ASDT Deklara Reforsa FRETILIN iha Eleisaun Antesipada

DÍLI, (TATOLI) - Associação Social Democrática Timor-Leste (ASDT) deside fó nia votus konfiansa ba Partidu Fretilín iha eleisaun antisipada, enkuantu ba eleisaun tinan ida ne’e ASDT la bele partisipa, tanba ne’e deside apoiu Fretilín, tanba ASDT uluk mak transforma sai Fretilín.

Koordenadór ASDT ida, José Martinho informa katak ASDT deklara apoiu FRETILIN tanba istorikamente FRETILIN transforma husi ASDT, nune’e iha identidade ne’ebé mak hanesan, tan ne’e hakarak apoiu FRETILIN.

“Fiar katak ho apoiu ASDT, FRETILIN sei kaer ukun,” espera José Martinho, iha rezidénsia Proklamadór Francisco Xavier do Amaral, Bidau-Lecidere, segunda ne’e.

Jose husu ba estrutura, militante, simpatizante ASDT iha territóriu Timor-Leste, husi rai ulun to’o rai ikun, inklui Oe-cusse, hamutuk vota ba númeru haat hodi fó vitória ba FRETILIN, tan tuir nia FRETILIN idéntiku mós hanesan ASDT.

Razaun ASDT deklara reforsa FRETILIN hodi manan Eleisaun Antisipada tanba ho FRETILIN mak sei akontese “konfesa no komunga”. Signifika Fretilín nia ukun mak sei kombate korrupsaun.

“Se mak han sentavu lima ba, prizaun Becora no seluk tan. Ho FRETILIN mak korrupsaun ne’e menus iha ita-nia rain. Se lae, osan ne’e debate barak iha Parlamentu, maibé ba fali rai li’ur povu sai nafatin vítima ba dezenvolvimentu. Tempu to’o ona, hakilar, sasán ne’ebé loos. Labele bosok malu tan kadeira,” salienta koordenadór José Martinho.

Sekretáriu Jerál Partidu FRETILIN, Mari Alkatiri hateten katak ASDT ho FRETILIN hamutuk sei implementa justisa. Katak, justisa ne’ebé sei kore povu husi mukit no ki’ak, justisa ida ne’ebé bele mai ho dezenvolvimentu ekonómiku ba iha ita-nia rain.

ASDT/FRETILIN hahú 1974 no 1975 proklama independénsia Repúblika Demokrátika Timor-Leste (RDTL) no prezidente rasik Francisco Xavier do Amaral, iha 28 novembru.

Fundadór RDTL barak mak mate ona fó aan ba luta ida ne’e, ikus mai proklamadór RDTL mós husik ita. Husik ita iha tempu ne’ebé ASDT sei presiza nafatin nia, ASDT, FRETILIN sei presiza nafatin nia.

Tanba ne’e iha tempu hirak ne’e, fundadór sira idaidak buka dalan idaidak hodi haburas demokrasia iha Timor-Leste.

Atu haburas demokrasia, idaidak, balun sai independente no iha partidu foun, maibé ikus fali mai haree katak ita fahe malu, ne’e erru ida. Nune’e, rai ne’e la ba oin.

Tanba ne’e agora FRETILIN dehan oras to’o ona. Labele hein tan. Timor-Leste labele hein tan ona. Oras to’o ona. Katak, oras to’o ona atu hadi’a sistema edukasaun, sistema saúde; edukasaun ho saúde ida di’ak liu hodi bele servi ita-nia povu rai ida ne’e.

Oras to’o ona atu hadi’a sistema bee moos, atu ita-nia povu kain ida bele simu bee idaidak iha nia uma ba sira-nia nesesidade rasik.

Oras to’o ona atu programa harii uma ba povu ba komunidade iha área rurál, iha área urbana mós. Oras to’o ona atu dezenvolve agrikultura, atu dezenvolve peska. Oras to’o ona atu hadi’a ita-nia ekonomia tomak.

Oras to’o ona atu hadi’a infra-estrutura tomak, labele kontinua de’it halo Estrada ohin, fulan tolu de’it tenke halo foun fali. Tenke hadi’a ho kualidade. “Buat sira ne’e hotu mak ita dehan oras to’o ona,” esplika sekretáriu Jerál Marí Alkatiri.

Nia reforsa, oras to’o ona atu Timor-Leste ne’e hateke ba oin, ho programa dezenvolvimentu ida loloos atu servi povu ida ne’e. Labele de’it ita hakbesik aan ba povu bainhira ita presiza povu nia votu.

“Ita tenke serbisu hamutuk ho povu lorloron, semana-semana, fulan-fulan, tinan-tinan, tinan ba tinan para hadi’a povu nia vida,” apela Marí Alkatiri.

Tanba ne’e, nia hateten katak, loron ne’e importante ba ita hotu, bainhira ASDT deside atu vota ba FRETILIN, katak ASDT ho FRETILIN ida de’it.

Nia mós relembra katak bainhira iha 2001, bainhira iha eleisaun ba Asembleia Konstituiante, ASDT ba hanesan partidu ida, FRETILIN ba hanesan partidu ida.

Bainhira FRETILIN manan iha eleisaun ida ne’e (2001) ho kadeira 55, ASDT ho kadeira neen, FRETILIN presiza tan na’in neen atu aprova konstituisaunm iha tempu ne’ebá duni, prezidente Francisco do Amaral hateten katak nia deputadu na’in neen ne’e FRETILIN nian.

“Ne’e hatudu katak iha tempu ne’ebé loloos ita sempre hamutuk, atu lori rai ida ne’e ba oin, ita sempre hamutuk. Ne’ebé, ha’u sempre dehan fó nafatin konfiansa mai ita,”

Marí akresenta, hanesan mós fundadór no sira seluk, enkuantu nia sei moris, buka atu hametin unidade nasionál.

“Ita buka demokrasia, estabilidade; lakohi tan violénsia ona ida ne’e. Ita buka atu hamutuk kaer ba ita-nia kultura, ita-nia tradisaun para hametin ita-nia ekonomia. Ne’e mak ita buka,” hateten Alkatiri.

Nia reforsa katak ita-nia lulik fó forsa nafatin mai ita, foho lulik, fatuk lulik, mota lulik sira sei fó nafatin forsa mai ita. Ita-nia matebian sira, eroi sira ne’ebé husik ita ona, fó nafatin forsa nafatin mai ita.

“Ho sira-nia forsa, ho sira-nia kbiit, 12 maiu, ita sei manan,” salienta sekretáriu Jerál FRETILIN, Marí Alkatiri.

“12 maiu vota ba FRETILIN hanesan vota ba referendum foun ida. Referendum hodi kore povu husi mukit, kore povu husi ki’ak,” nia konklui.

Jornalista: Rafy Belo | Editór: Manuel Pinto

Lider Balun Uza Demokrasia Hodi Ataka Malu

DILI, (TATOLI) - Eis Prezidente Partidu Fretilín, Abílio Araújo observa katak Kampaíña Eleitorál, iha Eleisaun Antisipada (EA) durante ne’e, lider partidu balun aproveita oportunidade hodi ataka malu de’it, duke ko’alia programa polítiku. Enkuantu lider hosi Partidu ne’ebé, fundadór Fretilín ne’e la temi nia naran.

“Ita haree katak iha tinan sanulu nia laran, ikus mai, demokrasia, partidu balun nia lideransa balun uza atu ataka malu. Nune’e ami sira (fundadór) tuur hamutuk hateten ba malu, ita labele simu atake, liafuan sira, sira seluk halo kontra ita,” Abílio Araújo, konta tuir iha rezidénsia proklamadór Francisco Xavier do Amaral, Bidau-Lecidere, foin lalais ne’e.

Abílio haktuir sira halibur malu iha FRETILIN (Frente Revolusionáriu de Timor-Leste Independente) halo kompromisu,  hodi aprezenta de’it programa iha kampaña no rejeita hodi halo no hatán insulta sira husi adversáriu polítiku sira.

“Ita ko’alia ita-nia programa, ita ko’alia buat sira ne’ebé ita hakarak halo no buat ne’ebé ita hatene no sente katak la loos, ita ko’alia. Ita ko’alia loos, ita ko’alia moos. Ida ne’e mak kampaña ne’ebé ita agora halo,” informa Abílio Araújo.

Iha 1983, FRETILIN deside ona katak kuandu Timor-Leste (TL) ukun rasik aan sei kria kondisaun atu harii sistema demokrátiku atu harii demokrasia iha ita-nia rain.

FRETILIN lakohi karik, ohin loron la iha partidu polítiku sira. Iha de’it mak ASDT/FRETILIN, partidu ida de’it, atu ukun ita-nia rain. Ne’e realidade.

Tanba ida ne’e duni, tuir nia, fundadór sira balun, antes ne’e ba iha partidu sira seluk, atu halo demokrasia ne’e moris, demokrasia ne’e forte.

Iha 2002, nia hasoru malu ho saudozu Proklamadór Francisco Xavier do Amaral, iha nia rezidénsia, Bidau-Lecidere, saudozu hateten katak saudozu kandidata aan ba prezidente repúblika, tan haree katak eis-lider rezisténsia Kay Rala Xanana Gusmão mesak mak aprezenta nia kandidatura.

Nune’e mós, mezmu nia hatene katak kandidatura ne’ebé forte hodi sai nu’udar xefe estadu iha tempu ne’ebá mak eis-lider rezisténsia Xanana Gusmão, maibé nia mós kandidata aan tanba hakarak haburas no fó signifikasaun ba demokrasia. Se lae, liafuan demokrasia ne’e la forte.

“Ne’e ezemplu ida, atu hatudu katak demokrasia ne’e ita mak harii, ita mak deside, ita mak kria lei, konstituisaun 2002 ita aprova ne’e, mak fó fatin ba hamosu sistema demokrátiku,” hateten fundadór Abílio Araújo.

Jornalista: Rafy Belo | Editór : Manuel Pinto

Imajen: Sekretariu Jeral Partidu Fretilin Mari Alkatiri akompanha husi Abilio Araujo wainhira halao kampanha Eleisaun Antisipada Parlamentar iha Distritu Aileu, Domingu 15 Abril 2018.FOTO TATOLI

Kampaíña EA Somotxo Rekoñese Iha Insulta, Maibé La Kria Instabilidade

DILI, (TATOLI) - Ministru Defeza no Seguransa, José Agostinho Sequeira Somotxo hato’o parabéns ba populasaun no lider partidu polítiku sira ne’ebé maski hato’o linguajen insultu iha kampaña maibé la kria instabilidade grave.

“Ba forsa armada no PNTL ne’ebé durante ne’e halo esforsu maka’as hodi asegura estabilidade nasionál durante kampaña, ha’u hato’o parabéns nó mós parabéns ba órgaun komunikasaun sosiál ne’ebé hatene tetu liafuan hodi la fó impaktu ba estabilidade nasionál,” nia dehan kestaun ne’e ba jornalista sira iha Palásiu Prezidente Nicolau Lobato, Bairru Pité, Dili, tersa ne’e, hafoin levanta pontu situasaun ba Xefe Estadu, Francisco Guterres Lú Olo.

Somotxo hatutan garante estabilidade nasionál la’ós to’o de’it última kampanha maibé tenke kontinua to’o eleisaun nomós hafoin eleisaun.

Iha biban ne’e, Somotxo informa, nia lakohi responde kle’an ba akuzasaun ne’ebé hasoru nia katak nia maka haruka joven sira sunu alfándega iha krize tinan 2006.

Nia haktuir katak akuzasaun ne’e falsu tanba tinan 2006 ne’e nia sei iha Portugal no nia to’o Timor iha tinan 2007.

“Ha’u hanoin katak argumentu ne’e falsu. Maibé, ha’u mós lakohi lori sira ba tribunál. Husik povu maka julga sira iha eleisaun mai ne’e,” nia tenik.

Jornalista: Xisto Freitas | Editór : Manuel Pinto

Imajen: Ministru Defeza no Seguransa, José Agostinho Sequeira Somotxo.

Fretilin lakohi komenta saida maka hanesan "provokasaun" hosi opozisaun AMP

Iha loron-segunda ne'e, sekretáriu-jeral Fretilin nian lakohi hatán ba saida maka nia konsidera hanesan "provokasaun" hosi koligasaun opozisaun nian, ne'ebé aponta ba iregularidade sira kona-ba preparasaun ba eleisaun antesipadu sira iha loron-sábadu iha Timor-Leste.

"Ha'u laiha komentáriu atu halo kona-ba akuzasaun sira ne'ebé laiha baze. Ha'u laiha tempu hodi halo resposta sira ne'e. Hatudu de'it katak sira la senti seguru, bainhira hakarak hetan problema sira ne'ebé la ezisti", Mari Alkatiri afirma iha konferénsia imprensa.

"Ami hein de'it. Iha órgaun kompotente sira hodi rezolve ilegalidade sira ne'e", nia hatete ba jornalista sira.

Durante kampaña ba lejislativu loron 12 Maiu ne'e, Aliansa Mudansa ba Progresu (AMP) - koligasaun ne'ebé lidera hosi Xanana Gusmão ne'ebé halibur forsa opozisaun tolu - halo beibeik "alerta sira" kona-ba saida maka sira hatete hanesan manipulasaun ba prosesu eleitoral.

Alerta foun liu maka kona-ba marka sira tinta nian ne'ebé maka iha boletin votu balun ne'ebé maka impresu no lori ona ba rejiaun Kovalima, iha zona osidental nasaun nian.

Iha nia pájina Internet, AMP sujete katak ne'e hanesan tentativa ida manipulasaun ba votu nian.

Mari Alkatiri lakohi halo mós komentáriu kona-ba relatu sira hosi alegadu atake sira ne'ebé halo hasoru militante sira AMP nian ne'ebé koligasaun hatete katak halo iha loron hirak ikus ne'e iha fatin rua iha leste nasaun nian.

"Ha'u la hatán ba provokasaun sira. Polísia investiga hela kazu sira. Bainhira iha violasaun ba lei sira, autoridade sira sei halo atuasuan", nia konsidera.

Mari Alkatiri ko'alia iha konferénsia imprensa iha sede hosi Komité Sentral hosi Frente Revolucionária do Timor-Leste Independente (Fretilin), iha Díli, bainhira hahú loron ikus sira kampaña nian ba eleisaun lejislativu antesipadu iha loron-sábadu.

Iha konferénsia imprensa partisipa mós José Ramos-Horta, atual ministru Estadu, ho Abílio Araújo, sira na'in rua hanesan fundador sira Fretilin nian.

José Ramos-Horta hatudu hakfodak tanba durante kampaña AMP halo publikasaun oioin iha rede sosial sira ne'ebé hamosu dúvida ba órgaun eleitoral sira, Komisaun Nasional Eleisaun (CNE) ho Sekretariadu Tékniku hosi Administrasaun Eleitoral (STAE) nian.

Ramos-Horta ne'ebé halo kampaña hamutuk ho Fretilin, rekorda katak komunidade internasional halo nafatin "elojiu ba CNE ho STAE" no nia konsidera katak krítika sira la'ós halo hosi líder importante sira koligasaun nian, Xanana Gusmão ho Taur Matan Ruak.

"Karik mai hosi grupu ki'ik ida ne'ebé halo serbisu hosi media ho relasaun públika AMP ne'ebé ladi'ak", nia afirma.

Mari Alkatiri afirma katak Fretilin mantén ona, durante kampaña, postura "pozitivu" ida, dedikadu hodi fó hatene ba eleitoradu kona-ba nia programa no hatete katak partidu haree ona ba nia pasadu no rekoñese asaun "pozitivu ho negativu" ne'ebé maka akontese ona.

"Ami lamenta katak partidu balun la ko'alia kona-ba programa no halo kampaña negativu ida, kampaña provokasaun ida", Mari Alkatiri hatutan.

SAPO TL ho Lusa

Observador sira: Kampaña hala'o lahó insidente boot sira

Partidu polítiku timoroan sira kontinua dedikadu iha kampaña pasífiku ida, maski "iha retóriku ne'ebé maka'as" hosi deklarasaun polítika sira, seidauk iha kesar sériu ne'ebé maka aprezenta iha órgaun eleitoral sira, haktuir hosi observador internasional sira hosi eleisaun lejislativu iha Timor-Leste.

Avaliasaun ne'e halo iha relatóriu semanal ida hosi ekipa observador sira hosi organizasaun norte-amerikanu International Republican Institute (IRI) ho USAID ne'ebé maka akompaña hela eleisaun lejislativu antesipadu iha Timor-Leste, marka ba loron-sábadu oinmai.

Relatóriu refere ba ambiente eleitoral iha semana ikus, ne'ebé maka Lusa iha asesu, subliña katak situasaun mantén "pasífiku" ho ema barak iha komísiu sira no iha asaun sira kampaña nian.

"Maski iha retóriku maka'as ne'ebé diriji ba rival sira, hatudu ona dedikasaun iha kampaña ordenadu ho pasífiku", refere hosi relatóriu.

"Haree hosi parte polítika, foku maka iha nafatin edukasaun, enerjia, ekonomia ho infraestrutura sira", subliña hosi dokumentu.

Hanesan ho asaun ne'ebé hala'o to'o agora, observador internasional sira destaka fali profisionalizmu hosi ekipa sira hosi órgaun eleitoral sira, Komisaun Nasional Eleisaun nian (CNE) ho Sekretariadu Tékniku hosi Administrasaun Eleitoral (STAE).

"órgaun sira hosi jestaun eleitoral nasaun nian kontinua vijilante no dedikadu, mantén nafatin imparsial iha nia observasaun ba atividade partidáriu sira no kontinua preparativu ba loron eleisaun nian", sira konsidera.

"To'o agora seidauk iha kesar sériu sira ne'ebé maka aprezenta iha organizmu ruma", sira hatutan mós.

ampaña hala'o nafatin lahó insidente boot, ho STAE no CNE divulga kuaze loron-loron informasaun maka'as kona-ba prosesu, inklui relatóriu kona-ba asaun sira kampaña nian hosi partidu sira.

Períudu hosi kampaña hotu iha loron-kuarta no sei iha loron rua reflesaun nian, ne'ebé ema timoroan barak maka sei halo viajen ba sira nia fatin resenseamentu.

Fatin votu sira loke iha loron-sábadu tuku 07:00 (tuku 23:00, loron-sesta, iha Lisboa) no taka iha tuku 15:00, no rezultadu dahuluk sira sei demora oras balun hodi hatene.

SAPO TL ho Lusa

AMP agradece maturidade de militantes durante campanha

Díli, 07 mai (Lusa) - A coligação da oposição em Timor-Leste agradeceu hoje a maturidade mostrada durante a campanha para as eleições legislativas de sábado pelos seus militantes e apoiantes, explicando que espera mobilizar 40 mil pessoas para o encerramento em Díli.

Responsáveis da Aliança de Mudança para o Progresso (AMP) - que reúne o Congresso Nacional da Reconstrução Timorense (CNRT), o Partido Libertação Popular (PLP) e o Kmanek Haburas Unidade Nacional Timor Oan (KHUNTO) - convocaram hoje uma conferência de imprensa na sede do CNRT em Díli.

Francisco Kalbuadi Lay, responsável da campanha da AMP, agradeceu aos militantes e simpatizantes do partido pela "maturidade política" que mostraram durante a campanha, que a AMP conclui na terça-feira com um grande comício em Tasi Tolo, na parte ocidental da capital timorense.

Os eleitores timorenses votam no sábado para eleger os 65 deputados do Parlamento Nacional.

O dirigente da AMP apelou aos militantes para que no seu último dia de campanha atuem com responsabilidade e respeito, cumprindo as leis de trânsito e evitando provocar outros militantes.

Explicando que a AMP conta mobilizar "40 mil pessoas" para o comício, Kalbuadi Lay disse que a coligação vai estabelecer três pontos de encontro em três zonas da capital onde a partir das 10:00 se devem começar a concentrar os militantes.

Na mesma conferência de imprensa, Demétrio de Carvalho, deputado do Partido Libertação Popular (PLP) e segundo vice-presidente da AMP, referiu-se a recentes incidentes em que colunas ou militantes da coligação foram atacados, na zona leste do país.

Em causa estão incidentes que ocorreram em Uatolari, quando uma coluna da AMP foi alegadamente atacada.

A AMP atribui responsabilidade pelo ataque, na sua página no Facebook, a militantes da Frente Revolucionária do Timor-Leste Independente (Fretilin), afirmando que se registaram 16 feridos.

Julio Hornay, comandante da Polícia Nacional de Timor-Leste (PNTL), desdramatizou o incidente, explicando que se tratou de "um grupo de crianças e jovens" que lançaram pedras, com fisgas, contra os militantes da AMP.

"As crianças atiraram com fisgas e acertaram em alguns militantes depois da campanha. A polícia interveio de imediato e acabou a coisa. Ficou tudo controlado", disse à Lusa.

Questionado sobre o facto de haver diferentes versões (da AMP e da polícia, por exemplo) sobre os incidentes e até sobre o número de vítimas, Carvalho disse apenas que "é lamentável" que tenha havido incidentes com "vítimas inocentes, incluindo uma criança de 4 anos".

"Usamos expressões fortes em resposta a ações brutais e inaceitáveis que não devem existir em estados de direito democrático", afirmou.

Kalbuadi Lay disse que é importante concluir as investigações policiais sobre o caso para saber exatamente quem é responsável pelos ataques.

"Mas é um facto que aconteceram estes incidentes. São incidentes que não podem ocorrer com partidos políticos e cidadãos. Não acusamos ninguém, mas houve um incidente e vítimas. Isso tem que ser investigado", afirmou.

Posição partilhada por Arão Noé, da comissão de jurisdição da AMP, que disse que Timor-Leste é uma "democracia onde se preserva a liberdade de escolha e o direito à liberdade de expressão, de circulação e de opinião".

"Condenamos esta ação de brutalidade sobre quem exercia o seu direito, manifestava a sua liberdade de escolha e de circulação", afirmou.

ASP // VM

Eleições: Governo fornece transporte para estudantes poderem votar

O Governo timorense preparou um plano operacional para ajudar estudantes que estão em universidades ou escolas em Díli a viajarem para os municípios onde estão recenseados a tempo de votar nas eleições legislativas antecipadas de sábado.

Foram preparadas 28 viaturas que vão deslocar-se na sexta-feira para praticamente todo o país, com saídas previstas de três pontos em Díli, segundo o plano operacional a que a Lusa teve acesso.

Além das viaturas, o Governo prevê igualmente o apoio a estudantes que tenham que viajar para Oecusse e que partirão na tarde de quinta-feira no navio Nakroma.

Quem tiver que viajar para a ilha de Ataúro, terá disponível o navio Laju Laju, que se deslocará na sexta-feira de manhã.

Na segunda-feira, o ministro da Administração Estatal, Valentim Ximenes, escreveu aos reitores do ensino superior e aos diretores do ensino secundário para dar a conhecer a iniciativa do Governo.

Na carta, Valentim Ximenes explicava que o Governo decidiu no início deste mês preparar transporte para ajudar estudantes recenseados a regressar aos seus locais de registo para poderem votar no sábado.

Assim, o Estado tem disponíveis transportes por terra para os municípios do país e por mar para a ilha de Ataúro e para o enclave de Oecusse-Ambeno.

Ainda que a lei permita alterar o registo eleitoral, muitos habitantes em Díli preferem não o fazer, continuando recenseados nos seus municípios de origem.

Por isso, e como normalmente acontece em atos eleitorais, o Governo concedeu tolerância de ponto a todos os funcionários públicos a 11 de maio.

A tolerância de ponto é de três dias - 10, 11 e 14 de maio - para o caso dos funcionários públicos que estejam recenseados na Região Administrativa Especial de Oecuse-Ambeno (RAEO).

Ao anunciar a decisão, o Governo pediu aos responsáveis dos estabelecimentos de ensino público e privado que promovam "equivalente dispensa do dever de assiduidade dos estudantes recenseados na RAEO que se encontrem a estudar fora daquela região", para que também possam votar.

O acesso à RAEO, por estrada ou por mar, é mais complexo que para outros locais do país, obrigando a um período mais longo de viagem.

Oito partidos e coligações concorrem às eleições legislativas antecipadas. Estão recenseados para votar 787.761 eleitores, mais 22.903 do que os que estavam habilitados a votar nas eleições legislativas de 22 de julho do ano passado, o que representa um aumento de cerca de 3%.

No que se refere aos centros de votação, a nível nacional vão ser instalados um total de 1.151 estações de voto divididas por 876 centros de votação que, por sua vez, vão ser instalados nos 452 sucos (equivalente a freguesias) do país.

Fora do país, haverá três centros de votação na Austrália - Darwin, Melbourne e Sydney -, um em Seul, na Coreia do Sul, dois em Portugal (Lisboa e Porto) e três no Reino Unido: Dungannon, Londres e Oxford.

A campanha termina a 09 de maio, seguindo-se dois dias de reflexão antes da votação, que decorre entre as 07:00 e as 15:00 de sábado, 12 de maio.

Lusa | em Diário de Notícias

Austrália com mais de 100 observadores nas legislativas

Díli, 08 mai (Lusa) - Mais de uma centena de australianos vão estar destacados como observadores nas eleições legislativas de sábado em Timor-Leste, entre eles funcionários da embaixada em Díli que se vão deslocar para vários pontos do país.

Em comunicado enviado à Lusa, a embaixada australiana em Díli explica que um total de 43 funcionários internacionais e nacionais estão acreditados como observadores e vão acompanhar a votação em cinco distritos: Bobonaro, Díli Lautem, Manufahi e Manatuto.

A este grupo somam-se cerca de 100 australianos que vieram integrados em vários grupos de observadores estabelecidos por organizações não-governamentais e grupos de Amizade Austrália-Timor-Leste.

Peter Roberts, embaixador australiano em Díli, considera que a elevada participação de australianos é "indicativa do interesse mais amplo da comunidade australiana pelos desenvolvimentos em Timor-Leste".

"Estou orgulhoso de que a embaixada australiana se junte às fileiras de aproximadamente 3000 observadores nacionais e internacionais da sociedade civil, academia e comunidade diplomática, testemunhando a democracia em ação", referiu o diplomata.

Roberts recorda que Timor-Leste foi elogiado pela comunidade internacional pela forma como conduziu no ano passado "eleições nacionais livres, justas e credíveis sem grande assistência internacional".

Oito partidos e coligações apresentam-se às urnas nas eleições legislativas de sábado que terão o maior número de eleitores recenseados da história de Timor-Leste.

ASP // ANC

Polísia Detein Ona Suspeitu Kazu Makadiki

DILI, (TATOLI) - Komandante Jerál Polísia Nasionál Timor-Leste (PNTL), Komisáriu Júlio da Costa Hornay hateten suspeitu hamutuk na’in lima polísia detein ona relasiona ba kazu tuda kanek militante Aliansa Mudansa ba Progresu (AMP) iha Makadiki, Uatulari, Munisípiu Viqueque, iha loron 5 Maiu, hafoin kampaña AMP iha Viqueque Vila.

Lider  másimu PNTL hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, Dili, tersa ne’e, hafoin relata pontu situasaun seguransa ba Prezidente Repúblika, Francisco Guterres Lú Olo.

Hornay esplika deskonfia militante hosi partidu FRETILIN maka halo asaun tuda militante AMP hirak ne’e.

Iha kazu ne’e, nia dehan, polísia la’ós kaptura de’it ema ne’ebé deskonfia suspeitu maibé kaptura mós vítima no sasin para bele presta deklarasaun kona-ba kronolojia hosi akontesimentu.

Nia tenik Polísia Eskuadra Postu Administrativu Uatulari maka atende hela kazu refere.

Kona-ba kazu tuda kanek aman no oan iha Lospalos, loron 6 Maiu, Komandante Jerál PNTL informa, polísia kaptura ona suspeitu hodi sulan iha sela Polísia Munisípiu Lautém hodi investiga.

Nia haktuir suspeitu ne’e hemu tua lanu depois tama ba iha uma laran hodi hakanek vítima sira.

Entretantu, nia dehan, vítima sira oras ne’e hala’o hela tratamentu saúde iha Ospitál Referral Baukau no vítima sira nia kondisaun hahú di’ak ona.

Iha biban ne’e, Komisáriu Júlio Hornay afirma polísia sei bandu militante partidu sira halo pawai hale’u sidade hafoin kampaña ramata, liu-liu kampaña ne’ebé halo iha kapitál Dili iha loron 8-9 Maiu.

Maneira ida ne’e, tuir Hornay, atu evita asidente tráfegu, insidente ka konfrontasaun fíziku entre militante partidu sira.

Nia mós kontinua apela ba populasaun no militante partidu polítiku sira atu mantein pás no estabilidade durante kampaña ne’e la’o.

Jornalista: Xisto Freitas | Editór: Manuel Pinto

Imajen: Komandante PNTL, Komisáriu Júlio Hornay, fó intervista ba jornalista sira iha edifísiu PJR Kolmera, ohin. Foto Tatoli/Egas Cristovão

CAPS Aprova Propostas Subsidiu Individuais Estudantes

DILI, (TATOLI) - Comitê de Avaliação Propostas e Subsidios (CAPS), Fundo de Desenvolvimento do Capital Humano (FDCH) halo diskusaun hodi halo pareser aprovasaun ba propostas subsidius  individuais hamutuk 13 ne’ebé timoroan sira hatama hodi husu apoiu finanseiru ba sira nia estudu.

Secretário Executivo do FDCH, Isménio Martins da Silva nu’udar Prezidente ba CAPS ho ninia membru sira mai hosi koordenadór sira iha gabinete FDCH nian hanesan Gabinete de Gestão e Sistema de Informação GAGESI, Henrique do Rosário, koordenadora Gabinete da Administração,  Finanças e Recursos Humanos Internos GAFRHI,  Leila Carceres,  koordenadór Gabinete do Plano Pesquisa, Fiscalização e Verficação GAPPEFIV, Filomeno dos Santos Lay, Koordenadór Gabinete  dos Servicos dos Pagamentos  GASEPA, Aderito Soares no koordenadór Gabinete do Aprovisionamento e Logistica GAPLO, Eugebio  Bareto.

Durante fulan Janeiru to’o Abril proposta individuais ne’ebé ekipa hosi GAFRHI submete ba CAPS hamutuk 24 hosi proposta ne’e konsege halo aprovasaun ba proposta 13 tanba tuir duni kritéria ne’ebé FDCH iha, enkuantu proposta hitu (7) pendente no ekipa hosi FDCH kontinua buka tan informasaun adisional hodi kontinua husu ba proponente sira atu atualiza mós sira nia notas, entretantu proposta haat (4) rejeita tanba dokumentus la kompletu no valor ikus la tuir kritéria ne’ebé termina nune’e mós proponente balun la aneksa  valor estudu nian.

“Nu’udar prezidente CAPS anunsia proposta ne’ebé aprovadu hamutuk sanulu resin tolu (13), rejeita haat (4) no pendente hitu (7), nune’e iha faze tuir mai tenke haree liu ba areas importantes hosi estudu proponente sira nian no sira nia valor,” hatete prezidente CAPS, Isménio Martins da Silva iha salaun knowledge Center FDCH, loron 3/5/2018.

Rekezitus ka kritéria ne’ebé iha mak sei haree liu ba areas estudu ne’ebé importante no area estudu haktuir prioridade Planu Estratejiku Dezenvolvimentu Nasional (PEDN, nune’e mós  valor estudu  ne’ebé di’ak hanesan proponente finalista ida atu hatama proposta atu husu apoiu tenke ho valor ikus ho másimu 2.75 se hala’o estudu iha area Ciênsia Naturais, enkuantu valor 3.00 ba proponente ne’ebé hala’o ninia estudu iha area Ciênsia Sociais.

Kriteria jerais atu aplika ba subsidiu individuais tenki kompleta dokumentus hotu-hotu ne’ebé fó sai hosi Sekretariadu Tékniku FDCH. Apoiu subsidiu ne’e sei fó dala ida de’it ba estudante ida dala ida wainhira hetan rekomendasaun hosi Comité Avaliasaun Proposta Subsídios (CAPS) hodi elabora no hato’o pareser ba CA-FDCH haktuir Artigu 11o ponto 3oiha Diploma Ministerial no 11/2011, 13 de Abril. Kompozisaun ba CAPS husi Secretário Executivo do FDCH ne’ebé  prezidi, membrus mak Koordenadores iha Sekretariadu Tékniku FDCH nian, hanesan: GAPPEFIV, GARHI, GASEPA, GAPLO no GAGESI.

Kritérius jerais atu avalia ba propostas subsidíus individuais no subsidíus finalistas, mak hanesan;

Proposta subsidíus tenki dirije ba CA-FDCH ka Presidente CA-FDCH hodi esplika nesesidade estudu no difikuldade finanseira ne’ebé  estudante ida hasoru. Maibe bele mos dirije diretamente ba Secretário Executivo do FDCH wainhira iha delegasaun kompetênsias hosi CA-FDCH ka Presidente do CA-FDCH ka Ministro tuteladu.

Entretantu  Dokumentus ne’ebé  presiza atu anexa mak hanesan;  ida) Karta Pedidu ka rekerimentu dirige ba Prezidente CA-FDCH ka Secretário Executivo do FDCH nian wainhira hetan delegasaun, Detallu tabela proposta ne’ebé kobre ba kustu estudu, Rua) Karta komprovativu sei ativu iha eskola ka hanesan estudante finalista. Tolu) Notas ka valores escola nian ka transcript husi hahú escola to’o final, pelu-menus notas semestre ikus nian. Haat) Kopía Kartaun Estudantes (ID Card/ Kartu Mahasiswa). Lima) Kopía Kartaun Billete Identidade, ba proposta iha rai-laran ka Kopía Passaporte ba estudante iha rai-liur. Neen) Kopía Konta Bankária ho número Swift Code/ IBAN no assina iha leten.

“Maibe, se wainhira hetan rekomendasaun no aprovasaun direitamente husi CA-FDCH ka Presidente do CA-FDCH, pedidu ne’e sei prosessa iha Secretariado FDCH ho rekizitus pagamentus ne’ebé iha, inkluindu halo kontratu ba bolsa parsial nian, haktuir iha Diploma Ministerial no 09/2011, 13 de Abril, iha Ponto 3º, Artigu 11o, ne’ebé koalia: “No caso de pedidos individuais de apoio por cidadãos Timorenses, compete ao Secretariado a coordenação da selecção por mérito e submissão dos mesmos ao Conselho de Administração.” Haktuir Secretário Executivo FDCH.

Programa ne’e, bele mós aplika, wainhira iha parseria entre estadu RDTL ho Instituisaun ruma ne’ebé fornese Bolsas metade ka Inan-Aman sira ne’ebé selu rasik sira nian oan, tantu atu kobre Propinas ka Kustu de Vida ka orsamentu ruma ne’ebé hetan konkordansia atu fahe ka partilha rekursu entre Instituisaun 2 husi Estadu RDTL ho parseiru ruma interna ka externa (rai-liur).

Prosesu selesaun ba proposta sira ne’e halo atu garante transparénsia no responsabilidade ba sistema subsídiu ne’ebé FDCH atu fó ba timoroan sira bazeia ba Dekretu Lei No 12/2011 artigu 2 kona-ba objetivu estabelesimentu FDCH.

Entretantu molok proposta sira ne’e to’o iha CAPS atu halo selesaun, ekipa FDCH halo ona verifikasaun bazeia ba proponentes nia dokumentus. Verifikasaun ne’e hala’o liuhosi entrevista no halo konfirmasaun ho universidade sira ne’ebé proponente sira hala’o sira nia estudu ba.

Atu halo aprovasaun ba proposta ne’ebé hatama mai sei haree mós ba baze de dadus ne’ebé FDCH iha hodi identifika proponente ne’e hetan ona apoiu ka seidauk tanba apoiu ne’ebé atu fó sei fó dala ida de’it.

(Media FDCH)

Imajen: Comitê de Avaliação Propostas e Subsidios (CAPS), Fundo de Desenvolvimento do Capital Humano (FDCH) halo diskusaun hodi halo pareser aprovasaun ba propostas subsidius individuais hamutuk 13 ne’ebé timoroan sira hatama hodi husu apoiu finanseiru.