PR TAUR: ELEISAUN 2017 SEI LA’O HO DAME

Prezidenti Repúblika (PR), Taur Matan Ruak optimista katak, eleisaun Prezidensiál no eleisaun jeral iha 2017 ne’e sei la’o ho dame.

“Prezidenti Repúblika mós optimista katak, iha 2017 Estadu ou nasaun sei liu husi prosesu eleisaun ho hakmatek no dame,” informa Primeiru Ministru (PM) Rui Maria de Araújo ba jornalista sira, hafoin hasoru malu ho Xefi Estadu Taur Matan Ruak, iha Palácio Prezidensiál Nicolau Lobato Aitarak Laran Díli, Kinta (05/01).

Iha sorumutu regular, Xefi Governu ho Xefi Estadu ne’e, alénde ko’alia konaba eleisaun jeral no prezidensiál ne’ebé sei hala’o iha fulan hirak tuir mai, no koalia mós konaba asuntus nasionál balun ne’ebé kontinua sai asuntu prinsipál Governu no Estadu nian ba tinan 2017 ne’e nia laran.

“Aproveita hato’o mós informasaun ba Prezidenti Repúblika, konaba planu Governu nian, liu-liu konaba oin sa liñas jerais atuasaun Governu nian iha ne’ebé de’it. Ami hato’o ba Prezidenti Repúblika katak, iha 2017 ne’e, Governu sei kontinua konsentra ba iha prestasaun servisu hot-hotu ne’ebé Governu iha responsabilidade atu fó ba ita nia populasaun,” katak PM Rui.

Nune’e mós PM Rui Araújo dehan, enkontru ne’e mós, bele reforsa di’ak liu tan relasaun instituisaun entre Governu ho Prezidensia Repúblika.

“Tanba, tinan ida ne’e, ita tama ona ba tinan eleisoens ninian, povu tomak sei hetan oportunidade atu hili fila fali sira nia lideres, ne’ebé sei lidera órgaun soberania importante tolu iha ita nia nasaun hanesan, Parlamentu Nasionál, Prezidenti Repúblika no Governu,” dehan PM Rui.

Eis Ministru Saude iha Primeiru Governu konstitusionál ne’e afirma katak, ema sira ne’ebé atu mai kaer ukun ne’e, sei hala’o sira nia kna’ar husi 2017-2022, hodi nune’e síklu dezenvolvimentu ne’e bele la’o nafatin ba oin.

Eis Asesor Ministériu Finansas iha IV Governu konstitusionál ne’e fundamenta katak, Governu sei jere nafatin investimentu ne’ebé mak halo iha infraestrutura, kapital humanu, atuasaun Governu ba oinsa kria kondisoens téknikas para órgaun eleitoral sira hanesan STAE no CNE bele hala’o sira nian servisu, organiza eleisaun Prezidensiál no Parlamentar iha tinan ida ne’e ho susesu.

Kontinua avansa ho kazu FM

Alénde kestaun sira seluk ne’ebé mensiona ona iha leten, Primeiru Ministru (PM), mós dehan, tinan 2017 ne’e, Governu kontinua avansa ho kazu delimitasaun Fronteira Marítima ho Australia. Tanba asuntu ne’e mós sai hanesan liña atuasaun importante Governu nian ba 2017.

“Kontinua ho prosesu delimitasaun fronteira marítima ne’ebé ita halo ho ita nia viziñu sira, inklui Australia ne’ebé liu husi prosesu konsiliasaun obrigatóriu,” Rui Araújo fundamenta.

Rui Araújo esplika katak, iha 2017 nia laran, sei iha reuniaun lubuk ida mak sei hala’o, tanba ne’e, Xefi Estadu ne’e hato’o briefing ba PR Taur Matan Ruak konaba lala’ok prosesu ne’e. “Hanesan ita bo’ot (jornalista) sira hatene, konteudu husi konsiliasaun obrigatóriu ne’e konfidensial, ne’ebé ha’u labele ko’alia ba média konaba saida de’it mak atu halo,” katak Rui Araújo.

Xefi Governu ne’e mós afirma katak, aproveita sorumutu ne’e, lori Governu nia naran komprimenta PR hanesan aman ba nasaun ida ne’e.

“Ohin ha’u mai ho Ministrus Estadu Prezidensia Konsellu Ministrus, Agio Pereira, ho Ministru Koordenador Asuntu Administrasaun Estadu no Justisa, Dionisio Babo lori Governu nia naran hato’o boas entradas ba Prezidenti Repúblika,”Xefi Governu ne’e.cos

Jornal Nacional

FILA MAI RAI MORIS FATIN, MARIA VITÓRIA SENTE ORGULLU

Maria Vitoria (MARVI), IV lugar iha kompetisaun Dangdut Akademia Asia 2 (DAA2) ne’e sente orgullu no antusiaismu ho povu Timor Leste (TL) ne’ebé simu nia iha Aeroportu Internasional Prezidenti Nicolau Lobato hodi hala’o karavana haleu sidade Díli, Kinta (5/1).

“Ida ne’e hanesan orgullu ida mai ha’u, ba oin ha’u bele hadia di’ak liu tan, la haluha agradese ba Primeiru Ministru (PM), Prezidenti da Republika (PR), Avo Xanana, membrus Governu hotu no Parlamentu, deskulpa ha’u labele temi ida-idak, tanba imi nia domin ne’ebé fó, ha’u sura labele, ba povu tomak maske loron manas maibé pasiensia hodi hein ha’u,” dehan MARVI ho matan-wen.

Iha oportunidade ne’e mós nia agradese ba Na’i Jesus ne’ebé haraik kbi’it no forsa hodi bele tuir kompetisaun Dangdut Akademia Asia 2 liu husi kanal Indonesia ne’ebé hala’o iha Indonesia husi inísiu to’o remata.

Nune’e mós reprezentante familia MARVI, Pe. Tiago Soares da Costa lori familia ninia naran iha parte ida orgullu, segundu sai mós hanesan todan ida. Ohin ema hotu basa liman maibé MARVI liafuan ne’ebé ema louva labele sama ba rai, kontinua nafatin, ohin kiak, la’os riku maibé naran ne’e importante.

Entretantu Sekretariu Estadu Juventudi no Desportu (SEJD), Leovigildo Hornay agradese ba povu tomak ne’ebé ho pasensia simu Maria Vitoria maske loron manas. Nune’e mós agradese ba Na’i Maromak ba buat kmanek ne’ebé iha.

“Lori Governu nia naran hamutuk ho Na’i Lulik, Inan Aman tomak, diretur eskola sira, ba Padre ne’ebé orienta MARVI rasik, komisaun organizadora no parseiru sira DJUKDIL, ETO +, Rede Feto ho Media sira ohin ita hahu simu ho honra, ho dignidade ba ita nia heroi foun naran Marvi,” dehan Leovigildo Hornay iha salaun konferensia imprensa Aeroportu Comoro.

Iha fatin hanesan prezidenti komisaun organizadora, Ezme Borges hatete, nia lori artista tomak no komisaun organizadora haksolok no simu alin MARVI ne’ebé sai nu’udar embaxiadora múzika ba Timoroan hotu.

Nune’e mós Vise Ministra Edukasaun, Dulce de Jesus Soares informa katak, tuir orientasaun ba Primeiru Ministru (PM) nian katak Governu disponivel fó apoiu ba MARVI bainhira MARVI hakarak kontinua nia edukasaun, tanba ne’e desizaun depende ba MARVI no familia.

Entretantu Sekretariu Estadu Mulher (SEM) Veneranda Lemos hatete katak Maria Vitoria sai ona heroi múzika Timor Leste, heroi foun ba juventudi Timor nian, lalaok ida ne’e maka presiza halo tuir.

“Hanesan Sekretariu Estadu ne’ebé haree asuntu feto nian ami orgullu tebes, hanesan VI Governu Konstitusional ami sei kontinua nafatin ho orientasaun Primeiru Ministru nian ne’ebé fó, agora depende ba Maria no familia sira hakarak atu Maria estuda iha ne’ebé,” dehan Veneranda.

Artista famozu Timor Leste (TL) Maria Vitoria (MARVI) ne’ebé durante fulan rua resin komunidade sira iha sidade Díli hein, konsege to’o duni iha nia rai moris fatin Díli Timor Leste (TL) horseik.

MARVI ne’ebé konsege sai IV lugar iha D’Acedemy Asia 2 (DAA2) ne’e, hetan surpreza boot ida husi ninia fans no komunidade sira iha sidade Díli ne’e, simu ho espesial tebes, wainhira tun husi aviaun Sriwijaya iha tuku 13:30 otl.

Wainhira sama ain fila fali iha Aeropotu Internasionál Prezidenti Nicolau Lobato Comoro Díli, Perola de Timor ne’e, hamonu nia matan wen, wainhira hateke areadores Aeroportu nian, tantu husi estrada tama to’o mai iha sala hein VIP nian ne’e, suli nakonu ho ema mesak oi-oin.

Mai husi nivel altu sira hanesan membrus Governu, jovens feto no mane, labarik ki’ik eh boot, ferik eh katuas ne’ebé hein MARVI desde dadersan to’o iha meiudia iha Aeroporto Comoro.

MARVI labarik ki’ik ida ho idade 15 ne’ebé solene i mínimu iha koñesementu liu-liu konaba múzika, i durante ne’e ema barak lahatene se maka Maria Vitoria, Maria mai husi familia ne’ebé simples, nia inan ho aman lor-loron tenki ba ku’u kanko mai kesi depois ba fa’an hodi sustenta sira nia uma laran, maske ho kondisaun hanesan ne’e maibe lahamate Maria Vitoria nia espiritu hodi kadi nafatin lian ne’ebé nia iha maske hamutuk deit ho labarik sira ne’ebé idade hanesan ho nia.

Nia rona tiha dehan katak husi Indosiar loke audisi ba Dangdut Academia Asia2 (DAA2) iha Timor Plaza no fo oportunidade ba ema hotu ne’ebé bele kanta ho genre ou aliran dangdut, ho ida ne’e Maria Vitoria ho aten brani akompaña husi nia mama hodi hakat ba tuir audisi ne’e maibe antes atu tuir nia papa tenki esforsu an ba ku’u kanko ba faan hodi bele sosa nia vistidu no sapatu hodi ba tuir audisi ne’e.

Iha audisi ne’e Maria Vitoria konsege hetan bileti ida hodi ba tuir kompetesisaun ne’e iha palku DAA2 Indosiar hamutuk ho nia kolega nain 5 ne’ebé mai ho background kantador hotu, maibe saida mak akontese la espera katak nia kolega nain 5 hetan eliminasaun no Maria maka sai hanesan 4 lugar iha DAA2 ne’e.

Ho esforsu ne’ebé Marvi hetan halo Timor oan hotu orgulho no hakarak Marvi tenki mai lalais, tanba ne’e iha dia 5/01/2017 liu husi servisu hamutuk entre SEJD, ETO + no artista senior sira, Marvi mai duni iha nia rai moris fatin.

Antes Maria to’o kuase komunidade sira antusiasmu hodi simu Marvi no wainhira nia to’o iha Aeroportu Internasional Nicolau Lobato ho aviaun Sriwijaya ho marka PK – CMI iha oras 01:35, komunidade sira ho kontente basa liman hodi hakilar viva Marvi.

Depois de ida ne’e Marvi ho ekipa kontinua kedas halo pawai ga konvoi, haleu Díli laran tuir rute ne’ebé fó sai tiha ona, no hetan seguransa másimu husi Polisia Nasionál Timor Leste (PNTL) husi unidade Taks Force no Tranzitu.

Tuir observasaun husi Jornalista Jornal Nacional Diário iha terrenu nota katak, kuaze tuir dalan komunidade sira simu Maria Vitoria ho antusiaismu, hahú husi labarik ki’ik, joven, katuas, ferik, antes kontinua nia konvoi ne’e Marvi sei vizita nia uma maske iha minutu balun, husi familia simu Maria ho tara tais no dansa kultura, depois ida ne’e nia kontinua konvoi tuir rute ne’ebé iha, maibé rute ne’ebé loloos fó sai katak sei liu husi Igreja Katedral nia oin la konsege liu. Tanba tuir ajenda MARVI tenki halo konsertu hodi anima ninia fans no komunidade sira iha Díli iha Centro Convenções de Díli (CCD), iha tuku 19:00 Otl.

Akontese asidenti tráfiku

Díli iha loron ida ne’e, (Kinta feira, 5/1), ne’e la hanesan ho loron bai-leet, ne’ebé movimentu la’o normal, laiha engarafamentu iha fat-fatin. Maibé loron ida ne’e obrigadu tenki akontese engarafamentu iha fat-fatin no akontese mós asidente tráfiku ne’ebé rezulta transportes roda rua ho roda hat no nen sira konsege kose malu.

Iha asidenti ne’e rezulta, motorizada ida ho xapa mátrikula polisia C 0468 soke malu ho kareta ho xapa matríkula 27. 692.

“Motorizada ne’e halai tesik mai maka’as tebes no hakarak atu halai lalais tanba atu ba haree movimentu Marvi nian. Maibé nia la haree katak kareta ida mós sai husi dalan kampung merdeka nian ho nune’e motor ne’e halai ba soke deit kareta ne’e ho velosidade ne’ebe makas ho nune’e ema ida lori motor ne’e ain tohar kedas iha fatin no tula fali ho taxi ba Klínika Kampung baru nian,” haktuir sasin Domingas da Costa, ba JN-Diário iha fatin akontesimentu Comoro-Kampung Baru-Díli, Kinta (05/01/2017).

Tuir observasaun jornalista katak, husi asidenti ne’e rasik kondutor ne’ebe lori kareta la kanek, maibe odamatan oin kareta nian mak rahun, no husi akontesimentu ne’e seidauk rezolve, tanba sei atende ema ne’ebe tohar no laiha prezensa polisia iha fatin akontesimentu.nes/ita

Jornal Nacional – foto barak iha JN

LA FASIL HALO AKORDU EXTRADISAUN

Ministru Koordenador Estado Asuntu Administasaun no Justisa, Ministru Administrasaun Estatal, Dionisio Babo Soares, hateten katak, halo akordu extradisaun la’os fasil, presiza vontade husi nasaun rua.

“Tuir lei internasional katak, primeiru tenke iha espresaun politika, vontade politika husi nasaun ne’ebe mak iha intensaun atu halo akordu extradisaun, hanesan ema husi nasaun ida halo krime halai ba subar iha nasaun seluk, maibe extadisaun iha lei internasional nia okos aplika deit ba iha prizioneiros de konsiensia katak ema ne’ebe mak Estado halo perseguisaun tanba deit sira nia politika lahanesan,” esplika  Dionisio Babo hodi responde jornalista sira iha nia servisu fatin, Kuarta (4/1/2017).

Nia hatutan, Ministeriu estranjeiro husi nasaun rua mak bele halo akordu extradisaun, kuandu akontese prizioneiru husi nasaun ida ba fali nasaun seluk.

“Ministeriu Negosio Estranjeiro husi nasaun rua ne’e maka koalia ba malu, depois koalia ho Governu katak hakarak atu halo akordu, entaun Governu halo analiza, kaundu bele, ministeriu negosio estranjeiro serbisu hamutuk ho ministeriu justisa draf akordu, akordu ne’e iha area oi-oin,” Dionisio hateten.

Kuandu elabora hotu hodi ba konselho Ministru, depois hodi ba Parlamentu Nasional (PN) hodi ratifika, atu nune’e akordu vale. “Atu halo akordu extradisaun la’os kazu ida deit, tenke kazu barak, la’os tanba deit ema ida tenke halo akordu extradisaun, ita labele halimar ho nasaun nia prestiju, agora akontese ba ema ida, aban bainrua akontese fali ba ema seluk karik, ne’ebe ita tenke kuidadu, opiniaun publiku halai tuir sira nia kabun la’os halai tuir rasio,” Dionisio esplika.

Bainhira husu kona ba kazu Emilia, Ministru Dionisio lakohi fo komentariu. “Hau lakohi fo komentariu ba kazu ida ne’ebe mak ninia prosesu sei iha tribunal, imi (red-jornalista) husu pergunta los ona, maibe ninia konsekuensia ne’e ba ami,” hateten  Dionisio Babo.mia

Jornal Nacional

GOVERNU GASTA MILHOENS 2 USD BA LIXU

Lixu ne’ebe naklekar iha Dili laran, obriga Governu kontrata kompanhia sira hodi hamos no foti ba soe iha lixeira. Husi maneira ne’e Governu tenki gasta milhoens 2 USD tinan-tinan hodi selu kompanhia sira foti lixu.

“Tinan-tinan ita gasta osan ba deit lixu nian hamutuk 2 milhoens, osan sira ne’e hodi aluga kareta, selu ema sira dasa foer, selu sira tula foer, kombustivel nune’e mos preukupasaun seluk tan ne’ebe mak presija,” hateten Ministru Koordenador Estado Asuntu Administrasaun e Justisa no Ministru Administrasaun Estatal, Dionisio Babo Soares ba jornalista sira iha ninia serbisu fatin, Colmera, Dili, Kuarta (04/01/2017).

Governu kontrata kareta pribadu ne’ebe durante ne’e tula foer r hamutuk 40, kareta Estado iha 20 resin, kareta sira ne’ebe aluga ho presu US$ 65-US$ 70.00 ne’ebe loron ida sira tenki rekolha lixu dala tolu.

“Ema sira ne’ebe ra’ut foer, dasa rai iha estrada ninin mos tenke selu, rekolha lixu ne’e lor-loron, los duni gasta osan boot tebes,” dehan Ministru Dionisio.

Mnisteriu Administrasaun Estatal kria ona dekretu lei ida, ne’ebe mak hetan ona promulgasaun husi Prezidente Republika, Taur Matan Ruak, katak populasaun sei selu ba foer ne’ebe mak iha liu husi sosa pulsa ba elektrisidade ninian.

“Estatal nia serbisu hare mos ba area urbana, ne’ebe hahu agora ba oin, selu ona lixu, ne’e ami halo Sistema ida liu husi pulsa elektrisidade, ne’ebe kuandu selu pulsa, US$ 1.00, tenke selu tan US$ 0,10 centimus, ne’e ba iha lixu ninian, kuandu ema ne’ebe halo negosio entaun US$ 0,25 centimus, kompanhia boot US$ 0,50 centimus, ne’ebe hahu agora sidadaun tenke kontribui, tanba kada tinan gasta osan boot teb-tebes ba lixu,” Dionisio esplika.

Governu mos haree katak maioria komunidade iha Dili laran la iha konsensia koida ida-idak nia ambiente no soe foer arbiru deit.

“Problema agora la’os urbana, maibe mota, hanesan iha mota Comoro, Bairo Pite no Taibesi ninian, ne’e tanba komunidade lori foer ba soe iha mota nia ulun entaun udan mai lori foer sira butuk iha fatin ida entaun hamosu inundasaun,” hateten Dionisio.

Iha parte seluk, Ministru Koordenador ne’e mos dehan katak, oras ne’e dadauk Governu liu husi MAE halo ona dekretu lei no hodi ba deskute hamutuk iha Konselho ministrus, dekretu lei atu regula ba kareta sira ne’ebe mak para iha fatin publiku tenke selu.

“Kuandu dekretu lei ne’e aprova no hetan tiha aprovasaun husi Prezidente republika no publika iha jornal da republika entaun aplika ona hodi aplika ba kareta sira ne’ebe mak para atu selu multa, kada kareta ida sei multa 10 centavus, Governu kria regulamentu ne’e hodi nune’e bele hatama mos reseitas ba Estado,” Dioniso esplika.

Oras ne’e dadauk dekretu lei kona ba selu lixu hetan ona aprovasaun husi PR Taur, ne’ebe regulamentu ne’e aplika iha tinan 2017. Dekretu lei para kareta sei multa agora deskute hela iha KM. mia

Jornal Nacional

ORGAUN SOBERANU TL FINJI LA HALO AKORDU EXTRADISAUN, BELE BUKA MEIUS SELUK

Diretor ezekutivu Asosiasaun Hak, Manuel  Monteiro, konsidera Timor-Leste ho Portugal seidauk iha akordu extradisaun hodi haruka fila arguida Emilia Pires mai TL, tanba orgaun soberanu sira TL nian mak finji hodi la halo esforsu.

Manuel Monteiro ba JN-Diário iha nia servisu fatin Farol, Dili, Kinta (05/01), hatete, husi Governu dehan akordu extridasaun laiha ne’e difisil atu lori arguida Emilia fila mai Timor-Leste, hanesan deklarasaun politika ida hodi ‘falun’ povu nia matan. Tanba hanesan Estadu bele uza mekanismu seluk atu koalia ba kestaun ne’e.

“Akordu extradisaun ne’e se mak halo? Estadu mak halo. Agora  Estadu rasik laiha boa vontade atu halo akordu ne’e. Hanesan  orgaun Estadu labele halo deklarasaun dehan katak labele. Ita Estadu ida ne’ebé mak soberanu, agora atu trata asuntu bilateral entre nasaun ida ho nasaun seluk, reprezentante ne’e Estadu. Agora sira dehan difisil tanba iha politika kesi lia hodi hasai Emilia ba iha rai liur atu hodi labele bongkar sai autor-autor sira ne’ebé koruptor sira ne’e. Ho ne’e mai ami konsidera hanesan politika kesi lia hodi  husik malu tiha ba liur depois ikan bo’ot sira bele sai tiha husi redi justisa sira Timor nian ne’e,”hatete  Manuel Monteiro.

Manuel Monteiro lia tun tan katak, se sira iha hanoin diak atu kombate Korupsaun, Kolusaun no Nepotismu iha rai ne’e, orgaun soberanu sira tenki halo ona akordu extradisaun ho Portugal no nasaun viziñu sira seluk. Tanba TL iha dupla sidadania barak mak asume hela kargu hanesan membru Governu oras ne’e dadauk.

“La’os kazu ne’e akontese tiha mak foin dehan fali difisil-difisil atu lori Emilia fila mai Timor-Leste tanba seidauk iha akordu, depois Estadu selu sira sai Ministru, Asesor ho seluk tan ne’e hodi halo saida,”dehan nia.

Tuir Manuel Monteiro, International Police (InterPol) labele ba kaptura arguida Emilia Pires, wainhira seidauk iha akordu extradisaun ruma  ho Portugal, tanba soberania teritorial ne’e nasaun ida-idak iha nia soberania  no soberania ne’e tenki liu husi lei.

“Ami nia pontu de vista mak ne’e Estadu tenki seriu, se konsidera kazu Emilia nian  iha primeira instansia tribunal ninian hakotu tiha ona desizaun final tiha ona, mesmu seidauk tama iha trânsito em julgado. Maibe hanesan orgaun soberanu Estadu nian ne’e tenki haka’as an hodi halo duni akordu extradisaun. Agora sira halo deklarasaun ba públiku katak la iha dalan, entaun Estadu ne’e nia funsiona halo nusa? atu garante soberania Estadu nian ne’e halo nusa? Labele halo deklarasaun fali hanesan ami ONG,”nia subliña.

Iha parte seluk, Diretor ezekutivu, Judicial System Monitoring Program (JSMP), Luis Oliveira Sampaio  iha nia servisu fatin Colmera, Dili, hatete, akordu extradisaun ne’e responsabel nasional, responsabel instituisaun relevantes sira hanesan Ministeriu Justisa, Ministeriu Negosiu Estranjeiru no Kooperasaun (MNEK), Tribunal, sira-nia responsabilidade buka meius oinsa maka bele lori fila arguida ne’e mai Timor-Leste.

“Ha’u hanoin Governu labele iha pozisaun ida katak aprezenta deit dezafiu sira. Se iha  pasu ka mekanismu ruma atu trata asuntu ne’e, ida maka tenki liu husi akordu extradisaun, se la iha akordu extradisaun tenki buka meius ka komunikasaun seluk, dala ruma susar maibe labele aprezenta deit katak ida ne’e labele,”Diretor JSMP ne’e hatete tan.

Nia hatutan, kuandu desizaun TR konfirma desizaun Tribunal primeira instansia nia dehan katak nia (Arguida Emilia) tenki kumpri hodi hatan, ho nune’e Governu labele aprezenta deit dezafius ka difikuldade sira ne’ebé mak durante ne’e iha, maibe tenki koko alternativa.

Tuir nia, iha akordu extradisaun seidauk eziste maibe keta dalan seluk karik ka mekanismu seluk maka bele halo atu lori fila arguida ne’e mai Timor-Leste, hanesan bele liu husi Interpol.

“Ita senti la haksolok ho deklarasaun politika sira nian katak susar ka difisil atu lori arguida Emilia Pires fila mai Timor-Leste. Se sira hotu dehan labele, se mak atu halo tan? Interpol ne’e iha ligasaun kooperasaun internasional. Ita iha tiha ona Interpol ne’e mak tenki buka meius, keta iha dalan le’et ruma tenki buka halo kontaktu, koko alternativa seluk halo komunikasaun ba Governu Portugues relasaun ho asuntu arguida Emilia nian ne’e ka lae, labele seidauk halo buat ida depois hato’o argumenta dehan katak labele,”nia fundamenta.

Antes ne’e, Primeiru Ministru, Rui Maria de Araújo, hatete katak, TL ho Portugal laiha akordu extradisaun, tanba ne’e susar teb-tebes atu lori arguida Emilia Pires, eis Ministra Finansas mai TL.

Entretantu iha Kinta feira (5/1), Primeiru Ministru (PM) Rui Araújo dehan, seidauk iha koñesementu konaba akordu extradisaun ne’ebé Parlamentu Nasionál (PN) aprova iha 24/4/2009 ho nasaun sira membrus Comunidade dos Países da Língua Portuguesa (CPLP).

“Ha’u laiha informasaun konaba ida ne’e,” resposta badak ne’ebé PM Rui Maria de Araújo hatán ba jornalista sira iha Palácio Prezidensiál Nicolau Lobato Aitarak Laran Díli, ne’ebé husu konaba akordu ne’ebé PN asina ho nasaun sira membru CPLP iha 24/4/2009.

Maibé Xefi Governu ne’e dehan, durante ne’e, Governu TL seida’uk iha akordu extradisaun ho nasaun ida.des/cos

Jornal Nacional

MS DISTRIBUI AMBULANSIA 58 BA IHA MUNISIPIUS

Diretor nasional serviço hospitalar e emergencia ministeriu da saude, Horacio Sarmento da Costa informa, durante ne’e, ministeriu distribui ona kareta ambulansia hamutuk 58 hodi halo sirkulasaun iha teritoriu tomak hodi fo asistensia ba komunidade.

“Kada hospital referal no kada munisipiu iha ambulansia rua balun iha ida, maibe sentru saude sira iha hotu kareta multi funsaun,”hatete Horacio ba JN-Diario iha nia kna’ar fatin, Kinta (5/1/17).

Husi kareta ambulansia 58 ne’e bele suficiente ona hodi fo atendementu ba ita nia komunidade sira  iha teritoriu laran tomak.

“Ita nia ambulansia ne’e iha 58 ambulansia kuaze hospital referensia lima ho tan municipiu 12 inklui Oe-Cosse, soke kareta Multi funsaun kada sentru saude  ida, ne’e bele sufsenti ona hodi fo atendementu ba ita nia komunidade sira iha neba” hatete Horacio.

Konaba manutensaun ba kareta ambulansia sira hirak ne’ebe mak halo sirkulasaun iha teritoriu laran tomak, Dotor Horacio dehan ministeriu da saude sempre  halo back up ba kareta hirak ne’e kuando karte sira ne’e at mak ministeriu da saude sei troka fila fali.

“Ambulansi iha municipiu ami sempre back up kuado sira at, ami hetan informasaun, ami lori fali ida ba foti ida at mai fali,” nia haktuir.

Iha parte seluk, Ministra da saude, Maria do Ceo hatutan ministeriu da saude servisu hamutuk ho Governu Australia tanba ne’e mak durante ne’e Governu Australia  fo apoiu kareta multi funsaun mai iha ministeriu da saude hodi halo sevisu diak liu tan ba ita nia komunidade sira ne’ebe mak hetan moras.

“Ami servisu ho Governu Australia e sira fo apoiu ami oinsa halo kordenasaun ambulansia hadia ambulansia multi funsaun sira at,ne,ebe orsamentu mai husi sira, i sira fo  trening ba ami nia ekipa ,ami iha tan ekipa ofisina  mobael ida para ba direitamente hadia kareta sira ne’ebe mak at iha ne’eba para labele afeita ba atendementu ba komunidade sira,”informa ministra.car

Jornal Nacional

LEE MÓS IHA JORNAL NACIONAL DIÁRIO

Tinan 2017, Kompania Australia Presiza Traballador Timor Oan

DILI - Governu liu husi Sekretariu Estadu Politika Formasaun Profisional no Empregu (SEPFOPE) iha tinan ida nee (2017), kompania Australia presiza traballador Timor oan hamutuk 700.

Iha tinan nee ami mos atu haruka tan minimu tus lima (500) maximu atus hitu (700). Se barak liu tan barak liu tan,” dehan Diretor Jeral SEPFOPE, Jacinto Barros ba STL iha nia knar fatin, Caicoli-Dili, Kuarta (04/01/2017).

Jacinto haktuir, SEPFOPE halo kooperasaun ho Koreia du sul, too ohin loron haruka ona traballador 2552, balun fila ona mai Timor hamutuk 520. Nia dehan, kompania husi Australia presiza tan traballador Timor oan hamutuk 700 minimu 500 atu servisu iha Australia iha parte rua, ospitalidade iha hoteis sira no mos iha hortikultura.

Iha sorin seluk, Observador Politika-UNTL, Camilio Ximenes Almeida dehan, politika SEPFOPE nian hodi haruka Timor oan sira ba servisu iha Australia no Koreia du sul nee pasu diak ida ba nasaun ida nee.

Nunee mos, Reprezentante Programa Oficer AJAR, Inocencio Xavier esplika, Governu liu husi SEPFOPE kontinua haruka Timor oan sira ba servisu iha ida nee parte ida pozitivu tebes. Informasaun kompletu iha STL Jornal no STL Web, edisaun Sabado (7/1/2017). Raimundo S. Fraga

Suara Timor Lorosae

CNE Komprometidu Eleisaun Jeral 2017 Lao Diak

DILI – Komisaun Nasional Eleisaun (CNE) nudar orgaun administrasaun apoiu ba prosesu eleisaun, komprometidu katak eleisaun jeral 2017 tantu eleisaun Prezidensial no Parlamentar sei lao diak.

Tuir Diretor Nasional ba Asuntu plenaria relasaun externu no Koperasaun CNE, Evangelino de Jesus Fatima hatete, maske preparasaun CNE ba eleisaun tempu limitadu maibe sira kompromete rezultadu eleisaun lao ho diak.

Hau hanoin tuir lei, lolos prepara antes fulan 6, maibe hanesan orgaun administrasaun eleitoral CNE husi ninia membru sira no mos Sekretariadu Tekniku apoiu ba eleisaun ida nee ami preparadu,” dehan Evangelino ba STL iha nia knar fatin, Caicoli-Dili, Sesta (06/01/2016).

Evanjelino haktuir, kualker servisu saida deit mak iha sira preperadu atu ezekuta no garante katak prosesu demokratizasaun Timor Leste neebe mak hatur iha konstituisaun ho nia lei sira sira garante eleisaun lao ho diak.

Iha sorin seluk, Chief of Party husi NGO Belun, Maria Marilia da Costa hateten, servisu Organizasaun Naun Governamental (ONG) Belun nian prioridade iha tinan ida nee halo monitorizasaun ba iha eleisaun jeral 2017. Informasaun kompletu iha STL Jornal no STL Web, edisaun Sabado (7/1/2017). Raimundo S. Fraga

Suara Timor Lorosae

Kandidatura Prezidente Republika, CNRT Hein Kongresu Nasional

DILI - Kandidatura prezidente Republika husi partidu CNRT too agora seidauk deklara ba publiku tamba CNRT sei hein kongresu nasional neebe sei halao antes tamba elisaun Prezidensial.

Bazea ba dadus neebe mak STL iha Durante nee sidadaun Timor oan sira neebe konsege deklara on aba publiku atu kandidata Aan ba Prezidente Republika periode 2017-2016 hanesan kandidatu Independente mak Flavio Martins, Jose Neves, Antonio Fatuk Mutin, Amorin Viera no Francisco Guterres Lu-olo kandidatu husi Partidu Fretilin.

Tuir Sekretariu Zeral partidu CNRT Dionisio Babo katak Tuir lolos CNRT halo kongresu iha Setembru maibe muda ba Outubru mais sedauk realiza too agora maske preparasaun hotu ona.

CNRT sei diside atu kandida ou lakandidata nia ema ba prezidente Republika sei liu husi kongresu tamba nee kongresu mak bele hatene atu kandidatu ema ruma ou fo apoiu ba kandidatu ruma hodi hare ba prespetiva nasional,” dehan Dionisio ba STL liu husi via Kontaktu Kinta (05/01/2017).

Nia hatete Kongresu CNRT tenki hein tamba desizaun atu halo kongresu tenki mai husi liders partidu hotu-hotu, CNRT seidauk halo kongresu tamba lider partidu sira oukupadu loss maibe CNRT sei halo kongresu antes elisaun prezidensial.

Nunee mos observador politika Jose da Costa hatete eleisaun Prezidensial neebe sei halao iha 2017, tuir lei sidadaun hotu iha direitu hodi kandidata aan ba prezidente Republika nunee povu bele fo konfiansa ba sira hodi reprezenta nasaun. Informasaun kompletu iha STL Jornal no STL Web, edisaun Sesta (6/1/2017). Timotio Gusmao

Suara Timor Lorosae

Povu Sei Hakilar Bee Mos-Estrada, Estadu Seidauk Fo Atensaun Masimu ba Artista Timor

DILI – Timor Leste foin hetan ukun Aan durante tinan 14, povu barak sei preokupa estrada, Bee mos, Saude, Edukasaun no seluk tan, tan nee estadu seidauk fo atensaun masimu ba Artista Timor oan sira maibe Artista sira tenki hamutuk.

Tuir Prezidente Republika Taur Matan Ruak katak Estadu oras nee seidauk fo atensaun masimu ba artista Timor oan sira, tamba nasaun foin hamrik neeebe povu barak sei hakilar Bee mos, Estrada, saude no seluk.

Ita nia estadu seidauk fo ajuda Masimu ba Artista sira tamba ita nia nasaun foun hari, ita sei halai tun sai tamba balun hakilar, Bee, estrada eskola no seluk tan maibe ita ida-idak tenki hanoin hodi Foti Timor nia naran,” dehan Taur hodi fo mesanzan ba Artista Timor oan Sira neebe akompaina Artista Maria Vitoria iha Palasiu Prezidente Nicolao Lobato.

Nia hatete Povu Timor laran liu-liu iha kapital Dili, ida-idak ho inisiativa hodi Simu Artista Maria Vitoria ida nee orgoilu boot ba Artista Timor oan hotu, tan nee Artista Timor oan sira  labele hanoin nee bai-bain tamba simu prezidente Republika lahanesan buat neebe akontese ba Artista Maria Vitoria.

Iha fatin hanesan Artista Maria Vitoria hatete hasoru malu Prezidente republika Taur Matan Ruak no Prezidente konsege fo mensazen atu ba oin kontinua nafatin halao kareira iha Area Muzika. Informasaun kompletu iha STL Jornal no STL Web, edisaun Sabado (7/1/2017). Timotio Gusmao

Suara Timor Lorosae

ME Iha Responsabilidade Apoiu Marvi Nia Estudu

DILI – Ministeriu Edukasaun (ME) iha responsabilidade tomak atu apoiu ba artista Maria Vitoria, neebe durante nee hamorin ona Timor nia naran iha Asean, liu husi muzika dangdut.

Tuir Vice Ministra Edukasaun Atual Ministra Interina Ministeriu Edukasaun ou hanesan mos reprezentante inan ida, Dulce Jesus hatete, responsabilidade ME nee tanba Marvi hanesan estudante, tanba nee sira iha responsabilidade tomak katak Marvi atu bele kontinua nia estudu hanesan labarik Timor oan hotu.

Koalia kona ba hanesan reprezentante inan ida hau hakarak hatete katak, Marvi nee nia sei tama iha kategoria labarik kuandu ita haree fila fali ba konvensaun  direitus labarik nian, tanba nia foin 15 anus, tanba nee ita presiza fo apoiu nafatin ba Marvi. Iha lian ingles karik hatete katak the best intrest of chiled, Ida nee katak ita tenke haree buat neebe mak diak liu hotu ba Marvi, tanba nee primeiru presiza iha ema boot ida atu ajuda Marvi hodi hola desizaun ida neebe mak diak, tanba haree ba nia idade nee tuir konvensaun hatete katak bainhira idade 15 nee sei kategoria labarik, neebe Marvi presiza mahein diak ida,” katak Dulce ba Jornalista Sesta (06/01/2016) iha Vila-Verde, ensinu rekorente ME.

Nia fo ezemplu labarik bainhira sai artista neebe diak dala barak sira nia manezer sira uza sira ladun los, tanba nee haree ba Marvi nee labarik ida matenek, no nia iha pensamentu kritiku no analitiku, segundu Marvi ema ida neebe mak simples tebes, maibe nia omilde, respeitoza, laran diak, konese kultura, i nia mos ema neebe mak iha nia relijiaun.

Nunee mos Diretor Jeral Servisu Kooperativus ME Antoninho Pires hatete, koalia kona ba Maria Vitoria artista Timor-Leste diak, hanesan Vice Ministra aktual Ministra Interina ME hatete ona katak sira prontu apoiu nafatin nian. Informasaun kompletu iha STL Jornal no STL Web, edisaun Sabado (7/1/2017). Guilhermina Franco / Jacinta Siqueira

Suara Timor Lorosae

Susesu Marvi Iha DAA2, Taur: Artista TL Labele Sombong-Tenki Hamutuk

DILI – Sesesu neebe Artista Maria Vitoria hetan liu husi kompetisaun  Dangdut Akademi Asia 2 (MARVI DAA2) nudar orguilu boot ba Artista Timor oan hotu, tamba Povu  simu marVi iha Aero portu Internasional liu fali simu Prezidente Republika.

Tuir Prezidente Republika Taur Matan Ruak katak povu ida-idak iha inisiativa hodi simu artista Dangdut Maria Vitoria ida nee orgoilu boot ba Artista Timor oan hotu, tan nee Artista sira labele hanoin nee bai-bain.

Hau husu Imi Artista sira tenki hamutuk labele hanoin ida-idak buka ninian, imi hakarak lao ketak-ketak sei mate iha dalan klaran, Imi lao ketak-ketak ami sei la buka imi ida-idak,” dehan Taur.

Taur fo ezemplu Aisar neebe mak sempre uza hodi sar uma kesak ida labele ser uma sai mos maibe tenki futun boot ida hamutuk atu silu mos sei la tohar, tamba hamutuk tan nee Artista Timor oan sira tenki hamutuk.

Iha fatin hanesan Sekretariu Estadu joventude no Desportu Leovigildo Hornay hatete akompaina Artista MarVi DAA2, hodi hasoru malu ho prezidente Republika informa kona ba aktividade neebe halao laiha problema. Informasaun kompletu iha STL Jornal no STL Web, edisaun Sabado (7/1/2017). Timotio Gusmao

Suara Timor Lorosae

LEE MÓS IHA SUARA TIMOR LOROSAE

Díli recebe em apoteose jovem cantora timorense finalista em concurso televisivo indonésio

Díli, 06 jan (Lusa) - A capital timorense viveu na quinta-feira uma das suas maiores festas de sempre, com milhares a receberem Maria Vitoria, a jovem de 15 anos que fez furor num concurso de música indonésio e foi recebida em apoteose em Díli.

Marvi, como ficou conhecida depois de conseguir chegar à meia-final do concurso promovido por uma das televisões indonésias mais vistas, é hoje um dos nomes mais conhecidos de Timor-Leste, com imagens suas a dominarem as redes sociais.

Milhares de pessoas concentraram-se no aeroporto Nicolau Lobato, em vários pontos da cidade e, posteriormente, no Centro de Convenções de Díli onde, conjuntamente com outros artistas timorenses, receberam a jovem de um pequeno concurso musical.

Uma longa caravana com dezenas de milhares de motas acompanhou Marvi com quem todos queriam tirar selfies, comprovando o estatuto de estrela pop da jovem.

A poderosa voz da jovem suscitou aplausos contínuos durante o concerto, com uma grande multidão a acompanhar o espetáculo no CCD, ou através da transmissão em direto feita pela televisão nacional, a RTTL.

Marvi, que hoje foi recebida no Parlamento Nacional, já tinha sido acolhida à chegada ao aeroporto de Díli por vários membros do Governo incluindo o secretário de Estado da Comunicação Social, Nelio Isaac e a secretária de Estado para o Apoio e Promoção Socioeconómica da Mulher, Veneranda Lemos Martins.

Marvi fez parte de um grupo de seis que se apresentou à edição deste ano, a segunda, do Dangdut Academia Asia, transmitido pelo canal de televisão indonésio Indosiar, programa que dominou as audiências em Timor-Leste.

Nas últimas semanas têm-se repetido apelos para que o Governo aumente o apoio ao setor cultural em Timor-Leste, dando como exemplo o talento de Marvi, uma miúda pobre que chegou a vender fruta nas ruas.

Tem igualmente havido apelos para que seja concedida uma bolsa à jovem para que possa estudar música e canto.

A participação dos jovens, cujos talentos já eram conhecidos em Timor-Leste, suscitou ao longo do programa dezenas de milhares de partilhas de vídeos, fotos e comentários de apoio nas redes sociais, tendo o líder histórico timorense, Xanana Gusmão, chegado a participar de surpresa numa das galas.

Os participantes foram escolhidos depois de um processo de pré-seleção que decorreu em Timor-Leste com um concurso sem precedentes no país, onde participaram dezenas de cantores timorenses, alguns dos quais já animam festas e têm mesmo vídeo clips e álbuns amadores gravados.

Como exigia o concurso, tiveram que interpretar temas musicais num dos estilos mais famosos da Indonésia, o dangdut, que é seguido também em vários países da região incluindo Singapura, Malásia e Brunei.

O dangdut vai buscar as suas influências a outro dos estilos musicais mais famosos na indonésia, o kroncong, que, por sua vez, nasceu das influências musicais trazidas para a região por navegadores portugueses.

ASP//ISG

Trump e Guterres mantiveram "discussão muito positiva" sobre relações entre EUA e ONU

O Presidente eleito dos Estados Unidos, Donald Trump, conversou hoje por telefone com António Guterres, novo secretário-geral da ONU, numa "discussão muito positiva" sobre as relações do país com a organização, referiram fontes oficiais. 

O contacto telefónico ocorreu após as diversas e duras críticas emitidas por Trump na sequência da resolução sobre colonatos israelitas em territórios palestinianos ocupados, aprovada pelo Conselho de Segurança da ONU com a decisiva abstenção dos EUA.

Na conferência de imprensa diária, um porta-voz do secretário-geral da ONU indicou que o contacto telefónico "de apresentação" permitiu a Trump e Guterres manterem uma "discussão muito positiva" sobre as relações entre as Nações Unidas e os Estados Unidos.

"O secretário-geral disse que espera estabelecer outra conversa com o Presidente" logo que assuma o cargo, acrescentou o porta-voz, Farhan Haq.

A conversa também foi confirmada por fontes da equipa de Trump, que confirmaram estarem previstos novos contactos quando o magnata nova-iorquino ocupar a Casa Branca em 20 de janeiro.

No decurso de uma conversa telefónica com jornalistas, Sean Spicer, o porta-voz de Trump, disse por sua vez que os Estados Unidos pretendem uma "reforma" nas Nações Unidas para que a organização seja "mais eficiente", precisou a agência noticiosa Efe.

Em 28 de dezembro Trump afirmou na Flórida, onde passou o Natal, que a ONU "não está à altura" do seu potencial e que "provoca problemas em vez de os resolver".

"Quando se viram as Nações Unidas a resolver problemas? Não o faz, causa problemas", afirmou o Presidente eleito.

Dias antes, Trump tinha já considerado na sua conta oficial na rede social Twitter que apesar do seu "grande potencial" a ONU se tornou "apenas um clube para as pessoas se juntarem, conversarem e passarem um bom bocado". "Tão triste!", acrescentou.

Estas críticas surgiram após a aprovação pelo Conselho de Segurança, em 23 de dezembro, de uma resolução que condena a contínua construção por Israel de colonatos em territórios palestinianos.

Trump manifestou uma lealdade total com Israel e antes da reunião do Conselho de Segurança tinha pedido que os Estados Unidos exercessem o seu direito de veto para evitar a aprovação da resolução.

Os EUA são o país que fornece mais fundos para o funcionamento das Nações Unidas, para além acolher a principal sede da organização, em Nova Iorque.

@Lusa  em SAPO TL

Sidadaun propoin tan nasionalidade entre funsionáriu CPLP, kuaze portugés hotu

Advogadu portugés no kabu-verdianu ida  afirma katak  pursentu 80 hosi funsionáriu Komunidade Nasaun lia-Portugés (CPLP) portugés hotu, ne’ebé bele  afeta independénsia organizmu ne’e nian, no husu reprezentatividade nasionalidade traballadór  barak liu. 

"Norma prosedimentu rekrutamentu no nomeasaun funsionáriu sira no ajente Komunidade nian tenki  privilejia observasaun ho representasaun luan liu hosi nasionalidade Estadu-membru sira, sein prejuízu efikásia no kompeténsia téknika ne’ebé ezije ba funsaun", fó sai liuhosi  petisaun  ne’ebé advogadu portugés no kabu-verdianu Marco Binhã lansa no hakarak  lori hato’o ba CPLP.

Iha  testu, ne’ebé Lusa hetan asesu, advogadu, ne’ebé moos ho orijen gineense, nota katak pursentu 80 hosi  funsionáriu no ajente komunidade, ho ninia sede iha Lisboa, portugés hotu no konsidera katak" hanoin ba nasionalidade hosi Estadu-membru id abele hamosu konstranjimentu ba igualdade partisipasaun hosi Estadu-membru sira, ba independénsia órgaun ezekutivu no konsekuentemente ba imajen vokasaun internasionál CPLP".

Tuir  Marco Binhã, laós interese liu ba rezidénsia funsionáriu iha territóriu ne’ebé sede lokaliza, importa maka"korresponde reprezentasaun ida luan hosi nasionalidade Estadu-membru sira, sein kompromete ba efisiénsia, kompeténsia no integridade ne’ebé  ezije ba funsionáriu ka ajente".

Advogadu ne’e konsidera katak númeru aas liu ba portugés sira ne’ebé serbisu iha sede CPLP "laiha  problema gravé, maibé hanesan problema ida", no defende katak komunidade, "ho vokasaun internasionál ne’ebé tenki  kuida laós deit ba portugés sira".

Kestiona hosi Lusa kona-ba karik rezolusau ne’e laaumentar kustu funsionamentu organizasaun nian, ne’ebé bele  envolve tan pagamentu ho subsídiu rezidénsia ba traballdór sira hosi nasaun seluk, advogadu ne’e konsidera katak  bele sai hanesan  kestaun ida atu akorda ho kada funsionáriu no rekorda katak  iha sidadaun hosi nasaun seluk luzófonu maka hela tiha ona iha Portugál.

Marco Binhã afirma moos katak laiha kauza iha problema kona-ba  falta koñesimentu ka formasaun sidadaun hosi nasaun seluk.

Advogadu ne’e hakarak reune assinatura sira no hafoin  hato’o  dokumentu ne’e, "hanesan  proposta ida hosi  sosiedade sivil", CPLP, sujere atu regulamentu funsionáriu organizmu nian kontempla kestaun reprezentatividade hosi nasionalidade.

CPLP konstitui  hosi Angola, Brazil, Kabuverde, Giné-Bisau, Giné Euatorial, Mosambiké, Portugál, Saun Tomé no Prínsipe no Timor-Leste.

SAPO TL ho Lusa

PM: Prosesu Konstrusaun Estado Presiza Timor Oan Barak

DILI (ANTIL) - Primeiru-Ministru (PM), Rui Maria de Araújo iha Matadouru, Kuarta (04/01/2017) hateten timoroan uitoan tebetebes mak halao knar boot iha prosesu konstrusaun Estadu.

“Ita uitoan, la sufisiente tanba ne’e dala ruma ita sei presiza kontratu asesór, lori ema mai husi liur para halo servisu, tanba ita uitoan”, PM hato’o ida ne’e wainhira partisipa iha serimória auto entrega Inspesaun Alimentár Ekonómiku ba Autoridade Inspesaun no Fiskalizasaun ba Atividade Ekonómika, Sanitária no Alimentár I.P (AIFAESA).

PM subliña ho ema uitoan ne’e maibé, dala barak konta ho forsa hotu-hotu haree husi aspetu pozitivu no negativu ita mak buka fahe malu fali.

“Diskusaun ida ké ikus mosu maka’as ne’e mak dupla nasionalidade, hatete dehan ema ne’ebé dupla nasionalidade labele ezerse kargu iha Estadu, ha’u-nia hanoin sala. Ita Timór ne’e uitoan demais, sé ita haree di’ak país sira ne’ebé avansa maka’as iha mundu ne’e, Kabu Verde, Israel, país ki’ikoan sira ne’e, sira-nia komunidade iha diáspora nia kontribuisaun ba dezenvolvimentu nasionál ne’e boot tebetebes”, PM dehan.

PM hatutan, klaru katak Timor-Leste foin mak tinan 14 no iha preokupasaun hotu maibe hau hatete katak tanba dupla nasionalidade labele ezerse kargu ka serbisu iha Timór ne’e pensamentu ida ne’ebé sala.

“Loos duni katak ema balun dupla nasionalidade hamosu problema maibé ne’e la’ós tanba dupla nasionalidade, tanba ema ne’e mak hamosu problema, ne’ebé ita labele fó sala fali dupla nasionalidade ne’e”, PM katak.

“Ha’u apela, hanesan timoroan, hanesan servidór Estadu, loos duni de vez enkuandu ita sente hanesan liuhusi prosesu ne’e ita la konsidera malu, la hasee malu, importante mak objetivu prinsipál ne’e saida, ita tenki halo ba Estadu no Nasaun atu avansa ba oin”. (Jornalista : Maria Auxiliadora/Editor : Alberto Alves)

Foto: Primeiru-Ministru, Rui Maria de Araújo. Foto Espesiál.

PM: Governu Fo Garantia ba Emprestimu Bankariu Hodi bele Apoia Setor Privadu

DILI (ANTIL) – Timor-Leste iha osan barak mak depozita iha banku maibe seidauk konsege halo buat ida, Primeiro-ministro, Rui Maria de Araújo informa asuntu ne’e iha enkontru informal neb’e halao ho media iha Palásiu do Governu.

“Dadus husi banku sentral hatudu hatudu katak ita iha USD$ 600 milloens iha banku, maibé la investe iha ekonomia”, tenik PM.

Nia hatutan, Banku dehan osan ami la investe iha ekonomia tamba risku bot, risku mai husi ema neb’e la konsege halo negósiu diak, entaun osan ida neb’e banku fó kreditu, ema balun la konsege devolve fali ba banku.

Xefe Governu explika katak, hare ba situasaun ida ne’e mak oras ne’e dadaun banku fó funan bot, 12-14 %, entaun ho funan bot hanesan ne’e difisil atu halao negósiu ho dia.

Tuir PM, ita tenki muda ambiente negósiu, dalan ida mak fó garantia, banku dehan sei iha ema ruma fó garantia, tamba banku fo empresta osan mak ema ne la devolve fali entaun tenki iha ema seluk mak suporta, selae komplikadu.

“Iha debate Orsamentu Geral Estado hau informa katak governu kria ona programa ida Garantia ba Emprestimu Bankariu, signifika governu tau fundu ida atu fó garantia ba emprezas kiik sira neb’e husu kreditu iha banku bele hatun funan ituan, entaun makenismu ida ne’e bele kria ambiente negósiu ne’ebe diak no bele dudu desenvolvimentu ekonomia ba oin”, PM dehan tan.

“Fundu ida ne’e tau ona iha Orsamentu Geral Estado 2017, agora falta hamosu Dekretu-lei ida oinsa atu regula,” Xefe Governu hatutan.

Maibe tuir Primeiro-ministro, atu hetan asesu ba ida ne’e, kliente tenki hatudu nia kapasidade iha area negosiu, laos fali ba tiha foti osan husi banku tamba nia hatene katak estadu fó garantia, ne’e labele, neduni tenki iha kriteria ida neb’e klaru. (Jornalista: Julia Chatarina/Editor: Alberto Alves)

Foto: Primeiru-Ministru (PM), Rui Maria de Araújo no Sekretariadu Estadu Komunikasaun Sosial (SECOMS), Nelio Isaac Sarmento. Foto, ANTIL/ António Gonçalves, Tersa, 03/01/2017

MarVi : Imi hotu nia domin, ha’u sura labele

DILI (ANTIL) - Artista Konhesida Maria Vitória (MarVi) hato’o agradesimentu ba Maromak tanba haraik ona forsa no kbiit ba nia hodi bele tuir kompetisaun Dangdut Akademi Asia 2 husi inísiu to’o hotu no nu’udar orgullu boot ba nia no husu obrigada ba domin ne’ebé povu Timor-Leste fó ona ba nia.

“Lahaluha agradese ba señor Prezidente Repúblika, Taur Matan Ruak, Primeiru-Ministru, Ministru Avo Nana no membru Parlamentu no Governu sira ba domin tomak neb’e fo mai hau no deskulpa ha’u labele temi ida-idak tanba imi-nia domin tamba ha’u, ha’u sura labele”, MarVi hatete ida ne’e iha konferensia imprensa neb’e halao iha salaun, VIP aeroportu Nicolao Lobato.

Nune’e mós, nia agradese ba povu Timor-Leste tomak ne’ebé fó ona domin ba nia maski loron manas ho pasiénsia hein nafatin nia.

Iha konferensia imprensa MarVi hato’o nia sentimentu agradesimentu ho mataween nakonu tanba sente orgullu ho prezensa membru Governu no povu Timor-Leste ne’ebé entuziasmu hein maski loron manas.

Entretantu, iha resintu Aeroportu Internasional Presidente Nicolau Lobato nakonu ho ema hodi simu MarVi ne’ebé dalabarak koñesidu ho pérola Timor-Leste nian ne’e. (Jornalista : Maria Auxiliadora / Editor : Alberto Alves)

Foto: Artista Maria Vitoria "MarVi"