PD-CNRT Prontu Kompete Ho Partidu Foun Iha Elisuan 2017

DILI – Partidu Demokratiku (PD) nomos Partidu Congresu Nasional Rekonstrusaun Timorense (CNRT) pronto ona atu hasoru elisaun jeral tinan 2017, maske iha partidu balu mak kontinua mosu.

Tuir Sekretariu Jeral Partidu Demokratiku (PD), Mariano Asanami Sabino, ba STL iha Igreja Katedral depois remata misa ba ba loron deslutu nasional Sesta (4/09) katak, PD agradese ba partidu foun neebe maka atu mosu tanba PD preparadu ona iha elisaun 2017.

PD agradese tanba nee sei la taka dalan ba partidu neebe mak atu mosu ba se deit neebe mak iha direitu atu halo politiku tanba ema hotu iha direitu atu hari partidu hodi espresa ninia hanoin tanba nee se deit mak atu hari partidu PD pronto atu kopera tanba PD hanesan partidu demokratiku tenke moris iha multi partidu ho hanoin oin-oin no PD pronto ona atu compete,” hatete Asanami.

Nia hatutan iha nasaun demokratiku iha buat 3 mak importante liu hanesan partidu ida labele monopoli lia los, media fatin atu debate no diskute no ema tenke uza rasionalidade kakutak para atu hili, hanoin no debate tanba nee PD la aseita esplora ema nia emosaun no iha kampanha koalia liu programa hodi hetan votus.

Nunee mos Sekretariu Jeral Partidu CNRT, Dionisio Babo Soares, hatete CNRT preparadu ona no CNRT mos louva ba Timor oan sira neebe mak iha kapasidade diak, atu hari partidu importante mak prense ona kriteiria. Informasaun kompletu iha STL Jornal no STL Web, edisaun Sabado (5/9/2015). Thomas Sanches

Suara Timor Lorosae

Igreja La Aseita Legalija Fatin Prostitusaun

DILI – Numeru moras HIV/SIDA kontinua aumenta ba bebeik no hamate mos ema lubuk ida impaktu hosi seksu livre, tanba nee mosu hanoin balun katak dalan ida mak legalize fatin prostitusaun, nunee fasil kontrola maibe parte Igreja la aseita ho hanoin ida nee.

Tuir Amu Bispu Diosece Maliana Dom Norberto Amaral, ba Jornalista sira iha Igreja Catedral Sesta (4/09) depois remata diriji misa ba korementan Nasional hatete katak povu TL maioria Katolika, tanba nee se legalize fatin prostitusaun maka kontra ona moral Igreja nian.

Ba hau nudar katoliku neebe mak maioria iha Timor Leste atu legalize fatin prostitusaun nee la diak tanba buat ida prostitusaun nee hasoru ita nia moral katoliku nian, agora se hasoru ona ita nia moral ba legalize fali buat ida nee halo saida. Atu redus Moras HIV/SIDA nee husu ba sarani hotu ninia kesadaran penuh ba ida-ida nia an atu labele halo relasaun sexsual arbiru se la hatene koidadu an diak liu labele halo relasaun seksual, tanba laos nafsu deit hodi rabat malu arbiru deit iha neeba depois moras kona mak foin baku rentos,” hatete D. Norberto.

Amu Bispo Diosece Maliana nee hatutan nudar ema sarani tenke hatur an ho diak no tuir Amu Norberto liu hosi kondom mos sei la rejolve ou prevene moras HIV/SIDA, maibe atu promove fali seksu livre iha rai ida nee.

Iha fatin hanesan Sekretariu Estadu Joventude no Desportu (SEJD), Leovigildio Hornai, mos hatete katak governu seidauk iha hanoin atu legalize fatin prostitusaun, maibe governu kontinua halo sosializasaun hodi bele prevene ema hotu hosi moras HIV/SIDA. Informasaun kompletu iha STL Jornal no STL Web, edisaun Sabado (5/9/2015). Thomas Sanches

Suara Timor Lorosae

TIMOR-LESTE INICIA HOJE PERÍODO DE “DESLUTO NACIONAL"

Timor-Leste inicia hoje - 16.º aniversário do anúncio dos resultados do referendo de autodeterminação timorense de 30 de agosto de 1999 - um período de "desluto nacional" marcado por cerimónias tradicionais de reconciliação e reflexão.

O período, que será assinalado com cerimónias em todo o país pretende, segundo explica o Governo, "consciencializar todos os timorenses da importância do papel atual de cada um no processo de construção do Estado de Timor-Leste".

Quer ainda, sublinha, "o reconhecimento do passado como uma memória revivida e respeitada, bem como legado e herança".

"Com o desluto nacional - semelhante ao desluto cultural - procura-se descarregar os ?pesos' que os timorenses carregaram durante 24 anos de ocupação, passando a honrar os que morreram em defesa dos seus ideais, a autodeterminação de Timor-Leste", refere.

Dionisio Babo, ministro da Administração Estatal, apresentou este semana ao Governo detalhes sobre as cerimónias do período que começa hoje e decorre até 31 de dezembro.

Segundo explica o Governo no seu portal informativo na internet, durante o período de "desluto nacional" vão-se realizar, em todo o país, "eventos comemorativos de homenagem aos heróis, guerrilheiros e população em geral, durante o processo de autodeterminação".

O período incluirá "o Dia dos Heróis, com o lançamento da primeira pedra para a construção do Monumento Nacional aos Sacrificados da Guerra".

"Ao longo deste período serão realizadas cerimónias tradicionais e campanhas públicas, com vista a consciencializar todos os timorenses da importância do papel de cada um no processo de construção do Estado, na atualidade", explica o Governo. 

As comemorações começam com uma missa na Catedral de Díli, hoje, estando prevista a abertura oficial para o Palácio do Governo durante a tarde, com um "comunicado oficial ao país pelos fundadores da nação, uma celebração tradicional e a distribuição dos símbolos do luto nacional".

O Governo considera o dia 04 de setembro, um momento que marca "uma nova fase na história e afirmação da identidade timorenses" tendo, desde aí, os timorenses procurado "pôr termo à violência, à opressão, ao baixar das armas em prol da paz, da ordem e estabilidade de Timor-Leste.

"A comemoração do dia 04 de setembro tem como principal enfoque fortificar o espírito de determinação, coragem e esforço do povo de Timor-Leste - o principal ator - em desenvolver o seu país, assente em valores democráticos e na unidade nacional", explica.

A ideia, refere o Governo, é apadrinhada pelos principais líderes nacionais, incluindo Rui Araújo (primeiro-ministro), Mari Alkatiri (presidente da Região Administrativa Especial de Oecusse), Xanana Gusmão (ministro do Planeamento e Investimento Estratégico), Adriano do Nascimento (vice Presidente do Parlamento Nacional de Timor Leste), Lu-olo, ex-presidente do Parlamento e Norberto Andrade (bispo da Diocese de Maliana).

"Apesar de passados 13 anos de construção da Nação e do Estado de Timor-Leste, os quais permitiram registar progressos positivos, aos níveis social, económico e político, o povo ainda continua a viver e sentir o passado, pelo que tem condicionado o processo de desenvolvimento do país", explica.

"Pretende-se com o desluto nacional finalizar o período de sentimento de tristeza, sofrimento, revolta e de perda dos entes queridos durante a ocupação indonésia, passando-se para uma fase de superação, aceitação e paz, trilhando o caminho da evolução, do progresso e do desenvolvimento", explica.

Os líderes timorenses querem assim contextualizar o contributo de todos, "com orgulho nacional", para uma fase de construção e de desenvolvimento do Estado.

SAPO TL com Lusa 

Timor-Leste goleado pela Arábia Saudita na qualificação asiática para o Mundial

Jidá, Arábia Saudita, 03 set (Lusa) -- A seleção de futebol de Timor-Leste foi hoje goleada pela Arábia Saudita, por 7-0, em jogo do grupo A qualificação para o Mundial de 2018, que continua a ser liderado pelos Emirados Árabes Unidos e Arábia Saudita.

A jogar em casa, a Arábia Saudita confirmou o favoritismo e não deu hipóteses à congénere timorense, sendo que, pouco depois da primeira meia hora de jogo, já vencia por 5-0.

Na primeira parte, marcaram Yehya Al Shehri, aos três minutos, e Mohammad Al Sahlawi, de penalti, aos 23 e aos 26, Salman Al Faraj, aos 30, e Taisir Al Jassim, aos 33.

Já no segundo tempo, o avançado Mohammad Al Sahlawi completou o 'hat-trick', aos 71 minutos, com o 7-0 final a ser fixado por Fahd Al Muwallad, aos 73.

Emirados Árabes Unidos e Arábia Saudita, com seis pontos em dois jogos, lideram o grupo A, em que a Palestina é terceira classificada, com três pontos. No quarto lugar, segue a equipa de Timor-Leste, com um ponto em três jogos, os mesmos do que a Malásia, quinta classificada.

RUZS // VR – Foto Timor Express

KOREMETAN NASIONAL…!!!

Jornal Nacional, editorial

Dia 4 Setembru 2015 ohin, selebra tinan 16 loron United Nation Mission in East Timor (UNAMET) anunsia resultadu konsulta popular ba mundo tomak nebe prokemerdekaan manan maioria (82%) no (18 % ) ba pro otonomia -Indonesia. Paska anunsia resultadu konsulta popular, militar, polisia no organizasaun semi militar nebe TNI no Polisia Indonesia ‘ milisia’ harii halo destroisaun ba infrastruktura, li-liu edifisius estadu, sunu populasaun sira nia uma no oho povu prokemerdekaan.

Bai-bain ema toman bolu Setembro Negro ka Setembru nakukun tamba milisia ho armadu nebe apoi husi polisia no TNI halo destroisaun no sunu povu kiik sira nia uma, oho ema arbiru no sunu tomak edifisiu sira estadu nian tomak iha kapita Dili.Krime kontra umanidade nebe milisia pro jakarta, TNI no POLRI halo nee asaun ida nebe kontra humanidade, oho ema no sunu buat hotu hotu nebe governu indonesia harii durante tinan 24 okupasaun.

Asaun brutalismo nebe milisia sira lansa halo vitima no familia vitima sira laran kanek hodi hein justisa lolos ba ninia ema nebe milisia no pro jakarta sira oho durante okupasaun ninia laran.Tinan – tinan komemora loron konsulta popular 30 Agusto no komemora loron 4 Setembru povu tomak komemora loron nee nakonu ho trizteza, balu lakon inan ho aman, fen no laen, oan no sasan.Tinan 16 liu tiha ona maibe povu kontinua triste, kontinua tamba lakon familia,riku soin no mos laiha justisa ba familia vitima sira nee. Tinan 16 nia laran nee povu senti lori hela naha toda ida iha nia kbaas.

Triteza nebe povu nee sofre lori fo todan ba prosesu desenvolvimentu nasaun nian tan nee , VI governu konstitusional realiza programa koremetan nasional atu bele haluha sentimentu triteza nebe povu sofre durante nee. Agora kestaun maka koremetan nasional nee ninia orientasaun lolos nee saida? Karik haluha ona buat hotu nebe akontese iha pasadu? oinsa justisa ba familia vitima sira? “Koremetan Nasional ne’e atu haluha tiha masakre sira akontese uluk ne’e ka nusa? atu haluha tiha rezultadu tiha konsekuensia funu nian ka nusa, konserteza ita moris bebeik ho odiu ho ita nia maluk balun ka ho ita família labele kontinua,” Carrascalão.

Los duni senhor, programa korementan nasional nee mosu derepeteni deit, laiha prepasaun ida nebe adekuadu, laiha esplikasaun ida nebe prefundo konaba koremetan, tamba povu barak lakumpriende saida mak korementa nasional nee. Iha ambiente ukun rasik an nee asves ita sira nee haluha an, lahatene saida mak ita halo iha tinan 16 kotuk ba nee.Los duni, ohin loron tamba rekonsiliasaun, simu malu no dame malu ona asves ita mak halo liu fali, ita maka sai fali heroi boot ba iha ukun rasik an nee, afinal sala barak ita kometa, la kontribui ba ukun rasik an ida nee.

Ne’ebe hakarak ka lakohi serimonia koremetan nasional nee governu iha kompetensia atu halo, laiha ema ida mak sei impende maibe programa nee lori konfunasaun liu tan ba povu ida nee. *

Jornal Nacional

Carrascalão Konsidera Koremetan Nasional Kria Konfuzaun – Veteranus Haree La Razuavel

Eis deputadu husi bankada Partido Sosial Demokrata (PSD), Mario Viegas Carrascalão konsidera, koremetan nasional ne’ebé Governu realiza Sesta (4/9) ohin ne’e halo povu konfuzaun, tanba Governu rasik seidauk esplika detalla ba povu tomak kona-ba signifikadu husi koremetan nasional ne’e rasik.

“To’o ohin loron, laiha sosializasaun kona-ba deslutu nasionál ne’e, ha’u haree ita la’os iha situasaun lutu, situasaun lutu ne’e, balun lakon nia família, lutu tiha tinan ida hasai tiha metan sira ne’e, ida-idak halo ninian. Agora bolu fali deslutu nasionál, sé mak toma inisiativa ida ne’e, ita bee halo deklarasaun polítika ida hanesan ne’e, povu bele la tuir tanba povu la kompriende, povu nafatin reklama nafatin, odiu nafatin,” relata Mario Carrascalão ba jornalista sira iha Hotel Timor Dili, Kinta (03/9).

“Deslutu nasionál labele naran slogan de’it, ema hotu hatene grupu balun mak halo grupu rezistensia armada hodi sai veteranu ne’e, hanesan ne’e, sé mak deside sai independente. Loloos ne’e povu tomak iha dia 30 de Agostu nian, agora data 30 de Agostu ne’e mós atu haluha tiha. Uluk atu haluha tiha dia 12 de Novembru ne’e, depois mak komisaun ida mak hamoris fali,” esklarese Carrascalão.

Carrascalão haktuir, família vítima sira kontinua reklama nafatin, entaun Governu tenke esplika didi’ak deslutu nasionál ba povu kona-ba vantajen husi koremetan nasionál ne’e.

“Koremetan Nasional ne’e atu haluha tiha masakre sira akontese uluk ne’e ka nusa? atu haluha tiha rezultadu tiha konsekuensia funu nian ka nusa, konserteza ita moris bebeik ho odiu ho ita nia maluk balun ka ho ita família labele kontinua,”lamenta Carrascalão.

Nia kontinua lamenta katak, Governu tenke esplika ba povu tomak katak, metan ne’ebé atu kore ne’e, metan saida nian, no tanbasa mak presiza atu kore ona.

“Ita hatete dehan deslutu nasionál ne’e, tanba ita tenke ho situasaun nasionál, ita nia lutu ne’e saida nian, sé mak kria situasaun ida hatete katak, ita iha situasaun nasionál, tenke esplika ba povu, tanba okupasaun ka halo nusa, entaun rekonsiliasaun halo ho Indonesia halo tiha ona ka la halo. Atu lori ba sira ba tribunal internasionál ita lakohi,”tenik Carrascalão.

Eis Vise Primeiru Ministru ne’e afirma, dadauk ne’e família vítima 1999 kontinua reklama nafatin, tanba seidauk iha direitu loloos, liu-liu kona-ba lei reparasaun ba vítima sira.

Carrascalão afirma, deslutu nasionál ne’e akontese ona ba China ho Japaun, Portugal, España, ema barak mate, maibé la konsege rezolve.

“Ema mate barak la’os kestaun halo fali deslutu nasionál ne’e, laiha razaun ida ke sériu, enkuantu povu ne’e la persebe didi’ak, saida maka primeiru tanba saida mak hatete ita iha situasaun deslutu nasionál nia laran, individualmente ita bele halo deslutu, tanba tinan 12 bandeira ne’e setengahh tiang (Meia Haste), ha’u la haree, sombolika mós atu halo nusa ne’e,”tenik Carrascalão.

La Razuavel

Iha parte seluk, Veteranu Reis Kadalak konsidera koremetan nasionál ne’e la razuavel, tanba oras ne’e funu na’in barak seidauk buka hetan, no balun seidauk hakoi to’o ohin loron.

“Deslutu nasionál di’ak liu klemenensia nasionál, katak husu perdaun ba malu, ne’e mak loos. Hanesan kontra malu, o lori mai ukun a’an, ha’u nia sala saida, esplika ba malu, mak ne’e ona, lalika ba oho malu bebeik, ne’e laloos ida,”lamenta Reis Kadalak.

Nia hatuan, koremetan nasionál so realiza, bainhira mate isin ne’ebé namkari iha fatuk kuak no ai kuak laran rekolha no hakoi hotu ona, mak foin bele realiza deslutu nasionál ne’e.

“Governu deklara deslutu nasionál ne’e la razuavel, ema hein Bibi ho Karau mós dehan laloos, tanba seidauk to’o tempu, Governu dehan konsentra ba dezenvolvimentu, e depois akontese fali buat seluk, ne’e bosok ona,”afirma Reis Kadalak.

Nia haktuir, iha tinan 2000 mai leten, ema kontinua sunu uma, duni malu, oho ema, nunka mais hakmatek, tanba buat sira ne’e la’o lalos.

Reis Kadalak mós konsidera, Governu hamosu situasaun ida ne’e, tanba Governu rasik laiha programa hodi hala’o, ne’e mak hakfodak mai hamosu deslutu nasionál.

Nia esplika, lolos ne’e Parlamentu ka Governu hasai rezolusaun ida, husu ba Prezidente Repúblika hodi halo de’it klemenensia nasionál ida.

“Klemenensia nasionál katak, Timor-oan hotu tu’ur hamutuk husu deskulpa ba malu, tanba iha funu ne’e tenke oho malu, halo funu ne’e temi uma ka knua lulik ,rai lulik, fatuk lulik, bee lulik no tasi lulik maka funu ne’e manan, tanba rekonsiliasaun iha rai laran mós tenke iha,”afirma Reis Kadalak.

Reis Kadakal hatete katak, nasaun ne’e hanesan fali ema ida ka rua nia kusta, tanba halo tuir de’it ema sira ne’e nia hakarak rasik.

“Funu ne’e maun-alin oho malu, tanba kontra malu ne’e, halo misa bo’ot ida, husu perdua ba malu hafoin ba fali halo’ot meik ho kro’at, foin ba deslutu nasionál,”dehan nia.

Koremetan Nasional Seidauk Relevante

Husi sorin seluk reprezentante povu iha uma fukun Parlamentu Nasional (PN) konsidera koremetan nasional ne’e seidauk relevante ho kondisaun povu Timor nian.

“Ita koalia deslutu nasional, kuitadu familia seidauk kee no buka hetan mate ruin. Estadu seidauk hetan, deslutu nasional ne’e seidauk relevante ida. Maibé sé ita koalia ba oin, raan labele fakar ona, oan kiak labele iha tan, ida ne’e maka Governu nia hanoin. Ha’u hanoin povu tomak, mundu tomak, nia esperansa katak paz ho estabilidade tenki akontese, iha nasaun ne’ebé deit, liu-liu ita Timoroan ne’ebé maka hela iha país ida ne’e”, hateten deputadu bankada FRETILIN Osório Florindo da Costa ba Jornalista sira iha PN, Dili Kinta (3/9).

Osório Florindo afirma katak, konseitu deslutu nasional ne’e, deslutu ba fundu heroi sira ne’ebé mate ona ne’e nia lutu durante tinan besik 30 resin ou ema ne’ebé luta maka Governu sira desluta ka oinsa.

“Ba ha’u konseitu deslutu nasional ne’e lahatene. Ita deslutu ba ita nia fundus heroi sira ne’ebé mate ona ne’e ninia lutu maka ita durante tinan besik 30 resin ona ne’e, ita luta ida ne’e maka ita deslutu ka, ne’e maka hanoin Governu ga, ou koalia deslutu nasional ne’e dehan katak ba oin ita labele hatais tan lutu ona. Signifika katak ema oho malu laiha, ema mate laiha tan ona, ran labele fakar tan ona, halonusa maka paz dame estabilidsade iha ita nia nasaun ne’e maka ita hakarak ka ou konseitu saida maka Governu hakarak tau iha deslutu nasionál ne’e, tenke esplika klaru”, dehan deputadu Osório Florindo.

Reprezentante povu husi Bankada Partidu históriku ne’e akresenta katak, ba oin koalia kona ba deslutu nasional, nia parte hakarak reforsa tan katak, wainhira atu kore lutu agora ba oin ema labele mate.

“Agora ita reprezenta Estadu ita bele dehan, ita lutu sira durante tinan naruk ida ne’e, ba oin ita koalia konaba deslutu nasional ne’e. Dala ida tan hakarak reforsa katak, ha’u nia hanoin ita kore lutu agora ona, ba oin ita labele lutu tan ona, la signifika katak ema labele mate, ema mate mos ema moras maka mate, ema mate tanba asidente ne’e tanba asidente, maibé ema labele mate hamlaha, ema labele mate tanba kroat, ema labele mate tanba diskriminadu, la hetan asesu ba saida maka Governu forñese ne’e maka sira sente mate, entaun ita koalia kona ba deslutu nasional ne’e relevante, sé lae ita koalia mamuk deit”, katak deputadu Oasorio Florindo.

Nia dehan katak koalia kona ba deslutu nasional katak, ra’an labele fakar, povu labele halerik tan, mata be’en labele sai tan oan kiak labele iha tan no labele oho malu tan iha nasaun ida ne’e.

“Se lae sivil ho sivil bele oho malu, militar ho militar bele oho malu, forsa bele oho povu, ne’e ita labele ona aseita, ba futuru depois ita halo tiha seremonia nasional ida deslutu nasional ne’e labele akontese tan,” Osorio Florindo hateten.

Nia hateten liu tan katak, sé ba oin povu hakmatek, nia fiar katak, povu hotu-hotu, husi ki’ik to’o bo’ot, ukun na’in ka la’os ukun na’in, fiar katak ema hotu hotu hakarak moris hakmatek, dame estabilidade para Governu bele halo dezenvolvimentu ne’ebé maka foti povu sai husi ki’ak ho mukit.

“Tan ne’e mak, konseitu deslutu nasional tenki klaru, ne’e maka ita defini deslutu nasional ne’e, ba kotuk tanba ruin balun seidauk hetan, halo hanusa maka ita koalia kona ba deslutu, ema balun ne’ebe ita hakoi tiha, ne’e maka pelo menus hasai lutu deslutu, ruin barak ita kee hela rai hela iha uma, ita liu ba haree Suai Ainaro, Aileu, uma hotu bandeira rua tolu maka hamriik bandeira nasional, Falintil, ou bandeira FRETILIN, tanba iha uma laran ruin sira sei iha, seidauk hakoi”, hateten nia.

Nia tenik katak, mate ruin sira ne’ebé L-7 organiza tau iha Laga ne’ebá ne’e hakoi tiha ona ka, tau iha ne’ebá ka, monumentu heroi nasionál ne’e tau iha Laga ka, tau iha Metinaro ka hanusa. Ne’e seidauk halót didi’ak maka bele koalia deslutu nasionál.

“Tenke defini konseitu sira ne’e para labele sai fali bumeran, ba ita nia desizaun sira ne’e, ba ha’u ne’e di’ak, maibé tempu ne’e tenki tetu, para ema labele iha tan matan-been,” nia esplika.

Iha fatin hanesan depuatdu bankada CNRT Cesar Valente hateten katak, nia parte hanesan reprezentante povu iha Parlamentu maibé nia parte mós lakompriende konseitu deslutu nasionál ne’ebé Governu fó sai.

“Ha’u hanoin tenke esplika koremetan ne’e klean liu, tanba ha’u mós ladun komprende no lahatene lala’ok koremetan ne’ebé Governu koalia ne’e”, deputadu Cesar Valente hateten.cos/eni

Jornal Nacional

FSKTL SEIDAUK REALIZA KAMPIONATU NASIONAL

Federasaun Shoriji Kempo de Timor Leste (FSKTL) seidauk bele realiza 30 Kampionatu Nasional, tanba la iha fasilidade hodi asegura atletas nia isin.

Sekretario Jeral FSKTL, Julianto Pereira ba jornalista sira iha nia servisu fatin, ediifisiu FSKTL ex-jinaji Dili-kinta(03/09/2015) hateten, seidauk bele realiza 30 kampionatu nasional tanba fasilidade ne’ebé durante ne’e atletas uza, kuaze àt hotu ona no labele assegura ba atletas ninia isin.

Nia hatutan tan, ho ida ne’e ami ezekuta orasamentu ne’ebé mai husi sekretaria do estadu juventude no desportu ho nia montante hamutuk 40 mill, hodi fo oportunidade ba kompanña lokal sira mak halo nia aktividade negosio no supply. Ba oportunidade ne’e kompanña 4 (Estrela Moris Unpessoal Lda, Calc Printing, Lastu Mor no Lotus Branco) mak konkore iha oportunidade ne’e, maibe ami hili kompanña Estrela Moris unipessoal Lda mak sei suplly fasilidade, mak hanesa matras, luwas, dó (penahan hirus matan) no fasilidade seluk tan mak tuir lista konkordansia, entre FSKTL no kompanña Estrela Moris.

“Liu husi oral direita no iha konkordansia, ami fo hatene ba kompanña na’in, katak tenke hatama fasilidades ho nia kualidade ne’ebé diak nune’e bele assesura natletas sira nia isin no garantia nia utilizasaun ba tempu naruk. Maibe karik mak kompannña hatama fasilidade ne’ebé laos ho kualidade ne’ebé maximu entaun, ami sei lahalo pagamentu ba sira no sei loke fali oportunidade projeitu foun ba kompanña sira seluk nune’e sira konkore fali tanba ho prinsipiu ida mak tenke hatama fasilidade ne’ebé mak kualidade,” dehan Julianto Pereira.ito

Jornal Nacional

LISAUN: ARÁBIA SAUDITA – TIMOR LESTE, 7 – 0. Arábia Saudita konfirma favoritizmu

Selesaun futeból Timor-Leste ne’ebé horisehik lakon Arábia Saudita, 7-0, iha jogu grupu A kualifikasaun ba Mundiál 2018, ne’ebé kontinua lidera hosi Emiradus Árabes Unidus no Arábia Saudita

Joga iha nia uma, Arábia Saudita konfirma favoritizmu no la fó ipóteze ba kongénere timoroan, maski nune’e, hafoin primeira meia ora durante jogu, manán ona 5-0.

Iha primeira parte, Yehya Al Shehri, marka golu iha minutu tolu, no Mohammad Al Sahlawi, marka penalti, iha minutu 23 no 26, Salman Al Faraj, iha minutu 30, no Taisir Al Jassim, iha minutu 33.

Iha tempu daruak, avansadu Mohammad Al Sahlawi kompleta ona 'hat-trick', iha minutu 71, ho rezultadu finál 7-0 hosi Fahd Al Muwallad, iha minutu 73.

Emirados Árabes Unidos no Arábia Saudita, ho pontu neen iha jogu rua, sira lidera grupu A, ne’ebé Palestina maka sai terseira klasifisaun, ho pontu tolu. Iha lugár, ekipa Timor-Leste, ho pontu ida iha jogu tolu, nune’e mós ba Malázia, ne’ebé hetan kinta klasifisaun.

Timor Express – foto barak

RUSA 100 RESIN MATE IHA ILHA JACO

TUTUALA - Xefe  Suku Tutuala, António  da Fonseca sente triste tanba iha Ilha Jaco, rusa hamutuk 100 resin mak mate ona tanba kauza hosi bailoron, nune’e husu ba governu atu tau atensaun ba asuntu  ne’e.   

“Tinan uluk relatoriu hosi  peskador katak rusa 100 resin maka mate, ne’ebé oinsa maka hamutuk ho governu ita atu hanoin ba futuru ne’e liu-liu bailoron hanesan ne’e ita presiza fornese be para rusa ne’e bele hemu,” Xefe  Suku Tutuala, António  da Fonseca informa ba jornalista sira iha Ilha Jaco, Segunda (31/08).     

   

Lider lokal ne’e mós apresia tebes ho vontade politika hosi Ministériu Agrikultura e Pescas katak, iha tinan ida ne’e sei preve osan hodi kria tanki iha Illa Jaco para ense udan ben nune’e iha tempu  bailoron fornese ba balada fuik iha Ilha ne’e atu nune’e la bele mate.

“Mais ha’u hein bainhira mak MAP liu-liu Floresta Nasional mai implementa, ha’u prontu kolabora no kopera,” Xefe  Suku salienta.

Hodi esplika katak iha Ilha jaco riku balada fuik tanba ne’e merese tau matan hodi atrai turista. Balada sira ne’e mak hanesan meda, rusa, semea oi-oin no manu fuik ailaran.

Aleinde ne’e Jaco mós nia tasi no ahu ruin ne’ebé original inklui ikan oin-oin.

Tanba husu ba governu atu bele dezenvolve Jaco di’ak  liu tan para nune’e bele atrai turista hanesan mós iha Indonézia espesialmente Bali.

 “Tutuala rai ida ki’ik mais partensia hosi  ita nia nasaun Timor Leste. Ha’u mehi nafatin, aban bainrua ba ita nia jerasaun sira fatin ne’e sai hanesan Bali, nune’e se mak vizita Timor Leste, nia vizitasaun seidauk kompletu se seidauk tama tutuala iha Ilha Jaco,” Xefe  Suku António  da Fonseca haktuir ho fo hanoin katak atu hadia ilha Jaco kestaun tolu mak tenki hetan atensaun, ida mak ambiente, preserva kultura no dezenvolve Turismu.

Iha parte selukDiretór    Jerál    Biodiversida, Ministériu  Komesrsiu industria no Meiu Ambiente (MKIA) Rui dos Reis Pires hatete, Timor Leste uniku iha manu Kako’aok  tanba ne’e husu Komunidade atu kuida no labele oho animal fuik sira.

Exemplu mak iha Lagoa Tasi Tolu, tanba ne’e komunidade tenki proteje.

“Fatin sira hanesan iha Tasi Tolu, Ira-lalaro, no lagoa sira ne’e  hanesan fatin tranzitu ba sira, sira mai hela lai iha ne’eba, depois de ida ne’e sira semo fali ba iha Australia ne’eba, depois maka sira hosi  Australia mai fali iha fatin sira ne’e, depois maka sira fila fali ba iha sira nia fatin iha Sivieria ne’eba hafoin sira halo reprodusaun iha ne’eba depois sira nia oan sira ne’e bo’ot sira kontinua halo fali sira nia vaizen,” Rui dos Reis Pires informa ba Timor Post iha ninia servisu fatin, MKIA, Mandarin-Dili, horseik.

Nune’e nia husu atu estadu seriu tau atensaun ba iha lagoa sira hanesan Tasi tolu atu nune’e bele asegura sustentavel ba moris Manu fuik sira ne’e, inklui manu nativu.

Tanb governu liu hosi Ministériu  Komersiu  Industria no Meiu Ambiente, liu hosi  dirasaun Ambiente-Biodiversidade halo ona sosilaizasaun ba iha kada Municipiu to’o mos ba kada suku sira atu dezemina informasuan ba populasaun sira katak Balada fuik sira ne’ebé maka eziste iha Timor inklui ai horis sira ne’ebé  maka eziste iha rai ida ne’e importante para atu asegura sustentabel iha planeta ida ne’e.

Aliende ida ne’e mos informa ba komunidade sira katak animal fuik  no aihoris sira iha ne’ebé  mak ezsite iha rai ne’e ninia benifisiu ba ema ne’e saida.

Nune’e nia dehan tan sira nia parte sei hein lei ba  biodiversida ne’ebé oras ne’e iha Kosenllu Ministru hodi kompleta tan lei sira hanesan lei no 29/2009 nune’e sidadun ne’ebé kontra governu bele halo sansaun hasoru.

Nudar informasaun diretór ne’e aumenta manu fuik barak mak imigrante hosi  rai seluk, maibé  manu ne’ebé  maka rai nain ba iha rai Timor ne’e maka Uniku maka Kako’ak.

Manu Kako’ak ne’e so eziste de’it iha Illa Timor hosi  Kupang to’o Timor,  maibé  iha fatin seluk laiha.

“Entaun  Manu Kako’ak ne’e sei ita konserva didi’ak bele sai mos hanesan animal ida ne’e atrativu ba turista sira,” director esplika.

Hodi hatutan, Timor mos iha tan manu espesifiku hanesan Loriku ne’ebé  iha ninia baber ki’ik ne’e kor mean hanesan osan mean ne’e orijin Timor nian.

Seluk mak lenuk ne’ebé  maka eziste iha lagoa Iralalaro ne’e so eziste de’it iha Timor, maibé  iha fatin seluk laiha.

Ho ida ne’e nia husu populasaun hotu tenki muda mentalidade, atu hadomi ita nia balada fuik sira.

Tanba koalia kona konservasaun balada fuik la’ós governu nia responsabilidade de’it, maibe responsabilidade sidadaun Timor leste nian hotu.(jos/try)

Timor Post

TL-Xina Kontinua Aumenta Kooperasaun Auto Nível

DILI - Nasaun Timor Leste (TL) no Xina kontinua hametin kooperasaun auto nivel liu-liu iha area hanesan ekonomia no negosiu, inklui agrikultura, turizmu no petrokimiku no haboot programa interkambiu entre ema ho ema.

Tuir Prezidente Repúblika Populár Xina, Xi Jinping liu husi komunikadu Imprensa Media Prezidensial Timor Leste, husu Parte Timor Leste no Xina presiza atu mantein enterkambiu nível altu neebe besik, haforsa liu tan kooperasaun hirak iha area ekonomia no negosiu, inklui agrikultura, turizmu no petrokimiku no haboot programa interkambiu entre ema ho ema.

iha momentu neebe hanesan, país rua tenki haforsa liu tan kolaborasaun iha asuntu mudansa klímatika, ajenda dezenvolvimentu ONU nian hafoin 2015 no asuntu internasional seluk hirak,” dehan Xi liu husi Komonikadu imprensa media Prezidensial nebe STL Asesu Kinta, (03/09/2015) iha palasiu Prezidensial Nicolao Lobato.

Iha komunikadu nee hakerek Prezidente Xi aumenta, Governu Xinezes pronto atu fo korajen liu tan ba enprezarius sira atu investe iha Timor-Leste atu suporta TL nia konstrusaun infrastrutura.

Iha biban nemos Prezidente Repúblika, Taur Matan Ruak hatoo nia apresiasaun ba Xina nia suporta iha dezenvolvimentu nasional Timor-Leste nian, no dehan Timor-Leste iha nafatin kompromisu atu koopera ho Xina. Informasaun kompletu iha STL Jornal no STL Web, edisaun Sesta (4/9/2015). */Timotio Gusmao

Suara Timor Lorosae

KFP SEI AUMENTA SALARIU FUNSIONARIU

DILI - Prezidente  Komisaun Funsaun Públika (KFP), Komisáriu Faustino Cardoso hanoin ona atu aumenta saláriu ba funsionáriu públiku sira ne’ebé iha prestasaun servisu di’ak.

“Kona-ba ida reforma seidauk, ami fokus ba proposta dekretu governu, kona-ba distinsaun no premius ba funsionárius públikus no instituisaun sira ne’ebé mak hatudu dezempeñu servisu excelente ba iha públiku,” Prezidente KFP, Faustino Cardoso ba jornalista sira, iha Palásiu Governu, Tersa (01/9).

Nia dehan tan KFP aprezenta proposta dekretu governu ba governu ho objetivu fó rekoñesementu ba ema ne’ebé servisu iha instituisaun públika no instituisaun estadu ne’ebé mak hatudu duni dezempeñu servisu di’ak ba públiku.

Tanba to’o ona tempu  valorizasaun funsionáriu  sira exemplar ne’e, maibé hanoin hirak ne’e sei iha proposta.

Rekuñesimentu ne’e mós bele ho maneira oi-oin, no fó sertifikadu no tau nia naran iha jornal públiku hodi ema hotu hatene, no fó medalla ne’ebé hanaran, merítu da funsaun públika no fasilita tan intermus de osan no  material.

“Klaru katak, sei fó implikasaun ba aumentu de saláriu, tanba ita rekoñese no valoriza ema hosi osan, no osan ne’e atribui ba nia saláriu. Signifika, durante ne’e nia saláriu ki’ik, maibé tanba nia hatudu prestasaun servisu no dezempeñu di’ak, nia sei hetan ninia aumentu salarial,” Prezidente KFP esplika.

Maibé nia dehan ida ne’e foin mak ideia ne’ebé Komisaun Funsaun Públika aprezenta ba Konsellu Ministrus, para Membrus Governu sira mós halo diskusaun klean liu tan ba proposta ne’e, atu nune’e bele aplika abilidade ba iha rejimentu espesial sira.

Iha fatin hanesan, Sekretáriu Estadu Konsellu Ministru, Avelino Maria Coelho hatete, proposta ne’e foin halo apresiasaun seidauk halo aprovasaun final.

Tanba ne’e KFP sei aprezenta fali proposta lei iha semana oin, nune’e posibilidade aprova ka kontinua adia.

Timor Post

PAGAMENTU ATRAZADU, SEITOR PRIVADU PRESIZA AGUENTA OITUAN

Seitor privadu nasional presiza aguenta oituan hodi hein prosesu hotu ne’ebe Governu tenta hela atu solusiona problema pagamentus atrazu.

Vise Prezidenti Camara Comerçio no Industria Timor Leste (CCI-TL) ba asuntus Infra-estrutura no Obras Publiku, João Alves, husu ba seitor privadu nasional sira atu aguenta lai ho pagamentu ne’ebé durante ne’e atraza iha Ministeriu Finanças (MF).

Eis Sekretariu Estaud Obras Publiku (SEOP) iha Governasaun FRETILIN nian ne’e, esplika katak, kestaun pagamentu tarde, depende ba metode kontratu ne’ebé governu uza no ida ne’ebé maka Parlamentu Nasional ratifikativa ona.

“Iha tenpu uluk ami uza sistema fidik, sistema fidik ne’e nia artigu sira ne’ebé ke iha regulamentu ida nia laran fasilita parte rua, la prezudika parte rua. Hau hanoin regulamentu sira ne’e hotu iha kontratu ne’e nia laran,” João Alves hateten hodi responde ba jornalista iha Sede CCI-TL, Kinta (27/08/2015).

Nia esplika katak, sistema ratifika fidik hanesan metode ou dokumentus ida ita bele uza para atu bele halo servisu projeitus nian iha Timor Leste, entaun husu ba governu tenki buka meius atu bele akomoda metode servisu ne’e ho ninia konsekuensia ho ninia progresu tomak iha sistema ida ne’e nia laran.

“Iha tempu primeiru, segundu no terseiru governu konstitusional ami uza sistema fidik ne’ebé bele asegura parte rua hotu, mas se karik maka agora artigu sira ne’e la mensiona kona-ba parte ne’ebé prezudika liu-liu situasaun agora maka kontratu asina tiha ona empreza labele halo buat ida,” João Alves hateten.

Nia dehan, se karik ejijensia empreza ninian hatete governu halo pagamentu kleur, entaun bele iha tipu sansaun hanesan tenki konta mós prejuiju ne’ebé empreza hetan, maibé ne’e tenki tama iha akordu ida ka iha kontratu ne’e nia laran ne’ebé parte rua tenki asina hotu ne’e bele.

“Hau haree kontratu sira ne’e laiha, maibé iha deit maka artigu balu koalia kona-ba fórsa maior tanba fórsa maior diferente, servisu fórsa maior obriga ita halo servisu de emerjensia, emerjensia aplika kuandu iha fórsa maior, emerjensia nunka aplika kuandu iha situasaun normal, ne’e maka ita tenki hare fila fali buat ne’e,”nia sujere.

Tuir João Alves katak, servisu ne’ebé maka halo iha konstruksaun sivil ne’e laiha urjensia, urjensia nunka iha, nia iha emerjensia, nia iha normal, ne’ebé tenki aserta buat los.

“Ne’ebé hau hanoin katak empreza Timor oan barak prezudikadu teb-tebes ona, barak komesa hetan problema ho traballadór sira, tenta fa’an sira ninia sasan para atu bele taka fila fali kontas ne’ebé sira iha maibé mós serkulasaun moeda iha teritoriu kuaje la serkula, ne’ebé sasan sira ne’e a não ser ita fa’an ba ema estranjeiru maibé hanesan kareta estranjeiru ne’ebé maka hakarak hola, se ita fa’an rai estranjeiru laiha direitu atu hola, entaun problema ne’ebé maka agora dau-daun infrenta, ami tenta para bele solusiona problema kona-ba pagamentu, ami koalia ona iha fulan hirak liu ba ho primeiru ministru, primeiru ministru atu halo esfórsu tomak para bele halo pagamentu,”nia haktuir.

Mais nia dehan, ikus-ikus fila fali mai ita hare problema ne’ebé ke mósu iha jornal problema burokrasia iha governu, iha jornal balu koalia kona-ba kapasidade jestaun primeiru ministru nia atu liga ho ministeriu sira seluk ne’e hetan difikuldade, difikuldade maka mósu burokrasia,

“Burokrasia ne’e enves interese ema ou maluk balu atu trata asuntu ida ne’e la seriu, la konsege ou la hatene asuntu ne’e responsabilidade mósu iha se nia liman tanba pagamentu ne’e tenki liu husi dokumentu ida, dokumentu ne’e tenki legal no lejitimu, para dokumentu ne’e atu legal, lejitimu ema ida tenki aprova dehan empreza ne’e halo servisu hotu ona,”nia haktuir.

Husi projeitu nain mós tenki hare katak se kontratu ne’e tenki fulan 3, fulan 3 maka tenki halo hotu, entaun ema nia pagamentu tenki selu, maibé asves servisu hotu tiha ona, hein ema atu ba halo evaluasaun ba projeitu kleur la halimar, kordenasaun entre ministerial la fó garantia.

To’o agora servisu ministeriu ida-idak ninian halo tuir ministeriu ida-idak ninian maibé laiha servisu entre ministerial ne’ebé, se karik ita atu halo evaluasaun ba projeitu ida, ita ba ne’e ba kedas ho komisaun ida, komisaun ida ke hau hanoin bele projeitu nain hanesan mós husi parte Agensia Dezenvolvimentu Nasional (ADN), Ministeriu Obras Publika (MOP), juridika ninian tur halo komisaun ida halo evaluasaun, lori kontratu ba hare volume item ne’ebé ke iha, ida ne’ebé maka hotu ona, se konkorda dehan buat ne’e ejiste, buat ne’e hotu ona asina rekomendasaun para depois ministeriu finansas bele halo pagamentu ba ida ne’e.

“Ne’e maka hau hanoin susar oitoan maibé ita atu dehan empreza sira aguenta lai, mais ami labele dehan buat ne’e ba sira, tanba sira iha sira nia familia, sira iha sira nia oan sira, sira tenki responsabilija, sira tenki fó han, agora dau-daun ne’e kuaje hotu-hotu senti katak sirkulasaun moeda iha Timor Leste mós laiha, balu la senti tanba liu-liu ba maluk sira ne’ebé hetan salariu, hetan fasilidade nia la sente tanba nia simu salariu maibé ba malu sira ne’ebé maka buka osan atu selu salariu iha ne’e maka fóin sente dehan katak laiha moeda ne’e susar teb-tebes atu servisu, se modelu hanesan ne’e, se karik ita liga fali ba se karik kredit iha banku hau hanoin atu reembolsa fila fali osan kredit ne’e mós susar oitoan,” hateten João Alves. mia

Jornal Nacional

FALTA KONTROLA HUSI FAMILIA, MOSU TRABALLADOR INFANTIL

Treinador Protesaun Labarik, Forum Tau Matan, Felipe Soares hatete, traballador infantil ho tinan minoridade halo servisu todan tanba falta kontrola husi familia no Estadu liu-liu Governu.

“Husi Forum Tau Matan nia avaliasaun, labarik barak ne’ebé agora hala’o servisu forsada ka todan ne’e tanba parte ida falta kontrola husi familia sira, inklui mós laiha kontrola masimu husi Governu, liu-liu ba diresaun sira estabele hodi tau matan ba labarik sira nia direitu,” Felipe Soares hatete.

Felipe Soares hatutan, lolos ne’e husi parte Komisaun Nasional ba Direitu Labarik (KNDL) tenki liu husi peskiza ida hodi identifika no justifika nusa maka numeru labarik minoridade servisu forsadu kontinu aumenta tinan ba tinan no labarik sira tane liman ka ismola iha dalan ninin sira aumenta bebeik.

Tuir nia, KNDL laiha peskiza serteza ida, justifika ona labarik sira hala’o servisu forsadu inisitivu sira nian. nia dehan, los duni katak, parte ida falta kontrola no konsiensia hosi inan aman, mas moralmente Governu mós tenki responsabiliza.

Durante ne’e,tuir FTM nia haree ne’e problema seriu, ne’ebé lolo ne’e Governu tau konsiderasaun, buka solusaun, tanbá KNDL eziste hodi tau matan ba problema labarik minoridade sira.

Pior liu tan, Tuir nia, lei ba juvenil seidauk iha, fo oportunidade ba inan aman sira viola labarik sira nia direitu tanbá papel importante husi KNDL, maka kontinua halo diseminisasaun para bele hasa’e koñesementu inan aman sira, no labele haluhan KNDL mós tenke ativu kontrola. Des

Jornal Nacional

Pensaun Vitalisia Dignifika Titular Estadu, Babo: “Ami Komitmentu boot Halo Mudansa”

DILI - Pensaun Vitalisia ba eis titulares atu Dignifika ukun nain sira nebe servi ona nasaun nebe akontese iha mundu, maibe Partidu CNRT iha komitmentu boot atu halo mudansa liu husi segundu Kongresu, nebe sai hanesan rezolusaun ba Partidu nee.

Tuir Sekretariu Jeral Partidu CNRT Deonisio Babo katak revizaun Pensaun Vitalisia sai hanesan komitmentu Partidu CNRT, nebe halo liu husi Kongresu nasional ba daruak iha tinan 2011, atu halo mudansa tamba Pensaun vitalisia mai husi Primeiru Governu Konstitusional.

Ita bele konkorda dignifika ita nia titular do estadu sira nebe akontese iha rai hotu-hotu iha mundu maibe montante hanesan Agora nebe ladun koresponde ba situasaun povu nian ita presiza halo revizaun no iha komitmentu boot atu halo mudansa,” dehan Babo STL Kinta (03/09/2015) iha ninia Knar Fatin Caicoli.

Nia hatete redus pensaun vitalisia nee sai hanesan rezolusaun ida ba CNRT, tan nee CNRT servisu hamutuk ho Bankada parlamentar tamba iha Parlamentu Laos CNRT ukun mesak, maibe ho Partidu seluk hanesan Frente Mudansa, PD no Fretilin.

Iha fatin ketak Presidente Interino Partidu Demokratiku atual Vise Presidente Parlamentu Nasional Adriano do Nascimento hatete Proposta husi FRETILIN ho CNRT mos atu hatama, maibee tinan ida ona mos sira seidauk hatama. Informasaun kompletu iha STL Jornal no STL Web, edisaun Sesta (4/9/2015). Timotio Gusmao

Suara Timor Lorosae

Elisaun Lideransa Komunitaria Indireta Modelu Inovativu

DILI - Esbolsu lei elisaun Lideransa Komunitaria indireta hanesan elisaun nebe modelu inovativu no labele gasta osan povu nian barak iha future, tamba iha Timor Leste nasaun kiik maibe elisaun barak tebes hanesan elisaun Prezidensial, parlamentar, lideransa Komonitaria.

Tuir Ministru Estado, Koordenador Assunto Administrasaun do Estado ho Justisa no Ministru Administrasaun ESTATAL Deonisio Babo katak elisaun lideransa komonitariu tuir lei numeru 3/2009 aplika tiha ona, maibe lei nee ema barak la satisfas.

Lei elisaun Lider Komonitaria agora nee modelu inovativu nee kapas teb-tebes, sira nebe mak dehan ladiak ba fali liurai tamba lahatene, elisaun nee ita eduka ona lideransa husi kraik,” dehan Babo ba STL Kinta (03/09/2015) iha ninia knar fatin.

Nia hatete tan lei numeru 3/2009 nee diak maibe halo elisaun direta maibe xefi suku balun ladun implementa didiak sira nia servisu tuir lei neee tamba laiha instutisaun ida kontora Xefi suku sira no sira hanesan fali pode local.

Iha fatin ketak Diretur Asosiasaun Hak Manuel Monteiro hatete elisaun lideransa komonitaria indereta nee Timor Lesre hakiduk ba kotuk, ema hotu hakarak halo elisaun maibe boot sira hakarak elisaun lideransa komonitaria hakiduk ba fali kotuk. Informasaun kompletu iha STL Jornal no STL Web, edisaun Sesta (4/9/2015). Timotio Gusmao

Suara Timor Lorosae

Rejolve Disputa Rai, PN Tenke Debate Lalais Lei

DILI - Parlamentu Nasional (PN) tenke debate lalais lei rai, tanba rai hanesan problema boot ida ba iha povu nia moris.

Tuir Kordenador Nasional rede ba Rai, Roberto Alexo da Cruz hatete PN tenke buka meius hodi deskute lalais konaba lei rai neebe maka agora dadauk sai problema boot ba povo nia moris.

Hau hakarak husu ba media sira atu hare objetivo boot ida hanesan problema rai neebe maka infrenta ba povu nia moris. Husu ba media sira atu loron-loron fo sai kona ba kazu rai, atu nunee bele fanu nai ulun Parlamentu sira nia hanoin hodi debate hela deit konaba kazu desputa rai. Tanba nee ami husi Redi ba Rai husu nafatin problema rai atu debate nafatin lei rai nian bebeik atu nun’e labele mosu konflitu iha ita nia nasaun nee,” dehan nia iha nia knar fatin Farol, Kinta (03/09/2015).

Nia hatutan, too agora parte PN rasik seidauk iha vontade neebe maka diak atu deskute konaba lei rai ho didiak. Nunee mos ba iha ministeriu Justisa ate agora kazu nee nunka atu debate, entaun kazu sira nee lakon too agora.

Iha parte seluk, Diretor ejekutivu Virgilio Guterres deklara, Timor Leste hanesan nasaun neebe maka foun iha mundu. Neebe maka tuan entaun ema hotu tau iha sira nia hanoin katak prosesu dezemvolvimentu iha nasaun nee rasik mos sei sai hela vitima tanba nia hetan impaktu husi dezemvolvimentu nee rasik. Informasaun kompletu iha STL Jornal no STL Web, edisaun Sesta (4/9/2015). Domingas Gomes

Suara Timor Lorosae

Deslutu Nasional, Timor Oan Tenki Hamrik Ho Kondisaun Forte

DILI - Deslutu nasional ba Timor tenki hamrik ho kondisaun neebe forte no luta nafatin ba oin, atu halakon kiak no hamutuk hodi lori Nasaun Timor Leste ba oin.

Tuir Padre Parco Motael David Alves da Conçeicão hatete, deslutu nasional Timor ona tenki luta makas halakon kiak, luta makas hamrik ho kondisaun neebe forte atu lori nasaun nee ba oin.

Lia fuan dezlutu, ita hotu hatene katak, kuandu ita nia maluk mate ita hatudu sinal ruma katak triste ba ita nia maluk nia mate, entaun deslutu nasional atu dehan katak, anivel nasional ita h out hotu hateke ba ita nia maun, ita maluk funu nain sira heroi sira neebe fo ona sira nia vida, fakar ona ran no soe sira nia isin halekar ona sira nia rui iha neebe mate tamba ita ukun rasik aan,” dehan Pe. David ba STL iha Sede Suku Motael, Kinta (03/09/2015).

Pe. David haktuir tan katak, heroi sira nee nia rui lekar iha fatin neebe no oras nee Nasaun Timor Leste sai ukun Aan no oras sente livre oitun tenki agradese ba sira, tamba sira nia vida mak ohin loron ita moris livre ona.

Iha fatin hanesan Deputada Bendita Moniz Magno hatete, Deslutu Nasional nee atu fo reflesaun ba joven sira tur hamutuk hodi halo orasaun ba heroi sira neebe fo ona sira nia vida tomak ba rai ida nee. Informasaun kompletu iha STL Jornal no STL Web, edisaun Sesta (4/9/2015). Lucia Ximenes/Guilermina Franco

Suara Timor Lorosae