Estrela Lima Lamosu, Inventa Sosa Aviaun no Roo

DILI - Sosiadade sivil lamenta tebes kuandu Governu Timor Leste (TL) kria prozetu ZEEMS iha Oecusse, promete halo Hotel Estrela Lima, maibee hotel nee la mosu, ikus mai sira inventa fali sosa Aviaun no Roo hodi fasilita povu ba mai.

Lia hirak nee hatoo husi Direitur Ejekutivu Asia Justice And Rrights Jose Luis, ba STL iha nia kanar fatin Farol, Dili, Kinta (01/10/2015).

Ami la menta tebes ba Prozetu ZEEMS, tamba osan neebe aloka ba prozetu ZEEMS nee osan povu nia, maibe nai ulun sira gasta osan arbiru tamba ita nia Governu halo sasan sufestikadu iha neba halo jardim Sufestikadu halo Hotel Estrela Lima, maibe agora hotel lamosu ita komesa inventa sasan sosa fali aviaun no roo lalais hodi fasilita ema ba iha neeba mai toba fali iha nee, nee estraga osan povu nia deit,” hateten Jose Luis.

Nia hatutan tauk deit maka ZEEMS nee keta sai hanesan prozetu tasi mane, tamba prozetu tasi mane nee selu Assesor sira bara-barak ona, selu tan kompania sira mai halo estudu iha neeba, maibe mina husi Greater Sunrice too agora la iha serteza atu mai, agora iha Bayu Undang atu maran ona, Kitang nian maran tiha ona, neebe boot sira keta halimar ho osan povu nian.

Iha parte seluk Observador Politiku Jose da Costa Tace hateten Prozetu ZEEMS durante nee lao makas tebe-tebes, tamba Governu hakarak halo hotel estrela lima, irigasaun, ponte estrada, Jardim, Aero Porto, maibe too agora prozetu barak maka abandona. Informasaun kompletu iha STL Jornal no STL Web, edisaun Sesta (02/10/2015). Joao Anibal

Suara Timor Lorosae

Pensaun Vitalisia Habokur Deit Elit Politiku Balu

DILI – Lei pensaun vitalisia halo povu tomak hakilar hahu hosi komoniade babain, sosiadade sivil, estudante too lider politiku balu, maibe too ohin loron seidauk iha rejultadu atu diskuti lei refere.

Tuir peskijador Organijasaun Non Govermental (ONG), Juvinal Dias, ba STL iha nia servisu fatin Vila Verde Kinta (1/10) hatete tenke muda lei pensaun vitalisia, tanba ho pensaun vitalisia so habokur deit elit politiku balun.

Desde inisiu Lao Hamutuk nia prinsipiu kontra lei pensaun vitalisia tanba pensaun vitalsia ida nee so habokur deit elit politikus balu no lei ida nee partensia deit ba injustisa social no ekonomia ba povu TL,” hatete Juvinal.

Nia hatutan povu iha direitu tomak atu hakilar konaba lei pensaun vitalisia tanba nee deputadu sira iha obrigasaun atu halo planu hodi aprova osan neebe mak bele fo benefisiu ba povu tomak, laos ba ida-ida nian an no intrese tanba nee tuir nia katak lei neebe mak deputadu sira produs liu-liu konaba lei pensaun vitalisia haluha povu tomak nia moris.

Iha fatin ketak tuir membru AJAR, Inosensio Xavier, mos hatete lei pensaun vitalisia tenke muda tanba lei nee rasik fo liu benefisiu ba ukun nain sira, maibe povu kontinua moris iha kiak no mukit nia laran. Informasaun kompletu iha STL Jornal no STL Web, edisaun Sesta (02/10/2015). Thomas Sanches

Suara Timor Lorosae

PCIC Apoiu Servisu Investigasaun Krime, Vicenti Simu pose

DILI - Estabelesementu Polisia Cientifika Investigasaun Criminal (PCIC) hodi fo apoio ba servisu investigasaun krime nian, i tomada de pose ba direktur Polisia Cientifika Investigasaun Criminal PCIC Vicenti Fernandes Brito mai husi nomeasaun politik, husi orgaun lideransa estadu nian.

Tuir Primeiru Ministru Interinu Agio Pereira hatete, knar PCIC nian kompleksi tebes-tebes, kompleksibilidade knar ida nee laos deit ba polisia ho espesialidade neebe as liu husi diresaun polisia sira seluk nian. I laos deit iha responsabilidade uza meteologia cientifika no meteologia siensia sel-seluk nian para buka evidensia krime nian. Maibe mos kompleksibilidade neebe toma mos iha area politika, area desenvolvimentu no konsolidasaun estadu no iha area konstituisaun nian. Iha area politika sensibilidade makas liu tebes hanesan buat neebe mak ita hotu hare ona. Tomada de pose ba direktur PCIC, Vicenti Fernandes Britu nee mai husi nomeasaun politik, husi orgaun lideransa estadu nian.

Elementu importante husi PCIC nian ida mak ba ema hotu-hotu hakruk ba lei no elementu ida ba ema hotu sei inosenti too loron neebe tribunal deklara ninia kulpadu. Maibe bainhira tribunal deklara ema ida kulpadu sei depende ba iha Ministeriu Publiku. Tanba MP mak sei halo servisu ho efisiensia no efikas juridikas neebe tenke iha evidensia liu husi investigasaun. I investigasaun sira nee mos tenke hetan apoio husi PCIC. Ho ida nee mak PCIC hamrik atu reforsa liutan servisu iha investigasaun nian bainhira lori mai iha MP.

Direktur PCIC, Vicenti Fernandes Brito hatete, krime sira neebe mak iha atribuisaun nee la fasil atu kombate maibe ho kolaborasaun komunidade no instituisaun relevante neebe atribui mos kompetensia nee kuandu hamutuk bele responde ba ejijensia sira nee.

Ita bele hare krime sira neebe trans nasional nian. Krime trans nasional nee krime ida neebe la konese fronteira mak hanesan droga.  Maske Timor la produs droga maibe nasaaun seluk bele mai fan droga iha nasaun nee. Ida nee ita rekonese hanesan krime atrans nasional, nee bele hamosu ita nia komunidade nia fiar no hamosu fiar ba PCIC,”tenik nia.

Nia hatutan, bainhira atu kombate krime tenke atribui ekipamentu adekuadu, atribui rekursu neebe naton atu nunee bele aiha kapasiadade hodi kom ate krime nee. Tanba nee ba oin planu neebe iha mak PCIC sei estabelese koordenasaun entre governu, MP, PNTL no Interpol. Husi orgaun sira nee kuandu hamutuk bele kombate krime. No ba futuru mak reforsa teknika investigasaun. Tanba krime trans nasional nee husik hela nia sinal, kuandu laiha kapasidade atu konese nia sinal neemak saida.  I ran neebe husik hela. Neebe presija tebes teknika hodi fasilita no rekolha krime nee.

Iha fatin hanesan Ministru Justisa Interino, Jaime Xavier hatete, ho nomeasaun foun direktur PCIC daruak prokurador Vicenti Brito nee para bele tau matan ba krime nee be mak mosu mai. Atu nunee sira bele iha maneira oinsa halo investigasaun neebe diak hasoru krime nee. Informasaun kompletu iha STL Jornal no STL Web, edisaun Sesta (02/10/2015). Domingas Gomes/Madalena Horta

Suara Timor Lorosae

Hermenegildo Lori Problema PSIK ba Tribunal, Babo no Comment

DILI - Eis Diretur Polisia Sientifika Investigasaun kriminal (PSIK) Hermenegildo Correia nebe lori nia problema ba iha Prezidente Republika, Tribunal Rekursu no Provedor Diretus Humanus no Justisa, Ministru Estado, Koordenador Assunto Administrasaun do estado ho Justisa no Ministru Administrasaun ESTATAL Deonisio Babo lakohi fo komentariu ba publiku.

Tuir Babo katak nia parte laiha komentariu tamba asumi kargu hanesan Ministru Estatal tamba halo deit kordenasaun, maibe desizaun nebe mak iha husi konseilu Superior hodi haruka ba iha Xefi Governu.

Hau laiha komentariu tamba hau agora Ministru Estatal, Hau laiha komentariu tamba nee kestaun governu no estadu nian husu ba Ministru Justisa mak hatene liu,” dehan Babo ba Jornalista Kinta (01/10/2015) iha Edifisiu Estatal.

Babo hatete nia parte kordena servisu, asuntus nee ministeriu ida-idak ninian tamba nee desizaun mai husi konseilu superior mak hato ba iha xefi governu, no xefi governu foti desizaun.

Iha fatin ketak Eis Diretur Nasional Polisia Sientifiku Investigasaun Kriminal Komandante Hermenegildo Correia hatete, nia parte la konkorda ho estratezia nebe Ministru Justisa halo hodi haklot PSIK nia kompetensia. Informasaun kompletu iha STL Jornal no STL Web, edisaun Sesta (02/10/2015). Timotio Gusmao

Suara Timor Lorosae

Dezlutu Nasionál no Nia impaktu ba Dezenvolvimentu Timor-Leste

Hosi Lamberto Viana - Opiniaun

Dezenvolvimentu Timor-Leste lao lalais no iha signifika tebes maske ema barak sei hakilar  kona ba eskola, saude, estrada be mos, elektrisidade no saniamentu no seluk tan. Ne’e normal  maibe dala ruma ne’e mos frakesa husi politiku nain sira nudar servidor ba povo. Politiku duro, dala ruam decisaun politika mak hetan faillansu ho nune’e la fo benefisiu ba nia emar sira.  Ita nia rai nudar postu konfliktu, durante Resistencia, ita sempre hetan orentasaun politika husi ita nia  bo’ot funu nais sira maibe depois de referendum 30 de Agustu 1999 mai to’o ohin loron ita lakun  orentasaun nasionál (national disorientation).

Timor oan tenke moris tuir standar politika, ekonomia atu hadia ita nia moris, labele  ksolok deit ho nostalgia pasadu nebe nakunu ho natureza de veolencia.  Konfliktu humanu  naturalmente sei muda situsaun ida ba seluk , tuir duni objetivu moris diak. Lideransa sira  iha duni visaun no komitmentu ba dezenvolvimentu sudstentabel, integradu, periodiku no eklibradu nudar manifestu politiku tuir duni vizaun estadu.  Dezlutunasionál laos deit atu husik ka  kore an husi hahalok  no sofrefrimentu pasadu nia maibe nudar meus ida atu harmoniza ita nia sociedade husi peridu tragedia humanu no desastre historia humanu iha ita nia rain.

Tanba ne’e  presiza   halo klarifikasaun historia ba ita nia gerasaun foun antes deslutu ramata. Dezlutu nudar fase foun ida atu hari nasaun no estado tuir vida kontemporania. Dezenvolvimentu mos ita konsidera nudar aktus privilegio hodi prineehense indepedencia nasionál. Pasadu nebe nakunu ho sofrimentu liu husi funu mascres, turturas resulta terus nomate, ho hahalok Barbarismu,  makadezenvolvimentu nudar resposta positiva ba interese humanu iha liberdade, igualidadetuir kotekstu, solidaridade harmonia I importante liu ba prosperidade komun.

 Dezenvolvimentu Timor-Leste demostra impresaun positivo, dala ruma ida ne’e duni mak sai ita propositu laos naran deit atu kompensa sentimenut inferioridade iha vida politiku, atu apaga frustasaun no ultrapasa ita nia inkapasidade. Tanba tinan barak ona ita moris iha ofensa laos ho domin, I moris laos ho certeza, maibe ho naran-naran deit. Estadu hakarak  hadia duni povo nia moris tuir dunia principiu kominaun, hanesan Jesus dehan” simu ba hotu-hotu han, ne’e Hau nia isin saran ba mate tanba imi, han hotu Nia foti kaliz no hateten: “ simu ba hotu-hotu hemu ne’e kaliz Hau ran nia ran aliansa foun no rohan laek tan imi tan ema tomak sei nakfakar atu kasu sala”…halo ida ne’e hodi hanoin Hau”. Ema barak mak mate no ran nakfakara ba Timor-Leste maibe ema barak mak la hetan justice  ba moris. Tanba rikusoin barak mai husi mina rai Timor maibe ema barak sei moris iha mukit nia laran. Rikusoin ita rain sei sedauk fo benefisiu ba ema hotu maske ema barak mak terus ba Timor-Leste.

 La iha lia fuan ida  baTimor oan hotu dehan ita nia riku soin mak ne’e simu ba sutenta imi nia vida maibe tenke servisu maka’s atu hafoun ita rain. Tuir autor nia hanoin presiza tebes ita respeita malu no iha  espiritu leal no konfianca husi sakrifisiu hotu-hotu nia, nune’e ita halo tuir idealismu, politiku, idealismu patriotiku,  nasionalismu maibe importante liu mak ideslismu populis ka hamutuk ho povo no senti sira moris nudar humanu. Ida ne’e mak ita dehan fo valor ba ita nia luta nudar parte historia no sai referencia ba mundu kontemparania. Ita labele halua ita nia ema nebe moris iha area rurais, no uza sira hanesan instrument politiku maibe horas to’o  ona sira mos hetan benefisio oituan husi indepedencia. Oan barak mak mai eskola iha cidade ka capital nunka hetan subsidi ruma husi guverno. Hela iha fatin nebe la seguru no sei moris fali husi osan idozu sira nebe lolos ne’e direitu ferik katuas sira nia.

Tuir ponto de vista outor, katak dezenvolvimentu nudar procesu ba transformasaun no revisaun ba aktus pasadu, tuir duni  objetivunasionál ho paradigma politiku ho entidade politiku nebe suksesu no mantain boa governasaun husi parte instituisaun estadu tomak. Timor –Leste adopta sistema multi partidario importante tebes atu kria harmonia iha sociedade  atu nune akselera no asegura fundamentu kona ba unidade no estabilidade atu nune’e multikultura ka etnia la sai hanesan obstaklu ba kualker aspektu. Sociedade  harmonia iha relasaun  direita ba ba konstrusaun social ba bem estar sei perseva konstrusaun de estadu de direitu no demokratiku. Husi ne’e mak bele hadia estandarte moris  ema barak nia liu husi  gestaun no promove igualidade no justice iha ita nia rai.

Timor-Leste fase parte mos nasaun postu konflitu no povo sei moris iha estado fragile presiza tebes dezenvolvimentu ba paz no hari’I estado nudar kondisaun ida necesariu ba sustentabilidade ekonomia.  Dezenvolvimentu nebe ita hakrak tenke iha relasaun entre  Cidade ho foho ka area  urbano no rurais. Tanba sistema ida ne’e importante tebes atu asegura no realize mehi ema barak nia. Timor-Leste sei hasoru problema social nebe seriu tebes ka bain-bain  ita temi dezenvolvimentu komunitario nebe to’o horas ne’e sedauk lao diak tanba domina husi politika partidaria.

Atu salvaguarada principiu politiku kona bem estar mak targeut importante ba dezenvolvimentu socio ekonomia, liu sub sector agrikultura, peskas, peternario no seluk tan sai produtu ba markadu local no nasionál I bele mos atu Hanoin ba exportasaun. Tuir ema balunn nia honoin positivu dehan katak jovens nudar vida produktiva nebe hetan edukasaun no formasaunsai hanesan rekursus iha areas no nivel oin-oin  sai capital ba dezenvolvimentu komunitaria. Guvernu bele faselita sira liu husi fundu capital desenvolvementu ba grupus hirak nebe iha abilidae iha seitores importante nudar makina ba dezenvolvimentu ekonomia. Kuase ke mais de 40% ita nia ema sira barak mak hela iha area remotas no rekunese hanesan agrikultores  ho sistem subsistensia ekonomia katak servisu atu sustenta moris laos atu riku  hanesan nasaun progresivu seluk.

Dezenvolvimentu iha rea rurais nunka promeve impregu tanba laiha planu husi ministero nebe relevante. Ita nia  guverno suporta tebes ba formasaun atu nune’e foinsae sira hetan kbit atu sai  servisu nain nebe iha kualifikadu maibe dala barak orenta liu ba markadu de servisu iha korea no Autralia no balun tan halai hotu ba Europa hanesan Inglatera no Irladia, sira seluk hein katak Mesia sedauk mai.

Nostagia husi ita nia historia iha nia utilidade atu  hanorin ita ho exemplu.Timor-Leste nia historia iha tinan  atus lima  nudar mestre ba moris. Idealmente buat diak no at akontese hotu iha ita nia pasado. Buat at ita konsedera nuda desastre iha ita nia vida maibe buat nebe diak ita konsidera nudar nostalgia presiza ita celebra  tanba fo diak ba ita. Iha mundu modernu tuir Hegel iha konsepsau tolu important mak hanesan: familia, estadu no sociedade civil. Sociedae civil nudar zona social nebe ema sira sai husi familia hodi  tama iha vida ekonomia nebe kompetetivu laos fatin ida atu halo politika pratika. So deit estadu mak representa husi idea universal nebe defende interese politika sidadaun hotu nia. Nune’e estadu iha direitu tomak atu intervene hasoru sociedade civil (Rekonstruksi Pemuda, Dault Adhyaksa,  p. 33). Baseia ba prinsipiu Hegel mak sociedae civil nudar parte importante iha vida social, politika, ekonomia no seluk tan nebe  nudar fatin alternative ba povo atu atu formula  no artikula an sem intervensia husi estadu. Sociedade civil mos nudar fatin nebe fertil tebes ba demokrasia, direitus humanus no sai hanesan control social nebe ideal no kredibel  laos buka deit benefisiu husi estadu ka hadau  nia moris  hodi povo nia naran I  halua sociedade ampla.

Hanoin hirak ne’e parte importante  ba mudanca social ka transformasaun social laos revulusaun social nebe tenke destrui existensia humana ho razaun luta atu muda situsaun, toma poder ho kilat musan. Tanba ne’e dezlutu sei fo importancia ba familia hotu iha Timor-Leste katak ema hotu-hutu iha direito moris nudar povo nebe moris ho indepedente, livre no iha soberano no iha sentimentu pretence ba estadu no nasaun.  It bele hateten katak desenvolviomentu sei fo benefisio ba familia, soceedade no estadu nudar instituisaun soberanu nebe bele asegura no salva guarda interese cidadaun hotu.  Pensamento Hegel  iha pontu forti ba transfomasaun social  ka dezlutunasionál ho hanoin ideal  tuir sentidu lógika no sentimento fenómenal iha estado modern iha Ita nia rai.

Timor-Leste nia progresaun ba sektor ekonomia nudar efeitu  husi libertasaun nasionál. Katak indepedencia hanesan fruto ida husi sakrifisio komum tanba ne’e ekonomia populismu atu formaliza koondisaun social markadu nebe sei nakunu ho esfosu ema barak no sei  aumenta ba redementu nasionál (RN) atu nune’e bele aumenta produtividade iha seitores importantes nebe atu bele fo resultado ka lukru ekonomia. Ho sistema populismu bele dehan katak ema hotu-hotu sei involve an iha vida real social ekonomia  sai dever moral  ema hotu –hotu, atu partisipa  iha eventos hotu tuir interese komun nia. (*)

Matadalan

Proposta Alterasaun Lei Pensaun Vitalísia, La-Sama ho Vicente Budu iha Gaveta Laran

Eis Prezidenti Parlamentu Nasionál atuál Prezidenti Partidu FRETILIN, Dr. Francisco Guterres Lu-Olo hateten iha Aliansa Maioria Parlamentár (AMP) nia tempu kedas, FRETILIN rasik iha altura ne’ebá haree buat ne’e la di’ak, tanba ne’e bainhira Saudozu Fernando La-Sama sai hanesan Prezidenti Parlamentu, FRETILIN aprezenta proposta hodi halo alterasaun ba Lei Pensaun Vitalísia ne’e, maibé Prezidenti La-Sama tau  (budu) tiha iha gaveta laran no la tau importánsia.

To’o mandatu AMP ne’e ramata, iha BLOKU KOLIGASAUN nia tempu, FRETILIN aprezenta nafatin proposta ba alterasaun Lei Pensaun Vitalísia ne’e dala tolu atu debate fila fali ka halo alterasaun, maibé Prezidenti Parlamentu Nasionál, Vicente Guterres, mós la tau importansia no hatama tiha ba gaveta laran hodi la halo kazu ida kona-ba ida ne’e.

“FRETILIN iha vontade tomak para halo alterasaun ba lei ne’e, maibé vontade polítika hosi Parlamentu Nasionál menus tebes,” Lu-Olo hato’o kestaun ne’e bainhira sorumutu ho Portavóz Movimentu Universitáriu Timor- Leste iha nia rezidénsia, Farol, Díli, Kuarta (30/09/2015), hodi deskuti kona-ba Lei Pensaun Vitalísia.

Nia haktuir, Lei Pensaun Vitalísia ne’e aprova iha momentu iha Asembleia Konstituante para kontempla deputadu sira iha Asembleia Konstituante iha Primeira Lejizlatura nian de’it, ho intensaun hanesan rekoñesementu ba ema sira ne’ebe maka fundadores ba nasaun nian, até tanba deputadu sira iha Asembleia Konstituante balun la’os tékniku professionál maibé ema polítiku de’it entaun kria kondisaun ida ne’e para fó rekoñesementu ida ba sira hodi hatutan moris, tanba momentu iha Asembleia Konstituante kada deputadu ida nia saláriu $450 de’it.

Lu-Olo informa, la signifika ho manifestante nia prezensa maka FRETILIN foin hahú atu eziji ba Parlamentu Nasionál hodi altera lei ne’e maibé dezde iha AMP to’o mai iha Bloku Koligasaun nia tempu FRETILIN tenta ona hodi aprezenta proposta maibé iha lejizlatura rua tui-tuir malu ne’e, la fó importánsia.

Tanba ne’e, Prezidenti FRETILIN hato’o ba bankada FRETILIN iha Parlamentu Nasionál atu eziji ba Parlamentu Nasionál hodi altera Lei Pensaun Vitalísia ne’e. Nia dehan, FRETILIN nia pozisaun 100% apoiu hodi halo alterasaun ba Lei pensaun vitalísia.

“Hanesan ema balun ne’ebé maka hateten katak FRETILIN maka halo Lei Pensaun Vitalísia ne’e, tanba ne’e kulpa FRETILIN nian. Maibé, la’os FRETILIN maka halo Lei ne’e maibé Parlamentu Nasional maka halo, tanba iha momentu aprezenta proposta lei kona-ba Pensaun Vitalísia iha Asembleia Konstituante no bainhira iha votasaun, laiha bankada ida iha momentu ne’ebá maka vota kontra, maibé Lei ne’e pasa ho pur-unanimidade. Signifika, deputadu iha Asembleia Konstituante ne’ebé hamutuk ema na’in 88 ne’e apoiu totál ba lei ne’e,” nia esklarese.

Tuir nia katak la signifika lei ne’e pasa ho unanimidade para atu labele muda, maibé bele muda. Tanba ne’e, FRETILIN nia pozisaun maka atu Lei ne’e muda ohin, aban ou bainrua, Parlamentu Nasionál maka desidi. FRETILIN laiha poder másimu entaun Parlamentu Nasionál maka bele desidi atu bainhira maka bele altera Lei Pensaun Vitalísia ne’e.

Nia justifika katak pensaun ba eis titulares nian ne’e la’os para Eis Titulár sira atu deskansa maibé kontinua serbisu nafatin ba nasaun ida ne’e hodi garante páz no estabilidade liu-hosi meius saida de’it. Ezemplu konkretu, Dr. Marí Alkatiri daudaun ne’e serbisu ba estadu sai hanesan Prezidenti Autoridade no ZEESM la simu saláriu maibé ho pensaun de’it. Nune’e mós ba Prezidenti Lu-Olo ne’ebé maka momentu iha Preparasaun Simeira CPLP até serbisu nafatin to’o agora ba estadu la simu saláriu maibé ho pensaun de’it. (Matadalan)

Matadalan

Dezempregu TL Sa’e Ba Pursentu 11

Bazeia ba survey ne’ebé maka Sekertaria Estadu Polítika Formasaun Profesionál no Empregu (SEPFOPE) halo ba forsa traballu katak dezempregu iha Timor-Leste sa’e ona  ba pursentu 11.

Tuir Diretór Jerál SEPFOPE, Jacinto Barros hateten, bazeia ba survey ne’ebé SEPFOPE halo ba forsa traballu katak dezempregu iha Timor-Leste hamutuk rihun 24, ne’ebe sa’e ba pursentu 11. “Ita hakarak hatete katak ne’e sira ne’ebé maka buka serbisu la hetan ne’e maka rihun 24 ne’e. Ida ne’ebé maka la buka serbisu túr de’it iha uma, ne’e ita bolu indezempregu tanba lakohi buka serbisu,” Jacinto dehan ba Matadalan iha Edifísiu Ministériu Komérsiu, Indústria no Ambiente (MKIA), Fomento, Díli (18/09/2015).

Nia hatete, ita nia forsa traballu iha Timor-Leste agora dadauk ne’e ema rihun atus rua tolu nolu ne’ebé servisu, balun funsionáriu, balun iha ONG, balun iha indústria no balun iha agrikultura. Totál komunidade ne’ebé maka eziste bazeia ba sensu uma kain katak 1,2 pursentu. Tuir Diretór Jerál ne’e, hosi númeru ne’e to’o agora barak maka seidauk serbisu.

“Ita buka oinsá para bele fasilita sira liu-hosi programa sira, no mós bele fasilita sira liu-hosi setór privadu sira para bele fó serbisu ba ita nia traballadór ne’ebé maka tinan ba tinan sa’e ba bebeik,” Jacinto hatete.

Nia esplika, papel SEPFOPE nian maka treina ema, depois oferese ba maluk sira ne’ebé maka iha turizmu ninian para  bele fó serbisu ba traballadór sira, tanba ita nia ema treinu ona depois ita tenki haruka tuir indústria nia hakarak. Ho númeru dezempregu ne’ebé maka barak, agora dadauk SEPFOPE serbisu hamutuk ho sentru treinamentu sira atu fó abilidade ba ita nia oan sira, ita nia alin sira para sira mós iha abilidade hodi kompete serbisu ema hosi rai seluk.

“Ita tenki ho sentru sira ho di’ak para prepara, fó abilidade ka skill ba ita nia alin ka ita nia oan  sira. Agora dadauk ita hatene katak área indústria maka sei menus liu,” Jacinto hato’o.  Aleinde ne’e, Diretór Jerál SEPFOPE ne’e subliña, SEPFOPE mós serbisu hamutuk ho Ministériu Komérsiu Indústria para atu haree setór ekonomia informál ne’ebé absorve traballadór barak.

Tanba ne’e, nia husu,  ita tenki tau kestaun ba ekonomia informál, investor sira la  mai, maibé timor oan halo bisnis ki’ik-oan ne’ebé fó rendimentu di’ak ba sira nia uma laran rasik.

Entretantu, Ministru Komérsiu Indústria no Ambiente (MKIA), Constâncio Pinto subliña, atu halo redusaun ba dezempregu iha ita nia rai, ne’e la’os papel MKIA nia de’it maibé MKIA halo nia parte ida para hamenus dezempergu.

“Ida ne’e maka liu-hosi kriasaun kooperativa, indústria pekenas, media no grande sira ne’e,” Constâncio hatete. Nia dehan, ministériu sira seluk mós bele halo kna’ar ida ne’e hanesan Ministériu Agrikultura, Obras Públikas inklui setór privadu sira nia papel importante hotu atu halo redusaun ba dezempregu ne’e.

“Setór privadu tenki forte nune’e bele absorve tiha ita nia dezempregu ne’e,” Constâncio sujere. Nia afirma, klaru katak nasaun ida ne’ebé foin dezenvolve án, dezempregu sempre boot.  “Ha’u mós hakarak hato’o mensajen ba ita nia sidadaun sira para labele hein de’it governu maka kria serbisu, maibé sira mós tenki kria serbisu ba sira nia an rasik,” ministru ne’e hato’o.

Nia esplika, buat ida dezempregu ne’e sei latun ba iha jero, tanba esperiénsia hanesan Estadu Unidus Amérika  ne’ebé riku tebe-tebes to’o agora sira nia dezempregu sei pursentu 5. Pinto haklaken, pursentu 5 ne’e normál ona. Sé Timor-Leste maka tun ona ba pursentu 5, ne’e di’ak ona.(Arif)

Matadalan

PM Rui: Poupansa La Signifika Selu Saláriu Ne’ebé Ki’ik

Primeiru Ministru, Dr. Rui Maria de Araújo hateten katak nia halo kompromisu atu evita ”DESPEZA SUPERFLUA” ne’ebé la hanesan ho poupansa. Maski nune’e, tuir nia, poupansa mós la signifika de’it selu salário ne’ebé ki’ik.

“Ha’u halo kompromisu atu evita ”DESPEZA SUPERFLUA” ne’ebé la hanesan ho poupansa. Maski nune’e, poupansa mós la signifika de’it selu salário ne’ebé ki’ik,” Rui hato’o kestaun ne’e iha rede sosiál semana ne’e, hodi responde sidadaun balun nia preukupasaun katak  asesór nasionál iha Gabineti PM hetan saláriu $11,611.11/fulan.

Tuir preukupante Abel da Silva katak iha lei hakerek saláriu másimu ba asesór nasionál maka $5,000/fulan.

“Agradese ba belun Abel da Silva ninia publikasaun no preukupasaun. Agradese moos komentáriu hosi belun sira seluk. Favor ida hatudu lei ida ne’ebé maka hakerek ”saláriu másimu ba asesór nasionál maka 5,000/fulan”,” Rui hatán.

Nia esplika, deklarasaun ne’ebé nia halo, la’os de’it kona-ba saláriu asesor, maibé atu defini loloos kategoria asesór. Ezbosu Dekretu-Lei ne’ebé Konsellu Ministrus aprova no (infelizmente) Prezidenti Repúblika (PR) la promulga define katak asesór maka ema hirak ne’ebé iha esperiénsia serbisu iha área espesializada ida-idak, liu-hosi tinan 10. Sira seluk ho esperiénsia la to’o tinan 10, klasifika nu’udar profisionál iha ida-idak ninia área.

“Asesór no profisionál sira ne’ebé naran mosu iha lista ne’ebé share iha rede sosiál, selu liu-hosi orsamentu ba serbisu profisionál, ho baze ba kontratu anuál, ne’ebé eziji relatóriu regular kona-ba dezempeñu. Sé sira la hatudu dezempeñu tuir ToR defini, instituisaun hapara sira nia kontratu,” Eis Ministru Sáude informa.

Rui deklara, prosesu rekruta asesór ka profisionál hirak ne’e liu-hosi entrevista, no ida-idak nia ‘professional fee’ determina ho baze ba saláriu ida ikus liu, ho aumentu másimu 10%. Nia hein katak ida ne’e bele esklarese preukupante sira nia preukupasaun. (Matadalan)

Matadalan