Conferência cria Associação de Estudos de Língua Portuguesa da Ásia

Macau, China, 06 abr (Lusa) -- A Universidade de Macau organiza na sexta-feira e no sábado uma conferência internacional sobre ensino e aprendizagem de português como língua estrangeira durante a qual será criada a Associação de Estudos de Língua Portuguesa da Ásia (AELPA).

A associação é criada à imagem de outras associações de professores, investigadores e académicos de estudos portugueses espalhados pelo mundo, como por exemplo a American Portuguese Studies Association (APSA) na América, indica o programa da conferência.

A AELPA terá a sua primeira sede na Universidade de Macau durante dois anos e os seus estatutos e primeiro comité executivo serão aprovados durante a conferência, que arranca na sexta-feira.

"Esta é a primeira conferência dirigida para as pessoas que ensinam português na China e na Ásia", disse hoje à agência Lusa a presidente da comissão organizadora, Inocência Mata.

"O que se pretende é direcionar para os colegas chineses que ensinam português e fazer com que a Universidade de Macau seja uma plataforma de diálogo entre colegas", acrescentou a professora da Faculdade de Letras da Universidade de Lisboa e docente de literaturas e culturas em português da Universidade de Macau.

A conferência vai contar com 52 comunicações e participantes oriundos do interior da China, Japão, Coreia do Sul e Índia. Também participam professores das várias instituições de ensino em Macau e de outras de Portugal.

"Na verdade, estamos muito empenhados em que a Universidade de Macau possa ser uma referência do ensino de português na Ásia. Esta universidade tem 35 anos e o seu curso de verão [de português] vai ser o 30.º este ano, o que já demonstra a persistência (...), mas gostaríamos que ela pudesse ser o lugar de encontro das pessoas que trabalham no ensino da língua portuguesa", observou.

Na conferência vão ser abordadas, entre outros assuntos, "as literaturas de língua portuguesa, as metodologias e propostas curriculares, nomeadamente as que melhor respondem ao perfil dos falantes de língua chinesa, que não pode ser a mesma proposta curricular aplicada a um falante de francês, espanhol ou alemão".

"Há uma grande diferença no imaginário histórico-cultural dos países de europeus e de língua portuguesa em África e no Brasil" em comparação com "o acervo do estudante chinês" que estuda português, afirmou Inocência Mata, sublinhando que essa particularidade deve ser atendida no ensino da língua na Ásia.

Outro objetivo, segundo a presidente da comissão organizadora da conferência, é que o ensino da língua portuguesa seja visto "além da sua dimensão utilitária e que tenha uma dimensão humanística", porque "aprender as diferentes culturas dos outros povos também é importante para a economia".

"Não podemos perder de vista a dimensão cultural das relações económicas", concluiu.

FV // VM

Brasil é o país lusófono com maior número de empresas referenciadas

Macau, China, 06 abr (Lusa) -- O Brasil é o país do universo da lusofonia com o maior número de empresas referenciadas nos 11,5 milhões de documentos da investigação "Papéis do Panamá" sobre 'offshores', segundo dados divulgados pelo jornal Irish Times.

O Brasil surge com 1.399 companhias referenciadas nos documentos da empresa panamiana Mossack Fonseca, especializada na gestão de capitais e de património, que estão na base de uma investigação jornalística e contêm informações sobre mais de 214 mil 'offshores' em mais de 200 países e territórios.

Segundo os mesmos documentos, a empresa do Panamá tem no Brasil 40 clientes, havendo ainda neste país 292 "beneficiários" e 1.659 "acionistas".

Segue-se Portugal, com 244 empresas, 34 beneficiários, 23 clientes e 255 acionistas, e Angola, com dez empresas, um cliente, 18 beneficiários e 40 acionistas.

Moçambique aparece referenciado com três empresas, três clientes, dez beneficiários e 18 acionistas, enquanto Cabo Verde somente com acionistas (27) e a Guiné-Bissau com um beneficiário e um acionista, tal como sucede com a Guiné Equatorial.

São Tomé e Príncipe e Timor-Leste não são referenciados no mapa-mundo interativo do Irish Times, que apenas apresenta os números sem detalhes.

Macau aparece com 25 empresas, quatro clientes, 22 beneficiários e 233 acionistas nos dados divulgados pelo Irish Times, jornal que integra o Consórcio Internacional de Jornalistas de Investigação (ICIJ, na sigla inglesa), com sede em Washington.

Os "Papéis do Panamá" são o resultado da maior investigação jornalística da história e foi divulgada no domingo, pelos membros do ICIJ.

Na investigação são destacados os nomes de 140 políticos de todo o mundo, entre eles 12 antigos e atuais líderes mundiais.

A investigação resulta de uma fuga de informação e juntou cerca de 11,5 milhões de documentos ligados a quase quatro décadas de atividade da empresa panamiana Mossack Fonseca, especializada na gestão de capitais e de património, com informações sobre mais de 214 mil empresas 'offshore' em mais de 200 países e territórios.

A partir dos Papéis do Panamá (Panama Papers, em inglês) como já são conhecidos, a investigação refere que milhares de empresas foram criadas em 'offshores' e paraísos fiscais para centenas de pessoas administrarem o seu património, incluindo o rei da Arábia Saudita, elementos próximos do Presidente russo Vladimir Putin, o presidente da UEFA, Michel Platini, e a irmã do rei Juan Carlos e tia do rei Felipe VI de Espanha, Pilar de Borbón.

O primeiro-ministro da Islândia, Sigmundur Gunnlaugsson, alegadamente envolvido no caso "Papéis do Panamá", demitiu-se na terça-feira, segundo o seu partido, mas o Presidente, Olafur Ragnar Grimsson, recusou dissolver o parlamento.

DM (RN) // MP/PNG

Leia mais sobre “Documentos Panamá” em Página Global

Kriminalidade iha Timor-Leste aumenta tan ba 36% hanesan ho fulan fevereiru tinan kotuk nian

Polísia rejista ona hahalok kriminál hamutuk 351 iha fulan fevereiru liu ba, no ida ne’e liu fali 36% hosi fulan fevereiru tinan 2015 nian no ida ne’e númeru ne’ebé bot iha fulan fevereiru durante menus hosi tinan lima nia laran, tuir estatístika ofisiál. 

Tuir Estatístika Krimi Nasionál ne’ebé fó sai iha pájina Polísia Nasionál Timor-Leste (PNTL), lahakerek klean kona-ba tipu hosi krimi hirak ne’e, maibé halo de’it komparasaun ba totalidade hosi kazu ne’ebé akontese durante fulan fevereiru. Iha fulan fevereiru tinan ne’e rejista ona krimi 351, liu 36% hosi fulan fevereiru tinan kotuk ne’ebé ho de’it 259.

Ida ne’e nu’udar númeru ne’eb’e bot liu desde 2012 – tuir dadus ne’ebé PNTL fó sai, inklui iha tinan lima ikus ne’e – bainhira rejista krimi 314 iha fulan fevereiru tinan ne’e, ho estatístika hanesan. Krimi ne’ebé akontese, barak liu iha kapitál (131), tuir maka Kovalima (33) ho Ermera (31).

Asidente iha estrada ne’ebé akontese iha teritóriu tomak, durante fulan fevereiru hamutuk 162 no ida ne’e hanesan númeru ne’ebé maka’as desde 2013 no liu 26,6% lahanesan iha 2015 bainhira ho de’it 128.

Díli maka ho númeru asidente bot liu hamutuk 97, tuir maka Baucau 20.

SAPO TL ho Lusa – Foto: cursoagentepntl

Timor-Leste hakotu 2015 ho saldo públiku dólar millaun 471,8

Konta públiku  timoroan nian  termina 2015 ho liu dólar  millaun 471,8, ho maioria liu tamba  " iha  pozisaun fiskál ne’ebé  forte " Fundu Petrolíferu no Fundu Doadór sira nian, tuir relatóriu hosi Ministériu Finansa.

Boletin trimestrál fiskál Ministériu Finansa nian  relasiona ba terseiru trimestre 2015, ne’ebé publika iha pájina Ministériu Finansa, esplika katak karik lakonta Fundu Petrolíferu (FP), fonte prinsipál iha reseita públika, Timor-Leste termina 2015 ho défise dólar millaun  835,9.

Tuir  relatóriu ne’e, 2015 termina ho "kapasidade líkida ba empréstimu dólar  millaun 123,7 " ne’ebé maka "investe iha finanseiru ativu FP nian".

Reseita petrolíferu  Estadu timoroan iha  dólar millaun 1.305,6 iha tinan kotuk, ne’ebé maka soma hamutuk millaun dólar 139,1 hosi Fundu Doadór  sira no  millaun  dólar 122,2 hosi  reseita laós petrolífera.

Tuir termu globál, Estadu hasai hosi FP dólar millaun 1.278,5, ne’ebé maka  millaun 638,5 korresponde ba valór Rendimentu Sustentável Estimadu (RSE) no seluk iha  millaun 640 hanesan levantamentu ne’ebé halo liu valór sustentável nian.

Impostu reprezenta reseita laós petrolíferu ne’ebé boot liu ho (72,1%).

Impostu kona-ba rendimentu nian sa’e ba 0,73%, millaun 53,3, impostu kona- ba bens no servisu tuun ba  5,4%, dólar millaun 60,2, no impostu kona-ba komérsiu internasionál monu ba  9,5%, dólar millaun 12,1.

Iha kapítulu  reseita seluk nian hetan  dólar millaun 47,4 maihosi reseita imobiliáriu(ne’ebé liu duké duplika, 3,4 iha 2014, ba millaun 8,7 iha 2015). Iha moos  aumentu 16,6%  iha  vendas no servisu, hanesan taxa tribunál, reseita médiku no ospitalar, lisensa no sira seluk.

Iha kapítulu despeza,  Estadu timoroan gasta dólar millaun 1.142,9 iha tinan kotuk.
Gastu iha saláriu nian aumenta 6%, millaun dólar 168,6  ba 178,7, ho bens no  servisu monu hosi millaun 55,5, ba 389,7 no benefísiu sosiál aumenta iha 48,8%, ba  millaun 173,6. Gastu seluk aumenta 44,7%, ba  263,9%, tamba fó apoiu ba  organizasaun sosiedade sivil.

Gastu FD iha millaun 121,6 – millau 16,1 ba saláriu, 48,7 millaun ba  bens no servisu no 56,7 millaun ba gastu sira seluk.

Despeza FP to’o dólar millaun 1.293,9, ho millaun 15,4 korresponde ba despeza iha jestaun hosi fundu no millaun 1.278,5 ne’e transfere ba Governu.

Tuir  boletin ne’e, áreas haat ne’ebé importante tebes iha despeza Governu nian iha 2015 maka  hanesan  Assuntu Ekonómiku, Servisu Públiku Jerál, Protesaun Sosiál no Edukasaun.

"Assuntu Ekonómiku reprezenta 30,7% iha despeza, boot liu kategoria hotu, ne’ebé  reflete kompromissu Governu iha  projetu infraestrutura durante 2015, liliu iha setór transporte no eletrisidade", haktuir boletin ne’e.

Servisu jerál reprezenta 28,7% hosi totál despeza iha 2015, inklui moos iha kategoria ne’e transferénsia ba  Rejiaun Administrativa Espesiál Oekusse Ambenu no zona espesiál ekonomia merkadu sosiál Oekusi Ambenu no Ataúru.

Gastu sira ba edukasaun (11,1% hosi totál despeza nian) konsentra liu iha  ensinu primáriu no básiku.

Pensaun ba veteranu no asisténsia seluk  ne’ebé simu ho gastu boot liu maka iha protesaun sosiál, ne’ebé  ho  13,8% hosi totál despeza iha 2015.

SAPO TL ho Lusa 

ADIA FRONTEIRA MARITIMA BA TINAN 50 SE NIA KULPA..?!

Jornal Nacional, editorial

Dala ida tan editorial jornal ba edisaun ida nee koalia konaba fronteira maritima entre Timor Leste ho Austarlia nebe sai preokupasaun povu timor no solidareidade internasional sira.

Espresaun povu timor leste via manifestasaun nebe povu rihun ba rihun, hahu husi labarik, joven, ferik no katuas, organizasaun Naun govermentais, insitituisaun governu nian, veternus, estudante primaria too universitariu durante loron rua halo manifestasaun hodi ejiji governu Camberra dialogu ho governu Dili atu termina fronteira maritima nasaun rua nee nian.

Hakarak ka lakohi, simu ka la simu iha pensamento ida katak povu Timor agora hahu luta foun kontra governu Australia ba difinisaun fronteira maritima nudar soberanu ida husi pais independente ida, estadu direitu demokratiku hafoin luta tinan 24 kontra okupasaun governu Jakarta.

Luta ba fronteira maritima nee kontinua lidera husi lider resistensia, Kayrala Xanana Gusmão hodi ejiji governu Camberra tur halo negosiasaun ho Timor Leste ba dinisiaun fronteira.

Akordu tratadu tasi timor nian nee asina dala rua, primeiru asina iha 20 de Maiu 2002, Mari Alkatiri mak asina ho MNEC Australia Alexander Downer nebe asiste husi Xanana Gusmão no Jose Ramos Horta ba tinan 30 depois diskuti freonteira maritima.

Agora akordu tratadu nebe asina ba segundo fase nee iha Australia, iha tiann 2005 ba 2006 nebe asina husi Ministru Negocisu Estanjeirus, Jose Ramos Horta nebe akompanha husi Primeiru Ministru, Mari Alkatiri hodi aumenta tan tinan 20  hosi sai ba tinan 50.

Laiha duvida ho akordu primeiru ba tinan 30 tamba Timor Leste presisa duni osan hodi halao makina estadu maibe akordu segundu hodi aumenta tan tinan 20 ba tinan 50 nee Ramos Horta ho Mari Alkatiri presiza esplika ba povu tau bele kumprede.

Agora Australia senti benefisia ona husi akordu nee, nia lakohi koalia ona fronteira maritima maibe Australia hakarak oinsa esplora mina sira iha tasi timor nee.

Tan nee, ohin loron ita bele dun Australia naok mina timor, Australia okupa ilegalmente tasi timor maibe kulpa lolos nee ita lider sira.

Agora duvida mak nee iha momentu neba Australia la lori kilat ameasa ita mak asina ou ita asina ho konsensia? Se ita osan laiha nusa mak uluk kedas ita la deve Banku Mundial, IMF, ADB ka nasaun bilietarl sira, agora mak ita foin deve osan hodi finansia dezenvolvimentu infraestruktura?

Nebe atu dehan se mak sala iha prosesu ida nee, ita nia lider jerasaun tuan sira nia kulpa, sira nebe asina akordu nee nia kulpa. Maibe hanesan nasi sudah jadi bubur, ne’ebe laos tempo atu kulpa ba ema ida,  hakarak ka lakohi ita tenki suporta, halo manifestasaun atu bele Australia simu ita nia ejijensia sira nee. *

TR SEIDAUK FOTI DESIZAUN HASORU HYUNDAI, BELE FO IMPAKTU BA PROJETU SUPPLY BASE

Ministru Petroleu Rekursu Naturais (MPRN), Alfredo Pires afirma katak, kuandu Tribunal Rekursu (TR) seidauk foti desizaun ruma hasoru Kompañia Koreana Hyundai, bele fo impaktu ba projetu tasi mane Supply base.

Kazu kompañia Hyundai rasik oras ne’e iha hela TR nia liman kona ba iregularidade ne’ebe parte judisiaria sira haree.

“Sempre-sempre  iha impaktu maka’as oitoan kuandu  projetu ita hakarak  la’o, maibe la konsege la’o, entaun  iha impaktu oin-oin  ne’e maka  ita nia sistema legal prosesu sira ne’e,”esplika Alfredo Pires ba jornalista iha Palasiu Governu Sesta (01/04).

Nia hatutan, tuir  kontratu ne’ebe maka asina  ona kompañia  labele  bo’ok  buat ida to’o  vistu ne’e prontu. Se bo’ok karik ne’e sira nia responsabilidade.

“Prosesu nafatin iha  tribunal, asuntu ida  ne’ebe juis seidauk  sufisiente, agora sei prosesu iha ne’eba hela,  komponente titular  Estadu  ida-idak   nian hala’o nia servisu,”tenik Alfredo Pires.avi

Jornal Nacional

ZEBRA BAUCAU LIDERA GRUPU ‘A’, HAFOIN FESTA GOLU BA ULTRAMAR 8-2

Ekipa Zebra FC núdar klube futebol ne’ebé reprezenta munisipiu Baucau lidera grupu ‘A’ hafoin festa golu ba Atletico Ultramar FC ne’ebé reprezenta munisipiu Manatuto ho score 8 á 2, iha jogu kontra atake segundu divizaun kampionatu Liga Futebol Amadora (LFA) Timor Leste mak hala’o iha Stadium Munisipal Dili, Kinta (31/03/2016).

Hafoin remata jogu kontra atake entre ekipa rua ne’e, Treinador Zebra FC, Jaime Ribeiro ba jornalista sira hateten, nia ekipa hatudu hikas fali sira nia identidade jogu hafoin iha jogu badauluk kontra ekipa Sport Dili Benfica.

Treinador ne’ebé ho status núdar mós ex-futebolista hahateten liu tan kata, hafoin rezultadu jogu ba-dauluk ne’ebé senti seidauk hatudu jogu ne’ebé másimu, entaun husi oficial hamutuk ho manajamentu strutura ekipa tau idea hamutuk, para oinsa bele melhora ekipa ne’e hodi ba hasoru jogu sira tuir mai.

Treinador ne’e, senti kontenti ba rezultadu ne’ebé mak nia ekipa hetan, tanba ida ne’e mak Zebra hakarak hatudu ba públiku nomos nia adeptus tomak.

“Ami hetan fali ona ekipa ne’e nia identidade jogu, tanba rezultadu ida ne’e hatudu tuir ekipa nomos adeptus tomak ninia mehi,” salienta treinador Zebra Jaime Ribeiro

Jaime Ribeiro realsa, “Ami fiar katak iha jogu tolu ikus mai, Zebra Baucau hakarak hetan pontus 9 hodi hakat ba primeira divisaun tuir ambsaun ne’ebé mak iha ona,”

“Ami laiha mudansa, maibe hafoin rezultadu iha jogu primeiru ne’ebé mak imvolve iha kompenenti klubu ida ne’e aseita atu oinsa mak bele harmonia fali ekipa, entaun núdar gerasaun foun mak ba oin hodi akompanña jogadores wainhira tun ba kampu halo jogu kontra-atake ho ekipa ne’ebé mak sai núdar adversariu, tanba ne’e mak treinador Zebra FC oras ne’e iha ami nain rua (Jaime Ribeiro-Cornelio Moc) mak kontinua akompanña ekipa ne’e nia lalaok, ne’ebé laiha substituisaun treinador, maibe ami hakarak no iha intesaun atu halo harminizasaun ba klubu Zebra Baucau,”salienta terinador Zebra Baucau FC Jaime Ribeiro.

Jaime Ribeiro Salienta liu tan, liu husi harmonizasaun ne’e públiku bele haree, oinsa maka Zebra hatudu hikas nia jogu, liu husi mudansa ne’ebé ekipa Zebra FC halo ne’e iha rezultadu hatudu pozitivu.

Iha tempu no fatin ne’ebé mak hanesan kapitaun ekipa Zebra FC, Helder Mota senti kontenti ba rezultadu ida ne’e tanba fo fali motifasaun boot ba ekipa hodi bele haree joga tuir mai.

“Ami sei iha tan jogu tolu, no ami kontinua iha ambisaun atu manan jogu hirak ne’e, entaun Zebra FC tenke melhora nafatin ami nia ekipa liu husi treina tatika no fiziku, ne’ebé mak ami senti falta hodi rezulta sofre golu rua iha jogu ida ne’e,” afirma kapitaun ekipa Zebra FC Mota.

Parte seluk, Treinador Atletico Ultramar Gaspar Quintão hateten, ida ne’e mak fenomena iha vida desportu jogu futebol, ohin bele sai núdar vensedor no aban bele derota fali.

“Ami sei kontinua haka’as-àn liu husi preparasaun ne’ebé mak tenke halo atu bele hasoru jogu hirak tuir mai, tanba mentalidade mós sai meius determinante ba kada jogu, no hau rekuinñese ami nia jogadores afeita, tanba iha jogu primeira parte deit ami sofre uluk golu hat no kontinua aumenta golu hat (4) iha jogu segunda parte.

Treinador Ultramar FC, Quintão dehan, núdar treinador, sei kontinua f’o spiritu ba jogadores ekipa atu bele haforsa mentalidade hodi hasoru fali jogu ikus mai.

Rezultadu ne’e mak Zebra Baucau FC, okupa hikas posisaun primeira klasifikasaun grupo ‘A’ ho Pontus ‘4’, husi jogu rua ne’ebé mak ekipa ne’e hala’o tiha ona, no Atletico Ultramar ne’ebé konsege lidera grupo ne’e tun fali ba posisaun terseira klasifikasaun. Ito

Jornal Macional

Implementasaun Programa Saude Eskolar Seidauk Maximu

Diretora Saude Munisipio Dili, Agustina da Costa Saldanha, hateten implementasaun programa saude eskolar iha munisipio Dili seidauk maximu, tanba falta koordenasaun entre Ministerio Edukasaun no Ministeriu Saude.

Nia dehan, programa saude eskolar ne’e importante tebes hodi eduka labarik sira moris saudavel no halo prevensaun ba sira nia aan husi moras infesaun sira hanesan dengue, diarea,ISPA no seluk tan. 

“Ami presiza tuur hamutuk hodi trasa planu ida bainhira ekipa saude tuun ba treinu eskola mos disponivel tempu atu ita bele fahe informasaun,” Diretora Saldanha hateten, iha nia knaar fatin Bairo Formosa, Dili. 

Iha tempu badak, nia dehan, Saude Munisipio Dili hamutuk ho Ministeriu Edukasaun sei organiza workshop ida, hodi diskute planu estrategiku no estabelese programa integradu ba implementasaun programa iha eskola hotu. 

“Ita presiza fahe informasaun ba labarik sira kona ba saude oral, eduka labarik sira oinsa prevene sira nia nehan, fase liman no prevene dengue,” nia hateten. 

Nia hatutan, eskola sai targetu ne’ebe positive tebes tanba labarik sira iha influensia ne’ebe bo’ot tebes iha familia laran. 

Iha parte seluk, Diretor Edukasaun Munisipio Viqueque, Emilio Amaral, hateten tinan ida ne’e (2016) programa saude eskolar seidauk hahu fali, tanba ekipa implementadores seidauk tuur hamutuk halo planu. 

“Uluk ami la’o hamutuk ho ekipa saude sira halo promosaun saude iha eskolas kona ba saude oral ho nia prevensaun, fase liman no imunizasaun, maibe tinan ne’e (2016) seidauk hahu fila fali,” nia hateten. 

Nia hatutan, sira mos servisu hamutuk ho organizasaun internasional hodi fo formasaun ba profesores kona ba edukasaun saude.

The Dili Weekly

Merenda Eskolar Iha Munisipiu Viqueque La La’o, Emilio: Prosesu Aprendizajen Kontinua La’o

Diretor Edukasaun munisipiu Viqueque, Emilio Amaral, hateten maske programa merenda eskolar desde tama tinan foun (2016) to’o agora seidauk la’o, maibe sei la fo impaktu ba iha prosesu aprendizajen, tanba estudantes sira tama klase hanesan baibain.

Nia dehan, merenda eskolar iha munisipio Viqueque la la’o durante fulan hat nia laran, maibe estudantes sira nafatin tuir prosesu aprendizajen. 

“La fo impaktu maske merenda laiha, sira nafatin mai eskola tuir prosesu aprendizajen,” Diretor Amaral hateten via telephone. 

Nia esplika, objetivu implementa merenda eskolar ne’e atu fo han estudantes, liu –liu sira ne’ebe hela do’ok husi eskola tanba maioria la matabixu husi uma. 

Nia informa, merenda eskolar seidauk hahu fali tanba orsamentu atu sosa modo seidauk sai no espera katak iha fulan Marsu bele hahu fali ona.

Iha parte seluk Vise Ministru Edukasaun, Abel da Costa Ximenes, hateten iha nasional merenda eskolar hahu fila fali ona, maibe iha munisipio balun mak seidauk sei iha prosesu. 

“Osan ami asina tiha ona e eskola balun komesa simu osan no hahu funsiona fila fali, maibe balun mos seidauk,” Vise Ministru Ximenes informa. 

Nia hatutan, munisipio sira seidauk tanba problema udan no kondisaun infra-estruturas ne’ebe la favorese atu distribui fo’os no sasan sira seluk ba implementasaun. 

Estudantes Ensino Baziku Fatu-Hada, Nivio Baptista, hateten merenda eskolar iha sira nia eskola seidauk funsiona fila fali. 

“Ami nia eskola seidauk han, maibe ami lori osan hodi sosa hahan besik escola mak han,”  nia hateten.

The Dili Weekly

Prevene Moras LF no STH, MS Fahe Aimoruk Ba Komunidades

Hahu fulan Marsu tinan ne’e (2016) Ministerio Saude (MS) liu husi programa Mass Drug Administration (MDA) fahe aimoruk Diethylcarbmazine (DEC) no Albendazole ba komunidades iha teritorio tomak hodi prevene moras limfatik filariasis (LF)  ou Ain-Potis no Soil Transmitted Helminthiasis (STH)/ Infesaun Lumbringa.

Konsultan Nasional Neglected Tropical Diseases (NTDs) Ministerio Saude, Paulino Pinto, hateten iha tinan 2005-2007 sira fahe ona aimoruk iha munisipio balun, depois paradu tanba laiha orsamentu. 

“Ita nia survey hatudu katak Timor-Leste iha prevalensia ba moras ne’e maka’as, tanba ne’e ita tenke halo intervensaun agora kedas, ita lakohi hein tan,”  Konsultan Pinto informa, iha Hotel Timor, Dili. 

Nia dehan, ema hotu ne’ebe liu ona tinan 2 (idade) bele hemu aimoruk ne’e hodi prevene aan husi lumbringa filarial ne’ebe kauza ba ain potis. 

Nia esplika, ema ne’ebe labele hemu aimoruk ne’e mak hanesan inan isin rua, inan fo susu, ema moras kankru, rins no fuan, tanba aimoruk ne’e iha reasaun. 

Nia mos, husu komunidades atu labele paniku ho reasaun aimoruk (ulun moras, isin kolen, isin manas, laran sae), tanba aimoruk ne’e seguru no oho lumbringa nia tolun ne’ebe kauza ba moras limfatik filariasis (ain potis). 

“Reasaun sira ne’e mosu tanba parasite eziste duni iha ita nia ran,” nia hateten. 

Nia esplika liu tan, kuandu durante tinan 4-6 transmisaun ne’e la’o no laiha tratamentu, mak sei afeta no bele hetan moras ain potis (ain bubu bo’ot, liman bubu bo’ot, susun bubu bo’ot (feto) no sasan lulik (mane) bubu bo’ot), tanba bakteria filarial estraga ona sistema limfatiku ema nian. 

Tuir survey ne’ebe Ministerio Saude halo iha tinan 2012, hatudu katak moras ida ne’e eziste ona iha teritorio Timor laran tomak. 

Iha peskiza ne’ebe iha, nia dehan, munisipio Covalima sai primeiru lugar ho kau 35%, Manufahi 30.7%, Ermera 30.5%, Bobonaro 23.7%, regiaun especial Oe-Cusse 23.2%, Ainaro 18.4% , Manatutu 18%, Lautem 14.5%, Liquisa 13.9%, Aileu 13.7%, Dili 11.2%, Viqueque 10.4% no Baucau 10.3%.

Entretantu consultan internasional ba Organizasaun Saude Mundial (OMS),Dr. C. R. Revankar, esplika katak limfatik filariasis (ain potis) mak moras hadaet ne’ebe kauza husi lumbringa filarial. 

Nia dehan, transmisaun bakteria ida ne’e husi ema ida ba ema seluk liu husi susuk anopheles barbirostris, Culex no susuk aedes grupo mansonia ne’ebe afetado ona ho bakteria.  

“Laiha vasinasaun ba iha limpatik filariasis, tanba ne’e ita iha programa MDA atu fahe aimoruk ba iha komunidades tinan ida dala ida durante tinan liman nia laran atu prevene aan,” doutor Revankar esplika. 

Nia esplika liu tan, katak sintomas ba moras ain potis (lymphatic filariasis) ne’e hanesan mos moras baibain (isin manas malirin, isin mean sai bubu), maibe atu diagnostiku klaru, tenke halo teste ba ran. 

“Komunidade nia konesementu kona ba lymphatic filariasis menus tebes, tanba ne’e organizasaun saude mundial servisu hamutuk ho ministeriu saude koko hodi fahe informasaun ba komunidades,” nia hateten.

The Dili Weekly

TAUR: LABELE POLITIZA FORSA ARMADAS

BOBONARO - “Ha’u la’ós  polítiku para polítik sira halimar, forsa armadas ita labele polítiza, ita nia argumentu ne’e tenke  fó sai labele subar balun, subar balun ne’e ladun di’ak,” Prezidente Repúblika, Taur Matan Ruak.

Xefe Estadu afirma diskusaun ba kazu ezonerasaun ne’e mak laiha ona solusaun nia sei foti desizaun tanba kazu ezonerasaun ne’e labele dada naruk tan.

Polémika ba desizaun Prezidente Repúblika ba ezonerasaun Xefe Estadu Maior Jenerál F-FDTL, Maijor Jenerál Lere Anan Timur hodi promove ba Tenente Jeneral, no promosaun ba Brigadeiru Jeneral Filomeno Paixão ba Maijor Jeneral hodi lidera F-FDTL, seidauk to’o nia rohan.

Hafoin Tribunal Rekursu rejeita rekursu kontesiozu hosi governu, Prezidente Repúblika ho governu kontinua halo diálogu.

“Prezidente tenke  ko’alia nafatin mas Prezidente labele dada buat ne’e to’o iha ne’ebé de’it, to’o momentu ida laiha ona solusaun Prezidente tenke  deside, ne’e hanesan ne’e iha nasaun hotu-hotu,” Taur hatete ba jornalista sira bainhira ba hala’o diálogu ho komunidade sira iha Postu Administrativu Bobonaro, Munisípiu  Bobonaro, Domingu, (03/04), hafoin vizita suku 12 iha munisípiu Likisa.

Maske nune’e, xefe estadu dadauk ne’e kontinua rona governu para haré  solusaun saida mak hetan, maibé  xefe estadu nia pozisaun mak kontinua nafatin buka solusaun mas solusaun ida rasional.

“Labele ita nia hakarak mas tanba saida mak hakarak ida ne’e, tanba saida mak ita tenke  halo ida ne’e, laiha esplikasaun ne’e labele,” Taur subliña.

Xefe estadu hatete, ema seluk mak bele aseita defende buat ne’ebé  laiha fundamentu karik mas xefe estadu ladun aseita tanba xefe estadu la toman ho ida ne’e, Taur Matan Ruak gosta hatoman ho buat ne’ebé fundamentu, hatete  dehan lakoi, lakoi tanba saida, hatete  dehan hakarak, hakarak tanba saida? Nune’e para hanoin ema nian bele funsiona, nia ulun fatuk ne’e la’o, sela’e ita nia ulun la la’o.

Xefe estadu esplika PR defende ezonerasaun Jenerál Lere Lere Anan mas governu hakarak kontinua, ne’e normál, tanba ne’e governu tenke  esplika tanba saida mak governu hakarak Maijor Jenerál, Lere Anan Timur kontinua.

Rajaiun sira ne’ebé mak governu defende tanba kestaun siguransa, maske nune’e xefe estadu hatete  kestaun konfiansa ne’e importante. Bainhira Taur Matan Ruak sei iha Jenerál, eis Prezidente Ramos Horta bolu nia ho eis Komandante Jeral Polísia Nasionál Timor-Leste (PNTL), Komisariu, Longhuinos Monteiro hodi husu kona-ba estabilidade nasionál bainhira Organizasaun Nasoens Unidas (ONU) sai hosi Timor-Leste, maibé  Taur Matan Ruak hanesan Jenerál hatete  katak uluk hasoru nasaun bele nusa mak hasoru bandidu ida labele, tanba ne’e kestaun konfiansa ne’e importante.

Governu hatete  dehan prepara tranzisaun, tanba ne’e xefe estadu hatete  nia rasik uluk prepara tinan 10 la to’o, hirak ne’ebé prepara tinan 2 de’it ne’e to’o fali, inklui mós tenke  prepara ofisiál sira.

Tanba ne’e xefe estadu hatete  úniku timoroan ne’ebé hasai kursu Jenerál ne’e mak Brigadeiru Jenerál, Filomeno Paixão no hasai mós lisensiatura iha area direitu nian.

“Úniku timoroan hasai kursu jenerál mak Filomeno Paixão hasai iha Portugal ho mais de 16 valores, segundu nia hasai lisensiatura em direitu, ha’u laiha lisensiatura nein um poco Jenerál kompara ha’u ho sinor Meno imposivel, ne’e signifika ita la rekoinese abilidade espirensia, sabedoria, no sientifiku tanba nia estuda,”xefe estadu hatete.

Tanba ne’e xefe estadu hatete, governu labele konsidera Prezidenete hanesan adversáriu maibé  hanesan parseiru, ejemplu ne’ebé xefe estadu hato’o bei-beik ba sidadaun sira katak uma karik orgaun do estadu sira ne’e hanesan ai rin mas Prezidente da Repúblika simbólu nasaun, komandante supremu das forsas armadas, naturalmente iha pozisaun ida ke forte, pozisaun labele falsu, pozisaun ida ke rasionál, lozika ita bele sustenta.(dgx)

Timor Post

EMA NAIN 31 INVOLVE SUNU MANUEL TOO MUTUK

DILI - Arguidu hamutuk tolu nulu resin ida (31) ameasadu kadeia, tanba sunu Manuel to’o mutuk. Kazu ne’e suku Lasaun, postu administrativu Atsabe, munisípiu Ermera.

Loloos ne’e kazu ne’e la’os problema bo’ot, maibé tan de’it problema  la-hun la-dikin,  arguidu na’in 31 kombina malu hodi ba halo torturasaun  ba lezada.

Tuir tradisaun lisan, arguidu na’in 31 ho lezada sei família hela, tanba sira hela suku ida, maibé aldeia  diferente.

Iha primeiru interogatóriu antes ne’e, arguidu na’in 8 hetan prizaun preventiva no arguidu na’in 21 hetan  Termu Identidade Rezidensia (TIR).

Oras ne’e, prosesu audénsia julgamentu hala’o hodi rona produsaun provas mai hosi parte arguidu ho lezada.

Tuir akuzasaun hosi Ministériu Públiku, katak loron 02/11/2014, iha Suku Lasaun, aldeia Nunmea ho aldeia Ai abe, postu administrativu Atsabe, munisípiu Ermera. Iha momentu ne’ebá, ema hotu preokupa lori ai-funan ba rate.

Iha altura ne’e mós mosu konfrontasaun entre lezadu Rogerio  sei família ho vítima Manuel, nune’e Lezadu Rogerio  hakilar ba nia fen Pascoela dehan, “motor atu soke o ne’e”.

Tan ne’e, Gilberto ne’ebé lori motor nu’udar mós arguidu hatán, nia liu, soke mate mós di’ak hela.

Nune’e arguidu Gilberto ba husu, ‘ita jagoan ka’. Bainhira rona Arguidu Gilberto nia lian, Lezada Rogerio halai, tanba tauk.

Depois Lezadu Rogerio halai mosu vítima Manuel,  nu’udar família hosi lezada Rogerio, nune’e arguidu sira kaer vítima baku to’o  monu ba rai, hodi rejulta lezado dezmaia, no arguidu sira sona kanek tan lezadu.

Bainhira vítima desmaia hela, arguidu sira kaer vítima manuel baku no soe tama tiha ba uma laran,  ikus arguidu sira sunu mutuk tiha lezadu ho uma hotu.

Iha altura ne’ebá mós, molok lezadu hakotu iis, vítima hakilar dehan “ha’u mate ona, ha’u mate ona”, maibé laiha ema ida mak ajuda.

Ho hahalok ne’e, arguidu na’in hirak ne’e, Ministériu Públiku akuza arguidu sira ho krimi haat hanesan planeadu krime homesidu, krime dano com violénsia, krime furto agravado, no krime ofensas simples.

Arguidu sira sunu mutuk vítima Manuel ho uma lisan ida hamutuk ho sasan lulik ne’ebé tau iha uma lulik refere inklui uma komunidade ida ho motor ida.

Pior liu tan arguidu sira na’ok duni vítima nia osan rihun $10 ne’ebé tau iha kareta laran.

Hafoin rona akuzasaun, tribunál haree arguidu sira barak tebes, nune’e sira maoria laiha advogadu no defensor públiku hodi fó asisténsia legál ba sira.

 Nune’e tribunál fó opurtunidade ba parte arguidu sira hodi konsluta ho defensór públiku ho advogadu privadu ruma, nune’e hodi fó asisténsia legál ba sira nia kazu, entaun tribunál adia kazu ne’e ba tempu seluk.

Prosesu julgamentu rona provas entre vítima ho suspeitu ne’e, prezide hosi Juiz koletivu Zumiaty Freitas, Antoninho Helder,  no Albertina da Conçeicão Neves.

Purtantu,  arguidu sira hetan defeza  hosi Defensór Públiku Rogerio Viegas ho Sebastião Amado, maibé tanba arguidu sira barak, presiza arguidu sira buka tan defeza.(max)

Timor Post