CNRT DIVORSIO PD, JOGADA POLITIKA LA EDUKATIVU

Polemika karta divorsio ne’ebe partidu CNRT haruka ba  Partidu Demokratiku (PD) hodi hasai PD husi Bloku Koligasaun nudar jogada politika ne’ebe la produtivu no la edukativu.

Lia hirak ne’e hato’o husi Vise Prezidenti partidu FRENTI-MUDANÇA, Vicente Ximenes “Maubocy” hodi responde JNDiario iha Centro Pesquisa para Mudança, Tersa (29/3/2016).

“Hau sente polemika divorisiu CNRT ho PD nian ne’e nudar jogadas politika ne’ebe la produktivu no la eduka ita.  Konflitu sempre jera konflitu, konflitu ida mosu sempre aumenta komflitu nunka mais hotu. Ida ne’e maka exemplu diak ba Timor,” hateten Vicente Maubocy.

Nia husu husu ba Prezidenti CNRT, Kay Rala Xanana Gusmão ho Sekretariu Jeral partidu FRETILIN,  Mari Alkatiri atu hanoin didiak, tanba Timor ne’e hatene momos malu.

“Iha Timor ita hatene se maka iha forsa, forsa maka lia los, povu sei hili ida nebe diak no los, iha mundo ne’e iha buat rua deit ema diak ho ema honestu no ema bandidus no koruptus, ida ne’e hanesan manipulasaun ne’ebe la iha vantajen,” afirma Vicente Maubocy.

Vicente garanta katak, mesmu iha eleisaun jeral 2017 CNRT ho FRETILIN hamutuk mos sei la manan maioria absoluta.

 “Se Xanana ho Alkatiri sidauk ukun dala ruma ema bele fiar, mas sira nain rua ukun tiha ona no povu ne’e matan mos ona,” hateten Maubocy.

Nia dehan, ho karta divorisio ne’ebe CNRT haruka ba PD ne’e governu monu tiha ona no tuir lolos iha remodelasaun ne’ebe Xanana indika Rui Maria de Araujo ba Primeiru Ministru ne’e Governu monu tiha ona no tenke iha eleisaun antisipada. Maibe tanba hotu-hotu komunga ba unidade nasional, mapa partidu politiku sira, inklui FRENTI-MUDANÇA nonok no tolan tomak deit.

“Ami laiha ona iha bloku koligasaun hahu iha fulan Fevereiru tinan kotuk,  karik iha entaun ida ne’e inventa deit, porque Xanana rejigna an, Governu monu ona, tamba estabilidade ami deskute ho Presidente Republika dehan ba ami Mubocy, Victor imi hatene maun Xanana nia hahalok ka lae. Ami nonok tanba harak estabilidade,” dehan Vicente Maubocy.

Nia lia tun tenik, “lolos iha altura 2015  ita reklama, mais PD mos hakarak fatin iha Governo entaun simu todan husi manobra ou manipulasaun ne’ebe akontese. Ne’ebe karta divorsio ne’e la afeta ba publiku,”. Nes

Jornal Nacional

SEMI PREZIDENSIAL, PREZIDENTI REPUBLIKA LAIHA PODER

Komunidade Munisípiu Liquiça husu ba Prezidenti Repúblika (PR), Taur Matan Ruak atu muda sistema Governasaun husi semi Prezidensial ba Prezidensial. Tanba semi Prezidensial ne’e, Prezidenti Repúblika laiha funsaun ka poder. Maske Prezidenti Repúblika ne’e hili diretamente husi povu.

Maibé Prezidenti Repúblika Taur Matan Ruak responde katak, muda sistema ne’e la fasil. Tanba sistema Governasaun ne’e defini iha Konstituisaun Repúblika Demokrátika Timor Leste (RDTL).

“Ita nia konstituisaun mak defini sistema iha ita nia rai, tanba ne’e, kuandu laiha Partidu ida atu manan, sistema ne’e sei la’o nafatin hanesan ne’e,” esplika Taur Matan Ruak, ba komunidade sira iha diálogu Komunitária iha suku Vaviquina, Postu Administrativu Maubara, Munisípiu Liquica, Tersa (29/03).

Albito dos Santos ne’ebé mak reprezenta komunidade ne’e koalia maka’as katak, lalós wainhira Prezidenti Repúblika ba rona tiha povu nia problema iha terrnu, maibé fila fali ba la halo buat ida.

“Durante ne’e, Prezidenti hateten katak, imi nia preokupasaun ne’e ha’u sei hato’o ba Governu, ida ne’e lalos. Tanba ita bo’ot mak Prezidenti tiha, ita bo’ot ba haraik-an fali ba Governu. Ita bo’ot Prezidenti, aman nasaun nian, tenke muda sistema ne’e ba Prezidensiál, tanba Prezidenti ne’e povu mak hili, labele ba haraik-an fali ba Governu,” Albino dos Santos afirma.

Albino mós argumenta katak, durante ne’e PR mak la’o ona ba suku hotu-hotu, iha TL laran tomak, no identifika problema barak husi povu, maibé Prezidenti labele halo buat ida.

Maibé PR Taur Matan Ruak esplika katak, Governu halo buat ida tuir konstituisaun haruka, Governu labele halo buat ida kontra fali konstituisaun rasik.

“Governu halo buat ne’ebé nia bele halo, maibé la halo buat ne’ebé ita hakarak,” Taur Matan Ruak fundamenta.

Xefi Estadu ne’e afirma katak, Prezidenti Parlamentu Nasionál (PN) de’it mós ema atu hasai nia husi Parlamentu Nasionál (PN), tanba ema hanoin katak, nia (Vicente) halo buat seluk.

“Imi halo tan hanesan ne’e, hanoin didi’ak, se la’e ema bele hasai tan ha’u husi Prezidenti imi mak hatene,” dehan Taur Matan Ruak.cos

Jornal Nacional

DILI WEEKEND MARKET, FO OPORTUNIDADE BA KOMERSIANTES

Dili Weekend market ne’ebe mak loke iha Sabdo-Sabdo ne’e tuir  Ministru Comersiu Industria e Ambiente (MCIA) Costançio Pinto atu fo oportunidade ba komersiante sira hodi fan sira nia produtu lokal no mos kria fatin ba komunidade sira atu fase matan iha fim de semana.

‘’Dili Weekend ne’e oportunidade ba ita nia komersiante sira bele fan sira nia sasan hola netik osan ruma hadia sirania vida no halo cidade ne’e moris pelemenus iha fim de semana ne’e iha aktividade ne’ebe mak bele sai fatin ba fase matan,’’ dehan Costançio ba jornalista sira iha Comoro, Segunda (28/03/2016).

Nia hatete,  durante ne’e komunidade sira halo produtu lokal rai deit iha uma to tempu iha feira mak sira foin lori produtu sira ne’e fan, maibe ho aktividade Dili Weekend ne’ebe mak Sabdo-Sabdo iha pelemenus  bele fo oportunidade barakk liu ba komersiante sira ne’e hodi fan sira nia produtu inklui kreatividade sira seluk ne’ebe mak sira halo.

Dili Weekend market ne’e loke  hahu tuku 05:00  loraik to tuku 09:00 kalan,  Costançio informa foin lalais sira simu tan pedido husi komersiante sira hakarak Dili Weekend ne’e loke to loron Domingo laos Sabdo deit no balun husu hakarak kontinua nafatin ona lalika para, tanba tuir sira Dili Weekend ne’e fo tebes benifisiu ba sira hodi fan sira nia produtu lokal ne’ebe mak iha.

“Fatin ita loke iha Kolmera ne’e estrategia tebes no sirkulasaun movimentu transporte mos la interope malu, maibe ita sei hare tok fulan oin nia laran depois mak ita buka fali iha fatin seluk atu loke iha aktividade  hanesan ne’e,’’ koalia Costançio.

Nia mos esklarese katak,  iha Dili Weekend ne’e laos deit feira, maibe iha mos atrasaun musika, teatru nune’e ema hotu iha fim de semana ne’e bele enjoi laos ba sosa produtu deit, maibe iha mos aktividade enterteiment. nia

Jornal Nacional

JORNAL NACIONAL - DIÁRIO

PN HUSU PNTL MANTEIN PROFESIONALISMU

Parlamentu Nasional (PN) husu Polisia Nasional Timor-Leste (PNTL) atu mantein profesionalismu no imparsialidade wainhira halo seguransa iha publiku.

Liafuan ne’e hato’o husi Vise Prezidenti PN, Aderito da Costa Hugo, bainhira reprezenta Prezidente PN hodi partisipa seremonia aniversario PNTL  ba dala XVI, Segunda (28/3/2016).

“Ita hein katak ho idade 16, hanesan institusaun Estado nian ida sira kontinua dezenvolve hodi tau atensaun liu ba profesionalismu, imparsialidade iha link serbisu ninian, profesionalidade no imparsialidade PNTL nian ne’e tenke rezulta iha atendimentu publika, realidade progresu dezenvolvimentu ne’ebe mak avansa maka’as iha PNTL iha mos desintendimentu balun mai husi povu, hanesan reprezentante povu nian ami mos sei simu hela keixas, lamentasoens husi publiku sobre atendimentu publiku ne’ebe halo husi membru PNTL,” hateten Aderito Hugo.

Deputado bankada CNRT ne’e hatutan, PNTL nia serbisu mak mantein Lei ho Ordem, tanba realidade akontese katak, rekor ne’ebe rejista iha nasional no mos internasional, liu husi eventu internasional lubuk ida ne’ebe mak Timor sai hanesan uma nain la’o diak tebes, ne’e mos tanba seguransa husi PNTL nian.

“Ita nia eventu internasional hirak ne’ebe mak liu ba ho susesu hanesan iha eleisaun jeral ne’ebe mak la’o ho kontroladu, ne’e hatudu katak PNTL serbisu diak no kontinua kontribui ba estabilidade politiku no seguransa nasaun ninian. Instituisaun PNTL no F-FDTL hetan atensaun maka’as iha Estado ninian, depois krizi tinan 2008 ne’ebe mak ho reforma setorais li-liu reforma iha defeza seguransa ninian,” dehan Aderito Hugo.

Reprezentante povu iha uma fukun PN ne’e apresia no orgulho tebes ho mensagem Komandante Jeral PNTL, Komisario Julio Hornay nian, ne’ebe husu ba membru PNTL atu tau atensaun maka’as ba atendimentu publiku nian.

“Hau apresia tebes ho deklarasaun komjer Julio Hornay nian ne’ebe alerta katak tau atensaun maka’as ba atendimentu publiku. Ita hein katak mensagem sira ne’ebe kontinua hato’o husi entidades relavante sira ne’e bele kontribui diak liu tan disiplika iha PNTL ninian iha oin mai,” hateten Aderito Hugo.

Vise Prezidente PN ne’e dehan, numeru PNTL seidauk sufisiente, tanba agora dadauk foin iha numeru total hamutuk 3800 resin.

“Tenke halo tan rekrutamentu hodi nune’e responde ba nesesidades populasaun ninian aumenta tinan ba tinan, ita nia estatistik populasaun ne’e aumenta lais teb-tebes, ida ne’e ejiji numeru atendimentu publiku li-liu atu mantein lei no ordem, ita iha suku 442, ita presija polisia komunitaria mos hanesan numeru suku ne’e, distribuisaun to’o ona, mais fasilidades mak minimu teb-tebes,” dehan Aderito.

Husi sorin seluk, Deputadu David Dias “Mandati” hateten, oituan ou barak PNTL halo ona, sira mosu nudar institusaun nebe iha ona formatu ida, ne’e klaru ona, mais agora PNTL nia servisu ne’e masimu ou minimu.

“Hau dehan nafatin sedauk kompleta tamba sira nia filosofia sira sedauk lori, imi hatene apezar hau iha liur kleur, mais dehan iha bairo- bairo baku malu, tuda malu, oho malu, ne’e hau rona deit, karik iha, hau dehan nafatin ne’e sala Polisia nian,”  hateten Mandati.

Nia hatutan tan katak failansu nebe durante akontese iha institusaun PNTL tamba falha profesionalismu husi komandante sira atu fo orientasaun ba membru sira, dala ruma membru sira prontu ona maibe komandante sira mak laiha preparasaun.

Nia esplika tan katak saida mak PNTL tenki halo maka kaer metin filosofi tolu ne’e ou troka hotu tamba hatudu ona katak Komandante sira la iha kbi’it.

“Hau koalia bebeik ba sira tamba saida mak sira la halo, troka komandante sira, se sira lakoi troka sira mak sei lori povu ne’e ba rai kuak tamba se laiha seguransa dezemvolvimentu mos sei la lao, se laiha dezemvolvimentu maka se laiha dame” dehan nia

Iha fatin hanesan Deputadu Francisco Branco fo parabens ba PNTL nebe halo tinan 16, tinan nebe nurak tebes.

“Polisia ita nian, Polisia povu nian, Polisia ita nia oan nian, Polisia estadu Timor nian, ita hein katak filisofia ida hanesan ne’e Polisia nebe orientadu ba komunidade tuir ita nia estatutu organika Polisia nian, ne’e duni Polisia nebe hamutuk ho povu, moris ho povu hodi defende povu labele sa fali kontraru,” hateten Francisco Branco.

Deputadu Cesar Valente hatete atu halo avaliasaun ba servisu PNTL durante tinan 16 ne’e kompetensia bo’ot iha sosiadade sira nia liman.

“Hau hanoin atu halo avaliasaun diak liu mak ita nia sosiadade, sira sente ka lae durante tinan 16 nia laran liu liu iha tinan 7 ou 8 mai ne’e sosiadade sira sente seguru ka lae ho servisu PNTL nian,” tenik Cesar Valente.

Nia hatutan iha buat rua maka importante permeiru dezemvolvimentu Estadu nian hanesan PNTL, segundu hare kona ba atendementu publik PNTL relassiona ho seguransa povu nian.

“Ba hau iha progresu, tamba ita labele hare deit baku malu ema ida rua, ho komflitu iha fatin balun jeneraliza dehan katak ssituasaun iha Timor, ita nia Polisia sira halo servisu la diak, ne’e lae, tenki hare ho onestu, tenki apresia saida mak sira halo diak, ita kritika ba saida mak sira halo sedauk masimu,” nia hateten.

Nia hatutan klaru katak ema barak maka seidauk kontente ho servisu PNTL maibe difisil Polisia atu fo seguransa ba ema hotu hotu, difisil Polisia atu fo sseguransa ba uma kain ida ida ne’e difisil.

“Hau hakarak hatete sidadaun sira labele hanoin katak Polisia mak atu fo seguransa ita duni maka tenki fo seguransa husi ki’ik, bo’ot hotu hotu tenki kontribui ba seguransa mak ita foin sente katak ita nia rai seguru,” nia tenik. mia/Nes

Jornal Nacional

HORTA SAI KONSELEIRU BA TDT-DILI MARATONA

Sekretariu Estadu Joventude no Desportu Leovigildo Hornai konvida Laureandu Nobel da Paz Dr. José Ramos Horta sai konseleiru ba eventu desportivas Tour de Timor (TdT) no Dili Maratona.

Iha enkontru ne’ebe Sekretariu Estadu Leovigildo hala’o ho Premiadu novel da paz Dr. José Ramos Horta foin lalais ne’e, lider nasional ne’e prontu atu hola parte iha strutura nudar konseleiru prinsipal ba aktividade desportiva.

informa Sekretáriu Estadu Juventudi no Desportu (SEJD), Leovigildo da Costa Hornai ba jornalista sira iha nia knár fatin ex-sional Lecidere Dili, Segunda (28/03/2016)

“Maibe ami sei halo analiza no halo kalkulasaun profundu ba orsamentu. Basa orsamentu tinan ne’e sei bo’ot liu tinan kotuk ho valor US$700 mill resin kompara ho 2015 ho valor juta ida resin deit,”informa nia.

Nia hatutan, antes realiza eventu ne’e, sei iha seminariu bo’ot ne’ebe lidera husi Dr. José Ramos Horta.

Nia mos sekunda, seminariu no evente desportivas ne’e mai ho objektivu atu halo promosaun Timor Leste ba mundu, li-liu iha ambitu kampaña eleitoral eleisaun iha tinan 2017 mai.

 Parte seluk, atu atu halo promosaun marketing ba sentru ka fatin potensial, turistiku ho karakter ida turistiku komunitariu ho orienta turistiku ekolojiku para atu koalia Timor ne’e núdar ilha no nasaun ne’ebe furak.

Tantu aktividade desportu la’os iha ninia valor despotivas deit, maibe iha nia valor sosial ekonomiku, atrativu kulturais no sira seluk tan.

“Ita hotu hotu halo esforsu para festa demokrásia bele la’o situasaun hakmatek no paz, liu husi eventu desportivas ne’ebé mensionadu,”tenik nia.Ito

Jornal Nacional

KESTIONA KARTA DIVORSIU, CNRT KONSIDERA PD LAIHA MEMORIA INSTITUSIONAL

Prezidenti Komisaun Juridiku partidu CNRT atual Vise Prezidenti Parlamentu Nasional (PN), Aderito da Costa Hugo, konsidera Partidu Demokratiku (PD) la iha memoria institusional, tanba kestiona karta divorsiu ne’ebe mak CNRT haruka.

“PD kestiona karta ne’e mai husi se? Ne’e mak problema, hau triste tebes, partidu seluk mak halo hanesan ne’e karik, mas CNRT lae. Kestiona substansia husi desizaun ne’e hau bele imagina katak sira laiha memoria institusional, iha tinan 9 nia laran halo aliansa ho CNRT laaproveita netik buat ruma atu aprende, dialogu ba asuntu saida atu loke fali rekord sira nian tinan sia nia laran, mais desizaun ne’e final ona, tanba desizaun ne’e foti liu husi kuadrus partidu nian, laiha partidu ida ema ida mak foti desizaun, hau hein katak katak partidu sira seluk funsiona hanesan ne’e, hau tauk mak sira seluk lafunsiona hanesan CNRT, ne’ebe kestiona fali ema nia desizaun ne’ebe uma mekanismu internal partidu nian hodi hateten katak keta karta ne’e mai husi ema seluk karik,” esplika Aderito Hugo hodi responde jornalista iha Akademia PNTL, Comoro-Dili, Segunda (28/03/2016).

Atual vise Prezidenti PN ne’e klarifika katak, CNRT hanesan partidu ida bot toma responsabilidade tomak konfiansa povu nian desde iha tinan 2007 to’o agora iha responsabildade atu tau ba dezenvolvimentu nasional no interese povu nian.

“CNRT loke odamatan ba PD nian desde kedas tinan sia nia laran ona hodi PD halo aleadu kontinua aleadu iha AMP nia tempu tinan lima, maske dezafius oi-oin no pratika oi-oin husi PD nian, kontinua tan komprimisu foun iha tinan 2012, hanesan portidu mais votadu, CNRT nafatin hetan konfiansa, se hakarak dialogu bele atu nune’e loke fali rekor sira durante ne’e,” dehan Aderito.

Prezidente Partidu Demokratiku, Adriano do Nascimento antes ne’e dehan, PD simu ona karta husi CNRT ne’ebe dehan lainklui ona PD iha Bloku Koligasaun, nune’e mos parta PD nian mos responde fali ona karta ne’e.

“Ami simu ona karte husi CNRT nian dehan sira lainklui ona ami iha Bloku nia laran, ami mos haruka fali ona karta ida ba sira hodi responde karta sira nian, ami iha posivel atu hasoru malu ho Prezidente CNRT, Maun Xanana Gusmão, mais lakoalia deit sobre karta ne’e, mais ho asuntu inportante sira seluk, tanba antes ne’e ami hasoru ona Primeiru Ministru, Rui M. Araujo, Prezidente Republika, Taur Matan Ruak,” dehan Adriano.

Karta ne’ebe mak CNRT haruka ba PD iha Sesta (11/03/2016), ho nia kontiudu, hasai formalmente PD husi Bloku koligasaun, tanba konsidera PD durante ne’e laobedese ona ba komprimisiu bloku nian. mia

Jornal Nacional

MCIA SEI FOTI MEDIDAS BA NEGOSIANTES “MALANDRO”

Ministru Comersiu Industria no Ambiente (MCIA), Constançio Pinto deklara katak, MCIA sei fo sansaun ba ema ne’ebe mak hasae sasan folin tuir sira nia gostu la tuir fali folin estandar ne’ebe mak MCIA aplika ona.

‘’MCIA iha nia estandar ba folin sasan sira ne’ebe mak sai husi Governu liu husi MCIA, hanesan fos, masin no produtu seluk tan, ne’ebe iha merkadoria sira hasae folin tuir gostu MCIA sei buka atu rezolve folin iha merkaduria,’’ dehan Ministru Constançio Pinto ba jornalista sira iha akademia polisia Comoro hafoin partisipa seremonia aniversario PNTL nian ba dala XVI, Segunda (28/03/2016).

Nia hatete, MCIA kuando identifika problema iha merkdau sira, liu-liu kona ba presu sira sei tun direta ba iha baze atu identifika lolos ba presu sasan sira ne’e no iha ne’ebe maka identifika folin sasan balun sai prekupasaun maka MCIA sei rejolve, maibe kuandu iha balu maka faan liu la tuir estandar presu ne’ebe MCIA aplika maka MCIA rasik mak sei hatun despashu hodi fo sansaun ba sira ne’ebe maka hasai presu la tuir estandar MCIA nian.

“Hau sei haruka hau nia ekipa ida tun dereta ba iha terenu para bele hare los ka lae tuir informasaun sira ne’ebe maka iha, kuandu iha duni prekupasaun maka ministeriu ne’e sei rejolve, oinsa maka bele hetan presu ne’ebe maka normal, maibe kunadu hetan sira balu hasae presu konforme sira nia hakarak maka ministeriu ne’e sei fo sansaun ida ba sira,’’ koalia Constançio.

Kompania sira la hetan lukru

Husi sorin seluk, Diretor kompania Mawin Rai Lda, Mariano Martins hatete, durante semana rua nia fan fos husi MCIA ho folin $ 11 ba komunidade sira ne’ebe mak afeita ba mudansa klimatika elnino ne’e ladun fo lukru ba sira, tanba sira halo distribuisaun ba  postu administrativu ne’ebe dok.

‘’Hau atu koalia ho MCIA atu hase folin ba $ 12 bainhira ami distribui ba postu administrative ne’ebe dok hanesan Fatumea ho Fohorem, tanba postu sira ne’e dok kondisaun estrada mos ladiak, entaun tula ba ne’e kareta nain sira husu makas, depois ami tenki selu tan ema sira ne’ebe halo distribui, entaun sura ba ami ami la hetan lukru,’’ Mariano hateten.

Nia hatete, hanesan negosiante konserteza sira mos buka nia lukru hodi hamoris sira nia kompania ne’e, maibe la hetan lukru ne’e oisan mak sira atu hamoris kompania, tan ne’e nia husu bainhira ba postu administrativu sira dok ne’e bel;e hasae folin ba $ 12 bainhira iha vila laran no postu administrativu sira besik ne’e mak ho folin $ 11, tanba la dun sai osan.

Nia informa katak, primeiru fase ne’ebe sira lori saka 1000 ne’e ba semana rua deit hotu kedas I lori ba Fohorem ho fatumea komunidade sira atu baku malu tan, tanba hadau malu fos ne’e, tan ne’e mak agora nia mai fali MCIA atu halo fali distribuisaun ba segundu fase ba nafatin postu administrative Fohorem ho Fatumea, tanba foin lalais lori ba ne’e lato, komunidade balun seidauk hetan.

Nia mos esklarese katak, fos sira ne’ebe mak nia distribui ne’e  la fo ba loja nain ka negosiante sira atu fan tutan fali, maibe nia distribui direta ba komunidade sira ne’ebe mak afetadu ba mudansa klimatika, tanba sira hasoru problema hamlaha ho bai loro ne’ebe naruk. nia

Jornal Nacional

GMHOP HALO OPERASAUN BA ANIMAL LAO LIVRE

Gestaun Merkadu e Hijiene Orden Publika (GMHOP) hala’o operasaun ba animal sira ne’ebe maka husik livre la’o ba mai iha sidade Dili nia laran.

Xefi Departamentu  GMHOP munisipiu Dili, Bonifasio Soares afirma, operasaun ba animal ne’e bazeia ba orden publika ne’ebe maka munisipiu Dili fo sai.

“Operasaun ida ne’ebe agora ita atu halo dau-dauk ne’e la’os hanesan bai-bain, tanba ne’e operasaun integradu mai husi orden publika, PNTL no seguransa sivil, nune’e ohin sira halo patrullamentu gabungan ne’e hare’e liu ba animal hirak ne’ebe maka lao namkari iha Dili laran husi bairo ba bairo, nune’e agora ita hahu uluk iha Becora maka sei kontinua nafatin ba suku seluk iha postu Cristo Rei, Nain Feto no Vera Cruz, tanba bai-bain ne’e ita halo patrulla deit ba animal sira ne’ebe ba mai iha estrada bo’ot ou dalan publiku sira,”Bonifasio Soares ba JN-Diário iha ninia knar fatin Administrasaun Munisipiu Dili, Matadouru-Dili, Segunda (28/03/2016).

Haktuir nia, komunidade husik animal la’o livre ne’e fo impaktu mos ba ema seluk ninia saude, tanba ne’e husi atividade GMHOP ne’e atu minimiza problema refere.

Xefi Departamentu  GMHOP munisipiu Dili, Bonifasio Soares hatutan liu tan katak, wainhira kaer komunidade ninia animal ne’ebe maka lao livre ne’e sei la fo fila ba nai’in animal sira.

Animal sira ne’ebe maka husi parte GMHOP oho ne’e bazeia ba dekretu lei nuneru 33/2008 iha artigu 9 to’o 11 hateten katak, animal ne’ebe maka prende husi AMD sei la entrega ba nain, e sasan sira ne’e hotu sei entrega ba ema kbiit laek, vuneravel, alejadu no labarik sira iha panti asuhan.

Nia dehan, guarda munisipal ne’ebe maka hala’o knar ba orden publika sidade Dili ne’e servisu lor-loron husi segunda to’o sesta e dalaruma iha emerjensia ruma ou iha orden de servisu Sabadu no Domingu mos funsionariu GMHOP halao servisu nafatin.

Entretantu Xefi Departamentu  GMHOP munisipiu Dili propoin ona ba Governu liu husi Ministeriu Estatal atu bele aumenta horas servisu ba seguransa guarda Municipiu (walikota) atu nune’e bele halo kontrola masimu ba vendedores ne’ebe sei kontinua fa’an sasan iha luron ninin.

“Dalabarak vendedor uza tempu meiodia hanesan ami fila ba han no horas sai servisu nian hodi aproveita fa’an sasan iha luron ninin ho situasaun hirak ne’e ami propoin ona ba Ministeriu Estatal karik bele aumenta tan horas kontrolu ba seguransa guarda Municipiu (walikota) atu nune’e bele halo kontrolu durante 12 horas de tempu iha loron ida nia laran hahu’u husi tuku 8.00 dader to’o tuku 19.00 kalan sem deskansa e tenki iha mós over time no hahan meiodia nian ba walikota ho nune’e sira lalika lakon tempu hodi ba han iha uma, maibe ate agora seidauk iha resposta husi Ministeriu refere,”reafirma Bonifacio.

Alende ne’e seguransa guarda Municipiu (walikota) labele halo kontrolu iha loron tomak nia laran, tanba seidauk iha orden de servisu ou autorizasaun husi Ministeriu kompetente.

“Pelumenus iha netik orden do servisu husi Ministeriu kompetente atu nune’e ami bele kaer baze legal ruma hodi hala’o servisu refere ho nune’e bele responsabiliza karik akontese buat ruma iha terenu ,”tenik nia. Ves/Ita

Jornal Nacional

ENKONTRU G7+ IHA AFEGANISTAUN SUPORTA TL LUTA KONTRA AUSTRALIA

DILI - Nasaun sira hamutuk iha grupu hanaran g7+, ne’ebé kategoria sei frájil no afetadu hosi  konflitu hamutuk 18 inklui 24% hosi  Estadu Afrikanu sira, hala’o enkontru iha Kabul-Afganistaun inklui delegasaun hosi Timor Leste lideradu Kay Rala Xanana Gusmão.

Iha enkontru ne’e, alein de ko’alia kona-ba ekonomia nasaun sira membru g7+ nian, diskuti  mos kona-ba luta foun Timor Leste nian ba delimitasaun fronteira marítima ho Austrália. G7+ konklui iha enkontru ne’e suporta Timor Leste ba luta foun ida ne’e hodi defende soberania nasaun.

Iha enkontur ne’ebé partisipa hosi Ministros Finansas hosi  nasoens membros 20, inklui delegasaun hosi Timor Leste kompostu hosi Kay Rala Xanana Gusmao - Eminent Person g7+, Vise Ministru Finansas, Helder Lopes, Xefe bankada CNRT, Natalino do Santos no Xefe Bankada FRETILIN, Aniceto Guterres no tékniku  sira.

“Resultadu enkontru, nasaun membru sira suporta Timor-Leste ba nia luta atu hetan delimitasaun fronteira permanente,” subliña Vise Ministru Finansas, Helder Lopes, iha nia wall Facebook, ne’ebé Timor Post sita, Domingu (27/03).

Kona-ba g7+, tuir dokumentu ne’ebé públika iha portal governu Timor Lese nian haktuir, ba dala uluk iha istória maka nasaun hirak ne’e iha lian globál no ida de’it hodi ema hamutuk millaun 1,5 ne’ebé moris iha situasaun konflitu no frajilidade nia laran.

Estadu membru sira husi g7+ no sira nia parseiru dezenvolvimentu sira, inklui Austrália, aprova ona “New Deal” ida iha tinan 2011, iha Fórun Nível Aas Dahaat ba Efikásia Husi Ajuda, ne’ebé hala’o iha Busan, iha Repúblika Correia. New Deal ne’e define área prioritária sira ba dezenvolvimentu hamutuk lima, ho títulu Metas sira husi Konstrusaun Pás no Estadu nian, inklui rejime fiskál hirak ne’ebé sólidu, sai hanesan prioridade fundamentál ida ba g7+ ba konstrusaun Estadu reziliente no auto-sufusiente sira.

G20 reprezenta 85% husi PIB mundiál no liu husi 75% husi komérsiu globál. Membru sira G20 nian mai husi nasaun oinoin no inklui, Argentina, Austrália, Brasil, Canadá, China, França, Alemanha, Índia, Indonésia, Itália, Japão, República da Correia, México, Rússia, Arábia Saudita, África do Sul, Turquia, Reino Unido, Estados Unidos e União Europeia. G20, ne’ebé Austrália prezide, iha mós área fiskál hanesan área ida husi área prioritária sanulu ne’ebé iha. (cao)

Timor Post

EURICO UCAP SELAMAT PASKAH & DUKUNG GUGAT AUSTRALIA

Oleh : Yoseph G. Lema

EURICO GUTERRES atas nama pribadi, atas nama keluarga, maupun atas nama seluruh warga Uni Timor Aswain (UNTAS) di Timor Barat, Indonesia, menyampaikan ucapan selamat Pesta Paskah kepada seluruh rakyat dan para pemimpin negara Timor Leste. Semoga kebangkitan Tuhan Kita Yesus Kristus membawa kebangkitan baru bagi seluruh bangsa Timor, baik yang mendiami pulau Timor di bagian Timur, maupun yang mendiami Pulau Timor bagian barat.

“Dari hati yang tulus ikhlas saya menyampaikan selamat pesta Paskah kepada seluruh rakyat Timor Leste, seluruh pemimpin negara Timor Leste, seluruh biarawan dan biarawati, serta seluruh tokoh dan anak bangsa Timor Leste,” ucap Eurico Guterres dalam perbincangan dengan Timor Post, Sabtu (26/3) di Kota Kupang.

Eurico menegaskan perbedaan warga negara bukan alasan untuk tidak mengucapkan selamat Paskah kepada seluruh bangsa Timor Leste, sebab sampai kapan pun pertalian hubungan darah dan kekeluargaan antara warga negara Timor Leste dan warga Timor Barat di Indonesia senantiasa akan terjaga dan terawat dengan baik, sebab semuanya merupakan anak cucu keturunan bangsa Timor.

Karena itu, ketika Pemimpin Besar Timor Leste, mantan Presiden dan mantan Perdana Menteri Timor Leste, Kayrala Xanana Gusmao menyeruhkan seluruh rakyat Timor Leste untuk bangkit melawan kesewenangan Australia sehubungan dengan penentuan batas laut diantara kedua negara, Eurico mengaku dirinya dan seluruh pengikutnya tergerak hati untuk berjuang bersama sebagai sesama anak keturunan bangsa Timor.

“Masalah batas laut yang saat ini diperjuangkan Xanana dan seluruh rakyat Timor Leste adalah masalah kita bersama.Timor Gap harus menjadi urusan kita semua, baik yang ada di Timor Leste, maupun yang ada di Timor Barat.Kita bangsa Timor adalah pemilik sah Timor Gap sehingga mesti diperjuangkan secara bersama-sama hingga tuntas sesuai hukum internasional,” tegas Eurico Guterres, putra kelahiran Uatolari di Distric Viqueque.

Menurut Eurico, kehadiran Australia di Timor Leste kelihatan seperti akan membantu bangsa dan negara Timor Leste. Namun jika disimak lebih dalam akan menemukan suatu titik yang bisa menyimpulkan bahwa kehadiran mereka di Timor Leste sesungguhnya untuk mengeruk seluruh harta kekayaan bangsa Timor. 

“Saya harus katakan bahwa Australia itu sesungguhnya tidak peduli dengan bangsa kita, mereka hadir di negara kita di pulau Timor ini karena ada maksud tertentu.Keinginan mereka itu hanya satu, mengeruk seluruh harta kekayaan yang ada di dasar laut Timor. Ya, mereka ingin memperoleh seluruh kekayaan minyak dan gas di Timor Gap. Bayangkan jumlah kekayaan di Timor Gap itu mencapai milyaran dolar Amerika dan kita sebagai bangsa Timor akan dapat apa dari sana jika perjanjian batas lautnya dilalukan secara tidak jujur dan tidak transparan,” tambah Eurico.

Karena itu Eurico setuju jika saat ini Xanana Gusmao dan seluruh rakyat Timor Leste menggugat dan mempertanyakan kembali perjanjian batas laut diantara kedua negara.Perjanjian yang saat ini ada dilukiskan Eurico sebagai sebuah keputusan yang belum matang sehingga mesti ditinjau kembali.“Bagi saya perjanjian ini belum matang. Australia memamg menggiring kita kearah seperti sekarang agar dia bisa mengeruk seluruh harta kekayaan kita di dasar laut Timor,” tandas Eurico apa adanya.

Dalam obrolan ini Eurico juga menceritrakan adanya pipa minyak di tanah kelahirannya di daerah Aliambata, Uaotolari, Viqueque.“Di tempat kelahiran saya di Uatolari ada pipa minyak yang dibangun Australia di daerah Aliambata.Kita tidak tahu pipa-pipa itu selama puluhan tahun ini berfungsi atau tidak.Yang pasti pipa-pipa itu untuk mengalirkan minyak bumi.Hal yang sama juga ada di Suai, Covalima. Ada pipa-pipa besar untuk minyak. Nah kalau selama puluhan ini pipa-pipa itu berproduksi maka bayangkan kerugian yang sudah kita alami seperti apa. Karena itu gugatan rakyat  Timor Leste sangat baik dan saya mendukung sepenuhnya. Kita ingin semua kebohongan akan terkuak ke permukaan dan diketahui publik internasional,” tutur mantan Ketua DPD Partai Amanat Nasional (PAN) Propinsi NTT.

Indonesia Mesti Bantu

Langkah konkrit yang akan dilakukan Eurico Guterres dan seluruh elemen masyarakat di Timor Barat adalah mengumpulkan seluruh raja-raja di Timor Barat, para tokoh yang tergabung dalam Persehatian Orang Timor (POT), para politisi, tokoh adat, tokoh pemuda, tokoh perempuan, tokoh agama, juga Ferdi Tanone sebagai tokoh yang bertahun-tahun konsisten berjuang menyelamatkan kekayaan laut Timor agar mau duduk bersama diatas Biti Bot (Tikar Besar Orang Timor) guna membicarakan masalah ini.

“Kita semua mesti duduk bersama diatas Biti Bot, termasuk anggota DPRD kabupaten/kota di pulau Timor, anggota DPRD NTT, anggota DPR RI dan anggota DPD RI asal NTT. Kita mesti bahas langkah-langkah yang diperlukan guna mendukung perjuangan Xanana Gusmao dan seluruh rakyat Timor Leste. Perjuangan itu sangat mulia karena untuk kepentingan segenap rakyat di pulau Timor, baik di Timor Leste maupun rakyat di Timor  Barat,” tandas tokoh yang dikenal sebagai pribadi pembrani.

Salah satu kesepakatan yang akan diambil dalam pertemuan seluruh tokoh di Timor Barat adalah mendesak Pemerintah Indonesia dalam kepemimpinan Presiden Joko Widodo untuk peduli terhadap persoalan di dasar laut Pulau Timor.  “Kita akan minta pemerintah Indonesia untuk bersama Timor Leste mendesak Australia agar mau duduk di meja perundingan guna membahas kembali batas-batas laut diantara ketiga negara, yaitu Indonesia, Timor Leste dan Australia sesuai hukum internasional. Indonesia kita harapkan mau bertanya tentang hak-hak masyarakat  Timor Barat atas kekayaan di laut Timor,” ucap lelaki asal Viqueque ini.

Senada dengan itu, Ferdi Tanone, tokoh peduli kekayaan laut Timor meminta Pemerintah Indonesia dan Pemerintah Timor Leste agar menghentikan dulu penentuan batas-batas darat diantara kedua negara. “Dimana-mana selalu yang ditentukan lebih dulu itu adalah batas-batas lautnya.Kalau sudah disepakati batas laut barulah kita tentukan batas darat.Penentuan batas laut di Timor menjadi sangat penting, karena akan menyelamatkan harta kekayaan orang Timor dari cengkraman bangsa Australia,” tegas Ferdi Tanone.

SDM Pertambangan

Merujuk kepada keruwetan persoalan di Timor Gap seharusnya memberikan pelajaran berharga dan inspirasi besar bagi para pemimpin negara Timor Leste, maupun para pemimpin di Propinsi Nusa Tenggara Timur.Bahwa pulau Timor selama ini dilukiskan sebagai daerah serba minus, selalu mengalami kekeringan akibat kemarau panjang, ternyata dibalik semua itu Pulau Timor sesungguhnya adalah salah satu pulau terkaya di dunia.

Potensi tambang di wilayah daratan memperlihatkan Timor adalah pulau yang kaya raya.Kita punya kandungan batu/tanah kapur yang memungkinkan dibangun pabrik semen dalam skala ekspor.Kita punya kandungan batu marmer yang diproduksi hingga ratusan tahun pun tak akan habis. Kita punya batu mangan kualitas terbaik dengan deposit besar. Kita punya batu akik dari Niam di TTU yang memiliki kekhasan tersendiri.Dan yang luar biasa hebat, kita punya kandungan minyak bumi terbesar di dasar laut Pulau Timor.Konon, kandungan minyak bumi yang luar biasa besar juga terdapat di sekitar gugusan pulau Pasir di Kabupaten Rote Nado.Kini pulau Pasir tersebut juga diklaim Australia sebagai tanah miliknya.

Bila dilihat dari potensi maka Timor Leste dan Timor Barat sesungguhnya adalah bangsa yang kaya akan bahan tambang bernilai ekonomi tinggi. Tapi realitanya menunjukkan bahwa kita adalah bangsa yang miskin.Kita kekurangan uang, kekurangan SDM dan kadang kekurangan bahan pangan.Kenapa? Karena kita tidak punya sumber daya manusia (SDM) yang benar-benar paham akan dunia pertambangan, perminyakan, gas, dll. Kita ketiadaan SDM hebat di bidang khusus ini.Bayangkan di NTT, baik di tingkat propinsi, maupun kabupaten/kota sampai hari ini Kepala Dinas Pertambangan umumnya dipercayakan kepada insinyur peternakan, insinyur pertanian, sarjana hukum, bahkan mungkin sarjana pendidikan.Kita pasang sarjana-sarjana ini karena kita tidak punya sarjana pertambangan.Inilah akar masalah kita.

Kita juga tidak memiliki SDM yang ahli hukum laut yang paham akan persoalan batas-batas laut, batas wilayah dan batas negara. Dan tentu masih banyak bidang-bidang keilmuan lainnya yang seharusnya anak muda kita kuasai sehingga bisa membantu memberi kajian yang tepat untuk pengambilan keputusan di tingkat pemerintahan.

Oleh karena itu, pesan kuat dari adanya kasus ‘penjajahan’ Australia atas kekayaan di laut Timor adalah Pemerintah Timor Leste dan Pemerintah Propinsi NTT sudah saatnya memberikan beasiswa special bagi putra-putrinya untuk mendalami ilmu pertambangan, perminyakan, gas alam, hukum laut, dll. Karena kita tidak memiliki SDM-SDM ini maka selama ini kita diperdaya oleh bangsa asing.Mereka datang dengan membawa tenaga-tenaga yang handal di bidang pertambangan, anggaran berlimpah, serta teknologi canggih membuat kita menjadi tak berdaya dan diperdaya. Kita selalu dibodohi bangsa lain.

Salam dan doa dari Timor Barat. Semoga….!!!

Timor Post

KAK Ejiji Lei Anti Korupsaun

Prezidente Komisaun Anti Korupsaun (KAK), Komisariu Aderito Tilman, ejiji ba membrus Parlamentu Nasional atu halo diskusaun ba lei anti korupsaun, tanba lei ne’e importante tebes ba KAK hala’o servisu investigasaun iha baze.

Tanba, nia dehan, iha kodigu penal Timor-Leste nian, iha krimi balun mak la regula iha ne’eba, entaun KAK tau regulamentu hirak ne’e iha lei anti korupsaun.

“Hanesan krimi ereksiamentu elisito, krimi fraudi konstrusaun ou krimi setor privadu, ne’e iha lei kodigu penal laiha, entaun ita tau iha lei anti korupsaun,” Komisariu Tilman hateten, iha Dili.

Tanba ne’e mak, nia dehan, dala ruma iha prosesu implementasaun servisu iha baze sei hetan atraza, maibe felismente to’o agora buat hotu-hotu la’o tuir normas ne’ebe iha.

Hatan ba preokupasaun hirak ne’e, Deputadu Antoninho Bianco, katak tuir mekanismu parlamentu nasional prezidente mak tenke alista lei prioridade sira depois entre lei hirak ne’e, ida ne’ebe mak prioridade liu, prezidente baixa ba komisaun hodi halo diskusaun.

“Mais hau haree lei ne’e seidauk tama iha komisaun A,” Deputadu Bianco hateten.

Tanba tuir nia, lei ne’ebe agora dadaun iha Komisaun A (konstituisionais, justisa , administrasaun publika, poder lokal e anti korupsaun) mak lei kona ba administrasaun teritoriu, lei eleisaun suku no lei poder lokal nian.

Iha parte seluk komunidade Manuel sarmento, hateten lei ne’e importante tebes, tanba kazu korupsaun ohin loron buras loos iha rain laran.

“Lideransa barak mak halo korupsaun, enkunatu povu kontinua kiak ba bebeik,” nia hateten.

The Dili Weekly

Tinan 2016, Governu Aloka $9 miloens Ba Sosiedade Sivil

Koordenador Apoiu Fundus ba Sosiedade Sivil iha gabinete Primeiru Ministru, Joaquin Freitas, hateten iha tinan 2016 ne’e governu aloka orsamentu ho montante $9 miloens resin atu apoiu programa servisus sosiedade sivil ba dezenvolvimentu rai laran.

Nia dehan, tinan 2016 ne’e laiha osan ba iha programa foun, maibe sei haree deit ba proposta kontinuasaun programa hodi finaliza. 

“Tinan ida ne’e alokasaun fundus sosiedade sivil iha $9 miloens ital ba projetu kontinuasaun, projetu foun laiha tanba orientasaun governu ne’e konsentra ba programa ne’ebe la’o ona to’o finalize,” Koordenador Freitas hateten, iha sede veteranus Taibesi, Dili.

Nia hateten, kada tinan proposta ne’ebe tama iha gabinete fundu sosiedade sivil hamutuk 200 resin, maibe aprova proposta balun deit, tanba rekursu humanus ne’ebe atu kontrola ne’e sei menus.

“Proposta balun ami haree diak, maibe husu osan la realistiku entaun ami hasai,” nia hateten. 

Kona ba sosiedade sivil sira ne’ebe hetan black list, nia la fo sai numeru klaru maibe iha balun tanba viola dekretu lei No 5/2005 regula sosiedade sivil no hatama relatoriu la tuir deadline. 

Nia informa, rekezitus ne’ebe sosiedade sivil sira tenke preense atu asesu ba iha fundus sosiedade sivil ; mak proposta tenke klaru husi asosiasaun ou organizasaun, estruktura klaru, misaun no vizaun, programa sustentabilidade inklui mos edifisio permanente, nune’e fasil atu kontrolu. 

Nia hatutan, iha tinan 2015 sira apoiu organizasaun sosiedade sivil hamutuk 89 hodi hala’o programa ba dezenvolvementu. 

Iha parte seluk Membru Parlamentu, Deputada Albina Marçal, hateten kada tinan parlamentu aprova osan hodi apoia sosiedade sivil sira hanesan parseiru governu nian ba iha dezenvolvementu Timor –Leste. 

Nia mos, husu ba koordenador atu aprezenta relatorio ezekusaun iha plenaria, nune’e membru parlamentu sira bele iha konesementu ba ezekusaun. 

“Aprezenta relatorio iha plenaria, nune’e deputadu sira bele iha konesementu ba iha ezekusaun fundus sosiedade sivil nian,” nia sujere. 

Entretantu Sekretario Jeral Klibur Organizasaun Resistensia Timor –Leste (KORENTIL), Jose Monteiro, hateten klibur ne’e halibur organizasaun 25 ho programa ne’ebe la hanesan.

Nia dehan, ho apoiu fundus ne’ebe iha, sira fo ona formasaun iha munisipios 12 no regiaun espesial Oe-Cusse kona ba prevensaun konflitu. 

“Ami nia mehi mak hametin unidade nasional, harii pas no estabilidade nasional hodi nune’e fo oportunidade ba governu no estado atu halo dezenvolvimentu,” nia hateten.

The Dili Weekly

BUSINESS TIMOR - EDISAUN 302