Labele Rende Uluk Bainhira Seidauk Kompete

DILI (ANTIL) - Labele rende uluk bainhira seidauk kompete. Ida ne’e maka atleta Juventina Napoleão de Jesus (26) nia prinsípiu.

Maske kondisaun lá afavór ba ninia luta maibé nia nia esforsa án to´o hetan segundu lugár iha eventu Toraja Internasionál Marathon ne’ebé hala’o iha Toraja, Sulawesi do Sul, Indonézia, 13-14 Agustu 2016.

Nia segundu lugár iha kompetisaun halai taru ho distánsia 23 kilómetru. “Ha’u senti kontenti teb-tebes tanba durante treinu ne’e iha rezultadu duni,” Juventina dehan ba ANTIL iha edifísiu Federasaun Atletizmu, Jináziu Dili, foin lalais ne´e.

Nia haktuir nia hetan difikuldade duni tanba sira halai tuir foho maka barak liu duké tetuk ho tún. “Nu’udar atleta tenki esforsu án para bele manán iha kompetisaun,” atleta ne’e hateten ho hamnasa.

Durante ne’e sira treinu iha rai tetuk de’it. Tanba ne’e, nia sujere atu ba oin bele treinu mós iha rai lolon para bele hanaruk iis no hasa’e fíziku. Iha segundu lugár ne’e, nia hetan medalla silver 1 ho osan US$7000.

Sai vensedor iha numeru halao 23 kilometru mak Isabellah Kigen hosi Indonesia ho durasaun tempu (race time) 01:28:05, tuir kedan Juventina Napoleao iha segundu lugar (01:36:19), Rubia Fatima Martins (01:37:52). Total atleta ne’ebe kompete iha numeru ne’e hamutuk nain 18.

Alende Juventina no Rubia, iha mos atleta Timor-Leste nain 2 mak Ermelinda de Jesus Ornai ne’ebe finish iha quatru lugar (01:41:46) no Marquita dos Santos iha pozisaun sextu lugar (01:49;49) - Jornalista: Xisto Freitas / Editor: Gantry Meilana

Foto: Juventina Napoleão de Jesus

Governu Halo Kontratu Foun ho Pelican Paradise

DILI, (ANTIL) – Governu liu-hosi enkontru extra-ordinariu Konsellu Ministru iha loron 21 fulan-Novembru 2014 liu-ba, halo kontratu foun ho kompañia Pelican Paradise hodi harii otel fitun lima entre Tasitolu no Tibar.

”Asina ona memorandum ho governu, atu halo ótel iha área Tasitolu mais la-inklui área ne’ebé tinan-tinan governu selebra serimonia boot sira hanesan isar bandeira ou serimonia sira seluk nomos fatin ne’ebé Amu Papa mai halo misa ba”, Sekretáriu Estadu Terras no Propriedades, Jaime Xavier Lopes ba ANTIL foin lalais ne’e iha ninia serbisu fatin.

Kontratu ne’ebé uluk halo ona konsidera invalidu, nia dehan, agora kontratu foun no dadus sira ne’e sei foti fila fali ba komunidade sira ne’ebé hela iha área ne’eba.

Kompañia ne’e mai Timor atu harii ótel desde kuatru governu, mais la-realiza, entaun kintu governu kompañia ne’e mai fali. ”Dadus ba ema sira ne’ebé okupa rai ne’e iha hotu ona desde 2008, agora aumenta tan ema barak, ne’e problema”, katak nia.

Nia husu hodi fó hanoin ba maluk sira iha teritoriu tomak katak, Timor ukun rasik-án ona, asuntu ruma ne’ebé relevante ho rai, hakbesik-án ba edifisiu Sekretaria Estadu Terras no Propriedade hodi husu informasaun kona-ba rai, nune’e labele hamosu problema iha loron ikus.

Proposta ne’ebé aprejenta hosi Sekretáriu Estadu Apoiu no Promosaun Setór Privadu hetan ona aprovasaun hosi KM.

Pelican Paradise Holdings Timor-Leste, ninia sede iha Singapura sei halo konstrusaun no esplorasaun ho investimentu osan dólar millaun 310. Projetu otél ho kuartu 492, jináziu, restaurant, spa, sentru konvensaun ne’ebé bele simu ema rihun ida atus lima, kampu golfe, zona komersiál no zona rezidensiál.

Faze harii otél ne’e, investidór kalkula, sei loke fatin servisu diretu hamutuk rihun ida atus lima, hodi pursentu 70 to’o 80 Timor-oan mak sei prense. Nune’e mos, kuandu konstrusaun remata no funsiona ona, investidór preve atu kria tan fatin serbisu 830, ho pursentu 70 to’o 80 Timor-oan mak sei prense. (jornalista: Rita Almeida)

Foto: Parte balun hosi planu konstrusaun ótel ne’ebé sei harii hosi Pelican Paradise. Foto repro youtube

Bisau. Ministériu Públiku Giné-Bisau nian konsidera legál detensaun eis-sekretáriu Estadu nian

Portavós komisaun majistradu sira Ministériu Públiku Giné-Bisau nian ida ne’ebé haruka detein eis-sekretáriu Estadu Transporte no Komunikasaun, João Bernardo Vieira, konsidera aplikasaun ne’e "legal tebes". 

Bacari Biai kontráriu ho pozisaun ne’ebé advogadu polítiku no Liga Guineense dos Direitos Humanos asume, detensaun preventiva, João Bernardo Vieira nian, ne’ebé akontese iha loron-tersa, iha baze legál.

Liga Guineense dos Direitos Humanos konsidera ohin katak detensaun Bernardo Vieira nian ne’e ilegál tanba akontese durante féria judisiál, iha ne’ebé lei nasaun nian la prevee ezekusaun ba kualkér atu prosesuál, hatutan.

Bacari Biai, ne’ebé hanesan mós prezidente asosiasaun majistradu gineense sira-nian, kontra argumentasaun Liga nian ne’e, lembra katak lei rasik prevee "situasaun esesionál" iha ne’ebé bele pratika atu prosesuál, maibé la espesifika.

Kestiona kona-ba krime ne’ebé halo tenke kaer eis-governante ne’e, majistradu lakohi halo komentáriu hodi invoka segredu justisa, maibé konfirma katak Bernardo Vieira falta iha audiénsia ida ne’ebé konvoka iha fulan-maiu liubá.

Bacari Biai hatete katak detensaun ba João Bernardo Vieira akontese tanba "renovasaun mandadu" ne’ebé Ministériu Públiku fó sai, sei iha momentu ne’ebé polítiku ne’e sei hanesan governante, maibé forsa onden nian la kumpre.

"Ministériu Públiku renova de’it mandadu detensaun no bad ala ida ne’e kumpre", observa Bacari Biai no salient katak "falsu" ida ne’ebé dehan detensaun João Bernardo Vieira iha motivasaun polítika.

Majistradu ne’e mós kontra katak komisaun ne’ebé investiga João Bernardo Vieira, no eis-governante sira seluk, halo servisu tanba orden hosi Prokuradór-Jerál Repúblika, António Sedja Man, hanesan refere Partido Africano da Independência da Guiné e Cabo Verde (PAIGC), iha nia komunikadu.

João Bernardo Vieira, detidu ih aloron ne’ebé nia kompleta tinan 39, hanesan portavós PAIGC nian.

Advogadu polítiku ne’e nian, Carlos Pinto Pereira, denunsia ohin kona-ba " ilegalidade ida seluk" faktu, akontese oras 48 ona, João Bernardo Vieira, seidauk prezente iha Juís Instrusaun Kriminál (JIC), tuir lei gineense hatete.

Carlos Pinto Pereira lamenta katak "buat hotu ne’e halo" atu Bernardo Vieira tama prizaun durante findesemana.

SAPO TL ho Lusa - Foto: Joao Bernardo Vieira

Brasil. Manifestante sira invade ministériu no ataka autokarru polísia

Movimentu sosiál invade, segunda-feira, Ministériu Dezenvolvimentu Sosiál no Agráriu, iha Brazília, kapitál Brazil, no hamosu konfrontu ho Polísia Militar, autokarru forsa seguransa nian ida hetan estragu.

Fonte hosi Polísia Militar Distritu Federal haktuir ba ajénsia Lusa katak besik manifestante sira  300  to’o iha fatin sedu liu, iha oras tuku  06:30, "okupa fatin no harahun vidru oda-matan Ministériu nian hodi tenta atu tama ", no ema 150 konsege invade átriu edifísiu nian.

Hafoin ida ne’e, "hahú iha negosiasaun" ho Polísia Militar no ánimu hakmatek "loos", tuir  fonte polisiál.

Tuir informasaun  hosi forsa seguransa ne’e, iha parte lorokraik, durante negosiasaun atu hasai  grupu sira ne’ebé sei iha  edifísiu laran, grupu ida seluk "tenta tama fila fali [iha Ministériu] no hamosu  konfrontu ho Polísia Militar, ne’ebé maka uza gás" lakrimojéneo.

Konsege detidu ema na’in rua tamba lori fatuk tuda rahun vidru hosi autokarru Polísia Militar, hanesan moos ida seluk, ne’ebé ikus mai identifika liuhosi sirkuitu seguransa lokál nian, tamba  "harahun  vidru prédiu" durante iha dader.

Manifestantes do Movimento Brasileiro dos Sem Terra (MBST) no Frente Nacional de Luta (FNL) protesta kontra prezidente interinu, Michel Temer, no husu polítika públika ba traballadór kampu sira nian, tuir  imprensa brazileira.

SAPO TL ho Lusa

Grupos pró-independência aumentam nas escolas de Hong Kong

Hong Kong, China, 23 ago (Lusa) -- Ativistas estudantis de Hong Kong criaram pelo menos 21 grupos em escolas para discutir a independência da cidade e alguns não excluem o uso de violência para atingirem os seus objetivos, avança hoje o jornal South China Morning Post.

A discussão sobre a independência de Hong Kong nas escolas, e o papel dos professores nesse processo, tem estado no centro do debate público. Na segunda-feira, Fanny Law Fan Chiu-fun, membro do Conselho Executivo, entrou no debate afirmando que discussões sobre independência eram "demasiado complicadas" para campus escolares.

Há uma semana, o Departamento da Educação alertou que os professores arriscavam desqualificação se encorajassem os estudantes a envolverem-se em debates pró-independência. O ministro da Educação Eddie Ng Hak-kim disse, mais tarde, que os estudantes apenas podiam participar em tais discussões sob supervisão dos professores e dentro dos limites da Lei Básica.

Ng pôs de parte a possibilidade de serem criadas orientações para as escolas, remetendo para o "profissionalismo" dos professores e diretores das escolas.

Segundo o South China Morning Post, pelo menos 21 grupos 'localistas' foram criados através do Facebook, incluindo 16 que já tinham nascido em resposta a apelos do grupo 'Studentlocalism'.

Tony Chung Hon-lam, do 'Studentlocalism', disse que mais pessoas se inscreveram no seu grupo, passando de "nem uma [inscrição] por semana" para cinco ou seis numa semana, depois de o assunto entrar na discussão pública.

O grupo, explicou, impôs um rigoroso sistema de filtragem que inclui o preenchimento de formulários com pormenores sobre as suas contas de Facebook e Instagram para verificação de 'background'.

Aqueles que insistem em apenas recorrer a ações racionais e não-violentas são rejeitados, disse.

Chung não afasta o recurso a violência para atingir os seis objetivos. Um porta-voz de outro grupo estudantil 'localista' da Munsang College disse igualmente ao jornal que apoiava "quaisquer meios de ação para defender a nossa autonomia".

Em sentido contrário, Degas Chan Pui-chung, do grupo da Ying Wa College disse que a organização se opõe ao uso de violência pois acredita que alunos do ensino secundário são muito novos para serem expostos a tais perigos.

Fanny Law, antiga responsável pela pasta da Educação, apelou, através de um programa de rádio, para que os grupos pró-independência sejam banidos das escolas, e os seus representantes impedidos de liderarem associações de estudantes.

Law, conselheira próxima do chefe do Executivo, disse que o contexto histórico da discussão de independência era "demasiado complicado" para as escolas, e que os estudantes do ensino secundário podem ser induzidos em erro se não tiverem um conhecimento profundo do contexto, como a Primeira Guerra do Ópio e o processo de elaboração da Lei Básica.

"É compreensível que os jovens estejam frustrados com a atual situação em Hong Kong, mas a independência não pode resolver todos os problemas", disse.

Law pediu ainda que os professores evitem trazer o tema para as salas de aulas e sugeriu que se analisasse o 'background' familiar dos estudantes que fazem campanha pela independência, de modo a melhor compreender o que os motiva.

ISG // DM

Dois mil polícias de elite mobilizados para as eleições de Hong Kong

Hong Kong, China, 23 ago (Lusa) -- A polícia de Hong Kong vai organizar exercícios de segurança sem precedentes na próxima semana, antes das eleições legislativas, para as quais vão ser mobilizados dois mil polícias de elite para prevenir episódios de violência.

De acordo com o jornal South China Morning Post, cerca de 2.000 agentes de cinco contingentes de resposta regionais, criados a partir nomeadamente das unidades de elite da polícia -- Unidade Tática e Unidade de Emergência -- vão estar em 'stand by' para o caso de se verificar violência entre multidões no dia 04 de setembro, quando mais de 3,7 milhões de eleitores vão às urnas.

Uma fonte policial disse ao jornal que o nível de risco durante o período das eleições não é "muito elevado", com base em avaliações preliminares, mas as forças de segurança não querem permitir margem para erros, tendo em conta, principalmente, as preocupações com protestos de grupos 'localistas' radicais.

"As cinco equipas regionais vão ficar em 'stand by' durante este período e serão destacadas imediatamente em caso de algum problema. Conhecem bem os seus distritos e delinearam planos claros de distribuição de pessoal. [No entanto], uma forte presença policial pode pressionar os eleitores e impactar a forma como votam. Por isso temos de ser cuidadosos", disse a mesma fonte, não identificada.

Pelo menos quatro agentes vão estar presentes em cada uma das 595 mesas de voto. Juntamente com as cinco equipas de resposta regionais em 'stand by' e pessoal necessário para guardar a central de contagem dos votos na AsiaWorld-Expo, pelo menos 5.000 agentes vão ser responsáveis por garantir a ordem.

Em 2014, Hong Kong foi palco do movimento pró-democracia 'Occupy Central', que se opunha a uma reforma eleitoral proposta por Pequim. Apesar de maioritariamente pacífico, verificaram-se momentos de tensão e violência entre os manifestantes e a polícia, que chegou mesmo a lançar gás lacrimogéneo e pimenta sobre a multidão.

ISG // DM

PR TAUR MATAN RUAK: 20 DE AGOSTO REPREZENTA TIMOR-OAN NIA DETERMINASAUN

Iha Sábadu (20/08/2016) Estadu Timor Leste (TL) liu husi instituisaun Falintil Forsa Defeza Timor Leste (F-FDTL), komemora loron FALINTIL nian ba dala 41.

Komemorasaun loron istóriku ne’e tinan-tinan sempre la hala’o ne’e ho seremonia isar Bandeira Nasionál RDTL. No membrus Forsas Armadas F-FDTL mak sai hanesan korpu isar da bandeira. Selebrasaun loron FALINTIL tinan ida ne’e, la hanesan ho tinan hirak liu ba ne’ebé mak la iha partisipasaun bainaka sira husi nasaun seluk.  Maibé tinan ida ne’e hetan partisipasaun bainaka espesial sira husi nasaun amigu sira hanesan, Portugal, Australia, Cambodia inklui mós Indonesia.

No marka prezensa mós husi Xefi Governu Rui Maria de Araújo ho nia membrus Governu, membrus Parlamentu, eis titulares, eis veteranus balun inklui mós korpus diplomátikus no konvidadu sira seluk.

Iha komemorasaun ne’e Prezidenti Parlamentu Nasional (PN) Aderito Hugo da Costa sai hanesan inspetur da seremonia.

Entretantu Prezidenti Repúblika (PR) Taur Matan Ruak la marka prezensa iha seremonia ne’ebé hala’o iha Quartel Geral F-FDTL ne’e, maibé Xefi Estadu ne’e mós komemora loron FALINTIL nian hamutuk ho povu iha Suku Katerai Leten, Postu Administrativu Letefoho, Munisípiu Ermera, tanba nia hala’o programa vizita ba suku refere.

Iha nia diskursu Prezidenti Repúblika (PR), Taur Matan Ruak hateten katak, loron 20 de Agostu ne’e, reprezenta Timor-oan hotu nia determinasaun no vontade atu fila Timor Leste (TL) sai nasaun ida livre no independenti, husi okupasaun kolonialismu.

“Loron ida ne’e, loron importante ba ita hotu, tanba loron ida ne’e, reprezenta ita nia barani, ita nia determinasaun, vontade atu fila ita nia nasaun sai nasaun ida ukun rasik-an,” dehan PR Taur Matan Ruak, bainhira selebra komemorasaun loron FALINTIL ba dala 41 (20 de Agostu 197-20 de Agostu 2016), ho povu Suku Katerai Leten, Postu Administrativu Letefoho, Munisípiu Ermera, Sábadu.

Maibé Xefi Estadu ne’e dehan, atu ukun-an ne’e, Timoroan barak mak mate hodi sosa ukun-an ida ne’e.

“Ita la haluha sira iha loron ida ne’e, sira hotu iha ita nia rai, iha fatin ne’ebé de’it, ne’ebé fó ona sira nia-an ba ita nia nasaun, ita sei la haluha sira,” katak Taur Matan Ruak.

Xefi Estadu ne’e afirma, povu Timor laran tomak sei temi nafatin sira nia naran, tanba Timor Leste (TL) ne’e ukun-an ho sira nia sakrifísiu.

“Ita husu Maromak fó fatin ba sira hodi horik rohan laek, husu sira tulun ita nafatin para ita hamutuk lori ita nia nasaun ne’e ba oin,” afirma Taur Matan Ruak.

Alénde ne’e, Xefi Etadu ne’e dehan, nia vizita povu iha Suku sira iha Timor laran tomak ne’e atu agradese veteranus, faluk no oan kiak, li-liu povu tomak ba sakrifísiu no terus tomak, hodi Timor Leste ohin loron bele sai nasaun ida livre no independenti.cos

Jornal Nacional

FALINTIL KUMPRI MISAUN TULUN TL BA UKUN-AN

Fundador istoriku Timor Leste (TL), Rogerio Tiago Lobato, hatete, Falintil realiza duni nia misaun istoriku hodi tulun Timor Leste ba ukun rasik a’an.

“Ha’u sentimentu orgulhu bo’ot  tanba Falintil realiza  duni ninia misaun istoriku tulun povu Timor Leste atu ukun ninian,”esplika Rogerio Tiago Lobato ba jornalista, iha Kuartel Jeral F-FDTL, wainhira hato’o ninia sentimentu ba komemorasaun loron Falintil ba dala 41 Sabadu (20/08/2016).

Rogerio Lobato hatutan, misaun Falintil  ne’ebe maka importante, misaun  ne’ebe maka nia halao ho sakrifisiu barak, liu husi difikuldade barak, maibe konsege realiza duni, portantu  ne’e asaun orgulhu bo’ot ida.

“Ba ami sira  ne’ebe maka hari ai hun ba forsa  ne’e maka ha’u nia liafuan  ne’ebe maka ha’u hato,”dehan Rogerio Lobato.

Bainhira kona-ba partisipasaun Veteranus  Falintil sira iha seremonia refere oinsa? Rogerio Lobato hatan, tinan-tinan seremonia komemorasaun ne’e sempre halo muda fatin-fatin, tinan liu ba ne’e halo iha Tasitolu ema barak bele ba asiste. Komo  iha tinan ne’e halao iha Kuartel Jeral  fatin ladun barak.

“Maibe de seremonia ida ne’e ami  iha tuku 12 ami halo konsentrasaun eis militares   ne’ebe maka  iha tinan 1975  hamutuk ho ha’u adere ba Fretilin iha Kuartel  Jeneral Taibesse,portantu imi bele mosu iha ne’eba hare’e koalia ho sira hatene Falintil nia hun ne’e saida, se maka hari ne’e importante, labele rona deit ha’u, ha’u ne’e hanesan Komandante, ema barak hamutuk ho ha’u hari forsa ne’e iha 1975,”dehan Rogerio Lobato.

Iha parte seluk Veteranus Andre da Costa Belo ‘L-4’  hateten, senti komemorasaun loron Falintil 20 Agostu  bad ala 41 ida  importante.

“Ba ami  ne’ebe maka Falintil   nune’e mos ba jerasaun foun. Baa mi kontente tanba ami nia loron desteke ami nia maluk barak mate  iha ailaran nudar Falintil povu tomak mate iha ailaran, maibe ho sira nia sakrefiuu no mate maka  ita hetan independensia ida ne’e,”dehan L-4.

Nia dehan, ba jerasaun foun tenki partisipa foin maka sira hatene, kona-ba saida maka Falintil sira halo deste tempu rejistensia ninian.

“Ami hakarak hateten  katak, 20 Agostu loron  ne’ebe maka hari Falintil, primeiru dia 15 Agostu  iha Aisermu Aileu,  komesa lideransa fundador sira komesa diskuti ona depois dia 20 Agostu ne’e sai loron ne’ebe maka importante ba  Falintil,”dehan L-4.

Iha parte seluk Oan mane  Sauodozu Sub Xefi  Estadu Maior FALINTIL, David Alex  ‘Daitula’ Alex Daitula Junior, senti laran tristi oituan haree seremonia komemorasaun ne’e la hanesan seremonia tinan uluk, partisipasaun familia martiris sira,Veteranus sira, povu  ne’ebe maka fo nia vida ba rai ida ne’e ninia partisipasaun minimu tebes.

“Ha’u so hare’e deit autoridade nasaun sira maka partisipa iha seremonia ida ne’e, depois hare’e  ita ninia populasaun ne’ebe maka fo nia vida ba rai ida ne’e, liu-liu Falintil, martire  oan kiak sira ladun iha ne’e halo ha’u tristi oituan,”dehan Alex Daitula Junior.

Nune’e mos iha seremonia ne’e, nia hato mos ninia lamentasaun kona-ba Prezidente Parlamentu Nacional (PN), Aderito Hugo ninia diskursu ke sai F-FDTL ninia frakeza iha.

“Ha’u tristi oituan maka Prezidente PN koloka ninia a’an hanesan Komandante Supremu hodi mai esplika fali ita ninia forsa defesa ninia frakeza iha  seremonia ida ne’e. Seremonia ida  ita hatene katak prejensa husi nasaun hotu  iha ne’e,   se ita hanesan autoridade  Estadu maka  fo sai fali  ita ninia forsa ninia komportamentu ninia atetude ba nasaun seluk  ne’e ita koalia kona-ba segredu nasaun maka oinsa,”lamenta Alex Daitula Junior.

Nia dehan, forsa ninia problema  ne’e lolos ne’e ninia Jeneral ho Ministru Defesa maka hare’e aplika lei interna ba forsa ninia forsa  ne’ebe maka ohin  hatudu sira nia komportamentu ne’ebe maka sira halo kontra ho lei sira  ne’ebe maka  iha forsa.

“Mas laos   ita ba fo sai fali forsa ninia komportamentu nia atetude  iha seremonia ida ne’e ba publiku,  liu-liu ba bainka sira  ne’ebe maka  ita konvida mai  ninia prezensa iha ne’e. Tanba ne’e ha’u husu dala ida tan Prezidente PN hatene ninia funsaun,  hatene ninia kna’ar  no tenki defende ninia soberanu ida ne’e nia segredu hanesan Estadu ida nasaun ida labele promove fali ba nasaun seluk atu ita nia frakeza nasaun ida ne’e,”dehan Alex Daitula Junior.

Lu-Olo: Falintil forsa tahan rezistensia

Nune’e mos, Prezidente Partidu Fretilin, Francisco Guterres ‘Lu-Olo’  hateten, Falintil Forsa  ne’ebe maka bele tahan rejistensia durante 24 anus to’o hetan independensia total.

“Loron  20 Agostu hanesan ita hotu hatene loron ne’ebe maka kona-ba kriasaun   das Falintil forsa armadas de livertasaun  Timor Leste ninian husi Komite Centra Fretilin ninian iha tinan 1975, forsa  ne’ebe maka bele tahan rejistensia durante 24 anus too hetan indepensia total,”esplika Lu-Olo, ba jornalista iha Kuartel Jeral F-FDTL,  hafoin partisipa tiha seremonia komemorasaun loron Falintil bad ala 41 Sabdu (20/08/2016).

Lu-Olo dehan, biar nai husik hela nia kolega sira nia kompañero de luta sira barak maka mate  iha funu ida ne’e.

“Ne’ebe  ohin ita halibur fali iha ne’e para atu halo reflesaun. Ba ha’u hanesan halo reflesaun fila fali ba kotuk hodi bele  fo memoria nafatin ba luta livertasaun   ne’ebe maka Falintil sira kaer, transimi mos ne’e ba jerasaun foun sira katak,  funu ida ne’e mai husi sakrefisiu sira nian  ne’e maka ohin loron  ita bele  hetan independensia ida ne’e, nune’e joventude sira mos bele hakat ba oin hatene nafatin ninia istoria,”dehan Lu-Olo.

Kona-ba dezenvolviementu Forsa armadas ninianwainhira transforsa husi Falintil ba F-FDTL? Lu-Olo hatan,  iha  kooperasaun barak  teb-tebes  ne’ebe  forsa sira simu husi pais seluk, husi Portugal, Australia, Malaisia, Indonesia no nasaun seluk tan atu nune’e instituisaun ne’e ba oin sai diak liu tan.

“Ha’u nia hanoin  pesoal diak liu F-FDTL kontinia ho kooperasaun atu nune’e bele sai forsa  ne’ebe maka sai professional liu  ba futuru.   Agora professional ona, maibe hadia diak liu tan iha kadar ramu  ida, ramu de ezersitu ninian, ramu marina ninian, forsa trestre ninian, se presiza aban bairua bele  iha mos forsa aero ninian bele ida ne’e hotu, maibe Timor Leste aprezenta ninia geografika ne’e oin seluk,”dehan Lu-Olo.avi   

Jornal Nacional

LU-OLO: LALOS HAKBESIK-AN BA PARTIDU HODI SAI VETERANUS LALAIS

Prezidenti partidu FRETILIN Francisco  Guteres  ‘Lu-Olo’ hatete katak, lalos kuandu Prezidenti Repúblika,  Taur  Matan  Ruak, dehan, agora  veteranus  falsu  barak  tebes, tamba  ema  barak  enkosta-an  ba  lideres  partidu  FRETILIN  ho  CNRT  hodi  bele fasilita  sira  sai  lalais  veteranus.

“Hau  seidauk  hare  prezidente  Taur  Matan  Ruak ninia  deklarasaun, maibe ba hau ladun los se wainhira veteranus falsu barak ne’e partidu Fretilin ho CNRT mak fasilita, ne’e hau sente  lalos,”dehan prezidente  partidu  FRETILIN  Francisco  Guteres  Lu-Olo ba  jornalista  sira  iha  Ministeriu  da  Defesa  Fatuhada  Dili, Sábadu  (20/8).

Tamba  FRETILIN  la  haruka  ninia  ema  tenki  sai  veteranus, maibe  tuir  lei  komisaun  homenagen  make  hatene, laos  partidu  FRETILIN  ninian.

“Até  agora  FRETILIN  la  haruka  ninia  ema  tenki  sai  veteranus, maibe  veteranus  tuir  lei  komisaun  homenagen  mak  hatene, ne’e  laos  partidu ninia,”afirma eis prezidenti PN iha primeiru lejislatura ne’e.

Nia hatutan, Prezidente  da  Repúblika  Taur  Matan  Ruak mos hatene katak, laos partidu  FRETILIN  mak trata direitamente  asuntu  veteranus  nian, maibe  ne’e komisaun  homenagen ninia servisu.

“Ami  partidu  FRETILIN  la  urus  direitamente  ka  la  trata  direitamente  asuntu  veteranus  nian, maibé  komisaun  homenagen  mak  hatene,”nia salienta.

Antes ne’e, iha dialogu prezidenti ho komunidade iha suku Lupal, postu administrativu Lolotoe, Munisipiu Bobonaro, Prezidenti da Republika Taur Matan Ruak hatete, agora veteranus falsu ne’e barak, tanba fasilita malu husi amigu no husi partidu, tanba ne’e mak mosu problema barak konaba veteranus hodi halo sira hare malu matan lamos.

Nia dehan, ema barak mak inkosta-an ba lideransa no partidu CNRT ho FRETILIN, hodi bele fasilita sira sai veteranus lalais.

“Agora ita ukun an ne’e, se mak inkosta lalais maun Xanana, nia hetan lalais, ou se mak inkosta lalais CNRT nia hetan lalais, se mak inkosta lalais FRETILIN, hetan lalais,” dehan PR Taur Matan Ruak ba komunidade sira.tos

Jornal Nacional

ESHANA PRESTA HOMENAJEN BA HEROI SIRA

Estudante  Hadomi  Natureza  (ESHANA)  lao  haleu  Timor  Leste  hodi  komemora  loron  FALINTIL  ho  objetivu  atu  presta  homenajen  ba  heroi  sira  nia  luta  no  libertasaun  ba  povu  no  rai ida ne’e.

Prezidente  ESHANA  Joel  M.F.  Soares informa, estudante hamutuk 25 kompostu  husi  mane  15  no  feto  10 mak lao husi Dili tama Manatuto, Baucau, Lautém, Same, Viqueque, Natarbora, Suai, Bobonaro, Liquisa no tama fali Dili. Ba Joel, jerasaun foun laos  hatene  de’it  história, maibe tenki partisipa  direitamente história ne’e rasik, hodi senti malirin no nakukun iha  ai-laran, ne’ebé  sai  parte  ida  hodi  hamoris  nasionalismu  no  patrotismu  ba  rai  ida  ne’e.

Nia esplika, atividade  ne’e  rasik  hanaran  jornada  estudantil  ne’ebé  mak  antes  ne’e  realiza  husi  Ministeriu  da  Defesa  no  mós  Kuartel  Jeneral Falintil  Forsa  Defesa  de  Timor  Leste  (F-FDTL) hodi komemora  loron  FALINTIL ba dala  41.

“Ami  sente  honra  tebes, tamba  ami  bele  partisipa  direitamente  iha  komemorasaun  ida  ne’e  hodi hamrik iha lider  sira  nia  oin, no ami orgullu  tebes  hetan  sertifikadu  ne’ebé  mak  asinadu  husi  Komandante  Jeneral  F-FDTL  Maijor  Jeneral  Lere  Anan  Timur  Rasik,”hatete  Joel  M.F.  Soares ba  Jornalista  sira  iha  Ministeriu  da  Defesa  Fatuhada  Dili, Sabadu  (20/8).

Nia  esplika, durante  iha  sira  nia  lao  ne’e  laiha  difikuldade, tamba  sira  hetan  apoiu  masimu  husi  Ministeriu  da  Defesa  no F-FDTL  liu  husi  ekipamentus  no  mós  ba  sira  nia  konsumidores  diariamente. Iha parte seluk, xefi ekipa  juventude  hadomi  natureza,  Longinhos  da  Costa Mau sekunda, sira hetan apoiu orsamentu $200 husi kompñia Dellos no $50.00 husi SEPFOPE. Ekipamentus ne’ebe sira hodi iha viazem ne’e mak, hahan, sanan, bikan, hena taka muskito no sira seluktan. Maske kolen, maibe kontenti nafatin. Lao hetan  uma  sira deskansa, se lae deskansa deit iha mota no fatuk kua.Tos  

Jornal Nacional

PARPOL IHA TL TO’O ONA 32, RAMOS HORTA: DIAK LIU LOKE KIOS

Laureadu Nobel da Paz 1996, nu’udar mos eis Prezidenti Republika (PR), Jose Ramos Horta,  duvidas tebes ho ejistensia partidu politiku (Parpol)  32 ne’ebe rejistu iha Comissão Naçional das Eleições (CNE).

Horta halo komparasaun parpol sira iha Timor Leste hanesan fali loke kios, ho nune’e, nia suzere atu parpol sira ne’ebe foin moris diak liu tau osan ba loke kios, restorante, warung no sosa mikrolet hodi sustenta moris uma laran.

“Partidu barak los hau hanoin inves loke partidu nusa lakohi loke restaurante, warung ruma, loke kios ou sosa mikrolet,” hateten Ramos Horta iha Centru Convensaun Dili, Kinta (18/08/2016).

Tuir Ramos Horta nia predisaun katak, iha tinan 2017 mai ne’e parpol tolu ka hat deit, tanba ne’e, hirak ne’ebe foin loke, diak liu lalika halo kole an no gasta osan saugati deit.

“Partidu Libertasaun Popular (PLP) masske foun maibe iha figura boot ida maka iha oin, ne’ebe nia abut metin, mas partidu foun sira seluk diak liu ba hamutuk deit ona ho FRETILIN, PD, CNRT ou FRENTI-MUDANÇA. Nune’e, sira la bele halo kole an no gasta osan ba buat mamuk,” afirma Jose Ramos Horta.

Nudar avo ida, tiun ida no belun diak ida, Horta husu ba parpol foun sira ne’ebe foin ejiste atu la bele halo moe an no hasai kosar saugati deit. “Diak liu tur ho Avo Nana (Xanana) no koalia ho Avo Mari Alkatiri para loke kampu servisu duke loke partidu politiku,” hateten Ramos Horta. nes

Jornal Nacional

RENDIMENTU POPULASAUN KADA LORON $1 BA LETEN, POSIBILIDADE REDUZ KIAK IHA TL

Diretor Ezekutivu Forum Organizasaun Não Govermentais Timor-Leste (FONGTIL), Arsenio Pereira da Silva informa, sé rendimentu populasaun Timor-Leste (TL) kada loron hetan $1.00 ba leten, iha posibilidade bele hamenus númeru kiak iha TL.

“Ha’u hanoin Governu hasai dadus dehan númeru kiak iha Timor Leste menus ne’e bazeia ba asesmentu ou peskiza ne’ebé hala’o husi Banku Mundial, maibé ha’u hanoin atu sukat redusaun kiak ne’e iha aspeitu barak ne’ebé que tenki sukat. Porezemplu haree husi pendapatan (rendimentu, red) ema nian, kualidade no kuantidade produsaun iha rai laran no mós ita nia dezempregu iha Timor Leste, tanba husi ne’e maka bele sai sasukat redusaun porsentu kiak iha Timor Leste, nune’e ha’u hanoin atu redus kiak iha Timor Leste ne’e povu ninia pendapatan tenki liu ona husi $1 por dia,” Arsenio Pereira da Silva ba JN-Diário iha ninia knaar fatin edifísiu FONGTIL Caicoli-Díli, Sesta (19/08/2016).

Nia esplika, tuir informasaun ne’ebé públika iha média katak númeru kiak iha TL ne’e tuun ona husi porsentu 40 resin ba porsentu 30 resin, nune’e sé dadus ida ne’e loos duni nu’udar sidadaun tenki louva Estadu TL.

“Tanba ne’e parte ida bele hatudu katak durante ita nia dezenvolvimentu no durante orsamentu Estadu ida ne’ebé que aloka ba iha Governu hodi dezenvolve rai ida ne’e no mós intensaun Governu atu halo redusaun pobreza ne’e ita bele atinji,” dehan Diretor Ezekutivu FONGTIL ne’e.

Nia esklarese katak, mezmu númeru kiak ne’e tuun ona husi porsentu 40 resin ba porsentu 30 resin, maibé Governu TL no parte kompetente tenki haree didi’ak no konfirma ho Banku Mundial atu nune’e bele hatene barometru saida maka sira uza peskiza identifikasaun númeru kiak iha TL ne’e.ves

Jornal Nacional

JSMP Propoin Komisaun Reforma Setor Justisa Altera Kodigu Penal ho Sivil

DILI - Judicial System Monitoring Programme(JSMP), fó hanoin ba Komisaun reforma setór justisa tenke altera artigu balun iha Lei inan konstitusan RDTL ho kódigu penál ho kódigu sivíl.

“JSMP fó hanoin  ba komisaun reforma judisiáriu, atu tau konsiderasaun, bainhira planu reforma judisiáriu tenke altera mós artigu balun iha lei inan konstitusaun RDTL, ba asuntu imunidade, kódigu penál ba asuntu krime insestu no kódigu sivíl ba artigu balun define lei kazamentu,”  Fó hanoin Diretór JSMP, Luis Sampaio bainhira dada-lia ho Diáriu ne’e iha nia nia knaar fatin, Kolmera, Kinta (17/08) liu-ba.

Tanba iha fulan novembru 2015, JSMP hasoru malu ona ho komisaun reforma, JSMP aprezenta submisaun hodi husu komisaun refere.

JSMP aprezenta submisaun ne’e objetivu atu dezenvolve matadalan ba interpretasaun ba asuntu imunidade no halo estudu no komparasaun, tanba durante ne’e, iha miss interpretasaun no miss konseitu ba asuntu imunidade.

Nune’e, iha artugu 113 alineia dahuluk kontitusaun RDTL dehan, iha ofisiál governu iha indikasaun involve iha krime ruma, nia modura penál (amesa pena) tinan rua ba leten, automatikamente nia imunidade tenke lakon, nune’e bele tuir prosesu julgamentu.

Maibe realidade iha pratikamente governante sira deskonfia komete krime,  ema hotu dehan tenke hasai imunidade. Sé loloos, la presiza hasai imunidade, tanba artigu ne’e 133 lei inan define klaru ona. Arguidu governante deskonfia tenke ba kumpri prosesu julgamentu.

JSMP husu ba komisaun reforma atu konsidera no deskute ho Parlamentu Nasionál hodi altera kódigu penál, nune’e bele inkorpora krime insestu ne’ebé (JSMP ) kestiona dala barak. Atu define espesifikamente kódigu penál kona-ba krime ida insestu.

Realidade durante ne’e, bele kondena ema sira komete krime insestu, maibé lei seidauk defini klaru.

Hosi JSMP nia observa krime  insestu nia natureza balun kompleksu tebes, presiza duni lei espesífiku hodi define.

“Bainhira krime insestu ne’e involve labarik, ne’ebé aman rasik ,tiun no avó rasik maka sai arguidu, hodi halo violasaun no abuzu seksuál ba sira nia oan, bei-oan no subriña rasik, bele kondena ho artigu 177, kódigu penál. Artigu ne’e ho nia karakter jerál hela. La inklui natureza espesífiku sira ne’ebé la involve iha krime sira insestu. Tan ne’e JSMP husu ba komisaun reforma justisa atu altera,”  Fó hanoin JSMP.

Iha okaziaun ne’e, JSMP enkoraza governu adopta lalais lei juvenil, maski realidade seidauk iha lei juvenil espesífiku hodi trata asuntu ba kazu insestu.

 Nune’e mós JSMP propoin, atu komisaun tau konsidera ba lei protesaun sivíl ne’ebé to’o agora sei esbosu hela ho lei kona-ba kazamentu define iha kódigu sivíl.

         

“Ami husu atu adopta lalais lei juvenil, mais realidade seidauk iha lei juvenil espesífiku hodi trata asuntu labarik sira hetan violasaun,. JSMP mós husu komisaun atu altera lei kódigu sivíl, sobre asuntu kazamentu ne’e tenke altera hamutuk ho lei kazamentu rejistu sivíl,  ne’ebé agora governu dezenvolve hela, nune’e hodi konsidera ema sira la’ós kritaun katólika, tanba lei ne’e rekoñese de’it Kristaun katólika, ba kazamentu monogami no kazamentu barlekadu inklui ezije tau konsiderasaun ba esbosu lei protesaun sasin,” sujere JSMP.

Responde ba preokupasaun ne’e, Ministru Justisa Ivo Valente esplika, oras ne’e  komisaun reforma halo ona konsultasaun ho institusaun estadu sira hodi harmonijza lei sira ne’e.

“Posibilidade lei sira sei mosu konfuszaun nokefakumen, komisaun reforma judisiáriu sei altera hotu, mais agora nia sira nia ekipa tékniku sei haree hela asuntu hirak ne’e,”  Responde  Ministru Ivo.

Ministériu Justisa, Ivo Valente informa, progresu ba servisu komisaun Reforma Judisiáriu ba oras ne’e daudaun iha faze, komisaun refere halo koordenasaun ho institusaun estadu sira.

Intensaun komisaun reforma judisiáriu halo koordenasaun ho institusaun estadu sira oinsá, atu bele hetan hanoin  foun ruma, sobre  lei sira, nune’e bainhira iha faze ne’ebé estabelese iha ita nia país ne’e.

“Tanba tuir komisaun reforma, institusaun sira nu’udar autoridade ne’ebé implementa lei, tan ne’e, posibilidade boot sira iha koñesementu sobre lei sira ne’ebé soke malu, no lei ne’ebé presiza harmonia no ne’ebé maka bele altera, tan ne’e tuir ha’u nia koñesementu progresu ba servisu komisaun reforma judisiáriu iha faze diskusaun ho institusaun estadu sira,” Ministru Justisa Ivo Valente informa ba jornalista sira iha Sentru Formasaun Jurídiku, Sesta (19/08).

Eis Prokuradór ne’e hatutan, hosi ierarkia ne’ebé iha, komisaun reforma judisiáriu iha Prezidente Konsellu Ministru nia okos,  Ministériu Justisa hanesan koordenadór.

Maibé nia dehan, konteúdu ba área ne’ebé atu komisaun reforma judisiáriu reforma iha oin,oin. Agora sira prepara hela, koordenasaun ho institusaun estadu sira, komisaun refere sei hala’o armonizasaun ba lei sira hosi ekipa tékniku sira aprezenta.

“Nia públikasaun ba progresu komisaun reforma judisiáriu depende ba ekipa sira ne’ebé komisaun tau fiar. Maibé hosi Ministériu Justisa nia akompañamentu, servisu komisaun refere la’o hela,” katak nia. (max)

Timor Post

ETO Promove Artista Timoroan Kompete iha Dangdut Akademi ASEAN 2

DILI - Relasiona ho Dangdut Akademi Asean 2 ne’ebé maka sai hanesan kompetisaun foun iha Timor Leste, ho ida ne’e Timor-oan ne’ebé mak iha talent di’ak ba kanta senti orgullu tanba bele kompete ho nasaun sira ne’ebé mak avansadu.

Timor oan na’in 19 ne’ebé maka tama iha finál Dangdut Akademi Asean 2 ne’e maka hanesan, Marcos de Araujo, Nurjainat Binti Ali Hosman, Abrão Freitas, Jery Kong, Auria Isaura Laura, Alexandra Auxiliadora, Luciano Mendonça, David Cesar Gusmão, Elly Soares, Basilio Julinho, Ventura Maia, Veni Armenia, Armando Soares, Maria Vitoria, Anita Almeida, Auxiliadora da Costa, Eduardo Hornai, Letigia Freitas no Ezequel de Jesus, aleinde ne’e juri ba kompetisaun refere maka hanesan, Linda Wibisono husi Indosiar no Timor-oan na’in 3, Manuel de Jesus, Didinho Marçal, José Manuel Freitas.

Tuir kontestane, David Gusmao de Oliveira senti kontenti tanba bele hetan oportunidade diak ida ne’e hodi hatudu talentu ne’ebé maka iha, I senti orgullu tebes tanba bele to’o mai iha fatin ida ne’e, aleinde ne’e sei esforsu-an tomak hodi bele to’o remata iha Jakarta, I bele hamorin rai Timor nia naran.

“Durante ne’e ha’u esforsu-an makas I mós hetan apoiu husi kolega sira, ida ne’e sai hanesan motivasaun mai ha’u atu nune’e bele hakat ba oin, aleinde ne’e ha’u nia Papa no Mama maka sempre fó forsa mai ha’u tanba ne’e ha’u fiar katak bele hakat tama to’o finál iha Jakarta,” kontestante David  dehan ba Jornalista sira bainhira remata kompetisaun refere iha Timor Plaza, Sábadu (20/8).

Agradese mós ba ETO nomós ekipa ne’ebé maka durante ne’e servisu hamutuk ho Timor oan sira.

Iha fatin hanesan kontestannte Auria Isaura Laura hatutan tan katak, senti kontenti no sai hanesan esperensia foun ida ba nia-an hodi bele dezenvolve diak liu tan talentu ne’ebé maka durante ne’e nia iha, kompetisaun ida ne’e mós foun ba joventude Timor tanba ida ne’e Dangdut, fiar katak kompetisaun ida ne’e sei la haree ba jéneru, maibé haree ba oinsá maka bele kualifika talenta ne’ebé maka iha.

“Ha’u fiar katak bele lori Timor nia naran ba iha nasaun seluk, liu husi Dangdut Akademi Asean 2 ne’e bele fó buat ne’ebé maka pozitivu atu nune’e nasaun seluk bele hatene katak, Timor mós iha artista ne’ebé maka kualidade, ha’u fiar katak, ema na’in 5 ne’ebé maka sei hili ne’e mesak diak hotu atu nune’e bele lori Timor nia naran ba oin, durante ne’e ema ne’ebé maka fó suporta mai ha’u husi família, kolega no espesial ha’u nia mama, fiar katak ba oin sei diak liu tan ida ne’e I buat hotu sei lao diak ba oin,” Auria haktuir.

Dezafiu ne’ebé maka durante ne’e haosru barak tebes, tanba kompetisaun ida ne’e foin primeira vez iha Timor, maibé koko halo adaptasaun ho diak ba kompetisaun ida ne’e, aleinde ne’e fahe tempu ne’ebé maka araska tebes ba eskola, servisu nomós aktividade kompetisaun ida ne’e, maibé ho esforsu-an atu nune’e buat hotu bele lao ho diak no la halo Juri laran triste.

Aleinde ne’e Diretór ETO, Edmundo Freitas relatan tan katak,  audisaun finál ba Akademi Asean 2, iha semana 3 liu ba ETO halo pra audiasaun 1 nomós 2, hodi hili kontestan na’in 19, ohin  (sabádu-red) loron ikus atu bele aprezenta ba Indosiar katak sé maka bele liu ba Jakarta, ohin (sabádu-red) Indosiar sei lori kontestan na’in 10 ba Jakarta I depois sei hili tan na’in 5 tama to’o finál.

“Bainhira ami hala’o reniaun ho Indosiar sira hatete katak, Timor gosta Dangdut ka lae, i sira mós husu lisensa ba ami atu halo kompetisaun dangdut akademi Asean 2 iha Timor, aleinde ne’e ha’u hatete ba sira katak, koko lai maka bele haree nia rezultadu, durante faze hirak ne’e ami halo kontratu ho Voice of Crocodile (VOC), sira maka loron-loron fó treinu vokal ba kontesta hirak ne’e, I ohin loron sira hatudu buat ne’ebé maka kapas tebes,”

Diretór ETO relata tan katak, orsamentu ne’ebé maka iha hetan suporta husi kompaña na’in 5 maka hanesan, Jus Furak Liu, Pross Beer, Gota, Global Net nomós Mato(fer)

Timor Post