Tempu To’o Hadi’a Kualidade Saúde iha Área Rurál

DILI, (TATOLI) - Core Group Transparency-Timor-Leste (CGT-TL) haree katak la justu atu haforsa de’it atendimentu serbisu saúde nian iha nivel kapitál Dili no ospitál rejionál sira, maibé ignora tiha nesesidade moris saudavel povu ki’ik sira iha área rurál.

“Programa Governu ne’e kontinua fó importánsia ba iha setór saúde primária, ospitais no jestaun no rekursu umanus, maski nune’e, ami haree nafatin iha lakuna lubuk ne’ebé presiza tau matan, hanesan atendementu oras 24 ba pasiente sira iha sentru ka postu saúde sira iha área rurál no munisípiu sira.”

“Dezde Timor-Leste restaura nia independénsia, só de’it ospitál referral no ospitál nasionál sira maka iha fasilidade atu atende pasiente sira kompara ho postu saúde sira,” Analista CGT-TL, Juvinal Diaz ba Ajénsia Tatoli iha nia kna’ar fatin, Fatumeta, Dili, tersa ne’e, hafoin haktuir CGT-TL nia submisaun ba Parlamentu Nasionál (PN) kona-ba aprezentasaun programa Governu Da-Ualu Konstitusionál iha semana kotuk.

Nia dehan, atu alkansa vizaun Planu Estratéjiku Dezenvolvimentu Nasionál (PEDN) katak “Timor-Leste saudavel”, sistema atendimentu saúde ne’e tenke ba ema hotu iha territóriu laran tomak.

CGT-TL mós identifika katak prestasaun serbisu médiku sira nian dala barak menus tanba iha médiku balun ne’ebé serbisu hela iha ospitál estatál nian, maibé iha tempu ne’ebé hanesan ezerse sira nia funsaun iha sira nia klínika privadu.

“Tanba ne’e, ami sujere atu médiku ka profesionais saúde sira ne’ebé hetan ona rejime espesiál hosi estadu ka nu’udar funsionáriu públiku ona hodi labele halo prátika iha klínika privadu sira, maibé foka liu sira nia serbisu iha ospitál estatal sira nian,” nia sujere.

“Ami mós sujere ba Governu atu bele kontrola sirkulasaun ai-moruk sira hosi ajénsia komersiál sira lubuk iha Timor-Leste, nune’e bele proteje saúde públiku nian, inklui halo kampaña nasionál hodi halo prevensaun ba saúde, promove nutrisaun ba povu, no mós halo serbisu saúde nian integradu ho serbisu setór sira seluk hanesan agrikultura, edukasaun no mós setór sira seluk ne’ebé iha relasaun ho serbisu saúde nian,” nia salienta.

Entretantu programa VIII governu ba tinan lima ne’ebé hetan ona aprovasaun iha parlamentu nasionál, iha area saúde VIII governu konstitusionál konsentra nia atensaun ba parte sira hanesan ; Objetivu jerais área saúde nian ; Prestasaun Servisus Saúde Primária ; Prestasaun Servisus Saúde Ospitálar ; Infraestrutura Iha Setór Saúde ; Jestaun ho distribuisaun Medikamentus no Ekipamentu Médiku ; Emerjénsia médikas ; Jestaun ho Administrasaun Setór Saúde ; ho Rekursus Umanus.

VIII governu konstitusionál konsidera asuntu Saúde, nu’udar direitu  Sidadauns hotu-hotu nian, atu hetan saúde no asistênsia médika ho sanitária no mós iha devér atu defende no promove saúde.

Ho ida ne’e hatuir iha programa governu katak, governu sei promove kriasaun servisu nasionál ida kona-ba saúde universal, jerál no, karik bele, sei gratuitu (ka la selu).

Governu mós sei kontinua implementa Polítika Nasionál kona-ba Saúde ho Planu Estratéjiku Nasionál Saúde iha setór saúde 2011-2030 (PENSS 2011-2030), hodi mantein vizaun kona-ba “Timor-Leste saudavel”, ne’ebé timoroan hotu-hotu bele iha asesu ba saúde no, ne’ebé, saúde sai hanesan fatór dezenvolvimentu global, ba luta hasoru pobreza ka moris-kiak.

Inisiativas Governu nian kona-ba Setór Saúde sei kontinua orienta ba oinsá masimiza esforsu tomak, hodi garante prestasaun servisus ne’ebé di’ak liu, iha setór ida ne’e, no mós jeneraliza (ka habelar) asesu ba kuidadus saúde ho kualidade, no halo avaliasaun beibeik kona-ba efisiénsia, transparénsia ho profisionalizmu, iha jestaun rekursus finanseirus, umanus, materiais no lojístikus, infraestruturas ho ekipamentus. Tanba ne’e, sei hametin Sistema Nasionál Saúde ne’ebé reprezenta hosi elementus independentes ne’ebé kontribui ba saúde ho bein-estar famílias hotu nian, nomós iha estabelesimentus ensinu, iha fatin servisu no iha fatin públiku no iha komunidades-nia leet – liuhusi kapasitasaun ba instituisoens ne’ebé presta kuidadu Saúde, ba profisionais saúde, ba sistemas fornesimentu no distribuisaun medikamentus ho sistemas emerjênsia médika.

Jornalista: Xisto Freitas | Editór: Manuel Pinto

Imajen: Analista hosi Core Group Transparency (CGT), Juvinal Dias

OJE 2018 Sei Redús Kapitál Infraestrutura

DILI, (TATOLI) - Orsamentu Jerál Estadu (OJE) 2018, sei hamenus kapitál infraestrutura (dezenvolvimentu) ne’ebé boot no sei la aumenta kapitál menór barak-barak.

Tuir Ministru Reforma Lejizlativa no Asuntu Parlamentares, Fidelis Leite Magalhães, razaun hamenus no la aumenta kapitál infraestrutura ho kapitál menór, tanba laiha tempu atu ezekuta.

“Preokupasaun mak atu responde ba nesesidade imediata husi populasaun nian, asegura funsionamentu administrasaun públika no selu mós ba dívida sira ne’ebé mak iha, atu bainhira to’o tinan ne’e remata laiha ona dívida no ita bele konsentra de’it ba prioridade dezenvolvimentu”, Fidelis Magalhães  tenik ba jornalista sira iha Palásiu Governu, ohin.

Tuir governante ne’e, problema mak bainhira tau osan, maibé prosesu administrativu hanesan kontratu seidauk loos, fim do ano osan alokadu maibé labele halo pagamentu.

“Primeiru-Ministru  nia orientasaun klaru, katak membru governu sira tenke hare ba dívidas, atu rezolve lai, mas para ida ne’e membru governu sira tenke asegura kontratu sira tuir dalan loloos, prosesu administrativu sira tenke la’o tuir dalan para bele efetua pagamentu. Selae ita aloka orsamentu tinan 2018, maibé la konsege halo pagamentu tanba prosesu seidauk finaliza”, nia haktuir lia menon Primeiru Ministru nian.

Hatán ba tempu aprezentasaun proposta OJE tinan 2018 ba Parlamentu Nasionál (PN), eis deputadu ne’e informa, sei halo prosesu hotu para bele la’o lalais tanba tinan ida ne’e governu tenke finaliza OJE 2018 iha tempu badak, no prepara OJE ba tinan 2019, ne’ebé tuir lei tenke tama tarde liu loron 15 Outubru 2018.

“Tetu orsamentál US$ 1.218 millions ba OJE 2018 nian, nia detalla bainhira to’o Parlamentu mak ita hare tanba iha ne’ebá sei iha jeneralidade no espesialidade, ne’ebé sei iha diskusaun naruk,” Fidelis argumenta, no promete “Governu sei kumpre rekizitu legais ne’ebé sei tama ho tempu atu responde ba nesesidade sira.”

Entretantu Preparasaun governu atu hakotu rejime duodecimal husi fulan Janeiru to’o Jullu no fulan Agostu atu funsiona ho Orsamentu Jerál Estadu (OJE) 2018, halo ministériu sira tenke esforsa-an hodi fahe orsamentu tuir tetu orsamentál tinan 2018 (limite másimu orsamentu), ne’ebé Konsellu Ministru aprova ona ho montante US$ 1.218 millions.

“Prosesu ne’e hanesan prosesu todan iha Ministériu Finansas nia kabas tinan ida ne’e, tanba sira tenke hare ba buat rua ne’ebé mak importante tebes, alende ne’e ezije serbisu makas atu bele finaliza iha tempu badak, OJE tinan 2018 no 2019”, nia informa tan.

Jornalista: Julia Chatarina | Editór: Manuel Pinto

Imajen: Ministru Reforma Lejislativa no Asuntus Parlamentares, Fidelis Leite Magalhãeas. Imajen TATOLI/António Gonçalves

Alkatiri: “Hau Hakarak Kadoras Dada Mai TL”

DILI - Sekertariu Jeral Partidu Fretilin Mari Alkatiri hateten, nia hakarak apoiu  kadoras dada mai Timor Leste, atu nunee povu bele hetan benefisiu.

“Buat ida kadoras nee hau apoiu ka hakarak dada mai Timor Leste, maibe sira governu Australia ladehan apoiu,” dehan Sekjer Fretilin Mari Alkatiri ba jornalis sira, hafoin remata enkontru ho Ministra Negosiu Estranjeiru Australia Julie Bishop, iha sede CCF, Comoro, Dili, Segunda (30/07/2017).

Aman Fundador nee hateten, bainhira tama ona ba iha kadoras ba refinaria fabrika no gas, nee problema komersial ekonomika ona, tanba tenke halo negosiasaun ho kompania sira.

Responde konaba Ministru Agio Pereira neebe dehan dada kadoras mai Timor Leste sei segredu no relativu hela, eis Primeiru Ministru iha primeiru governu konstitusional no Sestu Governu Konstitusional nee hateten, oras nee Timor Leste iha ona akordu fronteira maritima, Agio dehan  pipe line ou kadoras atu dada mai Timor leste ka lamai nee maka segredu. 

Notisia kompletu lee iha jornal STL edisaun Kuarta (01/08/2018)

Carme Ximenes | Suara Timor Lorosae

Tempu Ona Xanana Deskansa

DILI - Haree ba kestaun ida neebe maka mais avansu liu ona, lideransa Xanana Gusmao diak liu deskanaa ona hodi halo deit monitorizaun ba governsaun.

Lia hirak nee hatoo husi Direktur Exekutiva Asosiasaun HAK, Manuel Monteiro dehan ba jornalista sira bainhira  partisipa  iha seremonia sSeminariu iha Timor Plaza, Tersa (31/7/2018).

“Intervista hau nian ba kotuk, hau dehan katak ema ida hanesan Xanana Gusmao  nee katuas ona,   ita labele obriga bebeik, kuandu obriga bebeik ita jersaun foun sira nee lavale, la serve , tamba sa maka ema katuas ona, ita obriga nia servisu  bebeik. Sira nee katuas ona,  24 anus fo sia nia aan ba iha prosesu libertasaun, mai ukun aan ita obriga tan hodi sakrifika nia aan, ema sira  idade  hanesan nee deskansa ona  depois hein atu goza ukun rasik aan ida nee,” dehan Manuel Monteiro.

Tuir nia katak, lapresiza ema  ida hanesan lider Xanana Gusmao nee  atu  fera tan kakutak  , maibe tenke fo tempu ba nia  hodi deskasaun.

Iha fatin hanesan Direktur Exekutiva FONGTIL, Daniel Santos Carmo hateten, rejignasaun lideransa Xanana Gusmao nee nudar exempu diak, para nunee bele fo oportunidade ba jerasaun atu kontinua ida nee. 

Notisia kompletu lee iha jornal STL edisaun Kuarta (01/08/2018)

Natalino Costa | Suara Timor Lorosae

Adriano: Politika Agora Hatun Malu Deit

DILI – Relasiona ho impase politika neebe mak lao durante nee, VII governu mai too agora PD konsidera politika agora buka hatun malu deit.

Liu husi sesaun plenaria Tersa (31/07/2018) iha uma fukun PN, hafoin halao deklarasaun politika husi bankada Fretilin kona ba mosaun de  rejeisaun ba programa VIII governu.

Iha intervensaun intervensaun Deputadu PLP, Francisco de Vasconcelos hatete, haree programa VII governu nian, programa sira nee mak promosi iha VIII governu.

“Tanba VII governu lakonsege halo obriga governu minoria, kontradis ho artigu 106 konstituisaun,” tenik nia.

Nia hatutan, iha deklarasaun Fretilin dala barak halerik ba AMP, maibe iha konstituisaun iha hela, PM indijitadu husu partidu mais votadu ou aliansa maioria parlamentar, tanba Fretilin  lahalo maioria parlamentar, tanba nee mak konsekuensia.

Entretantu Vice Bankada PD, Adriano do Nascimento hatete, segunda deklarasaun Fretilin nian pertinente tebes kona ba rejeisaun ba programa VIII governu nian, no apresia bankada governu, tanba rekonese programa VII governu hanesan ho VIII governu nian. 

Notisia kompletu lee iha jornal STL edisaun Kuarta (01/08/2018)

Guilhermina Franco / Est. Felisberto | Suara Timor Lorosae

GRUPU DESKOÑESIDU TUDA MATE GABRIEL IHA BETO

Grupu deskoñesidu tuda mate Gabriel Ximenes Gaio de Araújo, iha area kruzamentu entre área Beto-Artemoris, Suku Comoro. Kazu ne´e akontese iha Sabadu (28/07/18), mais ou menus tuku 3 madrugada oras Timor-Leste.

“Tuir informasaun ne´ebé mak ami rekolla katak,  vítima Gabriel Ximenes Gaio de Araújo ho Rozalina Viegas da Costa, fila husi seremonia ida iha Delta Nova mak hetan asaltu husi grupu deskoñesidu hodi tuda ho fatuk iha area Beto besik kruzamentu artemoris.  Suspeitu sira tuda vítima monu iha fatin nune´e pasajeiru Rozalina  Viegas  da Costa  ne´ebé mak sae motor  monu hotu, maibe grave liu mak  vítima Gabriel Ximenes Gaio de Araújo”,esplika Segundu Komandante PNTL Munisípiu Díli Superintendente Asistente Euclides Belo ba jornalista sira Segunda (30/07/18) iha Kuartel PNTL Díli.

Euclides Belo hatutan, iha akontesimentu  ne´e  vítima  nsin rua  hetan sofrimentu maka´as liu-liu vítima Gabriel Ximenes Gaio de Araújo   ne´ebé mak iha hospital hetan tuda ne´e kona  iha parte oin  ne´ebé mak maka´as lori ba hospital la konsege salva  vítima Gabriel Ximenes Gaio de Araújo, mate.

Nia hatutan, família  vítima husi Matebian  Gabriel Ximenes Gaio de Araújo   no mós  husi parte PNTL  husu ona autorizasaun ba Ministériu Públiku para halo autopsia, mate isin iha mortuariu HNGV, maibe agora dadauk seidauk halo autopsia ba mate isin, tanba  mandatu atu halo autopsia husi Tribunal  seidauk sai.

Relasiona  ho akontesimentu ne´e seksaun Informasaun Polísia Dom Alexio suspeita  hela  ema balun  ne´ebé mak seidauk divulga hanesan suspeitu lolos.  Tanba  ne´e mak PNTL rekolha informasaun  husi sasin sira hodi  bele fortifika liu tan  suspeitu  ne´ebé  mak agora dadauk autoridade seguransa deskonfia hela.

Entretantu prosesu tomak sei la´o hela iha seksaun investigasaun Eskuadra Dom Alexio, espera katak, prosesu hotu sei haruka mai Komando kona-ba vítima  mate   ne´e ema  husi munsípiu ida ne´ebé. Avi

GMN TV | Grupo Média Nacional

La’o Hamutuk fó Hanoin ba Autór sira katak sira nia Hakerek iha Konsekuénsia (tetun ho inglez)

Celestino Gusmão* | Díli | opiniaun

Liberdade espresaun mai ho responsabilidade. Maske La’o Hamutuk kontra medida legal ne’ebé bele limita diskusaun, ami atu bolu observadór polítiku sira- inklui jornalista, akadémiku, no hakerek na’in ba blogu sira, liuliu hirak ne’ebé la’ós Timoroan no hakerek husi rai li’ur de’it - atu tau iha neon katak, bainhira sira ezersísiu sira nia liberdade espresaun, presiza konsidera konsekuénsia negativu husi sira nia hakerek ba Timoroan sira. La’o Hamutuk(Institutu Analiza Monitorizasaun ba Dezenvolvimentu Timor-Leste) harii iha prinsipiu ida katak ema sira internasionál ho nasionál servisu hamutuk hodi tane as justisa sosiál iha Timor-Leste, no ami hato’o sujestaun ba ami nia belun internasionál sira.

Blogu rua ne’ebé foin lalais publika kona-ba lideransa polítika balun, sirkula iha media sosiál, hanesan ezemplu rua kona-ba artigu hirak ne’ebé ladún konstrutivu no laiha responsabilidade. Artigu ida kona-ba Prezidente Lu Olo, nakonu ho sensasionál kona-ba abuzu konstituisional, no artigu seluk ne’ebé kompara Xanana Gusmão nia relasaun ho feto sira ho Donald Trump.

Klaru, importante atu lideransa polítika sira banati tuir standard ne’ebé as, no laiha lideransa mak bele sees husi kritika sira. Ho ida ne’e, komentáriu sira presiza bazeia ba evidénsia, konsistente ho prinsipiu étika jornalizmu nian, no konstrutivu. Spekulasaun, la uza fonte nia naran, ataka pesoál no uza liafuan manas sei la ajuda ema ida. Debate kona-ba Timor-Leste presiza foka ba programa no implementasaun programa sira, la’ós foka ba personalidade. Ho situasaun polítika foin lalais, nasaun ida ne’e presiza komentadór, lideransa polítika no sidadaun sira ne’ebé foka ba programa ne’ebé bele servi hanesan matadalan ba nasaun ba tinan 5 tuir mai, no aban bainrua.

Perspetiva husi li’ur bele ajuda fornese debate no lori esperiénsia no informasaun adisionál; maibé mós bele lori konsekuénsia ne’ebé ita la hakarak. Ema hirak ne’ebé lee artigu sira, presiza tetu katak artigu ne’e loos ka lae, no hanoin dala rua molok sirkula.

Ita hotu iha responsabilidade atu hamenus tensaun, ataka pesoál no debate partidáriu. Buat hirak ne’e, bele aumenta dezafiu ba dalan atu hadi’ak liu tan Timoroan nia moris, povu ida ne’ebé tinan barak nia laran sofre ho intervensaun husi nasaun li’ur sira. Hakerek na’in sira iha rai li’ur sei la moris ho impaktu negativu sira, maibé Timoroan sira mak sei moris ho nia konsekuénsia sira ne’e. Hakerek na’in sira ne’ebé hadomi rai doben ida ne’e, iha obrigasaun moral atu kontribui ho meius pozitivu no uza dalan konstrutivu.  

Nasaun estranjeiru sira ukun Timor-Leste iha tinan atus barak nia laran, no dala barak sira la tau matan ba interese povu nian. Ohin loron Timor-Leste ukun rasik an, mai ita hotu tenke muda husi luta rezisténsia ida ne’e ba luta hodi enkoraja malu. Mai tau neon hamutuk hodi kontribui ba debate ida konstrutivu, persuasivu, no kolabora ho espíritu ida atu lori nasaun ida ne’e ba oin.

--------------

La’o Hamutuk Reminds Authors that their Writing has Consequences

Freedom of speech comes with responsibility. Although La’o Hamutuk opposes legal measures which could restrict discussion, we urge all political observers - including journalists, academics and bloggers, particularly non-Timorese who write from a distance - to remember that they should consider the repercussions on the Timorese people when they use their freedom of speech.  La’o Hamutuk (the Timor-Leste Institute for Development Monitoring and Analysis) was founded on the principle that internationals and nationals work together to advance social justice in Timor-Leste, and we therefore offer this suggestion to the country’s international friends.

Two recent blog articles circulated on social media and focusing on political leaders exemplify unconstructive and irresponsible commentary. One lambasts President Lu Olo with sensational accusations of constitutional abuse, while another compares Xanana Gusmão’s relationships with women to Donald Trump.

Political leaders should be held to a high standard, and no leader’s actions are above criticism. That said, commentary should be evidence-based, consistent with basic principles of journalistic ethics, and constructive. Speculation, unnamed sources, personal attacks and inflammatory language are not helpful. Additionally, debate about Timor-Leste should focus on policies, not personalities. In the wake of recent political events, this country needs commentators, political leaders and citizens to focus on the programs that will shape the next five years and beyond.

Outside perspectives can improve debate by bringing in additional experiences and information; they also have consequences. People who read these articles should also exercise judgment about their accuracy and helpfulness, and think twice before circulating or reposting them.

We all share responsibility to try to reduce polarization, personal attacks and counter-attacks, and partisanship. Theseadd unnecessary challenges to the difficult task of improving the lives of Timor-Leste’s people, who have already suffered greatly from outside intervention. Overseas authors may not experience the negative impact of their writings, but the Timorese people will live with the consequences. Authors who care about this beloved country have a moral obligation tocontribute in a positive and constructive way.

For centuries, Timor-Leste was ruled by foreign governments who ignored the needs and desires of our people. Now that we are independent, we need to change our approach from resistance to encouragement. Please join us in the spirit of constructive debate, persuasion and collaboration which can move our country forward.

Celestino Gusmão* | Díli

Ministra australianu iha Timor hafoin akordu kona-ba reseita ba petróleu ho gás

Ministra Negósiu Estranjeiru Austrália nian vizita, iha loron-segunda ne'e, Timor-Leste hodi hadi'a relasaun bilateral sira, hafoin konflitu ida entre nasaun rua kona-ba reseita sira hosi gás no petróleu no ne'ebé inklui mós alegasaun sira espionajen nian. 

"Asinatura hosi ami nia tratadu istóriku ba fronteira tasi nian loke ona kapítulu foun ida iha relasaun sira entre Austrália ho Timor-Leste", hatete hosi Julie Bishop ba kanal televizaun Australian Broadcasting Corporation (ABC).

Bishop, ne'ebé iha daudaun Díli hodi hasoru malu ho líder sira ne'ebé maka foin eleitu, hanesan primeira-ministra australiana dahuluk ne'ebé maka vizita Timor-Leste iha tinan lima ikus ne'e.

Austrália ho Timor-Leste asina ona, foin lalais ne'e, akordu ida hodi fahe reseita sira hosi petróleu ho gás hosi Tasi Timor.

Timor-Leste halo ona protestu ba validade hosi akordu ida hodi fahe reseita sira ne'ebé maka asina iha tinan 2006, hodi hatete katak Austrália halo ona eskuta sira iha gabinete governamental sira iha tinan 2004 hodi hetan vantajen ida ne'ebé la justu iha negosiasaun sira.

"Hanesan kestaun ida ho tensaun beibeik, hanesan ona preokupasaun ida ba ami iha ami nia relasionamentu ho Timor-Leste no ha'u senti satisfeitu tanba ami konsege ona kompromete ho prosesu ida ne'ebé hamosu rezultadu justu no ekilibradu ida", nune'e "agora ami bele kontinua apoia Timor-Leste hodi hala'o nia potensial ekonómiku", hatutan hosi ministra ba ABC.

Iha tinan 2017, Timor-Leste hasai ona kesar ne'ebé maka aprezenta hasoru Austrália iha tribunal importante liu hosi ONU, ne'ebé hatete hanesan asaun boa vontade ida antes akordu foun ne'ebé maka estabelese katak parte boot hosi rendimentu Tasi Timor nian pertense ba Díli.

Austrália konfirma ona iha fulan-Juñu katak akuza ona eis-espiaun australianu ida ho nia advogadu tanba halo konspirasaun tanba fó sai informasaun sekreta sira kona-ba alegasaun hosi espionajen nian.

SAPO TL ho Lusa

Ministra australiana em Timor após acordo sobre receitas de petróleo e gás

A ministra dos Negócios Estrangeiros da Austrália visita hoje Timor-Leste para reparar as relações bilaterais, depois de uma disputa entre os dois países sobre receitas de gás e petróleo e que incluiu também alegações de espionagem.

"A assinatura do nosso tratado histórico de fronteiras marítimas abriu um novo capítulo nas relações entre a Austrália e Timor-Leste", disse Julie Bishop à cadeia televisiva Australian Broadcasting Corporation (ABC).

Bishop, que está em Díli para se encontrar com líderes recém-eleitos, é a primeira ministra australiana a visitar Timor-Leste nos últimos cinco anos.

A Austrália e Timor-Leste assinaram recentemente um acordo que compartilha as receitas de petróleo e gás do Mar de Timor.

Timor Leste tinha contestado a validade de um acordo de partilha de receitas assinado em 2006, alegando que a Austrália tinha realizado escutas em gabinetes governamentais em 2004 para obter uma vantagem injusta nas negociações.

"Foi uma questão de tensão constante, foi uma preocupação para nós em termos do nosso relacionamento com Timor-Leste e estou satisfeita por nos termos conseguido comprometer com um processo que conduziu a um resultado justo e equilibrado", pelo que "agora podemos continuar a apoiar Timor-Leste na realização de seu potencial económico", acrescentou a ministra à ABC.

Em 2017, Timor-Leste retirou a queixa que tinha apresentado contra a Austrália no mais alto tribunal das Nações Unidas, o que foi visto como um ato de boa vontade antes do novo acordo que estabelece que a maior parte do rendimento do Mar de Timor pertence a Díli.

A Austrália confirmou em junho que havia acusado um ex-espião australiano e o seu advogado de conspiração por revelarem informações secretas relativas à alegação de espionagem.

Lusa | em SAPO TL