Prezidente promulga Orsamentu Estadu ba tinan 2016 hafoin veto inisiál

Prezidente Repúblika, Taur Matan Ruak, promulga ohin Orsamentu Estadu ba tinan 2016, hafoin veta iha inísiu no diploma ne’e aprova hikas ho unanimidade hosi Parlamentu Nasionál. 

"Prezidente Repúblika asina diploma refere ohin dadeer. No iha tempu badak, sei entrega ba iha Parlamentu Nasionál", konfirma fonte gabinete Taur Matan Ruak nian ba Lusa.

Haktuir hikas katak orsamentu ne’ebé aprova ho unanimidade hosi Parlamentu Nasionál, veta hosi xefe estadu iha loron 29 dezembru tanba lakonkorda ho "investimentu ba iha projetu infraestrutura ne’ebé laiha retornu efetivu".

Orsamentu ne’e haruka hikas ba Parlamentu Nasionál iha ne’ebé, iha loron-sesta kotuk, deputadu sira aprova hikas ho unanimidade no haruka hikas ba Taur Matan Ruak no nia iha loron ualu hodi promulga.

Ho asinatura ba loron ohin, hakotu ona polémika ne’ebé akontese semana ida ne’e hosi imprensa lokál ne’ebé deskunfia katak Taur Matan Ruak bele haruka orsamentu refere ba Tribunál Rekursu tanba latuir lei.

Orsamentu ne’e hahú vigora ho publikasaun hosi lei Jornál Repúblika nian.

Orsamentu Jerál Estadu Timor-Leste ba tinan 2016, aumenta ba dolár rihun milloens 1,56 ne’ebé despeza hothotu inklui mos gastu milloens 181,87 ba saláriu no vesimentu, ba bens no serbisu milloens 449, inklui mos ba iha Fundu Dezenvolvimentu Kapitál Umanu.

Tuir dokumentu, sei halo transferénsia públika ho valór milloens 476, ba kapitál dezenvolvimentu ho dolár milloens 436,47 no milloens 17,57 ba kapitál menór.

Valór foun hosi Fundu Autónomu ba Infraestrutura maka ho dolár milloens 434,63.

SAPO TL ho Lusa 

Ezekusaun orsamentál efetiva 85,3% ba tinan 2015 iha Timor-Leste

Ezekusaun orsamentu real hosi konta públika timor-oan nian (pagamentu ne’ebe hala’o efetivamente) iha finál tinan 2015 hamutuk 85,3%, no ida ne’e ho nivel kiik (68,9%) ba iha kapítulu kapitál dezenvolvimentu. 

Tuir dadus ne’ebé Ministériu Finansas haruka ba ajénsia Lusa, fó sai kona-ba ezekusaun reál besik dolár rihun milloens 1,34 hosi rihun milloens 1,57 ne’ebé orsamentadu ba tinan 2015.

Valór ne’e selu ona soma ho kompromisu milloens 35,64 no obrigasaun dolár milloens 72,13.

Ezekusaun totál ne’ebé soma ba pagamentu ne’ebé halo ba iha kompromisu no obrigasaun (kontrata maibé laselu) hamutuk dolár rihun milloens 1,41 ka orsamentu totál ba tinan kotuk maka 89,9%.

Nível hosi ezekusaun reál ne’eb’e bot maka ba iha transferénsia kapitál (96,1%) nomós saláriu ho vensimentu (94,5%). Tuir maka despeza kontinjénsia (87,4%), bens no serbisu (85,6%) ho kapitál menór (82%).

Nível kiik hosi ezekusaun ne’e maka ba iha alínea kapitál dezenvolvimentu, ne’ebé to’o finál tinan kotuk, Estadu ezekuta ona dolár milloens 272,11 hodi milloens 397,7.

Valór ne’e sa’e ba milloens 323,62 (81,8%) bainhira soma ba iha obrigasaun no kompromisu, besik milloens 62,9, ne’ebé to’o oras ne’e ladauk halo pagamentu ho efetivu.

Hélder Lopes, visi-ministru Finansa hatutan tan iha deklarasaun ba Lusa katak ba Governu, importante liu duké indikadór estatístika kona-ba ezekusaun orsamentál, maka "kualidade hosi ezekusaun nian".

SAPO TL ho Lusa – Foto: Vilarigues

Pelumenus ema na’in lima maka mate hafoin bomba nakfera iha sentru Jakarta

Pelumenus ohin ema na’in lima maka mate, no hosi lima na’in rua polísia, hafoin bomba nakfera besik iha sentru komersiál, Jakarta, tuir ajénsia indonézia Antara fó sai. 

Tuir saida maka AFP sita hosi parte seguransa katak to’o oras ne’e ema na’in haat maka mate, sivil na’in tolu no ajente polísia na’in ida, ne’ebé bele mos inklui ho jornalista australianu ida.

Tuir testamuña sira ne’ebé haktuir no sita hosi meiu komunikasaun sosiál lokál katak, peleumensu bomba nein maka nakfera besik ho sentru komersiál Sarinah, maibé antes ne’e akontese tiruteiu entre polísia ho grupu hosi ema lubun ida ne’ebé ladauk identifika no na’in hira.

Tuir vídeo ne’ebé fó sai iha rede sosiál hatudu katak bomba ida nakfera duni iha sentru komersiál Sarinah ninia oin, dalan ida ne’ebé tau edifisiu Nasoens Unidas nian iha Jakarta.

TV australiana ABC sita nota interna ONU nian ida ba funsionáriu hothotu iha Jakarta katak, sira-ninia funsionáriu ida mos bele kanek tanba esplozaun.

“Belun sita, bomba nakfera tan no mosu konflitu iha zona ne’e. Ema sira uza kilat no Granada. Ami iha hela perímetru hosi edifísiu ONU nian ida, hetan protesaun hosi ema armada. Funsionáriu ONU nian ida bele mos hetan durante bomba dahuluk nakfera”, tuir nota fó sai.

Autoridade sira ladauk fó konfirmasaun kona-ba orijen hosi esplozaun ne’e, maibé jornalista no ema estranjeiru sira hateten kona-ba bomba, granada no bombista na’in rua maka oho-aan.

Tuir saida maka imprensa internasionál sita hosi testamuña sira, haktuir katak grupu ida ho ema atakante na’in lima, inklui bombista na’in tolu maka oho-aan hafoin harahun fatin kafé ho marka Starbucks.

Jornalista seluk hateten katak grupu ida ne’ebé ho atakante besik na’in neen maka bele barikada ba iha edifisiu Skyline, besik ho fatin esplozaun dahuluk.

TVOne fó sai katak bomba tolu maka nakfera iha fatin tolu hosi kapitál, hanesan iha bairu Cikni, Silpi no Kuningan, kazu rua besik ho embaixada Turkia nomós Pakistaun.

Imajen hirak ne’ebé fó sai hosi rede sosiál nomós imprensa indon’ezia no estranjeira hatudu impaktu hosi esplozaun ida ne’ebé mate-isin hosi ema na’in tolu maka monu hela iha dalan no postu polísia nian ida maka rahun.

SAPO TL ho Lusa 

Prezidente indonéziu dehan katak atake iha Jakarta hanesan "hahalok terorismu"

Prezidente, Joko "Jokowi" Widodo, dehan katak atake ne’ebé akontese ohin iha Jakarta, hanesan “hahalok terorismu” no nia husu ba forsa seguransa atu buka tuir no ka’er autór ba hahalok ne’e nomós rede ne’ebé apoia aktu refere. 

"Ida ne’e hanesan aktu terorismu”, tenik, iha Java Osidentál ba jornalista sira no fó sai hosi TV indonézia nian hothotu.

"Ha’u simu ona informasaun kona-ba esplozaun ne’ebé akontese iha dalan Thamrin, Jakarta. Ha’u hato’o ha’u-nia sentidu kondolénsia ba família vítima no ami mos kondena atake ne’ebé hatauk sosiedade sira", dehan ba jornalista indonézia nian sira.

Xefe Estadu antesipa katak bainhira nia filan bá Jakarta hodi akompaña atake ne’ebé halo hosi grupu ida ho ne’ebé tuir informasaun hosi Metro TV ema na’in neen maka mate iha ateke refere.

Joko Widodo dehan katak fó ona orden ba xefe nasionál polísia nomós ba ministru asuntu polítika no seguransa nian atu ka’er no buka ema sira ne’e, inklui rede ne’ebé apoia sira ninia hahalok.

SAPO TL ho Lusa 

Presidente timorense promulga Orçamento depois de veto inicial

O Presidente da República timorense, Taur Matan Ruak, promulgou hoje do Orçamento de Estado para 2016, depois de o ter vetado inicialmente e do diploma voltar a ser aprovado por unanimidade pelo Parlamento Nacional.

"O Presidente da República assinou hoje de manhã o diploma. Vai ser entregue em breve no Parlamento Nacional", confirmou à Lusa fonte do gabinete de Taur Matan Ruak.

Recorde-se que o orçamento, aprovado por unanimidade pelo Parlamento Nacional, tinha sido vetado a 29 de dezembro pelo chefe de Estado por discordar de "investimentos em projetos de infraestruturas sem retorno efetivo".

O orçamento voltou ao Parlamento Nacional onde, na passada sexta-feira, os deputados o voltaram a aprovar novamente por unanimidade, remetendo-o de novo para Taur Matan Ruak que tinha oito dias para o promulgar.

Com a assinatura de hoje acaba-se a polémica da última semana com a imprensa timorense a alegar que Taur Matan Ruak poderia remeter o orçamento para o Tribunal de Recurso por inconstitucionalidade.

O Orçamento entra em vigor com a publicação da lei no Jornal da República.

O Orçamento Geral do Estado de Timor-Leste para 2016 ascende a 1,56 mil milhões de dólares, com as despesas a incluírem gastos de 181,87 milhões em salários e vencimentos e de 449 milhões em bens e serviços, incluindo o Fundo de Desenvolvimento do Capital Humano.

O documento prevê transferências públicas no valor de 476 milhões, 436,47 milhões para capital de desenvolvimento e 17,57 milhões para capital menor.

O valor do novo Fundo Autónomo das Infraestruturas é de 434,63 milhões de dólares.

Lusa / Notícias ao Minuto

Vários mortos e feridos em ataque terrorista no centro de Jacarta

Dois policias estão entre as vítimas

Pelo menos sete pessoas, entre eles dois policiais, morreram nesta quinta-feira (14) num conjunto de ataques à bomba próximo de um centro comercial no centro da capital Jacarta, segundo a agência de notícias indonésia Antara.

Jornalistas australianos reportam que entre as vítimas poderão estar alguns dos elementos responsáveis pelos ataques de hoje.

Testemunhas citadas na imprensa local referem-se a pelo menos seis explosões, próximo do centro comercial Sarinah, com relatos de tiroteio entre a polícia e um grupo de pessoas ainda não identificado e de número não conhecido.

Vídeos divulgados nas redes sociais mostram pelo menos uma das explosões, de pequena dimensão, em frente ao centro comercial Sarinah, localizado na mesma rua onde está o escritório das Nações Unidas em Jakarta.

A televisão australiana ABC cita uma nota interna da ONU para os funcionários em Jacarta que indica que um dos seus funcionários poderá ter ficado ferido nas explosões.

"Caros colegas, mais explosões e disparos na zona. Aparentemente estão usando armas e granadas. Estamos num perímetro no edifício da ONU, protegidos por pessoal armado. Podemos ter um funcionário da ONU ferido na explosão inicial", refere a nota.

A origem exata das explosões ainda não foi confirmada pelas autoridades, com jornalistas indonésios e estrangeiros falando sobre bombas, granadas e até à ação de pelo menos dois homens bomba.

A televisão indonésia TVOne noticiou entretanto terem ocorrido três outras explosões em outros pontos da capital, nomeadamente, nos bairros de Cikni, Silpi e Kuningan, em dois casos, próximo das embaixas da Turquia e do Paquistão.

Imagens divulgadas pelas redes sociais e pela imprensa indonésia e estrangeira mostram o impacto de uma das explosões, com pelo menos três corpos na rua e um posto de polícia parcialmente destruído.

Notícias ao Minuto

Presidente indonésio diz que ataques em Jacarta são "ato de terrorismo"

O presidente indonésio, Joko Widodo, disse que os ataques de hoje em Jacarta foram um "ato de terrorismo" e ordenou às forças de segurança que persigam e capturem os autores e a rede que os apoia.

"Este foi um ato de terrorismo", disse, em Java Ocidental, em declarações aos jornalistas transmitidas pelas televisões indonésias.

"Recebi já informações sobre as explosões na rua Thamrin em Jacarta. Expresso as minhas condolências às vítimas e condenamos o ataque que causou receios na sociedade", disse aos jornalistas indonésios.

O chefe de Estado antecipou o seu regresso a Jacarta para acompanhar os ataques levados a cabo por um grupo indeterminado de pessoas e que, segundo a televisão indonésia Metro TV, causaram pelo menos seis mortos.

Jowo Widodo disse ter ordenado ao chefe nacional da polícia e ao ministro de assuntos políticos e de segurança que os autores do ataque sejam procurados e capturados, assim como os elementos da rede que integram.

Lusa / Notícias ao Minuto

Estado Islâmico emitiu aviso enigmático antes dos ataques de Jacarta

O grupo extremista Estado Islâmico (EI) emitiu um aviso enigmático antes das múltiplas explosões de hoje a capital da Indonésia, Jacarta, que fizeram pelo menos cinco mortos, indicou a polícia.

O porta-voz da polícia nacional, Anton Charliyan, afirmou não ser ainda claro que foi o grupo extremista que levou a cabo o que o Presidente da Indonésia, Joko Widodo, qualificou de "atos de terrorismo".

Contudo, o mesmo responsável disse a uma rádio local que o EI emitiu uma mensagem enigmática antes dos ataques: "O aviso diz que iria haver um concerto na Indonésia e que estaria nas notícias internacionais".

Anton Charliyan não facultou mais detalhes nem referiu quando é que se aviso foi emitido.

Pelo menos cinco pessoas, entre eles dois polícias, morreram hoje num conjunto de ataques à bomba próximo de um centro comercial no centro da capital indonésia, Jacarta, segundo a agência indonésia Antara.

Testemunhas citadas nos meios de comunicação social locais referem-se a pelo menos seis explosões, próximo do centro comercial Sarinah, com relatos de tiroteio entre a polícia e um grupo de pessoas ainda não identificado e de número não conhecido.

Vídeos divulgados nas redes sociais mostram pelo menos uma das explosões, de pequena dimensão, em frente ao centro comercial Sarinah, localizado na mesma rua onde está o escritório das Nações Unidas em Jacarta.

As explosões de hoje ocorrem numa altura em que a Indonésia continua em estado de alerta máximo, implementado no Natal e Ano Novo, por temer atentados terroristas.

Em dezembro, a polícia indonésia tinha identificado 13 zonas do arquipélago vulneráveis e potenciais ataques nos meses seguintes, incluindo a capital, Jacarta, e a ilha turística de Bali.

Lusa / Notícias ao Minuto

Lere-Taur Koalia Seguransa ba Jokowi

DILI - Xefe Estadu Maior F-FDTL Major Jeneral Lere Anan Timor, hasoru malu ho Presidente Republika Taur Matan Ruak, hodi koalia konaba asitensia seguransa Forsa Armadas ba Presidente Republika Indonesia Joko Widodo (Jokowi).

Kestaun nee Xefe Estadu Maior F-FDTL Major Jeneral Lere Anan Timor, informa ba jornalista sira bainhira remata enkontru ho Presidente Republika Taur Matan Ruak, iha Palasiu Presidente Republika Nicolau Lobato, Dili, Kuarta (13/01/2016).

Pontus konkretu neebe ke ohin ami koalia ba vizita entidades boot sira ba ita nia rai, purexemplu dia 25 Presidente Republika Indoensia Joko Widodo sei mai vizita Timor Leste,” dehan Lere.

Nudar nasaun vizinhu tuir Major Jeneral Lere katak, tenke hatudu komportamentu neebe diak, atu nunee ema labele hanoin negative ba Timor Leste. Informasaun kompletu iha STL Jornal no STL Web, edisaun Kinta (14/1/2016). Carme Ximenes

Suara Timor Lorosae

TL-Indonesia Kontinua Hametin Relasaun Bilateral, Hernani: “Sei rejolve Fronteira Martima no Trestre”

DILI – Indonesia ho Timor Leste oras nee kontinua hametin nafatin relasaun liu husi area oin-oin, hodi rejolve hamutuk problema neebe mak pais rua nee infrenta.

Tuir Ministru Negosiu Estranjeiru no Koperasaun (MNEK), Hernani Coelho, ba jornalista sira iha Palacio Governu wainhira remata reuniaun hamutuk ho ekipa Indonesia nian neebe mak lidera husi Ministru Koordenador Assuntos Polítiko, General TNI (Rtd) Luhat Panjaitan, hatete iha asuntu barak mak koalia inklui mos sei rejolve fronteira martima nomos trestre.

Iha vijita nee ami kolia konaba asuntu koperasaun nian entre Timor Leste ho Indoneisa no iha inkontru badak nee ami kolia asuntu lubuk ida neebe mak konsidera importante tebes ba relasaun pais rua nee nomos halo avaliasaun ba progresu rai rua nee nomos hare ba asuntu neebe mak persija hare ba loron oin mai iha tinan ida nee asuntu sira nee mak hanesan konba fronteira ninia, ekonomia, koperasaun iha area defeza no siguransa,” dehan Hernani.

Nia hatutan konaba linha fronteira entre TL-Indonesia oras nee iha segment rua mak seidauk rejolve, liu-liu iha area trestre mak hanesan iha Citrana-Pasabe (Oecusse) nomos Naktuka, Bijalsunan nomos Oben no iha inkontru nee TL-Indonesia iha akordu ida sei halo vijita konjunta hodi hare jona rua nee hodi bele rejolve.

Iha fatin hanesan Ministru Interior, Longuinhos Monteiro, hatete TL sei propoin atu hametin koperasaun iha linha fronteira konaba siguransa nian. Informasaun kompletu iha STL Jornal no STL Web, edisaun Kinta (14/1/2016). Thomas Sanches/Timotio Gusmao

Suara Timor Lorosae

Ministru Indonesia Luhut ho Retno Enkontru ho Taur

DILI - Ministru Koordenador Assuntus PolItiko, jeneral TNI (Rtd) Luhut Panjaitan ho Ministru Administrasaun Interna, Tjahjo Kumolo, halo enkonrtu ho Presidente Republika Taur Matan Ruak, iha Palasiu Presidente Republika Nicolau Lobato.

Ministru Koordenador Assuntus PolItiko, jeneral TNI (Rtd) Luhut Panjaitan ho Ministru Administrasaun Interna, Tjahjo Kumolo ho ekipa neebe akompania husi Ministru Negosiu Estrangeiru no Kooperasaun, Hernani Coelho too iha Palasiu Presidente Republika Nicolau Lobato iha tuku 10:30 hodi halao enkontru hamutuk ho Presidente Republika Taur Matan Ruak.

Hafoin remata enkontru Ministru Koordenador Assuntus Politiku, Jeneral TNI (Rtd) Luhut Panjaitan ba jornalista sira hatete, Ohin mai iha nee koalia ho Presidente Republika Taur Matan Ruak, konaba tempu pasadu, momentu neeba nia sei servisu iha Timor Leste, iha Municipiu Viqueque, Ossu.

Ohin ami kolia ho Presidente Republika Taur matan Ruak konaba tempu pasadu neebe mak hau halao servisu iha Timor Leste, iha Municipiu Viqueque, Ossu, no Presidente mos momentu neeba iha Viqueque,” dehan Ministru Luhut ba jornalista sira, hafoin remata enkontru ho PR Taur iha Palasiu PR Nicolau Lobato, Kuarta (13/01/2016).

Nia hatete, alende koalia esperensia no istoria iha tempu pasadu, sira mos koalia konaba esperensia nasaun Indoensia nian iha parte dezemvolvimentu, tempu Presidente Jokowi ninian, oinsa iha ninia Governu nee bele halao servisu ho efisiensia.

Iha fatin hanesan Ministru Negosiu Estrangeirus no Kooperasaun, Hernani Coelho hatete, enkontru kortezia neebe tama iha programa vizita Jeneral Luhut, Ministru Kordenador Asuntu Politika, Justisa, Defesa no Seguransa Nasional, enkontru ida nee dala uluk atu mai komprementa Presidente. Informasaun kompletu iha STL Jornal no STL Web, edisaun Kinta (14/1/2016). Carme Ximenes

Suara Timor Lorosae

FM-UDT Optimista Elisaun 2017 Hetan Kadeira 10

DILI - Partidu Frente Mudansa optimista sei hetan kadeira 10 iha elisaun jeral 2017 tamba oras nee servisu diak iha munisipiu sira, maibe partidu Uniao Demoktariku Timorense (UDT) menimu hetan Kadeira 2.

Tuir Prezidente Partidu Frente Mudansa Jose Luis Guterres hatete objetivu politiku neebe kada partidu halo Partidu Frente Mudansa hakarak aumenta numeru deputadu iha Parlamentu Nasional iha elisaun jeral 2017.

Elisaun 2017 ami hakarak aumenta ami nia numeru deputadu nian 10 iha Parlamentu neebe ami nia militantes sei servisu nee hanesan tetu ida neebe mak ami buka,” dehan Jose ba Jornalista Tersa (12/01/2016) iha PN.

Nia hatete se nai maromak no matebian tulun Frente Mudansa bele konsege maibe nee hanesan previzaun restu nain maromak mak hatene, Frente Mudansa prontu kompete no frente mudansa sei ba nafatin.

Iha fatin hanesan Prezidente Partidu UDT Gilman Santos hatete desde UDT halo kongresu iha 2014 komesa halao aktividade ona iha baze, hanoin katak iha preparasaun neebe diak atu kompete iha elisaun zeral 2017.

Iha fatin ketak Sekretariu Jeral Partidu Demokratiku (PD), Mariano Asanami Sabino hatete, Partidu Demokratiku nudar partidu neebe nia iha liu-liu responsabelidade mandatu atu konstroi Estadu ida nee sai Estadu Republika Demokratiku. Informasaun kompletu iha STL Jornal no STL Web, edisaun Kinta (14/1/2016). Timotio Gusmao

Suara Timor Lorosae

Alvu ZEESM Ba Ema Ne’ebé Matenek

Veteranu balun iha Oe-Cusse kestiona sosializasaun ba Zona Espesiál Ekonomia Sosiál Merkadu (ZEESM). Tendensialmente, sosializasaun ZEESM ba de’it matenek sira iha vila laran maibé ba povu sira iha área rurál lae.

Atu hatene kle’an, veteranu no lia na’in Oe-Cusse, José Ote (JO) ko’alia ba jornalista sira iha nia rezidénsia, Masin Boot, Oe-Cusse, 28 Novembru 2015.

JORNALISTA: Nu’udar ema veteranu ida, oinsá ita nia haree kona-ba projetu ZEESM ne’ebé hala’o daudaun iha Oe-Cusse?

JO: Kona-ba ZEESM ne’e nia mai lori dezenvolvimentu ida parte aspeitu fíziku. Maibé ha’u simu, aspeitu fíziku no la’os fíziku tenke la’o hanesan. Iha ekivalénsia. Labele todan ba parte ida tanba Oe-Cusse ne’e rai ida ne’ebé Timor nia orijen ne’e hosi ne’e. Ne’eduni, nia la’os o orgullu no patarata de’it tanba haree ba buat ne’ebé matan kona no nabilan. Maibé tenke haree mós saida maka valores umanas nian.

ZEESM ne’e agora seidauk. Ita maka naran uza ZEESM ne’e tau ba kareta no ba surat, maibé afinal kuandu ita haree loloos ne’e ZEESM seidauk tama. Investimentu ne’ebé agora tama iha ne’e para dezenvolve mega projetu sira ne’ebé la’o daudaun ne’e investimentu hosi governu RDTL.

Ita haree realidade hatudu katak festa ida ne’e ita halo hanesan evidénsia ida. Tanba saída maka povu suku 18 la tún mai para festeza loron akontesimentu rua ne’e. Ha’u haree partisipasaun povu Atoni iha suku 18 ne’e la partisipa. La partisipa tanba Governu la fó importánsia ba povu ida ne’e. Iha orsamentu, maibé lakohi aloka ba iha komisaun para halo oinsá movimentasaun povu ne’e bele mai.

JORNALISTA: Onsá ita nia haree kona-ba sosializasaun ZEESM nian ba iha komunidade?

JO: Ha’u mós komunidade, maibé ha’u haree sosializasaun ZEESM nian ba komunidade ne’e só primeiravez de’it kuandu seidauk tama autoridade tanba ZEESM ho autoridade mai uluk ne’e, señor Marí Alkatiri maka lori. Sira mai, sosializa de’it iha vila laran. Seidauk to’o iha povu. Nia alvu ne’e ba de’it ema sira ne’ebé matenek, maibé ba povu ne’e seidauk iha.

JORNALISTA: Sosializasaun ba ZEESM ne’e liu-hosi igreja ho autoridade lokál, to’o ohin loron ne’e la’o oinsá?

JO: ZEESM mai uluk tanba foti ona prezidente ZEESM ne’e maka señor Marí Alkatiri, entaun nia mai kedas ho nia ekipa maka sosializa. Sira iha ona estatutu ida kona-ba ZEESM ne’ebé ba ekonomia de’it, depois sira halo tiha sira nia programa hotu aprezenta iha Parlamentu ne’ebá.

Entaun, sosializasaun tuir mai maka ZEESM mai hamutuk ho Governu. Depois sira haree atu hili tan boot ida ba autoridade, maibé labele tanba sé lae mosu dualizmu lideransa (pemimpin rua) entaun di’ak liu Marí Alkatiri de’it maka Prezidente ZEESM no autoridade.

JORNALISTA: Kolaborasaun entre lideransa ZEESM ho igreja no liu-liu mós ho veteranu sira iha Oe-Cusse ne’e oinsá?

JO: Ho igreja kala ko’alia ho amu sira no ho veteranus sira, veteranu balun iha sistema laran, maibé balun iha liur. Seidauk túr hamutuk para rona sosializasaun, maibé atu koopera ho parte seluk seidauk.

JORNALISTA: Iha programa ZEESM ne’e, ita hanesan veteranu hateke ba keta iha involvimentu partidáriu ruma ka lae?

JO: ZEESM agora dadauk nia seidauk iha projetu iha ne’e. Projetu sira ne’ebé la’o dadauk agora ne’e projetu autoridade tanba orsamentu ne’e mai hosi orsamentu jerál RDTL. ZEESM ne’e pur-enkuantu sira nia investimentu ne’e sei iha liur ne’ebá. Seidauk tama mai.

Mega projetu hirak ne’ebé harii iha ne’e preparasaun atu sai ba ZEESM. Tanba laiha sosializasaun ne’e maka ema hotu hatene dehan ZEESM, no tanba governu ida ne’e mós nia promove liu ZEESM duké autoridade.

Parte partidária, ha’u haree envolvimentu povu Oe-Cusse ba projetu sira ne’e, la’os direta. Iha jardin balun maka la liu-hosi prosesu tenderizasaun nian—hatudu de’it. Sé fahe de’it keta iha interese partidarizmu, maibé povu balun ko’alia katak ita agora la’o daudaun ne’e ita iha iterese partidarizmu iha laran.

JORNALISTA: Iha estrutura ZEESM nia laran ne’e ita nu’udar veteranu haree ba akumula ema hotu ka iha mós intensaun ruma katak iha ne’ebá iha partidária nia laran?

JO: Ha’u hanoin iha interese partidarizmu, tanba xefi departamentu sira antes ne’e troka hotu. Tanba troka maka ita bele hatete katak partidarizmu, ida ne’e iha.

JORNALISTA: Haree ba projetu ZEESM ne’ebé maka la inkluzivu, saida maka Oe-Cusse oan no mós veteranu sira  halo para ba oin bele halo mudansa ba estrutura ne’e?

JO: Ita labele tauk malu no adora malu. Labele adora sé maka autoridade ne’e. Kuandu hean naksalak ruma tenke ko’alia tanba ita iha demokrásia nia laran. Iha ona preparasaun para ita haree to’ok buat ida ne’e. La’os ita atu ko’alia krítika atu lori fali violénsia no krime. Maibé ba oin ita sei haree buat sira ne’e. Ita sei hatudu krítika ida.

JORNALISTA: Krítika ne’e rasik sei iha hanoin ruma atu boikota serbisu ZEESM nian ka lae ou ba serbisu administrasaun nian?

JO: Laiha boikota no impata ruma. Ita kontinua, maibé tenke hadi’a hosi karakter no atetude katak sé maka governu. Ita atu ba iha boa governasaun ne’e atetude hanesan ida ne’ebé maka ita presiza. Tanba ke halo, ema ne’ebé maka ita koloka hanesan autoridade iha atetude ida ne’ebé ditadura. Tanba ita sei la hetan fatin atu bele ko’alia.

JORNALISTA: Estrutura iha ZEESM ne’e keta iha ema FRETILIN nian de’it karik?

JO: Simi. Faktu maka ne’e, tanba saida maka troka hotu xefi departamentu sira ne’ebé antes ne’e la’os ema FRETILIN. Mai hasai hotu ema sira ne’e tau ema FRETILIN, ne’e maka partidarizmu iha.

JORNALISTA: Signifika katak dezenvolvimentu oras ne’e daudaun parte fíziku la’o, maibé administrasaun la la’o?

JO: Sim. Fíziku la’o, maibé governante sira ko’alia katak tenke iha mentalizasaun no konsiensializasaun, maibé ne’e ko’alia de’it tanba dala hira maka ita ba halo mentalizasaun ba povu. Ita só gosta haree projetu tanba iha ne’ebé iha nia persentájen.

JORNALISTA: Antes ne’e hosi parte autoridade ZEESM no membru governu sentrál balun hateten katak  molok komemora loron 500 evanjelizasaun nian ho tinan 40 proklamasaun ba independénsia, infraestrutura balun hanesan otél cinco estrela ne’e prontu hotu ona, maibé realidade la hatudu. Oinsá ita boot nia haree?

JO: Ha’u haree impaktu ne’e tanba atraju hosi orsamentu. Osan atu sai hosi banku ou hosi Ministériu Finansas ne’e atraju atu fó ba kompañia ne’ebé manán tenderizasaun sira. Ne’eduni, traballadór sira abandona tiha serbisu ne’e ba fali sira nia rai, inklui Singapura.

Ne’e ita ko’alia bazeia ba faktus. Seluk fali tanba serbisu ida ne’e bazeia ba kualidade. Ne’eduni, tempu ba preparasaun komemorasaun tinan 500 ne’e limitadu teb-tebes atu ramata ho projetu sira ne’e.

JORNALISTA: Oinsá relasaun entre lideransa ZEESM ho veteranu no povu baibain sira?

JO: Kona-ba Prezidente Marí Alkatiri ne’ebé reprezenta autoridade, nia relasaun ho povu ok. Ita kompriende katak nia la’os natural de Oe-Cusse. Aprosimasaun ho povu depende ba komunikasaun.

JORNALISTA: Ita nia observasaun jerál kona-ba benefísiu direta projetu ZEESM ba povu Oe-Cusse oinsá?

JO: Banefísiu direta ha’u seidauk haree. Ha’u haree de’it maka projetu sira ne’e afeta ema nia uma, rai no ai-oan. Ida ne’e tuir loloos ne’e iha kompensasaun, maibé aban bainrua maka iha. Agora daudaun ne’e seidauk.

Benefísiu ne’e sei fó maibé agora daudaun ne’e ita seidauk sente katak fó benefísiu. Só aban ho bainrua karik, tanba aeroportu, ponte no irigasaun sira ne’e aban ho bainrua povu sei hetan benefísiu.

Entretantu, Sekretáriu Asuntu Sosiais ZEESM, Arsenio Paixão Bano hateten katak, iha projetu boot lima (5) hanesan irigasaun, aeroportu, portu no estrada iha pakote rua (2) no ponte maka oras ne’e dau-daun 40 pursentu la’o di’ak.

Responde kona-ba informasaun balun ne’ebé hateten katak lideransa ZEESM balun iha dezintendimentu ho parte igreja no veteranu, nia esplika katak “Ami laiha dezintendimentu. Dezintendimentu saida. Ha’u nunka rona. Husu de’it ba amu pároku. Sé sira iha problema, problema saida,” nia dehan ba Jornál Matadalan hafoin partisipa iha serimónia komemoarasaun tinan 40 proklamasaun independénsia nian iha Palaban, Oe-Cusse, Sábadu (28/11/2015).

Nia dehan, durante ne’e, sira nia kolaborasaun ho igreja la’o di’ak. “Igreja ami maka rehabilita—autoridade maka fó apoiu. Komisaun igreja ninian atu halo programa sira tomak, autoridade maka fó apoiu. Hosi dekorasaun to’o misa sira ne’e autoridade maka fó apoiu,” nia haktuir.

Aleinde ne ‘e, Matadalan tenta atu konfirma asuntu ne’e ba Pároku Parókia Santu António Oe-Cusse, Pe. Albino Márques, maibé nia lakohi fó komentáriu ba asuntu ne’e. “Imi mai derepente de’it ha’u atu ko’ia saída. Tuir loloos imi fó hatene uluk para ita konsep tiha ga,” amu hateten ba Matadalan iha nia rezidénsia. (Jon)

Matadalan

Lideransa Foun RENETIL Juramentu

Iha loron proklamasaun independénsia ba dala 40 no selebrasaun tinan 500 misionárius sira tama iha Timor, Resisténsia Nasionál dos Estudantes (RENETIL), realiza juramentu daruak ba lideransa foun.

“RENETIL nia inkontru ida ohin ne’e mai ha’u buat ida ne’ebé furak teb-tebes, tanba halo hanesan Nicolau Lobato hatete dehan katak ida ne’e jerasaun ida ne’ebé hahú hola konsiénsia nasionál ho inkonfundível liu-hosi ahuk-desan,” Pároku Parókia Santu António Manatuto, Pe. Martinho Gusmão dehan ba jornalista Matadalan iha Sede RENETIL, Farol, Díli, Sábadu (28/11/15).

Nia aumenta tan katak atividade RENETIL nian ne’e hanesan grupu ida ne’ebé existe iha  ahuk desan, ema soe ita iha ahuk desan laran ita tenkiser hanoin kona-ba ita nia futuru.

Padre Paroku Parokia Manutu ne’e dehan RENETIL hakarak mantein nia kontinuidade no RENETIL sai nafatin konservatóriu nasionál ida atu transmite nasionalizmu ne’e nu’udar kaixa polítika ida. “nu’udar RENETIL antigun nian, ami hakarak kontribui ba buat ne’ebé ami iha ba jerasaun sira,” nia tenik.

Padre klarifika liu tan katak ita halo hanesan kaderizasaun tanba partidu polítiku sira iha Timor ohin loron ne’e la iha ona kaderizasaun, naran fokit ida hatama mai deputadu, Hanoin nia mós intelektual hotu, la iha ou sai ministru ka sekretariu estadu nia hanoin dehan nia mós intelektual akadémika ida, lae nia praktisi polítik maibé la’os intelektual polítik ne’e duni RENETIL  konserva nafatin ida ne’e.

“Tanba ita la iha intelektual polítika aban-bain rua ema mak halo análiza polítika ba ita sala hotu. Selebrasaun tinan 500 ne’e mai hosi analiza polítika ida ne’ebé keliru i ita selebra kekeliruaan no ita kontinua menikmati kekeliruan,” nia haktuir.

Alende ne’e lideransa foun RENETIL Jóse da Silva alias (La Baruk), hateten iha prosesu juramentu hanesan bai-bain uluk hahú mós jerasaun tuan sira tenki jura  la’os jura ba buat at, maibé jura ba buat tolu (3), jura ba maromak, povu no ba rai ida ne’e, atu responde ba futuru nasaun ida ne’e ba oin.

Nia esplika liu tan katak estudante ida ne’ebé mak hakarak hariku nia matenek iha organizasaun ida, ita prezisa atu aprende barak iha ne’eba atu nune’e iha futuru mai ita bele halo dezenvolvimentu ida ne’ebé mak iha sustentabilidade.

“Estudantes hotu-hotu ne’ebé mak hakarak involve iha organizasaun liu-liu ba RENETIL rezistu ba dezenvolvimentu nasional no hasai povo hosi ki’ak no mukit entaun ita tenki prezisa fiar an la’o ba oin hodi servi no la baruk hodi halo dezenvolvimentu, la baruk hodi aprende iha prosesu ruma i badinas hodi servi rai ida ne’e. Se badinas hodi servi rai ida ne’e la signifika katak estudante tenki estuda maka’as maibé badinas hodi aprende iha organizasaun, la bele baruk hodi aprende no fiar an atu integra iha organizasaun,” nia haklaken.

Iha parte seluk fundador RENETIL, Carlos da Silva alias “Saky” hateten objetivu prinsipál mak durante okupasaun Indonesia, Timoroan barak maka ema oho, dadur, soe ba kastigu iha Atauro no fatin sira seluk. Hanesan estudante ita la bele tuur haree de’it, estudante tenki ser sai forsa da guarda hanesan barisan terdepan.

“Estudantes sira mak tenki hamri’ik iha povu nia oin para hodi luta, la’os hosi sorin ka kotuk, hanesan estudante ninia preokupasaun ladun barak hanesan ema sira ne’ebé la’os estudantes. Estudante mós sai hanesan fatór transformadór iha rai hotu-hotu,” nia dehan.

Saky salienta tan katak RENETIL la’os de’it sai hanesan instrumentu ida, oinsa mak apoia komandu da luta hodi mobiliza estudante, povu no joven hotu-hotu hodi luta ba libertasaun nian.

Resisténsia Nasional dos Estudantes (RENETIL), fó juramentu daruak ba lideransa foun hamutuk mane nain 25 no lideransa foun RENETIL primeiru hamutuk 20 kompostu hosi feto ida (1), mane nain 20. Total lideransa foun RENETIL nian hamutuk nain 45. (Julia)

Matadalan

Lei Antí Korupsaun Feruzen iha Gaveta PN

La’os buat foun ona, maibé ezijénsia hosi fat-fatin hato’o ba Parlamentu Nasional (PN) kona-ba atu aprova Lei Antí-Korupsaun (LAK) bebeik ona akontese, maibé LAK to’o ohin loron sai feruzen (karat) iha gaveta Parlamentu Nasional (PN) nia laran.

Atu hatene tanba saída maka husu Parlamentu Nasional atu aprova LAK, tuir mai akompaña entrevista eskluzivu ne’ebé jornalista hosi Jornál Semanál Matadalan (MTD) halo ho entidades sosiedade sivíl, Sergio Mowra (SM), iha nia kna’ar fatin, Kinta (4/12/2015).

MTD: Tuir ita-boot nia observasaun, Timor-Leste sei iha posibilidade para kombate korupsaun ka lae?

 SM: Tuir ha’u nia observasaun, Timor-Leste sei iha posibilidade ba kombate korupsaun karik iha lei ida ne’ebé forte atu nune’e hosi parte kompetente (KAK) hanesan komisaun ida ne’ebé ko’alia kona-ba korupsaun bele hala’o sira nia kna’ar tuir duni baze legál. Ho Lei ne’ebé forte ha’u fiar katak Timor-Leste bele reduz ou kombate korupsaun.

MTD: LAK iha implikasaun ba prosesu kombate korupsaun?

SM: Karik lei iha ha’u fiar katak KAK bele garantia atu reduz korupsaun. Ita atu aplika ka implementa buat ruma karik laiha baze legál ka lei ne’ebé forte. Ha’u senti saugati ita hala’o kna’ar refere. Tanba Buat hotu-hotu baseia ba lei.

MTD: Ita-boot bele hato’o hanoin ruma kona-ba saída maka provoka ema hodi halo korupsaun?

SM: Iha buat barak maka provoka ba individu atu halo korupasaun, ida ekonomia familia ne’ebé la sufisiente, ida maka gensi (hakarak moris iha di’ak nia laran).

Buat sira ne’e maka provoka autor ne’e atu kria korupsaun, la’os ne’e de’it, barak maibé ha’u senti rua (2) ne’e mós bele responde ona.

MTD: Korupsaun nia implikasaun ba nasaun maka saída?

SM: Ita haree ba iha parte governu nasaun sei la buras. Atu atinji mehi hanesan boa governsaun sei la sai realidade ne’e ema bolu mal governasaun.

MTD: Ita-boot nia haree, durante prezensa VI Governu Konstitusional ne’e, iha ka lae vontade kombate korupsaun?

SM: Tuir ha’u nia haree  maizumenus iha, tanba ho sistema Primeiru Ministru (PM) ida agora katak atu halo poupansa, ne’e bele salva ona osan estadu nian balu. Importante maka lei ka baze legál ne’e husu atu bele iha aprovasaun lalais.

MTD: Sosiedade tomak tenki halo saída hodi kombate korupsaun?

SM: Sosializasaun estudu no formasaun  importante atu bele fó hanoin hela de’it mai ita atu labele monu ba tentasaun korupsaun. (David)

Matadalan

Estudante Soe Bebé iha Lágua Tasi-Tolu

Ema deskoñesidu soe bebé iha ai oan laran Lágua Tasi-Tolu, Suku Comoro, Munisípiu Díli iha Segunda (11/01/16) tuku  6:00 lokraik. Bebé oan ne’e falun iha pasta kor azúl laran ne’ebé maka falun tan ho plástiku mean ida.

Tuir informasaun ne’ebé maka jornalista Matadalan rekolla hosi Xefi Bairu Lágua, Alex Soares da Costa  katak bebé oan ne’e hetan hosi labarik sira ne’ebé maka halimar iha ai oan laran tiru manu. Deskonfia, bebé oan ne’e soe hosi feto na’in rua ne’ebé maka ho motór bebek  ida uza farda eskola nian maka lori bebé oan ne’e mai tara sa’e iha ai leten.

“Labarik sira ne’ebé maka tiru manu fuik la’o tun la’o sa’e iha ne’e maka hetan katak feto na’in rua maka lori bebé oan ne’e mai tara sa’e iha ai leten ne’e,” Alex dehan iha Tasi-tolu, Dili, (11/01/2016).

Komunidade sira ne’ebé maka  hela iha área ne’ebá hateten katak bebé oan ne’e maizumenus foin fulan haat iha isin maka  abortus de’it.

Observasaun jornalista Matadalan nota katak  komunidade iha área ne’ebá kuaze sai tomak hodi ba  asisti bebé ne’e. Bebé ne’e komunidade sira  intrega ona ba Polísia Investigasaun atu halo investigasaun  ba kazu ne’e. Polísia Investigasaun to’o kedas iha fatin akontesementu hodi lori  ba halo investigasaun iha tuku 20:00 kalan.

Celso Filipe Ximenes nu’udar juventude ida iha Bairu Lágua senti triste, tanba ema ne’ebé maka soe bebé ne’e laiha responsabilidade no hahalok hanesan animál. “Ita hatene halo de’it maibé lahatene responsabilidade ba ita nia hahalok,” Celso tenik.

 Nia dehan, hahalok ne’e krime tanba konsidera oho ema. Nia hatutan labarik mós iha direitu atu moris maibé tan de’it laiha responsabilidade hodi estraga fali labarik. (Arif)

Matadalan