Institusaun Mak Responsabiliza Kazu Tiru Mate Luis Ramos Laos Individu

DILI – Kazu tiru mate matadalan Komando Operasaun Konjunta (KOK) Luis Ramos iha semana kotuk, hosi membru F-FDTL balu nee institusaun mak tenke responsabiliza laos individu.

Tuir Dosente Universidade Nasional Timor Leste (UNTL), Matias Boavida, ba jornalista sira iha uma fukun Parlamentu Nasional (PN) Kinta (9/07) hatete F-FDTL no PNTL halao servisu Nasaun nian neebe mak hetan apoiu masimu hosi governu, tanba nee institusaun F-FDTL mak tenke responsabliza laos individu membru F-FDTL neebe mak tiru mate Luis Ramos.

Saida mak membru F-FDTL halo iha Baguia neeba laos tanba nia hakarak no operasaun HANITA nee halo iha rejolusaun hosi governu nomos PN no sira ba iha neeba (Baucau) halao ordem neebe mak iha tanba nee iha sala ou kulpa balu neebe mak akontese nee kulpa institusaun nian no institusaun mak tenke responsabiliza labele lori fali ema ida halao servisu nee ba fali tribunal nee lalos,” hatete Matias.

Nia mos hatutan ema hotu sei lakohi halo servisu kuandu halao servisu estadu nian no iha problema individu mak ba hatan fali iha Tribunal, nee la los tanba membru F-FDTL no PNTL neebe mak halao servisu iha Baucau bajeia ba rejolusaun no ordem laos lao servisu privadu.

Iha fatin hanesan Deputadu, Eladio Faculto, mos hatete katak nia apoiu deklarasaun neebe mak fo sai hosi Maijor General F-FDTL Lere Anan Timur, neebe mak sei defende membru F-FDTL neebe hakotu ona Luis Ramos nia vida. Informasaun kompletu iha STL jornal no STL Web, edisaun Sesta (10/7/2015). Thoams Sanches

Suara Timor Loorosae

OPERASAUN KONJUNTA TARZETU GOVERNU LORI FILA MAUK BA JUSTISA

DILI - Operasaun Konjunta nebe halao husi Parte defeza no seguransa iha parte Leste, tarjetu governun nian mak atu lori fila Paulino Gama Alias Mauk Moruk ba iha dalan justisa, tamba oras nee justisa buka hela.

Tuir Primeiru Ministru Rui Maria de Araujo katak kestaun tempu laos problema targetu nee laos tempu, maibe terjet nee tenki lori fila fali ema nebe justisa buka lori fila mai justisa nee mak tarjetu governu nian.

Kestaun tempu laos problema, target nee laos tempu maibe terjet nee tenki lori fila fali ema nebe justisa buka lori fila mai justisa nee mak tarjetu governu ninian,” dehan Rui ba Jornalista Kinta (09/07/2015) iha Palasiu Prezidensial Nicolao Lobato.

Rui esplika tan katak responsabilidade institusional laiha komentariu ba ida nee prosesu investigasaun lao hela depois hare no tenki hare lolos faktus sira nebe mak iha lao tamba institusaun halo ona investigasaun.

Vice Xefi Estadu Maior Falintil Forsa Forsa Defeza Timor Leste (F-FDTL), Brigadeiro General Filomeno Paixao katak operasaun nee laiha Deadline, maibe Operasaun Konjunta kontinua halo presegisaun ba Mauk Moruk too halo kapturasaun. Informasaun kompletu iha STL jornal no STL Web, edisaun Sesta (10/7/2015). Timotio Gusmao

Suara Timor Lorosae

Kazu KOK Tiru Povu, Familia Hasoru Taur Ejiji Konsidera Vitima Servi Estadu

DILI - Familia Vitima Luis Ramos hasoru malu ho Prezidente Republika Taur Matan Ruak, hodi husu estadu atu tau matan ba feto faluk no oan kiak, no estadu konsidera vitima mate servi ba estadu.

Bazea ba Ajenda neebe mak iha Prezidente Republika Taur Matan Ruak halao Enkontru ho Administrador Postu Administrativu Baguia Munisipiu Baucau Antonio dos Ramos, maibe Administrador nee mos lori Famila Vitima Luis Ramos ninian.

Tuir Administrador Baguia, Munisipiu Baucau, Antonio dos Ramos Katak objeitvu hasoru malu ho Prezidente, hodi koalia ho prezidente atu estadu tau matan ba feto faluk no oan kiak husi vitima Luis Ramos.

Ami familia nia ejijensia mak hare vitima ninia feto faluk no oan kiak, prosesa krime nee tuir lei no mos konsidera vitima hanesan servisu ba estadu, vitima nia oan nain lima, oan primeiru tinan 13 no ikun tinan 1 resin,” dehan Antonio ba Jornalista Kinta (09/07/2015), iha Palasiu Prezidensial Nicolao Lobato.

Nia Esplika tan katak vitima mate laos tarjetu husi komandu operasaun konjunta no laos povu bai-bain mak hetan dezastre ida, maibe vitima mate tamba halo mos koperasaun ho forsa sira to ikus la espera atu akontese ida nee.

Hatan ba Prekupasuan nee Prezidente Republika Taur Matan Ruak sei koalia ho Primeiru Ministru Rui Maria de Arajo, hodi hare ejijensia familia vitima ntamba vitima neebe mate laos tarjeitu husi operasaun nee. Informasaun kompletu iha STL jornal no STL Web, edisaun Sesta (10/7/2015). Timotio Gusmao

Suara Timor Lorosae

GOVERNU SEI BUKA SOLUSAUN REZOLVE PROBLEMA IHA PORTU

DILI - Ministra Finansas, Santina Cardozo hateten governu pronto rezolve problema ne’ebé importador sira hasoru iha Portu  realsiona ho prekupasaun seitor privadu nian kona ba serbisu portu ne’ebé prejudika demorait sasan hodi halo ajensia sira ne’ebé serbisu iha portu aplika adisonal cost ne’ebé sae makas ba empreza importador sira.

Ministra Finansa hatete ida ne’e hafoin hasoru malu ho empreza importador ne’ebé lidera husi Camara Comersio Industria Timor-Leste ne’ebé hasoru malu ho nia hodi deskute kona ba problema refere. 

“Ohin Camara Comersio Indutria Timor-Leste nian sira husu runiaun ida ho Ministeriu Financas liu-liu hakarak ajuda governu atu bele rezolve problema ne’ebé mak CCI-TL hasoru intermos de gestaun portuariu nian ne’ebé ita hatene katak dala ruma kontainer sira ne’e sei atrajadu, ida ne’e mak asuntu ne’ebé mak Camara Comersio Industria hasoru hau atu bele hato’o mos sira nia prekupasaun nomos kontribuisaun idea balun ne’ebé mak bele mos kontribui oinsa governu ho institusaun sira ne’ebé mak serbisu iha portu atu bele iha kordenasaun diak liu tan hodi nune’e fo pertasaun diak liu tan ba ita nia seitor privadu sira liu liu oinsa bele cliner kontainer sira ne’e bele tuir tempu tanba kuandu kontainer sira ne’e atrazado liu sira tenki selu demorait,” dehan Ministra Finansas Santina Cardozo ba BT iha iha nia knar fatin Ministeriu Financas tersa-feira(01/07).

Nia afrima katak durante ne’e sasan sira demorait iha portu hodi halo empreza sira selu demorait no empreza sira hasae sasan tanba sira tenke tau fila fali ba iha sasan sira ne’ebé mak sira faan ba povu,. “Entaun ida ne’e atu diminui kustu ne’e sira mos fo kontribuisaun oinsa atu bele hadia diak liu tan jestaun iha portu nian, hau mos esplika ba sira katak hanoin sira ne’e ministeriu finansas iha hela liu-liu governu oinsa reforsa koordenasaun institusaun ne’ebé mak serbisu iha area portu nian,” afirma Santina.

Nia mos informa katak kona ba problema portu nian  laos deit Alfandega deit maibe iha identidade barak hanesan transporte maritime, transporte tereste, agrikultura, karantina ho alfandega rasik. Tan ne’e nia dehan iha tempu badaka sei enkontru ho linña ministeriu no atu serbisu hamutuk oinsa simplifika kontainer ne’e bele sai husi portu. “Sasan sira barak iha ne’eba entaun difikulta kontainer sira ne’ebé foun too tan ne’e ami hanoin atu utiliza dry port ne’ebé mak foun iha tasi tolu oinsa mak atu utiliza no sira fo kontribuisaun no ida katak se utilize dray portu tasi tolu transporte bele estraga estrada no hau simu impot sira ne’e entaun sei runiaun ho governu laran entre ministerial atu hare took solusaun saida mak ami bele halo hodi bele serbisu hamutuk ho diresaun sira seluk atu bele simplifika hodi bele fasilita seitor privadu atu bele hasai sira nia sasan sira ne’e,” dehan Ministra Finansas. (BT)

Business Timor - Pedro

MORAS MENTAL AFEITA MAK’AS LIU BA FETO SIRA

DILI - Xefe Departamento Conflito Doencas não Contazioza, Herculano Seixas dos Santos hateten numeru  moras mental  ne’ebé rejistu ohin loron hamutuk 2019 no husi numeru ne’e maioria feto. Nia dehan moras metal barak liu afeita ba feto, tanba moras ne’e  jeralmente diskoñesidu ka bolu  dehan idiopatika  nia  risku negativu hodi hamosu moras mental ne’e rasik.

Tuir dadus ne’ebé maka rekoila, pasiente ne’ebé mak durante halo  tratamentu iha 12 Munisipiu inklui mos Zona Especial Oe-Cuse iha tinan 2015 total hamtuk  2019 ne’e barak liu  feto sira. “Moras mental mosu ne’e hanesan stress, haree buat ruma hakfodak trauma no situasaun anterior,  ne’e bolu dehan stres pizorde, maibe iha parte seluk mos dala ruma sira nia nutrisaun la dun diak ne’e mos bele risku ida atu hetan moras mental, dala ruma sira nia fisika,hanoin la dun diak, tanba saude  mental  kona ne’e tanba ruma sira invole an ba alcohol no droga,” dehan  Herculano ba jornalista sira tersa 30/06 iha Institute Ciencias Saude (ICS) Komoro Dili.

Tuir dadus ne’ebé rekola kona-ba moras epelipsia iha munisipiu 4 hanesan Bobonaro, Manufahi, Dili  no Ermera ne’e atinze 30% no konsege hetan tratamentu husi parte Saude. Nia esplikatan katak, kona-ba  aimoruk ne’ebé mak atu  fasilita   ba moras mental no epilepsia hetan iha saude iha  Timor-Laran tomak fasilidade ba saude,  agora dau-daun  iha ona sentru treinamento ba moras mental, kuando ema  moras mental sira bele ba baixa klinika Tibar durante fulan tolu(3) nia laran wainhira sira  rekopera diak entaun doutor sira intrega hikas ba familia.

“Ami mos serbisu hamutuk ho Pradet atu estabelese psikolozia sosial ne’ebé maka kontribui  ba paseinte sira  hetan moras mental no epilepsia iha Municipiu Dili, tanba ne’e mak husu ba lideransa no  komunidade sira  atu  kontinua nafatin halo promosaun prevensaun tramentu diak atu bele ajuda ita nia  saude pessaol sira hodi fasilita ita nia komunidade sira ho diak  liu-liu ba sira ne’ebé mak hetan moras saude mental ne’e,” nia esplika. Nia dehan workshop refre bele kontribui ba  hasae kapasidade saude  sira nian atu nune’e sira bele  aumenta sira nia  kunesmentu ne’ebé diak liu tan, hodi halo  tratamento diak ba komunidade sira ne’ebé mak sofre moras mental no epilepsia. (BT)

Business Timor - TiNa

FEOTL HALAO TESTE BA ATLETA NAIN 8

DILI - Federasaun Espesial Olimpic Timor-Leste (FEOTL) halao tese ba atleta nain 8 hodi prepara ba partisipa eventu Internasional Wordl Summer Games Espesial Olimpic iha Los Angel fulan Julhu tinan ne’e. Prezidente Federasaun Espesial Olimpic Timor-Leste (FEOTL), Maria Domingas Fernandes Alves hatete, agora dadaun federasaun halao hela tese ba atleta nain 8 durante loron 19 hodi halo preparasaun, antes  partisipa eventu internasional Wordl Summer Games Espesial Olimpic ne’ebé iha jogu espesial olimpic ne’e sei partisipa nasaun hotu ne’ebé ejisti iha mundu no eventu ne’e sei realiza iha dia 21-29 fulan Julhu tian ne’e.

“Wainhira iha 2011 ami partisipa eventu ne’e iha Grece atleta sira konsege hetan medalia emas ida, husi atleta feto ho modalidade Bocher no mane husi modalidade atletizmu, tanba jogu espesial olimpic jogu ida ne’ebé ema hotu-hotu tenki manan, mais kuandu ita manan ho medalia  euro ne’e signifika ita halo esforsu bo’ot ida hodi manan tan medalia bronjong no prata, mais jeralmente mesmu ke hetan ultimu lugar mos hetan fita, maibe durante ami ba partisipa iha kualker  eventu atleta sira sempre hetan medalia, euro, bronjong no prata,”dehan Maria.

Nia hatutan, durante ne’e sira halo preparasaun ba atleta modalidade tolu hodi kompete iha eventu internasional Wordl Summer Games Espesial Olimpic, kompostu husi modalidade Shoker, Bocher no atletizmu. Maibe iha tinan ne’e nia dehan komisaun organizadora ejisti deit modalidade rua mak bele partisipa iha eventu refere, kompostu husi modalidade  atletizmu no bocher. Entertantu orsamentu ba eventu internasional Wordl Summer Games Espesial Olimpic hetan apoiu husi Sekretaria de Estado joventude no desportu  (SEJD)  ho montante $. 150,000.00 inklui Ministeriu Solidaridade Sosial (MSS) ho montante $. 40,000.00. Iha fatin hanesan Treinador modalidade Atletizmu, Fernando da Costa  imforma, durante nia fo treinu  atleta sira iha vontade diak hodi esforsu treinu, ne’e dunik liu husi vontade ne’ebé nia sempre akompañia husi atleta, nia garantia katak  sira sei lori medalia rua ou tolu mai Timor-Leste. (BT)

Business Timor - Abilio

TAUR: TL TENKI KONSISTEN INVESTE IHA FUTEBOL

DILI - Prezidente da Republika Timor-Leste, Taur Matan Ruak husu Sekretaria Estadu joventude no Desportu (SEJD) hahu agora tenki konsisten ba planu ne’ebé bele fo benefisiu, hodi investe iha futeball  iha Timor-Leste hodi kompete ho nasaun seluk.

“Hau fo parabens ba komite 12 novembru no komisaun tomak ne’ebé sei iha inisitiva hodi realiza copa ida ne’e, hau hakrak hatene  agora dadaun politika saida mak timor implementa iha desportu? Atu hases  joven sira  husi komflitu ka ou ita atu halo desportu  hanesan industria? Perguntas ida ne’e hau husu ba imi hotu no Sekretaria de Estado atu hili liafuan rua ne’e hodi ita eskolha ida para bele investe,se imi husu Prezidente Republika nia hanoin mak saida? Hau hakarak Timor-Leste kompete ho Portugal hodi kria Cristiano Ronaldo iha timor”dehan Prezidente da Republika Timor-Leste Taur Matan Ruak iha diskursu abertura eventu Copa 12 Novembru, tersa (30/06) iha estadiun municipal Dili.

Taur esklarese,  komesa agora ba oin timor tenki prontu produs jogador ho kualidade diak para hodi investe, atu nune’e tinan sanulu ba oin Timor bele kompete iha Asia no bele tama iha Europa,.  Nia fiar katak Sekretaria de Estadu Desportu sei hanoin ida ne’e tanba Timor foin ukun an tinan sanulu resin mesmu iha difikuldade oi-oin, maibe bele koko ona nasaun barak. “Agora kestaun tenki husu ba ida-idak nia an timor hakarak dunik no bele glae? se bele entaun tenki hahu agora hodi serbisu tuir planu ho konsisten atu nune’e la bele abandona,”dehan Taur.

Taur  mos husu ba jogador sira atu la bele halo inimigu ba malu no tenki prontu simu manan no prontu mos atu simu lakon. Iha fatin hanesan Prezidente Komite 12 Novembru Grigorio Saldanha hatete, komisaun realiza eventu Copa 12 novembru ba dala tolu ho objetivu atu kontinua promove talentu futebal iha Timor-Leste, tanba futebal mos parte ida atu hadia ema nia saude. Nia husu ema hotu tenki fo atensaun ba futebal hodi nune’e timor bele kompete ho diak iha eventu internasional, agora ba oin Copa 12 novembru sei realiza tinan-tinan alende de selebra loron istoriku.

Entertantu  Sekretaria de Estado Joventude no Desportu (SEJD), Leovigildo da Costa Hornai  sublinha, VI governu konstituisional fo perioridade liu ba inisiativa ka hanoin diak iha eventu sira ne’ebé hakarak promove jogador maske defaktu timor tenki lao neneik. Nia dehan durante nia mandatu tinan rua nia sei halo esforsu tomak hodi hatur politika ida ho lolos ba desportu hodi implementa iha futuru. 

“Governu kompremetivu atu halo parseiru ho parte hotu-hotu, hodi nune’e oinsa bele promove futebal ho diak liu tan no oinsa bele hetan jogador ne’ebé ho kualidade diak hodi kompete iha selesaun nasional para depois bele hamorin  Timor-Leste iha mundu, ne’e dunik iha tempu badak mos ami sei lansa eventu liga amador, tanba ne’e hau husu ba timoroan hotu atu serbisu hamutuk hodi lori futebal Timor-Leste ba oin” dehan Leo.

Entertantu iha jogu abertura ne’ebé klubu Dili Weste kontra klubu Parlamentu Star, klubu Dili Weste manan ho skor 6-0. Iha biban ne’e komisaun organizadora mos anunsio katak, sira sei identifika jogador sira iha eventu ne’e hodi  prepara ekipa selesaun ida para kompete iha eventu 12 de novembru ne’ebé sei realiza iha fulan Novembru tinan ne’e. (BT)

Business Timor - Abilio

FFTL DELEGA ARBITU TIMOROAN NAIN 2 BA BRUNEI

DILI - Relasiona ho formasaun arbitrazen ne’ebé semana liu ba realiza iha Federasaun Futebal Timor-Leste (FFTL), Struktura FIFA konsege hili formandu nain rua ba tuir fitnis test iha Brunei Darusalem hodi prepara ba eventu Festival  Internasional ne’ebé sei realiza iha fulan Agustu tinan ne’e iha Timor-Leste.

“Relasiona ho treinamentu arbitu ne’ebé realiza iha semana liu ba mak stuktura  FIFA rekomenda formandu ho naran Wahyudin Saputra Nurdin husi assosiasaun munisipiu Manufahi tanba nia konsege prense kriteria arbitu no hatene koalia Inglesh inklui skill ne’ebé nia iha, entertantu formandu ho naran Francisco husi munisipiu Dili rekomenda husi federasaun tanba, antes Francisco pasa ona iha fitnis tes  ne’ebé halao husi federasaun iha timor, ne’e dunik sira nain rua  sei halo teste dala ida tan iha Brunei Darusalem hodi reprezenta arbitu Timor-Leste,” Diretór departementu Arbitrazen Federasaun Futebal Timor-Leste (FFTL), Alazio da Silva hateten ba BT iha edifisiu FFTL foin lalais ne’e. 

Nia dehan, FIFA rekomenda arbitu nain rua hodi ba tuir fitnis tes  arbitu nian iha Brunai Darusalem, ne’e dunik sekarik sira nain rua teste sira sei partisipa kedan eventu festival internasional iha Brunai Darusalem ne’ebé sei realiza iha fulan Agustu tinan ne’e no se sira nain rua la liu iha teste ne’e sira nain rua sei fila hikas mai Timor-Leste. “Antes loron lima hahu teste ne’e sira tenki iha ne’eba ona atu nune’e bele halo preparasaun diak liu tan, tanba se pasa sira lansung ba hu apitu iha eventu festival internasional ne’e,” dehan nia.

Nia informa propostaFIFA nian husu nain ida deit maibe, Struktura FIFA/formador haruka nain rua para nune’e hodi sira bele  komversa hamutuk, ne’e dunik iha tempu besik federasaun sei bolu fali sira nain rua hodi halo preparasaun ba dokumentus inklui buat seluk, tanba agora dadaun Departementu Arbitrazen hakarak promove arbitu ne’ebé ho idade ki’ik. Alazio imforma, kriteria ba sira nain rua mak permeiru tenki tuir fitnis tes hodi  pasa no depois sira tenki hatene koalia ituan lian inglesh, maibe importante liu mak sira tenki pasa iha fitnis tes atu nune’e sira bele hu apitu iha eventu Festival Internasional, Brunei Darusalem. (BT)

Business Timor – Abílio

XANANA HATAMA KAZU KKN IHA 2013, KAK REKOMENDA ONA BALUN BA MP

Komisaun Anti Korrupsaun (KAK) rekomenda ona kazu Korrupsaun, Koluzaun no Nepotismu (KKN) balun ba Ministeriu Publiku (MP) relasiona ho dokumentus mahar ne’ebe maka eis Primeiru Ministru (PM) Xanana Gusmão, lori rasik ba entrega iha KAK.

Iha loron 7 Julhu 2013, eis PM Xanana Gusmão, lori dokumentus importante ne’ebe mahar tebes ba entrega diretamente ba eis Komisariu KAK, Aderito de Jesus Soares ho nia Adjunto Manuel Bucar Corte Real.

Dokumentus indikasaun KKN maka mosu iha Governu Aliansa Maioritariu Parlamentar (AMP), iha relasaun mos ho projetu konstrusaun ba ponte Comunidade dos Paises das Lingua Portuguesa (CPLP) ne’ebe maka ezekuta husi CNT (Concorçio Nacional Timorense) ho nia perseiru WIKA ho mos projetu rehabilitasaun estrada iha Dili laran hodi prepara ba eventu Simeira CPLP iha Dili.

Responde ba prosesu estudus KAK nian ba dokumentus sira ne’e to’o ona iha nebe no nia progresu oinsa ona, Adjunto KAK Manuel Bucar Corte Real, hateten, KAK apresia tebes vontade Governu nian ne’ebe maka aprezenta dokumentus importante lubuk ida iha KAK durante ne’e.

“Ami halo tuir kna’ar ne’ebe mak iha depois dokumentus ne’ebe mak ami haree katak, sei iha duvidas ami halo klean liu tan, ida ne’e mak agora ami hatama tiha ona ba MP,” hateten Manuel Bucar ba jornalista hafoin hasoru malu Prezidente Republika (PR), Taur Matan Ruak, iha Palasiu Prezidente, Tersa (7/7/015).

Manuel Bucar Corte Real esklarese katak, kazu ne’ebe maka’as liu iha Timor Leste (TL) mak abuzu poder no partisipasaun ekonomia. Maibe, iha prosesu investigasaun nian tenki respeitu mos ba segredu justisa.

“Ita la bele derepenti bolu ema ida mai halo, mas ita tenki haree lai dala ruma keta keisa ne’e la los, se’e keisa ne’e los prontu ita iha dalan legal ba iha MP hodi halo akuzasaun no lori ba julga iha Tribunal,” esplika Manuel Bucar.

Sei Promulga Lei Estatutu Anti Korupsaun

Liu husi sorumutu ho Xefi Estadu mos fo atensaun maka’as ba lei estatutu no lei organika anti korupsaun nian.

“PR ohin hato’o katak, ninia lei ne’ebe mak hatun ba nia kna’ar, nia haree iha aspeitu legal Konstitusional, tanba ida ne’e mak nia hateten katak, estatutu lei organika KAK nian I senti la susar, se to iha sira nia meja ona PR bele fo nia atensaun enerjia maka’as para bele promulga,” esplika Adjuntu Komisario KAK, Manuel Bucar Corte Real.

Nia dehan, KAK laos deit iha investigasaun mas fo atensaun maka’as ba parte prevensaun nian.

“Ita nia osan kada tinan ezekuta bo’ot teb-tebes, tanba ida ne’e mak ita hotu hatene katak, buat balun ladun diak, tanba ida ne’e mak presiza teb-tebes KAK nia prezensa para bele fo atensaun maka’as ba buat ne’ebe ladiak,” afirma Manuel Bucar.

Liu husi audensia ne’e   iha pontu intersante rua mak Komisario KAK Aderito Tilman ho Adjuntu KAK Manuel Bucar Corte Real informa ba PR Taur Matan Ruak.

“Premeiru kona-ba ami nia estattu anti korupsaun nian no reziki kareira aprova tiha ona iha Konselhu Ministru (KM) iha fulan Juni, ami espera katak, sei hato mai iha Presidente nia meja pra oinsa bele halo promulgasaun, “ dehan Manuel Bucar Corte Real.

Manuel Bucar Corte Real dehan, pontus importante sira ne’e mak presiza atu tau konsiderasaun iha lei organiku KAK nian hanesan kona-ba rezimi kareira nian no remoderasaun, depois ajustamentu ba iha rezimi foun nudar Polisia Kriminal Espesializada nian.

Manuel Bucar Corte Real hatutan, segundu parte kona-ba kontributu ne’ebe KAK halo kona-ba proposta lei Anti Korupsaun nian.

“Ita hatene katak, proposta Anti Korupsaun ne’e hato’o tiha ona iha Parlamentu Nasional desde tinan 2010 ne’ebe mak hato’o husi eis Prokurador Jeral Republika Sr. Ana Pessoa Pinto, mas agora kaduka tiha ona. Mas husi KAK prepara tiha ona kontributu ida, se’e karik proposta lei Anti korupsaun tau iha kosiderasaun Parlamentu Nasional (PN) ami sei hato ami nia kontributu ne’e ba iha PN katak, depois ami hato karik, ami sei hato kopia ida mai PR para bele halo ninia apresiasaun,” tenik Manuel Bucar. avi

Jornal Nacional

KOMISAUN PROMOSAUN DEVIZA ENTREGA ONA BA PNTL

Prezidente Komisaun ba Promosaun Deviza Polisia Nasional Timor-Leste (PNTL), Isabel Ferreira iha intervensaun Seremonia despedida ho Polisia Nasional Timor Leste (PNTL) hatete, komisaun promosaun deviza intrega ona ba Komando Jeral PNTL.

“Ha’u mak lidera hamutuk ho Komisario Afonso, Dr.Anacleto no Madre Guilermina ikus liu sekertariado mak lidera to’o entrega fali ba komando tamba agora tama ona iha faze normal ne’ebe komando mak sei lidera, karik iha formasaun ruma, husi PNTL maka lidera rasik tuir lei haruka,”hateten Primeira Dama Isabel Ferreira, iha diskursu, Sesta 03/07/2015, iha Quartel Jeral PNTL, Kaikoli, Dili.

Iha oportunidade ne’e mos lahaluha, Primeira Dama agredese ba apaiu husi ekipa tekniku no Komando Jeral PNTL, depois 2010 remata mak harii fali komisaun akompañamentu promosaun deviza ba PNTL ne’ebe atu haree iha faze implementasaun.

Primeira Dama hatutan, servisu ne’e bele finaliza tamba tuir saida mak politiku sira hakarak liu liu IV Governu konstitusional ne’ebe iha kompromisio ida hakarak halo reforma setor seguransa liu liu ba area PNTL.

“Fo fiar mai no ami hala’o, esforsu ne’e la’o diak tamba iha koperasaun diak husi komando PNTL desde lideransa Komisariu Afonso to’o agora, agradese mos ba ekipa tekniku husi sekertariado, agredese mos ba Komando Jeral PNTL ba apoiu hotu hahú komisaun ne’e to’o lideransa agora, rekoñese visto nebe ami iha maibe ha’u hakarak hatete ida ne’e ami la husu,”dehan Pimeira Dama tan.

Primeira Dama reforsa liutan, komisaun ne’ebe mak la’o ona hanesan mehi ida atu hametin instituisaun PNTL sai institusaun ne’ebe forte, kredivel ho ema ne’ebe profesional, ida ne’e mak sai hanesan orgolhu bo’ot ba Timor oan hotu.

“Se ita hakarak hametin paz no estabilidae iha nasaun ne’e depende mos PNTL entaun PNTL iha misaun ida importante. Tamba PNTL hanesan mata dalan ba sidadaun hotu,”Primeira Dama enkoraza.

Nia hatete katak, PNTL iha misaun importante tamba hanesan sidadaun ou ema ne’ebe servisu iha institusaun seguransa nian dala barak la valoriza papel ida ne’e, hanoin tama servisu tamba deit salariu ou pozisaun ida, ida ne’e la valorisa didiak servisu, tanba fatin Instituisaun ne’e hanesan fatin ka mahon ba povu no nasaun.

Iha fatin hanesan, Komandante Jeral PNTL Komisariu Julio Hornai iha nia diskurso hatete, lori Instituisaun PNTL nia naran agredese bo’ot ba presidente komisaun ho ekipa tomak maske iha protesta barak ladun kona komisaun promosaun nia laran husu deskulpa.

Ami hotu rekoñese komisaun nia servisu maka’as no pasiensia bo’ot hasoru prosesu bo’ot ne’e no konsege halo promosaun ba postu 12 ba membrus PNTL instituisaun PNTL ida ne’e, iha 2012 halo promosaun ekstraordinariu hodi kompleta nesesidade strutura PNTL nian.

“Entrega mai fali ami PNTL atu hahú ida ne’e mak ami sente hanesan buat ida importante maske komisaun la eziste ona, maibe ami sei husu nafatin apoiu atu bele fo hanoin idea ba komisaun ne’ebe PNTL rasik sei harii,”dehan Julio Hornai.

Julio Hornai ho esperansa bo’ot esklarese foin atu hahú ho promosaun ida ba PNTL, ida ne’ebe la’o dadauk, ho esperansa bo’ot ida iha prosesu ne’e bele la’o diak.Nes

Jornal Nacional

SEGURANSA SIVIL XANANA DUNI MEMBRU PN – GOVERNU HUSU DESKULPA

Membru Parlamentu Nasional (PN) lamenta ho atetude seguransa sivil nain tolu (3) Ministru Planeamentu Investimentu Estratejiku (MPIE), Kay Rala Xanana Gusmão ne’ebe duni deputada Albina Marçal Freitas ho deputada Olinda Morais, wainhira atu hasoru eis Primeiru Ministru (PM), Kay Rala Xanana Gusmao.

Akontesimentu ne’e akontese iha loron 1 Julho semana kotuk ne’e membru PN konsidera seguranasa sivil halao knar la ho profesional.

“Iha semana 2 liu ba Hau hakarak ba atu fo netik husu klarifikasaun informasaun ruma ba tragedia Caiwaca (Lospalos-Red) ne’ebe mak Hau nia laen mate ho komisaria politiku Maubelis hamutuk ho sira nia soldadu nain 9. Tanba ne’e mak Hau atu ba hasoru atu fo netik informasaun ruma ba ida ne’e. Maibe hau ba seguransa ne’ebe mak halo seguransa ne’e duni Hau hanesan labarik kikoan,”lamenta deputada Albina Marcal Freitas relata iha plenaria Tersa (7/7) iha PN.

Nia parte preokupa ho hahalok seguransa sivil ne’e ema ne’ebe mak persiza atu hasoru eis komandante guerilheiru Kay Rala Xananan Gusmao ne’e susar la hanesan iha tempu luta ne’ebe ema hotu fasil hasoru nia (Xananan).

“Uluk ita nia maun Xanana ema povu kbit laek mak fo seguransa mak nia moris to’o ohin loron. Maibe agora dadauk maun Xanana hanesan fali osan mean, osan mean sei diak fali ita bele ba iha fat-fatin ita bele sosa, maromak mos ita ba Igreja ita sei bele haree Maromak nia lalatak e Maromak nia letratu, maibe ita bele dehan maun Xanana ninia espiritu mos ita la hetan,”afirma deputada Albina.

Konaba kestaun ne’e deputada Jacinta Abu Cau Pereira husi bankada Partidu Demokratiku (PD) preokupa mos ho atetudi seguransa sivil ne’ebe duni membru PN sira ne’e.

“Hau lamenta teb-tebes hahalok sira hanesan ne’e, tanba buat hotu ne’ebe mak oras ne’e ita senti saida mak ita goza ida ne’e mos liu husi kontribuisaun bot ida ne’ebe mak ema hotu kontribui to’o ohin loron ita hotu goza. Laos haree hanesan pesoal deputada nain 2 mas ita haree hanesan veterana ka ita haree ba hanesan buat ne’ebe mak sira atu hato’o iha momentu ne’eba ne’e,”sekunda deputada Abu Cau.

Governu Husu Deskulpa

Ba atetude ne’ebe refere Governu liu husi Sekertariu Estado Asuntu Parlamentar (SEAP), Maria Terezinha Viegas husu deskulpa ba membru PN ne’e.

“Ba prekupasaun e lamentavel ami husu deskulpa dala ida tan plenaria ne’e ba atuasaun ka atetudi husi seguransa sivil ninia hahalok ne’ebe mak akontese ba distinta deputada nain 2 iha semana kotuk liu ba iha dia 1 de Julho, ami lamenta hahalok ne’e,”

SEAP informa mos katak, hahalok refere hato’o ona ba Ministeriu Interior (MI) para bele fo atensaun ba asuntu refere.

“Ami informa tiha ona ba iha Sr. Ministru no mos Ministru interior e defeza atu bele hola atensaun ba iha atetude sira ne’e. tanba defaktu distinta deputada nain 2 ba ho kareta parlamentu ninian (MP),”dehan nia.bal

Jornal Nacional

PN PREOKUPA KUALIDADE ESTRADA DELTA, AGOSTINHO: “AMI PRESIZA KRÍTIKA HO SOLUSAUN”

Vise Prezidenti Parlamentu Nasional, Adriano do Nascimento, foti kestaun kona-ba kualidade projetu rehabilitasaun no konstrusaun estrada Delta mai to’o Hudi Laran nian.

Tuir Deputatu Adriano do Nascimento katak, projetu estrada ne’e foin hahuu nahe, maibe wainhira liu iha leten hanesan fali halai iha mota laran. Katak, aspal ne’ebe kontaktor nahe ladun kaber.

“Estrada ne’e foin mak nahe aspal maibe ita liu iha leten hanesan ita liu fali iha mota laran, signifika katak la iha kualdiade tanba ne’e husu ba Ministeriu Obras Publika (MOP) ho Agensia Dezenvolvimento Nasional (ADN) atu haree didiak no tau matan labele husik deit emprejariu mak halo no hau la hatene estrada nee sira atu hadia fali oinsa tanba Estrada nee rasik la tetuk diak,” afirma Adriano do Nascimento ba jornalista iha PN, Tersa (7/7/2015).

Projetu estrada Delta ho nia karater urjenti ne’e ezekuta husi kompanhia joint venture TINOLINA&KING CONSTRUCTION, ne’ebe dau-daun ne’e atinji ona 60%.

Ba preokupasaun Deputadu Adriano nian ne’e, Director TINOLINA, Agostinho Gomes ho Director KING CONSTRUCTION, Lay Siu Kiat, friza katak, TINOLINA&KING CONSTRUCTION hato’o agradese boot ba Vise Prezidenti PN, Adriano do Nascimento, tanba kritika ne’e konstrutivu tebes.

“Ami hakarak hatete deit katak kritika hanesan ne’e laos foin premeiraves ami simu, maibe ami simu too baruk tiha ona. Kritika kona ba rai uut barak, mas ita haree rai uut kuaze Dili laran tomak, maske estrada ne’ebe halo hotu ona mos rai uut tama nafatin. Tanba ita nia estrutura rai mak uut duni. Se ita lakohi rai uut, entaun estrada kiik oan sira ne’e ita tenke taka hotu. Kuandu estrada kiik oan sira ne’e la taka alkatraun bainhira kareta boot sira sama rai iha neba depois mai fali estrada ne’ebe aspal tiha ona, ne’e maka kria rai uut,” argumenta Agostinho Gomes, ba jornalista iha nia servisu fatin, Audian, Dili.

Biban ne’e, Director KING CONSTRUCTION, Lay Siu Kiat mos friza katak, problema boot ida maka kareta baskolante sira ne’ebe tula rai henek iha mota laran la seguru no lori rai henek ho fatuk rahun fakar iha estrada laran. Ne’e mos problema ida provoka halo alkatraun at no provoka rai uut.

Agostinho Gomes saran lia tan dehan, nia parte triste oituan, tanba projetu ne’e hamosu deit rai uut oitiaun mos selu kedas multa ba SEPFOPE.

“Hau la hatene, ami selu ba SEPFOPE tanba rai uut, mas husu fali tok, empreza internasional San Jose ne’ebe ezekuta Estrada Tibar-Liquiça, halo sofre komunidade ho rai uut mahar falun estrada laran no tama to’o ema nia uma ne’e selu multa ba SEPFOPE hira ona. Iha ema ruma kritika ba projetu ne’ebe atrazadu tebes ne’e ka lae,” Agostinho hateten.

Agostinho rekonhese katak, estrada iha Klinika Cito nia oin doko uitoan, tanba tekniku sira altura fui alkatraun ne’e la epera katak, fatin ne’e iha ku’ak ida no tekniku sira la halo lefley. Maibe, antisipa tiha ona.

“Hau rasik fo hatene ba tekniku sira atu hadia lalais ida ne’e. Atu hatete deit katak ida n’ee foin permeira kamada, sei iha tan sigunda kamada no iha sugunda kamada mak kontinua hanesan ne’e hau haruka sobu tanba ami laos deit buka osan, maibe buka mos fama tanba ne’e hau husu ba deputadu sira la bele haree dalan doko ituan deit maibe dehan Dili laran tomak ne’e laiha kualidade nee la diak no la los tanba ami garante nia kualidade,” afirma Agostinho Gomes.

Nia esklarese katak, iha Dili laran ne’e problema sosiais barak teb-tebes. Problema trabaladores mos barak, tanba trabalhador nebe la iha skill mos hakarak servisu. Problema rai ne’e ne’ebe kona mos empreza maka tenki rezolve hotu. Buat barak kompetensia Governu nia mos kompnahia mak rezolve hotu.

“Buat sira nee tenke hare hotu, keta kritika deit maibe la fo solusaun. Ami simu kritika sira ne’e hotu maibe laos haree fatin ida hanesan Cito nian ne’e doko oituan, meibe jeneraliza hotu estrada iha Dili laran at hotu. Ida nee ita rona ladun diak. Ami mos hakarak kritika sira nee hatoo mos ba kontraktor internasional San José. Ami nudar kontraktor nebe kaer projetu ami simu kritika sira nee. Maibe kritika nee tenke konstrutivu,” afirma Agostinho Gomes.

Agostinho ho Lay Siu Kiat husu ba sosiedade tomak, komunidade tomak, Parlamentu Nasional, bele kritika projetu ne’ebe maka TINOLINA ho KING CONSTRUCTION ezekuta. Mas kritika ne’ebe tenke fo solusaun.

“Nudar manan nain ba projetu ne’e ami simu konsekuensia ne’e. Mais kritika ne’e ekelibriu, la bele sala uitoan kritika. Ami husu mos populasaun tomak kritika ami, ami simu. Maibe, kritika ne’ebe fo solusaun la bele kritika arabiru deit. Ami agradese, ami simu tanba kritika hanesan ne’e fomos motivasaun no dezafia ami atu servisu ho koidadu no responsabilidade,” tenik Agostinho Gomes.

Nia husu ba komunidade hotu atu halo evaluasaun ba projetu estrada Delta nian to’o lai 100%. Maibe, iha parte ida diak, tanba ho kritika sira ne’e hatudu katak, ema hotu iha interese ba obra nia kualidade no hanesan mos atensaun ida atu kompnahia bele hadia aan.

Projetu ne’e tuir kontratu bele hotu iha duransaun tinan ida. Agora tanbasa mak tarde, Agostinho esplika katak, tanba problema sosiais barak ne’ebe mak kompanhia presiza rezolve rasik.

Iha Kinta (9/7/2015), Diresaun Nasional Terras no Propriedade (DNTP) atu haree estatutu rai nian, uma nebe mak estadu nian, rai ne’ebe maka estadu nian no uma privadu balun, hodi nune’e, bele selu kompensasaun tuir regras. Tanba projetu estrada ne’e, kona rai lubuk ida no ema nia uma balun ne’ebe presiza iha regra atu selu indiminizasaun.

“Ami infrenta problemas barak tebes. Iha rai okos dala ruma be kano nakfera. Be sulin husi kraik mai alkatraun aat ona. Buat sira nee ami simu tamba nudar kontraktor tenki simu konsekuensia. Ami agredese ba parte hotu-hotu ne’ebe fo ninia kontribuisaun hatoo kritika ne’ebe konstrutivas,” hateten Agostinho Gomes.

Kona ba kualidade estrada, Agostinho garante katak, estrada ne’ebe sira nia parte halo nia durasaun bele to’o tinan 30. Importante maka tenke iha manutensaun.

Agostinho informa mos katak, obra ne’e la duvidas ho nia kualidade, tanba loron-loron akompanhia nafatin husi ADN, Obras Publikas, Laboratorium, inklui komunidade.

Nia mesiona tan katak, kondisaun Dili ne’e delikado teb-tebes, problema sosiais barak teb-tebes hanesan problema trabailadores, problema rai ne’ebe maka presija resolve hotu, no seluk-seluk tan. mia

Diário Nacional

OJE 2016 BILAUN US$ 1.3

Ohin (98/7), Ministériu Finansas (MF) hahu distribui pakote fiskal konaba Orsamentu Jeral Estadu 2016 ba kada Ministeriu. Tanba konsellu ministrus aprova ona defisa fiskál tinan 2016 nian ho montante $1.3 Billoens.

Vice Ministru Finansas, Helder Lopez informa katak, iha loron 14 fulan Maiu liu ba, Governu liu husi Ministériu Finansas realiza ona jornada orsamentál ba envelope fiskál tinan 2016 no 2017 nian.

“Ohin ami halo aprezentasaun kona-ba proposta Orsamentu ba 2016 nian, tanba iha jornada Orsamental ne’ebé mak halo iha fulan Maiu 2015, iha ne’eba, Governu aprova ona US$ 1.3 biloens ba 2016, nune’e aban (ohin), ami hahu distribuisaun ba liña ministériu sira,”informa Helder Lopez ba jornalista sira iha Palacio Governu, Tersa (07/7), hafoin enkontru konsellu ministrus.

Nia esplika, pakote fiskal ne’ebé mak Ministériu Finansas distribui ba kada ministeriu ne’e, bazeia ba montante orsamentu ne’ebé Governu deside ona US$ 1.3 biloens.

Maibé iha nesesidade balu ne’ebé mak persija atu finansia, entaun Governu deside ona atu kontinua diskuti iha komisaun revizaun orsamentu.

Nia hatutan, prioridade orsamentu 2016 ne’e, kontinua nafatin iha edukasaun, saúde, agrikultura inklui infraestrutura báziku.

Iha parte seluk, Sekertariu Estadu Konsellu Ministrus, Avelino Coelho sekunda, iha sorumutu konsellu ministrus ne’e, Ministeriu Finansas aprezenta kona-ba orsamentu fiskal ba 2016, maibé konsellu ministrus sei diskuti hela.

“Tetu ba ano fiskal 2016 ne’e, bilaun US$ 1.3, maibé sei halo diskusaun klean para depois ministériu ida-ida no sekertaria Estadu sira atu halo sira nia programa no sira nia orsamentu, tuir tetu fiskal ne’ebé mak iha,”katak Avelino Colho.cos

Jornal Nacional

Ministros da Justiça dos PALOP e Timor-Leste reúnem-se na Praia para encontro anual

Cidade da Praia, 08 jul (Lusa) - Os ministros da Justiça dos Países Africanos de Língua Oficial Portuguesa (PALOP) e Timor-Leste reúnem-se de 13 a 16 desde mês na Cidade da Praia para o V Encontro anual do Legis-PALOP, base de dados jurídica comum.

Durante o encontro, que contará com as participações das Ordens de Advogados, faculdades de direito e Centro de Formação Jurídica e Judiciária, bem como os presidentes das Imprensas Nacionais, vão ser discutidas questões relacionadas com o reforço da capacitação das equipas, identificação de soluções e abordagens de resposta aos desafios à sustentabilidade.

Em nota de imprensa, a organização salienta que o evento vai servir também como uma oportunidade para intercâmbio e troca de experiências entre as Unidades Técnicas Operacionais e de Gestão, entidades responsáveis pela manutenção, atualização e promoção da base de dados em cada país.

O encontro, que coincidirá com a celebração do 6.º aniversário da Legis-PALOP, que é celebrado no dia 15 de julho, vai ser presidido pelo ministro da Justiça de Cabo Verde, José Carlos Correia.

Durante o encontro será lançado uma publicação do quadro jurídico sobre o branqueamento de capitais, combate à corrupção o ao tráfico de droga nos PALOP.

O Legis-PALOP é um projecto de disponibilização de uma plataforma de conhecimento e partilha de informação jurídica entre os Países Africanos de Língua Oficial Portuguesa e Timor Leste e por todos aqueles que pretendem conhecer estes ordenamentos jurídicos.

A base de dados jurídica pode ser consultada em www.legispalop.org/bd.

RYPE // APN

CHINA DESVALORIZA IMPACTO DA CRISE NO PAÍS

Pequim, 8 jul (Lusa) -- O ministério do Comércio chinês (MOFCOM) disse hoje que a crise da dívida grega não terá grande impacto na China, realçando que os investimentos chineses no país são escassos, comparando com outras economias da UE.

No conjunto, a China investiu 1,2 mil milhões de euros na Grécia, sobretudo nos setores transportes, telecomunicações e energia solar fotovoltaica, indicam dados do MOFCOM.

"Esperamos que a situação económica na Grécia melhore e seja resolvida", disse o porta-voz do ministério, Shen Danyang, lembrando que o investimento chinês na União Europeia (UE) atingiu os 3,8 mil milhões de euros nos primeiros cinco meses do ano, uma subida de 367% face a período homólogo de 2014.

Em Portugal, desde que a China Three Gorges comprou 21,3% da EDP, em 2011, o montante do investimento chinês já ultrapassou os 10.000 milhões de euros.

"O investimento da China na Europa está-se a alargar a áreas como maquinaria, setor automóvel, imobiliário, transportes, telecomunicações, energia e finanças", disse Shen Danyang.

Na última semana, a Grécia tornou-se a primeira economia desenvolvida a entrar em incumprimento com o Fundo Monetário Internacional.

A China considera a Grécia uma porta de entrada das suas exportações para a Europa.

Em 2010, a operação de dois terminais de contentores do Pireu, o estratégico porto marítimo localizado nos arredores de Atenas, foi concessionada por um prazo de 35 anos à COSCO, uma multinacional chinesa do setor da navegação.

A UE é o maior parceiro comercial da China e cerca de 80% das exportações e importações entre os dois blocos são feitas por mar.

JOYP // VC