Lere: Politiku Labele Depende ba Nasaun Seluk

THE TIMOR NEWS.com, DILI – Xefe Estadu Maior das Forsas Armada, Maijor Jeneral Lere Anan Timur hatete, Politiku lolos labele depende deit ba ajuda husi nasaun seluk, maibe tenke fiar an.

“Hau mak politiku karik, hau konfia hau nia an duke hein deit ajuda husi ema seluk,” Lere kasu lia hirak ne’e ba Jornalista sira iha Aeroportu Internasional Nicolau Lobato, Segunda (06/11/2017), relasiona ho ajuda Ró rua ne’ebe Governu Australia ofrese ba Governu Timor – Leste hodi kontrola peska illegal ne’ebe oras  ne’e daudaun makas iha tasi Timor.

Nia esplika Ró rua ne’ebe mak Australia atu ofrese mai ne’e sei lori tempu naruk, maibe iha tempu naruk nia laran ne’e lahatene saida mak akontese iha tasi laran.

“Ró ne’e mai mos sei han tempu tinan 5 ou 6 mai oin tan, entaun iha tinan 6 ne’e nia laran saida mak akontese iha ita nia tasi laran ne’eba,” dehan Lere.

Tuir informasaun Ró ne’ebe mak Australia halo hamutuk 23 atu fan ba nasaun sira hotu, maibe ikus liu mak rua ne’ebe atu ofrese mai Timor – Leste. Tanba ne’e sei presiza tempu barak foin bele finaliza.

Hare ba rekusu umanus, eis Guirilleiru ne’e haktuir, “Ita kona ba rekursu atu kaer Ró ne’e hau hanoin iha kona ba ida manutensaun bo’ot ne’e laiha, ida mos mak ne’e, ita nia fatin atu para Ró ba ne’e seidauk iha, kareta karik ita bele naran para hela deit”.

Antes ne’e, PM Alkatiri deklara ona katak, Ró rua ne’ebe mak Australia intrega ba Timor – Leste atu nune’e bele prevene peska illegal ne’ebe mak agora daudaun makas iha tasi Timor.

Hortencio Sanches | Editóra: Agida dos Santos

Foto: Maijor General Lere Anan Timur/google.com

TMR Orienta OMP Vota Kontra OR, Alkatiri “Hau Bingung Fali “

DILI - Maske VII Konstitusional seidauk lori Orsamentu Ratefikativu ba aprezenta iha Parlamentu Nasaional, maibe Prezidente Partidu PLP orienta ona Oposizaun Maioria Parlamentar vota kontra ona orsamentu nee, nunee halo Xefi Governu bingun ho deklarasaun neebe hato husi lider partidu PLP nee.

Primeiru Ministru Mari Alkatiri hateten, Nia (Red: PM Mari Alkatiri) bingun hare deklarasun prezidente Taur Matan Ruak neebe orienta Oposizaun Maioria Parlamentar vota kontra Orsamentu Ratefikativu, tanba sira seidauk hare orsamentu nee dehan ona vota kontra.

“Nee maka Hau bingung fali seidauk hare orsamentu dehan  vota kontra ona nee halo hau bingun, maibe idak idak nia politika, mais ba hau gosta hare uluk, hau le nee fo vantajen ba povu ka lavantajen ba povu, tanba nee fo vantajen ba povu, laos fo vantajen ba hau nia partidu,” dehan PM Mari, liu husi konferensia imprensa neebe maka halao iha Aero Portu Nicolau Lobato, Dili, Segunda (06/11/2017).

Xefi Governu esplika, Orsamentu Ratefikativu nee hanesan mai atu ratefika Orsamentu Jeral estadu tinan 2017 nian, tuir programa Sestu Governu nian.

Aman fundador ba dezemvolvimentu nee haktuir tan katak, Se Governu la selu emprezarius sira, tanba sira gasta ona sira nia osan hodi halo projetu hirak nee, nee duni Governu laselu sira natal nee emeprezariu sira atu halo oinsa, sira nia oan sira atu ba neebe. 

Carme Ximenes/Maria Lay | Suara Timor Lorosae

PM Garante VII GK Ukun Too Tinan 5

DILI - Primeiru Ministru Mari Alkatiri garante VII Governasaun sei ukun to tinan lima, bainhira lato tinan lima ba eleisaun antisipada.

Xefi Gvernu hateten, VII Governu ida nee sei lamonu no ukun rai ida nee to tinan lima, ou to  eleisaun antisipada.

Hau garante Governasaun ida nee sei ukun to tinan lima, se lato tinan lima ba eleisaun antisipada,” dehan PM Mari, liu husi konferensia imprensa neebe maka halao iha Aero Portu Nicolau Lobato, Dili, Segunda (06/11/2017).

Iha parte ketak Xefi bankada Fretilin hateten, bainhira Programa Governu ba daruka lori ba aprzenta iha Parlamentu Nasional lapasa, posibilidade ba eleisaun antisipada.

Deputadu Branco hataten, Hakarak ka lakoi tenke fo lai oportunidade ba Governu neebe minoria Parlamentar nee kaer ukun hodi deposita husi Parlamentu hodi halo fiskalizasaun, ba aktuas programa Governu nian.

Nunee mos Jose da Costa hanesan observador nasional husu ba ema hotu atu hakmatek iha idak idak nia fatin, liu liu ba joven sira atu labele terpancing ba politika sira nia manobra, tanba bainhira joven sira terpancing ba politika sira nia manobra maka sei kria problema iha rai laran, dehan Jose. 

Carme Ximenes/Maria Lay | Suara Timor Lorosae

Alkatiri Prontu Dialogu Ho Xanana-TMR

DILI - Primeiru Ministru Mari Alkatiri prontu dialogu ho Prezidente CNRT Xanana Gusmao no Prezidente PLP Taur Matan Ruak, bainhira Prezidente da RDTL Francisco Guterres Lú Olo, neebe deklara sei konvoka dialogu ho lideransa hirak nee iha tempu badak.

Hafoin semana ida fila husi vizita ba Australia Primeiru Ministru Mari Alkatiri ba jornalista sira katak, Simu ona konvite husi Prezidente da RDTL Francisco Guterres LuOlo ba asuntu refere, no nia (Red: Xefi Governu Mari Alkatiri) prontu halo dialogu nee ho lideransa hirak nee.

“Hau simu ona konvite husi Prezidente da RDTL no hau prontu halo dialogu nee, tanba hau kolia nee hau nunka halai ses husi buat neebe maka hau kolia,” dehan PM Mari, liu husi konferensia imprensa neebe maka halao iha Aero Portu Nicolau Lobato, Dili, Segunda (06/11/2017).

Programa La Pasa, Governu La Aprezenta OR

DILI, (TATOLI) - Xefe bankada Partidu Libertasaun Populár (PLP), Fidelis Magalhães deklara, kona-ba orsamentu retifikativu (OR) ne’ebé governu konstitusionál da-hitu prepara hodi halo aprezentasaun atu hetan apresiasaun iha PN inklui mós orsamentu atu selu dívida ne’e, la iha dalan enkuantu programa governu la pasa, aprezentasaun orsamentu so programa governu pasa.

“Ne´ebé, atu selu dívida ka la selu dívida ne´e kabe ba iha depois no fim Orsamentu Jerál Estadu ne’ebé sei inklui iha ne´ebá verba alokada atu selu dívida. Maibé, ita mós tenke komprende lai saida mak dívida? Saida mak ita define hanesan dívida? Ne’e mak tenke haree halo didi’ak,” Xefe bankada PLP, Fidelis Magalhães perante profisionál komunikasaun sosiál sira, iha uma fukun Parlamentu Nasionál (PN), Segunda (06/011).

Tuir Fidelis, normal, bainhira governu atu selu dívida tanba tanba iha Orsamentu Jerál Estadu (OJE) inklui mós verba alokada atu selu dívida, se governu iha dívida.

Governu Sei Submete OR Ba PN Iha Kinta Feira

DILI, (TATOLI) - Primeiru Ministru, Sétimu Governu Konstitusionál, Mari Alkatiri, deklara, iha loron Kinta (09/11) Governu sei submete ba Parlamentu Nasionál (PN) Orsamentu Retifikativu (OR).

“Povu Doben ! Loron, 9, Novembru, governu sei haruka ba PN Orsamentu Retifikativu ba Orsamentu Jerál do Estadu (OJE) 2017,” Primeiru Ministru Mari Alkatiri deklara liuhosi nia facebook iha loron, 5 Novembru, tuku 23:27 oras Timor-Leste.

Xefe do governu ne’e espera katak, Parlamentu Nasionál sei bele halo apresiasaun no aprova.

Antes ne’e Ministru Prezidénsia Konsellu Ministru, Adriano do Nascimento, informa governu sei aprezenta programa ho orsamentu retifikativu dala ida de’it ba Parlamentu Nasionál (PN) hafoin deputadu sira halo ajendamentu ba diskusaun.

Segundo partido mais votado em Timor-Leste prepara aliança de governo com outros partidos

Díli, 05 nov (Lusa) -- O Conselho Nacional de Reconstrução de Timor-Leste (CNRT) vai celebrar uma aliança de maioria parlamentar com outros dois partidos mais pequenos, anunciou hoje aquela força, num momento em que o executivo atual viu o seu programa de governo rejeitado.

Hoje, em comunicado, a Conferência Nacional do CNRT autorizou a Comissão Política Nacional, liderada por Xanana Gusmão, a "negociar, celebrar e assinar um acordo político para a formação de uma aliança de maioria parlamentar que respeite os princípios políticos que constam da plataforma política" já celebrada com o Partido de Libertação Popular (PLP, terceira força mais votada, com oito deputados eleitos) e o partido Kmanek Haburas Unidade Nasional Timor Oan (KHUNTO, quinto mais votado com cinco eleitos).

PR timorense convoca principais líderes partidários após chumbo do programa de governo

Díli, 05 nov (Lusa) - Os três principais líderes partidários de Timor-Leste foram hoje convocados pelo chefe de Estado para uma reunião no Palácio Presidencial depois da rejeição aprovada ao programa de governo, anunciou hoje fonte da Presidência.

A reunião vai ter lugar no dia 15 de novembro no Palácio Presidencial, informou hoje o Presidente da República de Timor-Leste, Francisco Lu-Olo, e irá juntar os líderes da Frente Revolucionária de Libertação do Timor-Leste Independente (Fretilin), Mari Alkatiri, do Conselho Nacional de Reconstrução de Timor-Leste (CNRT), Xanana Gusmão e do Partido de Libertação Popular (PLP), Taur Matan Ruak.

Os três partidos foram os que tiveram melhores resultados nas eleições de 22 de julho mas, até agora, não foi possível um consenso de governo.

O executivo minoritário liderado por Mari Alkatiri viu o seu Programa de Governo rejeitado e o CNRT já anunciou que pretende uma coligação maioritária com o PLP e com o partido KHUNTO (o quinto mais votado).

O objetivo da reunião, explica o Presidente da República, é "encontrar soluções para os problemas políticos" causados pela rejeição do Programa de Governo.

PJA (ASP) // JPS

Semana Oin, PR Lú Olo Hala´o Diálogu ho Líder Nasionál

DILI, (TATOLI) - Prezidente Repúblika (PR), Francisco Guterres Lú-Olo sei halo diálogu ho Prezidente partidu CNRT Xanana Gusmão, Prezidente PLP Taur Matan Ruak no Sekretáriu Jerál FRETILIN, Marí Alkatiri ne’ebé markadu ba 15 Novembru 2017 iha Palásiu Prezidente Nicolau Lobato, Bairru Pité, Dili.

Tuir komunikadu ofisiál ne´ebé Ajénsia TATOLI asesu hosi Mídia Palásiu Prezidénsia Repúblika, domingu (5/11) kalan, haktuir katak  Prezidente Repúblika halo diálogu ho líder istóriku na’in tolu ne´e atu buka solusaun ba problema polítiku ne’ebé mosu hafoin Partidu Opozisaun rejeita programa VII Governu Konstitusionál iha Parlamentu Nasionál.

Xefe Estadu foti inisiativa ne’e nu’udar kontinuasaun hosi diálogu sira ne’ebé hahú tiha ona ho líder partidu polítiku sira iha prosesu ba kampaña eleisaun Parlamentár no formasaun Governu hafoin Tribunál Rekursu anúnsia rezultadu eleisaun Parlamentár. 

Jornalista: Xisto Freitas

Foto: Xefe Estadu Lú Olo

Governu Sei Submete OR Ba PN Iha Segunda Feira

DILI, (TATOLI) - Primeiru Ministru, Sétimu Governu Konstitusionál, Mari Alkatiri, deklara, iha loron Segunda (09/11) Governu sei submete ba Parlamentu Nasionál (PN) Orsamentu Retifikativu (OR).

“Povu Doben ! Loron, 9, Novembru, governu sei haruka ba PN Orsamentu Retifikativu ba Orsamentu Jerál do Estadu (OJE) 2017,” Primeiru Ministru Mari Alkatiri deklara liuhosi nia facebook iha loron, 5 Novembru, tuku 23:27 oras Timor-Leste.

Xefe do governu ne’e espera katak, Parlamentu Nasionál sei bele halo apresiasaun no aprova.

Antes ne’e Ministru Prezidénsia Konsellu Ministru, Adriano do Nascimento, informa governu sei aprezenta programa ho orsamentu retifikativu dala ida de’it ba Parlamentu Nasionál (PN) hafoin deputadu sira halo ajendamentu ba diskusaun.

“Programa governu no orsamentu retifikativu bele aprezenta dala ida maibé diskusaun mak keta-ketak, ne’e depende PN atu halo ajendamentu”, dehan nia.