Portugeza na'in ida ho australianu na'in ida mana'an Tour de Timor

Portugeza Celina Carpinteiro ho australianu Craig Cooke maka sai hanesan vensedór hosi edisaun 2015 Tour de Timor ba siklizmu nian, prova nebe hala'o iha zona foho sira Timor-Leste nian iha semana ne'e no hakotu iha loron-kinta ne'e iha Díli.

Celina Carpinteiro mana'an iha etapa tomak hosi prova ne'e no sai hetan klasifikasaun dahuluk iha kategoria feto nian no mana'an iha kategoria master (tinan 30-39), halakon australiana Gina Ricardo, nebe mana'an iha kategoria sub-23.

Iha prova jerál maskulinu, mana'an hosi australianu Craig Cooke, nebe disputa lideransa durante prova ho portugés David Belo, portugés ne'e mana'an troféu  Rei da Montanha.

Portugés Valério Ferreira mós sai hanesan klasifikadu datoluk ho Jacinto de Jesus Costa sai hanesan timoroan di'ak liu nebe okupa fatin daneen.

David Belo hakotu ona etapa dahaat iha fatin dahuluk iha jerál, ho vantajen ida liu minutu rua ho balun hasoru Cooke, nebe la konsege hametin iha etapa ikus, to'o iha Díli, nebe portugés ne'e tama iha fatin daruak tanba lakon minutu sanulu hosi australianu ne'e.

Durante prova, Celina Carpinteiro hatudu nia esperiénsia sira liuhosi nia pájina Facebook, nebe hatudu ksolok nebe ema hatudu hosi fatin sira nebe siklista sira halo prova.

"Estapa iha loron ohin nian hanesan furak tebes! Pontu ida aas liu maka ho aas metru 2.118. Ohin, paisajen sira hanesan emosionante tebes. Ha'u labele tradús imajen sira nebe ha'u rai hosi etapa ne'e", Celina Carpinteiro hakerek iha loron-kinta.

Antes, siklista ne'e destaka ona susar sira, hanesan susar sira nebe nia hetan iha etapa loron-tersa nian, nebe halo hamutuk ho "tasi-ibun paradizíaku ida".

"Dalan iha-ne'e todan tebes ba isin. Dalaruma ami hetan dalan sira nebe di'ak maibé ladún kleur ida. Bainhira tenki tuun lalais ami tenki iha atensaun tanba dalaruma mosu derepente kuak ida", nia hakerek.

Konsidera hanesan prova ida nebe todan liu hosi rejiaun ne'e, Tour de Timor hotu iha loron-kinta ne'e iha Díli, hafoin liutiha etapa lima, ho total kilómetru 280, nebe hala'o hahú hosi loron 13 hosi zona foho sira iha nasaun ne'e.

Iha foho, David Belo konsege ona pontu 116 iha klasifikasaun hitu hosi etapa lima prova nian, liu rua hosi australianu Craig Cooke, ho mós portugés Valério Ferreira nebe iha fatin datoluk, ho pontu 102.

David Belo sai mós hanesan klasifikadu dahuluk iha kategoria elite mane nian (tinan 23-29), hodi halakon timoroan António Almeida Pereira no australianu James Correy.

Iha kategoria elite feto nian, feto malaiu Masziyaton Mohd Radzi maka mana'an bainhira halakon timoroan Domingas Catarina Guterres.

Iha sub-23 mane sira nian, klasifikadu rua dahuluk maka timoroan na'in rua Leonel da Silva Gonçalves ho Antonio Fernandes Viana, ho feto na'in rua, australianu Gina Ricardo ho feto indonéziu Wilhelmina Tutuarima, nebe hakotu iha pozisaun dahuluk ho daruak.

Iha kategoria Master mane nian (30-39), Cooke maka mana'an hodi halakon portugés Valério Ferreira, no iha veteranu sira (40-49) klasifikadu dahuluk hetan hosi alemaun Faruk Jorge Baer nebe halakon portugés Pedro Figueiredo, no iha kategoria feto nian mana'an hosi australianu Iris Trapman.

Italianu Giorgio Iardino hetan fatin dahuluk iha kategoria super veteranu sira (liu tinan 50).

Harii iha tinan 2009 hosi José Ramos-Horta, bainhira iha tempu ne'ebá nu'udar PRezidente Repúblika, Tour de Timor iha nia edisaun inaugural hetan partisipasaun hosi ema na'in 300 hosi nasaun 12, no iha tinan ne'e partisipa hosi ema na'in 100 resin hosi nasaun oioin.

SAPO TL ho Lusa

Independénsia Komisaun Nasionál Eleisaun ninia prezidente dehan "importante tebes"

Prezidente Komisaun Nasionál Eleisaun  (CNE) timoroan nian ohin hatete katak, iha Dilí, indepedénsia hosi instituisaun refere "importante tebes" ba saúde demokrasia Timor-Leste no hodi hametin instituisaun Estadu nian.

José Belo, ne’ebé ko’alia iha serimónia lansamentu livru hsoi CNE "Timor-Leste: Sosiedade, Estadu no prosesu eleitorál sira", hatete katak, atu hametin independénsia instituisaun nian, ninia mandate tenke hametin no apoia hosi Governu no hosi parlamentu nasionál, hodi hasa’e kapasidade organizasaun hosi prosesu eleitorál sira ne’ebé sai viziñu.

Responsável ne’e rasik destaka kona-ba importánsia serbisu CNE nian no Sekretariadu Tékniku Administrativu Eleitorál (STAE) hodi hala’o eleisaun lokál sira (hosi 'suku' – devizaun administrativa ne’ebé bele konstitui aldeia ida ka aldeia barak) ne’ebé preve ba 2016, nune’e mós iha eleisaun lejislativa no prezidénsia sira iha tinan 2017.

Livru ne’ebé produz hafoin reuniaun, iha Díli, hosi órgaun superiór administrasaun eleitorál hosi Komunidade País Lia Portugés (CPLP), ne’ebé hala’o ona iha fulan-Marsu liuba iha kapitál Timór.

Iha  enkontru ne’eba, reprezentante sira hosi CPLP halo akordu hodi hametin ninia relasionamentu, kria "Kódigu Boas Prátikas kona-ba Kestaun Eleitorál sira" no grupu ida hosi serbisu nian hodi buka halibur no fahe esperiénsia sira.

Durante serimónia ohin ninian sei lansa mós livru "Perfil hosi partidu polítiku timoroan sira nian", dokumentu ne’ebé esplika informasaun klaru kona-ba paridu 30 maka rejistu ona iha país no atu halo análize ida hosi rezultadu foin lalais prosesu eleitorál.

Interven mós iha serimónia ohin nian, komisáriu eleitorál Francisco Vasconcelos destaka katak presiza hasa’e kapasidade CNE nian, tantu iha termu rekursu umanu, nomós finanseiru.

Iha ninia opiniaun, Timor-Leste labele apoia prosesu eleitorál iha Guiné-Bisau no iha São Tomé e Principe, iha tempu hanesan, sei husik de’it sira ninia instituisaun eleitorál.

Hosi parte seluk, Rui Gomes, xefe Casa Civil hosi Prezidénsia Repúblika, fó hanoin kona-ba importánsia partidu polítiku sira no prosesu eleitorál no ninia "papel fundamentál" iha konstrusaun sosiedade timoroan.

SAPO TL ho Lusa 

Kombate Droga, Joventude Tenki Halo Vizilansia Komonitaria

DILI - Atu kombate aktividade droga iha rai laran, joventude kada bairo iha teritoriu Timor Laran tomak liu-liu iha Kapital no Fronteira, tenki halo vizilasaun komonitaria ba sidadaun estranjeiru nebe tama iha Bairo laran.

Eis Preziente Republika Jose Ramos Horta husu joven sira atu hases Aan husi krime ida nee, tamba estraga futuru no estraga familia nia vida, atu kombate joven ida-idak presiza halo vizilansia ba sidadaun estranjeiru nebe tama iha bairo.

Ema Aat husi liur lori droga mai iha Timor atu sobu nasuan tamba hetan osan tan nee joven sira rasik iha bai-bairo halo  vizilansia estranjeiru sira nebe mak tama  no halo vizilansia komonitaria ba troga,” dehan Horta ba Jornalista Kuarta (16/09/2015) iha Palasaiu Prezidensial Nicolao Lobato.

Nia hatete joven sira tenki kuidadu Ida seluk mak HIV, tamba HIV moras nebe mai husi Seksual liu-liu iha fronteira hanesan iha Maliana no Suai, tamba feto mai husi hodi aumenta dadaun moras nee loron ruma Timor bele Aat hanesan rai barak iha Afrika.

Iha fatin ketak Diretur Asosiasaun Hak Manuel Monteiro hatete lei kombate droga forte, maibe implementasaun lei nee mak ladiak no mos autoridade nebe mak implementa lei nee mos kometa iha aktividade droga. Informasaun kompletu iha STL Jornal no STL Web, edisaun Sesta (18/9/2015). Timotio Gusmao

Suara Timor Lorosae

Pensaun Vitalisia Hariku Deit Grupu Balu Hodi Fo Terus Povu

DILI – Pensaun vitalisia sai konsume publiku nian loron-loron hahu hosi povu kiik, NGO, Igreja, Akademiku no politik nain balu kontinua kestiona no konsidera pensaun vitalisia hariku deit grupu balu hodi fo terus povu.

Tuir Sekretariu Ezekutivu KHUNTO, Antonio Tilman, ba STL iha Salaun CNE wainhira remata partisipa iha lansamentu livru neebe mak produs hosi CNE, Kinta (17/09) husu atu reviu lalais lei pensaun vitalias neebe mak kontinua hariku deit grupu balu.

Partidu KHUNTO mos la sastifeitu ho pensaun vitalisia tanba lei pensaun vitalisia nee la defende intrese povu kiik nian tanba tuir lolos osan povu nian nee fob a ema neebe mak servisu hodi servi povu no nasaun agora ba ida neebe mak la servisu ita fo deit hanesan kompesasaun no tenke iha limitasaun labele ema nee la servisu maibe simu fali 100% nee labele nee so ahriku deit grupu balu,” hatete Antonio.

Nia hatutan ho problema nee KHUNTO husu atu Parlamentu Nasional reviu fila fali lei pensaun vitalisia hodi redus vensimentu neebe mak lider sira simu, no wainhira la halo reviu ba lei pensaun vitalisia maka sei fo impaktu ba dezenvolvimentu liu-liu atu redus kiiak iha rai laran.

Iha fatin hanesan Prezidente Partidu Timorense Demokratiku (PTD), Aliansa da Concecao Araujo, hatete katak ema hotu preokupa konaba pensaun vitalisia tanba nee tuir nia hanoin pensaun vitalisia nee fo ba ema neebe mak idade ona maibe ba dia neebe mak sei forte diak liu labele hetan. Informasaun kompletu iha STL Jornal no STL Web, edisaun Sesta (18/9/2015). Thomas Sanches

Suara Timor Lorosae

Komprimisiu Parpol Hafraku Povu Nia Fiar

DILI - Komprimisiu Partidu Politiku (PARPOL) sira ba povu, konaba halakon pensaun vitalisa liu husi kampania elisaun jeral Presidensial no Parlamentar, ikus mai la realiza, nee hafraku povu nia fiar ba PARPOL sira.

Lia hirak nee hatoo husi Observador Politiku Angelmos Rosa Gusmão, ba STL, wainhira partisipa seremunia konaba hahalok diak prevene moras Kurasaun, iha eis Merkadu Lama, Dili, (16/09/2015).

Partidu politiku iha Timor Leste barak hamriku ho konprimisiu politiku neebe bosok, halo povu laran dodok, tamba durante nee sira halao kampania lansa komprimisiu katak se sira maka ukun sira sei hamenus lei barak, liu-liu pensaun vitalisa ikus mai lei nee kontinua eziste no habokor ema balun deit, tamba nee povu sei la fiar sira iha elisaun 2017 nia,” hateten Angelmos.

Nia hatutan partidu barak maka habosok povu, tantu partidu sira neebe lakon nunee mos partidu sira neebe manan agora sei ukun.

Iha parte seluk Membru Partidu CNRT Agustinho da Concencão Ribero hateten partidu politiku bele promete buat oi-oin ba povu hodi hadia povu no nasaun nia moris. Informasaun kompletu iha STL Jornal no STL Web, edisaun Sesta (18/9/2015). Joao Anibal

Suara Timor Lorosae

Australia Laiha Interese Negosia Fronteira Maritima, TL-Indonesia Komesa Konsulta Tekniku

DILI - Negosiasaun Fronteira Maritima entre Australia no Timor Leste too oras nee Australia laiha interese atu halo negosiasaun, maibe Timor Leste ho Indonesia komesa ona ho konsulta teknika.

Tuir Konsuladu Jeral Timor Leste Iha Darwin Francisco Jose Filipe hafoin hasoru malu ho Prezidente Republika Taur Matan Ruak iha Palasiu Prezidensial Nicolao Lobato, Kinta (17/09/2015) hatete hasoru malu ho Prezidente hodi informa kona ba lina fronteira tasi ninian.

Ita bele dehan sira (Australia Red) laiha interese no la iha iha mudansa maibe ita tenki servisu nafatin buka tuir ita nia direitu atu hetan buat nebe ita nian hodi difini fronteira Maritima,” dehan Francisco ba Jornalista Kinta (17/09/2015) iha Palasiu Prezidensial Nicolao Lobato.

Nia hatete Durante hasoru malu ho Prezidente hodi Informa konaba lina fronteira iha tasi entre Timor ho Australia, tamba prezidente hakarak hatene opiniaun Australia ninia ho mudansa Primeiru Ministru Australia.

Iha fatin hanesan Ministru Negosiu Estranjeiru Hernani Coelho mos informa ba Prezidente kona ba prosesu preparasaun Timor Leste ninian ba iha negosiasaun fronteira maritima Timor ho Indonesia. Informasaun kompletu iha STL Jornal no STL Web, edisaun Sesta (18/9/2015). Timotio Gusmao

Suara Timor Lorosae

Independência da Comissão Nacional de Eleições "é vital", segundo o seu presidente

Díli, 17 set (Lusa) - O presidente da Comissão Nacional de Eleições (CNE) timorense considerou hoje, em Dilí, que a indepedência daquela instituição "é vital" para a saúde da democracia de Timor-Leste e para o fortalecimento das instituições do Estado.

José Belo, que falava na cerimónia de lançamento de livros da CNE "Timor-Leste: Sociedade, Estado e processos eleitorais", defendeu que, para fortalecer a independência da instituição, o seu mandato deve ser fortalecido e apoiado pelo Governo e pelo parlamento nacional, para reforçar a capacidade de organização dos processos eleitorais que se avizinham.

O mesmo responsável destacou a importância do trabalho da CNE e do Secretariado Técnico Administrativo Eleitoral (STAE) na realização das eleições locais (de 'sucos' - devisão administrativa que pode ser constituída por uma ou mais aldeias) previstas para 2016, bem como nas eleições legislativas e presidências de 2017.

O livro foi produzido na sequência da reunião, em Díli, dos órgãos superiores de administração eleitoral da Comunidade de Países de Língua Portuguesa (CPLP), que decorreu em março passado na capital timorense.

Naquele encontro, os representantes da CPLP acordaram fortalecer o seu relacionamento, criando um "Código de Boas Práticas sobre Questões Eleitorais" e um grupo de trabalho para procurar sinergias e partilhar experiências.

Durante a cerimónia de hoje foi ainda lançado o livro "Perfil dos partidos políticos timorenses", documento que detalha informação sobre os 30 partidos registados no país e uma análise dos resultados dos mais recentes processos eleitorais.

Intervindo também na cerimónia de hoje, o comissário eleitoral Francisco Vasconcelos destacou a necessidade de reforçar as capacidades da CNE, quer em termos de recursos humanos, quer financeiros.

Em sua opinião, Timor-Leste não pode apoiar os processos eleitorais na Guiné-Bissau e em São Tomé e Principe e, ao mesmo tempo, descurar as suas instituições eleitorais.

Por outro lado, Rui Gomes, chefe da Casa Civil da Presidência da República, recordou a importância dos partidos políticos e do processo eleitoral e o seu "papel fundamental" na construção da sociedade timorense.

ASP // ARA

Portuguesa Celina Carpinteiro e australiano Craig Cooke vencem Tour de Timor

Díli, 17 set (Lusa) - A portuguesa Celina Carpinteiro e o australiano Craig Cooke foram os vencedores da edição de 2015 do Tour de Timor de ciclismo, prova que decorreu nas zonas montanhosas de Timor-Leste esta semana e que hoje terminou em Díli.

Celina Carpinteiro venceu todas as cinco etapas da prova e foi a primeira classificada na categoria feminina e venceu a categoria master (30 a 39 anos), terminando à frente da australiana Gina Ricardo, que venceu a categoria sub-23.

Na geral masculina, a vitória foi para o australiano Craig Cooke, que disputou durante toda a prova a liderança com o português David Belo que, por seu lado, conquistou o trofeu de Rei da Montanha.

O também português Valério Ferreira foi terceiro classificado com Jacinto de Jesus Costa a ser o melhor timorense, em sexto.

David Belo tinha terminado a quarta etapa em 1.º na geral, com uma vantagem de cerca de dois minutos e meio sobre Cooke, que não conseguiu segurar na etapa final, até Dili, onde chegou em segundo lugar a mais de 10 minutos do australiano.

Durante a prova, Celina Carpinteiro detalhou as suas experiências através da sua página no facebook, onde deu conta da receção em festa que os ciclistas tiveram por onde passaram.

"A etapa de hoje foi simplesmente linda! O ponto mais alto foi aos 2.118 metros de altitude. Hoje, as vistas foram de cortar a respiração! Nem consigo traduzir por palavras as imagens que guardo desta etapa", escreveu Celina Carpinteiro na quinta-feira.

Antes, a corredora destacou as dificuldades do piso, como as que encontrou na etapa de terça-feira, feita ao "lado de uma costa paradisíaca".

"O piso por aqui massacra cada ossinho do corpo. De vez em quando lá temos um pouco de piso bom mas é sol de pouca dura. Nas descidas rápidas temos de ir com atenção pois de repente surge uma cratera", escreveu.

Considerada uma das provas mais duras da região, o Tour de Timor terminou hoje em Díli, depois de cinco etapas, num total de 280 quilómetros, percorridas desde o dia 13 por algumas das zonas mais montanhosas do país.

Na montanha, David Belo conseguiu 116 pontos nas sete classificativas das cinco etapas da prova, dois mais do que o australiano Craig Cooke, com o também português Valério Ferreira a ficar no terceiro lugar, com 102 pontos.

David Belo foi ainda o primeiro classificado na categoria elite masculino (23 a 29 anos), batendo o timorense Antonio Almeida Pereira e o australiano James Correy.

Na categoria elite feminino, a vitória foi par a malaia Masziyaton Mohd Radzi, que bateu a timorense Domingas Catarina Guterres.

Nos sub-23 masculinos, os dois primeiros classificados foram os timorenses Leonel da Silva Gonçalves e Antonio Fernandes Viana, com as únicas duas mulheres, a australiana Gina Ricardo e a indonésia Wilhelmina Tutuarima, a terminarem respetivamente na primeira e segunda posição.

Na categoria Master masculino (30 a 39), a vitória foi para Cooke, batendo o português Valério Ferreira, e na de veteranos (40 a 49) o primeiro classificado foi o alemão Faruk Jorge Baer, à frente do português Pedro Figueiredo, com a australiana Iris Trapman a vencer a categoria feminina.

O italiano Giorgio Iardino conquistou o primeiro lugar na categoria super veteranos (mais de 50 anos).

Criado em 2009 pelo então Presidente da República, José Ramos-Horta, o Tour de Timor contou na sua edição inaugural com mais de 300 participantes de 12 países, tendo participado este ano mais de 100 corredores de vários países.

ASP // NF

TERRA MAU BULAK “AMI SENTI DISKRIMINADU”

Dili, Radio Liberdade Online - Portavoz  veteranu no Kombatente sira ne’ebe hetan reforma husi Instituisaun Falintil Forsa Defeza Timor-Leste (F-FDTL),   Terra Mau Bulak, husu ba Governu atu kria kondisaun di’ak ba sira.

Terra Mau Bulak,  hato’o preukopasaun ne’e hafoin  sorumutu ho reprezentante Gabinete Prezidensia Repúblika Kaza Militár, iha Tersa Feira, 15/09/2015, iha Palasíu Prezidente, Aitarak-Laran.

“Ami senti deskriminadu tebes. Ami hetan tiha reforma iha Instituisaun F-FDTL, maibé Governu  la kria kondisaun ida ba ami, liliu seguransa sosiál ba ami nia moris,”  tenik Terra Mau Bulak.

Terra Mau Bulak,  husu mós ba orgaun legislativu atu kria Lei protesaun siguransa sosiál nian ba veteranu no kombatente sira ne’ebé hetan reforma husi instituisaun F-FDTL.

Hatan ba Preokupasaun ne’e, membru komisaun A, Parlamentu Nasionál, deputadu, Jorge Teme hateten, lei siguransa sosiál, liliu ba veteran sira nia moris   ne’e hein hela proposta husi komisaun ne’ebé mak toma konta ba asuntu veteranu nian.

“Nu’udar  komisaun A, ne’e ami nia kompetensia duni, maibé iha mós iha komisaun seluk ne’ebé mak toma konta ba veteran. Sira bele halo proposta para diskuti iha Parlamentu, hodi garante duni   sira ninia estabilidade,” dehan Teme,  iha uma fukun Parlamentu Nasionál, iha loron hanesan.

Eis Ministru ESTATAL ne’e hatutan, Governu iha obrigasaun hodi trata veteranu sira ho dignu tamba sira mak uluk fó-an tomak hodi  luta ba   libertasaun nasionál.

Iha fatin hanesan Prezidente Komisaun F,  Parlamentu Nasionál, Deputadu Virgilho Hornai, ne’ebé  trata asuntu veteranu no edukasaun  hateten, komisaun sei servisu hamutuk ho Minitériu relevante atu kria polítika ida hodi  halo protesaun sosiál ba ema ne’ebe mak durante serbisu ba instituisaun estadu.

Iha loron 20 Augustu, 2015 membru F-FDTL nain 16 reforma [pensiun] husi forsa defeza hafoin dedika sira nia-an iha instituisaun Etadu ne’e kuaze tinan 14. Membru F-FDTL hirak ne’e maiória mai husi Forsa Armada Libtertasaun Nasionál ne’ebé uluk luta hasoru okupasaun militár Indoenezia nian durante tinan 24. 

Rádio Liberdade Dili

KOBERTURA SAÚDE BA EMA HOTU-HOTU SAI REALIDADE IDA

Dili, Radio Liberdade Online - Ho kuaze ema millaun 400 mak seidauk hetan asesu ba servisu esensiál saúde nian iha nivel mundiál.OMS apela ba nasaun sira iha Rejiaun Sudeste Aziátiku atu konsentra esforsus iha prestasaun servisus saúde ne’ebé asesível no kualidade ba ema hotu-hotu ne’ebé presiza.

Enkontru Komité Rejionál OMS Rejiaun Sudeste Aziátiku nian ne’ebé hala’o iha Dili, Timor-Leste, Dr Poonam Khetrapal Singh, Diretór Rejionál, OMS Rejiaun Sudeste Aziátiku dehan “Saúde mak importante ba dezenvolvimentu. Asesu ba servisus saúde ne’ebé seguru, asesível no iha kualidade di’ak, fasilita ema para bele sai kontribuidór ne’ebé produtivu no ativu liu ba sira-nia família, komunidade no nasaun sira.”

Nia dehan katak atu halo servisus kuidadu saúde nian ne’ebé efetivu no asesível ba ema, iha fatin hotu-hotu ne’ebé sira hela ba, no tantu ba sira kiak ka riku, ne’e tenke. Ne’e halo kompromisu ba sosiedade ida ne’ebé loos no justu, no sei fasilita ba dezenvolvimentu ne’ebé sustentavel.

Kobertura Saúde Universál (KSU) ne’e identifika no destaka tiha iha reuniaun loron-lima Komité Rejionál nian iha loron 7 – 11, fulan-Setembru, ne’ebé Ministru Saúde sira no reprezentante ministeriál sira altu nivel husi nasaun 11 OMS Rejiaun Sudeste Aziátiku mak partisipa tiha.

OMS enfatiza tiha katak asaun ba KSU presiza atu konsidera mudansa nesesidades saúde nian. Ho aumentu iha moras naun tranzmisível sira no aumentu iha númeru ema katuas-ferik sira, dala barak ho kondisaun saúde oioin, presiza pensamentu foun ida kona-ba maneira ka mekanizmu sira hodi presta servisus saúde.

Dr. Khetrapal Singh dehan “ita presiza atu aprende tan kona-ba modelu prestasaun servisus ne’ebé foun, ne’ebé ho objetivu atu halo ema hetan asesu ba kuidadu saúde ne’ebé sira presiza, sein enfrenta difikuldade finanseiru. Kestaun ne’e mak oinsá mak sira-ne’e funsiona ho di’ak.”

Mekanizmu atu alkansa KSU sai klaru liu. Presiza atu hamenus númeru ema kiak sira-ne’ebé selu osan rasik husi sira-nia bolsu ba kuidadu saúde, kuandu sira moras tanba ne’e aumenta difikuldade ba sira.

Dr. Khetrapal Singh dehan katak Governu sira presiza investe liután hodi reforsa sira-nia forsa traballu saúde nian nu’udar xave hodi espande kualidade servisus saúde. No mós presiza atu hadi’a prestasaun servisus saúde nian hamutuk ho hadi’a finansiamentu se atu realiza progresu reáliha KSU.

Pasiente nia seguransa ne’e áreaprinsipálseluk ida hodi progresa KSU. Ema sei la uza servisu sira-ne’ebé sira hanoin katak la seguru.

Kobertura Saúde ba Ema Hotu-hotu nu’udar sinál boot ida governu ninia kompromisu hodi hadi’a sidadaun sira-nia moris-di’ak (bein-estár). Dezenvolvimentu ba KSU sei  graduál, maibéne’e bele hahú husi kualkér pontu-de-arranke. Dr Khetrapal Singh dehan katak embora nasaun sira iha Rejiaun ne’e halo tiha ona esforsus, maibé sei presiza halo esforsus barak tan.

Kobertura Saúde ba Ema Hotu-hotu nu’udar área prioridade ida ba OMS nia apoiu ba nasaun sira iha Rejiaun Sudeste Aziátiku iha tinan hirak tuir mai nian.

Rádio Liberdade Dili

OHIN, ESTRANJEIRUS 100 TUIR EZAME NASIONALIDADE TL

Sidadaun Estranjeirus 100 resin ne’ebé hela iha Timor-Leste, ohin Tersa (15/9), sei tuir ezame nasionalidade Timor-Leste (TL) iha edifisiu Diresaun Nasional Rejistu no Notariadu (DNRN), Mandarin, Dili.

Sidadaun estranjeirus hirak ne’e mak hanesan husi nasaun Indonesia no mos nasaun seluk tan ne’ebe sira nia fen ka laen ema Timor oan.

Direktora DNRN, Maria do Rosario Fatima ba jornalista sira hateten, Ministeriu Justisa liu husi diresaun DNRN sei hala’o teste ezame nasionalidade ba ema estrangeirus hamutuk 100 resin durante loron rua hahú husi dia 15 ho’o 16 fulan ne’e.

“Ezame nasionalidade kada Munisípiu, ita halo levantamentu informasaun ne’ebe mak hetan akizasaun ba nasionalidade por casamento no por autorizasaun, kada Munisipíus 12 inklui Oecusse no Munisipíus 12 ita halo tiha ona no aban (ohin red) ne’e so ba Munisípiu Dili deit,” hatete Direktora DNRN, Segunda (14/09), iha Mandarin, Dili.

Direktora DNRN ne’e hatutan,   kriteria ba sidadaun estranjeirus sira atu tuir ezame nasionalidade hodi sai sidadaun Timor-Leste ne’e maka fen ka laen ema Timor oan.

“Sira tenki hela iha Timor tinan rua ba leten, tenki aprezenta sertidaun kazamentu ne’ebe kaben tiha ona tinan lima (5), aprezenta nia (estranjeiru) pasaporte, aprezenta nia laen ka fen nia sertidaun moris, pois nia (estranjeiru ) nia sertidaun moris, kartaun eleitoral ka Bilhete identidade husi husi nia fen ka laen ninian, aprezenta mos prova hela fatin iha Timor ne’e iha ne’ebe, tenki hatene lian ofisial (Tetum ho Portugues) hanesan ida ka rua, tenki hatene kultura no istoria Timor ninian. Teste nasionalidade ne’ebe halo sidadaun estranjeiru ne’e primeiru liu husi ezame eskrita, pois ne’ebe valor diak iha eskrita ne’e bele pasa ba oral no husi oral pasa tan mak foin bele sai sidadaun Timor-Leste. Ba sira ne’ebe mak la liu tinan oin mai sei tuir nafatin,”deklara Maria do Rosario Fatima.

Antes ne’e Ministeriu Justisa fo teste ona ba sidadaun estranjeirus ne’ebe hakarak sai sidadaun Timor-Leste hamutuk 600 resin ona, no husi numeru ne’ebe iha, maioria husi nasaun Indonesia, no husi nasaun sira seluk hanesan Australia, Portugal, Vietnam, China ho Pakistan iha ida rua deit.Des

Jornal Nacional

ESTADU TENKI MUDA POLÍTIKA DEBATE ORSAMENTAL

Organizasaun Non Governamental (ONG), La’o Hamutuk husu ba Estadu liu-liu Governu no Parlamentu Nasional (PN) atu muda politika debate orsamental ne’ebe taka ba publiku ne’e atu nakloke nune’e povu bele hatene.

Peskizador La’o Hamutuk, Juvinal Dias dehan liu husi konferensia ba imprensa, Segunda (14/09), iha nia servisu fatin Bebora, Dili hatete, Governu ho PN halo konsensus kria komisaun revizaun ba orsamental Estadu kada tinan ne’e fo espasu no impkatu ba prosesu demokrasia.

“Demokrasia ne’e ita hafraku tiha ho komisaun eventual, ami haree katak karik Parlamentu Nasional no Governu kontinua komisaun eventual otomatikamente Parlamentu sei sai fatin ida ne’ebe koalia interese elites sira nian duke interese povu nian tanba diskute orsamental taka ba publiku,”dehan peskizador La’o Hamutuk.

Peskizador ne’e hatutan, povu no publiku iha direitu absolute atu bele hatene nia osan ne’e atu gasta ba saida no se mak hatama proposta kona ba projetu bo’ot sira.

Komisaun eventual fo impaktu tebes ba Timor-Leste nia transparasia. se Governu no Parlamentu kontinua komisaun eventual iha futuru (OJE 2016) ne’e fo impaktu ba povu lakon nia direitu akompanha diskusaun orsamental.

Juvinal hatutan, diak liu Governu publika dokumentus relasaun ho orsamentu hanesan emvelope fiskal , orsamentu sirkular bainhira sira prepara orsamentu Estadu tenki bolu publiku atu fo nia opiniaun ho nakloke ho analizasaun honestu no rasional.

“Ami hanoin mos Parlamentu Nasional tenki muda nia karakter katak labele tan halo komisaun eventual maibe sira tenki halo deskusaun orsamentu loke ba publiku hanesan OJE 2012 ba kraik,” Nia hatete.

Impaktu governu la publika Orsamental, nia dehan, Timor-Leste nia akuntabilidade fraku tebes katak Governu la transparante no Governu la involve povu hanesan nain ba riku soin hodi desidi nia futuru. Des

Jornal Nacional

Governu Hakarak Eleisaun Suku Fulan Dezembru PN Konsidera Laiha Posibilidade

VI Governu hakarak eleisaun Xefi Suku atu hala’o iha fulan Dezembru 2015, maibé Parlamentu Nasionál (PN) konsidera laiha posibilidade atu hala’o eleisaun tanba kabe ba Orsamentu Jeral Estadu (OJE).

Membru Komisaun A PN, ne’ebé trata ba asuntu Konstituisaun, Justisa, Administrasaun Públika, Podér Lokál no Anti Korupsaun, deputadu Francisco da Costa hateten katak, mandatu Xefi Suku sira nian hotu iha 15 de Outubru 2015, maibé proposta Governu ne’e mai iha Parlamentu Nasionál hakarak muda ba iha Dezembru 2015. Tanba ne’e mak PN estuda ba mai katak, Dezembru ne’e laiha posibilidade atu bele halo eleisaun ba xefi suku.

“Orsamentu tinan 2015 sei taka iha 15 Dezembru. Sé xefi suku ho liderasan komunitária kompetisaun ne’e iha Dezembru se ema ruma iha pakote 2 ida ou 3 ida kuandu hanesan, entaun ita tenki halo fali re-eleisaun. Sé re-eleisaun ne’e monu iha Janeiru impaktu ba Orsamentu 2015. Hein fali orsamentu 2016 imposivel no lori prosesu kleur tan,”dehan deputadu Francisco ba Jornalista sira iha PN, Dili, Segunda, (14/9/).

Nia hateten tan, iha fulan Dezembru udan bo’ot i tempu natal ema bele halo viajen ba rai liur ba mai entaun ladi’ak nafatin. Tamba ne’e mak Parlamentu Nasionál halo tia ona pareser ida ba iha Governu para atu muda eleisaun ba iha 2016.

“Eleisaun iha 2016 ne’e depende ba kompeténsia Governu hakarak monu iha Janeiru, Fevereiru, Marsu to’o iha Outubru ne’e depende ba Governu, mas lala’ok no régra Governu aprezenta fali proposta mai depois mak ita bele haree,”nia hateten.

Deputadu Francisco hateten tan, lei ne’e muda proposta Governu nia mai mak haree, i nia vantajen no desvantajen ne’e iha ne’ebé no sei estduda hamutuk hafoin bele halo.

Iha fatin hanesan Vise Prezidenti Bankada FRETILIN, deputada Josefa Pereira Soares hateten katak, durante seidauk iha eleisaun xefi suku tuan sei mantein nia servisu to’o eleisaun foun mosu.

“Ha’u hanoin ida ne’e depende ba iha lei ne’ebé ke komisaun A aprova, saida mak ha’u hatene ne’e, ami aprova lei fó prolongasaun de tempu ba xefi suku ida anteriór katak, seidauk iha eleisaun ba xefi suku foun, xefi suku anterior, nia sei mantein nia mandatu to’o iha eleisaun ba iha xefi suku ida foun ninian,”dehan deputada Josefa.eni

Jornal Nacional

AKTIVIDADES NEGOSIU BA HOTELARIA-RESTAURANTE LA TO’O 10%

Serviço de Registo e Vertificação Empresarial (SERVE) durante ne’e rejistu ona negosiante sira ne’ebe loke Hotelaria, Restaurante, Bar iha teritoriu laran Tomak sei tun tebes tanba lato’o 10%.

“Ha’u labele fo numeru lolos ba atividade sira ne’e tamba sistema ne’ebe ami utiliza dadauk ne’e sistema tasa ninian, nebe ami bele hasai numeru persiza tempu parese semana ida nia laran. maibe atu dehan deit persentazen atividades Restaurante, Hotrelaria iha teritoriu laran la to’o 10% ,”deklara Director Executivo ( Ceo) Florencio Sanches ba JN-Diário iha nia servisu fatin SERVE Matadouro Dili, Segunda ( 14/ 9).

Nia esplika, kriteriu ba ema ne’ebe mak loke Restaurante, Bar ou Hotelaria tenke kumpri lei mak hanesan Lei Nu. 4/2004 konaba lei sosidade comersial, decreto lei nu.7/ 2006 konaba nia ativdade saida, depois Decreto lei 35/ 2012 katak tipu atividades.

Nune’e nia dehan, tuir Decreto lei la fo dalan ba SERVE atu halo kontrolu ba atividade sira hanesan Hotelaria, Bar no Restaurante.

“Ami fo lisensiamentu fo sertifikado hotu   depois SERVE komunika ba Ministeriu relevantes hanesan MCIA, Turismo, Saude, MOP no Imigrasaun antaun se mak atu ba halo inspeksaun alimentaria mak MCIA, tanba sira mak iha kompetensia servisu hamutuk ho Turismu sira mak tun ba tereinu atu hare lisensiamentu,”katak Florencio.

Florencio afirma, emprezariu sira ne’ebe hetan lisensa husi serve hodi loke ativdade negosiu hanesan Hotelaria, Bar, no Restaurante mak lakumpri lei ne’ebe mak iha ka sira loke fali atividade prostituisaun iha laran ne’e sei haree halonusa tamba lei mak ladun favorese.

“Sira mai rejistu dehan halo atividades hanesan ne’e mai sira ba halo fali atividade prostituisaun iha laran tamba lei mak ladun forte atu regula ida ne’e mak halo ita fallansu,”tenik Florencio.

Tuir Florencio, negosiante sira ne’ebe mai rejistu iha SERVE mak la kumpri tuir lei hodi halo fali atividades seluk SERVE sei servisu hamutuk ho Ministeriu relevante sei taka atividades negosiu ne’ebé lalos ne’e.

“Se ami simu pedidu ruma mai husi ministeiu relevante ami bolu tur hamutuk koalia ba malu katak, ami tun iha treinu hetan duni hanesan ne’e tau ideia hamutuk halo apara I sira lakumpri lei bele taka sira nia atividades maibe labele taka sira nia kompania tamba sira selu tasa I sira mos nudar timor oan,”dehan nia.

Nune’e nia rekomenda ba menisteiu relevante atu tun ba terenu hodi halo kontrola ba atividade negosiu ne’ebe mak lalaos ka la tuir lei ne’ebé vigora iha rai ida ne’e.

“Ministeriu relevante tun iha baze mak hetan negosiante sira nebe halo atividade la tuir lei nebe haruka bele mai bolu malu tur hamutuk bele taka tiha sira nia negosiu maibe labele taka sira nia kompania tamba lei la fo dalan maibe sira nia atividade bele taka kuando empejaiu sira la kumpri lei nebe mak iha,”haktuir nia.car

Jornal Nacional