LUIS LOBATO “PARTISIPA ENKONTRU AMP”

DILI – Kuadru importante ida hosi partidu FRETILIN atual vise Ministru ba Saúde, Luis Lobato konsege partisipa tiha enkontru Alliansa Mudansa ba Progresu (AMP).

Iha loron Sabadu, 24 Marsu kuaje tuku 9 dadersan, militante no simpatizante AMP nian hamutuk ona iha salaun boot igreja katedral nian nakonu. Iha dadersan ne’e, ema hotu kontente no alegria hein hela hodi simu no rona informasaun ruma hosi Kay Rala Xanana Gusmão.

“Ema hotu tur konversa ba malu iha salaun boot ne’e nia laran derepente kamarada Luis Lobato tama iha odamatan salaun no ba hakneak iha salaun nia oin, no kontinua hase sekretariu jeral partidu CNRT, Francisco Kalbuadi Lay katak agora kabun boot loos,” esplika Julio Goncalves ba Tempo Timor iha salaun igreja Katedral, Dili, Sábadu (24/03).

Nia hatutan, eventu ne’e nu’udar enkontru AMP nian ne’ebé lidera direitamente hosi Kay Rala Xanana Gusmão hodi fahe informasaun ba juventude no grupu arte marsiais sira ne’ebé interese tebes ba AMP iha rai laran.

Entretantu, Paizinho Tilman katak, nia mós sente hakfodak tebes ho prezensa Luis Lobato ho nia kaben iha eventu ne’e, tanba imposivel lideransa boot ida hanesan nia bele ba partisipa fali enkontru AMP nian.

Nia hatutan, Luis Lobato hamutuk ho nia fen tama ba salaun hosi odamatan parte liman loos, no simu hosi Francisco Kalbuadi Lay no Francisco Guterres mós hakfodak tiha, no Kalbuadi fó ‘bem vindo maun boot’ ne’e mak Luis Lobato hatan fali katak ita boot nia kabun agora boot tan de’it. Hafoin konversa ne’e, Kalbuadi mós husik Luis Lobato ho nia kaben la’o ba oin, no konsege tur tiha itoan iha kadeira liña oin kuaje minutu lima, no hare ba spanduk boot iha oin ho lia “Dialogu Maun Boot Kay Rala Xanana Gusmão ho Forsa Politika Sira Ne’ebé Apoia AMP” mak nia fen hakfodak katak sira nain rua tama sala.

“La’e, ami hanoin kala ida ne’e enkontru igreja nian ne’e mak ami mai, tanba ami mós hetan konvite,” Tilman haktuir hikas deklarasaun Luis Lobato.

Hafoin akontesementu, Luis ho nia kaben la’o sai hosi salaun laran no akompaña hosi Kalbuadi la’o sai ba liur.

Entretantu, sira ne’ebé tur iha kadeira oin katak, situasaun ne’e mosu, no akontese tanba dalaruma matebian Nicolau Lobato mak “babeur” sira nain rua hodi ba partisipa enkontru AMP nian ne’e, maibé tuir loloos sira ba tuir enkontru igreja nian, maibé tama sala ba enkontru AMP nian. Sira nain rua, la’o sai hosi enkontru AMP nian no ba tuir fali sira nia enkontru igreja nian. (Oki)

Tempo Timor

LEE MOS IHA TEMPO TIMOR

Ezistensia 18 Anus, PNTL Autor Ba Protesaun Povu

DILI – Ezistensia Polisia Nasional Timor-Leste (PNTL) tinan 18, i PNTL mak autor ba protesaun povu, no nasaun i atu asegura tuir regras no ordem.

Lia hirak nee Deputadu  Bankada Khunto Jose Agustinho da Silva hatete, ezistensia PNTL iha TL, loron hirak mai tan sei selebra aniversariu ba dala 18, haree ba sira hadia duni aan. Mezmu husi inisiu iha difikuldade barak neebe instituisaun hasoru maibe tinan ba tinan komesa halo avalia liu husi rekursu umanus, fasilidade ekipamentus.

“PNTL nudar instituisaun autor ba protensaun  povu, i atu ezekuta lei ho ordem espera katak sei halao sira nia knaar proteze nasaun no povu tuir regras neebe iha,” katak Jose ba STL Sesta  (23/03/2018).

Agustinho dehan, mezmu iha obstakulu barak instituisaun nee hasoru, maibe fiar katak instituisaun sei halao knar ho profisionalidade. Ho aniversariu neebe sei halao sira hatoo parabens ba PNTL, durante tinan 18 ezistensia hanesan ema karik  idade joven ona.

Iha fatin hanesan Deputadu Fretilin Antoninho Bianco hatete, PNTL idade 18 anus nee idade joven ona, nee hatudu katak, TL ladepende ona seguransa husi rai seluk.

Guilhermina Franco | Suara Timor Lorosae

Em Nome Taur-Naimori, Xanana Agradese Grupu Rezisténsia

DILI, (TATOLI) - Prezidente Partidu Kongresu Rekonstrusaun Timor-Leste (CNRT-sigla Portugés) Kay Rala Xanana Gusmão lori nia an no lori Taur Matan Ruak, ho Naimori fó agradese ba grupu rezisténsia ne’ebé deklara ona atu apoiu AMP hodi hetan vitória iha Eleisaun Antisipada (EA).

“Ha’u agradese ba imi. Em nome sira na’in rua mós. Imi hotu nia prezensa iha ne’e. sira agradese maibé sira hameno mai ha’u katak labele promete barak liu ba imi,” Kay Rala Xanana Gusmão fó sai iha nia intervensaun iha Diálogu ho Forsa Polítika Sira Ne’ebé Apoia AMP, iha Salão Katedrál, Sábadu (24/03).

Xanana hatutan, Eleisaun Antisipada, AMP tenke manan. Manan, atu hadi’a estadu ne’e. estadu tenke iha estabilidade governativa, no defende Timor-Leste nia riku soin.

“Bainhira la manan, pergunta Timor mak laserve ukun an, ou ita mak la serve,” Xanana Gusmão husu. Hodi dehan tan, iha realizasaun eleisaun fiskais sira tenke atensaun didi’ak tanba bele mosu Sulap (masonik).

Bainhira AMP manan, AMP defende forte atu dada kadoras Great Sunrice mai Timor-Leste. Nune’e Timor kompleta independénsia ekonomia Timor-leste nian, enkuantu independénsia polítika Timor alkansa ona.

Kona ba arte marsiais, bainhira AMP manan, sei halo kontratu ho kada organizasaun arte martisiais atu asegura estabilidade iha Timor-Leste. Uluk hamosu lei taka tanba atu hadi’a mentalidade no karater ne’ebé hanoin de’it kria problema e la iha kapasidade kontrola an.

“Ha’u agradese imi nia fiar. Ha’u lakohi imi vota ba ha’u atu sai Primeiru Ministru, maibé se imi fila ho hanoin ida katak vota AMP tenke manan atu hadi’a estadu, ida ne’e mak loos. Fila tenke mobiliza malu katak ita tenke hametin estadu, dalan mak vota ba AMP iha eleisaun EA,” Xanana hameno.

Entertantu Grupu sira hanesan; Santo António, 12 Novembru lidera hosi Abesi, PSHT, Eis Falintíl, eis petisionáriu, sete-sete, cinco-cinco, Juventude loriku Movimentu, Kolimau, Fitun, THS-THM, Kera Sakti, Bua Malus, intelektuál UNTL, Kamponeza, deklara ohin halo deklarasaun konjuntu hodi apoiu Kay Rala Xanana Gusmão ho Taur Matan Ruak, no Naimori hodi hetan vitória iha Eleisaun Antisipada (EA).

Jornalista: Zezito Silva | Editór: Manuel Pinto

Imajen: Xanana Gusmão hamriik ho inan feton na’in rua iha kampaíña. Foto Tatoli/Antonio Gonçalves.

GMN TV | Jornal Nacional Meiu Dia

Lakon Kontaktu Ho Xanana, Governu Delega Agio Halo Negosiasaun

VIKEKE: Governu iha vontade atu kontinua atualiza prosesu dezenvolvimentu Greater Sunrise, maibé kontaktu entre Xefe Negosiadór Prinsipál ba Delimitasaun Fronteira Marítima, Kay Rala Xanana Gusmão, kotu tanba laiha informasaun ruma ba orgaun ezekutivu ne’e.

Ne’e duni, ho inisiativa, Governu fó delegasaun kompeténsia ba Ministru Adjuntu Primeiru Ministru asuntu Fronteira Marítima, Hermenegildo ‘Agio’ Pereira, hodi dezloka ba Austrália atu diskute kona-ba prosesu Greater Sunrise nian.

“Xefe Negosiadór de'it laiha konfirmasaun, oinsá mak Governu hatene prosesu ne’e. Ne’e duni, Governu fó autorizasaun ba Ministru Agio Pereira hodi diskute asuntu ne’e, iha Sidney-Austrália”, dehan Primeiru Ministru, Mari Alkatiri, iha Vikeke, horisehik.

Nia esplika, Governu tenke inisia ona prosesu ne’e ba oin, bainhira la la’o povu sei fó kulpa ba Governu tanba la kontinua atualiza prosesu ne’e ba oin.

Ne’e duni, Governu Timor-Leste kontinua hein bainhira Governu Austrália halo retifikasaun ba prosesu negosiasaun mina matan Greater Sunrise nian.

Hein Lejitimidade Governu

To’o oras ne’e lakon kontaktu ho Xefe Negosiadór Xanana Gusmão, maibé bainhira hetan lejitimidade konfirmandu hafoin eleisaun antesipada sei buka hasoru malu.

Nia dehan, eleisaun antesipada remata mak bolu xefe negosiadór hodi aprezenta akta reuniaun no mós dokumentu balun ne’ebé durante ne’e Governu haruka ba xefe negosiadór.

“Ha'u kuandu bolu nia (Xanana) bainhira ha'u nia lejitimidade konfirmandu ona, tanba ne’e eleisaun antesipada hotu mak ha'u bolu nia”, tenik Alkatiri.

Tuir nia, Governu kontinua fó konfiansa ba ekipa negosiasaun ne’ebé durante ne’e diskute fronteira marítima, maibé Governu la’ós fó konfiansa iha oin no kung-fu husi kotuk.

Antes ne’e, Xefe Negosiadór Prinsipál ba Delimitasaun Fronteira Marítima, Kay Rala Xanana Gusmão hateten, VII Governu Konstitusionál labele husu ba ema ne’ebé la'ós membru governu, maibé husu maka Ministru Adjuntu Primeiru Ministru asuntu Delimitasaun Fronteira Marítima nian.

“Deskulpa la'ós ha'u Xanana maka atu halo relatóriu ba governu. Membru governu ne’e iha ne'ebá duni, husu ba nia”, tenik Xanana.

Luta ba fronteira marítima la'ós atu buka asinatura, maibé luta ida ne’e atu buka manan. Kuandu buka maka asinatura de’it, luta ne’e folin laiha. 

Artur da Luz | Independente

Polisia La Hetan Sala Ruma husi Sidadaun Maldova

DILI: Alfándega liu husi facebook ofisial deklarasaun katak sidadaun Maldova ho naran Dalinichi Vladimir lori osan mai Timor-Leste ho kuantidade boot la ho deklarasaun ruma. Maski nune’e, Servisu Migrasaun deklara la hetan sala ruma husi ema ne’e.

Diretór Jerál Servisu Migrasaun, Superintendente Asistente Boavida Ribeiro hateten, sidadaun Maldova ne’e nu’udar koletór. Ninia servisu mak koleta osan tuan no osan foun.

Maibé polisia deskonfia sidadaun ne’e envolve iha kazu brankamentu kapitál (money laundry). Ne'e duni, iha loron 19 Marsu 2018 kalan, Servisu Migrasaun hamutuk ho Polisia Nasionál Servisu Investigasaun Kriminál (PNSIK) entrega karta notifikasaun ba nia. Nune’e, loron tuir mai sidadaun aprezenta-aan ba diresaun servisu migrasaun.

Iha ne’ebá, migrasaun haree kualidade dokumentu ne'ebé nia utiliza hodi halo viajen husi ninia nasaun mai to’o iha TL. Dokumentu ne'ebé utiliza maka pasaporte Roménia no pasaporte Maldova.

Hanesan mós ho Timor-Leste, povu Moldova bele iha dupla sidadania. Tanba ne’e, Vladimir utiliza pasaporte Roménia atu fasil asesu ba Europa no Ázia. Atu garante dokumentu ne'ebé sidadaun ne’e uza, Migrasaun koordena ho Interpol-Dili, maibé deteta duni dokumentu sira ne’e orijinál.

La’ós ne’e de’it, kontaktu ne’ebé halo ho autoridade Roménia nian deklara katak dokumentu sidadaun ne’e orijinál no laiha problema.

Nune’e, Servisu Migrasaun entrega fali sidadaun ne’e ba PNSIK hodi haree ba prosesu moeda nian maibé la hetan indikasaun brankamentu kapitál.

Ne’e duni, tuir Servisu Migrasaun sei halo akompañamentu ba sidadaun ne’e hodi haruka fila ba nia rain iha Sesta (23/3).

Tuir prosesu viajen, Vladimir sai husi Moldova mai Roménia iha loron 13 Marsu 2018, hafoin tama Istambúl deskansa loron rua, iha 15 Marsu, mai liu Turkia hafoin tama Malázia. Iha Malázia nia demora durante loron haat. Hafoin loron 19 Marsu tama Singapura depois mai liu Bali no kontinua mai Dili.

Boavida esplika, sistema ne'ebé vigora iha mundu atu kontrolu atividade tama-sai ema estranjeiru sira nian iha nasaun ida nia laran. Polisia la duun ema, maibé deskonfia tanba nasaun ne’e tama iha risku.

Sidadaun Maldova ho pasaporte Roménia tama iha Timor Leste liu husi aeroportu. Sidadaun ne’e hetan revista husi autoridade Alfándega Aeroportu nian tanba lori moeda lubuk ida husi nasaun ualu (8) hanesan Maldova, Roménia, Bulgária, Tajikistaun, Ukránia, Arménia, Malázia no Singapura.

Hafoin halo identifikasaun, Alfándega liu husi rede sosiál deklara katak “Alfandega Aeroportu deteta sidadaun Maldova lori osan ho kuantidade boot mai Timor-Leste sem deklara. Tipu atividade Brankamentu Kapitál. Deteta halo aprensaun hodi submete ba investigasaun”.

Tomé Amado | Independente

Númeru hosi ema sira ne'ebé hamlaha aumenta ba millaun 124 iha 2017

Intensifikasaun hosi konflitu sira no rai-maran beibeik iha rejiaun oioin iha mundu halo aumenta ona ema hamlaha hamutuk millaun 124 iha nasaun hamutuk 51 iha tinan 2017, haktuir hosi estimativa ne'ebé fó sai iha loron-kinta ne'e.

"Relatóriu mundial kona-ba krizi hahán 2018", publika hosi Uniaun Europeia, Organizasaun ONU nian ba Alimentasaun ho Agrikultura (FAO) no Programa Alimentar Mundial (PAM), indika katak rejista ona aumentu ida hosi ema millaun 11 ne'ebé maka afetadu.

Iha tinan 2016, kalkula ona ema hamutuk millaun 108 iha mundu maka hasoru situasaun ida inseguransa hahán todan, iha tinan 2015 númeru ne'e maka hamutuk millaun 80.

"Ema na'in ida entre ema na'in tolu hamlaha iha nasaun sira ne'ebé hasoru krizi ne'ebé akontese kleur", hatete hosi diretor-jeral FAO nian, José Graziano da Silva, iha konferénsia imprensa.

Ema prinsipal sira ne'ebé afetadu ho situasaun "hamlaha maka'as" iha tinan 2017 inklui iha nasaun sira ne'ebé maka envolve iha konflitu ka ne'ebé "laiha seguransa maka'as" hanesan "Iémen, norte Nijéria nian, Repúblika Demokrátika Kongo, Sudaun-Súl ho Birmánia", hatete hosi estudu.

Iha Áfrika oriental ho austral, "rai-maran beibeik sai hanesan fator importante" tanba "hamenus beibeik ona kolleita iha nasaun sira ne'ebé maka hasoru ona nível aas hosi inseguransa hahán nian", nia hatutan.

Tinan ne'e, konflitu sira ho inseguransa sai nafatin hanesan "kauza prinsipal sira hosi krizi hahán nian", ne'ebé afeta Afeganistaun, Repúblika Sentru-Afrikanu, Repúblika Demokrátika Kongo, nordeste Nijéria nian, rejiaun lagu Xade, Sudaun-Súl, Síria ho Iémen, nune'e mós iha Líbia ho Sahel sentral (Mali ho Níjer).

Tuir dokumentu, Iémen sei sai hanesan "nasaun ho krizi alimentar maka'as iha nível mundial" no situasaun ne'e sai aat liután tanba "difikuldade asesu, destruisaun ekonomia nian no epidemia sira".

Iha Áfrika, impkatu hosi rai-maran sei aumenta inseguransa alimentar iha zona pastorísiu sira iha Somália, sudeste Etiópia ho leste Kénia nian, nune'e mós iha nasaun sira hosi Áfrika osidental no hosi Sahel, hanesan Senegal, Xade, Níjer, Mali, Mauritánia ho Burkina Faso.

Notísia di'ak úniku akontese iha Áfrika austral, ne'ebé kalkula katak iha parte di'ak ida tanba aumentu hosi produsaun sereais sira iha tinan 2017 no tanba presu tuun hosi hahán sira.

"Ita iha obrigasaun moral hodi halo di'ak liután no ita iha dalan sira no ita hatene halo. Ita tenki hapara ho limiti sira ne'ebé kleur ona haketak ator sira hosi ajuda humanitáriu no sira hosi dezenvolvimentu nian", António Guterres, sekretáriu-jeral ONU nian, hatete no haktuir iha relatóriu.

SAPO TL ho Lusa

Estudu: Maioria timoroan sira serbisu iha área ladún produtivu agrikultura subsisténsia nian

Maioria hosi traballador timoroan sira envolve iha agrikultura subsisténsia nian, área hosi atividade ho nível produtividade ki'ik no, tanba ne'e, kontinua hamosu susar ba kombate hasoru kiak iha Timor-Leste, haktuir hosi estudu ida hosi merkadu serbisu timoroan nian.

Estudu, halo hosi akadémiku sira hosi universidade australianu Monash, hatudu katak menus hosi metade ema adultu sira serbisu no kálkulu hosi dependente sira - labarik sira ho ema katuas-ferik sira relativu ho númeru traballador ativu sira - maka 90%, númeru ida ne'ebé aas liu iha mundu.

Tuir estudu, liu 64% hosi traballador sira envolve iha atividade agríkola, 95% hosi atividade agríkola ne'e sei kontinua hanesan subsisténsia, nune'e "sujere katak kuaze 60% hosi traballador tomak envolve iha agrikultura subsisténsia nian hanesan nia okupasaun laboral prinsipal".

Análize halo parte hosi estudu ida kona-ba merkadu laboral iha Timor-Leste ne'ebé halo hosi akadémiku sira Brett Inder ho Katy Cornwell, hosi Sentru ba Ekonomia ba Dezenvolvimentu no Sustentabilidade, hosi universidade australianu Monash.

Iha nível global, estudu refere katak iha Timor-Leste iha ema rihun 389 maka serbisu, kuaze rihun 250 hanesan agrikultor ho konta rasik.

Estadu fó serbisu ba ema hamutuk 65.800, besik 40.700 serbisu ho konta rasik, rihun 18 iha negósiu agríkola ka serbisu seluk, 5.100 serbisu iha ONG sira no 1.200 resin iha embaixada sira ka instituisaun internasional sira.

Kompara situasaun ho viziñu ne'ebé besik liu, Indonézia, estudu nota katak ema timoroan sira iha saláriu mínimu ida ne'ebé aas liu (dolar 115 kompara ho 112 ba ema indonéziu sira) maibé 53% de'it hosi ema adultu sira maka serbisu (iha Indonézia hamutuk 66%) no 80% hosi ema sira ne'e serbisu iha área informal, kontra 53% hosi nasaun viziñu.

Destaka liuliu ba númeru hosi ema sira ne'ebé depende hosi traballador ativu sira, ne'ebé 90%, aas liu duké média hosi rejiaun, ne'ebé haleu entre 50%.

Grupu boot hosi dependente sira maka labarik sira, tanba 39% hosi populasaun seidauk to'o tinan 15, valor aas liu hosi valor rejistadu iha nasaun sira hanesan Vietname (23%) ka Laos (35%).

"Kona-ba parte ki'ik hosi ema adultu sira ne'ebé maka serbisu tenki apoia maka'as liu ba dependente sira duké sira nia maluk sira iha nasaun sira seluk iha rejiaun. No númeru aas hosi labarik sira hamosu dezafiu sériu ba tinan hirak tuirmai. Modelu traballador saida maka sei iha ba populasaun ida ne'ebé aumenta hodi buka serbisu?", kestiona hosi estudu ne'e.

Estudu kalkula katak folin hosi produsaun agríkola timoroan nian maka entre dolar millaun 200, nune'e iha "folin produsaun agríkola ida besik dolar 800 ba traballador ida-idak iha tinan ida", nune'e kálkulu maka hosi traballador ida entre ema na'in tolu.

Ne'e implika katak produsaun agríkola tuir sesaun ida maka dolar 240 de'it, hatete hosi estudu, folin ne'ebé hanesan 40% de'it hosi liña kiak nian, ne'ebé hakbesik ba dolar 600 tinan-tinan.

"Bainhira rendimentu tomak hosi área agríkola ba família sira hosi agrikultor sira (tanba kuaze loos duni katak parte hosi rendimentu ne'e hela ho agrikultor sira), família média timoroan nian tenki moris ho menus hosi metade liña pobreza nian", hatete hosi estudu.

Nune'e, estudu sujere katak "muda área agríkola hanesan importante tebes" iha nasaun ne'ebé maioria hosi nia populasaun depende hosi atividade ne'e ba nia moris, hamutuk ho esforsu maka'as ida ba diversifikasaun hosi ekonomia.

Fortalese téknika produsaun nian, uza liután ekipamentu, formasaun ho aumenta ba merkadu sira hanesan rekomendasaun balun hosi estudu.

SAPO TL ho Lusa

Timor-Leste/Eleisaun: GNR forma polísia timoroan hodi garanti seguransa

Efetivu sira hosi Unidade Espesial Polísia (UEP) Timor-Leste nian, apoia hosi elementu sira GNR nian, forma hela unidade sira hosi reasaun lalais nian hosi polísia timoroan nian hodi garanti seguransa ba eleisaun antesipadu iha fulan-Maiu.

uir informa hosi Polísia Nasional Timor-Leste nian (PNTL), formasaun ne'ebé halo daudaun ba Forsa Reasaun Lalais nian (TASK FORCE) hosi distritu tomak nasaun nian, bazeia iha doutrina hosi Restabelesimentu no Manutensaun hosi Orden Públiku (RMOP), hosi GNR.

José Luís Santos Alves, tenente koronel GNR nian ne'ebé destakadu iha UEP-PNTL, lidera formasaun, ne'ebé halo parte iha akordu bilateral hosi Koperasaun Tékniku-Polisial entre GNR ho polísia timoroan.

Formasaun inklui semana ida teoria nian no prátika hosi Manutensaun hosi Orden Públiku, fó hosi ekipa rua instrusaun hosi UEP, ne'ebé maka haleu hela distritu sira Timor-Leste nian.

Iha Díli, iha instalasaun sira hosi Komando UEP-PNTL nian iha Bairro Pité, hala'o hela formasaun ba unidade hosi kapital timoroan nian.

Tuir esplika hosi responsável sira formasaun nian katak objetivu maka garanti atu PNTL preparadu hodi "hala'o seguransa iha períudu eleitoral ho dalan ne'ebé kompletu no efisiente liu".

Eleisaun prezidensial ho lejislativu sira iha tinan liubá hala'o ona lahó insidente sira, hahú momentu ne'ebá laiha rejistu ba insidente todan sira maski iha krizi polítika ne'ebé maka'as.

Kampaña eleitoral ba eleisaun antesipadu loron 12 Maiu hala'o entre loron 10 Abril to'o 09 Maiu no forsa polítika prinsipal sira halo ona asaun sira "konsolidasaun" nian iha rai-laran iha semana hirak ne'e.

Iha total, aprezenta ona koligasaun haat no partidu polítiku neen iha Tribunal Rekursu.

SAPO TL ho Lusa

Ligação regular entre Macau e Moscovo arranca em maio

Macau, China, 23 mar (Lusa) -- Macau vai passar a ter uma ligação aérea regular à Europa, a Moscovo, a partir de 09 de maio, disse hoje à Lusa fonte da Sociedade do Aeroporto Internacional de Macau (CAM).

A nova ligação vai ser operada pela transportadora russa Royal Airline, que vai realizar dois voos semanais, indicou a mesma fonte.

A CAM espera que "esta nova rota possa desenvolver os negócios, turismo e as relações culturais entre as duas cidades".

Ao mesmo tempo, a empresa de Macau acredita que esta ligação vai ajudar a estimular os serviços de carga aéreos, possibilitando um maior volume de transporte de mercadorias entre a Rússia e a Europa e a Região Administrativa Especial de Macau (RAEM).

Em março, durante uma visita ao aeroporto de Zhuhai, cidade adjacente a Macau, o presidente da comissão executiva da CAM, Deng Jun, anunciou o lançamento, ainda este ano, de voos regulares para a Europa e o restabelecimento dos serviços de carga, com a inauguração da ponte Hong Kong-Zhuhai-Macau.

EJ // EL

Número dos que passam fome subiu para 124 milhões em 2017

A intensificação dos conflitos e a seca persistente em várias regiões do mundo fizeram subir para 124 milhões em 51 países o número de pessoas que passaram fome em 2017, segundo estimativas divulgadas ontem.

O “relatório mundial sobre as crises alimentares 2018”, publicado pela União Europeia, Organização das Nações Unidas para a Alimentação e Agricultura (FAO) e Programa Alimentar Mundial (PAM), indica que se registou um aumento de 11 milhões de pessoas afetadas.

Em 2016, tinha sido estimado em 108 milhões o número de pessoas no mundo que enfrentaram uma situação de insegurança alimentar grave, enquanto em 2015 o número foi de 80 milhões.

“Duas em cada três pessoas com fome são de países que vivem crises prolongadas”, disse o diretor-geral da FAO, José Graziano da Silva, em conferência de imprensa.

Os principais afetados por uma situação de “fome aguda” em 2017 incluem países envolvidos em conflitos ou em “grave insegurança”, como “o Iémen, o norte da Nigéria, a República Democrática do Congo, o Sudão do Sul e a Birmânia”, indica o estudo.

Na África oriental e austral, a “seca persistente também desempenhou um papel importante”, já que “conduziu a reduções consecutivas das colheitas em países já confrontados com níveis elevados de insegurança alimentar”, sublinha.

Este ano, os conflitos e a insegurança continuarão a ser “provavelmente as principais causas de crise alimentar”, que afeta o Afeganistão, República Centro-Africana, República Democrática do Congo, nordeste da Nigéria, região do lago Chade, Sudão do Sul, Síria e Iémen, assim como a Líbia e o Sahel central (Mali e Níger).

Segundo o documento, o Iémen continuará a ser “o país com a maior crise alimentar a nível mundial” e a situação deve mesmo deteriorar-se devido “a dificuldades de acesso, destruição da economia e epidemias”.

Em África, o impacto da seca aumentará a insegurança alimentar nas zonas pastorícias da Somália, sudeste da Etiópia e leste do Quénia, assim como em países da África ocidental e do Sahel, como o Senegal, Chade, Níger, Mali, Mauritânia e Burkina Faso.

O único alívio regista-se na África austral, onde se prevê uma melhoria graças ao aumento da produção de cereais em 2017 e à baixa do preço dos alimentos.

“Temos a obrigação moral de fazer melhor e temos as ferramentas e o saber para o fazer. Devemos quebrar as barreiras que há muito tempo separam os atores da ajuda humanitária e os do desenvolvimento”, disse António Guterres, secretário-geral da ONU, citado no relatório.

Lusa | SAPO TL

GMN TV | Jornal Nacional Kalan