RTTL ep LIVE A TRANSMITIR - TIMOR-LESTE EM DIRETO PARA SI

Desfrute da transmissão em direto da Rádio e Televisão de Timor-Leste ep

TIMOR-LESTE EM DIRETO PARA SI.

Informação RTTL ep em Youtube (o que nem sempre corresponde à realidade)

LERE: UNITAL HARII BA POVU AILEBA NIA OAN

Fundador Universidade Oriental Timor Lorosae (UNITAL), Lere Anan Timur hatete katak,  universidade UNITAL hari’i ba povu aileba nia oan sira.

“Hari’i univeridade ida ne’e hari’i ba ema kiak nia oan, tanba estudante sira ne’e kuaze mai hotu husi foho, ne’e quer-zer ema to’os nain sira nia oan, ema karau atan bibi atan nia oan ho ema kiak nia oan mai iha univeridade ida ne’e,”hatete Lere Anan iha nia diskursu hafoin halao abertura ba formasaun estudante foun tinan akademico 2017 iha Salaun Universidade Oriental Becora-Dili, Tersa (07/03/2017).

Lere Anan hatete, ohin loron ema hotu hatene katak, TL nasaun soberanu ida kiik kasian iha mundu rai klaran, mais sidadaun hot-hotu ne’ebe moris iha Nasaun TL direitu hanesan.

LIDERES LABELE INSULTA MALU IHA KAMPAÑA

Deputado sira iha Parlamento Nasional, Tersa (7/3) apela ba lider sira atu iha tempo kampaña eleitoral labele hasai lia fuan ladiak hodi insulta malu.

Natalino dos Santos, deputado bankada CNRT, deklara, iha tempu kampaña eleitoral, lider sira labele hasai liafuan ladiak hodi insulta malu  nune’e povu bele fo konfiansa hodi sai nu’udar Prezidenti Repúblika.

“Ha’u fiar katak objetivu kampaña ne’e atu gaña konfiansa husi povu entaun saida mak sira lori ba povu, sira lori sira-nia programa, sira-nia vizaun no misaun, agora se  iha palku kampaña mak lideransa balu hasai liafuan maka’as, insulta malu  la tuir ne’e  povu lalika fo fiar, lalika fo konfiansa ba lideransa sira hanesan ne’e. Karik iha ema ida rua mak halo hanesan ne’e maibe balun ne’e lori sira-nia programa diak tebes. Tanba ne’e importante lideransa sira labele insulta malu para povu bele fiar fo konfiansa,”esplika Deputadu Natalino dos santos ba JN-Diário iha PN Tersa (7/3/17), relasiona ho lider politika nasaun ne’e nian balun hasai liafuan insulta malu bainhira hahú kampaña eleisaun prezidensial periodu 2017-2022.

Preokupa Taur Hari Partidu, Tauk Kompete iha Eleisaun

DILI - Sidadaun sira neebe mak preokupa Prezidente Republika Taur Matan Ruak nudar sidadaun hari partidu Politiku, tamba sira la fiar Aan tauk lakon iha elisaun Zeral.

Tuir Diretur Ezekutivu Luta Hamutuk Mericio Akara katak lider hotui-hotu iha partidu tamba saida mak Taur Matan Ruak hari partidu tenki preokupa, kestaun mak tau knar iha ninia fatin nudar sidadaun Taur iha direitu harii partidu.

Ema kestiona bei-beik Prezidente Taur nia pozisaun signifika sira tauk atu kompete iha elisaun kuandu fiar Aan halo diak no organiza partidu diak lalika paniku,” dehan Akara ba Jornalista Tersa (07/03/2017) iha nia knar fatin, Farol.

Nia hatete Taur hanesan sidadaun bai-bain neebe harii partidu tamba saida mak tenki preokupa tamba partidu idak-idak iha partidu ho programa neebe diak tan nee lalika preokupa. Akara hatete prezensa PLP nian diak liu nunee hamosu demokrasia neebe saudavel tamba partidu hotu-hotu iha forsa no integridade hodi kompete laos partidu ida deit mesak makas mais hakarak demokrasia.

Lugu: Hau Sai Prezidente Sei Kria Gabinete Veteranus Iha Palasiu

DILI – Kinta jornada kampania kandidatu independente numeru sorteiu 5, Jose Luis Guterres “Lugu” iha munisipiu Covalima, postu administrativu Suai lao ho diak, maske halo deit ho maneira dialogu nomos door to door.

Iha atividade nee observa direita husi husi ofisial monitorizasaun husi Komisaun Nasional Eleisaun (CNE), PDHJ hetan seguransa maximu husi komandu PNTL munisipiu Covalima.

Tuir kandidatu independente numerun sorteiu 5, Jose Luis Guterres “Lugu” katak, lia nain no veteranus nee importante tebes iha tempu agora hodi kontinua fo kontribuisaun iha faze dezenvolviemntu nasional.

TL-RI Kontinua Diskute Fronteira Rai Maran

DILI, (ANTIL) – Estadu Timor-Leste ho Repúblika Indonésia (RI) kontinua halo negosiasaun kona-ba fronteira rai maran liliu Noelbesi Citrana no Bijoel Sonan-Oben.

“Kazu konkretu, fronteira terestre la’o ona durante périodu balun, ita iha ona faze finál hodi bele iha solusaun”, Primeiru Ministru, Rui Maria de Araújo ba jornalista sira iha Timor Plaza, Kuarta, (8/3). “Ministru Xanana ho Vise Ministru Negósiu Estranjeiru serbisu hela iha nível tékniku ho negosiadór Indonézia atu bele alkansa buat ruma”.

Hasoru malu ne’e entre Ministru Planu Estratéjiku no Investimentu, Kay Rala Xanana Gusmão ho Ministru Koordenadór Asuntu Polítika, Lei no Seguransa, Wiranto nomós Ministru Negósiu Estranjeiru Indonézia, Retno Marsudi, ho espetativa, depende ba disponibilidade parte rua hodi to’o akordu, katak Xefi Governu.

Eis-ministru saúde iha Primeiru Governu Konstitusionál hatutan, negosiasaun ho Austrália iha vontade di’ak hodi buka solusaun.

“Hanesan ita hotu akompaña liuhusi deklarasaun komisaun konsiliasaun, vontade di’ak husi parte rua hodi rezolve”, realsa. (Jornalista: Rafy Belo - Editora: Rita Almeida)

Loron Feto Internasionál Nu’udar Korajen Jéneru polítika

DILI, (ANTIL) – Movimentu feto Timor-Leste (TL) selebra loron feto internasionál nu’udar korajen igualdade jéneru entre feto no mane ne’ebé partisipa iha vida polítika hodi kompete, festa demokrásia.

“Selebrasaun ne’ebé monu iha 8 Marsu hanesan motivasaun boot no prinsípiu igualdade atu luta nafatin direitu feto ne’ebé involve iha eleisaun prezidensiál no parlamentár”, Diretora Jerál CAUCUS, Paula Cortereal nu’udar porta vóz ba ANTIL iha Fokupers Faról, Kuarta (8/3).

Kandidata Ángela Freitas ho númeru sorteiu neen ne’ebé kompete ho mane nain hitu tanba korajen, brani, ho rekursu privada atu avansa hodi prioritiza asuntu feto iha nasaun ne’e.

Paula dehan, Movimentu suporta morál no tékniku hodi promove perfil, vizaun no misaun hodi avansa ba kampaña iha munisípiu hotu.

PM timoroan defende aposta renovadu atu hadi’a kondisaun ba joven sira

Primeiru-ministru timoroan iha ohin defende aposta renovada ida ba hadi’a  kondisaun  populasaun Timor-Leste ninian, liliu joven sira ho tinan menus hosi  25, bele alkansa ninia máximu potensiál. 

"Fiar iha potensiál ita nia povu no liliu ita nia joven sira. Besik tersu rua hosi ita nia populasaun  menus hosi tinan  25. Ita hakarak kapitaliza potensiál ita nia joven sira hodi lori nasaun ne’e ba futuru ", afirma Rui Maria de Araújo, liuhosi  diskursu iha Díli.

Xefe Governu koa’lia iha aprezentasaun iha  Díli ho Parseria foun ba Dezenvolvimentu Umanu (PHD, ho sigla inglés) ne’ebé abranje komponente prinsipál programa kooperasaun Austrália ho  Timor-Leste.

Ho kalendáriu ida ba tinan 10 no finansiamentu ho totál dólar australianu 120  (  besik euro millaun 86,2) badahuluk tinan lima,  PHD reúne, iha  prátika, buat ne’ebé to’o agora sai programa individuál kooperasaun  esterna australiana ho Timor-Leste.

PM timoroan defende liu poder sosial no ekonómiku ba feto sira

Iha loron-tersa ne'e primeiru-ministru apela ona ba mane sira no labarik-mane sira iha nasaun ne'e hodi sai ativu liu iha apoiu ba asaun sosial no ekonómiku ba feto sira, prosesu ne'ebé nia konsidera importante ba konstrusaun hosi sosiedade moderna ida iha Timor-Leste.

"Hanesan mane, aman no primeiru-ministru Timor-Leste nian, ha'u nia mensajen maka ba mane sira no labarik-mane sira. Ita tenki kaer knaar ida ativu liu, apoia no fó posibilidade ba aumentu kompeténsia sosial no ekonómiku hosi feto sira", hatete hosi Rui Maria de Araújo, iha mensajen ba Loron Internasional Feto nian, ne'ebé selebra iha loron-kuarta.

Nia konsidera katak "karga serbisu ne'ebé maka'as" iha uma laran no iha liur tenki fahe entre jéneru rua, Rui Araújo fó hanoin hikas katak feto timoroan sira hanesan "forte no rezistente", sira iha ona knaar importante ida iha libertasaun nasaun nian no kontinua "kaer knaar importante ida iha dezenvolvimentu sustentável" Timor-Leste nian.

Austrália rekorda vítima MH370 ne’ebé lakon tinan tolu liubá

Austrália iha ohin rekorda fila fali  vítima hosi vou MH370 Malázia Airlines, iha loron ne’ebé pasa ba  tinan tolu dezde aviaun lakon ho ema  239 iha  oseanu Índiku,  maka  to’o agora seidauk hetan.

"Aniversáriu badatoluk  ba lakon Aviaun  MH370 Malaysia Airlines husik ami, maski, laiha resposta no pergunta barak", hatete  ministru Transporte, Darren Chester, liuhosi serimónia relijioza iha  Brisbane.

Chester afirma katak prosesu buka tuir ba aviaun ne’e "istóriku" no "eroiku" no  haktuir katak  maski iha frakasu, família vítima sira "lahaluha".

"Maski laiha susesu to’o agora, ami mantein nafatin esperansa katak iha tempu ruma ba futuru sei mosu  avansu no bele hetan  aparellu no nune’e fó resposta ba sira nia pergunta", hatete Chester.

Bispu Filipinu husu sarani sira atu kontra pena ho mate

Bispu sira  Filipina nian ohin nia husu ba katóliku iha nasaun nian atu atu kontra reintrodusaun pena ho mate, hafoin molok ne’e kámara fó dalan ba medida ne’ebé sei  bele ratifika hosi  Senado.

"Ami halo apelu ida ba sarani  katóliku no filipinu oan sira hotu atu defende vida hodi konnua ninia kontra ativu ba pena ho mate", hatete  prezidente Konferénsia Bispu Katóliku Filipina nian, arsebispu Socrates Villegas, iha komunikadu.

Villegas afirma liliu ba "advogadu, juíz no jurista katóliku sira"  nasaun nian ne’ebé atu  presta "  ninia  servisu ba sosiedade", luta kontra reintrodusaun ba pena kapitál.

Komunikadu ne’e mosu hafoin Kámara Reprezentante aprovadu,  iha votasaun datoluk, projetu lei ida atu introduz pena ho mate ba krime oioin  relasionadu ho droga, iha liña polítika toleránsia zero ba droga  Prezidente, Rodrigo Duterte nian.

SAPO TL ho Lusa

Entrevista eskluzivu ho kandidatu PR Lu-Olo: Xanana apoia ha’u tanba kompriende konstituisaun

Prezidenti Repúblika tuir konstituisaun República Democrática de Timor-Leste (RDTL) mak simbolu Estadu no simbolu unidade nasionál, no  Prezidenti Repúblika mós sai hanesan simbolu independensia nasaun ida nian.

Prezidenti Repúblika mós, hanesan Komandante Supremu Forsa Armada nian, hodi garante paz no estabilidade nune’e povu bele moris hakmatek, no dezenvolvimentu bele la’o di’ak.

Nune’e kandidatu Prezidenti Repúblika (PR), Francisco Guterres ‘Lu-Olo’ ne’ebé hetan sorteiu Númeru 2 husi Tribunal de Recurso iha eleisaun Prezidensial periodu 2017-2022 promete katak, bainhira nia eleitu ba Prezidenti Repúblika, nia sei hala’o nia kna’ar tuir de’it kompetensia Xefi Estadu nian, ne’ebé hakerek ona iha konstituisaun RDTL.

Kandidatu PR Francisco Guterres ‘Lu-Olo’ kandidata-an tan ba periodu tinan 2017-2022 dala tolu ona. Primeiru Lu-Olo kandadita-an ba PR iha tinan 2007 hetan derrota, no iha tinan 2012 la halakon espiritu Lu-Olo nian, nune’e nia kandidata-an tan ba PR, maibe Lu-Olo lakon ho kandidatu PR Taur Matan Ruak, Xefi Estadu Timor-Leste aktual, tanba iha periodu hirak mensiona iha leten L-Olu la hetan apoiu maka’as husi lider karismátiku Kay Rala Xanana Gusmão.

PREZIDENTI REPUBLIKA IHA DEVER VIZITA SUKU-SUKU

Kandidatu prezidenti republika periodu 2017 ba 2022, António da Conceição ‘Kalohan’ hatete sai prezidenti republika iha dever vizita suku sira hodi rona aspirasaun hotu.

Kandidatu ho numeru sorteiu ualu (8) hatete lia hirak ne’e bainhira halo sorumutu ho media ho tema ‘kafe ho jornalista’ iha Hotel Vila-Verde, Segunda (6-3-2017).

Nia dehan ita hare prezidenti republika Taur Matan Ruak  nia vizita suku hodi rona aspirasaun povu, ida ne’e ita konsidera fali dehan ne’e laos papel prezidenti, papel prezidenti nian lolos ne’e mak ida lao ba rai liur ne’e.

“Hau sai prezidenti republika ba rai no povu ida ne’e ka ba sira ne’ebe iha rai liur ne’eba. Se ba rai no povu ida ne’e nia iha papel ida atu lao hodi rona povu nia lian no hatutan ba Governu atu toma medidas,” dehan António.

Entrevista eskluzivu ho Kandidatu PR, Fatuk Mutin: Sai PR atu hametin instituisaun Estadu

Kandidatu Prezidenti Repúblika (PR) ba periodu tinan 2017 to’o 2022 númeru sorteiu ida (1), António Maher Lopes “Fatuk Mutin” promete sei hametin servisu instituisaun Estadu nian, Prezidenti, Parlamentu, Tribunal no Governu, wainhira eleitu sai Prezidenti Repúblika (PR) iha eleisaun prezidensial 20 Marsu 2017.

Tuir Fatuk Mutin katak, liu husi hametin Estadu mak bele lori povu hotu hetan justisa ne’ebé mak justu, moris iha paz no estabilidade, mak loke dalan ba povu hotu partisipa iha dezenvolvimentu nasionál.

Atu hatene klean konaba komprimisu polítiku kandidatu PR, ho númeru sorteiu 1, tuir mai ami hatun kompletu entrevista eskluzivu Jornalista Jornal Nacional Diário (JND) Julito Ximenes, ne’ebé hala’o ho kandidatu independenti Prezidenti Republika, António Maher Lopes “Fatuk Mutin” (FM), iha ninia sede ekipa susesu, Vila Verde-Dili foin lalais ne’e.

ÂNGELA FREITAS HUSU FORSA LABELE VIOLA DIREITUS HUMANUS

Kandidata Prezidente Repúblika (PR) independente numeru sorteu  6, Maria Angela Freitas da Silva, iha ninia kompremisiu, iha kampanha ba loron dala rua, Sabdu (04/03/2017) husu ba forsa armadas labele viola direitus humanus.

“Forsa armadas la’os atu ameasa povu ita la presiza tan ida ne’e, tanba  ne’e povu hakribi ona ho kilat musan, povu hakilar ona ho kilat ninia nain, povu hakarak moris hakmatek.  Nudar PR  jero toleransia ba forsa  ne’ebe que  goza direitus humanus,”hateten Maria Angela Freitas da Silva, liu husi ninia kampañia iha Tasitolu-Dili.

Tuir nia katak, forsa mosu atu proteje ninia povu no as egura ninia soberania  tasi no rai maran no lalehan. Tanba  ne’e formasaun ba forsa armadas importante tebes nune’e bele sai amigo diak iha povu ninia  le’et, la’os fali lori forsa ho kilat  hodi ameasa povu sira.

Ekonomia Obriga Deskonfia Feto Estranjeiru Balun Halo Atividade Prostituisaun

DILI - Vida ekonomia Origa deskonfia sidadaun feto estranjeiru balun, mai halo atividade prostituisaun rai laran, tanba nee husu ba parte Imigrasaun atu kontrola utilizasaun Vistu iha rai laran.

Preokupasaun nee fo sai husi Reprezentante povu iha uma fukun Parlamentu Nasional, Deputadu Virgilio da Costa Hornai, liu husi sesaun Plenaria Tersa (07/03/2017) iha PN, bain hira halo aprovasaun final konaba lei Imigrasaun ajilu.

Hau hanoin atu kontrola diak liu tan ema estranjeiru sira neebe deskonfia mai halo atividade prostituisaun iha rai laran maka, parte imigrasaun tenke kontrola didiak ema estranjeiru ninia obzektivu de entreda, sira mai atu halo saida no mai loron hira, no atividade sida maka sira sei halo bain hira sira tama mai,” informa Deputadu Virgilio da Costa Hornai.

TL-Nova Zelandia Diskuti Formasaun Lideransa Forsa Armada

DILI – Timor Leste no Nova zelandia sei hametin koperasaun iha area formasaun lideransa jerasaun foun iha forsa Armada ba futuru.

Liu husi enkotru Entre prezidente Republika Taur Matan Ruak ho Xefi estadu Maior Jeneral Forsas Armadas Nova Zelandia Tanente General Timothy (Tim) Keating iha palasiu prezidensial katak Enkotru nee sei hametin liu tan kooperasaun entre Timor Leste  ho Nova Zelandia iha futuru.

Remata Enkotru, Xefi estadu Maior Jeneral Forsas Armadas Nova Zelandia Tanente General Timothy (Tim) Keating hatete enkotru ho prezidente Republika koalia kona ba amizade foun entre Timor Leste no Nova Zelandia iha futuru.

Kontrola Estranjeru Iha TL, PN Aprova Lei Imigrasaun

 DILI - Parlamentu Nasional halo aprovasaun ba lei Imigrasaun ajilu, no estabelesementu Lei nee atu kontrola diak liu tan sidadaun estranjeiru sira neebe maka tama sai livre iha rai laran.

Liu husi sesaun Plenaria, membru parlamentu nasional sira preokupa tebes ho atividade negosiu neebe lao iha TL domina tebes ho ema estrajenru sira, balun mai ho vistu atu halo negosiu no balun mai ho vistu turista no too iha TL halo fali atividade seluk.

Tuir Deputadu Eladiu Facultu katak, dala barak parte imigrasaun la halao nia knar ho lolos hodi halo kontrola iha Fronteira tanba nee, fo pasu ba ema estranjeiru tama livre mai rai laran, balun mai ho vistu Turista maibe too iha TL halo fali negosiu, no atetude sira nee governu tenke kontrola atu nunee labele hamosu mafiozu iha rai laran.

PARPOL Barak Lahalo Edukasaun Sivika ba Militante

DILI – Partidu Politiku barak nunka halo Edukasaun sivika ba Militante inkliu kaderniza lideransa, tan nee lideransa partidu nunka iha mudansa no dala ruma mosu konfrontasaun kiik iha baze.

Tuir Diretur Ejekutivu Ajar Jose Luis Sampaio katak nia parte lamenta tebes mak tempu agora mosu tendensia degradasaun ba partidu politiku sira, mak halo agregasaun no formula aspirasaun povu nian.

Ita hare parpol sira la halo knar ho diak, ita hare partidu politku sira nee partidu eleitoral tamba sira funsiona iha momentu elisaun deit atu hadau kadeira mak ita foin funsiona,” dehan Jose ba STL Tersa (07/03/2017) iha nia knar fatin Farol.

UE hasai observadora eleitoral iha Timor-Leste hafoin hato'o pergunta ba xefe Estadu

"Prezidente iha planu ida ba futuru: ha'u nia partidu maka PLP. Bainhira ha'u manán ha'u sei sai nu'udar xefe Governu. Ha'u hatene katak ha'u labele husik kombate ho CNRT no Fretilin"

Misaun observasaun hosi Uniaun Europeia (UE) ba eleisaun timoroan nian hasai ona observador ida hosi nasaun ne'e tanba observador husu ba atual xefe Estadu, iha enkontru públiku, kona-ba saida maka nia sei halo bainhira husik kargu. 

Kazu hetan ona dimensaun mediátiku tanba ba dala uluk, bainhira hatán ba observadora lituana, Prezidente Repúblika, Taur Matan Ruak, deklara ba públiku katak sei sai hanesan kandidatu ba primeiru-ministru iha fulan-Jullu.

"Prezidente iha planu ida ba futuru: ha'u nia partidu maka PLP. Bainhira ha'u manán ha'u sei sai nu'udar xefe Governu. Ha'u hatene katak ha'u labele husik kombate ho CNRT no Fretilin", Taur Matak Ruak hatete bainhira ko'alia iha enkontru ida ho populasaun iha Baucau, sidade boot daruak iha nasaun ne'e.

Hahú faze daruak diagnóstiku nian kona-ba sistema justisa timoroan nian

Justisa tradisional no dalan seluk hodi rezolve problema sira hanesan objetivu hosi faze daruak ba Diagnóstiku kona-ba Sistema Justisa Formal no Informal ne'ebé hahú halo ona iha semana ne'e iha Timor-Leste, informa hosi responsável sira ba prosesu ne'e.

Ekipa timoroan sira ne'ebé hetan apoiu hosi espesialista internasional sira halo prosesu avaliasaun ne'ebé, ikusmai, sei aprezenta ba ezekutivu timoroan hosi konjuntu reforma ida ne'ebé sei implementa iha área judisial hodi defini reforma sira ne'ebé sei rekomenda ba Ezekutivu.

Komisaun ba Reforma Lejislativu no hosi Área Justisa nian (CRL) no ekipa ida investigador sira hosi Sentru Estudu Sosial sira hosi Universidade Coimbra (CES) lidera hela prosesu ne'ebé hahú ona iha final 2015 nian.

Koreia do Norte bandu sidadaun Malázia hotu sai hosi nasaun

Koreia do Norte iha ohin anunsia katak bandu  sidadaun Malázia nian atu sai hosi nasaun to’o  kazu omisídiu meiu-irmaun líder norte-koreanu iha Kuala Lumpur " bele  rezolve  ho adekuadu".

Ministériu Negósiu Estranjeiru Koreia do Norte notifika embaixada Malázia iha  Pyongyang katak lapermite malaiu ruma sai iha nasaun, to’o  garante seguransa sidadaun norte-koreanu iha  Malázia.

Anúnsiu ne’e mosu loron ida hafoin Pyongyang deklara embaixadór hosi  Malázia iha Koreia do Norte 'persona non grata', ho reprezália ba espulsaun ninia embaixadór iha Malázia, Kang Chol, ordenadu hosi Kuala Lumpur iha  sábadu liubá hafoin ninia krítika ba investigasaun omisídiu Kim Jong-nam, meiu-irmaun Kim Jong-un.

Arranca segunda fase do diagnóstico sobre sistema de justiça timorense

Díli, 07 mar (Lusa) - A justiça tradicional e outros meios de resolução de disputas são o foco da segunda fase do Diagnóstico sobre o Sistema de Justiça Formal e Informal que começou esta semana a ser feita em Timor-Leste, informaram responsáveis pelo processo.

Equipas timorenses apoiadas por especialistas internacionais conduzem este processo de avaliação que levará, mais tarde, à apresentação ao executivo timorense de um conjunto de reformas a implementar no setor judicial para definir reformas a recomendar ao Executivo.

A Comissão para a Reforma Legislativa e do Sector da Justiça (CRL) e uma equipa de investigadoras do Centro de Estudos Sociais da Universidade de Coimbra (CES) estão a liderar o processo que começou no final de 2015.