pela australiana Woodside, com 33,44% do capital, incluindo a ConocoPhillips (30%), a Shell (26,56%) e a Osaka Gas (10%).

Os campos de Greater Sunrise estão, na quase totalidade, em águas territoriais timorenses, no âmbito do novo tratado de fronteiras marítimas, assinado em março, com a Austrália e que está ainda para ser ratificado pelos Parlamentos dos dois países.

Os campos contêm reservas estimadas de 5,1 triliões de pés cúbicos de gás e estão localizados, a aproximadamente 150 quilómetros a sudeste de Timor-Leste e a 450 quilómetros a noroeste de Darwin, na Austrália.

ASP // EJ

Timor-Leste está "viciado pelo petróleo" e sem alternativas económicas - Presidente

Díli, 11 out (Lusa) - Timor-Leste é um país "viciado pelo petróleo", cujo potencial "não está a ser estimulado, desenvolvido, trabalhado", importando quase tudo o que consome e sem políticas públicas geradoras de emprego, disse hoje o Presidente timorense.

"Estamos a importar quase tudo. Temos um desemprego considerável e até agora uma teimosa incapacidade de políticas públicas geradoras de emprego", afirmou, em Díli, Francisco Guterres Lu-Olo.

Na análise da situação atual, o Presidente timorense repetiu uma mensagem antiga, de que "a economia está excessivamente dependente das receitas petrolíferas".

"O êxodo rural é um problema sério que desde já tem implicações negativas no nosso país. O reforço do setor privado, um verdadeiro imperativo na esfera económica", afirmou num discurso perante os principais empresários do país.

Francisco Guterres Lu-Olo falava na abertura do 3.º Congresso Nacional da Câmara de Comércio e Indústria de Timor-Leste (CCI-TL), numa altura em que o país atravessa uma grave crise económica, provocada por mais de um ano de tensão política, ainda não totalmente resolvida.

O encontro conta com a presença de vários dos principais empresários timorenses e representantes de associações, cooperativas e entidades dos 12 munícipios e da Região Administrativa Especial de Oecusse-Ambeno (RAEOA).

Sob o tema "Por um Setor Privado Mais Criativo, Produtivo e Sustentável", esta reunião marca uma vontade de reforço da capacidade organizativa e de capacitação empresarial nacional para responder aos desafios nacionais, considerou.

"O setor privado tem um papel importante no desenvolvimento de qualquer economia. O Estado não pode deter o monopólio de potenciar a atividade económica do país, ou seja, não pode dinamizar a economia do país, detendo competência exclusiva", disse Lu-Olo.

O chefe de Estado lembrou que quase 90% do orçamento é financiado através do Fundo Petrolífero de onde, desde a sua criação em 2005 e até 2017, "foram levantados mais de 9,6 mil milhões de dólares" (8,3 mil milhões de euros), com as receitas domésticas não petrolíferas a representarem pouco mais de 7% do Produto Interno Bruto (PIB).

"Um dos principais desafios da economia de Timor-Leste é o enorme desequilíbrio da sua balança comercial devido a importações muito grandes que não são compensadas por exportações significativas", afirmou.

No ano passado, as importações de bens e serviços corresponderam a 58% do produto interno bruto não-petrolífero, com um défice comercial anual de mais de 900 milhões de dólares, referiu.

Lu-Olo insistiu que é urgente fortalecer outros setores da economia, com destaque para agricultura e pescas, o que ajudaria igualmente a combater a subnutrição no país e a fortalecer o emprego.

"O desemprego é um dos problemas mais graves da nossa sociedade atual. Apesar do setor privado timorense contribuir com mais de 60 mil empregos, ainda não é suficiente para acomodar os mais de 15 mil jovens que anualmente entram no mercado de trabalho", alertou.

Aos empresários, o chefe de Estado sublinhou que "o setor privado nacional ainda é muito fraco" e exige esforços de capacitação, comprometendo-se a articular com o Governo para ajudar "a dotar de meios e de recursos o setor privado nacional" na fase atual de arranque.

ASP // EJ

Atleta timorense conquista ouro e recorde asiático nos 400 m nos Asian Para Games

Díli, 11 out (Lusa) - O atleta timorense Teófilo Freitas conquistou a primeira medalha de ouro de sempre para Timor-Leste nos Asian Para Games, estabelecendo um recorde asiático nos 400 metros na final da prova que decorreu em Jacarta.

Freitas, que já tinha ganho a primeira prova de qualificação para a final com um tempo de 54,01 segundos, melhorou na final para 53,14 segundos. O anterior recorde que era de 53,44 segundos.

A classe T37 abrange todas as provas de pista para atletas com deficiências de coordenação (hipertonia, ataxia e atetose).

O ouro de Freitas foi a segunda medalha para Timor-Leste na 3ª edição dos Asian Para Games, que estão a decorrer na capital indonésia.

A atleta timorense Pascoela dos Santos Pereira conquistou a primeira medalha de sempre para Timor-Leste (bronze), em ténis de mesa.

A terceira edição dos Asian Para Games que decorre na Indonésia, reúne mais de 2.800 atletas de 43 nações (incluindo uma delegação unificada da Coreia) que, entre 06 e 13 de outubro, competem em 512 eventos distribuídos por 18 modalidades.

ASP // MIM

Timor-Leste Tenke Mantein Proteje Animal Protejidu

DILI, (TATOLI) – Organizasaun Sosiedade Sivíl sira, halo afirmasaun Konjunta hodi hato’o sira nia preokupasaun konaba Governu Japaun ne’ebé promove kaer ikan baleia no husu Timor-Leste nafatin mantein pozisaun hanesan nasaun ne’ebé proteje animal protejidu sira hanesan baleia no golfiñu iha tasi timor.

“Hare asaun sira foin daudaun husi Governu Japaun atu promove kasa ka kaer baleia sira, ami preokupa katak asuntu ne’e bele tama iha diskusaun durante vizita Ministru Estranjeiru Japaun nian iha Timor-Leste iha loron 11 Outubru. Ami hakarak afirma ami nia pozisaun no suporta Timor-Leste tenke mantein sai área protejidu ba animál protejidu sira hanesan baleia no golfiñu”, refere artigu ne’ebé divulga husi sosiedade sivíl sira, ohin.

Sosiedade sivíl ne’ebé afirma iha artigu ne’e mak hanesan, La’o Hamutuk, Fundasaun Haburas, Friends of the Earth TL, PERMATIL, HASATIL Network, Movimentu Hadomi Natureza (Mohana), Konservasaun Flora and Fauna, Asosiasaun Tafon Green, Asosiasaun HAK, Rede ba Rai, Kadalak Sulimutu Institute, Movimentu Tasi Moos , RENETIL, Oxfam iha Timor-Leste.

Nu’udár organizasaun ne’ebé tau matan mós ba ambiente, sosiedade sivíl sira ne’e afirma ho kompromisu atu proteje ambiente natural ne’ebé úniku no sai patrimóniu importante Timor-Leste nian, nó mós apoiu Governu nia suporta ne’ebé forte ba dezenvolvimentu eko-turizmu marina (tasi nian), protesaun ba riku soin tomak ne’ebé moris iha tasi laran, hanesan haktuir iha Planu Estratéjiku Dezenvolvimentu Nasionál (PEDN) 2011-2030 no Polítika Turizmu ne’ebé foin estabelese.

“Ami rekoñese no suporta esforsu husi Ministériu Turizmu nó mós nia parseiru sira, atu promove no dezenvolve setór eko-turizmu marina, liuhosi ninia programa tau matan ba baleia no golfiñu. Programa ne’e sei kolabora no servisu hamutuk ho ajénsia turizmu lokál sira, organizasaun eko-voluntáriu no komunidade peskadór lokál sira”, tenik.

Hodi suporta katak presiza iha protesaun ba tasi no eko-turizmu hanesan parte husi planu dezenvolvimentu diversifikadu no ekonomia ne’ebé sustentável, tamba persentajen boot husi populasaun depende moris ba riku soin iha tasi laran no tasi ibun hodi hetan ai-han, nutrisaun no rendimentu ba família uma kain.

“Se rekursu sira ne’e dezenvolve ho di’ak, hahú husi buat ne’ebé Governu estabelese tiha ona, dezenvolve indústria turizmu hanesan baleia no golfiñu, iha poténsia atu lori benefísiu ekonómiku ne’ebé signifikante ba komunidade lokál sira”, katak.

Tuir sosiedade sivíl, agora ita iha nesesidade urjénsia atu diversifika ekonomia, haluan no haforsa setór sira ne’ebé la’ós mina hanesan agrikultura, peska, indústria produsaun ho eskalaun ki’ik sira no turizmu, no tenke dezenvolve ho kompromisu boot hodi tuir polítika ne’ebé sustentável hodi bele garante no proteje ambiente ne’ebé sei frajil hela nudár patrimóniu naturál.

Nune’e, sira konsidera Timor-Leste nia diversidade marina ne’ebé importante iha nivel global presiza no merese hetan protesaun no prezervasaun liuhosi define área protejidu no parke nasionál marina sira.

“Governu liuhosi Ministériu Turizmu agora presiza dezenvolve enkuadramentu legál importante no nesesáriu, ho infraestrutura, formasaun ba ospitálidade iha setór turizmu, akreditasaun ba ajénsia turizmu sira, no komprende rikusoin sira hodi bele jere no tau matan di’ak ba oin. Nune’e ita bele asegura indústria eko-turizmu ne’ebé sustentável, protesaun ba baleia no golfiñu sira hodi fó benifísiu ba komunidade lokál”, dehan tan.

Antes ne’e iha loron 3 outubru, Governu liuhosi reuniaun Konsellu Ministru, halo análize ba aprezentasaun husi ekipa Whales and Dolphin in Timor-Leste, konaba “Planu Dezenvolvimentu ba Ekonomia Sustentável Eko-Turizmu Marina iha Timor-Leste”, hodi transforma Timor-Leste sai referénsia iha turizmu tasi okos (diving) no hare movimentu furak husi baleia no golfiñu iha rejiaun Sudeste Aziátiku, inklui protesaun no konservasaun ba rikusoin tomak ne’ebé mak moris iha tasi laran.

Baleia no golfiñu rasik, tuir diploma ministerial konjuntu Ministériu Agrikultura no Peska (MAP) no Ministériu Komérsiu Indústria no Ambiente (MKIA) 12 Abril 2017, sai hanesan lista espésie akuátika protejida sira iha Timor-Leste.

Tuir diploma ne’e, protesaun ba espésie akuátika sira fundamental atu prezerva bio diversidade iha Marítima nasionál sira, nune’e tenke obdese ba kritériu sientífiku sira no nesesidade ba protesaun ba espésie sira ne’ebé determina ona.

Jornalista: Julia Chatarina | Editór: Manuel Pinto

Imajen: Golfinu Spinner iha Baucau. Imajen: Kevin Austin

Lere: ”Hau Nia Mandatu Hotu Ga Lahotu Desizaun Politika”

DILI - Xefi de Estadu Maior Jeneral Forsas Armadas, Major Jeneral Lere Anan Timor afirma katak, nia mandatu nudar Xefi de Estadu Maior Jeneral Forsas Armadas nee atu hotu ga lahotu desizaun politika, tanba F-FDTL nee laos formasaun Governu.

Hau nia mandatu nee hotu ka lahotu desizaun Politika, hau nia preokupasaun, no hau nia hakarak nee estabilidade ida nee deit, tanba F-FDTL nee laos formasaun governu nian, neebe ita bolu joven - joven sira neebe matenek mai iha F-FDTL, maibe F-FDTL nee FALINTIL nia klamar,” dehan Jeneral Lere, ba jornalista sira hafoin remata enkontru ho Prezidente da Republika, iha Palasiu Prezidente Nicolau Lobato, Dili, Kuarta (10/10/2018).

Portantu responde konaba tuir informasaun katak governu prolonga tan mandatu ba Xefi de Estadu Maior Jeneral Forsas Armadas, Jeneral Lere hateten, Uluk 24 anus prolonga mos nia bele halao servisu agora sae kareta, toba tan iha AC nia laran, pasiar ba Bali, pasiar ba Portugal nusa mak labele.

Iha parte ketak Ministru Defesa Filomeno Paixao hateten, Nia parte aprezenta ona  karta ba iha Konsellu Ministru, Konaba prosesu subtituisaun  kargu ba Xefi de Estadu Maior Jeneral Forsas Armadas, Major Jeneral Lere Anan Timor.

Informasaun kompletu iha STL Jornal no STL Web, edisaun Kinta (11/10/2018)

Carme Ximenes | Suara Timor Lorosae

Foti Osan Husi Fundu Minarai Montante Boot, Resetas Domestika Kiik

DILI - Kada Tinan governu sempre hasai osan boot husi fundu mina rai nian, tanba  resetas domestika neebe TL hetan nee kiik tebes, tanba nee hahu agora tenke tenke iha planu diak hodi rekola resetas husi baze, liu liu fatin estasionamentu neebe eziste ona iha Dili laran.

“Hau hanoin ita tenke halo duni tanba ida nee, hanesan parte ida atu kontrbui resetas alternativu ba iha kofre estadu, tanba nee husu ba Ministeriu Transporte komunikasaun atu halo estudu biablidade ida, oinsa bele rekola resetas husi estasionamentu sira nee,” informa Reprezentante povu iha uma fukun Parlamentu Nasional PN, Deputadu Faviao de Oliveira, liu husi sesaun plenaria Tersa (09/10/2018) iha PN.

Nia mos afirma liu tan katak,governu mos tenke toma atensaun ba kareta sira neebe maka para arbiru deit iha Estrada ninin sira nee, oinsa atu rekola resetas husi neeba, kareta sira neebe para iha dalan ibun, fo ameasa boot ba transporte neebe lao ba mai, tan nee presiza atensaun husi Ministeriu Transporte.

Iha fatin hanesan Deputadu Francisco Branco mos hatutan, nia parte preokupa tebes ho osan husi fundu mina, tanba tinan tinan governnu foti osan boot husi neeba, maibe liga ba resetas domestika atu selu deit funsionariu sira la too.

“Hau hanoin agora ita tenke kria mekanismu ida, ho nunee bele rekolia resetas husi baze, liu liu portu, Aeroportu nomos sira seluk oinsa atu kontribui resetas neebe diakm ho nunee TL bele kore aan husi dependensia ba osan mina rai nian. 

Atu hatene klean konaba notisia nee lee iha jornal STL edisaun, Kinta (11/10/2018)

Madalena Horta | Guilhemina Franco | Suara Timor Lorosae

Sosa Partisipasaun iha Greater Sunrise husi ConocoPhillips

Signifika saida mai Timor-Leste? Signifika saida kona-ba kadoras?

Analiza husi La’o Hamutuk, 4 Outubru 2018

Semana kotuk, negosiadór husi Governu Timor-Leste ho kompañia mina internasionál ConocoPhillips konkorda katak Timor-Leste sei sosa ConocoPhillips nia partisipasaun husi Konsórsiu (Joint Venture) kompañia mina haat nian ne’ebé hetan kontratu atu dezenvolve kampu mina no gás Greater Sunrise. Bainhira sosa ho osan hamutuk tokon $350, Timor-Leste sei sai na’in ba 30% husi projetu ne’e, hamutuk ho Woodside (33%), Shell (27%) no Osaka Gas (10%). Se prosesu sosa ne’e liu husi TimorGAP nudár Timor-Leste nia kompañia mina nasionál, TimorGAP sei partisipa iha prosesu foti desizaun ba projetu, iha responsabilidade atu kontribui 30% husi investimentu, no iha direitu atu simu 30% husi projetu nia lukru.

Artigu ne’e sei responde ba konfuzaun balu no informasaun laloos ne’ebé sirkula iha Timor-Leste no media internasionál kona-ba sosa partisipasaun no Projetu Sunrise. La’o Hamutuk akompaña asuntu ne’e iha tinan barak nia laran (Ami publika livru kona-ba ”Sunrise LNG iha Timor-Leste, Mehi, Realidade no Dezafiu” iha 2008), no ami kontinua enkoraja desizaun hirak ne’ebé bazeia ba faktu no loloos ne’ebé klaru atu responde ba povu Timoroan sira nia interese. Ami hein katak artigu ida ne’e sei ajuda imi hotu atu kompriende aspetu legál, ekonómiku, sosiál no ambientál husi projetu ne’e, ne’ebé potensiálmente lori benefísiu signifikante ka lakon boot ba ita nia povu. Atu fó hanoin katak, buat importante liu bainhira halo desizaun la’ós atu manán kadoras ka manán opiniaun husi nasaun seluk no kompañia sira, maibé saida mak sei sai benefísiu liu ba povu Timor-Leste iha tempu naruk.

Antesedente

Kampu mina no gás iha tasi okos Greater Sunrise deskobre iha 1974, maibé seidauk dezenvolve tanba okupasaun Indonesia, disputa ba fronteira maritima ho Austrália (ne’ebé foin lalais mak rezolvidu), no seidauk iha konkordánsia kona-ba prosesu gás sei halo iha ne’ebé. Analista balun estimatiza katak mina no gás iha Greater Sunrise sei fa’an ho folin hamutuk biliaun $50. Hafoin selu ba investimentu kapitál, kustu operasaun no kompañia nia lukru, Timor-Leste bele hetan reseita husi taxa no direitu (hak milik) biliaun $8-20. Se karik Timor-Leste sai na’in sorin balu, ita sei fahe osan lukru, no mós hetan responsabilidade ba investimentu.

Iha tinan barak nia laran Sunrise nia projetu paradu tan de’it Governu Timor-Leste insiste katak kadoras husi gás natural tenke kanaliza mai Timor-Leste hodi gás hirak ne’e sei sai malirin liu no sei hafoin nabeen transforma ba LNG (Liquefied Natural Gas) nune’e bele hatama iha ró tanke boot sira no bele fa’an ba konsumidór sira iha rai li’ur. Maske nune’e, kompañia mina haat iha Konsórsiu fiar katak meius ba produsaun LNG – liuhosi kadoras ba Australia (Darwin LNG ka DLNG) ka uza plataforma namlele (floating LNG) – sei aumenta rendimentu no iha risku ki’ik liu. Governu Timor-Leste fiar katak kriasaun servisu lubun, kontratu no dezenvolve ekonomia lokál husi projetu Tasi Mane iha Kosta súl sei lori kompensasaun aas liu fali kustu no risku husi lori gás mai iha ne’e, Governu Australia, Konsórsiu Sunrise nian, no Komisaun Konsiliasaun ONU ne’ebé fasilita Tratadu Fronteira la iha fiar ne’e hanesan Governu Timor-Leste. La’o Hamutuk no peritu hirak ne’ebé ami konsulta tiha ona la konvensidu katak benefísiu ba Timor-Leste sei boot liu fali nia kustu, no ami ezije beibeik ba jestór husi projetu ne’e atu fahe dadus no asumsaun sira ne’ebé mak halo sira sai optimístiku tebes ba projetu ne’e.

Fulan Marsu foin lalais, Timor-Leste no Australia asina Tratadu istóriku atu estabelese fronteira maritima, no nia ratifikasaun ne’ebé pendente hela iha nasaun rua. La’o Hamutuk selebra susesu boot ida ne’e nudár aspetu signifikante ida atu avansa Timor-Leste nia soberania nasionál. Maske negosiadór sira iha esperansa katak bele rezolve kestaun Sunrise nian molok Tratadu ne’e asina, sira seidauk bele atinje ida ne’e. Tanba kampu Sunrise la’ós iha sorin ida de’it husi fronteira ne’ebé fixu husi tratadu foun, Timor-Leste sei simu 70% husi rendimentu governu nian husi mina no gás Sunrise nian bainhira prosesamentu gás akontese iha Timor-Leste, no 80% se prosesamentu gás akontese iha Australia.

Sosa Partisipasaun husi ConocoPhillips

ConocoPhillips nia partisipasaun iha Konsórsiu Greater Sunrise mak 30% husi projetu tomak. Timor-Leste sosa partisipasaun ne’e nudár pasu ida iha prosesu naruk atu lori kadoras husi kampu Sunrise ba Beaçu iha parte kosta-súl. Povu Timoroan barak mak orgullu ba ita nia lider polítika sira nia abilidade hodi konvense ka selu Australia no kompañia mina sira atu simu pozisaun ida ne’e. Maibé, kestaun ida ne’e sei iha konsekuénsia boot tebes ba orsamentu, ekonomia, ambiente no sosiedade ne’ebé bele afeta ema barak nia moris iha jerasaun ba jerasaun. Konsekuénsia sira ne’e sei fixu iha tempu naruk no importante liu fali duke emosaun patriotismu ne’ebé temporáriu. Seidauk klaru katak kadoras husi Sunrise nudár dalan ida di’ak ba povu Timor-Leste.

Nasaun presiza no merese hetan análiza detallu no loloos, ho informasaun públiku, kona-ba kustu, benefísiu risku no impaktu husi projetu sira Greater Sunrise no Tasi Mane nian, molok uza hotu osan biliaun dolares husi povu nia osan ba selu kompañia mina, kontraktór sira, indivíduu sira no kompañia sira seluk ne’ebé laiha kompromisu naruk ba nasaun ka obrigasaun atu serve interese públiku.

La’o Hamutuk iha duvida boot katak estudu ne’ebé presiza halo duni sei prova katak benefísiu husi lori kadoras Sunrise mai Timor-Leste sei nato’on atu justifika kustu, risku no impaktu sosiál ne’ebé boot. Karik estudu ida sei bele prova duni, akordu foin lalais atu sosa partisipasaun husi ConocoPhillips la sufisiente atu garante katak kadoras sei mai duni Timor-Leste.

Saida de’it mak sei presiza akontese atu bele lori kadoras mai Timor-Leste??

1.      Tuir regulasaun Konsórsiu Sunrise nian, parseiru idak-idak - Woodside, Shell no Osaka Gas - iha direitu atu “pre-empt” entidade ne’ebé atu sosa. Signifika katak se ConocoPhillips hakarak atu fa’an ninia partisipasaun, kompañia ida husi kompañia hirak ne’e bele sosa fali atu prevene interese ne’e monu fali ba entidade seluk nia liman. Notísia sira iha mídia indika katak Woodside karik uza podér ida ne’e, no bele prevene Timor-Leste atu sosa partisipasaun husi ConocoPhillips.

2.      Reguladór sira husi Governu Australia no Timor-Leste sei presiza aprova prosesu sosa no fa’an ida ne’e. Konkordánsia husi kontratu fa’an no konkordánsia husi Konsórsiu presiza aprova husi Konsellu Ministru no hetan revizaun husi Tribunal de Contas.

3.      Timor-Leste sei selu tokon $350 ba ConocoPhillips iha inísiu tinan oin nudár kustu avansu no obrigasaun finanseiru ba kustu osan ne’ebé boot liután iha futuru (haree #5 iha okos). Tokon $350 – liu fali dobru husi saida mak Timor-Leste hasai kada tinan atu eduka ita nia labarik sira – sei hasai husi Fundu Petróleu, karik mós bele sai parte ida husi OJE 2019 ne’ebé governu sei proposta ba Parlamentu iha Novembru. Ami hein katak debate iha Parlamentu kona-bá OJE sei hakle’an liután diskusaun kona-ba kestaun sira ne’e hotu, inklui mós obrigasaun finanseira no buat seluk ne’ebé asume kona-ba Timor-Leste nia partisipasaun iha Konsórsiu ne’e.

4.      Bainhira Timor-Leste sai na’in ba 30% partisipasaun husi Greater Sunrise, Governu Timor-Leste mós presiza atu konvense ho Shell no Woodside atu aprova katak kadoras dada mai Timor-Leste, ne’ebé posibilidade sei hamenus rendimentu husi projetu. Baibain iha konsórsiu hanesan ne’e, presiza iha konkordánsia ho unidade (aprovasaun husi parte ida-idak) atu deside asuntu boot hanesan ne’e.

ConocoPhillips hakarak prosesa gás iha Darwin, karik tanba nia mak sai na’in prinsipál husi planta LNG ne’ebé prosesa ona gás husi Bayu-Undan (ne’ebé lakleur remata no halo planta ne’e la uza), no sira enkoraja Shell no Woodside atu suporta sira nia pozisaun. Molok ida ne’e, Konsórsiu hakarak liu plataforma namlele (Floating LNG); Timor nia LNG ne’e sempre sai preferénsia datoluk ba parseiru sira hotu.

Se laiha ConocoPhillips, Konsórsiu Sunrise sei menus rekursu finanseiru no tékniku profisionál no administrativu, no parseiru sira seluk sei husu kompensasaun ba kustu no risku tékniku no seguransa husi liña kadoras iha tasi kle’an ba planta LNG foun iha Beaçu. Nune’e mós sei iha infrastrutura adisionál atu suporta regulamentu ne’ebé nesesáriu.

Entidade ne’ebé sei sosa LNG ne’e mós presiza aprova opsaun dezenvolvimentu no sira sei hakarak garantia katak presu, kontinuidade ba fornesimentu no seguransa operasaun bele responde ba sira nia nesesidade.

5.      Timor-Leste sei presiza selu maizumenus 30% husi kustu kapitál atu dezenvolve kampu Sunrise, ne’ebé sei aumenta dolares biliaun balun. Investimentu ne’e la’ós de’it ba kadoras no planta LNG, maibé mós ba perfurasaun ba posu sira hodi halo peskiza no produsaun, harii infrastrutura atu prosesa mina no gás iha kampu (karik inklui mós prosesamentu namlele (Floating Production Storage and Offloading Vessel, armazenamento iha ró ne’ebé lori atu rezerva no fa’an mina husi Sunrise), infrastrutura operasionál, no ba kustu sira seluk. Karik osan hirak ne’e mai husi empréstimu, Timor-Leste tenke selu fali ho tomak osan inan ho nia funan. Mezmu ema hotu espera katak investimentu ne’e sei rekupera fila fali hafoin kampu ne’e komesa prodús iha tinan 6-12, osan hirak ne’e tenke selu lalais, no laiha serteza atu rekupera.

6.      Hafoin parseiru no governu sira aseita, no finansiamentu ba investimentu kapitál garante ona, Konsórsiu tenke dezeña no harii projetu, no kumpre regulamentu sira no konkordánsia ba prátika di’ak ambientál nian.

Protesaun

Indústria mina no gás sei kauza poluisaun, fakar, asidente, ahi han no esplozaun iha mundu tomak, no ita presiza atu hare medida apropriadu atu proteje ita nia rai doben ida ne’e. Seidauk iha buat boot hanesan ne’e harii husi Timor-Leste nia istória, no seidauk iha ema ida mak esperiénsia ona dezastre ambientál ne’ebé bele mosu husi ida ne’e.

Ita nia ajénsia reguladór sira no autoridade ambientál seidauk iha koñesimentu, kompriensaun ka perspetiva atu jere rasik projetu hanesan ne’e, no sira dala barak susar atu kontra presaun polítika. Mezmu nune’e, kapasidade sientífiku no administrativa bele dezenvolve iha tempu naruk – ho apoiu husi ema sira ne’ebé iha ona responsabilidade boot ba projetu sira ne’ebé hanesan. Prosesu aprende sei naruk no konsekuénsia karik sala boot tebes. “Aprende husi pratika” sei la bele atu simu bainhira lori biliaun dolar no ema rihun nia vida mak sai risku.

Indústria petróleu nudár indústria ida ho lala’ok segredu no projetu boot sira ne’e iha mundu tomak, ne’ebé inklui mós selu rihun atus dolar too dúzia husi entidade, dala barak sei fó fatin atu mosu korrupsaun. Hafoin Timor-Leste sai na’in ba Sunrise, ita nia nasaun no osan sei sai magneto ba na’ok-teen no bosok-teen sira ne’ebé hakarak sai parte husi asaun, no ita mós karik sei selu barak liu fali duké saida ita espera atu selu. Ho projetu boot no kompleksu hanesan ne’e, Timor-Leste presiza atu implementa ho transparénsia, iha supervizaun, akontabilidade no kontrolu no balansu de podér durante ninia implementasaun Ita seidauk iha protesaun di’ak ne’ebé presiza, no ita tenke dezenvolve lalais.

Konkluzaun

Nudár sumáriu, ema hotu iha Timor-Leste presiza iha serteza katak viajen ba tempu naruk ida ne’e mak sei lori ita ba hetan fatin di’ak. Timor-Leste hasai tiha ona maizumenus tokon $250 ba projetu Tasi Mane, no barak liu ba aeroportu Suai no Auto-Estrada Suai-Fatukai. Ita agora sei gasta tan tokon $350 liu atu sosa ba iha Greater Sunrise, ne’ebé tuirmai sei hasai tan biliaun balu ba preparasaun atu hasai mina no gás. Karik ita sei hasai maizumenus biliaun $5 atu dezenvolve restu husi projetu Tasi Mane.

Ho liafuan seluk katak, posibilidade katak estadu sei hasai maioria husi Fundu Petróleu biliaun $17 – ne’ebé atu finansia ba edukasaun, saúde, estrada, bee, eletrisidade, veteranu, PNTL, F-FDTL no buat barak tan – duni atu hetan gás husi Greater Sunrise. Ida ne’e seidauk tarde atu tetu ninia kustu no benefísiu ho sériu, no atu haree se liuhosi mina mak dalan ne’ebé garantido, prátiku, no produtivo atu uza rekursu ekonómiku nasaun nian ne’ebé limitadu no naun renovável. Karik ita investe tempu, osan, kapitál polítika, no abilidade administrativa iha projetu Sunrise no Tasi Mane – ka karik ita tenke foti dalan ne’ebé seguru no klaru liu no menus perigozu atu diversifika ita nia ekonomia, harii rekursu umanu no agríkola?

Se bainhira ita foti desizaun ne’ebé sala agora, sei sai difisil atu muda iha futuru, no ita bele kontinua soe osan di’ak bainhira hetan ladi’ak.

Iha fulan rua liubá mídia internasionál hakerek tiha ona artigu barak kona-ba asuntu ida ne’e, no ami inklui iha link sira iha okos atu nune’e bele aumenta informasaun no perspetiva ida fasil atu hetan:

6 Ago, Artigu husi Interfax Natural Gas Daily: Timor-Leste buka atu sosa Greater Sunrise nia parseiru sira. East Timor seeks to buy out Greater Sunrise partners

13 Set, Artigu husi Australian Financial Review: Timor-Leste buka investimentu biliaun $7 husi Woodside nia Projetu gás Sunrise. East Timor pursues A$7b investment in Woodside-run Sunrise gas project

28 Set, Artigu husi LUSA: Timor-Leste sosa ConocoPhillips nia partisipasaun iha Greater Sunrise nia Konsórsiu. Timor-Leste sosa participação husi ConocoPhillips no consórsiu do Greater Sunrise

30 Set, Artigu husi: Australian Financial Review: Timor-Leste sosa ConocoPhillips nia partisipasaun ho tokon $484 - East Timor buys ConocoPhillips’ Greater Sunrise share for A$484m

1 Out, Artigu husi The West Australian: Woodside konsidera opsaun sira bainhira ConocoPhillips fa’an partisipasaun iha Sunrise LNG ba Governu Timor-Leste. Woodside considers options as ConocoPhillips sells Sunrise LNG stake to East Timor Government

1 Out, Artigu husi Reuters: ConocoPhillips fa’an nia partisipasaun iha kampu gás Sunrise ba Timor-Leste. ConocoPhillips sells stake in Sunrise gas field to East Timor

2 Out, Artigu husi ABC News: Timor-Leste sosa tokon $484 partisipasaun husi kampu Greater Sunrise no dudu ba LNG kadoras. (rona mós radio) Timor-Leste buys A$484 million stake in Greater Sunrise fields and pushes for LNG pipeline (also radio broadcast)

2 Out, Artigu husi Platts S&P Global: Analiza: Timor-Leste pasu ida tan ba ambisaun LNG maibé obstákulu nafatin iha. Analysis: one step closer to LNG ambitions but hurdles remain

2 Out, Artigu husi Reuters: Timor-Leste sosa partisipasaun lori kampu gás Sunrise besik daudaun. East Timor stake buy brings Sunrise gas field a step closer

Seidauk Extende-Substitui Mandatu Lere, Labele Asumi Kargu Laiha Baze Legal

DILI - Relasiona ho Xefe Estadu Maior Jeneral, F-FDTL Major Lere Anan Timur nia mandatu remata ona iha dia 06 Outubru presiza iha ona desizaun extende ka substitui, atu nunee labele asumi kargu laiha baze legal.

Kestaun nee Vice Bankada PLP Francisco de Vasconcellos hatete, seidauk rona informasaun katak extende ka substitui mandatu jeneral Lere nian, tanba mandatu hotu ona iha dia 6 de Outubru.

Too ohin loron seidauk halo nomeasaun ba komandante xefe estadu major jeneral forsa armadas nian nee ladun diak viola lei, kargu agora dadaun nee seidauk prense nia legalidade. Ida nee perigu tanba bele iha implikasaun ba desizaun, se nasaun imfrenta situasaun difisil ruma ida nee Xefe Estadu major Lere nia mandatu hotu, ona mak nia foti desizaun ida nee konsidera illegal. Tanba mandatu hotu iha dia 6 seidauk extende” katak Vice bankada PLP ba STL iha Bankada PLP Kuarta (10/10/2018) PN.

Nia dehan, iha momentu extende nee tanba hasoru eleisaun antisipada. Maibe agora informasaun katak mandatu hotu ona iha dia 6 Outubru, neebe tuir loos tenke extende ka hili ona ema foun, tanba n ee situasaun ladun diak ba pozisaun jeneral nian rasik.

Nunee mos Deputadu CNRT Atual Prezidente Komisaun B Aderito Hugo hatete,  mandatu Lere nian nee iha nia limita, maibe nia rekezitus atu extende kalae depende ba lei, maibe hanesan ema hotu hatene kompetensia propriu atu extende  kargu superior forsa defeza nee kompetensia liu husi governu ministeriu defeza depois  ikus kompetensia PR nian, tanba nee hein prosesu nee lao. 

Notisia Kompletu Lee Iha Jornal STL iha edisaun kinta (10102018).

 Guilhermina Franco | Suara Timor Lorosae

Timor-Leste hakarak portugués sai hanesan lian serbisu Uniaun Interparlamentar nian (UIP)

Prezidente Parlamentu Nasional timoroan apela iha loron-kuarta ne'e ba "nasaun belun sira" hodi aprova portugués nu'udar lian serbisu Uniaun Interparlamentar nian (UIP) iha Asembleia Jeral instituisaun ne'ebé maka halao iha fulan ne'e iha Jenebra.

"Ida ne'e asuntu importante ida no, bainhira ha'u eleitu hanesan prezidente parlamentu, asuntu dahuluk ne'ebé maka ha'u trata maka luta ba introdusaun lian portugueza hanesan lian serbisu UIP nian", afirma Arão Noé Amaral iha deklarasaun ba Lusa.

"Ha'u haruka karta barak ba nasaun ASEAN no G7+ hodi bele hetan apoiu iha votasaun ne'e. Ha'u hein katak, ho ha'u nian prezensa no intervensaun ne'e iha UIP, bele hetan apoiu hosi nasaun belun sira no fó votu favoravel ba inisiativa ida ne'e", akresenta tan.

Arão Noé Amaral lidera delegasaun parlamentu timoroan nian ne'e maka sei partisipa, entre loron 14 no 14 Outubru iha Jenebra, iha Asembleia Jeral Uniaun Inter Parlamentar (UIP) nian ba dala 139, ne'ebé maka kestaun ne'e sei iha votasaun.

"Ida ne'e sei sai luta ida hodi ita bele too iha ne'ebá. Numeru ba ema ne'ebé koalia lian portugués iha mundu ne'e signifikativa tebes no, tanba ne'e, portugués merese sai nu'udar lian ba serbisu nian iha instituisaun hanesan UIP", hatete.

Portugal lidera hela esforsu diplomatiku sira, liu-liu hamutuk ho nasaun luzofonu sira seluk, hodi konsegue portugués aprovadu nu'udar lian serbisu nian iha Asembleia Jeral instituisaun ne'ebá nian, ne'ebé maka sei halao iha fulan ne'e iha Jenebra.

Tan ne'e presiza alterasaun ida ba estatutu sira organizasaun nian, pozisaun ne'ebé espresa iha karta ida ne'ebé maka deputadu portugués Duarte Pacheco haruka ba responsável parlamentar luzofonu sira.

"Ho delegasaun portugueza nian naran ha'u solisita interese hamutuk ho grupu jeopolitiku ne'ebé maka insere, no mós korpu diplomatiku hamutuk ho Estadu belun sira, hodi bele hetan apoiu ho numeru ne'ebé boot ba proposta ne'ebé maka haforsa ba hotu-hotu no haboot UIP rasik", refere karta ne'e.

"Ida ne'e hanesan ideia únika ida. Ita la hatene bainhira maka iha fali oportunidade ida hodi inklui portugués nu'udar lian serbisu UIP nian, so ho hotu hotu nian interese no ita ida-idak maka bele alkansa rezultadu ne'ebé maka ita hotu hein", subliña.

Objetivu maka kestaun ne'e bele debate no votada iha asembleia-jeral fulan MArsu nian, maibé asuntu ne'e adiadu tiha.

Mexikana Gabriela Cuevas Barron, prezidente UIP nian, assume durante ninian kampaña ba kargu kompromisu ida hodi inklui portugués, espñol no árabe nu'udar lian ofisial organizasaun nian, atu nune'e bele sai inkluziva.

Objetivu ne'ebé akollidu ho "rezerva sira" hosi nasaun oioin, tanba ne'e objetivu ne'e alteradu hodi bele konsegue portugués sai nu'udar lian ofisial serbisu nian, destaka mós hanesan lian ofisial Estadu membru sia UIP nian no ne'ebé maka koalia liu iha emisfériu-súl.

Iha karta ne'ebé haruka ba parlamentu luzofonu sira, Duarte Pacheco refere kataka mesmu ke opsaun ne'e preokupa nasaun balun, tanba impaktu balu iha kustu sira, ho konsekuénsia, iha kontribuisaun nasional.

Deputadu portugués hatete katak iha merkadu bele hetan solusaun ne'ebé baratu liu ne'ebé maka atualmente uza iha UIP no konkretiza introdusaun ba lian portugués.

Konabá kestaun ne'e, Arão Noé Amaral aproveita ninian viajen ba Jenebra hodi fó konta konabá avansu demokratiku iha Timor-Leste.

"Timor-Leste sempre a favor ba democrasia. Dezde proklamasaun independénsia nian, iha loron 28 Novembru, maka ita defini Republika Demokratika de Timor-Leste. Demokrasia maka ita nian prinsípiu no ita luta too ita nian ran ikus tanba ne'e maka guerilleiru sira barak mate tanba defende demokrasia", konsidera.

"No agora ita iha debate ba diferensa politika interna, maibé ha'u sente ida ne'e sei la afeta prosesu demokratiku iha Timor-Leste" hatete tan.

SAPO TL ho Lusa