Karta Divorsiu, Horta Husu Xanana Hatudu Toleransia

DILI - Partidu CNRT hasai karta Divorsiu ho Partidu Demokratiku (PD) husi Bloku Koligasaun iha Sestu Governu Konstitusional, Eis Prezidente Republika Jose Ramos Horta husu Prezidente Partidu CNRT Xanana Gusmao presiza hatudu toleransia.

Tuir Horta katak Karta Divorsiu husi Partidu CNRT ba Partidu PD nee normal iha nasaun demokratiku, tamba CNRT iha rajaun kuandu iha koligasaun tenki hatudu koligasaun duni maibe  ida-idak hatudu nia hanoin nee laos koligasaun.

Ita mos tenki hatudu toleransia liu-liu CNRT, Maun Xanana tenki hatudu ba deputadu PD sira hodi hatoo sira nia kritika, maibe too iha votasaun tenki vota hotu nee mak importante no PD mos kontribui ba orsamentu,” dehan Horta ba Jornalista, Sesta (18/03/2016) iha Salaun Sekretariu Estadu Joventude no Disportu, Lecidere.

Nia hatete PD kontribui ba orsamentu no Paz maibe CNRT hanoin PD la sen porsentu kolabora nee mos laos problema boot ba PD, tamba PD revolve problema internu nian liu husi kongresu hodi hili prezidente foun no prepara Aan ba elisaun  2017 nee diak liu ba PD.

Iha fatin ketak Sekretariu Jeral Partidu Frente Mudansa Jorge Teme hatete Sestu Governu Konstitusional neebe harii iha loron 13 Fevereiru 2015, kuandu forma Sestu Governu Konstitusional laiha akortdu, tamba nee hasai PD laos ho surat nee sala boot.

Nunee mos Xefi Bankada CNRT Natalino dos Santos hatete formasaun Sestu Governu Konstitusional CNRT, PD no Frente Mudansa, nunee konvida ema matenek nain sira husi FRETILIN hola parte iha governasaun nee. Informasaun kompletu iha STL jornal no STL Web, edisaun Sabado (19/3/2016). Timotio Gusmao/Natalino Belo

Suara Timor Lorosae

Rezeita Simu Karta Divorsiu Husi CNRT, PM Rui: “Seidauk Iha Membru Governu Ida Mak Sai”

DILI – Primeiru Ministru (PM), Rui Maria de Araujo, rezeita simu karta devorsiu husi CNRT ba PD no too oras nee mos seidauk iha membru governu husi Partidu Demokratiku (PD) mak sai ou husik hela kargu iha sestu governu konstitusional, relasiona ho deklarasaun CNRT neebe mak lakohi ona hamutuk ho PD iha bloku koligasaun.

Deklarasaun nee fo sai husi PM Rui ba Jornalista sira iha nia servisu fatin, Palacio do Governu Sesta (18/03/2016).

Too agora sestu governu konstitusional mantein nafatin nia funsaun no servisu hanesan babain no laiha karta ida (husi CNRT_red) mai hau horseik (kinta_red) se ita bot sira iha kopia ida fo hau lai no dala ida tan too agora hau seidauk simu karta ida no hau hanoin kestaun politika nee kestaun entre CNRT ho PD tanba nee hanesan Xefi Governu hau la tama iha neeba,” dehan PM Rui.

Xefi Governu nee hatutan nudar Xefi Governu iha responsabilidade atu hare funsionamentu governu, tanba nee sekarik iha membru governu ruma neebe mai husi partidu ruma husi rejignasaun ou partidu rasik mak husu atu sai maka nia rasik mak sei kolia ho membru governu nee omos partidu nee rasik.

Iha fatin ketak tuir membru Konsellu Diresaun Nasional Jurifikasaun Partidu CNRT Atual Vise, Aderito Hugo, hatete atu garante estabilidade governativa sestu governu konstitusional too remata tinan 2017, CNRT la sura ona ho PD ninia apoiu iha Parlamentu no Governu. Informasaun kompletu iha STL jornal no STL Web, edisaun Sabado (19/3/2016). Thomas Sanches

Suara Timor Lorosae

Governu Apoiu Osan Rihun 800 Ba NGO 43

DILI – Sestu Governu Konstitusional neebe mak lidera husi Primeiru Ministru (PM), Rui Maria de Araujo, fo apoiu osan ho montante hamutuk rihun 800 ba Sosiadade Sivil, hamutuk 43 neebe mak priense kriteria.

Liu husi deskursu neebe mak halao iha Palacio do Governu wainhira remata asina akordu apoiu ho Sosiadade Sivil, PM Rui husu ba sosiadade sivil sira atu hatudu rejultadu servisu, liu husi apoiu neebe mak governu fo nomos kontinua kritika nafatin governu wainhira governu lao laos maske hetan apoiu husi governu.

Apoiu neebe mak governu fo uja ho responsabilidade no importante mak hatudu ninia rejultadu servisu liu husi apoiu neebe mak governu foo ona, no liu husi apoiu neebe mak governu fo nee la signifika katak atu ita boot sira tuir deit governu nia hakarak nee lae tanba nee husu ita bot sira atu kritika nafatin governu kuandu iha buat balu mak governu halo lalos importante mak kritika tuir nia dalan,” dehan PM Rui.

Nia hatutan governu sei la tau marka mean ba Sosiadade Sivil neebe mak halo kritika hasoru governu, maibe importante mak kritika malu atu hadia nasaun nomos povu nia moris tanba nee liu husi apoiu nee atu hametin koperasaun entre governu nomos sosiadade sivil.

Iha fatin hanesan Diretor Timor Aid, Florentino Sarmento, hatete apoiu neebe maka fo husi governu nee sosiadade sivil uza, atu apoiu servisu governu nian hodi hadia povu nia moris nomos dezenvolve rai ida nee. Informasaun kompletu iha STL jornal no STL Web, edisaun Sabado (19/3/2016). Thomas Sanches

Suara Timor Lorosae

MS Hatama Relatoriu Foun, TDD Adia AF Kazu Mediku Halo VS Ba Pasiente

DILI - Relasiona ho relatoriu husi Minisetriu Saude (MS) hamutuk pajina 45 ba Ministeriu Publiku no Defensor Publiku, nunee Tribunal Distrital Dili (TDD) adia hikas alegasaun final ba kazu violasaun seksual agravadu neebe komete arguidu ho inisial FFM hasoru pasienti VMS.

Liu husi audensia julgamentu tribunal adia hikas fali alegasaun final ba kazu refere, tanba Ministeriu da Saude haruka fali relatoriu ida ba iha Ministeriu Publiku no parte Defesa nian. Ho nee alegasaun nee adia fali ba iha loron (14/04), oras tuku 03:00 loraik.

Ami husi parte Defesa no Minsiteriu Publiku foin simu relatariu husi parte Ministeriu Saude nian horseik loron (15/03), no relatoriu iha pagina hamutuk 45. Ho ida nee maka ami husu adia fali alegasaun nee iha fulan oin mai,” hatete Defensor Publiku Cançio Xavier ba jornalista sira, hafoin tribunal halo adiamentu iha loron (16/03) iha TDD.

Tuir akuzasaun husi Ministeriu Publiku katak, iha loron 23 Marsu 2015 lezada VMS nudar pasiente neebe hetan moras ran mutin ba halo konsulta iha hospital Gleno, too iha hospital laran pasiente VMS hasoru arguidu, tanba nia mak hanesan mediku iha ospital refere.

Audensia nee prezide husi juis kolektivu, Juiza Jacinta Correia, Zumiaty Freitas, Antonio do Carmo Helder, Ministeriu publiku reprezenta prokurador Gustavo da Silva no arguidu hetan asistensia legal husi defensor publiku Cançio Xavier. Informasaun kompletu iha STL jornal no STL Web, edisaun Sabado (19/3/2016). Domingas Gomes

Suara Timor Lorosae

Giné Ekuatoriál elimina “pena de morte”, "falta e’it" dekretu prezidensiál

Autoridade sira Giné Ekuatoriál nian fó sai ohin katak elimina ona “pena de morte” no falta "de’it dekretu prezidensiál" hodi implementa desizaun ne’e, pontu giaun ida hodi tama ba Comunidade dos Países de Língua Portuguesa (CPLP).

Ministru Negósiu Estranjeiru no Kooperasaun Timor-Leste nian, Hernâni Coelho mak fó sai informasaun ne’e ba jornalista sira iha rohan hosi Konsellu Ministru sira extraordináriu CPLP nian, ne’ebé hala’o ohin iha Lisboa.

Kestiona kona-ba karik durante reuniaun xefe diplomasia sira-nian, diskute kona-ba Giné Ekuatoriál nia evolusaun iha kumprimentu giaun ne’ebé define ona hodi bele tama ba organizasaun ne’e, ne’ebé akontese iha 2014, governante timoroan ne’e afirma katak ministru Relasaun Exteriór Giné Ekuatoriál nian, Agapito Mba Mokuy, aprezenta relatóriu ida kona-ba kestaun ne’e.

"Tuir relatóriu ne’e, elimina ona “pena de morte”, no agora ne’e hein de’it dekretu prezidensiál hodi implementa evolusaun pozitiva ne’e ne’ebé verifika iha Giné Ekuatoriál", tenik Hernâni Coelho, ne’ebé ezerse prezidénsia Konsellu Ministru sira-nian.

Ministru ne’e hatutan katak relatóriu Governu Giné Ekuatoriál temi mós "progresu iha área direitu umanu, iha demokrasia no iha justisa, ne’ebé evolui iha momentu ne’e, tuir trajetória bazeia ba prinsípiu ne’ebé iha programa atu adere ba CPLP".

Kestiona mós karik CPLP sei hala’o misaun ida atu observa eleisaun prezidensiál iha Giné Ekuatoriál, konvoka hosi Prezidente, Teodoro Obiang Nguema, ba loron 24 abril, Hernâni Coelho afirma katak ministru equato-guineense konvida organizasaun atu realiza misaun ida hodi observa atu eleitorál.

Teodoro Obiang, iha podér horikedas 1979, Partidu Demokrátiku Giné Ekuatoriál nian (PDGE, iha podér) hili nafatin nia hanesan kandidatu ba eleisaun prezidensiál hirak ne’e, revalida hikas nia mandatu tinan hitu iha konsekutiva ba dala tolu ho "maioria esmagadora" iha eleisaun prezidensiál ne’ebé selebra iha novembru 2009, iha ne’ebé nia hetan votu 96,7 %.

Giné Ekuatoriál, nasaun úniku ne’ebé ko’alia lian españól iha kontinente afrikanu, tama iha CPLP horikedas fulan-jullu 2014. Giaun adezaun nian ne’ebé CPLP iha define moratória ida kona-ba “pena de morte” no promosaun uzu lia-portugés, define hanesan lian ofisiál datolu, hanesan españól ho fransés.

Regime ne’e hetan akuzasaun hosi organizasaun sosiedade sivíl oioin katak nafatin viola direitu umanu no persegisaun ba polítiku opozisaun nian.

SAPO TL ho Lusa

Portugál lakohi esplika kona-ba trasferensia iha CPLP

Ministru Negósiu Estranjeiru portugés ohin lakohi halo komentáriu tanbsá mak Portugál sei la asume sekretariadu-ezekutivu Comunidade dos Países de Língua Portuguesa (CPLP) nian iha fulan-jullu.

Kestiona hosi jornalista sira hafoin konferénsia imprensa finál reuniaun extraordinária Konsellu Ministru sira CPLP nian, ne’ebé hala’o iha sede organizasaun nian iha Lisboa, Augusto Santos Silva hatán "obrigadu barak" tuituir malu ba pergunta tuituir malu iha sentidu ne’e.

Mandatu sekretáriu-ezekutivu CPLP nian tuir mai sei to’o tinn haat no primeira metade ba Saun Tomé no Prínsipe no segunda metade Portugál mak asume, xefe diplomasia sira organizasaun nian mak deside ohin.

Estatutu sira organizasaun nian prevee atu Estadu-membru sira mak hili sekretáriu-ezekutivu, ho forma rotativa, tuir orden alfabétika. Mandatu ba tinan rua, renovável ba períodu ne’ebé hanesan.

Portugál konsidera katak, tuir estatutu sira, agora natoon ba nia atu hili naran ida ba sekretariadu-ezekutivu, maibé nasaun balun, hanesan Angola, Kabuverde no Saun Tomé no Prínsipe hatete katak iha akordu verbál ida ne’ebé determina Lisboa la bele kandidata an ba kargu ne’e tanba sede organizasaun nian hamriik iha ne’ebá.

"Desizaun sira CPLP nian foti ho konsensu, ne’e CPLP nian ida seluk, tanba ami na’in rua prevee ona, fásil tebes hetan konsensu. Obrigadu barak", afirma Santos Silva, ne’ebé agradee tuituir malu ba prezensa jornalista sira-nian hodi marka finál deklarasaun sira ba imprensa.

"Portugál partisipa iha CPLP hanesan nia direitu no hanesan nia responsabilidade. Obrigadu", insiste xefe diplomasia portugeza, ne’ebé la adianta tan kona-ba tema ne’e.

Natoon ba nia omólogu angolanu, Georges Chikoti, ne’ebé akompaña nia, adianta justifikasaun kona-ba desizaun ohin nian ne’ebé foti iha reuniaun, no nega katak iha transmisaun hosi Portugál de’it, tanba iha "maibé hosi parte rua" - "transmisaun hosi parte rua".

"Ami presiza hanesan ne’e, tanba iha interpretasaun diferente hosi parte rua. 

Balun hanoin katak  eventualmente sei tuir orden alfabétika, hasai tiha Portugál tanba hanesan nasaun sede. Nune’e mós, sira seluk hanoin katak tuir orden alfabétika direta", tenik Chikoti, no rekoñese katak regra sira la klaru.

"Agora sim (regras sira klaru). Ami konkorda atu sira na’in rua fahe períodu ne’e no depois ami sei hadi’a regra sira atu, tuir mai, bele rezolve ida ne’e iha futuru. Ne’e la’ós problema fundamentál, maibé buat ki’ik ne’ebé ministru sira bele rezolve. Agora asuntu ne’e rezolve ona", nia hatutan.

SAPO TL ho Lusa

CPLP hakarak ativa liu tan iha promosaun demokrasia no direitus umanus iha Estadu-membru sira

Komunidade Nasaun Lian Portugés (CPLP) hakarak " partisipasaun ativa liu tan" iha dezenvolvimentu Estadu-membru sira, promove demokrasia no direitus umanus, desidi iha ohin xefe diplomasia sira organizasaun nian. 

Xefe diplomasia hosi nasaun sia komunidade nian reuni ohin  iha Konsellu Ministru, iha sede CPLP, iha Lizboa, no aprova ona relatóriu kona ba Vizaun Estratéjiku foun organizasaun nian, ne’ebé trasa liña atuasaun ba iha dékada oin mai.

 

"[Konsellu Ministru] reforsa importánsia hosi Vizaun Estratéjika Foun CPLP nian kona-ba  afirmasaun organizasaun iha arena internasionál, ne’ebé hatuur ona iha komunidade hanesan pozisaun komun ida ne’ebé  favorese alargamentu ba nia  atividade sira, valorizasaun iha nia potensialidade  no partisipasau ida,  efetivu liu, CPLP nian iha prosesu desznvolvimentu Estadu-membru sira, promove no defende prinsípiu no valór universál demokrasia no direitus umanus iha  espasu CPLP ", tuir komunikadu finál. 

Ministru sujere ba sekretáriu-ezekutivu, mosambikanu Murade Murargy, "atu introduz, observasaun ba disponibilidade orsamentál, halo aperfeisoamentu orden administrativu no prosedimentu ne’ebé maka nesesáriu ba  ezekusaun tarefa kompeténsia sekretariadu bazeia ba kuadru Vizaun Estratéjika Foun ". 

Xefe diplomasia  sira elojia koordenasaun hosi prezidénsia exersísiu Timor-Leste nian, "no liuliu embaixadór Roque Rodrigues", koordenadór grupu traballu ne’ebé prepara  proposta ne’e, "tamba  traballu ne’ebé  dezenvolve, sai hanesan forma ida  ambisiona CPLP nian iha dékada oin mai". 

XIV reuniaun estraordináriu Konsellu Ministru ne’e hahú iha 11:00, oras ida hafoin oráriu previstu ba inisiu traballu ne’e. Molok, xefe diplomasia sira hasoru malu iha reuniaun kiik ida, no tuir kedas, hasai fotografia  hamutuk hanesan família ida, akompañadu hosi sekretáriu-ezekutivu CPLP, Murade Murargy.

Traballu hetan interrompe oituan hafoin 13:00 almosu nian no, iha períodu dadersan nian, hala’o diskute ba  primeiru pontu orden traballu nian - proposta vizaun estratéjiku Foun CPLP nian, ba selebra tinan 20 nian. 

Hafoin  almosu, iha sede CPLP ne’e moos, governante sira hahú fila-fali reuniaun, hafoin liu tiha  iha 15:00, sira  reune fila fali iha sesaun kiik ida iha 17:00.

Iha reuniaun ne’e partisipa xefe diplomasia sira hanesan Angola, Georges Chikoti, hosi Brazil, Mauro Vieira, Kabuverde, Jorge Tolentino Araújo, Giné-Bisau, Artur Silva, da Giné Ekuatorial, Agapito Mba Mokuy, hosi Portugal, Augusto Santos Silva, no  São Tomé e Príncipe, Manuel Salvador dos Ramos no Timor-Leste, Hernâni Coelho, no moos vise-ministru Negósiu Estranjeiru no Kooperasaun Mosambiké, Nyeleti Mondlane. 

SAPO TL ho Lusa

PN APOIA OPERASAUN F-FDTL HO PNTL

Parlamentu Nasional (PN) fo apoiu tomak ba operasaun konjunta ne’ebe forma husi Falintil-Forsa Defeza Timor-Leste (F-FDTL) no Polisia Nasional Timor-Leste (PNTL) atu kontrola grupu bandalismu sira ne’ebe maka perturba ordem publiku iha sidade Dili.

“Ami PN apoiu tomak ba desizaun komando forsa rua ne’e nian hodi nune’e asegura seguransa iha ita nia rain, li-liu kapital Dili rasik ne’ebe mak kalan-kalan jovens sira sempre kria konflitu,” hateten Xefi Bankada Partidu Demokratiku (PD), deputada Lourde Maria Bessa ba Jornalista sira iha uma fukun PN, Kuarta (16/03/2016).

Konflito mosu iha tempu kalan, tanba iha tendensia maka’as husi politik ne’ebe mak iha, deputada bankada PD ne’e dehan, la bele tau sasan ketak-ketak, tanba moris iha Estado ida ne’ebe Estado iha komponente lubuk ida, kuandu ida funsiona ladiak buat hotu iha inpaktu konsikuensia ba ida ne’e.

Iha fatin hanesan, deputado bankada CNRT, Arão Noe de Josesu realsa tan katak, ikus-ikus ne’e iha tinan 2016, komesa mosu konflitus entre grupu balun.

“Los duni tama iha tinan 2016 akontese konflitos entre grupu joventude sira, maske iha tinan kotuk hasai ona rezulusaun ida taka grupu ne’e, mais aktividade la’o subar-subar hela, tanba ne’e maka Governu tenke foti desizaun ona para fo orientasaun ba forsa rua ne’e, halo operasaun konjunta ida hodi kontrola, tanba sira komesa fali ona estraga ema nia sasan no perturba komunidade sira nia liberdade,” dehan Arão.

Membru PN ne’e konkorda tebes fo pozisaun forsa nain rua ne’e nian, ne’ebe hein katak Governu tenek foti rezulusaun ida para fo autorizasaun ba forsa sira la’o patrolha kalan no bele mos halo operasaun kalan para bele kontrola aktividades grupu sira ne’e no halo kapturasaun ba autor sira para lori ba Tribunal.

“Hare ba interese no estabilidade nasional, PN prontu atu bele hasai tan rezolusaun ida hodi fo kompetensia tomak ba F-FDTL no PNTL hodi halo operasaun ba aktividade grupus sira ne’ebe mak tenta estraga estabilidade nasaun nian iha tempu kalan,” dehan Arão Noe.

Tuir Arão la’os ho tendendensia politika ne’ebe mak agora dadauk akontese mak koko atu kria instabilidade.

“Tendensia politika hau hanoin normal, seidauk iha tendensia politika ida hodi hamosu distruibus, ita sei la’o hela koridor konstituisaun no iha lei sira nia laran, tan ne’e mak ba hau konflito politiku ne’e laiha buat ida, mais dala ruma ema iha kotuk interpretasaun buat ne’e oin seluk, uja buat ne’e hodi prejudika ba estabildade iha ita nia rain,” dehan reprezentante ne’e.

Entretantu, oras ne’e dadauk F-FDTL no PNTL forma ona ekipa konjunta ida hodi kontrola konflito ne’ebe mak akontese dadauk iha kapital Dili. mia

Jornal Nacional

ITA NIA SEGURANSA IHA ITA NIA LIMAN RASIK..!!!

Jornal Nacional, editorial

Loron hirak ikus nee mosu grupo no ema individu deskonhesidu iha tempo kalan tiru rama ambon, tuda malu entre joven ho joven nebe diskonfia grupo arte marsiais komesa mosu fila fali hafoin governu hasai resolusaun taka organizasaun Arte marsiais sira nee iha tinan 2011.

Maske governu hasai resolusaun taka arte marsiais maibe ezekusaun la efetivu tamba membru polisia no F-FDTL mos involve iha aktividade artemarsiais, tan nee, PM Xanana Gusmão iha tempo neba bolu membru polisia no F-FDTL nebe involve GAM hodi halo juramentu ba bandeira no rai lulik.

Hakarak ka lakohi, dejure GAM la esiste ona maibe defaktu GAM balu kontinua halo treinamentu sub-subar, PSHT, Kera Sakti no Korka, 77, grupo arte marsiais sira nee balu ba tuir promusaun (pengeshaan) iha Kupang, Indonesia.

Agora duvida mak nee, problema tuda malu entre joven, tiru malu rama ambon no grupo arte marsiais komesa provoka situasaun la hakmatek iha bariro balu iha komunidade nia leet tamba sa?

Karik grupo sira nee hakarak aproveita situasaun politika dadaun nee entre Presidente Republika ho parlamento no Governu konaba ezonerasaun no deklarasaun PR nian iha Parlamentu nasional foin lalais nee? ou problema entre Partido politiku iha Bloku koligasaun nee mak afeita ba problema sira nee mosu? Lahatene los.

Dejure, grupo arte marsiais nee la esiste ona, taka ona iha tinan hat liu ba, Dezembru 2011 ne’ebe problema sira nebe mosu iha bairo sira nee labele tau todan ka dun buat nebe laiha ona. Problema sira nebe akontese nee puro problema entre joven ho joven, laiha involvimentu grupo artemarsiais.

Problema mosu iha bairo sira nee kompetensia polisia no F-FDTL atu kontrola tamba iha deskonfia iha grupo balu hakarak aproveita situasaun politika rai laran nebe la estabil nee atu kria konflitus.

Atu responde ba aktu kriminais nebe mosu iha bairo balu iha Dili laran mos mosu informasaun balu katak Grupo Arte Marisiais sira nee komese konsolida an fali ona hodi ataka malu tan nee komandante geral polisia, ho xefi estadi maori jeneral, ho xefi estado maior forsa armada komprometa operasaun hodi atua situasaun sira nee.

“Hau husu ba dirijentes organizasaun Setia Hati, Korka, 77, Kera Sakti tenki kontrola no impoin disiplina ba imi nia membru no organizasaun, wanhira arte marsiais mak mosu fila fali PNTL ho F-FDTL sei to’o imi nia uma atu mai hamutuk ho F-FDTL ho PNTL hodi responsabiliza,” Xefi Estadu Maior F-FDTL Major Jeneral Lere Anan Timur.

Los duni, instituisaun siguransa a no defesa tenki halo duni atuasaun hodi mantein paz no estabilidade iha rai laran atu nunee manan konfinasa investor sira mai halo investementu iha rai laran.

Atuasaun polisia no forsa sira nian nee mos tenki ho maneira ida nebe tuir lei no orden tamba forsa polisia no militar mos iha membru balu mete arte marsiais hodi labele halo atuasaun ruma ho viganza ka odiu.

Esperansa publiku nian mak problema sira nee mosu puramente problema joven sira nian, laiha intrese politiku ruma mak haksumik iha problema sira nee ninia kotuk no mos operasaun polisia no forsa nee mos atu responde ba problema sira nebe mosu nee no laos atu lejimita aktu seluk nebe publiku la espera.

Seguransa lolos nee la mai husi polisia no forsa, seguransa ema ida idak nian iha ema ida idak ninia liman rasik, polisia no forsa fasilita deit, oinsa atu bele atua aktu krime no mos prevensaun, atu moris seguru diak liu asegura ita nia an rasik ho meneira respeita ema seluk ninia direitu ba seguransa nian .*

NEGOSIA FRONTEIRA MARÍTIMA, XANANA: “TL TENKE TUBA RAI METIN EJIJI BA AUSTRALIA”

Xefi delegasaun ba Negosiasaun Demarkasaun Fronteira Marítimas, Kay Rala Xanana Gusmão, husu povu Timor Leste (TL) hahú oin ba oin tenke tuba rai metin hodi ejiji ba Australia atu aseita negosiasaun fronteira marítima ne’ebe sei disputa hela.

“Uluk iha ailaran, iha vila laran , iha Indonesia rasik mos ita temi ona ba politika foer ne’ebe Australia no rai balun seluk hala’o ba ita,   ohin tan inves de lakon tempu ita hakilar malu hanesan ita hotu hakarak bit ukun, imi hamutuk ho Veteranu sira hotu ho povu tomak tenki tuba rai metin hakilar maka’as hodi ijiji ba Australia katak, tuir direitu Internasional Canbera tenki aseita koalia ho Timor Leste atu hala’o delimitasaun fronteiras marítimas,”esplika Xanana Gusmão, wainhira abertura konfrensia Internasional soberania maritima de Timor Leste, Kuarta (16/03), iha salaun Delta Nova.

Atual Ministru Planemanetu Invesementu Estratejiku nee mos husu povu Timor Leste, povu maubere keta tauk, tenki hametin hanoin no hakarak no lalika lakom tempu ba buat kiikoan sira ohin loron nebe akontese hodi fahe hanoin no esforsu hodi desvia tiha buat bo’ot.

“Ita so hetan ukun a’an kompletu bainhira ita nia fronteiras marítimas marka ona tuir direitu internasional, ” dehan Xanana Gusmão no akompanha basa liman hosi partisipantes.

Antigu lider resistensia nee mos husu Timor oan sira labele tuir ajentis Internasional balun ne’ebe maka defende ba intrese Cambera, Australia ninian.

“Bainhira ita hamrik hamutuk maka   bele haree Timor oan sira ne’ebe, no tutuir fali, rona deit fali ajenti estranjeiru   ne’ebe maka sikat iha ita nia le’et atu defende Cambera nia interese, Timor oan balun matan naklosu ba ema nia osan, joven balun naklosu ba tua ne’ebe ema fo ba sira hodi lohi sira, hodi sosa sira nia konsiensia nudar sidadaun Timor hodi haluha terus ne’ebe sira nia inan aman rasik ka sira nia avon sira simu atu ohin loron ita bele ukun a’an, matenek balun sei liu hosi sira nia tilun no fan tiha sira nia kakutak hodi rona ajentis Cambera nian ne’ebe maka la’o hela iha ita nia le’et, ajentis balun Timor oan ne’ebe tu’ur ona ho kna’ar oi-oin iha fatin ne’ebe maka bo’ot no a’as iha   ita nia rai laran, uluk atu mate mos ita la fan ita nia rai, ohin osan bele sosa kakutak hosi ita nia kamada intelektual balun. Susar oitaun nasaun ne’e atu la’o ba oin, bainhira ita husik hela buat sira hanesan ne’e la’o hela deit,”tenik Xanana Gusmão.

Xanana Gusmão relembra, foin dadauk Prezidente Republika Indonesia Joko Widodo hala’o vizita ona mai Timor Leste ho Primeiru Ministru Timor Leste, Rui Maria de Araújo hasai kompromisu atu Timor Leste ho Indonesia hahú koalia kona-ba fronteiras maritimas ho rai.

“Foin lalais ne’e mos Governador Australia Peter Cosgrove mai halo vizita hodi dehan iha konferensia Veteranus nian hodi dehan, ha’u hamutuk ho imi , nia hamutuk ho ita. Tan ne’e Timor oan hotu tenki hatudu nia sentidu patriotiku ne’ebe a’as hodi hamutuk ho Governu ejiji ba Australia atu hahú prosesu delimitasaun fronteiras marítimas ba   ita bo’ot sira hotu ha’u husu ha’u dezeja ba konferensia ida ne’e,”dehan Xanana.

Tenke foti sa’e valores rejistensia

Ba sosiesdade timor oan, Xanana Gusmão apela atu tane a’as valores rejistensia nian, tamba sosiedade komesa hases an husi valores rejistensia nian.

“Ita presiza foti sa’e fila fali valores rejistensia nian, valores ne’ebe maka uluk husu atu kaer metin ba, nudar valores kombatentes de patria nian,” ”afirma MPIE Kay Rala Xanana Gusmão, iha Delta Nova wainhira abertura konfrensia Internasional soberania Timor Leste nian.

“Ha’u temi hanesan ne’e, imi deskelidu ba misaun ida ne’e, nune’e duni hahu’u agora imi tenki asumi valores hot-hotu ne’ebe gia grileirus iha ailaran ba defesa independensia nian,”haktuir ”afirma Xanana Gusmão.

Grileiru ida prontu para halao funu no prontu mate, grileiru ida haluha nia a’an rasik, haluha nia futuru la mehi, la ijiji, grileiru ida prontu simu hamlaha moras kolen.

“Ohin loron ita ho kareta ho buat hot-hotu ita kolen demais, ita lakon tiha valores rejistensia ninian, ha’u ba sira grileiru ida preparadu atu lao iha tempu udan laran, porque ne’e ordem ida, ne’e hatudu katak grileiru ida hadomi nia maluk sira laos deit lista valores, ne’e maka ha’u husu ba imi labele konsidera a’an bo’ot liu seluk,”tenik Xanana Gusmão.

Tuir Xanana, ohin ema balun eskola S1 no S2 hodi labele besik sira, ida ne’e labele akontese.

“Ha’u husu ba brigade Negra atu hakiak iha laran sira nia fuan valores sira ne’e, ha’u husu nune’e, imi tenki haraik a’an ba, imi nia koalia labele hakanek ema, keta halo ema tristi keta halo ema sinti la komportavel, hau husu tinan rua nulu liu ba,”haklaken Xanana Gusmão.

Eis Presidente Republika nee mos dehan tuir ninia haree, ohin loron ne’e esperitu sakrefisiu nian la iha ona no esperitu didikasaun mos lakon tiha ona nune’e mos funsionario mos lakon tiha ona didikasaun ,ohin loron ema buka diak deit reklama deit maka dereitu hodi fila tiha kotuk deveres, hotu-hotu ijiji maka dereitu deit. Hatene koalia deit maka ba dereitu.

Ohin loron iha ita sosiedade lakohi ona hanoin ba konsuntu problemas ne’ebe ita nia rai doben ne’ebe ita nia rai sei frajil infrenta hela, ha’u dehan nune’e so hanoin luan no klean maka ita hotu bele hetan resposta no dejafius iha ne’ebe ita nia rain no povu moris lor-loron nian, atu ida ne’e bele akontese,”tenik Xanana Gusmão.

Nune’e mos Xanana husu ba katuas sira atu transmiti ba joven sel-seluk tenki tu’ur diskuti no estuda solusoins, buka obsoins hodi hakbi’it intelektaul hodi hakbi’it ba futuru.

“Ohin ita haree ita buka hakialr malu deit, buka hatun malu deit,   ita ida-idak mos la haree rasik ba ita nia kbi’it la hatene haree ba saida maka ita bele partisipa atu fo saida lolos hosi ita ida-idak hodi loko a’an ona   o koalia nar-naran deit, sosiedade ohin moris hanesna ne’e,”dehan Xanana Gusmão.

Xanana Gusmão realsa katak, demokrasia laos naran koalia arbiru, laos atu kritika deit, demokrasia instrumentu, ida buka no hetan hosi debate klean no naruk solusoins ba problemas sosiedade nian ba povu nian no nasaun nian.

“Demokrasia laos objetivu ida, laos fin ida, maibe demokrasia meu ida, no sosiedade no bele tenki senti utulija duni atu haree ba problemas ne’ebe maka luan liu no importante ba ita nia rai no ita Estadu no ba ita nia nasaun,”hatete Xanana Gusmão.avi

Jornal Nacional

XANANA KEE RAI, FP PREOKUPA HALO POLÍTIKA

Primeiru Ministru (PM) Rui Maria de Araújo informa katak, agora dada’uk besik tama ona iha eleisaun, eis Primeiru Ministru, Kay Rala Xanana Gusmão mak preokupa ho povu nia moris, hodi tuun ba povu nia leet kee rai atu satan bee labele tama ba povu nia uma, maibé Funsionáriu Públiku balun abandona sira nian servisu hodi la’o tama sai iha área rurál atu fahe solar sel ba povu, tanba eleisaun besik ona.

Rui Maria de Araújo konta istória kona-ba nia familia sira iha Ainaro katak, iha ne’ebá povu sei halerik hela kona-ba eletrisidade, bee moos no saúde.

Rui Araújo dehan, nia tian ida mai husi Ainaro hodi vizita nia iha Dili, to’o iha PM Rui nia uma, Xefi Governu ne’e husu ba nia tian ne’e dehan, di’ak ka la’e tian.

“Ehh oan, di’ak nusa fali, aat liu,” konta tuir PM Rui Araújo iha nia intervensaun hodi loke Semináriu Komisaun Funsaun Públika ne’ebé hala’o iha Centro Convenções Dili (CCD), Kuarta (16/03).

Rui Araújo dehan, nia tian ne’ebé foin mai husi Ainaro ne’e ko’alia tan ba nia katak, Timor Leste (TL) ukun-an tinan barak tiha ona, maibé povu halerik nafatin ba bee moos no estrada.

“Be o haree tok ba, ita merdeka ona, o mós Frimeiru Ministru ka infermeiru ministru nian ka, ita mak estrada kotu hela de’it, uma iha Mantasi ahi banei (laiha), fós MCIA banei, bee hemu ba kuru mota laran, buat ida naran sahudi na familia ka Sisca, ka Fransisca ne’e mós ita la haree nia oin,” konta tuir PM Rui.

Maibé PM Rui responde ba nia tian ne’e dehan, tenke pasiensia oituan tian, Governu presiza tempu atu bele halo loos buat hirak ne’e, tanba Estadu foin mak hari’i buat hotu.

Maibé PM Rui dehan, nia tian ne’e hateten fali ba nia katak, oinsa mak atu halo los buat sira ne’e, kuandu ema barak mak preokupa ho polítika, li-liu funsionáriu públiku sira.

“Oan halo los halo nusa oan, o mak bilan hela ne’e mas, ema balun buka halo polítika hela de’it, funsionáriu sira la servisu, halo polítika hotu, ita haree iha televizaun maka, sira halo hela konsolidasaun ka kaisaun, kuitadu ita haree fali seluk, ita nia avo Nana mak tu’un fali ke rai hodi satan bee labele tama ema nia uma, funsionáriu sira ba halo polítika,” PM Rui haktuir.

Rona tiha liafuan ne’e, PM Rui hakfodak hodi husu fali ba nia tian ne’e dehan, tian dehan iha Mantasi eletrisidade laiha, oinsa mak bele haree fali televizaun.

PM Rui dehan, nia tian ne’e koe ulun hamnasa de’it hodi dehan, “Eisa oan, ami mós halo polítika oan ida, be simu tiha solar sel oan ida sa, besik eleisaun ona ne’e,” konta tuir PM Rui.cos

Jornal Nacional

LABARIK IHA DIRETU ATU ESKOLA

Professora kontratadu husi Eskola Pre-Sekundaria Colégio Imaculada da Conçeicão Ermera, Eufrasia Amaral hatete, inan aman labele haruka oan atu ba halao serbisu todan, ou fila liman hodi buka osan , maibe inan aman tenki haruka oan sira ba eskola, tanba wainhira labarik ne’e sei ki’ik, nia iha direitu tomak ba eskola.

“Hau hare agora dadaun ne’e labarik balun inan aman tenki haruka halo serbisu todan, ou inan aman haruka fali labarik sira ba fila liman hodi buka osan, “hatete nia ba JN-Diario iha Caicoli, Segunda (14/3).

Nia hatete, tuir lolos inan ho aman maka tenki tau atensaun makas ba oan sira, no inan aman maka iha responsalbidade hodi buka osan atu sustenta oan sira ba eskola.

“Hau hare realidade labarik balun, eskola la to’o rohan, para tiha, dalaruma ita husu ba sira, sira dehan, razaun ami sai eskola, tanba ami nia inan aman laiha osan atu haruka ami ba eskola,”esplika Eufrasia Amaral.

Tuir Eufrasia Amaral katak, agora dadaun iha eskola publiku sira, la selu, maski selu, maibe uitoan, ne’ebe wainhira kuandu ian aman balun ekonomia la sufsiente atu oan sir aba eskola iha eskola privadi, bele haruka oan sira ba eskola iha eskolapubliku sira.

Iha fatin lahanesan Graziela da Costa hanesan Estudante Universidade da Paz (UNPAZ ) afirma, nia parte senti triste, wainhira hare labarik barak maka leba hela aileba, hodi buka moris iha kapital Dili laran.

“Hau senti triste, tanba wainhira ita kuandu ba tu’ur iha tasi ibun, ita hare labarik sira barak maka fa’an aifuan, manutolun, no sasan sira seluk tan, ida ne’e hatudu katak, labarik sira lakon ona sira nia futuru,”tenik nia. eni

Jornal Nacional

KFP SEI IHA FALLANSU BARAK

Prezidenti Komisaun Funsaun Públika (KFP), Faustino Cardoso informa katak, funsaun públika moris besik tinan 14 ona iha Estadu Timor Leste (TL), maibé sei iha faillansu barak ne’ebé mak presiza atu hadia di’ak liu tan.

“Progresu ne’ebé ita harii no senti mós, sei iha frakezas, faillansu, lakunas no errus ne’ebé mak ita hetan, no balun seida’uk harii i hadia, no balun seluk tan ne’ebé iha ona, sei presiza atu hadia di’ak liu tan,” dehan Faustino Cardoso iha nia intervensaun ba semináriu KFP nian ne’ebé hala’o iha CCD Dili, Kuarta (16/03).

Konaba semináriu ne’e rasik, Faustino Cardoso dehan katak, ho semináriu ne’e atu sukat funsaun públika nia lala’ok oras ne’e to’o iha ne’ebé ona, saida de’it mak alkansa ona, saida de’it mak iha ona no tenke mantein.

Tanba ne’e, Faustino dehan, KFP ho apoiu husi Gabinete Primeiru Ministru, i apoiu téknika parseira sira seluk, hala’o semináriu ida ne’e, ho objetivu atu halo reflesaun ba funsaun públika nia lala’ok.

“Nu’udar ita hotu hatene katak, Funsaun Públika Timor Leste moris wainhira Estadu RDTL harii. Funsaun públika hala’o ona nia kna’ar, hodi servi povu no Estadu RDTL besik tinan 14 ona,” katak Faustino.

Faustino Cardoso dehan, maske funsaun públika ho otas sei nurak, maibé funsiona liu ona dekada ida, hafoin ONU halo transferensia funsaun públiku ba primeiru Governu konstitusionál.

“Ho laran luak ita tenke rekoñese katak, iha dezenvolvimentu no progresu iha funsionamentu funsaun públika hodi fó atendementu no servisu iha setór hot-hotu, no alkansa objetivu lubuk ida ona,” relata Faustino.

Tanba ne’e, Faustino dehan, tenke harii, hadia no hamosu oportunidade saida de’it mak haree, tenke hamosu dada’un.

“Tanba ne’e, ita teke aproveita ba nia funsionamentu, no ita bele identifika, saida de’it mak sei sai nu’udar ameasas ba funsionamentu funsaun públika nian prosesu ba nia objetivu agora no ba aban bainrua,” tenik nia.

Faustino esklarese, tenke hadia, hametin no harii funsaun públika iha nia fatin, atu nune’e bele iha dezempeñu ida ne’ebé di’ak, kualidade, ho profesionalismu ne’ebé aas, no bele presta bens servisu públikus, ho kualidade no responsabilidade.cos

Jornal Nacional

LOKALIZA PROSTITUISAUN

Prostituta iha Dili laran sai mos preokupasaun sosial ne’ebe hetan atensaun tebes. Basa, fenomena ne’e bele lori perigu ba joven sira nia futuru no fasil tebes lori moras HIV/SIDA ne’ebe bele oho ema Timor oan.

Atu kontrola atividade prostitusaun ho diak no garante saude prostituta sira nian, maka entidades blun suzere atu lokaliza prostituisaun. Nune’e, Governu, liu-liu Ministeriu Saude (MS) bele fasil atu kontrola prostituta sira nia saude.

Membru Parlamentu Nasional (PN), Deputadu Leonel Marçal, suzere atu planu lokalizasaun prostituisaun ne’e tenke haree ho didiak no presiza rona entidades hotu-hotu nia opiniaun.

“Atu lokalisa fatin ba prostitusaun iha ita nia sidade Dili, hau hanoin tenki hare didiak, husi aspeitu ida ita dehan bele husi fali aspeitu seluk ita dehan la bele tamba ne’e ita tenki define didiak aspeitu nebe ita bele utiliza ou uja ba halo lokalizasaun,” argumenta Leonel Marçal.

Membru PN husi Bankada FRETILIN ne’e hateten, dala balun bele lokaliza prostituisaun iha Dili laran atu bele kontrola didiak ema nia saude no bele provene moras HIV/SIDA.

Iha PN, Kuarta (16/3/2016), Leonel Marçal mesniona atu ema hotu tuur hamutuk maka bele define no tetu didiak vantaze nho dezvantejen lokalizasaun ne’e.

“Ita lakoi lokaliza maibe buat ne’e buras nafatin, ne’e ita bele dehan nesesidade ida mak ne’e mos ita la hatene ou moris ida maka hanesan ne’e ita lahatene so que ita atu halakon ou prevene, ita atu hamenus buat ne’e hau hanoin ho deit ita nia intrese hanesan ema humanu ida para dehan la bele partisipa iha prostitusaun ne’e hau hanoin difisil,” hateten Leonale Marçal.

Deputadu ne’e hatutan liu tan importante mak persija orgaun hotu hotu tetu hamutuk buat rua ne’e, lokaliza mak diak ou la lokaliza mak diak.

Iha fatin hanesan Deputada Lurdes Besa hatete kona ba lokalizasaun fatin ba prostitusaun konkorda I lakonkorda tamba asuntu ne’e asuntu nebe sensibel oituan liu liu wainhira koalia ho sosiadae nia kontestu.

“Hau hanoin katak tenki deskute klean, tenki analiza didiak I koalia ho parte hotu hotu komponente sosiadade nian, ital abele haluha ita nia sosiadade maioria tomak Katolik, buat sira ne’e hotu implikasaun ba asuntu ida ne’e, nebe laos dehan konkorda ou lakonkorda maibe asuntu sensibel tenki koalia didiak, analiza didiak hodi buka dalan nebe diak atu rezolve,” dehan Deputada Lordes Besa iha PN.

Deputadu Arão Noe de Jesusu membru Bankada CNRT hateten, hare husi relijiaun Katolika normalmente la gosta para atu hari sentru prostitusaun mais hare ba realidade kona ba relatoriu husi seksaun HIV/SIDA promulga katak numeru ne’e maka’as ne’e hatudu mesmu la iha fatin maibe buat ne’e lao hela.

“Desde uluk hau iha opiñaun ida diak liu nusa mak ita la lokaliza para bele kontrola, atu nune bele kontrola iha saude nian relasaun ho HIV- SIDA nian no moras sira seluk, tamba ne’e mak hau hanoin katak opsaun nebe diak maibe persija deskusaun nebe klean liu liu ho Igreja Katolika tamba ita hatene katak Timor maioria Katolika” dehan Deputadu Arão Noe iha PN.

Nia hatutan persiza iha desisaun politika ida mais fo konsensus ho lideransa relijiaun nebe iha atu nune labele hamosu diverjensias entre institusaun moral sira relijiaun Katolika no sira seluk ho fali Governu rasik. Nes

Jornal Nacional

KOMUNIDADE LABELE HALO UMA IHA MOTA NININ

Xefi Suku Comoro, Eurico da Casta de Jesus, husu ba komunidade sira iha area Comoro nian atu labele halo uma besik iha Mota ninin, tanba mota ninin Comoro bele fo risku tebes ba dezastre.

“Governu bandu ona katak ema labele halo uma besik mota ninin comoro nian, se komunidade sira lakohi halo tuir sira nia hakarak halo uma nafatin ne’e sira mak hakarak. Foin dadauk loron hirak liu ba udan bo’ot mota tun iha uma kain 7 mak mota lori ba tasi,” deklara Eurico da Casta de Jesus ba Jornalisra sira iha Sede Suco Comoro Segunda (15/03/2016).

Nia parte rasik orienta ona Xefi Aldeia husi suco Comoro nian fo hatete bei- beik ona ba komunidade sira ne’ebe halo uma besik iha mota ninin tenke buka fatin muda sai ona, maibe komunidade sira laiha konsiensia.

“Ita nia komunidade mak laiha konsiensia nafatin ami nudar liman ain Governu nian fo hateten bei-beik, maibe ita nia komunidade nunka mais rona, sira halo nafatin uma iha mota ninin,”lamenta Eurico.

Entretantu Abitu Corea Lemos hanesan komunidade ne’ebe hela besik mota ninin comoro, dehan, nesesidade moris mak obriga sira halo uma besik mota ninin.

“Ami halo uma iha ne’e tanba atu buka moris. Tanba ne’e ha’u husu ba Governu fo fatin ne’e mai ami hodi hela hodi buka moris hodi sustenta ami nia familia uma laran,”dehan Abitu.car

Jornal Nacional

Jose Luis: “Hakotu Bloku Pelmenus Iha Reuiniaun”

DILI – Partidu CNRT, PD nomos Frenti Mudansa molok atu hari bloku sei liu husi reuniaun, tanba nee atu hakotu bloku koligasaun hakarak ka lakohi tenke iha reuniaun entre partidu 3 nee.

Deklarasaun nee fo sai husi Prezidente Partidu Frenti Mudansa, Jose Luis Guteres, ba jornalista sira iha uma fukun Parlamentu Nasional (PN) Kinta (17/03/2016).

Uluk atu forma bloku partidu 3 nee halo uluk reuniaun foin forma tanba nee hau hanoin se CNRT iha hanoin atu hakotu bloku nee pelmenus iha reuniaun ruma lideransa nasional  para hare saida mak sala no saida mak persija atu hadia hodi bele fo mensagen diak ba povu” dehan Lugu.

Nia hatutan laos nee deit atu hakotu bloku mos persija iha esplikasaun ida ba publiku tomak tanba iha relasaun ho kreabilidade nasional nomos ba povu, tanba akordu neebe mak Partidu 3 nee halo atu ukun hamutuk too tinan lima laos fahe malu iha dalan klaran no bele fahe malu maibe iha esplikasaun ida neebe mak klaru ba ema hotu, nomos labele afeita ba liderasan husi partidu 3 iha bloku nia laran.

Iha fatin ketak tuir Diretor NGO Luta Hamutuk, Mericio Akara, mos hatete normal kuandu CNRT tebe sai PD husi bloku tanba laos deit akontese iha TL, maibe iha nasaun seluk mos akontese maibe antes foti desijaun persija tur hamutuk. Informasaun kompletu iha STL jornal no STL Web, edisaun Sesta (18/3/2016). Thomas Sanches

Suara Timor Lorosae

Deskonfia Oknum F-FDTL Interven kaputra Drogadu, Tenki Investiga Klean

DILI - Deskonfia oknum Membru Falintil Forsa Defeza Timor Leste (F-FDTL) Interven knar Polisia Nasional Timor Leste (PNTL) neebe halo kaputasaun ba Drogadu timor oan nain ida iha farol, tenki investiga klean atu nunee bele hatene motivu husi asaun nee.

Tuir Deputadu Bankada Fretilin Manuel Castro katak kuandu iha oknum balun husi Institusaun F-FDTL no mos ulun boot sira, labele interven knar polisia sira nian hodi kaptura sidadaun neebe halo transaksaun droga.

Hau husu tenki investiga klean oknum F-FDTL neebe mak halo interven ba knar polisia nian hodi kaptura Drogadu nee tenki lori sira ba iha tribunal, no husu komandu F-FDTL atu kopera hamutuk hodi lori ba dalan justisa,” dehan Manuel ba Jornalista, Kinta (17/03/2016) iha PN.

Nia husu ba Komandu F-FDTL hodi hare situasaun neebe mak iha ho seriu tamba lutu nasaun tenki hare aktividade droga iha rai laran, tamba inimigu boot ida iha rai laran mak droga neebe nasaun hotu-hotu tau inkestaun.

Iha fatin hanesan membru Komisaun B PN asuntu Defeza Seguransa no Negosiu Estranjeiru, Cesar Valente katak hahalok neebe Lutu nasaun ninia hatudu, nee sira lakontribui estabilidade nasaun nian.

Nia husu institusaun relevante tenki halo investigasaun klean ba aktu krime neebe mak akontese, tamba sira hanesan lutu nasaun tenki hatudu hahalok neebe maka diak hodi povu bele fo konfiansa ba sira. Informasaun kompletu iha STL jornal no STL Web, edisaun Sesta (18/3/2016). Timotio Gusmao

Suara Timor Lorosae

Portugal escusa-se a explicar cedência na CPLP

Lisboa, 17 mar (Lusa) - O ministro dos Negócios Estrangeiros português escusou-se hoje a comentar a razão pela qual Portugal não irá assumir em julho o secretariado-executivo da Comunidade dos Países de Língua Portuguesa (CPLP).

Questionado pelos jornalistas após a conferência de imprensa final da 14.ª reunião extraordinária do Conselho de Ministros da CPLP, que decorreu na sede da organização em Lisboa, Augusto Santos Silva respondeu com sucessivos "muito obrigado" às também sucessivas perguntas nesse sentido.

O próximo mandato do secretário-executivo da CPLP será de quatro anos e a primeira metade caberá a São Tomé e Príncipe e a segunda metade será assumida por Portugal, foi hoje decidido pelos chefes da diplomacia da organização.

Os estatutos da organização preveem que o secretário-executivo seja indicado pelos Estados-membros, de forma rotativa, por ordem alfabética crescente. Os mandatos são de dois anos, renováveis por igual período.

Portugal considerava que, à luz dos estatutos, lhe caberia agora indicar um nome para o secretariado-executivo, mas alguns países, como Angola, Cabo Verde e São Tomé e Príncipe invocaram a existência de um acordo verbal segundo o qual Lisboa não poderia candidatar-se ao cargo por acolher a sede da organização.

"As decisões da CPLP são tomadas por consenso, essa é a regra de ouro da CPLP e, como ambos tínhamos previsto, foi muito fácil chegar a um consenso. Muito obrigado", afirmou Santos Silva, que agradecia sucessivamente a presença dos jornalistas para marcar o final das declarações à imprensa.

"Portugal está a participar na CPLP como é seu direito e como é sua responsabilidade. Obrigado", insistiu o chefe da diplomacia portuguesa, que mais nada adiantou sobre o tema.

Coube ao seu homólogo angolano, Georges Chikoti, que o ladeava, adiantar a justificação da decisão hoje tomada na reunião, negando que tenha havido cedências apenas de Portugal, uma vez que as houve "mas dos dois lados" - "as cedências são dos dois lados".

"Precisamos que assim seja, porque havia uma interpretação diferente dos dois lados. Uns pensavam que eventualmente seria por ordem alfabética, omitindo Portugal porque é o país sede. Ao mesmo tempo, outros pensavam que a ordem alfabética seria direta", disse Chikoti, admitindo que as regras não estavam claras.

"Agora sim (as regras estão claras). Concordámos que os dois vão partilhar esse período e depois vamos acertar as regras para que, depois, isso seja resolvido para o futuro. Não é um problema fundamental, mas um detalhe que cabia aos ministros resolver. O assunto está agora resolvido", acrescentou.

JSD (JH) // VM

Guiné Equatorial aboliu pena de morte, "falta apenas" decreto presidencial

Lisboa, 17 mar (Lusa) - As autoridades da Guiné Equatorial transmitiram hoje que a pena de morte foi abolida e falta "apenas o decreto presidencial" para a implementação desta decisão, um dos pontos do roteiro de adesão à Comunidade dos Países de Língua Portuguesa (CPLP).

A informação foi adiantada aos jornalistas pelo ministro dos Negócios Estrangeiros e de Cooperação de Timor-Leste, Hernâni Coelho, no final do Conselho de Ministros extraordinário da CPLP, que decorreu hoje em Lisboa.

Questionado sobre se, durante a reunião dos chefes da diplomacia, foi discutida a evolução da Guiné Equatorial no cumprimento do roteiro definido para a adesão à organização, que ocorreu em 2014, o governante timorense afirmou que o ministro das Relações Exteriores da Guiné Equatorial, Agapito Mba Mokuy, apresentou um relatório sobre esta questão.

"Segundo o relatório, a pena de morte foi abolida, aguardando neste momento apenas o decreto presidencial para a implementação dessa evolução positiva que se verificou na Guiné Equatorial", disse Hernâni Coelho, que exerce a presidência do Conselho de Ministros.

O ministro acrescentou que o relatório do Governo da Guiné Equatorial mencionou também "o progresso na área dos direitos humanos, na democracia e na justiça, que estão neste momento a evoluir, seguindo a trajetória de acordo com os princípios que foram estipulados dentro do programa de adesão à CPLP".

Questionado se a CPLP realizará uma missão de observação às eleições presidenciais na Guiné Equatorial, convocadas pelo Presidente, Teodoro Obiang Nguema, para dia 24 de abril, Hernâni Coelho afirmou que o ministro equato-guineense convidou a organização a realizar uma missão de observação ao ato eleitoral.

Teodoro Obiang, no poder desde 1979, foi novamente escolhido pelo Partido Democrático da Guiné Equatorial (PDGE, no poder) como candidato a estas eleições presidenciais, revalidou o seu mandato de sete anos pela terceira vez consecutiva com "maioria esmagadora" nas eleições presidenciais celebradas em novembro de 2009, em que obteve 96,7 por cento dos votos.

A Guiné Equatorial, o único país de língua espanhola no continente africano, integra a CPLP desde julho de 2014. O roteiro de adesão estipulado pela CPLP definia uma moratória sobre a pena de morte e a promoção do uso do português, definido como terceira língua oficial, como o espanhol e o francês.

O regime é acusado por várias organizações da sociedade civil de constantes violações dos direitos humanos e perseguição a políticos da oposição.

JH // VM

Festival Literário de Macau lança quarto livro de contos no próximo sábado

Macau, China, 17 mar (Lusa) -- O Festival Literário de Macau lança no próximo sábado o quarto livro de contos do Rota das Letras, que conta com a colaboração de Maria do Rosário Pedreira, Francisco José Viegas, Ondjaki e João Tordo.

"Quarto Crescente", o quarto volume da coleção de Contos e Outros Escritos da Rota das Letras, junta também trabalhos de Wang Anyi, uma das escritoras de língua chinesa mais respeitadas, e de Murong Xuecun, um dos maiores defensores da liberdade de expressão na China, entre outros autores que visitaram o Festival Literário de Macau em 2015, anunciou hoje a organização em comunicado.

O livro inclui, à semelhança dos três anos anteriores, os textos dos vencedores do concurso de contos Rota das Letras nas três categorias -- chinês, português e inglês --, escolhidos entre mais de 100 textos enviados, o que fez desta edição do concurso "a mais concorrida de sempre", segundo a organização, que vai anunciar os nomes, no próximo sábado, durante a apresentação da obra, a ter lugar na Livraria Portuguesa.

Na mesma altura vai também ser lançado o livro "Eu Também Estive em Macau Durante a Guerra" (Praia Grande Edições), que reúne as memórias de Maria de Andrade e Silva, que viveu em Macau durante a Guerra do Pacífico e mulher de António de Andrade e Silva, autor do livro "Eu Estive em Macau Durante a Guerra".

A apresentação da obra vai contar com a presença da neta de ambos (Sofia Andrade e Silva), indicou a organização do Rota das Letras, cuja quinta edição, que teve início a 05 de março, termina precisamente no próximo sábado, dia 19.

O Festival Literário de Macau, fundado pelo jornal local Ponto Final em 2012, assume-se como "o primeiro grande encontro de literatos" da China e dos países lusófonos.

DM // EL