PD–Fretilin Prontu Ba Eleisaun Antisipada

DILI - Prezidente Partidu Demokratiku Mariano Asanami Sabino hateten, Partidu rua (Fretilin-PD) prontu ba eleisaun antisipada, maibe desde inisiu lakoi atu eleisaun antisipada akontese, hakarak povu hakmatek no povu lalika lakon tempu.

Sim prontu ami partidu rua pronto ba eleisaun antisipada, maibe desde inisiu lakoi eleisaun antisipada, purke ita hakarak povu hakmatek I popvu lalika lakon tempu, maibe to tempu ida neebe maka ita labele duni ita tenke ba vota fila fali duni,” dehan Prezidente PD Asanami, ba jornalista sira iha Sede CCF, Comoro, Dili, Sesta (20/10/2017).

Partidu Demokratiku tuir Prezidente PD Asanami katak, Sempre tau konsidera konstitusisaun Importante, I multipartidaria tenke eziste nafatin. Tanba ho multipartidaria maka partidu neebe mais votadu tenke tau hamutuk elementu forsa para apoia, depois partidu nee eziste.

Iha parte ketak Xefi bankada FRETILIN Francisco Miranda Branco hateten, Programa Governu VII Governu Konstitusional sei lalori mai Aprezenta tan iha Parlamentu Nasional ba segunda ves ida nee maka nee ona, no Governu de jestaun funsiona to Janeiru 2018, hodi hein desijaun Prezidente nian ba eleisaun antisipadas.

Carme Ximenes | Suara Timor Lorosae | Foto iha Google/Tafara

REZÚMU PROGRAMAS GOVERNU-DAHITU, REFLETA NESESIDADES POVU

REZÚMU PROGRAMAS GOVERNU-DAHITU, REFLETA NESESIDADES POVU IHA ÁREA RURAL NO URBÁNA, BA TIMOR-LESTE IDA PROSPÉRU LIU

Husi: Ambrosio Dias Fernandes (Rosio) | opiniaun

Depoizde le'e no intende planu programas Governu-Dahitu no konfirma fali ho Planu Estratéjiku Dezenvolvimentu Nasionál (PEDN 2011-2030), atan-hau hakarak reafirma katak programas ne'ebé governu lori tiha ona ba Parlamentu Nasional (PN) no hetan Mosaun Rejeisaun ka Mosi Penolakan, ne’e refleta momos ba piláres importante 4 husi PEDN, maka hanesan:

1. Setór Sosiál
2. Dezenvolvimentu Infrastrutura
3. Dezenvolvimentu Ba Setór Ekonómiku
4. Konsolidasaun/Modernizasaun Institusionál

Husi piláres 4 ne'e, Governu-Dahitu dezenvolve fali ba Sub-Setorál sira no programas temátikas hodi kumpre durante mandatu tinan 5 maka hanesan:

Timoroan Nain 19 Deskonfia Afetadu Iha Inséndiu Portugal

DILI, (TATOLI) – Deputadu hosi Bankada Partidu Demokrátiku (PD), Manuel Thomas Amaral, informa, sidadaun timoroan iha sidade Tondela, Portugal hamutuk Nain 19 afetadu ba inséndiu.

“Família vítima sira mak hato’o keixa mai Parlamentu Nasionál (PN), entaun ha’u levanta kestaun ne’e atu bele hetan intervensaun ruma hosi Embassador Timor-Leste iha Portugal,” Deputadu Manuel Thomas Amaral levanta iha plenária, Parlamentu Nasionál, ohin.

Nia dehan, família vítima iha loron Sesta, semana kotuk hato’o kestaun ne’e ba Parlamentu nune’e nu’udar deputadu nia informa ona asuntu ne’e ba Ministru Edukasaun, Fernando Hanjam no Vice Ministra Lurdes Bessa, maibé to’o ohin loron seidauk iha resposta.

Tuir informasaun hosi família vítima, timoroan nain 19 ne’e, kompostu, feto Nain tolu no mane Nain 16. Sira nain 19 eskola iha Portugal, maibé la’ós benefisiáriu hosi bolsu estudu.

Ekipa avalia projetu koperasaun boot luzu-timoroan iha ensinu públiku Timor-Leste nian

Ekipa luzu-timoroan ida iha semana ne'e vizita Timor-Leste hodi avalia aumentu ida hosi projetu Sentru sira Aprendizajen no Formasaun Eskolar (CAFE) ba zona sira seluk iha nasaun nian, hatete hosi visi-ministra Edukasaun timoroan nian ba Lusa.

Lurdes Bessa esplika ona katak reprezentante timoroan na'in tolu no reprezentante portugés na'in tolu sei avalia aspetu oioin hosi projetu CAFE (koñesidu antes hanesan eskola sira referénsia nian), ne'ebé konstitui iha programa luzu-timoroan boot ba apoiu ensinu lian portugés iha Timor-Leste.

"Programa aprezenta hosi Governu hatudu hanoin hodi aumentu projetu hosi atual kapital sira munisípiu nian ba postu administrativu sira no, atu bele hala'o, ami tenki avalia no haree saida maka la'o di'ak no saida maka la'o ladi'ak", nia hatete ba Lusa iha Díli.

"Tenki hadi'a uluk no hafoin ne'e maka ami bele aumenta projetu ne'ebé, iha nível global, avaliasaun pozitivu ida, maibé tenki hala'o ho detalle. Ne'e hanesan projetu sira hosi eskola modelu maibé ami tenki hadi'a buat ne'ebé maka presiza atu hadi'a", nia hatete.

Deputadu sira husu ba Governu asaun hasoru aumentu presu sira tanba situasaun polítika

Iha loron-segunda ne'e, deputadu sira hosi Partidu Libertasaun Popular (PLP) husu ona ba Governu timoroan hodi halo intervensaun urjente iha merkadu sira, tanba relatu sira kona-ba aumentu hosi folin sira tanba tensaun polítika iha nasaun.

"Ami kondena negosiante oportunista sira ne'ebé maka aproveita hela situasaun hodi aumenta presu sira hosi sasán báziku importante sira", refere hosi deputadu Abel da Silva hodi refere ba foos ho óleu, no sira seluk tan.

"Ami apela ba Ministériu Komérsiu hodi halo operasaun ida iha merkadu hodi kontrola situasaun ne'ebé la'ós pozitivu ba povu", nia hatutan.

Aumentu ba folin sira ne'e akontese iha momentu tensaun polítika iha Timor-Leste ne'ebé maka mosu tanba opozisaun la aprova programa Governu nain. Bainhira proposta rejeisaun daruak aprova iha parlamentu, Governu sei monu.

GMN TV | Jornal Nacional

GMN TV

Igreja Konsidera OMP Laiha Sentidu ba Povu Nia Moris

DILI: Dinámika polítika ne’ebé hala’o iha Parlamentu Nasionál, liu husi diskusaun ba Programa VII Governu Konstitusionál, hatudu momoos ba públiku kona-ba oinsá deputadu sira hatudu hela ambisaun hakarak ukun, maibe laiha sentivu ba povu nia moris.

Haree ba hahalok husi ema hirak ne’ebé hanaran-aan reprezenta povu ne’e, Padre Domingos Soares ‘Maubere’ hateten, saida mak deputadu sira hatudu iha diskusaun Programa VII Governu nian nu’udar jestu ne’ebé hatudu ba povu hakarak atu ukun, la’ós sentidu ba povu nia moris.

“Ita nia reprezentante sira tuur iha Parlamentu ida-di'ak defende nia aan ho ambisaun hodi ukun, la hare ba sitasaun povu nian”, dehan nia, liu husi omilia bainhira dirije misa, iha Igreja Parókia Sagrada Korasaun de Jesus-Bekora, horisehik.

Nia hatutan, bainhira situasaun polítika namanas hela de'it, estabilidade pás iha nasaun ne’e sei menus ikus mai povu mak vítima lori krús todan.

Amu Maubere konsidera Governu ne’e nu’udar mákina Estadu nian, kuandu funsionáriu sira la simu osan, impaktu boot ba país ho povu ne’e, ikus mai ema hotu mate ba hamlaha.

Ne’e duni, husu ba ukun na'in sira tuur hamutuk hodi ko’alia ho konxiénsia atu lori povu ho nasaun ne’e moris pás armonia.

Amu Maubere konta, bainhira Amu Papa João Paulo II sama-ain iha Timor, alerta ba povu tomak katak “imi mak masin no naroman ba nasaun ne’e”. Ho lia-hirak ne’e Igreja Katólika husu ba lider nasaun nian fó liman ba malu, nune’e povu Timor tenke hakmatek atu nasaun ne’e moris ho pás estabilidade nia laran.

Tanba ne’e, Igreja Katólika husu ba timoroan tomak iha fulan Rosário ne’e tenke reza makaas atu país ho povu ne’e moris hakmatek, labele mosu konflitu iha nasaun ne’e atu moris hakmatek pás ho armonia.

Husu mós ba ukun na’in sira tenke fó prioridade ba povu nia moris, la’ós haksesuk malu hodi atinji podér partidu polítika nian. 

Artur da Luz | Independente

Hasoru kualker situasaun, FRETILIN sosializa

Organizasaun Profesional Edukasaun Militante FRETILIN ne’e, mobilijadu husi baze mai to’o nasional, ho objetivu atu halo konsolidasaun ba estrutura FRETILIN kona ba partidu ninia servisu.

“Ami mós ko’alia oituan kona ba pontu situasaun, tanba ami nu’udar Profesional Edukasaun Militante FRETILIN, oinsa ami haree kona ba situasaun jeral  polítika agora ne’e, liga ba ami nia setor edukasaun, nomós ami nia estrutura husi nasionál, Munisipiu to’o iha baze,” katak Raimundo.

Nia mós rekuñese katak, agora dadauk militantes FRETILIN balu simu rezultadu diskusaun entre Parlamentu Nasionál ho Governu kona ba programa VII Governu nian, ne’ebé la hamosu rezultadu diak.

“Agora ami konsolida ami nia kuadru sira ne’e hotu, tanba ho isu sira ne’ebé la’o, dalaruma balu des anima ho informasaun sira ne’e. Tanba ne’e ma kami halibur malu para oinsa ami konserta fali ami nia idea no hanoin sira ne’e hotu para prepara hodi hala’o servisu partidu nian,” relata Raimundo.

Nia esklarese, diskusaun ba programa Governu iha Parlamentu Nasional, husi bloku opozisaun haree liu ba aritmétika ho mós filozofia demokrásia ne’ebé opozisaun hateten, minoria tenki submete ba maioria, ne’e ida-idak nia razaun. Maibé Governu mós bazeia ba konstitusional, tanba opozisaun mós rekoñese Governu ne’e konstitusional duni.

“Ita simu rezultadu ida ne’e, no ami toma iha asaun kedas kona ba Sekretáriu Jeral FRETILIN ninia apelu katak, nia sei hala’o referendu ba dokumentu programa ne’e, entaun ami tenki mobiliza ona ami nia estrutura no militantes,” katak Raimundo Jeneto.

GMN TV | Grupo Média Nacional

Omenajen ba “Balibo Five”

BALIBO, (TATOLI) - Jornalista timoroan sira ne´ebé halibur aan iha Asosiasaun Jornalista Timor-Leste (AJTL) fó omenajen ba jornalista “Balibo Five” no Roger East, ho reflesaun hamutuk, vizita múzeu Balibo, halo atividade solidariedade no asiste filme “Balibo Five” hamutuk ho komunidade sira, iha Balibo Vila, Maliana, sábadu (21/10).

Jornalista “Balibo Five” sira ne´ebé mate iha Balibo ne´e mak hanesan Greg Shackleton, Tony Stewart, Brian Peters, Malcolm Rennie no Gary Cunningham inklui jornalista Roger East, bainhira invazaun militár Indonézia mai Timor.

Prezidente AJTL, David Hugo hateten katak kontribuisaun jornalista internasionál sira ne´e mós importante tebes ba kauza indendepedénsia TL no husi sira mós mundu hatene katak timor mós hakarak independénsia bainhira militár Indonézia halo invazaun no hahú okupa teritóriu TL.

“Ne´e hanesan ezemplu ida oinsa mak ita bele halibur informasaun sira ba públiku liu-liu asuntu no informasaun ba povu nomós informasaun saida husi povu ba governu liuhusi jornalista sira,” hateten prezidente David Hugo iha reflesaun hamutuk ho tema: “Asaun solidaridade no reflesaun ba akontesimentu Balibo hodi kontribui ba profesionalizmu jornalista”.

PN Vota Unanimidade Solidariza Vítima Insendiu iha Portugal

DILI, (TATOLI) - Parlamentu Nasionál (PN), Timor-Leste (TL) aprova ho unanimidade votu solidariedade ba vítima inséndiu florestál ne’ebé akontese iha Portugal ne’ebé estraga ai-horis, hamate balada no mós estraga komunidade sira-nia hela fatin.

 “Parlamentu nasionál hato’o sentidu kondolénsias ba vítima no família no fó omenajen ba feto no mane eroiku sira ne’ebé mak kombate ahi, no ami manifesta ho profundu solidariedade ho povu portugés,” akresenta testu PN nian ida ho nú. 8/2017 ne’ebé ajénsia Tatoli asesu husi PN, ohin, segunda (23/10).

Iha testu ne’e esplika katak inséndiu ne’e nu’udar akontese daruak iha Portugal, ahi han ai-laran sira ho ahi kuaze 443 iha parte norte no súl Portugal iha loron 15 Outubru hodi halo tiha loron ne’e nu’udar nakukun no trájiku ida iha istória Portugal nian ohin loron.

Votu pezar, abstain zero no kontra zero, husi membru PN na’in 60 kompostu husi FRETILIN (Frente Revolucionário de Timor-Leste Independente), PD (Partidu Demokrátiku), CNRT (Conselho Nacional da Reconstrução de Timor-Leste), PLP (Partidu Libertação Populár) no KHUNTO (Kmanek Haburas Unidade Timor Oan) ne’e, hanoin hikas vítima ne’ebé mate tan ahi na’in 40 resin, kanek oi-oin no mós lakon patrimóniu floresta luan ida ne’ebé mak labele estima.

Nune’e mós, hato’o votu pezar, tan ahi ne’ebé harahun uma barak, edifísiu uzu profisionál, plantasaun agríkola sira no mós ekipamentu serbisu nian.

Entretantu, antes ne’e, kazu inséndiu florestál mós akontese iha Pedrogão, Portugal no konsege halakon ema lubuk nia vida no mós balun kanek todan no mós kaman inklui hamosu dezlokasaun komunidade hodi buka fatin ne’ebé seguru, iha Juñu 2017.

Governu Timor-Leste mós, antes ne’e, hato’o sentidu pezar no aprova pakote asisténsia ho kuantia dolar millaun 1,5 hodi halo apoiu umanitáriu ba vítima inséndiu florestál iha Portugal, membru plenu direitu CPLP (Comunidade dos Países da Língua Portuguesa) ne’e.

Jornalista: Rafy Belo | Editór: Manuel Pinto

Foto: Parlamentu Nasionál. Foto Relasaun Públika PN