La Signifika Hirus Malu

Matadalan, editorial

Tinan sanulu ita ultrapasa krizi polítika no militár, iha tinan sanulu nia laran duni mosu fali instabilidade polítika entre líder nasionál sira.  Instabilidade polítika ida ne’e halo populasaun sira nia fuan tuku-tuku no trauma. Tauk situasaun hanesan iha tinan 2006 repete hikas iha tinan 2016.

Problema ida ne’e mosu hahú hosi desizaun Prezidenti Repúblika Taur Matan Ruak halo ezonerasaun ba Maijór Jenerál Lere Anan Timur no mensajen estadu ne’ebé Prezidenti Taur tatoli iha Parlamentu Nasionál ofende líder nasionál hanesan Xanana Gusmão no Marí Alkatiri. Iha nia mensajen, Taur akuza katak votus unanimidade ba orsamentu jerál estadu iha tinan-tinan ne’e atu fó previléjiu de’it ba família Xanana no Alkatiri.

Mensajen ida ne’e soke Xanana, Marí ho sira nia apoiante sira. Ema hotu la espera Taur ko’alia asuntu ne’e iha Parlamentu Nasionál. Haree hosi sikun polítika, Taur hakarak gaña konfiansa povu tanba rona katak Taur mós harii partidu polítiku ona ho naran PLP (Partidu Libertasaun Populár).

Ho ninia mensajen estadu ne’e, hakarak hatudu ba públiku katak Taur maka defende povu nia direitu no kontra iregularidade iha nasaun ne’e. Ne’e hanesan bala musan ida ba Taur atu hakotu rival polítika sira seluk nia polítika iha eleisaun jerál 2017 mai ne’e. Bainhira la joga polítika ida ne’e, difisil tebes ba Taur atu kompete ho Xanana no Marí iha eleisaun jerál mai ne’e.

Iha parte seluk, Taur nia mensajen ne’e mós iha pasu pozitivu ida. Katak, tanba ohin loron laiha ona opozisaun iha Parlamentu Nasionál, entaun Prezidenti Taur tau nia án hanesan opozisaun ida hodi kontrola iregularidade sira ne’ebé akontese iha nasaun ne’e.

Ita iha Provedoria Direitus Umanus no Justisa no mós Komisaun Antí Korupsaun (KAK) maibé sira nia dalan poder polítika sira limita tiha. Sira bele hakilar maibé hakilar ba buat ki’ik sira no hakilar ba ema ki’ik sira komete iregularidade. “Proibidu” hakilar poder polítiku sira ne’ebé komete sala boot.

Tanba ne’e, ho Taur nia mensajen ne’e, fó hikas kbiit ba instituisaun estadu hirak ne’e para bele brani investiga líder hirak ne’ebé Taur temi iha nia mensajen estadu. Labele konsdidera katak Taur nia mensajen mesak negativu de’it. Iha mós ninia pozitivu. Tanba ida ne’e, foti mensajen ida pozitivu para hanesan referénsia ida hodi hadi’a naksalak ruma ne’ebé akontese iha administrasaun estadu.

Líder nasionál sira ko’alia malu ne’e la signifika sira hirus malu. Hanesan aman ba nasaun, sira fó ezemplu ba foinsa’e sira katak iregularidade ne’e virus ida  ne’ebé sei destroi nasaun nia vida iha aban bainrua. Obrigadu. (*)

Taur Vs Xanana & Marí, Tanbasá Ohin Loron Soe Malu?

Xefi Estadu Maior Forsas Armadas, Maijór Jenerál F-FDTL, Lere Anan Timur hateten problema ne’ebé mosu iha ita nia leet ohin loron ne’e la’os órgaun soberanu sira maibé entre Xanana ho Taur.

“Problema ne’e entre Taur no Xanana. Problema la’os tanba korupsaun, problema la’os privadu, problema kondusaun distinu nasaun nian no liafuan naksalak,”  Lere Anan Timur hato’o kestaun ne’e bainhira hato’o mensajen iha seremónia enseramentu kongresu veteranus nian iha Sentru Konvensaun, Merkadu Lama, Díli, Kinta (03/03/2016).

Lere dezafia katak Xanana atu lori Taur ba Tribunál ou Taur atu lori Xanana ba Tribunál. Tuir nia, bele lori malu maibé iha dúvida boot tanba sé lori ba Tribunál bele deside ka lae? Lere dehan, ohin loron ita hotu serbisu ho lei maibé ema nia interpretasaun maka oi-oin.

“Ha’u la fiar katak sira atu lori malu ba Tribunál. Sé lori ba Tribunál ha’u la fiar katak Tribunál atu julga sira. Tanba kuandu ita ba Tribunál ida tenke sala ida tenke loos. Loos hotu ha’u la fiar. Sala hotu mós ha’u la fiar,” nia akresenta.

Eis Guierilleiru ne’e dehan uluk tanba funu sira la soe malu, tanbasá ohin loron sira soe malu. Krize 2006 fahe ona ita, loromonu no lorosa’e, ne’e la’os mosu de’it maibé sempre ema ruma maka fábrika krizi ne’e.

Nia esplika problema ohin loron labele lori to’o ona ba veteranu sira. Veteranu tenke hatudu lisaun ba jerasaun foun sira. Sé veteranu sira fahe malu entaun nasaun ne’e sei la hakmatek—ema barak maka sei terus tan iha tempu ukun án ne’e.

Uluk, Xanana ho Taur lidera funu hotu ona, maibé atu lidera nasaun ne’e nunka ramata hosi jerasaun ba jerasaun veteranus sira nia naran sei morin ba bei-beik.

Iha parte seluk, Bispu Dioseze Baucau Don Basílio do Nascimento dehan polémika ida ne’e hanesan teste ida ba órgaun soberania sira nia maturudade no mós ba povu nia maturidade. Liu-hosi buat hirak ne’e ita bele dehan katak rai nakadoko maibé depois buat hotu-hotu kalma, ita hotu kalma, povu hakmatek.

“Ha’u gosta maka ne’e, populasaun maduru, populasaun la book-án. Ha’u hanoin katak buat ne’ebé hosi veteranu sira no Parlamentu, hosi jornál sira, ha’u haree ideia hotu-hotu la hanesan. Buat ne’e fou-foun halo ema tauk, parabéns ba povu,”  Bispu Dioseze Baucau, Don Basílio do Nascimento hato’o kestaun ne’e molok ramata inkontru ho Prezidente Repúblika iha Dioseze Díli, Lecidere, Sesta (04/03/2016).

Don Basílio konsidera katak liafuan Prezidente altu majistradu nasaun nian no fatin ne’ebé prezidente hili atu hato’o mensajen maka Parlamentu. Tanba ne’e, prezidente la ba ko’alia arbiru, prezidente hatene kle’an kona-ba realidade povu Timor.

“Prezidente iha liberdade, ita hotu-hotu iha liberdade espresaun no ha’u hanoin katak buat ne’ebé prezidente hateten ne’e kala prezidente haree ho matan, prezidente rona no bele iha dadus. Ha’u hanoin katak Prezidente la’os ko’alia arbiru de’it,” Don Basílio esplika.

Hatán kona-ba oinsá igreja nia haree dalan saida maka bele rezolve problema refere? Don Basílio hateten “Igreja maka atu ba túr hamutuk la presiza ida. Ema hirak ne’e mesak boot, mesak katuas, mesak adultu. Ne’ebe, ka’er ba livru ekleziástiku katak iha tempu ba buat hotu-hotu, iha tempu atu moris iha tempu atu mate, iha tempu atu kuda iha tempu atu ku’u, iha tempu atu hirus, iha tempu atu dame malu, iha tempua atu oin suar, iha tempu atu oin mamar”.

Deputadu no mós nu’udar portavóz bankada FRETILIN, Francisco Miranda Branco hateten, polémika ne’e mosu tanba kestaun interpretasaun konstituisaun nian maka hodi hamosu polémiku públiku entre instituisaun Governu, Parlamentu no prezidente da Repúblika. Ne’eduni, atu rezolve problema ne’e só Tribunál Rekursu maka bele interpreta finalmente hodi haree hosi parte ne’ebé maka halo interpretasaun di’ak no loloos ba konstituisaun.

Nune’e mós, Veteranu José Agustino Sequeira “Somocho” hateten, mosu dezintendimentu balun ba desizaun ne’e tanba iha dezkontrolu oituan hodi foti desizaun. No, parte balun dalaruma instituisaun estadu ninian hanesan defeza ho órgaun soberania sira ladun iha koordenasaun serbisu di’ak.

Maibé, akontese tiha ona ne’e tuir nia la signifika katak ita atu sobu tan ita nia nasaun. Nia mós fiar ba líderes nasionál sira tanba kompara hanesan uma ida karik, sira maka harii hodi tau ai-rin no buat hotu-hotu. Ne’eduni, nia la fiar katak sira maka atu sobu fali.

“Problema ne’e ba ami hanesan veteranus ami nia obrigasaun maka ami hakarak dada sira hamutuk hodi re-estabelesse fila-fali sira nia domin no unidade hanesan uluk iha funu laran ami sei hamutuk hodi rezolve problema ne’ebé mosu,” dehan veteran ne’e iha Muzeu Nasionál Rezisténsia, Díli, Sábadu (05/03/2016).

Nia mós lakohi fó komentáriu ba desizaun ne’ebé Prezidente Repúblika hasai, maibé entre sira órgaun soberania maka bele túr hamutuk hodi haree sé maka ultrapasa kompeténsia sira ne’ebé konstituisaun fó. Maibé, sé sira hotu-hotu hakarak defende sira nia pozisaun, maka Tribunál sai hanesan jurista ida hodi haree sé nian maka loos no sala.

Tuir deputadu bankada Partidu Demokrátiku (PD), Virgílio Hornai katak, Xanana, Marí Alkatiri no Taur Matan ruak hanesan figura rezisténsia nian ne’ebé sai hanesan modalidade ida atu fó  esperansa ba hotu-hotu katak sira maka fundadór estadu no nasaun nian. Ne’eduni, sira laiha hanoin át ruma ba nasaun no povu ida ne’e.

Entretantu, Diretór ONG Luta Hamutuk, Merício Akara hateten polémika entre Taur, Xanana no Alkatiri labele kontinua tan ona tanba TL ohin loron presiza dezenvolvimentu, presiza hakmatek, páz no estabilidade.

“Tenke tau interese nasaun ne’e iha sira na’in tolu (Taur, Xanana no Alkatiri) nia leten. Labele uza na’in tolu nia sentimentu, interese pesoál entaun nasaun ne’e tendénsia polítika kontinua tan. Ne’ebe, sira na’in tolu  hanoin katak sira nia interese la boot liu nasaun, la boot liu interese povu, la boot liu fundu minarai ne’ebé maka atu maran ona ne’e,” akara tenik.

Merício esplika katak Xanana, Alkatiri no Taur tenke halo reflesaun atu bele salva nasaun ne’e, salva integridade estadu, salva fundu petrolíferu ne’ebé atu maran dadauk. Nasaun ne’e ita sura ba mai iha sira na’in tolu nia liman.

“Ami laiha interese atu sira na’in tolu ne’e atu tún ou sa’e maibé ami nia interese maka sira na’in tolu tenke di’ak, iha integridade nafatin lori nasaun ne’e hakmatek, sira deskansa mós ho di’ak tanba sira mós katuas ona,” nia informa.

Merício dehan iha tinan 10 oin mai sira sei deskansa. Di’ak liu prepara án, prepara lideransa foun sira atu lidera nasaun ne’e, duké sira istori malu bebeik nune’e ema seluk bele hamnasa ba sira na’in tolu (3). (Efrem/Jon/Júlia)

Matadalan

Veteranus Aprova Rezolusaun Rezolve Problema Taur, Xanana ho Alkatiri

Iha priméiru konferénsia nasionál Antigu Kombatentes da Libertasaun Nasionál durante loron tolu (3), aprova ona rezolusaun de apelu ba problema entre Prezidente  Repúblika Taur Matan Ruak, Eis-Guerilleiru Kay-Rala Xanana Gusmão ho Sekretáriu Jerál Partidu FRETILIN, Dr. Marí Alkatiri hodi rezolve problema liu-hosi dalan díalogu.

Prezidente Partidu FRETILIN, Francisco Guterres (Lu-Olo) ne’ebé  maka sai hanesan prezidente meza ba konferénsia veteranus iha Sentru Konvensaun Díli (CCD) hateten, veteranu sira asina ona karta ida sai hanesan rezolusaun de apelu ba líder na’in tolu (3) ne’e hodi rezolve sira nia problema.

“Veteranu sira asina de’it karta ida. Tipu de karta ne’e rezolusaun maibé hanesan rezolusaun de apelu ou deklarasaun de apelu ba líder na’in rua (2) ka na’in tolu (3) ne’ebé dehan katak liafuan naksalak ba malu,” Lu-Olo dehan iha CCD, Eis Merkadu Lama, Díli (03/03/2016).

Nia informa, karta rezolusaun ne’e hetan aprova hosi  konfresista sira ne’ebé iha asembleia ne’e, depois sei haruka sentimentu veteranu sira nian liu-hosi karta ne’e ba Prezidente Repúblika, Minístru Planeiamentu no Investimentu  Estratéjiku, Kay-Rala Xanana Gusmão  ho Sekretáriu Jerál Partidu FRETILIN, Marí Alkatiri.

Ekipa de asina karta apela diriji hosi Komandate Falur Rate Laek. Karta deklarasaun de apelu ne’e sei haruka ba Prezidente Repúblika, Eis Primeiru Ministru Kay-Rala Xanana Gusmão no mós Prezidente ZEESM, Marí Alkaieri, hodi husu sira túr hamutuk atu rezolve problema refere.

Deklarasaun apelu hatudu pozisaun veteranu sira iha konferénsia ninian, husu ba sira atu hamutuk halo díalogu ko’alia ba malu para ema seluk labele aproveita oportunidade ida ne’e para sobu ita nia unidade.

Entretantu, Komandante Falintil-Forsa Defeza de Timor-Leste (F-FDTL), Falur Rate Laek haktuir, sira na’in tolu ábitu ida uluk kedas kontra malu. Diferénsia ideias ne’e normál.

Falur dehan, atu lori nasaun ne’e ba oin tenki iha diferénsia ideia, maibé ohin loron ema polítiku barak, sosiedade sivil sira, inklui mídia sira halo publikasaun oi-oin hodi hamosu interpretasaun oi-oin iha públiku tuir ema nia kompriensaun.

“Entaun  ami nia pozisaun ne’e saída? Ami nia pozisaun ne’e apelu para rekonsilliasaun,”  Falur hateten. Nia esplika, rezolusaun ne’e la’os órden maibé líder na’in tolu ne’e iha hanoin di’ak entaun kumpri ba rezolusaun ne’e tanba sira maka harii nasaun ne’e.

Iha sorin seluk, Vise Minístru Solidariedade Sosial, Miguel Manetelu informa, karta deklarasaun de apelu ne’e sei haruka ba Prezidente Republika, Taur Matan Ruak, Komandante en-xefi, Kay-Rala Xanana Gusmão, no mós ba Dr. Marí Alkatiri.

“La persiza ona forma ekipa. Ne’e hanesan deklarasaun de apelu ida ba sira na’in tolu (3),” Mandtelu hato’o.

Deklarasaun de apelu sei haruka ba sira na’in tolu (3) katak ne’e pozisaun veteranu sira nian iha konferénsia. (Arif)

Matadalan

Berek Sosa Demokrasia ho Mate

Eroi barak sosa independénsia ho raan no mate. Eroi balun mate ba hamlaha. Eroi seluk mate iha inimigu nia liman laran. Iha ambiente ukun rasik-án, eroi “La-Sama” sosa mate ho fo-án tomak ba serbisu hodi hadi’a povu nia moris. Maibé, iha Partidu Demokrátiku nia konsolidasaun iha terenu, eroi “Berek” sosa demokrasia ho mate.

 Iha kalohan tada udan atu monu rai. Iha ahi suar tada iha ahi matan. Sentimente triste hafalun iha família boot no mós kompañeiru tomak Partidu Demokrátiku (PD) nian. Basá, iha loron Domingu (31/01/2016) oras tuku tolu (3:00) madrugada sira tenki husik hela sira nia belun, aman, maun no kolegas matebian Lucas “Berek” Vidigal (40), hosi Munisípiu Liquiça ne’ebé fila hikas ba aman Maromak nia kadunan santu.

Lucas nia mate hanesan mistériu dolorozu ida ne’ebé xoke tebes família, kolegas no mós kompañeiru sira. Matebian sai hosi kapital Díli iha tuku 10:00 dadersan ho kondisaun di’ak hela ho objetivu atu ba hala’o atividade konsolidasaun partidu nian iha Aldeia Ailembata, Suku Babulu, Postu Administrativu Uatulari, Munisípiu Viqueque.

Bainhira to’o iha fatin ne’ebá, iha oras tuku 10:00 kalan. Iha biban ne’ebá antes toba iha tuku 02: 00 madrugada matebian hamutuk ho ninia kompañeiru sira sei han hamutuk na’an fahi. Hafoin kabun mamuk kalsu netik ho ho naan-fahi, nia ba deskansa (Toba) iha kareta Prado rental ho númeru matríkula 20.797 Tls nia laran. Iha kareta laran akontesse nia muta maka’as to’o hakotu iis iha tuku 03:00 dadersan madrugada.

Matebian Lucas Berek iha partidu pozisaun hanesan Xefi Departementu Lojístika Nasionál PD nian no mós hanesan dosente iha Universidade da Paz (UNPAZ). Tuir médiku [doutór] hosi Postu Uatulari, Abito Soares Menezes, hatete Lucas mate tanba motivu menus oksijen tanba tensaun ne’ebé maka’as no toba iha kareeta laran taka vidru metin ne’ebé la iha espasu ba anin tama ba laran.

Dalaruma, tuir médiku ne’e, matebian ne’e mós iha moras anterior ruma ne’ebé maka provoka tan presaun psikolójiku. Relasiona ho akontesementu ne’e, Polísia Eskuadra Uatulari mós to’o kedas iha fatin akontesementu hodi halo investigasaun ba motivu hosi Lucas nia mate. Maibé too agora ladauk fó sai rezultadu tanba sei iha prosesu investigasaun. Hosi akontesimentu ne’e, mate isin lori kedas mai iha Díli hodi entrega ba iha família para halo serimónia funeral.

Vise Prezidente PD Nominando “Buras” Martins sente triste ho akontessimetu ne’e tanba lakon kompaiñeiru di’ak ida.  “Ekipa ne’ebé maka mai iha Postu Uatulari hetan asidenti, ami lakon ami nia kompaiñeiru, kolega, maun, alin di’ak ida iha fatin ne’e. Maromak horikalan bolu hikas nia fila ba aman Maromak nia kadunan santu,” dehan Nominando iha fatin akontessimentu.

Nia haktuir mós katak, hanesan militantes partidu nian ne’ebé mate iha misaun nia laran, tanba tuir kalendáriu PD nian iha loron 30-31 tenki halo atividade konsolidasaun partidu nian iha Munisípiu Viqueque ne’ebé maka hala’o ho Postu Administrativu hotu.

Nia dehan, kona-ba responsabilidade klaru katak iha partidu ninian, tanba matebian mós tur iha estrutura partidu hanesan Xefi Departementu Lojístika Nasionál ne’ebé signifika katak, atividade hotu-hotu PD nian la ses hosi nia.

“Koalia kona-ba responsabilidade, klaru ke PD tenki responsabiliza, trata tuir bai-bain Partidu Demokrátiku trata ba nia membru estrutura no militantes sira, tanba matebian mós husik hela ninia família liu-liu nia oan nain hitu (7), nia fó nia vida tomak hodi sosa demokrasia, sosa Partidu Demokrátiku iha rai ida ne’e,” Buras esklarese.

Matebian Lucas “Berek” nia mate hanesan membru no estrutura ba PD nian ne’ebé hakat tuir ninia kompañeiru fundadór no Prezidenti PD, Fernando La-Sama de Araújo, nia ain-fatin. La-Sama mate iha terenu tanba dedika-án serbisu ba povu nai diak, Berek mate sosa demokrasia hodi haburas PD buras ba nafatin. Mate nu’udar moris ida nia rohan. Maibé, mate la’os luta ida nia rohan. Adeus Berek! (Júlia)

Matadalan

SOFRE MAL NUTRISAUN, NANDITO TANIS TO’O LIMAN-AIN NAMLELE

“Ama, apa, ama, apaaaaa…!”   tanis ho iis sae oituan hodi bolu nia papa ho nia mama atu bele tuur besik iha nia sorin. Nandito (laos nia naran rasik) toba heklena an ho liman-ain kolen iha kama laran klinika Bairo Pite, Dili, foin lalais ne’e.

Husi dok haree Nandito, ne’ebe foin idade tinan tolu (3) ho mata-wen bolu nia papa no mama. Semana resin ona, Nandito baixa iha Klinika Bairo Pite, tanba sofre mal nutrisaun.

Kamiza riskadu mahar oituan hodi taka nia isin ki’ik ho kondisaun fizika ne’ebe fraku tebes. Nia lakohi han no hemu, maibe, Nandito nia mama Josefa ho papa José, lalakon esperansa hodi halo maneira hotu fo ksolok ba Nandito atu bele han netik etu no modo ruma ne’ebe sira prepara. Nune’e, Nandito bele aguenta hodi hemu ai moruk ho vitamina tuir reseitas dotor (dr) sira iha Klinika Bairo Pite.

Nandito, moris iha Posto Administrativu Letefoho, Munisipiu Ermera. Nia papa ho mama tenke aguenta ho nia iha Klinika Bairo Pite tanba sofre mal nutrisaun.

“Durante ne’e Nandito manha hela deit, nia tanis no lakohi han. Haree nia tanis, hau inan mos senti no mata wen monu. Triste tebes,” hateten mama Josefa wainhira dada lia ho JNDario iha Nandito nia sorin iha Klinika Bairo Pite, foin lalais ne’e.

Sofrementu ne’ebe hafutar iha Nandito nia vida ki’ik ne’e, hanesan mos ho nia belun sira seluk ne’ebe loron ba loron baixa iha klinika Bairo Pite.

Informasaun husi Direitor Klinika Bairo Pite, dr. Daniel Murphy katak, loron-loron labarik mal nutrisaun ne’ebe tama iha Klinika Bairo Pite liu ema nain 10.

“Ami fo susuben no hahan ne’ebe nakonu ho nutrisaun, protein, karbonitu de kabraun, mikronutrian no vitamina ba labarik sira hodi hetan isin diak,” hateten dr. Daniel Murphy.

Atu anima Nandito ho nia belun sira atu la bele senti sofre liu hos sira nia kondisaun saude ne’e, Klinika Bairo Pite mos kria fatin animandu ba labarik sira.

Daniel Murphy informa katak, kuaze 10% ka rihun 25 labarik tinan 5 mai karaik iha Timor Leste sotrisaun. Situasaun ne’e mosu tanba inan-aman barak, liu-liu hirak ne’ebe iha area remotas ladun iha konhesimentu sufisiente kona-ba fo nutrisaun ba oan sira.

Epidemia mánutrisaun iha Timor Leste sa’e makas, tuir dr. Daniel Murphy, tanba Timor kiak. Povu Timor, tinan barak, moris iha sistema ditadura iha okupasaun Portugal no Indonesia, nune’e halo ema tauk, la dezenvolve edukasaun no la iha sosializasaun adekuada kona-ba moris saudavel.

“Mal nutrisaun iha Timor grave teb-tebes, labarik bele moris mais kakutak ladiak. Nia implikasaun halo Timor la lao ba oin,” Daniel Murphy fo sasin.

Tuir dadus peskiza Ministeriu Saude nian iha 2010 hatudu, numeru mál nutrisaun sa’e maka’as tanba ekonomia familia la sufisiente atu sosa hahan ne’ebe iha nutrisaun.

“Timor ema barak sei moris kiak, moris iha ambiente foer, bee mos la iha, nivel edukasaun minimu no ekonomia la sufisiente, ne’e ladun suporta atu labarik moris ho saudavel,” Dirce Maria Soares, xefi departamentu nutrisaun Ministeriu Saude fo sasin.

Iha tinan 2015 nia laran, Ministeriu Saude fo sai peskiza nasional ai-han no nutrisaun katak, iha tinan 2013 labarik sofre mal nutrisaun husi idade tinan 0 to’o tinan 5 redus ona kompara ho tinan 2010.

Klasifikasaun mal nutrisaun ba labarik maka hanesan, labarik todan menus iha 37,7 %, labarik raes badak iha 50,2% no labarik krekas maran iha 11,0 %, ne’e redus ona kompara ho 2010 ne’ebe hatudu mal nutrisaun kategoria ba todan menus iha 44,7% , labarik raes badak iha 58.1 % no labarik krekas maran iha 18, 6 %.

Ofisial apoiu ba programa mal nutrisaun Fundasaun Alola, João Bosco da Costa, konsidrea mal nutrisaun iha Timor Leste kontinua as maske iha ona redusaun.

“Hahu husi 2009 to’o 2015 numeru labarik mal nutrisaun inklui inan, sei nafatin as maske iha ona redusaun. Labarik mal nutrisaun kronis iha 50% no krekas iha 11% ne’e sei as, persiza serbisu maka’as hodi redus liu tan,” informa João Bosco da Costa.

Tinan-tinan Prezidenti Republika, Taur Matan Ruak, inisia fo premiu nutrisaun nian ba grupu feto no lideransa komunitariu ne’ebe susesu hala’o aktividade no programa ne’ebe kontribui ba kombate mal nutrisaun iha Timor Leste.

Premiu rua, ba grupu feto iha tinan 2014 entrega ba Grupo Feto Manufahi no premiu ba lider komunitariu nian monu ba Suku Biqueli, Postu Administrativu Atauro, Munisipiu Dili.

Maske inisiativa Xefi Estadu nian ne’e atu enkoraza ka motiva sidadaun hotu atu oinsa bele hadiak nutrisaun iha familia, maibe programa ne’e kuaze tinan rua ona laiha mudansa signifikativu, tamba dadus ne’ebe iha katak, 42% populasaun, liu-liu feto no labarik infrenta mal nutrisaun.

“Ita timor ne’e, 42% mal nutrisaun. Ida ne’e Prezidenti Republika preokupa imi nia saude, barak liu feto ho labarik,” dehan Prezidenti Taur Matan Ruak, ne’ebe publika iha Jornal Nacional Diario edisaun, Kuarta (20/10/2015).

Iha parte seluk, rezultadu sensus uma kain tinan 2015, total populasaun Timor Leste 1.167.242, husi numeru ne’e, 42% mak sofre mal nutrisaun.

Tuir Food and Agriculture Organitation (FAO), hamlaha ho mal nutrisaun sai hanesan ameasa bo’ot ba labarik nia vida, liu fali moras HIV/SIDA, Malaria no TBC. Nune’e mos World Health Organisation (WHO) sekunda, mal nutrisaun bele hamosu numeru mortalidade labarik iha mundu, basa mal nutrisaun bele afeta ba moras perigu sira.

Dadus ne’ebe FAO fo sai iha tinan 2013 katak, kuaze ema rihun 870 husi biliaun 7,1 populasaun iha mundu sofre mal nutrisaun, maioria miliaun 852 iha nasaun ne’ebe avansadu.

Hare husi area, kuaze 70% kazu mal nutrisaun labarik as iha Asia, 26% iha Afrika no 4% iha Amerika Latina, inklui Karibia. nethy correia

Jornal Nacional

Tilman: Desizaun TR Definitivu Governu Nonok

DILI - Tribunal Recursu (TR) foti ona dezisaun, haruka fila karta Rekursu governu nia kontra Prezidente Republika (PR) Taur Matan Ruak, konaba ezonerasaun, nee dezisaun definitivu,  diak liu governu nonok.

Lia hirak nee hatoo husi Jurista Manuel Tilman, ba STL iha nia knar fatin, Pantai Kelapa, Dili, Kuarta (09/03/2016).

Desizaun Tribunal Recursu nee definitivu, katak la iha tan ba leten, ita la iha Supremu Tribunal Justica, hau rona kois fali dehan katak Primeiru Ministru lori fali tan ba Tribunal Recursu, lori ba Tribunal Recursu ida neebe, Indonesia nia ka, Australia nia ka ou ONU nia, nee la iha, ida nee kostitusaun Timor nia masimu maka Tribunal Recursu, deside ona nee difinitivu, la iha tan rekursu neduni governu nonok hein,” hateten Tilman.

Nia hatutan Governu tenki obdese ba desizaun Tribunal, governu la bele tan ona lori ba Tribunal, buat nee hotu ona iha Prezidente nia liman, neduni koandu situasaun siguru ona, la iha tan buat ida, rai nee la naben, tamba forsa armadas disiplinar e organizadu, nee Prezidente bele haruka publika, depois Parlamentu hakarak haruka fali ba Tribunal, nee direitu sira nia.

Iha parte seluk Direitur Luta Hamutuk Mericio Akara hateten Probelma ba ezonersaun nee la bele husik naruk ba bebeik, maibe iha obsaun ruak hodi buka rezolve. Informasaun kompletu iha STL jornal no STL Web, edisaun Kinta (10/3/2016). Joao Anibal

Suara Timor Lorosae

Dekretu Exonerasaun Prezidensial Seidauk Publika, Governu Ansi Lori Aktu ba TR

DILI - Dekretu Prezidensial Republika konaba exonerasaun ba Xefi Estadu Maior F-FDTL, Major Jeneral Lere Anan Timur seidauk publika iha Jornal da Republika, Sestu Governu Konstitusional ansi hodi lori desizaun Prezidente Republika ba iha Tribunal Rekursu (TR).

Tuir Xefi Bankada CNRT Natalino dos Santos katak Tribunal Rekursu devolve aktus neebe governu hatoo, konaba nomeasaun major jeneral foun tamba tribunal nia interpretasaun nee aktus politiku konstitusional neebe sira la julga.

Dekretu prezidensia ninian seidauk pronunsia no seidauk invegor, ami mos hein hela dekrtu nee, ita la hatene wainhira mak publika tamba nee atu dehan illegal ou lae la bele tamba ita koalia buat mamuk,” dehan Natalino.

Nia hatete Estadu presiza publika duni dekretu nee hodi hare tamba dekretu nee mak sai polimika too agora, tan nee publiku hein too agora dekretu nee nia publikasaun mak foin bele hare.

Iha fatin hanesan Deputadu Bankada Fretilin Manuel Castro hatete governu mak haruka tiha ona karta ba Tribunal, maibe Tribunal haruka fila tamba dekretu desizaun Prezidente nian seidauk publika tuir lolos governu hein no hare didiak dekretu prezidensia nian.

Nia hatete atu hakotu polimika neebe lao iha publiku, orgaun estadu ida-idak iha ninia kompetensia maibe parlamentu bele koalia mais labele foti desizaun tamba dekretu nee seidauk publika parlamentu labele halo buat ida. Informasaun kompletu iha STL jornal no STL Web, edisaun Kinta (10/3/2016). Timotio Gusmao

Suara Timor Lorosae

Prizoneiru Konsideira Indultu Husi PR Taur Injustica

Gleno - Prizoneiru sira iha Prizaun Gleno, konsideira indultu neebe fo husi Prezidente Republika (PR) Taur Matan Ruak iha tinan 2014-2015 nee sai injustisa boot ba sira.

Lia hirak nee hatoo husi Prizoneiru Carlito da Quinha, liu husi vizita Primeira Dama Isabel Ferreira, ba Prizaun, Gleno, Ermera, Tersa (08/03/2016).

Ami Prizoneirus la ezije indultu, dalaruma indultu fo ba ema neebe ita bele kuinese, razaun ida maka kuandu iha 2014 indultu fo ba ema nain lima, iha 2015 indultu fo ba ema nain ida deit, ida nee ami hanoin injustica ida mos ba ami,” hateten  Carlito.

Prizoneiru nee mos hatutan tan katak Prizoneirus iha Prizaun Becora no Gelno ema atus lima to atus 6 resin, mas idultu ba ema sira balun, ema sira nee iha komportamentu diak oinsa, presiza husu esklarese husi Ministeru Justica nia.

Iha fatin hanesan Prizoneiru Arceino da Quinha hateten iha lei fo vantajen ba prizoneru sira, hodi hetan liberdade wanhira sira kumpri ona sira nia sala iha Prizaun.

Konba Kestaun indultu Primeira Dama Isabel Ferreira hatan ba Prizoneiru sira katak nee kompetensia Prezidente Republika, neduni nia tun fo deit, tamba lei seidauk iha.

Maibe agora iha ona proposta lei, hatama ona ba Parlamentu halo hela deskusaun, konaba lei indultu, halo nusa maka fo indultu, durante nee Prezidente fo maibe la iha lei espesifiku konba indultu, nee kompetensia Prezidente nia, Prezidente fo indultu, mas laos prezidente tuur-tuur fo indultu nee lae, maibe liu husi prosesu ida,”hateten Isabel.

Nia hatutan Prezidente Republika fo indultu nee proposta mai husi Ministeru Justica, tamba nee iha 2014 Prizoneiru nain 5 hetan indultu no 2015 prizoneru nain ida hetan indultu nee proposta husi Ministeru Justica. Informasaun kompletu iha STL jornal no STL Web, edisaun Kinta (10/3/2016). Joao Anibal

Suara Timor Lorosae

Folin Mina Mundial Tun, Tenki Halo Revizaun Orsamentu

DILI - Folin mina mundial oras tun makas, nunee dezemvolvimentu iha Timor Leste depende makas ba mina, Sestu governu konstitusional tenki halo ona politika hodi revizaun Orsamentu Jeral Estadu 2016.

Tuir Vice Prezidente Parlamentu Nasional (PN) Adriano Nacimento hatete folin mina mundial neebe mak oras nee tun tuir lolos Timor Leste mos halo revizaun orsamentu estadu, tamba nasaun barak nomos orgaziasaun mina nian hasai ema neebe mak servisu ba sira.

Ita hare folin mina tun ita tenki halo revizaun ruma, tuir lolos ita tenki halo ona revizaun orsamentu jeral estadu, tamba folin mina mundial oras nee tun,” dehan Adriano ba Jornalista Tersa (09/03/2016) iha PN.

Nia hatete governu hare ba folin mina mundial neebe tun dala ruma laiha problema, maibe nasaun barak mak preokupa folin mina mundial neebe mak oras tun makas, nomos preokupa sira nia gep orsamentu maibe Timor Leste nian laiha inpaktu.

Nune mos Xefi Bankada Frente Mudansa Jose Luis Guterres katak Timor Leste presiza hare fali politika ekonomia hodi investe osan neebe mak iha, maibe tenki hein rezulta atu nunee iha mos provide ba estadu.

Nune mos Deputadu Bankada Fretilin Francisco Branco hatete Timor Leste atu la depende deit ba mina, governu sei desiminasaun ba reforma fiskal atu fonte reseita labele depende deit ba mina rai, maibe presiza buka fonte sira seluk neebe pozitivu tebes ba Timor Leste. Informasaun kompletu iha STL jornal no STL Web, edisaun Kinta (10/3/2016). Timotio Gusmao

Suara Timor Lorosae

Primeira Dama Laran Dodok Hare Prizoneru Aumenta

Gleno - Prizonerus sira iha prizaun Becora ho Gleno kada loron aumenta bebeik, primeira Dama Isabel Ferreira laran dodok, tamba nee nia husu ba governu tau atensaun ba povu nia moris hodi redus krimi iha Timor Leste (TL), para la bele aumenta prizonerus.

Lia hirak nee hatoo husi Primeira Dama Isabel Ferreira, liu husi nia vizita ba Prizaun Gleno, Ermara, Tersa (08/03/2016).

Hau hare ita Timor agora prizonerus sira aumenta ba bebeik la redus, nee iha buat ruma faila iha ita nia nasaun, tamba nee akuntese krimi bebeik, tamba nee ita tenki hare buat ruma tenki hadia liu-liu governu tenki hanoin ona hadia para rezus problema iha ita nia rai laran,”hateten Isabel.

Primeira Dama mos kompara prizaun husi nasaun seluk ho nasaun TL, katak Prizonerus sira iha prizaun nasaun seluk nee kastigu aat liu, maibe Prizaun iha TL nee diak, tamba nee nia kontinua husu prizonerus sira katak tenki pasensia hodi kumpri sala, remata sei fila hamutuk familia sira iha uma.

Iha fatin hanesan Xefi Departementu Husi DNSPRS Domingos Ximenes hateten situasaun dadur ninia estabelesementu iha fatin rua, hanesan Becora ho Gleno. Nia mos hatutan liu husi numeru prizoneru sira neebe boot, maibe husi guarde prizaun sira maka limitadu, tamba nee guarda Prizaun husi Becora ho Gleno hamutuk 185, tamba nee sra iha ona planu atu rekruta tan guarda Prizaun sira.

Nune mos Direitor Prizaun Gleno Nito dos santos hateten prizonerus sira iha prizaun Gleno aumenta, tamba nee husi prizaun total prizonerus hamutuk 109 pessoas, feto 25 pessoas no mane hamutuk 84 pessoas. Informasaun kompletu iha STL jornal no STL Web, edisaun Kinta (10/3/2016). Joao Anibal

Suara Timor Lorosae

Governu timoroan aprova sosa asaun sira hosi Oi iha Timor Telecom

Governu timoroan aprova ona, iha loron-kuarta ne'e, hafoin debate naruk, hodi sosa partisipasaun hosi Oi iha empreza telekomunikasaun boot iha Timor-Leste, Timor Telecom, konfirma ona hosi fonte ezekutivu ba Lusa.

Asuntu debate iha loron-kuarta ne'e iha parte ikus hosi reuniaun estraordináriu naruk ida hosi Konsellu Ministru sira nian, ne'ebé hahú iha tuku 09:00 dadeer (oras lokál) no to'o tuku 20:00 (oras lokál), haktuir hosi fonte hanesan.

"Aprova tiha ona hodi sosa partisipasaun", hatete hosi fonte maibé la adianta pormenór sira.

Ezekutivu agora sei nomeia komisaun ida ne'ebé sei halo negósiu ba folin operasaun ho konsórsiu autorizadu hosi Oi hodi alinea nia partisipasaun iha Timor Telecom (TT).

Iha kauza maka iha parte boot hosi kapitál TT (54,01%), kontrola hosi sosiedade Telecomunicações Públicas de Timor (TPT) ne'ebé Oi kontrola 76% hosi nia kapitál, no tau hamutuk ho partisipasaun ida diretu hosi PT Participações SGPS ho 3,05%.

Asionista hosi TPT sira seluk maka Fundasaun Harii - Sosiedade ba Dezenvolvimentu Timor-Leste nian (iha ligasaun ba dioseze Baucau nian), ne'ebé kontrola 18% no Fundasaun Oriente (6%).

Iha TT, kapitál fahe entre TPT (54,01%), Estadu timoroan (20,59%), empreza ho sede iha Makau VDT Operator Holdings (17,86%) no emprezáriu timoroan Júlio Alfaro (4,49%).

Iha tinan 2015 nia rohan, PT Participações hanoin katak folin totál hosi TT besik iha dolár millaun 150 no nia partisipasaun indiretu (41,12%) no diretu (3,05%) sei to'o besik dolár millaun 66,26.

Folin ajustadu, hodi hanoin katak tusan líkidu dolár millaun 59,47, ne'ebé tau hamutuk ho empréstimu ida ho PT Finance besik dolár millaun 24,68.

Asuntu ne'e debate nafatin hosi Governu timoroan iha fulan barak nia laran, ajenda tiha ona ba debate dalabarak iha Konsellu Ministru sira nian maibé desizaun ida ne'ebé adia beibeik tanba diferensa hosi opiniaun hosi Ministériu rua, Ministériu Obra Públika, Transporte ho Telekomunikasaun (ne'ebé favorável) no Ministériu Finansa (ne'ebé kontra operasaun ne'e).

Setór balun hosi Governu hakarak sosa totalidade hosi asaun sira Oi nian, disolve nune'e parte sira hodi kontrola de'it 51% hosi kapitál total TT nian.

SAPO TL ho Lusa

Organizasaun fó sai serbisu eskravu iha Nestlé

Relatóriu halo ligasaun serbisu eskravu iha fazenda sira hosi kafé brazileiru sira ho multinasionál sira hanesan Nestlé.

Nestlé ho Jacobs Douwe Egberts, produtór boot rua kafé nian iha mundu, admiti ona ba organizasaun la'ós governu nian DanWatch, ho sede iha Dinamarka, katak halo importasaun ba kafé nia musan sira ne'ebé prodús iha agrikultura brazileiru sira ne'ebé hanesan refensiadu tanba uza atan sira.

Empreza rua - ho marka sira hanesan Nescafé, Nespesso, Dolce Gusto, Coffee-mate ho Senseo - hatán ho 40% hosi merkadu globál kafé nian.

Sira afirma katak la sosa diretamente hosi fazenda sira ne'ebé tama iha lista negativu ba serbisu atan sira nian maibé subliña katak sira la koñese sira nia fornesedór intermediáriu sira tomak.

Multinasionál suisu admiti tiha ona katak halo negósiu ho fazenda rua ne'ebé Ministériu Traballu no Empregu (MTE) hasai ona traballadór sira iha kondisaun atan nian, iha fulan-Jullu liubá, no na'in rua hanesan joven ho tinan 14 no 15.

Ba "The Guardian", Nestlé afirma ona katak "la tolera violasaun sira ba direitu serbisu nian", maibé katak serbisu atan nian hanesan problema "todan" ida iha Brazil (...) laiha empreza ida ne'ebé importa kafé ka produtu seluk iha nasaun bele garanti katak laiha hahalok serbisu atan sira nian ka violasaun sira ba direitu ema nia iha sira nia dalan produtivu", defende hosi empreza.

Jacobs Douwe Egberts avansa ona katak nia notifika ona intermediáriu sira hodi labele halo negósiu ho fornesedór sira ne'ebé viola lei sira serbisu nian.

Dokumentu hosi DanWatch, fahe iha kapítulu 17 hahú hosi investigasaun ida fulan hitu nia laran, ne'ebé hatete katak violasaun ba direitu ema nia sei akontese nafatin iha indústria kafé nian, ho traballadór atus resin maka hetan tulun no sai hosi eskravatura tinan-tinan, aleinde iha abuzu ba serbisu labarik nian.

"Ne'e signifika katak, bainhira sosa kafé ida iha supermerkadu, iha risku lori ba uma kafé-musan sira ne'ebé hili hosi ema sira ne'ebé sira nia uma laiha bee-moos hodi hemu ka laiha kolxaun hodi toba", haktuir hosi relatóriu.

Organizasaun akompaña ona asaun sira hosi MTE no relata, iha fazenda sira, falta ekipamentu sira protesaun nian, espozisaun ba pestisida ne'ebé ho veneno no kondisaun sub-humanu sira seluk, hanesan hetan obriga hodi hemu bee hamutuk ho animal sira.

Entidade kalkula katak iha 2% de'it hosi folin ikus ne'ebé to'o ba konsumidór dinamarkés maka uza hodi selu saláriu ba ema sira ne'ebé serbisu hodi hili kafé-musan ho liman. Serbisu-na'in ida simu entre euro euro 1,9 no 3,6 ba saku kafé ida (ho 33kg). Proprietáriu sira simu to'o euro 120 ba saku kafé ida ho 60kg.

Relatóriu, ne'ebé disponível iha site organizasaun nian, ho foto sira, vídeo sira no sasin sira, bele le kompletu iha lian inglés IHA-NE'E.

SAPO TL ho Económico

Angola akuza Portugal hodi halo impozisaun iha CPLP

Iha loronkuarta ne'e ministru Relasaun Esteriór Angola nian hatete katak karik fó sai kandidatura hosi Portugal ba kargu sekretáriu-ezekutivu hosi CPLP nian reprezenta "impozisaun ida" ne'ebé hamosu falla iha entendimentu sira iha organizasaun ne'e.

Governu portugés hatete iha loron-segunda ne'e katak la hatene ezisténsia hosi akordu ruma ne'ebé bandu kandidatura nasionál ba kargu ne'e no fó hanoin katak, iha naroman hosi CPLP nian, "agora Portugal maka tenki kaer responsabilidade hodi aprezenta kandidatura ba sekretáriu ezekutivu".

"Loos duni katak laiha dokumentu eskritu ida, maibé, hahú hosi kriasaun CPLP nian, bainhira hili fatin ba sede organizasaun nian iha Portugal, inkluzivu, ho númeru maka'as ba funsionáriu sira, iha ona akordu katak tenki abdika hosi prezidénsia órgaun ezekutivu nian", reasaun hosi George Chikoti, ne'ebé hatete mós kona-bá "dezentendimentu" ida iha organizasaun nia laran.

Haktuir hosi Jornal de Angola iha loron-kuarta ne'e, xefe Diplomasia angolanu afirma katak "Portugal hakarak halo impozisaun ida", bainhira hatene katak São Tomé & Prínsipe maka asumi kargu ne'e.

"Ami sei iha reuniaun ida iha loron 17 iha Lisboa no ami sei trata asuntu ne'e", ministru Relasaun Esteriór hatutan.

Primeiru-ministru hosi São Tomé & Prínsipe, Patrice Trovoada, fó sai ona iha loron-tersa katak sei aprezenta kandidatu ida ba sekretáriu-ezekutivu CPLP nian, ne'ebé sei aprova iha konferénsia hosi xefe Estadu no Governu sira nian ne'ebé sei hala'o iha Brazil iha fulan-Jullu.

"São Tomé & Prínsipe sei aprezenta kandidatura no hanesan evidente katak ami sei iha atensaun tomak hodi aprezenta personalidade adekuadu ida ne'ebé bele aumenta kualidade ba iha ita nia organizasaun no ami hein katak bele hili kandidatura ne'e", hatete hosi Patrice Trovoada.

Primeiru-ministru hatutan ona katak kandidatura saun-tomense nian ba kargu sekretáriu-ezekutivu hosi Komunidade Nasaun sira Lian Portugés nian (CPLP) sei la kontra Portugal, ne'ebé nia ministru Negósiu Estranjeiru, Augusto Santos Silva, garanti ona katak Portugal sei aprezenta naran ida ba kargu sekretáriu-ezekutivu hosi organizasaun nian.

Patrice Trovoada komenta ona akordu ne'ebé ezisti iha nível membru sira CPLP nian iha asuntu ne'e, hodi subliãn katak "entendimentu ne'e konfirma ona iha nível hosi PALOP iha simeira ikus hosi Uniaun Afrikanu".

Fonte ofisiál hosi Ministériu Negósiu Estranjeiru portugés nian afirma ona katak "Portugal, naturalmente, la rejeita responsabilidade ne'e no disponivel hodi kaer knaar ne'e".

Iha loron-segunda, primeiru-ministru hosi Cabo Verde, José Maria Neves, afirma ona katak iha akordu verbál ida ne'ebé hatete katak nasaun ida ne'ebé iha sede CPLP nian (Portugal) la aprezenta kandidatura ba sekretariadu ezekutivu nian, no apela ona ba negosiasaun iha komunidade ba eleisaun, ne'ebé sei hala'o iha simeira organizasaun nian iha veraun ne'e iha Brazil.

Sekretáriu-ezekutivu Murade Murargy konfirma ona versaun ne'e hodi refere katak rona ona katak iha "akordu kavalleiru sira nian" kona-bá asuntu ne'e, iha tempu ne'ebé jarii CPLP iha tinan 1996 no nia hatete ona katak prátika internasionál ne'e maka nasaun sira ne'ebé iha sede sira hosi organizasaun nian labele kandidata ba nia diresaun.

Sekretáriu-ezekutivu dahuluk CPLP nian, angolanu Marcolino Moco, no mós kabu-verdianu Luís Fonseca (ne'ebé okupa kargu entre 2004 no 2008) iha opiniaun ne'ebé la hanesan no sira hatete katak la hatene kona-bá akordu ne'e to'o loron ne'ebé sira hakotu responsabilidade sira iha CPLP maibé sira na'in rua admiti katak foin lalais ne'e rona ona kona-bá asuntu ne'e.

Tuir artigu 18 hosi estatutu sira komunidade nian, "sekretáriu-ezekutivu hanesan personalidade importante hosi Estadu ida hosi Estadu membru sira CPLP nian, eleitu ba mandatu ida tinan rua nian, iha kandidatura ne'ebé aprezenta rotativu hosi Estadu membru sira tuir orden alfabétiku kresente".

SAPO TL ho Lusa

Brasil. ORGANIZAÇÃO DENUNCIA TRABALHO ESCRAVO NA NESTLÉ

Relatório liga trabalho escravo em fazendas de café brasileiras a multinacionais como a Nestlé.

A Nestlé e a Jacobs Douwe Egberts, duas das maiores produtoras de café do mundo, admitiram à organização não-governamental DanWatch, sediada na Dinamarca, que importam grãos de café produzidos em lavouras brasileiras que são referenciadas por utilizar mão-de-obra escrava.

As duas empresas - com marcas como Nescafé, Nespesso, Dolce Gusto, Coffee-mate e Senseo - respondem por 40% do mercado global de café.

Afirmam que não compram directamente às fazendas que estão na lista negra do trabalho escravo, mas sublinham que não conhecem todos os seus fornecedores intermediários.

A multinacional suíça já admitiu ter negociado com duas fazendas onde o Ministério do Trabalho e do Emprego (MTE) resgatou trabalhadores em condições de escravatura, em Julho do ano passado, sendo dois deles adolescentes de 14 e 15 anos.

Ao "The Guardian", a Nestlé afirmou que "não tolera violações aos direitos do trabalho", mas que o trabalho escravo é um problema "endémico" do Brasil (...) nenhuma empresa que importa café ou outro produto do país pode garantir que não existem práticas de trabalho escravo ou violações de direitos humanos na sua cadeia produtiva", defende-se.

A Jacobs Douwe Egberts avançou, por sua vez, que já notificou os seus intermediários para não negociarem com fornecedores que abertamente violem as leis do trabalho.

O documento da DanWatch, dividido em 17 capítulos a partir de uma investigação de sete meses, constata que as violações aos direitos humanos ainda ocorrem indiscriminadamente na indústria do café, com centenas de trabalhadores resgatados de condições de escravatura todos os anos, além de abusarem do trabalho infantil.

"Isso significa que, quando se compra um café no supermercado, há o risco de levar para casa grãos que foram colhidos por pessoas cujas habitações não têm água potável para beber ou colchões para dormir" segundo o relatório.

A organização acompanhou as acções do MTE e relata, nas fazendas, a falta de equipamentos de protecção, a exposição a pesticidas venenosos e outras condições sub-humanas, como serem obrigados a beber água junto com os animais.

A entidade calcula que apenas 2% do preço final que chega a um consumidor dinamarquês é utilizado para pagar o salário dos que trabalham na colheita manual do grão. Cada trabalhador recebe entre 1,9 e 3,6 euros por saco de café (33kg). Já o proprietário recebe até 120 euros por um saco de café de 60kg.

O relatório, disponível no site da organização, com fotos, vídeos e depoimentos, pode ser lido na íntegra, em inglês, aqui.

SAPO TL com Económico

O FUTURO DA CPLP EM DEBATE

Terá lugar no dia 12 de março, pelas 16 horas, o debate sobre “O Futuro da CPLP”, num evento promovido pela Conexão Lusófona e Fundação Portugal - África e que conta com o apoio da UCCLA.

A Comunidade de Países de Língua Portuguesa (CPLP) completará 20 anos de existência, no próximo mês de julho. No mesmo mês, ocorrerá a XI Cimeira de Chefes de Estado e de Governo da CPLP, que pretende afirmar uma nova fase na vida desta organização internacional. Assim, este evento, aberto entre oradores e público, pretende reunir contributos de diversas organizações da sociedade civil, empresas, associações, instituições académicas, a serem posteriormente encaminhados à próxima Cimeira de Chefes de Estado e de Governo.

O encontro, que conta com a parceria da ONGD Mundo a Sorrir e do MBA Atlântico, terá a presença do Secretário Executivo da CPLP, Isaac Murade Murargy, do Ministro dos Negócios Estrangeiros de Portugal, Augusto Santos Silva, do presidente da Confederação Empresarial da CPLP, Salimo Abdula, e do Secretário-geral da UCCLA, Vítor Ramalho.

Muitas serão certamente as questões que se poderão traduzir não só em reflexões de fundo sobre o futuro de uma lusofonia global, já em plena construção, mas também sobre o futuro de uma organização internacional que representa e procura operacionalizar diariamente o projeto lusófono.

O debate decorrerá na Fundação Portugal - África (Rua de Serralves, n.º 191 - próximo do Hotel HF Ipanema Park), Porto, e tem entrada livre mas sujeita a inscrição prévia através do email geral@conexaolusofona.org

UCCLA

Universidade de Macau em território chinês "é símbolo de governação partilhada" - estudo

Macau, China, 09 mar (Lusa) -- Um estudo sobre a mudança de instalações da Universidade de Macau para território da China sugere que o novo espaço é "simbólico de uma governação partilhada" e revela preocupações dos envolvidos, como perda de liberdade e maior "continentalização".

O estudo é da autoria de duas professoras da própria universidade, Jinting Wu e Teresa Vong, que refletem sobre as consequências e questões em torno da mudança da única universidade pública da cidade para um território fora da sua fronteira, ainda que esteja sob a sua jurisdição durante os 40 anos do arrendamento.

"Sugerimos que a relocalização da Universidade de Macau (UM) para a China, e a anexação do novo campus à governação do território, projeta uma nova forma de simbolismo na expansão do ensino superior. O campus da UM na Ilha da Montanha é um local de experimentação, simbólico de uma governação partilhada entre [autoridade] local e estatal, um híbrido espacial e territorial", indica o trabalho académico.

A UM mudou-se para a Ilha da Montanha em 2013, onde tem um espaço de um quilómetro quadrado, algo que as autoridades garantem que seria impossível dentro de Macau, onde há escassez de terras.

No entanto, apesar da melhoria de condições, a mudança levantou sempre preocupações entre professores e alunos e na população de Macau.

As duas investigadoras -- que garantem não ter encontrado conflito de interesses na elaboração do trabalho -- agregam alguns dos receios e dúvidas levantados.

Em 2008, quando vários locais foram propostos para a nova localização, "houve debates constantes sobre se relocalizar a universidade para fora do território iria diluir a identidade local".

Mas o debate estendeu-se além-fronteiras: "Os 'media' em Hong Kong e Taiwan descreveram o campus da Ilha da Montanha como a terceira Região Administrativa Especial da República Popular da China e uma exibição do que seria o futuro de Hong Kong e Taiwan".

O Centro de Investigação de Hong Kong enumerou uma série de preocupações, incluindo se a mudança para fora da cidade "indicava o sacrifício da educação superior em detrimento da expansão dos casinos" e se a universidade se "manteria uma instituição de Macau ou tornar-se-ia uma universidade chinesa 'de facto'".

A terceira preocupação vinda de Hong Kong prendeu-se com "uma iminente incerteza quanto ao futuro e potencial perda de liberdade académica e autonomia de gestão".

Já alguns funcionários da UM expressaram apreensão que o "isolamento murado da universidade" (a que se acede por um túnel a partir de Macau e tem uma vedação em redor, não permitindo o acesso a partir da China continental) "cortasse os laços orgânicos com a sociedade local e acabasse por prestar um mau serviço aos alunos".

Quanto aos observadores da China continental "questionaram se a liberdade de expressão devia ser autorizada no campus da UM, dado as potenciais repercussões que podia trazer à generalidade da comunidade da Ilha da Montanha".

Nem todos os membros da UM contactados para este trabalho expressaram pontos de vista críticos -- alguns mostraram satisfação com o espaço, a aproximação a Pequim e a 'internacionalização' da UM --, mas "a coexistência de reações positivas e negativas (...) revela a natureza da nova geografia do ensino superior".

O estudo indica que a mudança também "provocou apreensão" entre os residentes de Macau e "críticas sobre a potencial perda de total autonomia, e com o corte às suas relações orgânicas com a sociedade" local.

As autoras argumentam que o novo campus "representa uma zona híbrida de governação" e reflete uma "sinergia local-nacional-global na produção de espaço e na formação de uma nova dinâmica de relações entre escola e sociedade".

Por fim, as investigadoras lembram que é importante avaliar o impacto da geopolítica e globalização económica de Macau na universidade, questionando se "a mudança representa uma alteração no papel da UM de instituição local para 'agente do Estado'".

ISG // VM