INU BERE: ARTE DE AILEU EXPOSTA EM DÍLI COM “NOMES DA LIBERDADE”, ATÉ 9 DE DEZEMBRO

Um jovem artista plástico timorense expõe com obras de qualidade trabalhos desenvolvidos sobre personalidades timorenses que pugnaram pela libertação do país e do seu povo.  De Aileu para Díli a arte de Inu Bere exposta na Sala de Leitura Xanana Gusmão até ao próximo dia 9 de Dezembro.

D. Boaventura de Manufai, antepassado que lutou pela libertação a que o colonialismo português sujeitou aquela meia-ilha, aquele país. D. Boaventura, um herói nacional timorense. Seguido de outros militantes e líderes da luta pela liberdade. Outros heróis igualmente importantes. Heróis mais recentes, que já são dos nossos dias, que lutaram e deram a vida pela liberdade e independência de Timor-Leste. (TA)

Mais sobre a exposição na Sala de Leitura Xanana Gusmão

Para celebrar a Proclamação do Dia da Independência de Timor-Leste, o Projecto Montanha em colaboração com a Sala de Leitura Xanana Gusmão organizou uma exposição de Inu Bere, artista plástico, com o título de "Nomes da Liberdade".

Inu Bere é um artista do distrito de Aileu, desenvolveu o seu caminho para a arte apesar das limitações nas aldeias de Timor.

Inu Bere produziu uma colecção dos grandes líderes de Timor que será exibida de 25 de Novembro a 9 de Dezembro de 2016. Esta colecção é uma das melhores colecções de Inu Bere, com D. Boaventura de Manufahi, que ele escolheu para usar na capa.

    ========================================================= 

     

To celebrate the Independence Day Proclamation of Timor Leste, the Projeto Montanha in Collaboration with the  Xanana Gusmão Reading Room organized an exhibition of Inu Bere Plastic Artist with a title is  "Names of Freedom", Inu Bere is a District Artist from Aileu, who developed his Way of Art, Even with limitations in the villages of Timor, he made a collection of the great leaders of Timor, that will be exhibit from November 25 to December 9, 2016, this collection is one of the  best collections of Inu Bere, One of them is D. Boaventura of Manufahi, which he chose to use on the cover of invitation and publication.

Timor Agora com Inu Bere (clique nas imagens para as ampliar)

Konvite La’o Hamutuk: Enkontru Públiku kona-ba proposta Orsamentu Jerál Estadu 2017

La’o Hamutuk

Institutu Timor-Leste ba Monitor no Analiza Dezenvolvimentu

Rua D. Alberto Ricardo, Bebora, Dili, Timor-Leste

Tel: +670-3321040 or +670-77234330 (mobile) email: laohamutuk@gmail.com 

Website: www.laohamutuk.org

Dili, 30 Novembru 2016

Bodik ba: Públiku

Asuntu: Enkontru Públiku kona-ba proposta Orsamentu Jerál Estadu 2017 no Timor-Leste nia sustentabilidade ekonómiku

Foin lalais iha dia 9 - 10 Novembru, La’o Hamutuk partisipa iha semináriu Panorama Orsamentál hodi aprezenta ami nia hanoin kona-ba proposta Orsamentu Jeral Estadu 2017, no ami diskute proposta ne’e ho Deputadu sira iha semináriu no mós iha Parlamentu.  Maibé, ami hanoin importante mós atu fahe informasaun ne’e ho públiku, no atu rona perspetiva no komentariu husi sosiedade sivíl, akadémiku, estudante, jornalista no ajénsia internasionál sira.

Ho hanoin ida ne’e mak La’o Hamutuk sei hala’o enkontru públiku ida, hodi diskute Timor-Leste nia Orsamentu proposta ba 2017 no ninia implikasaun ba ita nia sustentabilidade ekonómiku. Durante enkontru ida ne’e, La’o Hamutuk sei aprezenta ami nia analíse kona-ba proposta Orsamentu ba 2017 no Timor-Leste nia ekonomia, no reprezentativa ida husi Banku Centrál sei mós fahe sira nia perspetiva kona-ba Fundu Petrolíferu.

Ho oportunidade ida ne’e La’o Hamutuk hakarak konvida ita bo’ot atu mai partisipa iha enkontru públiku ne’ebé mak sei realiza iha:

Data: Tersa-feira, 6 Dezembru 2016

Oras: 8:30am – 12:30pm

Fatin: Asosiasaun HAK, Farol, Dili

Ho ita boot sira nia prezensa no partisipasaun hodi fó hanoin konstrutivu mak sei ajuda ita hotu atu komprende kle’an liu tan kona-ba Timor-Leste nia situasaun ekonómiku no finanseiru, no Orsamentu Estadu 2017 nia impaktu ba povu Timor-Leste nia moris.

Mak ne’e de’it no obrigadu wain ba ita nia kolaborasaun di’ak.

Ami be saran lia,

Celestino Gusmao

Koordenadór La’o Hamutuk

Advogadu Emilia: Laiha Posibilidade Julga iha Portugal

DILI: Advogadu privadu arguida Emilia Pires, José Camoes hatete, laiha posibilidade atu transfere julgamentu ba kazu ne’ebé ninia kliente komete ba tribunal iha Portugal.

“Laiha posibilidade, kada ema, individu, husu diretamente ba tribunal (Timor-Leste) hodi lori prosesu ba Portugal. Lei Portugal mó la dehan hanesan ne’e,” deklara Advogadu José ba olatimornews.com iha Tribunal Distrital Dili, Kinta (01/12).

Kona-ba informasaun husi ninia kliente, advogadu ne’e dehan, to’o agora arguida Emilia la kontaktu ona nia hodi hato’o informasaun ruma kona-ba ninia kondisaun iha Portugal.

“To’o agora ne’e, laiha informasaun ruma to’o iha ha’u-nia liman,” hatete advogadu privadu ne’e.

Kona-ba pedidu arguida ba Ministériu Públiku foin lalais ne’e, José dehan, pedidu ne’e arguida husu direitamente, la liu husi advogadu.

Entretantu, maske ninia kliente konsidera administrasaun Tribunal Timor la’o la di’ak, maibé advogadu ne’e fiar nafatin Tribunal atu foti desizaun ne’ebé di’ak ba arguida Emilia bazei ba faktus ne’ebé oras ne’e Tribunal iha.

“Ita hotu fiar (tribunal sei) foti desizaun tuir faktus no provas ne’ebé mak dokumentada ona iha Tribunal ne’e,” hatete advogadu ne’e.

Nia husu ba Tribunal atu labele foti desizaun sees fali husi faktus no haree fali ba kestaun seluk.

Defeza sei kontente, sei hein desizaun di’ak ba arguida nian,” dehan José. (*)

Aquino Campos – Ola Timor - Editór: Tellukoro

Foto: Advogadu Arguida Emilia Pires, Jose Camoes fahe informasaun ba jornalista sira. (olatimornews FOTO: Aquino Campos)

Lee liu iha Ola Timor

Arguida Emilia dehan Nia Portugueza, Julga iha Portugal

Tribunal Hasai Orden Kaer Emilia Pires

Serimonia Homenajen ba Fidel Castro Iha Havana Hahu Ona

Salvio Online, Serimonia homenajen dahuluk ba Fidel Castro hahu iha segunda feira iha Havana, kapital Cuba. Ema rihun ba ruhin mak partisipa iha serimonia nee hodi fo homenajen ba El Comandante no Revolusionariu, nebe hakotu iis iha sexta-feira loron 25 Novembru, tuku 10 kalan.

Serimonia homenajen nee rasik hahu ho tiru kanhaun dala 21.

Ema barak tebes mak hein iha Praça da Revolução, iha kapital Cuba, Havana, no rona fila fali Fidel Castro nia lian liu husi gravasaun nebe fo sai iha fatin konsentrasaun kona ba dirkursu sira nebe duranti nee Fidel hatoo ba nia povu.

Hafoin liu tiha loron 2, cinza husi Fidel Castro sei transfere husi Havana ba Santiago de Cuba, liu husi prosisaun nebe sei perkore distansia liu kilometru rihun ida, entre provinsia 13 (husi total provinsia 15), duranti kuarta-feira too sabado.

Pontu maximu husi selebrasaun nee mak serimonia funeral husi El Comandante nebe sei halao iha domingu, 4 Dezembru, iha Santiago, fatin orijen husi Revolucao Cubana.

PARCERIA HO SALVIO ONLINE – LEE MOS – HAREE FOTOS

Deskonfia La’en Pratika Adulteiru, Feen husu Divorsiu

DILI — Arguida Maria Olga do Carmo husu divórsiu, tanba deskonfia la’en selingkuhho subriña. Tuir arguida , nia subriña ne’e hela ho nia dezde sei idade ki’ik, nune’e , nia maka suporta ba eskola to’o ikus  nia subriña ho naran inisiál F, hetan  servisu, ikus selingkuh fali ho nia la’en, nune’e ikus sira na’in rua feen la’en,  tenke  moris separa malu, alias divórsiu.

Tuir akuzasaun hosi Ministériu Públiku katak, loron 26 outubru tinan 2012, tuku 11 dadersan iha loja 88 Merkadu Lamania oin, lezadu Estanislau da Cruz  ho nia oan ho arguida nia subriña inisial F ba sosa ai-funan iha loja 88.

         

Nune’e bainhira arguida liu ho karreta, haree lezadu sira sosa ai-funan, arguida hakiduk karreta mai para. Bainhira tuun ba arguida hakat ba husu xave karreta iha lezada, no arguida ho intensaun atu baku nia subriña inisiál F ne’ebé maka durante ne’e nia deskonfia selingkuhho lezadu.

Ho hirus arguida hasé, afinál imi maka iha ne’e, tan ne’e,  arguida atu basa inisiál F iha ema barak nia oin, nune’e lezada tenta atu satan netik, hodi arguida nia liman basa dala rua iha lezadu nia hasan parte loos.

Ho aktu ne’e, Ministériu Públiku konsidera arguida komete krime ofensas integridade fízika simples ho natureza violénsia doméstika.

Hafoin rona akuzaun, arguida Maria Olga do Carmo hatete, intensaun nia tuun ba hadau  save iha lezadu, no nia hirus tebes nia subriña ne’ebé la’o hamutuk, tanba durante ne’e, nia la’en selingkuhho nia subriña hodi sira na’in rua moris separa malu ona.

“Ha’u hirus tebes , nune’e ha’u tuun atu basa inisál F, maibé halai ba subar iha ai-funan okos.  Ami na’in rua iha ona oan na’in rua, maibé tanba selingkuh, ikus tenke moris separa malu ,” deklara Arguida.

Nune’e lezadu Estanisalu da Cruz iha nia deklarasaun katak,  nia moe tanba arguida tuun atu baku inisiál F iha ema barak, nune’e nia intensaun atu ba satan netik, nune’e hodi evita problema labele mosu, ikus arguida basa nia dala rua.

“Arguida tuun hosi karreta ho hirus, nune’e nia hakat atu ba basa inisiál F iha ema barak, nune’e ha’u moe, ha’u hamriik hodi satan netik, arguida hodi basa ha’u dala rua iha parte hasan loos,” deklara lezadu.

Lezadu hatutan, durante ho arguida moris hamutuk iha ona oan na’in rua, maibé nia kaer toman arguida selingkuhho mane seluk, nune’e nia hirus hodi moris separa ho arguida.

Hafoin rona parte rua, Tribunál adia kazu ne’e hodi kontinua iha loron 14 dezembru tuku 11:00 hodi rona deklarasun hosi sasin ho inisiál F. 

Audénsia julgamentu ne’e prezide hosi Juiz  Singulár Maria Modesta, Ministériu Públiku reprejenta Prokuradór  Reinato Bere Nahak, arguida hetan asisténsia legál hosi Defensór Públiku, Eustaqio Guterres. (max)

Timor Post

Ministru Gastão rekoñese Single Source ba Estrada Lautem

DILI – Ministru Obras Públiku Transporte no Komunikasaun (MOTPK), Gastão  Sousa hatete, rajaun halo ajudikasaun direita ba rehabilitasaun estrada iha Munisípiu  Lautem, tanba orsamentu rektifikativu foin mak tama, entaun tenke halo de’it ajudikasaun direita.

Nia hatutan, rajaun hadi’a lalais estrada ne’e tanba atu fasilita movimentu ba loron komemorasaun 28 Novembru tinan ida ne’e bele la’o ho di’ak.

“Fó de’it órden  tanba atu atende selebrasaun loron 28 Novembru ne’e rajaun seluk mos tanba rektifikativu foin mak tama iha lista,” hatete Ministru Gastão  ba Timor Post iha Parlamentu Nasionál, Sesta semana kotuk.

Ministru Gastão  hatutan, orsamentu rektifikativu ne’e foin mak tama iha Setembru, no orientasaun hodi rehabilita estrada ne’e foin mak hahú iha Outubru.

“Tuir nota informativu ida ha’u fó ne’e sambilsira halo, ami mos haré oinsá mak halo kontratu,” justifika ministru Gastão.

Entretantu, kustu projetu rehabilitasaun estrada iha munisípiu  Lautem ho natureza urjénsia falun metin ho misteiru, tanba maske projetu ne’e foti fó de’it (single source) ba Konsorsiu Ponta Leste Group, maibé owner project (nain ba projetu) ne’e mos seidauk iha serteza kona – ba kustu ne’e rasik.

Diretór  Luta Hamutuk, Mericio Akara hatete, projetu urjénsia iha Lautem ne’e hanesan repete de’it erru sira ne’ebé  mak antes ne’e govenru halo tiha ona. Kada tinan governu sempre halo avaliasaun katak sei la repete ona projetu sira ho natureza emerjénsia  no urjénsia, maibé ohin loron akontese fali. Ne’e signifika, governu laiha konsisténsia. Tanba, tinan kotuk deputadu sira iha Parlamentu Nasionál mos kestiona kona – ba dívidas  governu nian ne’ebé  aumenta hela de’it, tanba kauza hosi  projetu emerjénsia  no urjénsia sira ne’ebé  governu halo.

Akara hatutan, projetu urjénsia ne’ebé  hala’o hosi  Konsorsiu Ponta Leste Group ne’e iha negativu no positivu. Nia positivu, tanba sira sente katak nu’udar Lautem oan no uma kain ba festa komemorasaun loron 28 Novembru ne’e, entaun maske haruka de’it mos sira halo kedas, maibé nia negativu mak la asina kontratu ruma ho governu. Negativu ida ne’e mos, tanba orsamentu ida ne’ebé  mak atu fó ne’e la garantia hira, tanba kontratu laiha.

“Se Lautem oan sira mak uza sira nia osan rasik hodi halo estrada urjénsia ne’e, ita tenke orgulho, tanba ho sira nia osan, sira sai uma nain, maibé ida ne’e mai hosi  orsamentu Estadu nian. Entaun, hakarak ka lakohi tenke haré nia legalidade”, hatete Akara ba Timor Post iha nia serbisu fatin Farol – Dili foin lalais.

Akara hatutan, normálmente kuandu to’o ona loron bo’ot sira, membru governu no setor privadu sira sempre aproveita atu oinsá  bele hetan osan. 

“Labele fó sala ba loron bo’ot sira hodi halo sasan la ho kualidade, tanba tuir loloos loron bo’ot sira ne’e ita tenke hakmatek hodi halo serbisu hotu ho nia kualidade di’ak. Labele iha loron bo’ot ne’e ita halo azineira oioin hodi ikus mai fó sala fali ba loron bo’ot”, sujere Akara.

Akara mos husu ba Komisaun E Parlamentu Nasionál  no Komisaun Anti – Korupsaun (KAK) tenke halo fiskalizasaun ba projetu ne’e hodi garante nia kualidade di’ak.

Kronolojia hosi  projetu urjénsia ne’e haktuir hosi  Prezidente Konsorsiu Ponta Leste Group, Custodio Jose Lopes katak rehabilitasaun ka projetu estrada emerjénsia  ne’ebé hala’o iha Luatem, tanba simu órden  hosi  Ministru Obras Públiku Transporte no Komunikasaun (MOPTK), Gastão  Sousa iha loron 8 Outubru no iha loron 9 Outubru, nia halo mobilizasaun ba Lospalos no foin hahú halo serbisu iha loron 10 Outubru foin lalais. Entaun, totál  loron ba projetu emerjénsia  ne’e hamutuk loron 41 ona, maibé to’o oras ne’e seidauk iha asina kontratu. Bele dehan projetu emerjénsia  ne’e laiha dezenho Bill of Quantity(BoQ) no seluk tan.

“Ami rehabilita estrada ne’e bazeia de’it ba órden  hosi  Ministru Obras Públiku  no Transporte Komunikasaun. Laiha kontratu, maibé ministru promete sei fó ami nota informativu ida. Tanba ami la’ós  staff baibain ka direitor sira mak haruka ami, maibé ida ne’e ministru mak direitamente orienta dehan katak halo ami prepara nota informativu fó ba imi katak maske kontratu seidauk iha, mas halo ba. Ami fiar katak nia selu”, hatete Custodio. (oki)

Timor Post

PD Du’un Ministri Estanislau Benefisia Projetu ba Familia

DILI – Lideransa Partidu Demokratiku (PD) iha Parlamentu Nasionál  halo akuzasaun kontra Ministru Estadu Koordenador ba assuntu Economia Dezenvolvimentu no Ministru Agrikultura no Peskas (MAP), Estanislau Aleixo da Silva fó projeitu hadi’a  tratór  bo’ot hamutuk 115 ba nia rian mak hadi’a , maibé parte kompañia rejeita kedas deklarasaun hosi PD nian, tanba kompañia iha abilidade profisional kona – ba halo manutensaun ba tratór  sira.

Deputadu PD, Virgilio Hornai kestiona maka’as MAP kona – ba prosesu manutensaun tratór bo’ot sira la liu hosi  prosesu aprovisionamentu, maibé liu hosi  ajudikasaun direita de’it.

Deputadu Virgilio mos konsidera Ministru Estanislau laiha kapasidade hodi aprezenta nia programa, maibé hatudu de’it nia inkapasidade hodi desakredita de’it ema seluk.

“Nia ko’alia kona – ba tratór  a’at. Agora sé mak halo single sourcehodi fó ba nia nia família  de’it. Nain ba kompañia Liberti Lorosa’e ne’e ninia rian. Ida ne’e iha tendénsia  nepotizmu, tanba prosesu manutensaun ba tratór  sira ne’e la liu hosi  aprovisionamentu normál. Nia halo de’it ajudikasaun direita ba ninia rian,” hatete deputadu Virgílio Hornai ba Jornalista sira iha Parlamentu Nasionál , Sesta semana kotuk.

Hatan kona – ba akuzasaun ne’e, Ministru Estanislau justifika katak iha prosesu inisiu halo liu hosi  prosesu aprovisionamentu, maibé depois lakonsege hetan kompañia ne’ebé  priense kriteria no tanba persiza atu hadi’a  lalais, entaun desidi hodi fó ba kompañia rua, la’ós  fó ba ida de’it. Ida Timoroan, ida Indonézia.

“Tempu la to’o ona, ami tarde, udan be’en mos komesa monu ba rai ona. Tender halo tiha ba dala rua, lahetan ema ne’ebé  priense kriteria mak fó fali ba seluk. Ne’e lei aprovisionamentu fó dalan. Maibe, la’ós  ha’u mak desidi,” hatete Ministru Estanislau ba Jornalista sira iha Parlamentu Nasionál , Sesta semana kotuk.

Eis deputadu FRETILIN ne’e hatutan, iha tempu ne’eba ekipa ida mak intervista kompañia sira hodi haré sira iha kbi’it ka la’e, tanba sira iha kbi’it mak fó projetu ne’e ba sira hodi hadi’a  tratór  sira.

“Tinan ida ne’e hadi’a  liu hosi  loke konkursu normál, maibé tinan kotuk la’e, tanba urjénsia. Tuir lolo’os  ne’e ami foti fó ba ida de’it ona, tanba bele ona. Lei permite,” esplika Estanislau.

Estanislau mos rejeita akuzasaun hosi  deputadu Virgilio Hornai nian, tanba kompañia nasionál  ne’ebé  hadi’a  tratór  hamutuk 115 iha tinan kotuk ne’e laiha relasaun família  ho nia.

“Ida ne’e laiha relasaun família ho ha’u. Ha’u nia oan sira la serbisu iha governu no ha’u nia alin sira nunka hetan projetu hosi  governu, ema ne’e sim, ha’u nia Aman mak haki’ak señora ne’e, maibé señora ne’e mos mate restu 12 Novembru,” nia hatete.

Entretantu, diretór  ejekutivu kompañia Liberti Lorosa’e, Teotonio Guterres, nu’udar Estanislau nia alin haki’ak nia espoza, mos rejeita totál  akuzasaun deputadu Virgilio Hornai, tanba nia iha esperiénsia  profisional kona – ba oinsá  hadi’a  tratór  sira.

“Ha’u rejeita totál , tanba ha’u koñese  Ministru Estanislau di’ak liu kompara ho deputadu Virgilio Hornai. Ha’u hetan projetu ne’e bazeia ba ha’u nia profisionalizmu nu’udar mekániku  ida iha Timor,” hatete Teotonio ba Timor Post iha Gino’s Hotel, Dili Tersa (29/11).

“Tempu ona para ha’u mak halo manutensaun ba tratór  hirak ne’e. Kuandu laiha ona planu para atu akuza malu, labele ko’alia fali evidénsia  sira seluk,” Teotonio hatutan.

Nia konsidera akuzasaun hosi  deputadu Virgilio Hornai ne’e normál hanesan deputadu, maibé exseptu ema karpinteiru ida mak hadi’a  fali tratór  ne’e mak laloos ona ka fó nia mak ba fa’an tutan fali ba kompañia seluk hodi hadi’a  ne’e mos ladun di’ak ona.

“Maibe fó ba ha’u, tanba ha’u nia profisaun kona – ba area ne’e duni. Antes ita ukun a’an mos ha’u ema mekániku  ona, entaun ha’u iha direitu ba serbisu ba area ida ne’e, la’ós  Ministru fó de’it,” esplika Teotonio.

Nia hatutan, totál  ne’ebé  nia hadi’a  iha tinan kotuk mak tratór  bo’ot sira hamutuk 115 ho nia valor orsamentu U$225.750. Entretantu, kompañia Tratór  Indonézia hadi’a  tratór  sira seluk  kuaje hetan U$300,000. Oras ne’e dadauk mos kompañia Tratór  Indo mak kontinua hadi’a  fali. (oki)

Timor Post

Tribunal Disidi Medidas Detensaun, Difisil Emilia Fila Mai Dili

DILI — Ohin, Tribunál Distritál Dili (TDD), kontinua hala’o audénsia julgamentu hodi fó desizaun ba pedidu hosi Ministériu Públiku ne’ebé antes ne’e husu atu aplika medidas detensaun ba arguida Emilia Pires, tan la obdese no respeita ba desizaun tribunál.

Atu fasilita prosesu di’ak, medidas koasaun prizaun preventiva maka di’ak ba arguida, maibé kazu ne’e, imajen la klaru, tan atu aplika medidas koasaun foun ba sé, tan arguida rasik la hela iha iha terotóriu Timor Leste.

“Arguida la kolabora ona ho justisa,  tan nia rasik sei la fila mai responsabilidade ba nia kazu. Ne’ebé JSMP sei la fiar atu arguida fila mai,” Diretór JSMP Luis Sampaio ba Timor Post iha nia servisu fatin Kolmera Tersa (29/11).

Tuir Luis Sampaio, ohin tribunál bele reviu fali medidas koasaun ne’ebé iha, maibé  medidas ne’e sei la vale, tan arguida la iha ona Timor.

Luis Sampaio hatutan, ho medidasun foun ne’ebé ohin tribunál, sei hatun sei la aumenat tan krimi ba arguida, maibé atu asegura nia prosesu, maibé haré tarde ona, nusa medidas prizaun preventive tribunál aplika antes.

 Dala ruma tuir JMSP, Ministériu Públiku sei investiga arguida Emilia Pires ba  krimi foun maka, krimi desobedes antes tribunál aplika ona, no ne’e bele sai sirkuntánsia agravantes ida ba arguida, tan durante nia la kumpri, kolabora ho tribunál.

Antes ne’e arguida Emilia Pires nia lamentasaun  aprejenat liu hosi Luza,  ne’ebé JSMP sei la fiar atu arguida fila mai, ne’ebé ohin bele revio fali medidas koasaun ne’ebé iha, maibé  medidas ne’e sei la vale, tan arguida sei la fila ona mai Timor.

“Maske arguida sei la marka nia prezensa iha leitura akordaun, maibé lei fó dalan atu nia advogadu ou defeza bele reprejenta , ikus informa ba nia kliente. Agora ita aprende ho indiksaun sira mai ho pedidu arguida aprejenta, iha posebilidade arguida sei la mai, maibé desizaun tribunál sei fó ba arguida,” hatutan JSMP.

 Enkuantu lolo’os , Tribunal fó oan desizaun ba epdidu Ministériu públikua iha loron 25/11 iha audensia julgamentu, tan juiza nain ida sei baixa , Tribunál Distritál Dili (TDD) kontinua adia nafatin kazu refer.

“Agora juiza nain ida sei baixa iha HNVG, tan nia foin partus, nia kondisaun saudé seidauk permiti, atu mai hala’o aktividade servisu, tan ne’e,  ohin (horseik )  Tribunál adia kazu Emilia Pires ho Madalena Hanjam ba loron 30 Dezembru tuku 10:00 otl,” informa Juiz prezidente José Maria Araújo iha audánsia julgamentu.

Juiz prezidente ba kazu ne’e hatutan, nia parte  ba hala’o ona visita ba haré juiza ne’ebé sei baixa iha Hospital HNVG,  no hosi nia haré, kondisaun saudé juiz ne’e rasik,  seidauk bele rekopera ho didiak.

 “Juiza informa mai ha’u, atu lokraik nia bele augenta mai tribunál, atu kontinua realiza julgamentu hodi fó desizaun  ne’ebé Ministériu Públiku husu, maibé tuir nia haré, juiz nia kondisaun rasik seiduk bele di’ak  ho nomaal, tan ne’e ha’u fó hanoin ba juiz ne’e atu baixa lai hodi hetan tratamentu Saudé , para rekera nia saudé ho di’ak,” Hatutan juiz prosesu refere.

 Enkuntu  arguida Madalena Hanjam ba Timor Post iha TDD,  Sesta (25/11)   nia parte kontinua kolabora ho prosesu ne’ebé nai infrenta iha Tribunál, to’o hetan  desizaun ikus hosi Tribunál.

 Tuir nia, hanesan sidadaun ba rai no nasaun ne’e, tenke obdese ba prosesu justisa ne’ebé estabelese iha nasaun RDTL, tan ne’e maske nia asumi kargu inportante iha Estadu ida, ne’e maibé  nia tenke maneija tempu hodi mai marka nia prezensa iha kazu ne’ebé nia infrenta.

 “Ha’u sei obdese no kolabora ho tribunál, to’o ha’u nia kazu ne’e hetan desizaun finál hosi Tribunál,” Dehan Arguida Madalena Hanjam iha TDD.

Audénsia julgamentu ne’e,  sei prezide hosi juiz koletivu José Maria de Araújo, Francisca Cabral, Maria Solana . Ministeriu Públiku reprejenta Prokuradora Angelina Saldanha, Lidia Soares ho Jacinto Babo . Arguida Emilia Pires hetan sistensia legál hosi advogadu Privadu Pedro Camões no. No arguida Madalena Hanjan, hetan asistensia legál hosi advogadu privadu,  José Guterres. (max)

Timor Post

Timor Leste Sai Fatin Ema Fase Osan

DILI - Nasaun Timor Leste deskonfia sai fatin ema fase osan, tanba Lei brankamentu kapitais neebe Parlamentu Nasional (PN) aprova tinan kotuk liu ba sei fraku iha nia implementasaun.

Deputadu bankada Fretilin Paulo Moniz Maia hateten, Implementa lei neebe maka Parlamentu Nasional aprova iha tinan kotuk liu ba maka ladun forte, nunee halo ema fasil atu fasi osan iha rai laran.

Timor labele sai fali hanesan sentru ida para atu fasi osan, halimar osan tama hodi sai ba liur nee krimi, tanba lei nee iha tinan kotuk liu ba nee aprova tiha ona, mais talves instituisaun neebe maka atu implementa lei nee maka ladun rigor,” dehan deputadu Paulo ba STL, iha PN, Dili, Kuarta (30/11/2016).

Responde konaba iha ema balu maka suporta ema fasi osan iha rai laran, deputadu Paulo hateten, bele deskonfia ema, maibe  nunka kaer toman  labele hateten ema nee si A ka B, tanba sidadaun ema neebe maka halo fasi osan nee krimi  nia tenke ba hatan iha Tribunal.

Entretantu Prezidente GOPAC Francisco Miranda Branco hateten, Nasaun Timor Leste hanesan nasaun neebe nakloke demais, entaun sai fatin ba ema atu halo fasi osan. Informasaun kompletu iha STL Jornal no STL Web, edisaun Kinta (1/12/2016). Carme Ximenes

Suara Timor Lorosae

Kazu Bebonuk Komandu PNTL Entrega Ba MP

DILI – Kazu Bebonuk, Komandu Polisia Nasional Timor Leste (PNTL) entrega ba Ministeriu Publiku (MP). Aktualiza ba kazu nee suspeitu nain 10 mak hetan ona kapturasaun.

Informasaun nee fo sai husi segundu komandante PNTL Komisariu Polisia Faustino da Costa, ba STL iha Kuartel Jeral PNTL, Caicoli, Dili, Tersa (29/11/2016).

Hau atu aktualiza deit kazu Bebonuk nia, ema nain 10 mak ami halo ona kapturasaun, agora prosesu halo nusa, hela ema nain hira, nee ami aprezenta ona ba MP neebe atu detailu liu MP mak hatene liu,” dehan Faustino.

Iha sorin seluk Adjuntu Komandante Munisipiu Dili, Superientendente Assisten Polisia, Euclides Belo dehan liga ba kazu Bebonuk, parte polisia entrga hotu ba Ministeriu Publiku hodi kontinua prosesu nee ba oin.

Nunee mos Deputadu Cesar Valente dehan, kazu neebe mak akontese iha area Bebonuk ida nee konsidera hanesan grupu kriminozu, tanba nee polisia tenke buka tuir supeitu kriminozu sira. Informasaun kompletu iha STL Jornal no STL Web, edisaun Kinta (1/12/2016). Lucia Ximenes

Suara Timor Lorosae

Hatama Kilat Rakitan mai TL, Deskonfia Timor Oan Mak Sai Matadalan

DILI – Deskonfia sidadaun Atambua hatama kilat rakitan ho ai moruk rabies mai iha Timor Leste (TL), tanba Timor oan mak sai matadalan. Husi aktu nee tendensia atu kria instabilidade ba eleisaun jeral.

Kestaun nee hatoo husi reprejentante povu iha uma fukun Parlamentu Nasional (PN), deputadu Cesar Valente, ba STL iha nia knar fatin PN, Kuarta (30/11/2016).

Sira neebe mak halo investiga seidauk los mais tuir hau nia pontu devista, haree ba oin ne katak, dala ruma mais espera katak ema Atambua nee kaer lalais deit, nee tuir informasaun neebe hau hetan katak, nia mai nee liu husi ema ida mak mai,” dehan Deputadu Cesar.

Iha fatin hanesan Deputada Ilda Maria da Conceicão dehan, seguransa iha fronteira imigrasaun tenke servisu ho lolos, para ema labele lori sasan illegal tama mai iha Timor Leste, tanba Nasaun nee harii ho ruin no ran.

Nunee mos Segundu Komandante PNTL, Komisariu Polisia, Faustino da Costa katak, bazeia ba informasaun nee, nia mos simu ona informasaun husi komandante munisiapiu sira. Informasaun kompletu iha STL Jornal no STL Web, edisaun Kinta (1/12/2016). Lucia Ximenes

Suara Timor Lorosae

Governu Aloka Milaun 49,3 Ba Projetu Tasi Mane

DILI – Maske projetu tasi mane sei pendente iha Tribunal de Kontas, maibe iha Orsamentu Jeral Estadu (OJE) 2017, Governu aloka tan pur volta Milaun 49,3 ba projetu nee.

Vise Prezidente Komisaun E (PN) neebe trata asuntu Infraestrutura, deputadu Manuel de Castro hateten, iha OJE 2017 Governu aloka tan Purvolta Milaun 49,3 ba projetu tasi mane, tanba Governu hakarak hari investimentu neebe boot.

Ita nia Governu tau Orsamentu ba projetu ida nee atu fo garantia ida, tanba Governu iha interese atu bele halo investimentu boot ida iha rai laran,” dehan deputadu Manuel ba STL, Kuarta (30/11/2016).

Nia dehan, Orsamentu nee tau iha neeba atu fo nafatin hanoin ba ema katak, Governu iha nafatin interese, atu bele halao projetu tasi mane, tanba nee maka Governu tau osan iha neeba.

Iha fatin hanesan Prezidente Komisaun F (PN), neebe trata asuntu Edukasaun no Saude deputadu Virgilio Hornai hateten, Tinan tinan orsamentu preve nafatin, tanba projetu tasi mane nee tama ona ba iha fundu infraestruras. Informasaun kompletu iha STL Jornal no STL Web, edisaun Kinta (1/12/2016). Carme Ximenes

Suara Timor Lorosae