GOVERNO DOS DEPUTADOS

Hosi: Hercus Pereira dos Santos * | opinião

Títulu ba artigu ne’e ha’u foti hosi liafuan hosi Sua Excelencia Primeiru-Ministru Dr. Marie Alkatiri nian bainhira ko'alia iha loron dahaat (loron ikus) aprezentasaun programa Sétimu Governu Konstitusionál iha Parlamentu Nasionál tuir artigu 108 Konstituisaun Repúblika Demokrátika Timor-Leste haruka.

Ita hotu akompaña debate ba apresiasaun hosi Parlamentu Nasionál ba programa Sétimu Governu Konstitusionál iha-ne’ebé hala'o iha ambiente tensaun ne'ebé maka makas tebes. Debate sira-ne’e hatudu indikasaun ne’ebé maka di’ak tebes ba maturidade polítiku na’in sira nian no lori fó ezemplu ba populasaun sira no liu-liu ba simpatizante no militante partidu polítiku sira atu hatene moris iha diferensa polítika nia laran no liu-liu ba demokrasia ne'ebé maka ita hotu hakarak atu hari no haburas iha rai doben Timor-Leste no moos imajen di’ak ida ba mundu katak Timor-Leste valoriza duni espíritu demokrasia nian iha prosesu konstrusaun Estadu Direitu ida-ne’ebé ita hanaran Repúblika Demokrátika Timor-Leste.

Ita hotu haree katak partidu koligasaun ba Formasaun Governu ho Partidu Bloku Aliansa Maioria Parlamentár, hotu-hotu, buka atu defende no kontra programa Sétimu Governu Konstitusionál tuir idak-idak nia interese. Sira hotu buka razaun oioin lori fundamenta sira-nia interese polítiku. Maibé sira hotu, hanesan baibain, hateten katak sira defende interese povu nian; moris di'ak povu nian.

Finál hosi debate loron haat nia laran maka mosu rejeisaun hosi Bloku Aliansa Maioria Parlamentár ne'ebé pasa ho votos a favor 35 no votos kontra 30 ho nune’e maka Programa Sétimu Governu Konstitusionál rejeitadu. Ho nune’e maka lori Sua Excelencia Primeiru-Ministru hasai espresaun ida katak Governo dos Deputados.

Hosi pontudevista separação dos poderes, trias politica, mezmu hahú kedas hosi Aristoteles, Políbio, John Locke mai to’o Montesquieu ne’ebé hadi’a konseitu separação dos poderes ne'ebé maka ita agora hatene kona-ba podér lejizlativu, podér ezekutivu no podér judisiáriu no ita hotu hatene moos katak podér tolu sira-ne’e idak-idak independente hosi ida seluk mezmu iha interdependénsia ba malu. Se tuir doutrina Igreja Katólika karik ita bele dehan katak hanesan Santíssima Trindade, ketak-ketak maibé ida de'it bainhira sira hala'o sira-nia knaar iha Estadu Direitu ida de’it nia laran órgão do estado sira ne'e independente maibé iha interdependénsia ba malu. Enkuantu iha Timor-Leste no ha'u tuir hanoin hosi Profesór Pedro Bacelar de Vasconcelos no Ricardo Sousa da Cunha katak Timor-Leste moos adota Sistema Semi-Prezidensiál no ha'u hanoin tanba ita iha influensia hosi Portugál ne'ebé tuir Sistema Semi-Prezidensiál hanesan tuir hanoin hosi Jorge Miranda (Manual de Direito Constitucional, tomo I, ps.360/361) ita tenke hatama tan podér ida seluk maka Presidente da República iha-ne’ebé Gomes Canotilho e Vital Moreira hanaran Presidente da Republica nu’udar quarto poder. Iha nasaun balu ema hanaran sosiedade sivíl nu’udar quarto poder no Profesór Pedro Bacelar Vasconcelos moos bainhira hakerek kona-ba Separação dos Poderes iha Konstituisaun Amerikana nian Profesór Pedro Bacelar Vasconcelos moos temi katak Administracao iha Estados Unidos da América nu’udar kuartu podér la iha naran no la iha oin (Vasconcelos, Pedro Carlos Bcelar; A Separacao dos Poderes Na Constituicao Americana, Coimbra Editora, 1994, p. 16). Iha sistema sira-ne’e hotu ita sei hetan maka buat ida hanaran Controle Parlamentar do Governo. Maibé se ita hakarak hamosu konseitu ho naran Governo dos Deputados nu’udar espresaun ida-ne’ebé hatudu katak Governu nu’udar ezekutivu, iha kontrolu makas tebes hosi Parlamentu Nasionál iha-ne'ebé Governu nia moris no lala'ok prinsipál sira hotu depende ba Parlamentu Nasionál. Ho lian seluk ita bele dehan katak Governo dos Deputados hakarak lori hatudu katak Governu nia moris tomak depende ba deputadu sira iha Parlamentu Nasionál ita bele komprende; komprensivel. Sua Excelencia Primeiru-Ministru dehan katak ninia governu hanesan infantisídiu. Seidauk moris oho tiha ona. Tanba ne'e ita bele kompara hanesan iis ba ita ema, Parlamentu Nasionál maka iis ba Governu ou ita bele dehan Parlamentu Nasionál maka Maromak no Governu maka ita ema. Iis ita ema nian mai hosi Maromak no iis governu nian mai hosi Parlamentu Nasionál kuandu Parlamentu Nasionál hasai tiha iis hosi Governu entaun Governu moos mate; monu. Parlamentu Nasionál oho Governu. Ou liafuan Sua Excelencia Primeiru Ministru nian governu ne'e hanesan bebé iha inan nia knotak seidauk moris oho tiha kedas; infantisídiu. Parlamentu Nasionál lakohi fó tempu atu governu ne'e bele moris lai; oho kedas; infantisídiu.

Bainhira ita haree di’ak-di’ak iha prátika ukun Estadu Direitu Demokrátiku ida nia laran mezmu iha Sistema Monarkia Parlamentár ukun Parlamentu Nasionál nian makas tebes hahú kedas hosi Senadu iha Roma ne'ebé dalaruma bele hamonu konsul ida. Iha Parlamentu iha estadu europeu sira seluk ne’ebé muda hosi Monarkia Absoluta ba Monarkia Parlamentár iha-ne’ebé Parlamentu iha papél importante tebes. Hanesan matenek na'in hanesan Dra. Maria Moreira dehan katak ukun Parlamentu nian sai forte iha Inglaterra hahú iha tinan 1265 bainhira Simón de Montfort manan funu hasoru Henrique III iha batalha de Lewes. Nia dehan katak hahú sékulu XIII ukun Parlamentu nian naklekar ba nasaun sira iha Europa. Ukun Parlamentu nian moris lori limita ukun Liurai nian. Liurai la bele halo buat ida se la konsulta ho Parlamentu ou Liurai la bele halo buat ida se Parlamentu kontra. Iha asuntu balu Liurai halo tuir desizaun Parlamentu nian. Limitasaun ukun Liurai nian ita bele haree iha Bill of Right hosi Inglaterra ne'ebé maka sai moos nu’udar fonte prinsipál ba protesaun Direitus Umanos iha mundu. Iha parte seluk, iha Sistema Prezidensiál iha-ne'ebé Presidente da Republica nu’udar moos Chefe do Governu iha kontrolu hosi Parlamentu makas tebes ba atividade governu nian no até iha kazu grave Parlamentu Nasionál bele halo impeachment lori hamonu Presidente da Republica. Ita bele foti hanesan ezemplu hosi ita-nia nasaun viziña Indonézia iha-ne'ebé iha impeachment hosi Parlamentu Nasionál lori hatún lider karizmátiku Nahdatul Ulama nian Gus Dur hosi Presidente da Republica Indonézia. Ita sei haree papél Parlamentu Nasionál makas tebes moos iha Sistema Parlamentár. Hanesan naran hatudu, governu iha dependénsia makas tebes hosi Parlamentu Nasionál.

Iha Timor-Leste, Governu depende ba Parlamentu Nasionál iha asuntu sira hanesan Jaime Valle hateten “…O Governo não está sozinho na definição dos demais fins do Estado e na escolha dos meios para os alcançar. Tem desde logo que contar com o Parlamento Nacional. Primeiro porque depende politicamente da confiança do Parlamento Nacional – o Governo deixa de exercer funções se o seu programa for rejeitado pela maioria absoluta dos deputados duas vezes seguidas, se for rejeitado um voto de confiança, ou se for aprovada uma moção de censura pela maioria absoluta dos deputados [artigo 112º, alíneas d), e), e f), respectivamente]. Depois, porque a actuação do Governo tem de respeitar as leis que o Parlamento faça sobre todas as matérias – a não ser que as pretenda revogar por decreto-lei -, e sobre as questões básicas da política do país, bem como sobre um conjunto muito relevante de matérias elencado no artigo 95º da Constituição, em que só o Parlamento é que pode legislar – sobre essas matérias o Governo não pode fazer decretos-leis. O próprio Orçamento do Estado, que é o instrumento essencial para a governação do país, tem que ser aprovado pelo Parlamento Nacional sob a forma de lei, ainda que aqui a iniciativa legislativa caiba em exclusivo ao Governo (artigo 145º da Constituição). Se ha’u bele halo rezumu, bazikamente Parlamentu Nasionál ninia intervensaun ba Governu maka kona-ba apresiasaun ba programa governu nian, mosaun konfiansa, mosaun sensura, halo pergunta ba Governu, interpelasaun ba Governu, Inquerito parlamentar, debate kona-ba asuntu relevante ba interese nasionál nian, no seluk-seluk tan.

Iha sistema Semi-Prezidensiál hanesan Timor-Leste nian, ita gosta ou la gosta, Governu depende makas tebes ba Parlamentu Nasionál tanba ita bele komprende tanba Governu moris hosi Eleisaun Lejizlativa. Povu la vota diretamente lori forma Governu hanesan akontese iha Sistema Prezidensiál. Povu vota lori hili reprezentante povu nian iha Parlamentu Nasionál no hosi Parlamentu Nasionál maka forma Governu. Tuir loloos, bainhira Sua Excelencia Presidente da Republica atu indijita Primeiru-Ministru katak hili Primeiru-Ministru lori forma Governu “tenke” sukat moos ho votos iha Parlamentu Nasionál ne’ebé maka bele asegura Governu nia moris. Presiza tau konsiderasaun ba estabilidade governativa. Maibé iha parte seluk ita hotu moos bele komprende moos desizaun Sua Excelencia Presidente da Republica nian tanba Sua Excelencia Presidente da Republica nu’udar moos Presidente da Fretilin. Tanba ne’e ha'u tenke dehan hikas tan katak ne’e lójika tebes, no kualkér Presidente da Republica ida bainhira iha situasaun hanesan ne'e iha probabilidade boot sei foti desizaun hanesan ne’e moos, tanba ne’e ha'u dehan desizaun Sua Excelencia Presidente da Republica fó konfiansa ba Partidu Fretilin ho PD forma governu ne’e lójika tebes no la’ós lójika de’it maibé konstitusionál moos tanba tuir artigu 106 hosi ita-nia Konstituisaun. Ha'u hakarak afirma liután iha-ne’e katak iha artigu 106 ne’e fó oportunidade hanesan ba partido mais votado ho aliança de partidos com maioria parlamentar atu forma governu. Parte rua ne’e (partido mais votado ho aliança de partidos com maioria parlamentar) iha direitu (right) hanesan lori forma Governu. Rekizitu ida de'it tuir artigu 106 ne’e rasik maka rona tiha partidu politiku ne’ebé iha reprezentante iha Parlamentu Nasionál. Katak sasukat lori forma Governu tenke bazeia ba votos iha Parlamentu Nasionál ne’ebé maka bele asegura ukun Governu nian bele la'o ba oin ka lae; estabilidade governativa. Mezmu nune’e desizaun Sua Excelencia Presidente da República nian konstitusionál nafatin se Sua Excelencia Presidente da Republica indijita Primeiru-Ministru hosi partido mais votado mezmu iha votos minoria iha Parlamentu Nasionál. Kompeténsia Presidente da República nian atu indijita Primeiru-Ministru hosi partido mais votado ou aliança de partidos com maioria parlamentar. Se ita-nia Konstituisaun iha artigu 106 maka temi de'it partido mais votado ou se temi de'it aliança de partidos com maioria parlamentar karik sei la iha ona interpretasaun oioin. Mezmu nune'e interpretasaun ba artigu ne'e moos klaru hela partido mais votado ho aliança de partidos com maioria parlamentar iha direitu hanesan. Ida la liu ida. Agora depende ona ba Presidente da República maka atu indijita Primeiru-Ministru hosi partidu mais votado lori forma Governu ou indijita Primeiru-Ministru hosi aliança de partidos com maioria parlamentar lori forma Governu. Tanba votos nebe lori asegura ukun Sétimu Governu Konstitusionál nian minoria iha Parlamentu Nasionál maka Governu ne’e hanaran Governu Minoritáriu. Atu dehan Governu Minoritáriu ou Governu Maioria depende ba votos hosi deputados sira iha Parlamentu Nasionál tanba ne’e bainhira ita relasiona ho espresaun Sua Excelencia Primeiru-Ministru nian kona-ba Governo dos Deputados iha parte ida hanesan ne’e ita bele komprende. Iha Sistema Semi-Prezidensiál, hanesan moos iha Timor-Leste, ita la bele dehan fali katak atu halo referendu lori sukat se Governu ne’e minoritáriu ka iha apoiu maioria hosi povu. Só iha Sistema Prezidensiál maka sasukat lori forma Governu depende duni ba votos maioria hosi povu tanba povu maka hili diretamente Presidente da Republica nu’udar Chefe do Governo lori forma ninia governu iha eleisaun prezidensiál maibé la’ós referendu. Tanba referendu buat ketak ida. Iha Timor-Leste moos ita la bele halo referendu, Konstituisaun la permite, lori hatene se Governu ne’e iha apoiu maioria hosi povu ou iha apoiu minoria hosi povu. Iha dalan ida de’it lori hatene se Governu ne’e minoritáriu ou lae maka votos iha Parlamentu Nasional hira lori sustenta formasaun governu nian. La’ós referendu. Ita bele halo referendu só ba kestaun sira-ne’ebé maka prevê iha Konstituisaun. Konstituisaun la haruka la bele. Ita hotu tenke asegura nafatin Estadu Direitu Demokrátiku.  

Iha Sistema Semi-Prezidensiál Timor-Leste nian, Governu tenke hetan apoiu ou konfiansa polítika hosi Parlamentu Nasionál nu’udar reprezentante direita povu nian iha-ne’ebé maka Governu presiza husu voto de confiança ba deklarasaun kona-ba polítika jerál ida ka ba asuntu ho interese nasionál relevante naran tuir artigu 110 hosi ita-nia Konstituisaun. Hahú kedas hosi loron dahuluk formasaun Governu nian. Bainhira forma tiha Governu, tuir artigu 109 númeru 1,  Governu tenke hatama programa lori hetan apresiasaun hosi Parlamentu Nasionál no Governu sei husu voto de confiança tuir artigu 109 númeru 2. Governu sei monu kedas bainhira voto de confiança la pasa. Buat ne’ebé akontese ba Sétimu Governu Konstitusionál agora maka deputadu sira hosi Bloku Aliansa Maioria Parlamentár halo rejeisaun ba programa hosi Sétimu Governu Konstitusionál. Governu sei monu bainhira deputadu  sira hosi Bloku Aliansa Maioria Parlamentár rejeita programa governu nian ba dala rua tuituir malu ho votos a favor maioria absoluta hosi deputadu sira em efectividade de funções tuir ita-nia Konstituisaun artigu 109 iha número 2 no 3. Ho nune’e haree di’ak-di’ak Sétimu Governu Konstitusionál sei iha sorte, ou ha'u bele dehan katak deputadu sira hosi Bloku Aliansa Maioria Parlamentár la iha intensaun forte ou la iha intensaun loloos atu lori hamonu kedas Sétimu Governu Konstitusionál, tanba em vez de Sua Excelencia Primeiru-Ministru husu voto de confiança ba Programa Sétimu Governu Konstitusionál, deputadu sira hosi Bloku Aliansa Maioria Parlamentár hatama uluk tiha pedidu ba votasaun ba rejeição programa Sétimu Governu Konstitusionál nian. Tanba se deputadu sira hosi Bloku Aliansa Maioria Parlamentár maka hakarak hamonu kedas Governu entaun sira bele hein lori vota kontra bainhira Sua Excelencia Primeiru-Ministru husu voto de confiança ba ninia programa. Buat ne’ebé maka ha’u haree maka deputadu sira hosi Bloku Aliansa Maioria Parlamentár hanesan halo “ameasa” ida ba Sétimu Governu Konstitusionál atu bele akomoda interese balu hosi partidu sira-ne’ebé maka halo parte ba Bloku Aliansa Maioria Parlamentár. Sétimu Governu Konstitusionál sei la monu bainhira iha apresiasaun ba daruak iha proponente na’in neen hosi deputadu Bloku Aliansa Maioria Parlamentár abstein ou karik di’akliu sira retira sira-nia naran hosi lista proponente ba rejeisaun programa Sétimu Governu Konstitusionál no sira vota kontra hasoru rejeisaun ba programa Sétimu Governu Konstitusionál. Tebes duni, ita-nia Konstituisaun la dehan klaru prosedimentu se bainhira iha apresiasaun ba daruak vota kontra ba rejeisaun ba programa Sétimu Governu Konstitusionál maka maioria ne’e sei sai oinsá. Maibé seguramente ita bele dehan katak se apresiasaun ba daruak vota kontra maka maioria ba rejeisaun Sétimu Governu Konstitusionál signifika katak programa Sétimu Governu Konstitusionál nian pasa no Sétimu Governu Konstitusionál moris hikas hosi agonia nia laran hakat la’o ba oin lori ezekuta nia programa sira. Tanba atu hamonu Sétimu Governu Konstitusionál liuhosi rejeisaun ba programa Sétimu Governu Konstitusionál nian tenke dalarua tuituir malu. Votasaun daruak a favor maioria ba rejeisaun Sétimu Governu Konstitusionál nian lori konfirma votasaun primeira. Se votasaun daruak maka votos maioria kontra rejeisaun programa Sétimu Governu Konstitusionál entaun lori anula rezultadu votasaun dahuluk. Ho nune’e maka rezultadu hosi votasaun dahuluk la vale no governu bele dada iis hikas lori kontinua moris ba oin. Imajina se votasaun daruak moos rezultadu hanesan ho votasaun dahuluk. Entaun la iha dalan seluk, ita tenke ba eleisaun antesipada. Razaun simples tanba tempu formasaun governu nian hotu tiha ona bainhira Presidente da Republica indijita tiha ona Primeiru-Ministru lori halo programa no hatama ba apresiasaun Parlamentu Nasionál nian. Tanba ne’e maka ha’u bele dehan situasaun sira hanesan ne’e maka bele sai teste ba maturidade politiku na’in sira nian atu hatur sasan ho di’ak no loloos atu respeita ita-nia demokrasia no supremacia da lei nu’udar kontribuisan ba hanorin ida ba oin, ezemplu atu banati tuir, iha prosesu harii Estadu Direitu Demokrátiku. Se iha karik lakuna ruma ou kuran ruma iha ita-nia Konstituisaun no rejimentu Parlamentu Nasionál nian entaun agora tempu ona atu lori hadi’a. Atu nune’e buat hotu-hotu klaru atu lori la hamosu interpresaun oioin. Tebes duni, lei sempre hamosu interpretasaun maibé oinsá ita buka atu minimiza interpretasaun konfuza tanba de’it lei la hatur lala’ok ho di’ak no prosedimentu la klaru. Lei konfuza tanba lejizlador sira la konsege halo lei ho di’ak ou tanba realidade maka kompleksa no lejizlador sira, nu’udar ema, la konsege prevé. Ita bele kompreende no agora oinsá maka atu hadi’a ho nune’e lori evita konfuzaun desnesesária iha interpretasaun ba lei sira.

Ba fenómenu realidade polítika ne’ebé maka Sétimu Governu Konstitusionál hasoru, ha'u sujere ba Sua Excelencia Primeiru-Ministru atu mantein kalma no hanesan baibain Sua Excelencia Primeiru-Ministru sempre iha korajen no kontinua iha korajen nafatin lori buka halo fali aprosimasaun di’ak liután ho partidu sira-ne’ebé maka halo parte ba Bloku Aliansa Maioria Parlamentár. Ha'u iha sujestaun tolu atu bele asegura Sétimu Governu Konstitusionál ne’e bele iha estabilidade governativa.

Sujestaun dahuluk maka buka akomoda interese Partidu Khunto nian lori inklui moos partidu Khunto ba formasaun Sétimu Governu Konstitusionál. Tanba partidu Khunto sempre hatudu dezde inísiu disponibilidade lori kolabora forma Governu hamutuk ho Fretilin. Iha dezentendimentu ruma karik Sua Excelencia Primeiru-Ministru presiza buka solusaun ne’ebé di'ak lori hatama partidu Khunto ba formasaun governu tanba partidu Khunto nu’udar partidu polítiku iha direitu tomak lori hatuur no defende ninia interese tuir votos ne'ebé maka nia iha hosi ninia vontantes sira. Partidu Khunto iha kompromisu polítiku ho ninia votantes sira ne'ebé maka partidu Khunto tenke defende. Mezmu partidu Khunto ki’ik, maibé partidu Khunto iha bargaining position ne'ebé maka di'ak tebes lori foti desizaun ruma ba Sétimu Governu Konstitusionál nia moris. Imajina de'it partidu Khunto hamutuk ho koligasaun ba forma Sétimu Governu Konstitusionál entaun bele iha estabilidade governativa ho votos 35. Ha'u bele dehan iha demokrasia ida-ne'ebé ita hatuur votos nu’udar sasukat maka asuntu estadu nian ne'ebé depende ba votos maka ita hotu konkorda katak votos maioria manan no votos minoria lakon. Ita gosta ou la gosta ida-ne’e maka ita konkorda hamutuk ona lori tuir. La hatama partidu Khunto iha koligasaun ba formasaun Sétimu Governu Konstitusionál la’ós desizaun sábia.

Sujestaun daruak maka ko’alia ho lider másimu partidu CNRT nian, lori halo tuir moos Dr. Manuel Tilman ninia sujestaun, tanba tuir ha'u-nia haree buat ne'ebé maka lider másimu ne’e hateten sei la iha membru partidu CNRT ida maka bele kontra. Ba interese estabilidade governativa Sétimu Governu Konstitusionál maka di’ak tebes bainhira lider másimu partidu CNRT nian ho lider másimu Fretilin nian bele entende malu. No ba interese nasionál nian kmanek tebes se lider rezisténsia sira hotu buka atu asegura no haraik hela hanorin di’ak ba moris estadu ida-ne’e ba oin iha prosesu Konstrusaun Estadu Direitu Demokrátiku nu’udar aliserse ne'ebé metin iha respeitu ba Direitus Umanos atu bele garante pás no dezenvolvimentu Timor-Leste ida-ne’ebé iha duni libertação do povo. Se lae, libertação do povo hanesan retórika mamuk de’it ne’ebé folin laek ou se folin karik só folin de’it ba polítiku na’in sira nu’udar konsumu polítiku iha kampaña lori bosok povu manan votos de’it. Ha'u imajina de’it furak tebes se lider rezisténsia sira hamutuk forma Sentru Estudu Direitus Uumanos lori oinsá sira bele hanorin, halekar no haburas princípios fundamentais kona-ba Direitus Umanos nu’udar fini osan-mean iha prosesu konstrusaun Estadu Direitu Demokrátiku iha Repúblika Demokrátika Timor-Leste nia moris tomak. Knaar ida-ne’e maka extremamente importante tebes. Se atuasaun lider rezisténsia nian sira iha polítika moris Estadu nian ita hotu espera katak bele lori hanorin no fó kontribuisaun lori harii Estadu Direitu Demokrátiku la’ós de’it atu lori hetan kadeira ou pozisaun sira iha Ukun Estadu Timor-Leste nian. Lider rezisténsia sira hotu presiza haree valór saída maka sira hakarak rai hela ba moris Estadu Direitu Demokrátiku iha Timor-Leste. Tanba sira lider rezisténsia ne'ebé maka harii Estadu ida-ne’e, maka sira iha papél importante ida, sira hakarak ou lakohi, nu’udar padraun ba moris estadu ne’e ba oin. Tanba ha’u haree lider balu la konsistensia ba sira-nia luta. Uluk sira luta kontra injustisa, hetan tiha Ukun Rasik An sira fali maka halo no kontribui ba injustisa. Hamonu Setimu Governu Konstitusional hanesan moos parte ida ba injustisa ba Sua Excelencia Primeiru-Ministru Dr. Marie Alkatiri. To’o ona tempu no tempu maka agora atu ita moos presiza ona matan moos haree no hatur sasan ho loloos tuir konseitu Estadu Direitu Demokratiku iha valorizasaun ba Direitus Umanus. Se lae, ita kontinua visiadu ba buat ne’ebé maka kontra Estadu Direitu Demokratiku no kontra Direitus Umanus. Iha moris estadu nian signifika katak ita presiza hapara no halakon visiu sira hotu ne’ebé kontra lei no ita tenke halo tuir de’it lei nia ukun atu lori proteje duni Estadu Direitu Demokratiku ne’ebé hatur iha Direitus Umanus nia leten. Se lae ita husu, hanesan moos deputadu Francisco Branco iha intervensaun loron ikus ba apresiasaun Sétimu Governu Konstitusionál, ita atu bá loos ne’ebé?

Sujestaun datoluk maka buka konvense partidu PLP ho programa nebe maka bele akomoda interese partidu PLP nian. Tanba PLP dezde inísiu konsistente ho hakarak ida de'it maka sai opozisaun konstrutivu no edukativu. PLP halo Istória ba Istória konstrusaun Estadu Direito Demokratiku Timor-Leste tanba nu’udar partidu ne’ebé dezde inisiu, depozde eleisaun lejizlativa, bainhira haree tiha rezultadu eleisaun deklara kedas katak PLP hakarak sai opozisaun. Tanba ne’e PLP la iha intensaun atu forma Governu. Bainhira PLP rejeita ba programa Sétimu Governu Konstitusionál tanba programa ne’e la akomoda PLP ninia hakarak. Tanba ne’e Sua Excelencia Primeiru-Ministru buka oinsá bele ko'alia ho PLP atu bele lori akomoda PLP ninia hakarak iha programa Sétimu Governu Konstitusionál nian. Se bele Sua Excelencia Primeiru-Ministru konvida PLP atu lori elabora hamutuk programa Sétimu Governu Konstitusionál nian.

Solusaun ba estabilidade governativa Sétimu Governu Konstitusionál maka buat ida hanaran win-win solution. Buka atu akomoda parte ne’ebé maka hakarak halo parte ba formasaun Sétimu Governu Konstitusionál.  Maibé ne’e depende ona ba lideransa iha Sétimu Governu Konstitusionál  no lideransa hosi partidu sira-ne’ebé maka halo parte ba Bloku Aliansa Maioria Parlamentár. Ha'u espera katak ita hotu la haluhan katak iha prosesu Istoria Timor-Leste nian bele to’o Ukun Rasik An tanba lider rezisténsia sira konsege duni halibur ema hotu-hotu, independentemente idak-idak nia hanoin polítika, lori hamosu CNRT lori akomoda interese parte balu nian maka lori ita bele manan funu naruk ne’e.

Atu iha susesu ba estabilidade governativa ba Sétimu Governu Konstitusionál ne’e depende ona ba lideransa hosi partidu Fretilin ho PD. Maibé nu’udar akadémiku ha’u espera katak ita hotu tenke la’o tuir de’it dalan Konstituisaun haruka no demokratiku ou por via constituiconal e democrática nu’udar parte ida lori hanorin povu valoriza Direitu no Demokrasia iha prosesu konstrusaun Estadu Direitu Demokrátiku iha Timor-Leste ne’ebé maka tenke hatuur iha princípios fundamentais Direitus Umanos nia leten. Atu ita moos konsisténsia ho ita-nia luta ba libertação da pátria ne’ebé ita uza Direitus Umanos nu’udar kilat musan forte tebes lori manan funu ne’e no ita moos iha duni devér morál atu kontinua harii Estadu Direitu Demokrátiku iha valorizasaun ba Direitus Umanos nafatin. Luta ba liberta Timor-Leste nu’udar moos luta ba Direitus Umanos. Valoriza Timor-Leste Independente tenke nu’udar moos valoriza ba Direitus Umanos.

*Antigo aluno Direitos Humanos da Escola de Direito da Universidade do Minho. Hau la halo parte pro ou kontra kualker partidu politiku ida ou kualker lider politiku ida. Ha’u apenas pro no kontra ideias.  Artigu ne’e publika moos iha Suara Timor Lorosae, 25-10-2017 no iha Timor Post, 23-11-2017.

Komponente Naval Importante atu Asegura Rikusoin Tasi

DILI, (TATOLI) – Prezidente Repúblika, Francisco Guterres Lú Olo, hateten Komponente Naval hosi FALINTIL-Forsa Defeza Timor-Leste (F-FDTL) importante tebes tanba proteje rikusoin iha tasi.

“Komponente Naval FALINTIL-FDTL nian importante tebe-tebes atu proteje ita-nia rikusoin sira no ajuda autoridade sivíl sira atu fiskaliza hodi garante ema la uza arbiru de’it ita-nia rikusoin sira no la viola lei Timor-Leste nian”, hatete Xefe Estadu iha ninia diskursu bainhira partisipa komemorasaun tinan ba dala 16 Komponente Naval iha Baze Navál, Hera, ohin.

Lú Olo haktuir tasi Timor iha ikan barak no ida ne’e bele hariku Timor ba beibeik bainhira iha kontrolamentu ba rikusoin sira ne’e ho di’ak.

“Ita-nia plataforma kontinentál, katak ita-nia territóriu, iha tasi-okos, la’ós iha de’it minarai maibé iha mós minerál sira seluk ne’ebé hariku ita. Ita-nia área-tasi sai kedas fonte estratéjika ida ba ita-nia rikusoin hafoin ita restaura independénsia”, subliña.

Nia haktuir tan tasi Timor mós iha buat seluk importante ne’ebé ho valór ás tebe-tebes iha nível internasionál—espesialista barak hakerek katak ahu-ruin no meti-ulun furak liu no sei naturál liu iha rejiaun.

“Enkuantu ita proteje kualidade ambiente no uza rekursu tasi no rai nian ho kuidadu, ita bele uza ba beibeik no ita bele haburas ekonomia nasionál ba tempu naruk no hasa’e empregu no ita-nia moris-di’ak –iha setór turizmu, peska no setór sira seluk”, haklaken.

Lú Olo esklarese Komponente Naval kontribui mós atu hakle’an kooperasaun rejionál ho país viziñu sira, iha nível bilaterál no multilaterál no haforsa estabilidade no seguransa rejionál. Tan ne’e, tuir nia, bainhira  habelar kbiit ba FALINTIL_FDTL ninia Komponente Navál, Timor-Leste bele kontribui liu-tan ba estabilidade iha rejiaun.

“Ita presiza estabilidade rejionál atu habelar ekonomia no relasaun entre Timor-Leste, rejiaun sira hosi Norte Austrália no provínsia indonézia sira ne’ebé besik liu ita-nia rain”, tenik eis líder rezisténsia.

Nia salienta FALINTIL-FDTL ninia Komponente Naval la’ós de’it fatór ida atu proteje soberania nasionál maibé fatór importante ida mós ba habelar protesaun ambientál no atu kaer metin ekonomia sustentável tasi nian no seguransa rejionál.

Lori Estadu Timor-Leste nia naran, Prezidente Repúblika hakarak rekuñese apoiu hosi parseiru dezenvolvimentu ba Komponente Naval hanesan Portugal, Austrália, Indonézia, Papua Nova Guiné no Estadus Unidus Amérika tanba apoiu hosi parseiru sira ne’e ajuda habelar objetivu sira, haforsa Komponenete Naval no haburas F-FDTL ninia kapasidade sira seluk.

Jornalista: Xisto Freitas | Editora: Rita Almeida

Imajen: Prezidente Repúblika, Francisco Guterres Lú Olo, bainhira partisipa selebrasaun tinan komponente Naval ba dala 16 iha komponente Naval Hera, ohin. Foto António Goncalves

Lú Olo: Oposaun Bele Barak Maibe Hau Iha Opsaun Ida

HERA – Relasiona ho tensaun politka neebe kontinua lao iha Timor-Leste, atu solusiona polemika nee maka Prezidente Republika sei foti desizaun maske iha ona oposaun tolu neebe maka antes nee lider nasional Ramos Horta Prefere.

Tuir Prezidente Republika Francisco Guterres Lú Olo katak Prezidente Republika bele rona opsaun too sanulu ka rua nulu, maibe too ikus nia sei hili ida deit.

"Prezidente bele rona opsaun nee too sanulu ka rua nulu maibe too ikus nia sei hili ida deit,” dehan PR Lú Olo, bainhira partisipa seremonia Komemorasaun Ejistensia Komponente Naval ba Dala 16 neebe, maka halo iha komponente naval Hera, Sesta (12/1/2017).

Xefe estadu nee hateten konaba atu solusiona krize poltika nee, nia parte garantia nafatin krize poltika neebe lao dadaun sei iha nian rohan.

“Krize nee hau hateten ona dei iha nia rohan, Prezidente bele rona opzaun barak sanulu ruanulu maibe too iha tempu Desizaun ida deit Prezidente Republika sei foti dezisaun ida,” dehan PR Lú Olo. 

Natalino Costa | Suara Timor Lorosae

31 Janeiru Debate Mosaun, Mezmu BOP Diskorda

DILI – Parlamentu  Nasional (PN),  liu husi komferensia bankada, ajenda ona mosaun sensura ba 31 fulan nee dabate iha plenaria, mezmu bankada opozisaun Parlamentar diskorda, maibe Prezidente PN dudu deit ba 31 Janeiru.

Kestaun nee hatoo husi Xefe Bankada PLP Fidelis Magalhaes katak, Ohin enkontru lider bankada, nee prezidente PN marka tiha mosaun sensura ba 31 de Janeiru, apezar halo diskusaun ida makaas, maibe prezidente PN marka ona mosaun ba dia 31 fulan nee, maibe depois mak haree.

Governu aprezenta katak dia 31 debate mosaun, neebe Prezidente PN sita katak tenke rona governu nian, i dudu ami deit, maske ami diskorda, maibe prezidente PN dudu deit ba dia 31 fulan nee,” katak Fidelis ba STL Sesta (12/01/2017) hafoin remata komferensia lider bankada iha sala komferensia PN.

Maske opozisaun diskorda maibe prezidente PN dudu deit, bainhira ba iha diskusaun, parte opozisaun partisipada kalae, tuir Fidelis katak, depois mak haree, tanba nee sira tenke halo briefing,  hodi haree didiak ba rezultadu nee.

Nunee mos P-PN dehan semana oin sei laiha plenaria tanba dehan katak laiha ajenda, ida nee sira lamenta tebes. Se ajenda fiksa laiha, sei iha periodu ordem do dia, atu bele koalia kona ba moris povu nian, i preokupasaun neebe mak hasoru durante natal tinan foun nian mai too agora.

Nunee mos Xefe Bankada PD Maria Teresa da Silva hatete, ohin komferensia lider bankada nee husi parte opozisaun nafatin husu atu ajenda kedas mosaun sensura ho karta destituisaun iha semana oin nee, maibe sira hahu deskute, no PPN ajenda mosaun sensura nee atu lao hamutuk ho programa governu iha dia 31 fulan nee. 

Guilhermina Franco | Suara Timor Lorosae

Lainvolve iha VII GK, Xanana Labele Asina D-FM

DILI –  Akordu Dilimitasaun Fronteira Maritima (D-FM) bele asina entre Governu Timor Leste ho Australia, bainhira Xefi Negosiador prinsipal Delimitasaun Fronteira maritima Xanana Gusmao lainvolve iha VII Governu Konstitusional maka nia labele asina akordu nee, maske nunee Primeiru Ministru Mari Alkatiri sei konvense Xanana maka asina.

Primeiru Ministru Mari Alkatiri hateten, Karik Xanana Gusmao seidauk simu pose, nia labele asina, nee Estadu, labele halimar ho Estadu.

“Laos hau maka ba halo negosiasaun, nia maka halo esforsu, nia maka halo negosiasaun, nia maka tenke asina, para nia naran tama ba istoria katak nia maka halo buat nee,” dehan PM Mari, ba jornalista sira, bainhira remata enkontru ho CCI-TL, iha Palasiu Governu, Kinta (11/01/2018).

Portantu konaba negosiasaun Dilimitasaun Fronteira Maritima, aman fundador nasaun RDTL nee nia rekoinesementu ba Xanana, tanba tuir Xefi Governu katak, laos Xanana maka halo tiha akordu, nia maka ba asina.

Iha parte ketak Xefi bankada CNRT deputadu Arao Noe hateten previjaun atu lori ba iha Marsu, hein katak Governu neebe forma kompletu maka asina.

Entretantu membru PN husi bankada PD Luis Mendez hateten, Ida nee entre nasaun ho nasaun, entaun autoridade neebe maka atu asina nee nia tenke reprezenta nasaun ou Governu, tanba Governu nee maka halo politika internal ho eksternal. 

Carme Ximenes/Maria Lay | Suara Timor Lorosae

Presidente timorense defende criação urgente de Autoridade Marítima

O Presidente timorense destacou hoje "a urgência" da constituição de uma Autoridade Marítima Nacional (AMN), elemento essencial na proteção e defesa dos importantes recursos marítimos de Timor-Leste.

"Trago à atenção do Governo, de maneira especial, a urgência do processo de constituição da Autoridade Marítima Nacional, necessária para a coordenação mais eficiente das várias forças e entidades envolvidas em ações de defesa e segurança e no combate a atividades ilícitas", declarou Francisco Guterres Lu-Olo, num discurso proferido nos arredores de Díli.

O chefe de Estado falava na Base Naval de Hera nas comemorações do 16.º aniversário da componente naval das Forças de Defesa de Timor-Leste (F-FDTL), que assinalam o dia em que o então ministro da Defesa português Rui Pena entregou às autoridades timorenses duas lanchas, a Oecussi e a Ataúro.

A entrega marcou um processo contínuo e ininterrupto do apoio de Portugal à componente naval e às restantes componentes das F-FDTL ao longo dos últimos 16 anos.

Na cerimónia em que recebeu as lanchas em nome do Estado timorense o então Presidente Taur Matan Ruak decretou 12 de janeiro como "o dia da componente naval das FDTL".

O Presidente timorense destacou, por isso, o "apoio fundamental" de Portugal na criação da componente naval e, desde aí, também a assistência de países como Austrália, Indonésia, Papua Nova Guiné e Estados Unidos.

"O investimento do país no desenvolvimento da componente naval tem um retorno muito amplo e alargado, não apenas no plano militar, mas no reforço da paz e do desenvolvimento social e económico", considerou.

As cerimónias decorreram com a presença, entre outros, do ministro da Defesa e Segurança, José Sequeira Somotxo, do comandante das F-FDTL, major-general Lere Anan Timur, dos membros do Estado-Maior-General e do comandante da Componente Naval, capitão-de-fragata Adão Brito, entre outros.

Lu-Olo recordou que a criação da componente naval "foi um ato da maior importância na afirmação da soberania nacional", tendo decorrido ainda antes da própria restauração da independência, a 20 de maio de 2002.

"A capacidade das forças desenvolverem a valência naval foi um sinal claro de determinação e vontade dos timorenses de protegerem o território nacional e as riquezas naturais do país", disse.

Apesar de ter uma área marítima cinco vezes maior do que o território terrestre, Timor-Leste continua com grandes debilidades na proteção dos mares, especialmente no que toca a recursos de pesca.

Lu-Olo recordou que os "recursos do mar desempenham um papel da maior importância na riqueza dos povos" e que o mar, nomeadamente devido ao petróleo e gás natural no Mar de Timor, "tem sido uma fonte estratégica de riqueza".

O Fundo Petrolífero é atualmente a principal fonte de receitas públicas e, porque o Estado timorense é a principal fonte económica, acaba por ser o principal motor da economia.

O chefe de Estado lembrou que essa riqueza petrolífera "deve ser usada com cuidado e com atenção ao futuro", especialmente por não ser renovável, referindo ainda as restantes riquezas: desde a pesca ao turismo e ao ambiente.

"A proteção da qualidade do ambiente e a utilização sustentável dos recursos naturais, em terra e nos mares, são um fator estratégico para o desenvolvimento equilibrado da economia nacional e o aumento do emprego e do bem-estar, no setor do turismo, nas pescas e noutros setores", disse Lu-Olo.

"A componente naval das FALINTIL-FDTL é um instrumento indispensável para assegurar a proteção dessas riquezas e ajudar as autoridades civis a fiscalizarem a utilização sustentável daquelas riquezas, incluindo, quando for necessário, para impor o respeito das leis de Timor-Leste pelos utilizadores dos nossos mares", afirmou Lu-Olo.

"É necessário que continuem a ser hoje instrumentos do Estado para promover a utilização dessas riquezas ao serviço do interesse nacional", frisou.

Para Lu-Olo, as F-FDTL e a componente naval são "não apenas fatores de proteção da soberania nacional, mas também fatores de desenvolvimento na proteção ambiental, na sustentabilidade da economia do mar e na segurança regional".

Lusa | em SAPO TL

Portugal | Bloco pressiona Governo por causa de português preso em Timor-Leste

David Damião Justino está preso em Díli, acusado de ter ajudado à fuga de Díli do casal português Tiago e Fong Fong Guerra. Bloco faz perguntas ao MNE

"Que diligências tomou e tenciona o Governo tomar para garantir que todos os direitos fundamentais deste cidadão português foram e serão respeitados?"

Esta é uma das duas perguntas que o deputado do BE José Manuel Pureza dirigiu, por escrito, ao Governo (ministério dos Negócios Estrangeiros) por causa da prisão preventiva em Díli do cidadão português David Damião Justino. A outra é: ""Tem o Governo acompanhado a situação de detenção do cidadão português David Damião?"

Este estará suspeito de ter ajudado à fuga do casal Tiago Guerra e Fong Fong Guerra, ambos portugueses, que estavam presos em Díli, condenados a oito anos de prisão em Díli (o caso ainda estava em recurso). Ambos fugiram para a Austrália, onde chegaram, de barco, a 9 de novembro, tendo chegado a Lisboa a 25 de novembro, com passaportes passados pelas autoridades portuguesas (os passaportes originais tinham sido retidos pelas autoridades timorenses).

Para José Manuel Pureza, "o Estado Português procurar informar-se, e dessa forma garantir, que o regime da privação da liberdade a que todos os cidadãos e cidadãs portugueses(as) se encontram submetidos(as) não só em solo nacional, mas também, como é o caso que motiva esta pergunta, no estrangeiro é cumprido no escrupuloso respeito dos mais elementares direitos humanos".

"Salvaguardando os princípios da plena independência, respeito pela soberania, não ingerência nos assuntos internos e reciprocidade de interesses que devem nortear as relações bilaterais entre dois Estados independentes, deve o Estado português, concomitantemente, acompanhar de perto a situação dos seus cidadãos e das suas cidadãs", escreveu ainda, na pergunta dirigida ao MNE.

Assim, "as recentes notícias veiculadas em Portugal relativas ao processo que levou à detenção de David Damião Justino e ao motivo dessa detenção, merecem a apreensão do Bloco de Esquerda e devem motivar um cabal esclarecimento público, sem que isso fira, bem pelo contrário, o estreito cumprimento dos princípios basilares acima referidos".

O caso já representa um dos maiores embaraços - porventura o maior - nas relações diplomáticas entre Portugal e Timor-Leste. O governo timorense não gostou de saber que Tiago e Fong Fong tinham fugido com passaportes passados pela embaixada lusa em Díli.

"Estou preocupado com a própria atitude da embaixada portuguesa ter emitido os passaportes portugueses. Isso pode ferir as relações entre dois países irmãos, e dentro da CPLP. Temos que gerir como deve ser esta situação", disse à Lusa o primeiro-ministro timorense, Mari Alkatiri, em meados de dezembro passado. Alkatiri expressou uma preocupação que na verdade mais parecia uma ameaça velada: "A partir de agora se houver algum português que seja suspeito de qualquer coisa dificilmente terá Termo de Identidade e Residência. Porque há perigo de fuga, tem que ir a prisão preventiva e seria péssimo que isso acontecesse. Essa é a minha maior preocupação: começar a colocar cidadãos portugueses como alvo de uma perseguição da justiça."

João Pedro Henriques | Diário de Notícias, em 07.01.2018

Na foto: Tiago e Fong Fong Fong Guerra quando chegaram a Lisboa, no final de novembro passado | José Sena Goulão/Lusa

GMN TV | Jornal Nacional

GMN TV | Grupo Média Nacional

Situasaun Politika Komesa Impaktu Ba Ekonomia

DILI – Situasaun politika neebe lao iha rai laran, komesa ona fo impaktu ba ekonomia, tanba osan iha merkadu agora komesa menus.

Lia hirak nee hatoo husi Xefe Bankada Fretilin Francisco Branco katak, haree ba situasaun politika lao hanesan nee deit, impaktu tebes ba ekonomia, hanesan agora impaktu nee komesa mai dadauk ona, ba iha merkadu.

Impaktu nee hatudu husi osan iha merkadu komesa menus ona. Tanba nee mak Ministru Finansas mos foin lalais nee hatete, estadu Timor-Leste nia kresimentu ekonomia komesa tuun ona ba zero pursentu. Liu-liu ba povu sira neebe mak faan produtu ladun folin ona, tanba ema neebe atu ba sosa mos komesa menus,” katak Branco ba STL Kuarta (10/01/2018) iha PN.

Nia hatete, presiza inzeta osan, se  inzeta osan iha 100 millaun sei iha provoka kresimentu, tanba Orsamentu Ratifikativu  (OR) lapasa, neebe bele hamosu situasaun ekonomia bele tama iha resesu.

Iha parte seluk, Deputadu husi Bankada PLP Mericio Acara hatete, haree ba situasaun politika lao dadaun, mak kontinua lao, nia impaktu direitu ho indireitu nee ba ekonomia nee iha rai laran.

Aleinde nee impaktu mos ba klima investimentu, tanba situasaun lao hanesan nee deit, mak sei laiha investidor ida atu mai investe iha situasaun sira hanesan nee. Nunee mos impaktu ba setor privadu sira atu halao sira nia planu, tanba liga mos ba Orsamentu Jeral Estadu (OJE) laiha oinsa sira atu halo projetu. 

Guilhermina Franco | Suara Timor Lorosae

Osan Iha Ba Eleisaun Antisipada

DILI – Ministru Planu I Finansas Rui Gomes hateten, Karik Prezidente Republika dekreta ba Eleisaun Antisipada, maka Governu buka meius para osan iha atu hodi bele halo eleisaun.

Ita seidauk to iha neebe, maibe karik Prezidente da Republika dekreta, konserteja “ita tenki buka meius para osan iha, atu nunee bele halo eleisaun,” dehan Ministru Rui, ba jornalista sira iha Palasiu Governu, Kinta (11/01/2018).

Reponde konaba projetu sira neebe maka halao, Ministru Rui hateten, nee kontinuasaun laiha problema, maibe nia seidauk iha dadus konaba projetu. Portantu buat hotu normal, funsinamentu du Estadu lao hela, neebe husu ba ema hotu atu labele preokupa ho buat hirak nee.

Iha parte ketak Xefi bankada PLP Fidelis Magalhaes hateten, Prezidente Republika nee hanesan guardiaun ba konstituisaun, PR sei halo desizaun tuir kostituisaun, restu sira lakoi mete ba Prezidente Republika.

Entretantu Xefi bankada FRETILIN Francisco Miranda Branco hateten, Prezidente Republika Francisco Guterres Lú Olo, maka iha kompetensia tomak hodi foti desizaun ba polemika politika neebe maka oras nee lao inserteza iha rai laran. 

Carme Ximenes/Maria Lay | Suara Timor Lorosae

Projetu Barak Seidauk Selu, CCI-TL Enkontru Ho PM

DILI, (TATOLI) – Ekipa Kámara Komérsiu Indústria Timor-Leste (CCI-TL sigla portugés) hosi munisípiu 12 enkontru ho Primeiru-Ministru, Marí Alkatiri, hodi rona esplikasaun kona-ba projetu ne’ebé to’o agora seidauk iha pagamentu, nune’e bele hatutan ba emprezáriu sira.

Xefe Governu esplika dívida sira ne’ebé seidauk bele selu balun osan laiha duni no balun osan iha maibé sistema pagamentu mak la permite.

“Sira husu enkontru atu hetan esplikasaun tanbasá dívida sira seidau bele selu no ha’u esplika ba sira katak balun osan laiha duni, balun osan iha maibé sistema téknikamente la permite tanba fundu infraestrutura ne’e projetu multi anuál, soke sofware ne’ebé uza ba sistema seidauk adopta halo pagamentu multi anuál”, tenik PM jornalista sira hafoin enkontru ho membru CCI-TL iha Palásiu Governu, kinta, (11/1).

Kestaun ne’e, Governu propoin US$140 milloen resin atu selu dívida sira iha orsamentu retifikativu. Maské nune’e, iha 2017 fulan-novembru no dezembru nia laran antes taka anu fiskál, Governu dahituk konsege selu US$200 milloens resin ba projetu infraestrutura hanesan estrada, ponte, konstrusaun sivíl no seluk tan.

Parte seluk Prezidente CCI-TL, Oscar Lima, hateten nia ho ekipa mai hasoru Xefe Governu atu hetan esklaresimentu kona-ba pagamentu projetu sira.

“Ami mai aprezenta ami nia difikuldade no husu esklaresimentu prinsipál mak kona-ba pagamentu tanba, ami rona dala-barak ema dehan osan sei iha, entaun ami rasik tenke husu ba Primeiru-Ministru no membru Governu sira atu hetan solusaun ne’ebé di’ak”, tenik.

Nune’e nia dehan tan, lori ekipa husi munisípiu hotu para mai rona rasik hodi nune’e bele hatutan ba emprezáriu sira ne’ebé mak agora seidauk hetan pagamentu.

Tuir nia Governu iha responsabilidade nafatin atu selu no emprezáriu ne’ebé mak sei servisu kontinua servisu maibé problema agora mak balun tenke para servisu tanba osan rasik la to’o.

“Empreza ne’ebé kapitál la to’o nia tenke para halo projetu, nia atu ba deve iha ne’ebé?, ema atu fó deve mós tauk tanba osan demora liután no emprezáriu atu selu susar”, katak.

Nia katak osan ne’ebé mak Governu seidauk selu hamutuk US$240 milloen resin no nia hein Governu bele buka solusaun di’ak tanba se la’e emprezáriu nasionál barak mai sei lulun biti, laiha kbi’it atu kontinua servisu.

Jornalista: Julia Chatarina | Editora: Rita Almeida

Traballadór Ilegál Na’in 8 Servisu Iha Jerota

DILI, (TATOLI) - Servisu Imigrasaun  liuhosi programa inspesaun rotina deteta tan sidadaun estranjeiru na’in 8 hala’o servisu ho ilegál (la iha vistu servisu) iha kompañia Jerota Unidos Unip, Lda, iha Same hodi  halo konstrusaun ba igreja Nossa Senhora do Rosário de Fátima.

Traballadór ‘Mate Klamar’ na’in 8 ne’e tuir Komandante ba Departamentu Operasionál Servisu Migrasaun, Inspetór Polísia, Fortunato Guterres, mesak sidadaun indonézia ne’ebé halo serbisu iha Timor-Leste sein autorizasaun ka lahó vistu traballu nian, iha kompañia Jerota, durante fulan rua ona, hahú hosi Novembru ate Dezembru tinan kotuk, maibé foin mak parte imigrasaun deteta.

“Ita hatete serbisu imigrasaun fiskaliza iha Dili laran loroloron no iha munisípiu tanba falta rekursu entaun hetan apoiu husi komandu munisípiu sira para bele identifika ema estranjeiru sira ne’ebé mak serbisu lahó autorizasaun ofisiál”, dehan Fortunato iha edifísiu Ministériu Interiór, ohin.

Nia dehan parte ne’ebé imigrasaun deteta kontra regulamentu servisu imigrasaun nian númeru 9/2003 no 11/2017 katak sé mak halo atividade ne’ebé sein autorizasaun ofisiál sei hetan sansaun ba nia atividade.

“Ba traballór sira ne’ebé kontra infrasaun lei servisu imigrasaun nian sei aplika sansaun ba ema ne’ebé halo serbisu lahó autorizasaun, nó mós kompañia ne’ebé halo serbisu laiha autorizasaun signifika fó serbisu ba ema estranjeiru laiha vistu traballu no ema estranjeiru ne’ebé halo atividade profisionál ba konstrusaun sivíl ka komérsiu, ida ne’e iha sansaun ne’ebé aplika ba sira tuir regulamentu”.

Sansaun ne’ebé aplika hosi imigrasaun, ba kompañia sei selu koima tuir lei imigrasaun númeru 11/2017, artigu 143, 144 ko’alia katak ema independenti ida mak halo serbisu sei aplika koima dólar 1000.

Kuandu empreza ne’e la kumpre infrasaun ba koima ne’ebé aplika maka sei voluntária abandona no dentru loron 10 traballadór sein vistu traballu tenke sai husi Timor-Leste no sei bandu atu labale tama fali mai Timor-Leste tuir lei nia hakarak ho duransaun ne’ebé lei hatete mínimu tinan rua.

Ba Traballadór ‘Mate Klamar’ na’in-ualu ne’e prepara hotu ona bainhira hato’o proposta ba diretór jerál no hein despaxu, bainhira traballadór sira la-kumpre infrasaun aplika voluntária abandona no bandu sei latama Timor-Leste.

“Kompañia sira ne’ebé la-kumpre koima no infrasaun tuir lei iha dalan seluk mak ami sei servisu hamutuk ho SEJT, SERVE no Impostu, sei envia karta ida ba sira katak kompañia ida ne’e kontra regra no bele difikulta nia. Nia kompañia timoroan nian se hakarak kontribui ba dezenvolvimentu atu la’o ho di’ak tenke tuir regulamentu ne’ebé mak vigór”.

Diretór Kompañia Jerota Unidos Unip. Lda, Fernando da Costa, esplika antes traballadór sira halo serbisu, nia parte fó hatene tiha ona ba sira (mate klamar sira) kona-ba lei ne’ebé vigor no husu sira atu prepara dokumentu para bele trata vistu traballu, maibé sira na’in 8  la-entrega.

“Tanba ha’u lakohi halo atrazu ba serbisu, sira mai buka serbisu, prontu ha’u hatama sira no ha’u esplika antes ona, ha’u fó serbisu imi, maibé imi tenke prepara lalais dokumentu para ha’u halo vistu traballu para serbisu laiha buat ruma no durante tinan ida hafoin prolonga”.

Ba violasaun ne’ebé parte imigrasaun deteta ona, Fernando da Costa, nu’udar obra na’in prontu atu kumpre lei. Maski durante servisu traballadór sira ho kompañia iha dezentendimentu hodi keixa ba malu ba administradór postu no komandante polísia eskuadra Alas no Komandu Munisípiu Manufahi katak kompañia laselu no hahán ba sira laiha.

Antes ne’e mós Servisu Imigrasaun iha operasaun rotina ne’e deteta traballadór mate klamar na’in 32 maioria mai hosi ema Indonézia iha Munisípiu Baukau ho Dili.

Jonalista : Maria Auxiliadora | Editór: Manuel Pinto

Imajen: Komandante ba Departamentu Operasionál Servisu. Migrasaun, Inspetór Polísia, Fortunato Guterres. Foto/Egas Cristóvão.