Média Labele Asesu Informasaun ba Instituisaun Defeza no Seguransa Ne’e Viola Constituição da RDTL

(Analiza Pessoal Bazeia ba Estetmentu Ministro Defesa e Seguransa José A. Sequeira “Samotxo”)

Husi: Moisés Vicente* | opiniaun 

Iha semana hirak liubá 20 Fevereiro 2018, fó sai iha média nacional RTTL.e.p-Radio e Televisão Timor-Leste Empreza Publiku, GMN TV-Grupu Media Nacional Televisão no Jornál Diariu Timor Post kona-bá estetmentu Ministro Defesa e Seguransa bandu média jornalista sira atu labele halo kobertura instituisaun rua hanesan FALINTIL-Força Defesa de Timor-Leste (F-FDTL) no Polisia Nacional Timor-Leste (PNTL). Ida ne’e tuir hakerek nain nia hanoin Ministro Defesa Seguransa viola bo’ot iha ita nia Constituisaun da Republica Democrática de Timor-Leste (RDTL). Iha ne’e hakerek na’in justifika uituan kona-bá saida mak papel ou funsaun ka kna’ar nudar jornalista nian ho lian Melayu ka Bahasa Indonesia dehan nune’e: Wartawan atau jurnalis atau pewarta adalah seseorang yang melakukan kegiatan jurnalistik atau orang yang secara teratur menuliskan berita (berupa laporan) dan tulisannya dikirimkan/dimuat di media massa secara teratur. Laporan ini lalu dapat dipublikasi dalam media massa, seperti koran, televisi, radio, majalah, film dokumentasi, dan internet. Wartawan mencari sumber mereka untuk ditulis dalam laporannya; dan mereka diharapkan untuk menulis laporan yang paling objektif dan tidak memiliki pandangan dari sudut tertentu untuk melayani masyarakat.

Iha ita nia Lei Inan consituição República Democrática de Timor-Leste (CRDTL 2002) artigu 40 Liberdade ko’alia no informasaun ninian 1. Ema hotu-hotu iha direitu ba liberdade ko’alia nian no direitu atu hetan informasaun ruma, no tan informasaun loloos nian. 2. Liberdade ko’alia no informasaun ninian labele hetan limitasaun hosi sensura ruma. 3. Lei maka sei regula direitu no liberdade ne’ebé temi-sai iha artigu ida-ne’e, ho baze iha imperativu kona-ba respeitu ba Lei-Inan no respeitu ba ema idaidak nia dignidade. Nomos iha Artigu 41 Liberdade imprensa no komunikasaun sosiál ninian 1. Iha garantia ba liberdade imprensa nian no ba meius seluk tan kona-ba komunikasaun sosiál. 2. Halo parte liberdade imprensa nian, liberdade ko’alia nian no hamoris/hakiak jornalista sira, asesu ba fontes kona-ba informasaun, liberdade editoriál, protesaun ba independénsia no ba segredu profisionál no mós direitu atu halo jornál, publikasaun ninian no meius difuzaun selu-seluk tan. 3. Labele permite monopóliu kona-ba meiu komunikasaun sosiál sira. 4. Estadu hametin liberdade no independénsia ba órgaun públiku kona-ba komunikasaun sosiál, husi podér polítiku no podér ekonómiku. 5. Estadu hametin ezisténsia ba servisu públiku ida ba rádiu no televizaun, ne’ebé sente livre, haree mós ba objetivu seluk, hanesan protesaun no divulgasaun kona-ba kultura no tradisaun Repúblika Demokrátika Timór-Leste nian, no fó garantia ba ema ida-idak atu hateten nia hanoin rasik. 6. Estasaun emisora ba radiufuzaun no rádiu televizaun nian bele hala’o de’it ho lisensa tuir lei haruka.

Iha parte seluk, artigu 146 Forsa Armada sira 1. Forsa Armada Timór-Leste nian, FALINTIL-FDTL, ne’ebé sidadaun nasionál de’it maka halo parte, ne’e mak responsavel ba defeza militár Repúblika Demokrátika Timór-Leste nian no nia organizasaun nu’udar ida mesak ba territóriu nasionál tomak. 2. FALINTIL-FDTL garante independénsia nasionál, integridade territoriál, liberdade no populasaun nia seguransa hasoru agresaun ruma ka ameasa externa, ho respeitu ba orden konstitusionál. 3. FALINTIL-FDTL labele iha partidu polítiku no rona de’it ba órgaun soberanu kompetente sira, tuir Lei-Inan no lei, no sira labele halo intervensaun polítiku naran ida. Artigu 147 Polísia no forsa seguransa sira 1. Polísia sei defende legalidade demokrátiku no garante sidadaun sira-nia seguransa internu, maibé sira labele iha partidu polítiku. 2. Prevensaun kriminál tenke hala’o ho respeitu ba direitus umanus. 3. Lei maka sei harii rejime ba polísia no mós forsa seguransa seluk.

Se em quando, Ministro Defesa no Seguransa José Agostinho Sequeira “Samotxo” atu taka informasaun ba média jornalista sira hotu, liu-liu ba instituisaun rua F-FDTL no PNTL ba públiku ne’e viola ona ita nia constituisaun da RDTL artigu por artigu balu iha ne’ebé hakerek na’in mensiona iha leten no viola mos Lei sira seluk iha pais Timor-Leste. Neste momento pais Timor-Leste mos sai tiha ona membru ONU-Organização Nasoens Unidas nian. Tempu uluk iha IV Governu nian liu husi Secrétario Estado Defeza (SED) halo hela nomeasaun ba Koronel F-FDTL atu sai observador militar ba ONU iha Guinea Bissau. F-FDTL nu’udar kontibusaun dame nian ba mundu hanesan observador militar. Iha sorin seluk, ida ne’e núdar sinal fiar nian husi povu internasional ba institusaun F-FDTL. Ita tenki valoriza fiar ida ne’e no tenki responde fiar ne’e ho fornese profezionalismu no disiplina an. No ita hotu fó apresia ba nomeasaun Komisariu PNTL Afonso de Jesus hanesan adidu Seguransa ba iha Embaixada Timor nian iha Canberra-Australia, nomeasaun ne’e fo sai iha loron 1 Febreiru 2018. (Fontes: http://www.fundasaunmahein.org/2018/02/12/adidu-seguransa-foun-iha-canberra-promove-kooperasaun-defesa-internasional/). Nomos membru mos ba Comunidades Pais Lingua Portugues (CPLP), satan Timor-Leste atu hakat tan atu tama membru ASEAN nian?. Sosiedade Sivil husi Fundasaun Mahein (FM): Defeza-Seguransa Labele Taka Informasaun. Fundasaun Mahein preokupa ho deklarasaun Ministro Defeza no Seguransa (MDS)...”Ministro bandu mídia sira para labele halo kobertura ba defeza no seguransa ne’e hanesan mos taka informasaun ba povu tanba povu iha direitu hodi livre asesu ba informasaun”. (Diariu Timor Post, Sabadu, 03 Marsu 2018, pagina 3). Tuir hakerek na’in nia hare’e eseptu informasaun sira ne’ebé sensitivu ne’e ita bele konsidera taka ba publiku no taka mos ba média.     

Iha sorin seluk, Lei de Defesa Nasional e Lei da Seguransa Nasional iha Situasaun de Crise. Triste tebes wainhira akompanha no rona estetmentu ka intervista ne’ebe Sua Exelencia Ministro Defesa e Seguransa Maun Veterano José Agustinho alias “SOMOTXO” iha media GMN-TV. Sua excelencia Ministro Defesa e Seguransa hatete katak “Problema Bo’ot Kuando Mosu Ohin Hau Hatete Militar Ida Polisia Ida la sai ne’ebé entrega tomak ba sira nain tolu nolu resin lima atu resolve problema ne’e iha Timor tomak” no iha Jornál INDEPEDENTE “ Orsamentu Ratifikativu Lapasa Problema Mosu F-FDTL no PNTL Fase Liman” nune’e mos iha media Timor Agora ”Kuando Situasaun Grave Mosu iha Timor-Leste, F-FDTL no PNTL ne’ebe halo Defeza no Seguransa sei latun halo intervensaun e obriga Parlamento Nasional tenke aprova orsamento ratifikativo”.

Antes atu taka, hakerek na’in foti lia menon balu husi Prezidente da Republika Francisco Guterres Lú Olo hatete “Iha mundu modernu, moris loroloron iha sosidedade livre no seguru, hanesan ita-nia nasaun, fasil tebes atu haluha katak ita sai livre tanba eroi no veteranu sira, ha’u hanoin valór rezisténsia sira mak halo nasaun ne’e bele hamrik, rezisténsia hotu-hotu ho sentru husi povu lori valor nasaun nian no ita-nia kultura liufali interese ema idak-idak ninian”. Prezidente da Repúblika Francisco Guterres Lú Olo nia intervensaun iha abertura Konferénsia Komemorasaun Loron Nasionál Veteranu Sira. Centro de Convenções de Dili, 2 Marsu 2018.

* Hakerek Na’in: Alumni Universidade da Paz-(UNPAZ), Faculdade de Direito, 2008. Artigo ida ne’e larepresenta institusaun ne’ebé hakerek na’in haknar ba, maibé idea no argumentu sira ne’ebé lekar iha artigu ne’e nudar opinião pesoál. Iha sujestaun ruma bele haruka iha e-mail: moisesvicente.mahein@gmail.com.

Timor-Leste Hetan tan Direitu Soberania

DILI, (TATOLI) – Organizasaun La’o Hamutuk konsidera asina akordu ketan tasi (fronteira marítima) entre Timor-Leste (TL) no Austrália ne’ebé sei hala’o iha Novaiorke, Estadu Unidu Amérika (EUA) nu’udar pasu ida ba Nasaun hodi hetan tan nia direitu ba soberania.

Asina akordu fronteira sei hala’o iha tuku 17.00 oras EUA no tuir oras TL, tuku 7.00 dader, loron 7 marsu 2018.

“Ami haree akordu ida ne’e pasu ida ba Timor-Leste hetan tan nia direitu soberania”, dehan peskizadór La’o Hamutuk, Juvinal Dias, ba TATOLI iha nia kna’ar fatin Bebora, ohin.

Movimentu Kontra Okupasaun Tasi Timor (MKOTT), organizasaun sosiedade sívil, ativista, estudante sira luta ida no hakarak atinji eh hetan soberania katak hetan ketan tasi ida ne’ebé permanente entre Timor-Leste ho Austrália. “Ida ne’e mak buat fundamentu”, reforsa.

“Ami hanoin husi La’o Hamutuk hanesan organizasaun ida ne’ebé mós prepara matéria barak, informasaun barak kona-ba lala’ok fronteira marítima, ami haree akordu ne’e hanesan vitória ida ba Timor-Leste”, afirma tan peskizadór ne’e.

Hanesan vitória tanba konsege konkista luta ida ho nasaun jigante ida, luta ne’e la’ós fásil. “Espesialmente ba kolega sira husi sosiedade sívil, luta ida ne’e naruk liu ba ami, hahú kedas iha 2002, 2004, ami hahú luta ida ne’e, hakarak fanu opiniaun públiku, opiniaun estadu, opiniaun Austrália no komunidade internasionál kona-ba diretu Timor-Leste nian”, refere.

Komemora Vitória

Organizasaun La’o Hamutuk sei komemora vitória iha sede La’o Hamutuk, Bebora, tuku 7.00 dader ho maneira simples tuir kapasidade organizasaun nian ba ema hotu.

“Halo reflesaun simples, ami konvida ema barak, ita-boot sira [jornalista] bele mai, ema barak, ema hotu bele mai, fatin ida ne’e [La’o Hamutuk] nakloke ba públiku, ita halibur iha ne’e, ita bele halo reflesaun oras ida, oras rua, pois ita bele fahe malu”, konvida.

Komemora vitória ne’e, peskizadór ne’e husu ema hotu partisipa, la’ós iha La’o Hamutuk de’it maibé bele mós husi sidadaun timoroan sira iha ne’ebé de’it, ho maneira ida-idak nian la presiza partidu ida mak lidera.

“Ami [La’o Hamtuk] lansa hela opiniaun ida ba públiku katak ita selebra hamutuk, selebra ho maneira ida-idak nian, ita la presiza partidu ida mak atu lidera, la presiza ema seluk lidera”, akresenta.

Hodi hatutan: “Ami-nia desizaun selebrasaun fora de interese partidu, ami organizasaun ne’ebé independente”.

La’o Hamutuk, hanesan Organizasaun Naun-Governmental (ONG) Timor-oan, ne’ebé servisu dezde 2000 atu monitór no analiza atividade sira husi ajénsia internasionál no governmentál iha Timor-Leste. Hodi hanoin katak dezenvolvimentu iha ne’e tenke responde ba povu nia nesesidade no povu nia hakarak.

Organizasun ne’e foka ba sistema no institusaun internasionál sira, atu proteje soberania ai-han no evita “malisan rekursu” iha Timor-Leste, ne’ebé depende makaas ba rendimentu petrolífeiru nomós atu hadi’ak liutan governasaun ne’ebe demokratiku no justisa.

- Notísia relevante husi La’o Hamutuk: https://laohamutuk.blogspot.com/2018/03/ema-hotu-bele-mai-festa-ba-tratadu.html

- Asina transmisaun direitu husi EUA, klik: http://webtv.un.org/

Jornalista: Rafy Belo | Editora: Rita Almeida

Imajens: 1 - Demonstrasaun kona-ba fronteira marítima. Dokumentasaun Lao Hamutuk; 2 - Peskizadór ONG Luta Hamutuk, Juvinal Dias

MAP Prepara Hela Dokumentu Planu Estratéjiku Peska Nian

DILI, (TATOLI) – Diresaun Jerál Peska, Ministériu Agrikultura no Peska (MAP) prepara hela dokumentu planu estratéjiku peska nian ne’ebé sei sai hanesan matadalan, tanba Timor-Leste iha ona lei peska, polítika no instrumentu internasionál ne’ebé tenke halo tuir.

Diretór Jerál Peska, MAP, Acácio Guterres, hatete tanba lei peska Timor-Leste nian mós tinan 10 resin ona maka oinsá atu armoniza fali ho dokumentu ne’e ho baze legál ne’ebé iha para sai matadalan hodi jere rekursu tasi-laran para iha sustentabilidade.

“Matadalan ida ne’e oinsá mak lori ita atu dezenvolve ita-nia rekursu tasi, oinsá mak aproveita esplora ita-nia rekursu ho sustentabilidade, entaun iha dokumentu ida ne’e mak ita sei tuur hamutuk hodi haree, oinsá mak tau ideia para hotu-hotu bele aplika bainhira laiha kontradisaun ho instrumentu ne’ebé iha”, hatete bainhira halo konsultasaun ho ministériu relevante iha Komoro, ohin.

Dokumentu ne’ebé agora prepara hotu ona no hetan mós apresisaun husi entidade hotu. Hodi hatutan matadalan ne’e sei halo mós konsultasaun iha munisípiu hotu no sei fahe ba fatin lima.

“Iha parte súl maka sei tau iha Ainaru-Hatudu depois konvida peskadór husi Suai, Same para bá tuur hamutuk iha sentru. Iha parte leste sei tau iha Baukau, ita konvida peskadór husi Lautein, Vikeke, Manatutu no Baukau rasik depois iha parte norte sei tau iha Maubara, konvida peskadór husi Bobonaru no Dili rasik bá no ida sei tau iha Ataúru no Oekusi”.

Hafoin konsultasaun sei konvida fali reprezentante husi fatin sira ne’e para mai hamutuk fali iha Dili hodi loke fórum ida atu tau ideia hamutuk sobre dokumentu ne’e para mellora liután tanba peskadór sira mak sei implementa barak liu, nune’e presiza sira-nia ideia, katak tan.

“Dokumentu ida ne’e ita planu iha setembru tinan ne’e bele remata, depois Ministru Agrikultura lori ba Konsellu Ministru para hetan apresiasaun no sai dokumentu legál ida oinsá mak la’o tuir”.

Jornalista: Maria Auxiliadora | Editora: Rita Almeida

Imajen: Ilustrasaun hosi google.

GMN TV | JORNAL NACIONAL - 06.03 | kalan

Lei Anti Korupsaun Sei Iha Gaveta PN

DILI - Maske Timor Leste iha ona Komisaun Anti Korupsaun maibe, too oras nee seidauk iha lei anti korupsaun, lei nee tama ona iha Parlamentu Nasional maibe seidauk hetan aprovasaun.

Preokupasaun nee fo sai husi Primeiru Ministru PM, Mari Alatiri ba jornalista sira hafoin remata enkontru ho Prezidente Republika Francisco Guterres Lú Olo, iha Palasiu Prezidensial Bairru Pite,Tersa, ( 6/3/2018).

“Ita preokupa, tanba lei nee sei iha hela gaveta Parlamentu, tanba nee susar tebes ba Komisaun Anti korupsaun KAK no Ministeriu Publiku atu halo investigasaun ba korupsaun sira tan deit Lei nee seidauk hetan aprovasaun,” informa Primeiru Ministru.

Nia mos afirma liu tan, karik iha eleisaun antisipa nee maka Fretilin manan absolute maka sei tau prioridade ba lei anti korupsaun, atu nunee bele fasilita diak liu tan servisu Komisaun anti korupsaun no mos Ministeriu Publiku nia servisu hodi haree konaba partisipasaun ekonomiku ou korupsaun sira.

Iha fatin hanesan Prokurador Jeral Republika, Jose da Costa Ximenes hateten, membru governu neebe komete aktus korupsaun no abuzu poder sei iha segredu justisa, tanba nee seidauk iha posibilidade atu fo sai ba publiku. 

Notisia kompletu lee iha jornal edisaun Kuarta, (7/03/2018).

Madalena Horta  | Suara Timor Lorosae

Pipe Line Mai TL Fo Benefisiu Boot

DILI - Governu Timor Leste (TL), hakarak atu dada Pipe Line mai TL, tanba haree ba nia benefisiu ekonomia no benefisiu koleteral nee boot.

Kestaun nee fo sai husi Primeiru Ministru Mari Alkatiri ba Jornalista sira, Tersa (06/03/2018) iha Palasiu Prezidensial Bairru Pite, Dili, hafoin remata enkontru ho Prezidente da Republika Francisco Guterres Lú Olo.

Hau hanoin deste uluk kedas ita defende makas atu dada duni mai TL, tanba benefisiu koleteral no efeitu multifikador, no konta ho buat sira nee maka ita hakarak dada Pipe Line mai TL, tanba nia benefisu boot ba ita,” informa PM Mari Alkatiri.

Nia mos afirma tan, konaba greater sunrise governu tenke halo kedas akordu ona maibe, sebele  tenke iha rezerva  greater sunrise atu nunee bele investe ba jerasaun aban bain rua nian, bele tama iha fundus maibe tenke halo lei ida hodi aperta diak liu tan fundus nee.

Iha fatin hanesan Kordenador Nasionál Civil Society Education Partnership TL, Jose de Jesus hatutan, Timor oan hotu hotu orgullu, kuandu esforsu atu bele dada kadoras mai TL. Nee hanesan benefisiu diak ba nasaun TL no mos ba jerasaun futuru, tanba nee sei fo empregu ka kampu traballu nee bebarak liu ba joven sira hodi bele hetan servisu. 

Notisia kompletu lee iha jornal edisaun Kuarta, (7/03/2018).

Madalena Horta | Suara Timor Lorosae

Fidelis: Labele Espekula XG Lapartisipa

DILI – Labele espekula Xefe Negosiador (XG) FM, Xanana Gusmao lapartisipa iha asina akordu FM, tanba atu hatene desizaun klaru so mai husi Xanana rasik.

Tuir Xefe Bankada PLP Fidelis Magalhaes katak, sira seidauk hatene lo-loos informasaun nee, desizaun tomak nee hein husi Xanana rasik, neebe diak liu lalikan halo espekula lai.

“Fiar nafatin katak desizaun saida deit mak maun Xanana hola em relasaun ho nia prezensa fizika ba asinatura nee sei ladiminui valor husi prosesu nee rasik, tanba nee maun Xanana mak lidera, buat neebe imporante mak rezultadu iha ona, kona ba asinatura nee bele delega maibe, diak liu ita lalikan komentar lai, importante mak rezultadu iha ona,” katak Fidelis ba Jornalista iha PN, Tersa, (06/03/2018).

Entretantu Deputadu husi Bankada Fretilin, Antoninho Bianco hatete, FM nee prosesu ida para atu bele asina deit ona, neebe atu asina nee ministru adjuntu ba asuntu FM Agio Pereira, maibe bele mos maun Xanana partisipa  ou lae. 

Notisia kompletu lee iha jornal edisaun Kuarta, (7/03/2018).  

Guilhermina Franco | Suara Timor Lorosae

GMN TV | JORNAL NACIONAL - 06.03 | meiu dia

Governu timoroan aumenta prazu ba empreza sira hodi adere ba rejimi Seguransa Sosial

Governu timoroan aprova ona, iha loron-segunda ne'e, aumentu prazu ida ba empreza sira hodi adere ba rejimi Seguransa Sosial no hodi la hetan multa sira, hodi hetan benefísiu sira ba empreza sira ne'ebé halo ona, anunsia hosi ezekutivu.

Desizaun, ne'ebé foti iha reuniaun hosi Konsellu Ministru iha loron-segunda ne'e, ho baze hosi rekomendasaun ida hosi ministra Solidariedade Sosial, Florentina Smith, ne'ebé hakarak hatán nune'e ba preokupasaun hosi empreza oioin kona-ba kumprimentu prazu sira nian.

"Hanesan reforma polítika foun ida iha Timor-Leste no tanba konsidera susar sira ne'ebé hato'o hosi empreza sira hodi kumpri lalais sira nia obrigasaun legal sira, nune'e presiza aprova diploma lejislativu ida ne'ebé proteje kareira kontributivu sira no direitu sira hosi traballador sira nian, no iha tempu hanesan apoia no insentiva entidade empregadora sira iha faze dahuluk hodi adere rejimi ne'e", Governu esplika liuhosi komunikadu.

Iha konkretu, empreza sira ne'ebé iha traballador liu na'in 100 resin tenki, to'o loron 30 Juñu tinan ne'e, regulariza nia situasaun no ba entidade sira ne'ebé iha empregadu sira menus hosi na'in 100 bele halo to'o loron 30 Outubru, "benefisia nune'e izensaun hosi multu no juru sira".

Hodi rekoñese empreza sira ne'ebé kumpri ona prazu dahuluk sira no ne'ebé halo ona nia inskrisaun no pagamentu sira, Governu permiti atu hili entre "simu vantajen sira hosi persentajen ida iha taxa kontributivu hahú hosi fulan-Fevereiru 2018 nian ba períudu ida tinan rua nian" ka "suspende inskrisaun sira ne'e hodi halo iha prazu foun, lahó prejuízu hosi kontajen iha kareira kontributivu hosi nia traballador sira nian".

To'o fulan-Janeiru, traballador timoroan hamutuk rihun 75, ne'ebé iha besik rihun 30 hosi área privadu, rejista ona iha sistema Seguransa Sosial Timor-Leste nian, ne'ebé hahú formalmente iha tinan liubá.

Aida Mota, diretora hosi Seguransa Sosial iha Timor-Leste, esplika ona katak to'o fulan-Outubru, prazu ne'ebé fó antes, rejista ona empreza besik 95 ne'ebé iha traballador liu na'in 100.

Aleinde funsionáriu públiku hamutuk rihun 34, ajente polísia hamutuk rihun haat no militar hamutuk rihun rua resin, rejista mós ema sira ne'ebé iha kontratasaun temporáriu hosi Estadu no traballador rihun 30 resin hosi setór privadu.

Funsionáriu sira hosi Seguransa Sosial rasik hahú ona rejista traballador doméstiku sira, iha esforsu sira hodi inklui iha sistema parte hosi serbisu informal hosi nasaun, ne'ebé maka inklui tan traballador sira.

Rejimi kontributivu foun hosi Seguransa Sosial no orsamentu dahuluk hosi Seguransa Sosial aprova ona iha tinan 2016 nia rohan. Rejimi kalkula aplikasaun hosi taxa global kontributivu ida hosi 10% hosi valor baze insidénsia kontributivu nian (saláriu, hamutuk ho fulan 13 no mós komplementu permanente mensal sira), no 6% sei selu hosi empreza no 4% hosi traballador.

Ba traballador sira ho konta hosi ema seluk, barak liu iha Timor-Leste, entidade empregadora maka tenki halo inskrisaun ba funsionáriu sira, halo retensaun iha fonte no selu fulan-fulan ba Seguransa Sosial.

Iha prátika, ne'e implika katak tenki halo, fulan-fulan, deklarasaun ida saláriu nian ba Seguransa Sosial ne'ebé emiti matadalan pagamentu ida, no empregador tenki selu kontribuisaun sira ho osan ka liuhosi transferénsia bankáriu to'o loron 20 hosi fulan tuirmai.

SAPO TL ho Lusa

Timor-Leste/Eleisaun: CNE aprova ona koligasaun pré-eleitoral tolu ba votu loron 12 Maiu

Komisaun Nasional Eleisaun nian (CNE) valida ona koligasaun pré-eleitoral tolu ne'ebé sei aprezenta ba eleisaun parlamentar loron 12 Maiu nian iha Timor-Leste, no formuláriu sira ba koligasaun seluk ruma "foti ona", hatete hosi prezidente hosi órgaun eleitoral ne'e.

Alcino Baris, prezidente hosi Komisaun Nasional Eleisaun nian (CNE), konfirma ona ba jornalista sira katak informasaun hosi koligasaun tolu publika tiha ona iha Jornal Repúblika

.

Frente Dezenvolvimentu Demokrátiku (FDD) - koligasaun dahuluk ne'ebé kompleta rekizitu tomak hodi bele konkore iha eleisaun antesipadu loron 12 Maiu - inklui partidu polítiku haat ne'ebé aprezenta ketak-ketak iha eleisaun parlamentar tinan 2017b nian: Partidu hosi Unidade no Dezenvolvimentu Demokrátiku nian (PUDD), Uniaun Demokrátika Timoroan (UDT), Frente Mudansa (FM) ho Partidu Dezenvolvimentu Nasional (PDN).

Responsável hosi CNE konfirma mós katak valida ona Aliansa hosi Mudansa ba Progresu (AMP), ne'ebé halibur forsa boot tolu hosi opozisaun, Congresso Nacional da Reconstrução Timorense (CNRT), Partidu Libertasaun Popular (PLP) ho Kmanek Haburas Unidade Nacional Timor Oan (KHUNTO).

Iha semana liubá, valida mós koligasaun datoluk, Movimentu hosi Dezenvolvimentu Nasional (MDN) ne'ebé halibur partidu haat ne'ebé iha tinan 2017 aprezenta ketak-ketak.

Iha konkretu, halo parte hosi Asosiasaun Popular Monarkia Timoroan (APMT), Partidu Liberta Povu Aileba (PLPA), Partidu Movimentu Libertasaun Povu Maubere (MLPM) no Unidade Nasional Demokrátika hosi Rezisténsia Timoroan nian (Undertim).

"Partidu sira seluk foti mós formuláriu sira ne'ebé presiza, maibé to'o agora seidauk aprezenta tan koligasaun ruma. Bele halo to'o loron 12 Marsu", nia esplika.

"Koligasaun sira agora iha loron 30 ba partidu polítiku sira aprezenta sira nia lista kandidatura", nia esplika.

Iha enkontru hanesan ho jornalista sira, responsável hosi CNE fó sai aspetu sira seluk hosi preparativu sira ba eleisaun sira, liuliu katak hala'o hela iha munisípiu timoroan oioin kampaña sosializasaun ida kona-ba votu.

Resenseamentu iha Timor nia laran no iha estranjeiru hala'o hela mós, destaka susesu hosi prosesu ida hosi rejistu móvel iha Reinu Unidu ne'ebé halo ona ema timoroan hamutuk na'in 500 resin halo ona resenseamentu iha loron hirak ikus ne'e.

SAPO TL ho Lusa

Julie Bishop: Tratadu fronteira nian ho Timor-Leste hanesan kapítulu foun iha relasaun bilateral

Tratadu fronteira tasi nian entre Timor-Leste ho Austrália, ne'ebé sei asina iha loron-tersa iha Nova Iorke marka kapítulu foun ida iha relasaun bilateral entre nasaun rua, afirma hosi xefe diplomasia australianu liuhosi komunikadu.

"Iha loron 06 Marsu, sei hamutuk ho ha'u líder sira hosi Timor-Leste hodi asina "Tratadu istóriku entre Austrália ho Repúblika Demokrátika Timor-Leste ne'ebé estabelese sira nia limiti marítimu sira iha tasi Timor nian'", refere hosi Julie Bishop ne'ebé maka haktuir hosi komunikadu.

"Ne'e marka kapítulu foun ida iha ami nia relasionamentu ho Timor-Leste, hakbesik ami hanesan viziñu sira ne'ebé fahe fronteira ida no hanesan parseiru sira ho belun sira", nia esplika no rekorda katak asinatura sei asisti hosi sekretáriu-jeral ONU nian, António Guterres, no hosi prezidente Komisaun Konsiliasaun nian, Peter Taksøe-Jensen.

Ne'e hanesan komentáriu ofisial úniku hosi Governu australianu kona-ba final hosi negosiasaun kona-ba tratadu ne'ebé hotu ona iha fulan liubá iha Kuala Lumpur, Malázia.

Maski iha pedidu oioin hosi Lusa ba deklarasaun sira, to'o agora Julie Bishop nia gabinete seidauk fó resposta ruma.

Hosi parte timoroan nian, dokumentu ne'e sei asina hosi atual ministru Adjuntu hosi primeiru-ministru ba Definisaun Fronteira nian, Agio Pereira.

Tratadu, ne'ebé seidauk hatene konteúdu loloos kona-ba akordu, tau iha liña fronteira nian pozisaun ne'ebé maka Timor-Leste defende hodi tau liña iha dalan klaran entre nasaun rua ne'e.

Liña ida ne'ebé administrasaun kolonial portugeza, okupante indonéziu sira ho dirijente timoroan sira defende beibeik katak tenki tau iha fatin ne'ebé maka agora sei tau no ne'ebé formaliza pose hosi rekursu sira ne'ebé, to'o agora, Timor-Leste tenki fahe ho Canberra.

Momentu istóriku importante taka siklu ida ho polémika ne'ebé dura ona durante dékada oioin, protestu sira no negosiasaun maka'as sira hodi defini liña ida ne'ebé nia indefinisaun kusta ona ba Timor-Leste dolar biliaun lima, haktuir hosi kálkulu ne'ebé halo hosi La'o Hamutuk.

Dezde restaurasaun independénsia nian hamosu ona relasaun negativu entre Estadu rua ne'e, marka beibeik iha relasaun entre Governu australianu ho povu timoroan nian.

Tratadu hosi fronteira tasi nian ne'ebé maka Timor-Leste ho Austrália sei asina iha loron-tersa iha Nova Iorke hanesan rezultadu hosi teste ida ba instrumentu sira hosi Lei Tasi nian no, iha konkretu, ba Prosedimentu hosi Konsiliasaun Obrigatóriu (PCO).

Ronda negosial maka'as hamutuk 11, durante fulan 19 nia laran, hodi hetan akordu ida ne'ebé ema optimista sira hanoin katak sei demora tinan barak nia laran no ema pesimista sira hanoin katak sei laiha rezultadu.

Negosiasaun sira, ho apoiu hosi painel ida hosi espesialista internasional na'in lima no asisténsia hosi Tribunal Permanente Arbitrajen nian, hala'o iha ámbitu hosi Konvensaun ONU nian kona-ba Lei Tasi nian (ne'ebé koñesidu ho sigla UNCLOS).

Prosesu hahú iha loron 11 Abril 2016, bainhira Timor-Leste notifika Austrália - dokumentu ne'ebé entrega hosi embaixador timoroan nian iha Canberra, Abel Guterres - hodi hamosu PCO, hodi halo Canberra tuur hamutuk iha negosiasaun sira no defini fronteira tasi sira permanente entre nasaun rua ne'e.

SAPO TL ho Lusa

Fonte diplomátika: Xanana la marka prezensa iha asinatura ba tratadu ho Austrália

Xanana Gusmão, ne'ebé lidera ekipa Timor-Leste nian hodi halo negosiasaun ba tratadu foun hosi fronteira tasi nian ho Austrália, sei la partisipa iha serimónia asinatura hosi dokumentu istóriku, konfirma hosi fonte diplomátika timoroan ba Lusa.

"Antes hanoin kona-ba nia partisipasaun iha serimónia iha Nova Iorke maibé ami simu informasaun katak sei la partisipa", hatete hosi fonte ida ba Lusa. Informasaun ne'e konfirma hafoin hosi fonte sira seluk iha Nova Iorke no iha Díli.

Laiha ema ida maka esplika motivu hosi auzénsia Xanana Gusmão nian iha asinatura ba dokumentu ne'ebé sei hala'o iha tuku 17:00 (oras Nova Iorke nian), iha loron-tersa iha sede ONU nian.

Iha semana liubá, Governu timoroan fó sai ona katak, la hanesan ho planu antes, primeiru-ministru, Mari Alkatiri, sei la partisipa iha serimónia iha Nova Iorke.

Iha momentu ne'ebá, ezekutivu esplika katak "laiha sentidu" Mari Alkatiri nia viajen hafoin konfirma tiha ofisialmente katak xefe Governu australianu nian sei la marka mós prezensa.

Iha semana ne'e, ezekutivu fó sai ona nota ida hodi klarifika katak "hafoin kontakta tiha Misaun Permanente hosi Repúblika Demokrátika Timor-Leste nian iha ONU, iha Nova Iorke, Governu Austrália nian laiha intensaun hodi reprezenta nia Primeiru-Ministru, Malcom Turnbull, maibé serimónia asinatura nian ba akordu definisaun fronteira tasi nian sei hala'o hosi Ministra Negósiu Estranjeiru australianu, Julie Bishop".

Auzénsia hosi líder na'in rua ne'e akontese hafoin fulan barak iha tensaun polítika entre Governu koligasaun nian, lider hosi Fretilin, no opozisaun, lidera hosi Congresso Nacional da Reconstrução Timorense (CNRT), Xanana Gusmão nian.

Tensaun ne'e halo Prezidente Repúblika, Francisco Guterres Lu-Olo, foti desizaun hodi sobu parlamentu no konvoka eleisaun antesipadu.

Bainhira líder na'in rua ne'e halo viajen to'o Nova Iorke, sei sai hanesan enkontru dahuluk entre sira dezde Xanana Gusmão sai hosi Timor-Leste, iha fulan-Setembru tinan liubá. Líder timoroan ne'e seidauk fila ba nasaun.

Tratadu ne'e sei asina hosi atual ministru Adjuntu hosi primeiru-ministru ba Definisaun Fronteira nian, Agio Pereira - reprezenta Timor-Leste - no hosi ministra Negósiu Estranjeiru australianu, Julie Bishop, reprezenta Austrália.

Sekretáriu-jeral ONU nian, António Guterres, ho prezidente hosi Komisaun Konsiliasaun nian, Peter Taksøe-Jensen, ne'ebé halo mediasaun ba negosiasaun sira entre nasaun rua, sei sai sasin ba asinatura.

Ajenda kalkula katak delegasaun rua ne'e sei hasoru malu antes serimónia asinatura, tuir deklarasaun hosi signatáriu na'in rua no hosi sasin na'in rua no, hafoin ne'e maka iha konferénsia imprensa hamutuk ida.

Loron ne'e sei hotu ho resepsaun ofisial ida ne'ebé sei iha deklarasaun sira hosi Julie Bishop ho Agio Pereira.

Tratadu, ne'ebé seidauk hatene konteúdu loloos kona-ba akordu, tau iha liña fronteira nian pozisaun ne'ebé maka Timor-Leste defende hodi tau liña iha dalan klaran entre nasaun rua ne'e, haktuir hosi konfirmasaun sira hosi fonte sira ne'ebé maka partisipa iha negosiasaun sira ba ajénsia Lusa.

Liña ida ne'ebé administrasaun kolonial portugeza, okupante indonéziu sira ho dirijente timoroan sira defende beibeik katak tenki tau iha fatin ne'ebé maka agora sei tau no ne'ebé formaliza pose hosi rekursu sira ne'ebé, to'o agora, Timor-Leste tenki fahe ho Canberra.

Tratadu ne'e hetan hosi teste ida ba instrumentu sira hosi Lei Tasi nian no, iha konkretu, ba Prosedimentu hosi Konsiliasaun Obrigatóriu (PCO).

Ronda negosial maka'as hamutuk 11, durante fulan 19 nia laran, hodi hetan akordu ida ne'ebé ema optimista sira hanoin katak sei demora tinan barak nia laran no ema pesimista sira hanoin katak sei laiha rezultadu.

Negosiasaun sira, ho apoiu hosi painel ida hosi espesialista internasional na'in lima no asisténsia hosi Tribunal Permanente Arbitrajen nian, hala'o iha ámbitu hosi Konvensaun ONU nian kona-ba Lei Tasi nian (ne'ebé koñesidu ho sigla UNCLOS).

SAPO TL ho Lusa

Búfalo timorense continua símbolo de riqueza e prestígio

Na década de 70, logo a seguir ao Vietname e ao Nepal, segundo Luís Filipe Thomaz, Timor-Leste era o território com mais cabeças de gado por habitante, chegando a atingir mais de 800 mil cabeças de gado, bovino, bufalino, suíno, caprino e ovino.

M. Azancot de Menezes* | Jornal Tornado

Em meados da década de 1990 o número foi reduzido para 796 mil cabeças. Devido às perturbações que se seguiram ao referendo de 1999 e à doença que dizimou o gado em 2000, no ano seguinte, havia apenas 480 mil cabeças (Thomaz, 2002).

Timor-Leste já teve mais de 800 mil cabeças de gado!

Em 2010 havia 161654 cabeças de bovino e 96484 cabeças de bufalinos, sendo a distribuição mais representativa nos Municípios de Covalima (49,3%) e Bobonaro (43,3%), e na Região Administrativa Especial de Oé-cussi com 44,5% (Amaral, 2017).

Para os timorenses, possuir gado, representa riqueza e prestígio, sendo uma forma de garantia de sustento da família, como o pagamento dos estudos dos filhos, mas também em momentos de festa, sobretudo em cerimónias tradicionais, como o desluto ou o “barlake”, esta última, uma tradição cultural que existe há gerações. Quando um homem quer casar com uma mulher, a família do noivo tem que preparar o “barlake” que quase sempre inclui a oferta do búfalo.

O búfalo, respeitado por todos, um animal imponente que pode pesar até 1200 quilos, continua a ser considerado um dos principais símbolos da riqueza e prestígio do povo timorense.

*Secretário-Geral do Partido Socialista de Timor-Leste e PhD em Educação.

*M. Azancot de Menezes também colabora no Timor Agora

Conferência Internacional “Governação e Organização da Justiça Criminal”

Na terça-feira, dia 6 de março, oradores nacionais e internacionais irão debater a organização e gestão da justiça criminal, numa conferência internacional que decorrerá no Hotel Novo Turismo, em Díli.

Esta conferência é uma iniciativa apoiada pela União Europeia e o Camões – Instituto da Cooperação e da Língua, I.P. no âmbito do Projeto de Apoio à Consolidação do Estado de Direito nos PALOP e Timor-Leste (PACED), em parceria com o Tribunal de Recurso de Timor-Leste.

Durante o evento os participantes irão debater os desafios que os órgãos de polícia criminal e os tribunais enfrentam perante o crescimento da criminalidade organizada de cariz económico-financeiro.

Face à necessidade de se encontrarem respostas rápidas, eficazes, concertadas e economicamente sustentáveis no modo como se investigam e julgam os crimes, o debate irá incidir no reforço dos mecanismos e das estruturas de governação, organização e gestão da justiça criminal, desde o nível cimeiro da estratégia do governo e das políticas públicas, às próprias tarefas investigatórias, probatórias e jurisdicionais.

A conferência internacional contará com Jorge Graça, jurisconsulto e ex-presidente da extinta Comissão para a Reforma Legislativa e do Setor da Justiça (Timor-Leste), José Lopes da Mota, juiz conselheiro do Supremo Tribunal de Justiça (Portugal), Marcelo Piragibe, diretor da Escola Nacional de Magistratura (Brasil), João Carlos Trindade, juiz conselheiro do Tribunal Supremo (Moçambique) e Conceição Gomes, coordenadora do observatório permanente da justiça portuguesa.

O PACED é uma parceria da União Europeia com os PALOP e Timor-Leste, e tem como objetivos a afirmação e consolidação do Estado de direito nestes países, assim como a prevenção e luta contra a corrupção, o branqueamento de capitais e a criminalidade organizada e, em particular, o tráfico de estupefacientes.

Em Timor-Leste o PACED, além do Tribunal do Recurso, trabalha diretamente com o Ministério da Justiça, a Procuradoria-Geral da República, a Polícia Científica de Investigação Criminal e a Unidade de Informação Financeira.

Governo de Timor-Leste