Eis-vise-ministra kondenada hatete katak kumpre deit orden Xanana Gusmão nian

Eis-vise-ministra Saúde, Madalena Hanjam, ne’ebé kondena iha ohin ba kadeia tinan haat  tanba  partisipasaun ekonómika iha negósiu, hatete katak  sei rekorre no  sempre atua tuir  instrusaun hosi  eis-primeiru-ministru Xanana Gusmão.

"Ha’u lasatisfeitu. Sei rekorre. Laiha buat ida maka ha’u nia  responsabilidade", informa Hanjam, iha  deklarasaun ba Lusa hafoin lé sentensa ba  prosesu ne’ebé komete ho eis-ministra Finansa Emília Pires, kondenadu ba prizaun tinan hitu  ho krime hanesan.

"Laós  justisa no ha’u sei  avansa ho rekursu. Karik ha’u  absolve hosi krime administrasaun danoza, ne’e ha’u nia  únika responsabilidade. Maibé laós partisipasaun ekonómika. Oinsa bele kondena ha’u tanba ne’e sé ha’u laós na’in ba kompañia nein hetan  benefísiu ekonómiku ruma? Kompañia ne’e laen kaben hosi Emília", nia afirma.

Emília Pires, eis-ministra Finansa, no Madalena Hanjam, eis-vise-ministra Saúde, hetan kondena tanba komete  irregularidade iha sosa kama óspital nian atus resin ho kontratu rua (A no B) adjudikadu ba empreza Emilia nia kaben nian, ho konlui entre sira na’in tolu ba konkretizasaun negósiu ne’e, ho valár dólar rihun  800.

ONU husu ba Timor atu permiti portugeza ne'ebé hetan akuzasaun sai tanba kestaun médiku nian

Eskritóriu hosi reprezentante ONU nian iha Timor-Leste apela ona ba Governu timoroan atu partisipa iha autoridade judisial sira hodi permiti atu sidadaun portugeza ne'ebé hetan akuzasaun iha prosesu ida bele sai hosi nasaun tanba kestaun médiku nian.

Nota verbal ne'ebé haruka ba Ministériu Negósiu Estranjeiru timoroan nian no ne'ebé Lusa hetan asesu refere ba situasaun hosi kaben-na'in Tiago ho Fong Fong Guerra ne'ebé durante fulan 26 ona labele sai hosi Timor-Leste hodi hein julgamentu hosi krimi oioin ne'ebé sira hetan akuzasaun.

Testu ho loron 15 Dezembru no halibur aspetu relasionadu sira ho "prizaun, detensaun no medida limitadu sira" relasionadu ho Tiago Guerra ho nia feen hahú hosi loron 18 Outubru 2014.

"Eskritóriu ne'e hetan informasaun katak señora Guerra presiza atensaun médiku ne'ebé laiha disponibilidade iha Timor-Leste. Arguidu sira aprezenta tiha ona ba Tribunal Distrital Díli nian pedidu ida hodi halo viajen hodi halo tratamentu, maibé seidauk hatene desizaun kona-ba nia pedidu", refere hosi testu.

Petisaun hosi ONU akompaña hosi relatóriu médiku ida hosi Hospital Nacional Guido Valadares, iha Díli, ne'ebé konfirma katak Fong Fong Guerra iha problema respiratóriu sira ne'ebé todan ne'ebé presiza diagnóstiku sira no estudu sira "ne'ebé labele halo iha ospital nasional no mós labele halo iha Timor-Leste".

BESIK LORON BOOT, MCIA HUSU DISTRIBUTOR LABELE MANIPULA SASAN FOLIN

Ministeriu Comersiu Industria e Ambiente (MCIA) husu distribuitor iha Timor Leste atu labele halo manipulasaun ba presu sasan iha selebrasuan festa natal no tinan foun.

Vise Ministru MCIA, Filipus Nino Pereira hatete, publiku liu liu ba iha distribuitor sira atu mantein nafatin presu ne’ebe normal no  la bele hasae presu sasan baziku tuir ida-idak nia gostu.

“Tuir ami nia monitorizasaun iha terenu iha loron hirak ne’e nia laran hatudu katak presu sasan baziku sei kontinua normal,no ami husu ba distribuitor sira labele hasae presu sasan, sasan folin tenki normal, hau fo ezemplu fos kilograma 25 ho presu US$ 11.50 centavus, no kilograma30 nian ho presu US$ 14,50 centavus ne’ebe presu ba sei hatudu normal,” informa Nino Pereira ba jornalista iha MCIA, Kinta (15/12/2016).

Konaba ba stok hanesan masimidar, fos  ne’e ninia stok tomak, maski uluk masimidar stok mamuk maibe iha selebrasaun natal no tinan foun ne’e garantia sufisiente, ne’ebe masimidar uluk nia presu kuaze karon ida nia folin U$60 maibe agora tun ba US$ 47 ne’ebe kilograma 50 nian.

LVA-TL IHA ANDAMENTU DIAK

Prezidente Federasaun Voleibol, Inocencio de Jesus Araújo, hatete, Liga Voleibol Amadora-Timor Leste (LVA-TL) hahú hala’o dadaun ho nia andamentu ne’ebé diak.

“Ita atu hatene dehan kualidade Liga ne’e diak ka ladiak, husi abertura kompetisaun ne’e la’o, e kompetisaun ne’e atu la’o loron 3 ona. Husi pontu devista Federasaun Voleibol Timor Leste, katak iha andamentu ne’ebé mak diak, ita haree husi kualidade kompetedor sira, tanba klubu barak mak iha ona nia jogador sira ene’ebé kualidade e jogador ne’ebé mak diak tebes,” afirma Inocencio.

Politika VI Governu liu husi Sekretaria Estadu ba Juventude no Desportu (SEJD), hamosu tan historia foun ida tanba ezistensia Liga Voleibol Amadora-Timor Leste (LVA-TL) hahú hala’o dadaun.

Liga Voleibol Amadora Timor Leste refere, hahú halo ona jogu abertura ba faze apuraramentu iha eis-jinajiu Dili, Tersa 13/12/2116 ne’e.

Iha edifisiu Federasaun Voleibol de Timor Leste (FVTL) eis-jinajiu Dili, Kinta (15/12/2016), entrevista jornalista sira ho Prezidente federasaun, Inocencio de Jesus Araújo hatete, foin lalais ne’e iha loron 12/12 ne’e hala’o lansamentu ba Liga Vollleibol no SEJD fó posse mos ba estrutura orgaun Liga nian hodi hahú joga.

Prezidente Federasaun Voleibol, Inocencio afirma liu tan, “Iha jogu la’o loron rua (13-14/12) ne’e hau haree katak, iha mos jogador balu husi ita nia Nasaun viziñu (Kupang Indonesia), ne’ebé mak enkaixa iha klubu balun, hanesab klubu USET iha jogador nain rua (2), mais horikalan (loron kuarta 14/12 kalan-red) hau haree ne’e, iha jogador ida deit mak tama no ida seluk seidauk mai”.

Tuir mai klubu husi Citra Mares husi Lospalos nian, sira hatama dokumentus mai husi ketua cabang PBCC (Voleibol Indoneia nian), enkaixa jogador feto nain tolu (3), odi mai reforsa sira (Citra Mares-red), informa Inocencio.

Nia observa katak, haree ba prossesu kompetesaun mak la’o loron rua ona ne’e, ba lider sira, arbítu sira no komisaun tomak orgaun tekniku organiza diak tebes tuir kbít.

Ida diak liu ne’e mak haree husi parte infrastrutura, sira LVA-TL halo rehabilitasaun kampu iha jinajiu laran, nune’e ba tama kategoria standart ona tuir situsaun Timor Leste nian, apresia Nia. Nia informa mos katak, husi Federasaun volleibal Timor Leste apoia ona ninia kapete especial ba iha Liga Voleibol ne’e.  Ho nune’e, Inocencio husu ba SEJD hanesan nain ba jinajiu GMT tenke tau ordem para ema atu utiliza karik ho kuidadu, tanba hanesan Nasaun foun mak aranja ona buat hodi kualifika kompetesaun vollleibol liliu desportu indoor (uma laran) nian, inklui mos Voleibol indoor. Ito

Jornal Nacional

Pesoal Task Force Baku Inan Isin-rua

DILI: Pesoal Task Force Polisia Nasionál Timor-Leste Munisipiu Dili halo agresaun fiziku hasoru inan isin-rua, Seraifa Mendonca (23) tanba koko atu salva nia maun Antonio Goncalves ne’ebé hetan baku husi pesoal Task Force ne’e.

"Sira lori stick baku maka'as, baku iha ha’u-nia kidan, sei moras hela. Ha’u tur mós la di’ak. Ha’u isin-rua, agora fulan rua (2) ho balun," hatete Seraifa Mendonca ne’ebé hetan baku husi pesoal Task Force.

Kazu baku inan isin-rua ne’e akontese iha area Kaikoli, iha edifisiu SEPFOPE nia oin, bainhira PNTL hamutuk ho Serbisu Saneamentu no Orden Públiku Munisipiu Dili hala’o operasaun ‘kasa animal’ no negosiante sira ne’ebé faan sasan iha area refere.

Tuir sasin iha fatin akontesimentu katak, bainhira hala’o operasaun sira la konsege toman negosiante sira, nune’e pesoal Task Force hahú tama ba komunidade balun nia  uma hodi husu joven ida ho naran Antonio Goncalves.

Iha uma laran, sasin ne’e dehan, Antonio hatan ba pesoal ne’e no husu tanba sa mak sira mai buka nia. Maibé rona ida ne’e, pesoal Task Force hahú agresaun fiziku hasoru Antonio.

Haree hahalok pesoal Task Force ne’e, Seraifa Mendonca, alin husi Antonio halai hodi hako’ak nia maun ho hanoin katak pesoal ne’e sei para nia asaun baku ne’e.

Maibé, lae, pesoal ne’e  tebe Seraifa nia kabun kidun no lori stick baku nia kotuk laran.

Ho hahalok ne’e, ran sai husi Seraifa nia inus no ibun.

"Sira baku no tebe Seraifa, ran sai husi inus no ibun," hatete Xefe Juventude Kaikoli, Epi Maubere ba jornalista sira iha Kaicoli, Segunda (19/12) kalan.

Iha fatin ketak, membru  Polisia balun hatete, tuir informasaun ne’ebé nia simu katak pesoal PNTL halo atuasaun ba joven sira ne’ebé hemu lanu iha area ne’eba no joven ida mak hakilar malu ho polisia, tan ne’e pesoal ne’e ba baku.

Maibé, ikus mai, nia dehan, joven nia alin feto ida mak halai ba hakoak nia maun, nune’e pesoal polisia la finze (tidak sengaja) baku kona alin feto ne’e. (*)

Aquino Campos – Ola Timor - Editór: Tellukoro

Foto: Joven ida tula vitima Seraifa Mendonca (23) ne'ebe hetan baku husi pesoal Task Force ba Sentru Saude Vera Kruz hodi halo tratamentu saude. (olatimornews FOTO: Aquino Campos 

Ex-vice-ministra timorense condenada diz que só cumpriu ordens de Xanana Gusmão

Díli, 20 dez (Lusa) - A ex-vice-ministra da Saúde timorense Madalena Hanjam, condenada hoje a quatro anos de prisão efetiva por participação económica em negócio, disse que vai recorrer e que sempre atuou sob instruções do ex-primeiro-ministro Xanana Gusmão.

"Não estou satisfeita. Vou recorrer. Nada disto foi minha responsabilidade", disse Hanjam, em declarações à Lusa depois de ser lida a sentença no processo em que era coarguida com a ex-ministra das Finanças Emília Pires, condenada a sete anos de prisão pelo mesmo crime.

"Não foi feita justiça e vou avançar com recurso. Se [me] absolvem do crime de administração danosa, essa era a minha única responsabilidade. Mas não de participação económica. Como posso ser condenada por isso se não sou dona da companhia nem tive qualquer benefício económico? A companhia é do marido da Emília", afirmou.

Emília Pires, ex-ministra das Finanças, e Madalena Hanjam, ex-vice-ministra da Saúde, foram condenadas por supostas irregularidades na compra de centenas de camas hospitalares em dois contratos (A e B) adjudicados à empresa do marido da primeira, com um suposto conluio entre os três para a concretização do negócio, no valor de 800 mil dólares.

Ex-ministras timorenses condenadas a 7 e 4 anos de prisão

Díli, 20 dez (Lusa) - As ex-ministras timorenses, Emília Pires e Madalena Hanjam, foram hoje condenadas respetivamente a sete e a quatro anos de cadeia pelo crimes de participação económica em negócio, sendo ambas absolvidas pelo crime de administração danosa.

"O Tribunal condenada a arguida Emília Pires pelo crime de participação económica em negócio, nos termos do artigo 299 ponto 1, e aplica uma pena de sete anos de prisão. Condena arguida Madalena Hanjam como coautora do crime de participação económica em negócio com a pena de quatro anos de prisão", disse o juiz José Maria Araújo.

Emília Pires, ex-ministra das Finanças e Madalena Hanjam, ex-vice-ministra da Saúde foram condenadas por supostas irregularidades na compra de centenas de camas hospitalares em dois contratos (A e B) adjudicados à empresa do marido da primeira, com um suposto conluio entre os três para a concretização do negócio, no valor de 800 mil dólares.

A sentença do processo, o mais mediático da história do sistema judicial timorense, foi dada hoje a conhecer no Tribunal de Díli pelo presidente do coletivo de juízes, José Maria Araújo e sem a presença na sala de Emília Pires que está, segundo a defesa, a receber cuidados médicos em Portugal.

Tinan desizivu iha Timor-Leste ho eleisaun prezidensial no lejislativu

Debate polítiku sei domina ajenda iha Timor-Leste iha 2017 ho eleisaun prezidensial no lejislativu sira, ne'ebé previstu entre fulan-Marsu no fulan-Jullu, iha senáriu ida ba posivel opozisaun boot rua iha urna sira entre naran istóriku tolu timoroan nian.

Senáriu polítiku ida ne'ebé bele iha konfrontu ba aliansa polítika bo estratéjiku - maski lahó koligasaun sira pré-eleitoral sira nian - entre Xanana Gusmão (líder CNRT nian) no Mari Alkatiri (Fretilin), iha fatin seluk, karik, Taur Matan Ruak, atual xefe Estadu, ne'ebé bele hanesan kandidatu ba xefe Governu hosi partidu foun Partido de Libertação do Povo (PLP).

Iha dalan formal seidauk hatene katak Taur Matan Ruak sei asumi ka la'e aposta polítiku ne'e tanba atual Prezidente ne'e garanti de'it katak sei la kandidata fali ba kargu.

Asaun eleitoral sira 2017 nian sei hanesan votasaun dahuluk hosi timoroan sira iha estranjeiru, liuliu iha Portugal no Austrália, no akontese hafoin hala'o eleisaun lokal sira ne'ebé hala'o iha Outubru ho Novembru.

Abílio Araújo felisita aseitasaun hosi oferta sosa partisipasaun Oi nian iha Timor Telecom

Emprezáriu timoroan Abílio Araújo hatudu ona satisfeitu iha loron-sábadu tanba proposta hodi sosa partisipasaun Oi iha Timor Telecom, ne'ebé halo hosi grupu Investel, ne'ebé lidera, aseita hosi operadora brazileiru.

Bainhira kontakta liuhosi telefone iha estranjeiru - halo hela viajen serbisu nian - Abílio Araújo hatete katak simu "karta formal ida hosi Oi" maibé nia konfirma ona katak seidauk hatene kalendáriu hodi konkretiza operasaun ne'ebé sei pendente hela iha faze dahuluk hosi autorizasaun judisial.

"Ami nia proposta aseita tiha ona no ami senti satisfeitu no ami hein de'it resposta hosi juís atu bele avansa ho prosesu tomak", nia hatete no felisita katak solusaun implika atu operadora sei kontrola hosi timoroan sira.

"Hahú hosi prinsípiu ha'u defende nafatin opiniaun ne'e maibé desizaun la'ós depende de'it hosi timoroan sira nia hakarak, depende hosi na'in, hosi vendedor", nia fó hanoin.

Abílio Araújo hatete katak hafoin asumi tiha diresaun Timor Telecom, hakat dahuluk maka reuniaun ida "ho Governu timoroan hodi aprezenta planu sira ba prazu badak, médiu no naruk" no hafoin ne'e reuniaun ida ho Autoridade Nasional Komunikasaun sira nian".

Kastigu ona eis-ministra rua ida ho prizaun tinan 7 no ida seluk tinan 4 tanba krimi partisipasaun ekonómika ba negósiu

Eis-ministra, Emília Pires ho Madalena Hanjam, ohin sira idaidak simu ona kastigu komarka, ne’ebé maka ida ho tinan hitu no ida seluk ho tinan haat, tanba krimi partisipasaun ekonómika ba negósiu, no sira rua absolvida hosi krimi administrasaun danoza. 

Emília Pires, eis-ministra Finansa, no Madalena Hanjam, eis-visi-ministra Saúde hetan kastigu tanba deskunfia hamosu iregularidade bainhira atu sosa kama ba pasiente sira ho kontratu rua (A no B), ne’ebé halo ho empreza hosi eis-ministra Finansas ninia laen nian, atu nune’e ikus mai sira na’in tolu bele fahe malu osan ne’ebé sira hetan, hafoin hakotu tiha negósiu ne’ebé ho valór dolár rihun 800.

Sentensa hosi prosesu ne’ebé sai nu’udar istória mediátiku liu kona-ba sistema judisiál nian ne’e, fó sai ohin iha Tribunál Dili, hosi prezidente koletivu juis, José Maria Araújo, maski lahó prezensa hosi Emília Pires, ne’ebé tuir defeza, nia hala’o hela tratamentu saúde iha Portugal.

José María Araújo, ne’ebé lale totalidade hosi akórdaun maibé halo de’it “rezumu ida”, dehan katak faktu balun hanesan prova, faktu seluk parsialemnte nu’udar prova no seluk-seluk la’os hanesan prova.

SAPO TL ho Lusa 

Eis-ministra timoroan hatama apelu ba prizaun preventivu no rekuza ba pedidu delegasaun nian

Eis-ministra Finansa timoroan nian apela ba desizaun hosi Tribunal Díli nian, ne'ebé nia iha dauadun julgamentu, hodi aplika prizaun preventivu ba nia no hodi la simu pedidu ida delegasaun nian hosi prosesu iha tribunal portugés sira nian.

Emília Pires nia rekursu, ne'ebé Lusa hetan iha loron-sábadu ne'e, aprezenta tiha ona iha Tribunal Rekursu iha loron-kuarta no kestiona validade hosi despaxu oral loron 30 Novembru hosi Tribunal Díli nian relasionadu ho prosesu ne'ebé nia hetan akuzasaun, ho eis-visi-ministra Saúde nian Madalena Hanjam.

Sira na'in rua hetan akuzasaun ba partisipasaun ekonómiku iha negósiu no administrasaun ne'ebé ladi'ak tanba iregularidade sira bainhira sosa kama ospitál sira nian hamutuk atus resin iha kontratu ida ho ligasaun ba Emília Pires nia laen nia empreza, ho akordu ida entre sira na'in tolu hodi hala'o negósiu ho folin dolar rihun 800.

Gasto Hateten Sei Troka Ro Nakroma

DILI - Ministru Obras Públika (MOP), Gastão Sousa hatete, oras ne’e governu planeia hela atu haree ró seluk hodi troka ró Nakroma, tanba ne’e husu ba ema hotu atu kontinua pasiensia uituan no komprende ho kondisaun ró nakroma nian tanba ró ne’e kleur ona.

“Sé ita haree kondisaun balun ladun di’ak ita hotu tenki kompriende kondisaun ró Nakroma nian tanba ró ne’e tinan 10 ona, ami sei haree hodi bele troka ho ró seluk,”dehan Gastão ba Jornalista iha Hotel Timor, Kinta, (15/12).

Nia hatutan, nia vise mós koa’lia bei-beik ona kona-ba kondisaun ró ne’e nian no prosesu halo manutensaun mós la’o ona ho di’ak, tanba ne’e nia lakohi kometa liu kona ba prosesu manutensaun nian.

“Maibé nia manutensaun la’o di’ak espera nia bele fasilita ita nia pasajeirus hosi Oe-Cusse mai iha ne’e no Atauró nian,” dehan Gastão.

Kapital Dili, Prezepiu Hari De’it iha Fatin Tolu

DILI - Polísia Nasionál Timor-Leste (PNTL) hosi Munisípiu Dili, oras ne’e dadauk halo operasaun (kontrolu) tama sai bairru sira iha Kapitál Dili, hodi kontinua husu ba sarani sira atu labele harii prezépiu iha dalan públiku nomós bairru laran.

Iha loron Sesta (16/12), mais menus tuku 15.30 otl, Polísia Munisípiu Dili ne’ebé maka uza kareta patrullamentu nian hamutuk unidade rua (2), tama iha Bairru Sentru E, Aldeia 04 Setembru, Suku Komoro, hodi husu ba joven sira ne’ebé harii hela prezépiu atu hapara atividade refere.

Atuasaun ne’ebé maka parte Polísia halo iha Bairru Sentru E, liliu husu atu hapara atividade harii prezépiu, tanba iha momentu halo operasaun ne’e, Polísia hetan joven sira harii prezépiu iha dalan (Estrada Bairru nian).

Tuir observasaun Timor Post nian iha terenu katak, hosi parte Polísia hatudu no esplika hela ba joven sira kona-ba despaisu ne’ebé maka iha.

Militar Na’in 11 Detein iha Sela PM

DILI - Membru FALINTIL-Forsa Defeza Timor Leste (F-FDTL) ne’ebé maka komete krime hamutuk na’in 11 oras ne’e sei sulan hela iha sela Polísia Militár (PM) hodi hein desizaun ruma hosi Xefe Estadu Maiór Jenerál nian.

Komandante PM, Tenente Koronél Haksolok dehan, sela PM nian detein hela militár hamutuk na’in 11 ne’ebé maka komete iha krime, mais atu hetan desizaun ruma ne’e depende ba Xefe Estadu Maiór Jenerál, Majór Jenerál Lere Anan Timor PM detein de’it.

“Ami nia sela ami detein hela militár na’in 11 ne’ebé komete krime,” dehan Haksolok ba jornalista sira iha Kuartel PM, Quintal Boot, Sesta (16/12).

Nia hatutan, membru sira ne’e sei iha hela prosesu nia laran, tanba ne’e maka sira kontinua detein hela iha sela, hodi hein prosesu finál tuir lei ne’ebé maka iha.

“Ami nia dever ne’e detein hodi hein prosesu kontinuasaun nian,” dehan Haksolok.

Nia hatutan, militár na’in 11 ne’e kompostu na’in 8 hosi komponente Navál nian komete kazu baku Polísia iha Oe-Cusse, balun kazu Lospalos no na’in ida hosi Kuartel Jenerál nian
.

Nia hatutan, atendementu ba sira hanesan militár bai-bain tanba sira la’ós prizioneiru sira ne’e ba para detein de’it iha sela. (way)

Timor Post

Tribunal Halo Leitura Akordaun Ba Emilia-Hanjam

DILI –Tribunal Distrital Dili (TDD), halo leitura akordaun ba kaju arguida Emilia Pires no Mandalena Hanjam, tamba molok nee Tribunal deside sei halo leitura akordaun ba iha kaju arguida Emilia Pires iha loron (20/12/2016) Otl 9.30 maske la marka prezensa husi arguida Emilia Pires, maibe desijaun tribunal sempre lao nafatin tamba publiku mos hakarak rona ninia rejultadu.

Durante, tribunal distrital Dili (TTD) fo tan tempu ruanulu ba arguida Emilia Pires rasik maibe arguida Emilia Pires rasik seidauk fila husi Portugal atu kumpri desijaun tribunal, liliu loron neebe mak marka tiha ona arguida Emilia Pires no Madalena Hanjam, neebe mos sai preokupasaun b aba publiku atu rona desijaun husi tribunal neebe mak komete korupsaun ba eis membru governu nain rua nee.

Antes nee, juiz Prezidente nebe mak preside ba kaju nee, Jose Maria de Aroujo katak tribunal distrital Dili (TDD) liliu iha loron (30/11/2016) liu husi julgamentu altera medida koasaun probuisaun auzensia nbe previstu iha artigu 192 kodigu prosesu penal Timor Leste, altera fali ba preventive neebe previstu iha artigu 194 iha kodigu prosesu penal prizaun preventive tamba arguida la kumpri medida koasaun neebe antes nee tribunal fo ona ba arguda.

Maibe, se enkuantu arguida Emilia Pires mak kontinua la marka prezesa no la kumpri desijaun tribunal, desijaun tribunal sei lao nafatin tamba publiku mos dein no hakarak atu rona ninia rejultadu, dehan juiz iha sala julgamentu, iha tribunal distrital Dili (TDD), Kuarta (30/11/2016). Informasaun kompletu iha STL Jornal no STL Web, edisaun Tersa (20/12/2016). Domingos Piedade Freitas

Suara Timor Lorosae

Halai Ses Husi Justisa, Emilia Kontra Konstituisaun

DILI - Arguida Emilia Pires kontra ou larespeita Konstituisaun Republika Demokratika de Timor Leste, tanba Arguida rasik halai ses husi Justisa.

Tuir deputadu husi bankada PD Paulino Monteiro hateten, Arguida Emilia Pires neebe halai ses husi justisa iha rai laran kontra Konstituisaun RDTL neebe dehan, Tribunal orgaun soberanu neebe halo justisa hodi povu nia naran.

Halai ses husi justisa nee Konserteza arguida Emilia Pires kontra ou larespeita ona ita nia Konstituisaun RDTL neebe dehan, Tribunal orgaun soberanu neebe halo justisa lori povu nia naran,” dehan deputadu Paulino ba STL, iha PN, Dili, Segunda (19/12/2016).

Nia dehan, kuandu notifiksaun fo ba halo xamada Primiera ves, segunda ves no terseira ves tenke halo kaptuarasaun nee dalan normal Tribunal nian, mais se sira bolu ona primeira ves, segundu ves ka julgamentu tuir data nee nia mai ka halo nusa.

Iha fatin hanesan Xefi bankada Frente Mudansa Jose Lius Guterres hateten agora nee sira rona is informasaun mai husi emprensa, maibe laiha surat ida ofisial mai husi eis Ministra Emilia Pires para husu PN koalia buat ruma ba nia kazu. Informasaun kompletu iha STL Jornal no STL Web, edisaun Tersa (20/12/2016). Carme Ximenes

Suara Timor Lorosae

Dupla Pasaporte Estraga Nasaun

DILI – Sidadaun Timor Leste neebe dupla pasaporte estraga nasaun, tanba sira laiha domin no esperitu nasionalismu ba rai ida nee.

Prezidente PARENTIL Flavio Pereira Lopes hateten, ema sira neebe dupla pasaporte, deskontente sira laiha domin ba dezenvolvimentu iha nasaun ida nee.

Ema sira hanesan nee halo aat ruma ba nasaun halai sai tiha ba liur dehan, diak ita hotu nian, aat imi nian,” dehan Flavio ba STL, iha Nia servisu fatin Pantai Kelapa, Dili, Segunda (19/12/2016).

Nia dehan Kontitusaun RDTL nee husi rezultadu eleisaun demokrasia maiyoritas neebe halo lei tuir sira nia gostu, nunka rona partidu neebe lakon iha eleisaun jeral. Prezidente PARENTIL nee afirma, tempu eleisaun jeral mai labele repete hili tan partidu neebe povu fo fiar, maibe halo povu triste.

Iha fatin ketak Xefi bankada Frente Mudansa Jose Luis Guterres hateten, Pasaporte nee uluk  iha Frente diplomatika nee uja pasaporte barak, tanba pasaporte para fasilita ema lao ba pais sira nee hotu.

Entertantu observador politika Manuel da Costa husu ba Timor oan neebe maka dupla pasaporte, bainhira iha kazu ruma tama ona Tribunal labele halai sai husi Timor. Informasaun kompletu iha STL Jornal no STL Web, edisaun Tersa (20/12/2016). Carme Ximenes

Suara Timor Lorosae

Volume Kompetisaun Parpol Iha Eleisaun 2017 Sei Makas, Teste Kapasidade STAE No CNE

DILI – Volume kompetisaun ba Partidu Politiku (Parpol) iha eleisaun jeral tantu eleisaun Prezidensial no Parlamentar iha tinan 2017 sei lao makas, tanba nee sei teste ba kapasidade Sekretariadu Tekniku Administrasaun Eleitoral (STAE) no Komisaun Nasional Eleisaun (CNE).

Informasaun nee fo sai husi Observador Politika-UNDIL, Francisco Mausoro ba jornalista iha Caicoli-Dili, Segunda (19/12/2016).

Hau hanoin eleisaun iha tinan 2017, eleisaun ida neebe mak nia volume kompetisaun sei makas komaparasaun eleisaun sira antes, tanba ita hatene katak votantes neebe mak foun sira kuaze maioria joven,” dehan Francisco.

Francisco haktuir, tanba nee eleisaun 2017 atu lao diak tenke hadia kualidade prosesamentu inklui estandar neebe mak klaru, sera ke orgaun eleitorais hanesan orgaun CNE ho orgaun STAE nee lao duni ka lae, nia prosesu nee lao duni ka lae.

Iha sorin seluk, Diretor Jeral STAE Acilino Manuel Branco dehan, parte sira nia preparasaun ba eleisaun jeral mai iha tinan 2017, mak oras nee STAE halo ona rekrutamentu ba brigade sira hein deit halo formasaun ba sira iha inisiu fulan Janeira. Informasaun kompletu iha STL Jornal no STL Web, edisaun Tersa (20/12/2016). Raimundo S. Fraga

Suara Timor Lorosae