TIMOR-LESTE IHA INSIGURANSA HO RUMORES

Dezde nasaun ne’e hetan ninia independensia, sosiadade Timor-Leste senti moris la seguru ho rumores sira ne’ebé nunka iha ninin no rohan. Esperensia konkretu ida iha krize 2006, wainhira funsionamentu komunikasaun (Timor Telkom) paradu kuaze públiku iha teritoriu Timor-Leste moris iha rumores nia laran.Rumores hirak ne’e fo biban ba Timor-Leste nia konflitu lori tempu naruk no halo povu barak sai vítima.

Liu tiha periodu krize, dadaun Timor-Leste tama ona iha faze konsolidasaun paz no seguransa públiku nian, sosiadade kontinua moris iha rumores nian laran. Pior liu tan instituisaun seguransa mos hetan rekruta husi rumores ne’ebé espalla iha nasaun ida ne’e. Liu-liu relasaun ho kazu operasaun hasoru grupu Konsellu Revolusionariu Maubere – KRM ne’ebé to’o ohin loron seidauk iha serteza ida ba públiku.

Faktus ida maka iha loron 14 Marsu 2015, Komandu FALINTIL-Forsa Defeza Timor-Leste – F-FDTL deside desloka militar barak atu halo operasaun iha area Postu Administrativu Remixio Munisipiu Aileu relasiona ho rumores katak elementu organizasaun Konsellu Revolusionariu Maubere – KRM liu ema atus ida avansa ona ba fatin refere atu dada bandeira. Maske realidade laiha seremonia dada bandeira. Hatudu katak rumores sira hahu ona estraga no ataka Instituisaun Defeza no Seguransa iha Timor-Leste.

Nune’e mos, hafoin lansa Operasaun HANITA iha semana balun nia laran rumores espalla iha media sosial katak lideransa KRM ho nia elementu balun iha area Postu Administrativu Uatukarbau, Munisipiu Viqueque. Informasaun ne’e sai diskusaun iha media sosial hanesan facebook no twitter. No, iha informasaun seluk katak lideransa Organizasaun KRM dadaun ne’e iha kapital Dili, sai asuntu diskusaun iha nivel komunidade loron ba loron.

Iha ne’ebé halo komunidade duvida ho situasaun seguransa iha rai-laran no senti ladun seguru iha sira nia bairu. Perguntas barak mai husi komunidade kona-bá pozisaun Instituisaun Defeza no Seguransa, partikularmente Komandu Operasaun Konjunta – KOK nian ba rumores hirak ne’e. Fundasaun Mahein (FM) rasik preoukupa ho laiha koriuzidade husi instituisaun kompetente atu halo deklarasaun ruma ba públiku kona-bá rumores hirak ne’e. Tanba rumores hirak ne’e bele hamosu pániku no trauma ba povu inosente sira iha teritoriu Timor-Leste.

Fiar ka lae povu Timor-Leste sei kontinua moris iha rumores nia laran enkuantu laiha asaun konkreta ida husi governu. Liu-liu deklarasaun ofisial ruma husi Instituisaun Defeza no Seguransa hodi ba hatan no klarifika ba rumores hirak ne’ebé dadaun ataka hela povu no soberania nasaun ida ne’e. Presiza iha mekanizmu adekuadu ida husi governu hodi fornese informasaun ne’ebé los no justu ba ninia povu.

Ho ida ne’e, FM hakarak rekomenda;

1. Rekomenda ba Gabinete Prezidensia Konsellu Ministru nu’udar porta voz ba VI Governu nia atu foti medida ruma hodi responde ba rumores ne’ebé dadaun espalla iha komunidade. Aumezmu tempu fo klarifikasaun ba públiku kona-bá rumores hirak ne’e.

2. Rekomenda ba Ministru Interior no Ministru Defeza atu kordena hamutuk hodi fo deklarasaun ofisial ruma ba públiku kona-bá rumores paradeiru lideransa KRM no progresu Operasaun HANITA atu nune’e povu informadu ba asuntu seguransa nian iha rai-laran.

Fundasaun Mahein

LIAN INAN SIRA NO KESTAUN LIAN PORTUGÉS NIAN IHA KONTESTU FORMASAUN INDENTIDADE NO NASIONALIZMU “Maubere” NIAN

Husi Avelino Coelho/Shalar Kosi FF

[ tradusaun husi versaun Portugues. Divijaun Tradusaun UAJ]

Introdusaun

Iha semana hirak ikus fulan-marsu nian mosu diskusaun teóriko-krítiko-polítiku kona-ba opsaun sira atu uza lian inan nian sira nu’udar instrumentu aprendizajen nian iha eskola sira iha nivel ensinu pré-eskolár no báziku. Ida-idak buka interpreta papél lian-inan sira nian ho argumentasaun oinoin de’it. Ho hanoin atu fó kontributu balu, maka ha’u koko haree didi’ak evolusaun hanoin ida ne’e nian no utilidade husi lian-inan sira iha ita-nia labarik sira nian prosesu edukativu. Impaktu pozitivu no negativu husi lian portugés nian temi mós iha ne’e. Tanba ne’e, artigu ida ne’e ninia objetivu úniku maka kontribui ba debate ida ne’ebé saudável no objetivu liu, kona-ba uzu husi ita-nia lian nasionál sira seluk – lian inan sira.

Ezpozisaun kona-ba problema

Governu Konstitusionál VI aprova tiha ona Dekretu-Lei Nu 3/2015, loron 14 fulan-janeiru kona-ba kurríkulu nasionál Baze Edukasaun Pré-Eskolár nian no Dekretu-Lei Nu 4 /2015, fulan-janeiru, ne’ebé aprova Kurríkulu Nasionál kona-ba Baze husi Primeiru Siklu no Segundu Siklu Ensinu Báziku nian. Diploma ida ne’e kria ordenamentu jurídiku ida (artigu 13, nu 4) ne’ebé legaliza “…Uzu lian dahuluk labarik sira nian hanesan instrumentu atu hetan asesu efetivu ba konteúdu kurrikulár husi área koñesimentu ida ne’e nian, bainhira presiza”.

Lee didi’ak tiha artigu sira seluk ne’ebé halo parte Dekretu-Lei hirak ne’e, ha’u hatene kona-ba pozisaun polítika no kulturál ne’ebé la hanesan entre setór sira iha ita nia sosiedade. Iha balu ne’ebé defende katak uzu lian-inan nian iha ensinu báziku no pré-eskolár hamosu perigu ida ba dezenvolvimentu no konsolidasaun lian portugés nian, nu’udar lian-ofisiál tuir Konstituisaun RDTL nian (KRDTL, artigu 13 Nu 1) hatete. No foti konkluzaun sein hanoin didi’ak uluk, hodi halo interpretasaun katak uzu lian-inan nian sai hanesan buat-satan ida ba evolusaun lian portugés nian. Pozisaun ida ne’e la fó valór liu ba fatór xave hirak ne’ebé durante tinan 500 halo lian portugés la’o dolar de’it ba to’o knua sira ne’ebé izoladu liu iha territóriu tasi-balun portugés nian.

Ema uitoan de’it maka preokupa atu haree sa’ida de’it maka fatór loloos hirak ne’ebé imposibilita dezenvolvimentu no konsolidasaun lian portugés nian. Atu hatete de’it katak, iha serbisu fatin, tantu iha nivel setór privadu nian nune’e mós ho iha setór públiku nian, ema kuaze la uza lian portugés. Iha merkadu sira, atu iha modernu ka iha fali tradisionál nian, ita la naran haree ema fa’an ka sosa sasán uza lian portugés hodi ko’alia ba malu. Tanba ne’e, ba fali pozisaun análize inisiál, merkadu sai hanesan fatór importante ida mós ba “kultivu” kualkér lian ida nian.

Maske nune’e, bainhira ita hatete artigu da-13, kona-ba atu defende lian-portugés nian, ema haluha atu lee mós númeru (2) artigu ne’e nian “…Tetun no lian nasionál sira seluk Estadu valoriza no dezenvolve.” Tanba sa’ida maka mosu hahalok ladún di’ak ida ne’e hasoru lian-inan sira, lian nasionál sira ne’ebé hatuur mós iha Konstituisaun? Se nune’e, iha futuru ne’ebé besik, sa’ida de’it maka sei sai hanesan kultura timoroan nian nia abut? Ema sira ne’ebé iha pontudevista ne’ebé opostu nunka kestiona, tanba sa’ida maka lian-inan sira bele moris nafatin no tuba hasoru enklave portugés nian no hasoru difuzaun lian Indonézia nian durante tinan 25 liubá, kaer-metin nafatin tranzmisaun valór no identidade nasionál sira durante tinan atus ba atus, maske iha ona elite ida ne’ebé kulturalmente identifika-an ona ho lian, kultura no tradisaun portugés nian. No oinsá maka labaraik sira iha knua sira aprende lee no hakerek iha eskola portugés nian sira, maibé sira bele komunika nafatin sira nia hanoin no sira nia evolusaun uza sira-nia lian-inan, ho ema sira ne’ebé sira hadomi, ne’ebé hela iha knua sira ne’ebé mukit maibé saudável, ne’ebé nakonu ho moris jerasaun nian.

Pozisaun hirak ne’ebé iha kona-ba uzu lian inan nian nu’udar instrumentu atu hetan asesu ba konteúdu kurrikulár hamosu situasaun ida ne’ebé la di’ak, relasiona ho ita nia hatene kona-ba identidade nasionál no nasionalizmu; no halo Parlamentu Nasionál husu APRESIASAUN PARLAMENTÁR N u. 1/III (3ª) ho hanoin atu hasai tiha dekretu hirak ne’e husi vigór, ka atu halo altersaun.

Iha testu ne’ebé hakerek atu husu Apresiasaun Parlamentár ko’alia liu kona-ba pontu boot rua: ida jurídiku no ida-seluk polítiku.

Haree pontudevinsta jurídiku nian, testu ne’e hatete katak dekretu-lei hirak ne’e sala, tanba,”… inkonstitusionál dala rua” no uza hanesan fundamentu maka sitasaun husi artigu da-13 Númeru (1), hodi haluha tiha númeru (2) artigu ne’ebé hanesan.

Husi pontudevista polítiku nian, testu ne’e argumenta katak”…. solusaun hirak ne’e hetan tina ona ba lian hanorin nian kontradís ho liña orientadora sira husi polítika kona-ba lian ne’ebé propoin ona iha Lei ba Baze Edukasaun nian”. Konkluzaun ida-ne’e mai husi leitura ida ne’ebé ladún kle’an ba artigu da-8 husi Lei Baze Edukasaun nian”…. lian hanorin nian iha sistema edukativu Timor nian ne’e maka tétun no portugés”. Maibé, testu ne’e la iha hanoin atu foti fila-fali lia-fuan murak husi alínea (g) artigu da-6 Konstituisaun RDTL nian. Lian inan sira ne’e, aleinde sai hanesan valór riku ida entre valór riku sira seluk ne’ebé iha no importante ba tradisaun orál, sai hanesan ponte ida, tanba hatutan patrimóniu kulturál no istóriku ne’ebé nia liu tiha ona liuhusi disputa sira iha esperiénsia koloniál nian. Maibé lian sira ne’e moris nafatin no iha sira mak ita harii ita nia kultura no identidade nasionál nu’udar povu ida iha kruzamentu ho valór portugés nian sira ne’ebé ita konsidera komún iha marxa sivilizasaun nian ida. Bainhira ita aseita lian ida husi rai seluk, simu valór sira husi li’ur, balun nasionál no seluk universál, ita labele haree ida ne’e hanesan akulturasaun povu ida nian, maibé hanesan produtu istóriko-sosiál iha marxa ida ne’ebé la hanesan . Ba ida ne’e, fó valór ba ita ninia lian nasionál sira ne’e sai hanesan orden fundamentál ida atu konsolida no hariku lian rai seluk nian sira ne’ebé ita konsidera hanesan ita nian ona no ita hakarak aprende.

Balun dehan katak uza lian inan nian sei fahe liután timoroan sira. Ne’e haree hanesan buat simples ida! Timor-Leste ne’e Nasaun ida ne’ebé riku iha tradisaun no kultura! Interkámbiu kultura no tradisaun sira, hatudu momoos liuhosi prátika “fetosan-umane”, aleinde sai hanesan instrumentu jurídiku kona-ba legalizasaun kazamentu nian, determina relasaun sosiokulturál foun ida entre família sira husi ema hirak ne’ebé mak foin kaben ne’e. Durante Luta Libertasaun Nasionál nian, timoroan sira husi dialetu oin-oin hamutuk ida de’it hodi halo funu atu hetan Indenpendénsia Nasionál. Tanba ne’e, hanoin ne’ebé dehan katak uzu lian inan sira nian sei fahe timoroan hanesan konkluzaun tendensiál ida!

Lian Inan (sira): nia papél iha sosiedade

Tuir definisaun, lian inan nian maka lian ida ne’ebé ema ida aprende husi tempu nia moris mai to’o tinan 5/6 (Carine Soares Silva). Balun dehan katak lian inan nian maka lian dahuluk ne’ebé labarik ida aprende no ne’ebé baibain korresponde ba grupu étniko-linguístiku ho ida ne’ebé mak individu identifika an kulturalmente.1 Sei iha tan definisaun barak kona-ba lian inan, maibé mai ha’u, hirak ne’e maka koerente liu no sai hanesan baze atu ita diskuti hamutuk ita nia lian inan sira-nia papél iha problemátika kona-ba dekretu-lei hirak ne’ebé temi.

Molok portugés sira to’o mai, iha tinan 1515, Timor-Leste halo parte husi grupu étniku oin-oin ne’ebé hela namkari iha rejiaun oi-oin iha teritóriu. Grupu étniku ida-idak iha ninia irarkia politíko-administrativu ida. Bainhira portugés sira to’o mai grupu étniku sira halibur an hamutuk iha ukun liurai ida nian ne’ebé uluk. Molok tinan 1515, grupu étniku sira reprezenta nasionálidade sosiokulturál no politíka husi área determinada ida no sira ida-idak ukun sira nia an. Maibé, maske etnia sira ne’e dala ruma funu hasoru malu, sira halo kooperasaun no interasaun maka’as liu entre sira. Grupu étniku sira iha sira nia uma lulik, iha sira nia lisan [norma] rasik, sira nia kostume no sira nia kultura rasik no sira nia forma atu organiza no ukun nian rasik.

Katak, grupu étniku ida-idak uluk iha ona sistema ida governasaun no administrasaun nian. Pertense ba organizasaun sosiál ida ne’ebé ninian rasik. Nune’e Uza lian ida rasik (materna) atu hodi ukun, halo komunikasaun iha komunidade nia le’et grupu étniku nian. Ho kolonializasaun portugeza, membru elite husi grupu ida-idak ne’ebé ema rekruta ka mantein kontaktu no ligasaun ho podér koloniál. Liuhusi sira ne’e maka podér koloniál hahú habelar ba-iha iha territóriu nia laran, no tanba labele estraga forsa étniku nian, introdús polítika moris hamutuk iha dame nia laran hodi estabelese administrasaun no organizasaun sosiál polítika ida, atu neneik, obriga quina verde rubra (bandeira portugeza) tau iha territóriu tomak. Sistema governasaun no administrasaun hala’o hosi oan sira hosi kada grupu étniku ne’ebé kaer metin sivilizasaun portugeza no liuhosi sira maka hatuun órden ka servisu sira to’o ba-iha reinu sira hosi grupu étniku ida-idak. Komunikasaun ne’e halo ka hadaet liuhusi lian inan nian.

Lian portugés sirkula neneik liu; maibé lian inan nian hahú reforsa-an no kria tan ramu oioin. Ho dezenvolvimentu sidade sira nian, ho loke eskola, ho habelar komérsiu, mosu tetum nu’udar lian-prasa ne’ebé hahú manaan forma hanesan lian intermédiu entre grupu étniku linguístiku sira. Atu hala’o komérsiu, timoroan sira uza Tetun hanesan lian loron-loron nian iha sira ninia komunikasaun. Tetun manaan importánsia nu’udar lian hotu-hotu nian, nu’udar sentimentu nasionalidade timoroan sira nian hodi luta hasoru lian portugés. Nune’e, mosu diferensa entre tetun prasa no tetun klásiku. Tetun klásiku kontinua reprezenta grupu étniku-linguístiku, maibé tetun prasa sai nu’udar lian ida ne’ebé halo komunikasaun iha territóriu tomak.

Bele dehan katak iha tinan 70 ba kotuk, iha nível eskola sira nian, maibé la’os hotu-hotu, aprende lian portugé hala’o ho “palmatória (baku liman-laran ho ai)”, maibé aprende no ko’alia tetun tanba ho laran hakarak aprende no buka rasik.

Ho aprovasaun CRDTL nian, maka tetun ho portugés hetan fatin henesan. Durante istória povu Timor-Leste nian la’o iha tinan barak nia laran, buat hotu-hotu hetan ona nia solusaun liuhusi dispozisaun legál ne’ebé maka halo lian rua ne’e sai lian ofisiál Timor Leste nian.

Maske tetun ne’e dezenvolve ona hanesan lian ida timoroan hotu nian, nu’udar instrumentu komunikasaun entre grupu étniku-linguístiku sira ba objetivu relasionamentu nian ne’ebé la hanesan ba komunidade ka ba ema sira, maibé kada grupu étniku mantein nafatin ninia ligasaun ba lian dahuluk (lian inan nian). Pertense karik ba makasae, ba mambae, fataluku, galoli…. ema ne’e forma nia an hahú hosi valór sira lian ne’e nian. Lianfuan dahuluk fó-sai ka fó-sai hikas fali iha loron dahuluk nia ko’alia ne’e bazeia ba léxiku lian nian hosi ninia membru familia sira. Hafoin, neneik-neneik tau hamutuk liafuan sira tuir gramátika durante prosesu adaptasaun ka aprendizajen nian ba-iha kontestu familiar. Ninia órgaun sira ne’ebé fó-sai lian halo tuir ona sistema linguístiku ambiente nian, iha fatin ne’ebé ema moris no maii, no hafoin mosu faze sira dezenvolvimentu nian ne’ebé tutuir-malu ba nia kapasidade atuhodi hetan lian inan nian no uza ba-iha moris loron-loron nian ho elementu husi ninia meiu ambiente moris nian.

Iha uma-kain ida-idak husi grupu étniku-linguístiku sira ne’e, labarik sira serve ninia lian dahuluk (lian inan nian) hodi hetan kapasidade atu hatene liafuan no númeru sira, maske la hakerek, iha nia familia laran ka iha konvíviu sosiál. Bainhira moris hamutuk ba-iha nia meiu sosiál, jogu tradisionál sira, hein nia karau no kuda sira, nia tempu halimar, akompañamentu nia aman sira iha natar no to’os no kasa, sira halo tuir kedas ho sira nia lian inan nian no hadi’a di’ak liután lian inan nian ne’e.

Lian inan nian, nune’e, sai nu’udar lian ida hodi halo komunikasaun iha territóriu nia laran tomak no aprendizajen no hanorin iha eskola hodi hetan koñesimentu kona-ba siénsia no filozofia. Iha uma-kain, família ida-idak, ne’ebé maka seidauk ko’alia portugés ka tetun, lian dahuluk (lian inan nian) sai nu’udar no sei sai nu’udar nafatin instrumentu formasaun valór sira, koñesimentu no dezenvolvimentu sira labarik nian. Lian inan nian ne’e bele halo labarik komprende ninia realidade no vizaun kona-ba ninia mundu.

Ita nia elite agora, maske sira ne’ebé ko’alia moos portugés, ka lian indonézia, ka lian inglés no tetun, bainhira ba sira nia aldeia ka knua sira,sira komunika ho sira nia familia sira iha lian inan nian, tanba iha ligasaun ran nian ho ambiente ida ne’ebé sira aprende ko’alia liafuan dahuluk sira. Ne’e la implika katak sira nia kapasidade no ko’alia di’ak lian ofisiál sira ka lian estranjeiru sira ne’ebé sira hetan, hahú ladi’ak ona durante sira nia moris.

Uza lian inan nian

Ho liafuan badak ida ne’e, bele dehan ona katak:

Polítika kona-ba uza lian inan nian iha fatin sira hanorin nian, ne’ebé labarik sira iha liu domíniu ba sira nia lian dahuluk, sei fasilita tebes sira nia aprendizajen kona-ba siénsia, teknolojia no hametin liután lian portugés;

Utiliza lian inan nian ne’e (lian dahuluk) nu’udar instrumentu hodi iha asesu ba konteúdu kurrikular ne’e nu’udar forma ida hodi valoriza ita nia lian nasionál sira tuir hakerek iha Konstituisaun;

Utiliza lian inan nian ne’e nu’udar instrumentu hodi hetan asesu ba konteúdu kurrikular, ho forma ida ka seluk, sei kontribui ba konsolidasaun valór sira, tradisaun, kultura hosi étniku-linguístiku ida-idak nian. Sira sai elementu hirak ne’ebé labele troka no fahe-malu iha prosesu hotu-hotu ba rekonstrusaun nasionál; no hosi konstrusaun no konsolidasaun Estadu RDTL nian, mak ita hotu iha orgullu tebes, tanba nia mak ita luta no ohin loron pertense mai ita! *

Jornal Nacional

KOMANDO “HANITA” HALO DIALOGU HO KOMUNIDADE AFACA

QUELICAI-Komandu Operasaun Konjunta (PNTL no F-FDTL) ho naran sandi “Ha­nita”, hasoru Mauk Moruk ho ninia membru grupu CRM, halo dialogu aberta aprosimasaun ba komunidade Suku Afaça no Samaguia, Postu Admini­s­trativu Quelicai.

Iha biban dialogu nee, Koman­do Hanita husu sira nia apoiu ba operasaun Hanita hodi estabelese situasaun seguransa ba komunidade. Ba sira neebe involve iha grupu CRM, KOK Hanita husu sira entrega-an didiak hodi presta sira nia deklarasaun.

Chefe Suku Afaca, Joaquim Fern­andes esplika, iha tinan 2014, ninia komu­nidade iha ema nain 2 mak involve grupu Mauk Moruk, CRM.

Maibe depois akonte­semento iha Lalulai, nia rasik buka tuir ema nain rua nee. Hetan depois entrega kedas ba KOK iha momentu neba. Liu tiha ida nee, komunidade Suku Afaça laiha ona ema ida tama iha grupu CRPM ou CPD-RDTL,” dehan Joa­quim ba jornalista iha ex Eskol­a Antigo Reino Quelicai, Postu Administrativu Quelicai, Kinta (2/4).

Em geral, aktivi­dade komunidade Afaça, hahu tinan 2010 too agora lao normal. Komunidade ba to’os no natar hanesan babain. I bainhira KOK Hanita halo operasaun ba iha sira nia area, komunidade Afaça la sente trauma. Sira hotu kolabora no fo apoiu ba operasaun Hanita. “Nudar sidadaun, ita hotu tenki apoiu total ba Komando Hanita. Atu nunee ita nia kompaneru da luta senhor Mauk Moruk bele tun mai hodi submete ba justisa,” hatete Joaquim.

Entretantu situasaun segu­ransa iha Suku Namanei, Che­fe Suku Namanei Jose Xime­nes informa, Suku Na­manei komesa hasai sirkular alerta um hosi opera­saun KOK. Antes tuku 9:00 kalan ba leten komu­nidade hotu-hotu tenki hakmatek ona iha ida-idak nia uma hela fatin. Nia rekoinese katak, ninia komu­nidade balu involve grupu Bua-Malus no grupu CPD-RDTL, maibe depois akonte­sementu Lalu­lai, dia 9 Marsu 2014, sira hotu r­eintegra ona. Sira moris hane­san komuni­dade baibain.

Iha biban dialo­gu, Ko­man­­dante PNTL Munisipiu Baucau, Superintendente Justinho Menezes afirma, Komando Hanita halo dialogu refere hodi hatoo informasaun ba komunidade Afaca no Nama­nei sobre objective operasaun konjunta Hanita nomos hakarak esplika klaru sobre situasaun seguransa iha area Municipiu Baucau. Komunidade suku rua nee hatoo katak, situasaun iha suku rua nee lao hanesan babain. La akontese buat ida.

“Hau hatete ba imi katak, ita haree buat ida la akontese. Maibe operasaun nee ami halao tamba sente iha buat ruma mak lao ladiak. Tan nee mak, halo operasaun konjuntu,” esplika Justinho Menezes. Nia husu komu­nidade suku rua atu kon­tribui maka’as ba seguransa nasional. Kontribui hodi esta­biliza seguransa ba nasaun ida nee.

“Nudar nasaun foun, ita hotu presiza esta­bilidade nasional para dezenvolve ita nia nasaun nee ho diak. Kuandu estabilidade nasaun runggu-rangga bebeik, ita sei la goza ita nia ukun an ho diak. Atu halo buat ruma hodi hadia ita nia moris susar tamba situasaun seguransa la seguru,” hatete Justinho Menezes.

Ba komunidade suku rua nee, Menezes hatete, estadu halo operasaun konjuntu tamba situasaun seguransa iha area Municipiu Baucau lao ladiak. Iha aktividade grupu ilegal neebe lakohi kumpri lei neebe ejisti iha nasaun ida nee.

“Hau hakarak hatete ba ita bot sira katak, kuelker asaun neebe aktivista organizasaun neebe estadu konsidera nudar grupu ilegal, halo asaun fiziku hasoru mem­bru instituisaun nasaun hanesan akontese iha Laga no Baguia, estadu konsidera nudar krimi­nozu. Sira nia organi­zasaun la registadu, ilegal,” reforsa Mene­zes.

Segundu Ko­mandante Tati­ka Opera­saun Hanita, Supe­rintendente Assis­tente Polisia, Abrão Quintas dehan tan. Proble­ma neebe akontese iha Baucau, Laga, Suku Lalulai, no Saelari, no Baguia, konsidera nudar asaun krimi ba estadu. Tan nee, nia husu ba komunidade presiza kons­olida hamutuk, hodi haree si­tuas­aun hirak neebe akon­tese.

“Ita lakohi ema ruma manipula fali situasaun hodi kria sofre­mento bebeik ba komunidade. Hau husu ba inan aman sira, kuandu hasoru ita nia maun alin sira neebe hanoin la hanesan, hakarak estra­ga estabilidade nasional, husu ba sira para mai hamutuk hodi dezenvolve ita nia rain,” nia apela. Ekipa STL

STL

MISSÃO HUMANITÁRIA LEVA RASTREIO RENAL A TIMOR-LESTE

A realização de um programa de rastreios sobre os fatores de risco e prevenção primária de Doença Renal Crónica conta ainda com a doação do material clínico necessário.

Catarina Carvalho, nefrologista, realizou uma missão humanitária na área da saúde renal, em Timor-Leste, que lhe permitiu ficar com um excelente conhecimento acerca da situação no terreno e realizar várias ações em prol da saúde pública timorense.Com o apoio total e muito determinado da Diaverum desde o primeiro momento, Catarina participou na organização do primeiro curso de formação nesta área, assim como empreendeu rastreios sobre a Doença Renal Crónica em seis instituições e localidades do país, que chegaram a um total de cerca de 500 pessoas.

A missão humanitária teve uma duração de 3 meses – de Dezembro de 2014 a Fevereiro de 2015 – e teve início com uma apreciação acerca das condições existentes na Unidade de Diálise Hospital Nacional Guido Valadares, em Díli, a única no país. Esta Unidade dispõe de 7 postos de hemodiálise e de uma equipa clínica internacional constituída por indonésios e cubanos, apoiada por 10 enfermeiros timorenses. Catarina Carvalho encontrou “a unidade de hemodiálise com lotação esgotada e com dificuldade de resposta aos doentes renais crónicos em estadio terminal, o que exigia a reformulação do funcionamento da mesma”, de forma a dar uma resposta às necessidades dos doentes renais do país.

Acrescidamente, dada a importância da aposta na formação teórico-prática dos profissionais timorenses (médicos e enfermeiros em funções nesta Unidade), a nefrologista abraçou com entusiasmo a participação no primeiro Curso de Formação em Nefrologia e Métodos de Diálise lecionado em Timor-Leste, envolvendo-se ativamente na organização e implementação do mesmo e ficando responsável por um dos módulos a lecionar.

No seguimento desta formação, Catarina Carvalho liderou o projeto de reestruturação do funcionamento da Unidade de Diálise do Hospital Nacional Guido Valadares, criando condições para a abertura efetiva do turno noturno (18-22h), possibilitando assim o acesso ao tratamento de um maior número de doentes. Às iniciativas no principal hospital nacional timorense, seguiu-se a necessidade de ir ao encontro da população para sentir as suas necessidades reais. Catarina organizou rastreios em várias unidades de saúde com doação posterior de material clínico, para seguimento dos doentes identificados e incentivo ao diagnóstico precoce de novos doentes.

A realização de um programa de rastreios sobre os fatores de risco e prevenção primária de Doença Renal Crónica em vários pontos do país, teve o alto patrocínio da Diaverum, com a doação do material clínico necessário. Mais concretamente, Catarina Carvalho recebeu para desenvolver o seu projeto, medidores de tensão arterial e glicémia, coletores de urina, lancetas, tiras Combur e tiras glicemia, entre outro material essencial à realização dos vários rastreios.

A partir do dia 10 de fevereiro e durante vários dias os timorenses puderam ter um atendimento personalizado sobre a sua saúde renal em locais distintos como Tibar (distrito de Liquiçá, a cerca de 25km de Dili); o Hospital Nacional Guido Valadares (Consulta Externa); o Hospital de Baucau (2ª cidade de Timor-Leste, localizada a cerca de 120km de Díli e conhecida pela elevada incidência de litíase renal e DRC); o Centro de Saúde de Comoro, (Díli); o Centro de Saúde de Becora, (Díli) e o Centro de Saúde de Ataúro (ilha localizada ao largo de Díli). Todos os Todos os casos positivos foram orientados de acordo com os achados: Médico Geral/Centro de Saúde, Consulta de Medicina Interna ou Consulta de Nefrologia do Hospital Nacional Guido Valadares.

Uma Doença subdiagnosticada

A doença renal crónica (DRC) é um problema muito significativo em Timor-Leste, apresentando prevalência elevada, apesar de subdiagnosticada. As principais causas a apontar são a hipertensão arterial (prevalência também elevada e frequentemente não tratada ou mal controlada) e a uropatia obstrutiva por litíase renal cálcica (muito frequente na população timorense).

Estas são as principais conclusões da nefrologista, que teve uma preocupação acrescida com o legado da sua missão humanitária. Durante o seu programa de rastreios “verifiquei que não haveria forma posterior de seguir essas pessoas nos cuidados gerais, pois seria impraticável encaminhar todas as pessoas em risco para o Hospital Nacional, dada a falta de recursos por nós considerados básicos, como medidores de glicemia capilar ou tiras-teste para análise de urina”.

Dadas as circunstâncias, a médica arregaçou mais uma vez as mangas e pediu uma doação de material clínico, que foi prontamente validada pela Diaverum.

De forma a dotar os centros clínicos de uma maior capacidade de resposta às necessidades dos doentes renais crónicos, a Diaverum decidiu doar material às seguintes unidades de saúde: Hospital de Maliana, Centro de Saúde de Comoro, (Díli), Centro de Saúde de Ataúro e Hospital Nacional Guido Valadares. Durante os rastreios realizados nessas unidades, Catarina Carvalho teve a preocupação de envolver sempre um ou dois elementos clínicos timorenses (médico ou enfermeiro) para que houvesse continuidade na avaliação de factores de risco da população. Foi evidente a vontade e entusiasmo que os profissionais timorenses manifestaram no seguimento futuro dos doentes, propondo-se inclusivamente à realização futura de mini-campanhas de rastreio.

“Penso que isto foi um sinal de que a estratégia resultou e que deixaremos um legado que ultrapassará a nossa presença neste curto período. Com formação e alguma ajuda logística, podemos mudar o Mundo em pequenos grandes passos” afirma Catarina Carvalho.

Entre as dificuldades iniciais à chegada em Timor até à homenagem no Hospital nacional na hora da despedida, Catarina Carvalho leva na bagagem uma experiencia “fantástica” tanto a nível pessoal como profissional.

“Aprendi e cresci imenso como pessoa: com as dificuldades iniciais e a adaptação a uma realidade tão diferente da nossa, nomeadamente com um sistema de saúde tão frágil e deficitário. Fui recebida com imenso carinho, quer no hospital quer nas unidades periféricas, assim como entre a comunidade. As pessoas aderiram de uma forma entusiástica aos rastreios, coisa que eu não esperava. Em dois dos hospitais, os funcionários fizeram questão de ser também rastreados. E no final, mostravam-se surpreendidos com a quantidade de problemas diagnosticados de novo, o que os motiva para continuarem esta missão mesmo depois da nossa saída”, conta Catarina Carvalho.

STRAZZERA  / SAPO LIFESTYLE