DULCE PRONTU TROKA SAUDOZU LA SAMA

Ministra Edukasaun (ME) interina Dulce Maria de Jesus, prontu atu asume hikas knaar nu’udar Ministrra koordenador asuntus Sosiais ho Ministra Edukasaun hodi troka hikas Saoduzu Fernando ‘La Sama’ de Araújo.

‘’Ha’u hanesan membru Governu tuir instrusaun husi ha’u nia Primeiru Ministru (PM), Rui Maria de Araújo, tuir buat ne’ebe mak fo mai ha’u, maibe to’o agora seidauk iha desizaun ruma husi Governu,”informa Dulce Maria de Jesus ba jornalista sira iha Edifisiu Ministeriu Edukasaun (ME), Vila Verde, Dili, Kuarta (10/06/2015).

Tuir despaisu ne’ebe maka hasai husi PM Ruia Maria de Araújo, iha loron 3 Maiu, foin lalais ne’e, fo hela fiar ba Dulce atu asume knaar Ministra Edukasaun interina.

Nia mos haktuir tan katak, antes saudozu mai asume kargu hanesan ME, V Governu kosntituisional iha ona programa rasik, maibe saudozu ema ne’ebe diak, tanba buka hatene servisu Ministeriu Edukasaun nian liu husi relatorio no informasaun no diak liu mak saudozu hakarak hatene dereita kona ba probelam edukasaun iha baze, tan ne’e saudodzu tun dereta ba Munisípiu hodi haree dezafiu ne’ebe sira infrenta hodi buka solusaun.

‘’Buat ne’ebe mak saudozu mai, nia haree hanesan dezafiu buka dalan atu resolve, exemplu problema kurikulum buat ne’ebe mak saudozu fo importansia tebes atu garante implmenta kurikulum, tanba saudozu hakarak garante iha kurikulu ne’e estudante Timor Leste atu garante Estuda sira nia kulturu no historia no aprende lolos sira nia historia i Saudozu mos hakarak estudante sira hetan kualidade edukasaun ne’ebe diak, tan ami servisu tuir planu ne’ebe mak sai mata dalan ba ME tenki kontiua tanba ne’e iha planu ona,”dehan nia.nia

Jornal Nacional

2016, REHABILITA PORTU DILI

Governu tau ona planu prioridades iha tinan 2016 ne’e tenke rahabilita kondisaun Portu Dili.

“Kondisaun Portu Dili ladun diak, foin dadaun ami atu hatama iha planu, maibe haree fali ba Governu nia posibilidade maka adia hela, mais to’o tinan 2016 ami sei halo rehablitasaun ba Portu Dili,” informa Direitor Portu Dili, Lino Barreto ba Jornalista iha nia kna’ar fatin Portu Dili, Kuarta (10/06/2015).

Iha parte seluk Prezidente komisaun E Parlamentu Nasional (PN), trata asuntu infra-estrutura, Pedro da Costa, kestiona katak, Portu Dili ne’e presiza halo rehablitasaun, maibe bainhira atu halo rehablitasaun presiza halo estudu ne’ebe mak klean, tanba to’o ona tempu duni atu rehablita Portu Dili.

Membru komisaun E PN, husi Bankada FRETILIN, Deputada Anastacia da Costa realsa mos katak, presiza duni halo rehablitasaun ba Portu Dili, maibe antes atu halo rehablitasaun tenki halo preparasaun ida ne’ebe mak masimu.

“Komisaun Infraestrura nian hanoin katak presiza duni ita tenki halo rehablitasaun ba Portu Dili, mais antes atu halo rehablitasaun tenki halo preparasaun ida ne’ebe mak masimu, hodi haree dezenhu ho BoQ ne’ebe mak iha no presiza halo estudu ne’ebe mak diak atu nune’e bele hetan portu ne’ebe mak ho kualidade ba ita nia rain,” hateten Deputada Anastacia. mia

Jornal Nacional

MNE timorense defende importância económica da língua portuguesa

Díli, 10 jun (lusa) - O ministro dos Negócios estrangeiros timorense defendeu hoje que a presença de mais empresas da Comunidade de Países de Língua Portuguesa (CPLP) em Timor-Leste pode ser um factor motivador e decisivo na promoção do Português.

"O investimento na língua portuguesa tem que ser visto noutras perspetivas mais ambiciosas do que o ensino. Falar português tem que ser visto pelos jovens como um incentivo para ter um futuro melhor", disse Hernâni Coelho, numa cerimónia comemorativa do 10 de Junho, organizada pela embaixada de Portugal, na escola portuguesa, em Díli.

Perante a presença de diplomatas de vários países, membros do governo timorense e centenas de pessoas da comunidade portuguesa residentes no território, o ministro defendeu uma aproximação do espaço lusófono.

Numa altura em que Timor-Leste assume a presidência rotativa da CPLP, Hernâni Coelho disse que Timor tem que apoiar e aprofundar as opções constitucionais timorenses em relação à política das línguas oficiais, tetum e português.

"A língua portuguesa, em conjugação com a fé católica, é para nós um dos factores distintivos que nos garante a afirmação da singularidade da nossa cultura na região", afirmou.

"Garante-nos também a aproximação não só a Portugal e à Europa, mas também ao Brasil e aos países africanos de língua portuguesa", disse.

O ministro insistiu no "interesse económico" da língua, afirmando que com empresas que falem português em Timor-Leste os jovens terão aí um factor decisivo para o sucesso da política linguística.

Numa referência à CPLP, o ministro considerou que pode ser um veículo privilegiado para dinamizar "as solidariedadews transnacionais" como mais cooperação a todos os níveis e uma ação conjunta nos fóruns internacionais.

"A afirmação da CPLP tem que ser vista como uma ideia diferente e dinâmica a ser inventada permanentemente. Para isso precisamos da ajuda e da contribuição de todos e muito em especial de Portugal", concluiu.

ASP // NS

“Professores, escolas e materiais didáticos são chaves para a educação”- Diretor Geral

O diretor-geral do Ministério de Educação, Antoninho Pires disse que para melhorar a qualidade da educação devem ser resolvidos gradualmente todos os problemas existentes, segundo o Suara Timor Lorosa’e. 

“Falamos sobre a qualidade da educação, não nos podemos referir apenas à questão dos professores, mas também das infraestruturas (escolas) e dos materiais didáticos. As três questões são chaves para a educação”, informa o diretor geral aos jornalistas.

Em relação aos professores, o diretor geral explica sobre a formação dos professores , de modo a poderem adquirir mais conhecimentos sobre o sistema de ensino. Um bom complexo escolar deve ser completo com salas dos professores, biblioteca e parque para os estudantes.

Em relação a questão dos materiais didáticos, devem ser variados para que os alunos possam ter conhecimento não só de uma área, mas sim de todas as áreas.

Por outro lado o reitor da universidade Institute Of Bussines (IOB), Augusto da Conceição Soares acrescentou ainda que os currículos aplicados nas escolas deveriam ser apropriados para a realidade e situação do país.

SAPO TL com STL 

TAUR LANSA FATUK DAHULUK MONUMENTU MARABIA

DILI - Prezidente Republika Taur Matan Ruak Lansa Fatuk Dahuluk ba Monumentu Marabia, no Komomera Lavantamentu ba dala 35 nebe halo Timor oan sira barak Mate, hodi Liberta nasaun Timor Leste.

Tuir Prezidente Republika Taur Matan Ruak katak monumentu nebe maka halo atu hanoin hikas fila fali akontesementu Marabia iha tinan 35 ba kotuk, sira nebe maka mate iha tempu nebe tamba luta libertasaun Timor Leste.

Sira nebe mak mate sai ita nia heroi, jerasaun ba jerasaun sei la haluha sira, tamba Timor ukun Aan dala ida, buat nebe mak sira halo ita moris la halo, ita halo fali buat seluk no sai heroi ba buat seluk fali,” dehan Taur liu husi deskursu, Kuarta (10/06/2015) iha Marabia.

Taur lori nasaun nia naran fo solidaridade ba familia sira, maske Timor oan sira terus hotu maibe familia sira terus, liu tamba fo oan no familia uma laran hodi sosa independensia, maske Vida sidadaun nian la fan iha merkadu.

Iha fatin hanesan Vice Ministru Solidaridade Miguel Manetelu hatete determinasaun, sakrifisiu, no kontinuasaun sai liafuan sira nee sei vale ba Timor oan hotu iha prosesu dezemvolvimentu, hodi fo onra no homenazen ba heroi sira nebe ba ona mundu seluk. Informasaun kompletu iha STL Jornal no STL Web, edisaun Kinta (11/6/2015). Timotio Gusmao

Suara Timor Lorosae

Garante Establidade Rai Laran, PR Taur: PNTL Tenke Servisu Makas

DILI - Prezidente Republika husu ba Polisia Nasional Timor Leste (PNTL), atu hakas aan liu tan hodi hakbesik ba komunidade sira hodi garante no hametin diak liu tan establidade iha rai laran.

Tuir Prezidente Republika Taur Matan Ruak katak, progrema vizita PNTL hanesan mos programa nebe maka Prezidente halo ona iha suku sira, no hare mudansa boot nebe maka PNTL sira halo iha Munisipiu, nee hatudu duni progresu bot, laos deit relatoriu nebe maka Komandante PNTL aprezenta, maibe hanesan Lideransa hare rasik ona ho matan konaba sira nia progresu.

Hau kontente bain hira halo vizata ba iha suku sira komnidade sira fo avalisaun diak konaba servisu PNTL nian, tamba nee hanesan Xefi estadu enkorazen sira, oinsa atu esforsu no hakas aan diak liu tan, tamba Nasaun presiza sira nia tulun, no povu iha rai ida nee mos presiza sira nia tulun,” informa Prezidente Taur ba Jornalista sira Kuarta (10/06/2015) iha Kuartel Jeral PNTL Caikoli Dili, bainhira halo vizita kortejia ba PNTL.

Iha fatin hanesan Komandu Jeral Polisia Nasional Timor Leste (PNTL) Komisariu Julio Hornay hatutan, vijita kortejia Prezidente Republika nee, atu enkoraja PNTL tenke servisu makas, tamba povu iha Nasaun ida nee hakarak moris iha pas no establidade nia laran. Informasaun kompletu iha STL Jornal no STL Web, edisaun Kinta (11/6/2015). Madalena Horta

Suara Timor Lorosae

L-7 Sei Hatun Militantes Rihun 3 Hodi Halo Asaun Pasifiku Hasoru Estadu

DILI - Cornelio Gama L-7 sei hatun nia Militantentes Rihun tolu hodi halo asaun pasifiku hasoru Estadu, atu nunee bele rejolve problema rai laran, no labele lori sasan kroat hodi estraga Nasaun no Povu TL, tan nee L7 lori ona karta Autorizasaun ba Komandu PNTL.

Tuir Cornelio Gama L-7 katak, nia lori ona karta ida ba iha Komandu Jeral PNTL atu husu autorizaun halo asaun pasifiku hasoru Lideransa iha rai ida nee, atu labele autoriza tan ema lori sasan kroat hodi estraga Nasaun no povu iha rai ida nee.

Hau hanoin PNTL no F-FDTL maka siguransa ba ida nee ida nee tamba nee husu sira nia apoiu siguransa ba asaun fasiku ida nee, tamba nee prezensa Polisia ho FDTL nian sei hamrik iha kotuk, no ami maka bele hamrik iha oin hodi halo asaun atu nunee bele rejolve problema konflitus iha rai laran, tan nee ami respeita nafatin ita nia konstituisaun,” informa L-7 ba jornalista sira Kuarta (10/06/2015) iha kuartel Jeral PNTL Caicoli Dili, bainhira lori karta ba hasoru Komandu Jeral PNTL.

Hatan ba kestaun nee Komandu Jeral PNTL Komisariu Julio Hornay hateten, L-7 haruka ona surat pedidu ida mai iha komandu atu husu apoiu PNTL hodi fo siguransa ba Asaun pasifiku nebe maka sira sei realize iha loron 27-28. Informasaun kompletu iha STL Jornal no STL Web, edisaun Kinta (11/6/2015). Madalena Horta

Suara Timor Lorosae

KARIK LAIHA SEGREDU ESTADU?!

Jornal Nacional, editorial

Timor Leste ohin loron nee depende ba asesor internasional hodi fo asesoria ba membru governu sira, prepara politika ba governu atu bele halao tuir nos mos fasilita governu eserse ninia funsaun labele viola konstituisaun no leis nebe vigora.

Laiha duvida, ita nuadar nasaun foun, falta rekursus humanus nebe presisa duni matenek sira nee atu apoia ita hodi halao servisu ho diak maibe problema mak nee asves halo nasaun nee laiha segredu estadu.

Buat kiik ka boot konaba estadu nian, asesor sira tenki hatene atu nunee fo dalan ba governu atu lao tuir, maibe asesor sira nee mos iha sentidu estadu ba sira nia nasaun, inposibel sira bele kontra sira nia nasaun rasik.

Timor Leste ohin loron nee iha problema barak ho nasaun vizinhu, li- liu Asutralia, demarkasaun fronteira, problema sira rikusoin iha Tasi Timor, espesialmente disputa ba kadoras mina matan Greater Sunrese no mos espionajen.

Negosiasaun nebe ita halo ho nasaun sira nee asves adversariu sira hatene ona ita nia posisaun, pontu fraku no pontu forte mai ita hodi sira buka maneira oinsa atu bele koalia kontra ita tamba sira nia ema iha laran fo hatene uluk ona ita nia taktika no estratejia.

Asves ita deskonfia espionajen nee dun ema seluk maibe tuir lolos ita rasik (nasaun ) mak selu ema sira nee hodi halo espion ba ita tamba sira nebe halo espionajen nee ema sira nee mak ita konsulta ho sira, ita esplika ita nia razaun, ita nia pontu fraku no pontu forte, ita husu sira nia asesoria.

Ohin loron nee Timor Leste halo hela negosiasaun ho Australia konaba fronteira maritima, ita iha kazu ho kompanhia Mina Conocophilips nebe no espionajen Australia nian mai Timor Leste hodi too governu Australia foti dokumentu husi advogadu timor nian iha Australia maibe Australia no amerika mak sai asesora iha governu laran, oinsa ema lahatene uluk segredu timor nian.

Los duni asesor nee ita presisa maibe tenki kontratu asesor nebe ema husi nasaun nebe ita laiha problema sira nia nasaun , asessor nee mos tenki haree area nebe presiza asesor no area nebe mak la presiza tamba kestaun segredu estadu.

Aseves ita timor ona rai segredu ba malu nee metin teb’tebes , maibe ita la taka ita nia segredu ba malae sira. Hanesan mos iha tempo funu, militar indonesia sira atu halo operasaun estafeta sira ba fo hatene ona ba FALINTIL, wainhira TNI sira ba revista atu kaer ka tiru, FALINTIL sai tiha ona.

Iha kazu negosiasaun maritima ka espionajen nee mos hanesan, ita foin hanoin buat ida atu koalia, ita konsulta ho asesor sira konaba ita nia razaun, asesor sira nee fo hatene ona governu adversariu nee sira buka ona meus oinsa bele kontra ita nia posizaun nee.

Asesor nee ita selu karun atu ajuda ita, maibe iha parte balu sira mos halo monu ita kuandu segredu nebe ita iha nee deskobre ba tiha inimigu, eh inimigu buka detal maneira atu bele kontra ita nia posisaun.

Sei nee akontese mak Timor Leste nee laiha buat ida naran segredu estadu tamba ita bele taka ba malu, taka ba ita nia sosiedade maibe ita la taka ba malae sira nunee sira ba fo hatene sira maluk hodi kontra ita, diak liu lalika koalia buat sergedu estadu nee. *

Jornal Nacional, editorial

PM RUI BANDU KFP FAMILIARIZMU

Primeiru Ministru (PM), Rui Maria de Araújo bandu maka’as Komisaun Funsaun Públika (FKP) atu labele hili familia deit ka familiarizmu iha prosesu rekrutamentu funsionáriu públiku nian hodi hamosu Korupsaun, Koluzaun no Nepotismu (KKN).

Lia fuan ne’e hateten husi PM Rui Araújo bainhira asiste termo de entrega husi prezidente KFP tuan Liborio Pereira ba iha nia troka, Faustino Cardoso (10/6) iha Edifisiu KFP.

“Ha’u hakarak dezeja dala ida tan votus servisu diak no korazen, com serteza depois ema sei telephone ba ita bo’ot sira katak, haree lai ha’u nia primu ida ne’e no ha’u nia prima ida ne’eba, maibé ha’u fiar katak, ita bo’ot sira iha integridade no iha rezistensia atu kontra tentasoens sira ne’e hotu, tanba ita nia objetivu mak atu servi ita nia nasaun no ita nia povu,”dehan PM Rui Araújo iha nia diskursu ba seremonia transferensia poder refere.

Rui Araújo afirma, KFP tutela iha Gabinete Primeiru Ministru nia okos, maibe Governu sei la interven iha servisu KFP nian, ne’e KFP nia kompetensia rasik atu jere.

Xefe Governu ne’e dehan, sestu Governu konstitusional ninia programa importante ida mak introdus reforma iha administrasaun públika.

“Ita atu halo reforma ba administrasaun públika, ita tenki iha motor ida ba reforma. Motor ida ba reforma ne’e mak, Komisaun da Funsaun Públika,” katak Rui Araújo.

Tanba ne’e, importante tebes tenke iha apoiu politika ba planu ida ne’e. iha biban ida ne’e PM agradese servisu tomak ne’ebé Prezidente tuan KFP, Liboriu Perreira ho nia ekipa halo.

“Maibé klaru katak, hanesan mós ita ema, wainhira ita moris to’o bo’ot, ita nia forma ne’e muda, roupa ninia dividas mós tenke muda, nomos agora ho modelus ne’ebé mosu iha fatin-fatin, ita mós tenki adapta ba modelu sira ne’e, ida ne’e mak konseitu reforma,”tenik Rui Araújo.

Tuir Rui Araújo, konseitu reforma ne’e, la’os mai atu hasai deit buat ne’ebé mak ladiak, maske klaru katak tenke hasai duni buat ne’ebé mak ladiak hodi ajusta ba dezenvolvimentu Timor Leste ne’e.

Iha parte seluk, Prezidnete KFP foun, Faustino Cardozo promote, nia ho nia ekipa sei hala’o servisu ho rigor, efikas no nakonu ho responsabilidade.

“Ida ne’e prosesu ida que hatudu ita nia sentidu Estadu, sentidu responsabilidade, wainhira ita assume kargu iha instituisaun Estadu nian saida deit,” dehan Faustino Cardozo.

Nia hatutan, kargu ne’e buat ida ne’ebé publik, tanba Timor Leste Estadu Repúblika, entaun se deit mak priense rekezitus no hetan fiar, tenke prontu atu ba assume responsabilidade ida ne’e.

Faustino dehan, konstituisaun TL mós, define ona prioridades kona-ba kontestu hotu, iklui Komisaun Funsaun Públika nian.

Faustino haktuir, tuir lolos serimonia entrega poder ne’e hala’o iha loron Trerça (2/6), maibe tanba saudozu Fernando LA Sama de Araujo nia mate entaun tenki kansela.

Serimonia entrega poder ne’e simples liu tanba mandatu ne’ebé Estadu fó ne’e mos simples, tanba ne’e ho prezensa PM Rui Araújo sai testamuña direita ba prosesu transferensia responsabilidade simples ne’e.

“Ami hala’o ona vizita ba Sekertariadu, halo komunikasaun mós ho Diretores Jerais, inspetur, Xefe Departamentu, halo mós vizita ba edifisiu foun ne’ebé infinitivu hela diet, INAP no hau fó ona despaixu barak tiha ona, i ami hetan ona ideia kona-ba situasaun espasu ninian,” relata Faustino.

Iha okaziaun ne’e, Faustino husu ba Gabinete Primeiru Ministru atu servisu hamutuk hodi hadia funsaun públika, hodi ikus mai bele alkansa objetivu funsaun públika ida efisiente, efikas, responsavel ho prestaun servisu ne’ebé ho kualidade.cos

Jornal Nacional

AMANTE EJIJI REFORMA FFTL

AMANTE (Hadomi Bola) Timor Leste (TL) Tersa feira (9/6) ejiji atu halo reforma ba estrutura Federasaun Futebol Timor Leste (FFTL), tanba konsidera iha mafiozu iha FFTL nia laran.

Ejijénsia ne’e, hato’o liu husi asaun pasífika ne’ebé mak organiza husi AMANTE iha edifísiu FFTL Xanana Sportin Center, Kampo Demokrasia Dili.

Ejijénsia AMANTE ne’e mosu tanba relasiona ho kazu deskonfia Diretór Téknika FFTL no Team Manajer selesaun nasionál Timor Leste iha SEA Games, Orlando Mendes no eis treinadór Moises simu subornu hodi konspira halakon Timor-Leste iha jogus futebol kontra Malaysia iha SEA Games 2015, nune’e mós iha indikasaun korupsaun, diskriminasaun no mós dezenvolvimentu desportu liu-liu iha área futebola nian lala’o, hanesan liga lala’o.

Asaun pasífika ne’ebé mak tuir planu sei hala’o durante loron lima (5), iha resintu edifísiu FFTL Xanana Sportin Center nia oin ne’e, partisipa husi estudantes, universitáriu sira, juventudi no mós familia husi Moises.

Iha primeiru dia, manifestantes alénde halo orasi, lori mós spanduk ne’ebé hakerek ho liafuan sira “Abaixo Mafiozu Sira Iha FFTL Nia Laran, Ami Lakon Fiar Ba Direjentes FFTL”, no selu-seluk tan.

Prezidenti AMANTE José de Carvalho husu ba FFTL, tenki disolve ka reforma estrutura FFTL agora kedas, tanba iha estrutura FFTL nia laran ne’e balun nakonu ho mafiozu nu’udar traidor ba nasaun rai doben ida ne’e, hodi bele salva talentu futebolista Timorense ho kredibilidade nasaun Timor Leste (TL) nian.

“Ami laiha ambisaun atu ba tur iha estrutura FFTL, maibé tenki hanoin futuru ba labarik sira no nasaun ninia nune’e tenki halo lós”, José de Carvalho hateten.

José de Carvalho haklaken katak, ho haraik-an husu ba Vise Prezidenti FFTL Osório Florindo, tenki hasai mafiozu traidor sira ne’ebé mak iha federasaun nia laran, tanba fa’an nasaun TL nia dignidade ho osan $ 15 mil.

“Ha’u iha esperiensia iha federasaun nia laran, ha’u la nega sé federasaun dezafia ha’u, ha’u prontu ba hatán. Tanba saida mak ha’u sai husi federasaun, ha’u sai la’os tanba ambisaun, maibé ha’u nia hakarak futebol, jogadór nia direitu ne’e tenkiser tau aas”, José de Carvalho hateten.

Prezidenti AMANTE ne’e fundamenta katak, membrus FFTL sira goza demais ona, tanba wanhira sai ba joga iha rai liur, kada membru hetan osan $ 4-5 mil, maibé jogador sira kuitadu dala ruma hetan de’it $ 200. N

“Ne’e diskriminasaun bo’ot ida mak akontese ba ita nia jogador sira”, hateten José Carvalho.

José de Carvalho akresenta katak, tuir loloos fatin FFTL ne’e, fatin ida ne’ebé mak atu eduka joven sira ne’ebé mak hakarak saiduni futebolista, maibé realidade akontese ne’e FFTL sai fali fatin bosokten no atu hanorin aat fali ba juventudi sira.

“Ami nu’udar Timoroan ami mós hanoin Sr. Orlando, maibé nia tenki responsabiliza ba ninia hahalok. Ami husu nafatin ba investigasaun tenki la’o ho klean, tanba la’os Orlando ho Moises de’it mak iha ne’ebá”, José de Carvalho hateten.

Iha fatin hanesan Vise Prezidenti AMANTE, Inocéncio Xavier hateten katak, TL ukun-an ne’e, la’os ema tau bandeira RDTL iha bandeiza maka haruka Prezidenti Repúblika ka lideransa ba simu de’it, maibé ukun-an ne’e sosa ho isin, ruin ho ran. Maibé ohin loron ema ne’ebé goza iha instituisaun Estadu nian hodi halo kaixaun bo’ot ba nasaun ida ne’e.

“Sé ita hotu nia familia, inan-aman, mate ba rai ida doben ida ne’e, ita labele husik espasu ba hahalok ida ne’e, atu implika ita nia kakutak hodi fa’an ita nia rai no trai ita nia nasaun”, Inocéncio Xavier fundamenta.

“Timor Leste ukun rasik-an tiha ona, laiha ema ida mak atu sama ita ba rai, laiha ema ida atu fa’an ita nia nasaun ho $ 15 Mil, ne’ebé tuir lolos ita nia autoridade polisiál tenki halo investigasaun no Ministériu Públiku tenki hola asaun konkreta, tanba ne’e krime nune’e labele tolera”, Inocéncio Xavier tenik tan.

Tuir Inocéncio Xavier, rai ida ne’e lulik no hatudu duni faktus ne’ebé mak durante ne’e AMANTE koalia, tanba AMANTE hadomi rai ida ne’e no hadomi juventudi Timoroan sira ne’ebé mak hakarak prátika futebol.

Inocencio Xavier mós kestiona katak, Timoroan sira dala barak fens mak Real Madrid ho Barcelona, maibé la fens ba jogador Timoroan sira rasik.

“Wanhira Real ho Barca joga, iha kapital Dili laran nakonu ho ema, maibé Timor Leste nia oan kuandu joga, hotu-hotu ba toba dukur. Tuir loloos ida ne’e labele akontese”, katak nia.

Inocéncio Xavier kestiona mós konaba, bus FFTL nian ne’ebé mak tula jogadores Timoroan sira ne’ebé tau fali fotografia Ronaldo husi klubu Real, no Mesi husi Barca. Tuir Inocéncio Xavier katak, imajen ida ne’e lajustu ba Timoroan sira, tanba kareta FFTL nian ne’e Timoroan nian, la’os Mesi ho Ronaldo nia kareta.

“Sé ita fens barcelona, fens Real, nusa mak ita la fens Dukai sira, ka Atai sira, ka Jogador Ramos nu’udar Timoroan ne’ebé famozu. Ne’e traisaun boot, la dignifika, la valoriza, la motiva ita nia jogadores Timoroan sira. Ne’e hatudu momos katak lideransa sira ne’ebé mak tur iha estrutura FFTL ne’e la presiza tur tan iha ne’ebá, maibé tenki hasai ka reforma kedas agora”, dehan Inocéncio Xavier.

Vise Prezidenti AMANTE ne’e ejiji mos, tenki hasai estiker Mesi ho Ronaldo ne’ebé taka iha kareta FFTL nian, ne’ebé mak lor-loron tula jogadores Timor oan sira, tanba ne’e la’os osan Mesi ho Ronaldo nian mak hodi ba sosa bus ne’e, maibé lori osan Estadu, Governu no povu Timor Leste nian.

“Nusa mak la tau estiker jogador Timoroan ho naran Miro Valdo ne’ebé sai top skor iha jogu Sea Games Cup no Sico Metan, João Pinto, João Brito, João Metan, Castro sira, Manuel Maudiga”, hateten Inocéncio Xavier.

“Sé ita nasionalista, sé ita hadomi motiva jogadores Timor oan sira, tau foto ema jogadores Timoroan nian. Koalia ho lian Indonesia karik “Negeri dan Bangsa ini Bukan Untuk Kita ,Tetapi Untuk Anak dan Cucu Kita”, Inocéncio Xavier tenik tan.

Iha fatin hanesan Vise Prezidenti FFTL, Osório Florindo apresia manifestasaun ne’ebé AMANTE organiza, hodi rekere konaba liga lala’o no subornu ne’ebé mak Orlando komete.

“Ami iha Federasaun Futebol Timor Leste lakohi proteje ema naokten iha FFTL inkluindu ha’u, sé de’it mak iha dadus osan Governu nian ha’u mak kaer mesmu ha’u hatene sira laiha kna’ar atu halo audit. Maibé relatóriu iha hela Sekretáriu Estadu Juventudi Desportu, sira bele ba tuir halo audit iha ne’eba, tanba tinan ida, ha’u mak kaer no tinan ida ne’e mós ha’u mak kaer. Nune’e duit metan ida mós seidauk sai konaba osan mafia ne’e”, Osório Florindo fundamenta.

Osório Florindo dehan, konaba aktus Orlando nian informa ona ba Parlamentu Nasionál, no konsidera hahalok Orlando nian ne’e, traisaun ba nasaun.

“Tanba ne’e saida mak sira husi AMANTE ho front mahasiswa sira koalia barak liu iha manifestasaun konaba buat barak la la’o ne’e ha’u agradese, maibé ha’u husu katak, sé sira iha dokumentus komprovativu ba asuntu saida de’it tenki loke”, Osório Florindo esplika.

“Ha’u mak sosa bilete ba jogadores hotu-hotu ne’ebé mak ba iha rai liur ha’u la sosa Moises nia naran la tama iha ha’u nia lista, tanba AMANTE dehan Moises hetan bilete gratuita husi FFTL, maibé ha’u mak ba sosa bilete jogadores nian, nune’e ita bele ba cek iha agen, Moises nia naran iha ne’ebá iha ka la’e”, Nia afirma.

Maski nune’e maibé Osório Florindo husu ba AMANTE atu labele jeneraliza membrus FFTL hotu mafiozu. Tanba FFTL laharuka Orlando atu simu suborn.

“Husu ba familia Orlando ho Moises atu loke husi Singapura mai to’o iha Timor Leste atu labele dehan katak, ami hotu iha FFTL nia laran mesak mafiozu ha’u la simu” Vise Prezidente FFTL Osorio Florindo la simu.

FFTL la haruka Orlando atu simu osan subornu ho montante $ 15 Mil. Karik sé de’it mak iha evidénsia katak, FFTL mak haruka Orlando simu osan subornu $ 15 Mil ne’e aprenzenta mai para ami tomak iha FFTL lalika ba tuir julgamentu maibé ami hotu ba de’it Becora. Maibé los duni FFTL mak haruka Sr. Orlando akompaiña jogadores Timor oan sira ba joga”, hateten Osório Florindo.

Konaba Kongresu FFTL nian, Osório Florindo hateten katak, kongresu ne’e sei akontese iha fulan Setembru tinan ida ne’e no sei konvoka husi Prezidenti FFTL, Francisco Kalbuadi Lay.

“Nune’e atu reforma estrutura FFTL ne’ebé mak ejiji husi AMANTE ne’e tenki liu husi kongresu iha fulan Setembru ne’e. Ne’ebé sira iha direitu atu kandidatu sira nia-an, maibé liu husi Asosiasaun, Federasaun munisípiu mak propoin sira”, hateten Osório Florindo.

Familia Moises Husu Deskulpa

Iha asaun pasífika ne’ebé mak organiza husi AMANTE, Danila Maria da Costa Moniz Calau, nu’udar Moises Natalino de Jesus nia inan, deskulpa ba povu Timor Leste (TL) relasiona ho akontesementu ne’ebé akontese ba nia oan Moises iha Singapura, tanba halo povu Timor Leste tomak laran susar no fuan moras.

“La’os ami nu’udar inan aman atu husik oan ida sai fali ba traidór ba nia rai. Ami la konsente, tanba ami hakarak hateten ami nia funu, la’os atu ba defende ba ha’u nia la’en, oan no mós ba ha’u nia familia uma laran, maibé defende povu husi munisípiu 13 no ba nasaun ne’ebé mak harii iha ruin no ran nia leten ne’e”, Danila Maria da Costa Moniz Calau hakneak hodi harohan.

Danila Maria haklaken katak, nu’udar inan ida lahanorin ninia oan atu sai traidór ba ninia nasaun no ninia povu.

“Ha’u la eduka ha’u nia oan atu halo traisaun ba nia rai, ha’u la hanorin ha’u nia oan atu halo traisaun ba nia povu, ha’u la brani atu kondena Moises ho Orlando, tanba sira na’in rua ne’e, ha’u konta ba ha’u nia oan hotu”, Danila Mari deklara.

Tanba ne’e, Danila Maria dehan, ho hakraik-an no fuan boot simu, dezastre ne’ebé oras ne’e dadaun monu ba sira na’in rua (2).

“Ita hotu fó liman ba malu hodi proteje sira atu iha prosesu ne’e iha ikus ita hotu-hotu bele haree lia lós ne’ebé sei mai, tuku iha ita ida-idak nia odamatan no sei kontente. Ha’u husu nafatin ba juventudi Timor Leste tomak, ita hotu lakon no terus no tanis mak ohin loron sei hamriik hela iha ruin sira ne’ebé mak namkari, ran sira ne’ebé mak fakar iha rai doben ne’e liu-liu, ba ha’u nia oan sira, joven sira ha’u hamriik iha ne’e, ha’u hakarak hateten ba imi hotu katak, ha’u hakarak sai inan ba imi hotu, brani hamriik iha lia lós nia leten, brani hatudu, ha’u sala tanba laiha ema ida mak iha mundu ne’e moris perfeitu, maibé ita hotu mai husi sala”, Danila Maria dala ida husu deskulpa.

Iha okaziaun ne’e, Danila Maria hateten tan, labele aproveita oportunidade ne’e hodi insulta hateten no tolok familia sira, tanba lia fuan traidór ne’ebé mak imi fó ba familia ne’e nu’udar inan ba Moises simu no hakneak ba iha rai lulik katak nia traidora.

“Karik ha’u nia oan sala, konsikuensia nia tenki simu tanba ha’u la eduka nia atu halo trai povu Timor Leste ne’e, nune’e ha’u husu ba maluk sira hotu imi nia maluk monu ona imi tenki hamutuk hodi lolo liman ba malu hodi rezolve tanba Timor ne’e ita hotu nian”, Moises nia inan Danila halerik tan.

Danila rekoñese nia oan Moises monu iha prosesu ne’e nia laran, maibé husu katak liu husi prosesu investigasaun sei hetan solusaun ne’ebé mak justu.

“Ha’u sente ha’u nia oan Moises tama hotu iha prosesu kazu ne’e, maibé ha’u dukun katak, prosesu ne’e sei halo ho klean liu no prosesu ne’e sei nakfera ho nia dikin sanak hotu hodi hafanun juventudi sira”, nia koalia ho hakilar.tos

Jornal Nacional