Lere Simu Karta Reforma, PM Rui Rezeita

DILI – Xefi Estadu Maior Jeneral F-FDTL Maijor Jeneral Lere Anan Timur, deklara ona ba publiku katak nia simu ona karta husi estadu atu reforma iha 28 Novembru 2016, maibe Primeiru Ministru (PM) Rui Maria de Araujo rezeita, tanba estende Maijor Lere nia mantatu too 2017, laos simu reforma agora.

Lia hirak nee hatoo husi PM Rui, ba jornalista sira iha nia knar fatin, hafoin remata nia serbisu, iha Palasiu Governu, Sesta (18/11/2016).

Lere simu karta husi estadu atu reforma iha 28 Novembru nee hau hanoin lalos, tanba Prezidente horibainhira dehan tiha ona nia mantadu estende too 2017, dezisaun foti tiha ona, nusa maka agora simu tan fali karta, nee hau hanoin lalos,” hateten PM Rui.

Xefi Governu wainhira rona informasaun nee nia hakfodak, tanba nia la hatene, maibe nia fiar katak buat sira nee sei la akontese, tanba Maijor Lere nia mandatu too 2017.

Iha parte seluk Xefi Estadu Maior Jeneral F-FDTL Maijor Jeneral Lere Anan Timur mos deklara ona ba publiku kata nia simu ona karta reforma husi estadu, katak reforma iha loron 28 Novembru tinan nee, wainhira selebra loron proklamasaun indepedensia.

Iha Tinan ida nee ami hetan reforma lubuk ida, tanba ami atinzi ona ba 60 anus, ida nee ami simu tanba tuir lei neebe iha,” hateten Lere.

Lere mos haklean tan katak reforma nee laos sai problema, maibe problema maka jersaun foun sira tenke kaer metin institusan hodi kria paz no estabelidade iha pais ida nee. Informasaun kompletu iha STL Jornal no STL Web, edisaun Sabado (19/11/2016). Joao Anibal

Suara Timor Lorosae

Frente Mudansa Konkorda Hasai Imunidade Vicente Guterres

DILI - Bankada Frente Mudansa iha Uma Fukun Parlamentu Nasional, konkorda hasai imunidade deputadu Vicente Guterres nian, para bele ba hatan iha Tribunal.

Xefi bankada Frente Mudansa deputadu Jose Luis Guterres hateten, bankad Frente Mudansa konkorda hasai uminidade deputadu Vicente Guterres nian, atu nunee nia bele ba hatan iha Tribunal.

Ita hotu nee lei maka aas liu, neebe hau konkorda  hau nia belum Vicente nee ami uluk kolega diak,  hau hanoin diak liu nia ba responde lai nia kazu iha Tribunal, duke husik buat nee budu hela deit, nunee ema  hanoin nia halo korupsaun maibe nia lahalo ida,” dehan deputadu Jose Luis ba jornalista sira iha PN, Dili, Sesta (18/11/2016).

Deputadu Lugu mos prefere vota tiha hasai imunidade, para deputadu Vicente bele ba responde tanba se lae buat nee dada hela deit. Rerezentante povu nee afirma, deputadu Vicente mos hein hela pedidu husi Tribunal para bele hasai imunidade ba nia, tanba nia prontu hela hasai imunidade hodi responde ba buat sira nee hotu.

Iha fatin hanesan Xefi bankada CNRT Natalino dos Santos hateten, sira nunka taka dalan atu deputadu Vicente Guterres ba hatan iha Tribunal, depende Tribunal notifika, CNRT nunka hakarak atu taka asuntu nee. Informasaun kompletu iha STL Jornal no STL Web, edisaun Sabado (19/11/2016). Carme Ximenes

Suara Timor Lorosae

KVCJRTL Lakonkorda Desizaun Governu Hapara Projetu Ajudikasaun

DILI - Komisaun Veteranus Combatentes no Juventude Rezistensia Timor Leste (KVCJRTL) lakonkorda ho desizaun Governu nian hodi hapara projetu ajudikasaun neebe mak lao hela iha EDTL.

Deklarasaun nee fo sai husi Portavoz KVCJRTL, Deolindo F. D. Rosario liu husi konferensia imprensa neebe mak halao iha Jardin Motael, Farol-Dili, Sesta (18/11/2016).

Husi Konselu Ministru (KM) hapara projetu ajudikasaun neebe lao hela iha EDTL neebe involve veteranos sira iha laran, no ikus mai projetu Ida nee transforma hotu ba tenderizasaun,” dehan Deolindo.

Deolindo sublina, se projetu hotu neebe mak iha Governu hapara hodi transforma hotu ba tenderizasaun, oinsa ho osan sira neebe maluk sira gasta ona no Ida nee halo tusan ba vida ekonomia familiar.

Iha sorin seluk, Veteranus Nilio Martins Gama hatete, sira lakonkorda ho desizaun Governu nian hodi hapara projetu ajudikasaun neebe mak lao ona iha tinan hirak liu ba. Informasaun kompletu iha STL Jornal no STL Web, edisaun Sabado (19/11/2016). Raimundo S. Fraga

Suara Timor Lorosae

PN Apresia Marvi-Gerson Sai Embaixador Dangdut Akademia Asia

DILI - Reprezentante Povu Iha uma Fukun Parlamentu Nasional (PN) apresia artista Timor oan neebe Partisipa iha Eventu Dangdut Akademi Asia 2, no konsidera Maria Vitoria no Gerson Oliveira sai embaixador Dangdut Timor nian.

Tuir Vice Xefi Bankada Fretilin Francisco Miranda Branco katak Dangdut laos kultura Timor Leste nian, maibe Artista Timor oan iha kapasidade kongese lori Timor Leste nia naran tama iha 18 besar.

Ita nunka kanta Musika Dangdut maibe konsege halo admirasaun ba ema hotu, ita bele konsidera maria Vitoria no Gerson sai embaixador Dangdut Timor Leste nian,” dehan Branco ba STL Sesta (18/11/2016) iha Parlamentu Nasional.

Nia hatete artista Maria Vitoria sai simboliza Sidadaun Timor Leste nian iha area hotu, tamba Timor Leste nunka koinese musika Dangdut maibe Gerson oin seluk, tamba nia konsege kanta ona musika barak no tama sai ona palku hanesan Artista.

Iha fatin Hanesan Xefi Bankada PD Maria Lurdes Bessa hatete Maria Vitoria no Gerson Oliveira partisipa iha Dangdut Akademi 2 reprezenta Timor Leste.

Nunee mos Xefi Bankada Frente Mudansa Jose Luis Guterres hatete nia parte senti kontente maske ladun hare barak, maibe iha Maria Vitoria no Gerson oliviera neebe reprezenta Timor. Informasaun kompletu iha STL Jornal no STL Web, edisaun Sabado (19/11/2016). Timotio Gusmao

Suara Timor Lorosae

Estádiu Malibaka, Sai Uma Na'in Super Taça

DILI: Liga Futeból Amadora (LFA) hasai ona desizaun ba fatin kompetisaun Super Taça, ne'ebé sei realiza iha Estádiu Malibaka, Maliana.

Desizaun ne’e fó sai hosi Vise Prezidente Liga Futeból Amadora (LFA), Alexander Vong iha edifísiu LFA, Estádiu Munisipál Dili, Kinta (17/11).

"Bazeia ba reuniaun, LFA deside ona Estádiu Malibaka, Maliana sai uma na'in ba jogu Super Taça entre manan nain Primeiru Liga LFA, Ad.SL. Benfica kontra manan nain Taça 12 de Novembru As. Ponta Leste," dehan Alexander Vong.

Vong mos dehan, Jogu Super Taça ne'e hanesan parte ensera ba Kompetisaun Liga Futeból Amadora epoka 2015/2016 no hanesan mós abertura ba Kompetisaun Epoka 2016/2017.

Super Taça rasik ne'ebé sei realiza iha Estádiu foun Malibaka, Munisípiu Maliana ne’e sei realiza iha, Sesta 25 Novembru 2016 Tuku: 15.00 OTL. (*)

Frei Belo - Editór: Alexandre Assis. Ola Timor – Foto: Press konferensia LFA, Kinta (17/11) kona-ba desizaun Estádiu Malibaka, Maliana ne'ebé sai uma na'in ba Kompetisaun Super Taça. (Olatimornews Foto/Frei Belo)

Estudante Mak Sentru ba Universidade

DILI, (ANTIL) – Reitór Universidade Nasionál Timor Lorosa’e (UNTL), Francisco Miguel Martins hatete, universidade nu’udar fatin atu eduka estudante sira sai futuru nasaun no sentru ba universidade.

“Ha’u-nia prioridade mak estudante, ami iha ne’e tanba estudante. Ita hothotu iha ne’e hasae kapasidade estudante sira nian, para sai futuru ba país ida ne’e,” reitór UNTL ne’e ba estudante UNTL sira iha Kampus Sentrál, UNTL, Kinta (17/11).

Komemorasaun ne’e atu hanoin fali tinan 16 liuba, buat ida laiha maibé la’o to’o agora ho di’ak. Universidade ne’e di’ak ba bebeik tanba ita hotu nia kontribuisaun. La’ós ema ida, rua nia kontribuisaun maibé hothotu nia kontribuisaun.

Instituisaun atu eleva kualidade, atu fó oportunidade ba nia estudante atu aprende buat barak. Tanba ne’e, estudante nu’udar futuru lideransa nasaun, futuru Timor-Leste presiza, rona no haree mak foti konkluzaun, ne’e mak komunidade akadémika, aborda ho responsabilidade akadémika, responsabilidade sientífika.

Responsabilidade sientífika katak verdade. Ita-nia lema mak sapienta et veritas katak sabedoria (matenek) no verdade (loos) tanba ida ne’e iha situasaun hanesan ne’e estudante sira iha direitu atu husu, estudante sira iha direitu atu husu buat ruma ne´ebé mak karik la loos.

“Se ita taka dalan labele halo nia husu ne´e feodalismo ka buat ida antigu karik dehan ditadura, labele. Ita hanorin ita nia estudante sira sai ema demokrátiku, aberta no esklaresimentu loloos,” salienta reitór UNTL.

Reitór Francisco Miguel Martins reforsa, espíritu atu dezenvolve rekursu úmanu iha UNTL la mate, ita moris la’ós de’it tanba osan estadu nian, ita moris ho ita-nia konsiénsia, harii universidade ho konsiénsia iha ahu kdesan laran.

“Ita laiha buat ida bainhira harii universidade, ohin loron governu rekoñese, ita nia governu finansia, tau ona iha orsamentu estadu nu’udar ajénsia estadu nian,” katak tan reitór Francisco Miguel Martins. “Ne’e esforsu boot ne’ebé ita halo maibé ita mós tenke kumpre regras orsamentu estadu tanba ita sidadaun tenke respeita lei no orden”.

UNTL harii iha 2000 no universidade ne’e nu’udar transformasaun husi Universitas Timor Timur(UNTIM) ne’ebé altura ne’ebá harii ho inisiativa husi governadór Mário Viegas Carrascalão. (jornalista: Rafy Belo; editora: Rita Almeida)

Foto: Reitór Universidade Nacional Timor Lorosa’e (UNTL), Francisco Miguel Martins

UNTL Lansa Website Foun

DÍLI, (ANTIL)—Universidade Nasional Timor Lorosa´e (UNTL) liuhusi  nia Reitór , Francisco Miguel Martins  iha Dies Natalis ba dasanolu resin neen lansa website foun ho naran www.untl.edu.tl iha Kampus Sentrál, UNTL, Kinta (17/11). 

Reitór UNTL, Francisco Miguel Martins iha lansamentu ne´e hateten, website ne’e sei publika informasaun sira ne ebé  relasiona ho UNTL, bele asesu iha nível nasionál no internasionalmente. 

“Maibé website ida-ne´e sei iha prosesu dezenvolvimentu no sei atualiza,” afirma reitór ne´e.

Atualizasaun nunka atu para, iha tinan-tinan sempre atualiza dezenvolvimentu institusionál website. Website ida ne´e nu´udar atualizasun faze datoluk hodi moderniza liutan, tan website nu´udar odamatan universidade nian. Konstrusaun website ida ne´e hetan apoia mós husi organizasaun naun governamentál BELUN nomós Asia Foundation liliu iha kriasaun sistema baze dadus iha Timor-Leste.

Iha okaziaun hanesan, lansa mós livru rezultadu peskiza husi Fakuldade Filozófia kona-ba dialogu no koñesimentu husi nia xefe departamentu Martinho Boromeu no nia estrutura sira inklui estudante sira ne´ebé envolve iha peskiza.

Nune´e mós, Koordenadór Gabinete Diseminasaun Informasaun no Koñesimentu (GDIK), UNTL, Vicente Paulino Martins halo mós lansamentu ba livru Veritas edisaun dahitu ne´ebé kompostu husi obra sientífika husi dosente no peskizadór sira iha UNTL. (Jornalista: Rafy Belo/Editor: Otelio Ote)

Timor-Leste hakarak to’o 2030 metade hosi produsaun elétrika maihosi renovável

Timor-Leste hakarak, to’o 2030, 50% hosi ninia produsaun eléktrika bele maihosi  fonte renovável, liliu solar, haktuir  horisehik ba Lusa diretór jerál Eletrisidade Ministeiru Obras Públikas, Transporte no komunikasaun timoroan.

“Meta ba 2030 atu to’o ba  50% hosi renovável. Ne’e hanesan planu ambisiozu ida no ami hakarak halo konversaun termoelétrika hosi diesel ba gás. Ami hein katak, iha 2017, ami bele deskuti ona ho Governu foun Timor-Leste nian”, afirma Virgílio Fátima Guterrres, ne’ebé partisipa iha Simeira ba Klima  (COP 22), iha Marraquexe.

Timor-Leste iha matriz elétrika hosi sentrál termoelétrika ba diesel. Iha  sentrál rua ho  megawatts 250.

 “Hanesan enerjia fossil ida no kustu ne’ebé aas tebes iha termu manutensaun no operasaun nian. Termoelétrika ba diesel reprezenta 99% hosi jerasaun eletrisidade nian”, hatete nia.

Agora, Estadu maka responsabiliza  tranzisaun enerjétika no implementasaun renovável sira. Maibé iha futuru, tuir Virgílio Guterres katak iha ona ideia atu loke ba merkadu privadu.

 “Ohin loron ba jerasaun elétrika iha Estadu nia liman, maibé partisipasaun hosi setór privadu sei importante tebes”, nia haktuir.

Tuir direktór jerál Eletrisidade, potensia ba renovável iha Timor-Leste maka megawatts 452 inklui fonte hídrika, solar, eólika no biomassa.

Timor-Leste tenki aposta dahuluk iha solar hanesan renovável prinsipál. Nasaun iha deit  sentrál hidroeléktrika kiik ida ho kilowatts 322 no seidauk dezemvolve eólika.

Virgílio Guterres afirma katak kooperasaun téknika sei importante  ba Timor-Leste atu bele konsege avansa iha ninia planu estratéjiku dezemvolvimentu nasionál to’o 2030.

 “Kooperasaun téknika ne’e importante tebes iha momentu agora. Ami presiza tékniku kualifikadu iha futuru, Portugál bele koopera ho Timor-Leste iha termu tékniku”, tenik responsável ne’e.

Kobertura eléktrika nasaun nian kobre ona 84% hosi populasaun timoroan ne’ebé maka asessu ona ba forma moderna iha eletrisidade. Entre sira ne’e, 11% hosi populasaun uza  ahi  liuhosi fonte renovável.

Horisehik, Ministru Komérsiu, Indústria no Ambiente timoroan, Constânscio da Conceição Pinto, reuni iha marjen COP22 ho ministru Ambiente Portugál, João Pedro Matos Fernandes.

Timor-Leste hakarak hetan rekursu hosi Fundu Verde Klima nian hodi tenta finansia projetu tanzisaun eléktrika. Tanba hola parte iha grupu nasaun  menus dezenvolvidu. Timor-Leste bele ho fasilidade hetan finansiamentu.

Konferénsia Kuadru Parte 22.ª kona-ba Mudansa Klimátika (COP 22) kontinua iha Marraquexe to’o  sesta-feira ne’e.

SAPO TL ho Lusa

Negociações para venda de ativos da Oi na Timor Telecom suspensas temporariamente

Díli, 18 nov (Lusa) - A brasileira Oi paralisou temporariamente a negociação da venda dos seus ativos na Timor Telecom por alegadas irregularidades envolvendo o processo negocial, disse à Lusa fonte financeira internacional próxima ao processo.

Escusando-se a precisar a irregularidades, a fonte afirmou que o processo foi paralisado na quarta-feira enquanto decorre "uma investigação interna" para apurar "a situação".

"A paralisação poderá ser até final de novembro mas pode demorar mais tempo, até 60 dias", disse a fonte.

Questionada pela Lusa, por e-mail, sobre a informação da paralisação e sobre em que fase está o processo, fonte oficial da Oi no Brasil respondeu apenas: "A informação não procede".

Até ao prazo limite dado pela empresa, a 08 de outubro, a Oi recebeu três ofertas "firmes e vinculativas" para compra da sua participação na Timor Telecom.

Duas das três ofertas foram feitas por grupos liderados por empresários timorenses e a terceira por um fundo de pensões das Fiji.

Os dois timorenses interessados no negócio são Abílio Araújo, responsável do grupo Investel - que tem sócios e capital do Médio Oriente e China - e Nilton Gusmão, do grupo ETO.

Em causa está a maior fatia de capital da TT (54,01%), controlada pela sociedade Telecomunicações Públicas de Timor (TPT) onde, por sua vez, a Oi controla 76% do capital, a que se soma uma participação direta da PT Participações SGPS de 3,05%.

Os restantes acionistas da TPT são a Fundação Harii - Sociedade para o Desenvolvimento de Timor-Leste (ligada à diocese de Baucau), que controla 18%, e a Fundação Oriente (6%).

Na TT, o capital está dividido entre a TPT (54,01%), o Estado timorense (20,59%), a empresa com sede em Macau VDT Operator Holdings (17,86%) e o empresário timorense Júlio Alfaro (4,49%).

A operação poderá representar o início de uma reconfiguração do mercado de telecomunicações em Timor-Leste, que especialistas dizem estar saturado com os atuais três operadores.

Além da Timor Telecom, a primeira a estabelecer-se no país, operam no país a indonésia Telkomcel e a vietnamita Telemor, ambas estatais.

ASP // MP

Timor-Leste pretende ter até 2030 metade da produção elétrica oriunda de renováveis

Marraquexe, Marrocos, 17 nov (Lusa) - Timor Leste pretende, até 2030, que 50% de sua produção elétrica seja oriunda de fontes renováveis, especialmente a solar, disse hoje à Lusa o diretor geral da Eletricidade do Ministério das Obras Públicas, Transportes e Comunicação timorense.

"A meta para 2030 é chegar a 50% de renováveis. Este é um plano ambicioso e queremos fazer a conversão das termoelétricas de diesel para gás. Esperemos que, em 2017, possamos discutir internamente com o novo Governo em Timor-Leste", afirmou Virgílio Fátima Guterres, que está na Cimeira do Clima (COP 22), em Marraquexe.

Timor-Leste tem uma matriz elétrica movida a centrais termoelétricas a diesel. São duas centrais de 250 megawatts.

"É uma energia fóssil e o custo é muito alto em termos de manutenção e operação. As termoelétricas a diesel representam 99% da geração de eletricidade", disse.

Atualmente, é o Estado que está a arcar com a transição energética e a implantação das renováveis. Mas no futuro, Virgílio Guterres disse que a ideia é abrir para o mercado privado.

"Hoje a geração elétrica está nas mãos do Estado, mas a participação do setor privado será muito importante", disse.

Segundo o diretor geral da Eletricidade, a potencialidade para as renováveis em Timor-Leste é de 452 megawatts incluindo as fontes hídricas, solar, eólica e biomassa.

Timor-Leste deve apostar primeiro na solar como a principal das renováveis. O país tem apenas uma pequena central hidroelétrica de 322 kilowatts e ainda não desenvolveu a eólica.

Virgílio Guterres destacou que a cooperação técnica será imprescindível para Timor-Leste conseguir avançar no seu plano estratégico de desenvolvimento nacional até 2030.

"Cooperação técnica é muito importante neste momento. Precisamos de técnicos qualificados. No futuro, Portugal poderá cooperar com Timor-Leste em termos técnicos", estimou o responsável.

A cobertura elétrica do país chega a 84% dos lares timorenses que já têm acesso às formas modernas de eletricidade. Entre esses, 11% dos lares são iluminados por fontes oriundas de renováveis.

Hoje, o Ministro do Comércio, Indústria e Ambiente timorense, Constâncio da Conceição Pinto, reuniu-se à margem da COP22 com o ministro do Ambiente de Portugal, João Pedro Matos Fernandes.

Timor-Leste pretende obter recursos do Fundo Verde do Clima para tentar financiar os seus projetos de transição elétrica. Por fazer parte do grupo de países menos desenvolvidos, Timor-Leste pode ter mais facilidades em obter financiamento.

A 22.ª Conferência Quadro das Partes sobre Mudanças Climáticas (COP 22) continuará em Marraquexe até sexta-feira.

FO // VM

Estudante universitáriu sira protesta hasoru planu sira deportasaun Donald Trump nian

Estudante universitáriu sira Estadus Unidus nian protesta ona iha loron-kuarta ne'e, iha kampus sira iha nasaun tomak, hodi husu ba administrasaun sira hosi universidade sira atu proteje alunu no funsionáriu sira hasoru polítika sira imigrasaun nian durante Donald Trump nia prezidénsia. 

Organizadór sira - ne'ebé hetan apoiante sira iha rede sosial sira ho etiketa ('hashtag') #SanctuaryCampus - fó hatene ona atividade iha eskola hamutuk 80 resin, inklui iha Faculdade de Middlebury iha Vermont, ne'ebé alunu na'in 400 resin halibur hamutuk no iha Universidade Yale ne'ebé halibur manifestante na'in 600 resin.

Estudante sira buka garanti atu sira nia eskola sei la fahe informasaun pesoal sira ho serbisu sira imigrasaun nian ka permiti entrada ba ajente sira Imigrasaun nian ka Alfándega nian iha kampus sira.

"Imi konsege imajina tauk ne'ebé maka bele mosu iha kampus universitáriu bainhira iha ajente sira Imigrasaun nian ka Alfándega nian la'o iha kampu sira ho ‘status quo’? Sei hanesan teror ida", hatete hosi Carlos Rojas, organizadór ida, hosi grupu Movimiento Cosecha.

Protestu sira ne'e mosu iha loron konsekutivu sira hafoin iha manifestasaun sira iha sidade oioin iha nasaun ne'e, hafoin Trump manán eleisaun prezidensial sira iha loron 08 Novembru.

Entre promesa eleitoral sira hosi republikanu ne'e iha deportasaun ba ema millaun resin ne'ebé hanesan ilegal iha Estadus Unidus.

"Ha'u ta'uk tebes", hatete hosi Miriam Zamudio, ne'ebé ba Estadus Unidus bainhira nia sei ki'ik ho aman-inan sira ba ajénsia notísia Associated Press (AP) bainhira prepara hela hodi partisipa iha protestu ida iha Universidade Rutgers, iha Nova Jérsia.

Zamudio hatete katak senti preokupadu tanba informasaun ne'ebé nia nia fó iha kandidatura ida bele halo nia aman-inan sira hetan risku tanba sira hela iha nasaun nian lahó autorizasaun.

"Ami la hatene saida maka Trump sei halo. Ami la hatene katak sei eziji informasaun ne'e no ami hakarak atu administrasaun no ami nia eskola bele apoia ami", nia hatete.

Ema atus resin, barak maka alunu sira hosi ensinu sekundáriu no universitáriu, halibur hamutuk iha edifísiu federal iha sentru San Diego hodi halo protestu hasoru eleisaun Trump nian. Balun kaer kartaz ho fraze sira ho fraze “We are not criminals” (“Ami la'ós ema kriminozu”) ho “Make racists afraid again” (“Imi halo atu ema rasista sira ta'uk fila fali”).

Fakuldade no funsionáriu sira hosi universidade oioin asina ona petisaun sira hodi apoia ideia hodi halo kampus universitáriu sira sai ba santuáriu sira ba ema sira ne'ebé iha risku hodi hetan deportasaun ka ne'ebé hasoru diskriminasaun.

SAPO TL ho Lusa - Foto@ Matt Mills McKnight / EPA

Laiha igualdade hanesan "dezafiu boot" ida ba demokrasia - Obama

Prezidente norte-amerikanu afirma ona katak dezigualdade sira iha ekonomia globalizadu hanesan dezafiu boot ida ne'ebé hasoru demokrasia sira hasoru daudaun iha mundu tomak, iha diskursu ida ne'ebé hakotu nia vizita dahuluk ba Grésia.

"Agora daudaun dezigualdade hanesan dezafiu boot ida ba ita nia ekonomia sira no ba ita nia demokrasia sira", Obama hatete.

Barack Obama hahú ona iha loron-tersa vizita ida ba Grésia (vizita ofisial dahuluk ida hosi Prezidente amerikanu ba teritóriu gregu iha tinan 17 nia laran), ne'ebé hanesan mós nia viajen ba estranjeiru nu'udar xefe Estadu norte-amerikanu nian.

Iha diskursu hanesan, Prezidente Estadus Unidus nian defende ona katak globalizasaun lori benefísiu ekonómiku barak ba mundu maibé presiza "koresaun ida" hodi bele hasoru ho dezigualdade ne'ebé aumenta.

"Dalan hosi globalizasaun presizaun koresaun ida ba destinu", nia hatete.

Iha nia viajen ikus, Prezidente temi beibeik sentimentu ódiu nian ne'ebé aumenta nafatin movimentu populista sira iha Europa no iha Estadus Unidus, hanesan referendu hosi "Brexit" (hanesan naran koñesidu kona-ba saída hosi Reinu Unidu nian hosi Uniaun Europeia) no eleisaun surpreza hosi multimilionáriu Donald Trump ba White House.

"Forsa hodi hakiduk hosi mundu globalizadu ida hanesan komprensível (...) maibé, bazeia iha natureza teknolojia nian, ha'u nia konviksaun maka ita labele haketak buat ida hosi buat seluk", nia hatete.

Iha Atenas, ne'ebé konsidera hanesan bersu hosi demokrasia, xefe Estadu norte-amerikanu hatutan mós katak demokrasia iha Estadus Unidus "hanesan boot duké ema ruma" no nune'e maka importante garanti "tranzisaun poder ida ne'ebé pasífiku".

"Prezidente tuirmai, Donald Trump, no ha'u labele iha liu diferensa. Ami iha hanoin ida ne'ebé la hanesan maibé demokrasia norte-amerikanu hanesan boot duké ema ruma", nia hatete.

Antes hala'o diskursu ne'e, Obama, ho tinan 55, halo vizita neineik ida ba Akrópole Atenas nian.

Akompaña ho matadalan ida, Barack Obama troka fatu ho bluzaun ida, tau ókulu-metan no vizita ona fatin ne'ebé baibain - mamuk tanba okaziaun espesial ne'e - nakonu ho turista.

Iha fatin, xefe Estadu norte-amerikanu nian iha oportunidade hodi haree Parthénon, tempu famozu tebes hosi Akrópole Atenas nian, ne'ebé harii iha tinan 2.500 liubá.

Hafoin vizita loron rua iha Grésia, Obama sei ba Alemaña, no sei simu hosi xanxeler alemã, Angela Merkel, hafoin ne'e sei ba Perú hodi partisipa iha simeira ida hosi Fórum Koperasaun Ekonómiku Ázia-Pasífiku nian.

SAPO TL ho Lusa

Trump Nu’udar Prezidenti, TL Tenke Aprosima Uniaun Europeia

DILI, (ANTIL) – Eis Xefe Casa Sívil Prezidenti Repúblika Taur Matan Ruak, Fidelis Magalhaes observa, desizaun povu Estadus Unidus Amerika (EUA) hodi hili Donald Trump nu’udar Prezidenti, Timor mos tenke aproveita liu tan nia proximidade ho Uniaun Europeia.

“Ita sei la-hatene loos polítika  Trump nian, maibé Timor tenke aproveita liu tan nia proximidade ho Uniaun Europeia liuhusi relasaun espesiál ho Portugal, relasaun internasionais tama dala ida tan iha periodu ida nakonu ho incerteza,” Fidelis Magalhaes ba ANTIL bainhira hasoru malu iha ótel Timor, Kinta, (17/11).

Fidelis esplika, polítika  externa Amerika iha pontu de vista jerál  rua ne’ebé  bele esplika pozisaun estadu nian maka liberál no realista. Sira ne’ebé liberál mak hanesan Prezidente Obama, Clinton no Jimmy Carter. Sira liberál fiar katak anarkismu iha ordem mundiál ne’e la’ós naturál ho hanoin úmanu no hakarak liberdade, demokrasia no respeita ba direitus úmanu.

Sira mos fiar katak EUA iha dever hodi assegura koperasaun multilaterál no ativa iha mundu globalizado liuhusi koperasaun defeza, ekonomika no promosaun valores fundamentais ema nian hanesan direitus úmanu no demokrasia.

Maibé sira ne’ebé komunga prinsípiu realista kontrariu ho liberál sira nia prinsípiu sira (realista) fi’ar katak ordem mundiál ne’e harii iha anarkismu nia leten. Tanba ne’e kada nasaun nia dever mak proteze nia sobrevivensia no aumenta poder militár no ekonomiku hodi bele domina seluk. Sira dala barak prefere asaun unilaterál.

Bazeia ba esperensia hirak ne’e, Fidelis hatutan, agora iha Prezidente Donald Trump, maske agora sei hein hela tanba seidauk dehan se mak atu sai Ministru Negósiu Estranjeiru no seidauk divulga polítika  externa, maibé se haree husi diskursu durante ne’e, bele antisipa katak sei halo nia polítika  tuir dalan realista nian.

Trump, Fidelis realsa, preokupasaun prinsipál mak mais empoderamentu ba kapabilidade militár Amerikanu nian iha planu ekonomiku. “Ha’u hanoin, nia hanoin atu lori fali Estadus Unidus ba isolamentu no hadook-án hosi globalizasaun ne’e sei fó perigu boot ba ekonomia mundu nian nomos ba ekonomia EUA nian rasik,” Fidelis afirma.

Hodi hatutan, globalizasaun fó mós benefisiu ba ekonomia Amerikanu. “Ha’u la-fiar nia (Trump) sei bele halo isolamentu ba ekonomia Amerikana ne’ebé  opera ona nivel globál”, katak tan.

Dezafiu boot liu husi prezidensia Trump nian tuir Fidelis maka sei fó dalan atu polítika regressiva sira sei buras. Extrema direita, neo-nazis sira mos sei hetan enerjia foun tanba inspirasaun husi Trump nian prezidensia. “Ha’u hanoin dezafiu boot liu husi presidensia Trump maka iha nivel valores no prinsípiu”.

Ekonomia iha rejiaun Azia la-asume responsabilidade hanesan superpotensia ne’ebé  fornese seguransa no koperasaun diplomatika, Xina mak sei assume fali kna’ar ne’e. Provavelmente Uniaun Europeia mak sei tenta atu kompete ho Xina.

Sujere atu EUA tenke assegura nafatin platforma ba kooperasaun ekonomika, defeza, komunikasaun no seguransa. Alende ne’e, EUA tenke mantein relasaun ho Xina. (jornalista: Manuel Pinto; editora: Rita Almeida)

Foto: Prezidenti EUA eleitu, Donald Trump. Foto espesiál

Fotografia Kona Ba Fenomeno ‘Supermoon’

Salvio Online, Iha segunda feira kalan, 14 Novembru 2016, akontese fenomeno ida nebe akontese ikus iha tinan 1948, mak fenomeno ‘SUPERMOON’.

Ema barak iha mundu tomak mak rejista momentu furak ida nee liu husi fotografia.

Bele hare fotografia furak balu iha kraik, nebe ema hasai duranti mosu fenomenu ida nee.

KARIK GOSTA INFO TUIR MAI:
# PEP GUARDIOLA LA PERMITE JOGADOR HALO RELASAUN SEXUAL IHA KALAN BOOT
# DOWNLOAD MUZIKA DAA2 HANANU HUSI ARTISTA TIMOR OAN
# FO PREDIKSAUN BA MARVI NIA PARTISIPASAUN IHA DAA2

PARCERIA COM SALVIO ONLINE

Seguransa 28 Novembru, Taur Halao Enkontru Lideransa Defeza-Seguransa

DILI - Atu fo seguransa ba Komemorasaun loron proklamasaun Independesia 28 Novembru neebe sei haao iha Munisipiu Lautem, lideransa Defeza no Seguransa halao enkontru ho Prezidente Republika Taur Matan Ruak.

Lideransa Defeza no Seguransa neebe mak halao enkontru ho Prezidente Republika Taur Matan Ruak mak hanesan Maijor Jeneral Falintil Forsa Defeza Timor Leste, Maior Jeneral Lere Anan Timur, Ministru Defeza Cirilo Cristovao no Ministru Interior Longuinhos Monteiro.

Remata enkontru Maior Jeneral Lere Anan Timur hatete enkontru ho prezidente Republika koalia barak liu aktividade militar nian no mos situasaun seguransa iha rai laran.

Hau mos informa ba prezidente kona ba aktividade 28 novembru no asuntu seluk tan,  seremonia nee sei halao iha munisipiu Lautem, neebe presiza hare kondisaun hanesan Estrada tenki diak,” dehan Lere ba Jornalista Kinta (17/11/2016) iha Palasiu Prezidensial Nicolao Lobato.

Nia hatete atu komemora loron nee, governu tenki hadia estrada diak tamba ema barak mak sei ba iha Lautem, tamba estrada ba iha neeba antes nee kuak lori oras nebe mak barak.

Iha fatin hanesan Ministru Interior Longuinhos Monteiro hatete nia parte hamutuk ho Ministru Defeza halao enkontru ho Prezidente Republika, aprezenta situasaun seguransa interna no dezenvolvimentu iha forsa armada. Informasaun kompletu iha STL Jornal no STL Web, edisaun Sesta (18/11/2016). Timotio Gusmao

Suara Timor Lorosae

Deskonfia Timor Oan Baku Ema Korea Ida Tama ICU

DILI – Deskonfia Traballador Timor oan ida, baku Koreanu nain ida too tama ICU, no autor Timor oan oras nee iha ona Polosia Korea nia liman hodi submete ba prosesu investigasaun.

Tuir Trabalador Timor oan neebe servisu hotu iha Korea, Joao Gomes katak, akontesementu Timor oan baku ema Korea nee, iha loron Tersa (15/11/2016), no too agora seidauk hatene lolos ninia motivasaun ba problema nee.

Ami mos simu ona informasaun husi Adidu Timor Leste nian iha Korea katak, relasiona ho Timor oan baku ema Korea rai nain nee maka, Polisia Korea nian sei halo operasaun ba Timor oan sira neebe maka durante nee servisu maibe ilegal, tanba nee ema sei haruka Polisia halo opsaun tama sai kompania sira nee, semak servisu hanesan Ilegal maka governu Korea sei deporta,” dehan Joao ba STL Kuarta (16/11/2016) liu husi sosial media (facebook).

Nia informa liu tan katak, problema nee akontese dala ruma Timor oan balun servisu iha ema nia rai, maibe lori nafatin atetude aat husi Timor maka mai implementa iha ema nia rai, lolos hanesan traballador labele hatudu hahalok neebe ladiak, servisu tenke pasensia, tanba mai servisu iha ema nia rai, lori mos Nasaun TL nia naran.

Iha parte seluk Reprezentante povu iha uma Fukun Parlamentu Nasional, Deputadu Agostinho Lay mos hatutan, Problema nee laos foin akontese, maibe bebeik ona, uluk Timor oan sira ba loke fali trenu iha iha neeba, no agora baku fali ema Korea rai nain sira nee, lolos nee Traballador sira labele hadutu maneiras aat iha ema nia rai. Informasaun kompletu iha STL Jornal no STL Web, edisaun Sesta (18/11/2016). Madalena Horta

Suara Timor Lorosae

Tempu Badak CNE Sei Konvoka Enkontro Ho Parpol Hodi Haree Kondisaun

DILI – Komisaun Nasional Eleisaun (CNE) iha tempu badak sei halao enkontru ho partidu politiku sira neebe mak oras nee eziste iha Timor Leste.

Informasaun nee fo sai husi Prezidente Komisaun Nasional Eleisaun (CNE), Alcino Barris ba jornalista iha edifisiu CNE, Caicoli-Dili, Kinta (17/11/2016.

Iha tempu badak nia laran ami sei enkontru ho partidu politiku sira atu hatene liu kondisaun partidu politiku sira oinsa mak sira atu konkore ba iha eleisaun jeral 2017,” dehan Alcino.

Alcino haktuir, antes partidu politiku sira atu hakat ba halo atividade kampania, CNE presiza haree sira nia kondisaun, hodi nunee hatene partidu hira mak atu hakat ba kampania.

Iha sorin seluk, Diretor Ezekutivu FONGTIL, Arsenio Pereira dehan, partidu hanesan instrumentu politiku ida iha estadu nee, oinsa atu ba ukun tanba nee sira mos presiza iha kondisaun.

Nunee mos, Deputadu Bankada Fretilin, Paulo Moniz Maia dehan, Timor Leste hanesan nasaun direitu demokratiku no konstituisaun hatete katak multipartidarismu tanba nee mak oras nee partidu barak, maibe importante mak kondisaun partidu nian tenke iha. Informasaun kompletu iha STL Jornal no STL Web, edisaun Sesta (18/11/2016). Raimundo S. Fraga

Suara Timor Lorosae

CNE-KFP Divulga Informasaun Prosesu Disiplinar Ba Funsionariu

DILI – Komisaun Nasional Eleisaun (CNE) hamutuk ho Komisaun Funsaun Publika (KFP) divulga informasaun konaba prosesu disiplinar ba funsionariu sira iha instituisaun independente CNE.

Tuir Prezidente Komisaun Nasional Eleisaun (CNE), Alcino Barris katak, objetivu husi enkontru nee, atu informa konaba oinsa prosedementu disiplinar no prosesu disiplinar funsionariu publiku sira.

Aktividade ohin Komisaun Nasional Eleisaun halo, hamutuk ho Prezidente Komisaun Funsaun Publika ho funsionarius CNE tomak atu rona orientasaun konaba oinsa prosedementu disiplinar no prosesu disiplinar funsionarius publiku sira,” dehan Alcino ba jornalista iha edifisiu CNE, Caicoli-Dili, Kinta (17/11/2016).

Prezidente CNE haktuir, iha sorumutu nee rona mos konaba oinsa mak selesaun merito, tanba iha Dezembru mai CNE nia funsionariu neebe okupa kargus xefia sira misaun hotu ona, oinsa atu extende.

Iha fatin hanesan, Prezidente Komisaun Funsau Publika (KFP), Faustino Cardoso dehan, iha estadu direitu demokratiku, estadu nee funsiona iha prosesu administrative neebe mak lei defini. Informasaun kompletu iha STL Jornal no STL Web, edisaun Sesta (18/11/2016). Raimundo S. Fraga

Suara Timor Lorosae