Madalena Hanjam Baixa iha HNGV - Espoza PM Baixa Sala VIP-HNGV

DILI - Eis Vise Ministra Saúde IV Governu Aliansa Maioria Parlamentar (AMP), Madalena Hanjam (51), Dominggu (25/09) baixa iha Hospitál Nasionál Guido Valadares (HNGV) iha salaVery Important personal(VIP) hodi halo tratamentu intensivu.

Tuir observasaun diário Timor-Post ba lista iha kuadru sala VIP, arguida ba kazu sosa kamane’e rejistradu hó númeru 619926 iha sala númeru 2 VIP nian.

Eis vise Ministra Saúde ne’e tama iha sala VIP no tratamentu direitamente hosi doutor Mendes, hanesan atual Diretór Apoiu Diagnóstika e Terapeútika HNGV nian.

Xefe Departamentu Emerjensia HNGV, Doutor Alito Soares hatete, iha sala VIP ne’e eis vise Ministra IV Governu Aliansa Maioria Parlamentu (AMP) Madalena Hanjam maka baixa iha ne’eba.

Alito afirma, nia parte la fó komentáriu barak ba kestaun ida ne’e tanba kona-ba tratamentu no kondisaun atual saúde eis vise ministra saúde nian ne’e kompeténsia doutor Mendes.

Portantu bainhira diário Timor Post tenta atu konfirma sobre moras eis vise Ministra IV Governu AMP nian ne’e ba doutor Mendes, maibé doutor ne’e sei okupadu ho atendementu ba pasiente sira iha sala VIP.

Espoza PM Baixa Sala VIP-HNGV

Iha parte seluk espoza Primeiru Ministru (PM), Teresa Soares (50) mós baixa iha salaVery Important Personal(VIP) Hospitál Nasinal Guido Valadares (HNGV) hodi halo tratamentu intensivu.

Bainhira rona informasaun ne’e diario Timor-Post tenta hakat ba sala kontrolu pesoal saúde iha VIP Hospitál, Hodi hare’e direitamente lista naran pasiente sira kuadru avizu, no hosi kuadru avizu ne’e pesoal saúde ne’ebé hala’o kontrolu iha VIP lakohi informa ninia identidade hatete, espoza primeiru ministru maka okupa sala númeru 1.

Espoza PM Rui Maria de Araújo tama iha Hospitál Nasionál Guido Valadares (HNGV) iha Dominggu, (25/09) tuku 21:00 kalan oras Timor Leste.

Bainhira to’o iha emejensia HNGV pesoal saúde sira evakua kedas Pasente ne’e ba Sala VIP numeru ida hodi halo tratamentu intensivu. Tratamentu ba pasiente espoza PM Rui responsabiliza hosi doutor Filipe.

Diariu Timor-Post mós tenta konfirma ba doutor ne’ebé responsabiliza ba tratamentu espoza Primeiru Ministru nian maibé pesoal saúde iha Sala kontrolu VIP informa katak doutor Filipe laiha fatin, nune’e to’o notísia ne’e hatun seidauk hetan konfirmasaun ruma kona-ba kondisaun saúde espoza PM Rui Maria de Araujo.

Entretantu Timor-Post konfirma fali ba Doutor Alito Soares maibé Doutor Alito hatete, kona-ba informasaun sobre espoza Primeiru Ministru ne’ebé hala’o ninia baixa iha sala VIP HNGV Maske nia hatene maibé labele fó informasaun tanba doutor seluk maka responsabiliza.(f10)

Timor Post

Drainajen iha Dili Kontinua Taka Kuake Loke Kuake

DILI - ONG Luta Hamutuk preokupa tebes ho projetu drainajen iha sidade Dili ne’ebé kontinua taka kuak loke kuak. Luta Hamutuk konsidera situasaun ne’e kontinua mosu tanba governu fraku iha kontrolu.

Luta Hamutuk foti ezemplu ida hosi projetu drainajen ne’ebé iha kedas edefísiu Luta Hamutuk nia oin iha Farol-Dili, kuaze fulan haat ona kompañia ba halo ku’ak tiha iha estrada klaran to’o agora seidauk taka.

Koordenador Divisaun Advokasia  Luta Hamutuk, José Alves da Costa, hatete, situasaun ne’e halo sira triste tebes tanba governu fó projetu ba kompañia sira gasta osan estadu maibé abandona hela mos governu la tau atensaun.

“Ami ezije ba Ministériu Obras Públika atu tau matan ba iha projetu sira ne’ebé  mak abandonadu iha kapital Dili,” José afirma iha konferénsia ba imprensa ne’ebé hala’oTersa (27/09), iha edefísiu Luta Hamutuk, Farol-Dili.

Liuhosi monitorizasaun, José haktuir, projetu ne’e laiha dadus ne’ebé  mak klaru tanba kuadru informasaun.

“Ami lahatene projetu ne’e legal ka ilegal no ami la haré  orsamentu hira mak gasta ba projetu ne’e no BOQ mos laiha kontratu mos laiha,” José lamenta.

“To’o agora  kompañia mos ami la hatene klaru maibé  ami haré  dalaruma sira nia movimentu iha ne’e ninia membru sira  hatais farda Montana Di’ak no ekipamentu balun mos hakerek Montana Diak,” José hatutan.

Nia parte husu ba Ministru Obras Públika atu halo kalrifikasaun ba iha projetu ne’e tanba lori perigu ba movimentu transporte sira ne’ebé  mak iha inklui mos ema sira ne’ebé mak la’o ain no komunidade ne’ebé hela besik iha fatin ne’eba.

Iha fatin hanesan Diretór Ezekutivu Luta Hamutuk, Mericio Akara, governu tenke toma responsabilidade ba kestaun ne’e tanba governu mak hanesan nain ba projetu.  

“Ami lamenta tebes ho obra ne’ebé  maka kompaña sira abandona husik hela iha fatin protokolu hanesan ne’e, kuaze membru governu sira mos liu ba mai, maibé  abandona hanesan ne’e de’it. Ida ne’e nia inpaktu ne’e ba ami sira ne’ebé  maka hela iha ne’e.” Akara lamenta.(ljd/jxy)

Timor Post

Bispu sira alerta ba instabilidade sosiál, polítika no ekonómiku iha nasaun luzófonu

Responsável katóliku  hosi nasaun hitu ho lian  portugés horisehik manifesta, iha Aparecida, interiór estadu brazileiru Saun Paulo nian, " sira nia preokupasaun  ba situasaun sosiál, polítika no ekonómika iha kuaze nasaun hotu" luzófonu nian ne’ebé laestável.

Liuhosi komunikadu konjuntu, ne’ebé haruka ba imprensa loron lima ikus Enkontru Bispu Nasaun Luzófonu badala XII, reprezentante sira alerta katak instabilidade ne’e iha "konsekuénsia ba vida sidadaun, família no instituisaun".

Iha  dokumentu ne’e, sira kondena "situasaun korupsaun, esplorasaun ba kiak no ba tráfiku umanu" no bolu atensaun atu "bele iha diálogu" ho polítiku no governu,hodi defende "valór inportante sira ne’ebé  liga ba vida umanu no moris di’ak, demokrasia no direitus umanus".

Reprzentante sira hosi episkopál Igreja Katólika moos konkorda atu iha kooperasaun boot liu entre igreja luzófonu no diálogu inter-relijiozu, "hodi buka solusaun ba pás no toleránsia, seguransa no moris di’ak".

Iha enkontru ne’e, sira defende moos kona-ba nesesidade diálogu ho relijiaun seluk, polítiku no sosiedade sivil ho propózitu ba iha protesaun ambiente, halo analiza ba ensíklika ekolójika Papa Francisco nian, ?Laudato Si'.

Partisipante sira iha eventu ne’e konkorda ho "lalais" bele inklui temátika ne’e iha inisiasaun kristaun no formasaun kontinua no defende " edukasaun ekolójika ba sobriedade no fahe ba sosiedade konsumu no ba nia lukru".

Sira sujere moos "atu fahe  informasaun no estudu, reflesaun no itineráriu katekétike  kona-ba ekolojia entre ita nia konferénsia episkopál sira", haktuir  testu ne’e.

Iha enkontru, responsável sira reflete kona-ba testu seluk papal nian relativu ba matrimóniu no família, sujere " Evanjellu família no relasaun pastoral kona-ba modu seluk no konseitu família nian no hanesan  resposta ida ba kultura ne’ebé lavaloriza no dezagregasaun mundu nian".

Tanba ne’e, sira defende katak di’ak liu "simu, prepara no akompaña família sira iha faze no prosesu sira hotu" no "atende liu problema sira hanesan poligamia no kazamentu ho disparidade kultu nian".

Responsável sira lamenta moos ba" suspensaun uzu lian portugés iha prosesu postulasaun causa dos santos  hosi Kongregasaun ba  Causas dos Santos".

Iha dokumentu ne’e, manifesta "preokupasaun ba desizaun ne’ebé , aléinde kontrariu ho Instrusaun  'Sanctorum Mater' 17 maiu 2007, sei difikulta no lala’ok di’ak iha prosesu kanonizasaun ho orijen iha nasaun lian portugés".

Iha  testu ne’e moos, mensiona "akontesimentu jubilar relevante ne’ebé sei hala’o iha 2017: selebrasaun tinan 300 Nossa Senhora Aparecida, iha  Brazil, sentenáriu Aparisaun iha Fátima, Portugál, komemorasaun tinan 150 prezensa Missionáriu Espiritanu iha Angola no Portugál no selebrasaun tinan 40 diocese Bissau".

Ikus liu, deside katak Enkontru Bispu Nasaun Luzófonu  badala XIII sei hala’o iha  Praia, Kabuverde, 27 to’o  29 abril 2018.

Enkontru ne’e konta ho reprezentante  14 Angola, Brazil, Kabuverde, Giné-Bisau, Mosambiké, Portugál no Saun Tome no Prínsipe.

Delegasaun  portugeza kompostu hosi Manuel Clemente, patriarka Lisboa no Prezidente hosi Konferénsia Episkopal Portugeza (CEP), hosi padre Manuel Barbosa, sekretáriu CEP, no hosi Jorge Líbano Monteiro, prezidente Fundasaun Fé no Kooperasaun (FEC).

SAPO TL ho Lusa

Erupsaun vulkaun iha Indonézia halo turista 400 tenke tuun hosi foho

Haruka ona ekipa resgate, la’o haleu fatin hothotu iha Indonézia hodi haruka sai turista besik 400 iha foho ne’ebé ema barak buka hodi ‘trekking’, la’o ain, hafoin akontese erupsaun vulkánika, tuir AFP fó sai. 

Erupsaun iha foho Barujai akontese horisehik lorokraik, bainhira hasai suar no sinza besik kilómetru rua ba leten, illa Lombok, este Bali, tuir portavós hosi ajénsia nasionál ba jestaun katástrofe naturais, Sutopo Purvo Nugroho hateten.

Ema besik 400 maka besik ho foho Barujani, kone vulkánika ida iha kedas vulkaun Rinjani ninia okos, ho metro altitude 3.726.

SAPO TL ho Diário Digital / Lusa 

AUDIENSIA FM DAHULUK IHA HOLANDA FAVORESE LIU BA POSISAUN TIMOR LESTE

Komisaun Konsiliasaun Obrigatoria (KKO) hola desizaun audénsia  dahuluk  ba kazu disputa Fronteira Marítima (FM) nian iha Tribunal permanente Haia-Holanda, foin lalais ne’e  favorese liu ba posizaun Timor Leste nian hodi la favorese ba pozisaun Australia nian ne’ebé durante ne’e sira defende.

“Tuir horiseik (horibainrua) Komisaun  Konsiliasaun iha Haia fó sai sira nian desizaun, no desizaun  ne’e halo iha loron 19  kotuk fulan  Setembru ne’e nian, Hanesan  ita  bo’ot sira hatene  ona desizaun ne’e iha públiku,  iha internet, iha permanent cort arbitrage nia website  portal,  ne’ebé  ema  ne’ebé deit  bele asesu hotu, ba ita nian rai diak tebes tanba desizaun ne’e favorese posizaun ne’ebé TL defende, la favorese posizaun  ne’ebé Australia defende,”esplika Primeiru Ministru Interinu, Agio Pereira ba jornalista, iha Palasiu Governu, Tersa (27/09).

Agio Pereira hatutan,  iha loron tolu iha Haia 29 to’o 31 Agostu,  ne’ebé komisaun fó oportunidade ba Australia atu aprezenta nia kazu  kona-ba dezafiu kompetensia  komisaun nian.

Bainhira Australia hahú halo parte  komisaun, Australia deklara kedas, Australia sei  dezafia juridisaun kompetensia komisaun ne’e nian.  Ne’e duni Australia  ejiji mós  katak,  komisaun labele hahú serbisu  enkuantu seidauk determina komisaun nia juridisaun ka kompetensia iha ka laiha duni atu kaer kna’ar    ne’ebé  TL dia 11 de Abril kotuk halo foun, fó notisia,  fó orden  formal ba Canberra.

“Atraves ita nian embaixador iha Canberra señor  Abel Guterres,  ne’ebé hanesan atu rezolve disputa ida  ne’e,  kona-ba kompetensia juridisaun nian, Komisaun hatan fó loron tolu ba Australia  iha Haia atu  aprezenta Australia nian argumentu legais kona-ba juridisaun,”hatete Agio Pereira.

“ Lembra hikas katak,  hanesan ema hotu mak hare’e dader tomak ida transmisaun direta husi Haia,  Australia aprezenta  kazu. Ita mos aprezenta ita nia kontra argumentu, depois kontinua besik loron tolu hodi Australia kontinua nia argumentu, maibe la fó transmisaun direta ba públiku ona,”hatete tan Agio Pereira.

Nia hatutan, Australia nian argumentu bo’ot liu mak daet ba  Certain Maritime Arrangement of  the Timor Sea (CMATS) nia moratoriu.   Iha moratoriu CMATS  ne’e defini katak, tinan 50 nia laran Australia ho TL sei la koalia fronteiras martimas.  Australia interpreta ida ne’e katak, proiviu  halo negosiasoens,  interpreta ida ne’e,   TL ho Australia labele halo negosiasoens,  tanba TL ho Australia ratifika tiha ona CMATS. Maibe komisaun interpreta oin seluk.

Komisaun nian serbisu  ne’e tenki interpreta tuir  konvensaun tasi ONU nian, UNCLOS   ne’ebé tuir sira nian interpretasaun tuir dalan UNCLOS, CMATS labele dehan fali katak, komisaun laiha kompetensia.

Ne’ebé argumentu  Australia bolu  admicivility  katak, labele hatan TL nia inisiativa,  tanba TL hahú inisiativa  ne’e viola moratoriu CMATS.   Ne’e duni komisaun la hatan argumentu  ne’e no komisaun dehan katak, komisaun iha kompetensia ne’e tanba,  bainhira Australia aprezenta karta rua.

“Ida husi señor Primeiru Minsitru  Alkatiri ba señor Primeiru Ministru Jhon Howard,  fulan tolu liu tiha, primeiru Ministru Jhon Howard hatan karta señor Primeiru Ministru Alkatiri nian,  Australia nia argumentu katak, karta rua ne’e hatudu katak,  TL  halo akordu depois  tuir karta rua ne’e CMATS mosu hodi komplementa  karta rua ne’e, maibe komisaun nia leitura ba karta rua ne’e katak, ne’e la’os dokumentu legais,  ne’ebé atu impede fali implikasaun kompetensia ba komisaun, ida ne’e hotu hatudu katak,  faze  ne’ebé difisil liu ba inisiativa TL ba hahú komisaun de konsiliasaun  obrigatoriu ne’e maka faze ida juridisaun, maibe  ita haksolok tanba faze  ne’e iha ita nia kotuk ona  komisaun halo  desizaun,  ne’ebé favorese pozisaun  Timor Leste nian no la favorese pozisaun Australia nian,”reafirma Agio Pereira.

Bainhira husu kona-ba informasaun balun lekar  katak, Australia lakon iha  audénsia  dahuluk  ba kazu disputa FM ne’e? Agio Pereira hatan, tuir lei internasional, tuir  konvensaun lei tasi ONU nian nia mekanismu ida bolu komisaun kompulsoria  ne’e  nunka uza uluk.

Ne’e  primeira ves foin mak uza,  ne’ebé halo teste bo’ot ida ba lei internasional no teste ne’e diak, tanba rezultadu   komisaun konsiliasaun   ne’ebé TL hahú  ne’e hatudu katak,  fó forsa maka’as liu tan konvensaun tasi nian UNCLOS.

“Ne’e duni pozisaun TL nian  ita bele dehan  katak, vantazen  katak, definisaun é que destante nu’udar TL define katak, ida  ne’e vale ba UNCLOS revendika duni desizaun ida ne’e, sei revendika iha prosesu,”dehan Agio Pereira.

Nune’e mos antes ne’e, Negosiador Prinsipal Timor-Leste nian, Kay Rala Xanana Gusmão, agradese ba komisariu hotu sira nian servisu hodi determina TL nian pozisaun.

“Hanesan luta ne’ebé ita halo lahatene kole no ita terus maka’as ba ita nian independensia, ita sei la para to’o ita hetan ita nian direitu soberanu iha rai no iha tasi. Timor sei luta to’o mate ba soberania tasi ami nian. Ami mai buka direitu bazeia ba lei internasional, no kompriende hodi hetan justisa. Ita la’os mai iha Den Haag, Holanda atu hetan previlejiu. Ami mai husu ami nian direitu tuir lei internasional,”dehan Xanana Gusmão, bainhira hala’o abertura iha prosesu konsiliasaun dahuluk iha Tribunal  Permanente Arbitrajen Hai, Holanda, Segunda (29/08/2016).

Ba kestaun FM ne’e mos Estadu Timor-Leste kria ona organismu oi-oin hodi koalia kona ba nia soberania tasi nian.avi

Jornal Nacional

DMI 2016, ATLETA LOCAL 1000 REJISTRADU

Eventu Dili Maratona Internasional (DMI) tinan 2016, ne’ebé sei realize iha loron 08 de Outobru, oras ne’e atletas lokal  hamutuk na’in 1000 liu mak rejistradu iha sede Federasaun Timor de Atletismo (FTA).

“Dili Maratona hau haree diak, maibe problema ida mak orsamentu transferensia bens de servisu ne’e hau haree araska oituan, maibe konaba registration atleta sira ne’e husi rai laran kuaze 1000 liu ona, istimasaun ne’e so 1.500 deit tuir orsamentu ne’ebe mak aprova tiha ona no labele liu husi ida ne’e,” informa presidene FTA, Afranio Xavier Amaral ba jornalista sira iha nia knár fatin eis-jinajiu Dili, Tersa (27//09/2016).

Afranio dehan, rezsitu konaba atleta sira ne’ebé mak atu tuir Dili Martona Internasional ne’e iha fatin rua, ida iha Sekretariu Estadu ba Juventude no Desportu (SEJD), no ida seluk iha Federasaun.

Altelta ne’ebé mak rezistu iha SEJD hamutuk 20 resin, tanba iha konfirmasaun katak atleta Indonesia, Malazia no Kenya mos sei mai partisipa eventu Dili Maratona ne’e, maibe obstaklu ba ita mak website Dili Maratona ne’e sedauk funsiona ho diak, alerta Nia.

“Ami fo informasaun ba liur ema balu husu fali pergunta mai, ami loke website ne’e buat ida laiha laran, ida ne’e mak agora ne’e hanesan obstalku boot ida ema atu  hatene informasuan konaba Dili maratona liu husi website ne’ebé mak ita estabelese tiha ona,” hatete Nia.

Maske nune’e federasaun kontinua esforsu liu husi federasuan Nasional  iha Nasaun ne’e tomak, no liu husi meius seluk mak face book hodi esklarase fali data de realizasaun ba ema sira ne’e, alem de esforsu federasaun ida mak hetan ona permite mai husi federasaun Internasional liu husi Federation Asian Athletic (FAA).

Serifikadu husi FAA nian mai tiha ona, e iha sertifikadu ne’e mensiona katak autoriza atu realize eventu Dili maratona ne’e iha dia 9 de Outobru 2016,” haktuir Nia.

Tanba ne’e mak komisaun organizadora atu halo preparasaun ida ne’ebe mak diak para labele to’o iha eventu ne’e komesa iha failansu iha laran, sujere Nia.

Premiu ba permeiru lugar hamutuk U$ 6000.00 no ba segundu lugar U$ 5000.00 to’o mai ultimo dez ne’e U$ 500.00, tanba id ne’e sai hanesan motivator ida ba partisipante sira no ba komunidade hotu ema sira ne’ebé mak la’os atleta federal, maibe ba atleta federal sira ema mai la’os buka manan maibe ema buka halo kontente-án, tanba halai ne’e atu proteze saude. Maske nune’e atelta federal ne’e tuir regras, atleta sestranjeiru sei mai nain rua ka tolu. Relata Nia.

“Atleta internasional hamutuk rezistadu iha nain 10, sira ne’e mai husi Nasaun Kenya, Indonesia, Malaysia no Australia balun,” informa Nia.

Konabá criteria ba atletas sira atu rejistu, Afranio esplika katak, iha formulariu rezistu tuir iha kaetegoria rua, kompostu husi full Maratona no meia maratona, enkuantu rejistrasaun ba atleta Internasional selu U$ 60.00 no free ba atleta sira local (rai laran).

Nia informa mos katak, orsamentu ba eventu U$ 300.000.00 no ne’e sai ona, maibe sedauk la’o ho diak tanba iha buat balun mak sei paradu, tanba ne’e mak husi federasaun hanesan responsavel tekniku para fo hanoin ona ba iha director jeral (Joel Maria Pereira) eventu nian para hodi haree buat ne’e. Ito

Jornal Nacional

Atu Investe Iha Timor-Leste Presiza Garante Iha Pagamentu

DILI, (ANTIL) - Diretór Komérsiu PT. Bakrie Metal Industries, Rachmat Harimurti hateten, atu  investe iha Timor-Leste  presiza garantia iha pagamentu.

Maibé, Rachmat Harimurti dehan, Governu Timor-Leste tenki garante  seguransa ba emprezáriu sira atu tama iha Timor-Leste,  hanesan  iha serteza katak sei lakontese buat ruma, relasiona ho estabilidade polítika no  seguransa. “Ko’alia kona-ba investe, serteza iha valór ne’ebé bele fila. Ida-ne’e mak  Governu tenke garante”. nia dehan ba ANTIL iha Sentru Konvensaun Dili,  Kuarta (28/92016) bainhira partisipa  espozisaun industriál 2016.

PT. Bakrie Metal Industries gosta liu atu halo servisu iha Timor-Leste, hanesan kontraktór baibain. “Ami simu kontratu ne’ebé seguru iha DP, no pagamentu ne’ebé bazeia  ba progresu,” nia esplika.

Enkuantu kompañia ne’e simu ona enkomenda ba ponte iha Timor-Leste no haruka tiha ona. “Ami haree iha poténsia merkadu iha ne’e, tanba ne’e mak ami tuir espozisaun ne’e”, dehan Rachmat ba

PT. Bakrie Metal Industries hakarak  ajuda dezenvolvimentu infraestrutura Timor-Leste iha forma saida de’it. Daudaun ne’e, kompañia ne’e halo hela Ponte Vila Maria iha Ermera ho naruk métru 50.

Entretantu, Diretór Jerál Komérsiu , PT. Bakrie Metal Industries, Pawenary, hateten, Expo International Industrial Timor-Leste 2016 ne’e di’ak, tanba bele koñese malu no esplora saida mak empreza sira bele, atu halo no halo tiha ona.

Empreza ne’e bele halo ponte, estrada no iha indústria óleo no gás bele halo plataforma. “Kuanadu Timor-Leste dezenvolve portu ami bele halo krim ba portu inklui mós aeroportu. “Tanba aeroportu Timor-Leste seidauk ho nivel intrenasionál, ita bele dezenvolve steel structure ho forma tuir klase internasionál”, nia dehan.

Bakrie Metal Industries, ne’ebé nia sentru iha Jakarta Pusat, Indonézia, iha divizaun ba óleo no gas no naun óleo no gás. Ba óleo no gás, kompañia ne’e bele prodúz publikadór, tanba empreza ne’e publikadór halo plataforma, plataform offshore, jakete, pipeline no seluk tan. Enkuantu naun óleo no gás, empreza ne’e bele halo ponte, steel facture no compile sub-system . (Jornalista: Maria Auxiliadora/Editor: Otelio Ote)

Foto: Diretór Jerál Komérsiu , PT. Bakrie Metal Industries, Pawenary

NOTISIA BARAK LIUTÁN

Erupção de vulcão na Indonésia leva à retirada de 400 turistas de montanha

Jacarta, 28 set (Lusa) -- Equipas de resgate foram hoje mobilizadas na Indonésia para retirar cerca de 400 turistas de uma montanha muito procurada para o "trekking", uma modalidade de caminhada, após a erupção de um vulcão, noticia a AFP.

A erupção do monte Barujai começou na tarde de terça-feira, com a expelição de fumo e cinzas a cerca de dois quilómetros nos céus da ilha de Lombok, a este da ilha de Bali, disse um porta-voz da agência nacional de gestão das catástrofes naturais, Sutopo Purvo Nugroho.

Quase 400 pessoas estavam perto do monte Barujani, um cone vulcânico na cratera do vulcão Rinjani, com 3.726 metros de altitude.

"Uma equipa de socorro foi destacada para o monte Rinjani para retirar os turistas. Os socorristas partiram hoje de manhã", disse o porta-voz à AFP.

As autoridades recomendaram aos caminhantes para ficarem a pelo menos três quilómetros do vulcão em erupção, que constitui uma atração no programa de 'trekking' de vários dias realizado anualmente por milhares de turistas até ao cume do monte Rinjani.

Nugroho precisou que 389 pessoas, a maioria estrangeiras, entraram desde domingo no parque nacional onde fica situado o monte Rinjani, um dos 129 vulcões ativos no arquipélago situado no "anel de fogo do Pacífico", e que alguns poderão ter-se aventurado fora dos trilhos oficiais.

O nível de alerta do vulcão foi elevado na terça-feira, mas mantinha-se hoje a dois níveis da categoria mais elevada.

As cinzas expelidas pelo vulcão não causaram perturbações no tráfego aéreo hoje, informou um porta-voz do Ministério dos Transportes, Hemi Pramuraharjo, questionado pela AFP.

Alguns voos com destino e a partir da ilha de Bali foram cancelados durante a noite, mas o aeroporto de Lombok não foi afetado.

Uma erupção no monte Rinjani em agosto levou ao encerramento do aeroporto de Lombok e causou perturbações nos voos para Bali.

FV // MP

Detidas 27 pessoas em caso de associação criminosa e agiotagem em Macau

Macau, China, 27 set (Lusa) -- A Polícia Judiciária (PJ) de Macau anunciou hoje ter detido 27 pessoas do interior da China na sequência de um caso de associação criminosa e de agiotagem, que envolveu pelo menos um sequestro, entretanto encaminhado para o Ministério Público.

Os suspeitos, com idades entre os 20 e os 53 anos, em que se incluem quatro mulheres, da província chinesa de Fujian, foram detidos na sequência de uma operação policial no domingo, em diferentes zonas da cidade, para a qual foram mobilizados 80 agentes.

A operação foi desencadeada depois de a PJ ter recebido, no início do ano, a informação de que um grupo de agiotagem estaria a operar nas zonas do NAPE (Novos Aterros do Porto Exterior) e da Taipa.

O grupo terá começado a funcionar em meados de 2015 e só desde abril último efetuou uma centena de 'empréstimos' envolvendo 20 milhões de dólares de Hong Kong (2,3 milhões de euros), explicou Ho Chan Nam, porta-voz da PJ, em conferência de imprensa.

O grupo teria aparentemente uma estrutura hierárquica bem definida: um cabecilha e membros de nível intermédio e de nível inferior.

Aos últimos caberia a função de procurar clientes no interior e exterior dos casinos e apresentá-los, depois, aos do nível médio do grupo para discutirem as condições do empréstimo.

Os empréstimos de valor inferior a 100 mil (11,4 mil euros) podiam ser autorizados e concedidos logo pelos membros de nível médio. Porém, se o montante desejado fosse superior teria então de ser autorizado pelo cabecilha, de acordo com a PJ.

Os 'juros' pelo 'empréstimo' seriam cobrados em dois momentos: no início e por cada aposta ganha. Em ambos os casos a percentagem oscilaria entre os 10 e os 20 por cento, segundo a PJ.

Já se o cliente perdesse tudo na mesa de jogo a apreensão dos seus documentos de identificação ou o sequestro eram possibilidades.

Aliás, de acordo com a PJ, no dia em que se desenrolou a operação policial, uma mulher foi libertada num hotel do NAPE e os dois homens que a vigiavam detidos.

Outras detenções ocorreram em apartamentos, como sucedeu com o cabecilha, um homem de 34 anos, mas também numa sala VIP (de grandes apostadores) de um casino na ilha da Taipa.

A PJ apreendeu durante as rusgas uma série de objetos como documentos, talões de empréstimo ou telemóveis, fichas de jogo (avaliadas em 100 mil dólares de Hong Kong ou 11,4 mil euros) e 10 mil dólares de Hong Kong (1.145 euros) em dinheiro vivo.

O caso foi encaminhado para o Ministério Público.

A PJ continua a investigar o caso face à possibilidade de haver membros do grupo que se encontram a monte.

DM // MP

UNTL Koopera ho City University of Macau ba Mobilidade Akadémika

DILI, (ANTIL) – Universidade Nasionál Timor Lorosa’e (UNTL), sei koopera ho City University of Macau ba área mobilidade akadémiku entre universidade.

“Mobilidade ne’e mak entre estudantes, hanorin na’in sira, tékniku administrativu sira, peskizadór sira nomós halo partisipasaun iha konferénsia internasionál, peskiza no publikasaun sientífika konjunta”, Reitór UNTL, Francisco Miguel Martins ba ANTIL iha Kampus Sentrál UNTL, Tersa, (27/9).

Natureza universidade nian, liuhusi asinatura MoU (Memorandum of Understanding) ne’e sei koopera iha área turizmu, edukasaun, arte no kultura no área seluk ne’ebé dezenvolvidu iha Macau inklui mós aprezentasaun sientífiku sira.

Serbisu hamutuk entre universidade importante ba rekursu umanu tanba, investimentu kapitál rekursu umanu nu’udar meius atu aselera no diversifika ekonomia Timor-Leste (TL) nian, ho dependénsia TL ba mina no gás. Lliuhusi investimentu ne’e bele dezenvolve no sustenta TL hodi atinji ekonómia sustentável iha 2030 ne’ebé mak estabelese iha Planu Estratéjiku Dezenvolvimentu Nasionál (PEDN).

Kooperasaun ne’e, Macau fornese relasaun no fundasaun ne’ebé forte hodi lori futuru no kontribuisaun projetu koletivu ba TL, liliu ba kualifikasaun populasaun Timor nune’e, dezenvolvimentu sosiu-ekonómiku TL.

Iha fatin hanesan, reitór City University of Macau, Shu Guan Zhan hateten, kooperasaun ne’e nu’udar sumbriña tanba, Macau hanesan ema hotu hatene “Di’ak Liu” iha área turizmu no distingidu iha servisu indústria.

“Asinatura Mou nu’udar meius atu hakbiit kooperasaun entre universidade rua nomós Macau laran luak tebes hodi simu prezensa timoroan nian hodi estuda iha ne’ebá”, Shu Guan Zhan katak.

Liuhusi MoU ne’ebé asina ho UNTL sei hametin liu tan relasaun entre instituisaun akadémika rua hahú agora no ba futuru.

Tuir dadus ne’ebé ANTIL asesu husi UNTL, desde  2011 to’o ohin loron UNTL asina ona akordu hamutuk 200 husi instituisaun sira ne’ebé iha eziste iha mundu. (jornalista: Rafy Belo; editora: Rita Almeida)

Foto: Reitór UNTL, Francisco Miguel Martins

Komité Halo Ona Prepasaun Komemorasaun Masakre 12 Novembru

DILI, (ANTIL) – Komite 12 Novembru harii ona Komisaun Organizadora, atu prepara komemorasaun tinan 25 (12 Novemru 1991 – 12 Novembru 2016)  ka tinan osan mutin,  Masakre Santa Cruz, ne’ebe sei monu iha loron 12 Novembru 2016.  

Komisaun Organziadora ne’e involve Sekretária Estadu Juventude Desportu (SEJD) no organizasaun rezistensia sira seluk.

“Ami tenta ho planu boot ituan, atu halo diferensa ho tinan sira antes” Presidente Komité 12 de Novembru, Gregório Saldanha (Mouris) ba ANTIL iha nia k’nar fatin Antigu Edifíciu komarka/CAVR Balide, Dili,  Tersa (27/9).

Komite 12 Novembru deside ona programa atividae sira no buka hela orsamentu, inklui husi SEJD no buka tan fonte orsamentu seluk.

Entre atividade sira ne’ebé sei hahu iha Outubru 2016, mak konferénsia internasional. ”Ami hakarak bolu ema sira ne’ebé hatene problema 12 Novembru, atu mai ko’aiia,” nia dehan.

See iha mós programa seluk, hodi anima populasaun sira, no senti netik komemorasaun tinan 25  husi Masakre Santa Cruz. (Jornalista: Julia Chatarina/Editór: Otelio Ote)

Prezidente Komite 12 Novembru, Gregorio Saldanha halo intrevista ho ANTIL iha nia k'nar fatin (Foto ANTIL: Julia Chatarina)

Dulce: Esperansa no Kompeténsia ne’e Misaun Unika

DILI, (ANTIL) – Vise-Ministra Edukasaun Asuntu Pré-Eskolar no Ensinu Báziku, Dulce de Jesus Soares hateten, Ministériu Edukasaun (ME) fó konfiansa no aposta futuru estudante hodi dezenvolve Timor-Leste (TL).

“Ami fó konfiansa no aposta ba futuru, nune’e ba ho mehi no esperansa, fila fali ho kompeténsia ne’ebé mak hetan ho misaun únika hodi dezenvolve imi nia kapasidade no kualifikasaun ba dezenvolvimentu TL”, Dulce de Jesus afirma ba jornalista sira iha ME Vila-verde, Segunda, (26/9).

Nia hatutan, estudante bolseiru, dezafiu mak fila fali mai TL presiza marka diferensa katak prontu hodi halo kontribuisaun ba dezenvolvimentu nasaun.

Aproveita oportunidade hodi estuda, absorve koñesimentu, nune’e mós bainhira estuda iha estranjeiru kumpri ka obedese ba ema nia lei no hatudu aan nu’udar timoroan katak hatene respeita, amigável, bele integra ho ema seluk no hatudu hahalok di’ak alias sai mós nu’udar embaixadór timoroan iha ema nia rain.

Ppresiza estuda no iha pensamentu krítiku no hadi’a koñesimentu ne’ebé mak hetan iha universidade nomós iha abilidade hodi hanoin, hodi bele aproveita maksimu siénsia sira.

“Aproveita tempu oinsá mak bele buka informasaun, keta ta’uk husu buat ruma la komprende iha universidade, sei iha okaziaun buka hakle’an koñesimentu kona-ba matéria sira ne’ebé mak imi estuda. Matenek la blokea saida mak ita esforsa hodi aprende”, katak tan.

Estuda barak no di’ak, aproveita oportunidade “osan mean” hodi hakle’an koñesimentu nune’e, bele kontribui ho dalan ne’ebé válidu ba dezenvolvimentu. Bainhira atu matenek presiza mós jere tempu ho di’ak katak, tenke aumenta frekuénsia oras estuda bainhira hala’o estudu ruma iha estranjeiru tan baze ensinu sekundáriu Timor-Leste sei iha prosesu atu hetan nia kualifikasaun.

Maske nune’e, nia rekoñese hodi lembra oinsá prosesu luta Timor-Leste nian hodi hetan independénsia katak biar éroi no timoroan laiha kondisaun maibé bele atinji no realiza mehi sagrada ba ukun rasik-án.

“Povu Timor sobrevive ho rekursu oituan no agora sei la’o hela. Ita laiha ezijénsia karakter individulista maibé ita iha karakter mehi boot ba ita nia Timor, ho esforsu, ita konsege alkansa ita nia mehi sagradu,” nia afirma.

Ho nune’e, nia konfesa katak haree ba legadu husi ita nia éroi sira, estudante idaidak refleta no pergunta ba aan rasik katak saida mak bele halo nu’udar estudante hodi oferese ba TL.

Nomós estudante sira tenke estuda ho forma persistente no konsistente para hodi transfere matenek sira hotu ba realidade TL. Bainhira eskola tenke esforsu tan sein esforsu, sei la konsege atinji objetivu ne’ebé hakarak.

Signifika, bainhira bolseiru ida mak la konsege konklui estudu ne’e nega timoroan seluk ne’ebé bele konkore ba bolsa estudu. (jornalista: Rafy Belo; editora: Rita Almeida)

Foto: Dulce de Jesus Soares

ESKOLTU BALUN ‘BROKER’ IHA MINISTERIU – KOMISAUN B SUJERE HALO ROTASAUN

Membru Polisia Nasional Timor-Leste (PNTL) husi Unidades Corpo Seguransa Pessoal (CSP)  balun sai fali ‘broker’iha ministeriu sira hodi hetan lukru ba projetu governu nian.

Prezidenti Komisaun B Parlamentu Nasional (PN) ba asuntus Defeza, Seguransa no Negosiu Estranjeirus, David Dias Ximenes “Mandati”, husu ba Komando Jeral PNTL atu halo lalais rotasaun ba eskoltu sira ne’ebe durante ne’e fo seguransa ba ministru  sira, tanba balun sai fali ‘broker’ hodi hetan lukru ba projetus Governu nian.

Balun  fali, tuir Deputadu Mandati, halao fali knar hanesan sekretaria pesoal ministrus sira nian, hodi fasilita emprezariu sira ba hasoru ministru. Husi sira nia lobby ne’e, dala balun, empreza sira fo osan fee ba sira.

“Hau preokupa eskoltu sira ba iha membru Governu sira ne’e balun permanente tinan sanulu resin ona, hau husu ba boot sira tenke konfia ba instituisaun la bele konfia fali ba ema, se karik konfia fali ba ema entaun instituisaun ne’e ita deskonfia, ne’e maka uluk kedas hau dehan katak buat ida cleareng test tenki iha, tanba laiha entaun instituisaun maka tama sala fali no maun boot sira hili eskoltu tuir sira nia gostu no akhirnya jadi broker,”  afirma Deputadu Mandati iha plenaria PN, Segunda (26/9/2016).

Deputadu Mandati sujere ba Komando PNTL atu estabelese komisaun inkeretu independenti ida hodi halo investigasaun klean ba eskoltu sira balun ne’ebe sira nia salariu naton hela, mas sira nia vida moris glamor alias hetan regalias  husi fontes oi-oin.

“Hau husu halo investigasaun, peskiza tok ba para ita haree, labele deputado no membru Governu sira deit mak atu fo sai sira nia bens ne’ebe iha, mais haree tok eskoltu sira nian ne’e saida mak sira iha,” afirma membru Bankada FRETILIN ne’e.

Iha parte seluk, Mandati dehan, Polisia sira ne’ebe mak komando destaka iha postu la bele ejiji fasilidade kompletu, kuandu ejiji maka la persiza sai hanesan membru PNTL no diak liu fila ba funsionariu publiku.

“Iha lei no ordem dehan katak polisia sira pronto atu ba ne’ebe deit kuandu komando koloka. La bele kestiona fali fasilidades tenki kompletu, kuandu hein sasan kompletu la’os ona polisia, hakarak hein hanesan ne’e sai husi polisia ba funsionario publiku deit, no emprezario la’os sai fali polisia nein militar,” afirma Mandati.Mia

Jornal Nacional

ME-MMI LANSA BIBLIOTEKA MOVEL

Minsiteriu Edukasaun (ME) servisu hamutuk ho Mary Mackilop Internasional (MMI) lansa projetu pilotu biblioteka movel iha Munisipiu Dili no Liquiça.

Objetivu husi lansamentu biblioteka ida ne’e atu ajuda estudante ensinu pre-eskolar  primeiru ano nomos segundu anu ne’ebe nudar edukasaun ida ba sira atu aprende lee  no hakarek.

“Objetivu husi Biblioteka  movel ne’e atu fasilita estudante  sira liu-liu estudante pre-eskolar sira iha area remotas ne’ebe Munisipiu rua  Dili no Liquisa mak sai nudar projetu pilotu ne’ebe ami sei identifika eskola hira mak sei sai tarjetu ba biblioteka ida ne’ebe husi  Munisipiu rua ne’e eskola 20 husi Liquiça no 20 husi Dili mak sei sai tarjetu ba biblioteka movel ne’e atu hala’o programa ne’ebe ho hanoin atu lori besik liu rekursu  sira nian hanesan konaba literatu nian, konaba saude nian homos ekipamentus Mijika nian ba labarik sria atu bele anima labarik sira  liu husi aprendijajen animasaun, entaun labariks ria fasil para atu aprende,”Vital da Cruz , nudar Country Director MMI,  ba Jornalista sira  iha eskola Ensinu Bajiku filial primeiru sukulo no segundu sikulo Culuhun sesta (23/9/2016).

Country  Director ne’e MMI ne’e haktuir, objetivu seluk husi biblioteka movel ne’e atu hafasil estudante sira oinsa sira bele komprende lalais saida mak sira aprende.

“Ami iha projetu barak ona mak ami halao ne’ebe tuir ami haree katak labarik barak mak sei la komprende no la hatene kuandu ita hanorin la  ho animasaun, tanba ne’e iha bus biblioteka movel ne’e laran ami iha ekipamentus  ne’ebe mensiona tiha ona katak ami iha livru, ekipamentus mujika inklui mos televijaun oinsa hanorin labarik sira liu husi animasaun atu nune’e sira bele komprende diak liu,”tenik Direktor ne’e.

Nia afirma, funsaun husi ekipamentus hanesan televizaun ne’e atu hatudu konaba literasia nomos nomerasia, inklui imajen ou pintura  ezemplu konaba  aidila iha televizaun sei hatudu saida mak naran aidila atu nune’e estudante sira bele komprende ho klean liu tan.

Liafuan hanesan mos hato’o husi Tomas  Pereira, Chefe departementu  Bedalogia Ensinu Baziku ME katak , biblioteka movel ne’e bele motiva estudante ensinu primaria sira. tanba  alende iha bus laran iha livru no televijaun  iha mos ekipamentus seluk ne’ebe mos  suporta ba biblioteka refere ne’ebe merese duni ba labarik sira inklui profesor  sira atu prepara ba iha hanorin nian.

Tuir programa MMI nomos ME programa biblioteka movel ne’e sei hala’o  kada semana ida iha eskola ho numeru 44 eskola ne’ebe husi numeru ne’e eskola 20 iha Munisipiu Dili no 20 iha Munisipiu Liquisa ne’ebe mak MMI sei kobre hodi  anima estudante liu husi biblioteka movel.

“Nudar kompetensia prinsipal  ba primeiru ano no segundu ano, ida ne’e bele motiva sira, tanba iha biblioteka bus ne’e  iha televijaun nomos iha livru ne’ebe instaladu tiha ona ho programa ne’ebe relasaun ho  aprendijajen labarik kikoan nian nomos iha jogus  ba labarik sira ne’ebe iha mos material livru ne’ebe  merese ba labrik sira nomos  iha materia sira ne’ebe bele tulun profesor sira atu fasilita  livru ruma ba mestri sira atu impresta hodi halo preparasaun ba hanorin  nian.

Entertantu Coordenador Eskola Tomas Magno hatete, sente kontenti tanba foin primeira ves eskola refere hetan oportunidade lansamentu biblioteka movel ne’ebe atu sai motivasaun ida ba sira inklui mos professores no estudante oinsa  hala’o aprendijajen liu husi animasaun.

“Hanesan ohin iha ne’eba hakerek badinas hakerek no le’e ida ne’e mak matadalan  ba sira atu bele prepara an ba aban bainrua,”Coordenador eskola ne’e agradece.

Parte seluk  Januari do Rego segundo ano hatete, sente kontenti tanba durante ne’e sidauk iha biblioteka movel.

“Kontenti tanba nunka haree hanesan ne’e, hakrak atu bus ne’e mai bebeik hodi ami bele le’e livru sira iha laran  no seluk tan,”tenik nia. Ola

Jornal Nacional

ESTADU SIMU KULPA HUSI DESIZAUN ‘ULUN-AIN’

Estadu tenki simu kulpa hotu husi desizaun ne’ebe ministeriu sira foti la tuir regra no prosedurais normal.

Realidade husi projetus emerjensia iha 2013, ne’ebe barak tebes la liu husi prosedurais normal, maibe ejiji Estadu tenki hola risku responsabilidade selu projetus hirak ne’ebe ministeriu sira foti ‘ulun-ain’ ne’e.

Prezidente Komisaun Eventual (KE) Parlamentu Nasional (PN), Osorio Florindo, hateten katak, maioria ministeriu sira foti desizaun arbiru deit relasiona ho projetu fizikus iha ministeriu laran.

“Hau bele dehan ministeriu sira halo desizaun arbiru deit, realidade osan ho montante milhoens 391 USD atu selu dividas sira, mas defisil tebes atu identifika projeto sira, defisil atu identifika kualidade projeto, tanba laiha kontratu, supervizaun, no laiha berifikasaun ne’ebe mak klaru,” afirma membru PN husi Bankada FRETILIN ne’e iha plenaria, Segunda (26/09/2016).

Deputadu Osorio Florindo, esklarese katak, nudar prezidente Komisaun Eventual ne’ebe akompanha liquidasaun ba projetus sira iha dividas, simu preokupasaun husi deputado sira katak, latau osan mais hakarak halo projetus. Nune’e, kompanhia halo la iha kontratu depois ba haruka selu deit.

“Ami husu lista ba Governu, maibe Governu la iha disiplina aprezenta lista ba komisaun, tanba lor-loron lista ne’e mudansa hela deit.Tanba ne’e maka ita la bele fo emvelope mamuk ida ne’e ba Governu atu halo, tenke halo duni, maibe tenke tuir planu, se lae gasta osan ejajeradu,” esplika Osorio Florindo.

KE rasik hala’o ona audensia ho Ministeriu Obras Publikas, Transportes no Komunikasoes (MOPTK) kona ba atu selu projetos sira ne’ebe mak tama iha dividas. mia

Jornal Nacional

ESKOLTU SAI ‘BROKER’…?!

Jornal Nacional, editorial

Membru Parlamentu Nasional preokupa membru Polisia Nasional Timor Leste, Unidade Corpo Seguransa Pessoal (CSP) balu sai fali “broker” iha ministeriu sira hodi hetan fee ba projetu governu nian.

“Hau preokupa eskoltu sira ba iha membru Governu sira ne’e balun permanente tinan sanulu resin ona, hau husu ba boot sira tenke konfia ba instituisaun la bele konfia fali ba ema, se karik konfia fali ba ema entaun instituisaun ne’e ita deskonfia, ne’e maka uluk kedas hau dehan katak buat ida cleareng test tenki iha, tanba laiha entaun instituisaun maka tama sala fali no maun boot sira hili eskoltu tuir sira nia gostu no akhirnya jadi broker,”  Diavid Dias Ximenes ‘Mandati’.

Los duni, Corpo Seguransa Pessoal sira nee komando haruka atu asegura pessoal sira nebe responsavel ba iha orgaun soberano sira nee, Presidente Republika, Parlamentu Nasional, membru governu sira no Presidente Tribunal Rekurus, laos sai fali broker iha ministeriu sira nee.

Agora tamba sa eskoltu bele sai broker? Oinsa kontrola komando nian ba membru sira nee? oinsa regulamentu internal polisia nian hodi regula lalaos sira nee?, duvida sira nee resposta simplis, laiha politika diak husi komando jeral hodi kontrola membru sira nee.

Li-liu politika rotasaun ba membru sira nee mak ladun diak, tamba eskoltu balu fo eskoltu ministru ida too tinan lima, balu too tinan sanulu, tan nee eskoltu sira senti katak ministru sira nee laos ona konfia instituisaun polisia maibe konfiansa pessoal nebe fo seguransa ba membru governu nee.

Tamba kleur ona iha fo eskoltu ba ministru, kleur ona iha ministeriu ida nee fasil atu desenvolve konfiansa, tantu membru governu no mos empresariu sira. Eskoltu mak loron kalan fo seguransa ba Ministru no Sekretario Estadu sira? loron – loron ho ministru iha ministeriu? Tamba konfiansa iha ona, Eskoltu sai fali ponte hodi liga membru governu ho empresariu sira, nunee nia bele rekomenda kompanhia nebe nia hakarak ba membru governu nee hodi fo projetu ba.

Preokupasaun distintu deputadu sira nee los duni, kazu konkretu estrada dirasaun Bemori ba Balide, kompanhia Jonize ba ke’e atu hadia, fui alkatraun maibe informasaun ikus mai iha impendementu husi eskoltu balu.

Ne’e hatudu, eskoltu sira nee laos atu fo seguransa ba membru governu, laos atu fasilita desenvolvimentu nee lao maibe halo fali impendementu ba projetu sira nee. Ohin loron Povu Santa Cruz mak sai vitima tamba rairahun, transporte publiku laliu fatin neba no mos estraga kareta no motor nebe uza dalan nee.

Ohin loron nee bele dun eskoltu sira sai broker maibe iha tinan anterior sira nee, lahatene karik ohin loron sei akontese nafatin, lahatene los maibe publiku mos perokupa deputado balu mos partika broker, hodi rekomenda ba membru governu fo projetu ba kompanhia nebe deputadu sira rekomenda ba.

Atu evita eskoltu sira sai broker, komando jeral polisia nian mak tenki kria politika diak rotasaun nian ba ninia membru sira, bele fulan tolu, fulan nee, bele too tinan ida, labele ema ida deit too tinan lima balu fali too tinan sanulu, demais liu.

Karik membru polisia ida eskoltu ministru ida too tinan lima ka tinan sanulu, nee laos ona eskoltu maibe seguransa pessoal ona, ne’ebe asves nia mos determina desizaun nebe ministru ka sekretario estadu ida toma. Se ida nee akontese mak problema broker nee sei buras ba bebeik. *

Taur Simu Kredensial Husi Nasaun 8, Prontu Apoiu TL

DILI - Prezidente Republika Taur (PR) Matan Ruak, simu karta kredensial husi Nasaun 8. Nasaun 8 nee promete apoiu Timor Leste (TL) hodi hametin kopersaun bilaeteral.

Tuir Vice Ministru Negosiu Estranjeiru E Kopersaun Roberto Soares katak Embaixador nain 8 reprezenta nasaun ida-idak, ofisialmente mai entrega sira nia karta kredensial, Embaixador nain 8 nee, nain rua husi ASEAN, hanesan Brunei Darussalam ho Republika Sosialista Vietnam, nain rua husi Pasifiku, hanesan Nasaun Estadu Indepedente Samoa ho Republika Fiji, nain rua seluk husi ASEAN sentral hanesan nasaun India ho Islamika Pakistaun, rua seluk husi Eropa, hanesan nasaun Uniaun Eropeia ho  Bosina e Herzegovina.

Portantu nain 8 nee mai aprezenta sira ida-idak nia karta kredenisal, ba ita nia Prezidente Republika, ba dala uluk sira aprezenta sira nia saudasoes apresiasaun husi sira nia Prezidente ho sira nia Governu, ba Prezidente Timor Leste neebe ho ninia fuan boot, fo tempu kamanek ida ohin para bele sira aprezenta sira nia karte kredensial,” hateten Roberto.

Nia mos hatutan tan katak Embaixador husi parte Eropa ninia residensia iha Timor, ida seluk husi Bosina e Herzegovina, hotu-hotu manifesta sira nia protidaun, atu esplora area koperasaun nee.

Nune mos Embaixador Uniaun Eropeia Mai TL Alexandre Leitao hateten sira nia prezidente no governu fo fiar ba sira no nomeia sira sai embaixador mai TL, hodi kontinua habelar no hametin koperasaun entre nasaun rua nee. Informasaun kompletu iha STL Jornal no STL Web, edisaun Kuarta (28/9/2016). Joao Anibal

Suara Timor Lorosae

MCIA SEI HATAMA STOCK MASIMIDAR KONTAINER 20 MAI TL

Nasaun Timor-Leste (TL) durante ne’e krizi masimidar tanba stock masimidar menus, ne’eduni Ministerio Comérçio Industria e Ambiente (MCIA) liu husi koordenasaun entre kompaña STAR King sei haruka masimidar kontainer 20 mai TL.

“Ami nia parte halo ona inspesaun ba distributor sira hanesan Star King, Lisun, no Perissos identifika katak iha ne’ebá ita haree katak stock masimidar laiha duni, no liu-liu distributor Star King ninian ne’ebé kuaze masimidar toneladas 250 maka nabeen hotu, nune’e masi-midar laiha duni, nune’e atu responde ejijensia konsumidores Timor Leste ninian, ami sei hatama masimidar kontainer 20 mai, liu husi koordenasaun entre kompaña STAR King,” Vise Ministru MCIA, Filipus Nino Pereira ba jornalista sira iha konsolidasaun Partidu Demokrátiku (PD) iha aldeia 12 de Outubru Tasi Tolu-Díli, Domingu (25/09/2016).

Nia esplika katak, masimidar kontainer 20 ho saka kilograma 50 ne’ebé maka MCIA sei hatama liu husi Dubai ne’e sei to’o mai iha semana rua nia laran.

“Ami mós halo ona inspesaun ba distributor Perissos sira dehan stock masimidar laiha, no sira mós halo ona kontaktu ba iha nasaun exportador sira husi Brazil no India mós dehan katak produsaun masimidar menus, tanba impaktu husi mudansa klimatika,” dehan Nino Pereira.

Nia informa, MCIA sei buka dalan nafatin hodi haruka tan kuaje masimidar kontainer 10, por volta sakas 500 sei to’o mai TL durante semana ida.

“Ami mós sei garante katak fulan oin mai besik tama ba loron bo’ot Natal no Tinan Foun garantia stock masimidar inklui stock nesesidade baziku sira seluk hodi responde nesesidade konsumidores TL,” tenik Vise Ministru MCIA.ves

Jornal Nacional