DEMOKRASIA IHA TL DIAK LIU IHA ASIA….!!!

Jornal Nacional Diário, editorial

Nasaun demokratiku, nasaun nebe ezisti mekanismu sistema governasaun baseia ba soberano ka poder povu nian , liu husi eleisaun demokratiku, libre, justo no  segredu. Nunee mos pilar ida importante mak prinsipiu poder politika nasaun nian, ezekutivu, yudikativu, lejislativu no Presidente Republika ba nasaun sira nebe adopta sistema governasaun semi prensidensial (Timor- Leste).

Orgaun soberano hat nee presiza no importante atu nunee bele kontrola malu hodi asegura prinispiu cheks and banlances. Demokrasia tuir matenek nain, Aristotele nudar buat ida konaba  governasaun ida nebe sublinha poder nee iha ema barak nia liman iha kontektu nee mak ‘povu’ . Ne’ebe ohin loron nee demokrasia sai ona modelu ida nebe uza iha nasaun hotu hotu iha mundo rai klaran.

Peskiza ida Internasional foin lalais nee hasai relatoriu konaba indeks demokrasia iha mundo tomak , iha peskiza nee hatudu demkorasia iha Timor  Leste  numero um iha Asia, ultra pasa tiha Indonesia no Filipina.

VETERANUS AUSTRALIA HASORU LU-OLO G HUSU VETERANUS UNIDADE

Veteranus ekipa ida husi Australia hasoru malu ho kandidatu Prezidenti Repúblika (PR), Francisco Guterres ‘Lu-Olo’, ho objetivu atu hametin liu tan relasaun entre veteranu sira Australia ho Timor Leste.

Kandidatu Prezidenti Repúblika (PR), Francisco Guterres ‘Lu-Olo’ informa katak, veteranu sira husi Australia husu atu hasoru malu ho nia hanesan mós veteranu.

“Ami tu’ur hamutuk ko’alia para oinsa mak veteranus Timor Leste nian ho veteranus Australia  nian hametin relasaun di’ak ba malu, no futuru bele ajuda no koopera malu atu lori veteranus Timor Leste nian ba oin,” informa Lu-Olo ba jornalista sira iha CCF Comoro Dili Tersa (21/02).

FATUK MUTIN : “HAU LAOS FIGURISTA IDA”

“Ha’u sei la uza ema seluk ninia figura durante iha prosesu kampaña hodi halo bo’ot fali ha’u ninia-án, ha’u la’os figurista ida, ha’u ba kandidata tanba hakarak no independentemente,” informa kandidatu Prezidente Repúblika ba periodu 2017 to’o 2022, Antonio Maher Lopes ‘Fatuk Mutin’ ba jornalista sira iha sede ekipa susesu, Vila Verde-Dili, Tersa (21/02/2017).

Hatan konabá públikasaun pamfletu dadauk ne’e iha mos imajen atual Prezidente Repúlika, Taur Matan Ruak, Fatuk Mutin dehan, foto refere hasai wainhira iha selebrasaun loron 12 de Novembru iha tinan 2016.

“Iha selebrasaun loron juventude 12 de Novembru tinan 2016 mak ami hasoru malu, ko’alia halimar oituan hanesan maun ho alin, e ami kuñese malu di’ak, hasoru iha momentu ne’e hanesan emosionalmente no ami mos hasai foto hamutuk, foto ne’e original e la’os rezultadu editing Photoshop, maibe ha’u mos seidauk hatene, katak sé mak hasai foto ida ne’e,”haklaken Fatuk Mutin.

Nia haktuir, durante iha ninia prosesu kampaña prezidensial ne’e sei la uza tan foto refere.

“Iha kampaña formal sira ne’e ita labele lori fali ema bo’ot ida ninia naran ka figura ba hala’o kampaña, e konabá figura ita respeita ba malu, iha senior iha lideres, maibe ha’u nunka depende ba ema ida. Ha’u mos hakarak fó hatene katak ita ninia joventude sira ne’ebé mak involve án iha prosesu ativista labele sai figurismu, tanba ne’e mos tenke kria-án sai hanesan figura diak ida,”tenik Fatuk Mutin. Ito

Jornal Nacional Diário

LEE MÓS IHA JORNAL NACIONAL DIÁRIO

BARATA IHA HNGV MAI HUSI HAHAN ÁT

Rezultadu husi familia pasiente sira lori hahan husi uma no lori sasan barak mai iha Hospital Nacional Guido Valadares (HNGV) mak halo barata barak, tanba hahan rai to’o át.

“Loos duni ema barak kestiona konabá barata iha HNGV, ha’u sempre koalia katak barata ne’e tama liu husi ne’ebé no tanba saida maka barak, kompañia ne’ebé maka toma konta ba asegura HNGV moos ne’e iha orariu ne’ebé maka HNGV halo rasik hodi halo limpeza no redus ba barata sira ne’e, kompañia sira mós iha aimoruk hodi rega no fase kada fulan no kada semana, maibé fila ba ita hotu-hotu ninia konsiensia oinsa maka ita hotu-hotu servisu hamutuk para redus barata, tanba barata mai husi hahan ne’ebé maka barak liu no sasan ne’ebé maka barak liu,” Xefi Unidade Kualidade no Kontrolu HNGV, Paulina Pinto ba JN-Diário iha ninia knaar fatin HNGV-Díli, Kuarta (22-02-2017).

Nia esplika katak, iha sala enfermaria sira ninia laran ne’e iha pasiente ida (1) ema nain hat (4) maka hein, sira lori sasan barak tau iha HNGV, tanba ne’e maka husi parte HNGV informa ba familia sira atu labele lori hahan ou sasan barak, maibé barak maka ulun to’os nafatin, tanba sira dehan ne’e sira nia direitu.

Lu-Olo: Sosiedade Sivil Ibun No Matan Povu Nian

DILI – Kandidatura Prezidente Republika (KPR) husi bankada FRETILIN Francisco Guterres “LU-OLO” hasoru malu ho sosiedade sivil, hodi koalia konaba nia visaun politika ba iha servisu sosiedade sivil nian.

Soru mutu loron sorin neebe halo husi Kandidatur PR Lu-Olo ho sociedade sivil iha FONGTIL nee husi inisiativa rasik, hanesan kandidatura ida neebe hetan legalidade husi tribunal Rekursu iha obrigasaun atu halo ida nee nudar vontade politika, atu halo dialogu ho ema hotu no nee laos kampanha maibe hanesan aprezentasaun simples ida hodi reafirma hau ninia kaandidatura.

Ita hatene sosiedade sivil nia servisu ba prosesu dezenvolvimentu nasional durante nee lao ho diak tebes tamba nee ita hein katak ba oin sira sei kontinua luta nafatin ba prosperiedade iha nasaun ida nee liu husi dalan legal sira neebe tuir lei haruka,” dehan Lu-Olo, ba jornalista sira.

D. Virgilio Dezafia Jerasaun Foun Hatudu Kapasidade

DILI – Kandidata Independente numeru 6, Maria Angela Freitas hamutuk ho ekipa susesu halao vizita ofisial ba rezidensia Bispu Diocese Dili, ho objetivu hodi husu bensaun lideransa igreza katolika ba nia kandidatura.

Iha sorumutu nee  Bispu Diocese Dili, Dom. Virgilio do Carmo da Silva husu, ba jerasaun foun atu hatudu kapasidade matenek iha festa demokrasia, liu husi atividade kampania eleisaun prezidensial.

Dala barak ita kanta, koalia barak konaba jerasaun foun maibe, ida nee mak oportunidade jerasaun foun tenke mosu iha oin,” dehan Bispu Diocese Dili, Dom. Virgilio liu husi enkontru iha rezidensia paco episkopal Lecidere-Dili, Kuarta (22/02/2017).

Kandidata Angela Hakarak Anula Imediata LPV

DILI – Lei Pensaun Vitalisia (LPV) kontinua sai prekupasaun boot ba publiku tanba nee kandidatura prezidente republika periodu 2017 too 2022 karik eleita, mak nia sei rezolve LPV.

Tuir kandidata Independente numeru 6, Maria Angela Freitas hatete katak, se karik povu fo konfiansa ba nia hodi hili nia sai prezidente republika timor leste nian mak nia sei anula imediata LPV.

Se karik hau eleita, Lei Pensaun Vitalisia (LPV) nee sei anula imediata,”dehan kandidata numeru 6, Maria Angela Freitas ba jornalista hafoin remata enkontru ho Bispu Dili, Dom. Virgilho do Carmo da Silba, SDB iha Lecidere-Dili, Kuarta (22/02/2017).

Lei Rai Importante Ba Povu

DILI - Lei rai neebe maka foin lalais Parlamentu Nasional aprova ho unanimidade, importante tebe ba povu, tanba seim lei rai laiha investidor ida maka hakarak tama mai investe iha rai laran.

Vise Prezidente Komisaun A (PN) Arao Noe hateten, lei rai Parlementu Nasional aprova ho unanimidade nee importante teb tebes ba beins estar povu nian no ba dezenvolvimentu Timor Leste, tanba seim lei rai laiha invetidor ida tama mai hakarak enveste iha rai laran, tanba estatutu rai seidauk los.

Investidor neebe maka mai agora dadauk nee halo kontratu deit ho Governu ho tempu ida, mais investidor ida atu tama didiak mai nee nia tenke hatetene tiha ona estatutu rai nee klaru, rai nee se nian, para nee hanesan baze juridiku ida, se aban bainrua iha problema ruma nia bele lori ba Tribunal,” dehan deputadu Arao ba STL, Kinta (23/02/2017).

Nia dehan, lei nee importante teb tebes tanba atu fo titlu ba ema mos ba povu neebe hela durante tinan atus ba atus desde rezimi Portgues to Indonesia nunka iha titLu ba rai. Tanba nee maka deputadu Arao hateten, presiza duni lei ida nee para atu fo titlu ba sira, para hodi bazea ba ida nee sira bele lori rai nee hodi pinor iha banku para foti osan halo investimentu ruma.

Nunee bele mos rai nee sira fo aluga ba ema ho presu ida justu, tanba agora sira neebe aluga hanesan iha hudi laran neebe sai tiha ona Xina laran nee aluga tuir ema ida neebe ke nia aluga nee maka nia kontratu nia maka husu deit, tanba titlu rai laiha. Carme Ximenes

Suara Timor Lorosae

LEE MÓS IHA SUARA TIMOR LOROSAE

Kultura Sai Bareira Ba Promosaun Igualidade

Aktivista feto sira konsidera sistema patriarcal hanesan feto hakat klot no mane hakat luan sai bareira ba promosaun igualidade jeneru iha Timor –Leste tanba sosiedade fiar ida ne’e parte ida husi kultura.

Asesora Prezidente da Republika, Idelta Maria Rodrigues hateten konstituisaun Timor-Leste garantia partisipasaun feto iha vida politika, ekonomia no social.

Alende ne’e, nia dehan estado mos ratifika ona konvensaun international hitu hanesan matadalan ba promosaun igualidade iha rai laran, maibe implementasaun sei iha dezafiu tanba sosiedade sei iha pensamentu ne’ebe patriarcal.

“Oinsa mak ita bele minimize pratika negative atu bele halo promosaun diak hodi halakon dezigualidade jeneru iha sosiedade ida ne’e,” nia hateten iha salaun Joao Paulo Comoro, Dili.

Polisia Kaptura Suspeitu Nain Ida Ba Kazu Omisido Viqueque

Polisia Nasional Timor-Leste (PNTL) kaptura ona suspeitu nain ida ba kazu omisido ne’ebe mak akotense iha munisipiu Viqueque.

Segundu Komandante Jeral PNTL, Komisariu Faustino da Costa hateten, kazu omisido ne’e deskonfia iha indikasaun krimi organizadu, tanba vitima ne’e ema hakoi iha nia uma kotuk.

“Mate isin agora dadaun iha mortuariu no submete ona ba prosesu otopsia,” Komisariu da Costa informa, iha Dili.

Nia konta, vitima ne’e mestre ida no ema hakoi nia ho kondisaun tuur iha nia uma kotuk rasik. Durante fulan hira nia laran, vitima nia fen buka maibe la hetan no ikus mai nia fen mos ema kaer no hakoi ho kondisaun moris, ulun sai hela no taka deit ho ai tahan.

Depois de ida ne’e, nia hatutan iha dia 5 fulan Dezembru  2016 komunidade sira hetan hodi telefone ba polisia hodi atua kazu ne’e.  

Kona ba vitima nia fen, nia dehan agora moris hela no halo hela tratamentu saude iha Ospital Referal Baucau.

Nia dehan, informasaun detalhu kona ba tansa saida mak suspeitu sira  halo aksaun hanesan ne’e hasoru vitima no nia fen, prosesu investigasaun mak bele detekta.

Iha parte seluk Komandante Polisia munisipiu Viqueque, Superintendente Antoninho Mauluta, deskonfia katak iha ema barak mak involve iha kazu omisido ne’e.

LIAN MATERNA PATRIMONIA NASAUN

Ministru Estadu Koordenador Asuntu Sociais e Ministru Edukasaun (MEKAS-ME), António da Conceição, hateten Governu Timor Leste iha inisiativa promove lian materna, tamba lian refere parte patrimonia Nasaun nian.

“Ita halo hela projeitu pilotu ne’ebe mos inisiativa atu promove edukasaun, lian materna parte ida ba iha kulktura, nune’e importante fo nafatin importansia ba loron ida ne’e, tamba povu ida ne’ebe mak koalia lian oi-oin, ne’e halo parte ba patrimonia Nasaun,”afirma MEKAS, António da Conceição, ba Jornalista sira iha salaun Delta Nova-Dili, Tersa, (21/02/2017) hafoin selebrasaun ba loron mundial lian materna.

Ministeriu Edukasaun (ME) hamutuk ho Komisaun UNESCO iha Timor Leste (TL) selebra loron mundial materna ne’ebe konsidera importante ba grupu ezistensia povu ida nian, ne’ebe iha ninia diversidade linguistika.

INDEKS DEMOKRASIA TL NÚMERU 1 IHA ASIA

Prezidenti Parlamentu Nasionál (PN), Aderito Hugo da Costa, informa katak, peskiza internasionál ida kona ba indeks demokrasia hatudu katak, demokrasia Timor-Leste (TL) númeru ida (1) iha Asia.

 “Peskiza ida foin sai  kona ba indeks demokrasia iha Asia hateten katak, Timor Leste nia indeks demokrasia iha Asia ne’e, númeru 1,” relata Aderito Hugo iha nia diskursu ba seremonia lansamentu relatóriu annual Conselho Consultivo Fundo Petrolífero (CCFP), iha Parlamentu  Nasionál, Tersa (21/02).

 Nia hatutan, nasaun ida hanesan Timor Leste foin tinan 14, maibé nia indeks demokrasia ne’e halai dok tiha ona husi nasaun viziñu sira Asia nian.

“Indonesia ho Filipina ita diak liu  iha nivel indeks demokrasia. Indeks sira seluk mós komesa iha mudansa ne’ebé mak di’ak, se ita kompara hanesan nasaun ida foin hamrik tinan 14,” dehan Aderito Hugo.

Presiza Kria Kondisoens ba Defisientes Hodi Tuir Elisaun Jeral 2017

Asosiasaun Defisiente Timor –Leste (ADTL) husu governu atu kria kondisaun in termus infra-strukturas hodi fasilita ema ho defisentes bele ba tuir votasaun iha elisaun jeral tinan 2017 mai, tanba sira mos iha direitu atu tuir votasaun hanesan sidadaun seluk.

Diretor Ezenkutivu ADTL, João Pequino hateten partisipasaun ema ho defisiente iha elisaun hirak liu ba ne’e minimu tebes, tanba problema asesibilidade no falta informasaun ne’ebe adekuadu ba sira.

Ema ho defisiente la ejiji atensaun espesifiku, maibe nia hateten governu presiza kria kondisoens ne’ebe adekuadu ba sira hodi atu partisipa iha festa demokrasia ne’e.

“Sira ne’ebe iha problema ho matan labele ba vota, tanba sira labele lee buletin votu ne’e inprime baibain deit, sira ne’ebe problema tilun la kompriende informasaun tanba iha media national liu –liu televizaun national (TVTL) 

Bandu Funsionariu Publiku Tuir Atividades Parpol

Tuir lei funsaun publiku, Funsionariu Publiku bandu labele tuir atividades partidus politiku nian iha oras servisu nian.

Prezidente Komisaun Funsaun Publiku (KFP), Komisariu Faustino Cardoso hateten funsionariu publiku iha obrigasaun atu servisu durante oras walu loron ida no oras 40 iha semana ida.

Tanba ne’e, nia husu ba kada funsionariu publiku tenke kumpri ida ne’e nudar obrigasaun ida.

“Labele uza fali tempu servisu hodi ba partisipa fali iha atividade politika nian” Prezidente KFP Cardoso hateten.

Sekarik iha funsionariu publiku ida mak viola regras ne’e, nia hateten sei fo impaktu ba nia kareira servisu hanesan la hetan promosaun no seluk-seluk tan.

Portugal e Brasil estudam partilha de custos do ensino da língua portuguesa em Timor-Leste

Lisboa, 22 fev (Lusa) - O governo português propôs ao Brasil a partilha de custos do ensino da língua portuguesa no âmbito dos programas de cooperação técnico-militar em Timor-Leste, revelou hoje o ministro da Defesa, Azeredo Lopes.

Atualmente, disse, existem "problemas relevantes" na formação de uma nova geração de militares timorenses que "domina com maior dificuldade" a língua portuguesa, sublinhou o ministro, em declarações aos jornalistas, no parlamento.

"Na prática deixará de haver cooperação técnico militar se não houver compreensão linguística por parte dos formandos", disse Azeredo Lopes, à margem de uma conferência sobre cooperação técnico-militar, que decorre na Assembleia da República.

O ministro da Defesa adiantou que o ensino da língua portuguesa e, se possível, uma formação linguística já com elementos técnicos de natureza militar "é um dos objetivos mais urgentes" na cooperação com Timor-Leste.

Obras Públicas timorenses aprovaram "contratos excecionais" de 422,6 MD entre 2013 e 2016

Díli, 22 fev (Lusa) - O Ministério de Obras Públicas timorense aprovou entre 2013 e 2016 "procedimentos contratuais excecionais" de 422,6 milhões de dólares e que deixam para os próximos anos uma fatura de mais de 294 milhões, segundo um relatório parlamentar.

Estes valores, que incluem "dívidas existentes, despesas programadas e encargos futuros", são detalhados no relatório final da Comissão Eventual para a Fiscalização e Acompanhamento do Processo de Liquidação das Dívidas do Estado que ainda não foi divulgado publicamente mas a que a Lusa teve acesso.

Só os denominados programas de "emergência" aprovados pelo Ministério de Obras Públicas timorense entre 2013 e 2016 representaram uma despesa total de 250,6 milhões de dólares, com a maior fatia prevista para pagamento entre 2018 e 2021, nota o texto.