Esperansa ba Eleisaun Suku mak Labele Kahur Polítika

DILI, (ANTIL) – Eleisaun ba lideransa suku ne’ebé sei akontese iha loron 30 fulan ne’e ho esperansa sei la-kahur ho polítika tanba, komunidade sira iha nível suku koñese malu ho didiak hodi hili sira nia lideransa lokál.

”Kandidatura ne’e hothotu independénte maibé, la-signifika la mai hosi ema partidu, em prinsípiu lakohi atu polítiza suku sira, maibé hakarak povu ne’e moris ho natureza sosiál, oinsá povu bele haree malu ho di’ak tanba, koñese malu”, Ministru Estadu Koordenadór asuntu Administrasaun Estadu e Justisa no Ministru ba Administrasaun Estatál, Dionísio Babo Soares ba jornalista sira foin lalais ne’e iha Dili.

Ho esperénsia ne’ebé liu ona, tuir nia, polítika sira labele fahe povu iha nível kraik, povu tenke moris hakmatek hodi hili ema ne’ebé iha duni kompeténsia atu ukun no lidera, labele tan kor polítiku.

”Polítika ne’e eleisaun jerál mak vota de’it, maibé nível suku ne’e di’ak liu lalika polítiza tanba, ita nia situasaun seidauk to’o faze iha maturidade polítika ne’e a’as tebes”, Babo realsa.

Eleisaun suku ne’ebé atu akontese, ho esperansa atu oinsá ema ida mak hetan fi’ar hodi lidera, labele mosu hanoin ida hosi povu katak, hosi partidu A ka B maibé oinsá atu haree serbisu ba oin hodi servi.

Konsellu Ministru dekreta ona loron atu hala’o sorumutu Asembleia Aldeia nian no Konsellu Suku nian ho ninia objetivu atu konstitui meza eleitorál no simu kandidatura ba Xefi Suku ne’ebé sei hala’o iha loron 15 fulan-Setembru.

Sorumutu Asembleia Aldeia nian sira ne’ebé hala’o ho objetivu atu hili delegadu Aldeia nian sira ba Konsellu Suku, nune’e mós Xefi Aldeia sira no Xefi Suku sira sei hala’o iha loron 30 fulan-Setembru.

Depois apuramentu, sei hala’o sorumutu iha loron 1 fulan-Outubru. Kuandu akontese eleisaun ba daruak, sei hala’o iha loron 7 fulan-Outubru ho apuramentu iha loron 18 fulan-Outubru.

Sorumutu Konsellu Suku atu hili Lian-na’in no reprezentante juventude sira marka ona ba loron 22 fulan-Outubru.

Forma eleisaun suku bazeia ba lei númeru 9/2016 sei hala’o eleisaun suku ho modu sufrájiu, diretu, sekretu, livre no pesoál.

Konsellu suku kompostu hosi xefi suku, aldeia no delegadu no delegada ne’ebé sei hili hosi komunidade iha nível aldeia, enkuantu joven mane ida ho joven feto ida ho tinan 17 to’o 30 no lia nain ho idade boot liu iha suku ididak sei hili hosi asembleia suku. (jornalista: Rita Almeida)

Foto: Ministru Estadu Koordenadór asuntu Administrasaun Estadu e Justisa no Ministru ba Administrasaun Estatál, Dionísio Babo Soares halo intervista ba jornalista sira foin lalais ne’e iha Dili. Foto ANTIL/Rita Almeida

PENSAUN VITALISIA INJUSTISA

Eis membru Parlamentu Nasional iha segundu legislatura, Lucas da Costa “Rama Metan, konsidera pensaun vitalisia hamosu injustisa boot iha Estado Republika Demokratika Timor-Leste (RDTL).

“Uluk kedas hau dehan katak buat ida pensaun vitalisia ne’e hamosu injustisa ida, maibe pensaun dignitario ne’e buat seluk,” hateten Rama Metan ba Jornalista sira iha salaun Universidade da Paz (UNPAZ), Sesta (09/09/2016).

Nia husu ba Prezidente Repulika (PR), Taur Matan Ruak, atu la bele hamos totalmente pensaun vitalisia, maibe redus deit.

“Prezidente Republika la bele hamos pensaun total, maibe tenke fo fali definisaun ida ba pensaun vitalisia sai fali pensaun dignitario ba Estado,” hateten Lucas da Costa.

Antes ne’e,   Prezidente Republika, Taur Matan Ruak, deklara katak nia sai husi Prezidente Republika nia lakohi simu pensaun vitalisia, no osan hirak ne’e fo fali ba faluk no oan kiak sira ne’ebe mak presiza eskola. mia

Jornal Nacional

BIS NIZIO BAKU FILA, EMA NAIN 2 MATE, 4 KANEK

Iha loron Domingu, (11/9) mais ou menus tuku 5:00 madrugada, Bus Nizio diresaun Same atu mai Dili, baku fila iha Marabia Suku Lahane Oriental, Postu Administrativu  Vera Cruz, Munisípiu Dili. Husi asidente trafiku ne’e rezulta ema nain rua (2) mate fatin, no nain haat (4) kanek kaman.

Bus Nizio ho matrikula 36-616 TL, hafoin monu liu tia menutu balun deit kareta Ambulansia evakua kedas ba tula mate isin  nain rua ne’e ba mortuariu, no mos sira ne’ebé mak kanek ne’e ba Hospital Nacional Guido Valadares (HNGV) Dili.

Asidente bus baku fila ne’e rezulta mos komunidade sira nian uma dapur ida rahun total inklui sasan dapur.

Eva de Jesus, hanesan sasin ba akontesimentu ne’e haktuir, antes asidente ne’e nia sai ba tau hela ahi iha dapur laran, la kleur deit rona tarutu maka’as los no nia halai sai husi dapur laran.

Nune’e nia foti matan hateke ba bus ida maka mai los dapur ne’e, hodi sasorut uma ne’e to’o rahun didiak no sasan dapur  nian mos rahun hotu.

La kleur deit, nia hateke ema hakilar iha bus nia laran, haree ba ema mos mate latan tiha ona iha rai nia leten,  no kondutor sai husi kareta halai liu tun ba Dili.

“Kauza husi asidente ne’e katak, ami rona husi pasajeirus sira ne’e,  haktuir dehan, kondutor   maka matan dukur depois haruka para deskansa kondutor lakohi. Ho ida ne’e maka tun mai hodi hetan asidente ne’e,”dehan Eva de Jesus ba JN-Diário iha  Bairu Raikuak Nahaek.

Iha parte seluk, Marina Agustinha da Costa, haktuir, fo-foun rona tarutu ne’e, nia hanoin katak,  buat ruma maka rahun. Maibe nia hateke sa’e ba lalatek haree ba bus ne’e halai tun deit mai hanoin katak,  bus ne’e atu ba soke nia uma, maibe bus ne’e halai ses tiha ba soke familia viziñu nia uma.

“Ne’e maka ami hakilar, ami hanoin sira uma nain maka mate,  maibe ami sa’e mai haree iha kareta baku fila fatin ne’e, mate balun latan tiha ona iha rai leten, depois maka sira husu ami nian ajuda,”hateten Marina Agustinha da Costa.

Regina da Conceição Mendonça, nu’udar sasin konta tuir katak, bus ne’e baku fila, tanba deskonfia kondutor matan dukur.

 “Ami sai husi Same tuku 2:00 kalan depois mai to’o iha Marabia kondutor hanesan matan dukur, entaun nia hakfodak derepenti kareta  ne’e tun tiha ona ba rai lolon ne’eba. Ha’u fila kotuk haree ha’u nian katuas oan kous ha’u nian oan haksoit sai tiha ona ne’ebe ha’u lahanete labarik nia apa mate, depois ha’u sa’e ba iha leten haree labarik nia apa mate duni iha fatin. Ne’ebe kareta baku fila ne’e ema nain rua mak mate fatin depois ema nain 4 hanesan ne’e mak kanek,” nia fo sasin.

Nune’e mos, Filomena Gorrete Soares, hanesan uma nain ba dapur ne’ebé a’at ne’e haktuir katak, bus Niziu ne’e baku fila halo estraga hotu kedas sira nian sasan dapur laran.

“Agora atu tau ahi mos ladiak tanba sasan dapur nian rahun hotu,  ne’ebe ami hein deit atu prosesu nusa, selu ami nian sasan ka lae?  Ami konta sasan ne’ebé maka estraga ne’e bele dehan, U$ 20,”dehan Filomena Gorrete Soares.

Tuir observasaun JN-Diário, hafoin asidente trafiku ne’e liu ema barak maka ba asiste hela bus baku fila ne’e.  Hafoin iha fatin akontesimentu ne’e ema tau ona aifunan balun iha fatin ne’e.

Nune’e fontes konfirmadu husi Hospital Nacional Guido Valadares haktuir katak, bus Nizio baku fila ne’e los duni. Tanba mate isin to’o iha HNGV.

“Bus baku fila ne’e iha dadersan, nain 4 mak kanek kaman kompostu husi nain tolu ema bo’ot no labarik nain ida ne’ebe ami haruka fila ona, nain rua mak mate fatin, agora iha morturiu,”dehan doutor ida nebe lakohi fo ninia naran JN-Diario iha HNGV, Domingu (11/9/16).

Tantu mate isin nain rua ne’e naran Amandio Mendonça Lopes (29) orijinal husi Munisípiu Ainaro ho Kaka Ilham husi Munisípiu Manufahi. Vitima sira evakua kedas husi fatin akontesimntu ba iha Hospital Nasional Guido Valadares (HNGV), maibe mate isin nain rua la halo autopsia tanba familia matebian hatene motivu mate ne’e mai husi dezastre ne’ebe parte hospital entrega kedas ba familia hodi ba halo prosesu funebre.

To’o notísia ne’e hatun seidauk hetan konfirmasaun husi parte Polisia Nasional Timor Leste (PNTL) kona-ba  kondutor ninia paraderu. avi/car

Jornal Nacional

PAM-MS FO TRATAMENTU BA LABARIK NO INAN SOFRE MALNUTRISAUN

Programa Alimentaria Mundial (PAM) hamutuk Ministeriu Saude (MS) hala’o tratamentu ba labarik no inan isin rua ho inan fo susu bebe, ne’ebe sofre malnutrisaun.

Portavos PAM ba Timor- Letse, Marianne Kearney dehan, Programa Alimentaria Mundial hamutuk ho Ministeriu da Saude  fo ona tratamentu ba labarik tinan lima ba kraik  hamutuk 10.802 no inan isin rua ou inan fo susu bebe hamutuk 12.181 ne’ebe sofre malnutrisaun ho isin krekas moderadu.

“Ami servisu hamutuk ho Ministeriu da Saude fo tratamentu ba inan isin rua no labarik sira ne’ebe hetan malnutrisaun liu husi fo aihan Timor Vita (batar uut) ba sira atu han para bele hadia fali sira nia isin,“ dehan Marianne Kearney ba JN-Diário iha nia servisu fatin Balide, Sesta (9/9/16).

Marianne Kearney husu ba inan isin rua no inan fo susu sira ne’ebe sofre malnutrisaun hakarak rekopera fali isin husi malnutrisaun, labele fahe aihan Timor Vita ba familia diak liu han mesak.

“Ami iha problema feto barak mak fahe ba sira nia familia ne’e problema tanba ne’e aihan khusus ba inan sira  atu dezenvolve sira nia bebe ho diak, karik inan ne’e hakarak bebe matenek los no forsa, labele fahe hahan Timor Vita ba familia ne’ebe isin diak, sira tenki han mesak,“nia sujere.

Nia dehan tan, feto timor barak mak ladun komprende konaba wanhira inan isin rua nia presiza aihan ne’ebe iha nutrisaun as liu.

“Inan isin rua sira kuandu bebe iha isin diak liu han manutolun, aifuan, modo tahan, ikan no na’an. Iha feto barak mak la aumenta hahahn sira ne’e, wanhira sira isin rua, ne’e problema entaun feto barak mak sofre malnutrisaun,“tenik nia. Car

Jornal Nacional

Timor Leste Lidera Temporariamente Grupu A iha Jogu U19

HANOI – Hanesan jogu ne’ebe halo iha Vietnam nia esforsu ho rezultadu empata 0-0 kontra Singapura, Temporariamente Timor leste lidera grupu A iha jogu AFF Vietcomank U19 iha estadium Hang Day.

Vietnam foin lalais jogu manan KBZ Bank U19 cup iha Mandalay, maibe defisil tebes ba sira hodi hamonu ekipa Singapura.

Treinador ekipa Vietnam Hoang Anh Tuan hateten “Ami nia ekipa esforsu makaas tebes”.

Maibe Jogu ida ne’e klaru ke fo esperensia barak ba jogador sira, mezmu joga bele diak maibe la signifika katak regularmente tenke hatama golu iha jogu hotu-hotu.

Iha tentasaun barak ba baliza maibe la akontese golu ruma durante ne’e, no guarde rede mos salva bola barak tebes.

Mezmu Singapura tenke subtitui guarda rede ho Muhammad adib Nur Haim Azahari ho Muhamad Zhafran Rohaizad tanba aleja, maibe nafatin laiha mudansa ruma.

Aleide Vietman lakon ho Singapore ho eskoru 2-0, Timor Leste mos manan Ekipa Filipina ho eskoru 2-1 iha jogu abertura Grupu A.

Jogador Mediu G. Monteiru inisia Timor leste ho golu furak depois aumenta tan golu ida hosi avansadu H. Wilson iha minutu ba dala 37.

“Oporunidade diak tebes hodi koleta pontu sira iha jogu abertura ne’e maibe sei iha buat barak maka presiza halo hotu” hateten treinador Timor Leste Shigeo Yamazaki depois de kompetisaun.

“Ita tenke dezenvolve jogador mediu karik ita hakat ba ronde segundu.”

Rezultadu Filipia 1 Timor Leste 2 Singapura 0 Vietnam 0

FIXTURES (12 Sept 2016)

At the Hang Day Stadium

1600: Thailand vs Laos

At YFTC

1600: Myanmar vs Indonesia

1900: Australia vs Cambodia

@hallo.tl

FOTO & VIDEO IHA HALLO

Edisaun 2016 hosi Tour de Timor aranka iha Dili ho partisipante 120 hosi nasaun 19

Edisaun 2016 hosi Tour de Timor, ne’ebé kompostu hosi etapa lima ba bisikleta hala’i haleu foho durante loron lima, hahú ona ohin iha Dili ho partisipante 120 hosi nasun 19, tuir dadus ofisiál ne’ebé iha.

Eventu desportiva ida ne’ebé internasionál liu hotu, hala’o tinan-tinan iha Timor-Leste, konta ho siklista timor-oan 60, hanesan mós ema internasionál, inklui ho prezensa hosi timor-oan Anche Cabral, hanesan ida ne’ebé mos halo parte Jogu Olímpiku.

Ho orsamentu dolár rihun 400, partisipante sira ne’e sei haree furak hosi zona foho ne’ebé haleu Timór, ho dahuluk hosi Dili-Manatuto, parte leste kapitál, liu hosi Remexio (Aileu) no Lacló, ho distánsia kilómetru 82,5.

Sei kontinua ba parte leste, iha estapa daruak ho kilómetru 92,5, liga hosi Manatuto ba Quelicai (Baucau) no etapa datolu liga hosi fatin refere ba Iliomar (Lautem) parte sudeste, maibé liu hosi Uatulari no Uatucarbau (Viqueque) ho dit’ansia totál kilómetru 83,5.

Etapa dahaat hosi Iliomar no Com (kilómetru 104) no iha etapa dalima hosi Lospalos to’o Baucau, ho distánsia totál kilómetru 87.

Manan-na’in sira sei fahe prémiu ho valór totál dolár rihun 58 no etapa dahuluk ho ikus hosi prova refere rejista ona hosi Uniaun Siklista Internasionál, ne’ebé permiti atu vensedór sira bele hetan pontu bot liu ba iha sira-ninia klasifikasaun internasionál.

"Objetivu hosi Tour de Timor maka promove desportu no turismu timor-oan nian hamutuk ho komunidade internasionál”, tenik Leovigildo Hornai, sekretáriu Estadu Juventude no Desportu.

Atividade ne’e kria iha 2009, hosi eis-Prezidente José Ramos-Horta, no iha inisiu Tour de Timor konta ona ho partisipabte 300 hosi nasaun 12.

Tanba etapa hothotu hala’o liu hosi parte foho hosi sentru Timor-Leste, maka korida ne’e bele difisil tanba de’it kondisaun estrada, subida, nomós temperatura.

Promotór  sira rekorda katak " passeiu duru no aventureiru durante loron lima" ho "paisajen naturalmente furak, liuhosi foho  no bee kristalina".

Governu esplika, liuhosi komunikadu, katak  perkursu ne’e planu tiha ona, iha jullu, hosi reprezentante Polísia Nasionál Timor-Leste, Sekretaria Estadu Juventude no Desportu, Sekretaria Estadu ba Polítika Formasaun Profissionál no Empregu no ba instituisaun saúde australiana National Critical Care and Trauma Response Centre, "hodi  garante katak trajetu ne’e bele realiza no informa ona ba komunidade lokál  sira ".

Ministériu Turizmu, Artes no Kultura envolve moos iha planeamentu, hodi assegura instalasaun konfortável  ba partisipante sira atu denkansa durante iha prova.

Aléin Tour de Timor, kalendáriu desportivu timoroan iha semana hirak tuir  mai konta moos ho Díli Maratona Internacional, ne’ebé sei hala’o iha 08 outubru ho nível kompetisaun tolu: maratona ho  kilómetru 42, meia maratona ho 21 no 'fun-run' ho kilómetru hitu.

Ba  ministru Estado, Agio Pereira, eventu rua ne’e "proporsiona oportunidade atu estimula ekonomia iha distritu sira, insentiva turizmu, kria persesaun internasionál ida pozitivu no reforsa pás, armonia no orgullu nasionál".

SAPO TL ho Lusa

Silénsiu hosi parte hotu ba reatamentu negosiasaun pás nian iha Mosambiké

Delegasaun hosi Governu mosambikanu, Resistência Nacional Moçambicana (Renamo), partidu prinsipál opozisaun, no mediadór internasionál iha horisehik  sai ho silénsiu iha loron dahuluk  hahú fali negosiasaun ba pás  hafoin intervalu  besik semana tolu.

"Ami laiha buat ida atu koa’lia, ne’e hanesan  primeiru enkontru deit", limita atu koa’lia ba imprensa Mario Raffaelli, koordenadór ekipa mediadór internasionál atuál iha prosesu negosiasaun, hafoin reuniaun remata.

Iha loron dahuluk ronda negosiál foun, mediadór internasionál sira mantein enkontru separadu ho delegasaun hosi parte rua iha konflitu, ne’ebé moos lakohi presta deklarasaun.

Aléin ezijénsia Renamo nian atu ukun provínsia neen iha mosambikanu, ajenda negosiasaun nian integra moos sessasaun imediata iha konfrontu, despartidarizasaun ba Forsa Defeza no Seguransa, inklui polísia no servisu informasaun no dezarmamentu liman-kroat Renamo no ninia reintegrasaun ba vida sivil.

Iha  enkontru ikus, mediadór sira sujere ba Governu mosambikanu no ba Renamo atu iha prezensa hosi observadór internasionál iha fatin konflitu hotu hodi bele  alkansa suspensaun ba konflitu, maibé parte sira hotu lahetan akordu.

Renamo aseita trégua temporáriu ida hodi fasilita deslokasaun mediadór internasionál ba Gorongosa, ne’ebé maka iha posibilidade hasoru malu ho líder partidu, Afonso Dhlakama, maibé koloka hanesan  kondisaun ida atu hadook  Forsa Defeza no Seguransa nian hosi rejiaun ne’ebá.

Delegasaun Governu nian konsidera, hosi nia parte, katak Forsa Defeza no Seguransa "kumpre iha territóriu hotu ho missaun ida hosi Estadu konstitusionalmente konsagradu" no argumenta katak " suspensaun imediatu iha konfrontu  militar sei  garante seguransa iha korredór" atu estabelese viajen mediadór  sira ba orongosa, sentru Mosambiké nian.

Proposta mediadór  nian sujere atu  parte sira aseita " korredór desmilitarizadu ka forma seluk ne’ebé seguru no efikás liu" hodi sira bele hasoru direta ho Afonso Dhlakama, "iha momentu ne’ebé suspenssaun ba konfrontu sei la’o hela".

Organizasaun korredór ne’e, tuir  termu hosi dokumentu  iha  24 agostu, kabe ba grupu servisu  espesífiku, ho prezensa hosi mediadór sira, ne’ebé ikus mai bele estabelese kondisaun ba sesárfogu ida permanente.

Maski negosiasaun  sei rejistu intervalu, servisu sira hosi subkomissaun ne’ebé  halo  preparasaun ba pakote lejislativu foun kona-ba dezentralizasaun la’o nafatin.

Entre pontu sira ne’ebé tenki avalia hosi subkomisaun, foka ba revisaun pontuál iha Konstituisaun Repúblika, lei assembleia provinsiál no baze organizasaun no funsionamentu administrasaun públika, hanesan moos lei foun ba finansa provinsiál nian.

Rejiaun sentru Mosambiké nian sai ona hanesan  palku konfrontu nian entre liman-kroat  Renamo no Forsa Defeza no Seguransa no denúnsia mútua iha naok no assassíniu hosi dirijente polítiku iha parte rua.

Autoridade  mosambikanu akuza Renamo halo emboskada sériu iha estrada no halo atake semana hirak ikus ne’e iha sentru no norte Mosambiké nian, atinje postu polisiál nomós ba assaltu ba instalasaun sivil, hanesan  sentru saúde ka fatin ekonómiku, hanesan komboiu hosi empreza mineira brazileira Vale.

Atake balun  assume hosi líder opozisaun nian, Afonso Dhlakama, ne’ebé justifika ho argumentu atu hadook  tiha  Forsa Defeza no Seguransa, ne’ebé akuza bombardea  fatin Gorongosa.

Renamo ezije ukun iha provínsia neen ne’ebé hetan  vitória iha eleisaun jerál 2014, akuza  Frente de Libertação de Moçambique (Frelimo, ukun durabte tinan  40) de ter cometido fraude no eskrutíniu.

SAPO TL ho Lusa

Edição de 2016 do Tour de Timor arranca em Díli com 120 participantes de 19 países

Díli, 13 set (Lusa) - A edição de 2016 do Tour de Timor, composta por cinco etapas em bicicleta de montanha durante cinco dias, arrancou hoje em Díli com 120 participantes de 19 nações, segundo dados oficiais.

O evento desportivo, o mais internacional de todos os que decorrem anualmente em Timor-Leste, conta com 60 ciclistas timorenses e igual número de internacionais, sendo de destacar a presença da primeira timorense a competir em bicicleta de montanha nos Jogos Olímpicos, Anche Cabral.

Com um orçamento de 400 mil dólares, a prova levará os participantes a algumas das paisagens mais bonitas das zonas montanhosas do país, com a primeira etapa a ligar Díli e Manatuto, a leste da capital, com passagem por Remexio (Aileu) e Lacló, numa distância de 82,5 quilómetros.

Continuando para leste, a segunda etapa, de 92,5 quilómetros, liga Manatuto a Quelicai (Baucau) e a terceira liga esta localidade e Iliomar (Lautem) a sudeste, com passagem por Uatulari e Uatucarbau (Viqueque) e uma distância total de 83,5 quilómetros.

A quarta etapa é entre Iliomar e Com (104 quilómetros) e a quinta entre Lospalos e Baucau, numa distância total de 87 quilómetros.

Os vencedores dividem prémios no valor total de 58 mil dólares e a primeira e última etapas da prova estão registadas pela União Ciclista Internacional, permitindo aos vencedores acumular pontos para a sua classificação internacional.

"O objetivo do Tour de Timor é promover o desporto e o turismo timorenses junto da comunidade internacional", destacou Leovigildo Hornai, secretário de Estado da Juventude e Desporto.

Criado em 2009 pelo então Presidente da República José Ramos-Horta, o Tour de Timor contou na sua edição inaugural com mais de 300 participantes de 12 países.

Com grande parte das etapas passadas em zonas montanhosas do centro de Timor-Leste, a corrida pode ser particularmente dura devido às condições do piso, às muitas subidas e à temperatura elevada.

Os promotores recordam que são "cinco dias de passeios duros e aventureiros" em "paisagens naturalmente belas, passando por terrenos montanhosos e águas cristalinas".

O Governo explicou, em comunicado, que o percurso foi feito, em julho, por representantes da Polícia Nacional de Timor-Leste, da Secretaria de Estado da Juventude e Desporto, da Secretaria de Estado para a Política de Formação Profissional e Emprego e da instituição de saúde australiana National Critical Care and Trauma Response Centre, "para garantir que o trajeto está devidamente assinalado e que as comunidades locais foram informadas".

O Ministério do Turismo, Artes e Cultura foi também envolvido no planeamento, para assegurar instalações confortáveis para os participantes pernoitarem ao longo da prova.

Além do Tour de Timor, o calendário desportivo timorense das próximas semanas conta ainda com a Díli Maratona Internacional, que decorrerá a 08 de outubro com três níveis de competição: a maratona de 42 quilómetros, a meia maratona de 21 e uma 'fun-run' de sete quilómetros.

Para o ministro de Estado, Agio Pereira, os dois eventos "proporcionam oportunidades para estimular a economia nos distritos, incentivam o turismo, criam uma perceção internacional positiva e reforçam a paz, a harmonia e o orgulho nacional".

ASP // MP

Silêncio de todas as partes no reatamento de negociações de paz em Moçambique

As delegações do Governo moçambicano, da Resistência Nacional Moçambicana (Renamo), principal partido de oposição, e mediadores internacionais saíram ontem  em silêncio no primeiro dia da retoma de negociações de paz após um interregno de quase três semanas. 

"Não temos nada para falar, foi apenas um primeiro encontro", limitou-se a dizer à imprensa Mario Raffaelli, coordenador da equipa de mediadores internacionais do atual processo negocial, no final da reunião.

No primeiro dia da nova ronda negocial, os mediadores internacionais mantiveram encontros separados com as delegações da duas partes em conflito, que também se escusaram a prestar declarações.

Além da exigência da Renamo de governar em seis províncias moçambicanas, a agenda de negociações integra a cessação imediata dos confrontos, a despartidarização das Forças de Defesa e Segurança, incluindo polícia e nos serviços de informações e o desarmamento do braço armado da Renamo e sua reintegração na vida civil.

No último encontro, os mediadores propuseram ao Governo moçambicano e à Renamo a presença de observadores internacionais em todos os pontos de conflito para ser alcançada uma suspensão das hostilidades, mas as partes não chegaram a acordo.

A Renamo aceita uma trégua temporária para facilitar a deslocação dos mediadores internacionais à Gorongosa, onde presumivelmente se encontra o líder do partido, Afonso Dhlakama, mas coloca como condição o afastamento das Forças de Defesa e Segurança da região.

A delegação do Governo considera, por seu lado, que as Forças de Defesa e Segurança "cumprem em todo território uma missão de Estado constitucionalmente consagrada" e argumenta que "é a suspensão imediata das hostilidades militares que vai garantir a segurança do corredor" a estabelecer para a viagem dos mediadores à Gorongosa, centro de Moçambique.

A proposta dos mediadores sugere que as partes aceitem "um corredor desmilitarizado ou outra forma mais segura e eficaz" para que possam avistar-se pessoalmente com Afonso Dhlakama, "a partir do momento em que a suspensão das hostilidades for acordada".

A organização deste corredor, segundo os termos do documento que data de 24 agosto, caberia a um grupo de trabalho específico, com a presença dos mediadores, que poderia ainda posteriormente estabelecer as condições para um cessar-fogo permanente.

Apesar de as negociações terem registado uma pausa, os trabalhos da subcomissão constituída para preparação de um novo um pacote legislativo sobre descentralização continuaram.

Entre os pontos que deviam ser avaliados pela subcomissão, destacam-se a revisão pontual da Constituição da República, das leis das assembleias provinciais e de bases da organização e funcionamento da administração pública, bem como uma nova lei das finanças provinciais.

A região centro de Moçambique tem sido palco de confrontos entre o braço armado da Renamo e as Forças de Defesa e Segurança e denúncias mútuas de raptos e assassínios de dirigentes políticos das duas partes.

As autoridades moçambicanas acusam a Renamo de uma série de emboscadas nas estradas e ataques nas últimas semanas em localidades do centro e norte de Moçambique, atingindo postos policiais e também assaltos a instalações civis, como centros de saúde ou alvos económicos, como comboios da empresa mineira brasileira Vale.

Alguns dos ataques foram assumidos pelo líder da oposição, Afonso Dhlakama, que os justificou com o argumento de dispersar as Forças de Defesa e Segurança, acusadas de bombardear a serra da Gorongosa.

A Renamo exige governar em seis províncias onde reivindica vitória nas eleições gerais de 2014, acusando a Frente de Libertação de Moçambique (Frelimo, no poder há mais de 40 anos) de ter cometido fraude no escrutínio.

SAPO TL - Lusa 

Komunidade Musulmanu Selebra Loron Idul Adha

DILI – Komunidade Musulmanu iha mundu selebra loron Idul Adha hanesan loron sakrifisiu nian liu-liu ba komunidade musulmanu neebe mak iha kbiit hodi oho karau no bibi hodi bele selebra loron Idul Adah.

Deklarasaun nee fo sai husi reprezentante komunidade Musulmanu iha Timor Leste, Arif Abdullah Sagran, ba jornalista sira, iha Mesjid Kampu Alor, Dili, Segunda (12/9/2016).

Tuir Arif Abdullah katak Ohin loron komunidade musulmanu iha mundu tomak inklui komunidade iha Timor Leste selebra loron Idul Adha. Loron nee, sai loron sakrifisu nian liliu komunidade neebe mak kbiit ekonomia oho karau no bibi, ba sira neebe mak la iha kbiit hodi selebra loron idul adha.

Hatudu katak Idul Adha nee hametin liu tan ita nia soliedariedade entre komunidade muslumanu no komunidade katolika neebe mak maioria iha Timor Leste moris diak tebes,” dehan Arif.

Nia hatete, loron Idul Adha hametin liu tan soliedariedade hodi sakrifika an liu husi simboliku oho karau no bibi, hodi hatudu sakrifisiu liu husi animal. Maibe, laos animal nia naan, nia fulun no ran maibe sentidu no fe ba Maromak.

Iha fatin hanesan, Imam/Khotig Dr.H. Ahmad Annuri, MA hateten iha oportunidade nee nia hakarak agradese ba Maromak, ba diak hotu neebe nia hetan too ohin loron.

Observasaun STL, katak komunidade musulmanu husi estranjeiru no Timor barak mak tuir selebrasaun Idul Adha. Selebrasaun Idul Adha nee direji husi Imam/Khotig Dr.H. Ahmad Annuri hamutuk ho komunidade seluk hahu iha horas tuku 08.00 Otl, iha mesjid An-Nur, Kampung Alor. Informasaun kompletu iha STL Jornal no STL Web, edisaun Tersa (13/9/2016). Domingos Piedade Freitas

Suara Timor Lorosae

Konsumu lis mutin ho banin ben wanhira kabun mamuk

Lis mutin mak ingridiente nebe sempre utiliza iha cuzina. Lis mutin laos deit halo hahan sai gostu, maibe mos iha kbiit atu kura moras oin oin.

SALVIO ONLINE – Lis mutin sei fo vantajen barak ba ita nia saude wainhira han matak deit.

Lis mutin bele hatun tensaun aas no kolesterol, bele prevene moras kardiaka koronaria, no atake kardiaka.

Alem nee, lis mutin mos bele ajuda halo kontrole ba sintomas husi moras diabetes no seluk seluk tan. Lis mutin bele hadiak imunidade no ita nia isin nia abilidade atu hasai veneno/toxinas husi ita nia isin.

Oinsa Konsumu Lis Mutin?

Dalan diak liu atu konsumu lis mutin mak han matak deit. Kua halo kiik oan no tuku rahun tiha depois husik too mais ou menus minutu 15 antes konsumu.

Lis mutin fo rezultadu diak liu kaundu konsumu wainhira kabun mamuk, tamba se karik kabun bosu hela mak konsumu tan lis mutin, sei iha difikuldade atu prosesa no absorve nutriente husi alimentu nee.

Maneira konsumu Lis muntin ho Banin Ben

Maneira diak atu konsumu lis mutin ho banin ben mak: Kua lis mutin halo kiik oan ho kuantidade naton no kahur ba banin ben kanuru isin ida.

Se karik konsumu kombinasaun nee lor loron, ita sei sente forte no saudavel liu tan.(fonte:mylifestyle)

PARCERIA COM SALVIO ONLINE

FRETILIN Apoiu Xanana Luta Ba Fonteira Marítima

DILI, (ANTIL) – Prezidenti eleitu partidu Frente Revolusionariu Timor-Leste Independente (FRETILIN), Francisco Gutteres Lu-Olo deklara partidu FRETILIN sei fó apoiu tomak ba Xefi Negosiadór Prinsipál ba kazu fronteira marítima, Kay Rala Xanana Gusmão hodi defende direitu Timor maske Austrália kontinua laiha sentimentu.

“FRETILIN fó apóiu tomak ba Kay Rala Xanana Gusmão atu lidera negósiasaun fronteira marítima Timor-Leste hasoru Austrália”, Lu-Olo ba ANTIL foin lalais ne’e relasiona ho deklarasaun Kay Rala Xanana Gusmão katak, luta hasoru Austrália sei naruk.

Lu-Olo realsa, FRETILIN kontinua akompaña nafatin prosesu Conciliatória Compulsiva ne’ebé hala’o daudaun liu-hosi konsiliadores TL no Austrália.

FRETILIN tuir Lu-Olo iha kazu luta hasoru Austrália sei defende metin TL nia soberania nasionál liu-hosi respeita prinsípius no regras konstitusionais iha planu internu mak hametin orgaun soberania nasionál hola kna’ar no kompeténsia sira tuir konstituisaun RDTL.

Aleinde ida ne’e FRETILIN mós ezije respeita, observa, defende no hakat tuir prinsípiu no regras direitu internasionál.

Antes ne’e Kay Rala Xanana Gusmão dehan, governu Austrália laiha sentimentu tanba, sira konsidera-án hanesan nasaun ne’ebé mak boot, avansadu no ukun-án tinan barak ona tanba ne’e, prosesu luta ba defende fronteira marítima sei naruk.

“Austrália kuandu nafatin laiha mo’e mak ita mós sei la-para luta kontra ba ita nia soberania tasi Timor”, Xanana Gusmão afirma pozisaun TL. (jornalista: Manuel Pinto; editora: Rita Almeida)

AS Ponta Leste Kampiaun Tasa 12 Novembru

DILI, (ANTIL) - AS Ponta Leste sai kampiaun ba Tasa 12 Novembru 2016 hafoin halakon Assalam FC 1-0 iha jogu finál iha Estádiu Municipál Dili, Sábadu (10/9).

Golu úniku hosi jogadór médiu, Silveiro Garcia iha minutu (61) lori Ponta Leste ba kampiun Tasa 12 Novembru ba époka ida ne’e.

Lakon ho AS Ponta Leste, Assalam FC sai hanesan segundu klasifikadu iha Tasa refere. Segundu klasifikadu hetan prémiu osan Dólar Amerikanu 6,000.00 ho medalla.

Entretantu, nu’udar primeiru klasifikadu, AS Ponta Leste hetan osan Dólar Amerikanu 12,000.00 ho medalla.

Treinadór Assalam FC, Simon Pablo hateten maske lakon maibé orgullu tanba sira bele sai segundu klasifikadu. Nia rekuñese katak AS Ponta Leste hatudu joga di’ak, tan ne’e defisil ba sira atu fera defeza AS Ponta Leste hodi rezulta golu.

“Jogadór AS Ponta Leste iha esperénsia joga no domina bola ho kalma tebes. Tan ne’e, sira merese sai kampiaun,” Pablo haktuir.

Entretantu, Treinadór AS Ponta Leste, Eduardo Pereira hateten nia kontenti tebes tanba bele lori nia klubu ba kampiaun. Nia haktuir tinan kotuk sira esforsu án atu sai kampiaun ba Tasa refere maibé la konsege. Maibé, nia dehan, tinan ida ne’e sira atinji sira nia mehi.

Eduardo informa katak adversáriu (Assalam FC) mós joga di’ak maibé esperénsia lá to’o sira tanba jogadór AS Ponta Leste mesak selesaun Nasionál de’it.

Aleinde kampiaun, jogadór AS Ponta Leste, Adelino Coelho mós hetan prémiu motór Mio ida tanba mellór markadór durante jogu Tasa 12 Novembru 2016. (Jornalista: Xisto Freitas / Editor: Gantry Meilana)

Foto: Jogadores AS Ponta Leste hiit hela tasa primeiru kampiaun nian nu´udar jestu selebra vitória iha Tasa 12 Novembru époka 2016. Foto ANTIL/Xisto Freitas

PEDN Nu’udar Prioridade FRETILIN

DILI, (ANTIL) – Prezidenti eleitu partidu Frente Revolusionariu Timor-Leste Independente (FRETILIN) periodu 2016 to’o 2021, Francisco Gutteres Lu-Olo hatete, eleisaun jerál 2017 partidu FRETILIN sei komunga Planu Estratéjiku Dezenvolvimentu Nasionál (PEDN) nu’udar prioridade bainhira hetan fi’ar hodi ka’er ukun.

“Garante paz no estabilidade, hala’o dezenvolvimentu nasionál tuir objetivu ne’ebé define iha Planu Estratéjiku Dezenvolvimentu Nasionál, liberta povu hosi ki’ak no mukit,” Lu-Olo ba ANTIL foin lalais ne’e hodi hatan pergunta atu alkansa vitória iha eleisaun, produtu politiku saida mak FRETILIN sei uza iha kampaña 2017 mai.

Lu-Olo husu atu militante no simpatizante FRETILIN hahú ohin ba oin servisu maka’as liu tan. Ne’on na’in nafatin no hamutuk ita bele! Ho lian fuan ida de’it maka atu hetan vitória tenke organiza no mobiliza nafatin kuadrus, militante, simpatizante no povu maubere tomak fó apoiu ba FRETILIN.

“A luta kontinua! Lutar para vencer!” Prezidenti Lu-Olo hato’o nia mensajen ba militante no simpatizante tomak ne’ebé namakari iha Timor-Leste.

Hodi hatutan bainhira FRETILIN hetan fi’ar hodi ka’er ukun iha eleisaun 2017 sei garante paz no estabilidade, hala’o dezenvolvimentu nasionál tuir objetivu ne’ebé define iha PEDN.

Aliende ida ne’e halo jestaun no administrasaun di’ak no transparente ba públiku nia di’ak no define métodos ka metodolojia serbisu nian hodi garante efikasia no efisiensia iha setóres, atividade oioin no liuliu defende no garante estadu de direitu demokrátiku.

Lu-Olo ho Mari Alkatiri liuhosi eleisaun direta FRETILIN ne’ebé realiza iha teritoriu Timor iha loron 3 Setembru foin lalais ne’e, militante hamutuk na’in 187.769 kontinua fó votus konfiasa hodi lidera partidu FRETILIN. (jornalista: Manuel Pinto; editora: Rita Almeida)

Hili fila fali lideransa Fretilin nian ho apoiu maka'as iha votasaun direitu lahó presedente

Prezidente no sekretáriu-jeral hosi partidu timoroan Fretilin, Francisco Guterres Lu-Olo e Mari Alkatiri eleitu fila fali iha kargu sira ho apoiu maioria iha votasaun diretu ida ne'ebé nunka akontese no partisipa ona hosi ema rihun 200 resin.

Líder na'in rua ne'e eleitu fila fali ba mandatu ida tinan lima nia laran ho apoiu hosi 97,13% hosi total eleitór sira ne'ebé partisipa iha eleisaun ne'ebé hala'o iha loron 03 Setembru liubá no nia kontajen votu hakotu iha findesemana ne'e, fó sai hosi partidu.

Iha eleisaun sira partisipa ona votante hamutuk 196.836, ho total ida hosi votu válidu hamutuk 193.836 ne'ebé na'in 187.679 vota ona hodi hili líder na'in rua ne'e no na'in 5.550 (2.87%) vota ona kontra.

Maski laiha lista seluk, boletin sira votu inan ne'ebé prepara hosi Fretilin iha opsaun "la'e" ka kontra.

Iha komunikadu, Fretilin esplika katak númeru hosi votante sira ne'ebé aumenta "hatudu aumentu boot ida hosi taxa partisipasaun iha nasaun tomak", komprova "apoiu maka'as hosi militante sira hosi baze to'o lideransa atuál partidu nian".

"Eleisaun ne'e hatudu oinsá Fretilin fiar iha demokrasia no promove, no rezultadu foun sira hatudu, dala ida tan, katak ami nia lideransa atuál hanesan metin no apoiadu hosi militante sira", hatete hosi José Reis, sekretáriu-jeral adjuntu.

Votasaun hala'o ona iha estasaun sira votu nia hamutuk 1.300 iha nasaun tomak ho voluntáriu hamutuk rihun lima resin.

Eleisaun hosi líder na'in rua hosi partidu akontese antes hala'o Kongresu Nasional Fretilin nian ne'ebé Fretilin hanoin ona, no hanoin mós iha eleisaun sira tinan 2017 nian, ba lejislativu sira no mós ba prezidensiál sira, ne'ebé iha tinan 2012 Lu-Olo lakon no karik sei sai fali hanesan kandidatu.

Entre loron 15 Setembro to'o 22 Outubru sei hala'o prosesu eleisaun hosi estrutura foun sira hosi poder lokal iha Timor-Leste, Asembleia sira Aldeia nian no Konsellu sira Suku nian no hosi Lian-na'in sira (autoridade tradisional sira).

SAPO TL ho Lusa

Ezersísiu militar Felino2016 hahú ona iha Cabo Verde ho militar luzófonu na'in 90

Ezersísiu militar Felino2016 hosi Komunidade Nasaun sira Lian Portugeza (CPLP) nian hahú ona iha loron-segunda ne'e iha Praia, Cabo Verde, ho partisipasaun hosi militar na'in 90 hosi nasaun sira ne'ebé halo parte iha organizasaun luzófonu.

Ezersísiu, ne'ebé nia objetivu maka preparasaun ba forsa hamutuk ida hosi CPLP, otimiza nia kapasidade hosi intervensaun iha misaun humanitáriu sira no dame nian, hala'o iha formatu karta no hala'o antes ezersísiu ho forsa sira iha rai laran ajenda ba tinan oinmai iha Brazil.

Portugal partisipa iha ezersísiu, ne'ebé hala'o to'o loron 23 Setembru, ho elementu na'in 10 hosi ramu tolu Forsa Armada sira nian - Ezérsitu, Forsa Aéreu no Mariña.

Ezersísiu hala'o iha kontinente fiktísiu "Gama", "instala" iha pizu tolu hosi edifísiu hosi Estadu Maior Jeneral Forsa Armada sira nian (EMFA) no ne'ebé, iha semana rua nia laran, militar sira sei hasoru ho situasaun simuladu sira hosi insidente sira hodi koko kapasidade reasaun hosi forsa oioin sira.

Asaun sira sei hala'o ho rekursu ba mapa sira, karta sira no meiu komunikasaun no, senáriu sira ne'ebé simuladu iha formatu Ezersísiu iha Karta (E ), hafoin ne'e sei aplika iha modalidade Ezersísiu sira ho Forsa sira iha Rai laran (EFT).

Portugal participa no exercício, que decorre até 23 de setembro, com 10 elementos dos três ramos das Forças Armadas - Exército, Força Aérea e Marinha.

"Ami hasoru daudaun eventu ida importante liu iha CPLP, realizasaun hosi ezersísiu militar multinasional ida ne'ebé evidensia determinasaun hosi ami nia nasaun sira hodi dezenvolve esforsu hamutuk ida hodi fó projesaun boot no vizibilidade ba kapasidade sira hosi komunidade iha área seguransa koletivu no koperativu", defende hosi Xefe Estadu Maior ba Forsa Armada sira Cabo Verde nian (CEMFA), Anildo Morais.

Anildo Morais ko'alia iha serimónia abertura Felino2016, iha loron-segunda dadeer iha sidade Praia ba militar sira hosi delegasaun sira Angola (na'in 9), Brazil (na'in 17), Guiné-Bissau (na'in 5), Guiné Ekuatorial (na'in 7), Mosambike (na'in 2), Portugal (na'in 10), Timor-Leste (na'in 10) ho São Tomé & Prínsipe (na'in 2).

Númeru hosi militar kabu-verdianu sira la indika tanba sei rejista hela ajustamentu sira ne'ebé permiti hadi'a auzénsia hosi elementu sira hosi delegasaun sira seluk maibé ezersísiu total sei la ultrapasa elementu na'in 90.

SAPO TL ho Lusa - Foto: Tropa sira durante ezersísiu militar "FELINO 08", iha Rejimentu Infantaria 10, iha S. Jacinto, iha loron 18 Setembru 2008, iha Aveiro. Foto: Nuno Alegria / Lusa

Inimigu TL Nia Maka Kiak No Mukit Laos Australia

UATO-CARABAO-Presidenti Republika (PR) Taur Matan Ruak hateten inimigu foun ba Timor Leste (TL) maka kiak no mukit laos Australia, tanba nee tenke serbisu makas hodi luta hasoru kiak no mukit nee.

Lia hirak nee hatoo husi Prezidente Republuka (PR) Taur Matan Ruak, liu husi dialogu komunitaria ho komunidade Suku Uani-Uma, Postu Administrativu Uato-Carabau, munisipiu Viqueque, sesta (09/09/2016).

Hau uluk ba suku Triloka Baucau hau husu ba sira inimigu foun ba Timor nee saida, sira dehan Australia, maibe hau dehan ba sira inimigu foun laos Australia, maibe inimigu maka kiak no mukit, tanba nee ita tenke hamutuk dala ida tan hodi luta hasoru kiak no mukit nee,” hateten Taur.

Xefi Estadu nee hatutan, atu luta kontra kiak no mukit, povu hotu tenke serbisu hamutuk no badinas, nunee bele halakon inimigu foun nee, se hakarak halakon hahu hagora serbisu badinas kuda buat oi-oin no hakiak animal hodi hadia ekonomia, laos tuur ba tane liman ba ema seluk, se tane liman ba ema seluk nee lakon dignidade, tanba nee tenke serbisu maka hetan.

Iha fatin hanesan Komunidade Suku Uani-Uma Jose da Costa hateten TL ukun aan tinan 14 ona, maibe povu barak maka sei kiak no mukit no joventue barak maka sei dezimpregu, tanba nee sira husu ba Xefi Estadu liu-li Governu atu tau atensaun. Informasaun kompletu iha STL Jornal no STL Web, edisaun Tersa (13/9/2016). Joao Anibal

Suara Timor Lorosae

Deputadu-Governu Esplora Povu Hodi Hariku Aan Ho PV

UATOLARI – Povu husi suku Vessoru Postu Administrativu Uatulari, Munisipiu Viqueque lamenta, tanba membru Deputadu ho governu sira esplora povu liu husi votus para hariku aan liu husi Pensaun Vitalisia (PV).

Komunidade Suku Vessoru Afonso Soares dehan, sira lamenta tebes, tanba membru Deputadu iha Parlamentu Nasional (PN) no membru governu esplora sira nia votu liu husi votasaun, para sira aproveta hodi tuur iha PN ho Governu ikus mai hetan pensaun vitalisia hodi habokur aan no sira nia familia.

Ami neebe maka uluk hakarak ukun aan no fo ami nia votus hodi hili membru Deputadu ho governu nian esplora deit ami nia votus hodi hariku sira nia an ho Lei Pensaun Vitalisia, tanba nee ami husu ba Xefi estadu hodi alerta ba membru governu ho PN tenke redus no halakon pensaun vitalisia nee,” hateten Afonso ba Presidenti Republika Taur Matan Ruak, bainhira halao dialogu ho komunidade suku Vessoru, Sesta (09/09/2016).

Nia hatutan, Deputadu no membru governu sira hariku aan iha povu kiak nia leten ho PV, neebe maka sira tauk sai kiak fali lakohi muda lei nee. Tanba nee nia husu ba Presidenti Republika Taur Matan Ruak atu oinsa  maka bele hamenus tiha pensaun vitalisia nian nee, tanba hariku deit ema balun no povu kontinua sai kiak nafatin.

Iha fatin hanesan Estudante Natercio Soares hateten lei pensaun vitalisia, neebe halo husi primeiru governu  nee hariku deit grupu ida ka rua. Informasaun kompletu iha STL Jornal no STL Web, edisaun Tersa (13/9/2016). Joao Anibal

Suara Timor Lorosae