Polêmika Datoluk Rua (2/3) Ho Votu Konfirmasaun Bainhira PR Veta Lei Orsamentu Jeral Estadu

Husi: João Almeida* | opiniaun

Introdusaun

Rezultadu Eleisaun Antesipada 12 Maiu  2018 Tribunal Rekursu ofisialmente proklama ona iha loron 28 Maiu 2018. AMP hanesan koligasaun ida manan eleisaun ho kadeira 34 (maioria absoluta), tuir kedas FRETILIN kadeira 23, PD kadeira 5 no FDD kadeira 3. Rezultadu ida ne’e posibilidade AMP bele forma mesak governu tamba asegura ona maioria iha parlamentu. Iha ne’e observasaun no diskusaun oin-oin husi públiku kona-bá governu ne’ebé AMP sei forma ho apoiu maioria absoluta nia distinu. Bainhira Prezidente Repúblika veta diploma ruma hanesan lei tuir alinea c) no e) Artigu 85 no Artigu 88 Konstitusaun iha meteria sira ne’ebé previstu iha Artigu 95 Konstitusaun.

Iha kazu ne’ebé Prezidente Repúblika veta diploma sira ne’ebé monu ba materia sira previstu iha Artigu 95 Konstitusaun, tenke husu apresiasaun foun husi Parlamentu Nasional. Nune’e Parlamentu Nasional tenke halo apresiasaun foun ho Deputadu prezente sira nia maioria datoluk rua (2/3).

Nune’e artigu ida ne’e sei análiza kona-bá kompeténsia Prezidente Repúblika nian tuir alinea a), c) no e) Artigu 85, Artigu 88 no Artigu 145 Konstitusaun RDTL iha materia sira ne’ebé prevista iha alinea d) n.o 3 Artigu 95 Konstitusaun RDTL. Inklui efeitu sira bainhira Parlamentu Nasional la konfirma nia votu ho Deputadu prezente sira nia maioria datoluk rua (2/3).

Veta no Votu Konfirmasaun

Prezidente Repúblika maka Estadu nia Xefe no reprezenta no garante nasaun nia independénsia, Estadu nia unidade no institusaun demokrátika sira nia funsionamentu regulár (n.o 1 Artigu 74 Konstitusaun RDTL). Nune’e kompeténsia sira Prezidente Repúblika nian ida maka promulgasaun no vetu tuir alinea a) no c) Artigu 85 no Artigu 88 Konstitusaun RDTL.

Materia sira ne’ebé prevista iha alinea d) n.o 3 Artigu 95 Konstitusaun RDTL maka Estadu nia orsamentu ka bain-bain bolu naran Lei Orsamentu Jeral Estadu. Iha kazu ida ne’e, tuir Artigu 145 Konstitusaun RDTL kona-bá Estadu nia orsamentu nasional, Governu maka elabora no Parlamentu Nasionál maka aprova Estadu nia orsamentu Jerál (n.o 1 Artigu 145 Konstitusaun RDTL).
Nune’e Parlamentu Nasional dekreta Lei Orsamentu Jeral Estadu nia baze maka alinea d) n.o 3 Artigu 95 no n.o 1 Artigu 145 Konstitusaun RDTL.

Nune’e iha loron tolu-nulu nia laran hahú iha loron ne’ebé simu husi Parlamentu Nasionál diploma ruma atu promulga hanesan lei, Prezidente da Repúblika promulga diploma ne’e ka ezerse direitu atu veta no husu apresiasaun foun ho mensajen fundamentada (alinea a), c) no e) Artigu 85 no n.o 1 Artigu 88 Konstitusaun RDTL).

Bainhira iha kazu sira ne’ebé Prezidente Repúblika veta Lei Orsamentu Jeral Estadu nian no husu apresiasaun foun husi Parlamentu Nasional. Tuir norma sira Konstitusaun nian, iha loron sia-nulu nia laran Parlamentu Nasional konfirma nia votu ho deputadu sira ne’ebé kaer daudaun funsaun nia maioria absoluta, Prezidente Repúblika tenke promulga diploma ne’e iha loron ualu nia laran hahú iha loron ne’ebé simu konfirmasaun ne’e. Maibe votu konfirmasaun ne’e tenke iha Deputadu prezente sira nia maioria datoluk rua (2/3), desde barak liu Deputadu sira-ne’ebé kaer daudaun funsaun ne’e nia maioria absoluta, atu konfirma diploma sira-ne’ebé monu ba matéria prevista iha alinea d) n.o 3 Artigu 95 (n.o 2 no 3 Artigu 88 Konstitusaun RDTL, n.o 1 Artigu 115 no n.o 1 no 2 Artigu 116 Regimentu Parlamentu Nasional).

Nune’e mos iha kazu sira ne’ebé Prezidente Repúblika veta por inkonstitusionalidade iha termo sira n.o 1 no 2 Artigu 149 Konstitusaun RDTL regula mos iha n.o 1 Artigu 117 Regimentu Parlamentu Nasional nian. Iha ne’ebé aplika mos Artigu 88 Konstitusaun RDTL no Artigu 115 no Artigu 116 Regimentu Parlamentu Nasional. Iha loron tolu-nulu nia laran konta husi loron simu Lei Orsamentu Jeral Estadu nian, Prezidente Republika  bele rekere ba Supremu Tribunal Justisa apresiasaun preventiva konstitusionalidade ba respetiva Lei Orsamentu Estadu, apresiasaun preventiva konstitusionalidade bele rekere iha durante loron rua-nulu nia laran konta husi loron simu Lei Orsamentu nian no Supremu Tribunal Justisa iha loron rua-nulu-resin-lima nia laran hodi pronunsia ninia desizaun no prazu pronunsiasaun Tribunal nian bele reduz bainhira Prezidente Repúblika husu ho motivu urjensia atu pronunsia sai la-iha inkonstitusionalidade ruma, Prezidente Repúblika promulga Lei Orsamentu Estadu no haruka fila fali ba Parlamentu Nasional hodi publika iha Jornal Republika (alinea e) Artigu 85.o, n.o 1 Artigu 88, n.o 1 no 2 Artigu 149  Konstitusaun RDTL no n.o 1 artigu 4.o Lei n.o 1/2002, 29 Juñu).

Bainhira Supremu Tribunal Justisa pronunsia inkonstitusioanal ba norma balu iha Lei Orsamentu Estadu nia, Prezidente Repúblika veta Lei Orsamentu Estadu no haruka fila fali ba Parlamentu Nasional akompania ho kopia akordaun Supremu Tribunal Justisa nian ba Parlamentu Nasional husu atu reformula respetiva Lei tuir desizaun Supremu Tribunal Justisa nian (alinea c) Artigu 85, n.o 1 Artigu 88 no n.o 3 Artigu 149 Konstitusaun RDTL). Parlamentu Nasional iha loron sia-nulu nia laran atu halo konfirmasaun ba Lei Orsamentu Estadu (n.o 2 Artigu 88 Konstitusaun RDTL no n.o 1 Artigu 115 Regimento Parlamentu Nasional).

Diskusaun no votasaun refere deit ba norma sira iha Lei Orsamentu Estadu ne’ebé invoka inkonstitusional husi veta Prezidente Repúblika nian, iha forma ida ne’e rezulta situsaun rua hanesan Parlamentu Nasional halo votasaun ba konfirmasaun votu no votasaun ba koresaun norma iha Lei Orsamentu Estadu konforme fundamentasaun veta Prezidente Repúblika nian. Ba votasaun atu halo konfirmasaun votu ezije datoluk rua (2/3) deputadu prezensa desde superior maioria absoluta deputadu eleitu (n.o 2 no 3 Artigu 88 Konstitusaun RDTL, n.o 1 no 2 Artigu 116 Regimento Parlamentu Nasional).

Bainhira Parlamentu opta ba koresaun ka alterasaun norma tuir justifikasaun veta Prezidente Repúblika nian sempre ezije datoluk rua (2/3) deputadu prezensa desde superior maioria absoluta deputadu eleitu (n.o 2 no 3 Artigu 88  Konstitusaun RDTL, n.o 2 Artigu 116 Regimento Parlamentu Nasional). Textu norma sira ne’ebé hetan altersaun durante diskusaun no aprovasaun iha Parlamentu Nasional  haruka ba komisaun atu halo redasaun final hafoin Prezidente Parlamentu Nasional asina haruka hikas ba Prezidente Repúblika hodi halo promulgasaun ba Lei Orsamentu Estadu durante loron ualu nia laran (Artigu 114, n.o 1 Artigu 116, n.o 3, n.o 4 Artigu 117 Regimentu Parlamentu Nasional no n.o 2 Artigu 88 Konstitusaun RDTL).

Ho ida ne’e atu halo apresiasaun foun ba Lei Orsamentu Jeral Estadu ne’ebé Prezidente Repúblika veta, Parlamentu Nasional tenke konfirma nia votu ho maioria absoluta husi Deputadu sira eleitu, no ezije maioria datoluk rua (2/3) prezensa Deputadu sira nian desde superior maioria absoluta Deputadu sira eleitu nian. Signifika katak votu konfirmasaun maioria absoluta husi deputadu sira eleitu ho minimu votu tolu-nulu resin haat (34), no ezije maioria datoluk rua (2/3) prezensa minimu Deputadu lima-nulu resin ida (51) sira nian. Portantu maioria absoluta Deputadu sira eleitu maka tolu-nulu resin-haat (34) no husi datoluk rua (2/3) Deputadu sira eleitu nia prezensa maka lima-nulu resin-ida (51) ka (51x[2/3]=34). Iha kazu ida ne’e, bainhira ho kadeira ka votu haat-nulu resin-rua (42) sura ba datoluk rua (2/3) maka (42x[2/3]=28). Nune’e votu rua-nulu resin ualu (28) la prenxe maioria absoluta husi deputadu sira eleitu nian.

Enkuantu efeitu seluk bainhira Parlamentu Nasional la konfirma nia votu, n.o 4 Artigu 116 Regimentu Parlamentu Nasional hatete iha kazu Parlamentu Nasional la konfirma nia votu, inisiativa lejislativa labele renova tan iha sesaun lejislativa ne’ebé hanesan, kecuali eleisaun foun ba Parlamentu Nasional. Nune’e bainhira la halo apresiasaun foun ka la aprova Estadu nia orsamentu jeral iha periodu naruk-liu loron neen-nulu signifika Parlamentu Nasional iha situasaun ne’ebé iha krize institusional grave. Ho ida ne’e Prezidente Repúblika ezerse nia kompeténsia konstitusional disolve Parlamentu Nasional (alinea f) Artigu 86 Konstitusaun RDTL).

Konkluzaun

Husi termu sira Konstitusaun no Lei iha leten ne’e konklui katak Governasaun AMP ho apoiu deputadu tolu-nolu resin-haat (maioria absoluta) garante ona programa, planu no orsamentu Estadu nian pasa iha Parlamentu Nasional. Maibe iha kazu sira ne’ebé Prezidente Repúblika veta diploma ruma hanesan Lei Orsamentu Jeral Estadu nian no husu apresiasaun foun, tenke konfirma ho votu maioria absoluta Deputadu sira eleitu ho prezensa datoluk rua (2/3) Deputadu eleitu sira nian. Nune’e mos regra no prosedimetu sira aplika ba veta inkonstitusional Lei Orsamentu Estadu nian aplika mos ba veta politika Prezidente Republika nian.

Signifika katak votu konfirmasaun maioria absoluta husi deputadu sira eleitu ho minimu votu tolu-nulu resin haat (34), no ezije maioria datoluk rua (2/3) prezensa minimu Deputadu lima-nulu resin ida (51) sira nian. Portantu maioria absoluta Deputadu sira eleitu maka tolu-nulu resin-haat (34) no husi datoluk rua (2/3) Deputadu sira eleitu nia prezensa maka lima-nulu resin-ida (51) ka (51x[2/3]=34). Iha kazu ida ne’e, bainhira ho kadeira ka votu haat-nulu resin-rua (42) sura ba datoluk rua (2/3) maka (42x[2/3]=28). Nune’e votu rua-nulu resin ualu (28) la prenxe maioria absoluta husi deputadu sira eleitu nian.

Bainhira la konfirma ho maioria absoluta Deputadu sira eleitu nian no la ho prezensa datoluk rua (2/3) Deputadu eleitu sira nian. Diploma ruma hanesan Lei Orsamentu labele renova tan iha sesaun lejislativa ne’ebé hanesan. Nune’e Estadu nia orsamentu la aprova iha loron neen-nulu nia laran signifika Parlamentu Nasional monu ba krize institusional grave. Iha ne’e Prezidente Repúblika exerse nia kompeténsia konstitusional disolve Parlamentu Nasional no komvoka eleisaun foun.

Hakerek Na’in: João Almeida. Artigu ne’e hanesan opiniaun pessoal la reprezenta institusaun ne’ebé hakerek na’in hakna’ar-an ba.

FRETILIN Fiar sei Ukun Hamutuk ho AMP

OEKUSI: Partidu koligasaun Aliansa Mudansa ba Progresu (AMP) prepara ona lista membru VIII Governu no tempu badak sei simu tomada de pose. 

Maski nune’e, partidu FRETILIN iha konviksaun katak koligasaun AMP ho FRETILIN sei hamutuk iha tempu ida hodi ukun hamutuk. 

Sekretáriu Jerál FRETILIN, Mari Alkatiri hateten, istória foun sei akontese iha Timor-Leste, partidu FRETILIN sei sai opozisaun forte iha Parlamentu Nasionál, nune'e AMP sei husu atu ukun hamutuk. 

“IX Governu sei akontese iha tempu badak, nune’e envolvimentu VII Governu Konstitusionál sei ukun nasaun ne’e iha tempu mai”. 

Ne'e duni, fiar katak loron seluk sei fila hikas hamutuk hodi dezenvolve nasaun ne'e. Bainhira mandatu ukun la haree ba kór ho rasa ho intensaun atu dezenvolve nasaun.

Agradese VII Governu 

Aproveita tempu ne’e, Alkatiri mós fó agradesimentu ba membru VII Governu Konstitusionál durante fulan ualu (8) ukun hamutuk konsege halo servisu lubuk ida durante mandatu. 

Nia dehan, VII Governu ne’ebé forma husi Partidu FRETILIN ho aliadu Partidu Demokrátiku (PD) iha konfiansa, maibé impase polítika akontese governu ne'e monu iha dalan klaran. 

Artur da Luz | Independente

Violénsia Doméstika Impede Partisipasaun Feto

DILI, (TATOLI) - Sekretáriu Estadu Igualdade Jéneru no Inkluzaun Sosiál, Laura Menezes Lopes, observa katak kauza no abut ne’ebé impede feto ninia partisipasaun mak problema violénsia doméstika hasoru feto tanba tenke fó solusaun konaba problema hirak ne’e.

“Governu kontinua koopera nafatin ho parseiru hotu-hotu atu bele hakabit sosiedade no maluk feto sira atu bele fó partisipasaun kualidade ba prosesu dezenvolvimentu nasionál,” Laura Menezes Lopes informa ba jornalista sira iha biban konferénsia ne’ebé realiza iha Auditoria Ministériu Finansa, ohin.

Sekretáriu Estadu Igualdade Jéneru no Inkluzaun Sosiál, hateten konferénsia ne’ebé realiza husi Uniaun Europeia (UE) ho tema “Mulher Forte Nação Forte” importante tanba liuhosi sorumutu ne’e, bele hetan solusaun ba problema feto iha sosiedade.

“Bainhira iha sorumutu hanesan ne’e, ita bele hetan solusaun hodi influensia no sensibiliza ba komunidade atu feto ho mane bele iha respeitu ba malu, liu-liu kuandu iha uma kain ona tenke iha responsabilidade, halo diálogu no buka solusaun ne’ebé pasivu atu ema hotu bele partisipa iha dezenvolvimentu nasionál”, nia dehan tan.

Hodi hein katak informasaun husi panelista sira bele fó reverénsia hodi bele inspira no motiva atu feto maluk sira bele fó kontribuisaun diversifika progresu kontribuisaun ba kualidade dezenvolvimentu nasaun nian.

Entretantu, panelista iha konferénsia ne’e mai husi reprezentante feto husi instituisaun públiku, privada no ajénsia sira husi rai laran no rai li’ur, nune’e mós reprezentante feto husi membru governu, parseiru dezenvolvimentu governu no seluk tan.

Jornalista: Julia Chatarina | Editór: Manuel Pinto

Imajen: Sekretaria Estadu Igualdade Jeneru no Inkluzaun Sosial, Laura Abrantes, iha seminariu konaba partisipasaun feto iha eleisaun antesipada. Foto Antonio Goncalves

Ofisiálmente Koronél Haat Simu Pose Ba Brigadeiru Jenerál

DILI, (TATOLI) - Ofisiálmente koronél na’in haat (4) simu pose nu’udar brigadeiru jenerál iha Palásiu Prezidente Nicolau Lobato, Bairru Pité, Dili, kinta (7/6) loraik ne’e.

Prezidente Repúblika, Francisco Guterres Lú Olo, nu’udar Komandante Supremu FALINTIL-Forsa Defeza Timor-Leste (F-FDTL) maka dirije serimónia promosaun ba koronél hirak ne’e.

Superiores F-FDTL ne’ebé simu promosaun maka hanesan Koronél Domingos Raul “Falur Rate Laek” promovidu ho Dekretu Prezidente Repúblika nú. 14/2018/30 Maiu, Koronél Américo Ximenes “Sabica Bessi Kulit” promovidu ho  Dekretu Prezidente Repúblika nú. 15/2018/30 Maiu, Koronél Cornélio Ximenes “Maunana” promovidu ho Dekretu Prezidente Repúblika nú. 16/2018/30 Maiu no Koronél João Miranda “Aluc Descartes” promovidu ho Dekretu Prezidente Repúblika nú. 17/2018/30 Maiu.

Entretantu, liuhusi diskursu, Xefe Estadu Maior F-FDTL, Majór Jenerál Lere Anan Timur, hato’o agradesementu ba Sétimu Governu Konstitusionál ne’ebé ho vontade polítika promove koronél na’in haat refere.

Tuir Lere katak koronél haat merese hetan promosaun tanba nu’udar veteranu ne’ebé dedika sira nia án hodi liberta pátria iha tempu defisil no hola parte hodi kontribui mós harii Estadu hafoin ultrapasa konflitu naruk durante tinan 24 nia laran.

Nia mós fó agradesementu ba Prezidente Repúblika ne’ebé aseita pedidu promosaun hosi Governu hodi promove koronél hirak ne’e.

Eis Komandante Gerileiru ne’e husu ba Governu foun ne’ebé mai atu kontinua aktu ida ne’e (promosaun ofisiál F-FDTL), nune’e bele halakon insjustisa ba veteranu sira ne’ebé mártir ona no sira ne’ebé sei moris.

Iha fatin hanesan, Prezidente Repúblika, Francisco Guterres Lú Olo, esplika katak koronél na’in haat iha esperiénsia no iha motivasaun ne’ebé maka’as atu fó kontribuisaun ba nasaun ida ne’e liuhusi instituisaun Forsa Armada.

Xefe Estadu hatutan veteranu na’in haat ho veteranu sira seluk nia dedikasaun ba nasaun boot tebes tanba liuhusi kondisaun luta ne’ebé susar tebes.

“Ita restaura ona ita nia independénsia nasionál, tan ne’e, Estadu iha responsabilidade hodi fó omenajen ba eroi sira ne’ebé fó án ba mate durante luta libertasaun nasionál no lala’ok ida seluk maka oinsá Estadu rekonhese veteranu sira ne’ebé oras ne’e hala’o responsabilidade hodi serbí Estadu,” Lú Olo afirma.

Iha biban ne’e, Brigadeiru Jenerál Promovidu, Domingos Raul “Falur Rate Laek” reprezenta nia maluk brigadeiru jenerál promovidu sira seluk hateten kna’ar ne’ebé sira asumi todan no to’os tanba antes ne’e sira la liu hosi kursu jenerál.

“Ne’e hanesan dezafiu boot ba ami na’in haat iha futuru. Maibé, ami prontu enfrenta tanba ida ne’e papél ida atu kontribui ba dezenvolvimentu nasaun no Estadu,” Falur informa.

Brigadeiru Jenerál na’in haat sei asumi serbisu iha área Komponente Naval, Terrestre, Komponente Apoiu Serbisu, no Komponente Formasaun no Terrenu. Kna’ar hirak ne’e seidauk atribui ba brigadeiru jenerál ida-idak tanba sei iha prosesu deskusaun no preparasaun.

Partisipa iha seremónia promosaun ne’e maka hanesan Prezidente Parlamentu Nasionál, Aniceto Lopez Guterres, Prezidente Tribunál Rekursu, Deolindo dos Santos, Primeiru Ministru, Marí Alkatiri, eis Prezidente PN, Vicente Guterres, membru PN sira, membru Governu sira, veteranu sira, família ofisiais F-FDTL no konvida sira seluk tan.

Jornalista: Xisto Freitas | Editór: Manuel Pinto

Imajen: Superiores F-FDTL ne’ebé simu promosaun maka hanesan Koronél Domingos Raul "Falur Rate Laek" promovidu ho Dekretu Prezidente Repúblika nú. 14/2018/30 Maiu, Koronél Américo Ximenes "Sabica Bessi Kulit" promovidu ho Dekretu Prezidente Repúblika nú. 15/2018/30 Maiu, Koronél Cornélio Ximenes "Maunana" promovidu ho Dekretu Prezidente Repúblika nú. 16/2018/30 Maiu no Koronél João Miranda "Aluc Descartes" promovidu ho Dekretu Prezidente Repúblika nú. 17/2018/30 Maiu.

Membru PNTL Balun Seidauk Retira

DILI - Membru Polisia Nasional Timor Leste (PNTL), balun neebe asegura seguransa iha Munisipiu desde eleisaun antisipada too agora seidauk retira, tanba hein too formasaun VIII Governu Konstitusional remata.

Ami hatoo ba Prezidente Republika (PR), kona ba forsa sira neebe kolokadu iha munisipiu sira, liu liu PNTL balun sei mantein, tanba haree ba situasaun neemak balun sei mantein too formasaun governu remata tiha maka foin dada fila fali komandu mai,” infroma Komandante Jeral PNTL, Komisariu Julio da Costa Hornay ba Jornalista hafoin enkontru ho Prezidente Repeblika (PR), Francisco Guterres Lu Olo, Kinta (07/06/2018) iha Palasiu Prezidensial Nicolau Lobato Bairru Pite, Dili.

Iha inkontru nee Komandante Jeral PNTL Komisariu Julio da Costa Hornay ho Segundu Komandante Jeral Komisariu Faustino da Costa informa mos seguransa jeral iha 13 munisipiu lao hakmatek, laiha problema ida neebe signifikante atu toma medida emidiata, situasaun iha teritoriu Timor laran ba Prezidente da Republika.

Iha fatin hanesan Xefi Estadu Maio F-FDTL, Maijor Jeneral Lere Anan Timur hatutan, forsa balun neebe maka too orsa nee seidauk retira husi munisipiu maka hanesan iha Watulari, tanba ema iha neeba mesak muturabu hotu deit, tan nee forsa rua hanesan F-FDTL no PNTL sei iha neeba.

Notisia kompletu lee iha jornal STL edisaun Sesta, (08/06/2018)

Madalena Horta | Suara Timor Lorosae

Alkatiri Husu Funsionariu GPM Servisu Ho Profesionalismu

OECUSSE – Primeiru Ministru Mari Alkatiri husu ba funsionariu neebe maka servisu iha Gabinete Primeiru Ministru nian, atu halao servisu ho profesionalismu nafatin.

Sira servisu ho hau servisu ho lealdadi, tanba nee se deit maka mai, imi servisu ho professional, I hau sei tau matan nafatin,” dehan Primeiru Ministru Mari Alkatiri iha jantar konfraternizasaun entre funsionariu ZEESM ho membru VII governu konstitusinal iha Oecusse, Tersa, (05/06/2018).

Xefi governu nee hateten, kria kondisaun atu servisu labuka hatene kolen, lakoi hatene kor ida neebe kor mean, ka kor verde ka kor ajul, servisu hanesan professional sira maka nee oituan deit, reprezenta sira seluk.

Iha fatin hanesan Vice Ministru Edukasaun, Jose Neves Samalarua hateten, durante fulan sia nia laran hamutuk ho esforsu lubuk ida, atu mantein governu funsiona normal, mesmu tempu badak, maibe bele fo kontribuisaun tuir kapasidade hodi servi ba povu. 

Notisia kompletu lee iha jornal STL edisaun Sesta, (08/06/2018)

Carme Ximenes/Maria Lay | Suara Timor Lorosae

AMP Mantein Bankada Tolu

DILI - Liu husi enkontru lider bankada aseita Aliansa Mudansa ba Progresu (AMP) kria bankada tolu, neebe kompotu husi CNRT, PLP no KHUNTO.

Tuir Deputadu Arao Noe de Jesus hateten, enkontru lider bankada hotu konkorda AMP  kria nian bankada ketak keak iha parlamentu.

“Ami konkorda ho ida nee, tanba lei fo dalan baseia ba rejimentu artigu 11, kada koligesaun sira neebe hetan asentu iha parlamentu bele rekere hodi forma bankada ketak-ketak,”dehan Arao Noe hafoin partisipada reuniaun lider bankada parlamentar, Kuarta loraik, (6/6/2018).

Nia hatutan, koligasaun ida labele kria bankada ketak ketak iha parlamentu, maibe kona ba kestaun ida nee, lei  no rejimentu parlamentu rasik maka autoriza.

Iha fatin hanesan Prezidente Parlamentu Nasional, Aniceito Guterres hateten, relasiona ho divisaun bankada neebe maka antes nee AMP deklara, nee bele tanba lei maka fo dalan. 

Notisia kompletu lee iha jornal STL edisaun Sesta, (08/06/2018)

Natalino Costa | Suara Timor Lorosae

Akadémiku sei diskuti iha Londres influénsia istóriku portugeza iha nível global

Influénsia portugeza iha lian, múzika, literatura hosi nasaun sira iha Amérika-Súl, Ázia ho Áfrika, ne'ebé dura sékulu barak nia laran, hanesan tema hosi konferénsia ida iha loron-segunda, iha Londres, ho akadémiku sira hosi universidade britániku oioin.

Prezensa hosi lian portugeza iha Brazil, Angola, Mosambike, Guiné-Bissau, São Tomé & Prínsipe, Cabo Verde, Makau ho Timor-Leste hanesan baibain atribui ba tempu ne'ebé maka teritóriu sira ne'e halo parte iha administrasaun luzitanu maibé influénsia ne'e alastra ba parte kultural.

Kestaun ida ne'ebé maka organizador sira hosi Fakuldade Estudu Avansadu sira hosi Universidade Londres nian hein hodi hatán maka "oinsá nasaun ida konsege ho rekursu sira limitadu husik marka ida ne'ebé konsege moris beibeik hasoru poténsia imperial sira ne'ebé maka mosu hafoin ne'e?".

Organizadora ida, Shihan da Silva, afirma ona ba ajénsia Lusa katak "influénsia portugeza ne'e dura ona liuhosi tempu sira, tanba [ema portugés sira] aprende [informasaun] no halo interasaun ho ema sira ne'ebé sira iha kontaktu, iha parte seluk mundu nian".

Autora hosi serbisu sira ho livru sira kona-ba prezensa portugeza iha Ázia, liuliu iha Oseanu Índiku, investigadora garanti katak ohin loron iha elementu linguístiku sira hosi portugés iha idioma aziátiku hamutuk 50 resin.

Tema sira hosi painel sira sei ko'alia "relevánsia hosi diáspora afrikanu transnasional sira ba kestaun lian ho kultura nian", "kreolizasaun ho diáspora iha Índia Portugeza sira" ho "hibridizmu ho kreolizasaun iha múzika ho lian hafoin kolónia sira iha Oseanu Índiku".

Dalan oinsá ema portugés sira konsege ona hakbesik ba povu sira ne'ebé la hanesan ne'ebé sira vizita ona no koloniza ona sei analiza hosi espesialista sira hosi universidade sira Londres, Bristol ho Swansea.

SAPO TL ho Lusa

PR timorense quer "tolerância zero" para a violência contra as mulheres

Díli, 08 jun (Lusa) - O Presidente timorense defendeu hoje "tolerância zero" para a violência contra as mulheres, apelando ao executivo para dar prioridade a políticas que previnam e penalizem a violência doméstica.

"Temos de recusar firmemente, sem ambiguidade, a violência no seio da família e a violência de género no nosso país. Temos de trabalhar para mudar esta situação para sempre e rapidamente", afirmou Francisco Guterres Lu-Olo.

"Apelo ao Conselho de Ministros, às agências relevantes do Estado para darem prioridade à implementação de políticas que previnam e penalizem a violência doméstica. A toda a sociedade, eu apelo: rejeitemos a violência", insistiu.

Lu-Olo, que falava numa conferência em Díli, lembrou que Timor-Leste foi e ainda é "uma sociedade marcada pela violência da ocupação" indonésia, que tem hoje o dever "de dar o exemplo", pondo fim à violência.

"Peço ao país 'tolerância zero' para a violência doméstica. A família tem de ser um lugar de amor e companheirismo, e não um lugar de violência", pediu.

Lu-Olo falava na abertura da conferência "Mulheres fortes para uma nação forte", iniciativa da União Europeia em Timor-Leste e em que participam, entre outros, a cantora Sara Tavares, a líder do CDS, Assunção Cristas, e a ministra angolana Ana Paula Carvalho.

A violência contra as mulheres é um dos problemas sociais mais graves do país, com estudos a revelarem a prevalência de casos e a incapacidade, em muitas situações, das instituições, incluindo a justiça, lidarem adequadamente com o problema.

Um relatório de 2017 do Programa de Monitorização do Sistema Judicial (JSMP) notou que os tribunais timorenses tratam indevidamente muitos casos de violência sexual, com práticas que não protegem as vítimas e que ignoram ou interpretam mal a lei.

Um outro estudo, da Asia Foundation, referiu que pelo menos 34% das mulheres timorenses, entre os 15 e os 49 anos, são alvo de violência sexual, com 41% delas a serem vítimas de um parceiro íntimo.

Uma em cada quatro mulheres (24%) e dois em cada cinco homens (42%) foram vítimas de abuso sexual antes de cumprirem 18 anos e, globalmente, três em cada quatro pessoas em Timor-Leste foram vítimas de alguma forma de violência ou abuso físico antes dos 18 anos.

Quase metade das mulheres e um terço dos homens admite ter testemunhado a mãe a ser vítima de violência física às mãos do parceiro.

Perante uma plateia timorense e internacional, Lu-Olo definiu como prioridade "o aumento de oportunidades de exercício da cidadania pelas mulheres timorenses", aspeto que ainda enfrenta "muitos desafios", incluindo "assegurar o respeito e reconhecimento que a sociedade deve às mulheres".

A "capacidade e competência" em diversas áreas de atividade, das participantes na conferência deve servir como "fonte de encorajamento para outras mulheres, que querem ir e podem ir mais longe", sublinhou.

A conferência "reflete a prioridade ao diálogo e à cooperação do Estado e da sociedade civil, a todos níveis, que o país deve dar e aprofundar" para responder ao "enorme desafio" que é "melhorar a igualdade de oportunidades de mulheres e homens" em Timor-Leste, referiu ainda.

"É urgente trabalharmos juntos para que a sociedade valorize adequadamente e de forma justa o contributo importante das mulheres. Estou convicto que é possível reforçar a representação das mulheres nos órgãos do Estado e na sociedade em geral", acrescentou.

O chefe de Estado sublinhou que o "avanço modesto das mulheres timorenses" continua, em grande parte, "limitado quase sempre às maiores cidades", com 70% das cidadãs do país, que vivem e trabalham no meio rural, "com acesso reduzido a oportunidades de afirmação social e pessoal".

"É para esses 70% de mulheres do meu país, que vivem nas montanhas, nos campos e nas várzeas desta amada terra, que peço a reflexão das participantes da Conferência e, para além da conferência, dos órgãos do Estado", disse.

Na conferência participam, entre outros, a juíza brasileira Sandra Silvestre, a juíza conselheira do Tribunal de Recurso timorense, Natércia Gusmão, a ministra da Justiça timorense, Ângela Carrascalão, e a vice-ministra da Educação timorense, Lurdes Bessa, entre outras.

A conferência é um de vários eventos sobre o papel da mulher, promovidos em junho pela União Europeia em Timor-Leste.

Sob o tema "Mulheres fortes para uma nação forte", os eventos incluem uma conferência e um concerto gratuito no Centro de Convenções de Díli, em que atuarão Sara Tavares, a artista timorense Cidália Brites e a DJ Merche Romero.

ASP // EJ

Ordenamento jurídico de Timor-Leste junta-se a base de dados oficial dos PALOP

Díli, 08 jun (Lusa) - O ordenamento jurídico de Timor-Leste vai juntar-se formalmente este mês à Base de Dados Jurídica Legis-PALOP, instrumento que já congrega toda a legislação, jurisprudência e doutrina dos países africanos lusófonos.

A inclusão, que será formalizada no próximo dia 14 de junho numa cerimónia em Lisboa, marca a transformação da base de dados, criada em 2009 e que passa assim a designar-se Legis-PALOP + TL.

Em comunicado enviado à Lusa, os responsáveis do projeto explicam que a integração de Timor-Leste "vem consolidar e reforçar o Legis-PALOP enquanto referência jurídica do universo lusófono".

Atualizada diariamente, a Base de Dados Legis-PALOP + TL conta atualmente com cerca de 60 mil documentos jurídicos, entre legislação, jurisprudência e doutrina, a que acrescem versões consolidadas de códigos e principal legislação.

A plataforma identifica ainda o estado de vigência dos diplomas de Angola, Cabo Verde, Guiné-Bissau, Moçambique, São Tomé e Príncipe e, agora, de Timor-Leste.

A cerimónia oficial de lançamento do Legis-PALOP + TL decorre no próximo dia 14 de junho na sede da Comunidade dos Países de Língua Portuguesa (CPLP) em Lisboa com a presença prevista, entre outros, da secretária executiva da CPLP e do presidente do Camões - Instituto da Cooperação e da Língua.

Com mais de 15 mil utilizadores em todo o mundo, ligados às áreas jurídica, administração pública, diplomacia, organizações internacionais, setor privado e mundo académico, entre outras, a plataforma é gratuita para sumários de legislação.

O acesso integral está sujeito a subscrição, "cujos valores revertem para a sustentabilidade das unidades responsáveis pela manutenção e atualização da Base de Dados em cada país".

Entre a informação jurídica disponível, encontram-se todos os atos normativos publicados desde as independências nacionais até à atualidade, milhares de acórdãos das instâncias superiores, doutrina e documentos relevantes produzidos pelas procuradorias gerais das repúblicas, ordens de advogados e instituições académicas, sendo ainda disponibilizados os respetivos jornais oficiais.

Os utilizadores do portal (www.legispalop.org) têm ainda acesso a um 'thesaurus' jurídico com cerca de cinco mil temas.

ASP // EJ