Esperansa Governu Foun, Xanana Sei Lidera FM

DILI - Parte akademiku iha esperansa nafatin katak governu foun mai sei fo fiar nafatin ba maun boot Xanana Gusmao, atu lidera nafatin negosiasaun Fronteira Maritima (FM), tamba nia maka durante nee sai negosiador.

Lia fuan hirak nee hatoo husi Reitor Institute Of Businness (IOB) Augusto Conceição Soares, ba STL iha nia knar fatin Kinta, (17/8/2018). Nia hatutan, tamba povu Timor tomak nia naran hodi bele rejolve problema nee ho diak. Mezmu governu foun maibe esperansa sei tau nafatin atu negosiador ba fronteira maritima.

Negosiasaun Fronteira Maritima lao nafatin, sim ita hotu hatene katak maun boot Xanana nebe tutela hela ba nee hodi povu Timor tomak nia naran hodi bele rejolve problema maritima Timor nian ho diak. Maibe hau fiar katak governu foun fo fiar nafatin ba maun Xanana atu sai nafatin negosiador fronteira maritima nian nebe oras nee dadaun lao hela,” nia dehan.

Loron Falintil, F-FDTL Sei Profisionalizmu-Hetan Fiar Husi Povu

DILI - Selebrasaun aniversariu Falintil ba dala 42, neebe monu iha loron 20 Agusto, espera loron nee sei lori profisionalizmu liu tan ba F-FDTL sira, no hetan konfiansa diak husi povu.

Informa Deputadu PD Adriano do Nacimento hatete, loron 21 agora seleberasaun aniversariu, tanba nee depois de 20 anus F-FDTL sira iha mudansa, emtermus de profisionalizmu, iha mudansa iha rekursu umanus, no mos iha regulamentu de baze, lori guia Falintil, FDTL lori sai  servidor estadu no sai lutu estadu ida diak liu tan.

Hau espera katak ho aniversariu iha dia 20 Agusto nee komandu sei iha komitmentu liu tan ba profisionalizmu ba forsa sira nia servisu no komitementu liu ba disiplina rigorozu, atu sira bele sai forsa neebe hetan fiar diak husi komunidade Timor-Leste no komunidade internasional,” katak Deputadu Nacimento ba STL Kuarta (16/08/2017) iha Parlamentu Nasional.