POLITIKU SIRA LABELE HALIMAR AMI POVU NIA VOTUS: LALAIS ONA FORMA GOVERNO BA!

Husi: Sancho Xavier* | opiniaun

Kontaktu formal entre partidu politiku la’ao dadaun ona. Negosiasaun politika introduz ona husi partidu mais votado FRETILIN ho partidu hat seluk ne’ebe hetan asento iha Parlamento ba forma Governo ba periodu 2017-2022. Desde orseik loron 09 Agostu lideransa no estrutura husi partidu FRETILIN ho CNRT hasoru malu, ohin FRETLIN ho PLP no sei kontinua ba partidu 2 seluk mak partidu PD no partidu KHUNTO ne’ebe mak hakat liu bareira 4% iha leisaun tinan ida ne’e.

Partidu CNRT ne’ebe reprezenta husi Presidenti Consello Diretiva Nasional CNRT no Sekretario Jeral partidu CNRT, deklara laiha rezultado ne’ebe deside no ideas sira sei lori ba diskute iha estrutura tomak Partidu hafoin hare fila fali. Enkuanto ho PLP deklara kontinua ba opozisaun maibe lakohi eleisaun antisipada atu akontese. Signfika katak rezultado husi enkontru rua ne’ebe liu ona entre FRETILIN ho CNRT no PLP seidauk iha intendementu ba formasaun Goveno foun nebe bele akontese lalais ba tempu badak nia laran. Negosiasaun partidu FRETILIN ho partidu hat seluk seidauk iha rezutado pozitivu. CNRT ho Xanana Gusmão rasik laiha seriedade atu halo negosiasaun maske antes ne’e Mari Alkatiri deklara abertamente beibeik katak FRETILIN manan Xanana manan. Serake sei iha tempu ba negosiasaun sigunda ronde? Atu bele iha intendemento ba kontrato politika nebe sira kondus?

Koalia kona-ba negosiasaun entre partido politico sira ba formasaun Governo, hau nia hare iha senariu rua mak la’o dadaun iha ne’e; ida partidu mais votado hakarak involve partidu kiik sira atu priense numeru ba formasaun Governo nebe atu bele halo balanco ba opozisaun iha Parlamento Nasional maibe iha mos opsaun fahe kadeira. Rua; Partidu kiik sira nia materia negosiasaun mak partidu nia lideransa hakarak kadeira lusu no hakarak nia programa partidu mak tenki implementa.

Prosesu Konsilasaun Fronteira Maritima Hetan Finalidade Fulan Agustu

DILI – Embaxador Australia ba Timor-Leste Piter Doyle nia parte garantia iha posibilidade prosesu konsilasaun fronteira maritime entre Governu Timor-Leste no governu Australia, bele hetan solusaun iha fulan Agustu tinan nee.

Tuir Embaixador Autralia Piter Doyle kona ba iha  prosesu konsilasaun  frontiera maritima entre governu Timor-Leste no Australia rasik, kestaun nee nasaun rua iha komitmentu forte iha posibilidade bele resolve kestaun fronteira Maritima neebe oras nee iha hela konsilasaun nia laran.

“Hau ohin kolia mos liu husi enkontru neeb maka halo ho Prezidente Republika Lu-Olo kona ba kestaun fronteira maritima neebe maka entre governu Timor-Leste no Autralia neebe liu husi resolusaun ida hodi halo prosesu negosiasaun liu husi dalan konsilasaun nee hau fiar governu rua nee iha komitmentu neebe forte tebes bele finaliza prosesu konsilasaun fronteira maritime entre Timor-Leste posibilidade bele solusiona tiha problema refere iha fulan nee,” dehan  dehan Piter Doyle depois de remata enkontru ho Prezidente Republika Francisco Guterres Lu-Olo  iha plasiu Prezidensial Bairo Pite Sexta (11/8/2017).

Nia hatutan kestaun Fronteira tasi Timor entre Timor-Leste no Australia oras nee governu Australia no governu Timor-Leste agora sei iha hela prosesu konsilasaun nian laran, iha prosesu nee Timor-Leste ho Australia halo negosiasaun fronteira maritime, koalia hela mos kona ba dezemolvimentu projeitu tasi mane. 

Natalino Costa | Suara Timor Lorosae

Estratejia CNRT Hases Husi Governasaun Fretilin

DILI – Polemika governasaun Timor Leste sai komplikadu, maibe dalaruma estratejia CNRT atu hases husi governasaun Fretilin.

Tuir observador Politiku UNDIL, Justino Sapolo katak iha kampania eleitoral eleisaun parlamentar mosu iha diskuru politika no predisaun populasaun nian katak kuandu la iha partidu ida neebe mak manan maioria absoluta posibilidade Fretilin no CNRT sei forma governu.

 Estratejia politika neebe mak CNRT halo primeiru atu hateten deit katak maneira ida atu bele ses an husi partidu mais votadus atu forma governu,” dehan Justino.

Parlamentu Nasional Tenke Onestu Ba Kustu Leilaun Prado

DILI: Deputadu Parlamentu Nasionál sira tenke onestu ba prosesu hotu-hotu ne’ebé la'o iha Uma Fukun hodi labele subar iha lei nia okos atu benefisia ba ninia-aan rasik.

Observadór Polítika, Camilo Ximenes, husu ba Parlamentu Nasionál atu onestu tanba karreta ne’ebé sosa inisiu ho presu boot leilaun fali ho presu ki’ik. Entermus jestaun ekonómiku, kustu leilaun ne’e fó prejuizu ba Estadu.

Nia esplika, karreta ne’e sosa ho folin US$ 63.000, depois uza tinan lima deputadu sira halo regulamentu atu fó fali ba sira atu leilaun ho presu US$ 8.000.

“Ha’u la kompriende deputadu sira, tanba de’it deputadu bainhira tinan lima nia bele halo lei ida ba ninia aan atu hetan benefísiu”, tenik Camilo, iha kampus UNTL, KaikoliDili, horisehik.

Governu Bele Forma ho Minoria Parlamentár

DILI: Partidu rua ona mak halo reuniaun ho partidu mais votadu, FRETILIN, maibé rezultadu husi enkontru rua ne’e hotu-hotu ‘negativu’. Seidauk iha ida mak hatudu ninia votade hodi la’o hamutuk forma governu foun.

Maski nune’e, FRETILIN seidauk lakon esperansa. Tanba fiar iha ai-knanoik ida katak, “iha dalan barak atu ba Roma”. Ne’e duni, partidu mais votadu ne’e bele kaer ba esperiénsia formasaun governu iha nasaun seluk ho minoria parlamentár.

Sekretáriu Jerál FRETILIN, Mari Alkatiri hateten, opsaun atu forma governu ne’e ne’e iha maneira barak atu forma. Tanba ne’e, sei iha tempu atu lider sira tuur hamutuk hodi forma governu.

Nia fó ezemplu, esperiénsia iha rai Portugál ne'ebé hatudu ona katak governu ida ne'ebé forma ho governu minoria iha parlamentu nasionál, maibé governu ne’e metin tanba iha parlamentu nasionál partidu rua seluk ajuda hodi asegura estabilidade governativa.

FRETILIN Kontinua Buka Dalan ba Formasaun Governu

DILI, (TATOLI) – Hafoin halo negosiasaun ho Partidu Demokrátiku iha Otél Novo Turizmu, ohin, partidu Frente Revolusionariu Timor-Leste Indepéndente (FRETILIN) kontinua buka dalan hodi forma sestu governu konstitusionál.

“Partidu lima iha vontade hanesan atu lori Estadu ne’e ba oin”, hatete Sekretáriu Jerál partidu FRETILIN, Mari Alkatiri ba jornalista sira hafoin hasoru malu ho lider PD sira. “Tanba ne’e ami buka hela dalan atu kopera, dalan ida ne’ebé mantein indepéndensia partidu ida-idak nian hodi lori Estadu ne’e ba oin”.

Mari konsidera sorumutu ne’e la’o di’ak tanba kumpriende malu ho hanoin lori Estadu no rai ne’e ba oin. “Ida ne’e baze ida di’ak tebes, laiha ona ida akontese uluk ne’e tanba iha ona sentidu responsabilidade”.

Prezidenti Repúblika Despede Atleta Nasionál Ba Sea Games

DILI, (TATOLI) – Prezidente Repúblika, Francisco Guterres Lú Olo despede atleta nasionál hamutuk 65 hosi modalidade sia ne’ebé maka atu partisipa jogu Sea Games iha Malázia.

Seremónia despedida ne’e hala’o iha salaun Xina Palásiu Prezidente Nicolau Lobato, Bairu-Pité, Dili, sesta dader no okaziaun ne’e Xefe Estadu husu ba atleta hotu-hotu atu tau espíritu disiplina no rigór, katak reprezenta Nasaun labele halo buat falla ida (irregularidade ka atetudi ladi’ak) durante kompetisaun.

Nia rekomenda ba xefe delegasaun sira hosi Konfederasaun Desportu Timor-Leste (CDTL), Komité Olímpiku no ofisiais hotu atu tau matan ba atleta sira, nune’e sira bele iha vontade tuir kompetisaun.

“Manán ka lakon tenke trata atleta sira ho didi’ak para fila fali mai bele halo preparasaun di’ak”, Lú Olo fó hanoin.

Caso de portugueses julgados em Díli volta a ser adiado à espera de outro perito

Díli, 11 ago (Lusa) - O Tribunal Distrital de Díli adiou hoje a leitura da sentença no julgamento de um casal português, retido em Díli há quase três anos, porque uma perita nomeada pelo Banco Central, não esclareceu dúvidas sobre operações bancárias.

Esta foi a terceira vez que o tribunal adiou a leitura da sentença de Tiago e Fong Fong Guerra, cujo processo se arrasta desde outubro de 2014, quando foram detidos em Díli.

Os arguidos estão a ser julgados pelos crimes de peculato, branqueamento de capitais e falsificação documental, sendo central ao caso uma transferência de 859 mil dólares (792 mil euros), feita em 2011 por um consultor norte-americano, Bobby Boye.

O julgamento vai ser retomado entre 15 de agosto e 15 de setembro para o tribunal decidir sobre o requerimento apresentado por Álvaro Rodrigues, advogado de defesa.

PD e Fretilin com nova reunião após debate inconclusivo sobre futuro governo timorense

Díli, 11 ago (Lusa) - Delegações da Fretilin e do PD, respetivamente primeiro e quarto partidos mais votados nas legislativas de 22 de julho, reuniram-se hoje para discutir os primeiros cenários que podem levar à formação do próximo Governo timorense, mas sem resultados conclusivos.

"O encontro de hoje correu muito bem e serve de base para o futuro. Estamos a falar com sentido de responsabilidade. O PD veio sem nenhumas exigências, com uma posição razoável e querendo ouvir ideias da Fretilin", disse aos jornalistas Mari Alkatiri, secretário-geral da Frente Revolucionária do Timor-Leste Independente (Fretilin) depois da reunião de hoje.

Mariano Sabino, presidente do Partido Democrático (PD) - que controla sete lugares no novo parlamento que tomará posse este mês - afirmou que se tratou de uma "primeira reunião para dialogar, analisar a situação e estudar modalidades para a formação de Governo".

Vasina Hepatitis Disponivel Iha Fasilidade Saude Sira

Diretora Jeral prestausan servisu Ministerio Saude (MS), Odete Viegas hateten aimoruk vasinasaun ba moras Hepatitis B disponivel iha fasilidade saude hotu no ema hotu iha obrigasauna atu hetan hodi prevene moras ida ne’e.

Nia dehan, iha tinan hirak liu ba ministerio foka liu ba iha bebe sira foin moris, maibe agora ema hotu ne’ebe seidauk hetan vasina ida ne’e bele vizita fasilidade saude husu professional saude sira atu hetan.

Nia hateten, dadus kliniku sira hatudu ema barak ona mate tanba moras hepatitis, liu –liu sira nia aten la funsiona ho diak, kankru aten no moras kinur.

“Moras ida ne’e sai ona preokupasaun Minsiterio Saude nian tanba moras ne’e kroniku, se ita la prevene ba oin ita atu halo tratamentu ne’e tarde ona,” nia hateten iha Sentru Konvensaun Dili.

Filme Domin Nakloke Lori Mensagen Pozitivu Ba Sosiedade

Diretora organizasaun Ba Futuru, Juliana Marçal hateten filme serial Domin Nakloke sai hanesan instrumentu ida ba instituisaun hotu, sosializa hasa’e konsiensia sosiedade nian kona ba violensia hasoru feto no labarik, tanba filme ne’e fo mensagen ne’ebe positive tebes.

Nia dehan, ida ne’e la’os filme primeiru ne’ebe Ba Futuru produs, antes ne’e iha ona filme serial badak ida kona ba feto fantastiku ne’ebe koalia kona ba protesaun labarik, disiplina positive, rezulusaun konflitu no seluk tan.

“Dala barak ita halo atividade prevensaun liu husi fahe informasaun, susar atu troka ema nia hanoin, maibe ho filme ema haree artista favorite sira ho karakter positive, sira bele kopia hodi halo mudansa ba sira nia hanoin no mentalidade,” nia hateten iha Farol, Dili.

Nia esplika, filme Domin Nakloke iha ona episode tolu ne’ebe koalia kona ba problema social ne’ebe komunidade sira liu –liu joven sira esperiensia iha sira nia moris lor-loron.

Setembru PR Lu-Olo Sei Partisipa Reuniaun Assembleia Jeral ONU

DILI - Xefe Estadu Francisco Guterres Lú Olo neebe sei representa Timor- Leste hodi partisipa iha Reuniaun Asembleia Jerla iha Nasoens Unidas, Setembru tinan nee.

Lia hirak nee hatoo husi Primeiru Ministru Rui Maria de Araujo ba Jornalista sira hafoin remata enkotru ho Prezidente Republika Francisco Guterres Lu-Olo iha palasiu Prezidensial Bairo Pite Kinta (10/8/2017).

Tuir  Primeiru Minstru (PM) Rui Maria de Araujo katak iha  fulan Setembru tinan nee Prezidente Republika Francisco Guterres Lú Olo sei halo nian viazen ba iha Nasoens Unidas, representa Timor-Leste hodi partisipa iha reuniaun Asembleia jeral neebe maka halao iha fulan Setembru tina nee.

Ami mos ohin koalia kona ba viazen Presidente Republika neebe sei representa Timor-Leste hodi partisipa iha Reuniaun iha Asembleia Nasaun Unidas Fulan Setembru tinan ne,” dehan nia.

Musulmanu TL Husu Parpol Atu Kontribui

DILI - Musulmanu Timor Leste (MTL) husu ba partidu politiku (Parpol) Fretilin, CNRT, PD, PLP no Khunto tenki iha seriedade atu buka kontribui ba partidu nebe manan maioria parlamentar, atu kaer VII governu konstituisional.

Lia fuan hirak nee hatoo husi Xefe Fundasaun Mesjid An-Nur Mohamad Anwar da Costa ba STL iha Mesjid An-Nur Kampo Alor Dili Kinta, (10/8/2017). Nia dehan karik partidu neebe manan iha eleisaun nee nia kadeira oituan liu, tamba manan simples no partidu opozisaun barak liu maka sei problema ba debate orsamentu jeral estadu lapasa no bele halo governu monu.

“Ita espera nafatin katak Fretiln bele halo koligasaun ho CNRT partidu nebe segundu mais votadu iha elisaun nee atu forma governu. Maibe partidu CNRT hakarak sai opojisaun iha parlamentu ida nee bele fo impaktu ba orsamentu estadu. Mais opojisaun maka maioria la aprova orsamentu maka bele governu monu,” nia dehan.

Agora problema ba dezenvolvimentu nasional maka partidu boot hanesan CNRT no PLP hakarak opozisaun iha PN. Maibe tuir sarani Musulmanu nia hanoin katak sei iha nafatin posibilidade atu partidu Fretilin sei bele esforsu an nafatin atu buka halo dialogu no kontaktu partidu seluk atu hamutuk hari governu.

Parte Akademiku Retor Instituto Of Bussiness (IOB) Augusto da Conceição Soares, dehan realidade hatudu ona ba publiku katak partidu Fretilin manan maioria simples, komesa halo kontaktu ho partidu sira seluk nebe hetan asentu iha parlamentu atu bele hamutuk atu forma governu foun. Justinho Manuel

Suara Timor Lorosae

Deputadu Foun Sei Sae Karreta Ho Folin U$45.000

DILI, (TATOLI) - Sekretáriu Jerál Parlamentu Nasionál, Mateus Belo informa tuir planu Parlamentu Nasionál (PN) sei sosa karreta foun ba deputadu sira iha lejislatura dahaat nian ho folin kada karreta mil U$45.000. Prosesu sosa karreta entrega ona ba Komisaun Nasionál Aprovizionamentu (CAN-sigla iha portugés) hodi halo konkursu públiku.

“Karreta foun fulan tolu ka haat mak foin bele iha tanba sei iha tenderizasaun (konkursu públiku), sekretariadu la kaer karreta ne’e, entrega ba CAN mak halo tender. Halo prosesu tiha ona no iha ona publikasaun tanba ne’e agora hein de’it”, Mateus informa iha PN, ohin.

Entretantu karreta tuan ne’ebé iha sei leilaun hosi deputadu tuan previléjiu ida ba deputadu sira durante tinan lima iha PN no fó direitu ba sira.

“Leilaun maiór parte halo ona mas sira iha atu halo leilaun até loron 21 kuandu lejislatura foun komesa sira lejizlatura agora mós akaba entaun sira bele sai ona no halo leilaun ba karreta sira ne’e, kuandu la leilaun karreta hela ba Parlamentu,” Belo esplika tan.

Foos Timor-Leste Ne’e Órganiku

DILI, (TATOLI) – Diretór Asosiasaun HAK, Manuel Monteiro konsidera katak foos ne’ebé mai husi produsaun agrikultór Timor-Leste ne’e órganiku liu kompara ho esportasaun nian tanba ne’e tenke dezenvolve.

Ita-nia foos sa’e barak, ita bele konsumu iha rai laran, foos organiku. Depois ita hasai halo esportasaun. “Ida ne’e mak ita presiza”, akresenta diretór Manuel Monteiro bainhira hasoru malu ho ajénsia Tatoli foin lalais ne’e iha nia kna’ar fatin edifísiu Asosiasaun HAK, Farol, Dili.

Nia esplika, modernizasaun agrikultura subar pilar haat hanesan irigasaun, fini hibrida, pestisida kímiku, funjisida kímiku no adubu kímiku. Maibé, povu la kumprende tanba ne’e buat ne’ebé halo kona-ba diversifikasaun ekonómiku mak promove matenek lokál.

Matenek lokál ne’ebé inan-aman sira iha antes mak molok atu ba hatuun karau ba natar laran, sira halo uluk kadi karau nia ain, ba look uluk rai lulik sira depois hatuun karau sira ba natar laran, hahan sa’e mai di’ak, pesti la ataka.