HOMENAJEM BA MATEBIAN FERNANDO LA SAMA DE ARAUJO

Organizasaun RENETIL entrega Mate isin Saudozu Fernando La Sama de Araujo, ba iha VI Governu konstitusional, ne'ebe mak prediji husi Primeiru Ministru, Rui Maria de Araujo iha residensia Ofisial matebian Fernando La Sama De Araujo nia hela fatin Farol Dili, iha loron 3 fulan Junhu 2015.

Lee mos Serviços Relações Públicas iha Facebook

IN MEMORIA FERNANDO LASAMA DE ARAUJO

IN MEMORIA MINISTRU ESTADU, KOORDENADOR ASUNTU SOSIAL NO MINISTRU EDUKASAUN FERNANDO LASAMA DE ARAUJO

Timor Leste lakon lider joven ida, kontribui makaas laos deit iha tempu ukuan aan, maibe joven nee dedika nia aan tomak ba luta libertasaun. Fernando de Araujo La Sama aktual Ministru Edukasaun no Ministru Koordinador Asuntu Sosial, husik hela mundu nee iha loron Tersa 2 Junu 2015, iha Ospital Nasional Guido Valadares (ONGV).

Fernando La Sama de Araujo  nu’udar povo ki’ik no la’o ain tanan nian oan. Fernando de Araújo moris husi susar no terus, hahu hosi ki’ik ninian inan ho aman la konsege koinese alfabeto português to’o sira husik hela mundu ne’e, tanba la hetan biban iha tempu governu português ukun Timor, no mos tanba la’os liurai nian oan, ne’ebe bele tama eskola ho fasilidade iha biban neba. Sei ki’ik nia sai hosi eskola, ajuda nian inan-aman hamos du’ut iha to’os, kafe, halo natar no dala ruma sai karau atan.

La sama oan ba dala lima husi maun alin nain 8, feto lima no mane tolu. Oan husi Horacio de Araujo no Emilia da Conceicao, sai Prezidente Parlamentu Nasional iha Segundu lejistura 2007 too 2012.

Iha loron 20 Junu tinan 1988, Fernando La Sama de Araújo ho estudantes nasionalistas grupu ki’ik ida ho aten brani deklara “insurreição política dos estudantes de timor leste, hodi harii RENETIL.

Fernando la Sama hamutuk ho estudantes nasionalistas na’in 9 (sia) seluk-seluk ne’ebe harii organizasaun Renetil, hanesan Lucas da Costa, Julio Abel Ribeiro, Jose A.M.X. Gonçalves,  Adolfo Fontes, João Cardoso, João Araujo, Marciano Octaviano Garcia Da Silva, Agapito Cardoso no Carlos da Silva Lopes  Saky. Organizasaun Renetil harii iha Bali-Indonesia.

Organizasaun ne’e ba jovens no estudantes Nacionalistas Timor oan tomak ne’ebe estuda ka servisu iha Indonésia, ho estratejia katak liu hosi Renetil bele izola timor oan tomak husi influensia interese politika ideolojika, sosial no ekonomika ne’ebe okupantes sira lansa. Alein de izola timor oan sira hosi influensia ideolojia “pancasila”, ho estratejia seluk hanesan, liu hosi RENETIL bele habelar funu iha Timor-Leste sai mos isu nasional iha própria indonezia nian laran (Timorização do Conflito) iha Repúblika Indonésia.

Hahu hosi loron 20 Junho tinan 1988, nia jura ba nian an rasik, jura ba maromak, jura ba bandeira nasional RDTL, jura ba povo eroiku maubere no jura ba heróis matebian sira hotu katak nia sei luta ba Libertasaun Nasional no sei fiel ba prinsipiu ukun rasik an. Fiel no submisaun total ba ordem hosi komandu superior da luta. Jura atu luta to’o nian ran turuk ida ba dala ikus, (até a última gota de sangue). Kontra invazaun vergonhoza ho okupasaun ilegal no opresaun sistematika hosi rejime militar Soeharto nian iha Timor-Lorosa’e.

Hahu mos hosi loron 20 Junho tinan 1988 to’o tinan 2000, nia asumi xefia nu’udar sekretariu jeral Renetil, hodi koordena aktividades klandestina hotu hodi hahu dada no rekruta estudantes no jovens nasionalistas sira sai membrus no militantes Renetil nian.

Fernando la Sama diriji Renetil nu’udar organizasaun nasionalista ne’ebe luta ba ukun an iha klandestina iha funumaluk (inimigo) nian leet, ne’ebe envolve jovens no estudantes nasionalistas sira iha sidades hirak iha Indonésia nian laran tomak, ne’ebe timor oan sira hela ba, hanesan iha Denpasar-Bali, Mataram, Ujung Pandang, Surabaya, Malang, Madiun, Jember, Solo, Salatiga, Jogya, Semarang, Cirebon, Bandung, Jakarta, ho Lampung.

Sira na’in 10 (sanulu) ne’ebe harii Renetil hato’o ba komandu da luta kona ba ejistensia Renetil nian, depois de liu tiha semana hirak. Hahu hosi biban ne’ebe Fernando La Sama de Araújo diriji hala’o aktividades Renetil nian ba dala uluk, depois de komando superior da luta mos hatene renetil no rekuinese nian ejistensia, nia sempre konsulta ho comandante em chefe das falintil Kay Rala Xanana Gusmão, nu’udar dirijenti maximu luta ba independensia nian.

Iha loron 24 Novembro 1991, liu tiha loron 12 masakre santa cruz, intel militares indonésios nian kaer nia iha nian kos ka hela fatin, fatin ne’ebe sai mos hanesan sede ba Renetil iha biban neba, iha fatin ida naran Tamansari, iha zona Sesetan, Sanglah, Denpasar-Bali. Ema kaer nia iha kalan boot no lori nia ba liu interrogatoriu iha intel sira nian fatin, tortura nia no hatama nia ba kadeia iha Denpasar, antes de lori nian ba Jakarta.

Fernando la Sama de Araújo fou-foun ema hatama nia iha kadeia Polda Nusa Tenggara iha Denpasar, Bali iha loron 24 Novembru tinan 1991 to’o loron 22 Dezembru 1991.

Hahu hosi loron 22 Dezembru 1991 to’o loron 23 Marsu 1992 hanesan prizioneiru politiku iha kadeia Polda Jakarta. Hosi loron 23 Marsu 1992 to’o loron 25 Setembru ema muda nia ba kadeia salemba, Jakarta.

 Hahu hosi loron 25 Setembru 1992 to’o loron 23 Marsu 1998, Fernando La Sama de Araújo sai prizioneiru iha prizaun Cipinang, Jakarta, hamutuk ho kompatriotas, kamaradas no kombatentes sira seluk hanesan João Câmara (atual embaixador TL ba Tailândia), Marito Reis (eis secretário de estado dos antigos combatentes e veteranos da guerra) no mos Kay Rala Xanana Gusmão, eis  Primeiro-Ministro.

Fernando la Sama de Araújo mos sai koordenador ba seksaun komunikasaun sosial, komisaun planeamentu no koordenasaun kampanha (CPCC-CNRT), orgaun ida ne’ebe mos importante tebes iha movimentu pro independensia Timor-Leste nian. Servisu La Sama nian iha area ida ne’e mak hanesan halo planu no programa kampanha liu hosi: impresaun material (panfletus, poster no kartazes); radio (programa oras to’o ona – Radio Timor Kmanek no Radio Republik Indonesia); programa televizaun (Media Center, Dili); distribuisaun informasaun kona ba kampanha ba Timor laran tomak. La Sama mos hanesan responsavel prinsipal ba vox populi (diariu CNRT nian ba kampanha independensia) iha Julhu 1999.

Hosi tinan 1999 too 2001, La Sama kontinua fali nian estudu iha universidade Melbourne, Australia. No iha loron 10 Junho 2001, nia funda Partido Democrático – PD no asumi kargu nu’udar Prezidente Partido Democrático.

Iha tinan 2001, iha tempu governu konstitusional ba dala uluk (I GC-Red), hili nia sai hanesan vise Ministru Negosius Estranjeirus No Kooperasaun, vise ba Dr. José Ramos-Horta ne’ebe tutela kargu nu’udar MNEC iha biban neba.

Iha Julho 2007 eleitu sai Prezidente Parlamento Nacional liu hosi eleisaun ba prezidente iha uma fukun. Hahu hosi ninian eleisaun ba Prezidente iha uma fukun Parlamento Nacional no hanesan Prezidente Parlamento Nacional nu’udar orgaun reprezentativo, to’o ohin loron konsegue garante estabilidade politika iha uma fukun ne’ebe mos kontribui ba estabilidade nasinal, konsegue manter funsionamentu normal parlamento nacional, konsegue konsolida bloku Aliansa Maioria Parlamentar–AMP, hodi orienta Parlamento Nacional ba dezenvolvimentu nasional, no sempre bolu atensaun ba governu no mos lori membrus Parlamento Nacional hodi tau matan ba povo aileba sira iha zonas izoladas no mos bolu atensaun ba Governo atu tau matan ba juventude sira.

Iha Fevereiru 2007, liu hosi konferensia nasional Partido Democrático, reprezentantes hosi distritus hotu-hotu hakotu atu nia nu’udar Prezidente PD hodi konkorre ba Prezidente Republika iha eleisoins prezidensiais, hodi nu’une’e Fernando La Sama de Araújo lori PD no ema rihun ba rihun no grupu oi-oin husi vertentes hotu-hotu nian naran sai destakadu boot hanesan líder jerasaun foun ne’ebe tama iha jogu polítiku, iha nível aas iha nasaun ida ne’e. Maibe sirkunstansias ne’ebe ita hotu komprende halo ninian kandidatura la to’o rohan no dikin.

Ninian kandidatura ba PR hetan apoiu makaas hosi sikun hotu-hotu, hanesan hosi juventude, veteranus rezistensia sira, padres ho madres balun, hosi komunidade relijiaun minoria balun, estudantes, akademikus no intelektuais, lideres komunitarius, grupus marjinalizadus, no povo Timor ema rihun ba rihun fo nian apoiu ho vizaun ida katak to’o ona tempu atu jerasaun foun kaer ukun no bandu. Hanesan aileba no la’o ain tanan nian oan, Fernando La Sama de Araújo mos hatene terus ne’e oin sa, sinti iha isin lolon oin sa moris iha susar nian laran, povo nian mate fanun ninian konsiensia, atu sai neon na’in hodi tau matan ba nian povo terus na’in sira.

Iha Fevereiru 2008 nia asumi kargu nu’udar Prezidente Republika interinu depois de Prezidente Republika tanba Dr. José Ramos-Horta hetan atentadu kontra nia no sofre kanek hodi halo tratamentu iha Australia.

Durante nia asumi interinamente knaar nu’udar PR, Fernando La Sama de Araújo hola inisiativa, buka oin sa bele asegura estabilidade politika nasional iha biban ne’ebe nasaun Timor-Leste hasoru situasaun frajil (estado de sítio) no emerjensia.

Iha ninian lideransa mos grupo Alfredo Reinado ho Gastão Salsinha entrega sira nian kilat ho nian musan ho material selu-seluk, hodi nu’une’e sira entrega mos sira nian an ba justisa. Tanba, se laos lideransa ida hanesan nia mak atentadu 2008 kontra orgaun sobenarus rua, Prezidente Republika ho Primeiro-Ministro mak estabilidade nasional bele la hetan garantia, ne’ebe bele sobu estabilidade nasional.

Maubere anan La Sama nian mehi atu realiza ideais D. Boaventura nian ne’ebe funu hasoru estranjeiru atu harii ukun no bandu mesak ba rai no povu Timor.

Kargu ikus nebe La Sama assume maka Ministro Estadu, koordenadór asuntu sosiál no ministru edukasaun.

Adeus La Sama, lao ho Maromak no hela ho Maromak no hamutuk Aman Maromak hodi tau matan ba povu Timor-Leste hodi hetan Paz, Unidade no moris diak. Deskansa Em Paz La Sama.

Redaksi Suara Timor Lorosae

FAAN DIGNIDADE NASAUN – opiniaun, editorial Jornal Nacional

Biro Investigasaun Korupsaun Singapura (CPIB) nian kaptura membru Federasaun Futebol Timor Leste (F-FTL) nebe komete eskandalu Jogus SEA Games 2015 entre Timor Leste kontra Malaysia.

Suspeitu, Orlando Mendes nudar diretor tekniku FFTL ho ninia kolega timor oan ida seluk tan no sidadaun Indonesia nian rua nee CIPIB kaptura tamba sai bandar hodi manobra golu iha jogu nebe halao iha Sabadu 30/5 iha Bisham Estadium.

Rezultadu investigasaun fo sai katak iha suspeitu nain hat nee deklara katak sira husu duni ba jogador sira balu husi Timor Leste atu joga ho performas estadar atu nunee Malyasia bele manan jogu kontra Timor Leste.

Rezultadu ikus jogu entre Timor Leste versu Malaysia nee, Malaysia konsega manan duni Timor Leste 1 a 0. Osan nebe asegura iha eskandalu nee ho valor 15.000 Dollar Singapura.

Publiku iha Timor Leste agradese ba biro investigasaun korpsaun Singapura nian nebe detekta eskandalu nee, se lae povu Timor nee konsidera derota nebe ekipa Timor Leste hetan nee buat normal ida tamba Timor Leste nunka hatudu prestasaun diak iha jogu SEA Games liu modalidade futebol nian.

Ho akontesimentu hanesan nee hatudu katak ekipa futebol Timor Leste nian joga iha Sea Games nee ekipa husi nasaun seluk mos reseu maibe tekniku sira, ofisiais sira mak halo manobra hodi nunee Timor Leste sempre lakon.

Ho akontesimentu nee governu liu husi Sekretario Estadu Juventude Desportu atu bele Kontrola ona ekipa Timor Leste nian nebe sempre tuir jogus internasional nee tamba keta halo ba durante nee Timor Leste lakon nee kauza husi eskandalu sira hanesan nee.

Durante nee governu aloka osan kuaze miliaun ida Dollar Amerikanu ba Federasaun Futebol Timor Leste atu bele utilize ba inventu internasional sira hanesan nee maibe tamba sa eskandalu sira nee akontese?.

Karik osan sira nee FFTL la aloka ba ofisiais sira nebe akompanha Timor Leste nebe partisipa iha jogu Sea Games hodi nunee ofiaisais sira mos hakarak buka osan adisional ba ninia an rasik.

Akontesimentu nee publiku Timor kondena makaas, organizasaun Juventude resistensia 12 Novembru, tamba konsidera aktu nee nudar traisaun ba rai doben ida nee.

Nunee mos parte FFTL nian mos la tolera aktu nebe ninia membru halo iha Sea Games tan nee deside sei hasai diretor teknika nee depois de julgamentu iha Singapura,fila fali mai Timor Leste.

Akontesimentu nee nudar lisaun ida, no mos loke FFTL nia matan atu kontrola ona ho Rigorozu ninia ofisiais sira, nunee mos Governu, liu husi Sekretaria Estado Juventuede no Desportu atu bele mos audit utlizasaun osan estadu nian nebe aloka ba FFTL atu bele iha transperensia ezekusaun osan Estadu.

Agora supeitu diretor Tekniku FFTL nee mos laos pecat deit maibe kuandu fila fali mai timor tenki prosesa mos tamba konsidera faan dignidade nasaun nian. *

Jornal Nacional, editorial

Eskândalu “Subornu” Halakon TL, FFTL Relata Ba AFC Hasai Orlando

Eskândalu “subornu” ne’ebe maka komete husi Diretur Tékniku Federação Futebol de Timor Leste (FFTL), Orlando Mendes, hodi konspira halakon Timor-Leste iha jogus futebol kontra Malaysia iha SEA Games 2015, hatudu momos Orlando halo traisaun ba povu Timor no hamonu povu Timor nia dignidade iha mundu internasional.

Vise Prezidente Federação Futebol de Timor Leste (FFTL) aktual membru Parlamentu Nasional husi Bankada FRETILIN, Osorio Florindo, esklarese katak, nu’udar estrutura iha FFTL hola ona pozisaun hodi relata ba Asian Football Confederation (AFC) para hasai ema ne’ebe maka envolve iha eskândalu subornu ne’e.

Nu’udar mos reprezentante povu nian iha PN, Osorio Florindo afirma katak, aktu Orlando nian ne’e nu’udar traisaun no hamonu dignidade Timor Leste ninan iha mundu internasional.

“Ami nia pozisaun hanesan tama iha estrutura FFTL, ami relata ona ba AFC para hasai ema ne’ebe halo traisaun ba ita. Prosesu investigasaun ba kazu ne’e kontinua la’o hela iha Singapura,” afirma Osorio Florindo hodi responde JN-Diário iha Parlamentu Nasional, Segunda (01/6/2015).

Antes ne’e, liu husi konferensia imprensa ne’ebe maka hala’o iha FFTL House, Osorio Florindo, klarifika katak, informasaun ne’ebe FFTL hateten, Orlando Mendes iha komprimisiu simu osan US$ 15.000 atu halakon Timor Leste husi Singapura ho golu 0-7. Maibe, la konsege tanba ekipa nasional sub-26 konsege manan Singapura 1-0.

Konferensia imprensa ne’ebe akompnaha mos husi Vise Prezidente FFTL ba asuntus tekniku nian, Filomeno Fernandes ne’e, klarifika katak, Orlando Mendes sai hanesan diretur tekniku FFTL akompanha ekipa nasional ba SEA Games 2015 iha semana hirak liu ba, maibe FFTL hakfodak wanhira rona informasaun iha media katak,ema kaer nia diretur tekniku FFTL ho Timor oan nain 1 husi Bandung, Indonesia mak ba ho naran Moises nu’udar eis jogador, maibe laos komisaun organizadora FFTL no mos hamutuk tan ema ida husi Indonesia nian ho naran Nazodudin.

Sira nain 2 ne’e sai husi Indonesia mak ba partisipa joga futebol entre Timor Leste ho Singapura, maibe realidade akontese sira nain 2 la’o hamutuk ho diretor tekniku FFTL Orlando Mendes no hamutuk ho ema Singapura nain ida ne’ebe tama sai husi prizaun,tanba halo jogu sira ne’e.

Jogador Timor Leste nain 3 hanesan Feliciano Gonçalves (Ato), Jose Maria (Mau Sahe) no mos ida seluk Arnol Nataniel, tama hotu iha sub 26 nian, nune’e labarik sira ne’e laos kaer hamutuk ho diretor tekniku FFTL Orlando Mendes, maibe mai tiha iha Hotel mak detein sira nain 3 kalan ida tomak.

Orlando Mendes ho Moises to’o agora seidauk husik, tanba sei detein hela iha sela polisia Singapura nian hodi hein prosesu. Iha Sesta (5/6/2015), ba hala’o prosesu julgamentu mak hein desizaun tribunal federal Singapura nian.

FFTL hakarak fo sai ba publiku katak, FFTL laos ema ida de’it katak, Orlando, Prezidente FFTL, Kalbuadi Lay, SEKJER FFTL Amandio, no laos Vise Prezidente FFTL sira, no laos membru ezekutivu sira, maibe inkluindu treinador sira arbitrazen jogador sira no ba ema sira ne’ebe mak loron loron mai asiste jogus.

Tamba ne’e mak Vise Prezidente FFTL Ososrio Florindo lori federasaun nia naran hodi hato’o ba publiku katak, FFTL sei la proteze ema ida ka rua no se de’it iha FFTL nia laran wanhira halo krime hanesan diretor tekniku FFTL Orlando Mendes.

Nia hatutan katak, FFTL sei la simu ema sira ne’ebe mak sai kriminozu ka mafia tanba ne’e ema ruma iha dadus kona-ba mafia sira ne’e temi nia naran hodi lori ba keixa iha tribunal, maibe hanesan instituisaun FIFA nian, FFTL te nki lori nia mandatu to’o remata.

Osorio aprofunda katak, ema ida mak foer iha FFTL nia laran, maibe la bele zeneraliza katak, ema hotu hotu iha FFTL ne’e sai mafia, tanba ema hotu servisu iha FFTL ne’e laos simu osan, maibe barak liu mak mai servisu de’it ho voluntariu tamba hakarak lori Futebol ne’e ba oin.

Nia afirma katak, FFTL sei la hakiak no mos proteze se de’it mak halo krime ne’ebe reprezenta FFTL nune’e lei no orgaun sira iha Timor Leste nakloke nune’e se de’it mak iha evidensia inisiu iha ba aprezenta.

FFTL mos iha tinan rua nia laran hetan ajuda husi Governo nune’e iha tinan kotuk FFTL hetan osan US$ 90.000 ho nia ezekusaun 90%, maibe orsamentu liga nian la konsege ezekuta.

Iha tinan ida ne’e FFTL hetan orsamentu US$ 700.000 to’o ohin FFTL seidauk hetan duit ida atu halo servisu tomak ne’ebe mak la’o tiha ona hanesan jogus barak iha internasional,ne’ebe hakarak investiga hodi liga ba orsamentu Estado nian bele odamatan loke ba ema hotu.

Vise prezidente FFTL klarifika ba kazu ne’ebe mak diretor tekniku FFTL Orlando Mendes hasoru ne’e mos prosesu hanesan membru ba AFF, AFC no FIFA. Atu dehan deit katak, Tribunal seidauk deside katak,nia sala ka la sala. Maibe, AFC deside tiha ona iha loron 30 nia laran prosesu ne’e sei la’o diretor tekniku FFTL Orlando Mendes la bele urus, koalia, no trata bola.

“Ne’ebe wanhira desizaun ne’e hotu mak sala nia diretor tekniku FFTL Orlando Mendes seumur hidup (moris tomak) labele urus (toma konta) bola FFTL mos konsidera maske nia seidauk sala maibe informasaun ne’ebe hafoer tiha ona Timor Leste nia naran,” hateten Osorio Florindo.

Nia ba lori nasaun Timor Leste nia naran liu husi Sea Games, maibe FFTL mos sei la simu maske nia la sala tamab ne’e publiku hatene hotu ho situasaun hirak ne’e nune’e membru ezekutivu sei tur hamutuk hodi koalia katak, FFTL sei la simu no nia tenki sai husi FFTL no ba kaer servisu seluk.

‘’Ami nia SEKJER Amandio ho Vise Prezidente FFTL, Aleixo da Silva Gama “Cobra” iha hela Singapura hodi tenta atu ba koalia ho diretor tekniku FFTL Orlando Mendes, maibe ema nia prosesu nune’e durante ne’e to’o seidauk iha desizaun ne’e la bele hasoru malu,” informa Osorio Florindo.

Nu’udar Vise Prezidente FFTL ne’e sente laran triste tamba laiha advogadu Timor Leste ida mak akompanha kazu ne’e iha Singapura, maibe tuir lolos nu’udar sidadaun ida tenki iha direitu atu hetan advogadu.

Iha fatin ketak, Prezidenti Komisaun F Parlamentu Nasional (PN) ba asuntus Edukasaun, Saude, Desportu, Jéneru, Sosial no Kultura, Virgilio Hornai, hateten aktu simu subornu ne’e individual Orlando maka halo, maibe hatudu mos katak, iha FFTL nia laran buat barak maka la’o la los.

“Hanesan Timor oan, Orlando halo traisaun ba nia rai, tanba loron-loron jogador sira halo esforsu maka’as hodi kontribui ba setor futebol nune’e bele hamorin TL nia naran, maibe Orlando desvia buka ba sira nia interese rasik,” afirma Deputadu Virgilio Hornai.

Virgilio mos konsidera katak, aktu Orlando nian ne’e hatudu momos FFTL ho nia ramu sira aproveita FFTL hodi buka lukru ba sira nia interese mesak. Tanba ne’e, Deputadu husi Bankada PD ne’e husu ba Governu atu halo evaluasaun ba FFTL no halo mos investigasaun emidiatamente ba strutura FFTL.

“FFTL hetan osan husi Estado, sira mos hetan doador husi Timor Telekom no fundus balun husi FIFA , tan ne’e presija halo investigasaun,’’ hateten Deputadu Virgilio.

Deputadu Cesar Valente ‘’Pilotu’’ husi Bankada CNRT mos sente estranhu oituan, tanba ema ne’ebe nia nasionalidade Timorense, maibe nia konsiente halo lakon fali nia rasin rasik tanba deit osan.

"Ema ne’ebe moris husi ai hun ida ba fuan fali iha ai hun seluk, ne’e mak nia konsiente halo lakon nia rain, ema ne’e la iha nasionalismu, tan ne’e husik situsaun iha FFTL ne’e nakfera ba ema hotu hatene FFTL nia moras ne’e, i ema ne’e tenki responsabiliza nia aktu, tan ne’e mak ita nia futebol iha rai laran ne’e hakdasak,’’ hateten Deputadu Cesar Pilotu.

Lia fuan hanesan mos afrima husi Deputada Fernanda Lay ho Deputado Manuel Castro, ne’ebe aprfunda liu hodi husu ba orgaun kompetenti para halo investigasaun profunda ba iha FFTL no halo auditoria ba orsamentu FFTL tanba FFTL mos hetan osan husi Estadu.

Governu La “Mete”

Husi sorin seluk, Primeiru Ministru (PM) Rui Maria de Araújo, klarifika katak, Governu la iha buat ida alias la “mete” ho kazu subornu ne’ebe maka involve husi Orlando Mendes, diretur tékniku FFTL.

PM Rui Araújo aprofunda katak, aktu ne’ebe Orlando komete la’os Governu maka haruka no Governu husu ba autoridade sira ne’ebe maka iha kbit para halo investigasaun no fo sai rezultadu lolos ba publiku.

“Governu laiha buat ida ho ida ne’e,” dehan PM Rui Araújo hodi responde jornalista iha Dili, horseik. Nia hatutan katak, problema ne’e FIFA nia servisu no FIFA maka sei foti desizaun ba ema sira ne’e, tanba ida ne’e hamo’e ona nasaun ida nia dignidade.

Ministru Interior Longuinhos Monteiro dehan, Governu mós akompaña kazu ne’e, foti konkluzaun, tanba kazu ne’e la’o iha ema nia rai.

“Ita seidauk bele halo komentariu antisipada, maibé ita akompaña nafatin,” afirma Longuinhos Monteiro.

Antes ne’e publiksaun iha www.VIVA.Co.Id fo sai katak, Biro Investigasaun Korupsaun Singapura (CPIB) relata katak, sira nia parte kaptura ona suspeitu nain hat (4), ne’ebe maka sai autor ba skândalu pengaturan skor iha jogus SEA Games 2015 entre Timor Leste kontra Malaysia.

Informasaun ne’ebe publika husi www.channelnewsasia.com no haktuir iha www.VIVA.Co.Id edisaun Sabadu, 30 Maiu 2015, katak, entre suspeitu nain 4 ne’e, involve mos suspeitu balun sidadaun Indonesia, Suingapura no Timor Leste.

Informasaun seluk ne’ebe espalha ona iha publiku Timor katak, suspeitu husi Timor nian maka Diretor Tekniku FFTL, Orlando Mendes, ne’ebe asume mos nudar Team Manager selesaun nasional Timor Leste iha SEA Games 2015.

Antes ne’e, CPIB relata ona katak, sira kaer mos sidadaun Singapura ida tanba sai bandar hodi manobra golu iha jogus ne’ebe halao Sabadu (30/5/2015), iha Bisham Estadium. Nune’e, alastra mos katak iha tan ema nain tolu ne’ebe sai hanesan estafeta iha aktu joga foer ne’e.

Husi rezultadu invetigasaun fo sai katak, suspeitu nain 4 deklara katak, sira husu duni ba jogadores balun husi Timor Leste nian atu joga ho performa estandar, atu nune’e, Malaysia bele manan iha jogus kontra Timor Leste. Rezultadu ikus, Malaysia konsege manan duni Timor Leste ho skor ka golu 1-0.

Osan ne’ebe asegura iha skandalu ne’e bot. Jogadores sira husi Timor Lorosa’e kontrata ho valor US$ 15.000 atu bele haktuir joga foer ne’e. Maibe, jogador sira la kumpri no halo kedas keixa ba autoridade kompetente.

To’o ohin loron, suspeitu nain 4 ne’e sei iha autoridade seguransa Singapura nia liman. Karik iha evidensia hatudu katak, sira sala duni maka bele hetan pena prizaun tinan lima no multa US$ 100.000.lia/alm/tap

Jornal Nacional

GOVERNU BANDU FUMA IHA KARETA LARAN

Governu fó ona orientasaun ba Polisia Nasional Timor-Leste (PNTL) atu kontrola no fó sansaun ba ema sira ne’ebé fuma iha transporte públiku laran, tanba fó efeitu ladiak ba ema barak nia saúde.

Primeiru Ministru (PM), Rui Maria de Araújo dehan, ema ne’ebé hakarak fuma tenke la’o ain deit, labele tanba deit ema ida nia gostu, halo terus ema barak iha transporte públiku ne’e nia laran.

“Favor ida, Komandante Jeral PNTL, fó instrusaun ba membru atu kontrola, Taxi, Microlet, Auto Carro sira ne’e, labele iha ema fuma iha laran tan. Se haree motorista to’o fali sira ne’ebé tu’ur iha kareta laran fuma, Polisia Trânzitu tenkE interven hodi fó sansaun ou kastigu,”orienta PM Rui Araújo ba PNTL, iha selebrasaun loron mundial saúde Sabado (30/5) iha Jardin Largo Lesidere.

Rui Araújo mós fó orientasaun ba Ministériu Saúde (MS) atu aviza ba eskola sira, hahú husi Ensino Pre-Secundária, Secundária to’o Universidade sira atu labele fuma iha ambiente eskola nian, tanba eskola la’os fatin atu hanorin malu ba fuma.

“Lei mak aban bainrua mak proibiu idade fuma ninian, maibé agora dadauk hanesan instituisaun Estadu nian ne’ebé responsabiliza iha área edukasaun ninian, tenke fó avizu ba eskolas hot-hotu no universidades hot-hotu labele fuma, se hakarak fuma, ba fuma iha estrada ka ba fuma iha uma,” dehan Rui Araújo.

Alende ne’e, Rui Araújo mós orienta Ministériu Saúde atu komesa identifika ona ministériu sira ne’ebé livre ona husi tabaku, atu tinan oin Governu fó premiu ba sira, tanba sira ne’e hanesan ezemplu diak ida instituisaun Estadu hotu.

Nia mós fó apelu ba setór privadu sira katak, kuandu hakarak fa’an nafatin tabaku, tenke halo ho maneira ne’ebé fair. Signifika, la presiza halo reklame ka promosaun iha dalan ibun ka media sira kona-ba tabaku.

Iha parte seluk, Vise Ministra Saúde, Ana Isabel afirma, komesa tinan ida ne’e, Governu sei estabelese servisu hapara tabaku iha komunidade sira, nune’e bele redus númeru konsumu tabaku iha Timor-Leste.

Tanba maske iha Timor Leste seidauk iha manufaktura ba tabaku, maibe tabaku oi-oin mak tama mai. Tanba ne’e Governu hanoin ona atu integra programa kontrolu tabaku hodi kontrola komersiu illegal tabaku, hasa’e taxa importasaun tabaku, inklui halo kampaña ba públiku kona ba efeitu husi tabaku ne’e rasik ba saúde.

MS mos produs ona lei kontrolu tabaku ne’ebe agora submete ona ba Conselho dos Ministros hodi hetan aprovasaun.

Tuir dadus ne’ebe MS fo sai katak, prevelezu ema uza tabaku atual mak ema sira ne’ebe idade 15 to’o 49, husi idade ne’e, mane 89,5% no feto 4,5% kategoria fumador.

“Dadus ne’e hatudu katak, populasaun iha Timor-Leste, mane ne’ebe fumador ho idade 15 a’as liu iha Sudeste Aziatiku, tanba alunus ida husi alunu nain 10 fasil atu hetan no fuma sigaru ho marka oi-oin,” dehan Vise Ministra Saúde, Ana Isabel.

Governu mos bandu atu fatin públiku labele tau espanduk tabaku nian no la autoriza labarik kiik sira fa’an tabaku ka ema fa’an sigaru ba labarik kiikoan sira.

“Ha’u husu ba komunidade sira atu labele haruka sira nia oan ba sosa sigaru, kuandu hakarak fuma, ba sosa rasik,”

Iha selebrasaun ne’e, MS fó rekoñesementu espesial ida ba setór privadu 28, ne’ebé ho sira nia vontade rasik, estabelese ona área livre tabaku iha ida-idak nia servisu fatin. Ho sira nia esforsu ne’e bele sai ezemplu diak ba sidadaun tomak.tap

Jornal Nacional

Cerca de 150 mil pessoas esperadas hoje na vigília por Tiananmen em Hong Kong

Hong Kong, China, 04 jun (Lusa) -- Cerca de 150 mil pessoas são esperadas hoje na vigília no Parque Vitória, em Hong Kong, para assinalar o 26.º aniversário da repressão militar na praça de Tiananmen, em Pequim, segundo a organização, citada pela AFP.

"É uma luta constante pela justiça", disse Richard Tsoi, da Aliança de Apoio aos Movimentos Democráticos Patrióticos na China, que organiza a vigília.

"É importante que as pessoas de Hong Kong não esqueçam", acrescentou, estimando a participação de 150.000 pessoas.

Richard Tsoi disse esperar uma vigília pacífica, apesar de a concentração decorrer apenas duas semanas antes da votação do plano de reforma política em Hong Kong, no Conselho Legislativo (LegCo) a 17 de junho.

De acordo com a organização, 180.000 pessoas participaram na vigília realizada no ano passado, por ocasião do 25.º aniversário da intervenção do exército chinês contra manifestantes pró-democracia que ocupavam a praça de Tiananmen (cujo nome em chinês significa 'Paz Celestial').

A Associação de Estudantes de Hong Kong, que habitualmente se juntava à vigília organizada no Parque Vitória vai realizar este ano uma "alternativa" no campus universitário, numa iniciativa em que espera 1.000 participantes.

Os organizadores dizem não concordar com a premissa da Aliança de que a democratização na China deva ser o pré-requisito para a democracia em Hong Kong.

"Queremos organizar um evento diferente para podermos discutir o futuro de Hong Kong enquanto residentes de Hong Kong", disse o presidente da Associação de Estudantes, Billy Fung.

A Federação dos Estudantes de Hong Kong também informou que não vai participar na vigília principal enquanto estrutura associativa porque os respetivos membros não chegaram a consenso sobre qual o evento em que iriam participar.

"Respeitamos que este ano algumas pessoas tenham outras atividades", comentou Richard Tsoi, "mas estamos confiantes de que muitas pessoas, incluindo a nova geração, se juntem à nossa vigília".

A circulação nas vias junto ao Parque Vitória vai estar condicionada.

De acordo com a imprensa de Hong Kong cerca de 7.000 agentes foram destacados para as operações de policiamento.

A antiga colónia britânica e Macau são únicos territórios na China onde anualmente é evocada a memória das vítimas e dos acontecimentos de junho de 1989 na praça de Tiananmen, que o governo central chinês ainda classifica como "movimento contrarrevolucionário".

Em Macau este será o segundo ano consecutivo, após a transição de soberania para a China, em que a vigília volta ao Leal Senado, a principal praça da cidade.

A iniciativa é organizada pela Associação de Desenvolvimento Democrático de Macau, liderada pelos deputados Au Kam San e Ng Kuok Cheong, que apresenta cinco solicitações ao governo central chinês, de acordo com comunicado citado pelo jornal Hoje Macau.

A associação reivindica o direito de os familiares das vítimas a lamentarem as mortes em público, o direito das famílias e sobreviventes a aceitarem apoios e doações da sociedade, e o fim das perseguições. Os outros dois pedidos incluem "a libertação de todos os presos políticos desde o protesto na Praça da Paz Celestial de 1989 e a publicação de toda a verdade sobre o massacre de Tiananmen e apuramento das responsabilidades".

Em declarações à agência Lusa, o ativista Jason Chao, que participa na vigília a título individual, admitiu a possibilidade de este ano a concentração no Leal Senado ter menos adesão do que os 1.000 participantes do ano passado, quando foram assinalados os 25 anos sobre a repressão pelo exército chinês do movimento pró-democracia.

"Este ano não há o efeito dos protestos [realizados em Macau no final de maio contra a proposta de lei que previa compensações pecuniárias elevadas para os aposentados de cargos públicos]", justificou, referindo-se àquela que se estima ter sido a maior manifestação na cidade desde a transferência de administração.

FV/ISG // JPS

Birmânia pede à ONU tratamento "justo" relativamente à sua ação na crise de refugiados

Banguecoque, 04 jun (Lusa) -- A Birmânia pediu à ONU um tratamento "justo e imparcial" relativamente às suas ações na crise migratória no sudeste da Ásia, numa altura em que se prepara para deportar centenas de imigrantes do Bangladesh.

Numa carta dirigida ao secretário-geral da ONU, Ban Ki-moon, publicada hoje no diário estatal Global New Light of Myanmar, o presidente do parlamento, Shwe Mann, insta o Conselho de Segurança das Nações Unidas a ser "justo e imparcial" nas suas declarações sobre a Birmânia, que "se encontra num processo de implementação de reformas democráticas".

Diversos países da região e organizações internacionais têm assinalado a Birmânia como responsável pelo êxodo de imigrantes, muitos dos quais rohingya, uma minoria muçulmana perseguida no país.

Shwe Mann pediu contenção nas palavras às organizações nacionais e internacionais relativamente à crise migratória sob pena de se criarem mal-entendidos sobre o país de se "agravar as tensões sectárias e o conflito".

"A comunidade internacional deve adotar um enfoque objetivo e imparcial", frisou o mesmo responsável na referida missiva.

A edição de hoje do mesmo jornal publica ainda um comunicado do Ministério dos Negócios Estrangeiros que assegura que o Governo birmanês trabalha para repatriar os refugiados que chegaram ao país nos últimos dias depois de terem passado semanas presos em barcos à deriva em alto mar.

O último desembarque envolveu 734 pessoas, incluindo mulheres e crianças, as quais foram intercetadas pela marinha há seis dias e que, esta quarta-feira, foram alojadas em acampamentos temporários perto da fronteira com o Bangladesh.

A estes somam-se outros 208 que chegaram em 21 de maio e que continuam retidos na mesma zona à espera de serem deportados para o Bangladesh, assunto que as autoridades birmanesas discutiram, esta quarta-feira, com o embaixador do Bangladesh.

"A Birmânia oferece alojamento temporário às pessoas que chegam de barco por razões humanitárias", pelo que insta a outra parte a receber, prontamente, estas pessoas, uma vez findo o processo de verificação, indica a nota oficial.

Duas dezenas de países reuniram-se na sexta-feira em Banguecoque para abordar a crise de refugiados sem poder acordar nenhuma medida para pôr fim à perseguição de que são alvo os rohingya, considerados imigrantes ilegais pela Birmânia.

Desde 2012, 153.300 rohingya ou cerca de 10% dos que vivem na Birmânia, subiram a bordo de barcos, operados muitas vezes por redes de tráfico de seres humanos, para tentar alcançar a Malásia, segundo uma estimativa da organização Arakan Project.

DM // JCS.

China tem sido bem-sucedida em eliminar memória de Tiananmen -- Investigadora

Hong Kong, China, 03 jun (Lusa) -- A investigadora Louisa Lim, que escreveu um livro sobre o movimento pró-democracia de Tiananmen, considera que "a China tem sido notavelmente bem-sucedida em eliminar a memória" da repressão de há 26 anos, mantendo-a em curso.

Louisa Lim disse ter ficado "chocada com o nível de ignorância sobre as mortes dos estudantes chineses em 1989" enquanto se dedicava à investigação que resultou no livro "The People's Republic of Amnesia: Tiananmen Revisited", publicado no ano passado.

"Quando eu mostrava a fotografia icónica do homem à frente do tanque em Pequim, 85% dos estudantes não faziam ideia do que mostrava a imagem ou de onde tinha sido tirada", recordou à agência Lusa.

Para Louisa Lim, "apesar do advento da Internet, a China tem sido notavelmente bem-sucedida em eliminar a memória do movimento de Tiananmen e a sua repressão mortífera" e "o facto de estes acontecimentos (...) estarem amplamente esquecidos mostra o quão bem-sucedido o Governo tem sido em intimidar a geração que os viveu e testemunhou".

"Pequim tem conseguido tornar o preço da memória tão elevado que poucos estão dispostos a pagá-lo", frisou.

A madrugada de 04 de junho de 1989, quando o Governo decidiu pôr fim a quase dois meses de protestos pró-democracia na capital e em outros pontos do país mobilizando o exército, que saiu para a rua com tanques e disparou contra civis desarmados, continua a ser um tema tabu. "Em termos de discussão pública, é evidente que não há movimentos nesse sentido", frisou.

"Pelo que temos visto até agora da era (do Presidente chinês) Xi Jinping, não há sinais de qualquer avanço para uma reavaliação do movimento de Tiananmen. Pelo contrário, tem havido uma tendência clara para punir quaisquer atos de homenagem àqueles que morreram, até mesmo eventos de pequena escala, realizados à porta fechada", adiantou.

A académica ligada à Universidade de Michigan sustentou que "grupos de direitos humanos no exterior estimaram que mais de 150 pessoas foram detidas ou colocadas em prisão domiciliária no período de preparação para o aniversário do ano passado".

"É notável que a repressão não terminou com o aniversário, mas está em curso, nomeadamente com a detenção do ativista Chen Yunfei, que enfrenta acusações de incitação à subversão contra o poder do Estado e de instigar problemas após ter visitado, em março último, o túmulo de um estudante morto em 1989," afirmou.

Louisa Lim referiu ainda a publicação de uma carta aberta de 11 estudantes chineses no estrangeiro, que motivou na semana passada uma resposta contundente do Global Times, num editorial onde se lê que "a sociedade chinesa chegou a um consenso para não debater o incidente de 1989".

"O Global Times denunciou que os estudantes tinham sido alvo de 'lavagem cerebral por forças estrangeiras hostis'. (...) Mas talvez este artigo tenha sido ele próprio muito temido, uma vez que a versão chinesa foi apagada do 'site' pouco tempo depois, demostrando que ainda não há espaço para a discussão pública", referiu.

O livro de Louise Lim, que revisita Tiananmen, aborda também a contestação na cidade de Chengdu, outro "choque" com que a investigadora se deparou: "Fui à procura de testemunhas, que me deram diários, fotografias e relatos de atos extraordinários de brutalidade. O próprio Governo admitiu que oito pessoas morreram em Chengdu, incluindo dois estudantes, mas a imprensa estrangeira nunca conseguiu acompanhar esta questão".

"Foi dececionante aperceber-me o quão facilmente os acontecimentos que estão de fora da visão da imprensa ocidental podem ser esquecidos", concluiu.

FV (ISG) // JMR

Povu Timor-Leste Lutu Nasional – Estadu Rekoñese Luta La Sama

Ministru Estadu Koordenadór Asuntu Sosiál no Ministru Edukasaun, Saudozu Fernando La Sama de Araújo, hakotu iis (mate) iha Tersa (2/6), tuku 8:30 Oras Timor Leste (OTL), iha Hospitál Nacional Guido Valadares (HNGV), Díli, tanba hetan moras Hemoragia Intracerepral (pendarahan otak).

Relasiona ho La Sama nia mate Konsellu Ministrus, dekreta kedas iha sorumutuk extraordináriu, Lutu Nasional, ne’ebé sei hala’o to’o tuku 24.00, loron 5, fulan-juñu, no deside ona atu propoin ba Prezidente Repúblika atu fó  kondekorasaun ho títulu póstumu.

Governu hato’o ninia pezar ne’ebé kle’an tebes tanba lakon ninia membru ida no durante sorumutuk ne’e,  hakmatek durante minutu 1 hodi fó homenajen ba matebian.

Governu mós dekreta loron ne’e hasa’e bandeira meia haste (Setengah tiang). Katak, Durante períodu Lutu Nasionál nian, Bandeira Nasionál sei hasa’e to’o meia haste de’it, iha edifísiu administrasaun públiku nian hotu-hotu, inklui Palasiu Prezidensial Nicolau Lobato, embaixadas no konsuladu sira ka reprezentasaun sira seluk Estadu nian iha rai liur, nune’e mós iha embarkasaun sira Estadu nian.

Entretantu prosesu funebre ba matebian Fernando La Sama de Araújo sei hala’o iha dia 6, iha Jardim dos Herois, Metinaro, Dili.

Eis Preziente Parlamentu Nasional iha kuartu Governu konstitusional ne’e, hakotu iis iha sala intensive Care Unit (ICU) tanba sofre moras hemorojia iha parte kakutak.

Matebian Fernando La Sama hetan insidente mais ou menus iha tuku 10:00 OTL, banhira hala’o diskursu kona-ba asuntu edukasaun nian iha salaun administrasaun Munisípiu Covalima.

Bainhira diskursu seidauk remata kondisaun saúde Governante ne’e la permite, tanba ne’e evakua kedas ba hospital referral Covalima hodi halo primeiru intervensaun durante oras balun obrigada tenke evakua mai banku Urjensia Hospital Nacional Guido valadares Iha tuku 14:00 OTL ho aviaun MAF.

Entretantu tuir Diretor Ezekutivu Hospital Nasional Guido Valadares (HNGV) José Antonio Guteres hatete, Ministru Estadu Kordenador Asuntu Social no Ministru Edukasaun Fernando ‘La sama’ de Araújo to’o iha Banku Urjensia HNGV mais ou menus tuku 2:00 OTL ho kondisaun kritiku.

Nia esplika katak, bainhira tama iha banku urjensia HNGV   La Sama nia kondisaun krítiku tiha ona (kesadaraan menurun).

Nia haktuir tan katak, tanba ne’e medikus espesialista sira halo teste USG (ekokardio grama ) ba nia fuan maibe la detekta problema ida signifika nia fuan normal. Tanba ne’e kontinua halo teste CT scan maka medikus sira deskobre katak hemorolojia (Pendarahan) iha parte kakutak.

“Husi CT scan maka ita deskobre katak iha hemorojia (pendarahan) iha ninia kakutak, pendarahan ne’ebe maka luan teb-tebes iha kakutak, no lori kedas ba Intensive Care Unit (ICU),” haktuir José Antonio.

Nia dehan, tratamentu iha HNGV tantu iha estranjeiru la halo tratamentu ne’ebe maka aktivu, maibe halo tratamentu konservativu liu husi fo aimoruk atu labele iha presaun interkranial (tekanan dalam otak) labele meningkat.

Diretor hatutan, tanba presaun interkranial aumenta provoka herniase ka jaringan kakutak balun tun husi nia ulun ruin, hafoin halo intervensaun ida ne’e lori ba ICU medikus sira tau makina ventilador hodi suporta ninia oxigenio,suporta ninia respirasaun.

Hafoin halo intervensaun, HNGV mos halo kedas konsultasaun ba hospital sira iha estranjeiru liu husi dotor espesialista bedah saraf iha hospital Sidney ho Melbourne Australia.

“Ami haruka foto rezultadu CT scan nian ba sira haree tiha sira dehan kondisaun hanesan ne’e kritiku ami sujere lalika haruka ba, tanba haruka ba lamanan buat ida I bele iha risku seluk fali mate iha aviaun laran,” diretor haktuir medikus espesialista Australia nia liafuan.

Alende ne’e HNGV mos konsulta kedas ba medikus espesialista siloam Bali Indonesia, maibe medikus sira foti liman ba kondisaun eis Prezidente Parlamento ne’e tanba kondisaun krítiku.

“Depois kontinua konsulta ba hospital Nasional University Singapura, maibe medikus espesialista sira dehan deit 10% atu salva. Kontaktu aviaun ambulansia konsege to’o iha ne’e, ohin dader tuku 5:00 maibe to’o tuku 4:00 kondisaun ita nia ministru nian deteriora (memburuk), tensaun tun entaun lakonsege transfere.ikus mai hakotu I’is iha tuku 8:30 Otl”haktuir José Antonio ba jornalista sira iha HNGV ,Tersa (02/06).

Iha fatin hanesan, Antonio Aitahan Matak, haktuir katak, matebian Fernando La Sama ema ne’ebe mak oferese nia vida tomak iha tempu difisil, no hakotu iis iha HNGV mos tanba hetan torturasaun husi Indonesia iha tempu luta ba ukun rasik án.

“Nia (La Sama) ema ida ne’ebe maka pasiensia a’as no oferese ninia prestasaun tomak iha tempu difisil, no ao mesmo tempu ema baku, baku to’o muta raan, maibe nia kura deit ho buat ida tua maka akontese hanesan ne’e,”haktuir Antonio Aitahan Matak.

“Ha’u sente triste tanba bainhira nia atu funda RENETIL, nia sempre mai hasoru uluk ha’u no kuandu nia ba eskola iha Jakarta nia hatete hanesan ne’e, se ita iha ne’e deit ita labele domina maluk sira ne’ebe maka apoiu ba integrasaun ne’e,”dehan La Sama.

“Maibe kuandu ba Indonesia nia rain maka loke organizasaun   bele lori estudante Timor oan sira ne’ebe maka ba eskola iha Jakarta ,tanba ne’e maka nia harii RENETIL 20 de Abril iha Bali,”Aitahan Matak konta tuir.

Nia dehan tan, bainhira La Sama haruka fila karta ba resistensia, Xanana Gusmão la fo respostas karta durante fulan 6, segunda karta, Aitahan Matak maka halo duni relatoriu ida maka foin hetan respostas.

Ho triste, Antonio Aitahan Matak konta tuir tan katak, momentu nia (Aitahan Matak) rasik ba Jakarta La sama maka halo seguransa oitoan salva Aitahan Matak nia moris.

Estadu Rekoñese

Povu Timor-Leste lakon tan ninia lider politiku husi jerasaun foun ne’ebe dedika an tomak servi povu, la haree ba oras no distansia, la sura kolen no sempre simu no prontu atu hala’o kna’ar ne’ebe povu fó.

Ho espiritu, domin no komitmentu saudozu nian ne’ebe bo’ot ba povu no rai Timor Leste, mak Governu liu husi Konsellu Ministru Extraordináriu fó omenajen ba saudozu Fernando La-Sama de Araújo, tanba La-Sama mós kompañeiru da luta ida ba prosesu libertasaun nasionál rai Timor nian.

Prosesu funeral saudozu La Sama nian, sei organiza husi Ministériu Solidariedade Sosiál ho Ministériu Administrasaun Estatal hamutuk ho família saudozu Ministru Estadu Koordenadór Asuntu Sosiais no Ministru Edukasaun, Fernando La-Sama de Araújo nian.

Iha enkontru Konsellu Ministru Extraordináriu ne’e mós propoin ba Prezidente Repúblika Taur Matan Ruak hodi fó kondekorasaun ho tipu postomo ba Saudozu La-Sama.

“Saudozu La-Sama hanesan Timor-oan ne’ebé partisipa ativu iha prosesu luta libertasaun nasionál hato’o ba señor Prezidente Repúblika hodi deside tipu de kondekorasaun ho tipu de postomo no fatin funeral iha Jardim dos Herois Metinaro,”informa Primeiru Ministru Rui Maria de Araújo liu husi konferensia imprensa iha Palasiu Governu, Tersa (02/6).

Rui Araújo haktuir, durante Saudozu La Sama servisu ba rai ida ne’e, La-Sama hatudu sentidu ne’ebé diak, liu-liu durante ne’e nia haka’as an kona-ba oinsa atu hadia edukasaun. Maibé destinu mak hakotu saudozu ho ninia kolega VI Governu Konstituisionál.

“Lori povu no Governu nia naran hato’o sentidu kondolénsias ba familia tomak ho sentidu profundu pezar, tanba Timor-Leste lakon tan Timor-oan ida ne’ebé dedika nia vida tomak ba libertasaun da patria no libertasaun do povu, nia hetan moras ne’ebé fatál, enkuantu halo hela servisu,”dehan Primeiru Ministru.

Saudozu Fernando La Sama de Araújo asume ona kargu nu’udar vise Ministru Negosius Estranjeirus iha Governu Tranzitoriu, membru asembeleia konstitusaun no sai Deputadu Parlamentu Nasional iha Primeiru lejislatura.

Hafoin ne’e, sai fali Prezidenti Parlamentu Nasional iha segundu lejislatura, iha kintu Governu sai Vice Primeiru Ministru asuntu sosiais, no ikus sai Ministru Kordenador Asuntu Sosial no Ministru Edukasaun iha Sestu Governu ne’e.

La Sama hetan atakasaun iha Munisipiu Covalima, bainhira halo vizita trabalhu ba komunidade iha Munisipiu refere. Wainhira hala’o hela dialogu namanas ho profesores tensaun ataka hodi monu tu’un ba rai. Ho esforsu tomak La Sama lori kedas mai Hospital Nasional Guido Valadares (HNGV) atu hetan tratamentu intentivu.

Maibé esforsu ne’ebé doutor sira halo durante kalan ida iha HNGV, la hetan rezultadu pozitivu, tanba Maromak nia hakarak bo’ot liu povu Timor.

Iha fatin hanesan Vise Ministra Saúde, Maria do Céo reforsa katak, doutor espesialista sira iha HNGV la konsege salva La Sama nia vida, tanba moras sofre korasaun inklui pendarahan otak (Hemoragia Intracerepral).

Nia hatutan, moras tensaun ne’e, perigu tebes bainhira akontese ba ema nia vida, tanba bainhira aviaun lori La Sama mai to’o Dili, kondisaun tama iha faze kritiku no Governu buka solusaun hodi kontaktu aviaun atu tula ba Singapura, maibé lakonsege.

Nia informa katak, La Sama evakua mai Dili iha tuku 14:00 no Ministeriu Saúde simu nia iha Aeroportu internasional Nicolau Lobato hodi lori kedas ba HNGV.

“Ho esforsu maximu ekipa Ministeriu Saúde nian ho ekipa ida husi Nasional University Hospital Singapura mós to’o mai hodi fó apoiu, maibé la konsege atu salva nia vida,”dehan nia.

Tuir ajenda ne’ebé fo sai fo husi Vise Ministru Solidariedade Sosial, Miguel Manetelu katak, prosesu funebre ba mate isin saudozu Fernando La Sama de Araújo, primeiru mate isin La Sama sai husi nia hela fatin Ailok laran, mai iha Sede RENETIL Farol, depois sai husi sede RENETIL sei ba iha Sede Partido Democrático (PD) iha Colmera, nune’e sai fali husi sede PD mate isin sei ba latan iha edifisiu Ministeriu Edukasaun Matadouru, nune’e sai fali husi Matadouru sei ba iha Parlamentu Nasional hanesan fatin ikus ona tanba matebian hanesan eis Prezidente Parlamentu Nasional segundu lejislativu, hafoin ida ne’e mak lori mate isin ba halót iha Jardim dos Herois Metinaro, Dili.eby/cos

Jornal Nacional