MARI ALKATIRI: RAN FOUN FRETILIN TENKE LUTA PARA VENCER

Sekretariu Jeral (SekJer) Partidu Istoriku Frente Revolucionária do Timor Leste Independente (FRETILIN), Mari Alkatiri husu ba juventude  nudar ran foun partidu  FRETILIN nian, tenke Luta Para Vencer hodi kontinua obra ne’ebe mak iha ona.  Tanba ne’e, obrigasaun lideransa FRETILIN, atu bele transforma Juventude sira hamutuk 60.000 ne’ebé mak ohin loron sai hanesan ran foun hodi kontinua obra ne’ebé mak istoriador partidu no nasaun husik hela ba Timor Leste.

Liu husi delegadu hamutuk 999 husi Munisípiu 12 no Rejiaun Autonomia Espesiál Oe-Cusse ne’ebe mak partisipa iha Konferénsia dahuluk Juventude FRETILIN sai hanesan modelu demokrasia ida ne’ebé mak komesa mostra iha partidu FRETILIN laran.

“Ita nia luta para vencer, ita nia luta para hametin demokrasia, ita luta para hametin paz no ita nia luta para lori dezenvolvementu. Ita dehan a luta continua atu dehan saida, katak kada etapa ita tenke manan, manan ohin, manan aban, manan ba nafatin. E ha’u kontente tanba Juventude FRETILIN ohin loroan barak tebes,  maske dala barak ema dehan partidu FRETILIN ferik no katuas nian deit.  Ohin hatudu momos katak, FRETILIN partidu renovasaun permanente ”Sekretáriu Jerál partidu FRETILIN, Marí Alkatiri hateten iha abertura KonferénsiaNasional Juventude FRETILIN dahukuk ne’ebe hala’o iha Centru Convensoens de Dili (CCD) Domingo (12/06/2016).

Ho prezensa ran foun FRETILIN fó hanoin hikas ba Marí iha tinan 41 liu ba, bainhira nia komlpeta idade 25 anos, fou-foun harí Organijasaun Popular Juventude Timor Leste (OPJT), tanba momentu ne’eba organijasaun refere sai hanesan movimentu juvenil no património iha FRETILIN, no komesa hamosu nia ramu hanesan, OPMT, OPTT, OPJELATIL, Asu’ain Lemorai, Fitun, no seluk tan sai liman ain hodi serve ba povu iha tempu luta, ne’ebé mak to’o ohin loron, tanba ne’e iha mundu demokrásia iha tan Organijasaun Juventude FRETILIN.

Iha tempu independensia, ema hotu liu-liu Juventude FRETILIN luta para venceremos, maske uluk luta ba independensia ho morte para vencer, maibé ohin loron partidu FRETILIN hamutuk ho ran foun sira lutar para vencer.

Ho ida ne’e sai hanesan dejafiu ba FRETILIN, iha luta naruk FRETILIN hamutuk ho povu manan ona independensia no lori ona demokrasia. No durante tinan 10, FRETILIN lori ona paz ba nasaun Timor Leste. Tanba ne’e ho tempu ne’ebé mak iha, tenke avansa hodi manan iha kada etapa tuir razaun ne’ebé mak partidu FRETILIN ohin loron ka’er metin iha neon no vontande, hodi lori luta ba oin.

Maske ohin loron, lideransa barak la hamutuk ho FRETILIN, maibé FRETILIN nafatin ho sira iha sira nia neon no laran, nune’e ohin loron ema hotu haree katak, komesa hamutuk fali hodi lori dezenvolvementu ba povu no nasaun ida ne’e.

Entaun liu husi dalan ida ne’e, delegadu sira hamutuk hodi hili, responsavel Juventude FRETILIN ne’ebé mak bele lidera joven sira hotu para tun ba baze halo servisu, nune’e FRETILIN bele manan hikas fali iha eleisaun 2017 mai.

Husi delegadu ne’ebé mak hetan konfiansa, nia mak sei sai hanesan membru Central FRETILIN (CCF) nian, hodi lori polítika tun no transformasaun ba Timor Leste nia sosiedade.

“Ne’e duni, juventude signifika tenke jenerodade, katak tenke entrega a’an tomak ba kauza povu nian no kauza ida sagradu tebes,”afirma Alkatiri.

FRETILIN la muda nia prinsipiu no valores, FRETILIN sei la muda nia polítika no programa hodi liberta povu, tanba povu ita seidauk liberta.

Tanba, bainhira la konsege ne’e tanba la mobiliza povu atu partisipa iha prosesu libertasaun povu, la’os membru governu no deputadu mak tun  halo manutensaun ba Estrada ka dezenvolvementu, povu mak tenke tun, maibé povu tenke hatene katak, dezenvolvementu refere hola parte hodi fó benefisiu ba ninia a’an rasik.

Ho nune’e sekjer FRETILIN ne’e husu ba Juventude FRETILIN atu komesa haforsa liu tan prinsipiu no valores partidu FRETILIN nian ne’ebe mak uluk tun hodi servisu hamutuk ho povu.

Marí Alkatiri husu ba juventude FRETILIN ne’ebe mak enkuadra a’an ona iha partidu Istóriku ne’e atu prepara a’an, tanba obrigasaun joven sira uluk agora sai hanesan lideransa atu transfere esperiensia polítika ba juventude ohin loron nian.

Alkatiri hakfodak tanba, uluk FRETILIN hahú la barak hanesan juventude 60.000 ne’ebé mak ohin loron enkuadra ho partidu bo’ot ne’e.

Maske nune’e husu ba Juventude tenke akompanha didiak fenómeno polítika ne’ebé mak ohin loron akontese iha Timor Leste, husi tinan 2007, 2012 to’o ohin loron nian, tanba FRETILIN hala’o husi prosesu ida Marsa ba paz to’o iha marsa ba Vitória, husi vitória ne’e mak tenke ka’er metin nafatin.

Tan ne’e FRETILIN ohin ba oin, hahú ho nia polítika katak, prepara juventude sira atu nune’e bele komesa sente ona konaba dinámika iha polítika ne’ebé mak atu komesa la’o iha FRETILIN nia laran.

Maibe, Alkatiri husu ba juventude FRETILIN, atu komesa servisu maka’as iha baze, hodi define kedas FRETILIN nia vitória.

Tanba, Juventude mak sai hanesan futuru lideransa partidu FRETILIN nian iha futuru, maibé lideransa la’ós deit husi Prezidente no Sekretáriu Jeral, importante mak sai hanesan Comite Central.

Iha oportunidade ida ne’e, Alkatiri husu ba juventude atu aproveita tempu hosi halais tranzisaun, nune’e hatudu ba mundu tomak katak, FRETILIN hahú husi organijasaun polítika Seklu 20, sai fila-fali ba partidu politika modernu ho preukupasaun sosiais no ekonímiku iha seklu 21. Viva FRETILIN, Viva Juventude FRETILIN, Juventude FRETILIN, ‘Lutar Para Vencer’. (***)

Jornal Nacional

FRANCISCO GUTERRES LU-OLO: JUVENTUDE TENKE HAMUTUK SERVI RAI TIMOR

1º KONFRENSIA NASIONAL JUVENTUDE FRETILIN

Prezidente Partidu Istoriku Frente Revolucionária do Timor Leste Independente (FRETILIN), Francisco Guterres “Lu-Olo” liu husi 1º Konferensia Nasional Juventude FRETILIN ho tema “lutar para vencer” ne’ebé  hala’o durante loron tolu hahu iha 12-14  fulan Juño 2016 iha Centro Convencão Dili (CCD)  fanun juventude sira atu  hamutuk ho partidu istoriku FRETILIN hodi servi rai Timor.

Juventude FRETILIN marka nia istoria dala ida tan iha ninia istoria, tanba depois tinan 14 Restaurasaun Independensia Republika Demokratika de Timor-Leste, primeiravez jovens sira halibur malu iha konferensia nasional ida hodi dada lia konaba organizasaun Juventude FRETILIN nian ho nia futuru.

Iha Oportunidade ida ne’e, Juventude FRETILIN hamutuk halo reflexo hodi hamutuk, eduka no mobiliza joven timoroan hotu-hotu atu halo funsaun prinsipal FRETILIN nian hanesan organiza , mobiliza, eduka, respeita no dezenvolve sosiedade ida ne’ebe justa, harmonioza, progresu no paz.

“Joven sira, iha imi nia kabas todan teb-tebes iha politika, istorika no moral nune’e ejije imi  hotu feto ka mane nia reponsavilidade ida bo’ot, responsavilidade ida tuir hanoin Saudozu Nicolau Dos Reis Lobato katak servisu liu tan, haka’as an liutan, matan kroat liutan, fiar an metin liutan, hadok an husi buat ne’ebé hetan ho lalais ho folin baratu, haluha tiha ba ninia a’an deit, fo a’an atu servisu liutan brani liutan, neon matenek liu tan. Ne’e katak, iha hanoin diak ba ita nia povu maubere no Rai TIMOR-LESTE hodi servi nafatin,”afirma prezidente partidu istoriku FRETILIN, Francisco Guterres  “Lu-Olo” iha abertura 1ºkonferensia nasional FRETILIN.

Maske ohin loron iha situasaun ne’ebe mak la hanesan ona uluk, maibe ejije nafatin ba juventude sira atu reforsa partidu, tanba ne’e joven sira nia prezensa iha konferensia ne’e atu hola desizaun hari’i estrutura nasional juventude FRETILIN nian no oinsa atu haforsatan partidu liu  husi atividade saida deit iha nivel hotu hotu.

“Imi juventude  mak futuru partidu nian, imi mak sai nudar motor de aranke partidu nian no imi mak sei “kaer kuda tali” Timor-Leste nian,” afirma Lu-Olo hodi ekonraja juventude sira ne’ebe partisipa iha konfrensia ne’e.

Maske nune’e Prezidente partidu FRETILIN ne’e hateten, ohin loron dezafiu bo’ot ba juventude FRETILIN mak oinsa atu hametin no haburas liutan FRETILIN no nia uma lisan Timor-Leste ne’ebé hanaran República Democrática de Timor-Leste. Tanba ne’e juventude ida-idak tenke iha konsiensia, atu kontribui maka’as hametin no haburas FRETILIN no uma lisan Timor-Leste.

FRETILIN hanesan institusaun ida ne’ebé presiza reforsa husi joven sira feto no mane husi baze to’o iha nasional, nune’e Partidu labele iha deit ninia joven sira bainhira besik ona eleisaun ruma tanba, partidu tenke iha ninia organizasaun juventude ne’ebe iha ninia estrutura rasik atu halo servisu lor-loron iha asuntu oin-oin relasiona ho povu no nasaun nia moris.

Tanba partidu atu iha kbit, ninia joven tenke iha kbit mos konaba konsiensia politiku- partidaria, disiplina partidaria no prinsipiu sira partidu nian ne’ebé orienta hotu-hotu. Tanba moris iha nasaun demokartika tenke respeita vontade maioria povu nian. Iha partidu nia laran ka nasaun. Hala’o refeorsa institusional partidu ninan, ne’e signifika atu halo partidu forte nune’e partidu forte ona demokrasia sei sei reforsadu.

FRETILIN nudar Partidu politika ida ne’ebe moris hori uluk kedas husi kamaradas fundador sira no iha tempu ne’eba mos iha grupu joven barak feto no mane involve a’an ba  mobilizasaun, organizasaun, implementasaun atividade politikus no produsaun nian no joven sira ninia  preokupasaun a’as liu mak buka hatene iha teoria no pratika  no sira sempre halo tuir orientasaun, plano no programa FRETILIN nian.

“Bai-bain ema matenek nain sira hateten “teoria no pratika tenke hamutuk, hahalok no hanoin tenke lao hamutuk nafatin , ita nia pratika mak matan ita nia teoria nian no ita nia teoria mak vida ita nia pratika nian, se ita la tau iha pratika matan ne’e delek no se ita laiha teoria vida ne’e mate, ne’e katak ita labele kolia deit, maibe tenke hatudu ba ema haree, katak ita hatene no bele duni,”reafirma Lu-Olo.

Nia dehan prinsipiu no valor sira FRETILIN nian sei kontinua folin nafatin, maibe ho ninia dezafiu no difikuldade mak oi-oin, liu-liu ba dezenvolvimentu politiku ekonómiku no sosial ne’ebe sei infrenta hela.

“FRETILIN sempre defende prinsipius hanesan prinsipius konta ho ita nia esforsu rasik ho kapasidade tranforma militante ida-idak nian, se ita ida-idak laiha forsa no kapasidade, FRETILIN mos laiha kapasidade no forsa, hakarak ka lakohi tenke mai husi ita idak idak nia laran no wainhira ida-idak iha vontade, hakarak no esforsu atu hala’o atividade, iha ita ni esperensia sira ita hatene katak forsa atu servi partidu, kapasidade atu hala’o partidu ninia atividade, harii no haburas tenke mai husi ida-idak ninia kapasidade, ”hatutan prezidente partidu FRETILIN.

Iha abertura ba konferensia ne’e, Prezidente partidu FRETILIN, Francisco Guterres, Lu’Olo hatutan liu tan katak, iha tempu luta juvens lubuk ida ho sira nia matenek no aten brani organiza malu ho hanoin ida deit ba libertasaun rai Timor Ukun Rasik A’an.

“Molok ha’u atu koalia kona-ba Organizasaun Juventude FRETILIN ohin loron, ha’u hakarak kolia uluk uituan kona-ba Fundasaun Asosiasaun Social Democrátika Timorense (ASDT) iha 1974 , ne’ebe iha tempu ne’eba joven lubuk ida ho idade imi nian, hodi sira nia matenek no aten brani organiza ho halibur ideia tuir dalan  ida deit maka ukun rasik-an ba povu maubere no Rai Timor-Leste liu husi dalan libertasaun nasional, Joven sira ne’e maka hanesan  Nicolau Lobato, Marí Alkatiri, Ramos Horta, Justino Mota no Borja da Costa, ikus mai sira seluk mos tama  atu haforsa liutan ASDT, nune’e iha loron 20 fulan Maio 1974, moris ASDT hanesan asosiasaun ida no iha loron 11 fulan setemebru tinan hanesan, dissolve tiha ASDT no fo fatin ba harii Frente Revolusionariu do Timor-Leste Independente (FRETILIN),” dehan Lu’Olo.

Prezidente partidu istoriku ne’e haktuir iha tempu ne’eba Comite Central FTREILIN nian ho matenek deside harii organizasoens de massa hanesan  Organização Popular da Juventude de Timor (OPJT) iha fulan Juñu tinan 1975 no iha fulan agostu tinan hanesan hari’i mos Organizão  Popular da Mulher Timor (OPMT) ne’ebé ho hanoin no prinsipiu ba libertasaun no dezenvolvimentu.

Liu husi biban ida ne’e prezidente partidu FRETILIN, apela ba juventude FRETILIN  atu halo esforsu maka’as hodi aumenta koñesimentu no kapasidade atu halo partidu FRETILIN forte liutan no atu kumpri saida maka promete ona ba rai no povu maubere hanesan Libertasaun rai no libertasaun povu. Jovens sira tenke dinamiku mós, atualiza a’an nafatin tuir evolusaun no realidade mundu ne’ebé ita moris ba. Tanba ne’e partidu mos sei kria mekanizmu ida kapas atu atividade sira hotu-hotu tenke la’o tuir mekanizmu partidu nian. (***)

Jornal Nacional

KOTA SEI KOLIGA HO PLP

Partidu Klibur Oan Timor Asuain (KOTA) sei halo koligasaun ho Partidu Libertasaun Popular (PLP) hodi bele kompete iha eleisaun 2017.

“Ami iha prosesu de koligasaun no koligasaun entre Partidu KOTA ho PLP.  Ami agora ho partidu PLP halo hela prosesu de negosiasaun, ha’u rasik ba partisipa tiha ona konsolidasaun PLP nian iha Munisipiu Ainaro,”esplika Prezidenti Partidu KOTA, Manuel Tilman ba jornalista, iha nia kna’ar fatin Hotel Beach Garden, Praia dos Coqeuirus, Dili, Sabadu (11/6).

Tuir Prezidenti Partidu KOTA ne’e katak, iha ona konvite atu ba konsolidasaun PLP nian iha fatin seluk maka hanesan Munisipiu Baucau no seluk tan, no ida ne’e estratejia.

Nia hatutan, partidu KOTA nia estratejia ne’e la’os hanesan fali partidu seluk ne’ebe mak halo karavana hakilar tun-sae iha Dili laran no mos Munisipiu sira.

“Ami ninia lojika ne’e dolar hanesan samea, konsensia ho ida seluk naran sei morin hela ne’e mak ho ita bo’ot (Jornalista) rasik nia fo buat ida la’os kampanha,  maibe formasaun i imformasaun konsensia de politika. Ne’ebe atu vota ka la vota ami nia membru sira estavel hela,” tenik Manuel Tilman.

Nia haklaken, la’os atu ba hadau fali foun, foun ne’e joven sira ne’ebe maka tama ba iha tinan 17  atu ba vota ne’e, agora sira uluk ne’e konsiensia iha vota nafatin.

“Ami KOTA nia konsolidasaun hanesan ha’u dehan, Partidu KOTA tuir tradisaun, ha’u kuandu ba Maubise, Same no ba ne’ebe-ne’ebe deit ha’u ho ha’u nia lider sira han hamutuk hodi koalia, ne’ebe ami bok a’an hela no ami la mate to’o eleisaun mak ita haree,”dehan Manuel Tilman.

Tillman dehan katak,  KOTA nia intensaun uluk ne’e la’o hamutuk ho partidu KHUNTO, maibe KHUNTO sira ikus ne’e halo kongresu la konvida tan sira, ne’ebe buat hirak ne’e kestaun seluk ida.

“Partidu Libertasaun Popular (PLP) ha’u rasik ba halo konsolidasaun ho Guntur Vise Prezidenti Interinu, ami koalia ba malu no mos mate restu hanesan konseleiru  ba PLP. Ami sempre hasoru malu bebeik,”haktuir Prezidenti KOTA ne’e.

Nia hatutan, konsolidasaun partidu KOTA ho PLP ne’e la halo buat naran shop. “Shop ne’e dehan katak la presiza hu’u karau dikur, kuandu to iha kampaña eleitoral maka hu’u karau dikur O ba ho karau dikur antes ne’e manulin semo tiha O atu tiru saida.”Tilman kompara.avi

Jornal Nacional

Primeiru-ministru vizita Europa no Estadus Unidus

Primeiru-ministru, Rui Maria de Araújo, hahú vizita ba Bruxelas ohin, Washington ho Nova Iorque, iha ne’ebé sei hala’o enkontru multilateral no bilaterál ho líder mundiál oioin, informa Governu.

Iha komunikadu, ezekutivu esplika katak vizita ne’e pretende "hadi’a kooperasaun internasionál no aprezenta pozisaun Governu nian kona-ba kestaun interese nasionál" ba Timor-Leste.

Rui Araújo partisipa iha Bruxelas iha Jornada Europeia Dezenvolvimentu nian, fórum europeu ida ba kestaun dezenvolvimentu no kooperasaun internasionál iha ne’ebé sei haree ba progresu ne’ebé Timor-Leste konsege hetan iha tinan hirak ikus ne’e iha aplikasaun Objetivu Dezenvolvimentu Sustentável Nasoins Unidas nian.

Ajenda paralela ne’e prevee enkontru ho Prezidente Repúblika Sentru-Afrikana nian, primeiru-ministru Etiópia nain ho ministru Dezenvolvimentu Internasionál Suésia nian, hodi "debate forma efisiente iha asisténsia".

Iha Estadus Unidus prevee enkontru ho kuadru Administrasaun Barack Obama nian no dirijente polítiku sira, nune’e mós ho grupu reflesaun no forum sira seluk, "hodi promove interese Timor-Leste nian, inklui esforsu nasaun nian hodi estabelese nia fronteira maritima".

Agio Pereira, ministru Estadu no portavós Governu nian, subliña empeñu timoroan nian iha hodi hadi’a kooperasaun internasionál ba dezenvolvimentu.

"Aleinde ne’e, presiza konta mós ho apoiu internasionál no rekoñesimentu ba ami-nia esforsu hodi alkansa delimitasaun ba ami-nia fronteira marítima", nia refere.

Rui Araújo sei fila mai Timor-Leste iha loron 02 jullu.

SAPO TL ho Lusa

Profesór portugés sira iha Timor-Leste hato’o keisa kona-ba ameasa nomós intimidasaun

Profesór portugés ne’ebé halo parte ba projetu eskola referénsia iha Timor-Leste hato’o keisa kona-ba desizaun arbitrária nomós falta pagamentu inklui dehan katak sira mos sai nu’udar vítima ba ameasa no intimidasaun bainhira sira tenta fó sai problema ne’ebé mosu. 

"Halo ami hanesan laiha dignidade. Sira ameasa ami no haree tuituir saida maka ami halo no ami ko’alia, liu-liu bainhira ami hato’o problema ne’ebé mosu iha projetu refere”, dehan profesór ida ba Lusa.

"Hanesan terór ida. Ema kontrola hela ami-nia moris. Karik mosu problema no bainhira kordenadora sira bolu no husu ami", esplika profesór ida seluk, hodi temin kordenadora projetu ne’ebé feto portugeza ka timoroan ida.

Kordenasaun hosi projetu eskola referénsia, ne’ebé koñesidu hanesan Centros de Aprendizagem e Formação Escolar (CAFE), ne’e entre Portugal ho Timor-Leste. No nasaun rua ne’e maka halo pagamentu.

Projetu CAFE ezisti ona iha munisípiu Timór 13, ne’ebé envolve dosente estajiária Timor-Leste besik 80, profesór portugés 130 ho alunu liu 5.000.

Lusa tenta atu hetan komentáriu kona-ba krítika hirak ne’e hosi kordenadora portugeza ba projetu ne’e, no ne’ebé husu mos esklresimentu ba Ministeriu Edukasaun iha Lisboa, maibé to’o oras ne’e ladauk fó resposta hodi esklarese pedidu oioin hato’o iha semana ikus ne’e.

Keisa hirak ne’e hato’o ba Lusa, hosi profesór sanulu resin no sira husu atu lafó sai sira-nia naran tanba “tauk atu hetan ameasa”.

Dosente sira ne’e hatutan tan katak instabilidade iha projetu ne’e maka halo profesór barak lakohi atu renova tan kontratu, tanba hanesan mosu iha kazu balun ne’ebé “ladun hetan atensaun hosi kordenadora sira".

Halo keisa kona-ba e-mail kordenasaun ne’ebé laiha ninia resposta no ladun iha mos esplikasaun klaru, ezemplu, relasiona ho mudansa ba iha polu ensinu nian.

"Bainhira ami to’o, sira dehan publikamente iha zona aeroportu nian. No ida ne’e hamosu konfuzaun bot no bolu tan polísia. Ema ida lahatene tanba saida maka laiha kordenasaun ho profesór sira iha fatin seluk no ladehan ba sira idaidak kona-ba alterasaun ne’ebé mosu", dehan profesór sira ne’e.

Profesór sira rasik, lahatene kona-ba kritériu ba tinan letivu nomós parte kordenasaun ne’ebé muda alokasaun dosente nian. Kordenasaun lapermiti atu troka profesór ida ho fali profesór seluk ba fali sentru formasaun ida, maski hetan ona konkorda entre kolega.

Tuir dosente ida haktuir ba Lusa katak responsável idaidak uluk nian hosi kada CAFE fó prioridade ba kolokasaun iha sentru edukativu balun, “dudu” atu profesór ne’ebé iha zona ida bá fali zona seluk.

Iha karta ida ne’ebé haruka ba dosente sira iha Timor-Leste, 10-setembru tinan kotuk, kordenadora sira fó sai kona-ba objetivu hosi manten profesór sira iha sentru ida durante tinan rua “hodi asegura kontinuasaun pedagójika”.

Profesór sira ne’e dehan tan katak laiha rekoñesimentu ba sira-ninia valénsia, iha eskola balun laiha profesór “hosi variante balun” ne’ebé desde tinan kotuk iha ona no “muda fali bá eskola seluk ne’ebé ladun presija”.

"Hato’o ona pedidu formál no husu mos klarifikasaun kona-ba kritériu ne’ebé determina ba sira-ninia kolokasaun, maibé to’o agora ladauk iha resposta hosi kordenasaun”, tenik profesór ida.

Profesór sira hato’o keisa katak ladun ko’alia ho kordenadora portugeza hosi projetu ne’ebé kontinua vizita CAFÉ iha teritóriu laran nomós keisa kona-ba kondisaun hosi uma profesór nia balun ne’ebé laiha “dapur ka fatin tein, laiha bee-mos no iha de’it kondisaun natoon”.

Profesór sira ne’ebé hela iha fatin izolada keisa katak “ladun iha flesibilidade” atu halo viajen mai Dili – maski haktuir ona katak kada dosente bele mai kapitál durante findesemana ida, kada fulan.

Problema ida ne’ebé kontinua mosu maka pagamentu hosi saláriu profesór portugés nian, saláriu ba funsionáriu ho profesór timor-oan sira.

Maski iha ona Timor-Leste desde marsu, maibé profesór sira ne’e ladauk simu saláriu, hosi kedas inisiu fulan juñu inklui timor-oan sira ne’ebé asumi ona funsaun iha fulan fevereiru liu ba.

Maski problema oioin ne’ebé mosu nomós dezafiu foun, profesór sira haktuir impaktu hosi sira-nia serbisu ba iha nivel lokál.

"Sira hotu serbisu ho laran no ho enerjia, no bele haree ida ne’e bainhira ami ba hamutuk iha komunidade lokál ninia leet. Sira hotu halo serbisu hodi serbi komunidade, ba lian, ba alunu no ba mos Portugal", dehan profesór ida ba Lusa.

SAPO TL ho Lusa

Texto em português no Timor Agora

Professores portugueses em Timor-Leste queixam-se de ameaças e intimidação 

Sei hala'o debate kona-ba futuru hosi dalen portugés iha Díli

Espesialista hosi nasaun oioin sei halibur hamutuk iha Dili, semanan ne’e, hodi debate kona-ba futuru lian portugés nian, liu hosi sorumutu ne’ebé inklui mos esforsu CPLP, hodi promove liu tan uzu portugés ba iha organizasaun internasionál. 

Enkontru ne’ebé promove hosi Instituto Internacional da Língua Portuguesa (IILP), maka sai hanesan reta ikus ba prezidénsia Timor-Leste hosi Komunidade Nasaun Lian Portugés (CPLP).

"3.ª konferénsia kona-ba futuru hosi lian portugés ba iha sistema mundiál", ne’ebé sei hala’o iha loron aban (kuarta-feira) no bainrua (kinta-feira), konta mos ho intervensaun hosi eixu debate haat, inklui “portugés, lian pluriséntrika hosi sékulu XXI" ho "ensinu no formasaun iha lian portugés ba kontextu multiligue".

Iha sorumutu ne’ebé sei hala’o iha Centro de Convenções de Díli, iha mos debate kona-ba “potensiál ekonómika ba lian portugés” nomós kona-ba “portugés, lian kultura, siénsia no inovasaun”.

Eis-primeiru ministru Mari Alkatiri maka sei halo abertura ba konferénsia ne’ebé sei konta ho partisipasaun hosi ministru Edukasaun, Siénsia no Ensinu Superiór Kaboverde, António Correia e Silva, nomós reprezentante seluk hosi Angola, Brazil, Mosambike, Portugal no Timor-Leste.

Prezidente hosi Instituto Camões, Ana Paula Laborinho, espesialista brazileira Edleise Mendes, profesór Moisés Martins, hosi Universidade do Minho, padre João Inocêncio Piedade ho prezidente hosi komisaun sientífika IILP, Lourenço do Rosário, mos halo parte.

SAPO TL ho Lusa 

Diplomata hosi Fiji, Peter Thomson maka sai nu’udar prezidente foun ba asembleia jerál ONU

Diplomata hosi illa Fiji, Peter Thomson maka sai hanesan prezidente foun ba asembleia jerál Nasoens Unidas, hafoin hala’o tiha eleisaun iha loron horisehik. 

Diplomata Suva nian manan ho votu uitoan de’it hosi sipriota Andreas Mavroyiannis, no tinan ne’e lahanesan ho tinan kotuk, laiha kandidatu konsensuál no Estadus Unidus mos tenke eskolla kandidatu rua iha loron ida hosi votasaun ne’ebé hala’o.

Peter Thomson manan ho votu 94, no Andreas Mavroyiannis hetan votu 90. To’o oras ne’e embaixadór Fiji ba Governu Nasoens Unidas nian maka sei troka dinamarkés , iha fulan setembru no nia sei asumi kargu refere durante tinan ida, inklui prezidi 71.ª sesaun hosi asembleia Nasoens Unidas nian.

Nia dehan katak, ninia prioridade maka sei aplika objetivu hosi Dezenvolvimentu Sustentável, Planu Bot kontra Protesaun Meiu Ambiente ne’ebé aprova ona iha tinan kotuk.

"Ha’u haree hanesan planu sobrevivénsia ba ita-ninia espésie iha planeta ne’e”, dehan Thomson, no fó sai hosi Efe.

"Futuru hosi ita-ninia oan no beioan sira iha ne’ebá", nia hatutan no dehan tan katak Planu ne’e laperfeitu, maibé kompletu no natoon hodi asegura futuru ida ne’ebé di’ak.

SAPO TL ho Lusa 

NATO haruka batallaun sira ba“kintál” Rússia

Rússia dala barak ona konsidera espansaun NATO to’o sira nia  fronteira hanesan “aktu agresaun”ida. Movimentasaun hanesan resposta osidente nian ba aktu russu iha Ukránia.

NATO sei haruka tan batallaun robust haat ba nasaun tolu hanesan Báltiku nomós Polónia. 

Aliansa Atlántiku responde ho forma hanesan ne’e ba asaun Rússia nian iha Ukránia, ne’eb’e hatudu sinál ida klaru katak “prontu ona atu defende nia aliadu hotu  ” hosi kazu agressaun esterna.

Nasaun barak hosi Europa leste demostra ona sira nia interesse atu asesu ba NATO, maibé Rússia  konsidera katak espansaun organizasaun ne’e  to’o ninia  fronteira hanesan aktu agresaun ida.

Planu Jens Stoltenberg nian sei aprezenta iha reuniaun ministru Defeza Aliansa nian entre tersa no kuarta-feira ne’e iha Bruxelas.

Tamba ne’e, ba planu ne’ebé  sei finaliza loron hirak ne’e sei assina deit iha Jullu, iha simeira ida iha Polónia.

Desizaun ne’e mosu iha loron hanesan hafoin NATO laprevé intervensaun militar ida iha Líbia hodi  trava avansu  hosi auto proklamandu Estadu Izlámiku.

Sekretáriu-jerál Aliansa Atlántiku admite, maski nune’e, sei fó apoiu ba Governu unidade nasionál.

SAPO TL ho Renascença

ALKATIRI: KOMPENSASAUN LAOS ATU SAI RIKU

Presidenti Autoridade Regiao Administrativu Espesial Oecusse Ambeno Zona Espesial Ekonomia Sosial Merkadu (RAEO e ZEESM) Mari Alkatiri deklara katak, populasaun sira tenki rasional, nia fo kompensasaun ba sira ne’ebe mak afetadu ba projetu ZEESM laos atu sai riku.

‘’Uma dut ida sai uma fatuk la kontenti, la kontenti liu tan uma dut ida sai fali uma fatuk ne’ebe bot liu uma dut uluk ne’e, sei dehan tan material konstruksaun la iha kualidade, ita hotu tenki rasional ne’e kompensasaun ka ganti rigu, laos kompensasaun atu sai riku ita hotu tenki iha konsiensia,’’dehan Alkatiri ba jornalista sira liu husi konferensia imprensa iha edifisiu ZEESM, Pante Makassar, Oecusse, Kinta (9/6/2016).

Alkatiri esplika, sira mos tenki servisu tuir los saida mak  lei hatete, orientasaun klaru mak uma ida afeitadu tenki fo fali uma ida ne’ebe ho kondisaun dignu,  laos servisu tuir ema ida-ida nia  vontade no sira halo alargamentu estrada afeita ba uma hamutuk  200, maibe ne’e ikus ona ne’ebe mak parte estrada atu liga ba ponte Tono I foin semana kotuk mak halo levantemtu, tanba iha semana ida nia laran sira labele resolve kedas.

‘’Hau tun rasik ba hare, komunidade balun uluk uma kik agora uma bot ho kuartu 6, hau husu sira, sira dehan familia bot, entaun uluk ne’e familia kik agora familia bot, hau kumprende komunidade nia vontade aproveita momentu ne’e para halo uma bot ho bisnis, maibe ne’e la’os objetivu autoridade nian,’’ koalia Alkatiri.

Nia mos esplika kona ba rai populasaun sira la iha baze legal, tanba sira la iha titlu ba rai, tan ne’e nia husu ba komunidade sira hakarak selu sira nia rai iha dan rua, kria lei, karik lei la iha lori asuntu ne’e ba tribunal nune’e tribunal deside hasai sentesa nia selu, Sekretario Jeral ne’e bele selu ona, tanba nia konsidera sentensa husi tribunal ne’e mos parte ida husi titlu.

Nia mos informa, kosta sul ka Suai ne’e Konselhu Ministrus mak deside ho dekretu ida hodi fo kompensasaun ne’e hanesan lei ida ona, maibe iha RAEO  koselhu ministrus sira seidauk deside no kria dekretu ruma i nia hanesan  presidenti autoridade la iha kompetensia halo lei, Governu sentral mak tenki halo lei husi Konselhu Ministrus ho Parlamentu Nasional.

‘’Kuando hau mak kaer osan husi ne’e hau naran fo kompensasaun deit, hau fiar ema komesa koalia hau dehan sosa votus ona, agora hau mos la tur nonok, hau halo ona proposta ba Konselhu Ministrus hodi kria lei I hau husu tenki selu, tanba maske sira la iha titlu maibe populasaun sira ne’e hela kleur,’’ dehan Alkatiri.

Eis Primeiru Ministru ne’e hatete, Populasaun sira presija rai ba sira nia familia no jerasaun laos osan, tan ne’e mak hanesan Estadu  kria kondisaun ba populasaun sira hodi fo fali rai pedasuk ba sira laos osan, tanba tuir Mari se fo osan bele akontese hanesan iha kosta sul fo tiha osan populasaun sira ba hola motor, kareta lia mai hasai hotu osan ne’e liu tiha fulan rua ka tolu populasaun mukit nafatin.

Iha fatin hanesan Sekretaria no Finansas RAEO e ZEESM, Leonia Monteiro hatete,  populasaun sira ne’ebe afetadu ba projetu ZEESM ne’e hamutuk 240 no rate inklui kios sira rekopera hotu ona liu husi fornesementu material konstruksaun tuir prosesu normal ne’ebe gasta osan hamutuk U$ 540,000.

‘’ Ami la kalkula kada uma hetan hira, tanba tekniku husi obras publiku Regiao nian mak halo kalkula hare ba sira nia uma ne’e, depois kalkula hotu ho sira nia kios no rate inklui mos badain ne’ebe mak sei halo populasaun nia uma,’’ tenik Leonia. nia

Jornal Nacional

GOVERNU DESKORDA DÍVIDAS TT MILLAUN US$ 9.5

Primeiru Ministru (PM), Rui Maria de Araújo hateten katak, Governu la konkorda ho faturas ne’ebé hato’o husi Timor Telecom (TT) kada fulan katak, dívidas Governu nian iha TT millaun US$ 9.5.

Xefi Governu ne’e hatutan, tuir nia hatene, Governu laiha ona dívidas iha Timor Telecom.

“Governu la konkorda katak, dívidas ne’e to’o US$ 9.5 milloens, tanba husi Governu ninia arkivus, konta sira ne’e barak mak selu tiha ona, mas sei haruka nafatin de’it,”dehan PM Rui Araújo ba jornalista sira iha Palácio Prezidensial Aitarak Laran Dili, Sesta (09/06).

Tanba ne’e, PM Rui Araújo dehan, fatura husi Timor Telecom sempre haruka nafatin ba Governu, maske Governu selu tiha ona.

“Ne’e mak ekipa ne’e, agora halo hela analiza, para depois tuur hamutuk ho Timor Telecom para haree ida ne’e,” relata Rui Araújo.

Xefi Governu ne’e afirma, ho problema ida ne’e mak, agora dada’uk ne’e, Governu kria ekipa ida hodi halo analiza atu rezolve problema ida ne’e.

“Tuir prespetiva Governu nian laiha dívidas, fatura sira ne’ebé Timor Telecom haruka, i agora ekipa ida husi Vise Ministru Finansas nian halo hela analiza, faturas sira ne’e barak mak selu tiha ona, mais repetetivu nafatin,”relata Xefi Governu ne’e.cos

Jornal Nacional

REDUZ KOMISÁRIUS CNE, REKRUTA DELEGADUS 500-1000

Parlamentu Nasional (PN) desidi redusaun ba komisáriu Comissão Nacional das Eleições (CNE) husi 15 ba 7, maibé fó dalan nafatin ba CNE atu rekruta delegadu sira entre 500-1000 atu halo supervizaun ba eleisaun.

“Relasiona ho redusaun komisáriu CNE husi 15 ba 7 ne’e maka iha ita nia artigu husi lei eleitoral 8 ninian katak CNE halo deliberasaun bele hamosu delegadu sira to’o kedas iha sentru apuramentu ho sentru funsionamentu ba eleisaun ninian. Entaun delegadu sira ne’e la’os ona 65 husi postu administrativu, maibé delegadu sira ne’e bele to’o 500 ou 1000,” informa Vise Ministru Administrasaun Estatal (MAE), Tomas Cabral ba jornalista sira liu husi konferensia imprensa iha edifísiu MAE, Colmera-Díli, Sesta (10/06/2016).

Tomas Cabral esplika katak, maibé iha eleisaun 2017 ne’e Governu tenki tau osan barak para kobre tiha servisu CNE ninian ne’ebé atu delega delegadu sira hahú husi formasaun to’o prosesu eleisaun ninian, hodi superviziona eleisaun.

“Ne’e kestaun ida di’ak, maibé komisáriu sira ou órgaun eleitoral sira tenki prepara formasaun ba sira hodi superviziona prosesu eleisaun. Hanesan uluk iha tempu United Nation Transition Administration East Timor (UNTAET) liu husi United Nation Development Program (UNDP) kaer projetu ida naran edukasaun sívika ba prosesu eleisaun ninian,” Tomas Cabral haktuir.

Nia informa katak, desizaun Governu no PN reduz komisáriu CNE husi 15 tuun ba 7 ne’e liu husi estudu barak, maibé iha lei eleitoral iha artigu 8 ne’ebé sira kria hateten CNE no komisáriu sira bele delibera tan ho desizaun plenaria sira nian delegadus iha sentru votasaun hotu-hotu.

“Ne’e sira adopta fali modellu ida mai husi tempu UNTAET ninian iha bord of comitioner, iha mós órgaun eleitoral sira Independent Election Comission (IEC) sira adopta sistema ida ne’e. I sistema ne’e akontese mós iha Timor Leste tanba komisáriu 5 de’it maibé ógaun komisaun eleitoral independenti ne’e iha,” Tomas Cabral esplika.

Nia deklara katak, liu husi formasaun ba delegadu CNE ninian ne’e fiar katak sira sei intreinadu no komprende prosesu eleisaun, tanba sira na’in hira ne’e maka sei hamutuk ho CNE superviziona aktu ne’e.

Bazeia ba lei eleitoral artigu 65 dehan órgaun independenti ida maka sei superviziona ba aktu eleitoral ninian, tanba ne’e maka Governu iha momentu ne’ebá haruka proposta ba nafatin ho rasio ne’ebé iha, maibé komisaun A PN maka iha kompeténsia bo’ot atu altera kualker proposta Governu hato’o ba.

Konkorda hamenus Komisariu CNE

Husi sorin seluk, Prezidenti Partidu Klibur Oan Timor Asswain   (KOTA), Manuel Tilman,  konkorda ho desizaun Estadu hodi hamenus komisárius CNE husi na’in 15 ba nain hitu (7).

 “Ha’u konkorda ho hamenus membru Komisariu CNE, no tinan neen (6) mandatu ne’e kleur tebes diak liu hatun mos tinan mandatu sira nian,”esplika Manuel Tilman ba jornalista iha kna’ar fatin Hotel Beach Garden, Praia dos Coqueiros, Dili, Sabadu (11/6), relasiona ho promulgasaun husi Prezidenti Republika nian foin lalais ne’e hamenus Komisariu iha CNE, husi 15 tun ba 7.

Tuir Tilman katak, CNE la’os empregu ida. Tilman mos haktuir, sira nian salariu mos por prezensa, uluk mak inventa konferensia loron ida bele dehan tama dala hat, ida ne’e lalos.

“Uluk ha’u ho ita nia Prezidenti CNE agora sai Prezidenti KFP (Komisaun Funsaun Públiku), sei sai Prezidenti CNE iha problema barak ho ida ne’e.  Ami iha Parlamentu koa tiha osan ba sira tanba problema ne’e,” haktuir Manuel Tilman.

Nia dehan, aumenta prezensa, inventa prezensa inventa konfrensia iha Distritu no Sub-distritu para hodi hetan perdiam ida ne’e a’at liu do que demokrasia.

“Ita la presiza númeru ne’ebe maka a’as liu, tanba ita la iha ona dois mil,” esplika Manuel Tilman.

Nia dehan, tinan sanulu resin lima ona la’os ema primeira ves vota  depois CNE nia kna’ar ne’e hanesan ne’e duni, lori povu ba vota para konvense povu barak ba vota ejerse nia funsaun no iha mos nia funsaun fiskalizasaun.

Nia haktuir, partidu barak mosu, entaun la’os CNE mak sai fali Polisia  atu kontrola, maibe CNE hanorin no orienta povu atu ba vota, no logika ne’e haree iha lei.  Tanba admistrasaun eleitoral ne’e iha Sekretariuadu Tekniku Administrasaun Eleitoral (STAE).

“Ita iha orgaun rua ba buat ida ne’e CNE ne’e Politiku liu no ida seluk STAE mak admistrasaun, divia STAE maka rekruta membru barak, la’os fali CNE rekruta membru barak hodi kontrola fali STAE,” tenik Manuel Tilman.

Nia akresenta tan katak, fiskaliza ne’e konsiensia partidu politiku nian la’os konseinsia Governu, ne’ebe redus membru CNE ne’e los hela.

Iha nasaun barak ne’ebe mak demokratiku hanesan Portugal rasik, CNE hili ba tempu kampañia eleitoral ho votasaun deit, votasaun hotu komisaun ne’e dissolve la presiza tan.

Iha fatin la hanesan, Deputadu Komisaun A husi bakanda CNRT,  Arão Noe dehan, Prezidenti Republika promulga ona lei eleitoral atu hamenus membru Komisariu CNE. Tanba ne’e, dentru fulan tolu tenki halo eleisaun ba membru CNE foun ho kompozisaun ema nain hitu (7).

“Uluk sanulu resin lima (15) agora hitu (7) deit, depois husi 7 ne’e sira permenenti nain rua, ne’ebe sira hotu-hotu simu remuneratoriu fiksu la’os hanesan agora simu lista prezensa foin simu U$ 40 por prezensa. Agora ho lei ne’e fo ona remuneratoriu fiksu ba sira fulan-fulan sira simu iha reuniaun mai deit. Agora se mak permenenti Prezidenti ho Sekretariu, Vise Prezidenti ho membru nain hat seluk hamutuk nain lima, sira sei servisu nafatin iha aktividade uluk, depois iha reuniaun mak Prezidenti komvoka mak mai reuniaun,”dehan Arão Noe.ves/avi

Jornal Nacional

HASAI PD HUSI GOVERNU, DOM NORBERTO: “LA TAMA IHA HA’U NIA KAKUTAK”

Bispo Diocese Maliana, Dom Norberto Amaral, la kompriende, rajaun fundamentu politiku sira nian, ne’ebe hakarak atu hasai membru Partidu Demokratiku (PD) husi estrutura Governu.

Bispo Norberto kasu lia hirak ne’e wainhira marka prezensa iha aniversariu ba dala XV Partidu Demokratiku ne’ebe halao iha Salaun Canossa, Dili, Sabadu (11/6/2016).

“Ne’e la tama hau nia kakutak tamba hakarak ka lakohi atu konstroe nasaun ne’e hotu hotu nia direitu, dever no obrigasaun. Ne’e laos halo at ba nasaun, ne’e halo diak, se halo diak nusa la fo liman ba malu tamba sa maka tenki ba hasai fali sira,” afirma Dom Norberto.

Dom Norberto Amaral, haklaken katak nudar Bispo hanesan partense ba ema hotu hotu, tenki hatan, se deit maka husu hanesan Bispo prontu.

“Prensensa hau nian iha ne’e tamba konvite husi PD, koalia kleur ona atu hato’o liafuan ida rua ba sira, Bispo ne’e partense ba ema hotu hotu tenki hatan, se deit maka husu aku ada, prezensa ne’e tamba sira konvida hau, tamba sira nia loron aniversariu,” dehan Bispo Norberto.

Bispo Norberto husu ba PD atu kaer metin buat rua deit unidade, kaer metin ba PD nia visaun no misaun atu lori ba nudar partidu nebe mesak joven deit i nudar joven iha ideal nebe as, importante maka metin hodi hasoru difikuldade bar – barak nebe iha rai ne’e.

Nia hatutan, durante kontribusaun husi PD nian diak hanesan dadauk ema hotu hare, sira nebe tur iha Governu ema ezizi dehan atu hasai.

Partidu Demokratiku (PD)  selebra aniversariu ba dala XV hodi halo reflesaun no komunga filosofiu foun ne’ebe hateten, PD ba hotu-hotu no hotu-hotu ba PD.

Serimonia aniversariu ne’e halao iha Salaun Canosiana, Becora, Dili, hodi alerta ba ema hotu-hotu atu sain nain ba PD, liu-liu jerasaun foun ( joventude ho estudantes).

Sekretartiu Jeral PD, Mariano Assanami Sabino sublinha katak, hahuu tinan ne’e ba oin, PD hatuur nudar tradisaun, demokrasia nudar valor nebe maka tenki halo hari Estadu direitu de demokratiku.

Ba militantes PD ne’ebe lahola parte iha anivewrsariu PD ne’e, Assanami husu atu tau konsensia ida katak tenki esforsu para bele fo buat ruma ba PD.

“Ba militantes sira nebe iha fatin fatin, depois La Sama la iha ona, ita hotu tenki iha konsensia ida katak ita hotu esforsu para ita bele fo buat ruma ba PD laos PD maka atu buat ruma ba ita , laos PD atu fasilita ita atu hetan lukru maibe ita hotu tenki fo fali buat ruma ba PD hodi PD bele sai instrumentu estadu nian, servidor povu nian,” afirma Mariano Sabino. nes

Jornal Nacional

HNGV SIMU DEIT PASIENTE HO MORAS KOMPLIKADU

Diretur Exekutivu HNGV José Antonio G. Guterres hateten, tuir lolos Hospital Nasional  Guido Valadares simu deit pasiente sira ne’ebe halo rujukan husi CHC ne’ebe mai ho moras kumplikadu.

“Hospital ne’e ka bolu hospital referal de Dili ne’e simu deit rujukan ba sira ne’ebe ho moras komplikadu hanesan mediku sira iha CHC, mediku sira iha disrtritus sira labele tangani mak foin halo rejuk mai iha hopsital nasional,“ informa Diretor HNGV José Antonio G. Guterres ba jornalista sira iha HNGV, Sesta  (10/6/16).

Nia esplika, durante ne’e hopsital nasional dala ruma inan sira ne’ebe partus normal mos sira mai hotu partus iha maternidade HNGV ne’ebe hakarak ka lakohi dala ruma fatin lato’o balun toba deit iha kurador leten.

“Kondisaun mak hanesan ne’e ita nia hospital ida ne’ebe  atu halo para atu atende ema partus ne’e ema nain 12 deit maibe dala barak ema mai liu ita atu menolak tidak bisa los ka lae entaun ita simu nafatin agora kuando ita simu tanba iha nesesidade atu simu atu atende sira . ne’ebe kuando sira partu hotu mak laiha kama pasiensia ita tenki tau iha kurador,” dehan diretur.

Atu rezolve problema hirak ne’e, diretur HNGV husu ba komunidade sira hotu katak, kuandu moras baibain ou partus normal komunidade sira tenki ba CHC 4 ne’ebe mak Governu estabelese ona iha Dili laran.

 “Ita tenki promove fasilidade saude sira iha CHC sira prozemplu CHC, Comoro, Becora , Vera Cruz no CHC Bairo Formosa depois ita nia klinika iha Bairo pite nebe ita pomove ida ne’e para sira ba iha neba mas narealidade dala barak ema ladun hakarak ba iha neba sira hakarak mai hotu iha hospital nasional entaun fatin dala ruma lasufsenti. Tanba ne’e hau husu ba komunidade sira kuando sente moras baibain diak liu ba CHC ne’ebe mak besik  la presiza mai iha HNGV ,“ nia haktuir.car

Jornal Nacional

LABARIK 1142.400 ENVOLVE SERVISU FORSADU

Tuir dadus Sekretaria Estadu politika formasaun no empregu (SEPFOPE) katak, labarik hamutuk nain 1142,400 maka envolve an iha forsa traballu.

Sekretariu Estadu hatete, papel importante jovem ho labarik maka estuda, buka atu aprende barak, para iha futuru imi labele tane liman ba inan aman.

 “ho numeru ne’e, Governu esforsu an atu halo redusaun ba traballu infantil ne’e, tanba sira tenki estuda basa sira mak fini nasaun,”informa Sekretariu Estadu SEPFOPE ba jornalista iha Batugade wainhira komemora loron mundial infantil, Sesta (10/6/16).

Maibe atu halo redusaun tenke kria formasaun no kampaña intensivu liu husi media, eskola no inan aman sira.

“iha konvensaun ida hanaran trabalho infantil husi nasoens unidas ne’ebe ita nia parlamentu nasional ratifika ona, ita mos hamosu komisaun Nasional Hasoru Traballu Infantil  (CNTI) iha 2000 hodi tau matan ba labarik sira ne’ebe involve an iha forsa traballu, maibe iha 2014 iha fali rezolusaun hasoru komisaun ne’e, ne’ebe ita hare nia gap ne’e naruk,“esplika Sekretariu Estadu Ilidio. Eti

Jornal Nacional

Papa tauk ho masakre Orlando

Ema 50 mate no 53 maka kanek iha atake. No polísia tiru mate kedas ema ne’ebé responsável baa take refere.

Papa Francisco hatudu ninia sentimentu "tauk" ho hahalok "ódio lahó sentidu" hosi atakante ne’ebé hamate ema 50 iha klube nokturnu Orlando, Estadu norte-amerikanu Florida.

"Masakre terível ne’ebé akontese iha Orlando, hodi hamate ema inosente barak, hatauk papa Francisco no halo ita idaidak mos sente katak atake ne’e hatauk no at los duni, halo ita laran-moras no hanesan impaktu foun ba kazu asasinatu ho ódio ne’ebé lahó sentidu", dehan ninia portavós, padre Federico Lombardi.

“Ami hein katak impaktu hosi hahalok violénsia at no laiha sentidu ne’ebé akontese, hodi perturba pás ne’ebé povu amerikanu nomós ema hothotu ninia hakarak, bele remata no hotu lalais” nia hatutan tan.

Tuir TV NBC ho CNN fó sai katak autór ba masakre ne’e halo ona juramentu ba grupu estremista Estadu Islámika, molok tiru ema iha klube nokturnu ninia laran, hodi ikus mai hamate ema 50 no hakanek 53, no fó hatene liu hosi xamada telefónika ba númeru emerjénsia 911.

SAPO TL ho Lusa

Xina lansa satélite sistema rivál hosi GPS norte-amerikanu

Xina lansa iha domingu ne’e  satélite 23.º hosi  programa dezenvolvimentu sistema navegasaun "Beidou", konkorrente xinés hosi Sistema Posisionamentu Globál (GPS, sigla iha inglés) norte-amerikanu nian, anunsia ajénsia ofisiál Xinhua.

Fogetaun ne’e "Longa Marcha 3C", ne’ebé koloka satélite iha órbita, lansa iha sentru lansamentu satélite Xichang, provínsia Sichuan, sudoeste nasaun nian, oras 23:30, informa  sentru espasiál iha komunikadu.

Sistema "Beidou", hahú iha 1994, halo tiha ona  operasaun iha rejiaun Ázia-Pasífiku.

Satélite primeiru ne’ebé hola parte mos  iha  sistema ne’e lalansa to’o  2000 maibé, tinan 12 tuir fali, Xina konsege harii sistema rejionál ida, ne’ebé inklui servisu navegasaun, posisionamentu, oras no mensajen.

Planu ba futuru maka  dezenvolve Beidou barak liu iha nasaun sira ne’ebé integra iha inisiativu xineza nian " Sinturaun ida no rota ida" – Planu ida boot liu iha infraestrutura ne’ebé hakarak reativu  antigu Rota Seda nian entre Xina no Europa.

To’o  2020, Beidou bele kobre ona planeta hotu.

SAPO TL ho Lusa

Associação pró-democracia de Macau quer mais fiscalização às contas das listas eleitorais

Macau, China, 13 jun (Lusa) -- A Novo Macau, a maior associação pró-democracia da cidade, apresentou hoje propostas para a revisão da lei eleitoral, sugerindo que todas as atividades de promoção, mesmo as que não são organizadas pelos candidatos, sejam incluídas no orçamento das listas.

No documento de consulta pública, o Governo sugere "clarificar o que é propaganda eleitoral, sendo qualquer atividade que promova um candidato, mas deve pegar nessas atividades e nos seus custos e colocá-las no relatório das despesas da lista", defendeu Scott Chiang, presidente da Associação Novo Macau.

Com a revisão da lei eleitoral -- cuja consulta pública terminou no passado dia 05 --, o Governo pretende apertar as regras para evitar a repetição dos casos de corrupção eleitoral verificados no passado. Para tal, define mais estritamente o que é uma campanha eleitoral, ações de promoção, quem as pode fazer e quando.

Segundo o documento de consulta, "só os candidatos ou aqueles que forem declarados como apoiantes das candidaturas pelos candidatos podem fazer propaganda eleitoral, devendo essas despesas estar inseridas no cálculo das despesas", que terão o limite máximo de quatro milhões de patacas (444 mil euros), o mesmo montante para todas as listas. O objetivo deste teto é nivelar a campanha, mas a associação alerta para a facilidade com que estas regras podem ser violadas.

Segundo a Novo Macau, outros grupos e pessoas podem organizar eventos que promovem candidatos, mas que não entram para as contas das listas. São atividades não declaradas que não são fiscalizadas.

"Será que as listas vão declarar todas as atividades que as beneficiam? Não me parece. Vão tentar fazer com o relatório pareça mais fino, ao ter atividades realizadas por outras organizações", alertou Chiang.

"É exigido um relatório de todas as candidaturas, que a comissão [eleitoral] aprova. Se as contas estiverem todas bem, é aprovado. Mas não verificam se o relatório está mesmo de acordo com as atividades realizadas. Muitas listas têm 'organizações amigas' que organizam todo o tipo de atividades -- banquetes, viagens à China, distribuição de presentes -- e fazem campanha nestes eventos", indicou.

Assim, a associação pede que a comissão passe a ter "mais poder para lançar investigações".

"É tão fácil contornar as regras. Ou se declara as atividades ou a comissão não vai à procura. É o mesmo com as despesas. A comissão deve ter a função [de investigar] e poder receber denúncias", apelou o ativista.

Esta revisão eleitoral surge após denúncias em eleições passadas de casos como oferta de refeições, presentes e viagens em troca de apoio a determinados candidatos. No entanto, a proposta de restrição de todas as atividades -- que passam a ter de ser aprovadas pela comissão eleitoral -- também levantou dúvidas sobre um excessivo controlo do debate público.

Para a Novo Macau, que apresenta regularmente listas à Assembleia Legislativa, o que está em causa é assegurar a igualdade de oportunidades, "independentemente dos recursos que cada um tem".

"A ideia é restringir as atividades para impedir que alguns [candidatos] sejam beneficiados pelos enormes recursos que têm à sua disposição. É uma questão de igualdade. Se se tornar num sistema de aprovação, será problemático, mas se for apenas uma declaração de atividades, concordamos", disse o vice-presidente da associação, Jason Chao.

Entre as sugestões da Novo Macau está também uma política de acesso igualitário à campanha nas escolas e universidades, que no passado promoveram apenas determinados candidatos. Para a associação, os estabelecimentos devem escolher se querem adotar uma política de "portas abertas" ou de "portas fechadas", mas dar as mesmas condições a todas as listas.

Em Macau não é possível eleger o líder do Governo, apenas parte dos assentos na Assembleia Legislativa. Dos 33 lugares, apenas 14 são diretamente eleitos pela população. O restante hemiciclo é eleito por sufrágio indireto mediante associações (12 assentos), e nomeado pelo chefe do Executivo (sete lugares).

ISG // VC

Euro2016: Duelo com Portugal é histórico, mas também é "apenas um jogo de futebol"

Os jogadores da Islândia admitiram hoje estar ansiosos para o encontro com Portugal no Euro2016, o primeiro deste país numa grande competição, mas vão tentar encarar o duelo do grupo F como "apenas um jogo de futebol".

"Estamos desejosos que isto comece há muito tempo. Claro que vai ser o nosso primeiro jogo num grande torneio, mas temos que pensar que será apenas um jogo de futebol. Só isso. E é assim que todos temos que pensar quando entrarmos em campo", afirmou Gylfi Sigurdsson, a principal 'estrela' da seleção islandesa.

O médio do Swansea City admitiu que os jogadores se sentem orgulhosos por estarem a fazer história no futebol do seu país e lembrou que a presença no Campeonato da Europa, em França, começou a ser construída já há alguns anos, quando foi contratado o experiente treinador sueco Lars Lagerback, o atual selecionador, em 2011.

"Claro que estamos entusiasmados. Eu sei que vou dormir bem. Se calhar, há jogadores que podem pedir alguns comprimidos para dormir ou então basta ler um bom livro", brincou o jogador de 26 anos, que esteve sempre muito descontraído na conferência de imprensa de antevisão do encontro de terça-feira, em Saint-Étienne.

Sigurdsson garantiu que chega ao Euro2016 "em forma" e como o "depósito cheio de energia" e enalteceu o trabalho de Lagerback, treinador de 67 anos que vai somar a sua quarta presença na competição e tornar-se recordista.

"Tem muita experiência internacional e em torneios desde tipo. Sabe preparar muito bem a equipa e sem dúvida que consegue elevar o nosso nível", considerou.

A viver um sonho de criança está o capitão Aron Gunnarsson, jogador com uma longa barba e bem menos expressivo que Sigurdsson, mas que visivelmente se emocionou quando começou a falar daquele que será o jogo mais importante da história da Islândia.

"É uma sensação indescritível. Sonhei com isto em criança. Todos os jogadores na nossa equipa tinham o sonho de estar num grande torneio e cá estamos. É muito difícil descrever o orgulho que temos e sentimos. É incrível termos chegado aqui. É maravilhoso", disse o jogador do Cardiff City.

Mesmo assim, o médio de 27 anos confirmou que ele e o resto da seleção islandesa estão com os "pés bem assentes na terra", muito por culpa de Lars Lagerback.

"Ele sabe o que deve fazer, o que deve dizer e como deve a equipa jogar. Temos que ouvir atentamente tudo o que ele nos diz", explicou Gunnarsson.

Portugal e Islândia defrontam-se na terça-feira, às 21:00 (20:00), na primeira jornada do grupo F, num encontro que será arbitrado pelo turco Cuneyt Çakir.

LG/MYO // VR - Lusa