TIMOR LESTE SEIDAUK IHA MEDIKU CORDEOLOGISTA

DILI - Mediku Kordeologista hodi opera korasaun, Timor Leste (TL) seidauk iha, tamba nee Primeiru Ministru Rui Maria de Araujo foo orentasaun ba Ministeriu Saude hodi identifika mediku, para tuir formasaun ba opera korasaun.

Tuir Primeiru Ministru Rui Maria de Araujo hateten Governu apoia planu Ministeriu Saude nian konaba hari sentru formasaun hodi halo formasaun ba operasaun kurasaun, tamba nee Xefi Governu mos agradese tebes koperasaun neebe maka Timor Leste halo ona ho Malaysia.

Neduni forma mediu kardeologista, liu-liu konaba doutor bedah jantung nee, lori tempu naruk. Entaun Ministeriu Saude tenki identifika ona medikus sira nee, hodi prepara aan, ita labele nar-naran seleksi ema, tenki ema neebe iha duni kompetensia atu halo servisu sira nee,” dehan PM Rui.

Iha fatin hanesan Ministru Saude Maria do Ceu hateten Doutor ahli bedah jantung husi Malaysia, neebe halo tiha ona koperasaun ho Ministeriu Saudem desde 2013. Koperasaun neebe maka nasaun rua nee halo, iha area tolu maka hanesan, pasiente sira neebe sofre moras korasaun, bele ba halo tratamentu iha Malaysia. Informasaun kompletu iha STL jornal no STL Web, edisaun Sesta, (8/5/2015). Joao Aníbal

Suara Timor Lorosae

Tinan oin ME muda eskola privadu ba eskola tekniku vokasional

DILI - Ministru Edukasaun, Fernando Lasama hateten  planu VI governu iha area edukasaun iha tinan oin sei muda eskola privadu balu ba eskola tekniku vokasional. “Ba tinan oin ami sei muda eskola balu-balu tenki ba eskola sekundaria jeral  atu nune’e estudante sira ba universidade iha area ne’ebé mak ita presiza maibe agora ne’e hau husu ba diretor eskola sira iha distritu mos halo estudu  kuandu sira sujere hela mai  no sira hare katak, eskola sekundaria ne’ebé mak  atu gradualmente,” dehan Fernandu Lasama  ba Jornalista BT iha semana kotuk.

Nia hateten katak, graduasaun kona ba aula ba iha primeiru ano ne’e komesa tama materia eskola tekniku vokasional  to’o iha terseiru to’o fin. Konaba fasilidade sira sira sei hadia kurikulum hanesan  prepara laboratorium maibe tinan oin sira sei husu ba parlamentu nasional  aprova osan atu hadia kondisaun sira ne’e.

Nia esplika katak, ninia mandatu ne’e sei kontinua iha tinan oin mai 2017 nian laos iha tinan rua deit, maibe politika governu ninian ne’e laos ba politika fasilidade, atu kompete iha merkadu traballu ne’e diak liu ba jerasaun foun sira, tanba ne’e tenki fo atensaun ba eskola tekniku vokasional. “Hau fiar katak, ministeriu edukasaun foun ne’e sei hadia buat barak iha futuru oin mai,” nia esplika.

Antes ne’e deputadu  komisaun F Eladio Faculto mos dehan tan,  konsentrasaun Ministeriu Edukasaun atu  foka ba iha eskola tekniku vokasiunal ne’e importante, tanba ita presisa tekniku vokasiunal no ita buka manan iha merkadu. “Eskola vokasiunal sira ne’e importante tanba banhira estudante ida mak remata nia estudu, sira iha ona skil, iha ketrampilan ne’ebé diak, ne’ebé sira bele emprega servisu ba sira nia án ona,” reprezentante povu iha uma fukun parlamentu deputadu Eladio Faculto ba jornalista Business Timor iha nia knar fatin parlamentu nasional seman foin lalais ne’e.

Tuir deputadu ne’e eskola ba jurusan, politiku, admistrasaun ninia okupasaun ne’e ba deit instituisaun estadu ka ministeriu sira. “Ita nia funsionariu sira mos barak teb-tebes, se ita eskola produs estudante barak la iha servisu ne’e mos ita kria defisiensia ba ita nia ema sira. Deputadu ne’e mos kestiona katak empresariu ne’ebé iha, ne’e iha balun halo projetu sira la iha sistema admistrasaun la iha organizasaun. 

“Ita hare kompañia barak mak halo haesan ne’e, ne’ebé rekrutamentu ema oituan. por esemplu ba iha finansas nian dala ruma sira presisa ne’e menus liu duke agora hotu-hotu hanoin tama iha governu. Governu mos iha limitasaun atu presense funsionariu. Agora estudante sira ne’ebé akaba sira nia estudu iha area politiku, administrasaun ne’e ita atu tau ba iha ne’ebé?” Deputadu ne’e preokupa.

Tuir deputadu ne’e katak vokasiunal ne’e kestaun teknika tantu eletrokanik, area tekniku sira ne’e diak, tanba banhira estudante ida remata ona nia estudu sira bele halo inisiativu, bele kria servisu ba sira nia án rasik. “Balun bele servisu iha tuir ema banhira ema ruma presisa teknik barak ida ne’e ita nia ema sira bele hetan neti osan uituan, maske la barak maibe sira bele sesrvisu ona hodi bele atende nessidade uma laran.” Deputadu ne’e mos fo hanoin ba publiku atu apoiu mos ba iha politika ministeriu edukasuan nian hanesan, instalasaun barak ne’ebé teknik nesesita, liliu material nesesadu atu nune’e estudante sira bele uza hodi pratika. (BT)

TiNa – Business Timor

BCTL lansa R-Timor, Sistema automozadu ba tranferensia osan

DILI - Banku Central Timor Leste (BCTL), kinta-feira (30/04),  lansa Rede Tranferensia iha Momentu Real (R-Timor), operasaun sistema foun ne’ebe sei prosesa pagamentu elektronikamente iha Timor Leste nia laran entre individu sira, empreza ou entidade governu nian ne’ebe ho automozadu ba tranferensia. Governador BCTL Abrão Vasconcelos iha serimonia lansamentu ne’e hatete Banku Sentral mak nain no sai nudar operador ba sistema refere ne’ebe interligadu ho banku komersial sira hotu no mos ministeriu finansas liu husi rede privadu ka VPN ne’ebe seguru.

Nia dehan partisipante ba sistema R-Timor mak banku komersial sira inklui banku sentral no ministeriu finansas ne’ebe sei utiliza sistema refere hodi haruka ba malu instrusaun sira hodi halo pagamentu nian/tranfere osan. Sistema R-TIMOR ne’e, tuir Governador BC, bele prosesa pagamentu ba kualker momentu ho valor oioin boot ka ki’ik ne’ebe tranfere osan entre partisipante sira liu husi sira nia konta bankaria ne’ebe rai iha sistema ne’e nia laran.

Nia afirma katak tranferensia sira ne’ebe partisipante sira sei uza liu husi meus elektroniku ne’ebe lais no kliente banku sira sei simu sira nia osan ho lalais tebes no normalmente sei simu iha loron ne’ebe hanesan wainhira pagamentu ne’e realiza. “Banku sentral nia espetativa katak iha tempu badak nia laran sei iha persentajen ne’ebe boot liu husi pagamentu ne’ebe halo elektronikamente liu husi  R-TIMOR partikulamente pagamentu husi governu hanesan salariu no pagamentu sira ba iha benifisiariu sosial sira,” dehan Governador BCTL.

Nia mos dehan katak lansamentu R-TIMOR nudar kulminasaun servisu ne’ebe maka’as tebes husi institusaun oi-oin alende Banku Central partikulamente banku komersial sira iha TL no mos ministeriu finansas. “Projetu ida ne’e reprezenta primeiru faze husi dezenvolvimentu ba sistema pagamentu nasional, banku sentral iha vizaun ne’ebe dinamiku ba dezenvolvimentu iha futuru ho baze sistema R-TIMOR atu estende tan kobertura no meus pagamentu oioin ne’ebe bele halo elektronikamente no instituisaun ne’ebe bele halao servisu pagamentu sira ne’e,” dehan nia.

Nia mos afirma tan katak  objetivu husi sistema ne’e mak atu asegura sidadaun timor hotu la hare ba sira nia hela fatin no kondisaun finanseiru sei hetan asesu ba servisu finanseiru ne’ebe modernu liu husi meus elektroniku. “Servisu bankariu ho forma tradisional hanesan banku sukursal sira sei sai modelu ida ne’ebe la relevante ona ho mundu finanseiru ohin loron teknoljia bele introdus modelu brankless banku ne’ebe eskola sira, loja sira, klinika, ate igreja sira bele dezempeña funsaun baziku servisu finanseiru no pagamentu liu husi parseira ho banku sira no kompania finanseiru sira ne’ebe hetan lisensa,” hatete nia.

Nia espera katak servisu ohin loron ne’ebe fornese liu husi R-TIMOR no dezenvolvimentu sistema komplementariu ho baze R-TIMOR sei fo kontribuisaun ne’ebe signifikante ba dezenvolvimentu ekonomia TL no mos benefisiu ba iha sidadaun tomak. Nia mos informa katak projetu ne’e hahu hahu tinan 2 fulan ida liuba ofisialmente banku sentral establese sistema tranferensia automatiku iha Marsu 2013. Iha momentu ne’eba kedas banku sentral involve kompania internasional ne’ebe espesializada iha sistema pagamentu the knowledge group no sistema ne’e uza rede Timor Telekom hodi halo operasaun iha TL.

Iha fatin hanesan Diretor Banku Mandiri Josephus Trirakosa apresia tebes ho sistema refere tanba bele halo kontrolasaun ba iha tranferensia sira entre kliente sira. Banku Mandiri iha Timor-Leste prontu atu bele uza sistema refere iha sira nia banku rasik hodi atende kliente sira. Molok halo lansamentu BCTL asina MoU ho banku komersial sira hanesan ANZ, BNCTL, Banku Mandiri, no BNU hodi sai membru hodi utiliza sistema refere. (BT)

Pedro – Business Timor

TRIBUNAL REKURSU REZEITA PEDIDO EMILIA

DILI - Tribunal Rekursu (TR) la aprova pedidu husi arguida Emilia Pires hodi rezeita hotu rekursu neebe mak tau iha autos.

Tuir fontes konfirmadu neebe lakohi temi naran ba diario nee hatete katak, pedidu neebe mak arguida Emilia Pires temi iha rekursu, tribunal rekursu la hatan hotu kedas. Tanba neemak tribunal rekursu hatun ona desizaun hodi haruka mai iha tribunal distrital Dili hodi bele halao ona prosesu julgamentu ba arguida Emilia Pires ho Madalena Hanjam.

Iha parte seluk Presidenti Tribunal Rekursu Guilhermino da Silva hatete, rekursu neebe mak hatama desizaun tun tiha ona no hein tribunal Dili atu halo julgamentu ba prosesu nee. Nunee nia parte seo la halo komentariu beibeik, tanba lei bandu atu komentariu bebeik.

Hau hanoin ida imi husu bei-beik hau labele koalia beibeik tamba lei bandu atu komentariu beibeik tenknikamente hau seidauk koalia ba buat nee maibe iha regras neebe agora ita akompaina deit prosesu nebe halao iha tribunal Dili atu ba julgamentu ita hein deit julgamentu no rejultadu. Neebe ita labele koalia dehan hanesan nee ou hanesan neeba, nee ladiak tamba iha prosesu juiz labele komentariu beibeik. Iha prosesu hau koalia enzeral deit, hau foka ba teknikamente prosesu nee ninian,” tenik nia.

Antes nee Tribunal Distrital Dili, iha loron 23 de Marsu 2015 adia hikas prosesu audensia julgamentu ba arguida Emilia Pires ho Madalena Hanjam ba kazu krime partisipasaun ekonomio em negosiu tuir artigu 299 kodigo penal Timor Leste, tanba sei hein desizaun husi Tribunal Rekursu kona ba arguida Emilia nia rekursu. Informasaun kompletu iha STL jornal no STL Web, edisaun Sesta, (8/5/2015). Domingas Gomes/Timotio Gusmao

Suara Timor Lorosae

Membru Governu Balun Lakomprende Lei Aprovizionamentu

DILI - Membru governu balun la Komprende Lei Aprovizionamentu hodi hamosu problema iha regulamentu fahe projeitu nebe maka durante nee lao iha rai laran, tamba la tuir prosedementu nebe vigora iha nasaaun Timor Leste.

Tuir Prezidente Tribunal Rekursu Guilhermino da Silva katak lei Aprovizionamentu relasiona ba konkursu publiku kona ba projeitu ba emprezariu sira nebe maka regula tiha ona, maibe praktikamente membru governu sira lahalo tuir ida nee.

Lei Aprovizionamentu atu regula kona ba prosesu halao projeitu, nebe ita tenki iha prosedementu ida maibe ida nee mak praktika lahalo, maibe Membru governu sira lahalo tuir ida nee,” dehan Gulherme ba Jornalista Kinta (07/05/2015) iha Palasiu Prezidensial Nicolao Lobato.

Nia hatete Membru governu sira presiza hatene regras Aprovizionamentu, konkursu publiku, hatene halo disizaun ba Kompania nebe maka manan konkorsu nebe sira presiza hatene, maibe iha praktika balun lahalo tuir. Informasaun kompletu iha STL jornal no STL Web, edisaun Sesta, (8/5/2015). Timotio Gusmao

Suara Timor Lorosae

La Hasai Imunidade, Kazu Vicente Hein Mandatu Remata

DILI - Reprezentante povu iha uma Fukun Parlamentu Nasional too oras nee Seidauk Hasai Imunidade Vicente Guterres, Tribunal bele Adia hein Mandatu remata hanesan membru governu sira seluk.

Tuir Prezidente Tribunal Rekursu Guilherminho da Silva katak too oras nee seidauk rona kona ba levantamentu Imunidade nebe parlamentu seidauk disidi, kuandu laiha levantamentu Imunidade prosesu nee bele adia.

Prezidente Parlamentu Nasional sei hein levantamentu Imunidade enkuantu seidauk iha ita hein prosesu julgamentu bele Adia ba tempu seluk,” dehan Guilherme ba Jornalista Kinta (07/05/2015) iha Palasiu Prezidensial Nicolao Lobato.

Nia hatete laiha levantamentu Imunidade, laiha medida seluk mak bele foti adia ba tempu seluk hanesan mos Eis Governante sira nebe atu ba iha jugalmentu, tamba sira laiha ona mandate nebe laiha ona Imunidade. Informasaun kompletu iha STL jornal no STL Web, edisaun Sesta, (8/5/2015). Timotio Gusmao

Suara Timor Lorosae

Taur Matan Ruak hakarak 20 de Maiu Selebra iha Municipio Ida Ne'e

Dili­, Ministro do Estado Cordenador dos Assuntos da Administração do Estado e da Justiça, e Ministro Estatal, Deonisio da Costa Babo Soares hateten katak selebrasaun loron restaurasaun independensia, 20 de Maiu ba tinan ida ne’e sei hala’o iha Municipiu Maliana tuir pedido Prezidente Republika Taur Matan Ruak.

“Prezidente rasik mak husu atu konsentra selebrasaun tinan ne’e iha Maliana, Ministru sira governu nian sei aloka ba kada municipiu hodi reprezenta estado atu dada bandeira durante seleberasaun” Dionisio Babo, Kuarta feira, (6/5) iha nia servisu fatin, Kaikoli, Dili.

Tuir Dionisio, Jestor Municipiu ida idak sei iha nafatin tamba governu sei aloka mos osan oitoan ba kada municipiu hodi komemora hamutuk ho membru governu ne’ebe designado.

“Orsamentu ba selebrasaun tinan ida ne’e hamutuk U$300.000 no sei fahe mos oitoan oitoan ba Municipiu hotu hotu” Didi haktuir ba CJITL.

Eis Ministru Justica iha governu anterior ne’e hateten orsamento detailho ne’e nia la hatene tamba nia hatene aprova global deit, no detailho bele husu ba Direitor ne’ebe tama konta. (CJITL/Email: alumni.timor@gmail.com)

CJITL