“ABAIXO” PENSAUN VITALISIA, PN PRESIZA RONA ASPIRASAUN POVU

Membru Parlamentu Nasional nudar povu nia reprezentante iha uma fukun, presiza rona povu nia aspirasaun, atu bele halo revizaun ba Lei pensaun vitalisia iha tempu badak nia laran.

“Ita haree didin lolon sira iha Dili laran ema hakerek dehan, “abaixo” pensaun vitalisia, estudantes universitariu sira, ONG’s nasionais no povu sira iha aldeia, suku, postu administrativu to’o munisipiu levanta ba Prezidenti Republika (PR), Taur Matan Ruak, liu husi dialogu komunitaria durante ne’e, kestiona maka’as pensaun vitalisia. Ne’e, razuavel tebes tanba ita nia povu sei moris iha defisil nia laran, seidauk tan ho krizi ekonomia mundial ne’ebe afeta ba rai barak inklui ita Timor Leste,” hateten Dosente Fakuldade Sosial Politika Universidade Nasional Timor Lorosae (UNTL), Julio Tomas Pinto, wainhira dada lia ho JNDiário iha Dili, Tersa (01/9/2015).

Sekretariu Estadu Defeza iha IV to’o V Governu Konstitusional ne’e argumenta katak, Parlamentu Nasional ho eis titulares sira tenke haree situasaun ohin loron ho honestidade. Basa, ho krize ekonomia mundial no povu Timor nia moris ne’ebe sei susar tebes ne’e, presiza duni iha revizaun ba lei pensaun vitaliasia. La signifika tenke halakon kedas pensaun vitalisia ba eis titulares sira, maibe presiza halo reduzaun, atu nune’e, osan oituan ne’ebe iha bele transfere fali ba Estadu hodi utiliza ba povu nia interese.

Durante ne’e eis titulares sira, kompostu husi membru PN, membru Governu (Ministru ho Sekretariu Estadu), maske la servisu ona, maibe iha direitu ba pensaun vitalisia entre US$ 1.500,00-US$ 1.750, 00 kada fulan ba ema ida.

“Hau hanoin PN presiza ona haree atu bele rona povu nia aspirasaun atu redus pensaun vitalisia ba eis deputadus ho eis membru Governu sira sira,” hateten Julio Tomas Pinto, eis Secretariu Estadu Defeza ne’ebe dau-daun ne’e mos simu hela pensaun vitalisia.

Julio fo exemplu kmanek ida, foin lalais ne’e, veternus lubuk ida ne’ebe ativa iha Instituisaun F-FDTL tama reforma ho sira nia pensaun 75% husi sira nia salariu baziku tuir estatutu forsas armada nian. Ho nune’e, veteranus reformadu sira ne’e la simu sira nia salariu 100%, maibe eis membru Governu ho eis Deputadus sira simu 100% husi salariu baziku.

Ida ne’e la razuavel tanba ne’e, Julio Pinto afirma katak, PN tenke iha sensibilidade ba aspirasaun povu nian. Nia argumenta katak, iha nasaun barak, Estadu fo duni pensaun ba eis membru Governu ho eis Deputadu sira, maibe la’os hanesan Timor nian ne’ebe fo kedas 100% husi salariu baziku.

“Ita la priense ona ita nia mandatu iha ezekutivu ho legislativu, maka ita kontinua hetan fali pensaun 100% husi ita nia salariu baziku, fulan-fulan, ne’e la dun tama iha ema barak nia rasasinu, sa tan ho ita nia povu ne’ebe sei moris iha susar laran. Diak liu, ita hotu tenke honestu para redus tiha pensaun vitalisia ne’e,” hateten Julio Pinto.

Hanesan ema ne’ebe simu mos pensaun vitalisia, Julio Pinto, sente moe tanba ne’e husu ba PN atu bele halo mos sondazen ida ba ema sira ne’ebe simu pensaun vitalisia sira hakarak kona-ba redus pensaun vitalisia.

“Hau fiar katak maioria ami sira simu pensaun vitalisia ne’e mos aseita atu redus tiha pensaun vitalisia. Hau mos hanoin, tempu ona atu simu povu nia aspirasaun. La bele besik ona eleisaun maka ita tuun ba halo kampanha eleitoral hodi promete buat mesak furak mas ita bosok maka barak,” hateten Julio Pinto.

Julio Pinto esplika katak, pensaun vitalisia ne’e hanesan motivasaun no ondra ida ba eis membru Governu ho eis Deputadu sira, maibe lolos ne’e la presiza sukat ho osan.

“Hau konkorda tenke iha ondra ida duni ba eis Deputadu ho eis membru Governu sira, maibe la presiza fo kedas 100% husi salariu baziku. Diak liu ba ita maka redus. Ita la bele goza demais ho povu ne’ebe sei moris terus hela ne’e,” hateten Julio Pinto.

Nia fiar katak, ohin loron, eis Deputadus ho eis membru Governu sira nia moris ohin loron diak ona kompara ho povu sira. tan a ne’e, diak liu uza konsensia moral para redus on pensaun vitalisia.

Julio Pinto haktuir dehan, nia rona direitamente husi eis titulares Mari Alkatiri katak, inisiu kria pensaun vitalisia ne’e atu ba deit eis membru Asembleia Konstituante sira tanba halo ona Konstituisaun, maibe pensaun vitalisia ne’e la’o too fali ohin loron hanesan direitu absoluta ida ba eis titulares sira.

Tuir Julio Pinto, pensaun vitalisia ne’e hanesan direitu ida ba eis membru Governu ho eis Deputadus sira, maibe tenke ekelibriu ho kondisaun povu nia moris. La justu kuandu tenke simu 100% husi salariu baziku.

“Ita nia maluk sira servisu maka’as iha Governu no ita la servisu ona iha Governu maka simu osan hanesan fali ho ema sira ne’ebe ativu servisu ne’e la justu. Tanba ne’e, hau fiar katak, hau nia maluk sira ne’ebe la’os ona membru Governu mos iha honestidade hodi aseita redus pensaun vitalisiree ona. Tanba ne’e, PN tenke haree ona atu halo revizaun ba lei pensaun vitalisia ne’e,” hateten Julio Pinto.

Julio fiar katak, povu ne’e maduru tebes akompanhia situasaun politika rai laran. Povu hatene no hateke hetan ona, se maka halo politika mos no se maka halo politika bosok hodi la rona povu nia aspirasaun. Tanba ne’e, diak liu maka ho pensamentu Estadu no interese nasional, halo ona reduzaun ba pensaun vitalisia. mia

Jornal Nacional

Governu presiza diversifika setor naun petroliferu

DILI - Relasiona ho produsaun mina iha kampu rua hanesan bayu Undang ho Kitan ne’eb’e ohin loron tun no folin mina iha merkadu mundial ne’ebé ki’ik governu Timor-leste presiza ona halo difersifikasaun ba setor naun petroliu atu nune bele subtitui ba rendimentu nasaun nian sekuandu minarai maran.

Iha realtoriu Banku Sentral Timor-Leste ne’ebé fo sai foin lalais ne’e hatudu katak merkadu mina mundial negative no rendimentu fundu minarai iha trimestre ikus ne’ebé termina iha fulan juñu hamutuk billaun $16.862 no iha trimestre ne’e rendimentu ladun makas tanba kauza husi merkadu mundial no produsaun mina hahu menus badaudaun.

“Hau nia hanoin katak governu preseiza diversifika seitor non petroliferus. Pro-exemplu investe iha seitor turismu, agrikultura, infra-estrutura baziku, industria ki’ik sira para bele hatama fali osan selain income husi mina no gas,” diretor exekutivu Luta Hamutuk (LH), Mericio Akara kasu lia hirak ne’e ba jornalista Business Timor, tersa (25/08) semana liu ba iha nia knar fatin farol. Nia dehan, se la invese iha seitor non oil sei la iha income seluk la iha no sei dudu Timor- Leste ba debe, debe ne’e mak sei hamosu tusan.

Tuir nia ohin loron governu Timor-Leste nota ona seitor peskas, seitor agrikultura, seitor turismu atu hatama osan, maibe durante ne’e osan hira mai,? Tuir sosiadade sivil ne’e nia hatene katak kampu bayun Undan ho Kitan ne’e menus no folin mina mundu internasional mos tun entaun nia impaktu mak rendementu fundu mina sempre tun. “La sae tanba iha tinan hirak nia laran ne’e mantein iha fatin de’it, iha parte osan mos sai barak liu husi orsamentu jeral do estadu, osan la tama menus ba beibeik. tanba durante ne’e 95 % depende ba fundu mina rai,” Diretor Luta hamutuk ne’e preokupa. (BT)

Business Timor

Tempu besik kompañia aviasaun rua tamatan

DILI - Vise Ministru Obras Publiku Transporte no Komunikasaun, Inacio Moreira hateten iha kompañia aviaun rua ne’ebé iha interese atu hatamatan sira ninia aviaun mai Timor-Leste maibe governu sei halo hela estudu.  “Ba dadaun ne’e iha ona investor rua mak husu hela lisensa maibe ita sei estuda hela halo oinsa mak bele fo tan lisensa para depois bele iha tan aviaun seluk bele tama tan,” Vise ministru Inacio Moreira informa ba jornalista sira iha nia knar fatin, segunda (24/08) seman liu ba iha nia knar fatin Merkadu Lama.

Nia dehan  iha  tempu besik sei ihatan aviaun ida ka rua halo operasaun husi Dili ba Indonesia no opersaun Dili ba Singapura atu nune bele iha kompetisaun no bele redus mos  presu tiket ne’ebé ohin loron folin karun. Vise ministru ne’e informa kompañia aviasuan  ne’ebé iha interse atu hatama ninia aviaun mai Timor mak hanesan Leste Avietion. 

Nia dehan kompañia aviasaun ne’e mos iha nia konseitu importante hanesan primiru hakarak atu uja timoroan ne’ebé estuda iha pilotu ne’ebé remata ona no balun ne’ebé sei eskola hela, aero mosa no mos halo operasuan aviaun  hanesan inklina liu ba kultura Timor-Leste nian. “Ami iha ona komunikasuan orsa ne’e dadauk sira prepera hele kondisaun hot-hotu inklui aviaun para depois tama iha kriteriu ne’ebé presiza tanba ne’e banhira govenru Timor-Leste aprova ona mak sira bele halo ona operasuan,” Vise ministru Inasio ne’e haktuir.

Nia dehan  prosesu atu hatama aviaun ne’e sei iha hela prosesu laran  no halo tiha asinatura de apoiu maka kompañia aviasaun ne’e sei ba halo preparativus. Nia dehan sei prepera mos  buat hotu-hotu ne’ebé diresaun aviasaun sivil propoin tuir padraun ICO nian foin governu fo lisensa no aviaun bele halo ona operasuan. Enkuantu kompañia aviasaun ida seluk tan mak husi Singapura. Husi Investor aviaun ida, nain ba empreza aviaun ida husi Neptun singapura ho Malasia ida ne’e mos ohin loron governu halo hela komunikasuan no agra dadaun husi kompañia aviasaun refere pepara hela kondisoens. 

“Ita hein katak aviaun ne’e bele mai lalais  halo operasau atu bele ona halo kompetisuan ba iha kustu tiket ne’ebé ema hot-hotu sente karun liu,”Eis deputadu husi bankada Fretilin ne’e hateten. Entretantu Mario Ximenes, Lider Air Lains staff, husi kompañia aviasaun Sriwijaya  iha Timor-Leste, iha nia intervista ho jornalista Business Timor kuarta 26/06, iha nia knar fatin, Timor Plaza hatete,governu fo tan lisensa ba iha kompañia aviasaun seluk hodi halo tan operasaun iha Timor ne’e di’ak liu. 

“Tanba buat ida kompetisuan ne’e normal no liu husi aumentu aviaun ne’e bele fo vantazen di’ak ba Timor, para presu tiket ne’e labele as demais. tanba ne’e kuandu aviaun barak di’ak liu para halo kompetisaun, se lae aviaun ida ka rua deit ne’e, ema hasae tiket nia presu tuir nia hakarak no hatun mos tuir nia hakarak,” katak Lider Air lains husi Sriwijaya ne’e.

Entretantu tuir informasaun ne’ebe Jornalista Busines Timor, Asesu katak iha loron 1 fulan Setembru sei iha tan aviaun ho naran Citilink husi Indonesia ho numeru QG7300 ne’ebe parseiria ho Garuda Indonesia sei hahu halo mos operasaun Dili-Dempasar. Enkuantu aviaun ne’e sei halo operasaun lorloron. horas operasaun nian mak, husi Dempasar mai Dili 09:30 no sei to’o iha airoportu Dili 12:20, hafoin ne’e sei sai fali husi Dili ba Dempasar 13:20 no sei to’o iha Dempasar 14:10. (BT)

Business Timor

BUSINESS TIMOR (divulgasaun Timor Agora)

BUSINESS TIMOR notisias barak

Folin tiketi normal

DILI - Funsionariu kompañia aviasaun Sriwijaya Air, Mario Ximenes hateten folin tiketi saetun tanba depende ba perminta’an pasajeiru sira. “Hau senti presu tiket kuandu tun sae ne’e normal, tanba ita hatene katak pasajeirus ne’e nia permintaan  kuandu barak ne’e sae, depois pasajeirus mak kansela sira nia, se lae muda data entaun parese tun fali ida ne’e mak presu tiketi ne’e sempre tun sae tun sae,” dehan Lider Air Lains staff, husi kompañia aviasaun Sriwijaya, Mario Ximenes ba Business Timor kuarta 26/06 hodi hatan ba preokupasaun ne’ebé mosu husi governu no publiku tomak.

Nia esplika dala ruma pasajeiru sira pesan tiha tiket maibe sira kansela tanba iha problema pribadu ruma maka sira la konsege entaun sira husu para kansela hodi foti fali osan. Tanba ne’e kompañia uza sistema refund katak bele fo fali osan maibe tenki koa mos. Nia informa presu tiketi aviaun sriwijaya nian husi Dili ba Dempasar  normal  tuir ninia klase hanesan multi kalas, ne’ebe tiket ne’ebe presu liu husi $100 to’o $200 ne’e ekonomi kalese. Depois klase negosiu (Business) ne’e husi $250 to’o $350. 

“Ne’ebe ba ekonomi ne’e $100 dolar ne’e nia kuandu sae to’o $200 dolar ne’ebe tiket sriwijaya ne’e multi kalas laos mono klas,” Lider Air lains ne’e esplika tan. Antes ne’e Ministru Obras Publikas Transporte no Komunisaun (MOPTK), Gastão Fransisco de Souza, husu ba ajensia aviaun inklui ajensia privadu sira atu labele halo monopoliu ba presu tikete aviaun nian. Ministru Gastão de Sousa, promete sei rezolve problema ne’e no MOPTK fo ona avizu atu la bele iha monopoliu tiket aviasaun nian.

Nia dehan ohin loron rute Dili Dempasar iha deit Sriwijaya maibe mos ihatan ona  kompaña seluk atu tamatan mai hodi halo kompetisaun atu nune presu tiketi beletun.  “Ida ne’e maka ita hakarak halo mos ba aviasaun, se ba Singapura maka karun tanba ita sei iha operador ida deit, se ba Australia karun tanba sei iha operador ida deit, ate hau bele dehan ita ba mai Darwin-Australia deit ita bele hasai $900, ne’e buat ida ke lalika taka ba malu,” Gastão hato’o lia hirak ne’e ba jornalista sira iha nia knar fatin, Merkadu Lama Segunda (24/8/2015) seman liu ba.

Nia dehan atu hamenus ida ne’e, tenki iha konkorensia ida, hodi kontinua hatutan, agora Governu mos tenki hare ba oin oinsa tanba Governu iha akordu ho nasões viziñu sira ne’e ne’ebe maka sei iha frekuensia de vou. “Frekuensia de vou, se 14 horas por semana, ba sira ita mos iha direitu 14 horas semo ba iha ne’eba, mais ita aviaun mos laiha, se ita maka iha aviaun rasik iha ne’e konserteza folin sei tun, ne’ebe ita atu hetan ita nia aviaun rasik ita mos prepara an, tenki iha osan no tenki iha buat hot-hotu para karik Timor Leste iha aviaun mos bele semo hodi lori bandeira Timor ninia naran,” hateten Gastão de Sousa.  (BT)

Business Timor

Literasia finanseira no konta poupansa TL ki’ik

DÍLI - Banku Central Timor-Leste (BCTL), sesta (28/08), lansa programa rua tuir planu estratejia nasional mak kampaña literasia finanseira no konta poupansa. Programa rua ne’e nudar politika ida eduka sosiadade tomak iha Timor-Leste atu bele iha koñesimentu kona-ba finanseira iha nia moris no halo poupansa hodi bele hadia ekonomia Timor-Leste.

Governador BCTL Abrão Vasconcelhos iha serimonia lansamentu programa ne’e hatete  agora dadaun nivel poupansa iha Timor-Leste ladun boot. Partisipasaun populasaun ninian atu utiliza serbisu bankaria hanesan konta poupansa sei minimu iha nivel ne’ebé sei ki’ik. Abrão afirma katak oras ne’e dadaun BCTL foin mak dezenvolve sistema. “Ita hahu ona programa ida ne’e importante oinsa mak atu fo koñesimentu laos deit ba labarik sira maibe mos ba iha sosiadade tomak hanesan inan-aman, kontribuisaun husi mestri sira, husi ukun nain sira  no ita sosiadade tomak iha kontribuisaun oinsa mak melhora (hadia) nivel poupansa iha nivel nasional,” dehan Governador BCTL Abrão de Vasconcelos ba BT iha nia knar fatin, Acait, Díli, Sesta (28/08).

Atu promove programa literasia finanseira no konta poupansa ne’e sei orienta banku komersiu sira atu bele fo apoiu. Nia dehan maski banku sira halao investimentu boot iha kualker inisiativa ne’ebé mak sira halo sira sente hanesan peju ba sira uituan ka maka’as. Ida ne’e afeta ba ema atu baruk halo konta popupansa ka rai osan iha banku. “Tanba ne’e saida mak sira halo, sira kobra fali kustu husi kliente sira, entaun ida ne’e halo dizensitiva populasaun sira atu rai osan tanba hanesan ohin dehan populasaun sira tau osan iha banku enves simu funan maibe koa ita nia osan to’o hotu. Ida ne’e situasaun ida ne’ebé mak realidade ita infrenta tanba ne’e mak banku sentral hahu ho programa ida ne’e laiha enkargus ba iha konta ida ne’e,” nia afirma.

Tuir nia katak xave ema atu halo poupansa mak primeiru haree ba iha nivel rendimentu hanesan Timor-Leste nian nivel rendimentu ki’ikoan tebes maibe lasignifika dehan ho situasaun  hanesan ne’e mak hanoin  atu hasae nivel rendimentu iha futuru liu husi programa ne’ebé mak agora prepara. “Se ita laiha abitu atu rai osan no la hanorin labarik sira atu rai osan to’o iha futuru mai sikun ida ne’e sei kontinua nafatin no ita laiha meus atu melhora ekonomia, melhora ita nia familia, melhora ita nia moris no ninia xave principal mak oinsa ema atu tau osan tenke iha jestaun ba asuntu finanseiru,” afirma governador ne’e.

Nia hateten iha familia laran xave ba iha halo poupansa hotu-hotu importante no poupansa labele haree deit ba iha konta bankaria ne’e tanba poupansa iha aspeitu hot-hotu. “Ita deside atu labele sosa sasan ida ne’ebé mak importante maibe ita lapresiza no sasan ida ne’ebe mak presiza maibe la importante, ida ne’e disizasaun iha laran no ida ne’e atu iha mentalidade atu poupa,” hateten Abrão. Nia infroma katak oras ne’e dadaun kona-ba populasaun iha Timor-Leste tuir numeru asesu ba sistema finanseiru hamutuk mais 300.000 no 54% husi populasaun adultu (joven) ema tinan 15 ba leten iha konta bankaria.

“Espera ita ho inisiativa hanesan ne’e  ita bele hateten iha tinan 2 ou 3 tuir mai nivel ida ne’e sei bele muda,” dehan nia. Liu husi media Abrão husu ba populasaun sira liu-liu ba inan-aman, mestri sira atu fo nafatin informasaun ba oan sira no mos ba iha komunidade enjeral atu hamosu kultura poupansa, tanba presiza kontinua beibeik nafatin atu hamosu mentalidade ida rai osan tanba ida ne’e halo TL  nia situasaun finanseiru fasil atu jere iha futuru oin mai no labarik sira kaer papel importante iha sosiadade iha futuru oin mai.

Nia esplika, lansamentu kona-ba literasia finanseiru iha Timor-Leste ne’e oinsa atu fornese hodi hadia nivel literasia finanseiru ba populasaun no hadia sira nia kapasidade atu jere asuntu finanseiru pesoal. Nia dehan planu diretore ba setor finaneiru ba tinan 2014 – 2025 observa katak literasia finanseiru ne’ebé mak tun (baixa) inklui mos falta koñesimentu kona-ba numerais no falta familiaridade ho konseitu no institusaun finanseiru sira. Ida ne’e nudar obstaklu prinsipal atu bele atinji taxa ne’ebé aas ba inkluzaun finanseiru iha Timor-Leste.

Asaun politika balu iha planu diretór ba setor finanseiru mak BCTL atu establese estratejia no programa ida atu hasae litererasia fianseiru entre grupu vulneravel sira. “Iha loron 29 novembru ita sei asiste fila fali loron nasional poupansa no oras oras tan ita sei partisipa husi Ministeriu Edukasaun sei lansa planu estratejia nasional kona-ba literasia finanseiru Timor-Leste nian,” dehan Governador Banku Central Timor Leste Abrao de Vasconselos iha nia diskursu iha edifisiu BCTL, ACAIT, Dili sesta (28/08).

Nia afirma katak planu estratejiku nasional ba periodu 2016-2020 dezenvolvido ona liu husi reuniaun konsulta no diskusaun ho perte interesada oin-oin. Iha apoiu boot tebes ba planu estratejiku nasional refere tanba partikularmente seitor banku komersial sira espera ona iha interese boot atu fo apoiu atu oinsa pastiripa iha diskusaun sira nudar estratejia Nasional atu dezenvolve an.

Abrao dehan atu foka ba iha PEN refere iha area lima  mak hanesan dezenvolve kapasidade no potensialidade setor, fornese lideransa, kobre alvu audiensia sira, mantein kualidade no kompartilha ba buat ne’ebe mak halo. Estratejia ne’ebe sei apoiu literasia finanseira ne’ebe mak boot ida iha komunidade Timor Leste. Nia dehan nudar primeiru pasu BCTL iha ona papel lideransa atu introdus kompaña nasional ba  sensibilizasaun edukasaun finanseiru ho objetivu atu fornese edukasaun finanseiru baziku ida ba ema sira ne’ebe laiha konta bankaria no ema ne’ebe rendimentu kiik ho objetivu atu hadia sira nia koñesimentu, abilidade no atetude finanseiru ho nia impaktu atu sei promove kresimentu ekonomia rai no pais nian.

“Ohin ita lansa programa rua ne’ebe ita asiste, ida ne’e hanesan kontinuasaun programa ne’ebe halao iha tinan kotuk, iha tinan kotuk hafoin lansamentu husi Banku Central ne’ebe hetan tulun husi funsionariu banku komersial sira sai hanesan fasilitador hodi visita tiha ona  munisipiu 10,” katak nia. Nia dehan tan katak  programa ida ne’e fasilitator sira aprezenta material lubuk ida oinsa hanorin labarik sira, grupu negosiu kiik sira, funsionariu publiku no besik ema rihun ida resin mak partisipa iha enkontru ne’ebe mak fasilitor sira realiza iha munisipiu no iha fulan oin kontinua halao iha Oecusse no taka iha Dili iha fulan outubru tinan nee.

Tan ne’e atu asegura PEN refere sei implementa tuir visaun no misaun no objetivu, sei iha revizaun perioridade ba estratejia nia no alterasaun se halo karik apropriadu. Nia informa tan katak iha tinan kotuk Presidente Republika Taur Matan Ruak ofisialmente lansa kampaña sensibilizasaun edukasaun finanseiru. Programa refere involve estudantes liu rihun ida ne’ebe partisipa iha lansamentu tinan kotuk. Programa refere Presidente Republika deside loron 29 Novembru hanesan loron poupansa nasional.

Iha fatin hanesan Vice Ministra Edukasaun Dulce Alves hato’o obrigadu ba BCTL ne’ebe ho programa importante tebes relasaun servisu Ministeriu Edukasaun nian. “Ministeriu Edukasaun retira fila fali deit importansia edukasaun ho literasia finanseira  tanba hau hakarak foti uluk liafuan literasia ne’ebe nia relasaun boot teb-tebes ho edukasaun signifika katak ema ida tenke hatene lee no hakerek hodi nune’e bele komprende literasia finanseira,” dehan Dulce.

Nia dehan ministeriu edukasaun oras ne’e hadia ona kurikulum eskolar tanba iha kurikulum refere emprimi forma ida ne’ebe mak simples teb-tebes kona ba moeda ne’ebe mak Timor Leste iha no labarik sira gasta tuir sistema management hodi rai osan hanesan iha banku. Tan ne’e nia dehan Ministeriu edukasaun pronto nafatin fo maneira ne’ebe diak ba iha estudante sira kona ba oinsa bele iha kuinesementu ba iha literasia finanseiru ba iha estudante sira liu husi profesore sira.

Nia mos husu ba iha publiku katak atu eduka labarik sira iha kuinesementu ba iha literasia no finanseiru importante mak lideransa sira tenke sai ezemplu dahulu hodi bele labarik sir abele nate tuir dalan ne’ebe mak iha. Iha serimonia lansamentu Planu estratijia Nasional Kona ba Literasia Infanseiru partispa husi Premeira Dama, MCIA, Ministeriu Edukasaun,Administrador, Diretor Banku Comersio sira, Profesores nomos konvidadus sira besik ema atus tolu resin.(BT)

Business Timor

Massacre 27 Agostu 1999 iha Tapo/Memo no Massacre Setembro Negro 1999 iha Maliana

Hakerek Na’in: Moisés Vicente

Iha tinan 16 liubá fó hanoin ba ita hotu katak, ohin loron 27 fulan Agostu tinan 2015 oinsa atu hatene nafatin istória passado hodi hanoin hikas istória kontinua sai istória ba jerasaun foun. Buat ne’ebé militar Indonesia halo intimidasaun ba ema Timor-oan ne’ebé hakarak desidi mesak nian ukun rasik-án.

Lo’os duni ita hotu la sente loron muda ba kalan, fulan muda ba tinan, massacre ne’ebé akontese iha loron Sesta data 27 Agostu 1999 ba povu iha Suco Tapo/Memo, Postu-Administrativu Maliana, Munisípiu Bobonaro, antes povu Timor-Leste ba hala’o nian votasaun iha loron Segunda data 30 fulan Agostu tinan 1999 konsulta popular.

Iha momentu ne’ebá, autoridade Pro-Milisi Indonesia iha Jakarta halo hamanas liu tan situasaun iha teritóriu Timor-Leste laran tomak hari’i grupu naran oin-oin. Iha kapital Díli grupu naran “AITARAK” lidera husi Eurico Guterres. Iha Maliana gropu naran “DADURUS BESIH MERAH PUTIH” nomós iha grupu Pro-Milisi naran sira seluk-seluk tan.

Tuir mai istória badak Massacre 27 Agostu 1999 iha Suco Tapo/Memo ne’ebé milisia pro-otonomia hamutuk ho Pro-Milisi Jakarta, Tentara Nasional Indonesia (TNI), no Polisi Republik Indonesia (POLRI) lori kilat bo’ot tiru hasoru populasaun Suco Tapo/Memo iha tuku 01:30 loraik oras Timor-Leste. Militar Indonesia no Milisia Pro-Otonomi sira husi kapital Maliana hodi hala’o asaun komvoi (Kampanye Pro-Otonomi) mai iha Suco Tapo/Memo, maibé antes ne’e sira iha ona planu atu harahun suco ida ne’e ho razaun katak populasaun iha Suco Tapo/Memo 99% Pro-Independensia (Pro-Kemerdekaan) no ami nian suco ne’e rasik sai mos risku mean ba pro-otonomista sira iha Munisípiu Bobonaro rasik.

Tamba ho sira nian intensaun a’at hirak ne’e to’o iha ami nian suco sira hotu-hotu tun iha kareta laran (Mobil) hodi asalta ami, iha tempu ne’ebá populasaun tomak iha unidade hamrik hasoru sira nia asaun violensia ne’ebé maka kontra ami i momentu ne’ebá ami konsege defende ami nia a’an hodi sunu sira nian kareta sia (9), no motorizada (Motor) tolu (3).

Iha tempu ne’ebá Tentara Nasional Indonesia (TNI) ho Polisi Republik Indonesia (POLRI) hamutuk ho milisia pro-otonomia tiru mate ami nian ema joven na’in ida (vitama naran Paulino Lopes), no Tentara Nasional Indonesia ho POLRI tiru mate ami nia ema katuas ida tiru mate iha fatin no ema na’in tolu (3) seluk kanek todan rezulta ema mate, kanek todan no lakon nia uma inklui sasan hotu. Buat hirak ne’e hotu maka sai referénsia ou sasin ida mai ami hodi bele Estado República Democrática Timor-Leste (RDTL) tenke rekoñese mós ba massacre ida ne’e.

Iha parte seluk, akontesementu iha loron Tersa no Kuarta data 7 to’o 8 Setembru 1999 ne’ebé mak akontese iha Maliana nia laran hanesan Massacre ‘Setembro Negro 1999’ iha Maliana trajedia mukit iha Ex-Kantor Polisi Republik Indonesia Maliana (Ex-KAPOLRES Maliana). Nomós akontesimentu iha Aldeia Mulau-Suco Ritabou, Postu-Administrativu Maliana fatin ne’ebé mak Pro-Milisi Indonesia sira halo atake ba komunidade Pro-Independensia sira nia subar fatin, nune’e rezulta ema Pro-Independensia hamutuk sanulu resin tolu (13) mak mate no sira seluk-seluk tan la hetan sira nia rate. No akontesementu balu ne’ebé mak akontese tiha ona maibé hakerek na’in la temi hotu iha Munisípiu Bobonaro laran.

Ultimo liu, hakerek na’in rekomendasaun ba Ministériu Sosidariedade Sosial (MSS) no orgaun kompetente seluk toma atensaun ba massacre ne’ebé mak akontese iha Timor-Leste laran tomak tenke hari’i monumentu ba sira ne’ebé mate ona ba rai doben Timor-Leste ida ne’e. **

Referénsia:

Gusmão, Celestino. Porta Vos Board ANTI. ANTI Konsidera PR RI SBY Failla Fó Solusaun Justu ba Krime Umanidade hahú iha tinan 1975-1999 iha Timor-Leste. Asesu iha Jornál INDEPENDENTE, 26 Agostu 2014.

Magalhães, Fidelis. Reprezenta Prezidensia Repúblika Taur Matan Ruak, Komemora ‘Setembru Negro’ Iha Maliana. Asesu iha  Jornál Nacional Diário, 13 Setembru 2013.

FALINTIL Rejisti, Povu Mak Determina, Governu Diskriminia Loron Istóriku. Asesu iha Jornál Timor Post, 01 Setembru 2015.

Istória Bi Lou Mali Iha Luta FALINTIL. Asesu iha Jornál TEMPO SEMANAL. 29 Agostu 2015.

Konsulta Popular Kilat Loke Dalan, Pregu Xave Independensia. Asesu iha Jornál Matadalan SEMANÁL, 26 Agostu-01 Setembru 2015.

                 

Internet:

http://www.minihub.org/siarlist/msg03382.html.

http://www.radioliberdadedili.com/opiniaun/1126-istoria-sempre-istoria-jerasaun-foun-ba-jerasaun-foun-sempre-konta-istoria-fo-ba-sira.

http://books.google.tl/books?id=FVE2AAAAQBAJ&pg=PA144&lpg=PA144&dq=massacre+Maliana+1999&source=bl&ots=YXB_PAkCna&sig=UAtdDuzSGXS2rJTVOGhErvM2oXM&hl=id&sa=X&ei=1bz6U4SNAYmKuAT3zoKYBw&ved=0CGcQ6AEwBw#v=onepage&q=massacre%20Maliana%201999&f=false.

http://exilados-tl.blogspot.com/2014/04/suspeitu-ida-husi-masakre-cailaco-12.html.

http://www.yayasanhak.minihub.org/direito/txt/2001/17/03_direito.html. 

http://www.diariutimorpost.tl/berita-estadu-tenki-valoriza-luta-iha-1999.html. 

Ministru Saúde hosi sudeste aziátika sei halao reuniaun hamutuk iha Dili semana oin

Konsumu tabaku, moras kontajioza, moras tropikál no halo prevensaun ba tuberkuloze maka sai hanesan tema balun hosi konferénsia ne’ebé sei halibur ministru 11 hosi sudeste aziátika, semanan oin iha Dili, Timor-Leste. 

Ida ne’e hanesan 68.ª sesaun hosi Komité Rejionál hosi Sudeste Aziátika OMS nian, no ne’ebé tinan-tinan hakarak marka ajenda ba setór saúde iha rejiaun refere.

Sorumutu ne’ebé sei hala’o hosi loron 7-11-setembru hodi analiza kona-ba moras oioin iha área saúde nian, nune’e mós fó resposta ba dezastre ho prevensaun kontájiu, no seluk-seluk tan.

Tuir ajenda enkontru nian sei foka liu ba tema tabaku, ne’ebé sai hanesan preokupasaun bot hosi saúde rejiaun nian, inklui Timor-Leste ho Indonézia, tanba konsumu barak liu sigaru.

Iha enkontru ne’e sei analiza mós kona-ba oinsá atu kombate moras tropikál ho sarampo, poliomielite ho rubéola, nomós halo esforsu hodi prevene tuberkuloze ho moras kankru oioin.

Sei debate kona-ba estratéjia hodi implementa sistema saúde ba ema hotu.

Alénde Timor-Leste, delegasaun hosi Bangladesh, Butaun, Koreia Norte, India, Indonézia, Maldivas, Myanmar, Nepal, Sri Lanka ho Tailándia mós sei partisipa, nune’e mós responsável sira hosi Organizasaun Mundiál Saúde (OMS).

SAPO TL ho Lusa 

Operasaun sira hosi Air Timor ba Bali sei pára to'o 14 Setembru

Operasaun aéreu sira loron-loron hosi Air Timor entre Díli ho Bali sei pára to'o loron 14 fulan-Setembru, afeta nune'e pasajeiru atus resin no laiha alternativu, fó sai hosi kompañia iha loron-tersa ne'e. 

Desizaun ne'e hatete iha komunikadu ida nebe fó sai iha kalan ne'e hosi Air Timor, hafoin kansela tiha viajen rua, ligasaun entre Denpasar, iha Bali, no kapitál timoroan nian no entre Díli no sidade indonéziu nian.

"Tanba kestaun sira nebe lahó kontrolu hosi Air Timor, planu nebe previstu hosi voo indonéziu Citilink nian (Denpasar-Díli-Denpasar) kansela tiha iha loron-tersa dadeer", refere hosi empreza liuhosi komunikadu.

"Ho laran-triste maka ami informa katak ami tenki hapara temporáriu operasaun sira voo nian entre Denpasar-Díli-Denpasar entre loron 02 to'o 13 fulan-Setembru", esplika iha komunikadu.

Empreza, nebe la klarifika nafatin motivu sira suspensaun voo nian, refere katak operasaun sira sei hahú iha loron 14 fulan-Setembru.

Pasajeiru atus resin senti afetadu iha Díli no Denpasar (Bali) tanba kanselamentu ba voo nebe previstu ba loron-tersa nebe halo hosi Air Timor no nebe hodi hahú aranka ho kontratu foun ida ho Citilink, subsidiáriu hosi Garuda Indonézia.

To'o loron 31 fulan-Agostu, viajen loron-loron hosi Air Timor ba Bali no hosi Bali halo diretu hosi Garuda, maibé hahú iha loron-tersa ne'e, 01 fulan-Setembru, hala'o hosi Citilink.

Fonte hosi setór ne'e esplika ba Lusa katak problema ne'e hahú ho voo nebe tenki uza ba viajen hosi Bali ba Díli (no karik sei fila ba Indonézia), nebe laiha dimensaun nebe Air Timor hakarak.

Aviaun ida seluk nebe disponibilizadu la hetan autorizasaun iha Bali hodi semo ba Díli tanba boot liu ba pista.

Iha komunikadu nebe fó sai iha loron-tersa ne'e, Air Timor esplika katak "aranke nebe planeadu hosi semo sira Citilink Denpasar-Dili-Denpassar nian hetan atrazadu/adiadu", lahó detalle ba kauza loloos sira problema nian.

"Diresaun hosi Air Timor serbisu maka'as hela hodi hetan apoiu hosi Governu Timor-Leste nian iha diskusaun urjente sira ho funsionáriu governamentál indonéziu sira no funsionáriu lokál timoroan sira", nia adianta.

Empreza hatutan ona katak fornese hela apoiu ba pasajeiru sira nebe afetadu, hodi buka solusaun alternativu ka fó fali osan hosi folin billete sira nian.

"Ami preokupadu tebes ho saida maka akontese no ami sei fornese beibeik informasaun atualizadu", nia hatete no hatutan katak voo sira hosi empreza ba Singapura la afetadu ida.

Mário Romaldo, diretór hosi Aeroportu Nicolau Lobato, iha Díli, garanti ona ba Lusa katak problema hosi semo ne'e la'ós ho Aviasaun Sivil, konfirma ona katak fó ona autorizasaun hodi hala'o semo sira ne'e.

"Air Timor iha akordu ida ho Citilink no iha baze ba akordu ne'e maka aprezenta ona dokumentu sira ba Aviasaun Sivil, nebe fó ona autorizasaun no aprova ona semo sira nebe hala'o hosi Citilink", nia esplika.

"Hosi parte aviasaun sivil laiha problema. Problema ne'e la'ós hosi ami nia parte. Agora iha entre Citilink no Air Timor", nia hatete.

Formalmente, Air Timor tenki kontrata kompañia aéreu sira seluk ba ligasaun sira ho Timor-Leste tanba nasaun ne'e seidauk bele lansa Air Operator Certificates no sertifikadu sira seluk nebe importante ba operasaun nasionál sira.

Voo sira hosi kompañia aéreu Sriwijaya entre Denpasar ho Díli laiha problema ida.

SAPO TL ho Lusa

Dive Timor Lorosae hetan prémiu tanba pratika turizmu mariñu sustentável

Dive Timor Lorosae, empreza mergullu ne’ebé ho nia sede kleur liu iha Díli, Timor-Leste, empreza ne’e sai hanesan empreza ida ne’ebé rekoñese ona entre esmpreza neen iha fórum rejionál konservasaun marítima tanba nia hanesan pratika turizmu sustentável iha sira ninia operasaun.

Rekoñesimentu ne’ebé halo iha enkontru rejionál emprezáriu sira hosi setór maritime no destasaun esforsu empreza, no galardoadu sira seluk, hodi apoia konservasaun kosta, 'habitats' mariñu no envolve ba komunidade sira iha atividade konservasaun marítima.

Empreza ne’bé fó durante kuarta edisaun hosi Fórum Emprezariál Rejionál Inisiativa Triángulu Koral kona-ba Recifes, Pescas no Seguransa Alimentar (CTI-CFF), ne’ebé akontese iha kotuk iha Nusa Dua, iha illa Bali, Indonézia no halibur partisipante 300 resin hosi nasaun 20.

Sira mós fó  ba empreza Indonézia, Malázia, Papua Nova Guiné, Filipinas no Ilhas Salomão.

Ba Eko Rudianto, diretór Tasi no Kosta hosi Ministériu Asuntu Marítimu no Peska Indonézia nian katak, empreza sira hosi turizmu mariñu no kosteiru tenke rekoñese no merese fó atensaun hosi Governu, setór privadu no komunidade sira.

"Ida ne’e bele sai hanesan dalan ida hodi apoiu ba dezenvolvimentu infraestrutura, hosi roteiru ida ba turizmu marítimu sustentável nian no promosaun no asesu ba merkadu", disse.

Embaixadór Estadus Unidus iha Jakarta, Robert Blake, elojia mós esforsu hosi setór privadu ne’ebé lidera hela iha dezenvolvimentu turizmu marítimu sustentável iha rejiaun tomak.

"Ha’u nia esperansa maka, atu kuda fini iha dezenvolvimentu Triângulo de Coral ne’ebé sai hanesan destinu sustentável ba turizmu mariñu, futuru jerasaun sira, hahú agora ba tinan 100, nune’e sira bele admira ho legadu litorál ida ne’ebé natural no ambiente mariñu ne’ebé bele husik hela ba sira", nia haktuir.

SAPO TL ho Lusa

RELATORIU KILAT LAKON IHA KRIZI 2006 ENTREGA ONA BA GOVERNU

Relatoriu Investigasaun ba Kilat lakon iha krize tinan 2006 ne’ebe hala’o iha tinan 2011 husi Ministeriu Defeza no Seguransa (MDS) entrega ona ba Governu.

Komandante Jeral Polisia Nasional Timor Leste (PNTL) Komisiariu Julio da Costa Hornay informa, relatoriu intrega ona ba iha Governu, Governu atu desidi halo nusa ne’e depende ba membru Governu antes nian ne’e mak hatene.

“Ida ne’e uluk ami aprejenta tiha ona ba Governu rejultadu Investigasaun Governu depois mak Governu iha ne’eba desidi halo nusa, nusa ne’e membrus Governu tempu ida ne’eba nian mak responsabilidade,” dehan Julio Hornay ba Jornalista sira iha Edifisiu Ministeriu Interior, Kaikoli, Segunda (31/08/2015).

Nia reforsa liutan katak, rejultadu inkeritu iha tempu ne’eba intrega hotu ona ba Governu ne’ebe mak ukun iha tempu ne’eba.

Iha parte seluk, antes ne’e Organizasaun Non Governamental Fundasaun Mahein (FM) husu ba Governu atu loke fali relatoriu investigasaun ne’ebe mak halao hosi MDS iha tempu Governasaun Aliansa Maioria Parlamentar (AMP), tanba ema ne’ebe mak indika iha relatoriu investigasaun ne’e to’o agora sei kontinua ativu no sae tan divija.

Tuir Adjuntu Diretor FM João Almeida dehan, presiza loke fali investigasaun ne’ebe mak halao ona iha tinan 2011 nian ne’ebe mak indika ona ema balun iha ne’eba, nia fiar katak iha ne’eba bele hatene ona kilat ne’ebe mak lakon ne’e iha se nia liman.

“Ha’u rekomenda deit atu bele loke fali investigasaun ba relatoriu investigasaun MDS nian iha tinan 2011 nian iha ne’ebe indika ona ema balun iha relatoriu ne’e hau fiar ita sei hatene kilta ne’e iha sé,” dehan João foin lalais ne’e.

Kilat ne’ebe mak lakon iha krize tinan 2006 ne’ebe mak to’o oras ne’e seidauk hetan hamutuk 16. Eus

Jornal Nacional

LABARIK KOMESA IZMOLA

Jornal Nacional, editorial

Konvensaun direitus labarik nebe hetan inspirasaun iha normas no prinsipiu nebe iha asembleia Jeral nasoens Unidas adopta iha tinan 1989, nebe timor leste ratifika iha 17 Setembru 2003 nee sai hanesan guia ida ba estadu Timor atu bele kosensializa ninia sidadaun ba respeita diretus labarik nian.

Nasaun sira nebe ratifika ona konvensaun ba labarik sira nee, nasaun sira nee tenki respeita direitus labarik nian, li’liu direitus edukasaun, saude, halimar no alimentasaun nebe diak, proibe trabalha infantil.

Maske Timor Leste sai membru nee maibe fenomena ohin loron nee akontense mak trabalhador infantil, labarik sira nia direitu ba edukasaun, diretus atu hetan asistensia saude nebe diak, edukasaun no labarik barak hola fali responsabilidade inan aman nian ba servisu hodi sustenta uma laran.

Atu konkretiza konvensaun nee, governu kria insitituisaun ida , Konsellu Direitus Labarik nian (KDL) hodi haree espesifiku ba direitus labarik sira nian. Labarik barak tun ba luron hodi halo servisu nebe seidauk pãrtense atu halo.

Maske Timor Leste adere tiha ona ba ONU, hodi nunee kada tinan ekipa ida husi konvensaun mai halao availiasaun ba progresu, dezafiu nebe nasaun sira nee aprezenta. No mos violasaun ba direitus labarik nian. Ohin loron parte igreja preokupa tebes labarik sira iha Timor Leste nian tamba labarik barak sai izmolador iha luron no balu mos naok ten. Maneira nebe labarik sira kompara ho nasaun seluk nebe too ohin loron mosu kriminal oi-oin.

Igreja hatoo ninia preokupasaun nee tamba mosu fenomena lida katak abaraik ohin loron komesa izmola iha luron, naok ema nia sasan iha tempo rai loron, tan nee preokupasaun igreja nian katak keta halo ba iha futuru mai Timor mos hanesan Brazil, nebe nakonu ho violensia.

Estadu harii Komisaun Dirietus ba Labarik ( KDL) nebe asumi responsabilidade hodi tau matan ba direitus labarik sira nian maibe iha realidade labarik barak kontinua pasa vida iha luron, trablahdor infantil no sai izmolador.

“Iha foho seidauk iha, maibe Dili komesa ona labarik sira husu izmola iha luron no labarik balun komesa na’ok iha tempu loron,” Dom Basilio

Los duni amo, labarik barak sai husi uma hodi moris iha luron, barak mak sai izmolador no balu sai naok ten.

Numeru labarik sira ba moris iha luron nee husi tempo ba tempo laos diminui maibe pior liu tan mak aumenta. Nee hatudu katak insusesu KDL, nunee mos labarik sira nee responsabilidade inan aman nian oinsa atu bele forma ema sai ema ida nebe moris ho dignu.*

Jornal Nacional

POVU SEI MORIS KIAK, LH KONKORDA HO ISABEL FERREIRA

Diretur Luta hamutuk (LH), Mericio Akara konkoda ho afirmasaun husi Primeira Dama Isabel Ferreira nian katak durante tinan 10 Timor ukun an , maibe Timor oan barak mak sei moris iha kiak nia laran.

“Ha’u konkorda pri me ira Dama ninia deklarasaun ne’e bazeia ba realidade . Nia akompaña Prezidente Republika haleu Timor laran ba Suku sira ne’e pasti haree ho matan ne’ebe bainhira nia haree ba realidade povu sei susar no kiak duni ita tenke resolve se ita la rezolve entaun ukun an ne’e ladun iha valor ba ita nia populasaun,” Dehan Mericio Akara ba JN-Diário iha nia servisu fatin Farol, Dili, Segunda ( 31/8 ).

Nia haktuir, Povu sei kiak nafatin tamba Estadu liu-liu Guvernu la asumi ninia kargu lolos.

“Sira nia kargu lolos ne’e atu fasilita dezenvolvimentu rai laran atu apoia dezenvolvimentu ekonomia liu- liu povu nian atu kria mos kampu trabalhu hamutuk ho setor privadu para ema bele hetan servisu halo mos Estrada , para povu sira uza hodi halo sira nia ekonomia uma laran bele lori sira nia produtu balu mai faan iha vila ida ne’e mak kuandu lahalo kondisaun moris hanesan kampu trabalha laiha no ema iha produtu ruma atu faan, Estrada at oinsa ema dezenvolve nia ekonomia ruma iha merkado,”katak Mericio Akara.

Nune’e nia dehan, Guvernu dezenvolve liu ne’e mak harii sira nia edifisiu maibe sira ladun tun ba iha kraik hodi hadia povu ninia fasilidade Baziku hanesan Estrada, eskola, klinika no bee mos ho tan sira seluk.

Nia dehan, durante Timor ukun an prosesu dezenvolvimentu lao maka’as en termus infra –estura maibe iha buat barak mak presiza atu tau matan ba futuru ida nebe mak diak ba Timor- leste, liu- liu kbiit laek oinsa hadia sira nia moris.

“Los duni durante ne’e iha politika Governu sira fo prioridade ba infra- esturutura maibe implementasaun laiha por ezemplu investe osan barak atu hadia infra – estrutura baziku hadia dalan, hadia bee mos , fasilidade klinika eskola no agrikultura maibe implementasaun laiha ne’ebe durante ne’e fo prioridade ba infra- estura maibe out put rezultado,”esplika Merecio Akara.

Rekomenda ba Guvernu tenke tau ona prioridade infra- estura baziku maibe iha implementasaun tenke halo duni laos prioridade programa deit, maibe tenke monitoriza no kontrola nafatin.Car

Jornal Nacional

Operações da Air Timor para Bali suspensas até 14 de setembro

Díli, 01 set (Lusa) - As operações aéreas diárias da Air Timor entre Díli e Bali estão suspensas até 14 de setembro, afetando centenas de passageiros e que podem não ter alternativa, anunciou hoje a companhia.

A decisão consta de um comunicado divulgado ao início da noite pela Air Timor, depois do cancelamento hoje de dois voos, o de ligação entre Denpassar, em Bali, e a capital timorense e o entre Díli e a cidade indonésia.

"Devido a questões fora do controlo da Air Timor, o arranque previsto hoje dos voos indonésios da Citilink (Denpassar-Dili-Denpassar) foi cancelado hoje de manhã", referiu a empresa no comunicado.

"É com profundo desapontamento que informamos que tivemos que suspender temporariamente as operações dos voos Denpassar-Dili-Denpassar entre 02 e 13 de setembro de 2015, inclusive", explicou.

A empresa, que continua sem clarificar os motivos da suspensão dos voos, referiu que as operações deverão começar a 14 de setembro.

Centenas de passageiros foram já afetados em Díli e Denpassar (Bali) pelo cancelamento dos voos previstos para hoje operados pela Air Timor e que marcavam o arranque de um novo contrato com a Citilink, subsidiária da Garuda Indonésia.

Até 31 de agosto, os voos diários da Air Timor de e para Bali eram operados diretamente pela Garuda, passando desde hoje, 01 de setembro, a ser operados pela Citilink.

Fonte do setor explicou à Lusa que o problema se prendeu, inicialmente, com o voo que deveria ser usado para a viagem de Bali para Díli (e posterior regresso à Indonésia), que não tinha a dimensão que a Air Timor pretendia.

Um outro avião disponibilizado não terá conseguido a autorização em Bali para voar para Díli por ser demasiado grande para a pista.

Num primeiro comunicado divulgado hoje, a Air Timor explicou que o "arranque planeado dos voos da Citilink Denpassar-Dili-Denpassar foi atrasado/adiado", sem detalhar as causas exatas do problema.

"A direção da Air Timor está a trabalhar incansavelmente para tentar alavancar o apoio do Governo de Timor-Leste em discussões urgentes com funcionários governamentais indonésios e funcionários locais timorenses", adiantou.

A empresa acrescentou que está a oferecer apoio aos passageiros afetados, procurando soluções alternativas ou reembolsos em dinheiro do valor dos bilhetes.

"Estamos extremamente preocupados com o que ocorreu e forneceremos informação atualizada assim que a tivermos", sublinhou, notando que os voos da empresa para Singapura não foram afetados.

Mário Romaldo, diretor do Aeroporto Nicolau Lobato, em Díli, garantiu à Lusa que o problema deste voo não era com a Aviação Civil, confirmando que tinha sido dada autorização para a realização dos voos.

"A Air Timor tem um acordo com a Citilink e foi com base nesse acordo que apresentou os documentos à Aviação Civil, que deu a autorização e aprovou os voos operados pela Citilink", explicou.

"Da parte da aviação civil não há problema. O problema não é da nossa parte. Agora a bola está do lado da Citilink e da Air Timor", disse.

Formalmente, a Air Timor é obrigada a contratar outras companhias aéreas para as ligações com Timor-Leste porque o país ainda não pode emitir Air Operator Certificates e outros certificados necessários para operações nacionais.

Os voos da companhia aérea Sriwijaya entre Denpassar e Díli não foram afetados.

ASP // VM

Pelo menos oito salas de jogo VIP em Macau encerram em agosto -- imprensa

Macau, China, 01 set (Lusa) -- Pelo menos oito salas de jogo VIP dos casinos de Macau encerraram em agosto, numa altura em que o território já registou 15 meses consecutivos de quebras nas receitas do setor, noticia hoje o jornal Business Daily.

O económico cita a Associação de Mediadores de Jogos e Entretenimento de Macau, que indica que, entre as salas encerradas, algumas pertencem à empresa de 'junkets' -- angariadores de grandes apostadores -- Golden Group.

Segundo a associação de trabalhadores do setor do jogo Forefront of Macau Gaming, desde o início do ano terão sido 40 a 50 as salas VIP encerradas, o que afetou cerca de 3.000 trabalhadores locais.

Os casinos de Macau encerraram o mês de agosto com receitas brutas de 18.621 milhões de patacas (2.069 milhões de euros), revelou hoje o gabinete do Secretário para a Economia e Finanças, Lionel Leong.

As receitas acumuladas entre janeiro e agosto atingiram, assim, os 158.880 milhões de patacas (17.660 milhões de euros).

Como este valor colocou as receitas abaixo da média estabelecida pelo executivo para impor "medidas de austeridade" - 20.000 milhões de patacas (2.174 milhões de euros) -- foi hoje anunciado o início do plano de contenção de custos, com o qual o Governo espera vir a poupar cerca de 1.400 milhões de patacas (155 milhões euros) até ao final do ano.

ISG(JCS) // SO

Timor Oan Livre Tama Europa

DILI – Governu Timor Leste kontinua kria relasaun bilateral hamutuk ho nasaun Europa no oras nee Timor oan sira sei uza visa livre, wainhira halo vizita ba iha Europa neebe mak kompostu hosi nasaun 26.

Informasaun nee fo sai hosi Ministru Negosiu Estranjeiro no Koperasaun (MNEK), Hernani Coelho, ba Jornalista sira iha Palacio Governu Tersa (1/09).

Ita implementa kuaze fulan ida liu ona no oras nee dadaun kuaze Timor oan sira neebe mak halo vijita ba iha buat ida ita bolu espasu cange nee la persija ona vistu kecuali hanesan uza vistu estudu no servisu nian nee buat ketak ida mais vistu turista nee livre iha Eropa neebe mak iha nasuan 26,” hatete Hernani.

Nia hatutan laiha durasaun ba visa livre entre Timor Leste ho nasaun Europa maibe wainhira persija hadia, hotu-hotu sei tur hamutuk no ba Timor oan sira neebe mak ba iha Europa liu-liu uza vistu turista sei lao livre.

Iha fatin ketak tuir observador politika, Frederico dos Santos, mos hatete katak planu governu nian nee diak maibe persija hare mos nia vantazen no desvantazen, atu nunee Timor Leste labele sai vitima. Informasaun kompletu iha STL Jornal no STL Web, edisaun Kuarta (2/9/2015). Thomas Sanhes

Suara Timor Lorosae

KM Aprova Dekretu Lei Lisensamentu Importasaun Fos

DILI - Enkontru Konsellu Ministru (KM) aprova ona dekretu lei konba lisensamentu importasaun fos, nee regula konaba ema neebe hakarak importa fos tenki husu lisensa.

Lia hirak nee hatoo husi Sekertariu Estadu Konsellu Ministru Avelino Coelho, ba Jornalista sira hafoin remata enkontru Konsellu Ministru, iha Palasiu Governu, Tersa (01/09/2015).

Husi Konsellu Ministru aprova ona dekretu lei lisensamentu ba importasaun fos, dekretu lei nee regula konaba ema koandu importa fos tenki husu lisensa, se la iha lisensa estadu tenki toma atensaun,” hateten Coelho.

Iha dekretu lei lisensamentu nee koalia konaba sidadaun se deit hakarak importa fos nee tinan ida dala hira ho tonelada hira, depois nia armazen iha neebe, liu husi prosesu sira nee tenki legal para governu bele kontrola.

Iha parte seluk importador fos Jose Abilo Xavier hateten durante nee TL la iha lei atu regula konaba importasaun sasan liu-liu ba fos, tamba nee ema barak importa fos la tuir estanderizasaun neebe iha. Informasaun kompletu iha STL Jornal no STL Web, edisaun Kuarta (2/9/2015). Joao Anibal

Suara Timor Lorosae

SUARA TIMOR LOROSAE (divulgasaun Timor Agora)

SUARA TIMOR LOROSAE notisias barak

Timor Oan Lubuk Ida Mak Kona Moras HIV/SIDA, Daniel Marcal: “Positif Hamutuk Ema 509”

DILI – Numeru moras HIV/SIDA kontinua aumenta ba bebeik no iha Timor oan lubuk ida mak kona moras HIV/SIDA, too oras nee neebe mak konsege identifika hamutuk 509.

Informasaun nee fo sai hosi Sekretariu Ezekutivu Comisun Nasional Combate Sida Timor Leste (CNCS – TL), Daniel Marcal, ba jornalista sira iha salaun igreja Evangelica Presbiteriana Caikoli, wainhira remata enkontru ho Ministeriu Saude ho parseiru implementador sira Tersa (1/09).

Numeru ema neebe mak hetan moras HIV/SIDA neebe mak rejistu ona iha Ministeriu da Saude too iha fulan Marcu 2015 nee hamutuk ema 509 maibe kazu nee barak mak seiduak rejista no ida nee mak resiko ba ema nia moris hodi lori problema bot ba dezenvolvimentu nasaun ida nee ninian,” hatete Daniel.

Daniel hatutan total ema neebe mak mate hamutuk 56 tanba nee atu kombate moras HIV/SIDA presija partisipasaun nasional, liu-liu ba ema hotu neebe mak hela iha TL tantu hosi rai liur nomos rai laran, atu iha konsensia neebe maka ho edukativu atu nunee bele komesa ona hapara hahalok sira neebe mak risku tebes ho moras HIV/SIDA.

Iha fatin hanesan Diretor Jeral Ministeriu Saude, Jose Magno, hatete oras nee ema neebe hetan moras HIV/SIDA hodi halo hela tratamentu ho total 195. Tanba nee oras nee dadaun fundu global mos kontinua fo apoiu makas ba programa kontra HIV/SIDA, hodi bele salva ema hosi moras at ida nee. Informasaun kompletu iha STL Jornal no STL Web, edisaun Kuarta (2/9/2015). Thomas Sanches

Suara Timor Lorosae