Kestaun Forma Governu Fretilin Seidauk Bele Fo Komentariu

DILI – Partidu Fretilin seidauk bele fo komentariu konaba formasaun VII Governu, tanba komisaun politika nasional foin halo reuniaun hodi diskute konaba asuntu ida nee.

Maibe iha parte ketak Konsileiru Partidu Khunto Jose do Santos Naimori hateten, partidu Kmanek Haburas Unidade Nasional (Khunto) prontu servisu hamutuk ho partidu Fretilin, bainhira partidu nee bolu Khunto hodi forma Governu.

Tuir Vise Prezidente Partidu Fretilin Francisco Miranda Branco hateten, Fretilin seidauk bele fo komentariu ba asuntu formasaun Governu, tanba komisaun politika nasional sei halo reniaun.

Ami Seidauk iha kontaktu neebe seidauk bele kolia buat ida, tanba komisaun politika nasional orsida loraik 16:00 maka foin reuni konaba asuntu ida nee,” dehan Branco ba STL, iha PN, Dili, Segunda (07/08/2017).

Entretantu bainhira jornalista sira atu konfirma asuntu formasaun VII Governu ba Sekertariu Jeral Partidu Fretilin Mari Alkatiri, maibe Sekjer Partidu FRETILIN Mari hateten, seidauk bele halo komentariu ba asuntu ida nee.

Enkuantu iha parte seluk Konsileiru Partidu Khunto Jose dos Santo Naimori hateten, Fretilin kontaktu no fo ona konvite ba partidu Khunto, tanba nee Khunto prontu atu kolabora hamutuk ho partidu FRETILIN. Carme Ximenes/Justinho da Costa

Suara Timor Lorosae

Khunto Garante Sei Lamosu Eleisaun Antisipada

DILI - Prezidente partidu Khunto Armanda Berta dos Santos hateten, Partidu Khunto sei garante insidensia iha Parlamentar, atu nunee labele hamosu eleisaun antisipada.

Ami partidu Khunto fiar katak partidu sira bele servisu hamutuk iha insidensia Parlamentar nee, atu nunee labele hamosu eleisaun antisipada, tanba ita hakarak povu moris iha paz no hakmatek,” dehan Prezidente Partidu Khunto Armanda, ba STL, iha ninia hela fatin, Surikmas, Dili, Segunda (07/08/2017).

Nia dehan, Hanesan feto aumesmu hanesan mos Prezidente partidu Khunto neebe maka sai deputadu iha teresira kuatru lejislatura, nia sei esforsu makas hato feto maluk sira nia aspirasaun iha Parlamentu, tanba nia sai deputada laos ba partidu Khunto deit, maibe ema hotu.

Iha parte ketak  Vise Prezidente Partidu (PLP), Fidelis Mangalhaes katak, kona ba eleisaun antesipada nee laos ba Partidu PLP atu garante nee, maibe depende ba viabilidade i governabilidade husi proposta partidu ida neebe mais votadus ou partidu mai husi AMP.

Entretantu  Vise Sekretariu Ezekutivu Partidu PD, Rui Menezes katak kona ba eleisaun antesipa Prezidente Republika Lu Olo halo nia esforsu tomak atu bele garante no produz governu ida nee mak moris estavel hodi garante estabilidade ba paz no governu neebe mak dura duni ba iha tinan 5 nia laran. Carme Ximenes/Justinho da Costa

Suara Timor Lorosae

Ukun Teknokrátiku Solusaun ba Koligasaun-Aliansa

DILI, (TATOLI) - Diretór Asosiasaun HAK, Manuel Monteiro konsidera promove governasaun teknokrátika nu’udar solusaun polítika hanesan koligasaun ka aliansa tanba ne’e sujere ba FRETILIN (Frente Revolução de Timor-Leste Independente) nu’udar partidu vensedór tenke halo avaliasaun ba ukun tinan 15 liubá ne’e.

“Kona-ba saida mak seidauk di’ak. Depois eskolla ema ne’ebé mak atu ba sai ministru, vise-ministru no sekretáriu estadu tuir abilidade ne’ebé mak iha,” hateten Diretór Asosiasaun HAK, Manuel Monteiro ba ajénsia Tatoli iha nia kna’ar fatin, Farol, Díli, ohin.

Nune’e mós, ema ne’ebé eskolla hodi asume kargu tenke iha patriotizmu, nasionalizmu tan bainhira maske ema iha méritu doutór, profesór doutór no seluk tan la iha espiritu rua ne’e sei hanoin de’it mak na’uk. Tanba ne’e, importante mak tenke halo avaliasaun ida di’ak duni.

PN Konfirma Ona Lei Investimentu Privadu

DILI, (TATOLI) –  Parlamentu Nasionál (PN) ohin, halo ona konfirmasaun ba Lei Investimentu Privadu ho votu a favór 44, abstensaun ida no kontra 0.

  

Prezidente PN, Adérito Hugo da Costa hatete PN sei prepara konfirmasaun tuir regra hodi haruka imediatamente ba Prezidente Repúblika iha tempu badak, nune’e bele promulga iha prazu loron ualu.

Deputadu José Luis Guterres husi bankada Frente Mudansa ne’ebé ho votu abstensaun iha nia intervensaun katak tempu atu hanoin dalan foun ba país iha partikulár polítika ekonómika ba rai ida ne’e.

“Haree esforsu di’ak mai husi Governu buat balun la’o ona maibé sente sé ita kontinua nafatin iha prosesu ida ne’e ha’u lafiar katak Nasaun ida ne’e sei hetan dezenvolvimentu ida ne’ebé ekilibradu, ne’ebé bele benefisia ba ita-nia povu, tanba ita fó fasilidade barak tebes ba setór privadu ba rai seluk. Ita lafó insentivu barak ba setór privadu nasionál nomós ba povu agrikultór, fundamentu ita-nia mandatu hanesan polítiku atu serví povu ida ne’ebé hela iha foho ne’ebá nomós iha sidade, ho hanoin ida ne’e mak ha’u abstensaun iha fatin ida ne’e tanba ita presiza haree dalan foun ba rai ida ne’e”, deklara nia iha intervensaun votu.

PR Lú Olo Preokupa ho Kazu Korupsaun

DILI - Prezidente Republika (PR) Francisco Guterres Lú Olo preukupa ho kazu korupasaun neebe maka oras nee mosu iha rai laran.

Lia hirak nee hatoo husi nee Prokurador Jeral Republika (PJR) Jose Ximenes hafoin remata enkontru semenal ho Presidente Republika Francisco Guterres Lú Olo, iha palasiu Pesidensial Bairo Pite, Segunda (7/8/2017).

Tuir Jose Ximenes katak Prezidente Republika preukupa tebes ba kazu korupasaun sira neebe maka lao iha rai laran, preukupasaun nee laos foin maibe desde uluk, no ba problema nee rasik husi Ministeriu Publika mos preukupa.

"Ami nian Preukupasaun mos ba kazu korupasaun sira portantu Prezidente Republika husu para Prokurador Jeral nafatin matein posisaun hodi prosesu ba kazu hirak refere no ba kazu krimi sira neebe maka iha para bele lao ba oin liu tan,” dehan nia.

Nia hatutan liu tan ba kazu neebe maka rezita relasiona ho ida nee maka kazu sira neebe maka rezista desde uluk, hanesan iha 2003 noo 2014 neebe maka balu desizaun sai dadauk nee, maibe sei iha balun neebe lubuk boot ida iha tribunal.

Hatan kona ba Prezidente Republika nian preukupasaunb ba kazu korupasaun neebe maka komete husi membru governate balun Jose hateten Prezidente Republiku husu Ministeriu Publiku tenke mantein nafatin prinsipiu igualidade iha legalidade, kuandu sala nee sala tamba ema hotu iha lei nian oin hanesan Equality Before de Low. Natalino Costa

Suara Timor Lorosae

Ema Seluk Merese Troka Kalbuadi PN

DILI – Relasiona ho rejignasaun sekretariu jeral CNRT Francisco Kalbuady ih lista kandidatura Parlamentu Nasional, tuir jurista Manuel Tilman CNRT tenki iha ona kandidatu seluk antes tomada de pose iha PN.

Tuir Manuel Tilman katak, lista kandidatura husi partidu CNRT neebe mak hakarak rejignaan inklui Xanana mos rejigna aan mos los hela, maibe sira iha konsensia ida, Katak antes tomada de pose sai tiha no sira seluk neebe mak iha lista kotuk nee bele tama fila fali no lei preve buat sira nee hotu.

Tribuanl Rekursu legaliza lista kandidatura deit kuandu atu ba kandidatura ida iha manual oan ida katak iha fotografia tenke iha no sira nia kurikulum no iha krime ruma ka lae rejistu kriminal lolos husu maibe iha manual nee parese la husu nee mak kriminal mos tama hotu ba iha deputadu toma tiha pose no husu rejignasaun mos belE,” dehan Tilman ba jornalista sira, iha Praia dos Coqueiros, Domingo (07/08/2017).

Iha fatin ketak, Diretor Ezekutivu JSMP Luis Oliveira Sampaio katak hirak neebe mak sai husi lista kandidatura ba Parlamentu Nasional tuir lei la iha problema.

Nunee mos, Sekretariu Jeral Partidu CNRT, Fransisco Kalbuadi Lay katak iha loron Sesta (04/08) deklara katak kuandu rejignaan husi lista kandidatura fo fatin ba ema seluk iha Parlamentu Nasional, tamba iha CNRT ema barak neebe mak merese atu troka tamba direitu preorigativu ema ida nian. Domingos Piedade/Natalino Belo

Suara Timor Lorosae

Akademiku Husu Lideransa Istoriku Hametin Estabilidade

DILI - Akademiku Timor oan sira husu ba lideransa istoriku hanesan maun boot Xanana Gusmao, Alkatiri, no maun Jose Ramos Horta atu hamutuk no hametin nafatin estabilidade nasaun nian metin nafatin ba future. Tamba povu hakarak hakmatek iha ambiente pas.

Lia fuan hirak nee hatoo husi Reitor Instituto Of Bisnis (IOB) Augusto da Conceicao Soares, ba STL iha Farol Dili Segunda, (7/8/2017). Nia dehan katak eleisaun antisipada sei lamosu tamba gasta orsamentu estadu barak. Maibe nia fiar nafatin ba lider istoriku sira atu hamutuk no tur hamutuk atu kualia oinsa hari estabilidade.

Tuir hau nia hanoin katak elisaun antisipada sei lamosu tamba gastu orsamentu estadu. Tamba nee husu mos ba liders istoriku sira hanesan Xanana, Alkatiri, no Ramos Horta atu hamutuk hari estabilidade nasional. Nunee mos ami husu atu tau ema indepedente sira iha governasaun foun nebe mai,” nia dehan.

Tamba estabilidade nasional importante tamba nee maka husu ba liders istoriku sira no parpol neebe liu bareira 4% tenki buka nafatin atu akomula partidu tuan no partidu kikoan sira seluk, neebe liu bareia iha Parlamentu Nasional nunee mos husu atu akomula nafatin ema indepedente sira iha governasaun nebe mai.

Sekertariu Jeral Conselu Nasional Juventude Timor Leste (CNJTL) Luis Mendes Ribeiro, dehan nudar pesoal nudar mos nudar organijasaun fiar nafatin ba maun boot sira atu buka solusaun no sei tur hamutuk hare ba kestaun ida nee. Atu labele labele mosu elisaun antisipada tamba gastu orsamentu estadu. Justinho Manuel

Suara Timor Lorosae

RTTL - REPORTAGEM MEIO DIA

RTTL

CNRT Hasai Rezolusaun Suspende Xanana Demite husi Kargu

DILI, (TATOLI) - Konfrensia Nasionál Partidu Kongresu Nasionál Rekonstruksaun Timor-Leste (CNRT) iha loron da-ikus, Ohin, Domingu (06/08) hasai ona rezolusaun ida hodi suspende demisaun Prezidente Partidu Kay Rala Xanana Gusmão hosi nia kargu no husu atu Xanana kontinua exerse funsaun nu’udar Prezidente ba Partidu CNRT.

“CNRT, la simu pedidu Prezidente Partidu CNRT Kay Rala Xanana Gusmão atu husik knaar nu’udar prezidente partidu CNRT. Ohin, ami hasai ona rezolusaun ida hodi suspende pedidu demisaun Maun Boot Kay Rala Xanana Gusmão nian,” Esplika fontes TATOLI iha konfrensia nasionál CNRT, foin lalais ne’e.

Kontiudu hosi rezolusaun ne’e suspende pedidu dimisaun Kaya Rala Xanana Gusmão nu’udar Prezidente Partidu CNRT, no autoriza Kay Rala Xanana Gusmao, atu kontinua exerse funsaun nu’udar Prezidente Partidu CNRT “sem Plenos Poderes” to’o kongreso tuir mai, haktuir rezolusaun no 2 ne’ebé hasai husi konfrensia nasionál partidu CNRT.

Xanana : Kuadrus Polítika CNRT Sei Tuir Formasaun

DILI, (TATOLI) - Prezidente Partidu Kongresu Nasionál Rekonstruksaun Timor-Leste (CNRT) Kay Rala Xanana Gusmão, promete iha tinan oin mai kuadrus polítika CNRT nian tomak sei tuir formasaun kona-bá polítika no jestaun hodi hatene hatur intreses povu nian ba futuru.

“Ha’u sei dudu imi, partidu sei la mate, tanba ne’e kuadru partidu polítiku sira sei hetan formasaun polítika no jestaun iha tinan oin mai atu nune’e bele iha koñesimentu no hodi haboot di’ak liu tan partidu nune’e bele tau interese povu no nasaun nian iha futuru,” Prezidente Partidu CNRT, Kay Rala Xanana Gusmão promete iha enseramentu konferénsia durante loron tolu iha Sentru Konvensaun Dili, Domingu (6/8).

Fretilin Bele Forma Governu Insedensia Parlamentar

DILI – Setimu governu kontinua sai preokupasaun ba iha publiku maske Tribunal Rekursu anunsia ona partidu Fretilin sai vensedor iha eleisaun Parlamentar 2017-2022, maibe too oras nee formatu governu neebe serteza ba iha publiku, maske durante nee iha formatu sombra hanesan governu inklusivu, koligasaun no insedensia parlamentar.

Tamba nee, ate agora ladauk hatene partidu ida neebe mak forma governu no halo koligasaun no ida neebe mak ba opozisaun lolos. Nunee mos partidu balun neebe mak hein hela CNRT ninia konferensia nunee mos ho partidu sira seluk iha asentu parlamentar iha 2017-2022 mos simu ona karta formal, maibe seidauk fo resposta ba partidu mais votadus.

Maibe iha posibilidade Fretilin bele forma governu insedensia Parlamentar katak Fretilin ninia programa politika kontinua lao no mantein, signifika katak pograma partidu nian konvida membrus husi partidu seluk iha kompetensia atu halo admistrasaun iha ministeriu sira Fretilin loke dalan.

Tuir Diretor Ezekutivu FONGTIL, Arsenio Pereira katak Partidu Fretilin nuudar partidu mais votadus iha eleisaun Parlamentar 2017-2022, mos kleur ona la ba ukun ona, tamba nee iha direitu atu forma governu.

Hau hanoin partidu Fretilin bele forma governu insedensia parlamentar tamba husi partidu CNRT hakarak ba opozisaun no lakohi halo koligasaun maibe mos depende ba partidu sira seluk,”dehan Arsenio Arsenio ba STL, iha Timor Plaza, Sabado (05/08/2017).

Maibe, kuandu la iha koligasaun no forma governu minoria iha Parlamentu dalaruma estabilidade governu ladun diak no orsamentu ba governu mak la pasa, estabilidade la too durasaun ba governu nian ba tinan 5 nia laran.

Iha fatin ketak, tuir adjuntu sekretariu jeral partidu Fretilin, Jose Reis katak Partidu fretilin rasik iha senariu tolu hanesan governu koligasaun neebe mak akumula partidu iha mayoria simples hodi prense 50,1% iha Parlamentu Nasional no senariu, segundu Governu Insidensia Parlamentar neebe tuir Fretilin akontese ona iha tinan rua. Domingos da Piedade Freitas

Suara Timor Lorosae

CNRT, La Iha Figura Troka Xanana, Avaliasaun Politika Ba CNRT

DILI – Prezidente Partidu Congresu Nasionla Rekonstrusaun Timor Leste (CNRT), Kay Rala Xanana Gusmao neebe rezigna an husi kargu Prezidente Partidu CNRT, ho rajaun CNRT lakon tanba povu komesa lakon konfiansa ba partidu CNRT iha tinan nee, maske nunee seidauk iha figura sentral neebe mak troka Prezidente partidu CNRT.

Tuir Diretor Ezekutivu FONGTIL, Arsenio Pereira katak relasiona ho rejignasaun husi Prezidente Partidu CNRT maun Kay Rala Xanana Gusmao, la iha figura sentral iha partidu CNRT too ohin loron seidauk iha atu lidera partidu CNRT.

“Ezemplu hahu husi sekretariu jeral ba sira seluk nee ba sustentabilidade partidu nian deit maibe seidauk iha figura ida neebe troka maun boot Kayrala Xanana Gusmao,” dehan Arsenio ba STL, iha Timor Plaza, Sabado (05/08/2017).

Nia dehan rezignasaun husi Xanana sai preokupasaun boot ida, maibe ba sosiedade sivil hanesan avaliasaun politika partidu CNRT halo ba ninia estrutura no militantes iha eleisaun parlamentar mai.

Tuir ativista Roberto Pereira katak rejignasaun Prezidente partidu CNRT Kay Rala Xanana Gusmao ninia rejignasaun sai preokupasaun ba publiku, tamba demite husi nia kargu tamba lakon konfiansa ona husi povu ba governasaun CNRT nian ba tinan 10 nia laran. Domingos da Piedade Freitas

Suara Timor Lorosae

Congresso extraordinário do partido timorense CNRT vai decidir futuro de Xanana Gusmão

Díli, 06 ago (Lusa) - A intenção de demissão de Xanana Gusmão da presidência do segundo partido timorense mais votado, o CNRT, vai ser decidida apenas num congresso extraordinário a realizar nos próximos meses, segundo uma resolução aprovada pela liderança partidária.

O partido, que esteve reunido este fim de semana em conferência nacional, deliberou ainda que estará na oposição na próxima legislatura, até 2022, estando de parte a possibilidade de vir a 'ceder' militantes para integrar o próximo executivo.

"Xanana Gusmão em princípio não retira a demissão, que fica suspensa, adiada, até ao Congresso. Fica como presidente em exercício. Os estatutos determinam que só o Congresso Extraordinário tem poder para tomar esta decisão", explicou Dionísio Babo, presidente da Comissão Diretiva Nacional (CDN).

Países do Sudeste Asiático ainda sem acordo sobre Mar do Sul da China

Manila, 06 ago (Lusa) - As reivindicações de Pequim sobre o Mar do Sul da China continuavam hoje a dividir os chefes da diplomacia dos países do Sudeste Asiático, reunidos em Manila.

Os chefes da diplomacia da associação dos países do Sudeste Asiático (ASEAN) não chegaram a acordo sobre o comunicado conjunto, que devia ter sido divulgado no sábado.

Novas negociações realizadas esta manhã não permitiram desbloquear a situção, com o Camboja a aliar-se à Pequim.

O Governo chinês reivindica a quase totalidade do Mar do Sul da China, incluindo zonas perto das costas do Vietname, Filipinas, Malásia e Brunei, Estados-membros da ASEAN, além da Tailândia, Camboja, Birmânia, Laos, Indonésia e Singapura.

Nos últimos anos, Pequim reforçou a presença neste mar estratégico através da construção de ilhas artificiais que podem ser usadas como bases militares.