F-FDTL TERMINA TREINAMENTU PKF, LERE: MISAUN NE´E LA´OS FASIL

Membru FALINTIL Forsa Defeza Timor-Leste (F-FDTL)  hamutuk 42, Sesta  (20/07/18), termina treinamentu operasaun misaun Peace Keeping Force (PKF), ne´ebé mak treinu husi forsa Australia sira ho objetivu atu partisipa iha misaun paz Organizasaun Nasoens Unidas (ONU).

Treinamentu ne´ebé hahú iha loron 25, fulan Juñu, termina ona iha Sentru  Treinamentu F-FDTL, Metinaro Díli.

Xefe Estadu Maior Jeneral F-FDTL Major Jeneral Lere Anan Timur hateten, treinamentu fulan ida de´it seidauk to´o,  tanba  ne´e sei  treinu tan no efetivu mós seidauk to´o entaun sei aumenta tan.

“Ba Nasoins Unidas nia misaun la´os  buat ida fasil, difisil, iha aspeitu  rekursu umanu  ita presiza,  ita kapasita  ita-nia  ema ofisial, soldadu hatudu lolos iha  mundu”, esplika  Xefe Estadu Maior Jeneral F-FDTL Major Jeneral Lere Anan Timur, ba jornalista  sira, hafoin ensera  kursu operasional manutensaun paz ONU ninian, iha Sentru Treinamentu F-FDTL, Metinaro, Díli.

Major Jeneral Lere Anan Timur rekoñese, F-FDTL  fraku  iha meius ekipamentu funu ninian.

“Ita  fraku iha meius,  meius  ne´e la´os  ita mak sosa ka tuir   ita-nia hakarak laiha, sempre ema Nasoins Unidas mak halo rekejitus mai ou haruka mai ténki aranza ida ne´e depois ita sosa, depois Nasoins Unidas mak repoin fila-fali  ita-nia Governu ninia osan”,dehan Lere.

Alende ne´e  Diretor Kursu Apoiu Paz,  Kapitaun  Xisto  Cruz, hateten, treinamentu  intensivu ida  ne´e foka liu ba hasa’e komandante pelutaun, Sarjentu no prasa sira-nia kapasidade no koñesimentu iha mandatu konsellu ONU, lei  internasional direitu humanu, regra   empeñamentu, feto paz  no seguransa, étika no  valor lideransa, treinamentu fíziku, navegasaun, primeiru sukoru, komunikasaun, armamentu no tiru, tekniku individual kombate, protesaun ba aset vitais no monta postu observasaun.

Alende ne´e, nia dehan, sira mós aprende  iha ambiental ne´ebé komplexu ho varius senárius hanesan kombate inimigu iha area urbana no  proteze refujiadu sira hamos minas, ne´ebé seksaun ida husi komponente Apoiu Servisu hamutuk ho lider komunitariu servisu hamutuk ho Polísia lokal media no ajensia sira.

“Materia  ne´ebé mak husi instrutor sira hato´o ba pelutaun ida  ne´e iha duni aproveitamentu  produtividade no efikasia, tanba  sira iha vontade esforsu dedikasaun disiplina ne´ebé hatudu durante fulan  ida ne´e”, dehan  Xisto  Cruz.

Iha seremonia enseramentu treinamentu refere membru sira hatudu fali  hikas atrasaun  ne´ebé mak sira hetan husi forsa Autralianu durante treinamentu, hodi hatudu ba  Komandante Jeral PNTL Komisariu Julio Hornay no adidu defeza  husi nasaun Australia no Portugal sira.

Antes ne´e Komando F-FDTL haruka ona ninia Primeiru kontijente ba partisipa misaun ONU iha Libanon iha tinan 2012 no partisipa ona iha misaun  Nasoins Unidas nian  iha Sudaun. Avi

GMN TV | Grupo Média Nacional

PARTISIPA ASIAN GAMES 2018, FESTIL GARANTE PRESTASAUN KUALIDADE

Treinador nasional Silat, Afonso Napoleão, hateten atletas Federasaun Silat Timor-Leste (FESTIL) sei hatudu prestasaun kualidade iha eventu Asian Games tinan 2018, tanba halo ona preparasaun maxímu liu husi programa treinamentu rutina mak hala’o iha kazerna Sentru Formasaun Polisia komoro.

Afonso Napoleão hato’o asuntu ne’e ba jornalista sira, wainhira akompaña programa treinamentu ba atleta sira iha Sentru Formasaun Polísia Comoro, Kinta (19/07).

Atleta sira ne’ebé mak durante halo preprasaun rutina iha kazerna hamutuk na’in lima ho sub-klasse ne’ebé diferente.

Atleta Joaquim Gomes sei kompete iha klasse todan menus husi 50 - 55, Silvester dos Santos klase todan menus husi 55 - 60, Mateus da Silva Conceição iha klase todan menus husi 60 - 65, Davíd Noano Ximenes iha klase todan menus husi 65 - 70 no  Dos Reis kompete iha klase embu (atraksaun) livre.

“Ami treinador halo programa, tuir étapa, prepara fíziku no ikus liu wainhira tama inisiu fulan Agostu komesa halo pemantapan konabá tekniku, e ami fiar katak atleta sira hatudu jogu diak no kualidade, dehan treinador Selesaun Nasionál Silat TL, Afonso Napoleão.

Asian Games hala’o dala ida kada tinan haat (4) no  iha tinan ne’e sei hala’o iha Palembang no Jakarta Indonézia. Eventu ne’e sei partisipa husi nasaun 45 ne’ebé mai husi kontinente Ázia ho modalidade desportu oi-oin.

Asian Games ba dala 18 organiza husi Conselho Olímpiku Aziátiku no Timor-Leste sei partisipa ho atleta 60 resin inklui Silat. Ito

GMN TV | Grupo Média Nacional

PNTL Enfrenta Difikuldade Ba Kombustível

DILI, (TATOLI) – Polísia Nasionál Timor-Leste (PNTL), oras ne’e hasoru difikuldade ba kombustível atu halo operasaun.

“Problema ida ne’ebé ami informa ba Prezidente-Repúblika kona-ba situasaun jerál atendementu ba serbisu operasaun ninian, ezemplu, kombustível ba kareta nomós manutensaun kareta atu utiliza hodi halo operasaun ninian”, Komandante Jerál PNTL, Júlio da Costa Hornay, hato’o ba jornalista sira iha Palásiu Prezidente Nicolau Lobato, Bairru Pité, kinta ne’e hafoin enkontru ho Prezidente-Repúblika, Francisco Guterres Lú Olo.

Nia haktuir kombustível laiha ona, tanba ne’e, Komandante Polísia Distritál sira informa ba Komando PNTL atu rezolve urjentemente.

“Hanesan Komandante Jerál ha’u hateten katak ida ne’e kestaun Governu ninian. Ne’e duni, husu ba komandante sira hotu katak neneik ka lalais sei rezolve kestaun refere”, Hornay tenik.

Nia apela ba Komandante Polísia Distritál atu orienta nafatin membru sira para mantein atividade operasionál ba povu no nasaun.

“Ita labele uza argumentu dehan difikuldade hirak ne’e sai hanesan obstákulu para ita atu halo serbisu,” Komandante Jerál ne’e fó hanoin.

Júlio Hornay haklaken orsamentu envelope atu atende difikuldade hirak ne’e iha ona no hein de’it nia ezekusaun.

Iha okaziaun ne’e, nia mós relata ba Prezidente-Repúblika katak situasaun iha territóriu Timor laran la’o hakmatek no nia kontinua alerta ba joven sira atu mantein matenek ka maturidade polítika hodi garante estabilidade nasionál.

Jornalista: Xisto Freitas | Editora: Rita Almeida

Imajen: Komandante PNTL

Guiné Ekuatorial hakarak akolle reuniaun másima iha tinan 2022

Guiné Ekuatorial hakarak akolle simeira Komunidade Nasaun sira Lian Portugeza nian (CPLP) iha tinan 2022, hafoin prezidensia angolana iha organizasaun, hatete asesor Prezidente ekuato-guineense nian, loron-sesta ne'e ba Lusa.

Iha deklarasaun ida ba Lusa, Murade Murargy, asesor Teodoro Obiang Nguema nian ba asuntu sira konaba komunidade luzófona, afirma katak Malabu hakarak simu konferensia xefe Estadu no Governu CPLP nian iha tinan 2022, nune'e asume prezidensia ba organizasaun ba periodu rua oin mai.

Autoridade Guiné Ekuatorial sira afirma tiha ona disponibilidade ba organizasaun atu organiza simeira 2020, maibe la konsegue formaliza kandidatura, iha konferensia CPLP ba dala 12 ne'e, ne'ebé halao iha loron-tersa no loron-kuarta ne'e iha Santa Maria, illa Sal, Cabo Verde.

Angola sai hanesan nasaun ne'ebé maka hili, "hosi unanimidade no aklamasaun", ba prezidensia hafoin Cabo Verde, entre tinan 2020-2022, hafoin sujestaun hosi prezidente ezersísiu CPLP nian, xefe Estadu cabo-verdianu, Jorge Carlos Fonseca.

Antigo sekretário-ezekutivu komunidade luzófona (2012-2016), ne'ebé akompña Teodoro Obiang ba reuniaun iha illa cabo-verdiana Sal ne'e, hatete ba Lusa katak Prezidente da Guiné Ekuatorial konsidera "nia partisipasaun ne'e positiva tebes iha simeira ne'e, tanba kontribui ba sentimentu konfiansa entre lideres organizasaun ne'e nian".

Lusa kontakta, fonte diplomasia portugueza hatete de'it katak fatin ba simeira 2022 sei hili iha konferensia ba dala 13, iha Luanda. Desizaun ba CPLP sempre halo ho konsensu.

Embaixador CPLP Guiné Ekuatorial nian iha Lisboa, Tito Mba Ada, konfirma intensaun autoridade Malabu sira nian ne'e.

"Guiné Ekuatorial sempre disponivel no sei disponivel nafatin atu organiza simeira CPLP ne'e", afirma diplomata ne'e ba Lusa.

Tito Mba Ada subliña katak nia nasaun ne'e akolle tiha ona simeira ida Uniaun Afrikana nian, ne'ebé reúne Estadu 50 liu, no garante katak iha kapasidade atu realiza reuniaun organizasaun luzófona ne'e, ho membro 9.

Guiné Ekuatorial, antigu kolonia española, tama ba CPLP iha tinan 2014 tuir roteiru akordu nian, ne'ebé inklui kompromisu hodi promove no fahe lian portugueza no bandu ba kastigu ba mate.

Teodoro Obiang mós hatete iha simeira iha Cabo Verde ne'e, katak nia nasaun tuir "neneik no seguru" roteiru hodi tama ba komunidade, maibe so hatete konaba dezenvolvimentu hodi promove portuguêz no nia la refere konaba kastigu ba mate.

Autoridade Malabu sira hein atu tau kastigu masimu ida iha tinan 2014, bainhira iha akordu ne'e, no garante katak dezde ne'e sei laiha tan oho, maibe justisa Guiné Ekuatorial nian kontinua iha kastigu ba oho iha kuadru legal nian.

Iha deklarasaun ba imprensa, prezidente CPLP, Jorge Carlos Fonseca, asume hanesan "defensor ba hodi halakon kastigu ba mate ne'e" no hatete katak hakarak ne'e atu akontese iha Guine Ekuatorial durante mandatu cabo-verdianu nian ne'e, ka, tinan rua ne'e.

Xefe Estadu cabo-verdianu ne'e hatete,iha final ba simeira Sal ne'e katak, nia maka sujere Angola hodi asume prezidensia ba komunidade tuir mai, iha tinan 2020, ne'ebé hetan mós apoiu hosi lidere sira seluk, inklui mós Teodoro Obiang.

Durante konferénsia xefe Estadu no Governu CPLP ba dala 12, ne'ebé halao entre loron-tersa ne'e no loron-kinta ne'e, Cabo Verde sei asumi prezidénsia ba organizasaun ne'e, durante periodu tinan rua, ho tema "Kultura, Ema no Oseanu sira".

Angola, Brazil, Cabo Verde, Guiné-Bisau, Guiné Ekuatorial, Mosambike, Portugal, São Tomé & Prínsipe no Timor-Leste maka halo parte hanesan Estadu-membru CPLP nian.

SAPO TL ho Lusa

Responsavel ba NATO fó hanoin ba Prezidente EUA regra ba defeza koletivu

Responsavel boot NATO nian ida fó hanoin loron-sesta ne'e kompromisu EUA nian ho regra ba defeza koletivu iha akontesimentu ba agresaun ba Estadu-membru ida, ne'ebé Trump ignora bainhira koalia konaba Montenegro iha intrevista ida iha semena ne'e.

"Klazula ba defeza koletivu NATO, artigu 5º katak, inkondisionál no betaun armadu. Ne'e signifika katak se atake ne'e ba membru ida, ne'e hanesan mós atake kontra hotu kedas", hatan loron-sesta ne'e funsionariu ba pergunta hosi ajénsia notisia AFP.

"Prezidente Trump hatudu momoos katak Estadus Unidus dedikadu los iha NATO no aliansa ne'ebé forte", durante simeira NATO iha Bruxelas, ne'ebé halao iha loron 11 no 12 Jullu, hatete tan responsavel ne'e, ne'ebé prefere koalia iha anonimu.

Polémika ne'e mosu durante intrevista ida ba Prezidente EUA iha kanal televizaun Fox News, ne'ebé tranzmite iha loron-tersa kalan ne'e.

Jornalista ne'e husu: "Se, por ezemplu, Montenegru hetan atake, razaun seda maka ha'u nian oan tenki ba Montenegru, hodi defende sira?", Donald Trump hatan: "Hau komprende seda maka ita dehan, ha'u mós halo pergunta ne'ebé hanesan", konsidera mós kata "Montenegru nasaun ida ne'ebé kiik, ho ema ne'ebé forte, agresivu".

Trump mós hatete katak agresaun ne'e bele provoka "funu mundial ba datoluk" se membru seluk hosi Aliansa Atlântika defende Montenegru.

Deklarasaun Trump nian ne'e hetan resposta hosi parte Montenegru nian, iha komunikadu ida haktuir nasaun ne'e hanesan "Estadu estabilizador ida iha rejiaun, uniku ne'ebé la sai palku ba funu durante dezintegrasaun hosi ex-Jugoslávia" durante konflitu iha dékada 1990, ne'ebé provoka ema mate hamutuk rihun 130.

Governu montenegrinu mos hatete tan katak, "amizade no aliansa entre Montenegru no Estadus Unidus ne'e forte no metin".

SAPO TL ho Lusa

Bruxelas aplika multa maka'as ho rihun 4,3 ME ba Google

Komisaun Europeia aplika ona, iha loron-kuarta ne'e, multa ida ho folin maka'as hamutuk euro biliaun 4,3 ba empreza boot norte-amerikanu Google tanba abuzu pozisaun iha merkadu tanba sistema Android.

Kastigu ne'e, destinadu hodi kastigu Google tanba violasaun hosi regra sira ‘anti-trust’ (hosi konkorénsia) hosi Uniaun Europeia (UE) tanba pozisaun dominante hosi nia sistema operativu ba ‘smartphone sira’, Android, hodi garanti predominánsia hosi sira nia aplikasaun rasik - ho destake ba serbisu navegasaun Chrome.

Folin hosi multa halakon ona rekord anterior, biliaun 2,42, ne'ebé fó mós ba Google iha fulan-Juñu 2017 tanba favorese serbisu hosi komparasaun presu sira ‘Google Shopping’ relasionadu ho nia konkorente sira.

Sistema Android uza hosi fabrikante tomak hosi ‘smartphone sira’, no Apple mós hanesan rezerva prinsipal.

SAPO TL ho Lusa

Governu Entrega Ona Programa Ba PN

DILI, (TATOLI) – Governu liuhosi reuniaun Konsellu Ministru (KM) estraordinária, halo ona apresiasaun ba programa VIII Governu Konstitusionál no ohin,  Primeiru-Ministru, Taur Matan Ruak, entrega ona ba Parlamentu Nasionál (PN) hodi hetan apresiasaun.

“Ohin duni Primeiru-Ministru haruka ba Parlamentu Nasionál hodi hetan apresiasaun no sei marka loron hodi diskute tuir rejimentu nian, másimu loron lima programa ne’e sei diskute”, Ministru estadu prezidénsia konsellu ministru, Agio Pereira ba jornalista sira hafoin remata reuniaun ezekutivu nia iha Palásiu Governu, ohin.

Nia hatutan, bain rua (22/07) loron ikus ona iha loron 30 nia laran molok simu posse, tanba ne’e ohin governu serbisu hodi fó kontinuasaun ba serbisu ne’ebé halo tuir termu barak.

“Programa ne’e hodi hatudu ideia ne’ebé mak VIII Governu Konstitusionál iha no hakarak  realiza iha tinan lima nia laran”, nia hakle’an tan.

Biban ne’e mós KM deside naran rua ba komisáriu Komisaun Anti Korrupsaun (KAK), ne’ebé antes ne’e governu deside ona prolonga mandatu komisáriu Adérito Tilman, maibé parte PN hakarak tenke iha kandidatu tolu hodi sira bele hili.

“Atu deside komisáriu ba Komisaun Anti Korupsaun, ne’ebé Parlamentu Nasionál hakarak kandidatu tenke liu hosi ida, ne’ebé Konselhu Ministru haruka ona naran rua hodi Parlamentu Nasionál deside, no naran ne’e sira mak sei fó sai, la’ós governu”, Agio informa.

Jornalista: Julia Chatarina | Editór: Manuel Pinto

Imajen: Primeiru-Ministru (PM), Taur Matan Ruak, ko'alia ho jornalista sira hafoin sorumutu ho Xefe Estadu, Francisco Guterres Lú Olo, iha Palásiu Prezidensiál. Foto mídia PR

Eventu Korrida Ró Promove Turizmu Marítima

DILI, (TATOLI) – Eventu korrida ró Darwin-Dili ne’ebé organiza husi Ministériu Turizmu Timor-Leste liuhusi kooperasaun Cruising Yacth Association Northern Territory, Austrália, promove turizmu marítima liuliu ba merkadu Austrália tanba país viziñu ne’e sai merkadu potensiál mai Timor-Leste.

Diretór Jerál Turizmu, José Filipe Dias Quintas, hatete objetivu seluk ida mak hametin kooperasaun ho nasaun viziña no bele kria merkadu doméstika husi eventu ne’e rasik.

“Ministériu Turizmu sei tau osan nafatin para atrai ró yacth ne’e barak liután iha 2019 tanba ita espera eventu ne’e bele promove Timor-Leste nu’udar destinu turístiku ida ne’ebé hakmatek, estavel para ita bele atrai turista liuliu Austrália barak liután”, Quintas afirma iha eventu fahe prémiu ba manán-na’in sira husi korrida ró Darwin-Dili iha Sentru Informasaun Turístika, Lesidere, ohin.

Kompetitór iha eventu ne’ebé hahú iha 14 jullu husi Darwin-Dili ne’e hamutuk 11 ne’ebé ualu mai husi Austrália no tolu seluk husi Indonézia ne’ebé finaliza ona nia korrida no ohin (19/7) no simu ona prémiu ba korrida ró tuir nia klase mak monohull no multihull mak trofe no orsamentu uitoan nu’udar insentivu ba sira. Minitériu Turizmu tau osan mil 71 ne’ebé kobre ba atividade hotu iha eventu halai taru ró ne’e.

“Ró sira tama hotu ona no bazea ba planu sei halo fali viajen bá Oekusi. Ba aspetu tékniku sira haree katak korrida husi Darwin mai Dili ne’e todan tebes tanba la’ós fasil hanesan halai bero husi Ambong mai Bali, tanba sira haree (tasi) Timór ne’e iha difkuldade tebes entaun ne’e mós sai turizmu aventura ida kapa’as tebes ba sira para halo sira-nia viajen”.

Xefe Unidade Misaun Timor-Leste, Indonézia no Austrália (TIA), João Gonçalves, hatete eventu ne’e istóriku hahú kedan iha 1973 (tempu Portugés) no iha oukupasaun Indonézia para tiha, maibé konsege reativa iha tempu ukun-an iha 2010.

“Tinan ida ne’e ita iha obstákulu uitoan tanba ita-nia situasaun polítika rai-laran, maibé ho esforsu hamutuk konsege hakat obstákulu sira ne’e”.

Iha desportu marítima ba tinan ne’e tenta hodi promove ba timoroan maibé lakonsege partisipa, entantu tinan rua ba kotuk iha na’in-rua mak tuir eventu ne’e.

“Tinan oin timoroan balun ne’ebé hakarak partisipa mós iha eventu ne’e bele tau naran no ita organiza atu sira bele akompaña mós iha ró balun ne’ebé bele simu sira”.

Jornalista: Maria Auxiliadora | Editora: Rita Almeida

Imajen: Skipper no Tripulante sira iha korrida ró Darwin-Dili. Foto/MT.

La Aseita Kaben, Oan La Perdua Aman

DILI - Lezada ho inisial JM nudar oan rasik, la perdua nia aman rasik CS nudar arguidu, tanba la aseita lezada nia proposta hodi halao domin ho lezada nia namoradu neebe hanesan faluk ho idade 51.

Tuir akuzasaun husi Ministeriu Publiku neebe Juis prosesu lee sai katak, arguidu ho lezada hanesan aman no oan rasik no arguidu iha oan feto ida deit mak lezada.Iha loron 26 fulan Jullu tinan 2017 horas tuku 7:00 dader, iha sira nia hela fatin Bebora lezada hetan ameasa husi arguidu katak, sei sunu motuk lezada ho uma no arguidu mos basa dala tolu iha lezada nia hasan, no kaer lezada nia fuuk dudu ba parede.

Konsekuensia husi arguidu nia hahalok, kauza lezada senti moras iha parte hasan no trauma hodi deside ba hela iha uma Mahon. Ho hahalok arguidu Ministeriu Publiku akuza arguidu hanesan autor ba pratika krime ameasa no ofensa integridade fizika simples neebe previstu iha artigu 145 husi kodigu penal.

“Hau nia oan feto halo relasaun ho AF, nia  hahalok muda total no la iha respeita ba ami inan aman, no nunka atu halo servisu uma laran, la tein atu ami han, tanba nee mak hau mos halo tauk nia, se o lakoi tein entaun sunu tia dapur nee laos atu sunu lezada ho dapur,” deklara arguidu iha sala julgamentu Tersa 17/07/2018.

Iha fatin hanesan lezada hatete, antes nee arguidu husu ba lezada katak sei kontinua namora ho AF nee ka lae ona, no lezada hatan sei kontinua tanba moris hamutuk ona hanesan fen ho laen.

Audensia julgamentu nee, prezide husi juiza Singular Jumiaty Freitas, Ministeriu Publiku reprezenta husi Prokurador Reinato Bere Nahac no arguidu hetan asitensia legal husi Advogadu Privadu. 

Notisia kompletu lee iha jornal STL edisaun Sesta (20/07/2018)

Terezinha De Deus | Suara Timor Lorosae

Julio Hornay: Situasaun Rai Laran Lao Hakmatek

DILI - Komandante Jeral PNTL, Komisariu Julio da Costa Hornay hateten, situasaun enjeral  iha 12 Munisipiu inklui RAEOA lao hakmatek, no laiha problema ida maka akontese.

“Ohin inkontru ho ita nia Prezidente da Republika hodi informa konaba situasaun jeral PNTL nian ba PR, nunee mos informa situasaun enjeral iha munisipiu 12 inklui RAEOA neebe lao hakmatek, no laiha problema ida maka akontese ho seriu,” dehan Komisariu Julio, ba jornalista sira hafoin remeta enkontru ho PR Francisco Guterres Lu Olo, iha Palasiu PR Nicolau Lobato, Bairu-Pite, Dili, Kinta (19/07/2018).

Nia dehan, nunee mos informa ba Prezidente da Republika konaba situasaun jeral entendimentu ba servisu operasaun ninian, purexemplu kombestivel ba kareta no mos manutensaun ba kareta hirak nee maka sai problema ida ba instituisaun, para membru sira bele uza hodi halao atendimentu servisu operasaun.

Iha parte ketak Xefi de Estadu Major Jeneral Forsas Armadas, Major Jeneral Lere Anan Timor hateten, situasaun iha rai laran lao diak hela. 

Notisia kompletu lee iha jornal STL edisaun Sesta (20/07/2018)

Carme Ximenes | Suara Timor Lorosae

Polícia timorense tem condições para integrar missões internacionais, diz ex-PR Ramos-Horta

Efetivos da polícia timorense têm condições para participar numa missão internacional de gestão de crises, defendeu hoje em Díli o ex-Presidente timorense José Ramos-Horta, citado num comunicado divulgado pela Polícia Nacional de Timor-Leste (PNTL).

O antigo chefe de Estado, que falava perante o 1.º Curso de Missões Internacionais da PNTL, na Unidade Especial de Polícia, considerou que Timor-Leste, "pela sua experiência na crise e estando agora a viver uma situação de paz estável e consolidada, tem todas as condições para participar numa missão internacional, e representar bem a nação além-fronteiras, contribuindo para o reconhecimento e credibilidade do país".

Ramos-Horta levantou na sua intervenção duas hipóteses para essa participação: "em parceria com um dos países da Comunidade dos Países de Língua Portuguesa (CPLP) ou do sudoeste asiático; ou de uma forma independente através de uma 'Formed Police Unit (FPU)' semelhante à da força que a GNR tinha constituída em Timor-Leste no período de 2006 a 2012".

De acordo com a nota, Ramos-Horta apresentou como um dos exemplos uma companhia de infantaria do exército moçambicano que participou na Administração Transitória das Nações Unidas em Timor-Leste (UNTAET), integrada num batalhão do exército português, entre outros.

O ex-Presidente referiu "ainda que além da evidente e necessária formação da componente técnico-profissional, que a formação da componente humana e académica é fundamental, para que uma força, além de aplicar as técnicas e táticas, possa também ser capaz de fazer negociações e outras ferramentas de resolução de conflitos pacíficas para poder diminuir o nível de conflitualidade entre as partes e para melhor poder respeitar e exemplificar o respeito que é necessário ter pelos direitos humanos".

CSR // EL | Lusa

CPLP | Guiné Equatorial quer acolher reunião máxima em 2022

A Guiné Equatorial quer acolher a cimeira da Comunidade dos Países de Língua Portuguesa (CPLP) em 2022, após a presidência angolana da organização, disse hoje à Lusa o assessor do Presidente equato-guineense.

Em declarações à Lusa, Murade Murargy, assessor de Teodoro Obiang Nguema para as questões da comunidade lusófona, afirmou que Malabo quer receber a conferência de chefes de Estado e de Governo da CPLP em 2022, assumindo a presidência da organização no biénio seguinte.

As autoridades da Guiné Equatorial já tinham afirmado a sua disponibilidade para organizar a cimeira de 2020, mas não chegaram a formalizar uma candidatura nesse sentido, na XII conferência da CPLP, que decorreu esta terça e quarta-feira em Santa Maria, ilha do Sal, Cabo Verde.

Angola foi o país escolhido, "por unanimidade e aclamação", para suceder à presidência de Cabo Verde, entre 2020 e 2022, após sugestão do presidente em exercício da CPLP, o chefe de Estado cabo-verdiano, Jorge Carlos Fonseca.

À Lusa, o também antigo secretário-executivo da comunidade lusófona (2012-206), que acompanhou Teodoro Obiang à reunião na ilha cabo-veridana do Sal, relatou que o Presidente da Guiné Equatorial considerou "muito positiva a sua participação nesta cimeira, pois contribuiu para um sentimento de confiança entre os líderes da organização".

Contactada pela Lusa, fonte diplomática portuguesa disse apenas que o local da cimeira de 2022 será escolhido na XIII conferência, em Luanda. As decisões na CPLP são tomadas por consenso.

O embaixador da Guiné Equatorial em Lisboa e junto da CPLP, Tito Mba Ada, confirmou esta intenção das autoridades de Malabo.

"A Guiné Equatorial esteve disponível, está disponível e estará sempre disponível para organizar a cimeira da CPLP", afirmou o diplomata à Lusa.

Tito Mba Ada sublinhou que o país já acolheu uma cimeira da União Africana, que reúne mais de 50 Estados, garantindo ter capacidade para realizar a reunião da organização lusófona, com nove membros.

A Guiné Equatorial, antiga colónia espanhola, aderiu à CPLP em 2014 mediante um roteiro de adesão, que incluía os compromissos de promover e difundir a língua portuguesa e a abolição definitiva da pena de morte.

Na cimeira em Cabo Verde, Teodoro Obiang informou, que o país está a seguir "de forma paulatina e segura" o roteiro da integração na comunidade, mas apenas deu conta dos progressos da difusão do português e não se referiu à pena de morte.

As autoridades de Malabo impuseram uma moratória sobre a pena máxima em 2014, aquando da adesão, e garantem que desde então não houve mais execuções, mas a justiça da Guiné Equatorial continua a ter prevista a pena de morte no seu quadro legal.

Em declarações à imprensa, o presidente da CPLP, Jorge Carlos Fonseca, assumiu-se como "um acérrimo defensor da abolição da pena de morte" e disse que gostaria que isso acontecesse na Guiné Equatorial durante o mandato cabo-verdiano, ou seja, nos próximos dois anos.

O chefe de Estado cabo-verdiano relatou, no final da cimeira do Sal, que foi ele quem propôs que Angola assuma a próxima presidência da comunidade, em 2020, algo que mereceu o apoio dos restantes líderes, incluindo de Teodoro Obiang.

Durante a XII conferência de chefes de Estado e de Governo da CPLP, que decorreu entre terça e quarta-feira, Cabo Verde assumiu a presidência rotativa da organização, por um período de dois anos, e com o lema "Cultura, Pessoas e Oceanos.

Angola, Brasil, Cabo Verde, Guiné-Bissau, Guiné Equatorial, Moçambique, Portugal, São Tomé e Príncipe e Timor-Leste são os Estados-membros da CPLP.

Lusa | em SAPO TL