TSUNAMI POLITIKU

Isaias Lino Borges* | opiniaun

Demokrasia katak husi povu ba povu

Demokrasia fo liberdade ba ema hotu atu hato’o nia aspirasaun hodi kontribui ba mudansa politika nasional no politika global.

Demokrasia nudar sistema ida nebe’e fo espasu ba sosiadade no politikus sira hodi partisipa ativa iha prosesu hotu atu fo solusaun ba desafius iha konstrusaun estadu ida.

Le’e nain no hare nain sira, Iha artigo ne;e hau koalia konaba festa demokrasia, por exemplu hanesan kampanha eleitoral ba partidu politiku sira; Ohin Loron ema mak politikus nain sira haklo’ot difinisaun eleisaun hodi konsidera elisaun hanesan eventu gava a’an no insulta malu… Uku nain sira, atu hatudu imagen nebe diak liu, laos hatete a’at ema no hare ema seluk hanesan ita nia adversario, maibe atu hatudu Imagen nebe’e furak liu, maka oinsa halibur ema hotu nakonu ho dame no hamnasa i prosperu. Ida nbe’e Optimismu liu mak oinsa hatudu oin midar ba malu atu ita hamutuk hodi dezemvolve Timori-Leste ida ho Dame, Timor-Letse ida que Buras liu!

Ohin loron ukun nain sira la moe hatudu liman ba malu hodi hatete a’at malu maibe sira la senti katak “when you point a finger at someone, there are three more poiting back at you” Kampanha laos atu ataka malu, maibe oinsa hato’o programa integradu politiku partidu nian, nune bele garantia nafatin prosperiadade ba futuru iha rai doben demokratiku ida ne’e.

Ohin loron elesaun familiar ho osan nomos ho promesa oioin. Neneik ba bebeik promesa sei sai tradisaun iha Elisaun ba Lideransa pais nian.

Los duni ka,,,, kampaña tenki identik no uniku ho “koar-koar” no so produz deit promesa-promesa sira ka? Karik Nune duni, sei hamosu duvida ba povu sira katak“ Janji-janji yang entah ditepati atau tidak ketika sudah terpilih”. Nune, Povu mos hahu komprende no baruk lakohi rona hodi fila kotuk lao ses husi palku kampaña politiku nian.

Bainhira povu aboresido ona ho kampanha nebe’e gosta hatu’un malu entre partidu ida ho prtidu seluk, ema ida ho ema seluk… povu sei konsedera sira be gosta insulta malu ne’e hanesan central sequencia ka urutan inti husi lian bosok sira… Porque povu presija liu mak realidade ho evidensia. Tanba hau, o, no dalaruma sira nebe’e povu atu hili sai lideransa ba rai ida ne’e; hakarak liu mak kuda prosperiadade, domin iha ami nia fuan. Ami lakohi tan iha kampnha nakukun nebe’e gosta hatete a’at ida ne’e ou ida neba, excepcional liu mak oinsa kria relasaun nebe forte ho ralidade, Apuradamente sei la ho promesa no osan mos povu sei apoiu. Porque povu baruk ona ho promesa nebe apenas hanesan promete deit maibe la realizadu.

Politikus sira ohin loron, konsidera elesisaun hanesan mos kompetisaun ba grupu politiku, hodi hari’i partidu oioin, ho esperansa oinsa atu hetan oportunidade iha Guvernu no parlamentu, nune’e bele lori aspirasaun povu nian ba interese nasional maibe pelu kontrariu, politikus agora aproveita oportunidade hodi lori fali interese familia nian hodi habo’ot KKN iha rai doben ne’e, interese seluk mak bele hetan mos direitu ba Pensaun Vitalisia…  oinsa ho sentidu Boa Governsaun??? nemak demokrasia lolos ka?? Sim, Demokrasia tenki iha multi partidaria nudar meius ida atu atinji objetivu estadu... maibe oinsa ho sentidu demokrasia lolos katak husi povu ba povu no povu nian/// tristi tebes quandu ema mak politiku nain sira aproveita politiza obra povu nian hodi habosok povu atu hetan dezastre ba lian bosok sira; hanesan sosiadade nebe lian laiha terus ba bebeik,,, Tempu kolonial povu vitima ona, ohin loron ukun an pior liu tan lafaek nia oan  matenek sira sei lohi tan povu  ho promesa falsu sira… Natureza politiku hahu la saudavel ona, povu mukit sira laran taridu  no dejesperadu ho hanoin quandu  hili sala dalan, erosaun politiku sei mosu karik (?) no sei provoka risku boot ataka husi tsunami politiku iha futuru karik? Esperansa povu nian monu tanba laiha kibiit atu tane dignidade rae ne’e… fini jerasaun rai lafaek nian hahu namlele, tanba ular metan dada (supa) sai rai nia midar hotu, hodi habokur grupu kiik ida… Oinsa ho deklarasaun iha tempu kampanha, quandu sai ukun sei konvate kiak husi rai ida ne’e… deklarasaun ho lian makas maibe mamuk…

Mundu ohin loron diskrimina nia emar sira, tan deit sira nia egoismu, neneik ba bebeik anju nakukun sira mak sei haburas a’an iha rai doben ida ne’e… Povu mukit sira lao lemorai ba rai iha nia rain rasik… Ho nune’e iha elisaun ida ne, ema hotu inklui hw ho esperansa oinsa bele disidi lider ida que jenuinu, honestu, transparansia i demokratiku, nune bele reprezenta povu ida ne’e hodi tane a’as interese nasional ba moris diak rai ida ne’e!

Fortes Abraços

*Isaias Lino Borges, Arch

NOTA HUSI TA: Opinioens nebe expresa, liu husi artigu opiniaun nebe maka TA hatun, liga ka relasiona diretamente ho autores nebe hakerek. Ami hakarak atu sertifika no afirma katak, demokratikamente ami nakloke ba partidu nebe deit maka hakarak hato´o sira nia vontade atu expressa sira nia opiniaun, maibe ho kondisaun ida katak, sira rasik maka tenki assumi responsabilidade ba lia fuan ka afirmsaun nebe hasai iha artigu opiniaun sira ne.

Branco: Fretilin Sae Ukun Atu Hadia Bee Dalan Sulin Latuir Dalan

DILI – Tinan 10 liu ona povu maubere hamrook tebes ba buat sira neebe mak durante nee lao lalos, tanba nee presiza Fretilin atu ba kaer ukun hodi hadia fila fali bee dalan neebe mak lalos hodi lori povu ba moris diak.

Preokupasaun nee hatoo husi Vice Prezidente Partidu Fretilin Francisco Miranda Branco katak, durante nee haree dezenvolvimentu nasional ba tinan 10 nia laran, gasta osan minirai biliaun 14 , maibe povu maubere sei hakdasak, Tanba nee agora tempu ona Fretilin atu ba kaer ukun, tanba nee Fretilin atu kaer komprimisiu neebe mak iha ona katak liberta patria tenke liberta mos povu husi mukit no kiak.

“Fretilin ba kaer ukun laos tanba kadeira, se tanba kadeira lalikan estatusku hanesan agora dadaun, tanba ita ba troka malu deit ba kadeira, maibe Sistema no programa politika sei nafatin hanesan agora dadaun, tanba nee mak Fretilin, sente ba politika dezenvolvimentu nasional nian hakotu ba 6H (Hametin, Hadia, Haburas, Habelar, Harii no Hamos) sente politika dezenvolvimentu nasional  neebe alterantiva Fretilin hakarak aprezenta ba povu tomak iha rai ida nee,” katak Branco ba STL Sabadu Lokraik (15/07/2017) bainhira halao Konsolidasaun Partidu Fretilin iha Lahane Aldeia Alto P.M 05.

Nia hatete, Fretilin mai atu hakarak atu halo mobiliza no oragniza, tanba nee Fretilin hamutuk hodi povu atu dezenvolve rai ida nee ba oin. Hadia buat hotu neebe mak durante nee seidauk los iha rai ida nee hanesan projetu fo malu, Sistema edukasaun, Sistema saude, Sistema agrikultura.

Nunee mos Membru partidu Fretilin Eladio Faculto hatete, Koalia kona ba Timor nia futuru diak nia hanoin ema hotu akompana  diak, tanba iha Governu Timor-Leste nee iha ministeriu barak hanesan Agrikultura, Edukasaun, Saude,  obras publika, iha mos  sekratariu estadu, Desportu, no mos sekrataria ba feto nian no mos  minsiteriu sira seluk tan. Guilhermina Franco

Suara Timor Lorosae

Militante Parpol Unidade, Laos Haree Ba Figura

DILI – Durante nee kampana Partidu Politiku (Parpol)  ba Eleisaun Parlamentar (Elpar) durante nee lao diak, tanba militante parpol sira laos haree deit ba figura parpol maibe sira,  hamutuk iha unidade kria situasaun hakmatek iha kampana.

Lia fuan hirak nee hatoo husi Veteranus Pedro Nunes Menezes katak, hanesan veternaus nia agradese ba parpol sira tanba halao kampana ho disiplina tebes, mezmu mosu oituan-oituan, maibe PNTL sira konsegue atua, nia fiar katak too loron votasaun buat hotu sei lao ho diak.

Hau haree durante kampana parlamentar ba tinan 2017 nee lao kapas los, tanba nee hanesan sidadaun ida hau agradese tebes no kontente, haree ba povu sira mos laos haree deit ba figura lider sira, maibe povu sira iha unidade tebes hahu husi Oe-Cusse too Tutuala iha unidade,” katak Veteranus nee ba STL bainhira hasoru malu iha Vila-Verde Segunda (17/07/2017).

Nia hatete, haree ba unidade povu sira, atu nunee too loron eleisaun bele vota ho hakmatek no hili ho konsensia neebe mak tuir povu sira nia hakarak, atu hili parpol se deit ema hotu mak sei haree no hili parpol neebe mak iha kbiit atu bele lori nasaun nee ba oin.

Entretantu iha parte seluk, Sekretariu Jeral Partidu Demokratiku Antonio da Conceição Kalohan hatete, haree ba militante sira durante nee iha interese duni atu ba tuir kampana hodi rona programa neebe mak parpol sira hatoo, tanba nee povu sira iha maturidade politika. Guilhermina Franco

Suara Timor Lorosae

Arao: CNRT Kontra Korupsaun

DILI – Partidu CNRT (Consegresu Nasional Rekonstrusaun Timorense) kontra korupsaun, tanba nee iha komprisiu CNRT, kontra tebes hahalok nee buka atu Rezolve.

Tuir Deputadu husi Bankada CNRT Arao Noe hatete, haree ba korupsaun nee komprimisiu CNRT nian, atu tau atensaun, neebe tenke rezolve. Tanba nee mak iha tinan 2009-2010 halo lei ida kona ba kriasaun CAC, (Comisaun Anti Corupsaun) ida nee inisiativa governu AMP nian.

Hau hakarak dehan katak haree ba korupsaun ita nia orgaun iha Timor nee kompletu tebes, iha Tribunais, Prokuradores, Ministeriu Publiku, Advogadu, CAC, PSIK, Komisaun Funsaun Publika, hela deit lei, maibe ita tenke rekonese katak Timor nee nasaun ida foun, i ema neebe mak iha esperensia los-los ba servisu nee seidauk sufisiente tanba nee mak sei iha limitasaun oituan atu implementasaun lei sira nee,” katak Deputadu Arao ba STL liu husi via Telefone Sabadu (15/07/2017).

Nia hatete, fiar katak iha instituisaun sira nee hotu aban bainrua sei servisu diak liu tan, neebe komprimisiu CNRT nian kontra korupsaun. Maibe iha konstituisaun hatete katak rezolusaun de inosensia katak ema neebe mak sala kuandu tribunal akuza, ou tribunal deside ona, maibe kuandu seidauk deside ema nee inosensia.

Entre tantu iha parte seluk, Sekretariu Jeral Partidu Demokratiku Antonio da Conceicao Kalohan hatete, haree ba atu hadia boa governasaun nee aktu de korupsaun buat ida ladiak, iha povu ida nee mak emfrakesa prosesu dezenvolvimentu, i emfrakesa mos iha mundu tanba hahalok sira hanesan nee ladun diak. Guilhermina Franco

Suara Timor Lorosae

Produtividade Serbisu Funsionariu Publiku Negativu

DILI - Durante ukun-an tinan 15 ona produtividade serbisu funsionariu publiku, kontinua sai problematiku, tanba nee Komisaun Funsaun Publika kompromete katak ba oin sei hadia.

Tuir Prezidente Komisaun Funsaun Publika, Faustino Cardoso katak, koalia konaba produtividade serbisu funsionariu publiku nian durante nee seidauk lao diak.

“Ita bele dehan produtividade nee sei sai nudar kestaun ida neebe presiza atu hetan atensaun hodi buka hadia liu tan iha tempu oin mai,” dehan Faustino ba jornlista sira iha CCD-Dili, Sabadu (15/07/2017).

Faustino haktuir, produtividade too ohin loron ita seidauk iha mekanismu ida neebe mak bele haree ho objetivu produtividde funsionariu publikus sira nian, maibe Komiaun Funsaun Publika tau ona iha ajenda avaliasaun dezempeinu.

Iha fatinketak, Diretor Exekutivu AJAR, Jose Luis Oliveira esplika, serbisu funsionariu publiku nian durante nee produtividade serbisu laiha. Raimundo S. Fraga

Suara Timor Lorosae

Prezidente Repúblika Simu Konvite Ofisiál hosi Ramos Horta

DILI, (TATOLI) – Prezidente Repúblika, Francisco Guterres Lú Olo, segunda ne’e (17 jullu) simu vizita hosi eis Xefe Estadu, José Ramos Horta iha Palásiu Prezidente Nicolau Lobato, Bairu Pité.

Sorumutu ne’e, entrega konvite ba xefe Estadu hodi partisipa enkontru kona-ba demokrasia iha Ázia Pasífiku ne’ebé maka sei hala’o entre eis xefi estadu iha 30 to’o 31 jullu tinan ne’e.

Tanba ne’e, hanesan eis prezidente repúblika, Ramos Horta hakarak dada reuniaun mai Timor-Leste, nune’e sei partisipa hosi eis Prezidente repúblika Indonézia, Susilo Bambang Yudhoyono, eis Primeiru Ministru Nova Zelandia, Tailándia, Mongolia, Korea do Sul, Japaun no seluk-tan.

Enkontru ne’e importante tebes tanba Timor-Leste iha hela prosesu eleisaun parlamentár nia laran, tanba ne’e hosi reuniaun entre eis xefe estadu sira ne’e bele fó mós apoiu rekuñesementu ba Nasaun nia prosesu demokrasia.

Prezidente Repúblika, Lú Olo sente kontente no apresia ba konvite ne’ebé maka hato’o, tanba ne’e sei organiza tempu hodi partisipa.

Jornalista: Xisto Freitas | Editora: Rita Almeida

Foto: Eis Prezidenti Repúblika, Dr. José Ramos Horta sorumutu ho Prezidenti Repúblika, Dr. Francisco Guterres Lú-Olo hodi entrega konvite reuniaun kona-ba demokrasia iha Ázia Pasífiku. Imajen Mídia PR.

PR Lú Olo Observa PNTL Nia Preparasaun Ba Eleisaun

DILI, (TATOLI) - Primeiru Ministru, Dr. Rui Maria de Araújo hala´o sorumutu ho Prezidenti Repúblika, Dr. Francisco Guterres Lú Olo hodi ko´alia kona-ba Prezidenti nia vizita kortezia ba Kuartél Jerál Polísia Nasionál Timor-Leste (PNTL), segunda dader ne´e.

Rui esplika katak Prezidenti Repúblika nia vizita ba KuarteL Jerál ne´e ho objetivu atu haree (observa) besik PNTL nia preparasaun atu asegura eleisaun jerál iha 22 jullu ne´e no haree mós kona-ba PNTL nia dezenvolvimentu.

Iha biban sorumutu ne´e, nia haktuir, nia ko´alia oituan ho Prezidenti kona-ba diploma legál sira ne´ebé governu haruka ba Prezidenti maibé Prezidenti haree katak iha diploma  balun governu presiza atu hadi´a.

“Ha´u ko´alia hamutuk ho Prezidenti oinsá mekanizmu serbisu entre Prezidénsia Konsellu Ministru no Prezidénsia Konsellu Ministru nune´e molok governu ida ne´e ramata ninia mandatu, Diploma Legál sira hanesan Dekretu  Lei sira ne´ebé sai planu hosi parte governu ninian, Sestu Governu Konstitusionál ninian bele aprova no promulga hotu molok mandatu Sestu Governu ramata,” Rui dehan ba jornalista sira iha Palásiu Prezidénsia Repúblika, Bairu-Pité, Dili, sesta ne´e, hafoin ramata inkontru ho Xefi Estadu Lú Olo.

Nia esplika governu haruka ona Dekretu Lei lubun boot ida ba Prezidenti Repúblika no Prezidenti Repúblika promulga ona balun no balun Prezidenti Repúblika sei iha dúvida haruka ba Tribunál Rekursu no balun fali Prezidenti devolve. Tanba ne´e, balun ne´ebé Prezidenti devolve, jurista sira sei túr hamutuk atu bele rezolve.

Jornalista: Xisto Freitas | Editór: Manuel Pinto

Área Turizmu Presiza Ínisia ho Merkadu

DILI, (TATOLI) – Tuir peskiza sientífika ne’ebé reitór Dili Institute of Tecnology (DIT), Manuel Florêncio Vong halo hamosu konseitu siklu dezenvolvimentu moris turizmu, iha faze lima ne’ebé importante, nune’e mos presiza ínisia ho merkadu.

Faze esploratória, envolvimentu, dezenvolvimentu, konsolidasaun no rejunuverasaun ka dekliniu ne’ebé hatuun ho produtu ka deklíniu.

Peskiza sientífika Diaspora Tourism: The case of Timor-Leste ba komunidade timoroan iha diaspora (hela iha rai li’ur, tempu ruma sei fila mai), iha kontinente Ázia, Austrália no Eropa bainhira hasai nia doutoramentu ba área turizmu, iha Universidade Algarve, Portugal, hetan rekoñesimentu iha nível mundiál no publika ona iha portál sientífika Kroatia ho naran OhrČak.

Peskiza ho tópiku lima mak atitude rezidente, ne’ebé mak fó importánsia ba rezidente, populasaun ka komunidade lokál ne’ebé hela iha fatin turistika sira, oinsá sira-nia hanoin, atitude kona-ba turizmu ne’e. Estudu ne’e  halo iha Díli, Baucau no Maliana.

Rezultadu hatudu katak ema barak tebes, haree turizmu hanesan buat foun ida, enkuantu poténsia atu atrai turista, riku tebes. Em termos sosi-kulturál riku tebes nomós aspetu istóriku.

Ho portugés tinan 450, japones sira tinan tolu ho balun, ho Indonézia tinan 24, depois ho UNTAET (United Nation Transition Administration of East Timor) iha tinan rua nia laran i depois luta ba libertasaun durante tinan 24  ekstremamente riku tebes atu transforma rekursu sai produtu atu fa’an ba turista sira.

Estudu segundu, halo kona-ba persepsaun empreza sira, empreza boot sira iha ligasaun ho dezenvolvimentu sustentável. Ida ne’e interesante tanba rezidente sira, persepsaun ne’ebé pozitivu tebes maske maioria la hatene, maibé sira hakarak lori turista mai.

Parseiru sira hanesan autoridade lokál no NGO, sira-nia persepsaun la iha diferensa ida boot ho komunidade sira ne’e. Entaun, bele dehan hala’o hela de’it kna’ar, idaidak la’o nian, mezmu hatene katak Planu Estratejiku ko’alia kona-ba turizmu, setór estratéjiku ba dezenvolvimentu nasionál, iha Planu Estratéjiku Dezenvolvimentu Nasionál (PEDN), 2011 to’o 2030.

“Entaun iha estudu ida ne’e presiza harii asosiasaun ka organizasaun ida halibur stake holder  sira ne’e tomak, iha ita-nia sosiedade timorense atu bele haree, organiza iha ita-nia turizmu ne’e hodi bele lori benefísiu”, relata.

Hodi hatutan peskiza no estudu seluk ne’ebé halo kona-ba identifikasaun poténsia turístika iha Timor-Leste laran tomak, husi Tutuala to’o Oe-cusse.

“Ha’u fó volta kuaze Timor tomak, fatin turistíku ne’ebé mak, Tutuala to’o Oecusse, ha’u halo peskiza durante fulan tolu nia laran, iha fatin turizmu sira tomak, ha’u konsege identifika katak ita-nia rikusoin em termos rikeza naturál, sosiál, kulturál, istórika ne’e ita riku tebes”, informa alumni Universidade Algarve, Portugal.

Estudu dahaat mak kona-ba turizmu  diaspora, dezenvolvimentu turizmu iha destinu mak parte oferta (suplay) no procura (demand) tanba turizmu ne’e atividade ekonómika no influénsia ba aspetu seluk.

Haree husi makro-ekonómiku, turizmu bele kria kampu traballu, hamenus ki’ak, fó impaktu ba transporte áero, oportunidade atu bele halo no fó transporte marítima, turizmu fó impaktu ba transporte terestre, turizmu fó impaktu ba real state ba apartamentu, alojamentu, otel ba restaurante.

Ba indústria agrikultura, akumulasaun ka agregasaun husi indústria turizmu ne’e halibur indústria sira seluk i halo indústria turizmu sai buat ne’ebé mak boot. Tanba ne’e mak turizmu hanesan atividade ekonómika.

Lori rekursu naturál sira, transforma produtu atu fa’an. Haree tasi, luku, hariis, kail, kaer ikan buat sira ne’e hotu osan. Ema mai haree ita-nia dansa, hatais, kultura (uma lisan, uma lulik sira ne’e) hotu, atrasaun sira ne’e, ita-nia vida no atividade relijioza, ne’e mesak ita bele transforma sai osan.

Fatin istóriku sira ne’e bele transforma produtu ida. Atu transforma, presiza infrastrutura di’ak husi aeroportu no portu tenke iha kondisaun.

“Ha’u hanoin, fiar katak governu iha planu ne’ebé mak di’ak atu halo aeroportu ne’ebé mak di’ak, aeroportu ne’e entrada prinsipál ba iha destinu turístiku”, akresenta Vong.

Tuir nia, parte oferta bele iha kondisaun atu bele simu, dada ka atrai turista sira. Parte procura (buka), ne’e pergunta boot ida. Nasaun foin hahú hanesan nasaun turistíku ne’ebé ema laduun kuñese iha mundu. Tuir estudu nomós ema hirak ne’ebé mai ne’e, ita haree sira mai tanba hatene husi internet maibé númeru ki’ik-oan.

Maibé, iha buat barak ne’ebé lori ema sai ba li’ur mak ekonomia, ema ba serbisu iha li’ur, lori mós ema hirak ne’ebé ba kontinua sira-nia estudu iha rai li’ur. Entaun iha mós, ema hirak ne’ebé mak pernah iha Timor-Leste liliu sira ne’ebé mak mai husi Indonézia ka timoroan sira husi ne’e halai ba Indonézia, ba Austrália, ba Portugal.

Timoran sira ne’ebé serbisu iha Irlándia, Inglatera, Austrália, Korea-du-Sul, sira ne’e iha teória ka estudu, hatudu ka konsidera sira hanesan diaspora. “Teória ida ne’e mak ha’u foti, diaspora liga ho turizmu,” nia realsa.

Reitór institutu privada ne´e hatutan, ema hirak ne’ebé halo viajen ka sira ne’ebé mak ba iha ema nia rain, serbisu iha ne’ebá, estuda iha ne’ebá iha ligasaun ho sira-nia orijin. Entaun, estudu ida ne’e atu identifika timoroan sira rai li’ur oinsá sira prezerva sira-nia identidade hanesan ema Timor-Leste.

Oinsá sira-nia espetativa atu fila fali mai Timor-Leste, entaun sira tenke prezerva sira-nia identidade, sira fila fali mai sira-nia rain moris ba. Estudu ne´e halo ba ema 520 iha kontinente tolu, Europa, Ázia no Austrália.

“Ha’u uza métodu kuantitativu i uza mós téknika kolesaun dadus, teknika snow ball, entrevista liuhusi online,” nia informa.

Hodi esplika katak timoroan iha diaspora iha funsaun rua, hanesan embaixadór no hanesan vendedór. Hanesan embaixadór sira lori imajen Timor-Leste nian ba iha komunidade sira ne’ebé sira hela ba nia leet.

Lori sira-nia matenek, lori sira-nia koñesimentu, lori sira-nia atitude, lori sira-nia abilidade (skills) ba iha ne’ebá. Esperiénsia no kompeténsia sira ne’ebé mak timoroan lori ba ne’e hariiku timoroan nomós hariiku ema iha ne’ebá no lori mós papel timoroan iha ne’ebá.

Hanesan vendedór tanba sira halo marketing, halo mós kna´ar hanesan turista. Sira sempre mai vizita sira-nia uma tanba família, uma lisan no relasaun ho sira-nia orijen.

Prezervasaun, sira-nia identidade kontinua tanba ko’alia nafatin tetun, hatais nafatin tais, kanta nafatin múzika Timor-Leste nian, mezmu iha ema nia rain tiha ona maibé sira hamutuk nafatin, komunidade timorense, entaun sira ne’e bele dehan katak ema sira ne’e mak timorense diaspora. Sira mai vizita ita-nia rain, sira halo vizita turistika iha ne’e.

Normalmente, tuir estudu hatudu katak sira barak liu mai semana ida, semana rua, tolu, fulan nomós tinan, ida ne’e konsidera hanesan turista mai vizita ita-nia rain, sira-nia rain, sira-nia fatin maibé sira mós konsidera hanesan rezidente.

Tanba sira to’o mai, tuun aeroportu, la taka vistu ba sira-nia pasaporte mezmu sira mai husi rai li´ut, maibé maioria husi sira mai mós ho pasaporte Timor-Leste. Sira iha ne’e halo atividade ekonómika, selu oan, alin sira-nia eskola no seluk tan ida ne’e ita konsidera sira nu’udar rezidente, komunidade no sidadaun babain iha nia rain rasik.

Entaun, ho nune’e, ita bele dehan katak rezidente sira ne’ebé mai husi diaspora, sira multifunsaun, tantu hanesan embaixadór, turista, vendedór.

“Atu konklui katak ha’u-nia estudu sira ne’e riku tebes ba iha turizmu i ha’u konsideradu ha’u-nia belun sira ne’ebé mak tantu iha Ázia, Eropa, Austrália, sira ne’e importante tebes tanba ita bele kontribui ona sientifikamente ba iha nível mundiál nian,” tenik reitór Manuel Vong.

Relasiona ho peskiza sientífika iha área turizmu ne´ebé publika iha Portál Sientífika ne´e, reitór DIT, Manuel Florêncio Vong enkoraja ba dosente DIT inklui mós akadémiku sira iha Timor-Leste hodi buka fó mós solusaun ba problema sosiál sira.

“Ha’u hanoin, ita-nia matenek ne´e ita buka kontribui ba iha siénsia no teknolojia iha ita-nia rain hodi nune´e kontribui hodi rezolve problema sosiál sira ne´ebé mak ita enfrenta,” afirma reitór Manuel Vong.

Hodi reforsa, ligadu ho publikasaun, bainhira peskiza no estudu, nu’udar akadémiku ne’ebé mak di’ak la’ós de’it hala’o kna’ar hodi hanorin de’it maibé hala’o kna’ar tolu dala ida.

Hanorin, halo instrusaun sientífika, peskiza no dedikasaun ba komunidade. Se halo buat tolu ne´e didi´ak ita sei matenek liutan i tulun sosiedade atu bele hetan mós koñesimentu ne´ebé aas, koñesimentu ne´ebé luan, koñesimentu ne’ebé kle’an nune´e ema hotu bele sai matenek hodi kontribui.

“Ita-nia konstituisaun artigu 59 garantidu. Se ita timoroan konsege ho nível edukasaun ne’ebé aas, sosiedade ho baze koñesimentu avansadu, sosiedade ida ne’ebé  bele kompete, ita bele iha kompetitividade ne’ebé aas”, katak Vong.

“Mai ita, timoroan tomak hasai ita-nia kompeténsia tomak entermos koñesimentu, abilidade no atitude pozítiva atu ita bele konstrui dezenvolvimentu. Ita-nia artigu sientífiku produz liuhusi investigasaun, lee barak, hakerek barak, matenek mós sei barak liu”, apela.

Nia reforsa, matenek barak fahe sei la kotu, rikusoin fahe la hotu mak matenek. “Ha´u enkoraja estudante sira atu kontinua lee, haki´ak kultura lee, kultura hakerek hodi bele publika iha nível nasionál,” enkoraja reitór ne´e hodi espera katak tempu ruma, Timor-Leste iha fatin ba publikasaun jornál sientífika ida, nune´e ita bele publika no inklui ninian hodi ita bele kontribui ba dezenvolvimentu turizmu.

“Ha’u hein katak ho kontribuisaun kiik oan ida ne´e, loke dadauk, ita-nia povu, lee na´in sira nia hanoin katak ita iha poténsia boot seluk mak timoroan sira iha li´ur ita bele aproveita sira, serbisu hamutuk ho sira atu halo promosaun Timor-Leste iha fatin ne´ebé de´it mak sira hela ba nomós lori maluk no belun husi países sira ne´ebé sira hela ba atu mai vizita ita-nia rain hanesan turista,” nia espera.

Maske nune´e, tuir nia katak tenke kria insentivu ruma, se timoroan ida iha li´ur, mai lori turista na´in tolu ka liu, nia aviaun, nia otel ita mak selu.  Se timoroan ida mai lori nia kolega estranjeiru mai vizita ita-nia rain, entaun, nia hetan insentivu.

Se ema vinte e tal mil mai vizita regularmente Timor-Leste, ita iha númeru turista bele aumenta nomós turista doméstika ita bele aumenta.

“Turizmu no agrikultura nu’udar setór estratéjiku ba dezenvolvimentu Timor-Leste,” konklui reitór DIT, Manuel Florêncio Vong.

Entretantu publikasaun kona-ba peskiza sientífika ne´ebé reitór Manuel Florêncio Vong halo no ikus mai rekoñesidu mundialmente, reprezenta mós timoroan sira bele asesu mós iha link ne’e: http://hrcak.srce.hr/183654?lang=en Nune’e mós, bele klik iha: http://econpapers.repec.org/article/risjspord/0052.htm#.WWT36Sjb5Tw.facebook.

Jornalista: Rafy Belo | Editora: Rita Almeida

Foto: Foto Novo Turizmu

Mundu Turístiku Presiza Atensaun Buat Lima

DILI, (TATOLI) – Atrasaun natureza, hametin estadu, infrastrutura estratéjika, desentralizasaun, dezenvolve setór ekonómiku nu’udar fatór importante lima iha mundu turístiku ne’ebé presiza tau atensaun.

Reitór Dili Institute of Tecnology (DIT), Manuel Florêncio Vong hatete ba Ajénsia Tatoli, bainhira hasoru malu iha fim-de-semana ne’e iha kna’ar fatin, Dili.

Manuel Vong esplika atrasaun natureza mak hanesan ita-nia tasi, foho, paisajen no agrikultura ne’ebé liga ho natureza. Timor úniku, ne’ebé mak iha estasaun tempu ne’e iha hotu haat dala ida, hakarak manas mai Díli, malirin oituan sa’e ba Daré, malirin oituan, manas oituan ba Maubise, hakarak malirin ba Ramelau.

“Entaun, primavera, outono, verão, inverno ne’e hotu, iha dala ida, iha rai ida de’it no úniku. Ida ne’e dehan, natureza ita nian, ita bele fa’an”, hateten reitór.

Hodi hatutan, dezenvolvimentu, estrutura laiha, laiha asesu. Entaun, segundu mak asesibilidade katak halo duni fatin hodi ita bele ba iha fatin ne’ebé identifika iha poténsia turístiku sira ne’e, tanba ne’e polítika prezervasaun importante.

Lei de’it la to’o, presiza harii organizasaun turistíku iha nível lokál, tanba ne’e ba oin ministériu sira, tenke harii duni misaun ida ne’ebé integradu tanba turizmu la la’o mesak.

Turizmu ne’e tenke iha organizasaun ida ne’ebé mak institusionalmente organiza duni kona-ba indústria ida ne’e (turizmu). Organizasaun ida ne’e atu kontrola, halo planu ida ne’ebé mak di’ak, planu integradu.

Kondisaun turizmu di’ak, fa’an ba turista estranjeiru nomós turizta doméstika. La iha planu dezenvolvimentu teritóriu, entaun estraga hotu tiha nia praia  sira ne’e. Praia ne’e fatin publiku, tantu rezidente, tantu turizta iha direitu atu ba.

“Otel barak mak tiding fali iha tasi ibun, taka ema nia dalan. Ne’e labele! Empreza sira dumina tiha fali fatin publiku. Não pode ser! Lei tenke regula buat sira ne’e. Ha’u bele dehan katak ita-nia produtu, ita bele faan buat barak loos maibé dezenvolvimentu, dezenvolvimentu ida ne’ebé mak bem planeadu, bem organizadu, bem implementadu, bemavaliadu e bem replanear”, esplika.

Tanba se la iha planu ida ne’ebé mak di’ak, la iha organizasaun ida ne’ebé di’ak, la iha implementasaun ne’ebé mak di’ak, la iha monitorizasaun ida ne’ebé mak di’ak mak to’o ikus mai ita mós la iha bem avaliadu, entaun bainhira ita halo fali planu foun fali mós, ita sei la ba oin.

Tanba ne’e jestaun destinu turistíku Timor-Leste tenke ser buka atu bele konsolidiza filafali hodi nune’e ba iha oin, turizmu bele sai duni setór estratéjiku.

“Aviaun mai to’o aeroportu selu kedas ona tasa, turista tuun husi aeroportu selu tan tasa (vistu), nia sai mai, kondutór ida hein, selu tan kondutór tanba tula nia, kondutór simu tan ona nia osan artinya iha ona benefísiu ba motorista ida”, hatutan.

Aeroportu ne’e mós iha ema ne’ebé halo cleaning service, iha seguransa, entaun fó traballu multiplayer effect boot ba kualker atividade turístika ne’e. Tanba, ema ida de’it mai, nia lori osan, oituan-oituan mós nia fahe, ema hothotu hetan. Tenke hadi’a, ita-nia ospitalidade.

Nune’e mós produtu lokál mós uza dadauk ona. Entaun, atu konklui dezenvolvimentu la’o maibé mós keta haluha bem planeadu tanba ita-nia rai ne’e illa ho dimensaun ki’ik-oan. La kontrola, la kle’ur espasu tetuk sira ne’e lakon ona.

Tanba ne’e tenke fó atensaun ba ordenamentu teritóriu, ne’ebé mak orienta, iha vizaun ba ona dezenvolvimentu sustentável ne’ebé mak ba iha jerasaun agora.

Tenke  hanoin jerasaun futuru sira-nia direitu mós atu goza rikusoin, em termos de rekursu naturál, sosio-kulturál nomós rekursu ekonómiku ne’ebé mak iha valór.

“Ita minarai iha, petróleo, gás maibé ne’e la “renovavel”, tempu ida nia pasti maran. Se nia maran, ita susar, se ita la hanoin halo didi’ak”, reforsa.

Tanba ne’e governu investe, halo indústria ba industrializasaun ne’e importante. Maibé, atu ba iha ne’ebá presiza profesionaliza ita-nia F-FDTL (Falintil-Força Defesa de Timor-Leste) no PNTL (Polícia Nacional de Timor-Leste) atu bele garante paz no estabilidade iha rai ida ne’e. Tanba ida ne’e, lutu.

 Segundu, tuir reitór DIT, tenke hametin liutan ita-nia estadu ho profisionál liliu órgaun soberanu sira hanesan prezidente, governu, parlamentu no tribunál tenke buka ema ne’ebé serbisu ho di’ak hodi serbi duni povu no  halo lei ne’ebé bele rezolve duni problema estadu no povu nian.

Justisa tenke garante duni otonomia ne’ebé mak indepedénsia juíz no juíz sira tenke julga buat hotu ho justu. Entaun reforsa instituisaun estadu ne’e importante.

Terseiru, infrastrutura estratéjika ba industrializasaun momentu ida ne’ebé mak importante, Estrada, portu no aeroportu mak bainhira ita la kria ne’e susar.

Kuartu, tenke lori estadu ba povu, entaun desentralizasaun ne’e xave ida, se buat hotu sentralizadu, povu sira iha foho, sira trata buat ruma tenke mai Díli, ne´e labele. Tanba ne’e, ita tenke tau importánsia ba desentralizasaun no tenke implementa ho di’ak

Ikus liu mak dwzenvolvimentu ekonómiku, investimentu, emprestímu, bele tau osan para komunidade, empreza privada sira bele asesu ba kréditu, ho nune’e makina la’o ona.

“Investimentu edukasaun, lalika hanoin tau fali, fulan fulan subsídiu, ita gasta liu. Di’ak liu ita fó kail duke ikan. Ita tau osan ba setór privadu sira, kria kampu traballu rasik ka halo negósiu. Entaun ita bele dehan katak nia halo auto-empregu (kria rasik traballu ba nia aan rasik)”, katak tan akadémiku ne´e.

Ho ida ne’e, iha planu estratéjiku atu atinji ekonómia ho nível altu-mediu, sei to’o. Kualidade edukasaun tenke iha investimentu. Se governu hakarak kualidade edukasaun, Orsamentu Jerál Estadu (OJE) ne’ebé tau ba edukasaun tenke boot, la to’o tenke tau graduál. Nune’e iha 2030 bele to’o maibé la’ós atu fó subsídiu.

“Subsídiu só bele fó ba ferik katuas sira, ha’u hanoin katak ita ko’alia kona-ba turizmu nia iha futuru nabilan. Tanba ne’e mak ha’u dehan lori Timor-Leste ba mundu, lori mundu mai Timor-Leste, se ita bele halo ida ne’e hanesan filozofia ida, entaun ita idaidak sei lori Timor-Leste ba mundu, lori mundu mai Timor-Leste”, realsa.

Lori Timor-Leste ba mundu mak lori imajen, faan produtu. Kona-ba agrikultura, reitór ensinu superiór ne’e hateten to’os no natar abandonadu, importa fós husi rai li’ur, hamate agrikultór sira nia produtividade. “Buat ida ne’ebé mak ita tenke halo mak diversifika setór agrikola”, tenik nia.

Dezenvolvimentu setór agrikultura tenke buka atensaun liutan, tantu iha polítika, tantu iha planu nomós iha implementasaun.

“Liga ho turizmu, ita iha fatin ne´ebé atrativu tebes maibé kestaun mak ita presiza prezerva mós ita-nia ambiente”, akresenta.

Reitór DIT, Manuel Florêncio Vong mós akresenta dezenvolvimentu bele furak maibé edukasaun mak tenke hanesan xave hodi prepara ema ba dezenvolvimentu.

“Edukasaun forte nasaun pasti sei avansadu nomós nasaun ne´ebé investe iha edukasaun nia retornu garantidu”, haklaken.

Nia reforsa mós investe edukasaun ho kualidade, retornu garantidu, investe oan sira ba edukasaun, asegura dezenvolvimentu. Tanba tinan-tinan produz ema, ho idade maioria joven,  konserteza iha susesu boot.

Buat tolu ne’e bele inkorpora, elabora em termos de Planu Estratéjiku Dezenvolvimentu Nasionál (PEDN) Timor-Leste nian, 2011-2030 ne’ebé mak enkuadru iha setór tolu, turizmu, agrikultura no petróleu, buat tolu ne’e tenke la’o fó apoiu ba malu, osan petróleu ne’e bele tau iha setór agrikultura no turizmu dala ida.

Maibé atu la’o ba oin tenke investe iha edukasaun. “O coração do desenvolvimento de um país é a educação. Se edukasaun di’ak, ita-nia futuru nabilan”, hakotu reitór Manuel Vong.

Jornalista: Rafy Belo | Editora: Rita Almeida

Foto: Raihenek mutin, Bondura, Baucau. Foto espesiál, foti husi: http://baucauadventure.blogspot.com/2015/03/praia-de-bondura-baucau.html.

Eleisaun Parlamentár STAE Koloka Estikér Ba Kartaun Eleitorál

DILI, (TATOLI) – Sekretariadu Tékniku Administrasaun Eleitorál (STAE) koloka estikér ba kartaun eleitórál hosi votante ida-idak nian iha Timor laran tomak, hahú loron 10 to’o 20 jullu molok eleisaun parlamentár iha 22 jullu.

Diretór Jerál STAE, Acilino Manuel Branco iha konferénsia imprensa, Kaikoli, kinta (13/7) informa kolokasaun estikér iha kartaun eleitórál ba públiku ho objetivu fasilita  votante sira atu vota iha sentru votasaun ne’ebé besik hela fatin.

“Meiu ne’e preve iha dekretu governu atu fasilita di’ak liu tan ita nia eleitór sira iha loron eleisaun, kuandu sira ba estasaun votu sira labele iha fileira ne’ebé naruk tantu iha liur no iha laran”, hateten nia.

Órgaun eleitórál husu ba eleitór hotu hodi bele hakbesik-án ba ida-idak nia suku, postu administrativu no munisípiu atu bele koloka estikér ba kartaun eleitórál hosi STAE.

Nia hatutan kolokasaun ne’e atu tau númeru ne’ebé indikadu ba kada eleitór sira, nune’e lista votante sira sei imprime ho naran eleitór suku nian, kuandu votante tama iha ona estasaun votu, ofisiál sira sei simu kartaun eleitórál hafoin haree lista votante sira hodi hatene lalais votante ne’e iha númeru hira, nune’e bele marka naran no fó bulletin votu hodi nia vota.

Enkuantu, eleitór sira ne’ebé la konsege taka estikér ba kartaun eleitórál mos sei ezerse nafatin direitu votu iha sentru votasaun ida-idak nian iha 22 jullu 2017.

Programa kolokasaun estikér akontese tanba bazeia ba dekretu governu númeru 21, artigu 32 pontu 2 hateten katak STAE koloka estikér ba kartaun eleitór atu fasilita eleitór sira atu bele vota iha sentru votasaun ne’ebé besik hela fatin.

Jornalista: Zezito Silva | Editora: Rita Almeida

Foto: Diretór Jerál STAE, Acilino Manuel Branco

Kontentór Ida Husi Timor South Laiha Autorizasaun Husi Ministériu

DILI, (TATOLI) – Xefe Departamentu Kaptura, Lisensiamentu, Pós-kolleta no Jestaun Kualidade Peska, Ministériu Agrikultura no Peska (MAP), Joni Freitas informa kontentór ida ne’ebé prinxe ho ekipamentu peska ne’ebé hatama husi kompañia Timor South husi Xina laiha autorizasaun husi ministériu, nune’e halo notifikasaun ba Alfándega atu haruka fali bá nasaun orijen.

Tanba tuir lei Alfándega nian katak la re-esporta maka prosesu atu filafali ba propriedade Estadu nian, tanba kontentór ne’e tama mai Portu Dili liu ona tempu ne’ebé determina no bazeia ba dekretu lei númeru 11/2004 iha artigu 63 kuandu liu ona loron 90 automátikamente sasán hirak ne’e afavór ba Estadu nune’e kontentór ne’e Alfándega apreende (foti)  no iha obrigasaun no atu loke hodi hatene sasán saida mak iha laran.

“Ami haree iha motór ró laran rua, motór uza ba transporte hamutuk sia, maibé uluk sira hatete motór sira ne’e dehan sira-nia traballadór mak uza, depois sira dehan atu iha mós motór johnson ho ró, realidade ita haree kontentór laran laiha”, Joni informa iha Portu Dili hafoin Alfándega loke kontentór ida ba Diresaun Jerál Peska no 19 ba Diresaun Nasionál Agrikultura, Ortikultura no Estensaun, ohin iha Portu Dili.

Motór sia ne’e ho marka Dalong no Ginfu nomós hand tractor nune’e automátika Alfándega foti no prosesu ikus mak MAP bá Alfándega hodi halo prosesa kona-ba pagamentu iha Alfándega no sei fó tempu para atu halo prosesu ba ekipamentu ne’e.

Joni relata katak sasán sira ne’e husi Kompañia Timor South Fisheries no konforme sira-nia proposta katak atu halo portu peska nian iha Laleia no parke industriál no fatin sira ne’e atu tau Kay Rala Xanana Gusmão nia naran, despois haree lei no konsulta ho SERVE hatete katak naran ema boot nian labele tau arbiru.

“Mas nia fallansu mak sasán hatama sein autorizasaun tanba ne’e mak ami-nia ministru haruka tenke re-esporta depois kompañia ne’e mos ami hapara, ne’ebé lahalo atividade peska”.

Sobre materiál iha kontentór laran ne’ebé ohin Alfándega loke ona, Diresaun Jerál no Peska sei bele uza maibé sei haree ba prosedimentu legál tanba sasán sira ne’e presiza atu ajuda peskadór sira.

Diretór Nasionál Operasaun Alfándega, Julio José Ximenes hatete kontentór ne’e loke ona no Alfándega sei rejistu no submete ba Ministra Finansa depois sei toma desizaun ikus no kontentór sne’e responsavel Alfándega nian, nune’e kontentór mantein iha Portu.

Bazeia ba dokumentu manifestu sasán ne’e mensiona katak ekipamentu ba MAP nian maibé sobre detallu to’o ohin loron Alfándega seidauk hetan deskrisaun kona-ba materiál sira ne’ebé importa husi Xina ne’e.

Jornalista: Maria Auxiliadora | Editora: Rita Almeida

Foto: Kontentór sira ne’e ida mak tau ekipamentu peska nian no 19 seluk ekipamentu agrikultura nian.

PLP faz teste de força e reúne milhares nos arredores de Díli

Díli, 15 jul (Lusa) - O Partido de Libertação Popular (PLP) do ex-Presidente da República timorense Taur Matan Ruak fez hoje um teste de força, reunindo milhares de apoiantes no principal palco político da cidade, Tasi Tolo, nos arredores de Díli.

Em estreia eleitoral nas legislativas do próximo sábado, o PLP é um teste às críticas que Matan Ruak tem feito à governação dos dois principais partidos, Fretilin e CNRT, servindo ao mesmo tempo para avaliar até que ponto é que, como clamam alguns dos seus dirigentes, este é o partido da juventude.

De facto, nas dezenas de camionetas e veículos que se dirigiram para Tasi Tolo, a grande maioria eram jovens, alguns aparentando até ter menos do que os 17 exigidos para votar, algo que ocorre, também, noutras campanhas.

Muitos dos líderes do partido são da geração 'seguinte' e alguns dos que acompanharam Taur Matan Ruak na Presidência - Fidelis Magalhães, número dois do partido, foi seu chefe de gabinete - dão hoje voz, cor e imagem à campanha do PLP nas redes sociais.

Todos os partidos timorenses, com maior ou menor dimensão, usam as redes sociais na campanha deste ano, mas o PLP parece mais ativo que muitos, com vários ex-jornalistas, que integraram o gabinete de media da Presidência a partilharem fotos, vídeos e textos.

Taur Matan Ruak, 60 anos, é aplaudido primeiro na sede do partido, no centro de Díli, mas a festa ficou reservada para o local do comício onde muitos jovens treparam às árvores para ver melhor, pendurando bandeiras do PLP nos ramos mais altos.

Momentos antes, em maior tranquilidade, 'moradores' tradicionais ensaiavam as boas vindas, de espada na mão, abrindo o cortejo que acabaria por ser uma confusão de festejos, empurrões de jornalistas, seguranças e muitos sorrisos de Matan Ruak.

Houve momentos em que o cabeça de lista do partido - a sua foto foi adicionada ao símbolo do PLP para o boletim de voto - quase desapareceu num mar de gente que vagarosamente vai tentando chegar ao palco.

Antes de subir a meia dúzia de degraus tapados com tapete vermelho, Taur Matan Ruak, a sua mulher, Isabel Ferreira, e outros dirigentes do PLP, são acolhidos por um lian naain, um 'contador de histórias', um transportador da voz lulik.

Dá as boas vindas a Matan Ruak, os dois cumprimentam-se e depois o líder do partido sobe ao palco e dança com a multidão, que salta em celebração e festejos.

Díli, onde a campanha tinha passado, até agora, praticamente despercebida - os partidos percorreram Timor-Leste de uma ponta a outra - viveu hoje um dia agitado, com vários encontros e comícios, incluindo um do CNRT, de Xanana Gusmão e este do PLP.

Foi a primeira vez que o partido mostrou alguma da sua força, com dirigentes a explicarem que se optou por fazer este encontro em Díli, hoje, já que o comício de encerramento será na segunda cidade do país, Baucau.

Baucau é zona forte da Fretilin e o PD sente que pode vencer na cidade, num sufrágio em que cada voto conta, especialmente para alcançar o primeiro objetivo, a barreira de elegibilidade: 4% dos votos válidos ou, aproximadamente, o que se estima serão entre 22 e 25 mil votos.

Se a presença no comício de hoje representar votos o PLP mostrou que vai ser uma voz no próximo Parlamento Nacional timorense.

ASP // FPA

Cidadãos timorenses cresceram mais que os líderes -- Taur Matan Ruak

Díli, 15 jul (Lusa) - Taur Matan Ruak, ex-Presidente da República timorense e líder e uma nova força no palco político de Timor-Leste, disse hoje que os cidadãos timorenses cresceram mais do que os líderes, sobretudo os históricos, a quem deram uma "grande lição".

"Muito mais. Os cidadãos cresceram muito mais do que os líderes, o que me admira. Eu estou muito feliz com isso. Deram uma grande lição aos líderes, sobretudo aos líderes históricos", disse em entrevista à Lusa na sede do Partido de Libertação Popular (PLP) em Díli.

A conversa decorre quando, no exterior da sede, no bairro de Vila Verde no centro de Díli, se amontoam veículos carregados de apoiantes que se deslocam para o comício que o partido tem em Tasi Tolo, nos arredores da capital.

Depois de cinco anos como chefe de Estado, em que percorreu todos os sucos do país (equivalente a freguesias) Taur Matan Ruak diz sentir "orgulho em liderar um partido novo, pequeno, mas que tem toda a força para competir no plano político" em Timor-Leste.

O mote do partido para as eleições legislativas de sábado é "vota pela mudança, vota por uma vida melhor", uma aposta num "novo futuro", mas que mantém os vínculos ao passado.

A imagem de Taur Matan Ruak guerrilheiro, de boina vermelha, cabelo e barba grande - foi o último comandante das Falintil, o braço armado da resistência timorenses - está nas t-shirts de muitos, enquanto a sua foto mais institucional, de fato e gravata e cabelo curto domina o símbolo que surge em 12º lugar no boletim de voto.

O símbolo do partido em si - em que predominam o verde da esperança e o azul "do sonho" - é dominado por um 'lorico', uma catatua, que na mística política timorense está associado à luta contra o poder dominante.

Abílio Araújo - fundador da Fretilin, hoje empresário e que tem acompanhado vários atos de campanha do PLP -, explica à Lusa que a ideia do lorico é, em parte, inspirada num livro seu sobre os "loricos que voltaram a cantar".

A ideia, disse, é que os loricos que se esconderam depois do falhanço das lutas contra a administração portuguesa, ressurgiram depois em 1974 com a Fretilin e o seus ideais.

"O PLP considera que esses ideais, esses programas, esses valores, não foram concluídos. E que por isso devemos retomar os valores de 1974/75. Esta é uma nova vaga de loricos", disse.

Com o ex-guerrilheiro e ex-Presidente estão alguns outros ex-combatentes, incluindo o mítico L-7, Cornélio Gama ou "Jibóia Grande", um homem que garante que a 25 de julho de 1989, algures na montanha da ponta leste de Timor-Leste, lhe apareceu S. José.

A visão levou-o a fundar a Sagrada Família, organização que se tornou mítica no país, ainda que nem sempre por bons motivos.

Hoje diz que está com Matan Ruak. "Sempre estivemos ao lado um do outro. Durante 24 anos unidos" a lutar contra a ocupação indonésia. O PLP, explica à Lusa, é o "partido do futuro" que "quer libertar o povo".

Taur Matan Ruak insiste que os Governos até aqui têm falhado "em muitos aspetos", pecando porque "concentram demasiado o poder, os recursos e os privilégios".

O povo, disse, quer "ver resolvidos os seus problemas imediatos, básicos, que afetam a vida no dia-a-dia e depois querem ser parte do processo da construção do país, do desenvolvimento económico do país".

"Essas são as exigências mais básicas que a população tem insistido junto de mim durante o meu mandato nos últimos cinco anos", insiste.

Sem querer tecer grandes comentários sobre potenciais resultados eleitorais ou cenários, Matan Ruak diz que "vitória é o povo participar nas eleições e determinar o seu futuro", ainda que deixe no ar o cenário que considera adequado.

"Já deram o privilégio à Fretilin de governar cinco anos, o CNRT governar e os dois partilharem os últimos 10 anos. Eu acho que é a vez do PLP governar nos próximos cinco anos", disse.

Aceitar ou não participar num Governo de inclusão é que "apesar de não ser impossível" parece "mais difícil", especialmente por considerar haver "grande diferença nos programas do seu partido e das forças mais fortes, CNRT e Fretilin.

"O PLP opta por resolver, atender, responder às necessidades básicas, enquanto CNRT e Fretilin concentram-se em dois grandes polos de desenvolvimento, Oecusse e costa sul", disse.

ASP // FPA

CAMPANHA ELEITORAL | Ir ao centro comercial apelar aos jovens para votar

Díli, 16 jul (Lusa) - Selfies, dois jovens animadores, jogos e até música K-Pop, tudo serviu hoje para tentar convencer, no único centro comercial de Díli, jovens eleitores a participarem nas eleições legislativas de sábado em Díli.

A menos de uma semana do voto, o objetivo é promover a participação eleitoral - a abstenção nas presidenciais de 20 de março foi de quase 29% - especialmente dos mais jovens, mais alheados da política e, por isso, potencialmente mais abstencionistas.

"Jovem Vota" é o nome do programa de sensibilização e educação de jovens eleitores para a importância de exercerem o seu direito ao voto no próximo sábado, quando os timorenses votam para eleger os 65 membros do Parlamento Nacional.

O programa, que foi gravado no espaço central do Timor Plaza, o único centro comercial de Díli, vai ser agora retransmitido pela televisão timorense até ao dia do voto.

Estas são as primeiras eleições legislativas que as autoridades timorenses organizam sem assistência técnica internacional, nomeadamente das Nações Unidas, ainda que várias instituições e organizações internacionais promovam vários programas, nomeadamente este.

A iniciativa é, neste caso, um esforço conjunto do Secretariado Técnico de Assistência Eleitoral (STAE) e do projeto Learn do Programa das Nações Unidas para o Desenvolvimento (PNUD), com assistência dos governos do Japão e da Coreia.

Andrés del Castillo, chefe do projeto de assistência eleitoral da ONU em Timor-Leste, recordou à Lusa que este é o primeiro voto em que participam jovens que nasceram em 2000 - no país vota-se a partir dos 17.

"São os primeiros jovens que votam que nasceram depois da ocupação indonésia. Pessoas que não viveram nas guerras", disse.

Os jovens até aos 30 anos representam hoje mais de 51% do eleitorado e, por isso, a sua participação é, não só crucial, mas determinante para o resultado do voto de sábado.

"Perguntas, jogos e outras estratégias para explicar aos jovens o que precisam para votar, mas também porque é importante para eles e para o país que votem", disse Castillo.

"Explicamos também o processo de votação, o escrutínio dos resultados e como decorre o processo", afirmou.

As urnas para a votação legislativa de sábado estão abertas entre as 07:00 e as 15:00

ASP // FPA

BNU lança primeiros cartões de crédito do sistema bancário em Timor-Leste

Díli, 16 jul (Lusa) - O BNU, sucursal da CGD em Díli e maior banco em Timor-Leste em depósitos e créditos, lançou este fim de semana os primeiros cartões de débito e crédito do país que podem ser usados em todo o mundo.

"É um novo passo em frente numa dinâmica que responde à evolução e ao crescimento de Timor-Leste", explicou Fernando Torrão Alves, diretor do BNU no lançamento dos cartões.

"Apesar de o mercado ser pequeno, efetuámos investimento muito significativo, o que nos permite hoje dizer que em Timor já existem cartões VISA de crédito e de débito", referiu.

Até agora, quando um residente de Timor-Leste se deslocava ao exterior, tinha de levar dinheiro ou fazer transferências para contas noutros países para ter acesso aos seus fundos em contas timorenses.

Para já, e por motivos de segurança, os cartões vão ser fabricados em Portugal, antecipando-se que os primeiros possam ser entregues aos clientes dentro de um mês.

Torrão Alves explicou que o lançamento dos cartões é mais um passo num ciclo de investimentos que começou em 2010 e que, disse, "tem contribuído para a mudança do mapa bancário timorense, alterando de forma acentuada hábitos, processos, e, sobretudo, dotando as estruturas do BNU de instrumentos fundamentais para uma viragem histórica deste percurso".

Entre esses passos destacou a abertura de mais seis agências, com a rede a chegar hoje a 12 dos 13 municípios do país - a de Same abre no próximo - e a modernização das existentes.

Criou ainda uma rede de canais eletrónicos para garantir a cobertura nacional da rede LOOS24, equivalente ao multibanco português, estando a funcionar cerca de 80 unidades de pagamento por cartão (POS) nos principais estabelecimentos comerciais - restaurantes, hotéis, supermercados, clínicas e estações de serviço.

"Hoje podemos afirmar com satisfação que se fazem mais do dobro de transações em ATM e POS do que nos caixas das agências", disse Torrão Alves.

Recentemente, o BNU começou a instalar o "primeiro sistema de validação biométrica digital nos processos de levantamento de numerário aos balcões", tendo já condições para responder a "todo o tipo de necessidades de crédito".

Com um universo de cerca de 70 mil clientes, o BNU tem atualmente 40 caixas de multibanco em Timor-Leste, com presença em 12 dos 13 municípios (o último será concluído este ano), empregando 126 funcionários timorenses e sete internacionais (entre eles a direção geral).

Primeiro banco a instalar-se em Timor-Leste e o banco mais antigo a operar no território, o BNU, que faz parte do Grupo Caixa Geral de Depósitos, abriu a primeira agência em Díli em 1912, na capital timorense, Díli, começando três anos depois a circular as primeiras notas privativas para Timor-Leste.

ASP // FPA